Ka Nupepa Kuokoa, Volume XVIII, Number 1, 4 January 1879 — Na kekahi mau Loio Hou. [ARTICLE]

Na kekahi mau Loio Hou.

1 ka Mea Kakau Kanawai o ka Nupepa Kuokoa, Aloha oe :— Ua ike au i na ninau Kanawai ma ka pepa o ka la 7 o Dec. IS7S Helu 49 aoao elua, e pili ana i na loio hou. Ninau ekahi, pehea la e loaa ai i ka Aha Kiekie ka mana e hooholo ai, ua pono ole kekahi hookolokolo ana ; a e kauoha e hookolokolo hou ia kela hihiu ? Haina. Ua loaa mua no i ka Aha Kiekie ka Mana, e hooholo ua pono ole kekahi hookolokolo ana, a he mana kona e hiki ke kauoha, e hookoiokolo hou ia kekahi hihia. E like me ka pauku 824 o ke Kanawai Kivila. Eia hou. ina ua hooholoia ka olelo hooholo no kekahi hihia i hookolokoloia, a ua ae ia na kumu hookolokolo, alaila, he /nana i na Lunakanawai a pau o ka Aha Kiekie ke hoopau i l:a olelo hooholo mua, e like me ka pauku 839. K. K. Eia hou. Aia i ka Aha Kiekie ka mana hookolokolo o ke aupuni, e like »ne ka pauku 817 K. K. Ninau eiua. Aole anei i kue keia hana ana i ka pauku 5? Haina. Aole i kue ka hana a ka Aha Kiekie ī keia pauku, no ka mea,aia no ka inana a pau iloko oia Aha. He mana kona e hoole a hoopau i na ua kue kekahi Kanawai i kau ia i ka pono o na makauinana, a ua kue pu i ke Kumukanawai a me ka maluhia o keia aupum. Keia na haina n ko'u manao i koho ai. Owau no o H. N. Kahulu. E keKuoKoA; Ua maikai no keia, eia nae aole i pau loa mai na kumu i ka wehewehe. Kanawai. I ka Mea Kakau Kanawai o ka Nupepa Kuokoa, Aloha ōe ■:— Ma ka pepa o ka la 14 o Dek. Helu 50, aoao elua, e pili ana i na Loio Hou, i hoakaka ia penei : Ina he kanaka aihue, a mamua o kona hele ana i ka aihue, ua kuka oia me A, ua aelike o A me ka mea aihue, ina i aihueia ka waiwai e mahele i ka waiwai; a i ka hele ana e aihue, halawai oia me E, a hoonoho oia la E mawaho e kiai, oiai oia e aihue ana, a i ka pau ana o kona aihue ana, hele oia ma ka hale o l, hai aku iaia i kana mau rnea i hana ai, a lawe o I i ka waiwai, a hoolilo aku no ke dala a mahele hie ka aihue. Heaha la ka hewa o A me E a me I pakahi ? Haina. Ua like ka hewa o A me E, he kokua hewa mamua o ka hana hewa ana. No ka mea, ua hui pu lakou e kuka e hana i ka aihue mamua o ka aihue maoli ana. No 1 hoi, ua plli iaia ka hewa he lawe i ka waiwai aihue ia. No ka mea, ua iona ka waiwai ma ka lima o ka aihue a haawi aku ia I, a lawe o 1 ia waiwai ma kona lima. Nihau Elun. Ma na Kanawai hea la e hoopii ia ai lakou pakahi ? Haina. E hoopii ia A me E ma ka mokuna 5, Pauku 3 o ke Kanawai Hoopai Ka* raima, a me ka inokuna J6, Pauku kahi i hoopii ia ai a hoopai ia ka mea i hana maoli i ka hewa a laua i kokua ai. No I hoi. E hoopii ia I ma ka mokuna 20, Pauku 3, Kanawai Hoopai Karaima, a me ka Pauku 2 o ka Hoololi Mokuna 21:5 K. H. K. i aponoia ma ka la 23 o lune, j 1868, malaila ua hoakaka ia ka hoopai n ka mea lawe i ka waiwai aihue. Aole hoi i nana ia ka hewa a me ka hewa ole o ka aihue ponoi. Ma keia mau ninau, hookahi mea maopopo, ua pili iike ia lakou ka hewa aihue. Ke lana nei ko'u manao,

aia i ko'u mau hoa Loio hou na haina ioi ae i keia. Owau no H. N. Kahulu. £ke Kuokoa ; Aole i pololei keia no ka hewa o E. Kanawai. I Ka Mea Kakau Kanawai ma ka NI'PEPa Kuokoa, Aloha oe:— Ua halawai mai nei ene a r u kekahi mau Ninau pili Kanawai, nolaila. ke hoike aku nei au i ko'u manao ma keia mea. Penei na hoakaka »na. Ina he kanaka aihue, a mamua o kona hele ana i ka aihue, ua kuka oia me A. a ua aelike o A. me ka mea aihue, ina e aihue i ka waiwai e mahele i ka waiwai, a i ka hele ana e aihue ; halawai oia me E. a hoonoho oia ia E. mawaho o ka hnle e kiai, oiai oia e aihue ana, a i ka pau ana o kona aihue ana, hele oia ma ka hale 01. a hai aku iaia i kana mau mea i hana ai, a lawe o I. i ka waiwai a hoalilo 'ku no ke dala, a mahele me ka mea aihue. A eia na Ninau a me na haina. Akahi—Heaha la ka hewa o A. me E. a me I. pakahi ? Haina—E hoopii mua i ke kanaka nana i aihue ka waiwai no ka hewa aihue, a ahewa la oia, nlaila, e hoopii ia A. a me E. no ka hewa kokua i ka hana hewa aihue maka hana hewa ana, a e hoopii hoi ia I. no ka hewa, no ka lawe ana i ka waiwai aihue. Alua —Ma na Kanuwai hea la e hoopii pakahi ia'i lakou ? E hoopii ia ka mea nana i aihue ka waiwai, ma ka Mokuna XV r I o na Kanawai Hoopai Karaima, alaila, e hoopii la o A a me E. ina ka Mokuna V o na Kanawai Hoj opai Karaima, a rne ka Mokuua XT r i pu no | hoi, a e hoopii hoi ia I. ma ka Mokuna XX i Kanawai Hoopai Karaima, i hoopoaopono ! hou ia. Ke lana nei ka manr»o o kau kauwa e loaa no mai ka makua mai na hooponopono maikai loa ana. Me ka mahalo. Owau no A. Kaulia. Kou haahaa. Eke Kuokoa ; Aole i pololei keia wehewehe ana no ka hewa o E. Kanawai.