Ka Nupepa Kuokoa, Volume XVII, Number 52, 28 Kekemapa 1878 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUIIA.

No ka Makahiki, $2. Eono Mahina, $1

Dala Kuike ka Rula.

DEKEMABA 28, 1878.

 

NEVER SIN AGAIN.

Colonial Singer, No. 128, p. 109.

1

Aole maanei kuu hoomaha,

            Aia ia ma ke ao.

A ke naue au ilaila,

            I kuu home oia mau.

Cho. Aole no, ole no,

            Ole au e luhi hou la,

            Ole no, ole no,

            Ole au e hewa hou.

2

Lama ia, nani wale,

            La po ole, ao mau no.

Pau ka hewa, ka poino;

            Mau ka pono, mau a mau.

Cho. Ole no, &c.

3

Aia no ke kahuhipa,

            Iesu nana e hanai,

Ma na kula uliuli,

            A e hoohauoli mai.

Cho. Ole no, &c.

4

Ane hala keia home,

            Kahi o na eha e,

A e komo i ka maha,

            A pau ae na luhi nei.

Cho. Ole no, &c.

            HAWAII.

 

Haawina Kula Sabati.

HELU 2. SABATI IAN. 12, 1878.

KUMUHANA.

Ka hoolaa ana i ka luakini. Pauku Baibala.

Ezera 6; 14-22.

            14 A hana aku la na luna kahiko o na Iudaio, a ua pomaikai lakou ma ka wanana a Hagai ke kaula, a me Zakaria ke keiki a Ido. A hana lakou, a hoopaa hoi, e like me ke kauoha a ke Akua o ka Iseraela, a e e like hoi me ke kauoha a Kuro, a me Dariu, a me Aretasaseta, ke alii o Peresia.

            15 A ua hoopaa ia keia hale i ke kolu o ka la o ka malama Adara, oia ke ono o ka makahiki a Dariu ke alii i noho alii ai.

            16 ¶ A o na mamo a Iseraela, na kahuna, a me na Levi, a me na mea i koe o ka poe i pio, hoala aku la lakou i keia hale o ke Akua me ka olioli.

            17 A kaumaha aku la no ka hoolaa ana i keia hale a ke Akua, i hookahi haneri bipikane, i elua haneri hipakane, a i eha haneri keikihipa; a i umikumamalua na kaokane i mohaihala no ka Iseraela a pau, e like me na ohana o ka Iesraela.

            18 A hoonoho iho la lakou i na kahuna ma ko lakou mau papa, a me na Levi ma ko lakou mau papa, no ka oihana o ke Akua ma Ierusalema; e like me ke kauoha ma ka buke a Mose.

            19 A malama aku la ka poe i pio i ka moliaola, i ka la umikumamaha o ka malama mua.

            20 No ka mea, ua huikala pua ia na kahuna, a me na Levi, a ua maemae lakou a pau, a kalua aku la lakou i ka moliaola, no ka poe i pio a pau, a no ko lakou poe hoahanau na kahuna, a no lakou iho.

            21 A ai iho la na mamo a Iseraela, ka poe i hoi mai, mai ke pio ana mai, a me ka poe a pau i hookaawale ia lakou iho mai ka mea haumia o na lahuikanaka o ka aina, e imi ia Iehova ke Akua o ka Iseraela;

            22 A malama lakou i ka ahaaina berena hu ole i na la ehiku me ka olioli: no ka mea, o Iehova ka i hoohauoli mai ia lakou, a hoohuli mai i ka naau o ke Alii o Asuria ia lakou, e hooikaika i ko lakou lima i ka hana ana i ka hale o ke Akua, ke Akua o ka Iseraela.

            Pauku Gula. "E oi auanei ka nani o keia hale hope imua o ko ka mua, wahi a Iehova o na kaua; a me keia wahi hoi e haawi aku no au i ka maluhia." Hag. 2; 9.

            Mele. Him. 403. p. 1, 2.

            Pule i piha ka luakini i ka poe i hoomana.

Ka Wehewehe a Ninau ana.

            Ua hookumu ia ka luakini hou me ka manao o na Iudaio e hana koke no a paa.

            Ua ala mai nae na enemi a keakea i ke kukulu ana. Nana 4; 1—24. Ko Samaria poe keia mau enemi. No Asuria mai na kupuna. A he poe Iseraela kekahi i hui pu a hoomana ia Iehova, a me na akua kii no hoi. Aole paha lakou he enemi mamua. Aka, no ka hoole ana o na Iudaio, i ko lakou noi ana e hui pu a kukulu pu i ka luakini, nolaila paha ko lakou enemi.

            Ma ko lakou hoopii ana i na lii o Peresia, me na kumu hoopii wahahee, ua hooki na lii i ka hana ma ka luakini.

            Ma ka paipai ana nae o na kaula o Hagai me Zekaria, ua hana no na Iudaio ma ka luakini. Ke ala hou no ia o na enemi, a hoopii hou i na lii ma Peresia, a kauoha i ke lii, ia Dariu, e huli i ka buke aupuni, i akaka ka ae ka ae ole o Kuro ke lii mua e kukulu na Iudaio i ka hale o Iehova ma Ierusalema. Ma ka lakou olelo, ua ae no Kuro, a ua kauoha hoi ia lakou, e hoi a kukulu ia hale. Ka huli no ia o Dariu i ka buke aupuni. Aia hoi, ua loaa no ia kauoha a Kuro. A kauoha koke Dariu i na enemi e hooki i ke keakea ana i ka hana ma ka luakini, e kokua no ma na mea e pono ai. Ka pau no ia o ke keakea ana. Nana 5; 1—17. 6; 1—13.

            P. 14. Ua oki ka hana ma ka luakini no kekahi mau makahiki ehia la? Pohihihi no ka loihi no ka like ole o ka manao o ka poe imi. Aka, aia no ka haina mawaena o ke kolu me ka 16 mak. He mea uuku nae ia. I ka pau ana o na mea keakea ma ka paipai hou ana o na kaula, ala no na Iudaio a hana i ka hale. Nana. Hag. 1; 1—8, 12—15. Owai na lii i paipai no ka hana? Aloha no na lii. Pono i na lii ke kokua i ke kukulu ana i na luakini no Iehova. No keaha?

            P. 15. Adara, ka malama 12 ia, ko kakou Maraki paha ia. Ma ka la ehia o ka malama, a ma ka mak. ehia o Dariu ka paa ana o ka luakini? Ka mak. 535. B C ka hoomaka ana; ka mak. 515 B C ka paa ana ua like ia me 20 mak. Aole nae i like ka manao o ka poe imi. Ka luakini o Solomona, paa ia iloko o na makahiki ehia?

            P. 16—18. Ka hoolaa ana. Owai ka poe i hoolaa? Hoolaa me ke aha? Ehia mak. i noho ai lakou me ka luakini ole? 90 paha. Hoomana lakou maloko o ke aha ia manaw? Ua manao, ia ka manawa ia i kukulu ia'i na hale halawai na Sanegoga ma Babulona, a ma na wahi e ae. Malaila ka hoomana ana o na pio Iudaio, me na mohai ole no nae. Heaha ka hale o Iehova ma Kin. 28; 27? Heaha kekahi mau luakini?

            Na mea i kaumaha ia, ehia pipikane? Ehia hipakane? Ehia keikihipa? Ehia kaokane? I aha? Ehia ohana o ka Iseraela? Na papa aha ka i hoonoho ia? E like me keaha; 1 Oih Lii 24; 1. 23; 6. Na helu. 3; 6. 8; 9. Pehea na mohai &c ma ka hoolaa ana i ka luakini o Solomona? 1NaLii 8; 63. 2 OihLii. 7; 5.

            P. 19—22 Ka Moliaola. Ehia mak. i noho ai na pio Iudaio me ka malama ole i ka ahaaina moliaola? No keaha ka hiki ole e malama ia ahaaina ma Babulona? A hoi mai lakou i Ierusalema ehia mak. i hala a kukulu ia keia moliaola? Ma ka la ehia? malama ehia? Puk. 12; 6. Ua aha pu ia na kahuna na Levi? A kalua i ke aha? Nowai hoi? Owai ka poe i ai? Me ka poe i hookaawale i keaha? Heaha ka haumia o na lahui kanaka e? I ehia la i ahaaina ai? Puk. 12; 15, 13; 6. A ua aha o Iehova ia lakou, a i ka naau o ke lii? Owai ia alii?

            Mele. Him. 404, p. 1, 2, 3.

Na Ninau Hoi Hope.

            Mahope o ka hookumu ana i ka luakini owai na enemi i ala a keakea mai? Nohea lakou? No keaha ko lakou enemi ana? Pono anei ke hui pu ka poe hoomanakii me ka poe hoomana ia Iehova ma ka hana ana i ko ke Akua hale? Aole anei i huhu kekahi poe hewa ke ae ole e hui pu ia me ka poe pono maloko o ka ekalesia? Hai mai. 2 Kor. 6; 14—16. Owai na lii i hooki i ka hana ma ka luakini? Owai na kaula i paipai e homau i ka hana? Owai ke lii e kauoha e hoomaka hou i ka hana, a kau ka hoopai nui ke keakea mai kekahi?

            Ma keaha i hoopaa ia'i ka hale? Hai mai i ke ano o ka hoolaa ana, ka mak. ehia o Dariu, ka malama, ka la? na mohai. Ka moliaola, heaha ia? Ehia makahiki ka waiho wale ana? No keaha? Ehia la i ahaaina ai? No keaha? Kowai naau a ke akua i hoohuli ai e kokua i na Iudaio? Ehia la Dariu? Dariu hea keia? Aia ka naau o na lii mahea? E pule kakou pehea no na lii?

            Keia luakini hou, pehea kona nui ke hana ia e like me ke kauoha a Kuro? 6; 3. Ua oi aku anei ia, ua emi iho paha i ko ka hale mua? E huli i maopopo. Ua hana anei pela na Iudaio? Heaha ka pauku gula? Ua hooko ia anei ka wanana a Hagai? Ma keaha ka oi ana o ka nani o keia hale elua i ko ka hale mua? E noonoo nui i loaa. Ehia makahiki i ku ai ka hale mua? No keaha ka hoopau ia'na? Ehia makahiki i ku ai keia hale elua? Nawai i hoopau i ka hale mua? Nawai i hoopau i ka hale elua? No keaha? He wanana anei no ka hoopau ia'na? Ai mahea i kakau ia'i? Heaha ka luakini paa mau loa? Nowai ia luakini?

            Mele. Him. 407. p 1, 2, 3.

            Pule i makaukau no ka luakini maluna.

            Haawina no Ian. 19, Neh. 2; 1—8.

 

Moolelo o ka Ahahui Lunakahiko o na Mokupuni o Maui.

            Halawai ka Ahahui Lunakahiko o na Mokupuni o Maui ma ka luakini o Kaahumanu ma Wailuku Maui. Ma Nov. 8, 1878, hora 10, kohoia o Rev. Kauwe i Lunahoomalu, Kakauolelo mau. Hoomaka na hana ma ka Himeni 357, a me ka pule a ka Lunahoomalu.

            Eia na Kahu a me na Lunakahiko i hiki mai.

Ekalesia. Kahu. Lunakahiko.

Haiku, S. Kamakahiki, Paele.

Huelo, " "

Keanae, " "

Hana " Kanakaole.

Kipahulu & Kaupo, D. Puhi, "

Honuaula, S. K. Kauwe, Simeona.

Waikapu, " Naonohielua.

Wailuku, W. P. Kahale, Malailua.

Waihee, O. Nawahine, J. S. Lono.

Honokohau, " "

Kaanapali, " "

Lahaina, A. Pali, "

Lahainaluna, " "

Lanai, " "

Olowalu, " "

Kaluaaha, " "

Halawa, " "

Pelekunu & Wailau, " "

            Siloama. A me na lala mau W. P. Alexander, J. M. Alexander, J. M. Kealoha,

Lilo o Binamu i hoa kuka. Kohoia o W. P. Kahale A. Pali H. Binamu i komite imi Kumuhana. A ia D. Puhi, J. M. Kealoha i komite imi Haawina.

            Hoike a ke komite imi Kumuhana. 1 Ka hapalua hora haipule, i ka mua o ka halawai. 2 Na hoike o na kihapai. 3 Na kumumanao. 4 Na palapala hoopii. 5 Na hoike a na komite, i kohoia ma ka halawai i hala. 6. Na ekalesia Kahu ole. 7 Ka hoohui ana i na ekalesia. 8 Ke Kula Kahunapule. 9 No ka awa. 10 Ke ala o na Kahu. 11 Na paahana no na hana kuwaho. 12 Na mea hou mai Maikonisia mai. 13 Ke kokua ana i hale no ke Kula Kahunapule,

            W. P. Kahale

            A. Pali } Komite.

            H. Binamu,

            Noi mai o W. P. Alexander e hoolohe keia Aha i ke aloha mai o Mr. Hyde i keia Aha. A pela pu mai o W. P. Kahale, e noi mai ana, e hoolohe pu i ke aloha mai o J. B. Hanaike, mai Lihue mai. Aponoia. Noi ia mai na W. P. Alexander, e hai aku i ke aloha o keia Aha iaia. A na W. P. Kahale e pane aloha aku ia Hanaike, hooholoia.

            Lawelawe ka Aha i ke kumuhana 2. Hoike kihapai. Na Rev. Kauwe i hoike no ka ekalesia o Honuaula. Na Alexander i hoike mai no Waikapu. Na A. Pali i hoike no Lahaina. Na ke Kakauolelo i hoike mai no Halawa, Kaluaaha, a me Kaanapali. Na S. Kamakahiki i hoike mai no ka ekalesia o Haiku, Huelo, Keanae. Na Kanakaole i hoike mai no ka ekalesia o Hana. Na D. Puhi i hoike mai no Kipahulu, Kaupo. Na O. Nawahine i hoike mai no Waihee. Na W. P. Kahale i hoike mai no Wailuku. Na ke kakauolelo i hoike mai no Siloama.

            Kumuhana 3. Na Kumumanao. Noi mai o J. M. Kealoha, e hoopau i ka manao nui ana i na kumumanao iloko o ka buke moolelo, aka, aia no na kumumanao i ke komite oia hana: Hooholoia.

            Kumuhana 4. Na palapala hoopii. Heluhelu mai ke kakauolelo i ka palapala kahea a ka ekalesia o Siloama ia J. Hanaloa i Kahu no lakou. Noi mai o W. P. Alexander, e haawi ma ka lima o kekahi komite, oia A. Pali, O. Nawahine: Hooholoia.

            Kumumanao 5. Na hoike komite o ka Aha i hala.

            Hoike no na dala a na ekalesia, malalo o ka Ahahui Lunakahiko o na mokupuni o Maui, i kokua i ka halepule o Kalaupapa, Molokai, elike me ka olelo hooholo a ka Aha i ka la 13, o Mei 1878.

Na dala i loaa mai.

Mei 20, na Ielemia Lunakahiko mai Haiku

$15.00

" 22, " Mrs. Hana Akana, no Wailuku

2.00

" 25, " D. Puhi, no Kipahulu, 6.12

Ian. 5, " O. Nawahine, Waihee, 18.00

            Huina $41.12

            Ua hoihoi ia i ka puuku H. Binamu, ma ka malma o Iune, 10, 1878, ma Kawaiahao.

            Ua loaa hou mai kekahi mau dala hou.

Iulai 1, Rev. O. Nawahine Lahaina, $20.00

" S. W. P. Alexander Waikapu, 15.00

Aug 6 J. Haole Lunakahiko Wailulu 32.00

" 11 S. Kamakahiki Nahiku; 11.00

" " " Keanae, 8.00

" " " Wailua, 6.00

" " J. Haole Wailuku, .50

            Huina $92.50

            Ua hoihoi ia no keia mau dala i ka puuku H. Binamu ma ka malama o Aug. 24, 1878. O ka huina pau loa $133.62.

            W. P. Kahale, Komite.

            Hoike waha mai ke komite o ka ekalesia o Makawao. Ua hoike oiaio ia mai, o ka ekalesia o Makawao, aole oia e kuokoa, aka, e hoohuiia aku me ka Ahahui Lunakahiko o na mokupuni o Maui.

            Alexander, Komite.

            Hoomaha ka halawai, a hui hou mai ma ka hora 1 1-2 pule o D. Puhi.

            Noho hou ka Aha, e like me ka hoopanee ana, hoike a ke komite no ka hookahuna ana ia Kauwe, i Kahu no Honuaula.

            Ke hoike nei ko oukou komite, ua hele makou e hana i ke kauoha a ka Aha, i ka la 26 o Mei. Penei na hana, ia Rev. O. Nawahine ka haiolelo. II Timokeo, 2:15. ia W. P. Kahale ka ninauninau, a me ka pule hoonoho i ke Kahu hou, ia Rev. D. Puhi ka lima akau aloha, a me ka oleloao i ke Kahu hou; aia wa no, i hoonoho ia ai i Kahu no Honuaula; a ia W. P. Kahale ke ao ana i ka ekalesia, i ke Kahu hou ka pule hookuu.

            W. P. Kahale,

            O. Nawahine, } Komite.

            D. Puhi,

            Hoike a ke komite no ka ekalesia o Keokea Kula Maui. I ka la 21 o Iulai i hala, ua hele ko oukou komite, e halawai me na hoahanau o ka ekalesia o Keokea, ua launa pu, a kukakuka pu, no ka hoi hou mai malalo o ka Ahahui Lunakahiko. Ua hoike mai lakou, no ko lakou haalele mau ia, mai ka wa ia J. S. Green, Poka Green, W. P. Kahale, nolaila, i keia wa ua kuokoa lakou malalo o Kamakele.

            Aole hookupu dala no ke Kahu, aole hoi no ka Papa Hawaii. Ua hooikaika nui aku ke komite e hoopau ia ke kuhihewa, aka, aole lakou i ae mai, aole no hoi i hoole mai.

            W. P. Kahale,

            A. Pali. } Komite.

            Koho hou ia o W. P. Kahale, Rev. Keaupuni, a me J. M. Alexander i komite, e hele e launa kukakuka aloha pu hou me ka ekalesia o Keokea; hooholoia.

            Kmuhana 6. No na ekalesia kahu ole. He 12 ka nui o na ekalesia kahu ole, iloko o keia Ahahui. Noi mai o W. P. Alexander, e hoohui pu aku me ke Kumuhana 7. Oia hoi keia, Ka hoohuihui i na ekalesia Kahu ole. A e haawi aku ma ka lima o kekahi mau komite, oia o Rev. A. Pali, D. Puhi; hooholoia.

            Kumuhana 8. Kula Kahunapule. Olelo nui mai ke Kakauolelo o ka Papa Hawaii, no keia Kumuhana, a ua ku no i ke aloha, no ka mea, aole makemake nui na opio Hawaii i ka oihana Kahunapule, wahi ana, ua olelo mai ke Kumukula Kahunapule, aole wau i hele mai i Hawaii nei no ka makemake i ke dala, aka, i hele mai au no ke kukulu paa i ke aupuni o Iesu Kristo kokua nui mai ka makua Alexander, he minamina nui ko'u, no ka mea, aole hookahi haumana i hoouna ia e keia Ahahui, i ka wa o keia kumu maikai, nolaila, e hooikaika na lunakahiko, a me na Kahu ekalesia o keia Aha, no keia hana nui.

            Noi mai o J. M. Kealoha, e hoopanee ka halawai a hui hou ma ka la apopo hora 9, hoopaneeia, ma ka Himeni, 438, me ka pule a Rev. O. Nawahine.

            La hana 2. Nov. 9, 1878. Halawai hou ka Aha e like me ka hoopanee ana; ma ka Himeni, 598, a me ka pule a Kauwe. Malama ia ka hapalua hora haipule.

            Heluhelu ia ka moolelo, a apono loa ia.

            Hoike mai ke komite o ka palapala kahea o ka ekalesia o Siloama. Ua nana pono ko oukou komite i kela palapala kahea, a ua oiaio loa, ma ka loaa hou ana mai o na hoike hou, mai na Kahu o kakou e noho 'la ilaila, nolaila, ua pono loa e lilo o J. Hanaloa i Kahu ekalesia no lakou, oiai, he kino ikaika kona, e hele ai iwaena o na poai mai, a holo ka hana iwaena o lakou, a hoopomaikai nui ia ko lakou mau uhane.

            A. Pali,

            O. Nawahine, } Komite.

            Noi mai ka makua Alexander, e apono i ka hoike a ke komite, a e lilo o A. Pali, a me S. Paulo i komite e hele aku e hoonoho ia J. Hanaloa, i Kahu ekalesia no Siloama; hooholoia.

            Noi mai o A, Pali, e hoouna aku i ke komite o Makawao a hiki i ke ko ana o ka lakou hana; hooholo ia.

            Na Rev. Keaupuni, i hoike mai i ka ekalesia o Makawao, ma keia hoike kihapai, ua kauoha mai la na luna o ka ekalesia o Makawao ia Keaupuni, e hele aku oe, a ka Ahahui, e hai aku i na hoa, e Kuokoa ana ka ekalesia o Makawao, aole e hui malalo o ka Ahahui Lunakahiko o na mokupuni o Maui.

            Ma keia manao, ua hoole ka Aha e hui pu aku o Rev. Keaupuni me ke komite e hele iwaena o na luna oia ekalesia, a me na hoahanau pu e hoopau i kela manao hookuokoa. Aole i pau.

 

OLELO HOOLAHA.

Castle a me Hatch.

O KAKELA OPIO A ME F. M. HATCH, ua hui laua ma ka lawelawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.

            W. R. CASTLE, Luna Hooiaio Kope.

            Keena Hana, maluna ae o ka Halekuai o Dillingham & Co.

Helu 37, Alanui Papu. 3 6ms

 

ALFRED S. HARTWELL,

[HAKAWELA.]

LOIO a he KOKUA ma ke KANAWAI!

Aia kona Keena Oihana maluna ae o ka Hale Baneko Hou o Bihopa ma. 867 tf

 

CECIL BROWN.

LOIO A HE KOKUA MA KE KANAWAI

A HE AGENA no ka Hooiaio ana i na Palapala no ka Mokupuni o Oahu.

            Helu 8. Alanui Kaahumanu. Honolulu, H. P. A. 2y

 

S. B. DOLE,

HE LOIO A HE KOKUA no na KANAKA ma ke Kanawai. E hiki no iaia ke lawe i na hihia o kela a me keia ano imua o na Ahahookolokolo a pau o keia Aupuni.

            Keena hana ma Alanui Papu, maluna ae o ka Halekuai o Likikini.

            Honolulu, Oahu, Januari 19, 1878. 3 1y

 

RICHARD F. BICKERTON,

[PEKETONA.]

LOIO a he KOKUA ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

            Ua makaukau mau oia i ka hana ana i na Palapala pili kanawai o keia a me keia ano.

            Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa.

            E hanaia na hana me ka hikiwawe a ma ka uku haahaa.

            Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 1y

 

S. W. MAHELONA

HE LOIO! HE KOKUA A HE PALE ma ke Kanawai.

UA makaukau au e lawelawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m

 

JNO. LOTA KAULUKOU.

LOIO A HE KOKUA.

UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m

 

DAVID K. MALEKA.

Loio a he Kokua ma ke Kanawai.

UA makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia no na kauoha mai na pahi a pau o ka mokupuni me ka hikiwawe loa. 882 1y oc26

 

EDWARD KEKOA.

HE Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka hora 8 am a me ka hora 4 pm., ke ole he pilikia e ae. 882 1y oc26

 

J. KAPOHAKIMOHEWA

He Loio a he Kokua.

NO na Aha Hoomalu a me Apana o ka mokupuni o Maui. E loaa no au ma Makena, a e hooko ia na kauoha mai na wahi e ae o ka mokupuni me ka eleu a me ka hikiwawe loa.

883 6m no2

 

S. M. P. KALEO.

He Loio, he Kokua, a he Pale ma ke Kanawai.

NO ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ma ka Hale Hookolokolo ma Wailuku. 884 1y no9

 

P NUI.

LOIO! LOIO!!

O ka Ua Ukiukiu o Makawao, Maui.

UA makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku.

885 1y no16

 

HENRY N. KAHULU

Loio a he Kokua ma ke Kanawai.

UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole.

885 1y no16

 

ASA KAULIA.

Loio a he Kokua ma ke Kanawai.

UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31; a e hooko ia na kauoha mai na wahi a pau o ka mokupuni me ka eleu a me ka hikiwawe.

885 1y no16

 

L. A. THURSTON.

LOIO!

WAILUKU, MAUI.

889 6m dec 14

 

E Kuai ia Ana.

HE 1,000 Hipa a me 8,000 Kao o ka hui Hanai Kao o Kaupulehu ma Kona, Hawaii. E ninau ia H. Cooper (Kupa) o Kailua.

            858 tf A. S. CLEGHORN & GO.,

 

OLELO HOOLAHA.

E MANAO ana o MR. CLAUS SPRECKLES o Kaleponi, e hana i auwai nui ma ka mokupuni o Maui; no ka hookahekahe wai maluna o na mea kanu. O ka mea a mau mea paha e makemake ana e eli i elima haneri kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kubita, a i ole ia ma ka heluna o na kapuai loa o ka auwai i eliia; ke noi ia 'ku nei lakou e ninau ia H. Schussler ma Haiku, Maui, a i ole ia William G. Irwin & Co, ma Honolulu, a e loaa ia lakou na hoakaka kupono. CLAUS SPRECKLES.

            888 tf H. SCHUSSLER.

 

O KA aina o Kawahaolelo Kaukaliu e waiho ana ma Waiau, Ewa, Oahu, ua lilo mai ia'u, nolaila, ke kauoha nei au i ka poe i hoolimalima me S. Keawe e hele mai ma ko'u home ma Halawa, Ewa, Oahu, ke hiki aku i ka la mua o Aperila 1879 me kou pono hoolimalima pu mai no. W. LIMA,

            Halawa, Ewa, Oahu, Dekemaba 16, 1878. 890 4t*

 

PAPA, PAPA

AIA MA KAHI O

LEWERS & DICKSON! (O LUI MA.)

MA KE KAHUA KAHIKO MA

Alanui Papu a me Moi!

E LOAA AI NA

Papa Nouaiki!

o kela a me keia ano.

Na Papa Nani a Paa no ke Kukulu ana i na Hale!

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa.

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano,

Na Aila Hoomaloo, he lehulehu wale,

Na Aila e ae o na ano a pau.

NA WAI VANIKI

A ME NA

WAI HOOHINUHINU NANI!

o na ano a pau loa.

NA BALAKI ANO NUI WALE!

A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

NO KA

UKU HAAHAA LOA!

E like me ka mea e holo ana mawaena o LAUA a me ka MEA KUAI.

E hele mai! E na Makamaka!!

A e lawa no hoi ko oukou makemake me ka oluolu a me ka maikai!

845 tf

 

KOPA KUKAEPELE

A

GLENN!

BEFORE USING. AFTER USING.

AOLE LUA NO KA HOOMAEMAE I KA ILI!

He mea hoopau i na eha,

Na Ili Puupuu,

A he hoomaemae i na mea ino,

A he hoopau Lumatika,

A he kopa auau no hoi

O keia Kopa ka oi aku o ka mea maikai

I waihoia mai imua o kanaka.

Aole wale no ka Hoopau ana i ka Huehue Ili Poha, Wela la, Luluaina, a me na e ae o ka Ili; A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai.

O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekahi. O na ohana ame na poe makaikai, ina e hoolako lakou i keia

KOPA HOOMAEMAE LUA OLE!

ALAILA, UA LANAKILA LAKOU.

He hoopau i ka lehu o ke poo,

A he Kopa no hoi e kaohi mai ai

I ka lauoho mai ka hina ana.

Ua hooia nui mai na Kauka no ka maikai o keia Kopa!

E loaa no ma kahi o

            M. McINERNY.

Kihi o na Alanui Papu me Kalepa

 

OLELO HOOLAHA.

A. McWAYNE.

HALE KUAI LAAU LAPAAU A ME NA WAIALA o na ano a pau. me na @ na ano he nui wale. Ma ke kihi o Alanui Papu me Kalepa

840 1y

 

DR. RODGERS,

OIA O

KAUKA LOKEKE.

UA hoonee ae nei i kona keena oihana mai ka @ Ailuene ma Monikahaae a iloko o ka Hale M@ Alanui Papu.

            Ma keia kope e hoomakaukau ana ia Kauka i kona mau Laau ponoi a puun@ aku i ka poe kii mai.

            O kona hale noho, aia no ma ka pa o ka H@ kahi i noho mua ai. @

 

E. STREHZ.

(AILUENE.)

MALAILA E LOAA AI NA ANO LAAU a pau; a me na wai hoomaemae o kela a me keia ano. E hamama mau ana ka ipuka ma na po Poano a pau. Ma ke kihi o alanui Papu a me Hotele, ma Monikahaae. (845 1y)

 

E. O. HALL & SON.

(E. O. HOLO MA.)

NA MEA KUAI I NA MEA MAHIAI.

            Na Lole, Na Pena, Na Aila, a me

Na ano Lako e ae a pau he lehulehu wale.

846 Kihi o Alanui Papu me Moi. 1y

 

LOLE MAKEPONO

Ke Kuika.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa,

Keokeo, Leponalo,

Pena, Aila, Aniani,

NA MEA PIULA!

KOPA, AILA HONUA,

AILA HOOMALOO

Kui Kakia, Pakeke,

Tabu, Kaula, Noho Lio.

Hulu Palaki, na Pulumi.

A HE

AGENA NO HOI NO KA MOKUPUNI O HAWAII NEI NO NA

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

Na lole kupono

Palule Huluhulu,

Na Lole Huluhulu,

Na Lole no ka hoohohelo ana

Lipini, Lihilihi, &c.

LIPINE, LIHILIHI, &C.

A ME NA

Mikini Humuhumu MakeponoLoa!

A HE

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &@

A he Laau Lapaau Kaulana Loa

A DR. JAYNES.

Laau Kunu,

Laau Hoomaemae Koko,

Laau Hoopau Naio,

Penikila, Huaale.

A ME NA LAAU HAMO, A PELA'KU!

827 3m 839

 

PAPA! PAPA!

NO

ALLEN & ROBINSON

UA WEHE AE NEI MAUA I

PA KUAI PAPA

MA

KA UWAPO O PAKAKA

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

Na Pena a me na Aila Pena!

NA KUI O NA ANO A PAU.

NA PANI PUKA a me

NA PANI PUKA ANIANI.

NA PANI PUKA a me

NA OLEPELEPE.

NA LAKO KUKULU HALE

O NA ANO A PAU!

E KUAIIA MA KE

KE KUMUKUAI HAAHAA LOA

O keia Makeke.

ALLEN & ROBINSON

Honolulu, Ian. 1, 1878. @