Ka Nupepa Kuokoa, Volume XVII, Number 18, 4 Mei 1878 — Page 3

This text was transcribed by:	Pulama Goodhue
This work is dedicated to:	Awaiaulu

Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Kuokoa

KE KILOHANA POOKELA NO KA LAHUI HAWAII.

--------------------------------------------

Lunahoomalu, e kakau pololei i na inoa o ka poe a pau e koho ana i ka wa koho. E malama ia Kakauolelo i elua mau moolelo kaawale; hookahi no na inoa o ka poe a pau e koho ana i na ʻLii, a i hoohiki no ka poe a pau e koho ana i na Lunamakaainana. E loaa iaia ka uku he elima dala e uku ia e ke Aupuni.

20. Mahope iho o kela koho ana keia koho ana e malama ka Lunahoomalu o ka Papa o kela a me keia Apana a mahele Apana paha i na balota a pau i loaa mai, a me na papa inoa a pau a me na moolelo a pau o ke koho ana o ka Apana a Mahele Apana paha ana i noho Lunahoomalu ai. Malalo o ke kauoha a ke Kuhina Kalaiaina.

21. E wehe ia ke koho ana e na Luna Nana Koho Baiota a e kukala ia pela ma ka hora ewalu o ke kakahiaka o ka la koho, a e hamama no a hiki i ka hora elima o ke ahiahi o ia la no, a aole mamua aku o ia manawa.

E hoomakaukau ia i elua pahu balota ma kela a me keia wahi kahi koho balota, hookahi no na balota no na Lunamakaainana, a i hookahi no na balota no na ʻLii. E koho ka poe kupono i ke koho ma ka balota, a na kela a me keia mea kupono i ke koho e makemake ana e koho e haawi aku i kona balota i kekahi o na Luna Nana Koho Balota a nana no ina ua kupono ka mea nana i haawi aku i ke koho, e kauoha aku i ke Kakauolelo e kakau i ka inoa o ka mea nana i haawi mai, a nana no me ke nana ole i ka inoa o ka mea e koho ia ana e nana i ka balota ma ke ano e nana wale no e maopopo ai ina paha ua oi aku mamua o hookahi balota, ina aole i oi e hookomo aku no oia iloko o ka pahu balota i manao ia ai nolaila ia balota, aka, ina ua oi aku mamua o hookahi balota, e hoike ae oia oeka a hoole aku ia balota: Aole no e unuhi hou ia ae ka balota mahope o ka hookomo ia ana iloko o ka pahu balota a hiki i ka manawa e wehe ia ae ai no ka helu ana e na Luna Nana.

22. E lawe no na Luna Nana Koho Balota ma ka la koho balota no na Lunamakaainana a me na ʻLii i na balota o na mea a pau i komo na inoa ma ke ano ku i ke Kanawai iloko o na Papa Inoa o ka poe kupono i ke koho i na ʻLii a me na Lunamakaainana, koe na mea i hoakaka ia mahope iho nei iloko o keia.

23. O kela a me keia mea i hoahewa ia no kekahi karaima, a no ia mea malalo o ke Kumukanawai ua hiki ole iaia ke koho, a ua kala ia nae oia e ka Moi, a mamuli o na olelo o kona kala ia ana ua hoihoi hou ia kona mau pono ma ke ano he kupa a he mea kupono i ke koho balota, nana no mamua ae o kona lilo ana he mea kupono i ke koho e hoike ae imua o na Luna Nana Koho Balota i palapala hoike no ia kala ia ana, a i kope paha i hooiaio ia o ia olelo kala.

24. I na wa a pau e ulu ae ai he like ole o ka manao mawaena o na Luna Nana Koho Balota, e pili ana i kekahi mea i pili i ka lakou mau hana ma ke ano he poe Luna Nana Koho Balota, o ka mea i hooholo ia e ka hapa o lakou oia ka mea e manao ia he mana a he paa.

25. Na na Luna Nana Koho Balota, mamua ae o ka wehe ana i ke koho ana, e hookaawale i wahi akea kupono a puni kahi e koho ai i mea e pale aku ai i ka hele ana mai o ka poe i loaa ole ka mana e hana pela e keakea i ka lawelawe ana o ke koho ana, a ua hiki ia lakou ina e manao ia he pono e koho aku i poe luna ku i ka wa e malama i ka maluhia. E hana ia poe luna ku i ka wa me ka uku ole.

26. O ka balota, he apana pepa keokeo no ia i kau ole ia kekahi huaolelo, kii a hailona a mea e ae paha mawaho ae o ka ino o ka oihana, a me ka inoa a mau inoa o ka mea a mau mea holo balota i koho ia. Oia balota e kakau ia, a e pai ia paha, a i ole ia e kakau hapa ia a pai hapa ia paha me ka eleele wale no. Aole e lawe ia a helu ia kekahi balota maloko o ka wahi.

27. Mahope iho o ke pani ia ana o @@ koho ana, e hoomaka koke aku na Luna Nana Koho Balota me ka hoohakalia ole e hoomaopopo mua mai ka moolelo mai o ke Kakauolelo i ka huina nui o ka poe a pau i koho, alaila e hookaawale a helu iho i ka huina nui o na balota a pau i haawi ia no ka poe holo balota. Ina ua oi aku ka nui o na balota mamua o na inoa ma ka moolelo o ke Kakauolelo a he mea ia e ano e ai ke koho ana, alaila o ka hana a na Luna Nana Koho Balota oia no ka hoihoi hou ana i na balota a pau iloko o ka pahu balota, a pani a paa, a ki iho, a lulu i ka pahu i mea e huikau ai na balota maloko; alaila e wehe hou ia ka pahu balota a e uhi ia maluna iho me ka lole, a na ka Lunahoomalu o ka poe Luna Nana me kona kau mua ana i kona peahilima malalo o ka lole i kau ia maluna o ka pahu a unuhi ae me ka nana ole, i hookahi balota i ka manawa hookahi, a pela oia e unuhi pakahi ai a hiki i ka wa e like ai ka nui no balota maloko o ka pahu me ka nui o na inoa ma ka papa inoa o ke Kakauolelo; e kakau iho ke Kakauolelo no kela a me keia balota i ka wa e unuhi ia ae ai, a hoolawe ia mea mai ka huina o na balota o ka mea a mau mea holo balota nona ia balota i unuhi ia, a o ka heluna i loaa ma ia hana ana oia ka mea e apono ia e na Luna Nana.

O ka poe a pau e makemake ana e hele aku malalila i ka manawa e helu ia ai na balota ua hiki no ia lakou ke hana pela.

28. I na manawa a pau e ike ai ua opiopi ia a owili ia paha he elua a oi ae mau balota ma ke ano i maopopo i na Lunana Nana ua hana ia ma ke ano kolohe, e hoole ia no ia.

29. Ina e ike ia kekahi balota ua oi aku ka nui o na inoa no ka Oihana Lunamakaainana mamua o ka nui o na Lunamakaainana i ae ia no ia Apana, a mau Alii paha i oi mamua o ka mea i ae ia no ia Mahele a Mokupuni paha, e manao ia he balota kolohe ia, a e hoole ia; aka, aole e manao ia he balota kolohe, a hoole ia kekahi balota no ka emi ana mai o na inoa malalo o ka nui i ae ia e hookomo.

30. E kue aku no kela a me keia Luna Nana Koho Balota i kekahi mea e hele mai ana e koho ana i ike ai, a i hoohuoi ai paha aole i kupono e koho.

31. Ina ua kue ia kekahi mea i hele mai e koho ma ke ano aole i kupono e kekahi Luna Nana, a o kekahi mea e ae paha, e heluhelu aku ka Papa Luna Nana i ua mea la i kue ia, i na olelo pili ana i ka poe kupono i ke koho balota e like me ia i ike ia maloko o ke Kumukanawai, a e waiho aku imua one i keia mau olelo hoohiki:

Ke hoohiki nei oe e pane piha a oiaio i na ninau a pau e ninau ia aku ana ia oe, e pili ana i kou wahi noho, a me kou kupono e koho ma keia koho ana.

Alaila, e ninau aku na Luna Nana Koho Balota, a o kekahi paha o lakou, i na ninau i ka mea i kue ia, i kupono no ka hoomaopopo ana i kona kupono e lilo i mea koho ma ia koho ana.

Ina e hoole ka mea i kue ia i ka pane piha ana i na ninau i ninau ia aku iaia e like me ka mea i olelo mua ia, e hoole no na Luna Nana i kono koho ana.

Ina aole i hoopau ia ke kue ia ana mahope o ka pane ana o ka mea i kue ia e makemake ana e koho, i na ninau i ia aku iaia, e like me ka mea i olelo mua ia, na kekahi o na Luna Nana e waiho aku imua ona i keia mau olelo hoohiki mahope iho nei, ina o kona kupono e lilo i mea koho i na Lunamakaainana ka mea i kue ia ai:

Ke hoohiki nei oe he Hawaii, a Amerika a Europa (e like me ka mea i ike ia) oe ma ka hana ana, a he iwakalua kou mau makahiki; ua hoohiki oe i na olelo hoohiki e kokua mamuli o ke Kumukanawai a me na kanawai imua o kekahi mea i loaa iaia ka mana e hoohiki ia mea; ua hookomo oe i kou inoa iloko o ka papa inoa o ka poe kupono e koho i na Lunamakaainana ma keia apana; aole oe i koho ma keia koho balota ana, a aole oe i hoahewa iki ia no kekahi o na karaima i hoakaka ia ma ka Pauku 73 o ke Kumukanawai, iloko o keia Aupuni, i kala piha ole ia. Ina ua kue ia ka mea e makemake ana e koho ma na mea e pili ana i kona kupono e lilo i mea koho i na ʻLii, penei ke ano o na olelo hoohiki:

Ke hoohiki nei oe he Hawaii, a Amerika a Europa (e like me ka mea i ike ia) oe ma ka hanau ana, a he iwakalua kou mau makahiki; ua hookomo oe i kou inoa iloko o ka papa inoa o ka poe kupono e koho i na ʻLii ma keia apana; ua noho oe maloko o keia apana aole i emi malalo o ekolu mahina mamua koke iho o keia koho ana; a he ona oe a ke paa nei makou kuleana ponoi iho he waiwai i ku i ka auhau ia iloko o keia Aupuni nona ka waiwai i emi ole malalo o ekolu tausani dala mawaho ae o na hihia a pau, a (e like me ka mea i ike ia) i ole ia, ua loaa maoli mai ia oe he loaa ia emi ole malalo o eono haneri dala iloko o ka makahiki hookahi mamua iho o ke kakau ia ana o kou inoa ma ka papa inoa no keia koho ana; ua hoohiki oe i na olelo hoohiki e kokua mamuli o ke Kumukanawai a me na kanawai, imua o kekahi mea i loaa iaia ka mana e hoohiki ia mea; aole oe i koho ma keia koho balota ana a aole oe i hoahewa iki ia no kekahi o na karaima i hoakaka ia ma ka Pauku 73 o ke Kumukanawai, iloko o keia Aupuni, i kala piha ole ia.

32. Ina e hoole kekahi mea i ka hoohiki i na olelo hoohiki i waiho ia imua ona, e like me ka mea i hoakaka ia ma ka pauku hope maluna ae, e hoole ia kona koho ana.

33. Na ka poe Luna Nana Koho Balota, a o kekahi paha o lakou, mamua koke iho o ke kukala ia ana no ka wehe ana o ke koho balota, e wehe i ka pahu balota imua o ka poe i akoakoa malaila, a hoohuli i ka waha ilalo, i mea e pau ai na mea maloko a pau iwaho alaila e ki iho a apaa; a aole no e wehe hou ia a hiki i ka pau ana o ke koho ana, a ia wa e wehe ia ai no ka helu ana i na balota maloko.

34. I ka manawa e maopopo ai i na Luna Nana Koho Balota ka nui o na balota i koho ia no kela a me keia mea e holo balota ana, e kukala akea lakou i ka huina nui o na balota i koho ia, na inoa o ka poe i hookomo ia na balota a me ka nui o na balota i hookomo ia no kela a me keia ina he Alii a he Lunamakaainana paha, a na ke Kakauolelo e hana i kope maikai o ia mea, a e kakau inoa ia e na Lina Nana Koho Balota, a e hapa nui paha o lakou a hoouna aku i ke Kuhina Kalaiaina.

35. Ma na waho i oi aku mamua o hookahi Apana a Mahele Apana paha ma ka Apana Koho hookahi, na na Luna Nana Koho Balota o kela a me keia Apana a Mahele Apana paha e hoouna koke aku mahope iho o ka maopopo ana o ke koho ana ma ko lakou Apana a Mahele Apana paha i ka Lunahoomalu o ka Papa Luna Nana Koho Balota i hoakaka ia na lakou e kakou i ka poe ma ia Apana i kupono e koho i na ʻLii, i Papa Inoa o ka poe i holo balota i mau Alii a i mau Lunamakaainana, a me ka nui o na balota no kela a me keia mea. A na ka Papa Luna Nana Koho Balota i hoakakaka ia na lakou e hana ka Papa Inoa o ka poe Kupono e koho i na ʻLii o ka Apana e haawi aku i palapala hookohu i kela a me keia o na mea i holo balota i Lunamakaainana i loaa iaia ka heluna nui loa o na balota a pau i koho ia ma ka Apana holookoa, ma ke ano e like me keia, penei:

PALAPALA HOIKE NO KE KOHO IA ANA.

O makou o na mea nona na inoa i kakau ia malalo iho nei, na Luna Nana Koho Balota no ka Apono o................................... Mokupuni o......................... ke hoike aku nei ma keia ua koho pono ia o....................................... i Lunamakaainana no ka Apana i oello ia ma ka la........ o......................... A.D. 18.......

Haawi ia malalo o ko makou mau lima i keia la.........o ........................................... 18.......

........................................

36. Mahope iho o ke koho ana ma ka Mokupuni o Hawaii na kela a me keia Papa Luna Nana Koho Balota i loaa ka mana e kakau i na Papa Inoa o ka poe koho i na ʻLii e hoouna aku i ka Papa i hoakaka ia na lakou e kakau i na inoa o ka poe koho i na ʻLii ma ka Apana o Hilo me Puna i Papa Inoa o ka poe a pau i koho ia ai i mau Alii ma ko lakou mau Apana, a me ka nui o na balota no kela a me keia mea. A na ia Papa i hoakaka ia i olelo ia no ka Apana o Hilo a me Puna e hoomaka koke aku mahope iho o ka loaa ana mai o na hoike a pau e hoomaopopo i na inoa o na poe he eono i loaa ia lakou na balota i oi aku ka nui i mau Alii, a e haawi aku i kela a me keia o ia poe i palapala hookohu ma ke ano e like me keia, penei:

PALAPALA HOIKE NO KE KOHO IA ANA.

O makou o na mea nona na inoa i kakau ia malalo na Luna Nana Koho Balota no ka Apana o Hilo me Puna, Mokupuni o Hawaii, ma keia ke hoike aku nei ua koho pono ia o ....................................................................(ka inoa o ka mea i kaho ia) i Alii no ak Mokupuni o Hawaii, ma ka la.....................o.................................A. D. 18.........

Haawi ia malalo o ko makou mau lima i keia la....................o.................................. A.D. 18......

........................................

37. Mahope koke iho o ke Koho ana ma ka Mahele o na Mokupuni a Maui, Molokai a me Lanai na na Papa Luna Nana Koho Balota i loaa ka mana no ke kakau ana i ka poe koho i na ʻLii ma kela a me keia Apana, o keia Mahele e hoouna aku i ka Papa i hoakaka ia na lakou e kakau i na inoa o ka poe koho i na ʻLii Apana o Wailuku, i papa inoa o ka poe a pau i koho ia ai i mau Alii ma ko lakou mau Apana a me ka nui o na balota no kela a me keia mea, a ana ia Papa i hoakaka ia i olelo ia no ka Apana o Wailuku, e hoomaka koke aku mahope iho o ka loaa ana mai o na hoike a pau e hoomaopop i na inoa o na poe eono i loaa ia lakou na balota i oi aku ka nui i mau Alii, a e haawi aku i kela a me keia o ia poe i palapala hookohu no kona koho ia ana ma ke ano he ʻLii no ia mau Mokupuni e like me ka mea i hoakaka ia maluna no na ʻLii i koho ia no ka Mokupuni o Hawaii.

38. Mahope koke iho o ke koho ana ma ka Mokupuni o Oahu na na Papa Luna Nana Koho Balota i loaa ka mana e kakau i ka poe koho i na ʻLii ma kela a me keia Apana o ka Mokupuni e hoouna aku i ka Papa i hoakaka ia na lakou e kakau i na inoa o ka poe koho i na ʻLii ma ka Apana o Honolulu i papa inoa o ka poe a pau i koho ia ai i mau Alii ma ko lakou mau Apana a me ka nui o na balota no kela a me keia mea. A na ia Papa no ka Apana o Honolulu e hoomaka koke aku mahope iho o ka hiki ana mai o na hoike a pau e hoomaopopo i na inoa o na poe eiwa i loaa ia lakau na balota i oi aku ka nui i mau Alii, a e haawi aku i kela a me keia o ia poe i palapala hookohu no kona koho ia ana ma ke ano he ʻLii no ka Mokupuni o Oahu, e like me ka mea i hoakaka ia maluna no na ʻLii i koho ia no ka Mokupuni o Hawaii.

39. Mahope koke iho o ke koho ana ma ka Mahele o o na Mokupuni o Kauai me Niihau na na Papa Luna Nana Koho Balota i loaa ka mana e kakau i ka poe koho i na ʻLii ma kela a me keia Apana o ka Mahele e hoouna aku i ka Papa i hoakaka ia maka Apana o Lihue a me Koloa na lakou e kakau i na inoa o ka poe koho i na ʻLii, i Papa Inoa o ka poe a pau i koho ia ai i mau Alii ma ko lakou mau Apana, a me ka nui o na balota no kela a me keia mea. A na ia Papano o ka Apana o Lihue a me Koloa e hoomaka koke aku mahope iho o ka hiki ana mai o na hoike a pau, e hoomaopopo i na inoa ekolu i loaa ia lakou na balota i oi aku ka nui i mau Alii, a e haawi aku i kela a me keia o ia poe i palapala hookohu no kona koho ia ana ma ke ano he ʻLii no na Mokupuni i olelo ia, e like me ka mea i hoakaka ia maluna no na ʻLii i koho ia no ka Mokupuni o Hawaii.

40. O na Pauku 805, 806, 807, 808, 809, 811, 812 a me 813 o ke Kanawai Kivila e pili ana i ka ke hoko balota ke hoomau ia nei no ko lakou mana a ua pili no i na koho ana i malama ia malalo o na rula a me na hooponopono ana i hoakaka ia maluna ae.

WILLIAM L. GREEN,

Kuhina Waiwai.

GODFREY BROWN,

Kuhina o ko na Aina E.

LORRIN L. THUSRSTON,

Kuhina Kalaiaina.

CLARENCE W. ASHFORD.

Loio Kuhina.

ALIIOLANI HALE, HONOLULU, Iulai 25, 1887.

--------------------------------------------------------

Papa Inoa o na Luna Nana Koho

Balota.

------

NO KA MEA mamuli o ka Pauku 1 o na Rula a me na hooponopono ana no ka hoohiki a na Luna Aupuni, na Kupa a me ka poe e noho ana ma keia Aupuni, i ka olelo hoohiki e kokua mamuli o ke Kumukanawai a me na Kanawai i hana ia a i hoolahaia e ka Aha Kuhina ma ka la iwakaluakumamalima o Iulai, makahiki 1887, ua haawi ia ka mana i ke Kuhina Kalaiaina e haawi i na palapala hookohu i ka poe no lakou ka nui ma kela a me keia Apana Koho o ke Aupuni a ua Kuhina la e manao ai he Kupono no ka hoohiki ana aku i ua mau olelo hoohiki nei, a o ia poe i hookohu ia pela he mau Luna Nana Koho Balota no na Apana a Mahele Apana Koho paha a lakou i hookohu ia aku ai. A ma ka Pauku 11 o ua mau rula nei, i oleloia, na haawi hou ia ka mana i ua Kuhina nei, i oleloia, e hoakaka i hookahi Papa Luna Nana Koho Balota ma kela a me keia Apana Koho, a na lakou e kakau i na inoa o ka poe kupono e koho i na ʻLii:

NOLAILA, mamuli a i kulike ai hoi me ia mana, ma keia ke koho a hookohu aku nei au i ka poe no lakou na inoa mahope iho nei i mau Luna Nana Koho Balota no na Apana a me na Mahele Apana Koho o ke Aupuni, e like me keia mahope nei:

MOKUPUNI o HAWAII.

APANA O HILO ME PUNA.

MAHELE APANA EKAHI--J.M. Lydgate, Lunahoomalu; E. W. Barnard, S. W. Pa.

MAHELE APANA ELUA--W. Kinney, Lunahoomalu; Kahaleohu, Palau.

MAHELE APANA EKOLU--D. Kamai, Lunahoomalu; W. W. Goodale, George Whittaker.

MAHELE APANA EHA--E. S. Lyman, Lunahoomalu; C. C. Kennedy, Daniel Porter, G. W. A. Hapai, D. H. Hitchcock.

MAHELE APANA ELIMA--E. Elderts, Lunahoomalu; J. M. Kauwila, Pualoha.

APANA O KAU.

MAHELE APANA EKAHI--George Timeteo, Lunahoomalu; Julian Monsarrat, S. Beke.

MAHELE APANA ELUA--J. H. S. Martin, Lunahoomalu; Edward Smith, L. R. Macomber.

APANA O KONA HEMA.

J. D. Paris, Jr. Lunahoomalu; Stephen L. Desha, J. W. Kuaimoku.

APANA O KONA AKAU.

George McDougall, Lunahoomalu; Lunakanawai J. G. Hoapili; George Clarke.

APANA O KOHALA.

MAHELE APANA EKAHI--H. P. Woods, Lunahoomalu; W. W. Wright; E. C. Bond; J. W. Moanauli.

MAHELE APANA ELUA--John Stupplebeen, Lunahoomalu; S. C. Luhiau, Z. Paakiki.

APANA O HAMAKUA.

MAHELE APANA EKAHI--W. A. Mio, Lunahoomalu; W. Herbert Purvis, Kanekuahiwi.

MAHELE APANA ELUA-- R. A. Lyman, Lunahoomalu; Nakipi, W. H. Richards, J. Marsden, J. R. M@@le.

MAHELE APANA EKOLU--A. Lydgate, Lunahoomalu; Isaac Thompson, John Wilson.

MOKUPUNI O MAUI.

APANA O LAHAINA A ME KAANAPALI.

MAHELE APANA EKAHI--D. Kahaulelio, Lunahoomalu; H. Dickenson, Thomas E. Evans.

MAHELE APANA ELUA--D. H. Kaialiilii, Lunahoomalu; A. Wahinehookae, G. Kauhi.

APANA O WAILUKU.

MAHELE APANA EKAHI--O. Nawahine, Lunahoomalu; G. W. R. King, K. Lani.

MAHELE APANA ELUA--Thomas W. Everett, Lunahoomalu; A. Barnes, A. N. Kepoikai, W. A. McKay, Geo. E. Richardson.

MAHELE APANA EKOLU--W. F. Mossman, Lunahoomalu; F. L. Sto@z, J. H. Stelling.

MAHELE APANA EHA--M. Kealoha, Lunahoomalu; James Smyth, Charles Wilcox.

APANA O MAKAWAO.

MAHELE APANA EKAHI--S. F. Chillingworth, Lunahoomalu; James Anderson, C. Copp.

MAHELE APANA ELUA--C. H. Dickey, Lunahoomalu; E Helekanihi, W P A Brewer.

APANA O HANA.

MAHELE APANA EKAHI--P Kamai, Luna Hoomalu; P M Kaluna, C Lake.

MAHELE APANA ELUA--J Grunwald, Lunahoomalu; W H Halstead, John E Lyons.

MOKUPUNI O MOLOKAI.

MAHELE APANA EKAHI--Kahaulelio, Lunahoomalu; Kopena, Kiha.

MAHELE APANA ELUA--R W Meyera, Lunahoomalu; D Kailua, Kukamana.

MOKUPUNI O LANAI.

S Kahoohalahala, Lunahoomalu; Lapaki, Analu

MOKUPUNI O OAHU.

APANA O HONOLULU.

APANA 1--M P Robinson, Lunahoomalu; A P Kalaukoa, A W Carter.

APANA 2--F Tu@@ill, Lunahoomalu; Pierre @ones, David Waiwaiole.

APANA 3--W L Wilcox, Lunahoomalu; Rev S Paaluhi, H Kaia.

APANA 4--Jona Austin, Lunahoomalu; L C Abies, M D Monsarrat, F Wunderberg, H S Kila.

APANA 5--J A Magoon, Lunahoomalul J Mahiai Ka@eakua, W@ @@ger.

APANA 6--Geo J Roes, Lunahoomalu; J M @@@@@, Samuel Mahelona.

APANA 7--Bruce @artwright, Lunahoomalu; Frank Hustace, S Hookano.

APANA 8--C A Brown, Lunahoomalu; G K Wilder, J W Kahalewai.

APANA 9--J W Naukana, Lunahoomalu; Ku, B Wallace.

AUPUNI O EWA ME WAIANAE.

Mahele Apana Ekahi--Alex J Campbell, Lunahoomalu; A Kauhi, John Kuiiahu,

APANA O WAIANAE.

Mahele Apana Elua--F E Atwater, Lunahoomalu; M Mahelona, A Ahrens.

APANA O WAIALUA A ME KOOLAULOA.

Mahele Apana Ekahi--C N Kalama, Lunahoomalu; W C Lane, J Kaluhi.

Mahele APANA ELUA--M Dickson, Lunahoomalu; E S KIMOKEO, Frank Halstead.

APANA O KOOLAUPOKO.

A Kaulia, Lunahoomalu; M Rose, Jas Olde.

MOKUPUNI O KAUAI

APANA O HANALEI.

MAHELE APANA EKAHI--C Koelling, Lunahoomalu; J Kakina, J C Long.

MAHELE APANA ELUA--C Bertleman, Lunahoomalu; J B Alexander, Moke.

MAHELE APANA EKOLU--G C Porter, Lunahoomalu; Samuel Hundley, G Hoopili.

APANA O LIHUE.

S W Wilcox, Lunahoomalu, E W Pu@@@@, S Kaiu.

APANA O KOLOA.

MAHELE APANA EKAHI--Jacob Hardy, Lunahoomalu; J W Alapai, J K Burkett.

MAHELE APANA ELUA--Alexander McBryda, Lunahoomalu, Ja@ Neddles, J Kaluna.

APANA O WAIMEA.

MAHELE APANA EKAHI--T H Bibson, Lunahoomalu; L H Stolz, C B Hoffgard.

MAHELE APANA ELUA--Hans P Faye, Lunahoomalu; David Kua, W E Smith.

MOKUPUNI O NIIHAU.

Geo S Day, Lunahoomalu; J B Kaomea.

------------------

Na Papa Luna Nana Koho Balota i

Hoakaka ia na Lakou e Kakau

i na Inoa o ka Poe Kupono

e Koho i na ʻLii.

----

I kulike hou ai a malalo no hoi o ka mana i olelo ia ek hoakaka aku nei au ma keia i na Papa Luna Nana Koho Balota i hoike ia ko lakou mau inoa mahope iho nei ma ko lakou mau Apana koho o lakou na Papa Luna Nana nana e kakau i na inoa o ka poe kupono e koho i na ʻLii.

MOKUPUNI O HAWAII.

Apana o Hilo me Puna.

O ka Papa i koho ia i mau Luna Nana Koho Balota no ka Mahele Apana Eha, oia hoi:--E S Lyman, Lunahoomalu; C C Kennedy, Daniel Porter, G WA Hapai, D H Hitchcock.

Apana o Kau.

O ka Papa i koho ia i mau Luna Nana Koho Balota no ka Mahele Apana Elua, oia hoi; J.H.S. Martin, Lunahoomalu; Edward Smith, L.K. Macomber.

Apana o Kona Akau.

George McDougall, Lunahoomalu; Judge J.G. Hoapili, George Clarke.

Apana o Kohala.

O ka Papa i koho ia i mau Luna Nana Koho Balota no ka Mahele Apana Elua, oia hoi:--I.A. Lyman, Lunahoomalu; Nakipi, W.H. Rickard, J. Marsden, J.R. Mills.

MOKUPUNI O MAUI.   Apana o Lahaina me Kaanapali.

O ka Papa i koho ia i mau Luna Nana Koho Balota no ka Mahele Apana Ekahi, oia hoi:--D. Kahaulelio, Lunahoomalu: H. Dickson, Tho. E. Evans.

Apana o Wailuku.

O ka Papa i koho ia i mau Luna Nana Koho Balota no ka Mahele Apana Elua, oia hoi:--T.W. Everett, Lunahoomalu: G.E. Richardson, A Barnes, A.N. Kepokai, W.A. McKay.

Apana o Makawao.

O ka Papa i koho ia i mau Luna Nana Koho Balota no ka Mahele Apana Elua, oia hoi:--C.H. Dickey, Lunahoomalu: E. Helekunihi, W.P. A. Brewer.

Apana o Hana.

O ka Papa i koho ia i mau Luna Nana Koho Balota no ka Mahele Apana Elua, oia hoi:--J. Grunwald, Lunahoomalu: John E. Lyons, W.H. Halstead.

MOKUPUNI O OAHU.   Apana o Honolulu.

O ka Papa i kho ia i mau Luna Nana Koho Balota no ka Mahele Apana Elua, oia hoi:--R.W. Meyer, Lunahoomalu: D. Kailua, Kukamana.

MOKUPUNI O OAHU.   Apana o Honolulu.

O ka Papa i koho ia i mau Luna Nana Koho Balota no ka Mahele Apana Eha, oia hoi:--Jno Austin, Lunahoomalu; L.C. Abels, M.D. Monsarrat, F. Wundenberg, H.S. Kila.

Apana o Ewa me Waianae.

O ka Papa i koho ia i mau Luna Nana Koho Balota no ka Mahele Apana Ekahi, oia hoi:--Alex J. Campbell, Lunahoomalu; A. Kauhi, John Kukiiahu.

Apana o Waialua me Koolauloa.

O ka Papa i koho ia i mau Luna Nana Koho Balota no ka Mahele Apana Elua, oia hoi:--M. Dickson, Lunahoomalu; E.S. Kimokeo, Frank Halstead.

Apana o Koolaupoko.

A. Kaulia, Lunahoomalu; M. Rosa, James Old.

MOKUPUNI O KAUAI.

Apana o Hanalei.

O ka Papa i koho ia i mau Luna Nana Koho Balota no ka Mahele Apana Ekolu, oia hoi:--G.C. Porter, Lunahoomalu; Sam Hundley, G. Hoopii.

Apana o Lihue me Koloa.

O ka Papa i koho ia i mau Luna Nana Koho Balota no ka Mahele Apana Ekolu, oia hoi:--S.W. Wilcox, E.W. Purvis. S. Kalu.

Apana o Waimea me Niihau.

O ka Papa i koho ia i mau Luna Nana Koho Balota no ka Mahele Apana Ekahi, oia hoi:--T.H. Gibson, Lunahoomalu; L.H. Stolz, C.H. Hoffgard.

Honolulu, Iulai 25, 1887.

LORRIN A. THURSTON.

Kuhina Kalaiaina.