Ka Nupepa Kuokoa, Volume XVII, Number 47, 23 Nowemapa 1878 — Page 2

ʻaoʻao PDF (1.90 MB)

Ma ke Kauoha.

                Ua hookohuia aku o Mr Henry Gibson i keia la i Luna Alanui no ka mokupuni o Lanai. SAM'L G. WAILA.
 Kuhina Kalaiaina.
Keena Kalaiaina. Oct. 30, 1878 884 3t

            Ua hookohuia aku o Mr. M. Makalua, i Luna Kula no ka apana o Lahaina, mokupuni o Maui, ma kahi e ka mea hanohano W.L. Moehonua i make. W.JAS.SMITH.
Kakauolelo. Keena Hoonaauao, Oct .24, 1878. 884 2t

            Ua oluolu i ke Alii ka Moi ka hana ana i keia mau hookohu malalo-iho penei:
            Okatoba l9,1878-Hon. R.F. Bickerton, ke Komisina Palena Aina no ka mokupuni o Oahu. ma kahi o ka mea hanohano K. Preston i waiho mai.
            Okatoba 19, 1878-Hon. L. Aholo,ke Kamisina Palena Aina o ka mokupuni o Maui, Molokai a me Lanai, ma kahi o Hon. A. Fornanader i waiho mai.
            Okatoba 28, 1878—O ka mea hanohano S. Kipi ke Komisina Palena Aina o ka mokupuni o Hawaii, ma kahi o R.A. Lyman Esq., i waiho mai. Halealii Iolani, Oct. 31. 1878. 884 3t

            E kudala akea ia ana ma ka hoolimalima na Aina Auupuni malalo iho makahiki he umi, ma ka la 18 o Novemaba hora 12 o ke awakea, ma ke alo iho o Aliiolani Hale. Apana I. Aia ma Hilo Akau, Hawaii, kekahi apana aina mawaena o Humuula a me Waipunalei, e pili ana i ka aina o Awawaiki a me kekahi, a ua kuhikuhiia na palena malalo iho. E hoomaka ana mawaena o ke kahawai o Kaawalii ma ke kai, a e holo ana ma ka pilikai i aneane e hookahi mile, a hiki i ke kahawai o Waipunalei, alaila moe aku la ma ka aoao o Waipunalei e like me ke kuhikuhi ma ke kii, he ekolu mile ke kaawale; a mai laila aku, moe aku ia mawaena o ke kahawai o Kaawalii e pili pu ana me Humuula, a hiki i kahi i hoomaka ai; o ka nui he 200 eka. Maluna aku o $200 ka uku hoolimalima no ka makahiki. Apana 2. Aia ma Hamakua, Hawaii, he apana aina, mawaena o Opihilala a me Paauilo i kuhikuhi ia malalo iho: E hoomaka ana ma ke kihi akau o Paauilo a moe aku Ia kahakai mawaena o ke kahawai a moe aka ia ma ke kai: Akau 79 degree, Komohana 550 kapuai, Akau 59 degree, Komohana 780 kapuai, Akau 46 degree, 30 minute, Komohana: 750 kapuai, Akau 62 degree, Komohana 600 kapuai, Hema 76 degere 4 sekona, Komohana 795 kapuai a hiki ma ka palena o Opihilala 947; alaila, moe aku la ma ka palena o Opihilala i olelo la, Hema 11 degere 40 minute, Komohana 3160 kapuai; alaila moe aku ma Opihilala he1277, Hema 70 degere 45 minute, Hikina 2250 kapuai a hiki iwaena o ke kahawai o Paauilo, alaila moe aku la mai waena aku o ke kahawai i olelo la (i aneane e 3160 kapuai ke kaawale) a hiki i kahi i hoomaka ai;o ka nui he 207 eka. Maluna aku o $175 ka uku hoolimalima no ka makahiki hookahi.
            E ike ia no na kii a me na kuhikuhi no kela mau aina ma ke keena o ke Anaaina Aupuni.
            He hookaa ma ka hapaha makahiki ma ke kuike.
SAM'L G. WILDER. (Waila.)
Kuhina Kalaiaina. Keena Kalaiaina,. Sept. 3, 1878. 882 tf

KA NUPEPA
Kuokoa me ke Au Okoa
I HUIIA.
No ka Makahikit $2. Eono Mahina, $1 Dala Kuike ka Rula.
NOVEMABA 23, 1878.

                Ma ka holo ana'ku nei a ka mokuahi "Likelike" ma ke ahiahi Poalua iho nei no na awa ma ka hikina, ua huli hoi aku nei ka Hooilina Moi no na Hono a Piilani.
            Ma ke kakahiaka Poaono o ka pule i hala i huli hoi mai ai ke Kiaaina o na moku o Maui maluna o ka mokuahi "Likelike.'' A ma ia ahiahi iho no i huli hoi aku ai no ka lai ulu o Lele maluna o ka moku kuna "Nettie Merrili "Ehuehu ka hele na o ke kai."

KA OIHANA LAPAAU.

                He oihana nui a maikai keia, ua imi nui ia a ua hooikaika ia keia oihana e na Lahui naauao a pau o ka honua nei; me ka manao e lilo ka hookele naauao ana i keia oihana, i alanui e kaohi iki mai ai i ka holomoku ana o kekahi Lahui a mau Lahui paha i ka make. Aole no nae i nele ke komo ana o keia oihana iwaena o na Lahui kanaka i| hoonaauao ole ia; aka, aole nae i like na alakai a me na hookele ana iwaena oia mau ano lapaau elua.
            Ua koi ia mai ko makou manao e kamailio a e kalai maluna o keia kahua; e like me ka hiki i ka makou maka kila ke hookele aku. A no ka mea hoi, ua komo mua no iloko o ko makou umauma ka manao e hooikaika e kamailio maluna o keia kumuhana no kekahi manawa i hala ae nei. Ma kekahi wahi o ka pepa o keia la, e ike ia i kekahi palapala i kakau ia e Kumakena me ka manao aloha a me ka minamina Lahui; a ina e hiki ana i ka lehulehu ke heluhelu akahele i na manao maloko oia pula pula, alaila, aia no iloko olaila kekahi mau manao waiwai loa e pono ai ke hiipoi nui ia. A na ia mau olelo walohia i hooi loa aku ka iini iloko o ko makou mau puuwai e ku iluna me ke kanalua ole; a e kamailio aku hoi me ka wiwo ole.
            No ka mea ua ikea mai kakou ma ke ano, ua helu pu ia ko kakou aupuni me na aupuni naauao o ka honua nei. Aka pehea, ua helu pu ia anei kakou me na aupuni naauao ma ke ano lapaau naauao ana? Na kakou e puana malie iho iloko o ko kakou mau noonoo ponoi iho;a e hoike ae i ka puana a ka moe e like me ke ko ana o ke au o ka manawa. Na ka ahaolelo o ka M. H.1868 i hoao mua e hookomo mai i ke ano ia lapaau naauao ana iloko o ko kakou nei one oiwi; mamuli o ka hookaawale ana oia kau ahaolelo, i kekahi haawina no ke ao ana i na keiki Hawaii ma ka oihana lapaaua; a ua hooko ia ka makemake oia kau ahaolelo mamuli o ka lawe ana o Dr. G. P. Judd i ka noho kumu ao ana no na keiki Hawaii ponoi ma ia oihana pohihihi
            Ma ke kau ahaolelo ka M. H. 1870 a me1872, ua hookaawale hou ia he mau haawina no keia hana hookahi no, mahope mai o ka hookuu ia ana o ke kula a me ka hoohakahaka ia ana o| ka noho kumu ao mamuli o ka make ana o Kauka; ua pau a ua haule pu wale ke ao ia ana o keia oihana iwaena o na keiki Hawaii, kahi hoi o na manao-lana i kau nui ia'ku ai e komo mai ana ke ano lapaau naauao ana io kakou nei. A e like me ka pokole a me ka hikiwawe o ka pau ana oia kula; pela no i hiolo ai a nalowale na hua oia mau hooikaika ana, a me na haumana i hoomahele mua ia ma ia oihana, ke alanui hoi i ma-nao ia'i e hookanahai mai i ka lilo nui ana'ku ma na ano lapaau o ke au kahiko o ko kakou mau kupuna. A ke ole makou e kuhihewa ke manao nei makou, aole paha hookahi oia mau haumana i koe e lawelawe nei ma ia oihana i keia wa. Aka, aole nae ia he kumu e hoopio ai a e hooki ai i na noonoo ana no ka hoala ana i ka hookomo hou ana mai ke alanui e loaa ai ia kakou ka lapaau naauao ana o keia au hou. Ke ake nui nei makou e ike i ka noonoo nui ia o keia mea e na hoa o ka aha olelo o ka M. H. 1880 e hiki mai ana a e ike hoi i na hopena o ka lakou mau kalai naauao ana.
            Aka, no keia mau ia a kakou e hele aku nei; aole makou i aa e huna i kahi i hookaawale ia no na lapaau naauao ana. Aia no na ipuka aloha o ka Halemai Moiwahine e ani peahi mai ia ia kakou ka poe i loohia me na palapu a ka mai aai e komo aku ilaila, ua wehe akea ia kona mau rumi oluolu, a me kona mau bela nolunolu no ka pono o ka lehulehu, ua hiki hoi i ka poe nele a ilihune ke hele ilaila, aohe mea nana e hookuke moi, aole no hoi he kuleana e hopohopo ai.
            O kekahi mea a makou e haawi nei i ko makou mahalo nui; oia no ka hookaawale ana o ka ahaolelo o ke kau i hala ae i kekahi haawina, no ka lapaau ana i ko kakou mau hoakanaka i loohia ia e ka mai lepera. He haawina kiekie ia o ke aloha oiaio i komo iloko o ka puuwai o na hoa oia kau ahaolelo, a he mea hiki ole hoi ke hoopoina ia ma ka papa hoomanao o ko Hawaii nei moolelo. A ke hoike aku nei makou i ko makou manao oiaio ma ka hope o keia kalai manao ana; he mea pono ia kakou ke haalele a hoole loa i na lapaau ano naaupo ana a kakou e puni hei wale nei; a e kukulu iho ia kakou maluna o ke kahua paa naueue ole o ka lapaau naauao ana, a pela wale no e pakele ai kakou mai na kuhihewa mai o ke au i hala.

Ka La Hanau o ka Moi.

                Ua malamaia keia la i ka Poaono i hala ae nei, e like me ke ano mau o na la Kulaia o ke aupuni. Me ke pani-ia ana o na hale oihana aupuni. pela no hoi i pani ia ai na hale oihana e ae o ka lehulehu. O ka hana nui o ka la, oia no ka heihei waapa. Ma kau wahi e ae e ike ai ko makou poe makamaka i na mea e pili ana no na hana lealea o ka la. He mau ahaaina kekahi a makou lohe ai, ma Waialae, Palolo a me ke Kaona nei. Ua minamina makou i ka ike ana, ua hoolilo kekahi poe i ka la i wa uhauha wale, me ka ona, a me ka hana ana i na mea kohu ole e hilahila ai na maka o ka poe maikai ke nana aku. Ua noi ia mai makou e hoolaha aku i ka haiolelo malalo iho nei i haawiia imua o na Opio o ka Hui Hauoli. A ke pahola aku nei makou i keia me ka panai pu'aku i keia manao: E mahalo ia ka malama maikai ana i na la Kulaia me ka hoohilahila ole i ka inoa Hawaii.

Haiolelo no ka La Hanau o ka Moi, Novemaba 16, 1878.
NA NA OPIO O KA Hui HAUOLI.

                E Na maka hanohano i akoakoa mai nei, ke hoike mai nei keia la i kona nani kilakila, ke pahola nei hoi i kona hie kamahao maluna o kakou pakahi a pau; e hoike ana iaia iho he malihini hou; he hookahi kona kipa ana mai me kakou i ka makahiki; a nona ka pulima palupalu e puili nei i ko kakou mau lima me na hiona o ke aloha a me ka hauoli; nolaila, e na makuakane a me na makuahine, na kaikuaana a me na kaikuahine, ke hauoli nei kakou me ka olioli piha i keia la Kulaia, ka la 16 hoi o Novemaba o keia A. D. 1878; ka la hoi a ka Maua Ihiihi i haawi mai ai i ka Waiwai Laahia, mai ka puhaka Alii mai o KEOHOKALOLE a me KAPAAKEA, i ka aila poni maikai no ko laua mau inoa; a na ke au o ka mauawa i papahi iho ia oe e Hawaii Ponoi me ka Lei Momi Maemae no kona Noho Kalaunu; i ka Mea nona keia la a kakou e Kulaia nei me ku olioli; nolaila, o keia la 16 o Novemaba nei, ka piha ana o na makahiki he Kanahakumalua o ke ola ana me ka maluhia o ko kakou Moi i aloha ia KALAKAUA I., a i ka Elima hoi o na makahiki ma kou Nohoalii e Hawaii. Nolaila, e ua hoa hanohano a nie- na makaikai i akoakoa mai nei i keia la, e hauoli kakou a e olioli hoi me ka maluhia; a ia kakou e kaawale aku ai mai keia luana pu ana, maiwaena ae hoi o na wehiwehi o keia papaaina, e hoomanao pakahi kakou ika ihiihi o ka la ma na lealea ana, a mai hoike i na hana hoomaewaewa i ka Mea nona keia la Kulaia; oiai, na loaa ia oe e Hawaii Ponoi he inoa kilakila ma ka paia o kou Home, nana e hoike nei ia oe he Aupuni ma ka Papa Like o na Aupuni o ka honua nei; nolaila, e hoonaniia ke Akua Mana Loa a e ola ka Moi ma Kona Hemolele.
            E NA hoa uhai a holo pu o ka Hui Hauoli, ua hiki mai nei kakou i ka pahu hopu o ko kakou mau anoi, ka la hoi a kakou e Kulaia nei me ka olioli nui a me na naau haakei piha; ua auamo like kakou me ka lokahi ikeia apana hana nui, ma ka hoomanao ana i ka la hauau o ko kakou Moi me ke aloha; a oiai kakou e na hoa malalo o na eheu o ke kuikahi, aia maluna o kakou e Hawaii Opio na manaolana ana o Hawaii Makua no ko kahua e ku ai ko kakou mau kapuai, a ina pela, alaila, o keia la a kakou e hauoli a e lealea nei, ka hoike nou e Hawaii Opio, na piha oe i ke aloha me ka mililani i kou Moi; a oia ko kakou kahua onipaa a me ke kumu nane ole e ku ai; a nolaila, e o'u mau hoahanau oiaio o ka Hui. o ka olelo hoolana hookahi a'u e waiho aku nei oo kakou a pau, mai na makaikai a me na maka hanohano i akoakoa mai, e hiipoi kakou i na hoa kumu o ka aina ma ka papa hoomamao o ko kakou naau, I MA" KA EA O KA AINA I KA POnO, no ka Lani Ihiihi a kakou e hooholike ae ai, "E ka Lani KALAKAUA I., E kulia mau i ka Nuu." Honolulu. Nov. 14, 1878.

Na Lealea Kalaia o ka la Hanau
ka Moi.

                Ma ka Poaono o ka pule i hala, oia ka la 16 o NOV. nei i nui kunewa malie aku la; oia no ka la hanau o ke Alii ka Moi. Ua hoea mai ka la me kona mau hiohiona nani, e hohola ae la i koni mau kukuna olinolino maluna o na pua olioli a me na wahi neoneo; a kiei ha-lo aka la iloko o ka pouli aaki o na kahawai lipolipo o ka waokele, o ka nanahe malie mai no a na kahawai liilii me he leo la no ka hanehane ma na kapa kahakai o Kuloloia. A haawi ae la ka Ia i kona malamalama maluna o ka aina, a mena kualono.
            Ma ka papa hoike malalo iho nei, e ike ai ko makou poe heluhelu a me ka lehulehu hoi e awihi hoomah ie mai ana i na hana lealea kulaia oia la.
            Ua hoomakaia na hana ma ka hora 9 o ke kakahiaka.

1 HEIHEI MOKU LIILII.

                Kulamanu, makana mua, $75, no Kahalemake. Paulina makana elua 50, no Wilcox. Hae Hawaii makana ekolu $30, no Bill. Pumpkin Seed makana eha $15, no W. F. Williams.

2 HEIHEI WAAPA EONO HOE.

Waialeale, makana mua $60.no C. Wilson. Minnie Burn, makana elua $30, no Kanakanui.

3 HEIHEI WAAPA EHA HOE.

American Eagle, makana mua $15, no H. Long. True Blue, makana elua S7, no C. Bruns.

4 HEIHEI WAAPA EHA HOE.

Minnie Burns, makana mua $25, no Kanakanui. Waialeale, makana elua $10, no C. Wilson.

5 HEIHEI WAAPA PEA.

Mocking Bird, makana mua $30.no H. Giles. Melon Seed, makana elua $15, no W. F. Williams.

6 HEIHEI WAAPA HUELO POKI

Nettie Merrill, makana mua S50,no C. Wilson. Onward, makana elua $20, no F. Wundenberg.

7 HEIHEI WAAPA HOOKAHI HOE.

American Eag!e, makana mua $15, no Jim. True B!ue, makana elua $7, no C. Bruns.

8 HEIHEI KABU.

Eo ia Bob. Moekolohe makana $5.

9 HEIHEI WAA MAOLI EONO HOE

Makana mua $20, lilo ia Kapule. Makana elua $10, lilo ia Pilipo.

10 HEIHEI WAA PEA.

Makana mua $20, lilo ia Pilipo.Makana elua $10, lilo ia Keau.
            Ua komo pu mai iloko o keia mau heihei na waapa kiki lawe ukana ekolu o ka mokuahi "Likelike," a na ke keiki Henry Kaaiakawaha no ka eha. A oiai hoi ka lehulehu e olioli ana no na hana lealea, i ka wa hoi a na moku liilii e huli hoi mai ana e komo iloko o ke awa, ua kahuli ia iho la kekahi o lakou oia o " Tea Kettle " mauka mai o ka hale kukui, a auau wahi kai iho la ko luna poe.
            Ma ka hora 12 awakea, ua haawi mai la ka Batari o Puowaina i ka lakou mau hoomaikai ana no ka la hanau o ka Moi; a o ka pau no ia a huli hoi aku la ka lehulehu ma kela me keia wahi a lakou i makemake ai e malama i ke koena o na lealea kulaia no ia la.

E KA NUPEPA KUOKOA E; Aloha oe:—
            E oluolu oe e hookomo iho ma kahi kaawale o kou mau kolamu i kekahi mau manao, no ka pono o ka lahui kanaka.
            Aia iloko o keia kulanakauhale i keia manawa na kanaka, wahine a me na keiki me na mai he lehulehu. Aka aole lakou makemake e malama pono ia lakou iho. Ua piha ko lakou hale noho me ka wela, no ka mea, ua pani ia a paa na puka a pau. Ke hoole nei keia poe mai, aole e kahea i kekahi kanaka; a ke hoole nei no hoi lakou i ke komo ana i ka Halemai; a no keia mau kumu ke make koke nei lakou. Aole hiki i kekahi ke kokua ia lakou no ko lakou hoopaakiki mamuli o ko lakou manao iho.
            Ano hoi, ina he poe waiwai kekahi, a he makemake ole paha e komo a noho iloko o ka Halemai; elike me ka poe ilihune a nele hoi, e hiki no ia lakou ke uku i na Luna o ka Halemai no ko lakou lokomaikai e like me ka poe haole, na mea e noho ana malaila; alaila, i ka wa a lakou ke luana ae mahalo o ka malu o na laau a e ike i ka olu o ia malumalu. A o ka poe nele hoi, he mea hiki ke loaa ia lakou keia mau mea maikai me na dala ole a me ke kumukuai ole.
            Nolaila, e ka Lahui kanaka Hawaii, no ke aha la oe e make ai? E o aku i kou lima a e hoola ia oe iho! "Ke kokua nei ke Akua i ka poe kokua ia lakou iho." Mahea ka pono o ko oukou uwe ana a me ke kaniuhu ana i ka wa a ko oukou mau hoaaloha e make ai? E kipaku aku mai ko oukou mau naau aku i na manao paakiki a me ka naaupo, a e hoao e hoola ia Hawaii nei. Me ke aloha.
KUNAKENA.

AHA MELE NUI !
E wehe ana ke
KULA SABATI O KAUMAKAPILI HE
AHA MELE NUI.
MA KA
LUAKINI O KAUMAKAPILI
ke hiki aku i ka po
Poaono la 30 o Novemaba 1878,
MA KA HORA 7 1-2 P. M.

                E KUUPAU ia ana ka nuuala me ke oeoe ma ia po. A mawaena o na himeni e hoikeike ia'na kekahi mau kii ano kupanaha, a ma ia wa e ike pu ia'i me ke kii kaa-ahi o na aina e, o na pomaikai e loaa mai ana, no ka pono o ka waihona Buke o ke Kula Sabatio Kaumakapili. Nolaila, ke kono ia 'ku nei ka lehulehu, e nana ae i ike maka, he ole ka lohe pepeiao. E loaa no na balota ma ka Halekuai hou o Jno.T. Waterhouse ma Alanui Alii ma ka lima o Henry Waterhouse, a i na Kumu Kula Sabati o Kaumakapili kekahi.
            Uku komo mai ka poe nui a ka poe liilii he hapalua dala wale no E hemo ana na puka ma ka hora 7pm, a hoomaka ma ka hora 7 1/2 p.m. 886 2t

HAULE.
$10 Makana! $10 Makana!

                UA haule he pine omau umauma i kinohinoia me ke gula, ua manaoia ua haule maluna o ka mokuahi Liklike a i ole ma ka uapo ma ke kakahiaka Sabati Oct.3. E aku ia aku no ka makana maluna ae i ka mea e kaa ai a hoihoi ae ma ka Hale Kuai Buke o Wini a me Robikana. Honolulu, Nov. 8, 1878. 883 tf

OLELO HOOLAHA.

                Aha Kiekie o ko Hawaii Pae Aina. ma ka hooponopono waiwai Mokupunio Oahu, Hawaii Pae Aina. Ma ka waiwai o John D. Watson no Kaneohe, Koolaupoko i ma ke. Olelo kauoha e koho ana i ia e hoomaka ai ka palapala kauoha, a no ka hoolaha ana. No ka mea, ma ka 1a 19 o Novemaba 1878. ua waiho ia mai imua o ka Aha, kekahi palapala i olelo ia. oia no ke kauoha hope loa o John D. Watson i make aku ia; a me ka palapala hoopii e noi ana e hooiaio a kela palapala kauoha a e hoopuka hoi ka palapala luna hooko no W.E. Pii a me Oliva Watson, ua waiho ia mai e W.E. Pii. Nolaila ua kauoha o ka Puakahi oia ka la 9 o Dekemaba, 1878, ma ka hora 10 ma ka Rumi Hookolokolo o ia Aha, ma Aliiolani Hale ma Honolulu oia ka la me ka hora o hooiaio ia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu, iloko o ke Kuokoa a me Au Okoa i laila, he nupepa i paiia a i hoolahaia ma Honolulu. A ua kauoha hou ia, e hoopukaia na palapala kena no na hoike no ia palapala kauoha. a me na hooilina o ka mea make, e hele mai a e kue i kela palapala kauoha i ka wa i olelo ia.
. Kakauia ma Honolulu, ko Hawaii Pae Aina, Nov. 19. 1878. Ikea: CHAS.C- HARRIS.
 Lunakanawai Nui o ka Aka Kiekie.
 8863t A Rosa, Hope Kakauolelo

            Aha Kiekie o ko Hawaii Pae Aina, Oahu. Kau o Okatoba, 1878. Kuala k ka mea hoopii no ke oki mare kue ia Mele w ka mea i hoopiil ia. Hoopii oki mare. Ma ka palapala hoopii i olelo ia maluna no ke oki mare, ano no kauohaia, o ka olelo hooholo e oki ana mai ka berita mare'ku, e hookomoia ma ka moolelo o ka Aha, mamuli o ka aoao o Kuala k no ke kumu o ka moekolohe a me ka haalele loa o Mele w i olelo ia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopili e hoolaha i ke kope i hoolahaia o keia olelo kauoha ma ka Pacific Commercial Advertiser a me ke Kuokoa i kela a me keia o na hebedoma eono; o ka hoolaka mua ana iloko o ka malama hookahi mai ka la aka i hoopukaia ai keia olelo kanaha; i mua e hiki ai i na mea a pau i pili ke hoike mai iloko o na malama eono ina he kumu ko lakou e hooko ole ia ai ia olelo hooholo a lilo i mea paa.
Na ka Aha, A.ROSA.
Hope Kakauolelo.
Hanaia i keia la 24 a Okatoba, 1878.
            Honolulu, ss: Ke hoike aku nei au me ka oiaio, o na olelo a paa mahuna ae, oia no ke kope oiaio a pololei o ka olelo hooholo o ka hihia maluna ae. a e waiho nei ma ke Keena o ke Kakauolelo o ka Aha Kiekie.
Hoike ia e ko'u lima ma Honolulu, i keia la 26 o Okatoba,
1878.. A. ROSA.
886 6t* Hope Kakauolelo o ka Aha Kiekie.

            Aha Kiekie o ko Hawaii Pae Aina, Oahu. Kau o Okatoba, 1878. Kaulua k ka mea hoopii no ke oki mare kue ia Kaoihana w ka mea i hoopiil ia. Hoopii oki mare. Ma ka palapala hoopii i olelo ia maluna no ke oki mare, ano no kauohaia, o ka olelo hooholo e oki ana mai ka berita mare'ku, e hookomoia ma ka moolelo o ka Aha, mamuli o ka aoao o Kaulua k no ke kumu o ka moekolohe a me ka haalele loa o Kaoihana w i olelo ia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopili e hoolaha i ke kope i hoolahaia o keia olelo kauoha ma ka Pacific Commercial Advertiser a me ke Kuokoa i kela a me keia o na hebedoma eono; o ka hoolaka mua ana iloko o ka malama hookahi mai ka la aka i hoopukaia ai keia olelo kanaha; i mua e hiki ai i na mea a pau i pili ke hoike mai iloko o na malama eono ina he kumu ko lakou e hooko ole ia ai ia olelo hooholo a lilo i mea paa.
Na ka Aha, A.ROSA.
Hope Kakauolelo.
Hanaia i keia la 24 a Okatoba, 1878.
            Honolulu, ss: Ke hoike aku nei au me ka oiaio, o na olelo a paa mahuna ae, oia no ke kope oiaio a pololei o ka olelo hooholo o ka hihia maluna ae. a e waiho nei ma ke Keena o ke Kakauolelo o ka Aha Kiekie.
Hoike ia e ko'u lima ma Honolulu, i keia la 26 o Okatoba,
1878.. A. ROSA.
886 6t* Hope Kakauolelo o ka Aha Kiekie.

            Aha Hookolokolo Kiekie o ko Hawaii Pae Aina ma ka hooponopono waiwai. Ma ka hana o ka waiwai o E. Mikalemi k o Honolulu i make.Ma ke keena imua o ka Lunakanawai Kiekie Harris. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike o W. L. Wilcox, lunahooponopono o ka waiwai o E. Mikalemi no Honolulu, Oahu i make, e noi ana e apono ia na hoolilo he $1713.60, a e hoike ana o na mea i loaa mai iaia he $1658.50, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauohaia, O ka Poakahi ka la 16 o Dekemaba, 1878, ma ka hora 10 o kakahiaka, imua o na Lunakanawai ia, ma ke keena ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi ia, a me na papa hoike i oleloia, a o ka poe a pau i pili malaila e hele mai a e hoike i ke kumu ina he kumu io ko lakou e ae ole ia ai ua noi ia, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Beritania a me ka olelo Hawaii, e pai ia maloko o ka Pacific Commercial Advertiser a me ke Kuokoa he mau nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakau ia ma Honolulu, ko Hawaii Pae Aina, i keia la 21 o Novemaba, 1878. CHAS C. HARRIS,
Ikea : Lunakanawai Nui o ka Aha Kiekie.
886 3t A. Rosa, Hope Kakauolelo o ka Aha Kiekie.

Aha Hookolokolo Kiekie o ko Hawaii Pae Aina.
WILLIAM H. REED, ka mea hoopii
kue ia S. KIPI a me ELIAS BOND, na mea i hoopiiia.

                Ma ka pono o ka palapala i hoopukaia e ka Aha Hookolokolo Kiekie o ke Kanawai a me ke Kaulike o ko Hawaii Pae Aina, ma ka la 19 o Novemaba, 1878, no ke koina a ka mea hoopii i olelo ia maluna no na dala he $6371.23.
            E kuai kudala aku no au ma ka Poakahi, oia ka la 16 o Dekemaba, 1878, ma ka hora 12 o ke awakea, ma ke alo iho o Aliiolani Hale, i na pono, na pomaikai a pau o na mea i hoopii ia, a me na waiwai moraki i hoike ia, a i kuhikuhiia hoi ma ka moraki o ka mea koi, i hoike ia hoi malalo iho:
            1.—O kela aina a pau e waiho ia ma ka Apana o Hamakua, mokupuni o Hawaii, a ua ike ia hoi oia ke Ahupuaa o Kukaiau, a oia no hoi ka waiwai i hoike ia ma ka palapala kuai a G. W. Macy ia S. KIPI. i hanaia i ka ia 16 o Feberuari, 1867, a i hooiaio ia hoi ma ke Keena Hooiaio ma Honolulu, Oahu, ma ka buke 23, aoao 152 a me 153.
            2.—O kela mau aina a pau e waiho ia ma ka Apana o Hilo, Hawaii, a oia no hoi ka waiwai i hoakaka ia ma ka palapala kuai a J.H. Coney a me L.A. Coney ia S. KIPI, i hana ia hoi i ka la 4 o Iune, 1872, a i kope ia hoi ma ka Buke 36, aoao 3 a me 4. .
            3.—O kela aina a pau, e waiho ia ma ka Apana o Hilo, Hawaii, i kapaia o Mokuhonua. a i hoakaka ia hoi ma ka Palapala Sila Nui, Helu 1099, nona ka ili he 3774 eka.
            4.—O kela aina e waiho ia ma ka Apana 6 Hilo, Hawaii, i ike ia oia o Halepuna, a i hoakakaia hoi ma ka Palapala Sila Nui, Helu 2980 nona na eka he 153.
            Aia wale no ke koe o keia mau waiwai i hoikeia, a hookaaia mai ke koina a me na lilo a pau. W. C. PARKE,
 Hamuku.
Honolulu. Nov. 21,1878. 886 4t

E NAUE, E KIPA, E KOMO!
MA KA
HALEKUAI HOU O
J. T. WATERHOUSE,
(W A I . A K A H A U K I )

                Oia Hoi ka Halekuai i Noho mua ia ilio nei e DILINAHAMA MA, MA ALANUI ALII, Malaila e loaa ai i ka lehulehu na mea kuai o kela me keia ano. A e kuai hoopakika ana oia me ka manuahi nui launa ole i na waiwai i hoike ia malalo iho. NA Pa, Bola na Ipukukui, na mea Hao, na Mea Aniani, na Noho Lio Beretane, na Aila Lauoho, na O-o Hao, Kopala, Ili Hana Noho Lio, Kuaina Upena, Palaoa Berena, Ihoiho Kukui, me ka Pahu. Na Bakeke Hao, na Pena a me na Aila Pena, na Aila Mahu maikai loa. UA HOAO IA A UA IKE IA KA MAIKAI. A me na waiwai he nui wale o na ano likeole, pau ole ke hai aku. A na ko kakou makamaka Henry Waterhouse e hookipa aku ia kakou malaila. Nolaila, e hele mai hookahi, a e hele mai no a pau. 886 4t

            E ike auanei na kanaka a pau e nana mai ana i keia, owau o Puakala k. no Mokuleia, Waialua, Oahu, mamua, nolaila, ke haiaku nei au me ka oiaia loa, o kuu hoolilo ana i ko'u hapa ma ke kanawai. Iloko o ka waiwai paa o Hapo k a me Kahuia k, oia na apana aina e waiho ia ma Paukauila, Kamananui, Waialua, Oahu, hoike ia ma ka palapala Sila Nui Helu 575 ia Poina Waimaka mamua aku nei, aohe mana oia hoolilo ana a'u, no ka mea, aole i hookaa iki mai o ua Poina Waimaka ia i na dala he kanakolu iloko o ko'u lima, a hiki i keia ia a'u e hoolaha nei ma ka Nupepa Kuokoa, nolaila, ua lilo loa ia palapala i mea ole mai keia ia aku  P. PUAKALA.
Kamananui, Waialua, O, Oct. 29, 1878. 883 4t

E N A
LEDE A ME NA KEONIMANA!
o ka
MAKANI APAAPAA O KOHALA.

                E Kipa, E Naue, E Komo, A e ike i aa Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI! Ma la ila no e loaa ai ia oukou keia mau Waiwai Maikai malalo iho nei: NA PAPALE WAHINE HULU NANI HOU LOA E PULELO AI I KA MAKANI. Ina no hoi e kau mai i ka poo, aohe i kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi hele kela a "Kau ka Iwa he la makani," i ka ua mea o ka Nani Lua Ole. oia no oe ia o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae. ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na Kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oio no oe la, o ka Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona. NAKALAKOA Eia no hoi na Lole Kalakoa ke ehu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau ka panio. Na Pa, Bola., &c. A eia no hoi ma ko maua Halekuai nei na Pa, Bola, Ipukukui, o ke nui a me ka liiiii, a me na waiwai e ae he nui wale, he hiki ole ke hue pau aku i ka nui launa olle. O keia mau waiwai i hoakakaia maluna, e loaa no ia oukou ma ke kumukuai makepono loa. AKINA & ASEU,
Kaiopihi, Kohala, Hawaii, Nov. 9, 1878. 885 tf

            Aha Hookolokolo Kaapuni Apana Eha o ko Hawaii Pae Aina, ma ka hooponopono waiwai. Ma ka waiwai o Kaili k o Koloa, Kauai i make kauoha ole. Imua o ka Lunakanawai Kaapuni ma ke keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Mahoe w o Koloa, e hoike mai ana o Kaili no Koloa, Kauai, ua make kauoha ole ma Koloa ma ka la 2 o Maraki 1878, a e noi ana e haawi ia ka palapala hookohu lunahooponopono waiwai ia Frank Bindt k. Ua kauohaia o ka Poalua ka la 10 o Dekemaba 1878, ma ka hora 10 kakahiaka, oia ka manawa i koho ia no ka hoolohe ana i na noi la imua o na Lunakanawai ia, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa, he nupepa ma Honolulu. Kakauia ma Koloa ko Hawaii Pae Aina, Nov. 6,1878.
 JACOB HARDY, 883 3t Lunakanawai Kaapuni Apana Eha H.P.A.

            Aha Kiekie o ko Hawaii Pae Aina, Oahu. ss. Kau o Okatoba, 1878. Lavinia ka mea hoopii no ke oki mare, kue ia Nakapuahi ka mea i hoopii ia, hoopii oki mare. Ma ka palapala hoopii i olelo ia maluna no ke oki mare, ano ua kauohaia, o ka o lelo hooholo e oki ana mai ka berita mare 'ku e hookomo ia ma ka moolelo o ka Aha, mamuli o ka aoao o Lavinia no ke kumu o ka haalele loa o Nakapuahi k i oleloia, e lilo i mea paa mahope o na malama eono mai ka la i hoopuka ia ai keia olelo hooholo ke hanaia e like me na olelo malo-ko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka ia aku i hoopukaia ai keia olelo kauoha; i mea e hiki ai i na mea a pau i pili ke hoike nai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa.
 Na ka Aha. JNO. E. BARNARD.
 Kakauolelo.
Hanaia i keia la—o—1878.
            Honolulu, ss : Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, ae waiho nei ma ke Keena o ke Kakauolelo o ka Aha Kiekie.
Hoike ia ko'u lima a me ke Sila o ka Aha Kiekie ma Honolulu, i keia la 4 o Novemaba, 1878. JNO. E. BARNARD. 884 6t. Kakauolelo o ka Aha Kiekie.

            Aha Hookolokolo Kaapuni Apana Eha o ko Hawaii Pae Aina, ma ka hooponopono waiwai ma ka waiwai o Kaahuna k o Nawiliwili, Kauai, i make kauoha ole. Ma ke keena imua o ka Lunakanawai Kaapuni Apana Eha H P A. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a iNaipuone w o Nawiliwili. Kauai, e hoike mai ana o Kaahuna no Nawiliwili, Kauai, ua make kauoha ole ma Nawiliwili, Kauai, ma ka la 14 o Iuiai, 1876, a e noi ana e haawi ia ka palapala hookohu lunahooponopono waiwai ia G.W.K. Malama. Ua kauoha ia o ka Poalua oia ka la 10 o Dekemaba, 1878. i ka hora 10 kakahiaka, oia ka manawa i koho ia no ka hoolohe ana i ua noi ia imua o na Lunakanawai ia, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko lakou, e ae ole ia ai ua uoi ia. A o kela olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu. Kakau ia ma Koloa ko Hawaii Pae Aina. Novemaba. 1878.
 JACOB HARDY, 884 3t Lunakanawai Kaapuni Apana Eha H P A.

            Aha Hookolokolo Kaapuni Apana Eha o ko Hawaii Pae Aina, ma ka hooponopono waiwai ma ka waiwai o Huahaule k o Waimea, Kauai, i make kauoha ole. Ma ke keena imua o ka Lunakanawai Kaapuni Apana Eha H.P.A. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Kaaihue w o Waimea, Kauai, e hoike mai ana Q Huahaule no Waimea, Kauai, ua make kauoha ole ma Waimea, Kauai, ma ka la 21 o Okatoba, 1876, a e noi ana e haawi ia ka palapala hookohu lunahooponopono waiwai ia Kaaihue w. Ua kauohaia o ka Poalua oia ka la 10 o Dekemaba. 1878,. i ka hora 10 kakahiaka, oia ka manawa i kohoia no ka hoolohe ana i na noi ia imua o na Lunakanawai ia, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko lakou, e ae ole ia ai na noi ia. A o keia olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu. Kakau ia ma Koloa ko Hawaii Pae Aina, Novemaba 2.1878.
 JACOB HARDY. 884 3t Lunakanawai Kaapuni Apana Eha H P A.

            Aha Kiekie o ko Hawaii Pae Aina, Oahu. Kau o Okatoba, 1878. Kahinu w ka mea hoopii no ke oki mare kue ia Nakoana k ka mea i hoopii ia. Hoopii oki mare. Ma ka palapala hoopii i olelo ia maluna no ke oki mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Kahinu w no ke kumu o ka moekolohe a me ka haalele loa o Nakoana k i olelo ia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopili e hoolaha i ke kope i hoolahaia o keia olelo kauoha ma ka Pacific Commercial Advertiser a me ke Kuokoa i kela a me keia o na hebedoma eono; o ka hoolaka mua ana iloko o ka malama hookahi mai ka la aka i hoopukaia ai keia olelo kanaha; i mua e hiki ai i na mea a pau i pili ke hoike mai iloko o na malama eono ina he kumu ko lakou e hooko ole ia ai ia olelo hooholo a lilo i mea paa.
Na ka Aha, A.ROSA.
 Hope Kakauolelo.
Hanaia i keia la 19 o Okatoba, 1878.
            Honolulu, ss: Ke hoike aku nei au me ka oiaio, o na olelo a paa mahuna ae, oia no ke kope oiaio a pololei o ka olelo hooholo o ka hihia maluna ae. a e waiho nei ma ke Keena o ke Kakauolelo o ka Aha Kiekie.
Hoike ia e ko'u lima a me ka Sila o ka Aha Kiekie ma Honolulu,
i keia la 26 o Okatoba, 1878. A.ROSA A. ROSA.
883 6t* Hope Kakauolelo o ka Aha Kiekie.

Kuai a ka Lunahooponopono Wai-Wai ma ka Waiwai Paa.

                Ma ka pono o ka palapala kauoha i hoopukaia e ka mea hanohano CC. Harris ka Lunakanawai o ka Aha Hookolokolo Kiekie.
            E kuai aku no au ma ka Poaono, oia ka la 30 o Novemaba ma ka hora 12 o ke awakea, ma ke alo iho o Aliiolani Hale, he kuai ma ke kuike i ka mea e koho kiekie mai ana. i na pono a me na pomaikai a pau o C. Kanaina i make, oia hoi keia mau waiwai paa malalo iho, penei:
            Apana 1. He aina mahi kalo e waiho ia ma Manananui. Ewa, Oahu. nona hoi ka ili he 88-100 eka.
            Apana 2. Ma ia wahi no, he apana aina, oia hoi he hookahi pa hale a me ka aina kalo. O ka ili he 41-100 eka.
            Apana 3. Ma ia wahi hookahi no, he hookahi aina kula a me ka aina kalo. O ka ili he 24 eka.
            Apana 4. Ma ia wahi no, he aina kula a me ka aina kalo. O ka ili he 1 30-100 eka.
            Apana 5. Oia hoi ka ili aina o Puakea, ma Ewa, he 19 eka aina kanu raiki i hoolimalima ia no na makahiki he 10 mai ka 1876 aku, ma ka $100. e uku ia ma ka hapalua makahiki; a he loko ia he 12 1/2 eka i paa pono ka pa ia; a o na pono lawaia o Wahaloa, mawaho ae ia o ka loko ia, nona ka ili he 53 eka, e kuai ia aku no keia apana aina me kela hoolimalima maluna.
            Apana 6. Ma ka ili aina o Muliwai, Ewa, Oahu, he 3 1/2 eka he aina kalo a me ka aina kula.
            Apana 7. Ma ia wahi no, he apana aina he 42-100 eka, he aina kalo a me ka aina kula.
            Apana 8. Ma ia wahi no, he aina kalo he 3 57-100 eka.
            Apana 9. Ma ia wahi no, he 40-100 eka aina kalo.
            Apana 10.He kahawai mai kela kapa a i keia kapa e kokoke ana i kahi i waiho ai keia mau aina maluna, he 7 89-100 eka ka nui.
            Apana 11.Oia hoi ka ili o Kaiieie, Kalihi, Oahu, i mahele, ia malalo iho.
            Kaiieie he 26 eka, he kula a me ka aina wahie.
            Leaha he 65 45 100 eka, he aina kula a me ka aina wahie.
            Luaia he 9 eka he aina kalo. A e kuai pakahi ia aku no keia mau apana aina.
            Apana 12. Ka aina o Pamoa, Manoa, Oahu, a me ka aina o Kolowalu ma ia wahi hookahi no, he 46 6-100 eka, he aina kalo i pau i ke kanu ia, ke hoomakaukau ia nei ke ana ana i keia mau aina maluna, a e kuai pakahi ia aka no.
            Apana 13. Na aina o Kalehua a me Kukuiao ma Manoa, Oahu, he 22 1/2 eka. O ka aina o Kalehua ua hoolimalima ia no ke kanu raiki no na makahiki he 15, mai ka la 1 o Oct. 1876, a e kuai ia aku no me keia hoolimalima, he $235 ka uku hoolimalima no ka makahiki. A ke hoomakaukau ia nei ke ana kaawale ana o keia mau aina. A e kuai hookaawale ia aku eo kela a me keia.
            Apana 14. O ka aina oHaukulu a me Waihinui ma Manoa,he 112 1/2 eka, o ka aina hanai holoholona a me ka aina wahie.
            Apana 15. O kela apana aina mahope aku o Kauka Makipine, ma ka aoao o ke alanui Puowaina, a e komo ana hoi mai ke alanui Ema a me kahi alanui uuku ma ka aoao hikina o kahi noho o Kauka Makipine. Apana A, he 3 18-100 eka, a o ka apana B, he 93-100 eka, he maa pa hale maikai loa keia, a e kuai hookaawale ia aku ana kela a me keia.
            Apana 16. He apana aina ma ke awawa o Palolo, he 82-100 kaulahao kuea.
            Apana 17, He apana aina ma Waiehu, Maui, he 1/2 eka.
            Apana 18. Na aina o Manienie, Kaohe, Puhiawaawa, Kauanoku, Puohala a me Lemuke, e waiho ia ma Wailuku, Maui. Aohe i ike ia ka nui o keia mau aina, aka, ke hoomakaukau ia nei ke ana pakahi ana i keia mau aina, a e pau ana i ke ana ia mamua o ka la e kuai ia aku ai.
            E kuai kaawale ia aku no keia mau aina. O na aina o Kauanoku a me Puohala, ua hoolimalima ia i ka Hui mahiko o Wailuku, a ua makemakeia e uku i ka mea e lilo ai, ma ka $600 o ka makahiki mai ka la e kuai ia ai a hiki i ka wa e oo ai a e wili ia ai ke ko e ulu nei maluna o keia mau aina.
            Apana 19. O ka aina o Poaaloa ma Ukumehame, Maui, ke hoomakaukau ia nei ke ana ana.
            Apana 20. 1 Apana aina ma Kawaiku, Lahaina, he 19 mau pauku.
            Apana 21. O ka apana aina ma Lahaina, mai ia J. Kahuia a ia C. Kanaina, he 38 pole kuea.
            Apana 22. 1 Apana aina ma ke ahupuaa o Kuholilea, Lahaina, i kualia e Nipoa a me kana wahine ia C. Kaaaina, he 1 eka me 15 ruda.
            Apana 23. 1 Apana aina ma ia wahi hookahi no, i kuai ia e kela mau mea ae ia maiana ia C. Kanaina, he 2 ruda.
            Apana 24. Ka aina o Paeohi ma Lahaina, he 1 eka, i ruda a me12 pauku.
            Apana 25. Ke ahupuaa o Anaehoomalu a me ka Loko Ia ma Kohala Hema, Hawaii.
            Apana 26. Ke ahupuaa o Kalahuipuaa ma Kohala Hema, Hawaii. O keia aina ua hoolimalima ia no na makahiki he 2O mai ka makahiki 1876 no ka $100 no ka makahiki, a e kuai pu ia aku no me kela hoolimalima maluna.
            O ke ana ana o kela mau aina elua maluna, aia no ia ma ka lima o Mr. D.H. Hitchcock, a e loaa no i na mea a pau.
            A pela no hoi me ka nui o na aina maluna, ke makemakeia no na mea e pili ana i keia kuai ana.
            Na ka mea kuai mai e uku i ka hana ana i na palapala.
            O na kuhikuhi a me ke ana ana o na aina i hoike ole ia 'ku ko lakou mau wehewehe ana, e ike ia no ma ke keena o
 W. C. PARKE.
 Lunahooponopono o ka Waiwaio C. Kanalua i make.
 Honolulu, Nov. 6. 1878. 884 4t

Kuai a ka Hamuku.

                Ma ka pono o ka olelo hooholo i hoopukaia o ka Aha Hoomakolokolo Kiekie o ko Hawaii PaeAina ma ka la 24 o Okatoba, 1878, ma ke koina a Antone no $104.06 kue ia Ah Kong. E kuai kudala aku no au ma ke keena kudala o C. S. Bartow ma ka Poaono, oia ka la 7 o Dekemaba ma ka hora 12 o ke awakea, i.na pono a me na poomaikaio Ah Kong i oleloia oia hoi he hookahi kaa lawe ohua hoa maikai loa a pau no hoi. Aia wale no ke koe a uku mua ia mai na koina i olelo ia, a me na lilo a pau a me ko'u uku. W. O. PARKE, Hamuku. Honolulu, Nov. 8, 1878. 884 5t