Ka Nupepa Kuokoa, Volume XVII, Number 32, 10 August 1878 — Page 1
| This text was transcribed by: | Sarah Leong |
| This work is dedicated to: | Halau Na Lei Hulu i ka Wekiu |
Nupepa Kuokoa:
KE KILOHANA POOKELA NO KA LAHUI HAWAII
BUKE XVII. HELU 32.} POAONO, AUGATE 10, 1878. {NA HELU A PAU 871.
KA NUPEPA
Kuokoa me ke An Okoa
1 HUILA.
NA OLELO HOOLAHA:–O na Olelo Hoolaha ke 10 @ kakau lima, he Hookahi Dala no ka puka mua ana; elua puka ana. he $1.50; no hookahi mahina, he $2.00.
NA KANIKAU A ME NA MELE: -He 4 Keneta ka uku no ka lalani hookahi, ua like me $1.00 no 25 lalani.
HOOLAHA MAU:-E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kehahi pule ae.
E hoomanao e na lehulehu, aole e hoopukaia kekahi Olelo Hoolaha. Kanikau a me ke Mele. @ hookaa mua ia mai ka uku.
HOOLELO O KE KAU
Ahaolelo o 1878.
LA HANA 60, Poalua July 16, 1878.
NA HOIKE O NA KOMITE.
Heluhelu mai ka luna hoomalu o ke komite hookolokolo i ka lakou hoike no ka palapala hoopii i waihoia ma e Hon. Kaoliko. E noi mai ana, e hookuuia lakou, mai ka noho paahana, ana malalo o C.E. Williams.
Ke hoike aku nei ke komite, he hana pili keia i ka Aha Hookolokolo, nolaila, ke manao nei ke komite a hoopanee loa i keia palapala hoopii.
Ma ke noi a ke Kuhina o ko na aina e ua aponoia ka hoike a ke komite.
Heluhelu hou mai i ka luna hoomalu o ke komite hokolokolo i ka lakou hoike no ka palapalo hoopii i waihoia mai e Hon. Keau, e noi mai ana, e malamaia na pono wai o na kanaka.
Ke hoike aku nei ke komite, he hana pili no keia i na Aha hookolokolo, nolaila, ua manao ke komite, e hoopanee loa i ka palapala hoopii.
Me ke noi a Hon. Nawahi, ua waihoia ka hoike ma ka papa a noonoo pu me ka bila knawai.
Heluhelu mai ka luna hoomalu o ke komite hooponopono bila kanawai i na bila i hooponoponoia.
Heluhelu mai ka luna hoomalu o ke komite wae, i waiho @ ai na haawina o na hale aupuni ma ka bila haawina, a me ka haawina no ka Hale ahi. Ke hoike aku nei ke komite he nui na palapala hoopii, a me na olelo hooholo i waihoia mai i ke komite. A ua manao ke komite, o ka olelo hooholo i waiho ia mai na dala he $85,000 no ke ku@ ana i Halealii hou, ke hoike aku nei ke komite aole keia he wa kupono e kukulu ai i ka Halealii hou, @. E hiki nae na hale kahi a ka Moi e noho ne ke hooponopono hou ia.
O ka manao o ke komite no na hale aupuni eae, penei no ia.
HAWAII.
Hale Hookolokolo ma Waiohinu Kau. 1,500
- - - - Punaluu 800
- - - - Puna 800
- - - - Hilo Akau 800
- - - - Hamakua 800
- - - - Kohala 600
Lako Hale Hookolokolo ma Waimea 100
Lawe i ka Hale Hookolokolo mai Kona Hema
a Kona Akau - - - 600
Pena Hale Hookolokolo ma Hilo 500
No ka Puna &c- - - 50
_____
Huina pau 6,550
MAUI
Hooponopono Hale Aupuni - - 500
No ka Pa &c - - - - 100
Hooponopono Hale Dule ma Lahaina 250
_____
Huina pau 850
OAHU
Hale paahao ma Honolulu - - 1000
- Hookolokolo ma Waialua 1000
- - Ewa a me Waianae 400
- Aha Hoomalu o Honolulu 1200
- Hookolokolo o Kaneohe 100
______
Huina pau 3,700
KAUAI.
Hale Hookolokolo ma Nawiliwili 700
- - - - Waimea 400
- - - - Anehola 800
Hooponopono ana i na Hale Aupuni 300
______
Huina pau 2,200
Ma ke noi a ke‘Lii Kuihelani, ua waihoia ka hoike ma ka papa a noonoo pu me ka bila haawina. Me ke nei, ua kapaeia na rula.
Helahela mai ka luna hoomalu o ke komite hookolokolo i ka lakou hoike no ka bila kanawai i waihoia mai e Hon. Mao. E @ ana i ka pauku 780, o ke kanawai kivila i Hoololiia ma ka 1868.
Ke manao nei ke komite, e hoopanee loa i ka noonoo ana i ka bila. Ma ke nei a ke’lii Ake, ua aponoia ka hoike.
Helehela hou mai ka luna hoomalo o ke komite hookolokolo i ka lakou hoike no ka bila kanwai e papa ana. Aole e kuai i na apana aina i na haole, ua manao ke komite. E hoopanee loa i ka bila. Ma ke noi a ke’lii Kipi, ua aponoia ka hoike.
Noi mai na’Lii Kuihelani, a me Kipi, e hookuu ia laua no kekahi manawa, hooholoia. Ma ke noi a ke Kuhina waiwai, ua hapaiia na hana o ka la.
NA HANA O KA LA
Heluhelu akolu ana o ka bila kanawai, e hooponopono ai i ka lawe, a me ka kuai ana i ka opiuma.
Noi mai o Hon. Mahoe, e kakauia na ae, a me na hoole no keia bila.
Mahope o ka niuau ana, ua hooleia ke noi e hoopanee loa i ka bila.
Eia ka poe kokua i ka bila na’Lii, Kipi, Kapena, Kaai, Kanoa, Kaeo, Moanauli, na Hons. Malo, Paniani, Kupau, Kaoliko, Kannaana, J.A. Kaukau, Kamauoha, Kapahu, Kealawaa, Kauai, Palohau, Nakaleka, he 18 ka huina.
Eia ka poe kae i ka bila, na’lii, Bihopa, Kuihelani, Kahana, na Hons. Moanauli Jr. Aholo, Kipikona, Kamika, Kanealii, Kakela, Nawahi, Mahoe, Bekekona, A. Kaukau, Kupihea. He 14 ka huina, nolaila, ua hooholo loa ia ka bila.
Hora 12, hoomaha ka hale, hora 1 pm, halawai hou ka hale.
Heluhelu akolu ana o ka bila kanawai, e hoopau loa ai na pauku 1—6, o ka mokuna 57, o ke kanawai hoopai karaima.
Ma ke noi a Hon. Kaoliko ua kakauia na ae, me na hoole no ka hoopanee loa i ka bila.
Ma ka ninau ana, ua hooleia ke noi e hoopanee i ka bila. He 19 ma ka hoole i ka hoopanee, a he 15 ma ka ae, e hoopanee.
Noi mai ka Hon. Nawahi, e hapai hou i ka noonoo ana, hooholoia.
Mahope o ka noonoo hou ana na @ mai o Hon. Aholo e kakau hou ia na ae a me na hoole, hooholoia, ma ka ninau ana. Ua hoopanee loaia ka bila. Eia ka poe makemake e hoomau i keia kanawai hoohilahila, na’lii, Dominis, Kipi, Kapena, Kaai, Waila, Preston, Bihopa, Kanoa, Kuihelani, Kahanu, Ake Moanauli, na Hon. Kupau, Kauai, Kaoliko, Kamika, Bekekona, Kakela, Kapahu, he 19 ka huina.
Eia ka poe makemake e holoi i keia kanawai hoohilahila mai na buke kanawai aku o Hawaii nei.
Na Hons. Keau, Paniani, Moanauli Jr. Kaiaikawaha, Kaanaana, Aholo, Kipikona, J.A. Kaukau, Kanealii, Hanuna, Nawahi, Mahoe, Keaiawaa, A Kaukau, Palohau, Nakaleka, Kupihea, he 17 ka huina, o Hon. D. Malo, ma ke koho mua ana, ua kue oia i ka hoopanee i ka bila, ma keia koho hope ana, aole oia i koho.
Ma ke noi a ke Kuhina, waiwai, ua hoopanee ka hale a noho hou i ka la apopo hora 10 am.
LA HANA 61 Poalua July 17, 1878.
Me ke noi a Hon. Kamika, ua hapaiia na hana o ka la.
NA HANA O KA LA
Heluhelu alua ana o ka bila haawina imua o ke komite o ka hale.
Hon. Nazareta ma ka noho.
Uku o ka Lunk. apana o Hanalei a me Auehola 600
Noi mai o Kamika e hooholo, hooholia.
- Kamika Lunak apana o Kawaihae hooholia, 600.
Lunak. apana o Lihue hooholoia 600
Hoomaemae i ha Hale aupuni 15,000
Noi ke komite wae - - 27,500
- - Kuhina Kalaiaina 27,700
- - mai o Kamika 28,000
Noi ke Kuhina Kalaiaina no ka Halee alii
hou he - - - - 50,000
Noi mai o Kaeo, e kapae loa.
Hooholoia 50,000
Noi ke Kuhina Kalaiaina, e noonooia ka
haawina o ka Moi he - - 45,000
Noi mai o Kaeo - - - 35,000
Ma ke noi a Hon. Kanealii, ua kakauia na ae a me na hoole, mahope o ka ninau ana. Ua hooholoia ka haawina o ka Moi he 45,000. Eia ka poe ma ka hooholo i ka haawina, na’lii, Dominis, Kapena, Kaai, Waila, Bohopa, Kamika, Kanoa, Kapena Roke, Kakela, Kahanu, Ake, Moanauli, na Hons. Malo, Kupau, Kaiaikawaha, Kaanaana, Aholo, Kipikona, J.A. Kaukau, Kamika, Hanuna, Mahoe, Bekekona, Kamauoha, Kapahu, Kupihea, A. Kaukau, Kauai, Palohau, Kupihea, he 29 ka huina.
Eia ka poe hoole, ke’lii Kaeo, na Hons. Keau, Paniani, Moanauli Jr. Kaoliko, Kanealii, Halstead, Nawahi, Kealawa, he 9 ka huina.
Hora 12 hoomaha ke komite, halawai hou ke komite i ka hora 1 auina la.
Noi mai o Hon. J. Kupau, E hookaawale ia i heawina no ka Moiwahine Kapiolani i $6,000, hoopanee loa ia.
Ma ke noi a ke Lii Roke ua hoopaneeia ke komite.
Ma ke noi a ka Hon. S. Paniani ua apono ia ka hoike a ke komite.
Ma kana noi hou ana mai, ua hoopanee ka hale a noho hou i ka la apopo hora 10 a.m.
LA HANA 62, lulai 18, 1878.
NA HOIKE O NA KOMITE
Heluehelu mai i ka luna hoomalu o ke komite waiwai i ka lakou hoike no ka palapala hoopii a Hon. J.I. Dowsett a me Keolaloa, e koi ana i ke aupuni e uku aku ia laua i na dala elua tausani. Ke hoike aku ne ke komite, he pono no ia laua ke hoopii imua o na aha hookolokolo, a ke noi aku nei ke komite, e waiho i keia palapala hoopii ma ka papa.
Ma ke noi a Hon. Aholo, ua aponoia ka hoike a ke komite.
Heluhelu mai ka luna hoomalu o ke komite wae, i waiho ia aku ai ka bila, e hooponopono ai i na laikini o na ano kaa a pau, ia ka lakou hoike. Ke hoike aku nei ke komite, ua hoololiia ka bila, a ke noi aku ne, e haawi aku i ka bila no ke kakau poepoe e like me ia i hoololiia.
Ma ke noi a Hon. Kakela, ua heluheluia ka bila e like me ia i hoololiia.
Ma ke noi a Hon. Pekekona, ua aponoia ka hoike a ke komite.
E heluhelu ekoluia keia bila i ka Poalua lulai 23.
Heluhelu mai o Hon. Kamika he olelo hooholo, e kauohaia na komite a pau, e waiho mai i ka lakou mau hoike mamua o ka Poakolu, lulai 24.
Ma ke noi a Hon. Pilipo, ua hoopanee loa ia ka olelo hooholo.
Ma ke noi a Hon. Keau, ua hapaiia na hana o ka la.
NA HANA O KA LA
Ma ke noi a Hon. Kupau, ua @ ia @ rula, a heluhelu mai oia he olelo hooholo, e kauohaia ka makai o ka hale, e hoolako mai i mau mea ai no ka paina awakea o na hoa a pau.
Rula mai ka noho penei: Ua waiho mua ia mai he olelo hooholo e like me keia, a ua hoopanee loa ia, pela no keia olelo hooholo.
Heluhelu alua ana o ka bila kanawai e hooponopono ai i ka hoopae ana mai i na ohua iloko o keia aupuni.
Hookomo mai ka Loio Kuhina he ‘hoeloli i ke poo o ka bila a me ka pauku 1; hooholoia.
Ma ke noi a ke Kuhina o ko na aina e, ua haawiia ka bila, no ke kakau poepoe e like me ia i hoololiia, a e heluhelu ekoluia ma ka Poalua Iulai 23.
Heluhelu alua ana o ka bila kanawai e hoomalamalama ai i ke kulanokauhale o Honolulu me ke kukui gas.
Ma ke noi a Hon. Pekekona, ua haawiia ka bila no ke kakau poepoe a e heluhelu ekoluia ma ka Poalua Iulai 23.
Heluhelu alua ana o ka bila kanawai e hoololi ai i ka mokuna 55 o no kanawai o 1876. Ma ke noi a Hon. Kakela, ua haawiia ka bila no ke kakau poepoe, a e heluhelu akoluia ma ka Poalua Iulai 23.
Heluhelu alua ana o ka hoololi i manao ia no ka pauku 62 o ke Kumukanawai.
Ma ke noi a Hon. Hanuna, ua hoopanee loa ia ka hoololi i manoia.
Heluhelu alua ana o ka bila kanawai e haawi ana i ka mana i ke Kuhina Kalaiaina, e lawe i ka aina a me ka wai i mea e pono ai na ohewai o Honolulu, a e hoololi ai, i ka pauku 1 o ke kanawai i aponoia ma ka la 18 o Augate 1860, a i hoololiia ma ka la 18 o Iulai 1874.
Ma ke noi a Hon. Kipikona, ua haawiia ka bila i ke komite hookolokolo.
Noi mai o Hon. Kakela, o na palapala a pau e pili ana i keia bila, e haawi pu ia ‘ku i ke komite, hooholoia.
Heluhelu alua ana o ka bila kanawai e haawi ai i ka mana i ke Kuhina Kalaiaina e haawi i palapala ae no ka mea e noi mai ana e inu waiona, ke haawi mai oia i umi dala no ka makahiki.
Ma ke noi a Hon. Bekekona, ua hoopanee loa ia ka bila.
Heluhelu alua ana o ka bila kanawai. E hooponopono ai i na la hana o na aina Konohiki, a me na aina Konokiki i hoolimalimaia e kekahi mea. Hora 12 hoomaha ka hale, halawai hou ka hale ma ka hora 1 auina la.
Ma ke noi a ke’lii Bihopa ua haawiia ka bila i ke komite hookolokolo.
Heluhelu alua ana o ka bila kanawai, e hoololi ai i na pauku 3 a me 4, o ka mokuna 79, o na kanawai hoopai karaima.
Me ke noi a ke ‘li Bihopa ua haawina ka bila no ke kakau poepoe a e heluhelu akolu ia ma ka Poalua Iulai 23.
Heluhelu alua ana o ka bila kanawai, e hoaloli ai i na pauku 7 a me 8, o ka mokuna 79, o ke kanawai karaima.
Ma ke noi a Hon. Pilipo, ua haawia ka bila i ke komite hookolokolo.
Heluhelu alua ana o ka bila kanawai, e hoaloli ai i ka pauku 998, o ke kanawai kivila.
Ma ke noi a ke Kuhina o ko na aina e, ua haawiia ka bila no ke kakau poepoe, a e heluhelu akoluia ma ka Poalua Iulai 23.
Heluhelu alua ana i ka bila kanawai, e hoololi ai i ka pauku 999, o ke Kanawai Kivila, oia ke kanawai i aponoia ma ka la 13, o Mei 1868.
Hoololi mai o Hon. Hanuna, ma kahi o elua dala, e hookomo malaila i hookahi dala, hoaholoia.
Mahope o ka noonoo ana, ua haawiia ka bila no ke kakau poepoe.
Heluhelu alua ana o ka bila kanawai, e hoololi ai i ka pauku 1003, o ke Kanawai Kivila.
Ma ke noi a Hon. Kakela, ua haawiia ka bila i ke komite hookolokolo.
Noi mai o Hon. Kakela, e hapai hou i ka noonoo o na bila kanawai, e hoololi ai i na pauku 998 a me 999, o ke Kanawai Kivila hooholoia.
Me ke noi a Hon. Kakela, ua haawiia kela mau bila i ke komite hookolokolo.
Heluhelu alua ana o ka bila kanawai e hoomalu ai i ka aina ma Nuuanu mai ke konohewa ia e na holoholona.
Ma ke noi a ke Kuhina Kalaiaina, ua haawiia ka bila no ke kakau poepoe.
Heluhelu alua ana o ka bila kanawai e @ ai i na pake, ke lawe pu ole mai me ka lakou mau wahine.
Ma ke noi a Hon. Nawahi, ua hoopanee loa ia ka bila.
Heluhelu alua ana o ka bila kanawai e hooponopono ai no ka hopu ana i na ‘lii moku a luina paha e holo ana i na aina e, ke hoolohe ole lakou i na kaueha.
Ma ke noi a Pekekona, ua haawiia ka bila, ma ke kakau poepoe, a e heluhelu ekolu ia ma ka Poalua Iulai 23.
Heluhelu alua ana o ka bila kanawai e hoololi ai i ka mokuna 29 o no kanawai o ka 1872.
Ma ke noi a ke Kuhina Waiwai, ua hoopanee loa ia ka bila.
Heluhelu alua ana o ka bila kanawai e hoopau ai i ka Pauku 5, mokuna 29 o na kanawai o ka 1872.
Ma ke noi a Hon. Pilipo, ua haawiia ka bila no ke kakau poepoe, a e heluhelu ekolu ia ma ka Poalua Iulai 23.
Ma ke noi, ua kapae ia na rula.
Heluhelu mai ka luna hoomalu o ke komite wae i waiho ia aku ai ka haawina o na makai o Oahu nei, ke hoike aku nei ke komite, he mea pono ke hooholo i na dala he 54,000, a na ke poo o ka oihana e mahele i ke dala, aka, ua noonoo ke komite, e haawiia i ekolu, mahele o na uku, ma ka 20, 25, a me 30 dala o ka mahina, i mea e hoihoi ai na makai.
Ma ke noi a Hon. Pilipo, ua waihoia ka hoike ma ka papa a noonoo pu me ka bila haaawina. 2 – Elua mau bila kanawai oki mare, i waihoia mai e na mea hanohano A.S. Hartwell a me W.R. Kakela. Ke hoike aku nei ke komite, he pono e hoohalo i ka bila a Hon. Kakela, a e waiho i ka bila a Hartwell ma ka papa. A e heluhelu alua ia keia bila ma ka Poalua Iulai 23.
Ma ke noi a Hon. Pekekona, ua aponoia ka hoike a ke komite.
3 – O ka bila kanawai i waihoia mai e Hon. Kakela, e hoololi ai i ka pauku 646 o ke Kanawai Kivila, ke manao nei ke komite, e waiho i ka hapa hope o ka bila, alaila, e haawi aku i ka bila no ke kakau poepoe me ia i hoololiia, a e heluhelu ekolu ia ma ka Poalua Iulai 23.
Ma ke noi a Hon. Kaoliko, ua aponoia ka hoike a ke komite.
4 – Elua mau bila kanawai i waihoia mai e Hon. Kanealii. (a) He bila e hoololi ai i ka pauku 1424 o ke Kanawai Kivila. (e) He bila kanawai e hoololi ai i ka pauku 1477 o ke Kanawai Kivila.
Ke hoike aku nei ke komite, e hoopanee loa i ka noonoo ana o keia mau bila a elua.
Ma ke noi a Hon. Kaoliko, ua waihoia ka hoike ma ka papa, a noonoo pu me ka bila, a hiki mai hoi ka mea nana ka bila.
Ma ke noi a Hon. Nawahi, ua hoopanee ka hale a noho hou i ka la apopo hora 10 o kakahiaka.
LA HANA 63, Iulai, 19, 1878.
NA HOIKE O NA KOMITE.
Heluhelu mai i ka luna hoomalu o ke komite o ka oihana koa i ka lakou hoike. Ua nana pono ko oukou komite $c. a ua pololei na mea a pau. A ua noi ia mai hoi kou komite, i $8,000 no ke kukula ana i papu no ke ki pu aloha ana i mea e hoopilikia ole ai i na poe mai ma ka Halemai Moiwahine, nolaila, ke noi aku nei ke komite. E hookomo i keia mau dala @ o ka bila haawina. A e hooholo pu ia hoi ka puu dala he $53,560, no na lilo oia oihana no na makahiki elua, e hele aku nei. Ma ke noi a ke ‘lii Kaeo ua waihoia ka hoike ma ka papa a noonoo pu me ka bila haawina.
Helehelu mai ka luna hoomelu o ke komite hoonaauao i ko lakou hoike no na mea a pila ana i ka oihana hoonaauao. He nui na palapala hoopii, na olelo hooholo na bila kanawai i waihoia mai i ke komite. Ua loaa i kou komite na mea nui ekolu.
1 – O ka hookaawale liilii ana i na kula ma ka olelo Hawaii a ma ka olelo haole.
2 – O ka hoohuihui i ke kukulu ana i na kula.
3 – O ka hoomahuahua ana i na dala no na kula Kaikamahine, ke hoike aku nei ko kakou komite, ke pii malie ae nei na uku o na kumukula.
Ua pili hoi ka nui o na palapala hoopii, na olelo hooholo, na bila, i ke ano nui o na mea i waiho ia aku i ke komite. A ke hoike aku ne ke komite, o na palapala hoopii a Palohau, Hanuna, Kupau, bila a Kanealii, olelo hooholo a Keau, palapala hoopii a Halstead no Haleakala, a me ka palapala hoopii e noi ana e kokua aku i $600, no ke kula haole kuokoa o Honolulu nei. E waiho ma ka papa, ke hoike aku nei ke komite, e hoomau i ke kula o Haleakala. E haawi i $10,000 no ke kokua ana i na kula Hawaii, a me Enelani, a hookahi tausani no ka malama ana i na mea ano e. E hoopanee i ka bila e hoopau ai i ka mokuna 14, o na kanawai 1874, a me ke noi i puudala Hoouiu Lahui:
Ma ke noi a Hon. Keau, ua waihoia ka hoike ma ka papa a noonoo pu me ka bila haawina.
Me ke noi a ke’lii Kamika, ua haawiia ka hoike no ke pai.
Heluhelu mai ka hapanui o ke komite waiwai i ka lakou hoike no ka olelo hooholo i waihoia mai e Hon. Kakela. E noi ana i $12,000, no ke kokua ‘na ia “Kilauea Hou.” Ke hoike aku ne ke komite, aole pono ke haawi i haawina kokua i mea e kue ai i kekahi mau moku e ae, a ke noi aku nei ke komite e hoopanee loaa i ka olelo hooholo.
Ma ke noi a Hon. Kakela, ua waihoia ka hoike a ka hapanui ma ka papa, a hiki mai ka hoike a ka hapa uuku.
Heluhelu mai ka hapanui o ke komite waiwai no kekahi palapala noi no Honolulu nei. E uku aku i $1000 no ka poe nana i hana ke alanui kula, ke hoike aku nei ke komite, e waiho i keia noi ma ka papa.
Ma ke noi a Hon. Kamika, ua waihoia ka hoike ma ka papa, a hiki mai ka hoike a ka hapanui.
Heluhelu mai ke komite waiwai i ka lakou hoike no ka olelo hooholo i waihoia mai e Hon. Paniani, e uku aku i $40. No na makai no ka makina, ke hoike aku ne kou komite, e waiho i ka olelo hooholo ma ka papa.
Ma ke noi a Hon. Kamika, ua waihoia ka hoike ma ka papa.
Noi mai o Bekekona, e hoike mai ka hapauuku o ke komite waiwai i ka laua hoike no ka olelo hooholo e haawi i $12,000 kokua ia “Kilauea Hou” hooleia.
Heluhelu mai ke komite hoonaauao, i ka lakou hoike no na mea malalo nei.
1 – He olelo hooholo i waihoia mai e Hon. Kaiaikawaha, e noi ana, e haawi ia i $5000, no ka hooponono ana i ka Halekula Kaikamahine o Wailua, ke hoike aku nei ke komite. E waiho keia olelo hooholo ma ka papa.
Ma ke noi a Hon. Aholo, ua aponoia ka hoike a ke komite.
2 – O ka palapala hoopii a D. Keawea mahi, e noi ana e uku aku ia ia i na dala $226, no kona noho kokua kumu ana no ke kula o Keoneula, no ke kahi mau makahiki i hala. Ke hoike aku nei ke komite, e hoopanee loa i ka palapala hoopii.
Hora 12 hoomaha ka hale, halawai hou ka hale ma ka hora 1 aina la.
Kamailio mai na Hon. Hanuna, a me Nawahi ma ka aoao kolu i ka hoopili a D. Keaweamahi.
Ma ke noia Hon Pilipo, ua haawiia ka hoike a ke komite hoonaauao i ke komte wae. Eia ke komite, Pilipo, Kapena, Bihopa, Aholo, A. Kaukau.
Heluhelu mai ka luna hoomalu o ke komite wae i waihoia’ku ai ka haawina no ka uku o na lawe leia $9,032, ke manao nei ke komite. E haawiia no ia hana i $9,336, a ke noi pu aku nei ke komite, e hooholo i ka haawina e like me ia i hoololiia. Ma ke noi a Hon. Kamika, ua aponoia ka hoike a ke komite.
Heluhelu mai ka luna hoomalu o ke komite wae, no ka haawina $7500 no ka hale hoomalu eemoku, ke manao nei ke komite. E haawiia no keia haawina i $5000 no ka hooponopono ana i na hale, hana ana i uapo, a me ona Paipu wai.
Ma ke noi a Hon. Pilipo. ua aponoia ka hoike a ke komite.
[E nana i ke Koena ma ka Aoao Eha.]
MAIKAI KA HOI KA PAPA !
- A ME –
KA LAAU O KOU HALE!
NO HEA LA?
KAI NO HOI NO KAHI O
WAILA MA!
Nana aku no hoi ia la
Ohi ka lo o ka Laau o Makawao
I ka ua mea hoi o ka nani o
Na PAPA ! Na PAPA !!
- A ME –
NA PONO KUKULU HALE
O NA ANO NO A PAU.
Aia ma ke kihi o na
ALANUI PAPU me MOIWAHINE !
HONOLULU
MALAILA E LOAA AI
E LIKE me ka MAKEMAKE
- NO KE –
KUMUKUAI MAKEPONO LOA
PAPA, PAPA, PAPA,
Na Papa Huluhulu,
Na Papa Manoanoa,
Na Papa i kahiia,
Na Papa Kepa,
Papa Hole Keokeo,
Papa Hole Ulaula.
NA LAAU, NA LAAU
Na Kua,
Ka Kaola,
Na Aaho,
Na Molina,
Na Peapea,
Pine Huluhulu,
Pine i kahiia.
NA Papa a mena Laau Ulaula !
Pili ulaula,
Pili Keokeo,
Pani Puka,
Pani Puka Aniani,
Ipuka Aniani,
Puka Olepelepe.
PENA O NA ANO A PAU
Hulu Pena mai ka Liilii a ke Nui,
Aila Pena,
Aila Hoomaloo,
Wanili, Pate.
NA LAKO O KELA A MEI KEIA ANO !
Na Ami Puka Hale.
Na Ami Puka P@
ANIANI’
Pepa Hale a me na Lihilihi
E LOAA NO MALAILA
PAAKAI HELU I O KAKAAKO me PUULOA
No ke DALA KUIKE, e loaa no na mea a pau i haiia ae la, no ke Kumukuai Emi loa. O na kauoha a pau mai Hawaii a Niihau, e loaa ‘ku ana ia lakou, e hooko koke ia no ia me ka lawa pono.
E Kipa Nui Ilaila, I Ike i ka Olelo.
@