Ka Nupepa Kuokoa, Volume XVII, Number 9, 2 Malaki 1878 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

@@@@@@@@@@@@@@@@@@@@@@@@@@@@@@@@@@@@@@@@ OLU

@@@@@@@@@@@@@@@@@@@@@@@@@@@@@@@@@@@@@@@@@

@@@@@@@@@@@@@@@@@@@@@@@@@@@@@@@@@@@@@@@@@

GOO KIM.

MALUNA mai nei o ka mokuahi Hawaii "Likelike" a me ka mokuahi "Kulanakauhale o Nu Ioka"

            E hoomaka ana ke kuai manuahi ma keia Poaono, a pela mau aku ma na Poaono a pau.  Nolaila e hele nei mai oukou @@ mau koa maikai ma keia la.  e wae a ka mea a ka @@@ o @@@@@@@@@@ i ka @@@ a mau ala paha o Kaua@@@ a e loaa no na holoku p@@ a  @@@@ ha@@@ a me na kalak@a hou loa i ike ole ia mamua @ a Hawaii nei, na pala holoholo a me na iliwai o keia a me kela ano, na ki@@ holoholo @@@ loa aka@@ a ike ia, na maka@@@ lau liihi, kakou @@@ alaila, @@@@@ uliuli a me ka poni, na Ma@@@ liilii, na Lakeke keiki a me na @@@ hoopumehana o ka kaikamahine liilii, a me na mea nani e ae he @@@@ wale.  E hele mai i ike i ka nani o Aipo.

GOO KIM.

            Alanui Nupepa ma ka @@@ ma Ewa o ka hale @@@@    2@@

CECIL BROWN.

LOIO A HE KOKUA MA KE KANAWAI

A HE AGENA n@@@ H@@@ ana i na Palapala no ka Mokupuni o Oahu

            Helu @ Alanui Kaahumanu Honolulu, H P A 2y

S.B. DOLE,

HE LOIO A HE KOKUA no na KANAKA ma ke Kanawai.  E h@@ n iaia ke lawe i na hihia o kela a me keia ano imua o na Ahahookolokolo a pau o keia Aupuni.

            Keena hana ma Alanui Papa maluna ae o ka Halekuai o Likikini.

            Honolulu Oahu January 12, 1878.                                          3 1y

J.L. HANCHETTE.

MEA HANA PIANO.

            Ma ka H@@@@ Buke o H M Wini o waiho ai i na @@@@ na ia @@@.

Honolulu, Jan @4, 1878.                                844 @@

A MCWAYNE,

HALE KUAI LAAU LAPAAU A ME NA WAIALA @@@@@ me na S@PA ALA o na @@@@@@@ Ma ke @@@ o Alanui Papa me Kalepa

@@@ 1y

Castle a me Hatch.

O KAKELA OPIO A ME F. M. HATCH, ua hui laua ma ka lawelawe ana i ka oihana Loio.  Ua hiki ia laua ke ku imua o na Aha a pau, mai ka Aha Hoomalu a hele kona. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka H@@@ Dala ana.

W.R. CASTLE, Luna Hooialo Kope.

            Keena Hana, ma Alanui Kalepa, Honolulu, 3 puka manae aku o Alanui Papu          3 6ms

E. STREHZ,

(AILUENE.)

MALAILA E LOAA AI NA ANO LAAU A pau: a me na wai hoomaemae o kela a me keia ano.  E hamama mau ana ka ipuka ma na po Poaono a pau.  Ma ke kihi o alanui Papu a me Hotele, ma Monikahaae.       (845 1y)

DR. T.P. TISDALE,

HOMEOPATIKA.  (Kuluwai Liilii.)

HALE OIHANA A ME KAHI NOHO AIA ma ke alanui Beritania, mawaena o ka Luakini o Kaukeano a me ka pa hale o Kaleleona ʻ ani.

            Na hora hana, mai ka hora 8 a hiki i ka hora 9 A M, a mai ka hora 1 a hiki i ka hora 3 P M, a mai ka hora 6@ a hiki hora 8 o ku po.

            He 20 makahiki kona lawelawe ana i na mai o ka Ihu, Puu, Akeraama, Maka a me ka Pepeiao.  Na mai o ka Puupaa a me ka Opumimi, a me na mai ano Lolo a me ia mea aku.  He eleu no hoi ma ka lawelawe ana i na mai o na wahine me na keiki.

            Honolulu, Jan. 31, 1878.                                             844 @@

KE NONOI AKU NEI NA MEA NONA NA mea malalo iho i ko lakou mau makamaka Hawaii, e naue mai i kuai i na mea kuai hou i loaa mai nei i keia mau pule i hala, a e hiki mai ana ma na moku e ku mai ana, oia na

Palau Pipi Hou Palika!

A me ka Pahi Pokaakaa,

Ka Palau Molina Nui a Liilii,

Ka Palau Lio Kila,

(no Lio pa kahi a pa lua,)

Ka Palau Lio Aeko,

(no ka Lio pa kahi a palua,)

HE EONO DALA WALE NO!

Ka Palau Pipi Aeko,

(Helu 2 a 20.)

Ka Hapuku,

Maile Pipi,

Kua Pipi,

Ho a me ka O-o,

O-o Kopala,

O-o Kope manamana,

Kipikua,a me

Na mea a pau e pili ana i ka waele aina,

Na Kaa Liilii, hao a me laau,

Pahi Oki Ko, Pahi Oki Laiki,

Pahi Kila Nui, Pahi Kila Liilii,

Koi Lipi, Koi Kalai,

Koi Hamare, Koi Kahi,

Au Koi, Ho, O-o, Kipikua, &c.,

Laka Puka, Pahu, Holoaa, &c.,

Pahiolo, Hamara, Kila, a me

Na mea a pau e pili ana i ka oihana kamana,

Na Pahi Umiumi a me na

Pahi Maoli o na ano a pau,

Na Ipukukui Aniani,

Me na Aniani makepono loa.

Na Pa-palai me na Ipu-ti,

Aiana Lole, a me

NA PENA O KELA A ME KEIA ANO!

Aila Vaniki,

Hulu Pena o na ano a pau,

Ahikoe Kaleponi

Ekolu Pena i ka Hapaha!

Pauda, Lu, Kukaepele Pu,

&c., &c., &c.

Nui loa ke uaku.

DILLINGHAM & CO.

2 6ms]             Alanui Alii, Helu 96 me 97.

OLELO HOOLAHA

PAPA, PAPA

AIA MA KAHI O

LEWERS & DICKSON!

(O LUI MA.)

MA KE KAHUA KAHIKO MA

Alanui Papu a me Moi!

E LOAA AI NA

Papa Nouaiki!

o kela a me keia ano.

Na Papa Nani a Paa no ke Kukulu

ana i na Hale!

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa.

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau.

Na Kui mai ke Nui a ka Makalii,

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano,

Na Aila Hoomaloo, he lehulehu wale,

Na Aina e ae o na ano a pau.

NA WAIVANIKI

---A ME NA---

WAI HOOHINUHINU NANI!

o na ano a pau loa.

NA BALAKI ANO NUI WALE!

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

--NO KA--

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai!  E na Makamaka!!

A e lawa no hoi ko oukou makemake

me ka oluolu a me ka maikai!

845 tf

KOPA KUKAEPELE

--A--

GLENN!

AOLE LUA NO KA HOOMAEMAE I KA ILI!

He mea hoopau i na eha,

Na Ili Puupuu,

A he hoomaemae i na mea ino,

A he hoopau Lumatika,

A he kopa auau no kaoi

O keia Kopa ka oi aku o ka mea maika

I waihoia mai imua o kanaka.

Aole wale no ka Hoopau ana i ka Huehue

lii Poha, Wela la, Luluaina, a me

na me e ae o ka Ili;

A ma ia holoi ana, o ka hoopalupalu pu kekahi i ka Ili, a keia

Laau Hoomaemae lua ole e hana ai.

O ka hoemi ana iho i na mai o ka Ili, a o

ke pale aku i ka mai mai na lole e na

Mai Lele, oia kekahi.  O na ohana

ame na poe makaikai, ina

e hoolako lakou

i keia

KOPA HOOMAEMAE LUA OLE!

ALAILA, UA LANAKILA LAKOU.

He hoopau i ka lehu o ke poo,

A he Kopa no hoi e kaohi mai ai

I ka lauoho mai ka hina ana.

Ua hooia nui mai na Kauka no ka maikai o keia Kopa!

E loaa no ma kahi o

                                                            M. MCINERNY.

Kihi o na Alanui Papu a me Kalepa                                                    840 3@@

OLELO HOOLAHA.

WAI!  WAI!!

O NA poe a pau no ka piu@ mai ko lakou @@@@ haawi ia kau nei ka lohe, mai keia la aku a hiki i ka @@@@@@ ia ana aku, e hoo@@@@ ana ka wai no ka @@@@@ mea ka@@ mai ka hora 6 a hiki i ka hora @ a @, mai ka hora 4 a hiki i ka hora 6 p m o kela a me keia la.

            No ka laumaki ku o na kumu wai i keia wa, nolaila, ka puna e malama @@ ka na @@@ Ua kauohaia ma makai e hoike mai i na poe a paa e kue ana i keia hooponopono ana, a e malama @@ ia ia kauoha mai keila la aku.

            O ka mea e kue ana i keia hoolaha.  e hele ana oia i kana pomaikai wai.

P LISHMAN

Luna Nui o ka Oihana Wai

Keena o ka Oihana Wai o Hoooiaia. 

Apooia: J MOTT SMITH

847 4ts Kahina Kalaiaina.

AHA KIEKIE O KO HAWAII PAEAINA, Oahu@@ Kau o January, A D 1878.  Makakoa w, ka mea hoopii oki mare, koe ia Kahai@la k, ka mea i hoopiiia.  Hoopii oki mare.

            Ma ka palapala hoopii i oleloia maluna no ke oki mare, ano na kauoha ia, o ka olelo hooholo e oki ana mai ka berita mare aku, e hookomo a ma ka moolele o ka Aha, mamuli o ka eono o Makakoa w, no ke kumu o ka moekolohe me ka haalele mau a haalele loa o Khaiola k, i oleloia, e lilo i mea paa mahope o na malama eono mai ka la i hoopaka ia ai keia olelo hooholo ke hanaia e like me na olelo maloko nei ke ole nae I ike ia ke kumu kupono e hoole ai.  A na kauohaia ka mea hoopii e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka@a aku i hoopukaia ai keia olelo kauoha; i mea e hiki ai i na mea, a pau i pili ke hoike mai iloko o na malama eono, ina he ku @@ ko lakou e hooko ole ia ai ia olelo hooholo a lilo i mea paa.

            NA KA AHA.            JNO E BARNARD, Kakauolelo.

Hanaia i keia la 7 o January A D 1878                       845 6t

Ke hoike aku nei au me ka oiaio, o na olelo a pau maluna ae oia no ke kope oiaio a pololei o ka olelo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie o ko Hawaii Paeaina.

            Kakuia ma Honolulu ko Hawaii Paeaina Feb 1, 1878.

                                                            JNO E BARNARD

                                                845 @@@                                          Kakauolelo o ka Aha Kiekie.

AHA KIEKIE o ko Hawaii Paeaina, Oahu SS.  Kau o January A D 1878.  Kane w, ka mea hoopii no ke Oki Mare, kue ia lauahi k, ka mea i hoopiiia.  Hoopii Oki Mare.

            Ma ka palapala hoopii i oleloia maluna no ke oki mare, ano ua kauohaia, o ka olelo hooholo e oi ana mai ka berita mare aku, e hookomoia ma ka moolelo o ka Aha, mamuli o ka aoao o Kane w, no ke kumu o ka moekolohe o Lauahi k. i oleloia.  e lilo i mea paa mahope o na malama eono mai ka la i hoopukaia ai keia olelo hooholo, ke hanaia e like me na olelo maloko nei, ke ole nae i ike ia ke komu kupono e hoole ai.  A ua kauohaia ka mea hoopii, e hoolaha i ke kope i hooiaioia o keia olelo kauoha, ma ka Hawaiian Gazette a me ke Kuokoa, i kela a me keia o na hebedoma eono; o ka hoolaha mua ana iloko o ka malama hookahi mai ka la aku i Loopukaia ai kela olelo kauoha; i mea e hiki ai i na mea a pau i pili ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa.

Na ka Aha:      JNO E BARNARD, Kakauolelo.

Hanaia i kela la 7 o January, A D 1878,

Honolulu, Oahu, @@

Ke hoike aku nei au me ka oiaio, he kope oiaio keia maluna, o ka palapala hoopii oki mare i kakauia ma ke keena oihana o ka Aha Kiekie o ko Hawaii Paeaina.

I hoike ia e ko ʻ u lima i keia la 31 o January, A D 1878.

                                                                        JNO E BARNARD

            843 6ts                                                            Kakauolelo o ka Aha Kiekie.

AHA KIEKIE O KO HAWAII PAEAINA, Oahu, @@, Kau o Januari, A D 1878.  January 11 1878.  Kapoluhi w, mea hoopii no ke oki mare, kue is Kui k, ka mea hoopiia.

            Ma ka hoolohe ana i ka hihia hoopii oki mare i oleloia maluna ae, ua kauohaia e ka Aha, o ka olelo hooholo e oki ana mai ka berita mare aku, e hookomo ia ma ka moolelo o ka aha, mamuli o ka aoao o Kapoluhi w, no ke kumu o ka haalele mau a haalele loa o Kui @, i oleloia, no ka manawa ekolu makahiki a oi, e lilo i mea paa mahope o na malama eono mai ka la i hoopuka ia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai  A ua kauohaia ka mea hoopii e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopuka ia ai ia olelo hooholo a lilo i mea paa.

Na ka Aha,

JNO E BARNARD, Kakauolelo,

Honolulu, Oahu @@

Ke hoike aku nei au me ka oiaio, o na olelo a pau maluna ʻ e oia no ke kope oiaio a pololei o ka olelo hooholo maluna a e waiho nei ma ke ke keena o ka Aha Kiekie o ko Hawaii Paeaina,

Hoikeia e ko ʻ u lima i keia la 24 o January, A D 1878.

JNO E BARNARD,

844 6ts                        Kakauolelo o ka Aha Kiekie.

HE PAPA KUHIKUHI MANAWA HOLO

--O KA--

MOKUAHI HAWAII

LIKELIKE!

KAPENA,::::SHEPHERD

Poalua, Feb 28, 5 pm...Hilo

Poalua, Mar 5, 5 pm...Kaalualu

Poalua, Mar 12, 5 pm...Hilo

Poalua, Mar 19, 5 pm...Kaalualu

Poalua, Mar 26, 5 pm...Kawaihae

Poalima, Mar 29, 5 pm...Nawiliwili

AOLE AIE NO NA UKU OHUA?

Ma ka Hale Oihana e loaa ʻ i na Palapala.

            Aole keena o hope e lilo, aia wale no a kaa mua mai ka uku moku.  Aole e ili ka hewa no na paiki, ukana a puolo paha, ke ole e kakauia ka loaa ana mai.  E @ okaaia ka uku ukana i ka wa e noiia aku ai.

SAMUEL G WILDER

(WAILA) Agena

Keena ma ka Hale Kuai Papa o Waila Ma, kihi o Alanui Papu a me Moiwahine.      840 2ms

WM.O. SMITH,

LOIO.

WAILUKU, MAUI.

Ua waiho oia i na Oihana Aupuni a pau a ua makaukau e lawelawe i ka Oihana

Loio me ke kuokoa [840 6m

E.O. HALL & SON.

(E.O. HOLO MA.)

NA MEA KUAI I NA MEA MAHIAI,

Na Lole, Na Pena, Na Aila, a me

Na ano Lako e ae a pau he lehulehu wale.

846      Kihi o Alanui Papu me Moi.   1y

Hoolaha Kuai a ka Lunahooponopono Waiwai.

MAMULI o ke kauoha a ka Hon. A. Fornander, Lunakanawai Kaapuni o Maui, e kuai aku no au ma ke kudala akea, i ka mea e koho kiekie mai ana.

Ma ke Kumukuai he @3 no ka Eka!

e hoomaka aku ai, ma ka hale i noho mua ia iho nei e HIKIAU, ma KAUPAKULUA, Hamakua, Maui, ke hiki aku i ka

La 28 o Feberuari, 1878, ma ka hora 12 o ke awakea,

I kela Apana Aina Waiwai Nui a pau

e waiho la

Ma Hamakualoa, Maui,

i kapaia ka inoa o

Kaupakulua!

            Nona ka ili he 1036 Eka, a oi aku i emi mai paha.  He Palapala sila a me ka Hoailona Pai Helu 771.

            He aina ululaau keia, kupono i ke kanu ko @ me ka hanai holoholona, a he kahawai e kahi mau ana, a malaila hoi i kukuluia ʻ i kekahi hale wili olopapa, no kekahi mau makahiki he umi i hala, me ka huila wai, i kapaia o ka

HALE OLO-PAPA O AWALAU!

            Ke pili pu mai la hoi na aina o Ulumalu a me Opana ma ka aoao Hema Hikina o keia aina, a o Haiku ma ka aoao Akau Komohana.

            E ikeia na mea a pau ma ka wa e kuai ai, no na mea i koe e ninau ia

J D Harekost,

            Lunahooponopono Waiwai o Hikiau o Hamakualoa mamua i make. 845 4t

KA NUPEPA

KUOKOA ME KE AU OKOE

I HUHA,

No ka Makahiki 82.  Eono Mahina. 81.

Dala Kuike ka Eula.

Maraki 2, 1878.

Hoolaha Mau.

            E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pule ae.

NU HOU KULOKO.

            O ka olelo hoolaha wai, i hoolaha ia i keia pule aku nei, ma kahi e olelo ana "paa" he hookahe ka pono.

            Ma ke ahiahi Poalua iho nei, ua kau aku la ke Kakauolelo o ka Papa Hawaii, maluna o ka Likelike no ka mokupuni o Keawe.

            Elua Haawina Kula Sabati o keia pule, no laila, ke kumu i kapae ia ai kekahi mau mea, a keia pule ae alaila hoopuka kau makou.

            Kii o Ka lua o Pele:--Ua ku i ka nani maoli ke kii o Kalua o Pele, a J K Nawahi i kakau ai.  Eia ke kau nei ma ka hale kuai buke o H M Wini.

           

            Ua poloai ia mai makou e hoike aku ua makemake ia, e akoakoa ae na lala a pau o ka Ahahui Poola ma ko lakou hale hui mau ma Peleula, i ka hora 7 1-2 o keia ahiahi.

           

            I Kahu Haole:--Ma ka hora 3 P M o ka Poaha iho nei, ua noho ke komike koloko e noonoo no ke noi a Waialua i Kahunapula haole ko lakou.  Ina e hooholo ke komike elike me ia noi alaila, o ke kahea no ia i kahi e loaa ai ke kumu.

            Halekuai mea ai hou.--Ua hoalaia iho nei he halekuai mea ai hou no Henery May ma, aia i ke Alanui Beritania, manae iho o ka pa o Keoni Mila, e nohoia nei e Makibine i keia wa, a ke aneane loa ae nei ua hale la e paa.

            Ua nani no.--Aole e li ʻ u wale na la, a hoolana ia aku ka mokuahi hou o Hopena iloo o ke kai, a he oiwi molale kona ke ike aku, aole loa hoi i nele ka haawi ia aku o na mahalo, a o kona mau enegini, ke hoonohonoho ia nei i keia manawa.  Ma ke kakahiaka nui Poakahi ae nei, e hoolana ia aku ai oia iloko o ke kai.

            Pani paa ia:--Ua pani ia ke alanui, makai ae o ka luakini o Kamoiliili, e na poe mea kuleana e pili ana ma ua alanui la, a ke hoa-a wale nei ka poe maloko i kahi e puka ai. O kela alanui mai ka Moi Kauikeaouli mai a hiki i keia wa a kahi no a pani ia.

            Pau ole ka Apa:--Iloko o kekahi ahiahi o keia pule, ua ikeia kekahi o na pilikoko o ke Alii C Kanaina, ua kalua i kekahi puaa kumulau kahiko, ma ke ano kanaenae i na aumakua.  Oiai, ua moe pono ole ka po i ke kuko nui i ka waiwai o ke alii, a nolaila, kalua ka puaa kumulau i lau ka loaa.  pau ole no hoi ke ano hoomau mana o kanaka.

            Ku hou iluna.--I keia mau la, ua ike iho makou ke hoomaka ae nei o J A Hopper, e hoomoali i ka lawelawe hana ma kana laina, a ke hoomaka mai nei kana enegini mahu e hihiu maloko o kona hale hana hou i hoalaia ae nei.  Ua koike houia mai ia makou, e hooakea aku ana oia i kana oihana, a like me ka wa i hola a oi aku paha, a he mea maopopo e hoolawaia mai ana kekahi o ko kakou mau lima lawelawe me na hana mai iaia mai.

            Kilakila no hoi!--He mau la helu wale no kow, a pau ae ko na lima hana lawelawe ana, no ka Banako hou o Bihopa ma, a hoolawa pono ia hoi ka lakou mau hana maiau.  Ke nana aku i kona kulana, ua hoike mai i kona kilakila a molalae, me he la.  "O halau Lahaina molale malu i ka ulu," a o na hookinonohi ana hoi aohe mea a ka manao e hoohalahala ai.

            Ua halawai mai nei me makou kekahi leta na D Kealahula o Koloa Kauia, e hoikeike mai ana no kekahi mau kumu pono ole o ke kohoia ana J Kauai i lunamakaainana no na apana o Koloa a me Lihue.  Eia hoi ka makou i ka makemake, e aho no e uumi malie iho, a noho ae ka Ahaolele, waiho pololei mai no i na kumu hoohalahala oiaio imua oia hale, a na ia hale no e keena mai i ka mea pono.

            Make hikiwawe.--Ua make hikiwawe loa kekahi kanaka ma ka Poaono i hala.  iaia e lawaia ana mawaho aku o kuaau ae nei, maluna o kona wahi waa.  He kanaka ma kekahi waa okoa e lawaia pu ana ma ia wahi hookahi i ike i keia poino.  a i ka holo ana aku a nana iho, aia hoi ua lele loa koiala hana, a ua hoihoi ia mai kona kino iuka nei.  Aloha no ia makamaka!

            Pakele ke ola.--Ma ke ahiahi Poalua iho nei, e hoi ana o Namomi ma ke alanui Nuuanu no Kailua Koolaupoko, a iaia i hiki aku ai mauka o Waipiula, aia hoi kekahi kanaka o Kaelemakula kona ino no Heeia o ka Pali Koolau no, e hoi ana mahope aku nei maluna o ka lio, ua hoopoluluhiia e ka wai hoanoe noonoo, a e hookele aku ana i ka holo o kona lio me ka noonoo ole, a o ko Namomi loaa aku la no ia i na kapuai o ka lio, a wala aku a waiho ana ilalo, me ka loohia o na palapu.  Ua hopuia ke kanaka hana noonoo ole e ke kaiko, a lawea ae i ka halewai.  Lono houia mai nei nae, ua hookuuia ua kanaka la malalo o ka bela.  He mea pono nae ka haawiia na hoopai a ke kanawai maluna o ka poe o keia ano.

            He wahi mikini maeu hou.--Aia ma ka hale hana ma ka po manae iho o ka luakini o Pelelewa, ua hoala ia ae nei he wahi mahu uuku, no ka oihana, hana moe, papakaukau, a me kekahi mau moe e ae e pili ana i na lako hale.  Ke kawewe nei kona mau enegini i keia mau la, a he poahi hoi ka ninau ana e kona mau huila, e hoike mai ana i ka holopono o na hana

            Ua Ukoi aku nei.--Ma ka holo ana aku o ka Likelike i ke ahiahia Poalua nei, no na awa ma ka hikina, ua huli hoi aku la na Kiaaina elua.  O ko na Hono o Piilani a me ko Hawaii o Keawe.  No kekahi manawa nae, a huli hoi hou mai no ka makua o ka moku o Kama.  a e hookahua hou ma ke alo alii nei, kahi ana i luakaha mua ai, no na makahiki loihi wale.

Nuhou o ko na Aina e!

Kaua Nui ma Europa.

Komo na Rusia i Konatinopela

Aa Rusia e Mokomoko me Beritania.

Komo na Aumoku Beritania ma ke Kowa o Dadenale a emi hope i Mudiana.

MAKE KA POPE PIO IX.

            Me ke ku ana mai o ka mokuahi Auseteralia, ua loaa mai na lono kaua a pau loa, a oia ka makou mau tausani poe heluhelu.

            Ua hiki mai nei ka lono mai Roma mai.  e olelo ana, aia aela na pualikaua o Rusia ma kahi he hookahi wale no la hele a kapalulu aku i Konatinopela.

            Aohe kanalua no ka holo ana aky o na aumoku kaua o Beritania ma Konatinopela.  no ka mea, ua hoao mai nei o Tureke a mawehe i kona pili makamaka ana me Enelani. ma ka hoole aku i ke komo ana mai o na aumoku Beritania i Konatinopela, a e pau paha uanei kona mau moku i ka hopu e ko Beritania me ka nana ole ae i na pono.  Aole keia he mea pohihihi oiai he poe Beritania kekahi hapanui o na ahimoku haahaa o na aumoku Tureke, a noia kumu, ua nonoi aku nei na mana Aupuni o Tureke.  e hoopauia na aliimoku o na Aupuni e  O ke kumu hoi o keia hoole ana aku o Tureke, no ka hopohopo o ke Suletana o komo koke mai na pualikaua o Rusia iloko o Konatinopela, ina e komo mai ana na mokukaua Beritania, a ke kukakuka ia no ka aeia mai e hookomo aku.  Aia aela hoi na aumoku kaua o Beritania ma ke kaikuono o Besika, e kakali ana no ka hopena o keia mau kukakuka ana.

            Ua hiki mai ka lono pili Aupuni hope loa mai Aderinopole, e hoike ana ua maopopo na mea a pau, mawaena o na elele Tureke, a me ko na Rusia mau wahi hoomoana.

            Ua hooko-o maila na Tureke i ko lakou pili maloko o na kulanakauhale o Widina, Rusetaka, Siliseteria, Belagerasideka a Ezerouma, a ua puhee nui aku la hoi mai na laina aku o Rukuka--Kekemeka, a hiki i ka laina mai Kirikuku--Kekemeka a i Akeleunera.

            Ua loaa mai ka hoike mai Konatinopela mai, e olelo ana: Ua kono mai la ke Suletana, i ke Duke Nui Nikola, e hele aku ma Konatinopela e hoonanea ai i kekahi mau la.  E hele aku ana hoi o Saleveta a me Sadeka Pasha i Aderianopole.  no ke kuka ana no ke kuikahi me na Kanela Igenatilla a me Nelidofu o Rusia.

            Aohe pane i loaa mai no ka palapala i hoounaia aku ai ia Haku Lufetusa, e kauoha aku ana iaia, e nonoi aku i ka oluolu o ke aupuni o ka Emepera Rusia, aole hoi e komo aku na Rikini iloko o Konatinopela mamuli o ka hanohano o ka oihana kaua, aka ma ke ano kupono wale no.

            Ua hiki mai ka lohe pili aupuni penei: Ua hoike ae ke Keiki Alii Gotekakofa, no ka lonoia ana ae, e hoouna mai ana o Beritania a me kekahi mau mana e ae, i ko lakou mau aumoku kaua ma Konatinopela, no ka malama ana i ka maluhia o ko lakou mau makaainana ponoi, ua kono puia mai hoi o Rusia ma ia ano e makaala pono aku no ka hoomalu ana i na Kristiano, no lakou na waiwai a me na ola e hooweliweliia aku ana.

            Ua hoikeia aku nei na kauoha i ke Duke Nui Nikola, no na mea e pili ana i kela mau hoakaaka a ke Keiki Alii Gotekahofa.

            He lehule wale na nupepa i hoaiai ae, no ka Bisimaka mau hoike o ka makahiki i hala e olelo ana, e haawi no o Geremania i kona mau hooikaika ana a pau, no kela ninau nui o ka Hikina, i mea e hookupaaia ia ka maluhia.  Ua olelo ae ua mau nupepa nei, o Geremania wale no ka mana i kupono ke komo mai a hoopau i keia mau kukahalake, ma o ka ikaika oi aku o kona mau pualikaua a mana hoi i hihi ke hooko i ka hana me ka wiwo ole, maluna o kekahi mana e ae, e hoio ana e hookuu aku i ke kani mua loa o kana pu.

            Ua maopopo e komo aku ana ke Duke Nui Nikola, iloko o Konatinopela me kekahi hapa o kona pualikaua, ma ke ano he malihini kipa mai, a he makamaka hoi no ka lahui Tureke, me ka ae waipa-he loa mai hoi o ke Suletana.  O ke komo ana mai hoi o na aumoku kaua Beritania ma ke Dadenala, mamua ae o ka puka ana mai o ka haina no na kuka kapae kaua, ua olelo ia me ka hookaulua ole iho, ko Rusia hoike ana aku i kona manao aa i ke kaua me Beritania.  A ua hoike akea ae hoi na alii koa Rukini penei: Ina e hoomaka hou ana makou i ka hookuu ana i na ikaika, aole loa he mea e hiki ke hopakele ae ia Konstinopela mai o makou aku, aole loa hoi e koe kekahi pohaku maluna o kekahi.

            I ke hiki ana ae o ka lono i Sana Peterobora, aia na aumoku kaua Beritania ma Konstinopela, aole i kaemai ka piha o na makaainana Rukini i ka inaina.  Ke kahea leo nui mai nei ka lahui o Rusia e kaua me Enelani.  Ke puahi nei ka Rusia mau hoomakaukau kaua ma (Cronstadt) Ceronasedate, no ka hoouna aku i na pualikaua pekui a me na lako i Konstinopela, ma ke ala ae o ke kai Eleele.

            Ma ka hoomaopopo ana a poe naauao, o Rusia a me kona mau pualikaua, i hele a keekeehi kulana ma ka hoonua o Tureke ua oi loa aku la mamua o ka mea hiki ia Enelani.  ke manao mai e mokomoko mai ma ka aina.  Ina he manaoio ko Enelani e kaua mai ia Rusia ma ka nee ana aku mahope o kona mau moku kaua a me na aumoku lawe koa a me na lako hoi, ua hiki pono loa ia Rusia ke haawi aku i ka poino maluna o kona mau moku hao, mamua ae o ka manawa e hiki ai ke lawe ia mai kona mau koa ma ke kulana maikai.  He wahi manawa iki wale no.  a ua hiki ia Rusia ke olokea ae i ke kowa me na (torpedoes) mea hoop@@@@ hiki ole ai i na @@@@ @@@@@ ke hookomo aku, me ke hoohana ole ia o na puali pukaa ma uka mai.  Ua hoopilikia pala hoi ko Enelani pono kalepa nui, a ma loia a me Aigupita, ke ku kohana wale nei oia aohe hoa, a ke imi aku nei hoi o Tureke i malu nona, malalo o kona enemi lanakila.

            Ua emi hope hou aku la na aumoku kaua Beritania, ma ke kaikuono o Mudiana, he 40 mile ma ka hema aku o Konstinopela.  O kela emi hope ana, o na aumoku kaua Beritania, i moa e akahele maikai ai na kukakuka ana, i ole ai hoi e olali hikiwawe aku na Rukini iloko o Konstinopela.

            I hakalia wale no ke kuikahi, no keia ooloko o Rusia me Enelani.  Ke launa leia aloha mau nei ke Suletana me ka Emepera.  Ua manaoia e kakau inoa ia ana ke kuikahi e ka Ahaolelo iloko o na pule elua a ekolu paha.

            Ua maopopo i ka nupepa Makaikai, ua hoike aku nei o Rusia ia Enelani, he mea pono ke komo pu mai o Amerika ma ke kuka ana no ke kuikahi maloko o ka Ahaolelo, ma ke ano, oia kekahi mana ikaika ma ka moana.

            Aole i kue iki aku o Enelani, aka, ua waiho aku la oia i kana noi, o Helena hoi kekahi e aeia aku e komo pu mai.

            Ke holopono ke kuikahi, alaila, e haalele aku ana na pualikaua o Rusia ia Roumelia, ke ole nae o Beritania e hoonana hou mai.  Aia oi ma ka poholima o Rusia, ke paaia nei na koa pio o Tureke he 120,000 ke nui, me na kenela he 20, a me na pukuniahi he 1,000 iloko o keia au kaua.

            Ke ku nei o Rusia me ka makaukau loa, a o Enelani aole i makaukau pono.

            E olelo ana kekahi lono kuikawa mai Parisa mai penei: Ua hoikeia ae malaila, ke komo ana aku o kekahi hapa o na pualikaua me na Elele Rukini iloko o Konstinopela.

            E olelo ana hoi kekahi lono telegarama mai Atenai, ua hoike ae na Mana Aupuni o Tureke, e haawiia aku no ke kauoha i kona mau pakaua ma na kapa o ke kowa o Dadenale, e kipa aku maluna o na aumoku kaua o Beritania, ke hoao lakou e komo mai iloko o Konstinopela.

KA MAKE ANA O KA POPE PIO IX.

            Ua make o Pio IX, ka Pope makua o ka Ekalesia Katolika Roma, ma ka la 7 o Feberuari, hora 7 me 5 minute P M

            He 31 makahiki a me na mahina 7 a me 21 la kona noho Pope ana,--ua oi aku kona nohoala ana mamua o Sana Petero, he 6 makahiki.  He 31 makahiki i hala aku nei, ua akoakoa ae ka Aha Kadinale maloko o ka Halealii o ka Pope ma Roma, no ke koho ana i panihakahaka no Gerigore XVI., ka Pope i make ma ka la 1 o Feberuari, a he 31 makahiki o ka la 17 o Iune, A D 1846, ua koho ia o Kadinela Ciovanni Maria Mastai Ferretti i Pope, a ma ka la 21 o Iune, ua hoopapale ia oia me ke kalaunu a kau hoi me ka nohoalii o ka Pope, a kapaia kona inoa oihana kahuna o Pio IX.  O ka 237 ia o na Pope.

            Ua hanau oia ma Sinigagalia, Italia, ma ka la 13 o Mei, A D 1792, he alii kona makuakane oia hoi o Count Mastai Ferretti.  Ua hoonaauao nui ia oia ma na mea e pili ana i ka ekalesia, a ma ka A D 1819, ae oia e lawelawe i ka oihana kahuna.

NA HANAU

            Jan. 14, 1878.  Ma Wailuku, Maui, hanau o Hattie Kalihilihi, na Rev. J M Kealoha me Julia Maraea.

            Jan. 29, 1878, Ma Kamoiliili, Oahu, hanau he keikikane, na J Kua a me Mrs. P Kua

            Jan. 24, 1878, Ma Kaipuhaa, W Kohala Hawaii, ua hanau mai he kaikamahine na Mrs. Ana P Kamai, o Wailehua Kauialoleo ka inoa.

            Feb. 16, 1878.  Ma Waikahalulu, Honolulu, hanau he kaikamahine na Jos. Aea me Carrie K Aea.

NA MARE

            Jan. 2, 1878.  Ma Mahukona, W Kohala Hawaii, mare ia e Rev. S. O. Luhiau o Kahaunaele me Ana Palaualelo.

            Feb. 16, 1878.  Ma Kaipuhaa, Kohala Hawaii, mare ia e Rev.-----o Mr. A B Rowe, me Miss kapika Wailehua Luhiau, oia ke kaikamahine hiapo a kamalei hookahi a ka Rev S C Luhiau

NA MAKE

            Dek. 14, 1877.  Ma Mahana, Lanai, make o Puhene w. he mai poke ka mai i make ai.

            Dek. 25, 1877.  Ma Kaunolu, Lanai, make o Keamo k., he eha ma ka a-i ka mai i make ai.

            Dek. 29, 1877.  Ma Kealia, Lanai, make o Kawelu w., he mai pake kona mai i make ai.

            Jan. 11, 1878.  Ma Honoipu, Kohala, make emoole o Kahaleokaia k, he luaikoko, ka mai, he 30 a oi kona mau makahiki.

            Jan. 14, 1878.  Ma Kamano, Kohala, Hawaii, make o Kameeiamoku k, he opio, kokoke 20 makahiki, ua kaa mai loihi.

            Feb. 4, 1878. Ma Opea, Hilo, make o Kalai w, he 45 kona mau makahiki.

            Feb. 17, 1878.  Ma Hakalau, make o Nalu k, he 95 kona mau makahiki.