Ka Nupepa Kuokoa, Volume XVII, Number 10, 9 March 1878 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

 

Kuokoa me ke Au Okoa

 

I HUHA.

 

No ka Makahiki, $2. Eono Mahina $1

Dala Kuikeka Rula.

 

MARAKI 9, 1878.

 

OOLELO HOOLAHA.

 

            E halawai ana ka Ahahui Euanelio o ka Mokupuni o Oahu, ma Waikane, ke hiki aku i ka Poalua elua o Aperila, o keia M. M. oia ka la 9 o Aperila, No laila, ke paipai ia aku nei na hoa a me na lala a pau, e akoakoa pau ae i ka manawa i olelo ia. J. KEKAHUNA.

Lunahoomalu.

 

Kaapuni ia Oahu.

 

            Ua hiki mai ka manawa, a o keia hebedoma no ia, ke hoomaka nei ke Komite o ka Ahahui Euanelio, o ka mokupuni o Oahu e kaapuni ma na Kihapai Ekalesia o Oahu nei.

            Ua hoomaka ke kaapuni ana ma ke Kihapai o Kaumakapili i keia hebedoma ; o ka pule kakahiaka o keia Sabati @e o Maraki la 3, e halawai ana ke Komite me ke anaina hui o ka ekalesia o Kalihi a me Moanalua.

            A ma ka pule po iho e halawai ana ke Komite, me ke anaina hui o Kaumakapili a me Kawaiahao, ma ku luakini o Kaumakapili. E hoakeaia ana na hana oia po, na kekahi poe haiolelo pokole ekolu a eha paha. O ke kumu hana oia po, no ka Uhane hemolele.

            E hoomaka ana ke kaapuni ana ma ke Kihapai o Ewa, Waianae, Waialua a pela aku. Nolailo, ke konoia aku nei ko oukou oluolu e na Kahu Ekalesia, na luna, na loahanau, a me na mea a pau, e akoakoa ae ma ko oukou mau halehalawai, a me ko oukou mau luakini, i ka wa e hiki aku ai ke Komite. E waele i ko oukou mahinaai, e holahola i ko oukou mau naau, e apo a hookipa i kana olelo, a me kona Uhane. E hoomaka ana ke komo ana ma ke kihi hema o ke Kihapai o Ewa i ka Poakahi la 18 o Maraki.

            Ma ke ano Kahu Kula Sabati Nui o kekahi o na Komite, ke konoia aku nei na Kula Sabati, e hoike mai imua ona i keia kaapuni ana aku i ka mokupuni o Oahu, nolaila, e ala, e lawelawe, e huliu e na Kahu Kula Sabati, na kumu, na haumana e hoike mai imua o ke Kahu Kula Mokupuni.

            Ke kau leo puia aku nei na Kula Sabati, e koho i ko lakou mau Elele, a hooana mai i ka Aha Kua ma Waikane i ka le e halawai ai ka Ahahui Euanelio o ka Mokupuni o Oahu nei malaila. E hele pu mai me na Kahu Kula Sabati.

            @

a i ka Haku Iesu Kristo ko kakou ola.

            M. KUAEA,

            S. WAIWAIOLE. Komite.

 

Hunahuna mea Hou.

 

            Ua hookaumahaia ko makou manao ma ka lono no Waianae mai, no ke kudala ana o ko laila poe i na noho  iloko o ko lakou luakini i ka la Sabati. Aohe o makou manao kanaloa ma ia mea, he pono ole loa ia hana ana pela.

            He nui no ka poe hoomaloka i lawelawe i na hana kulepa i ka la o ka Haku. Aka, o kona poe, a o kona ekalesia, aole pono iki ia lakou ke komo pu iloko oia mau hana. Pehea la e hiki ai i kela ekalesia ke ao aku me keia hope e malama i ka la Sabati.

 

            E LIKE me ka hoolaha mua ia ana i kela pule, ua malamaia ka Aha Mele a Mr. Levy ma Kwaiahao i ka po o ka Ponono i hala ae nei. No ke kupono o na hana o ia ano iloko o na luakini, ua mahele ia ka noonoo o ka poe maikai. Ua hooloe loa kekahi poe me ka hiki ole ke haawi i na hoapono ana no na hana elike me ia ma ka hale o ke Akua. Wahi a lakou, "ua laahia loa na halepule, a ua kapu no na hana e ae a pau mawaho ae o na mea pili i ka hoomana wale no." O kekekahi poe nae, a he lehulehu no hoi lakou, ua haawi no i ka hoapono ana i na aha himeni a me na hana e ae i ku i kekokua ana i ka hookiekie ana i na noonoo maikai o kanaka iloko o na halepule. Ma ko lakou noonoo ana, ua  oi aku ka laahia o ke kanaka mamua o ka hale i hanaia e na lima o kanaka. A oiai aole he wahi e ae i kupono no kekahi mau hana i ku i ka hoopomaikai i ka lehulehu, he mea pono no, ma ka lakou noonoo ana, ke weheia na luakini no ia mau hana ; no ka mea, ua oi aku ke kanaka mamua o ka hale.

            O na mea i hanaia ma ia po ma Kawaiahao e ka poe mele a me ka poe hookani i na mea kani, ua maikai no. Aiai mawaena o kekahi poe naaupo iwaena o ke anaina na hana pono ole. O ka nau haka a me ke puhi haka, ka uwa wale ana a me na hana oia ano, he mea i ku i ka hoohilahila i ka poe nonoa ka noonoo kanaka. Aohe pono ole oia mau hana iwaina o ka poe i kapaia he naauao.

 

            KAHAHA ! E HOLOI ANA ! - MA ka auina la Sabati iho nei, ua ike aku la wau i kekeahi wahine e holoi lole ana ma Waikiki nei, ia manawa kahea aku la au iaia ua oki kena hana, e pane kikoola mai ana kela. Ia oe noia wahi, a heaha hoi kou kuleanana maanei nei, komo iho la hoi iloko o'u ka manao kahaha no kana mau olelo. Ea ! Heaha mai nei la hoi keia o Waikiki nei ? Pili pu keia wahine ma kahi o Naopala olelo puu.

            IKEPONO.

           

Na Leta o na Makamaka.

 

            O kau leta e S. H. Pahauki o Waiohinu, Kau Hwaii, e pili ana no ka la koho balota malaila, ke haawi aku nei makou i ka mahalo no kou ahonui ana mai i ke kakau ia makou, aka, oiai ua pau e iho nei ia makou i ka hoaiaiia na wahaolelo o kakou mai o a o, nolaila, ua lawa paha na hoike no ia mea. No ka haiolelo hoi a ka makamaka i eo maila ia noho, pela no hoi ko Honolulu nei a me na wahi e ae, he mau haiolelo no.

            Eia kau e Z. C. Waihuiokemamo ma ko makou papakaukau, no ka maluhia o ka la koho balota ma Nepoopoo,, Kona Hema, a me na inoa o ke poe i holo balota. No ka hakalia iki ana o kau, ua loaa e mai ia makou kekahi mau hoike no ia mea, a ua pulelo aku nei ma ka Helu 7 o ko kakou Kilohana o ka la 16 o kela malama.

            Ua loaa mai no kau e ka makamaka P. R. Holi o Waimea, Kauai, no na Lunamakaainana holo balota oia apana. Ua loaa e mai nae kekahi mau hoike mamua ae o ka hiki ana mai o kau, me ko makou mahalo no nae i kou hoomanao ana mai.

            O kau e Tebirino Hulihee no ka inoa i holo balota no ka apana o Kona Akau Hawaii ma ka la koho balota ua hakalia loa, nolaila, ua kapae maikai aku makou.

 

Ke Anuu Kiekie o ka Naauao.

 

HE HIHIO OIAIO

            Ike aku la wai hookahi wale no kuamoo e hiki aku ai i ka piko o ua mauna la, aia ma kekahi ipuka i kapaia, "O ka ipuka o na Olelo," malalo o ka hoomalu ana a kekahi wahine, nona na hiona kuoo a me ka noonoo kuhohonu a e oaka mau ana hoi kona mau lehelehe, me he mea la e kamailio ana oia no kekahi mau mea ana i lia nui ai, aole na e he leo i loheia aku mailoko mai ona,a o kona inoa o "Hoomanao no ia.

            Ia'u hoi i hoomaka aku ai e komo ma keia wahi, pa-e koke maila na leo wawalo me he mau hanehane la, aole i emo a uluaoa loa aela, e hoopaiakuli mai ana i na pahuka ni o ko'u mau pepeiao, aole hoi a'u mea e ae e hoohalike ai, aka me he mea la o na leo wawalo uluahewa wale no, o kela wa i hoalaia ai ka halepakui o Babela. He awaawaa a inoino hoi ke alahele, a o na puu lepo hoi a me na apanapana o na kauhale kahiko i hoohioloia, e kuehu mauia mai ana lakou e na kikiao makani pa lauwili. O keia iho la kekahi mau mea nana e hoopaoioi mai i na keehina wawae o ka poe i huli hope a kapio hou aku la ma ke ala a lakou i hele mai ai.

            Iau i hoea aku ai ma ka hapalua o ke alahele e hiki aku ai i ka piko o ua Kuahiwi la, ike iho la wau he mau ululaau makolukolu ma kela a me keia aoao o ke alahele, i uhi mau ia e ka ohu, i maokioki ia e na owawa, na ala pauhakee, na kuamoo i hihiia me na @ , a me na mea akeakea e ae, a ua kapaia ka inoa o keia wahi, o ka "Ululaau o Helehewa;" a lohe aku la hoi au i na leo kupinai he nui wale, o ka poe i nalowale a huhewa maloko, e kahea aku ana kekahi i kekahi, me ka hooikaika nui ana o kela a me keia nona iho, e loaa ka lanakila mailoko mai oia wahi, aole nae he hua oia mau hoikaika ana.

            Kokolo iho la na lala laau ilalo, ma na wahi a pau o ke alahele, a e uhi mauia ana hoi, e na ao panopano @ehia o ka ohu me ka weli poino, aka ua komo ikaika aku la na kukuna o ka malamalama iloko oia malu poino, ma na helehelena wiwo ole aku o "Oiaio." Ma na wahi oluolu a molaelae hoi o ua kuahiwi la, e luluu mai ana na lala laau o "Hoohauoli," a o kana hana hoi ka hoeueu a hoolalelale inau ana i na manao o ka poe kuahele, me ka hooikaika ana i ko lakou mau keehina wawai kuihe, me na leo mele mailoko ma o na lira, a me na Violaumi.

            Aole i mamao loa mai keia wahi aku, e pahola mai ana na kula o "Oiaio ole" e uluia ana e na pua o na waihooluu like ole, hoaiai mai ana i ko lakou nani i mea e uneia aku ai na iini o ka lehulehu, iloko o ka la kou mau unii o ke auhulihia a me na hookuemi hope. He mau helehelena nani io no ia, ke kau pono aku ke kilohi ana a na kiionohi, aka he hopena awahia nae ke loohia mai ana. (Aole i pau.)

 

He Halia na ke Aloha i ke

Kino, e ouiu Walohia ana i ka

Puuwai.

 

E KA NUPEPA KUOKOA, Aloha oe :-

            Kuu lei pua a ke onaona i noho ai, u'u hoi i lei hoohie iho ai. i ka makahiki i aui aku la, i auwale ka la, a kapae ae nei au ia oe ma-o me ka manao e kuilima hou hou ole aku ana me oe.

            Aole no nae i hoopiona mai na aa koko o kuu kino, nou, e ke "KUOKOA," (Laupaina.) Hoomaka e aku la nae au ia oe, ma o ka Helu 1 la, a i ka Helu 7. A ma ka Helu 8 hoi, hoomaka aku la au, e kiei hou aku i kou mau papalina halilahi; i kuilima pu hou ai au me kou kino kukilakila, a nani no hoi i ka ike a kuu maka. O ka'u ia e puana ae nei,

            Nani ku akala aala i ka ehu kai,

            Paoa aala i ka hanu kai a ke Koolau,

            E hooipo aku ana me ke kalukalu.

            I ko'u wa kilohi aku ai i ka nani o ka Helu 8, o ke "KUOKO," (Laupaina,) a'u hoi i lawe akamalie iho au, o ka wa i hala. O ka manawa iho la no ia o na ami o kuu kino ; i onio mai ai me ka walohia a ke aloha, e kaii paakiki mai ana ia'u mai ka piko o ke poo, a i ka poli wawai, me he leo la no ka hanehane, i ke awakea o ka la lailai malie, e i mai ana. E lawe ! e lawe hou i ka Laupaina !! Nohe nohea lua ke ala, i ka ehu o Haimocipo. ("KUOKOA,") ke honi aku.

            A ua ae aku ia ae, mal@o o ke kono ae a loko. A waiho aku la kahi makana. A oiai au e hoolona malie an@. i ka p@ kolonahe huihui ake kehau makana a na pali Koolau ; e naue ae ana, e kuilima pu me ke ahe lau ahiu o ka moana Aohe loa oia moana i ke kono mai a ke aloha e ! hoi ma-i, hoi mai hoi-e. Oia ka'u e puana ae nei.

Hoi mai kaua la e pili,

E ke KUOKOA lau aala,

I nohea i ka hua Mokihana

Oi noho pono iho ke aloha,

He aloha kuu hoa kuilima

Kuu hoa Ba-na o ke ahiahi

            A oiai no hoi, e iho makawalu mai ana na kulu waimaka, i ka ike ana iho i na Kilihuna o ka Nane a William Yates ; a me na olelo nahe-nahe a ka lehulehu, e hoopulu eloelo ana hoi, ina lau iihilihi o kuu ouohi, a e paila mau ana hoi ke koko o ka puuwai, me ka hakukoi ana a puni kuu kino.

            I ka umi paa a ke aloha, e hoo po mai ana iloko o'u, me ka haa ana hoi o ka welelau, o kou mau manamana lima, e hawanawana mai ana hoi na aa koni ; e lawelawe au me ke aloha malolo ou nei.

            Auhea oukou e ka poe o Hawaii o Keawe Maui o Kama, Oahu o Kuihewa, Kauai o Manokalanipo, i kuilima pu iho nei i ke au i hala aku la nei oukou, ia Laupaiua ea a lilo ia Alualu mwailiula. Aole pela e pono ai o'u mau hoa, mai ka oili ae i ka piko o Haehae, a nalo iho i ka mole o Lehua, e e lawe i ka Nupepa KUOKOA.

            J. L. K. KEALAKUHILIMA.

            Laie-Maloo, Febuari. 28, 1878.

 

Pane ia D. H. Nahinu.

 

            Mai ka mua a ka hope o kau pane i puka ae nei ma ke KUOKOA o ka la 2 iho nei o Maraki, hookahi wale no a'u mea e kaukolo nei,, oia ka haaleleino me ka hoike ole i na kumu a haalele ai.

            Ua oi aku anei ka hewa o ka bipi ke hele i ke kula e hanai ia ia iho mamua o ka hoowiwi ana a ke kahu iaia a hiki ole ke palau i ka aina ?

            Pela no hoi keia, ua oi akku anei ko'u hewa ke hoi mai i Honolulu nei e imi i ola no'u a me ko'u ohana, mamua o ka hooko pono ole ana o ka ekalesia i ka lakoa mea i hoike ai ma ka palapala kahea ?

            He naaupo anei a me ka hookamani ka hoike oiaio aku imua o ka Ahahui ma Lanakila, oiaio ua hoole maopopo aku no au i ka palapala kahea o Pukaana, a o ka hope oia hoole ana o ka haalele aku no.

            Aia a nei a hoike aku a'u i na kumu e haalele ai alaila, hanai pono mai ka ekalesia ia'u me ka pinana  ole i ka ulu, ka ai a kuanalua ? alail, anei kaa ka aie ? Aole paha ea ! Aole anei i lulu mua ia he dala no ka hanai mamua aku o ko'u hoi ana aku ? A no ke aha ka lawa ole ? No ka maua maoli no a me ka lokoliu. Aole anei he dala ke ka ekalesia i kela wa i nonoi ia aku ai e hookaa koke mai ? He dala no kokoke piha ke kanakolu. A no ke aha ke kaa ole ana ? Ua ano e ka manao o ka ekalesia.

            Ua hooholo ia nae e lulu i ka la 19, o Augate, hoi e mai au i ka la 13, oiai aole he mea ai e loaa ia'u ma Hookena ia mau la, no ka wi launa ole o ka aina, ua pau ka'u wahi raiki me ka berena a aole he mea kokua mai, ma hoi au e kakali a kekahi Sabati hou ae, alaila, e nahonaho loa ana ko'u mau wahi maka, a ane hiki ole paha ke hele ; e ole e kau koke iluna o ka moku, komo kahi raiki, me ka ai paa, me ka poi, me ka lokomaikai o capena Papa ma ua kau ka punawelewele i na maka. Aola ka i hookaa i ka aie a pau wikiwiki i ka hoopii, me ka pane ma ka nupepa.! Na ka mea hala ole e nou i ka pohaku. T. PUUOHAU.

 

Wiliko Nuhou o Hawaii!!

 

            Ua ike au i ka Wiliko hou o Hawaii! Kona Akau, ua kapaia ka wai i kahe mai ai mai loko mai o keia wiliko hou, Hewakainoa.

            Pekeia ke ano, o keia wili, ua hou puka ia ka Pou, e komo mai ai ke kua malolo, maia puka no e komo aku ai ke kua loihi maluna, me ka hoopaa i ke kua malolo, i kekahi laau paa, e ku ana. O ke kua maluna e hoopaa i ke kaula ma ka welau o ke kua maluna, o keia kaula i hoopaa ia ma ke kua maluna, oia kahi e hehi ai ka wawae me ka hooholuholu i ke kua maluna i ka wa e hookomo aku ai i ke ko.

            Eia ke ano o ka wai i kahe mai ai, mai loko mai o keia mau kua, i olelo ia ae la maluna.

            Aia a puka mai ka wai, alaila, e hoopiha i ka pahu a i ole ia, i kekahi Umeke paha, me ka hoopiha ia laua.

            E waiho makahi kupono no laua, a hala na la elima, alaika oe, kii aku, a hoomaka mai oe ke kanaka i hele wale a maa i kaua o Hilo a no Hilo hoi kaua mao ole, eia ka hoi no Kona kaua i keia mau la.

            Oia ka mea i hoike ia aela kainoa maluna, Hewaia.

            Mamuli o kuu lohe a me kuu ike maoli, i na kane na wahine a me na keiki, o keia apana o Kona Akau.

            Eia ka hua olelo lealea a'u e lohe ai, aia a kana kekahi i keia wai hooluhi kino a me kekahi wai eae, alaila, e lohe ia aku no ia hua olelo, Hewaiia, palua ka olelo ana meia, Hewaia.

            A ke hooki ae nei au i ke kau ana o kau Inika, maluna o keia pepa, a me ka inu ana o ka'u maka kila i ka wai Inika.

            No na Keiki Hoonohonoho hua ke aloha, a me ke Kapena Hooponopono ka Mahalo. ]

            Kehoi nei ke Keiki o ka Pohulai o Kona, ke lulu maila ka lau o ka Amau.

            J. B. K. KALAIOKONA.

Febeuari 14, 1878.

 

Haawina Kula Sabati

 

HELU 12 SABATI MAR. 21, 1878.

 

KUMUHANA:

Ka Mihi o Manase. Pauku Baibala.

11 Oih Lii, 33,9-16.

 

            9 Pela i alakai hewa aku ai o Manase i ka luda, a me ko Ierusalema e hana i ka hewa, i oi aku i ko na lahuikanaka a Iehova i lulu ai imua o na mamo o Iseraela.

            10 Olelo mai o Iehova ia Manase a me kona poe kanaka ; aole hoi lakou i hoolohe.

            11 @ Alaila, alakai ku e mai ia o Iehova i na luna o ka poe kea no ke alii o Asuria, a hoopaa lakou ia Manase i na lou, a hana paa ia ia i na kupee keleawe, a lawe aka la ia ia i Babulona.

            12 A  i kona popilikia, noi aku oia ia Iehova i kona Akua, ahoohaahaa nui ia ia iho imua i ke alo o ke Akua o kona poe kupuna.

            13 A pule aku oia ia ia ; a maliu mai no kela ia ia, a hoolohe mai oia i kona noi ana, a hoihoi hou ia ia i kona aupuni i Ierusalema. Alaila, ike o Manase o Iehova oia ke Akua.

            14 A mahope iho, uhau iho la ia i ka pa mawaho o ke kulanakauhale o Davida, ma ke komohana o Gihona, ma ke awaawa kahi e komo ai iloko o ka puka-ia a puni o Opela, a hookikie loa ia mea ; hoonoho oia i na lunakoa iloko o na kulanakauhale o Iuda apau i paa i ka pa.

            15 A lawe aku oia i na akua e, a me ke kii mailoko aku o ka hale o Iehova, a me na kuahu ana i kukulu ai ma ka mauna o ka hale o Iehova, a ma Ierusalema ; a hoolei aku oia ia mau mea mawaho o ke kulanakauhale.

            16 A kukulu oia i ke kuahu no Iehova, a mohai ia maluna o laila i na mohai aloha, a me ka mohai hoomaikai aku, a kauoha ia i ka Iuda, e hookauwa na Iehova ke Akua o ka Iselaela.

            Pauku Gula, Hoikeana 3;19, hoopaanaau.

            Topika, Ka mihi no ka hahauia.

            Mele. Him 262. 8-7-Leo.

Iesu, kuu Alii aloha, &c.

Pauku akahi.

            Pule e lilo ka hahau ia  'na i mea e mihi ai, &c.

Na ninau a na kumu.

            Mahope o ka luku ia'na o ka puali koa o Senakeriba, heaha kai lawe nui ia na Iehova a na Hezekia ? 11 Oih Lii 32,28. Heaha ka loohia Hezekia ? p.24. Heaha ka Isaia olelo paipai ia ia ? 11 Na Lii 20; 1. Heaha ka Hezekia pule iloko o kona mai ? 11 Na lii 20; 2,3 Heaha ka Isaia mau olelo hoolana ? p 4-6. Ma ke aha i ola'i Hezekia ? p 7. Mamua o ka pau ana o ka mai o Hezekia, heaha kona ninau ia Isaia ? a pane Isaia pehea ? Heaha hoi ka hana kupanaha i hanaia ?  p 8-11. Heaha kekahi hewa o Hezekia, me na olelo hoahewa a Isaia ? A pehea hoi Hezekia i paneai ? p 12-19. Mihi no Hezekia me na kanaka. Nolaila ua hoopaneeia ka hoopai ana. 11 Oih Lii. 32;26. Pehea ko Hezekia waiwai me kana mau hana i koe ? p 27-30. Make oia,a kanuia pehea ? Owai hoi kona pani ? p. 33.

            Ehia makahiki o Manase a hoomaka kona alii ana ? Ehia makahiki i alii ai ? 11 Oih Lii 33;1. Heaha kana mau hana hewa ? P 2-8. Hoihoi i ka hoomanakii. Kukulu hou i na wahi kiekie i na kuahu no Baala i iloko o ka luakini ; hoohele i na keiki iwaena o ke ahi ; hoenoho i kii i kalaiia iloko o ka hale o ke Akua.

            P 9. Pehea oia i alakai ai i na konaka ? A oi kona hewa i ko wai ? Owai ia mau lahui kanaka ?

            P 10. Aole aenei lakou i ao ia ? Pehea lakou ?

            P. 11 Pehea ke Akua i hoopai ai ia Manase ? Owai keia alii Asuria ? Esarehadona. Is. 37; 38.

            P. 12 Pehea Manase iloko o kona pilikia?

            P 13 Pehea ke Akua ia pule ? A pehea hoi Manase ? Akahi anei oia a ike ia Iehova?

            P 14 A hoi hou Manase i Ierusalema, heaha kana mau hana ? Gihona, he kahawai mawaho o Ierusalema. Opela he puu ia ma ka hema o ka luakini, a ma ka hikina o Ziona. He pahu paha ia.

            P 15 Pehea oia i na akua e, na kuahu hoomanakii ? Akaka kona mihi io ma ke aha?

            Mele. Him. 260. 8. Leo.

E kuu Akua maikai e, &c.

Pauku 1 me 6.

Na ninau a ke Kahu.

            Na makua. Mai loa Hezekia, heaha ka mea i ola ai ? Ehia makahiki i hookui ai i kona ola ana ? Heaha kekahi hewa ana ? Hewa anei ke hoike aku i ko kakou mau waiwai i na malihini ? Heaha ko ke Akua hoopai ia Hezekia ? Ua mihi anei oia ? A nolaila, ua ahaia ka hoopai ana ? Heaha kekahi mau hana a Hezekia ?

            Na keiki. Owai ke keiki a Hezekia ? Ehia ona mau makahiki i ka wa i lilo ai oia i alii? He alii aha oia mamua ? Hai mai i kekahi hana ino ana i na keiki ? Pehea ko ke Akua hoopai ana ia ia ? Mahea oia i mihi ai ? A no kana mihi ana, ua ahaia oia ?  Ina hana hewa oukou, a hoopai mai ke Akua ma keia ao, heaha ko oukou pono ?

            Ke kula apau. Hai mai i ka hoailona kupanaha i haawiia ia Hezekia no kona ola 'na? Heaha ka mea ana hora o Ahaza ? Hoohalike Manase me wai ? ma na mea ehia ?

            No ke aha i hooloihiia'i ke alii ana o Manase ? Hoolilo oia i kana pilikia i mea aha ? Hai mai i ka pauku gula. Nui ko ke Akua hahau ana, heaha ka pono ? Meahea ka hoopai me ka haawi oleia i wa e mihi ai ?

            Mele. Him. 2 ao. 8-6. Leo.

Auwe ka poe i hoopanee &c.

Pauku 1 me ka 2.

            Pule i mihi koke ka poe hewa, &c.

            Haawina no Mar. 31-Hoi i hope.

 

PAPA. PAPA

 

AIA MA KAHIKO

 

LEWERS & DICKSON !

 

(O LUI MA.)

 

MA KE KAHUA KAHIKO MA

 

Alanui Papu a me Noi !

 

E LOAA AI NA

 

Papa Nouaiki!

 

o kela a me keia ano.

 

Na Papa Nani a Paa no ke Kukulu

 

ana i na Hale!

 

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa.

 

NA PILI O KA HALE

 

O NA ANO A PAU.

 

Na Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano, Na Aila Hoomaloo, he lehulehu wale,

Na Aila e ae o na ano a pau.

 

NA WAIVANIKI

 

A ME NA

 

WAI HOOHINUHINU NANI !

 

o na ano a pau loa.

 

NA BALAKI ANO NUI WALE!

 

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

 

NO KA

 

UKU HAAHAA LOA!

 

E like me ka mea e holo ana mawaena o

LAUA a me ka MEA KUAI

 

E hele mai! E na Makamaka!!

 

A e lawa no hoi ko oukou makemake

me ka oluolu a me ka maikai!

845 tf

 

KOPA KUKAEPELE

 

A

 

CLENN !

 

@ @

 

Before Using After Using

 

AOLE LUA NO KA HOOMAE -

MAE I KA ILI!

 

He mea hoopau i na eha,

Na Ili Puupuu,

A he hoomaemae i na mea ino,

A he hoopau Lumatika,

A he kopa auau no hoi

 

O keia Kopa ka oi aku o ka mea maika I waihoia mai imua o kanaka

 

Aole wale no ka Hoopau ana i ka Huehue

Ili Poha, Wela la, Luluaina, a me

na mea e ae o ka Ili;

A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai.

 

O ka hoemi ana iho i na mai o ka Ili, a o

ke pale aku i ka mai mai na lole e na

Mai Lele, oia kekahi. O na ohana

ame na poe makaika, ina

e hoolako lakou

i keia

KOPA HOOMAEMAE LUA OLE!

 

ALAILA, UA LANAKILA LAKOU.

 

He hoopau i ka lehu o ke poo,

A he Kopa no hoi e kaohi mai ai

I ka lauoho mai ka hina ana.

 

Ua hooia nui mai na Kauka no ka maikai o keia Kopa!

 

E loaa no ma kahi o

 

M. McINERNY

 

Kiki o na A@ Papu a me Ka@pa, 840 3m

 

RICHARD F. BICKERTON.

[PEKETONA.]

LOIO a he KOKUA ma ke KANAWAI!

 

E HELE ANA OIA IMUA O NA AHAHOOKOLOKOLO a @ o keia Aupuni ma na ano hihia a pau, ina paha ma Oahu nei, a m@ na Mokupuni e ae.

            Ua makaukau mau oia i ka hana @ / na Palapala pili kaau @ @ a keia a me keia ano.

            Ua hiki no h@ @ ke @ dala aku ma ia moraki ana ina aina, ma ka ukupanue @ @ loa.

            E @ na hana me ka @kiwawe a ma ka uku haahaa.

            K@na hana, Helu 23 Alanui Kalepa, elua puka ma o aku @ ka hale kaaka o Kauka Minu@ole. S40 ly

 

LOLE MAKEPONE

 

Ke Kuike.

 

E LOAA NO IA MA KAHI O

 

KAKELA ME KUKE!

 

E LAA NA

 

Ahinahina, Kalakoa,

 

Keokeo, Leponalo,

 

Pena, Akila, Aniani,

 

NA MEA PIULA!

 

KOPA, AILA HONGA,

 

AILA HOOMALOO

 

Kui Kakia, Pakeke,

Tabu, Kaula, Noho Lio,

Hulu Palaki, na Pulumi.

 

A HE

 

AGENA NO HOI NO NA MOKUPUNI O HAWAII NEI NO NA

 

Lainakini-nao,

Lainakini Maoli,

Palule Kalakoa,

Alapia Kelepa, Kilika,

 

Na lole kupono i ka wawae

Palule Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

 

LIPINE, LIHILIHI, &c.

 

A ME NA

 

Mikini Humuhumu MakeponoLoa !

 

A HE

 

MAU MEA AI KANI

 

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &c.

 

A he Laau Lapaau Kaulana Loa

A DR. JAYNES.

 

Laau Kunu,

Laau Hoomaemae Koko,

Laau Hoopau Naio,

Penikila, Huaale,

 

A ME NA LAAU HAMO, A PELA'KU !

827 3m 839

 

PAPA! PAPA!

 

NO

 

ALLEN & ROBINSON

 

UA WEHE AE NEI MAUA I

 

PA KUAI PAPA

 

MA

 

KA UWAPO O PAKAKA !

 

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

 

Na Pena a me na Aila Pena !

 

NA KUI O NA ANO A PAU.

 

NA PANI PUKA a me

NA PANI PUKA ANIANI.

NA PANI PUKA a me

NA OLEPELEPE.

 

NA LAKO KUKULU HALE

 

O NA ANO A PAU!

 

E KUAIIA MA KE

 

KE KUMUKUAI HAAHAA LOA

 

O keia Makeke.

 

ALLEN & ROBINSON.

Honolulu, Ian. 1, 1878 840 3m

 

E KA POE MAI

 

E KA POE PILIKIA !

 

E NANA MAI OUKOU I KEIA. UA LOAA HOU MA

 

Ka Laau Lapaau Kaulana !

 

No ka hoomaikai ana i ke koko,

A me na mai a pau,

 

E hele a ike, aia ma kahi o

 

A. L. KAMIKA, Oplo.

Helu 44, Alanui Papa. 840 3ms