Ka Nupepa Kuokoa, Volume XVII, Number 7, 16 Pepeluali 1878 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XVII. HELU 7.)         POAONO, FEBERUARI 16, 1878   (NA HELU A PAU 846.

 

Pull For The Shore

Gospel Songs p66.

1

Hoe ikaika,sela, kokoke ao.

Mae ae o nalu, he awa mau

Ino ka holo, sela, ane nae a pau.

Ea ae me ka waapaa, sela hoe a mau.

 

 Cho.  Hoe a mau, sela, hoe a mau

Pii no na nalu e, e hoe nae a mau.

Ee ma ka waapaa, sela, oia hoi Iesu.

Pili ia ia, pili paa a hoe a mau.

2

Ee ma ka waapaa, sela, waa ola nei.

Kaa main a nalu e, a ino ke kai

Nou na makani nei, aole makau.

Nana i ka Hokuao, a hoe a mau.

Cho.  Hoe a mau, sela, hoe a mao, Sec.

3

Poha ka lama, sela, nana i o;

Hee ae ka pouli e, ua ao loa no.

Pae e ka waapaa, sela, mele a mau.

Nani haleluia e, ua poe ola no.

                        Hawaii

 

 

KA

NANEA EEHIA

O KA HIWAHIWA OPIO

ABEONA

KE KEIKI

ALII O KO KE AUPUNI TEROGINA

NA MEA 1

HANAUIA ME KA UMAUMA AHI

LAPALAPA O KA WIWOOLE,

KA WALI WAIPAHE

Nana i kaili ka Puuwai Kupaa o ke

KAMA ALIIWAHINE

MARIADANE.

----Ka----

OPUU PUNAHELE LUA OLE A MA

MOI MINOSA, O KE

AUPUNI KUPUA O KARETE.

 

MOKUNA 1—Helu 7.

 

            Ano, ua mao ae la na ao eleele o ka luuluu mai ka houpo ae ao ke koa opio, ua haule iho ia kona enemi, ka mea hoe ana i ae ai e paio, ke kumu nui o kona haalele ana’ku i na aekai o ka aina nona na makaainana i ae e ukali mai mahope ona, a i pule ae ai hoi i na kalokalo hoa’lohaloha a kona makua.  Waiho iho la ke kino oni ole e ua kupua nei i ka honua me kona hopena weliweli, e ku iho la o Abeona one knoa hiona koa a pau, e hauoli ana iloko iho ona no ke ko ana o kona mua iini, a nalo ke kumu hoomainoino nui o ka lahui kanaka o kona makua.  Kalele iho la ia maluna o kona pahikaua, kulou iho la kona mau maka maluna o ka hopena o kona hoa paio a pane iho la me na huaolelo i maa i ke kuluna o ka poe noa, penei.

 

“Aloha! Aloha ke kino, aloha ka hanu, a aloha ka uhane ina he uhane io kou.  Ua mahalo ia ka Mana Lani no kana mau hana a pau, a e hoomaikai ia oia no kahoomakaukau ana i keia ilihonua nui a palahalaha no ka hoolawa ana i na makemake o kela a me keia mea a kona manao i hooko ai.  He oiaio, ua hanau ia paha ae e ka honua i lilo ai i mea lia makau no kahi poe, a i ka ike ana o ka Haku i koa hehi ana mawaho aku o na poai o ka mea pono ia oe e hana, aia hoi, ua oluolu i kona lokomaikai e hooula ae ia Abeona, a e lilo oia i pahu hopuna, no kau mau hana,

i kumu no kou hopena, a i lanakila hela ole maluna no.  E na maoa kiekie, ke kukuli iho nei kau keuwa a ke haliu aku nei kana maa hoomaikai piha ana, malalo aku o ka noho lamaku hemolele.”

 

Haule iho la ia maluna o kona mau kuli, haliu ae la kon mau maka iluna, a me ka leo eehia i haawi ae ai na mapuna leo pule o ka manaoio a me ka hilinai kaoo i ke kokua hookahi nana i hoolanakila inia maluna o keia hupua ino.

I ka pau ana o keia mau hoomaikai ana, oia hoe, huki hou aku la no ka ui Mariadane i ka lopi silica, holo ae ia ke anuanu maele hoomanao ana iloko o na aa koni o ke keiki ui onohi la a huli hoi aku la oia ine ka owili ana i ka lopi a me ka ukali pu ana e like me ka Mariadane mea i kauoha mua ai iaia.

 

Ukali aku la keia e hoea ana i kahi ana i haalele aku ai ia Mariadane, a malalo o ka awihi hoolu ana iho a ka malamalama o ke alii wahine mahina o ka po, hoomaupopo loa aku la no keia i ka holo ana mai o Mariadane me na maka i piha i na kulu wai liula o ka hauoli, apo mai la i

kona mau lima i ko ia nei ai, a hoopa mai la i kona mau lehelehe meli momona i ko ia nei papalina pua rose lani palupalu, a hoomaupopo mua loa iho la o Abeona i ke ano e mawaena o ka nohea o ka honi a kona makuahine me ka mau onaona o ka honi o kekahi kaikamahine opuu opiopio.

 

“He oiaio anei ka’u e ike nei, a he oiaio hoi ua haule pio ke kupua malalo ou e ke alii?” wahi a Mariadane, me ka hiki ole ke hooiaio koke iho i ka ike a kona mau maka.

 

Aole kau he moeuhane e ka ui nani o Karete o ka he oiaio kau e ike mai nei, a ua hala ole hoi ka oi o ka’u makakila i ka hooko ana i ka wanana a ko’u mau iii i lia mua ai.  A ano ke hoomaikai palena ole aku nei au imua ou, oi ai, mamuli o kau mau kokua, ua hiki ia’u ke pane ae, ua Lanakila keia oiwi malua o ke kupua i wiwo mau ia i.”

 

“Aohe au mau hoomaikai ia’u e ke koa opio, aka, owau a me ka lahui kanaka kai aie nui ia oe no ka hoopakele ia nana main a weliweli a keia kupua.  Aka au hea oe, ua Lanakila ae la oe maluna o keia pilikia, ka mea hoi au i hopo ma @, ole ana, aka, aole keia o ka hopena.  Aole keia o kou Lanakila loa ana, aka, eia aku no ua make ou.  I ke kakahiaka o kala e hiki mai ana, mahope koke ilio okeia wehewehekaino a kaua a kamailio nei, e hoea aku ana ka lohe imua o kuu makuakane no kamake a kana puna hele, alaila e piha loa ano aoia i ka inaina a aole loa e pau, aia wale no a he loaa no ka mea nana i pepehi, a kau ia ka hoopai maluna ona, alaila pau kona inaina.  A no laila, oi ui ua ko iho la kou makemake, ilaila, ke noi aku nei au ia oe e hele aku kaua a e hoala i ka hiamoe o kou poe alo kai, a e hele aku oukou a kau maluna o ka moku, ae huli hoi aku i ko oukou home.  E wiki; e awiwi, oi ai ua hoomaka na ouli kai ao o ka lewa e nalo, a okuku mai  na o maka o ka malamalama o na kukuna o ka la,”  o keia iho la ka Mariadane mau olelo.

 

E ka mea heluahelu, ua hiki no paha ia oe me ka mea kakau ke hoomaopopo iho, ua punia ia na aakoko palupalu a paa o ko Mariadane oiwi nani me ke aloha no Abeona.  No ka mea ua haalele oia i ka manao ana no ka punahele a kona makua oia hoi ke kupua, a ua ko kua oia ia Abeona i ka imi ana i wahi nona e Lanakila ai.  A aole no hoi oia i makemake iki ia Abeona e noho iho maluna o ka lepo o Karete i hookah sekona, no ka mea, ua maopopo iaia, ekau mai ana maluna o keia koa opio ka hopena poino.

 

Aka, iloko o ka Mariadane mau noi hooikaika ana a me kaa mau kamailio hoalohaloha, ua lawe mai no ka hakou koa me ka olu nawe malie, a e ike kakou i kana pane no ka Mariadane mau kamailio ana, a ke noi e ae nei au i na makamaka, mai makahehi iaia no ka mea, ua hoao mua ia e ka mea kakau moolelo o ke kuo Kuokoa, a ua lilo he ipo ma kea no hoaloha oiaio.

 

“E ka mea i hanauia he momi, mai ae i kou mau lehelehe e hoopuka mai i na kamaiio ana o keia ano.  No ka mea ua ike au i kekahi momi maka mae, a pehea e hiki ai ia’u ke hele aku me ka hualele i ho ia nani mahope o’u?  E ke kaikamahine opio, ina e lilo ka po i malamalama, a o ka malamalama hoi i pouli, aole loa e ae ka puuwai o Abeona i hanauia me ka ano ano o ka wiwo ole e huli hoi malu aku mai ke kahua kaua mahope iho o kona lanakila ana maluna o kona hoapaio.  A oiai ua lanakila au maluna o ka mea weliweli i wiwo ia, me he la, ma ke pana ana a ha io a me na aa o ko’u kino mailuna a lalo, e i ae ana, he mau hoike oiaio makou, e lanakila ana oe maluna ona hoapaio a pau e ku moi ana imua o kou alo, a e lawe haaheo aku hoi i ka momi, o Karete i pua hoonani no na aupuni o kou makua a me kou kupuna i hoolina ia ia oe.  Nolaila ke au nei au e noho, a na ka la apopo e hoea mai ine kana mau hana kou.  A mamua o ko kaua kaawale ana, ke hai aku nei au ia oe i ko’u makemake, me ke noi aku i koa oluolu ehooko aku ke hiki mai ka Manawa.  Ina e ninau kou makoa i ka mea nana i pepehi i ke kupua, e hai aku no oe, na ka lima ikaika o Abeona mamuli o ka oi hala ole o kana makakila.  A i kau mai ka pilikia maluna ou, e hoomanao oe, eia mau au malalo o kau mau kauoha i na wa apau, a e ae hoi e haule malalo o na kapuai o ka nake ina he kumu hoopakele ia ikou ola.  E hoi oe, a e ukali aku na moeuhane hiolai ia oe a e hooluolu maluna o kou wahi moe o ka po, a e kiai maluhia ia oe.  E hoomanao no no lono e hoea aku ana imua ou, a mai poina ia Abeona.”

 

E ninau iho oe e ka mea heluhelu, heaha iho ia la ko Mariadane ano ia manawa, a hehea hoi na pana ana a kona houpo.  He mea hiki ole paha ke hai ia.  I kona lohe ana i neia mau huaolelo koa i awili ia me ka we pahe!  I kona ike ana aku hoi a hoomaopopo i ke kulana o ka mea imua o kona maka, ua hoalulu iho la kona mau ami a puni, holopani aela ka maeele a ano nae iki kea ho i ka u a mea o ka haehae ia o loko e na kuikele hoeha puuwai.

 

Ike iho la o Mariadane he mea makehewa wale no ke koi ana mai ia Abeona, nolaila, ua hoopau ae la ia.  Mahope iho o ko laua aloha ana, huli hoi aku la ia i ka hale alii me ka naau kaumaha, no ka mea ua paa iho la kona mamao e pilikia  @ o ka inaina o ka Moi.  O Abeona hoi huli hoi aku la ia i kahi a kona mau hoa e hiolani ana.

 

I kona hiki ana’ku i ka ipuka o ua rumi nei, i ke aku la ia i ke koa ki ai ua pauhia loa ia i ka hiamoe, no laila, hele hini malie aku la ia a hiki i kahi a ua koa nei moe ana, wehe malie ae la i kana mau mea make a pau, a kaei ne ia ma kona puhaka.  I keia manawa, ua nele iho la ua ko kiai nei me na pono kaua a ua pau mai la i ka lilo ke koa opio.  Hoaa aku la o Abeona iaia ma ka hooluliluli ana’ku, a puoho ae la ke kiai me ka hikilele nui a ku ae la iluna, a pane mai la me ka leo kalakala.”  O wai ke komohewa o oe?”  me ka hapapa koke ana iho o na lima i kana pahikaua, aka hoomaopopo koke iho la nae ia ua neo kona kino, a e ku olohelohe ana imua o la o Abeona me ka leo mana me ka hoohene iki o kana aka.

 

“O ka mea nana i hoonele aku nei ia oe me kou mau pono kaua, nona hoi ka manao aloha o ka hoala ana’ku nei ia oe a pakele ai mai ka hoopau a na alii kiai o ka po.  Ano, e kau ae kou mau lima iluna a e hoolohe mai i keia me ka pane lea ole mai a me ka oni ole.”

 

Huki ae la o Abeona i kena pahi kaua a paa iho la me ka makaukau.  “Ma ike au ua maluhiluhi oe, a ua kau aku na eheu o ka makahiamoe maluna ou, nolaila, ua oluolu au e hookuu aku ia oe mai kau hana aku, a e hoi aku oe a moe ma ko’u wahi mawaena o ka poe i hoopaa hao ia, a e loaa ia oe ka hanohano o kalilo ana i pani no Abeona, ka mea, hanauia me kau wahi kulu ole o ka hiopo; a o Abeona nei hoi, e lilo oia i kauwa mau, a e kiai makaala no ko oukou maluhia.

 

Ua noke mai la ke koa i ke kamailio me ka mihi ana e noi mai ana e kala ia ku oia, no ka mea aia wale no oia malalo o na kauoha a ka Moi, a aole hoi no kona makemake wale io, a ke lohe aku ka Moi no keia mea, o kona make ana no ka hopena.  Aka, ua hooia aku o Abeona nana e hoopakele iaia mai na hoopai ae a o ka hoolohe wale no kana i na kauoha.  Ua maopopo i ua wahi koa nei aohe ana wahi pala i koe, hookahi wale no wahi i koe ana e hana aku ai oia ka hoolohe ana i na kauoha a ka mea iaia ka ikaika a me ka mana ia namawa.  Nolaila, ua hooko aku la oia i ke kauoha a Abeona.

 

Wehe ae la o Abeona i kona aehu a haawi aku la i ke koa kiai, a o ka aahu koa o ua kiai nei komo iho la keia, a ke nana aku ia laua, ma lilo ae la ke koa ma na ano a pau o Abeona, a o Abeona hoi ke koa kiai.

 

Ua hoomanawanui o Abeona i ke ala ana ia po me ka piliole o kona mau lihilihi, me ka maluhiluhi nui, o kona kino i ka paio pu ana a lanakila hoi maluna o ka ikaika o ke kupua; uo ka mea, ua maopopo iaia aia ma ka hoomanawanui ana e pakele ai lakou.

 

I ke kani ana o ka hora 5 o ke kakahiaka, mahope iki iho hoi o ko ia nei laka ana aku i ka puka o ka rumi paahao a paa na mea a pau iloko, aia hoi, ua lohe aku la ia i ka owe ana mai o no kapuai wawae o kekahi mea a hele mai ana i one la.  Aole no i liuliu ko ia nei kali ana me ka makaukau a ku ana kekahi o no alii koa kiai imua ona.  Ua aahu ia oia me na aahu hanohano piha o ke koa, e pulelo ana ka hulu hoailona koa o ke kahua kaua maluna o kona papale, a e kaei ana kekahi pahikaua nui ma kekahi aoao o kona puhaka. O kona oiwi mailuna a lalo, ua oi ae ka nui puipui mamua o ka ui o Terogina, a e hoike mai ana kona mau ami ua hoonoho ka ikaika maluna o kona hokua.  Aka, o ke kilakila a me ka hanohanoo ke kulana, aole loa e hiki ke hoopa aku ma nahila o ke kamaa o ka kakou mililani.

 

No ke ano pouliuli iki no, aole e hiki i ui alii koa nei ke hoomaopopo lea mai i ka helehelena o ke kanaka e ku aku nei imua ona, a pa manao pua iho la no ia o ke koa kiai no.  Pane mai la oia e like make ano mau o na alii koa.

 

“E ke kia, heaha kau hoike no ka po i hala’e niu na mea pili i kau oihana?”

 

“Ua hauoli ke kiai i ka hai ana’ku ua hoopono na hana a pau o ka po me ka @ hia;” wahi a Abeona i hai aku ai. @ ia o ka makemake o ke alii ka Moi.  I ka hoomaka ana’e o na kukuna la maluna o na pae kuahiwi ma ka hikina, ua oluoluka moi e lawe ia’ku na pio imua o kana punahele no kona aina kakahiaka.”  Wahi a ke kiai.

 

            “I ka o maka ana’e o na kukuna la maluna o na poe kuahiwi maka hikina, e hooko hala ole ai ke kauwa nei i ka makemake o ke alii ka Moi.”  Wahi a Abeona.

 

            “”E hoolohe a e malama i ke kauoha o kau ka hoopai o ka make mauna ou.”  A puka aku la ua alii koa nei ahele

 

            No keia mau mea, ha wale ae la no ka aka iloko o Abeona, me ke kahaha ana iho. “Ina io o keia ke ano o na koa kiai o ke alo o ka Moi o Karet Alaila, me he ia he mau ouli hiki mua keia e hooia mai ana, i keia la e hanakila holookoa’i ka mamo o na ae kai o Terogina maluna o keia pukoa lae aa.”

 

            Wili ae la ia me ka oniu ana i kana pahikaua, a honi iho la, a me he la, o ka piha mua loa ana ia o kona mau na me ka mahu wela o ka puuwai wiwo ole, a o ka pii ikaika anahoi a ka ula wena ahi lapalapa o ka manao koa iloko o kona puuwai.

 

            E kuu hoa alo make.” Wahi ana i kaukau iho ai i kana pahi kaua.  “Ua hooikaika pu kaua i na pililoa i hala’e, a ua hooiaio ia kou kupaa mahope o’u a me ko’u kupaa hoi mahope ou ke noi ne au ia kaua, e hooi loa ia ka pili paa oia kulana mawaena o kaua, a e hele muai ke alo o na enemi a inu i ke koko o ka lanakila ai ole e moni i ka hua o ka make.  I keia la e loaa’i ko kaua hopena no ka wa pau ole, oia ka Lanakila, a i ole o ke pio.  Nolaila, ke aa nei ko’u mau aa e paio aku me ka poe a pau e kue mai ana ia Abeona, ka mea i helemai e pepehi i ke kupua ino a hoopakele ae i na kanaka hewa ole, a o ka Mana Lani ko kakou alakai a me ko kakou palekaua.”

                                                                                                            (Aole I pau.)

 

Ua haalele iho la kekahi puali Tureke he 70,000 ka nui i na kulana hoopale huinaha a hele aku la no Aderianopole.

 

Ua lilopio maila o Ake, Palameka, Lekonivateka, a me Kuremaka, malalo o ka mana o na pualikaua o Serevia, a helehuhu ioa aku la maluna o ka muliwai o Morava, ke hoomaka nui aku nei hoi, e hoolei poka pahu maluaa o Niseka.

 

O ka wehe ko keia ana oka Ahaolelo o Beretania, ka mea nana e hookanaho iki mai nei i na manao koo’u o na mana Tureke, o keia kaua.  Ua ala hou mai na manmao haanui o na Tureke, maloko o Konatinopela.

 

                                    PAPA HOIKE MANAWA

                                                No Na

                        Mea Kaulana Iloko o ka Moolelo

                                                Hawaii

 

1860 Kukuluia ka Haie Date hou o ke Aupuni ma Honolulu nei.

 

Mei 5, Hiki mai na Elele o ke Aupuni o Lapana io kakau nei, ma ko lakou alahele i Amerika Huipuia.

 

Iolai 17, Waihoia ka pohaku kihi oka hale mai Moi wahine.

 

Aug 29, Holo ke Alii Lota Kamehameha i Kalefoni.

 

Sept. 5, Ku mai ka mokuahi Kilauea mai Nu Ladana Amerika mai, a hoomaka i ka holoholo pili aina ana mawaena o ko kakou nei mau mokupuni.

 

Sept 23, Make o Limaikaika ma Honolulu he Kuhina Aopalapala.

 

Hooholoia ke Kanawai no ka hoomama ana i na kaumaha.

 

1863 Nov 30, Make ka Moi Kamehameha IV, iloko o ka 29 makahiki, 9 malama a me na la 21 o kona ola ana, a lilo ka noho alii ia Lota Kamehameha, oia o Kamehameha V.

 

1864 Maraki 20, hounaia ka Hon. E.H. Allen ma Wasinetona no ka imi ana i ke Kuikahi Panailike.

 

Mei 5, Kaheaia ka Aha Elele e ka Moi Kamehameha V no ka hoololi ana i ke Kumukanawai.

 

Iulai 7, Weheia ka Aha Elele hoololi Kumukanawai.

 

Aug. 13, Hoopauia ka Aha Elele e ka Moi.

 

Aug 20, Haawi mai la o Kamehameha V i ke Kumukanawai hou.

 

Make o L. Haalelea

 

Okatoba 19, make o R.D. Wyllie ke Kuhina no ko na aina e i ke 67 o kona mau makahiki.

 

Hoopuka mua ia ka nupepa Hawaiian Gazette.

 

Holo ka Moiwahine Kanemake Emma i ka makaikai i Europa a me Amerika mai Kalefone mai.

 

Mei 29, Make Ka Mea Kiekie Victoria Kamamalu iloko o ka 27 Makahiki, 6 malama, a me na la he 29 o kona ola ana.

 

Iulai 20, Make o J. Dudoit I ka pepehi ia, he Kane Kela Farani oia mamua.

 

Okatoba 22, Hoi mai ka Moiwahine Emma.

 

Hooikaika hou ia ka imi ana i ke Kuikahi Panailike me Arerike Huipuia, a o ka Hon. C.C. Harris ke Komisina i hoouna ia, a mahope aku hoi o Dr. J. Mott Smith.

 

Maraki 12, Make o G.M. Lopikana, ke kokua Lunakanawai Mua o ka Ahe Kiekie I ke 47 o kona mau makahiki.

 

1868 Hoomakaia ka haunaele a kaona ma kona, a pepehia o Neville Ka Hope Makai Nui.

 

Aperila 2, He olai nui ma ka mokupuni o Hawaii, me ke kai hoee me Kau a he nui na ola ipoino.

 

Aperila 7, Hu ka pele o Mauna Loa, a kahe aku la mawaena o Kahuku, a hiki ma ka lae hema loa o Hawaii.

 

Nov. 4, Make Ka Mea Kiekie Mataio Kakuanaoa i ke 75 o kona mau makahiki, he makuakane no na Moi Kamehameha IV a me Kamehameha V.

 

Aperila 9, Hookumuia ka Ahahui Hoole Waiona I kapaia ka Ultima Thule No. 1.

 

Iulai 21, Hiki mai ka Mea Kiekie Alfred Ernest ke Duke o Edineboro, ma kona kulana he Kapena no ka moku kaua Galatara.

 

Aug. 2, Ho aia ka ipukukui hoomalamalama no ke awa o Honolulu.

 

1870 Aperila 4, weheia ka hauoli nui Iubile ma Honolulu, no ka Pae mua loa ana mai o na Misionari ma Hawaii nei.

 

Aperila 19, Ku mai ka mokuahi Wonga Wonga mai Kikane mai, no ka Ahahui Hooholo mokuahi o Auseteralia a me Kalefoni.

 

June 16, Ku mai ka aumoku kaua Beritania mai Victoria mai, ma ke alahele no Valaperaiso.

 

Make ka Moiwahine Kanemake Kalama Honolulu, wahine a Kamehameha III.

 

1871 Aperila 16, Ku mai ka mokuahi Nevada o ka laina o Uweloa of Kalefoni mai Kapalakiko mai ma ke alahele no Nu Kilani.

 

Sept 14, Poino na moku he 33 o ko oihana pepehi kohola ma na kai anu o Alika, a he 7 wale no na moku i pakele mai.

 

Wehe mu loa ia ka Hale Leta hou.

                                                                                   

 

Ua manaoia, e hooholo ana na Mana Tureke, e hooma; ke kaua a hiki i ka hopena.

 

Ke hoomau ia nei ke kaua ke hakahaka mawaena o na koa Serevia a me na Tureke.

 

Ezeiouma, Dek. 24 – Ua hooweliweli ia mai ka hoi kamailio telegarapa ana o na Tureke.  Aole kanalua e paa koke aku ana o Ezerouma i ka hoopniia, oiai oa hele na puali kaua Kukini a makolukolu, a ke nee aku nei kolakou mau koa hele wawae ma na kula o Ezerouma.

           

 

MAIKAI KA MEI KA PAPA!

A ME

KA LAAU O KOU HALE!

NO HEA LA

KAI NO HOI NO KAHI O

 

WAILA HA!

Nana Aku no hoi ia la

Ohi ka lo o ka Laau o Makawao

I ka ua mea hoi o ka nani o

 

NA PAPA!  NA PAPA!!

--A ME—

NA PONO KUKULU HALE

O NA ANO NO A PAU

 

 

 

Aia ma ke kihi ona

 

AIA NUI PAPU me MOIWAHINE

Honolulu

MALAILA E LOAA AI

E LIKE me ka MAKEMAKE

--No Ke—

KUMUKUAI MAKEPONO LOA!

 

                                               

 

Na Papa Huluhulu

Na Papa Manoanoa,

Na Papa i kahiia,

Na Papa kepa

Papa Hole Keo Keo

Papa Hole Ulaula.

 

                                               

 

NA LAAU, NA LAAU!

 

Na kua,

Na Ka ola,

Na Aaho,

Na Molina,

Na Peapea

 

Pine Huluhulu Pine I kahiia

 

                                               

 

NA PAPA A ME NA LAAU ULAULA!

 

Pili ulaula

Pili Keokeo

Pani Puka,

Pani Puka Aniani

Ipuka Aniani

Puka Olepelepe

                                               

 

PENA O NA ANO A PAU!

 

Hulu Pena mai ka Liilii a ke Nui,

Aila Pena,

Aila Hoomaloo,

Waniti, Pate.

 

                                               

 

NA LOKO O KEIA A ME KEIA ANO!

 

Na Ami Puka Hale,

Na Ame Puka Pa.

 

ANIANI!

 

Pepa Hale a me na Lihilihi

E LOAA NO MALAILA.

PAAKAI HELU I O KAKAAKO me PUULOA

 

No ke Dala Kuike, eloaa no na mea a pau i ha iia ae la, no ke Kumukuai Emiloa.  O na kauoha a pau mai Hawaii a Niihau, e loaa ku ana ia lakou, e hooko koke ia no ia me ka lawa pono.

 

E Kipa Nui Ilaila, ike I ka Oiaio

084 3ms