Ka Nupepa Kuokoa, Volume XVII, Number 48, 30 November 1878 — Page 2

Page PDF (1.78 MB)

Ma ke Kauoha.

                E malama ia ana na la malalo iho i mau la Kulaia Aupuni. A e paniia ana na hale oihana aupuni a pau. Poakolu, Dek. 25. - La Karisimaka. Poakolu, Ian. 1. - La Makahiki Hou. SAM'L G. WILDER (Waila.) 887 3t Kuhina Kalaiaina

            O ka hoomaha Karisimaka o na Kula ia olelo Beritania a puni ka Pae Aina, e hoomaka ana ma ka Poalima, Dekemaba 20, a hiki i ka Poakahi, Ianuari 6, 1878, a mai ia la aku e hoomaka hou ai ke kau kula. W. JAS. SMITH,
 Kakauolelo.
 Keena Hoonaauao, Nov. 21, 1878. 887 3t

            Ke hoike ia aku nei i na mea a pau, o ke kanawai i kapa ia "He Kanawai e pili ana no ka holo ana o na moku ma ke kai," i hoopau ia i ka makahiki 1864. A malalo o ka pauku 52 o ke Kanawai Kivilla, ua lawe ae ke Kuhina Kalaiaina ia Kanawai i mau Rula no ke alakai a me ka hoomalu ana i na moku holo pili aina a pau, a ke hoike ia aku nei ka lehulehu ma keia, mahope iho o ka la 1 o Iuanuari, 1879, e hooko ia ai keia kanawai. SAM'L G. WILDER, (Waila.)  887 Kuhina Kalaiaina.

            E kuai kudala akea ia aku ana ka hoolimalima o keia mau aina aupuni malalo iho no na makahiki he 25 ka nui, ma ka Poakahi, Dekemaba 16, ma ka hora 12 o ke awakea, ma ke alo iho o Aliiolani Hale. He hookahi apana aina ma ke alanui Moiwahine, e pili ia i ka halekuai o Macfarlane & Co., maluna aku o $250 ka uku hoolimalima no ka makahiki hookahi.
            He hookahi apana aina ma ke alanui Papu, mawaena o ka hale kupa pahu o Mr. Strehl a me ka hale amara o Mr. Chayter. Maluna aku o $25 ka uku hoolimalima no ka malama hookahi.
            E loaa no na kuhikuhi a pau ma ke Keena Kalaiaina. SAM'L G. WILDER, (Waila.)
 887 Kuhina Kalaiaina.

            Ua hookohuia aku ka poe no lakou inoa malalo iho e ka Papa Hoonaauao, i mau Luna Helu Kanaka no ka makahiki 1878, no keia mau Apana i hoike ia, penei:
HAWAII- Hilo a me Puna..................................L. Severance
 " Kau....................................................W. T. Martin
 " Kona Hema........................................K. Kamauoha
 " Kona Akau.........................................J. G. Hoapili
 " Kohala Hema.....................................Rev. L. Lyons
 " Kohala Akau......................................Rev. E. Bond
 " Hamakua............................................Rev. J. Bicknell
MAUI- Lahaina..................................................D. Mamaki
 " Wailuku................................................H. W. Daniels
 " Kahikinui, Kaupo & Kipahulu............Robt. W. Wilcox
 " Hana & Koolau...................................C. K. Kakani
 " Makawao............................................W. H. Halstead
MOLOKAI-........................................................R. W. Meyer
LANAI-...............................................................D. Mamaki
OAHU- Honolulu................................................W. Jas Smith
 " Ewa & Waianae.....................................H. U. Mahi
 " Waialua..................................................J. F. Anderson
 " Koolauloa..............................................W. C. Lane
 " Koolaupoko...........................................H. H. Parker
KAUAI-Waimea.................................................V. Knudsen
 " Koloa.....................................................Rev. J. W. Smith
 " Puna (Lihue).........................................E. K. Lilikalani
 " Koolau & Hanalei.................................Rev. R. Puuki
NIIHAU..............................................................Francis Sinclair
 W. JAS. SMITH, Kakauolelo.
 Keena Hoonaauao, Nov. 21, 1878. 887 4t

            E kudala akea ia ana ma ka hoolimalima na Aina Aupuni malalo iho no na makahiki he umi, ma ka la 18 o Novemaba, hora 12 o ke awakea, ma ke alo iho o Aliiolani Hale.
            Apana 1. Aia ma Hilo Akau, Hawaii, kekahi apana aina mawaena o Humuula a me Waipunalei, e pili ana i ka aina o Awawaiki a me kekahi, a ua kuhikuhiia na palena malalo iho:
            E hoomaka ana mawaena o ke kahawai Kaawalii ma ke kai, a e holo ana ma ka pilikai i aneane e hookahi mile, a hiki i ke kahawai o Waipunalei; alaila moe aku la ma ka aoao o Waipunalei e like me ke kuhikuhi ma ke kii, he ekolu mile ke kaawale; a mai laila aku, moe aku la mawaena o ke kahawai o Kaawalii e pili pu ana me Humuula, a hiki i kahi i hoomaka ai; o ka nui he 900 eka. Maluna aku o $200 ka uku hoolimalima no ka makahiki.
            Apana 2. Aia ma Hamakua, Hawaii, he apana aina, mawaena o Opihilala a me Paauilo i kuhikuhi ia malalo iho:
                E hoomaka ana ma ke kihi akau o Paauilo a moe aku la ma ke kahakai mawaena o ke kahawai a moe aku la ma ke kai: Akau 79 degere, Komohana 795 kapuai a hiki ma ka palena o Opihilala 947; alaila, moe aku la ma ka palena o 3160 kapuai; alaila moe aku ma Opihilala he 1277, Hema 70 degere 45 minute, Hikina 2250 kapuai a hiki iwaena o ke kahawai o Paauilo, alaila moe aku la mai waena aku o ke kahawai i olelo ia ( i aneane e 3160 kapuai ke kaawale) a hiki i kahi i hoomaka ai; o ka nui he 207 eka. Maluna aku o $175 ka uku hoolimalima no ka makahiki hookahi.
            He hookaa ma ka hapaha makahiki ma ke kuike.
 SAM'L G. WILDER. (Waila.)
 Kuhina Kalaiaina.
 Keena Kalaiaina, Sept. 3, 1878. 882 tf

HE LEO UWALO

                Ke poloai ia'ku nei na Luna o ka NUPEPA KUOKOA a me Ka poe e ae, ina he mau koena aie ko lakou no ko kakou NUPEPA, e hookaa koke mai ia makou ma Honolulu nei. A oiai hoi eiwa wale no helu i koe alaila pau keia makahiki; nolaila, ua makemake makou e hoomaka no ka makahiki hou me ke koe ole o kekahi mau mea keakea.
            E hoolohe i keia, e na makamaka, a e maliu mai i ka leo uwalo aku, i mea e nui ole ai ka hana mahope.
Honolulu Oct. 26, 1878.

KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1
Dala Kuike ka Rula.
NOVEMABA 30. 1878.

                MA ke kakahiaka Poakahi iho nei, i huli hoi mai ai ka Moiwahine mai Kauai mai maluna o ka mokuahi "Mokolii."

            MA ke ku ana mai a ka mokuahi "Likelike" me ke kakahiaka Sabati i hala, i huli hoi mai ai ka Hooilina Moi mai Maui mai.

            UA oluolu loa makou ke hoolaha aku, o ke kahunapule Katolika i wawa nui ia; ma Kohala, Hawaii, no kona hihia, ua hoopii oia imua o ka Aha Kanawai no na mea i olelo ia, a ua hoike maopopo ia kona pono- Ma ka nana ana, me he mea la ua imi hala ia oia, a o kekalu o ka poe ikaika loa i ka hoahewa aku ka lawehala oiaio.

NA HANA HOU.

                MAMUA ao o ka hooholo loa ia ana o ke Kuikahipanailike ua lohe ia na nune ana a me na kuee ana o kekahi poe i ua kukahi nei. Ua hala iho nei he elua makahiki a oi o ko kakou noho ana malalo o ke kuikahi, a he mea kupono ke alawa ikiae na maka o kakou a e nana mai o a o o ka aina a e hoomaopopo i na hiohiona e kau mai nei maluna o kakou a me na hua maopopo no hoi kekahi i ike ia ua puka pololei mai no loko ae o ko kakou noho ana ano hou. Ma Honololu nei . ua hoopuni ia kakou ma na aoao a pau ma na hoike no ka holo mua o na hana mikiala iwaena o ka lehulehu. Mawaena o na Pake ua mehuahua ae nei, a ke ulu mau nei no hoi, na hale oihana kamana, tela a pela aku.a me na hale kuai no hoi. Ke aneane nei e piha loa ke alanui Nuuanu makai aku o ke alanui Beritania me na hale hana o na Pake. He lahui mikiala loa keia ma na hana kino a pau ; aohe makau i ke anu a me ka lepo a me ka luhi, a nolaila ua pii mau ko lakou mau loaa. Ua pii ae nei na paia pohaku ulaula o ka hale hana o ka hui hana hao o Honolulu ma ke kahua kahiko o Aienui, ma alanui Marine. He hale nui keia, a he maikai kona kii ke nana aku. O ka hale Banako hou, ka hale hana mikini a Hopper ma Ainahou a me ka hale kuai nui o Dilinahama, oia kekahi mau hana hou iwaena o kakou i loko o keia mau mahina pokole.
            Ma waena no hoi o na moku holo pili aina o kakou nei, he eha mokuahi e holo mau nei, a ke hoomakaukau ia nei he moku hou. Ina paha he mea hiki i ka uhane o Kamehameha me kona auwaa peleleu ke hoohalawai mai me keia mau mokuahi, a lohe i ke kani o na oeoe a ike no hoi i ka punohu ana o ko lakou mau puka uahi mawaena o na kai malino o kona aina oiwi, heaha la ka manao o ka Nai aupuni o ka Pakipika? E i ana paha oia : " He kamahao ka hua o ke kanawai a'u i kau ai, he Mamalahoa."
            Mawaena no hoi o na hana aupuni e ike pono ia no kekahi mau hoike o ka holomua o na hana. O ka uapo hou ma Waikahalulu, ua ku i ka hanohano i ka poe nana ia i hana; ua olelo ia o ka helu akahi ia o nua hana oia ano ma Oahu nei. Ua hoomakaukau ia no hoi a ua lawe ia'ku nei na laau o ka uwapo hou o Waiahole ma Koolaupoko. A ke kapili ia nei he hale hou e pili ana me ka hale Dute ma Ainahou. Ke nee mua nei no hoi na hana e pili ana i ke alanui hao ma Hamakua i Hawaii.
            Iloko o keia ko ikaika ana o ke au o ka holomua , ua alawa ae makou a nana maluna o ka lahui kamaaina mua o Hapu ana e oni i ka pomaikai. A ua ha uoli makou ke hai aku, aole i nele. Ma Honolulu nei ua ike ia ka lawelawe maoli ana o ke kanaka o ka lahui mua i na hano mikiala. Ua ku kona hale amara, hale kamana a me kona keena humuhumu. Aka, o ka hana hookahi a makou e ake nei e ike i ke komo ana aku o ko makou, poe makamaka oia ka oihana mahiai, no ka mea oia ka kahua paa o na pomaikai pili kino iloko o na lahui a pau. No ka piha o ka pepa, ke hoopanee nei makou i keia, a keia pule ae e hoike aku makou i kekahi manao heluhelu e pili ana no na oihana mahiai.

KE KANAWAI.
HELU 18.

                No na pilikia o ka mea kakau, aole i hoopuka ia na pepa malalo o keia poo iloko o keia mau pule iho-nei. A i ka hoomaka hou ana ua makemake ka mea kakau e wehewehe iki no na mea i like ole a i ano e paha na hihia Kivila me na hihia Kanawai. Ina i huhu kekahi mea no ka hai lawe ana i kona waiwai a kue i kona pono iho, imi koke oia i alanui e hoopai aku iaia, a makemake oia i "Palapala Hopu" no kona enemi. Ua kuhihewa oia ua hana ia na Kanawai Hoopai Karaima i mea e hooko ai i kona inaina a i kona manao hoomauhala. Aole nae pela ka oiaio. Ua hooholoia na Kanawai Hoopai Karaima i mea e maluhia ai ka lehulehu, aole no ka pono o ka mea hookahi. Nolaila ua hana ia na Kanawai no ka Pepehi Kanaka, no ka Aihue. Powa, Wawahi Hale, a pela aku.
                Ina e hoopaapaa kekahi mau mea elua no kekahi waiwai a ua hana kekahi o laua i kekahi hana no na waiwai nei mamuli o kona manao oiaio he kuleana io no kona e lawelawe i kela waiwai, alaila aole i komo iloko ona ka manao feloni, aole hui i hiki ke hopu a e hookolokolo iaia me ke ano Karaima. Penei, he mau apana aina elua e moe pu ana, a ua lilo ka palena iwaena o ua mau aina nei i kumu hoopaapaa mawaena o na mea ona aina. Komo aku la kekaki ma kahi o ka aina ana i manao ai nona a oki i na laau a lawe nona iho a ua hana ia keia mea me ke akea. Eia ka hana mahope mai. Hele ka mea nona ka aina e moe pu ana a hoohiki i Palapala Hopu no ka aihue a no ka hana ino a me na hana kolohe! Ua ike oia ina i hana ia me ke ano Karaima, aole oia i koi ia i hoomoe mua i kona mau dala koina, aole hoi ona mau lilo no ke kii ana i na hoike. I ka hiki ana o keia hihia imua o ka Aha, ina he Lunakanawai naauao e hookuu ia ana ka mea i hoopii ia aole boi pomaikai iki ka men hoopii. Aka, ua luhi hewa na makai, ka Aha na Loio, ka mea i hopu ia a me na hoike. O ke ano maoli o keia oki ana o na laau he hihia Kivila. Ma ke Komohewa (Trespass) ka pono e hoopii aku ai, a ina e ike ana ka Aha, na ka mea hoopii ia ka aina kahi i oki ia na laau, alaila hooholo oia ma na poho e like me ka nui o na poino. He nui wale na hihia no na lio, a me na holoholona e ae i hana ia ma na Apana Kuaaina me ke ano Karaima, i ino Karaima ole, aka ua kokua na Loio a me na makai i kekahi manawa e hana i ka hihia ma ke ano Karaima. He pono ole keia, a e hihia ana ka poe i hana pela. No ka mea he hiki ke hoopii poho i ka poe i hoopii ma ke ano Karaima, me ka manao ino, i na hihia oiaio ole a kumu ole paha.
            Aia komo ka manao feloni iloko o ka hana ana, alaila akaka ke Karaima iloko o ka hana ana. Ina ua hana ke kanaka i kekahi hana ma ke ano e mala-ma, a hoopaa a me ka manao e hooko nona paha i kekahi kuleana ku i ke Ka-nawai, aole oia e hoopai ia me ke Kolo-he manao ino, ke ole oia i hana pela i mea e uhi ai a i nalo iho kona manao ino. K. H. K. mok. 23. p. 4 He oi aku ka maikai o na hookumu na hihia i akaka ole ke ano Keraima, ma ke ano Kivila, no ka mea, ina ua pono ka aoao hoopii loaa no iaia i kona pohe, a hoi mai kona lilo. A ia hoi ina he hihia Karaima alaila ina loaa ka manao kaha-lua, na ka mea i hoopii ia ka pornaikai o na manao kanalua, aka ina he hoopii Ki-vila e kaupaono ia na aoao elua, a e hoo-holo ana i ka aoao koikoi a laua.
(Aole i pau.)

OLELO HOOLAHA.

                I ko'u wa e kaawale aku ai mai keia Aupuni aku, o Mr. A.C. Conchee ka mea nana e lawelawe ka'u mau hana a pau.
Honolulu, Nov. 25, 1878. 887 3t

            Mai keia la 30 aku o Nov. 1878, aole e aeia kekai mea a mau mea e hoaie ma kuu inoa. 887 4t CAPT. KUANONI

                E NOHO ANA KA PAPA HOOPIIAUHAU o ka Apana o Waialua, ma ka hale noho o J. Amara, ke hiki aku i ka Poakahi mua o Dekemaba, la 2, no ka hoolohe ana i ka hoopii a ka poe i hoohalahala ma ka helu ana a ka Luna Helu. H.N. KAHULU 887 lt Hope a L.K.

HOOLAHA NA KA LUNAHOOPONOPONOPONO WAIWAI.

                Ua hoonoho ia ka mea nona ka inoa malalo nei, i lunahooponopono no ka waiwai o Nahoainemo Naala opio, no Hamakualoa, Maui i make. Nolaila, o na mea a pau i aie i ua waiwai la, e hookaa koke mai, a o ka mea na kuleana maloko o ua waiwai la, e hoike ia mai maloko o na malama eono o pale mau ia. J.D. HAVEKOST
8874t Lunahooponopono Waiwai.

            I ko'u manawa e kaawale aku ai mai keia Aupuni aku, ua koho aku au i kuu hunona oia Fred H. Heyselden i luna nana e nana i ke kula o Lanai, a pela no hoi me ko'u mau waiwai a pau a me na pono ma Lahaina.
 Walter M. Gibson
Honolulu, Aug. 5, 1878. 871 tf

Upena Lawaia Kudala !

                Ma Kahului, Maui ! Ma ka Poaha, Dekemaba 19, 1878 He mau Upena Lawaia Ma ka Hora 11 A.M. He 30 Upena Makolu, 2 x 30 anana-Elua Upena Malua, 11/2 x 25 anana-Hookahi Upena Kukala me na paa Elua Upena Malua, 21 x 35 anana-Ekolu Upena Papa-Hookahi Upena Papa Laukua-Elua Upena Kolu, 5 x 260 anana 2000 anana kaula-3 Waa lawaia, 1 Waapa, nui me na pea a me na hoe, me kekahi mau upena e ae o na ano a pau he nui wale-Upena Aei Opelu. Kuike ke dala. Thos. W. Everett, Luna Kudala.
Kahului, Nov. 26, 1878. 887 3t

            I MEA e hoolako ia ai ka lehulehu me na apana aina, no laila, ua manao ka Luna Hooponopono o ka waiwai o C. Hanaaina, e kuai liilii i na Ili aina, i hoolaha ia no ke kuai kudala ma ke alo o Aliiolani Hale, ma ka la 2 o Dekemaba, oia ka Poakahi e hiki mai ana, a penei ka mahele ana ia Kolowalu a me Pamoa,-Na Ili aina ma Manoa.
Apana 1.--------------------he 1 3-10 eka kula
" 2.--------------------he 8-10 eka kahua hale
" 3.--------------------he 4-10 eka kula
" 4.--------------------he 1 2-10 eka aina kula me ka loi
" 5.--------------------he 1 2-10 eka aina aina kalo
" 6.--------------------he 7-100 eka loi
" 7.--------------------he 8-10 eka aina
" 8.--------------------he 2 3-10 eka aina kalo
" 9.--------------------he 2 9-10 eka aina kalo
" 10.--------------------he 4-10 eka aina kalo
" 11.--------------------he 6 57-100 eka aina kalo
" 12.--------------------he 6 57-100 eka aina kalo
            A pela no hoi ka aina i kapaia oia hoi o Kukuio, ma Manoa, ua mahele liilii ia no.
            Apana 9, he 14,00 eka, he aina raiki, ua kapaia ka inoa o Kalehua, a ua hoolimalima ia no hoi i ka pake no 15 makahiki, e hoomaka ana Okatoba 1, 1876, no na dala he $235 no ka makahiki hookahi, a e lilo pu no keia hoolimalima i ka mea e lilo ai.
            Eia no na kii o keia mau aina ma ke Keena Oihana.
 W.C. PARKE.
Lunahooponopono o ka waiwai o C. Kanaina i make.
Honolulu, Nov. 26, 1878. 887 1t

Hale Keokeo!
Hale Keokeo!

                Lole Hou! Lole Hou! Pau Loa Lole Makepono! Ma Hale KeoKeo! Hele Mai Kanaka, Wahine, Pau Loa! Loaa Nuinui Lole Maikai Loa ma Hale Keokeo. Helu 31, Alanui Nuuanu. 887 4t

OLELO HOOLAHA.

                Aha Kiekie o ko Hawaii Pae Aina. ma ka hooponopono waiwai Mokupunio Oahu, Hawaii Pae Aina. Ma ka waiwai o John D. Watson no Kaneohe, Koolaupoko i ma ke. Olelo kauoha e koho ana i ia e hoomaka ai ka palapala kauoha, a no ka hoolaha ana. No ka mea, ma ka 1a 19 o Novemaba 1878. ua waiho ia mai imua o ka Aha, kekahi palapala i olelo ia. oia no ke kauoha hope loa o John D. Watson i make aku ia; a me ka palapala hoopii e noi ana e hooiaio a kela palapala kauoha a e hoopuka hoi ka palapala luna hooko no W.E. Pii a me Oliva Watson, ua waiho ia mai e W.E. Pii. Nolaila ua kauoha o ka Puakahi oia ka la 9 o Dekemaba, 1878, ma ka hora 10 ma ka Rumi Hookolokolo o ia Aha, ma Aliiolani Hale ma Honolulu oia ka la me ka hora o hooiaio ia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu, iloko o ke Kuokoa a me Au Okoa i laila, he nupepa i paiia a i hoolahaia ma Honolulu. A ua kauoha hou ia, e hoopukaia na palapala kena no na hoike no ia palapala kauoha. a me na hooilina o ka mea make, e hele mai a e kue i kela palapala kauoha i ka wa i olelo ia.
. Kakauia ma Honolulu, ko Hawaii Pae Aina, Nov. 19. 1878. Ikea: CHAS.C- HARRIS.
 Lunakanawai Nui o ka Aka Kiekie.
 8863tA Rosa, Hope Kakauolelo.

            Aha Kiekie o ko Hawaii Pae Aina, Oahu ss. Kau o Okatoba, 1878. Kuala ka ka mea hoopii no ke oki mare, kue ia Mele w ka mea i hoopiiia. Hoopii oki mare. Ma ka palapala hoopii i oleloia maluna no ke oki mare, ano ua kauohaia, o ka olelo hooholo e oki ana mai ka berita mare aku, e hookomo ia ma ka moolelo o ka Aha, mamuli o ka aoao o Kuala k no ke kumu o ka moekolohe a me ka haalele loa o Mele w i oleloia, e lilo i mea paa mahope o na malama eono mai ka la i hoopuka ia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauoha ia ka mea hoopii e hoolaha i ke kope i hooia aioia o keia olelo kauoha ma ka Pacific Commercial Advertiser a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la'ku i hoopuka ia ai keia olelo kauoha; i mea e hiki ai i na mea a pau i pili ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa.
Na ka Aha, A. ROSA.
 Hope Kakauolelo.
Hanaia i keia la 26 o Okatoba, 1878.
            Honolulu,ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena o ke Kakauolelo o ka Aha Kiekie.
Hoike ia e ko'u lima a me ka Sila o ka Aha Kiekie ma Honolulu i keia la 26 o Okatoba, 1878. A. ROSA.

            WILLIAM H. REED, ka mea hoopii kue ia S. KIPI a me ELIAS BOND, na mea i hoopiiia. Ma ka pono o ka palapala i hoopukaia e ka Aha Hookolokolo Kiekie o ke Kanawai a me ke Kaulike o ko Hawaii Pae Aina, ma ka la 19 o Novemaba, 1878, no ke koina a ka mea hoopii i olelo ia maluna no na dala he $6371.23.
            E kuai kudala aku no au ma ka Poakahi, oia ka la 16 o Dekemaba, 1878, ma ka hora 12 o ke awakea, ma ke alo iho o Aliiolani Hale, i na pono, na pomaikai a pau o na mea i hoopii ia, a me na waiwai moraki i hoike ia, a i kuhikuhiia hoi ma ka moraki o ka mea koi, i hoike ia hoi malalo iho:
            1.—O kela aina a pau e waiho ia ma ka Apana o Hamakua, mokupuni o Hawaii, a ua ike ia hoi oia ke Ahupuaa o Kukaiau, a oia no hoi ka waiwai i hoike ia ma ka palapala kuai a G. W. Macy ia S. KIPI. i hanaia i ka ia 16 o Feberuari, 1867, a i hooiaio ia hoi ma ke Keena Hooiaio ma Honolulu, Oahu, ma ka buke 23, aoao 152 a me 153.
            2.—O kela mau aina a pau e waiho ia ma ka Apana o Hilo, Hawaii, a oia no hoi ka waiwai i hoakaka ia ma ka palapala kuai a J.H. Coney a me L.A. Coney ia S. KIPI, i hana ia hoi i ka la 4 o Iune, 1872, a i kope ia hoi ma ka Buke 36, aoao 3 a me 4. .
            3.—O kela aina a pau, e waiho ia ma ka Apana o Hilo, Hawaii, i kapaia o Mokuhonua. a i hoakaka ia hoi ma ka Palapala Sila Nui, Helu 1099, nona ka ili he 3774 eka.
            4.—O kela aina e waiho ia ma ka Apana 6 Hilo, Hawaii, i ike ia oia o Halepuna, a i hoakakaia hoi ma ka Palapala Sila Nui, Helu 2980 nona na eka he 153.
            Aia wale no ke koe o keia mau waiwai i hoikeia, a hookaaia mai ke koina a me na lilo a pau. W. C. PARKE,
 Hamuku.
Honolulu. Nov. 21,1878.
 886 4t

E NAUE, E KIPA, E KOMO!
-----MA KA-----
HALEKUAI HOU O
J. T. WATERHOUSE,
(W A I . A K A H A U K I )

                Oia Hoi ka Halekuai i Noho mua ia ilio nei e DILINAHAMA MA, MA ALANUI ALII, Malaila e loaa ai i ka lehulehu na mea kuai o kela me keia ano. A e kuai hoopakika ana oia me ka manuahi nui launa ole i na waiwai i hoike ia malalo iho. NA Pa, Bolat na Ipukukui, na mea Hao, na Mea Aniani, na Noho Lio Beretane, na Aila Lauoho, na O-o Hao, Kopala, Ili Hana Noho Lio, Kuaina Upena, Palaoa Berena, Ihoiho Kukui, me ka Pahu. Na Bakeke Hao, na Pena a me na Aila Pena, na Aila Mahu maikai loa. UA HOAO IA A UA IKE IA KA MAIKAI. A me na waiwai he nui wale o na ano likeole, pau ole ke hai aku. A na ko kakou makamaka Henry Waterhouse e hookipa aku ia kakou malaila. Nolaila, e hele mai hookahi, a e hele mai no a pau. 886 4t

HAULE.
$10 Makana! $10 Makana!

                Ua haule he pine omau umauma i kinohinohiia ma ke gula, ua manaooia ua haule maluna o ka mokuahi Likelike a i ole ma ka uapo ma ke kakahiaka Sabati Oct. 3. E uku ia aku no ka makana maluna ae i ka mea e loaa ai a hoihoi no ma ka Hale Kuai Buke o Wini a me Robinson. Honolulu, Nov. 8, 1878.

E Na Lede a me Na Keonimana
o ka
Makani Apaapaa o Kohala

                E Kipa, E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI! Ma la ila no e loaa ai ia oukou keia mau Waiwai Maikai malalo iho nei: NA PAPALE WAHINE HULU NANI HOU LOA E PULELO AI I KA MAKANI. Ina no hoi e kau mai i ka poo, aohe i kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi hele kela a "Kau ka Iwa he la makani," i ka ua mea o ka Nani Lua Ole. oia no oe ia o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae. ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na Kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oio no oe la, o ka Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona. NAKALAKOA Eia no hoi na Lole Kalakoa ke ehu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau ka panio. Na Pa, Bola., &c. A eia no hoi ma ko maua Halekuai nei na Pa, Bola, Ipukukui, o ke nui a me ka liiiii, a me na waiwai e ae he nui wale, he hiki ole ke hue pau aku i ka nui launa olle. O keia mau waiwai i hoakakaia maluna, e loaa no ia oukou ma ke kumukuai makepono loa. AKINA & ASEU, Kaiopihi, Kohala, Hawaii, Nov. 9, 1878. 885 tf

            Aha Hookolokolo Kaapuni Apana Eha o ko Hawaii Pae Aina, ma ka hooponopono waiwai. Ma ka waiwai o Kaili k o Koloa, Kauai i make kauoha ole. Imua o ka Lunakanawai Kaapuni ma ke keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Mahoe w o Koloa, e hoike mai ana o Kaili no Koloa, Kauai, ua make kauoha ole ma Koloa ma ka la 2 o Maraki 1878, a e noi ana e haawi ia ka palapala hookohu lunahooponopono waiwai ia Frank Bindt k. Ua kauohaia o ka Poalua ka la 10 o Dekemaba 1878, ma ka hora 10 kakahiaka, oia ka manawa i koho ia no ka hoolohe ana i na noi la imua o na Lunakanawai ia, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa, he nupepa ma Honolulu. Kakauia ma Koloa ko Hawaii Pae Aina, Nov. 6,1878.
 JACOB HARDY, 883 3t Lunakanawai Kaapuni Apana Eha H.P.A.

            Aha Kiekie o ko Hawaii Pae Aina, Oahu. ss. Kau o Okatoba, 1878. Lavinia ka mea hoopii no ke oki mare, kue ia Nakapuahi ka mea i hoopii ia, hoopii oki mare. Ma ka palapala hoopii i olelo ia maluna no ke oki mare, ano ua kauohaia, o ka o lelo hooholo e oki ana mai ka berita mare 'ku e hookomo ia ma ka moolelo o ka Aha, mamuli o ka aoao o Lavinia no ke kumu o ka haalele loa o Nakapuahi k i oleloia, e lilo i mea paa mahope o na malama eono mai ka la i hoopuka ia ai keia olelo hooholo ke hanaia e like me na olelo malo-ko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka ia aku i hoopukaia ai keia olelo kauoha; i mea e hiki ai i na mea a pau i pili ke hoike nai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa.
 Na ka Aha. JNO. E. BARNARD.
 Kakauolelo.
Hanaia i keia la—o—1878.
            Honolulu, ss : Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, ae waiho nei ma ke Keena o ke Kakauolelo o ka Aha Kiekie.
Hoike ia ko'u lima a me ke Sila o ka Aha Kiekie ma Honolulu, i keia la 4 o Novemaba, 1878. JNO. E. BARNARD. 884 6t. Kakauolelo o ka Aha Kiekie.

            Aha Hookolokolo Kaapuni Apana Eha o ko Hawaii Pae Aina, ma ka hooponopono waiwai ma ka waiwai o Kaahuna k o Nawiliwili, Kauai, i make kauoha ole. Ma ke keena imua o ka Lunakanawai Kaapuni Apana Eha H P A. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a iNaipuone w o Nawiliwili. Kauai, e hoike mai ana o Kaahuna no Nawiliwili, Kauai, ua make kauoha ole ma Nawiliwili, Kauai, ma ka la 14 o Iuiai, 1876, a e noi ana e haawi ia ka palapala hookohu lunahooponopono waiwai ia G.W.K. Malama. Ua kauoha ia o ka Poalua oia ka la 10 o Dekemaba, 1878. i ka hora 10 kakahiaka, oia ka manawa i koho ia no ka hoolohe ana i ua noi ia imua o na Lunakanawai ia, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko lakou, e ae ole ia ai ua uoi ia. A o kela olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu. Kakau ia ma Koloa ko Hawaii Pae Aina. Novemaba. 1878.
 JACOB HARDY, 884 3t Lunakanawai Kaapuni Apana Eha H P A.

            Aha Hookolokolo Kaapuni Apana Eha o ko Hawaii Pae Aina, ma ka hooponopono waiwai ma ka waiwai o Huahaule k o Waimea, Kauai, i make kauoha ole. Ma ke keena imua o ka Lunakanawai Kaapuni Apana Eha H.P.A. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Kaaihue w o Waimea, Kauai, e hoike mai ana Q Huahaule no Waimea, Kauai, ua make kauoha ole ma Waimea, Kauai, ma ka la 21 o Okatoba, 1876, a e noi ana e haawi ia ka palapala hookohu lunahooponopono waiwai ia Kaaihue w. Ua kauohaia o ka Poalua oia ka la 10 o Dekemaba. 1878,. i ka hora 10 kakahiaka, oia ka manawa i kohoia no ka hoolohe ana i na noi ia imua o na Lunakanawai ia, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko lakou, e ae ole ia ai na noi ia. A o keia olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu. Kakau ia ma Koloa ko Hawaii Pae Aina, Novemaba 2.1878.
 JACOB HARDY. 884 3t Lunakanawai Kaapuni Apana Eha H P A.

            Aha Kiekie o ko Hawaii Pae Aina, Oahu. Kau o Okatoba, 1878. Kahinu w ka mea hoopii no ke oki mare kue ia Nakoana k ka mea i hoopii ia. Hoopii oki mare. Ma ka palapala hoopii i olelo ia maluna no ke oki mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Kahinu w no ke kumu o ka moekolohe a me ka haalele loa o Nakoana k i olelo ia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopili e hoolaha i ke kope i hoolahaia o keia olelo kauoha ma ka Pacific Commercial Advertiser a me ke Kuokoa i kela a me keia o na hebedoma eono; o ka hoolaka mua ana iloko o ka malama hookahi mai ka la aka i hoopukaia ai keia olelo kanaha; i mua e hiki ai i na mea a pau i pili ke hoike mai iloko o na malama eono ina he kumu ko lakou e hooko ole ia ai ia olelo hooholo a lilo i mea paa.
Na ka Aha, A.ROSA.
 Hope Kakauolelo.
Hanaia i keia la 19 o Okatoba, 1878.
            Honolulu, ss: Ke hoike aku nei au me ka oiaio, o na olelo a paa mahuna ae, oia no ke kope oiaio a pololei o ka olelo hooholo o ka hihia maluna ae. a e waiho nei ma ke Keena o ke Kakauolelo o ka Aha Kiekie.
Hoike ia e ko'u lima a me ka Sila o ka Aha Kiekie ma Honolulu,
i keia la 26 o Okatoba, 1878. A.ROSA A. ROSA.
883 6t*Hope Kakauolelo o ka Aha Kiekie.

Kuai a ka Lunahooponopono Wai-Wai ma ka Waiwai Paa.

                Ma ka pono o ka palapala kauoha i hoopukaia e ka mea hanohano CC. Harris ka Lunakanawai o ka Aha Hookolokolo Kiekie.
            E kuai aku no au ma ka Poaono, oia ka la 30 o Novemaba ma ka hora 12 o ke awakea, ma ke alo iho o Aliiolani Hale, he kuai ma ke kuike i ka mea e koho kiekie mai ana. i na pono a me na pomaikai a pau o C. Kanaina i make, oia hoi keia mau waiwai paa malalo iho, penei:
            Apana 1. He aina mahi kalo e waiho ia ma Manananui. Ewa, Oahu. nona hoi ka ili he SS-100 eka.
            Apana 2. Ma ia wahi no, he apana aina, oia hoi he hookahi pa hale a me ka aina kalo. O ka ili he 41-100 eka.
            Apana 3. Ma ia wahi hookahi no, he hookahi aina kula a me ka aina kalo. O ka ili he 24 eka.
            Apana 4. Ma ia wahi no, he aina kula a me ka aina kalo. O ka ili he 1 30-100 eka.
            Apana 5. Oia hoi ka ili aina o Puakea, ma Ewa, he 19 eka aina kanu raiki i hoolimalima ia no na makahiki he 10 mai ka 1876 aku, ma ka $100. e uku ia ma ka hapalua makahiki; a he loko ia he 12 1/2 eka i paa pono ka pa ia; a o na pono lawaia o Wahaloa, mawaho ae ia o ka loko ia, nona ka ili he 53 eka, e kuai ia aku no keia apana aina me kela hoolimalima maluna.
            Apana 6. Ma ka ili aina o Muliwai, Ewa, Oahu, he 3 1/2 eka he aina kalo a me ka aina kula.
            Apana 7. Ma ia wahi no, he apana aina he 42-100 eka, he aina kalo a me ka aina kula.
            Apana 8. Ma ia wahi no, he aina kalo he 3 57-100 eka.
            Apana 9. Ma ia wahi no, he 40-100 eka aina kalo.
            Apana 10.He kahawai mai kela kapa a i keia kapa e kokoke ana i kahi i waiho ai keia mau aina maluna, he 7 89-100 eka ka nui.
            Apana 11.Oia hoi ka ili o Kaiieie, Kalihi, Oahu, i mahele, ia malalo iho.
            Kaiieie he 26 eka, he kula a me ka aina wahie.
   &nb