Ka Nupepa Kuokoa, Volume XVII, Number 16, 20 ʻApelila 1878 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha

 

OLELO KUAHAUA.

 

O Makou, KALAKAUA, ma ia LOKOMAIKAI o ke  Akua i ia MOI o ko Hawaii Pae Aina ke KUKALA AKU NEI.

            Ma ko Makou @ i like ai me ko Makou Kumukanawai e akoakoa ma na Hua o ka Ahaolelo o ko Makou Aupuni ma ka Hale AHaolelo ma ko Makou Kulanakauhale ma Honolulu @ k@k@k ana @ Hana o ke Aupuni, ma ka hora 12 o ka Poalua la Kanakolu o Aperila A.D. Umikumamawalu Haneri Kanahikukumaiwa:

            Haawia ma @ o ka Makoa Hoa@ Ali, ma ko Makou Halealii maloko o ke kulanakauhale o Honolulu ikeia la eha o Maraki, A.D. Umikamawalu Haneri kanahikukumawalu, a o ka @ na makahiki o ko Makou @

            KALAKAUA R.

NA KE AU@

J. MOTT SMITH, Kuhina Kalaiaina.

 

Ma ka ka la 25 o Mei 1878ma ke ala o Aliiolani Hale, e kuai kudala ia ana he elua apana aina e waiho nei ma ke alanui Nuuanu ma Honolulu, oia hoi kahi ka Mr. Everett mamua M aka $1,000 aku e hoomaka ai ke koho ana o ke kumukuai. 

            O ka apana aina ma ke kihi aa paa ia i ka hoolimalima ia @ e hoomaka ana mai Ianuari 23, 1878--he $300 ka uku hoolimalima no ka makahiki.

            J. MOTT SMITH, Kuhina Kalaiaina.

Keena Kalaiaina, Apr. 19, 1878.         855

 

Ke hoike ia aku nei i na kanaka a pau, e hoopololei loa ia aku ana ke Kanawai e pili ana i na holoholo nea hewa e loaa ana ma ka aina o Luakaha, a me na aina e ae o ke aupuni ma Nuuanu Valley. A ua hookohu ia o Manele a me Moamoa e hooko keia hoolaha, a e hoopaa ia na holoholo oia ano a pau ma ka pa aupuni. J. MOTT SMITH

                        Kuhina Kalaiaina.

Keena Kalaiaina Mar. 20, 1878.

 

            Ua hookohu pono ia keia la na mea nona na inoamalalo i mau Luna Alanui penei: R.W. Kapohaku, Luna Alanui no Wailuku, Maui ma kahi o Geo.E. Richarson i haalele mai.  J. Keokekaua, Luna Alanui no Makawao.

            J. MOTT SMITH, Kuhina Kalaiaina.

Keena Kalaiaina Mar 1, 1878.            851

 

Ua oluolu i ka MOi ka hookohu ana la 8 Kipi Esqr. i Kiaaina no ka Mokupuni o Hawai.

            Halealii Iolani. Mar 1, 1878.   850

 

Ua hookohuia i keia la o MR. Joseph R. Mills i Luna Hooko Palapala, no ka Apana o Hamakua, Hawaii.

            THOS. BROWN, Luna Kakau Kope.

Keena Kakau Kope, Mar. 5, 1878.

            Aponoia J.MOTT SMITH, Kuhina Kalaiaina. 820

 

OIHANA WAI:

Ke haiia aku nei i na mea a pau, mai keia la aku, a hiki i ka la e hoolaha hou ai, e hoopaaia an ka wai o na piula aupuni ma ka hora 6 ahiahi a hiki i ka hora 6 o kakahiaka o @ a me @        B. LISHMAN, Luna Wai.

Aponoia J. MOTT SMITH, Kuhina Kalaiaina.

Honolulu Mar 8, 1878.            849 tf

 

I kulike ai me ka pauku 231 o ke Kanawai Kivila, nolaila ke hoolaha ia aku nei ka lohe e hookaawale ia ana kekahi Pa no na holoholona komohewa, ma Kukuihaele, apaha o Hamakua, Hawaii, mauka o ka alanui aupuni.

            I kulike ai me ka pauku 232 o ke Kanawai Kivila, nolaia ke hoonoho a ke hookohu aku nei au ia R.P. Kuikahi i luna pa no ka Pa Aupuni ma Kukuihaele, apana o Hamakua, Hawaii.         S. KIPI.

            Kiaaina o Hawaii.

            Aponoia: J MOTT SMITH, Kuhina Kalaiaina.

Honolulu, Feb. 19, 1874.

 

            Ua hookohoia o R F Bickerton i keia la i hoa no ka Papa Koho i ka waiwai io o na aina no ka mokupuni o Oahu, ma kahi o JW Makalena i make.           J. MOTT SMITH.

            Kuhina Kalaiaina.

Keena Kalaiaina, Dec. 11, 1877.        837

 

            Ua hookohuia ka poe nona na inoa malalo iho i mau @ no na Pa:

            Dec. 1 J W Smith Kona Hema, Hawaii.

            Dec. @ D. Kahanu Kona, Oahu, ma kahi o J W Makalena i make.               J. MOTT SMITH

            Kuhina Kalaiaina.

Keena Kalaiaina Dec. 11, 1877.

            Ma ka Poaono, la 28 o Dekemaba 1877, i ka hora 12 auina la, e kuaiia aku ana ma ke kudala, ma ke ala komo o ka a@ mauka o Aliiolani Hale, Kono (6) Loi, e waiho la ma A@kai Waikiki; a penei ka nui o na eka o keia a me kana @ eka, 205-1000eka, 100-1000 eka, 134-1000 eka @ eka, 79-1000 eka,

            O ke kii ame ka Palapala Anaaina o naaina i oleloia maluna, e ike ia no ma ke Keena Kalaiaina.

@

 

            Ua hoopaneeia ke kuai o na Loi Kalo i hoikeia maluna @ ka manawa e hoolaha hou ia aku ai.

            J MOTT SMITH.  Kuhina Kalaiaina.

Keena Kalaiaina, Dec. 11, 1877         837

 

            HE HOOLOLI i manaoia no ka Pauku 6 o ke Kumukanawai i haawiia ma ka la 20 o Augate M H 1864, e like me na olelo o ka Pauku 80 o ia Kumukanawai.

            E hoololiia a ma keia ua hoololiia no ka Pauku 61 o ke Kumukanawai, a penei e heluheluia ai ua Pauku la;

            Pauku 61. Aole no e kohoia kekahi i Lunamakainana i na he pupule a he hupo paha, a ke ole ia he kanaka malalo o ka Moi, a ke hiki ole aku oia i na makahiki he iwakaluakumamakahi, a ke ike ole hoi i ka heluhelu a me ke kakaulima, a ke maopopo ole hoi iaia ka helu waiwai, a ke ole hoi oia i noho ma keia Aupuni i ekolu makahiki, mamua iho o kona kohoia ana; a ke ole hoi ona waiwai paa, a waiwai lewa paha i maopopo i hihia ole ilokoo keia Aupuni e like me elima haneri dala.

            Aponoia i ka la--o----MH 1876.

            E ku kaawale ia mau mahele okoa; aole hoi e noho kekahi Lunakanawai iloko o ka Hale Ahaolelo.

            Aponoia i keia la--o----M H 1876.

 

            HE HOOLOLI i manaoia no ka Pauku 20 o ke Kumukanawai i haawiia ma ka la 20 o Augate, M H 1864, e like me na olelo o ka Pauku 80 o ia Kumukanawai.

            E hoololiia a ma keia ua hoololiia no ka Pauku 20, ma ke kapae ana i ka huaolelo "Ahakakau" mamua iho o na huaolelo, "iloko o ka Hale Ahaolelo," a penei e heluehlu ia ai ua Pauku la:

            Pauku 20. E maheleia ka Mana Nui o ke Aupuni i ekolu Apana okoa, oia hoi ka Mana Hooko, ka Mana Kau Kanawai, ka Mana Hookolokolo.

 

LETA A NA MAKAMAKA.

 

            Ua loaa mai nei ia makou kau leta e J. P. Iwa, o Makuu, Puna, Hawaii, ona ke poo, "Mahalo i ka Moolelo o ka Nautilo haehae moana, a me kona kapena Nimo ihu kaeaea o ka papaku o ka hohonu." Aka oiai ua pauaho mai oia i ka maalo ana ma na kolamu o ka kakou pepa nei, aole nae e nalohia koke ka halialia ana mai o na hoomanao ana nona, a ke panai aku nei makou i ka mahalo ia oe e ka makamaka o ka aina Paia ala.

            Ua hiki mai i o makou nei kau e G. W. Kalohai, ame ko Nede Lana, a me ko John Kaelemakule, e pili ana no ka haina o ka nane a W. Yates.  No ka pau e ana iho nei hoi o ka haina i ka hooaiaiia e kekahi mau hoa o kakou, ma ko kakou Kihohana o kala 6 o keia mahina, nolaila, ua manao makou, ua lawa ia mau hooaiai ana, a ke waiho nei makou i ka oukou, me ka mahalo no nae i ko oukou makaala e na makamaka, no ka mea, ua like no ia me ka Limunui ma.

 

KA NUPEPA

Kuokoa me ke Au Okoa

I HUIIA.

No ka Makahiki, $2. Eono Mahina, $1

Dala Kuike ka Rula.

 

APERILA 20, 1878.

 

$15.00 MAKANA!

            E HAAWI ana ka NUPEPA KUOKOA i ka MAKANA i oleloia maluna no na Kumumanao elua i kela aku ka maikai mamua o na mea e ae a pau i hakuia maluna o keia ninau: PEHEA E LOAA'I I KANAKA HAWAII KA NOHO ANA KUONOONO MA NA PONO KINO? Penei ka haawi ana, no ka helu akahi he UMI DALA, a no ka helu elua he ELIMA DALA. He hiki no i na mea a pau ke hooikaika no keia mau makana, a e hooili mai i na manao i hakuia i ko makou Keena mamua ae o ka la 15 o Iune, 1878.

            O ke Komite nana e nana i na Kumumanao a e hooholo i namea i kupono ke haawiia na makana, oia o Rev. W.P. Kahale, Hon. A.F. Judd, S. B. Dole, Esq., Rev. J. H. Mahoe a me Hon. W. R. Kakela. Ina ike ke Komite ua hemahema like na Kumumanao a pau, a he waiwai ole ke hoolahaia, o ka nele iho no ia i ka makana.

 

KA MALAMA ANA I KE OLA KINO.

 

(KAKAU IA NO KA NUPEPA KUOKOA).

 

            O KE OLA o ka lehulehu, aia noia ilokoo ka mala nene-ilikapu ana a kela a me keia mea, ma ke pale ana aku i ke kuawehi, ka ponalo a me ka mailo, e pipili nei i ka lehulehu.  A o ke ola i loaa mai i kela a me keia mea, ma keia hoomakaulii ola ana, o ka pomaikai ana no ia o ka lehulehu.  Aka, pehea nae e hiki ai ke pale i keia mau ponalo, kuawehi a me na mailo, ke ole e noonoo pono ia na hana e hiki ai ke pale?  Ke i nei makou, aole loa e hiki; a nolaila, he mea pono i na lehulehu e noonoo i na hana kupono.

            Eia kekahi hana kupono loa, e hoomaemae ke kanaka i kona kino, mai kana mau hana luhi o ka la.  I mai pahakekahi, o ka hana mau no ia e hana ia nei, aohe nae he loaa mai o ke ola.  Eia ka makou, he uuku loa o ia poe e loaa ana i na ano nawaliwali o ke kino, a aia ka mano, kini, lehu i ka poe kapulu.

            Ma ko makou makaikai ana i kekahi ohana, aole he hoauau ia o na keiki, mai ka naku hele ana iloko o ka lepo, a me ia lepo no a moe, a ao ae hele no, a hui hou mai me ka lepo hou, aohe lepo a koe aku.  Aia iloko o ia poe ke onawaliwali o na kino.

            Eia kekahi, mai kapulu i na mea ai.  Aia iloko o kekahi poe, ua kapulu loa ka hana ia ana o na wahi mea ai.  O ka hana pela, aole hiki pono i ka opu ai ai ke malama ia ai,  ua hoopailua a luai ia, a i ole, waiho ino wale no iloko o ka opu, a lilo ia i mea e mai ai.  Ia mai ana, a i loaa ole ke kauka akamai ma ka lapaau ana, alaila, o ka make no ia, mamuli o keia kapulu i na mea ai; o ke kuli ka make, o ka hoolohe a hooko ke ola.

            Eia kekahi, e ao kela a me keia i ka hoomakaulii. Ina e loaa keia mea i kela a me keia, alaila, o ka hoomoali ana mai no ia o na hikimua o ka moaka o na mea e hoopuni ana i ke kino, ka hune a em ka lako.  I mai kekahi, o ka hoomakaulii no ia e noho nei, aohe waiwai ana ae. Ke i nei nae makou, aole i hoomakauliiia, oiai ke ike ia nei no na hoopaki ana o ka lahui Hawaii i na mea i loaa ia lakou, iloko o ko lakou mau la opiopio, aole i ike ia kekahi opio, e malama ana i ka loaa; ua hoomaunauna wale ia no, mai ka hoomaka ana e loaa neia mea he waiwai i ke kanaka Hawaii.  Owai ke kanaka Hawaii waiwai, i hoomaunauna i kona waiwai, i mau a hiki i keia la?  Aole hokahi!  Nolaila, e malama i ka iki, a pela e hoomau ai a hiki i ka nui ana.  A e like me kou malama ana i ka mea uuku, pela oe e hiki ai ke malama i ka mea nui.

            O ka mea hemahema hiki ole ia makou ke ao aku, o na kahuna; ma na kulanakauhale a pau o Hawaii nei i nohoia e na kauka, ua hiki koke e hoolawaia ka mai me ke kauka; aka, ma na wahi kuaaina, ua hiki ole ke imi ia ke kauka no ka mea mai i ka wa kupono, a oia waiho wale iho la no a make!  Auwe!  ka make o ke kanaka Hawaii o ke kuaaina.  Nolaila, owai la ka mea mana ma keia mea?  Ke ole makou e kuhihewa, o ka Ahaolelo ka mea mana.  Ka hu! hu!  O keia Ahaolelo ae no la o weheia ma ka la 30 o Aperila nei?  Oia, oia wale no.

 

Hoomanao no Kawao.

 

            Ua hanauia o Kawao ma Kula, Makawao Maui iloko o ka malama o Iulai mawaena paha o na 1793 a me 1796, oia hoi ka wa o ke kaua kipi a Namakaeha.  I ka wa opiopio he 12 makahiki, ua laweia oia ma Honomalino, e kokoke ana ma Hana i Maui.  I ka 13 paha o kona mau makahiki, ua hele aku la oia ma Lanai, a mahope koke iho no, he ekolu a eha paha makahiki, holo akula oia ma Lahaina, aole i liuliu mahope iho h@ no ihola mailame Kaialiilii, aohe nae he @ku keiki i hanau mai na laua iloko oia noho hoao ana, a o ka wa no hoi ia mamua aku o ka hookomoia ana mai o ka oihana Kristiano ma ka Paeaina Hawaii nei.

            Mahope oia manawa, holo akula oia i Kawaihae me ka waiho iho mahope i ke kane ana i noho pu ai ma Lahaina, a no ka noho loihi loa ana o ka moku mawaho o Kawaihae ua au akula oia iuka, ma Kaniu kekahi o na aliiwahine, a malaila oia i noho ai me Kekuaokalani ke kane a Kaniu, kekahi o na alii.  Malaila kona hele ana aku a hiki ma Kailua i Kona, a e opiopio ana no oia ia wa, a malaila akula oia i noho ai i kekahi manawa me Kaniu.  Mai Kailua mai i hoi hou mai ai oia i Maui, a noho ma Kipahulu elua makahiki, a malaila aku holo hou oia ma Kailua, a mahope o ka noho ana ilaila i kekahi wa, hoi hou maila oia ma Lahaina, a noho pu me ka hoahanau o kona makuahine, a malaila i hoai ai me Naheana.   

            Mahope iho, hele akula oia me kana kane i Makawao, a malaila oia i hanau mai ai he elua mau keiki, aka ua make e no laua i ka wa kamalii.  Malaila aku i holo hou ai oia i Kailua Hawaii, a ilaila i loaa hou ai elua mau keiki ia laua,a ua make hou no ia mau keiki i ka wa kamalii.  Iloko oia manawa i hiki mai ai na Misionari Amerika maluna o ka moku Tadaio, a oia kekahi o na poe eono i huli mua ma ka pono, ua pau loa lakou i ka make, a oianei aku nei nae ka panina loa i hala akula.

            Iaia e noho ana ma Kailua, ua hanau hou mai na laua elua mau keiki.  Hookahi keikikane i ola a hiki i ka 17 o kona mau makahiki, a hookahi kaikamahine o Kaulukane, ka wahine a James Austin, a makuahine hoi @ ta Austin.

            Mahope iho, holo maila o Kawai i Honolulu nie me Kaikainalii, a maanei oia i hoopulapula ai i kanamau keiki, na moopuna a a me na kualua, me ka manaopaa mamuli o na hana Kristiano, a me kana mau hana maikai.

 

Hookahi Malama i koe, Pu-a hou ka

Nani o Ulupalakua nei.

 

E KA NUPEPA KUOKOA, Aloha oe:--

            He ehiku aenei na malama a ka papaa la nui i noho alii iho ai ia Honuaula holookoa, a o ke kokoke aku no hoi koe e lilo i kula panoa na ka la o Ulupalakua nei, a haule e na paka-ua koikoi a hoopomaikai hoi o ka Makalii, ka lede hoi nona ka puuwai i koni ia e ke aloha e lu iho i ke kehau o kana mau pua no ko ka honua poe.

            Ua haule iho keia mau paka-ua koikoi ma ka la 9, la 10 me ka la 12 o nei malama, a ua ma-u pono ka lepo no ke kanu aku i na mea kanu.  Ua oi aku no hoi mamu o ka 3 iniha ka hohonu o keia u-a ana i neimau la ekolu, a ka lede kui pua waipahe i makana mai ai, no ka hoonani hou ana i ka uluwehi o nei uka, e pua hou mai i kona pua aala nani.

            A ke liuliu mai nei na keiki mahiko o ua aina nei no ka o hou ana 'ku i ka maka o ka lakou mau palau, no ka hue ae i na gula e waiho huna ana ma ko kakou mau lepo waiwai nui.  Imua e na maka palau, malie o hookui me ka pomaikai i keia hana ana, aole hoi ka pakalaki, e like me ke kau i hula wale aku la.--"O ke ahonui hoonee ia, i na kuahiwi."--"Lanakila ka hoomanawanui maluna o na mea a pau."--"O ka hooikaika hoomanawanui mau, he pohaku akeakamai ia nana e hoolilo i na mea a pau i puupuu gula.

            Nolaila, he malama wale no koe, a hoea kakou i ka wa e pua ai o na pua iloko o ka malama pua-mohala (May), ka wa hoi e luluhe mai ai na pua aala kupaoa o ka wao, alaila ia wa  kakou e ike hou aku ai e pu-a hou mai ana ka nani o Ulupalakua nei iloko o ka wehiwehi lipolipo.

            "Lia wale au ia pua,

            Ka sweet rose-bud o Fair Mount,

            I ka luluhe popohe,

            I ka uka oia wao."

                        ROBERT KALANIHIAPO JR.

Ulupalakua, Apr. 12, 1878.

 

            E ALAWA ae e na makamaka ma na kolamu olelo hoolaha, a e ike no oukou, ua hoouna aku nei o Waila ma i ke kauoha i Kapalakiko, e hana mai i mokuahi hou, a ina aku a hoea mai ua moku la i ka malama o Iulai, a e hooholoia ana ma na awa o na Koolau ae nei.  Nolaila e hou iho e ko na Koolau i na pohuli maia i ka honua, a hiki mai ua mokula e loaa no ia oukou na pomaikai.

 

Papa hanohano o ke Kuokoa.

 

            Na inoa o na poe i hookaa pau mai ina dala elua no ka M. H. 1878 ma Wailuku i Maui.  Rev. W. Kahale $2, H. Kuihelani $2, J. Aluli $2, S. W. Kale $2, Mrs. Kaili Holsay $2,, Apa Huakini $2, Kaoni $2, R. W. Kapohaka $2, J. H. Napela $2, J. Nakookoo $2, Mrs. Ako $2, A. Enos & Co $2, Hana Akana $2, Meleanaliilii $2, Papu $2, D.L. Kaili $2, Mrs. Kaaua Enose $2, S. Kaili $2, G. Nahinu $2, Kaaimaia $2, Enoka Kikau $2, Frank Metcalf $2, G W Kolopapela $2, S. Kaaloa $2, Keala Helekahi $2, Kaniaupio 2$, J.W. Kawela $2, Mrs. Kealakoiula $2, Mrs. Kahunalau $2, Puali Polipoli $2, J.S. Kaluhi $2.

            Keia iho la na inoa o ka poe i komo ma ka papa akahi o ko kakou "NUPEPA KUOKOA," a ua koe ka poe ma ka papa elua, aole i komo ma keia helu ana, he nui aku no lakou, malie paha o kauoha ia mai au e hoaiai ae i ko lakou mau inoa, alaila, e ike ana no kakou i kekahi manawa aku.

            Nolaila, ke paipai ia'ku nei na poe i koe o na Waieha e lawe nui ae i k NUPEPA KUOKOA, no ka mea, ke kokoke mai nei ke kau Ahaolelo M.H. 1878, a e ike aua nei kakou i ka moolelo o na hana a na Lunamakaainana o kakou, aole oia wale, he mea hoomalamalama mau ka nupepa i ke kanaka ma na mea apau, me ke aloha i ka Lunahooponopono, a me na paahana. J. HAOLE.

            LUNA NUPEPA KUOKOA o Wailuku Ap. 10 1878.

 

Kekahi mau hana i ku ole i ka

rula maikai.

 

            Ka akaaka wale ana me ka leo nui paia kuli iwaena o ke anaina e noho malie ana. 

            Ka heluhelu ana iwaena o ka wa e kamailio ana kekahi poe.

            Ke kamailio wale aku no, i ka manawa a kekahi e heluhelu buke ana a nupepa paha.

            Ke kolikoli ana i na maiuu iwaena o kekahi anaina maikai.

            Ke pahenehene wale ana i kekahi iloko o anaina.

            Ka hoike ana aku i na helehelena makona imua o na malihini.

            Ka hoonele ana aku i ka malihini i kahi e hooluolu iho ai.

            Ke kaena a me ka hoopuka ana i na olelo haanui no kou moolelo iho.

            Ka heluhelu leo nui wale iloko o ke anaina, me ka nonoi ole ia aku e hana pela.

            Ka haalele wale ana i ka luakini, mamua ae o ka wa e hookuu ai ke anaina hoomana.

            Ka wanawana a me ka akaaka wale iloko o ka luakini.

            Ka hoopololoi wale ana aku no i ka poe i hele a kanakamakua na noonoo mamua o kou iho.

            Ka haawi ole aku i na hoomaikai imua o ka mea nana i haawi mai i kekahi makana @

            Ka pane ki-kaho wale aku no, ma na ninau a na aku i kekahi poe e ae.

            Ka noke wale aku no i ke kamailio iloko o ka wa aole i pau ae ke kamailio ana a kekahi poe.

            Ka hoohenehene wale aku no i ko hai mau paewaewa liilii.

                        W. B.

 

MOKUAHI HOU NO KOOLAU,

OAHU!

 

            Ke hoike aku nei Makou i na Kanaka maoli o Koolau, Oahu, ke kapiliia nei ma Kapalakiko he

MOKUAHI HOU

No kakou.  A ke manao nei makou, e kaapuni mau ua Mokuahi la ia Koolau i kela a me keia malama, a e kuai aku no makou ma ke Dala Kuike i 1,000 Ahui Maia i kela a me keia holo ana.  Ma ka malama ae nei o Iulai e hiki mai aiua Mokupuni la, a e hooholoia ma ua ala holo moku la.

            WILDER & CO.

855 1m                        (WAILA MA.)

 

OLELO HOOLAHA.

E IKE auanei na kanaka a pau, o maua o na mea nona na inoa malalo iho, ke hoole nei maua aohe i mana ka hookohu ana a Kama k, o Waianae, Oahu, ia S. Kaanaana a me J. Napua e hana maluna o ke kuleana aina o Kanaau w, no keia mau kumu.  1 O maua na pilikoko ponoi o ka mea i make.  2 Aole no hoi i hookohuia o Kama k, i luna hooponopono waiwai no ka mea i make.  3 Aole he mana ia Kama k ke hookohu i na mea nona na inoa maluna me ka ae ole o maua.  A mai keia la aku, aohe kuleana o namea a pau e hana maluna o keia apana aina o Kalanihale, Manananui, Ewa, Oahu koe ka mea i ae like ia e na pilikoko.  O maua no,

            THOMAS TARCIA a me JAMES KANAPI.

Honolulu, Apr. 17, 1878.                    855 4t*

 

OLELO HOOLAHA.

E IKE auanei na kanaka a pau, owau o ka mea nona ka inoa malalo, ke papa a ke hookapu loa aku nei au i na aina kuleana e waiho ana ma Waipio, Hamakua, mokupuni o Hawaii, oia hoi na lio, bipi, hoki, miula a me na puaa, ina e loaa aku kekahi o na holoholona lio, bipi, hoki, miula, e uku ia ka mea nona ia holoholona, hookahi dala no ke poo, a o na puu e kipu ia lakou.  A ke hookohu aku nei au ia Samuel Kalainaina i luna, a nona ka maua e hopu ai a e hoouku ai i ka mea nona na holoholona i komohewa.  E lilo keia i kanawai no kuu mau aina i kona la e puka ai.    J. KUALII.

            Waipio, Hamakua, Hawaii, Apr,. 5, 1878.                  855 2*

 

Hoolaha a na Lunahooponopono Waiwai

OIAI ua hookohuia mai na mea nona ka inoa malalo iho, i luna hooponopono no ka waiwai o Honoluu w, o Laupahoehoe Hilo, Hawaii i ake.  Ke kahea aku  nei maua i ka poe a pau, ina he koina ko lakou i ka waiwai, e hoike koke mai lakou iloko o na malama eono mai keia la aku o hoole loa ia; a a ka poe a pau i aie mai ia waiwai, e hoike koke mai ia

                        S.P. PUNIAWA k, a me KALUA W.

                        Na Luna Hooponopono Waiwai.

Hilo, Mar. 18, 1876.    855 3t*

 

OLELO HOOLAHA.

E IKE auanei na kanaka a pau, owau ka mea nona ka inoa malalo nei, eia ma ko'u lima e paa nei kekahi lio kane ulaula i kuai ole ia i ka hao.  O ka mea a mau mea paha nona ia lio, e kii mai me na dala $6.00 no ko'u lilo ana i ka hoolaha, a me ka hoopoino wale anaa i ka'u mau mea kanu.  Ina e kii ole mai a hala na la he 15, lilo loa ia'u keia lio, a owau kona hookele oiaio.       GEORGE R. KEOMAKA.

Moanalua, Apr. 17, 1878.       855 2t*

 

OLELO HOOLAHA.

E IKE auanei oukou e na kanaka e pau e noho ia ma Kohala Akau, a me ko na wahi e ae, o keia mokupuni o Hawaii nei.  Ke hookpu aku nei au i kuu aina hoolimalima i Waiapuka e pili ana ma ka pali, oia ka aina o Kaipukani k, mamua, ua kapu ka lio, bipi, hoki, kekake, pua a me na kanaka aole e hele wale malaila.  Ina e hookuli oukou, a i loaa i kuu luna ia Kaaiohelo e hele ana ma kuu wahi e hookapu nei, e hiki no i kuu luna ke hopu a hoopii e like me ke kanawai.

            AONA Pake.

Waiapuka, Kohala Akau, Apr. 9, 1878.          855 3t*

 

EIA KA NANI LA!

Ma ka Halekuai ma Honopueo.

 

HEAHA WAHI A KAHI!

 

EIA na papale Waiokila wahine a me ko na kane a me kekahi mau ano pupule e ae he nui wale ano hou.  Ma hainaka satika palu hou gula, na hainaka na-u, na hainaka aku ia, na hainaka eleele  a me na hainaka ulaula pua nui nani a pau hoi.  Na kihei haluhia huihui ano hou loa.  Na waiwai o kela a me keia ano, he nui wale a he emi loa ke kumukuai.  E hele nui mai i ike pono.        GOO KIM Ma.

            Honopueo, Kohala, Hawaii, Apr. 18, 1878.   855 3ms.

 

HE NANE.

Ko'u 1, aia iloko o maikai, aole iloko o ino.

Ko'u 2, aia iloko o hopu, aole iloko o lalau.

Ko'u 3, aia iloko o kala, aole iloko o wehe.

Ko'u 4, aia iloko o nou, aole iloko o kiola.

Ko'u 5, aia iloko o kini, aole iloko o mano.

Ko'u 6, aia iloko o ao, aole iloko o po.

Ko'u 7, aia iloko o lalau, aole iloko o hopu

Ko'u 8, aia iloko o nalo, aole iloko o pee.

Ko'u holookoa, na ka huina i na launahele e hoike mai, me ka mahaloia.  Huli ia mai au.  A i loaa au, mahalo oukou ia'u, a i loaa ole au, e luakaha no au iwaena o na launahele o ka wao.  Owai la wau?

            K--.

 

            Ua lono pu mai makou, e kau aku ana ka Moiwahine Kapiolani maluna o ka mokuahi ma Kamaalaea ae, a holo pu nui aku me na Kama Alii i holo aku nei ma keia mokuahi no Kona, a e huli hoi like nui mai ana no ka.

 

OLELO HOOLAHA.

 

AHA Kiekie o ko Hawaii Paeaina.  Oahu, ss. Kau o Aperila 1878.  Makakapu w, ka mea hoopii no ke oki mare, kue ia Oio k, ka mea i hoopii ia.  Hoopii oki mare.  Ma ka palapala hoopii i olelo ia maluna no ke oki mare, ano ua kauohaia o ka olelo hooholo e oki ana mai ka berita mare aku e hookomoia ma ka moolelo o ka Aha, mamuli o ka aoao o Makakapu w, no ke kumu o ka haalele a haalele loa o Oio k, i oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai.  A ua kauohia ka mea hoopii e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopuka ia ai i keia olelo kauoha; i mea e hiki ai i na mea a pau i pili ke hoike mai iloko o na malama eono, ina he kumu ko lakou e hooko oia ia ai ia olelo hooholo a lilo i mea paa.

            Na ka Aha.      A. ROSA, Hope Kakauolelo.

            Hanaia i keia la 8 o Aperila, 1878.

            Honolulu ss:  Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie.

            Hoikeia e ko'u lima ma Honolulu, i keia la 8 o Aperila A.D. 1878     A ROSA,

            855 6t*            Hope Kakauolelo o ka Aha Kiekie.

 

AHA Kiekie o ko Hawaii Paeaina, Oahu ss.  Kau o Aperila A.D. 1878.  Barenaba k ka mea hoopii no ke oki mare, kue ia Kauilani w, ka mea i hoopii ia.  Hoopii oki mare.  Ma ka palapala hoopii i olelo ia maluna no ke oki mare, ano ua kauohaia, o ka olelo hooholo e oki ana mai ka berita mare aku,  e hookomoia ma ka moolelo o ka Aha, mamuli o ka aoao o Baranaba k, no ke kumu o ka moekoloke a me ka haalele loa a hala ekolu makahiki a oi o Kauilani w, i oleloia, e lilo i mea paa mahope o na malama eono mai ka la i hoopuka ia ai keia olelo hooholo ke hanaia e like me na olelo maloko nei, ke ole nae i ike ia ke kumu kupoo e hoole ai.  A ua kauohaia ka mea hoopii e hoolaa i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o na malama eono, ina he kumu ko lakou e hooko ole ia ai ia olelo hooholo e lilo i mea paa.

            Na ka Aha,      A. ROSA, Hope Kakauolelo.

            Hanaia i keia la 8 o Aperila 1878

            Honoluuss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie.

            Hoikeia e ko'u lima ma Honolulu, i keia la 8 o Aperila A.D. 1878     A. ROSA,

            855 6t*            Hope KaKauolelo o ka Aha Kiekie,

 

AHA Kiekie o ko Hawaii Paeaina, Oahu; ss. Kau o Aperila 1878.  Haili k, ka mea hoopii no ke oki mare, kue ia Kaaimakauahi w, ka mea i hoopii ia, hoopii oki mare. Ma ka palapala hoopii i olelo ia maluna no ke oki mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Haili k, no ke kumu o ka moekolohe a haalele loa a hala ekolu makahiki a oi o Kaaimakauahi w, i oleloia, e lilo i mea paa mahop o na malama eono mai kala i hoopukaia ai keia olelo honholo ke hanaia e like me na olelo maloko nei, ke ole nae i ike ia ke kumu kupono e hoole ai.  A ua kauohaia ka mea hoopii e hoolaha i ke kope i hooiaioia o keia olelo kauoha ma ka Hawaii Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o na malama eono.  ina he kumu ko lakou e hooko ole ia ai ia olelo hooholo a lilo i mea paa.

            Na ka Aha,      JNO. E. BARNARD, Kakauolelo.

            Hanaia i keia la 5 o Aperila, 1878.

            Honolulu ss:  Ke hoike aku nei au me ka oiaio, o na  olelo a pau maluna ae, oia no ke kope oiaio a pololei o ka olo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie.

            Hoike ia e ko'u lima a me ke Sila o ka Aha Kiekie ma Honolulu, i keia la 8 o Aperila 1878.            JNO. E. BARNAR,

            855 6t*                        Kakauolelo o ka Aha Kiekie.

 

AHA Kiekie o ko Hawaii Paeaina, Oahu, ss. Kau o Aperila A.D. 1878.  Kaauwai k, ka mea hoopii no ke oki mare, kue ia Malina w, ka mea i hoopii ia.  Hoopii oki mare.  Ma ka palapala hoopii i oleloia maluna no ke oki mare, ano ua kauohaia, o ka olelo hooholo e oki ana mai ka berita mare aku,  e hookomoia ma ka moolelo o ka Aha, mamuli o ka aoao o Kaauwai k, no ke kumu o ka moekolohe a no ka haalele mau a haalele loa o Malina w, i oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai.  A ua kauohaia ka mea hoopii e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopuka mua ana iloko o ka malama hookahi ma ka la aku i hoopuka ia ai keia olelo kauoha; i mea e hiki ai i na mare a pau i pili ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa.

            Na ka Aha, JNO. E. BARNARRD, Kakauolelo.

            Hanaia i keia la 6 o Aperila, A.D. 1878.

            Honolulu, Oahu, ss: Ke hoike aku nei au me ka oiaio, o na olelo a pau maluna ae, oia, no ke kope oiaio a pololei e ka olelo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie.

            Hoike ia e ko'u lima a me ke Sila o ka Aha Kiekie ma Honolulu, i keia la 10 o Aperila, A.D. 1878.

            JNO. E BARNARD,

855 6t*           Kakauolelo o ka Aha Kiekie.

           

AHA Hookolokolo Kiekie o ko Hawaii Pae Aina.  Ma ka hooponopono waiwai, ma ka waiwai o Ehu k a me Kauwe k o Waianae, i make kauoha ole.  Imua o ka Lunakanawai Hon.A.F. Judd. Olelo Kauoha, e hoolaha aku no ke noi ana mai, e koho i Lunahooponopono Waiwai.

            Ma ka heluhelu a me ka waiho ana mai o ka palapala noi a Heleao k o Honolulu, e hoike mai ana o Ehu k a me Kauwe k no Waianae, Oahu, ua make kauoha ole ma ia wahi no i oleloia, ma ka la   o   MH 1874, mamua aku a mahope mai paha, a e noi ana e haawiia ka palapala hookohu Lunahooponopono Waiwai ia Heleao k.

            Ua kauohaia, o ka Poalua, oia ka la 7 o Mei, M H 1878 hora 10 AM oia ka manawa i kohoia no ka hoolohe ana i ua noi la, imua o na Lunakanawai, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou e ae ole ia ai ua noi la.  A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.

            Kakauia ma Honolulu, ko Hawaii Pae Aina. Aper 9,1878.

            A. FRANCIS JUDD.

Ikea:    Lunakanawai o ka Aha Kiekie.

            A. Rosa, Hope Kakauolelo.    854 3t

 

AHA Hookolokolo Kiekie o ko Hawaii Pae Aina. Ma ka hooponopono waiwai, ma ka waiwai o John Kawelau, o Nuuanu, Honolulu, i kaawale aku mai keia Aupuni.  Imua o ka Lunakanawai Hon. A.F. Judd.  Olelo kauoha e hoolaha aku no ke noi anamai e koho i Lunahooponopono Waiwai.

            Ma ka heluhelu a me ka waiho ana mai o ka palapala noi a Beniamina, o Honolulu, e hoike mai ana. o John Kawelau no Nuuanu, Honolulu, a aole i lohe ia kekahi mea mai a iaia mai a hiki i keia wa a e noi ana e hookohuia ka mea noi i Kahu malama no ua waiwai la i oleloia.

            Ua kauohaia o ka Poalua, ka la 30 o Aperila, M H 1878, oia ka manawa i kohoia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a me ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la.  A o keia olelo kauoha, e hoolaha ia ma ka olelo Hawaii, i ekolu pule ma ke Kuokoa, nupepa ma Honolulu.

            Kakauia ma Honolulu, ko Hawaii Pae Aina, Aper 3, 1878.

            A. FRANCIS JUDD.

            Ikea;    Lunakanawai o ka Aha Kiekie.

            A. Rosa, Hope Kakauolelo.    854 3t

 

AHA Kiekie o ko Hawaii Pae Aina.  Oahu ss. Kau o Aperila A D 1875.  Anee k  ka mea hoopii no ke oki mare, kue ia Kamaka w. ka mea i hoopiiia.  Hoopii Oki Mare.

            Ma ka palapala hoopii i oleloia maluna o ke Oki Mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Anee k no ke kumu o ka haalele & moekolohe o Kamaka w. i olelo ia, e lilo i mea paa mahope o na malama eono mai ka la i hoopukaia ai keia olelo hooholo, ke hanaia e like me na olelo maloko nei, ke ole nae i ike ia ke kumu kupono e hoole ai.  A ua kauohaia ka mea hoopii, e hoolaha i ke  kope i hooiaioia o keia olelo kauoha, ma ka Hawaiian Gazette a me ke Kuokoa, i kela a me keia o na hebedoma eono; o ka hoolaha mua ana iloko o ka malama hookahi, mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o ua malama eono, ina he kumu ko lakou e hooko ole ia ai ia olelo hooholo a lilo i mea paa---Na ka Aha.

            JNO. E. BARNARD, Kakauolelo.

            Hanaia i keia la 6 o Aperila AD 1875.

            Honolulu ss: Ke hoike nei au me ka oiaio o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, e waiho nei ma ke keena o ke Kakauolelo o ka Aha Kiekie.

            Hoike ia e ko'u lima a me ke Sila o ka Aha Kieie, ma Honolulu, i keia la 5 o Aperila A D 1875.

            JNO. E. BARNARD,

854 6t  Kakauolelo o ka Aha Kiekie

 

E. STREHZ,

(AILUENE.)

MALAILA E LOAA AI NA ANO LAAU A pau; a me na wai hoomaemae o kela a me keia ano.  E hamama mau ana ka ipuka ma na po Poaono a pau.  Ma ke kihi o alanui Papu a me Hotele, ma Monikahaae.      (845 1y)

 

OLELO HOOLAHA.

 

KO BIHOPA MA

BANAKO MALAMA DALA!

 

E MALAMA NO MAUA I KE DALA O na kanaka maloko o ka Banako penei:

            Ina hoomoe mai ke kanaka hookahi i na dala $2.00 a emi mai paha, alaila, e uku i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana.  ke waihoia ke dala hoomoe i ekolu maluna a keu paha. Aole ukupanee e helu ia no ka hakina o ke dala hookahi.  aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai.

            Ma ke kikoo wale no a ka mea dala e haawi ai i kana, a o ka Buke kekahi ke laweia mai.

            Ma ka la mua o Sepatemaba i keia makahiki a i keia, e houluulu ai i ke dala, a e haipuia ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee.

            Ina oi aku ke dala hoomoe mamua o $300, alaila, hooholo pu ka olelo.

            E weheia ka Hale Banako i na la hana a pau.

851 tf              BISHOP & Co.

 

AHA KIEKIE o ko Hawaii Paeaina.  Ma ka hooponopono waiwai.  Ma ka waiwai o Chas. Kanaina i make me ke kauoha ole.  He kauoha e hoike ai no ke kumu e pili ana i ke noi a ka lunahooponopono no ke kuai ana i ka waiwai paa.  Ma ka heluehlu a me ka waiho ana mai o ka palapala noi a WC Parke, ka lunahooponopono o ka waiwai o Chas. Kanaina i make, e noia ana i mana e hoolilo aku ai i kekahi waiwia paa ma ke kuai, oia hoi ka IH o Kapaakea, Ewa.  Palapala Sila Nui Helu 4497, a me na lele o Muliwai, Ewa. he 40 paha na eka.  ka aina ma Kalia, Waikiki, he 194 eka, a me na loi kalo 2 ma Waikiki, he 304 eka.  1 loi kalo ma Waikiki no, he 42-100 eka, ka aina ma Kaieie, Kalihi, he 120 eka, ka aina kai o Waheloa, Ewa he 50 eka, hookahi aina ma Kailua, Oahu, Palapala Sila Nui, Helu 593, he 37 eka ka nui, a hookahi kuleana iloko o ka aina Hui o Manoa.  He waiwai no ka mea i make i hoikeia maluna, me ka wahi pu ana mai hoi i na kumu kupono no ka hoohio ana aku i ua mau waiwai nei.  Nolaila ke kauoha ia aku nei na pilikoko a pau o ka mea i make, a me ka poe a pau i kuleana iloko o ka waiwai i oleloia, e hele mai imua o keia Aha i ka Poalua la 23 o Aperila, A.D. 1878, ma ka hora 10 o ke kakahiaka, ma ke keena hookolokolo o keia Aha, ma Honolulu, ia manawa a me ia wahi e hoike mai i ke kumu e ae ole ia ai ka hoolilo ana i ua waiwai la.  A ua kauoha hou ia hoi, e hoolahaia ke kope o keia olelo kauoha i ekolu pule mamua ae o ka la no ka hoolohe ana, maloko o ka Hawaiian Gazette a me ke Kuokoa, he mau nupepa i hoolahaia ma Honolulu.

            Kakauia ma Honolulu, ko Hawaii Paeaina, Maraki 29, 1878

            A. FRANCIS JUDD,

            Lunakanawai o ka Aha Kiekie.

Ikea:  A. Rosa, Hope Kakauolelo.     853

 

AHA Kiekie o ko Hawaii Paeaina. Kau o Iulai 1878. Ma ka noi a Nawai w., a me Kauo k., e hoona kuleana i kekahi mau aina i koi ia mamuli o ka p ono pilikoko, imua o ka Lunakanawai A.F. Judd. Ma ka heluhelu a me ka waiho ana mai o ka palapala noi a Nawai w., a me Kauo k., o Waianae, mokupuni o Oahu, e koi ana i ka pono mamuli o ka pono pilikoko ma o Kauwa w., la, ko laua makuahine, ua kuleana laua i kekahi mau aina e waiho la ma Makaha, Waianae, mokupuni o Oahu, oia ka aina i hoakakaia ma ka palapala noi a no Kanehaku i make kauoha ole ma Waianae ma ka makahiki 1868, a e noi ana i Palapala Kii e kii aku i ka poe e koi mai ana a e hooholoia ka pono no Nawai w., a me Kauo k i oleloia, ua kuleana holookoa laua i ka aina i olelo ia a i ole ia i kekahi mahele.  Ua kauohaia o ka Poaono ka la 6 o Iulai ma ka hora 10 o ke kakahiaka M.H. 1878, ka la e hoolohe ia ai ka noi imua o ka Lunakanawai o ka Aha Kiekie i oleloia ma ka hale hookolokolo ma Honolulu, ma ia wa a ma ia wahi, e hele mai na kanaka a pau a e hoike ina he kumu ko lakou e ae ole ia ai ke noi, a e hoolaha ia keia olelo hoolaha ma Honolulu ma ka olelo Enelani a me ka olelo Hawaii ma ka Hawaiian Gazette a me ke Kuokoa he mau nupepa i paiia ma ke olelo Enelani a me ka olelo Hawaii no na hebedoma ekolu mamua o ka la mua o ke kau o ka Aha Kiekie i oleloia.

            A. FRANCIS JUDD,

            Lunakanawai o ka Aha Kiekie.

Hanaia ma Honolulu, H. I. apr. 1, 1878.

            Richard F. Bickerton, Kokua o na mea noi.   853 3s

 

AHA Hookolokolo Kiekie o ko Hawaii Paeaina, ma ka hooponopono waiwai ma ka waiwai o Wahineaea w., o Punaluu i make kauoha ole.  Olelo kauha e hoolaha no ke noi ana mai e kohi i lunahooponopono waiwai, imua o ka Lunakanawai A.F. Judd.  Ma ka heluhelu a me ka waiho ana mai o ke palapala noi a U@ahelu kane mare a Wahineaea w., e hoike mai ana o Wahineaea no Punaluu ua make kauoha ole ma Punaluu ma ka la -- o Iulai, M.H. 1874, a e noi ana e haawiia ka Palapala Hookohu Lunahooponopono Waiwai ia Wahinemaikai k., o Punaluu, Oahu.  Ua kauohaia o ka Poalua ka la 23 o Aperila, M.H. 1878, oia ka manawa i kohoia no ka hoolohe ana i ua noi la, imua o ua Lunakawai la, ama ke keena hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi ia.  A o keia olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu.

            Kakauia ma Honolulu, ko Hawaii Paeaina, Aperila 3, 1878.

            A. FRANCIS JUDD.

            Lunakanawai o ka Aha Kiekie.

Ikea:    A. Rosa, Hope Kakauolelo.    853 3t

 

MA ke keena o ka Lunakanawai Kaapuni, Apana Ekolu, ko Hawaii Paeaina.  Ma ka waiwai o Pea k., no Awapuhi, Hilo, Hawaii, i make.  Ua heluheluia a ua waihoia mai ka palapala noi a Kamauoha k., kekahi mea pili ia Pae, no Awapuhi, Hilo, Hawaii i make, e olelo ana ua make aku la o D. Keawehano ka lunahooponopono o na waiwai o Pea, a e noi mai ana e hooholoia ka hooilina o Pea i make, a e hooholo ia ka waiwai i ka hooilina, a e hoopau aku i ka hana a ka lunahooponopono.  Nolaila, ua kauohaia ka poe a pau i pili, o ka Poakahi oia ka la 6 o Mei, M.H. 1878, i ka hora 10 o kakahiaka ma ka hale hookolokolo ma Hilo, Hawaii, oia ka manawa me kahi i kohoia no ka hoolohe ana ia noi, me na mea kue ke hoikeia.      F.S. LYMAN,

            Lunakanawai Kaapuni Apana Ekolu.

Hilo, Hawaii, Mar. 28, 1878.              853 3t

 

MA ke keena o ka Lunakanawai Kaapuni o ka Apana Elua o ko Hawaii Paeaina.  Ma ka waiwai o ka Alawale k, Pihi k, a me Kahoike k, no Honokohau, Maui, i make.

            Ua heluheluia a ua waiho ia ka palapala noi a Kapahi w, e noi ana e hooholo ia ka waiwai o Aiawale k, Pihi k, a me Kahoike k, no Honokohau, Maui, H P A i make, i na hooilina.

            Nolaila, ke kauoha ia aku nei na kanaka a pau, ke pili, o ka Poakolu, oia ka la 1 o Mei, 1878, ma ka hora 11 a m ma ka hale hookolokolo ma Lahaina, oia a la a me kahi i kohoia no ka hoolohe ana i ua nonoi la, a me na mea kue ke hoike ia.

            ABR. FORNANDER,

            L K Kaapuni Ap 2, H P A.

Lahaina, Maraki 29, 1878.                  854 3t

 

MA ke keena o ka Lunakanawai Kaapuni, Apana Elua o ko Hawaii Pae Aina.  Ma ka waiwai o Napeahi k, no Honokohau, Maui, i make.

            Ua heluheluia a ua waihoia ka palapala noi a Lahapa w, a me Kainaina k, na Lunahooponopono o ka Waiwai o Napeahi k, no Honokohau, Maui, H P A, i make, e noi ana e hoaponoia ko laua Moo-Waiwai, a e hookuu ia laua mai ka oihana, a e hooholoia ka waiwai i na hooilina.

            Nolaila ke kauoha ia aku nei na kanaka a pau ke pili, i ka Poakolu, oia ka la 1 o Mei, 1878, ma ka hora 10 a m, ma ka hale hookolokolo ma Lahaina, oia ka la a me kahi i kohoia no ka hoolohe ana i ua nonoi la, a me na mea kue ke hoikeia.

            ABR. FORNANDER,

            L K Kaapuni, Apana Elua, H P A.

Lahaina, Maraki 29, 1878.                  854 3t

 

NUHOU! NUHOU

 

UA HOOKOHU pono mai na mea nona na inoa malalo, i mau agena oiaio no ka Hui Hana Kaa Cortland, o Cortland Nu Ioka.  eia no hoi ma ko makou nei Keena, he papa kuhikuhi maopopo o na kaa ukana, na kaa holoholo lealea a pela aku, i hiki ke wae a ka makemake, a he haahaa loa no hoi ke kumukuai, a ua mahalo nuiia keia mau ano kaa a pau no ka mikioi, ka nani a me ka paa maoli no ka hanaia ana.  He agena no hoi ko na Hui nei ma Canada, ma Wale Hemo Hou a me kekahi mau aina e ae no hoi kahi, i lawe nuiia aku ai ua mau kaa nei ma ke ano waiwai kalepa.

            E hiki no ia oukou e na makamaka ke hele mai ma ko makou halekuai, e ike i na papa kuhikuhi a me ka makou mau kumukuai no ua mau kaa nei.  e waiho mai i na kauoha ia makou me ka hoomakaulii pu hoi i ka oukou mau okeni, a iloko o na mahina ekolu wale no mai ka la aku e loaa mai ai o ka oukou mau kauoha, e loaa no ua mau ano koa nani la ia oukou.

            DILINAHAMA Ma.

Helu 95 & 97, Alannui Moi, Honolulu, Oahu.           853 tf

 

KE HOOLAHAIA AKU NEI mai keia la aku ua weheia ka pili o Mr. H.J. AGNEW me ka Hui o DILINAHAMA ma, aole hoi he mana iaia no ke kakau ana i ka inoa o ka Hui, a me ka lawelawe ana i kekahi hana e ae o ua Hui nei.

            Honolulu, Maraki 20, 1878.

                        D.F. DILLINGHAM,

                        S.N. CASTLE,

na Kahu Waiwai no C.E. Castle a me kona mau keiki oo ole elua,--Ma o W.R. Castle kona loio.                851 tf

 

O Ka mea nona ka inoa malalo ke hoolaha aku nei imua o ka lehulehu, eia ma Kanewai nei he Lio kane ulaula nui, laekea, keokeo na wawae eha, a ma ka uha akau ke kuni penei O P  Ke kauoha ia aku nei ka mea a mau mea nona keia lio e kii koke mai me ka uku pu mai i ko'u mau poho a poino ma ke ano hehi a helehewa maluna o ka'u mau mea kanu, ma Kanewai, $10.00, a e uku pu i na lilo o keia hoolaha.  Ke kii ole ia mai a hala na le he 15 alaila e lilo loa keia lio no'u.

            834 2t*            MR. JNO. KELIIPUPULE.

 

OLELO HOOLAHA.

E IKE AUANEI na kanaka a pau ke nana mai, oiai ua hookohu ia mai ka mea nona ka inoa malalo nei e ka Aha Kiekie ma ka la 10 o Aperila, M. H> 1878 i Luna Hooponopono no ka Waiwai o KAALEHU (k) o Waimanalo i make aku nei.  Nolaila ke hai ia aku nei ka lohe, ua kapu loa kela a me keia mea e pili ana i ka waiwai i hai ia ae  la maluna, mai na waiwai lewa a ka waiwai paa; a o ka poe e kue ana i keia, alaila, e hoopii no au ma ke kanawai.

            KAHELA,

            Luna Hooponopono o ka Waiwai o Kaalehu

Waimanalo, Koolaupoko, Aperila 10, 1878    854--4t*

 

OLELO HOOLAHA.

E IKE e na kanaka a pau ma keia palapala, ua hookohu aku au ia S. KAANANA a me J. NAPUA,  o laua na mea e hana i ke kuleana o KANAAU (w), e waiho la ma Kalanihale, Manananui, Ewa, Oahu; aole kuleana o na mea e ae ma keia aina, aoleno hoi he mana hiki ke hoolilo aku ina ole i ae na mea mana ma keia aina i hookohu ia e au.

            KAMA.

Waianae, Oahu, Aperila 11, 1878                   854--2t*

 

A. MoWAYNE,

HALE KUAI LAAU LAPAAU, AME NA WAIALA o na ano a pau, me na SOPA ALA o na ano he nui wale. Ma ke kihi o Alanui Papu me Kalepa.

840 1y

 

Castle a me Hatch.

 

O KAKELA OPIO A ME F.M. HATCH, ua hui laua ma ka lawelawe ana i ka oihana Loio,

            Ua hiki ka laua ke ku imua o na Aha a pau, mai ka aha Hoomalu a hele iluna.  A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.

            W.R. CAST.E, Luna Hooiaio Kope.

            Keena Hana, ma Alanui Kalepa, Honolulu, 3 puka manao aku o Alanui Papu          3 6ms