Ka Nupepa Kuokoa, Volume XVII, Number 33, 17 August 1878 — Page 4
| This text was transcribed by: | Noble'ene Kealoha |
| This work is dedicated to: | Ezekiel Kealoha |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
I HUHA
Na La makahiki, $2. Eono Mahina, $1
Datea Kuike ka Rula.
AUGATE 17, 1878
HOOLAHA EUANELIO
E halawai aea ka Ahahui Euanelio o Hawaii Hikini ma ka Poalua elua o Sept. 1878. Hora 1 p.m. ke koao ia aku nei na kahu a me na elele ae. Ma ke kauoha.
J. N. Kamoku.
Kakauoleio Puula, Puna, Iula 29, 1878.
871 5t.
Looking Home.
Colonial Singer. No. 78.
1
Pau , e pau la kuu manano
I ka home kino.
Kau, e kau na lia o’o
Ma ke ao olino.
Ref. Nana e, nana e
I ka home lani
A Isue la I hana’i,
Home lai a nani.
2
Ane e hoea mai
Ia manawa nani.
Hee ka pouli, a ao ae,
A wehea ka lani,
Ref. Nana e, nana e, &c.
3
Pomaikai ke hiki ae
I ka home lani.
Pau na u, na eha mai,
Pa na oli nani.
Ref. Nana e, nana e &c.
4
Home lani, ka home lai,
Home ao maluna;
Home kahi e maha’I,
Maha a mau loa.
Ref. Nana e, nanae &c.
HAWAII .
Kaawine Kula Sabati.
HELU 9 SABATI SEPT. 1, 1878.
KUMUHANA:
Ha hei ana o ke kanahiku. Pauku Baibala.
Luka 19: 17-24
17 A hoi mai la poe kanahiku la, me ka olioli, i aku la, E ka Haku, ua hoolohe mai na daimonio ia makou ma kou moa.
18 A I mai la oia ia lakou, Ua ike au ia Satana e haule ana e like me ka uila mai ka lani mai.
19 Eia hoi, ke haawi aku nei au ia oukou i ka mana e hehi maluna iho o na nahesa a me na moohueloawa, a maluna o ka mana a pau o ka enemi; aole loa he mea e eha ai oukou.
20 Mai olioli nae oukou i keia mea, i ka hoelohe ana o na uhane ia oukou, aka, e olioli oukou, no ka kakauia’na ko oukou mau moa iloko o ka lani.
21 E la mana@’a, hauoli iho la o Iesu ma ka Uhane, a olelo a@u la, Ke hoomaikai nei au ia oe, e ka Makua, ka Haku o ka lani a me ka honua, no ka mea, ua huna oe i keia mau mea i ka poe naauao, a me ka poe akamai, a ua hoeke mai nei oe ia i na keiki hou. O@io no, e ka Makua, no ko mea, o ka pono no ia ia oe.
22 Ua haawiia mai nei ia’u no mea a pau e ko’u Makua; aole hoi mea i ike I ke Keiki, o ka Makua wale no; a i ka Makua hoi. o ke Keiki wale no, a me kanaka a ke Keiki e makemake e hoike ai.
23 A haliu ae ia i ka poe haumana, olelo malu mai ia, Pomaikai na maka i ike I na mea a oukou e ike nei;
24 No ka mea, ke hai aku nei au ia oukou, He nui no ka poe kaula a me na’lii i makemake e ike i na mea a oukou e ike nei, aole hoi lakou I ike; a e lohe I na mea a oukou e lohe nei, aole hoi lakou i lohe, Pauku Gala. Pauku 23, hoopaanaau. Manao nui. Kahua o ka haiolelo ana. Mele. Him. 477. 7. “Na elele a Iesu.” Pule no na elele, no na misionari, no na paahana.
Ka wehewehe me ka ninau ana.
Ua wae Iesu i umikumamalua haumana mamua, oia hoi Petero ma, a haawi i ka mana me ka hana, me kauoha ia lakou. Ua kapa ia lakou he poe luna olelo, he Aposetelo. Ua hele lakou a hana, a hoi mai, a hanamau hoi lakou mahope, a hiki i ka wa i make ai. Mat. 10; 1 – 15. Luk. 9; 1 – 6, 10. Mahope iho, no ka nui o ke kihapai me ka hana koho Iesu i poe paahan hou a mahuahua, 70 ko lakou nui. Aole akaka ke kumu o kona koho ana i 70, aole oi aku, aole emi iho. No ka hoohalike ana paha me ko Mose koho ana i 70 liuna malalo iho ona; no ka hoohalike paha me ke 70 o na lala o ka Sanederima, ka aha hookolokolo kiekie. No ka manao no nae. Ua lawa ke 70 no kana hana. Koho oia ia lakou, a haawi i ka mana, i ka hana, i ke kauoha. Luk. 10; 1 – 16. Ane like no me kana mau olelo i ka umikumamalua.
P. 17. Ua hele palua aku ke 70, oia hoi 35 paa lawe hana. Ua hana, e like me ke kauoha. Aole akaka ka loihi o ka wa hana. He mau malama paha. Ua hana nae a pau ka hana i haawi ia ia lakou. A ua hoi mai i kahi o Iesu. Me keaha ko lakou hohi ana mai? No ke aha ka olioli? Heaha ka lahou I hai aku ai ia Iesu?
Heaha ke aao o ko na daimonio hoolohe ana? Puka mai lakou mai loko mai o na kanaka, a haalale ia lokou; a hele aku no nae e hana ino aku ia hai.
P. 18. Pane Iesu pehea? Heaha keia haule ana o Satana a Iesu i ike ai? Ina no ka haole mua, oia kona haule ana mai loko mai o ka lani I kihohi. Ina no ka haule mahope, oia ka hooemi ia o ko Satana mana ma ko ke Akua koho ana i lahui kanaka nona, oia hoi ka poe Isaraela; ma ka hanau ana o Iesu, ka mea nana e paopao i ke poo o Satna; ma ko Iesu, me ko na haumana umikumamalua, me ko ke 70 mahiki ana i na daimonio inawaho o kanaka: a ma ka haule ana o na hoomanakii, me ka hoopaa ia’na o Satana iloko o ka lua ahi.
P. 19. Nohea ka mana o ke 70? He mana aha hoi? Pili paha keia haawina mana i ka hana mua a ke 70, a i ka hana hope hoi, ina ua hoomau ia ka lakou oihana. Ua pili ia Paulo. Nana Oih. 28; 3 – 5. He luna olelo nae o Paulo. Ua pili paha i kekahi poe e ae. Aole nae i pili ia kakou i keia wa i ko kakou mau kino. Nahu mai no na nahe@a, na moonihoawa &c. Hoeha ia mai no e na enemi. Ma ka lani nae, aohe mea e eha ai, e make ai.
P. 20 Heaha kai papaia? Aole i hewa kekahi olioli no ka hoolohe ana o na daimonio i ko ke 70. Aole pono ke hoonui i ka olioli nalaila, no ka mea, aole i maopopo ma ia mea, ua paa ko lakou mau inoa, ma ka buke o ka lani. Hiki paha i ka poe hewa, me Iuda Isekariota, ke mahiki i na daimonio. Heaha ke kumi nui e olioli ai lakou? Me he la, ua hoomaopopo loa Iesu, ua kakau ia ko lakou mau inoa iloko o ka lani. Ma kona ano aha keia ike ana?
P. 21,22 Aha Iesu ma ia wa? A hoomaikai oia ia wai? no ke aha? Owai keia poe naauao, me ke akamai? Owai hoi na keiki hou? Nana Roma, 1; 21 22. I Kor. 1; 19,20,21,25,26,27,28. Na keiki hou, oia na haumana a Iesu, he poe haahaa, ilihune, ano naaupo, mamua. No ke aha ka ke Akua hana ana pela? Heaha ka i haawia ia Iesu? Owai kai ike maopopo i ke keiki? Owai hoi kai ike, a ike nei, a e ike ana i ka makua? Ano like laua, ka Makua, Keiki. Ko ka makua ike, oia ko ke keiki, a na ke keiki i hoike ia ike i ka poe ana i makemake ai. Nana Io. 3;13, Mat. 11;25 – 27.
P.23-24. Heaha ka Iesu i hai malu ai i na haumana? Heaha ka na kaula i makemake nui ai e ike a e lohe me ka hooko ole ia nae? Na mea e pili ana i ke ola ma o Iesu la. Pohihihi i na kaula ke ano o ka Mesia; pohihihi hoi ia ano nui i na haumana ia wa. Mahope iho nae, ua hoomaopopoia; aia hoi mahope iho o ko Iesu make ana.
Na ninau nui. No ke aha ko Iesu koho ana i 70 haumana hou, aole oi, aole emi i ke 70? No ke aha ka hoouna palua ana ia lakou? Pehea ka loa, ka laula, o ko lakou kihapai? Hele lako anei lakou? Nawai i hoolako mai? Pili aenei ia ano hele i ka hele ana o na Misionari i keia wa? No ke aha ka pili ole? Heaha ka hua o ka lakou haiolelo ana? Pela aenei ka hua i keia wa?
Na manao pili. 1 Nui loa ke kihapai i keia manawa. Pono ke hoomahuahua ia na paahana, a e hoouna palua ia i kela, I keia wa. A ma ka paha, paono’ paumi, paiwakalua i kau wahi.
3. E pule i nui na Misionri Hawaii.
4. E pule I haule Satana ilalo i hoopauia kona mana, kona aupuni ma keia ao.
5. E lana ka manao o na keiki o na ilihune, o ka poe hanohano ole, akamai ole, naaupo. Nui ka makemake o Iesu ia oukou? ko Iesu koho ana ia poe, i poe nona.
Mele. Him. 464. “Pomaikai wale ko ke ao” Pule no Maikonisia, Nuuhiwa, Iapana, &c.
Haawina no Sept. 8, Luka. 10;-37.
MOOLELO O KA
AHAOLELO O 1878.
[Koena mai ka Aoao Ekahi mai.]
LA HANA 70, Iulai 27, 1878.
NA OLELO HOOHOLO ME NA BILA.
Heluhelu mai o Hon. Malo he olelo hooholo, e kauohaia ka Loio Kuhina. E hoopuka i palapala hopu no na makai i pepehi wale i na Ilio.
Ma ke noi a Hon. Moanauli Jr. ua hoopanee loa ia ka olelo hooholo.
Ma ke noi a Hon. Ahole, ua hoopaaia na hana o ka la.
NA HANA O KA LA.
Heluhelu akolu ana o ka bila kanawai, e hoololi ai i ka pauku 1. mokuna 59, o na kanawai hoopai karaima, e pile ana i ke ola o ka lehulehu.
Ma ke noi Hon. Kipikona, ua hooholo loa ia ka bila.
Noi mai o Hon. Hanuna e kapaeia na rula, i hiki ai ia ia ke hapai hou i kekahi olelo hooholo ana i waiho mai ai, hooleia.
Heluhelu akolu ana o ka bila kanawai, e hoakaka ana i ka palapala o na Aha maluna o na Hui i Hoohuiia ma na aina e.
Hoololi mai ka Loio Kuhiaa I ka bila, oiai, ua haule kekahi hauolelo ma ke poo o ka bila ma ka olelo haole, a ma ke noi ua hooholo loa ia ka bila me ia i hoololiia.
Heluhelu alua ana o ka bila kanawai, e hoololi ai i ke kanawai, e haawi ai i ka mana i ke Kuhina Kalaiaina. E lawe i ka aina a me ka ohe wai o Honolulu nei, oia hoi ke kanawai, i hoololiia ma ka la 18 o Augate 1860, i hoololi hou ia a aponoia ma ka la 18, o Iulai 1874.
Hoololi mai ke Kuhina waiwai penei, “koe nae na waipuna o Kunawai, a me Wailuakio.”
Hoololi hou mai o Hon. Aholo @enei, “me Kanewai kekahi ma Waikiki-uka.” Lawe ke Kuhina waiwai i ka hoololi a ka luna o Lahaina.
Ma ke omau ana ua hooholoia ka hoololi. Ma ke noie a Hon. Mahoe, ua kakauia na ae me na hoole me keia bila kanawai.
Ma ka ninau ana, ua hoole ia ke noi e hoopenee loa i ka bila, eia ka poe kokua i ka bila. Na Lii, Dominis, Kipi, Waila, Kaai, Kapena, Loio, Kuhina, Kamika, Kuihelani, Kahanu, Kanoa, Ake, Ma@ na Hons. Kupau, Keanaana, Aholo, Kipikona, J. A. Kaukau, Kamika, Kanealii, Hanuna, Nawahi, Bekekona, Kamauoha, Pilipo, Kapahu, A. Kaukau, Kauai, Nakaleka. Kupihea, he 29 ka huina.
Eia ka poe kue i ka bila, na Hons. Keau, Moanauli Jr. Kaoliko. Mahoe, Palohau, 5 ka huina.
A ma ke noi, ua haawiia ka bila no ke kakau poepoe me ia i hoololiia, a e heluhelu ekoluia ma ka Poalua Iulai 30.
Heluhelu alua ana o ka bila kanawai, e hoololi ai i ka mokuna 58, o na kanawai. E hoomahuahua ai i ke dute maluna o kekahi mau waiwai.
Ma ke noi a Hon. Kamika, ua heluheluia ka bila ma ke poo.
Hoololi mai o Hon. Kipikona, penei, “e hoemi pu ia me ke dute maluna o na waiala, a me na paiaki lauoho,” hooholoia.
A ua haawiia ka bila no ke kakau poepoe me ia i hoololiia, a e heluhelu ekoluia ma ka Poalua Iulai 30.
Ma ke noe a Hon. Kupau, ua hoopanee ka hale a noho hou i ka Poakahi hora 10.
LA HANA 71, Poakahi Iulai, 29, 1878.
NA HOIKE O NA KOMITE.
Heluhelu mai ka luna hoomalu o ke komite hookolokolo i ka lakou hoike no na bila kanawai i waihoia mai e Hon. Bihopa. E hoololi ai i na pauku 3 me 4, o ka mokuna 79, o ke kanawai karaima.
Ke hoike aku nei ke komite, e hooholo i ka bila no ke kakau poepoe. A e heluhelu akoluia keia bila i ka Poaha Augate 1.
He palapala hoopii i waihoia mai e Hon. Malo, e noi mai ana, e uku ia o Tito, i na dala $180, no kana hana.
Ua manao ke komite, e hoopanee loa i ka palapala hoopii.
Ma ke noi a Hon. Nakaleka, ua haawiia ka hoike i ke komite wae. Eia ke komite, Kaneali’i, Kipi, Kuihelani, Kupau, Aholo.
3 – O ka bila kanawai i waihoia mai e Hon. A. Kaukau,, e hoololi ana i na la hana ma na aina konohiki, ke manao nei ke komite. E hoopanee loa i keia bila, ma ke noi a Hon. Kupau, ua aponoia ka hoike a ke komite.
4 – He palapala noi mai ka Lunakanawai mai o ka Aha kiekie i ke komite hookolokolo. E noi mai ana e hoomahuahua i ka uku o ke kakauolelo mua o ka Aha kiekie i $5,000 no na makahiki elua.
Ke manao nei ke komite, he mea pono e hooholoia pela, a ke waiho aku nei ke komite imua o ka hale.
Ma ke noi a Hon. Nakaleka, ua waihoia ka hoike ma ke papa.
5 – He palapala hoopii na S. Palea (k) o Hana, I waihoia mai e Hon. Mahoe, e noi mai ana. E haawi aku i palapala sil@ nui no kona aina, a i ole, e hoihoi aku i na dala $208,60.
Ua manao ke komite, e hoopanee loa i ka palapala hoopii.
Ma ke noi a ke’lii Ake, ua aponoia ka hoike a ke komite.
Heluhelu mai ke komite hookolokolo i ko lakou hoike no ka bila kanawai i waihoia mai e Hon. Mahoe, e hoonoa i na kai lawaia o na aina konohiki a me na aina Leialii e like me na aina aupuni.
Ua noonoo nui ke komite no keia bila, a ua noho pu mai me ka mea nana ka bila a ua waiho mai he mau hoololi.
Ua manao ke komite, i na e hooholoia keia mau hoololi aole no ia he mea pono ai, aka, he mea ia e hoohaiki ai i ka pono o ka bila, a ke manao nei ke komite. He mea pono i ke Kuhina Kalaiaina, e palapala i ka poe nona na kai lawaia e ninau aku i ke kumukuai, a hoike mai i ke kau Ahaolelo, ke hoike aku ke komite. E hoopanee loa i ka bila.
Ma ke noi a ke’lii Ake, ua aponoia ka hoike a ke komite. Ma ke noi a ke’lii Ake, ua hapaiia na hana o ka la.
NA HANA O KA LA.
Heluhelu alua ana o ka bila haawina iloko o ke komite o ka hale.
Ke’lii S. Kipi ma ka noho.
KOENA OIHANA HOONAAUAO.
No na kula haole me na kula Hawaii 36,000
Noi mai ke’lii Rhodes – 46,000
A e haawiia kekahi o keia mau dala no na kula hanai kaikamahine I malamaia e na kumu wahine, me ka nana ole i na ano hoomana.
Hooholoia….46,000
Noi mai o Moanauli Jr. e hookomo ia ma keia wahi, no ke kumukula haole kuokoa o
Kaumakapili….$600
Noi ke Kuhina o ko na aina e, e hoopanee loa, hooholoia.
No na kual aupuni, hooholoia $18,000
No ke kula o Keoneula 10,000
Noi o Kanealii…8,000
“ “ Nakaleka 6,000
Noi o Kaiaikawaha 7,000
Hooholoia.. 10,000.
Kukulu a hana hou ana I na hale kula aupuni hooholoia….1,000
Kokua haumana no na keiki Hawaii ma Kapunahou, hooholoia..360.
Malama ana i na mea ano e (Museum), hooholoia…..1,000
Mea malama keena waiho buke, a me (Museum.)…1,000
Noi o Bekekona…1200
“ “ Kanealii e hoopanee loa.
“ “ haeo o hoonohoia i kanaka Hawaii ike i ka olelo haole malaila, hooholoia ka haawina 1200 me ka hoololi.
Lako palapala me kela me keia lilo, hooholoia…..700
Helu kanaka o 1878 hooholoia. 4,000
Kela me keia mau noi iloko o na oihana aupuni.
Noi mai ke Kuhina Kah@ina, o na dala he $23,646.50. Ke koeoo o ua dala i hookaawaleia no na alanui o na makahiki i hala, e ha@wiia ka mana i ke Kuhina waiwai. E hoolilo aku ma kela apana keia apana e like me ke kanawai, hooholoia.
Noi o Bekekona, no na aina, no na alanui kaamahu, 3000. Noi o Hanuna, e hoopanee loa, hooholoia… 3000.
Noi o Kamika, uku kokua ia Hon. Abr. Fornander no kona kakau ana i kekahi buke malalo o ka Lahui Polonesia, 1,000. Noi ke Kuhina waiwai, e hoopanee loa, hooholoia. Noi mai ka Loio Kuhina, e hookomo maloko o ka oihana waiwai uku luna date ma Kahului, $250.
Noi mai o Aholo, e hoopaanee loa, hooholoia.
Noi o Dominis, e hookomo malalo o ka oihana kaa ma kahi e ki pu ai 8,000.
Noi o Kahealii e kapae loa, hooholoia 8000.
Heluhelu aluia na panku 2,3,4,5,6, o ka bila haawina, a hooholoia. Heluheluia ke poo o ka bila haawina, a hooholoia ma ke noi a ke’lii rhodes, ua haawiia ka bila haawina no ke kakau poepoe.
Noi mai ke Kuhina waiwai, e heluhelu ekoluia ma ka Poaha Aug. 1 hooholoia. Ma ke noi a ke’lii rhodes, ua hoopauia ke komite, ma ke noiu a Hon. Kamika ua kapaeia na rula.
Heluhelu mai ke komite hookolokolo i ka lakou hoike no na bila kanawai ekolu i waihoia mai e Hon. Bikekona, 1 – bila kanawai e hoololi ai i ka Pauku 998 Kanawai Kivila, 2 – bila kanawai e hoololi ai i ka Pauku 999 Kanawai Kivila, 3 – bila kanawaie hoololi ai i ka Pauku 1003 o ke Kanawai Kivila.
Ke hoike aku nei ke komite e hoohui i keia mau bila i hookahi bila.
Ma ke noi a Hon. Bikekona ua aponoia ka hoike a ke komite.
Ma ke noi a Hon. Bikekona ua hoopanee ka Hale a noho hou i ka apopo hora 10 A.M.
LA HANA 72, Iulai 30, 1878.
NA HOIKE O NA KOMITE.
Heluhelu mai ka Lunahoomalu o ke komite hookolokolo i ka lakou hoike no ka bila kanawai, e huikala ai i ke Kuhina Waiwai.
Ke hoike aku nei ke komite, e hooholo i ka bila, aole nae ia e lilo i rula paa ma keia hope aku.
Ma ke noi a Hon. Hanuna ua waiho ia ka hoike ma ka papa a noonoo pu me ka bila.
Heluhelu mai ke komite hooiaio bila kanawai I na bila kanawai i kakau inoa ia e ke ‘Lii ka Moi.
1 – He bila kanawai e hooponopono ai i ka hoomalamalama ana i ke kulanakauhale o Honolulu nei me ka makani aa (gas,) a me kekahi mau mea akamai e ae.
2 – He bila kanawai e hoololi ai i ka pauku 2, mokuna 41, o na kanawai hoopai karaima, e pili ana i ka waiona.
3 – He bila kanawai, e hoololi ai i ka pauku 892, o ke kanawai kivila. I lunakanawai hoomalu no Wailuku.
4 – He bila kanawai, e hooponopono ai i ka hooko ana o na palapala o na aha maluna o na hui, i hoohui ia ma na aina e.
5 – He bila kanawai, e hookuu ai i na paahana ma na mahiko, a ma na hana e ae ma na la ku@, a me na ia koho lunamakaainana o ke aupuni.
6 – He bile kanawai, hoololi i ke kanawai, e kudala ai i ke kuai, a me ka hoolimalima ana a na aina aupuni.
7 – He bila kanawai, e hoololi ai i ka mokuna 32, o ke kanawai kivila, e pili ana I ka ili ana’ku o ka waiwai i na hooilina.
8 – He bila kanawai, e hoololi ai i na pauku 527, me 530, o ke kanawai kivila, e pili ana i ka wehe ana i ke awa o Kahului i awa ku moku.
9 – He bila kanawai, e hoololi ai i na pauku 3 me 4, o ke kanawai i aponoia ma ka la 18, o Iulai 1870, e pili ana i ka awa.
10 – He bila kanawai, e hooponopono ai i ka mana kaulike o ka aha kiekie me na aha kaapuni.
11 – He bila kanawai, e hoololi ai i ka pauku 3, mokuna 56, o ke kanawai karaima e pili ana i ka haalele ana o na mea i mare ia kekahi i kekahi.
12 – He bila kanawai, e hoololi ai i ka pauku 646, o ke kanawai kivila, e pili ana i na palapala ae holo i na aina e.
13 – he bila kanawai, e hoololoi ai i ka moku 55, o na kanawai o 1876, e pili ana i ke kanawai hoailona pai.
NA OLELO HOOHOLO ME NA BILA.
Heluhelu mai o Hon. Kipikona he olelo hooholo, e hookomo ia iloko o ka bila haawina o keia kau ahaolelo i 35,000 no ke kukulu ana i kia hoomanao no ka puni ana o ka haneri makahi mai ko kakou ike mua ia ana e na haole, e koho ia i komite i elima lala, i ekolu kanaka Hawaii i elua haole, na lakou e malama i ke dala.
Haiolelo mai ka mea nana ka olelo hooholo me na huaolelo pahee, me ka hoakaka mai i ke ano, a me ka moolelo o ka na-i aupuni o Hawaii nei, oia o Kamehameha ka Nui.
Kokua ikaika mai ke Kuhina o ko na aina e, mahope, ua hooholo ia ka olelo hooholo. Koho ka noho i ka poe malalo nei i komite, Kipikona, Kapena, Kaai, Nawahi, Ake.
Ma ke noi, ua kapae ia na rula.
Heluhelu mai ke komite wae i ka lakou hoike no ka bila kanawai e hoololi ai i ka haawina 6, o ke kanawai kivila, e pili ana i ka oihana leta.
Ke hoike aku nei ke komite, ua hookomo ke komite he mau hoololi i ka bila, a ke noi aku nei ke komite, e haawi aku i ka bila e like me ia i hooholo ia, na ke kakau poepoe ma ke noi a Hon. Kamika, ua aponoia ka hoike a ke komite a e heluhelu ekolu ia ma @ Poalima Aug. 2.
[E Nana ma ke Aoae Ekolu.]
OLELO HOOLAHA.
RICHARD F. BICKERTON,
[PEKETONA.]
LOIO a ke KOKUA ma ke KANAWAI!
E HULE ANA OIA IMUA O NA AHA HOOKOLOKOLO a pau a keia Aupuni ma na ana @ a pau. @ paha ma Oahu @ ua na Mekepuni @.
Ua makaakaa maui @ i ka hana awa I na Palapala @ kanawai o keia a me @.
Ua hiki no hui @@@@@
@
@
@
@
- McWAYNE,
HALE KU’AI LAAU. A ME NA WAIALA o na amo a pua, @ SOFA ALI o na ano he nai wale. Ma ke kihi o @ Papu me Kalepa @
WM. O. SMITH,
LOIO.
WAILUKU, MAUI.
Ua waiho oia i na Oihana Aupuni a pau a ua makaukau e lawelawe i ka Oihana Loio me ke kuokoa. (840 6m
E. O. HALL & SON.
(E. O. HOLO MA.)
NA MEA KU AI I NA MEA MAHIAI.
Na Lole, Na Pena. Na Aila, a me
Na ano Lako e ne a pau he lehulehu wale.
846 Kihi o Alanui Papu me Moli. ly
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
E LAA NA
Ahinahina, Kalakoa,
Keokeo, Leponalo,
Pena, Aila, Aniani,
NA MEA PIULA!
KOPA, AILA HONUA
AILA HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, na Pulumi.
A HE
AGENA NO HOI NO NA MOKUPUNI O HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika,
No lole kupono I ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, &c.
LIPINE, LIHILIHI, &c.
A ME NA
Mikini Humuhumu Makeponeo Loa!
A HE
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c.
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Hoopau Naio,
P@nikila, Huaale,
A ME NA LAAU HAMO, A PELA’KU!
827 3m 839
PAPA! PAPA!
NO
ALLEN & ROBINSON
UA WEHE AE NEI MAUA I
PA KUAI PAPA
MA
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena!
NA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
E KUAHA MA KE
KE KUMUKUAI HAAHAA LOA
O Keia Makeke.
ALLEN & ROBINSON
@, Jan 1, 1873 @
PAPA, PAPA
ALA MA KAHEO
LEWERS & DICKSON!
(O LUI MA.)
MA KE KAHUA KAHIKO MA
Alanui Papu a me Moi!
E LOAA AI NA
Papa Nouaiki!
@
Na Papa Nani a Paa no ke Kakulu
Ana i na Hale!
Na Pani Puka. Na Puka Aniani.
Na Olopelepe. Na Pau. NA @.
Na Papa Hele. Na Papa Ku.
A me ua Papa @
NA PILI O KA HALE
O NA ANO A PAU.
Na Pepa Hoonani. Na Pena o na Wai a pau.
Na Kui mai ke Nui a ka Makalii.
Na Ani Puka. Na Ami Puka Aniani.
Na Ami o na ano a pau.
Na Aila Pena, o kela me keia @.
Na Aila Hoomaloo, he lehulehu wale
Na Aila e ae o na ano a pau
NA WAI VANIKI
A ME NA
WAI HOOHINUHINU NANI
@
NA BALKI ANO NUI WALE
A ke hai ia aku nei ka lona I na makamaka a pau, ua makaukau keia mau makamaka o oukou e hoolawa aku @ na mea a pau e pili ana ma ka laua oihana
NO KA
UKU HAAHAA LOA!
E like me ka mea e holo ana ma waena
LAUA a me ka MEA KUAI.
E hele mai! E na Makamaka!!
A e lawa na hoi ko oukou makemake
Me ka oluolu a me ka maikai
845tf
KOPA KUKAEPELE
A
GLENN:
AOLE LUA NO KA HOOMAEMAE I KA ILI!
He me hoopau I na eha,
Na lli Puupuu,
A he hoomaemae I na mea ino,
A he hoopau Lumatika,
A he kopa auau no ho:
O keia hopa ka oi aku o ka mea maika
I waihoia mai imua o kanaka.
Aole wale no ka Hoopau ana i ka Huehue
Lli Poha, Wela la, Luluaina, a me
Na mea e ae o ka lli;
A ma ia holoi ana, o ka hoopalupalu pu kekahi I ka lli, a keia
Laau Hoomaemae lua ole e hana ai.
O ka hoemi ana iho i na mai o ka lli, a o
Ke pale aku I ka mai mai na lole e na
Mai Lele, oia kekahi. O na ohana
ame na poe makaikai, ina
e hoolako lakou
i keia
KOPA HOOMAEMAE LUA OLE!
ALAILA, UA LANAKILA LAKOU
He hoopau i ka lehu o ke poo.
A he Kopa no hoi e kaohi mai ai
I ka lauoho mai ka hina ana.
Ua hooia nui mai na Kauka no ka maikei o
keia Kopa!
E loaa no ma kahi o
M. McINERNY.
Kihi o na Alanai Papu me Ka@pa