Ka Nupepa Kuokoa, Volume XVII, Number 37, 14 September 1878 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

PAPA, PAPA

AIA MA KAHI O

LEWERS & DICKSON!

(O LUI MA.)

 

MA KE KAHUA KAHIKO MA

Alanui Papu a me Moi!

E LOAA AI NA

 

Papa Nouaiki!

 

o kela a me keia ano.

 

Na Papa Nani a Paa no ke Kukulu

ana i na Hale!

 

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa.

 

NA PILI O KA HALE

O NA ANO A PAU.

 

Na Pepa Hoonai, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano,

Na Aila Hoomaloo, he lehulehu wale,

Na Aila e ae o na ano a pau.

 

NA WAI VANIKI

A ME NA

WAI HOOHINUHINU NANI!

 

o na ano a pau loa.

 

NA BALAKI ANO NUI WALE!

 

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

 

NO KA

 

UKU HAAHAA LOA!

 

E like me ka mea e holo ana mawaena o

LAUA a me ka MEA KUAI.

 

E hele mai!  E na Makamaka!!

A e lawa no hoi ko oukou makemake

me ka oluolu a me ka maikai!

845 tf

 

KOPA KUKAEPELE

A

GLENN!

 

AOLE LUA NO KA HOOMAE

MAE I KA ILI!

 

He mea hoopau i na eha,

Na Ili Puupuu,

A he hoomaemae i na mea ino,

A he hoopau Lumatika,

A he kopa auau no hoi

 

O keia Kopa ka oi aku o ka mea maika

I waihoia mai imua o kanaka.

 

Aole wale no ka Hoopau ana i ka Huehue

Ili Poha, Wela la, Luluaina, a me

na mea e ae o ka Ili;

A ma ia holoi ana, o ka hoopalupalu pu ke

kahi i ka Ili, a keia

Laau Hoomaemae lua ole e hana ai.

 

O ka hoemi ana iho i na mai o ka Ili, a o

ke pale aku i ka mai mai na lole e na

Mai Lele, oia kekahi.  O na ohana

ame na poe makaikai, ina

e hoolako lakou

i keia

KOPA HOOMAEMAE LUA OLE!

ALAILA, UA LANAKILA LAKOU.

 

He hoopau i ka lehu o ke poo,

A he Kopa no hoi e kaohi mai ai

I ka lauoho mai ka hina ana.

 

Ua hooia nui mai na Kauka no ka maikai o

keia Kopa!

 

E loaa no ma kahi o

            M. McINERNY.

Kihi o na Alanui Papu a me Kalepa,               840 3m

 

RICHARD F. BICKERTON,

[PEKETONA.]

LOIO a he KOKUA  ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau. Ina paha ma Oahu nei, a ma na Mokupuni e ae.

            Ua makaukau mua oia i ka hana ana i na Palapala pili kanawai o kela a me keia ano.

            Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa.

            E hanaia na hana me ka hikiwawe a me ka uku haahaa.

            Keena hana, Helu 23 Alanui Kalepa, elua puka ma o aku o ka hale kauka o Kaula Minuteole.        840 1y

 

A. MoWAYNE,

HALEKUAI LAAU LAPAAU A ME NA WAIALA o na ano a pau, me na SOPA ALA o na ano he nui wale.  Ma ke kihi o Alanui Papu me Kalepa.

840 1y

 

WM. O. SMITH,

LOIO.

WAILUKU, MAUI.

Ua waiho oia i na Oihana Aupuni a pau a ua makaukau e lawelawe i ka Oihana Loio me ke kuokoa. 840 6m

 

E.O. HALL & SON.

(E.O. HOLO MA.)

NA MEA KUAI I NA MEA MAHIAI, Na Lole, Na Pena, Na Aila, a me

Na ano Lako e ae a pau he lehulehu wale.

846      Kihi o Alanui Papu me Moi.   1y

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa,

Keokeo, Leponalo,

Pena, Aila, Aniani,

 

KA MEA PIULA!

KOPA, AILA HONUA,

AILA HOOMALOO

 

Kui Kakia, Pakeke,

Tabu, Kaula, Noho Lio,

Hulu Palaki, na Pulumi.

 

A HE

 

AGENA NO HOI NO NA MOKUPUNI O HA

WAII NEI NO NA

 

Lainakini-nao,

Lainakini Maoli,

Palule Kalakoa,

Alapia, Kelepa, Kilikia,

 

Na lole kupono i ka wawae,

Palulue Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &e.

 

LIPINE, LIHILIHI, &e.

 

 A ME NA

 

Mikini Humuhumu MakeponoLoa!

 

A HE

 

MAU MEA AI KANI

 

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &e.

 

Ahe Laau Lapaau Kaulana Loa

A DR. JAYNES.

 

Laau Kunu,

Laau Hoomaemae Koko

Laau Hoopau Naio,

Penikila, Huaale,

 

A ME NA LAAU HAMO, A PELA'KU!

827 3m 839

 

PAPA! PAPA!

NO

ALLEN & ROBINSON

 

UA WEHE AE NEI MAUA I

PA KUAI PAPA

MA

KA UWAPO O PAKAKA!

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

 

Na Pena a me na Aila Pena!

 

NA KU'I O NA ANO A PAU.

 

NA PANI PUKA a  me

NA PANI PUKA ANIANI.

NA PANI PUKA ame

NA OLEPELEPE

 

NA LAKO KUKULU HALE

O NA ANO A PAU!

 

E KUAIIA MA KE

 

KE KUMUKUAI HAAHAA LOA

 

O keia Makeke.

 

ALLEN & ROBINSON.

Honolulu, Ina. 1, 1879.           840 3m

 

OLELO HOOLAHA.

 

KO BIHOPA MA

BANAKO MALAMA DALA!

 

E MALAMA NO MAUA I KE DALA O na kanaka maloko o ka Banako penei:

            Ina hoomoe mai ke kanaka hookahi i na dala $2.00 a emi mai paha, alaila, e uku i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana.  ke waihoia ke dala hoomoe i ekolu maluna a keu paha. Aole ukupanee e helu ia no ka hakina o ke dala hookahi.  aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai.

            Ma ke kikoo wale no a ka mea dala e haawi ai i kana, a o ka Buke kekahi ke laweia mai.

            Ma ka la mua o Sepatemaba i keia makahiki a i keia, e houluulu ai i ke dala, a e haipuia ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee.

            Ina oi aku ke dala hoomoe mamua o $300, alaila, hooholo pu ka olelo.

            E weheia ka Hale Banako i na la hana a pau.

851 tf              BISHOP & Co.

 

AHA Hookolokolo Kiekie o ko Hawaii Paeaina, ma ka hooponopono waiwai.  Ma ka hana o ka waiwai o Opunui o Moiliili i make ma ke Keena imua o ka Hon. A.F. Judd kauoha e hoolaha i ke noi e apono i na papa hoike, hookaa ana, a e mahele i ka waiwai.  Ma ka heluhelu a me ka waiho ana mai o ka palapala noi a me ka papa hoike e Geo. Nohona, lunahooponopono o ka waiwai o Opunui no Moiliili, Oahu i make, e noi ana e apono ia na hoolilo he $16.70, a e hoike ana o na mea i loaa mai iaia he $46.70, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.  Ua kauohaia, o ka Poalua ka la 8 o Okatoba 1878, ma ka hora umi o kakahiaka, imua o ua lunakanawai la, ma kekeena ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la, a me ka papa hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua  noi la, a malaila e hoike mai ai na hoike o na mea i kuleana maloko o ka waiwai i olelo ia.  A o keia kauoha ma ka olelo Hawaii, e paiia maloko o ka Nupepa Kuokoa he nupepea i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.

            Kakau ia ma Honolulu, ko Hawaii Paeaina, i keia la 4 o Sepatemaba 1878.  A. FRANCIS JUDD.

            Ikea:    Lunakanawai o ka Aha Kiekie.

            875 2t              A. Rosa, Hope Kakauolelo o ka Aha Kiekie.

            Kakela a me Haki no Nohona.

 

KUAI

            E KUAI ia ana hookahi eka kalo a oi aku ma Niolopa, e o-o ana i ka malama o Okatoba.  871 tf E ninau ia J.H. CONEY, (Koni.)

 

MAI keia la 2 aku o Sept. 1878, aole e ae ia kekahi mea a mau mea e hoaie ma kuu inoa.    JAMES KEAU.

            (875 4t*)

 

S.B. DOLE,

HE LOIO A HE KOKUA no na KANAKA ma ke Kanawai.  E hiki no iaia ke lawe i na hihia o kela a me keia ano imua o na Ahahookolokolo a pau o keia Aupuni.

            Keena hana ma Alanui Papu, maluna ae o ka Halekuai o Likikini.

            Honolulu, Oahu, Januari 19, 1878.     3 1y

 

He Nui Anei Kou Makemake i na

Mekini Humuhumu Lole?

Ina pela, alaila, e kipa mai no ma ka Halekuai

o

KAKELA A ME KUKE.

A malaila oukou e ike ai a makaikai i na ano

MEKINI a WHEELER a me WILSON,

mai ke $40 a hiki i ke $50 ke kumukuai o ka mea hookahi.

Ka MEKINI  a SINGER,

ma ke $50 pakahi, a me ke ano

MEKINI a WILCOX me GIBBS,

ma ke $30 a hiki i ke $50 ke kumukuai.

            I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho.          802 tf

 

Ale ka Wai ke Ike Aku

I keaha la hoi?

I na Waiwai Nani ano Hou loa hoi paha o

ka Halekuai o

GOO KIM.

Nana akuno hoi oe, "Hoonuanua i

Apua a Kalamaula."

            OIA no hoi na Hainaka Silika Nunui Eleele a Ulaula.  Pulu, Wai Gula a Wai Dala.  Na Hainaka liilii Lei A-i.  Na Mamalu kane, wahine a me na Mamalu liilii kihi weluwelu o na kaikamahine.  Na uhi huihui nani nunui a liilii.  Na Kihei SIlika lau ma kaekae.  Na Koloka kamalii nani a me na Koloka hoopumehana no na bebe.  Na Huluhipa lau a me na lole huluhulu holoku o na wahine.  Na Muumuu keokeo o na wahine lihilihi ma ke alo, a me na Palekoki.  Na Papale wahine Malina i hoopinanaia kekahi aoao, hele kela a kapakahi Manuia o Keokoi ka moku.  Na Papae Waiokila aiai, a ke kau mai i ke poo, moa uakea lua keia ke pa iho ka la, a he nui wale na ano papale e ae i ike ole ia mamua.  Na Hulu Eheu Manu no na papale wahine, e kau ai ka iwa.  Na Kalakoa hou loa, na Makalena ame na lole Iliwai, na Puuwai Gula a me na Gula Pepeiao o na wahine.  Na Kamaa ano hou o na kane, wahine a me na kamalii, na Kuka Kanahai, na lole wawae a me na Palule o na ano he nui wale, a me na Pale Pakaukau.

            Na Hainaka Silika Hou loa o kela a me keia ano waihooluu like ole, nui a liilii, na Kalakoa Huluhipa ano hou loa, na Makalena o kela a me keia ano, na Moena Pake, Ti Inu a me na mea hou e ae he nui wale na ano mai Kina mai.

            O keia mau waiwai, eia no ke ahu mai nei o na ano hou loa wale no, a me kekahi mau waiwai e ae he nui loa i hiki ole ke helu papa aku.  Ina aku no hoi a kapalulu hou mai, ma kela a me keia ku ana mai o ka mokuahi o na aina e.  Nolaila e komo hale no e na hoa o ka iu o ka la, e awe i ko oukou mau iini aole no hoi makou e uiha iki, ke hele mai oukou e kuekaa i na waiwai ina no ke kuai a nana wale no paha.  E kuaiia aku no keia mau mea ma na kumukuai haahaa.  Ma na Poakahi a me na Poaono, oia na la e kuai hoopaki loa ia aku ai ua mau waiwai nei.

            858 tf              GOO KIM.

 

HALEKUAI PA.

KE OWAKA NEI ME KA PANIO

Na Waihooluu o na Pa,

O KUU

HALEKUAI HOU

ma ke

Alanui Nuuanu.

 

Ua hoonee ia ae nei ka Halekuai Pa e pili

pu ana me ka Halekuai o Goo Kim, ma ke

alanui Nuuanu, aia ma ka puka elua o

ka Halekuai ma ke kihi o ke ala-

nui Chaplain, makai iho o ka

pa o ka Moiwahine Ema.

 

Ke hoike ia aku nei i ka lehulehu, eia malo-

ko oia Halekuai e loaa ai ia oukou

na waiwai malalo iho:

 

Na Pa Nui a Liilii

Na Pa Huewai Lepo

Na Pika Wai, nui a Liilii

            Na Kiaha, o na ano waihooluu a pau

            Na Bola, o kela me keia ano

            Na Ipukukui Hele Po.

                        Na Ipukukui Kau Hale

                        Na Ipukukui Aila Mahu

                        Na Ipuhao o na ano a pau.

                                    Na Ipu Ti

                                    Na Ipu Waiho Waihau

                                    Na Pa Waiholoi Maka, nui

a liilii o na ano a pau loa, me na waiwai e ae he nui hiki ole ke hue pau aku.

 

Ke kahea ia aku nei no ka lehulehu e hele mai no oukou e ike maka, a e wae no oukou iho, a e kuai aku no au ia oukou me ke kumukuwai makepono loa mamua o ko na Halekuai Pa e aku o ko kakou kulanakauhale alii nei.            Sam-wo-chung.

            Honolulu, Iulai 24, 1878         869 6m

 

Nuhou o ko na Aina e!

 

            Ma ke ku ana mai o ka mokuahi Kulanakauhale o Kikane; ke ahiahi Poakahi iho nei, ua loaa hou mai ia makou na mea hou ano nui malalo iho, a oia no hoi ka makou e hoonuanua aku nei no na papaaina a ko makou mau tausani poe heluhelu:

KE KAUA O AUSETURIA.

            Viena.--O ka poe kue i lawe pio ia ma Bosinia e hoouna ia ana ma na papu o Rienstadt, Konigsgratz a me Comorn.

            Ua hoike ae o Ge. Iovanovich o ke kulana o na koa kue mamua o Stolatz, ua lawe ia ae e na Auseturia ma ka la 21, mahope iho o ka hala ana o na hora hahana loa o ke kaua ana, he nui loa na'lii o na puali koa  kue i pau i ka make.  O ka poino o na Auseturia he umi mau koa i make a he 32 i ole mahunehune.  Ua lawe pio ae na Auseturia he 27 mau pu kuniahi ma Serajevo.  O ka poino o na Bosinia ma Terajova, he 1,000.  He uuku loa ka poino o na Aaseturia, aka, he nui loa ka poe i ola mahunehune.

            Viena.--O ka poino o na Bosinia ma Serajevo, he 300 i make a he 700 poe i eha.  Ua manao ia he nui loa o keia poe i lawe ia e ko lakou mau makamaka.  He 300 Auseturia i eha a ola mahunehune.

            Eia na inoa i kauoha ia e ka Imeperiela oia o Generala Phillippovick ke alakai o ka mahele 12 o ka puali koa.  Ke Duke o Wurtemberg ke alakai o ka mahele koa 13; o Generala Ramberg ke alakai o ka puali koa helu 5; o Generala Sezapary ke alakai o ka puali mahele 3; a me Genesala Bieert ke alakai o ka puali helu 4.  Ke hui ia na koa o na mahele a pau ua hiki ka huina i ka 180,000 no ke kaua elua.

            O keia mau puali koa i hoomakaukau ia no ke koe aku ia Serevja a me Montenegso.

            Ma ka lilo ana ae o Serajavo i na Auseturia, he mau tausani koa o na puali koa Tureke i holo aku i Bosinia ma ke ala ma ka hema,  me ko lakou mau alakai ole, a ua hopu pio ia ae na'lii koa Tureke e na Auseturia, oiai ko lakou mau koa e imi ana i wahi no lakou e pakele ai.

            Viena.--Ua hoomakaukau ae ka lahui Albiana ke pale ana aku i na Seravia aole e komo mai iloko o ko lakou aina.

Ragusa.--E makemake ana na Monetenegrins e alaa aku i na Tureke mawaho aku o Popgritza.

            Viena.--Eia ka olelo a ka Tagsblatt.  Ua ki poka aku o Gen. Petrovics, me 8,400 Monetenegrins ia Podgoritza, oiai na Tureke e paa ia kulanakauhale.  Ua komo aku ke keiki alii Nicholes me 10 mahele koa. Ua keakea aku ke kanikela o na aina e, aole e kaua me ka olelo aku e hana ia ka maluhia.

            Ladana.--Eia ka lono mai Viena mai; ke kokua nei na Serevia mahope o na kipi, a ke ike ia aku nei ma na wahi a a pau o ka aina. A o na poe hoi i hopu pio ia e komo ala i na nau o na Teravia.

            Ke mahuamahua loa ae la na kipi ma Dofoj a he nui wale na hoopilikia ia o ko Dofaj e keia poe, a hoohuli ana i ke kulana a Generala Szaprays a e uluna ana hoi i na alahaka, oia ka mea e keakea ai i ka hiki ana aku o na puali koa.

            Ke hooemu ia ala o Gen. Szaparay e na kipi a hiki i ka aoao hema o Bosinia mai Dofoj aku, a ua ulupa ia na uwapo a pau.

            Pesth.--Ua kauoha ae ke aupuni aole e ae ia ka hana ana i na kaa he 5,000.

            Pagusa.--Ua hoike ia ae ua kauoha aku ke alakai Tureke o Pobyritza i ke keiki alii o Monetenegaro e kali i 3 la mamua o ka hooili kaua ana no ke kakali i na kauoha mai Konatinopele mai.

AUSETURIA AME SEREVIA.

            Ua ike ia na manao aloha mawaena o Auseturia a me Serevia ma ka hookahakaha nui no ke Kuokoa o Serevia.

            Ua olelo aku ka Emepera Sracis Joseph i ke kieki alii Milana e kokua ia a me Serevia i na mea a pau a Auseturia e hana ai.

            Viena.--Ua hana ia kekahi kuikahi ma Serajevo, e Ghenerala Phillipovich a me Mehemet Ali Pasha.

            Roma.--Ua Make ke alakai o na Bosinia oia o Sazzaretti, ka mea i kapa ia ia he kaula a he Moi; ma ke poo o na tausani ekolu e haihai ana mahope ona, ka mea i ki mua ia Gensdarmes, mahope iho o ke kauoha ia ana e hoopau.

            Geneva.--Ua hoopuni ae na makai o Auseturia ma ke kauoha a ko Bernese, i kekahi wahine Siviss, i kapa ia malalo o ka inoa o ke Kauna wahine o Rusia, ua hoolilo aku oia i na waiwai hoopunipuni no na dala he 1,000,000 i na makahiki ekolu i hala ma Parsia, Nice, a me Monaco me kekahi mau waiwai e ae.

HOPU PIO IA KA MOKU LAWE KAUWA O TUREKE.

            Ua hopu ia mai nei kekahi moku lawe kauwa o Tureke e kekahi moku kaua Beritania; a o ka nui o na kauwa he 10 kane a he 70 wahine.  O ke kumu o keia hopu ia ana, malalo no ia o ke kuikahi mawaena o ke aupuni o Beritania a me Khedive, o ke ano nui ma ia kuikahi eole e ae ia ke kuai kauwa.

KAMAI FIWA LENALENA.

            Nu Oleana.--He 240 poe i loaa i ka Fiwa i keia wa; a ua make he 57.

            Memphis, Tenu.--He 80 poe i loaa ia fiva i ikeia, a e manao ia ana e pii loa ae ana ka nui o ka poe make.

            He 100 kane, wahine a me na keiki, e hoopuni ana i kahi hookio o na kaa mahu; a ua hiki mai kekahi puali koa paele, e hookaawale i keia puulu kanaka.  He nui ka poe e ola maikai nei ma ke kulanakauhale, ma ka hoomalu ana a ke Komite.

            Ua wehe ae Howard i ka hale kula ma ke alanui makeke i hale no ka poe i loohia i ka mai, a ua kauoha pu ia hoi kekahi puali kauka he umi ko lakou nui malalo o na kuhikuhi ana a kauka R.W. Mitehele.

            Nu Oleana.--Ke nui loa mai nei ka poe komo i ka Hui Hoola i ka poe pilikia.  A he 100 poe o ka Ahahui Karistiano o na kanaka opiopio i komo mai ma keia hana.  He 700 poe i loohia i ka mai fiva ma Vikabuga.

            Ua hoike ia ae, aohe poe i loaa i ka fiva ma Brookhaven.  Aoleno i lohe ia kekahi poe i loohia i ka fiva mawaena o Kanatona a me Nu Oleana i oi aku mamua o 200 mile.  A aohe no hoi he mau mai mawaena o Nu Oleana a me Mobile.

            Kikako.--Ua lulu dala ia no ka mea nana e hoopakele ia ka poe i loaa i ka fiva lenalena, a ua loaa he $2,000.           

            Nu Oleana.--He 123 poe i loaa hou, a he 40 i make.  Mai loko ae o keia he 13 mau keiki i make mai ka hookahi makahiki a hiki i ka ehiku makahiki a he 5 mau keiki mai ka 11 makahiki a i ka 17 makahiki.  O B.P. Bianehana ka mea hooiaio palapala o ke aupuni mamua a he kakauolelo hoi no ka hale dute, ua make i ke ahiahi aku nei i hala no kekahi pilikia ma kona lolo i ano awili pu me ka fiva, mahope iho o kona kaa mai ana no 12 hora.

 

Namauu Nueku Nihi.

 

            Ma ka hora 1:15 minute o ka po o ka Poalima i hala, ma Apua, Honolulu nei, ua make o NAMAUU NUEKU NIHI iloko o kona mau la opiopio; he keiki oia na Napoliona Nihi, kekahi o na pakaukau ia kaulana o Ulakoheo mamua.  Ua hoonaauao mua ia keia keiki ma ke kula Hawaii ma Kawaiahao, malalo o ke alakai ana a A. Kalauli, a mahope olaila, komo oia i ke kula Kuokoa o Kawaiahao, malalo o ke alakai ana a D. Malo, a mahope iho o ka pau ana oia kula, ua komo oia i ke Kula Alii ma Kahehuna; a malaila oia i noho ai a hiki i ka loaa ana iaia o ke kulana he hope kokua no kona makuakane ma ka Makeke kuai ia o Honolulu; a ma ia wa, ua loaa iaia ka nawaliwali o ke kino, aka, aole oia i pauaho i ka hana i loaa i kona lima, ua hoomanawanui no oia, aka, mamuli o ka pau ana o ka noho ana o kona makua ma ke ano he luna no ka Makeke kuai ia o Honolulu, ua apo koke ia aku keia keiki e kekahi makamaka, ma ke ano he kokua nona ma kekahi mau mea: a malalo o keia makamaka oia i noho ai, a hiki i ka wa i loaa ho uai oia i ka nawaliwali a hala wale aku la ma ke ala mau o ko ke kanaka noho ana; o keia keiki, he hoa oiaio oia no ka "Puali Haku Ponoi" o keia kulanakauhale, a he hoa hoi noloko o kekahi Hui o na opio i kapa ia lakou iho o ka "Hui Hauoli."

            Ma ka manele ia an aku o kona kino lepo ma ka aina la o ke Sabati i haka, ua ukali ia kona huakai hope, e kona mau hoa o ka "Puali Haku Ponoi" a me kona mau hoa o ka Hui Hauoli, na makamaka a me ka lehulehu o kona mau hoa'loha.

            E ike ia kekahi mau olelo hoalohaloha a kona mau hoa o ka Hui Hauoli i kona mau makua a me na kaikuahine o ko lakou hoahanau i make malalo iho nei:

            OLELO HOALOHALOHA.--I na makua a me na kaikuahine aloha o ko makou hoahanau minamina nui i make, NAMAUU NUEKU NIHI; ke waiho aku nei makou kona mau hoa panua pu o ka "Hui Hauoli" i keia kanaenae.  I hoike no ko makou komo pu ana aku me oukou malalo o na aweawe lihaliha o ke kanikau, nolaila.

            E hooholoia.--Mamuli o ka lawe ana aku o ka Mea Mana Loa i ka hanu makamae o ko olua kaikunane aloha, ua ili iho maluna o olua konamau kaikuahine a me na makua ka ukana luuluu o ke kaumaha, lihaliha, a me ka mokumokuahua, nolaila.

            E hooholoia.--ke komo pu aku nei makou kona mau hoa me olua na kaikuahine a me na makua, e auamo like i na aweawe lihaliha o ke kaumaha a me ke kumakena, oiai e noho ana oukou iloko o ka ehaeha a me ke kanikau ana.

O makou iho no na Hoa o ka Hui Hauoli.

ALONA KUHIA       SAM'L. KAAIKAULA.

KEAKAOKALANI               ABEL HELEMAI.

L.I. KELIIHOOHIE              JOHN KAIMI.

W.N KAANOIPUA               JOHN APIKI.

D. KALIMAHANA               KEMILIA KUHIA.

ALBERT G. TRASK.

 

PAPAIKOU Sept. 6, 1878.

E KA NUPEPA KUOKOA E: Aloha oe:--

            Ua loaa ia makou ka lohe penei, no na olelo waha hee a na kanaka o maua i aihue ai i ko maua waapa, a mahuka aku nei me ka manao e holo i ka aina Bolabola, a pae mai nei i Kona.  Eia ka loha, olelo la kou ke kumu, o ka mahuka ana oia no ka helu ole ia o ko lakou la hana, malalo iho nei ka nui o na la hana pakahi o lakou mai ka malama o Mei a hiki i kela la a lakou i mahuka ai, penei.

Kaoi Aug 20 la. July 26 1/4 June 21 1/4 Mei 27

Kapohaku 20 1/4 la " 18 1/4 " 16 1/4 " 24 1/4

Kahoolawe 20 1/4 la. " 25" " 19 1/4 " 25 1/4

Kaeo 20 1/4 la " 25" "19 1/4 " 25 1/4

Kauhane 02 1/2 la " 26 1/4 " 24 1/4 " 27

Kahauna 18 1/2" la " 26 1/4 " 21 3/4 " 24 1/2

William 18 1/2 la " 25 1/4 " 22 1/2" 24 1/2

            Ua kope ia mai kela mai loko mai o ka "Time Book" (Bukemanawa) o keia papahana.  Ka nui o la i haule, ua haule no ka mai, a me ke noi ana noho

            He wahahee ka lakou olelo i kela kumu, o ke kumu oiaio, oia ka hoowalewale ia ana o ka nui o lakou e Kuhauna, me kona olelo ana ia lakou ekolu no la e holo ai alaila ku i ka aina niu.  Me ke aloha.

            HITCHCOCK & Co.

 

EIA KA POLOLEI.--Ma kekahi aitamu i hoolahaia ma Ka Hawaii Paeaina o ka pule i hala e pili ana ma kahi e olelo ana.  Ua aponoia o D. Kamaiopili, E. Kekoa, ame S.K. Mahoe i mau Loio no na apana a lakou e noho aku ai.  O ka pololei, ua ninaninauia, aole nae i akaka ka apono ia.

 

NU HOU KULOKO.

 

            HOOLEWA.--E hoolewa ia 'na ke kino o ka makua Kiaaina W.L. Moehonua, ma ka la Sabati Sept 22, ma ka hora e 3, auina la.

 

            HOOLAHA LOIO.--E hoomanao e na makamaka, i ka olelo hoolaha a S. W. Mahelona, e puka aku nei ma ka pepa o keia la, e pili ana i kona oihana Loio.

 

            KE 'LII KA MOI.--Ma ke ahiahi Poalua nei, ua holo aku ke Alii ka Moi maluna o ka mokuahi Hawaii "Likelike" no Wailuku, a me "Hana Ua lani haaha" no kekahi mau la, a huli hoi mai.

 

            NA OHUA ME KA UKANA.--Ma ke ku ana mai o ka mokuahi "Kulanakauhale o Sidane" ma ka po Poakolu iho nei, ua lawe mai oia he 43 ohua o hope, he 177 ohua o ke keeleiki, he 11 eke leta, a me 216 1-4 tona ukana no keia awa.

 

            MAI LAHAINA MAI.--Ma ke ku ana mai a ka mokuahi "Likelike" ma ka la Sabati i hala.  ua kau pu mai ka Hon. L. Aholo o Lahaina, a ua huli hoi aku ma ke ahiahi Poalua iho nei no.

 

            KA LUNAKANAWAI A.F. JUDD.--Ma ke ahiahi Poakolu nei, ua holo aku ka lunakanawai kiekie A.F. Judd, a me kona ohana no Hanalei Kauai, e noho ana malaila no ka hooluolu ana no kekahi manawa, a huli hoi mai.

           

            KIAAINA NO MAUI.--E ike ia no ma kekahi hoolaha a malalo o ke kauoha, ua hookohu ia o His. Ex. Jno. O. Dominis i Kiaaina no ka mokupuni o Maui a me kona mau hono.

 

            WEST a me CHAYTER.--E ike ia no ma kekahi Kolamu o ka pepa o keia la, ka olelo Hoolaha, a West a me Chayter, o ka poe makemake i na kaa holo lealea, lawe ukana kapili kapuai hao, ame ka hana hou ana i na kaa nahaha, e hele ilaila.  E nana pu ae no hoi i na hoolaha hou e ae e puka nei i keia la.

 

            LUNAKANAWAI HOU.--Ua lohe pono mai makou, ua hookohu ia ko makou makamaka opiopio Edward. K. Lilikalani i lunakanawai apana hookolokolo no Kawaihau, i Kauai he apana hookolokolo hou iho nei keia, na ka Ahaolelo o 1878, i hookaawale iho nei.  O ke Keonimana i hookohu ia 'ku la, he hoa oia no ka Ahaolelo o 1876, ke kalokalo ae nei makou, e uhai ia kau hooko kanawai ana e ka pono me ke kaulike.

 

            EIA HOU NO UA KOE LOIHI.--Ma ka hora 12 paha o ka la Sabati i hala, Sept 8, ma Iwilei Honolulu nei, ua puka hou mai kekahi koe hou mailoko mai o Kaauweaina, (k) mahope iho o kona inu ana i kekahi kiaha wai hooniponipo, ame ka ai ana i ka Ipu haole, o ka loihi o ua koe nei, he umi iniha, he keokeo na helehelena o ua Kumuhea nei.

 

            WAI HUI INIKI O KA HAU.--E ike ia no ma kekahi Kolamu o ka Pepa o keia la, ka olelo hoolaha a Keoni Kolowela, e pili ana i kona hale inu wai hau huihui ma alanui Hotele mao aku o ka halekuai o Messrs, Grant & Robertson, ma Monikahaae.  O ka makou ia e poloai aku nei i ka lehulehu, e kipa ae malaila.

 

            HOOPOLOLEI.--Ma kekahi Itamu a makou i hoolaha aku ai ma ka Pepa o ka Pule i hala, e pili ana i ka la hanau o ka Hooilina Moi.  Ua olele ia, ma ka la 2 o Sept, i hala oia ka puni ana, o na la hanau he kanakolukumamaiwa o ka Hooilina Moi. O ka pololei oi ka piha ana o ke kanaha o kona mau makahiki.

 

            PAU I KA PUAA.--Ma ka leta a Kapeka (w) ia Napua (k) o Honolulu nei, i kakauia ma ka la 2, o keia mahina ma Kalaupapa, Molokai i ike iho ai makou me ka menemene ua pau i ka ai ia e ka puaa kekahi keiki mahope o kona hanau ia ana mai e kona makuahine, no ka Panalaau o Kalawao ua wahine la, a ua hopu ia a ke paa la ma kahi hoopaa o na mai lepera ma Kalawao.  Kupanaha mai nei na hana, a me na ouli o keia manawa.

 

            MAIKAI KA MARE.--Ma Kawaiahao Sept. 9, mareia e H.H. Paleka, o Kahaleone me Kaia.

            Eia hou: Ma Kawaiahao Sept. 10, mareia e Binamu, o Clarence W. Cooke me Miss. Clara Moseley.

            A eia hou no: Ma ka Halepule Kakoliki, ma Honolulu nei, mare ia e Helemano, o C. Clarke me Miss. Jennie Buckle.

            Me lakou a pau na hoomaikai ana a na makamaka me na hoaaloha.

 

            GEORGE BROOKS.--Ma ke ku ana mai a ka mokuahi "Likelike" ma ke kakahiaka Sabati i hala Sept 8.  Ua holo mai ka mea nona ka inoa maluna, oia kekahi o ko makou luna "Nupepa Kuokoa" ma Haiku, Maui, he 92 ka nui o kona poe lawe pepa, a ua hookaa ia mai a pau loa, aole he wahi koena ale i koe, a ke lana nei ko makou manao, e oi aku ana ka nui o kana poe lawe pepa ma keia makahiki ae.  He alakai maikai keia no kekahi poe luna e ae.  Ke kalokalo ae nei makou, e hahai ia kana huakai e na pomaikai.

 

            KA MOKUAHI KULANAKAUHALE O SIDANE.--Ma ka po o ka Poakahi nei, i ku mai ai ka mokuahi "Kulanakauhale o Sidane" mai Kapalakiko mai, iloko o na la holo 7, me 2 hora ame 50 minute.  O na haole kamaaina o kakou i huli hoi mai, oia o P.C. Jones, Jr. J. T. Waterhouse, Jr. H. Cornwell, H. McIntyre, H. Schmidt, C. M. Cooke, Geo. Williams, P. Dalton, H. M. Wini, Jr. Mrs. J. B. Atherton, Mrs. J. O. Carter, Mrs. H. Waterhouse, a me kekahi poe e ae, a ua lawe pu mai he 134, pake no ka mahiko a ma ke kakahiaka nui Poalua ae, ua holo aku no na Panalaau o ka hema.