Ka Nupepa Kuokoa, Volume XVII, Number 1, 5 January 1878 — Page 3
| This text was transcribed by: | Arnold Hori |
| This work is dedicated to: | Masayo Mishima Teraoka of Puuena Place & Paah |
Ka Nupepa Kuokoa
KE KILOHANA POOKELA NO KA LAHUI HAWAII.
OLELO HOOLAHA.
AWA Hookolokolo Kaapuni, Apana 3, Waimea, SS: Kau o Novemaba, A D 1877. BARENABA mea hoapii oki mare koe ia MERE BARENABA mea hoopilia.
Ma ka hoopii oki mare maluna, ua kauohaia ua kaa ka pono o ka hookaau'ale ana i ka Matarimonio o ka mare @oa ka @omo o Barenuha, no ke kumu he haalele loa o Mere Harenul@. @olailu, e hookoia ka pono no ka mea hoopii mahope o ka halu au@ o na malama eono mai keia la aku @ ka hoeholoia ana, ku kulike me na mea a pau ! aela, koe wale no na kumu e ae e hoike kue malana. Ua kauohaia ku mea hoopii e hoolalia i kope oiaio o keia kauoha @oko o na nupepa Gazette a me ke Kuokoa no eono he @donia, o ka hoolaha niua ana Hoko o hookahi malama mai kehu la aku, a o ka poe a pau i pill iloko o eono maiama lakou e hele mai ai e hoike ina paha he kumu e hooholo lo@ ai keia kauoka. Na ka Aha.
F SPENCER. Kakuuolelo 2 Apana @.
Ikea: Waimea, Hawaii, Nov. 8, 1877. Ke hooia aku nei @ oke kope malana ae, oia no ke kope oiaio o ka hihia mamua ae nei. F SPENCER.
@36 61@ 841 Kakauolelo 2.
A McWAYNE,
HALE KUI LAAU LAPAAU, A ME NA WAIALA o na ano a pau, me na SOPA ALA o na @ wale. Ma ke kihi o Alanui Papa me Kalepa.
840 1y
WM. O. SMITH,
LOIO.
WAILUKU, MAUI.
Ua waiho oia i na Oihana Aupuni a pau a ua
makaakau e lawelawe i ka Oihana
L@o me ke kuokoa.
@840 6m
I KA
Poe Koho Balota o
Honolulu
Ke aneane mai nei i ka hoea ana o ka manawa @o ke koho ana i na Wahaolelo no oukou no ke Kau Ahaolelo e hiki mai ana.
Ua kono ia mai maua e waiho aku ia maua iho no ke koho ia mai, me ka hilinai nui ana, mamuli o ko oukou kamaaina ia maua, aole e komo ana ka manao iloko o oukou, na kupono ole maua no ia kulana.
He mea hiki ole ia maua ke hooia mua aku no ka hooko ana i na mea nui, aka, ina e koho ia mai, e haawi no maua i ko maua ikaika a pau, m@ ka hooholomua ana i na pomaikai o ka ainaa me na makaainana, a e malama ia hoi na oihana o ke aupuni me ka lawa pono i ka makaukau malalo o ke kahua hoemi i na lilo. Aka, oiai e nalu ana no keia mea, aole no e hiki ia maua ke hooia aku no ka hiki ke hookahuli ae i ke ano hookele aupuni mai ko na au i hala e, mamuli o ka hooikaika ana o kekahi mau hoa kakaikahi wale no, ke ole e hopu lokahi na makaainana k@o, a noonoo hookanaka iho, ma na mea pili i na ninau e holomua'i ka aina, aole hoi e hoohalike me ko na manawa i hala'e nei ke koho noonoo ole : alaila, e loaa no a@anei ke kahua paa e hiimai ai ko oukou mau Lunamakaainana; a ke ole ia, alaila he mea nawaliwali loa ke kalaimanao naauao, a lilo ke kuokoa o ke kanaka kupaa i mea hohe wale.
E kamailio aku no inauo imua o oukou ma kekahi manawa kupono e hiki mai ana, a e kuupau aku hoi ma ka wehewehe ana ia "loko" a @ "waho" o na ninau nui a pau i pili i ko kakou aina, ka hana nui hoi a ko oukou mau makamaka e kilo nei, e kau aku ana maluna o keia kou Ahaolelo ae ka noonoo ana; a ano, ke @ ia aku nei ko oukou mau hooikaika anama ko maua aoao.
EDWARD PRESTON,
(Loio Pelekane.)
ECEIL BROWN,
(Kekila Balaunu.)
Honolulu, Ianuari 1, 1878. @840 4t
AINA KUAI KUDALA
--MA KA--
HALEKUAI O ADAMU,
Feberuari 2, 1878
--I KA--
Hora 12 Awakea!
He Apana Aina
Kupono no ke kanu KALO a me ka RAIKI, ma
Palolo, Oahu, e kokoke ana ma ke kahawai,
e pili la me ke kuleana o Kamanu. O kona
Ili he 24-100 o ka eka, a he Lele o Kapahulu.
He Apana Aina
Kupono no ke kanu KALO a me ka RAIKI, ma
Palolo, Oahu, e pili ana me ke kuleana o
Kuahiwa. O kona Ili he 11-100 o ka eka,
a he Lele o Kapahulu.
He Apana Aina
Kupono no ke kanu KALO a me ka RAIKI, ma
Palolo, Oahu, e pili ana me ke kuleana o
Nahele. O kona Ili he 15-100 o ka eka, a
he Lele o Kapahulu.
He Apana Aina
Kupono no ke kanu KALO a me ka RAIKI, ma
Palolo, Oahu, e pili ana me ke kuleana o
Kanae. O kona Ili he 12-100 o ka eka, a
he Lele o Kapahulu.
He Apana Aina
Kupono no ke kanu KALO a me ka RAIKI, ma
Palolo, Oahu, e pili ana me ke kuleana o
Kanae ma ka aoao mauka. O kona Ili he
7-100 o ka eka, a he Lele o Kapahulu.
He Apana Aina Kula
Ma Palolo, Oahu, ua hoopuniia me ka pa
pohaku a me ka pali, a e komo pu ana hoi
kekahi mau kuleana liilii. O kona Ili he
40 9-10 eka,--he hapa o ka Lele o Kapahulu.
He Apana Aina
Kanu KALO, a me ke Kula, ma Palolo, Oahu, e
pili ana me ka aina i hoakaka hopeia ae nei,
ma ka aoao hikina. O kona Ili he 2 52-100
eka,--he hapa o ka Lele o Kapahulu.
He Apana Aina
Kanu KALO, a me ke Kula, ma Palolo, Oahu e
pili ana me ka apana aina i hoike hopeia ma
ka aoao makai. O kona Ili he 3 19-100
eka,--he hapa o ka Lele o Kapahulu.
E. P. ADAMU,
Jan. 5, 1878-5t Mea Kudala.
OLELO HOOLAHA.
OLELO HOOLAHA.
EIA iloko o ka Pa Aupuni o Koholaloa, Honolulu, 3 Lio e kuai kudala ia ana ke hiki aku i ka la 12 o Ianuari, hora 12 aawakea Poaono. Lio @ puakea laekea, 4 kapuai hao, ak. KL. Lio k ulaula hauliuli 2 kapuai hao mamua, lhema hao ano e. Lio k ulaula. wawae ak O. Mau lio hou mai @o kahi, Lio k eleele wiwi laekea ak W. Lio k ulaula hauliuli 4 kapuai hao ak TH, hema HH. Lio w keokeo wiwi ak hao ano e, hema JR ano e.
A. B. KAAUKUU.
1 lt Luna Pa Aupuni o Koholaloa.
Ianuari 4, 1878.
HE PAPA KUAIKUHI MANAWA HOLO
-- --O KA-- --
MOKUAHI HAWAII
LIKELIKE!
KAPENA, : : : : SHEPERD.
Poalua, Ian 8, 5 p m ......... ......... ......... Kaalualu
Poalua, Ian 15, 5 p m ....... ......... ......... Kawaihae
Poalima, Ian 18, 5 p m ..... ......... ......... Nawiliwili
Poalua, Ian 22, 5 p m ....... ......... ......... Hilo
Poalua, Ian 29, 5 p m ....... ......... ......... Kaalualu
Poalua, Feb 6, 5 p m ........ ......... ......... Hilo
Poalua, Feb 12, 5 p m... ... .......... ......... Kaalualu
Poalua, Feb 19, 5 p m ...... ......... ......... Kawaihae
Poalima Feb 22, 5 p m ..... ......... ......... Nawiliwili
Poalua, Feb 2@, 5 p m .... ......... ......... Hilo
Poalua, Mar 5, 5 p m ....... ......... ......... Kaalualu
Poalua, Mar 12, 5 p m ..... ......... ......... Hilo
Poalua, Mar 19, 5 p m ..... ......... ......... Kaalualu
Poalua, Mar 26, 5 p m ..... ......... ......... Kawaihae
Poalima, Mar 29, 5 p m ... ......... ......... Nawiliwili
AOLE AIE NO NA UKU OHUA?
Ma ka Hale Oihana e loaa'i na Palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E h okaaia ka uku ukana i ka wa e noiia aku ai.
SAMUEL G. WILDER,
(WAILA) Agena.
Keena ma ka Hale Kuai Papa o Waila Ma, kihi o Alanui Papu a me Moiwahine.
840 2ms
WAIWAI HOU LOA!
MA KA HALE KUI O
WALAKAHAUKI!
ma Alanui Moiwahine
KUAI MAKEPONO LOA IA !
Ano i loaa mai ai na waiwai hou, oia na
KUAINA LAWAIA,
ILI NOHO LIO,
LOLE SILIKA ulaula me uliuli,
Na Hainaka, na Kihei
Weluwelu Huluhipa keokeo.
AHINA PELEKANE
Na ahikoe, Kaula a me na
LOLE KALAKOA
WAIHOOLUU ANO HOU, NA ALAPIA,
o na ano a pau !
Aila mahu, na Lole Kane,
Na Palule Lilina Keokeo,
Na Ie Manoanoa,
Na Palule Kalakoa,
Na Lole Nani Iliwai hou loa !
Kupono no ka aahu. (840 1m
HEMO
KA HALEKUAI HOU
--O--
AKE MA!
Ke kono aku nei laua i na mea a paa, ke wehe nei laua i ka
HALEKUAI HOU NANILOA
--MA--
Monikahaae!
A e kuai ana i na Lole Hou Loa i wae ia o kela a me keia ano.
O ka hapa nui o na waiwai e wehe ia nei, he mau
Lole hou loa!
O ka loaa ana mai nei no ia, mai Beritania, Amerika a me na wahi e ae, a e ikeia ka maikai ma ka nana kumaka ana.
E kuai ia aku ana na Lole ma na
Kumukuai haahaa loa
I ike ole ia mamua ma keia
Makeke.
A. S. CLEGHORN & CO.
(AKE MA.)
S. Grant.
Luna Nui.
1 1m
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1.
Dala Kuike ka Rula
IANUARI 5, 1878.
NU HOU KULOKO.
MA ka Poaha iho nei i holo ai ka Moi i Waianae a e huli hoi mai ana i keia la.
UA mahaloia ka makai Kaainiu no kona eleu i ka po Poaha iho nei, ma ka ike mua ana i ke ahi ma kahi o Apona, nana i kahea mua.
O KO makou wahi kanaenae aloha no na makamaka lawe pepa me ka hooka mua i na dala elua ka alemanaka e puka pu aku nei me keia helu.
UA loaa mai ka lono ia makou, ua hoolilo aku la o Kapena Ki, i kona hapa o ka mahiko o Kealia, Kauai, ma ke kuai i kekahi mea dala nui,
MAHEA HOU AE?--He manao ulia wale kai paanaau i na hoa kahiko o ka Puali Kinainhi o Honolulu, ma ka pakolu na ahi o keia kulanakauhal@ e hele ai. E lua iho nei ahi nui o kakou ; mahea la auanei e puka hou ai?
I KEIA mau la, ke ikeia aku nei ke kapiliia ana o ka papa o ka mokuahi o Kapena Hopena ma Ainahou. A ke hakilo pono aku, ua hoike mai kona oiwi i ke kupono no ke kai ke paa pono loa.
I KA Poakahi nei, ua haule iho la kekahi luahine Hawaii makapo ma ka puka aniani o ka hale lua o Hikina Nui, a pakele mai make loa. E pono e pakuia kela wahi, ke manaoia e wehe.
UA hoike mai na paia o ka Hale Banako hou o Bihopa ma i kona kulana molale, a ke mili limaia mai nei no nae ma na lima o na paahana loea, a me he mea la, ke pau pono loa na hemahema, e oi aku ana kona kilakila.
MA kahi o ka pau ahi nui iho nei, ke ikeia aku nei na ouli holomua o ka hoowehiwehi houia mai oia wahi me na mea e oluolu ai ka nanaina, a ke manao nei makou e oi aku ana paha ka nani o na hale hou e hoopihaia ana ma ia wahi e oneanea mai nei i keia mau la.
MA ka Poakahi iho nei i ku mai ai ka moku kiapa Madura, he 30 l@ mai ka aina guana mai o Paukeaho (Jarvis Island), o ke kumu o kona hoi ana mai oia ka nele o kona wahi ku mau i ka Mouo e paa ai, ua lilo i ke kai. A e hoi hou aku ana ia me na mouo hou.
MA ke ahiahi Poakolu iho nei, i hookomo mai ai ke kuna poino Ane, mamui o ke kaualupe ia ana mai e ka mokuahi Pele, ka mea nana i huli hele aku iaia a loaa aku iwaho o ka mo@na lipolipo e paialewaia ana e na ale, no ka nele i ke kila ole o la lo ae.
MA ka lele ana mai o ka Bana o Pensacola iuka nei no ka "Ahahui Opiopio Puuwai Lokahi," ma ka po Poakahi iho nei ua hoike mai ua mau keiki la o ke kai, i ko lakou hiehie a me ka eleu ma ka lakou hana. He uuku wale no ko lakou huina, aka, he makaala nae ma ka nana aku.
KE nana aku i na hua palapala i kakauia maluna o na lipine o na lala o ka "Ahahui Opiopio" ma ka la Hape Nuia iho nei, ua hoike mai na waihooluu i ka maiau o na lawelawe ia ana. A oia hoi na hana lima loea a kekahi mau keiki Hawaii pono, no laua na inoa Ioane Malie a me Kenoi.
EIA hou ma ko kakou nei kaona kela Keiki Alii Bolabola A. Brander, i haalele mai ai ianei no kekahi mau pule i hala ae nei, ma kona ala huli hoi ia Tahiti. Ua liu ia ka moku ma ka moana, a nolaila ke kumu i huli hope mai nei, a ku ae nei ma Kauai, a maluna mai nei ua Keiki la o ka Jenny i holo loa mai nei i Honolulu nei.
MA ke awakea Poakolu iho nei, ua ikeia aku la kekahi mau wahine ekolu, ua aahu ia me na welu pa'upa'u i hanaia me he holoku la, a i ka nana aku ia lakou, me he mea la, e hoike ana i ka oi o ko lakou mau holoku oia ano. Ua ohila nae makou i ka ike ana aku, a ua hooho aku hoi kekahi poe ma ke ano hoohenehene no keia mau hana.
UA lohe mai makou, ma ka hele ana aku o ke Komite o ka "Ahahui Opiopio Puuwai Lokahi," a i kokua ia hoi e ke Kanikela Amerika, maluna o ka moku kaua Pensacola no ke noi ana aku i ka lokomaikai o ka Adimarala e ae mai i ka Bana no lakou, ua ae mai ka Adimarala me ka laelae, a ua hookoia i ka po mamua o ka la Hape Nuia iho nei. He hoike ana mai keia, aole loa i hookae ia kakou Hawaii, e kela poe lahui nui.
OWA@O D. L. R ? O ! he makamaka no no makou ; a ke haawiia aku nei ke aloha Hape Nuia iaia ; me ko makou manaolana, aole oia e kuio mai me na kuemi hope ana ma kana mau huakai "Lawe olelo a lawe leta hoi."
UA ike iho makou i kekahi mau paa balota, e holo ana no keia kau ae, ma ka apana o Honolulu nei, no lakou keia mau inoa malalo iho nei ;
FRANK BROWN, DAVID MALO,
CECIL BROWN, JAMES KEAU.
E NANA ae ka poe makemake aina i ka hoolaha e puka nei i keia la no kela mau apana aina maikai o Lunalilo ma Palolo ; e kuai ia na ma ke kudala e E. P. Adamu ma ka la 2 o Feberuari.
KE konoia aku nei oukou e na makamaka mai hoonele i ka alawa ana ae ma na kolamu o na olelo hoolaha, ma ko kakou nei pepa, no ka mea aia malaia kekkhi mau mea e ku ni i ko kako@ iini no na pono kino.
HE ulia poino kai loaa @ kekahi mau haole, elua ina ka Hotele ma Kaopuaui i @ehine ; mamuli o ka lawelawe hemahema @na i ka pu ; ma ka lima ka eha o kekahi @ ua moku hoi ka pepeiao o ke kokoolua.
" KO HAWAII PAE AINA. "--Ka inoa o kekahi Nupepa hou i hoopuka ia i ka Poaha iho nei, a ua loaa mai ka helu mua ia makou. Aohe a makou manao e ae, o keia wale no e holo mua na hana a pau i pili ika hoonauoao ana a hoomaikai ana i kanaka. Na ke au o ka man@w@ e hoike mai i ke kulana o keia malihini hou.
HE palapala ka i loaa mai ia makou mai kekahi makamaka maikai mai i hilinai ia, e kamailio ana no na mea i hoopuka ia ma na kolamu o ko kakou pepa iloko o ka Poaono i hala iho nei. E kala mai oia ia makou no ka hookaulua iki u@a, mahope aku paha e hoea aku ai, pela no hoi me ka palapala a Meaheluhelu.
I KA Poaha o kela pule i hala ke ku ana mai o ka moku kipa Jennie Pitts me ka pilikia. He aila kona ukana ; o kona ulia nae i poino ai he liu, aohe i paa a hiki i keia wa. Mahope iho o ka nana ana o ka poe kamana, ua hooholo ia e haalele Ia ka moku, ua pau kona pono. Ua hoopaa pu ia ka moku a me kona ukana iloko o kekahi hui hoopaa waiwai
Haiolelo Pokole a ka Moi imua
O KA AHAHUI POO-LA O HONOLULU I
KA LA 1 O IANUARI.
I na makaainana o ka Ahahui Poo-la o Honolulu nei, ua kauoha ia aku oukou, me ka poloai pu ana aku, e hele pu mai kakou ma ka Pa Alii nei, no kahi paina i hoomakaukau ia, no ka la Hape Nuia. Oia hoi ka la mua o ka makahiki 1878. He la hauoli, a olioli pu no kakou a pau, no ka malama ana mai o ke Akua ia kakou apau. A komo i keia makahiki hou, ke hai aku nei Au imua o oukou, o na wahine mamua, a o na malihini o na aina e, a me ka poe maikai, a mahope kakou e pai@a ai, ua noa na mea a pau o ka Pa Alii nei ia oukou. Koe nae ka ona, a me na hana pono ole a pau, a ke hai aku nei Au ia oukou o na lealea ana, a me na hoonanea hauoli ana. A haawi ae'la ka Hui, i umi hulo piha ana.
B. KAULAINAMOKU.
Ka Mokuahi Hou Sana Paulo.
O keia moku hou e holoholo nei mawaena o keia awa a me Kaleponi, a i lohe mua ia e kakou, ua hiki kino mai ia ma ke a wa o Kou i ka auina la oPalima, Dek, 28 iho nei iloko o na la holo 8 a me na hora 23 ; iloko o kekahi o ia mau la ua holo ia he 258 mile.
I kona hoea ana mai mawaho o ke awa, ua piha e o ninahou me ka poe makaikai i ka malihini hou.
He maikai no na oiwi o ua moku hou nei, kona loa he 220 kapuai; laula 31 kapuai; hohonu o ka rumi waiho ukana 16 1-2 kapuai. Kona mau enegini he 500 ikaika lio, a o ka awelike o kona holo he 10 mile i ka hora,
Ua hoopaa ia kona helu me ka 682 90-100 tona; ua hanaia kona cabina me ka hiluhilu loa, he 8 rumi moe akea, e lawa pono ai na ee moku he 25 ; a e pau pono na ee moku hou aku he 50 mahope. He 513 tona wai. wai i lawe ia mai e ia ma keia holo mua ana mai a me na ee moku ehe 11! i waena o lakou Mrs. John Ladd, oia ka wahine kanemake a Mika Lea, kekahi o ko kakou mau haole kamaaina mamua; o Kale Kikamu o Kauai kekahi i holo mai a me ke kaikamahine a Pogue.
KA HAULE PIO ANA O PELEVENA.
Bukaresta, Dek. 10.--Mahope iho o ka hoouka kaua hahana ana inehinei imua o Pelevena, ua haawi pio holookoa mai la o Osemana i na mea a pau, mahope iho o ka loaa ana o na palapu maluna o kona kino. E holomoku ana na Tureke i ka make, mamuli o ka pololi a ka ai a me ke anu, a he nui hoi ka hauoli maanei, no keia lanakila pookela a na Rukini ; ua hoowehiwehiia hoi ke kulanakauhale o Bukareseta nei me no hae.
Bogota, Dek. 11.--Ma ka hora 9 a me ka hapa onehinei, ua lele kaua aku la ko Osemana puali holookoa maluna o ka puali Rukini, e pao ana i ka laina hooopuni, ma ke kapa komohana o ka muliwai Vida, me ka manao e loaa ka puka e hemo ai iwaho malaila. Ua holopono iki no keia mau hoouka ana aku, aka, he mea hiki ole nae ka wawahi ana aku i ka laina o na Rukini, i hele a keekeehi kulana. He elima hora o ke kaua ana, a ua hoauheeia a aku la na Tureke. Ua puni koke mai la o Osemana ma kona mau aoao a pau i na Rukini, no ia mea, ua haawi pio aku la oia i kona puali kaua holookoa. A hiki loa mai i keia manawa, aole i maopopo pono ia makou ka huina nui o na koa Tureke i haawi pio aku ia me na pono kaua aka hookahi wale no mea i akaka ia makou, ua haule mai la o Pelevena, a me kona waiwai a pau, ma ka poho lima o na Rukini; he mea ole loa na poino ma ko Rukini aoao, ke hoohalikelikeia aku me na pomaikai nni i loaa mai, ma ka lilo pio ana mai o Pelevena.
Nuhou o ko na Aina e!
Ke Kaua nui ma Europa.
Ka haule ana o Pelevena
Hewa i ka wai na lanakila a Rusia.
POINO NUI NA KOA TUREKE.
Hoouka kauu ikaika mai o Osemunn Pusha
a poho wale kona mau hooikaika ana,
a haawi pio muz oia he 40,000
koa a me 400 Pukuniahi!
Piha na Rukini i ka hauoli a huli hoi ka
Emepera i ka home me na manaolana.
Ma ke ku ana mai o ka mokuahi Sana Paulo mai Kapalakiko mai, ma ka Poalima o ka pule i hala, ua loaa mai ia makou na mea hou o na aupuni mokomoko ma ona la, a oia ka makou e panee aku nei imua, no ka pomaikai o ko makou poe heluhelu.
Kikako, Dek. 8. -Penei ka hoike ana mai a ka nupepa manawa kuikawa o Ladana.
O keia ka manawa o na poino kiekie i loohia mai, maluna o na hooponopono ana a Tureke maloko o Bulagaria, a o ka hopena oia no ka hoopakele ae ia Osemana, a i ole ia alaila o ke ilihia mai o ka poino mawaho o na laina kue eha o na Tureke. ma ka aoao akau o na mauna o ka Balekana. I keia ahiahi ua pau ka manao ikaika o na nupepa pili Tureke, a ua manao hoi lakou, no ko Suleimana ano ulolohi loa, i ka wiele ana aku i kona mau lanakila, nolaila i loaa ole ai iaia na pomaikai. Ke hoohuiia na koa pa@kaua mawaho o na laina eha, a me ka pualikaua o Doberuseka, alaila ua hiki aku ka huina o na koa Tureke i ka 130,000 maloko Buluguria hikina, a me kekahi pualikaua nui o na koa kuwaho. O ko Suleimana lele kaua ana aku me ka heluna palanaiki o kona puali, he hoike ana mai ia aole i manaoia ka paio puni ana aku.
Konatinopela, Dek. 8.--Ua lawe ne nei ke aupuai i na lio kauo kaa a pau no na pualikaua.
Ladana, Dek. 8--Ua loaa mai la kekahi hoike pili aupuni mai ko Rukini aoao, i kakauia ma Bogota penei; O na hoouka kaua ma Mariani a me Elena o ka la 4, aole i loaa he mau pomaikai ma ko Rukini aoao,
Elike me ka mea i hoike muaia mai ai.
Ua poino he 50 mau alii a me na koa he 1,800, i make a hoehaia, a he 11 hoi na pu nui i lilo pio. Ona hoouki kaua hoi o ka la 6, ua kaiehuia aku la ka aoao akau o ka puali Tureke, mai Salateriteza aku a hiki i Derenova, no lakou ka heluna i hiki aku i ka 10,000. O ka aoao hema hoi o na Tureke, e huli kue mai ana ia Iakowiteza me na koa 3,000. Hele kue na Serevia iloko o Tureke.
Konatinopela, Dek. 8--Ma ka la 5 o Dek ua telegarapa mai la ke Kiaaina o Kossovo penei: Ua hiki aku la na pualikaua o Serevia ma Iavora. He eha mau luna Serevia i hele aku la ma na palena a hiki ma Sienica, a nonoi aku la e hoikeia mai ke kumu o ko na Tureke noho ana malaila, a kauoha pu aku la hoi i na Tereke e hele loa malaila aku ma ke awakea o ka la 6 o Dekemaba. Ua ulu ae no hoi ke kukahalake mawaena o na makaainana Serevia a me ka poe Musulemana, e noho ana ma Sienica.
Ke hoala ni hoi na Serevia i na papu ma lavora, maluna o ka lepo o Tureke.
Konatinopela, Dek. 9--Ua loaa mai ka lono mai Elena mai e olelo ana ua kapaeia ke kaua mawaena o ia wahi a me Tanova, no ka nui o ka ino. He nui na hoomakaukau ana no ka malama ana i ke kulanakauhale o Elena, no ka manawa a na Rukini e lele kava hou mai ai, me ka manao e lawe pio hou aku.
Ka, Dek. 9.--Ua hoopaneeia ka lele kaua ana aku maluna o Ezerouma, no na pule elua. Aohe mau hana i lawelaweia, no ka hookahua ana i ke pani paa ia wahi, no ka nui o ka ino, aka, ua manaoia e oki puia ana ka hui kuka ana o na Tureke me Terebikonade oiai kekahi puali Rukini e nee mai ana ma ia ala.
Ladana, Dek. 9.--E olelo ana kekahi teregarama mai Ragusa mai penei: Ua hoouna telegarapa aku la na makaainana o Secutaria a me na alii Alebani, i Konatinopela e hoouna mai i kokua no lakou, mai na hele kueia ana mai e na Monatanegarina, me ko lakou hoike pu aku, ina aole e maliu mai ana ke Aupuni Tureke i ka lakou noi, e nonoi aku auanei lakou i ko Italia hoomalu ana.
Rena. Dek. 9--Ua hiki mai ka lono maanei, ua kaalo ae la o Suleimana Pasha, mawaena aku o Rasegerade ma ke ala e hiki aku ai i Rusetaka.
Konatinopela, Dek. 10--Ua hoike ia ae ua hooholo ka aha kuka o ka aina, e hoike ana ma keia hope aku, ua kupono loa na kanaka Auseturia a pau, e lawelawe ma na oihana Kiaaina, a me kekahi mau oihana aupuni e ne maloko o na apana aina Tureke.
Na ka haiolelo mai ka nohoalii mai, ma ka manawa e wehe ai o ka Ahaolelo. Ka mea nana e hooia mai ka olelo hooholo.
Ua huli hoi ae la o Suleimana Pasha, ma ke ala o Tanova, a hiki i Ahemadi.
E hoomahuahuaia ae ana ka heluna o na pualikaua Aigupita i ka 12,000 mau koa helewawae, a i 1,000 na koa kaualio, a me na baturi pukaa eha, oiai lakou c noho ana a lawelawe pu mo na pualikaua o Tureke.
Kikako, Dek. 11--Penei ka hoike ana mai a ka nupepa Tribune kuikawa o Ladana: Ma ka Poaono mahope iho o ka Osemana Pasha ike ana, aohe ona wahi pakele i koe, a e hiolo ana hoi kona mau koa i ha mak a ka pololi a e pau ana hoi i ka opili i ke anu, aohe wahi manaolana no ka poinaikai, hoouna aku la oia i ka Elele i kahi hoomoana o ke Duke Nui Nikola, ka Alihikaua o ka puali, a me ka leta imua o ke Duke ponoi.
Aole naae ko Duke Nui i ae i ka lawe ana i ka palapala, a me ka hookipa ana aku i ka Elele, a ua kauoha ia aku e hele loa ma kahi hoomoana o ke keiki Alii Kale. Ka Alihikaua Nui maluna o na pualikaua hui e hoopuni ana ia Pelevena. Oke ano nui o ka palapala, e nonoi aku ana e ae ia mai ka haawi pio aku, ma na kumu oluolu, a e nonoi pu mai ana hoi o Osemana, e ae ia aku oia e waiho mai oia i kana pahikaua imua o ke Duke Nui Nikola. Aole nae i ae ia maikeia mau noi, a hoi nele aku la ka Elele Tureke. Ma ka la Sabati ae, ua hoouka hou ia mai la kekahi kaua ikaika, e na Tureke, maluna o ka aoao akau o na Rukini, a ma ia paio ana, i loohia ai o Osemana i ka eha, a me ka poino ana o na koa he 3,000. la wa aohe mea i koe' o ka haawi pio holookoa wale aku no, a pela iho la i palena ia ai kekahi o na hoopale ikaika ana mai o keia au hou.
Bukareseta.--Dec. 11.--Ua hiki mai la hoi ka lono ianei. Ua ae aku o Osemana ma ka muliwai Vida, a lawe maila i ka papu o Doleni--Eteropoleki. Hoohele awiwiia maila oa Rukini a me na Roumania mai Sulorela mai a me Bukova. Mahope iho o ka hoouka hahana ana, ua huli hope ae la o Osemana me ka manao, e komo hou aku iloko o Pelevena, aka ua eleu mua ae n@ Rukini a me ka poe Roumania, mai Geraviteza mai, a paa maila i ke alaiia kona wahi e hoi hou aku ai. I ko Osemana ike ana iho ua puni loa oia i ka enemi, a ua eha hoi oia ma kekahi wawae, ua lawe kino aku la oia i na kuka ana o ka haawi pio. Hoike akea aku la oia no kona haawi pio holookoa aku malalo o ka mana o ka Emepera. la manawa hookahi no hoi, ua hoolalelale mai la ka hope o na Tureke, a lele kaua mai la, maluna o ke kulana o na Roumania, ma ka aoao akau o ka muliwai Vida, aka, ua hoopio ia aku lakou me ka malani wale no, a ua pau loa mai la hoi na Tureke ma ia aoaoa, i ka haawi pio, me ka akeakea ole mai. Ua pau holookoa mai la i ka lawepio pu ia na kaoo puali pukaa o na Tureke ma na wahi e kokoke mai ana i Pelevena.
Ma ka hora 3 a me 30 minute o ka auina la Poakahi, ua komo lanakila aku la na rukini me na Roumania iloko o ke kulanakauhale o Pelevena. I ka ponei, ua hiolani aku la ke poo o ke Duke Nui Nikola iloko o Pelevena, me ka lealea.
Bukaresta. Dek. 11.--Ua himeni ia ke mele lahui i keia la, no ka hoohiwahiwa, @ ka lanakila ana o na Rukini, maluna o Pelevena. Ua hiki kino mai ke keiki alii Gotekakofa, na luna aupuni Rukini a me na Roumania. E huli hoi aku ana ka Emepera, a me ke keiki alii Gotekakofa i Sana Peteroboro, iloko o ka pule hookahi. Mahope iho o ka lilo pio ana mai o Pelevena, ua haawi wale aku la ka Emepera i kona kaalio ponoi a me kona puali kiai kino, malalo o ka Osemana mau kauoha.
Konatinopela, Dek. 11.--Ua hoike pili aupuniia mai ianei, ka haule ana o Peleveua. Ua kapaeia aku o Mehemeta Ali mai kona noho hoomalu ana, a ua hoopiha hou ia e Kefeketa Pasha.
Bukareseta, Dek. 11.--O na lono i lauahea ne, no ka manao ana o na Mana Tureke, e lawelawe kokeia na kulana no ke kukakuka ana no ke kuikahi, he mea koho wale aku no ia. Ua hoike hapa pili aupuniia mai hoi, o ka haueli ana o Pelevena, aole ia he mea e hooki ai i kaua.
Cattaro, Dek. 11.--Ma na hoouka kaua ana maluna o ka pakaua o Anetiveri, ua noho ke keiki alii o Monatenegero maloko o kekahi hale, no kekahi Kiaaina Mahomeda, maloko o ke kulanakauhale o Anetivari. Ma ka la Sabati, ua hoaoia kekahi hana powa i ke keiki alii, maloko o keia hale, oiai ua hoopihaia kekahi lua malalo i ka pauda, a hoopahu ia ae la. Ua hele nae ke keiki alii ma kahi e ia manawa, a ua pakele kona ola, aku, ua make loa kekahi o kona mau koa kiai kino, a eono hoi i hoehaia.
Belgraderade. Dek. 11.--Ua hoopauia ke kipi ana o na koa ma Keragukevateka. Ua paa i ka hopuia he kanaha o na koa i holo mahuka ai ma ke kuahiwi
AIIA Hookolokolo Kiekie o ko Hawaii Pae Aina, ma ka hooponopono waiwai ma ka waiwai o KALELE W O Kaneohe, Oahu i make kauoha ole. Olelo kauoha e hoolaha aku no ke noi ana mai e koho i Lunahooponopono Waiwai. Imua o ka Lunakanawai A. F. Judd, ma ka heluhelu a me ka waiho ana mai o ka Palapala noi a Makea o Kaneohe e hoike mai ana o KALELE W no Kaneohe, Oahu, ua make kauoha ole ma Kaneohe ma ka la 15 o Maraki 1877, a e noi ana e haawiia ka Palapala Hookohu Lunohooponopono Waiwai ia Makea.
Ua kauoha in o ka Poalua ka la 22 o Ianuari, m. h. 1878, hori 10 a. m., oia ka manawa i kohoia no ka hoolohe aua i ua noi la, imua o ua Lunakanawai la, ma ke Ke@na Hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko la kou e ae ole ia ai ua noi la. A o keia olelo kauoha e hoolaha ia ma ka olelo Hawaii ekolu pule ma ke Kuokoa nupepa ma Honolulu.
Kakau ia ma Honolulu, ko Hawaii Pae Aina,
Dekemaba 29 m. h. 1877. A. FRANCIS JUDD.
Ikea: Lunakanawai o ka Aha Kiekie.
A. Rosa, Hope Kakauolelo. 840 3t