Ka Nupepa Kuokoa, Volume XVI, Number 47, 24 November 1877 — Page 4
| This text was transcribed by: | Dana Barnum |
| This work is dedicated to: | Ko'olaupoko Hawaiian Civic Club |
Ka Nupepa Kuokoa
KE KILOHANA POOKELA NO KA LAHUI HAWAII.
Huakai a ka Moiwahine Kapiolani
ma Hawaii, no ke kukuiu ana i na halawai Hoola a Hooulu La-
hui, Ka makia hoi o ko laua Aupuni.
Halawa, Molokai, Oct.19.
Kukaluia he halawai Hoola a Hooulu Lahui malaila e ka Moiwahine.
Ka nui o na dala i lulu ia malaila $55.45.
Pau na hana malaila, hoi hope mai ka huakai a hiki i Puuohoku paina ahiahi malaila ma ka hale o Elena Nowleiu. Ua lawa pono na mea ai i keia llima lahilahi.
Pau ka paina ana, hele aku la ka Moiwahine, e makeikai i kahi o Lauikaula i kaaoi'ai, a hoi mai la no Honouliwai ia ahiahi.
Honouliwai, Molokai, Oct.19.
Kukuluia he halawai Hoola a Hooulu Lahui malaila i ka Moiwahine, ka nui o na dala, he $35.25
Pau na hana ma ia la, a hoi mai a moe ma ia po ma ka hale o Kupihea, ao ae, i ka hora 3p.m. kai hou ka huakai a ka Moiwahine, a hiki i Moanui.
Moanui, Molokai, Oct.20.
Kukuluia he halawai maiaila i ka Moiwahine, a luluia na dala.
Ka nui o na dala i lulu ia mai, he $25.
Ma ka hale moe o Eugine Bal kahi i kukoluia ai keia Halawai, a he wahi paina no malaila mamua iho o ka lulu aoa; pau no hana melaila, hoi mai a moe no ma kahi o Kupihea, io ae, paina kakahiaka ma ka hale i moe ai, a hau mai na maka o ka luakini o Kalueahe, i ka hora 11 a.m. hiki ka Moiwahine, me ka huakoi malaila, a liuliu iki ka noho ana, ua hoomaka mai la ka Moiwahine e lawelawe i kana oihana ma ia la.
Kaluaeha , Molokai, Oct.21
Kukuluia he halawai Hoola a Hooulu Lahui e ka Moiwahine, malaila.
Ka nui o na dala i lulu ia mai, he $56.70 a oi aku.
Ma ia hope no ua loaa hou i ka Moiwahine, a me ka Makualii, a me na hoa a pau maloko o ia anaina, ka manaolaua mai ke Akua mai, i hapai ia mai hoi e kekahi mea uhane kanaka, oia o Kanakokai, he mau dala i luluia no kahi poino i koe maloko o ka luakini o Kaluaaha; ua haawi ka Moiwahine, he $50.00
Ka Makuali hoi, ka Alii Kiaaina o na honu a Piilani W. L. Moehonua, he $50.
Ke alii opio, ka ukali o ka Moiwahine, oia o Kinoini, he $500
Ke keiki o ka uahi kehau o Kula Kamakele, he $5.00
Na hoa hanohano a pau, na Luuakahi ko na hoahauau, malihini i launa pu mai ma keia halawai ana a me ka kahunapule o ka Ekaleaia o Halawa Rev. S. Paulo. & C. & C.
Ka huina o na dala ma ia ano lulu luakini ana, he $321.00 a oi aku.
Pela no ma Kaanepali, he mau dala luakini no kekahi i lulu pu ia ma ko lakou la i halawai ai me ka Moiwahine, na kahi keiki ili keokeo o Pelekane i hapai mai hoi ia hana, oia o E. Jones; ua hele ka a luluu ua wahi keiki la i ka wai ulu o Kau anahua o na wahi la eia nae iaia la ka hoala ana mai o ia hana maikai, e apo aku aoa ka Moiwahine, me ka Makualii W. L. Moehonua a me na mea a pau i ko i i ala manao maikai. Na ke Akua ia hana, aole na ke kanaka. "I hoonani mau loa ia oia. Amene."
Aole nae i looa maopopo mai ke kope o ia hoike ia'u, e kuupau loa aku ai au, aka, e like me ka pokole i luaa mai ia'u, pela e pokole aku ai no e puka'i.
He laki nui keia o ka Moiwahine, me kana huakai hele ma na Mokupuni o na hono a Piilani. kahi a W.L. Moehonua e hoho Alii Kiaaina nei. Ka nui o na dala, he $400.00 a oi aku.
I hoomaka hou kakou e heluhelu i na mea o pili ana i ko Molokai mau hane. A pau na hana ma ka luakini o Kaluaaha, ua hele aku a hiki i ka hale o F.W. Beckley ma Manawai, ua makaukau no hoi ka momono a ia keiki alii, o i hoonuu iho a kena, hoounaia maluua o ka waapa e lawe i Kaunakakai, me ka makou mau mea ai pu no hoi, i kamau no ka noho ana i Kalaiakamanu a kau aku i ka moku.
Pau ka paina aoe malaila naue aku no Pupukeniao me Kamo, hora 5 1/2 p.m. hiki ka Moiwahine, malaila, a lawiawe ia kana oihaua.
Pupukaoiao, Kamalo, Molokai, Oct.21.
Kukulia he halawai Hoola a Hooulu Lahui e ka Moiwahine, malaila. Ka nui o na dala i lulu ia mei e na hoa makaainana o ia wahi Apana, he $100.00 oia kahi o ka mea kakau moolelo e hoike aku nei i keia mau mea.
Pau na hana malaila, nane aku ma ka hale noho o J. Nahunakai, he kahu o ka Moi Kalakaue; ua makuaukau na mea ai, ua ai a lawa a koe a hooili i ka waapa, a hooili pu mai o S Kaina i kana wahi mea paina maluoa o ka waapa ia po no
Pau ka paina ana, nana aku no Kawela. Hiki malaila ia po, hor 10 p.m. hoomaha iki, a lawelawe i na hana ma ka hora 11 p.m. ponoi.
Kawela, Molokai Oct.21
Kukuluia o ka Moiwahine, he halawai malaila, a lulu ia mai na dala. Ka nui o na dala, he $20.00
Pau ka hana malaila ia po, a hoi mai no Kaunakakai, i ka hoi ana mai i na one o Kamiloloa, haki nu-a nu-a lua na lio, oia ka'u i aloha ae ai ia "Ula kalae i ka lepo a ka makani.
Hoonu-anu-a i Apua a Kalamaula.
Ike aku mananao ia, u kula elua.
Hea mai Kaiolohia e hoi maoa. & C."
Hiki ma Kaunakakai moe malaila a ao ia po, a pau ka paina kakahiaka hora 8 a.m. me ia hope iho, ua akoakoa mai la na kanaka mawaho o ka lanai o ka hale ma ka aoao komohana o ua hale la, a ua hoomaka ia na hana a ka Moiwahine.
Kaunakakai, Molokai, Oct.22
Kukoloia he halawai Hoola a Hooulu Lahui i ka Moiwahine, malaila. Ka nui o na dala i luluia mai olaile, he $36.50
Pau na hana malaila, pii aku ka huakei a ka Moiwahine, no Kalae a hiki i Puupaneenee, e kilohi aku ai ia lalo o Kalaupapa a me Kalawao kahi a ka lahui Hawaii ponoi e noho mai la Aloha kakou.
Pau ka makaikai ana a ka Moiwahine, me na ukali ma ka pali o Puupaneenee, huli hoi mai a ka hale o R. W. Meyer, ko Kalae keiki lalawai, paina malaila, a ha pai iaku e ka Moiwahine, kana oihana i hele aku ai, na hooholo mai la kela i kona ae maikai. na haawi mai la i na dala, he $20.00 no ka Hoola a Hooulu Lahui a ka Moiwahine, (good boy.) Hoike pu ia mai la i ka Moiwahine, a me ke Kiaaina, a me na ukali a pau kekahi omole ko-paa he 3 pauna ka nui, oia 14 ka waiwai io i puka mai noloko o kekani ko hookahi ma ka mahiai ko a Meyer ma Kalae, nona na kapuai 4 a oi ae ka loihi o ke ko.
Ka ani o na degere o kona wai i ka wa i wili ia ai me ka wili o ka Papa hana a ke Kamane, he 32 kona ana kiekie. He laki keia la.
Pau na hana ma ia Kula Ka-ea-ea i ka ka lepo ola. Hoi mai a moe hou ma Kaunakakai a ao ae kau maluea o Nettie Merill. Oct 23, hor 9 45, no Honolulu ka ihu, a i ka hora 10 p.m. ku ka moku i ka nuku a Mamala, hiki ka Moi Kalakaua a pii maluoa o ka moku, ua kono ia ka Moiwahine, a me ke Kiaaina Moehonua a me ka pokii o ka Moiwahine, a me makou na ukali o ka Moiwahine, e hoi makou ia po. Ua hooholo koke ia ka ae.
Ke hopokole nei au maanei i keia moolelo, a e hookoe i kekahi wahi o na mea i hoikeia mai ia'u. oiai, ke ike ne au pea loa kekahi mau kolamu o ko kakou pepa i keia moolelo Alii, a ua ike au, o na mea e hookoe ia nei, oia na Luna Nui o kela halawai keia halawai, a me na haiolelo a ka Moiwahine, ma keia huakai kaahele; Nolaila, hookahi no a'u mea nui e koho nei, oia keia, o ka hoike aku i ka nui o na dala ma keia kaahele ana a ka Moiwahine.
Ka nui o na dala o Molokai i lului mai, he $36890.
No Lanai, he $30 00
No Maui, he $829.62
Huina a pau loa, $1,228.52
Oia ka huina a na dala a pau o ua Honoapiilani.
Lua hoi e hui pu ia mai me na dala loakiui o Kaanapali e $415.00 a oi aku, me na dala luakiui o Kaluaahe, he $321.00 a oi aku. Mamuli o ka hapai pu ana o ka Moiwahine, me keia kaahele hookahi ana, alaia, e hiki aku no ka huina o na dala i ka $1,964.52. Makepono oa wawai o ka Moiwahine ma keia kaahele ana ma Maui, Lanai, a me Molokai.
Ina e hui pau loa ia na dala a pau me ko Hawaii, ua hiki ke huina o na dala, i ka $2,509.52.
E na hoa heluhelu, ke punuku nei au i ko'u wahi lio, aole e hookuu hou aku i ke kula o kakou e hoopilikia loa ai ia waena o ke kihapai.
A ke kalewa hele nei au i ke ahonui paupauaho ole o ka Luna hoopuka, a me ka lokamaikai hiehie paleua ole o na keiki kaili-ili poniu-niu Metala o ka hale pai i kai o Ainahou, e hooili aku maluna o Likelike. Me ka mahalo. JWM Poohea.
Kapuukolo, Honolulu Nov 12, 1877.
Na Anoai o keia Wa i ike ia.
[Koena mai kela pule mai.]
E KA NUPEPA KUOKOA, Aloha oe; -
E hai aku au ia oe no na Ilikini ma na ae kai nei o Wash. Terr nei, oa huli nui lakou maia aoao hoomana, ma na wahi a'u i hele ai me kuu mama Hikini, e ku aoa na hale pule, e kau mai ana ke kea hoomanao i kela me keia mea, he oi no hoi a ka poe hooio. E na hoa nana pepa, o keia poe i make, no ko lakou ono paha i kela mau mea i haiia, i'ka hooko ana'ku e halawai iho ana me ka pilikia. Aloha no.
He Akua lapu.
Aia ma kela aoao he wahi Ailana, e noho aoa o'u hoa malaila, he lawaia ka lakou hana, o L. Maihuki. J H Kahaleala me Kupanihi. A ma kahi mamao aku o Kumukehi me E. Kailikako, i kekahi mau malama i hala, ua maluhia ko lakou noho ana, i ka malama a Iulai, he kahea okoa mai no. E hele oukou makahi e, aole o makou makemake Hawaii maanei. I kekahi po, he nui ka kahea mai ma waho, e hele ou kou. pulo'u iho la o Maihuki i ka huluhulu, nana ae la oia, he malamalama ano e. Aole i kana mai o kanaka o kela ano keia ano, ua hele a naka kabonna, o na ululaau e hele ae ana e hina, wehe ae ia i ka huluhulu, ua malamalama loko o ka hale. E ku ana hooki hi kanaka ma ka puka, ala ae o Kupauihi me Kahalaale o hopu i kela kanaka (lapu) a hakaka lakou, o ka nui ikaika o kela me, ua hemo aku mai ka lima kanaka aku. Iaia mawaho, kahea mai oia penei. E malama ia oukou ano, apopo ike oukou i ka io o ko oukou hookuli. Ia ao ana ae, loaa mai Iakou i na mai a no e loa, mehe ona rama al@, aole ike pono i kana mea e hana ana. Loaa aku Iakou ia P D. Wahiawa me ko Iakou pilikia nui, o Kupanihi hoi, e luu poo ana oia i loko o ke kai me na olelo ano e loa. Ua kokua ia Iakou a hiki ma kahi o Kumukahi ma, malaila Iakou a loaa ka laau kupono, loaa ia Iakou ke ola, Eia lakou me na kino ikaika i keia manawa, o ko lakou home lawaia mua, ua peku ia, aole haole kana Ilikini noho maia wahi i keia manawa.
Piko pau i ka iole.
E ka Lunahooponopono:- Ma kau lawe ana i kela mau mahina i hala ae mahope, a na ike makou ia hana aia mea i pau kona piko i ka anu ia e ka iole. No laila, ke waiho hou ia aku nei keia i mua ou. O kekahi hoa no no'u o J. H. Keahialaka kona inoa, no Waipake Kauai. Ua komo aku oia i loko o ka hana uso ole he keaka, ai kona hoi ana mai, lawe mai oia i na kapa hana oia ano, no na kane a me na wahine, hookahi kihei nani he 80 dala kona kumu kuai. Eia ka ninau ia ia. Pehea i loae ai ia oe keia mau mea a pau? 1 kahaia i na hua (N P) a me kekahi mau mea e ae, ma hope ae, hiki mai ana ka makai, aia kona home he halepaahao. Eia nae, ma ka apu ke ola. Ua mahuka; aku oia ma Seattle, i lono aku nei ka hana, ua aihue hou he waki dala, ua naue hou i ka halepaahao. Ia puka ana a hoi mai nei i anei i koua home maikai, he ahahui, ua waiho aku makou ia ia mawaho, no kona hana i ka mea hoopailua. Hokai ua piko pau i ka iole, e pono e waiho ia hana.
Hanau Kupanaha.
Aia mauka o Puhialapa, he Hawaii o J. T. to kona inoa, ua hanau mai he moa eha wawae, ua lilo ia i milimili na ka maua keiki, i ka malama o Iulai hala ae nei, he ahaaina nui ka na Keonimana malaila, ua kuai ia'ku he $50 ua Moa ala, he ole ka loaa mai. Aia aku ma uka loa oia wahi, ua hanau he wahine Ilikini, ekolu keiki, hookahi keokeo hookahi paele a mimilo kona lauoho, hookahi i ku i kona mama.
Hanau maikai.
Augate 8:- Hanau he keiki kane na Peke (w) me Davida (k).
Make i aloha ia.
Sepatemaba 3:= Make o Mary he kaikamahine na Meleana w me E. Kailikakio kane.
He Hawaii hou.
Ua hui hou mai me makou he Hawaii hou o G.P. Kaaukai.
He mau Hawaii aia i kahi e loa D.W. Kaoo, aia i Calio, o Palau aia i Valaparaiso.
Make i ka aina malihini.
O Jack Mokuau, make ma Valaparaiso, no Hilo Hawaii, na Alamanu me Kahaua
Mare.
Ma Port Blakeley, ua mareia o Miss Loe, me John K. Kahananui.
Ma Tacoma nei. Ua mare ia o Mrs. Madaride w me P. Samuela, keiki o ka ua kanilehua.
I Ka Lunahooponopono a me na keiki o ka Hale Pai, na hoa nana pepa a pau mai Hawaii a puehu wale mai ma na aina e nei. No oukou ko'u lima adau aloha
J.W.D. Kalehuanui.
Tacoma. Wash Terr. Sepatemaba 18, 1877.
He inoa no ka Pua Alii Hou.
Ka Princess Victoria Kawekiu Kaiulani Lunalilo Kalaniahilapalapa.
Kau kehakeha ana i ka lai la,
Na maka hoonohenohe la,
E mahie oiala ua lia loko la,
Na pua Ohai o Kahelu la.
Imi ia kou akamai a nui la,
I laka ka I a o ka moana la,
Na'u i alo ia ehukai la,
Ike pono ia ai o Kaula la.
E ao oe o ike la,
I ka hana mikiala a ka eu la,
O ka hiu nei nana i kapeku la,
Puni ai na moku ia Kalani la.
I pakele aku no hoi oe la,
I waiho ia 'ku e Limaloa la,
Hoona ae ai ka manao la,
Aia ke ola i Waiolono la.
No ka pu iluna lilo ka puana la,
No ka lani kapu o Hawaii la,
I o e ka lani lei hiwa la,
O Kaiuonalani he inoa la.
MARION.
A ka la i kupu ai ka manao la,
E hooko i ka makemake la,
E ake e ike i ka Ailana la,
Kauai o Manokalanipo la.
Na ka Maliana i lawe lai la,
Piha pono na pea i ka makani la,
O ka Hae Kalaunu welowelo la,
Haaheo i ka ili o ke kai la.
He ikena ka'u i ka ohuohu la,
Na Ukali Hanohano o ka leo la,
Na lipine kowelo Kelani la,
Liliuonamoku ko luna la.
Kui lua na pu o ke aloha la,
Honehone na leo o ka Pila la.
Kamahao ke aloha i hiki mai la,
No ke one o Kakuihewa la.
No ka pua iluna lilo ka puana la,
No ka Lani kapu o Hawaii la,
E o e ka lani le hiwa la,
O Kaiuonalani he inoa la.
KELIIMOEWAI
Lula ka makani ka ikena la,
Ka hehina ka aina o Kawelo la,
Pa kahea a ke kupa la,
E kipa, eia ke aloha la.
Kau aku na maka o ka ike la,
I ka wai olu o Kemamo la,
Maloko, mawaho ka pilina la,
He ma u ia, he pahee la.
Ka ihona i Huleia hoolana la,
Ka boti o ka Lani Kalakaua la,
Na Kaiu, Puhiola i kaiae la,
Like ole ka hoena i ka wai la.
Hoomaha aku i Niumalu la,
Hilinai ka hana Kaleipua la,
Ka anoi hiki mai ka manawa la,
He mai-e komo, ua lai la.
No ka pua iluna lilo ka puana la,
No ka lani kapu o Hawaii,
E o e ka lani lei hiwa la,
O Kaiuonalani he inoa la.
KELIIHULAHOOWALI.
A Wailua alo lahilahi la,
Mania ka poli o ke kalukalu la,
Lea'i kahela a Kapaa la,
I ka noho a Kapahi i ka uka la.
He halia 'loha kai hiki mai la,
No na Kawaihau i ka iu la,
Lulu lima me na hoa la.
Kaohi ka manao e noho la.
Ke hea mai nei Waiehu la,
Kaua i ka wai awe i ka poli la,
I inu iho ae a kena la,
I ka wai hui o Kawelo wai la.
Uilani ae nei oiala la,
Na manu hoolai i ka home la,
Na hula hoowali poahi la,
Koloa ka iini a loko la.
No ka pua iluna lilo ka puana la,
No ka lani kapu o Hawaii la,
E o e ka lani leihiwa la,
O Kaiuonalani he inoa la.
KALEILUHIA.
A Waimea i ka uluwehi la,
Aina wai ula Iliahi la,
Auau wai kea Kahoomano la,
A he Nila ka iniki i ka ili la.
Aia Limaloa i Mana la,
I ka hoaleale liu la la,
Hoohehelo ana na pua la,
I ke one kani o Nohili la.
Kahiko ia kini i ka ohu la,
Lei pahapaha o Polihale la,
E huli e hoi kakou la,
A he po mahina lailai la.
E ui ninau i ka Opua la,
A heaha ka hana Niihau la,
Hookele ia ku ia moku la,
O ke Awa ia e kau ai la.
No ka pua luna lilo ka puana la,
No ka Lani kapu o Hawaii la,
E o e ka Lani lei Hiwa la,
O Kaiuonalani he inoa la.
PANINI.
Ike i ke one o Halalii la,
Na nalu ehuehu o Kaohia la,
Ka makani aheahe o Lehua la,
He mikioi ka lawena pili mai la.
Ea mai o Kaula i ka kai la,
Ua lai ka hikina a pili la,
Haaheo ka aina ia moku la,
A oi ike ia mamua la.
Ua nani he ma-u no ia la,
Ua ike i ke Ana o Ku la,
Ia oe ae kau hana mahope la,
Ua paa keehena a ka Lani la.
Ua poni ia Mokupuni la,
Poni kapu ia na ka welo kapu la,
Kiina mai ka hikina i Kumukahi la,
A ka welona a ka la i Luhua la.
No ka pua iluna lilo ka puana la,
No ka Lani kapu o Hawaii la,
E o e ka Lani lei hiwa la,
O Kaiuonalani he inoa la.
PUUWELA.
Manu Pohai.
1
Pohai na Iwa o ke kai,
I ka welo a ka Hae Kalaunu,
Haaheo ka welona i ka makani,
Na ale upanupa o Lehua.
Chorus.
A heaha ka hana a ka ohu,
Kahiko mai la i ka ili kai,
Hooipo ana pah i Kaula,
Me ka Olali Kuhaimoana.
2
Ike maka i ke kai holuholu,
Na ale o kai o Kia.
He makan ka Liliuonamoku,
I ka poli o Palepalemoana.
COMPOSED BY LILIUNAMOKU CLUB.
Wilikoka i Song.
Nani wali kuu ike ana,
I ka wai kihene a ka menehune,
Ino iho wau a kena,
A hoolai me na manu.
Chorus. Ha, Ha, Far away
Take round lively iho oe.
O ka wai iho ia e kena ai,
E lai ai ka nanea ana,
Noho wau a huli ae,
Honi ana i ke ala o ka Mokihana.
Kaupaona ia iho a like,
A ili wai like ke aloha,
Hookahi oi a'u i ike,
Ka wa-wai ula Iliahi.
Nee mai kaua a pili,
Oiai ke aloha me a'u,
E aho paha wau e hoi,
Ke wehe ae nei kai ao.
COMPOSED BY PAUHAGAGI.
Aio Ehukai.
Pono ole ke ae aku,
I ka leo uwalo a Lehua,
Ke kii aela ia Kawaihoa,
I hoa pili a he anu.
Chorus. Imi ia ke hoa i Mana,
I ke one kaui o Nohili,
I ka haale a ka Wailiula,
I ke kula o Limaloa.
Ke hea mai nei Makaweli,
Kaua e pili me Papaenaena,
I ke one wale o Luhi,
Ka pohai a na manu.
Haioa kuu Lani i lohe,
Li inonamoku he inoa,
Ke Kalai nan i alo aku,
Na ehu kai o Kaulakahi.
COMPOSED BY LILIUNAMOKU. CLUB.
Richard F. Bikerton!
[PEKETONA]
LOIO a he KOKUA ma ke Hanawai!
E hele ana oia imua o na Ahahookolokolo a pau a keia Aupuni ma na ano hihia a pau. ina paha ma Oahu nei. a ma na Mokupuni e ae.
Ua makaukau mao ola i ka hana ana i na palapala pili kanawai o kela a me keia ano.
Ua hiki no hoi ina ke hoaie dala aku ma ka moraki ana i na aina, ma ka ukupanee haahaa loa.
E hanaia na hana nie ka hikiwawe a ma ka uku haahaa.
Keena Hana, Helu 23 Alanui Kalepa, elua puka ma o aku o ke hale kauka o Kauka Minateole. 825ly
Kai Lawaia Kudala!
O KA HOOLIMALIMA.
MA KA POAHA, NOV. 29, 1877
Hora 12 awakea.
Ma ka Hale Hookolokolo ma Wailuku, Maui.
E @ aku no makou ma ke kudala i ka hoolimalima a no Kai Lawaia -- o ke--
Ahupuaa o Waiehu, Maui.
No ka manawa he Elima Makahiki, e hoomaka ana mai ka la Akahi aku o Dekemaba a nei. O ka poe e lilo ai. e uku nana lakou i keia hapalua makahiki i ka uku hoolimalima o na Kai Lawala a me na auhau aupuni i loko o ka manawa e paa ana nialolo o ka hoolimaiima,
E O HALL,
J MOTT SMITH,
S. B. DOLE,
Na Kahu Malama Waiwai o Lunalilo T. W. EVERETT
829 41S Mea Kuda
HALE PAI KII O AHI.
EMI LOA NA KII!
Ma ka Hale Pai Kii o Ahi, Helu 63, Alanui Nuuanu, Honolulu. O ka uku o ke kakini Kee Pepa mamoa, he $3.00 a i keia manawa, ua hoemiia i $2.50. O ka uku o ke kii Auiani. he $3.00 mamoa, na hoemi loa ia a i ka $2.00 wale no. Emi loa maoli a makepono! Aole like pu mamua. E wiki mai oukou, olaai ka manawa kupono a ka ha e upa nei. I keia manawa, hanala na kii maikai loa !
Hale Kaman Nui!
Aia no maloko o keia Hale maluna ae, a ma ka Helu 69, Alanui Nuuanu, e hanaia ai na pahu kupapau, na moe, na noho, na pakaukau, na pahu ume me na aulani ku, ua mamalu a me la mea aku la mea aku. E loaa no na pahu pai. na a me na pahu koa ma ke kumukuai oluolu a makepono loa, i ike ole la mamoa.
Hele Kumeka Kamaa!
Malalo o ka Hale Pai Kii, ua hoana okoaia he keena humuhumu kaaina o kela a me keia ano a ka makemake e malawai ai. E kipa mai a e ike oukou "I ka nani o Aipo." Malaila no e loaa ai na Pale Ili Noho Lio, no ke kumukuai haahaa a ka launa ole mai. E kipa mai a e kuai no oukou iho.
Hale Hana Kika Puhi!
Ma ke Keena makai o ka Hale Kamana. Helu 69, alanui Nuuanu, he wahi e hana pakala nei na lau paka, I mau kika puhi maikai loa. He mau pak a kika maikai. I kupono i ko na kanawa makemake, @ hoi ka puhi. E hele mai oukou e kuai i ke maka. E hoohihi ana oukou. (806 6m 831) AHI.
Lole Makepono ke Kuike!
E Loaa No Ia Ma Kahi O
Kakela Me Kuku,
- e laa na-
Ahinahina, Kalakoa, Keokeo, Leponalo
Pena, Aila, Aniani, Na Mea Piola, Kopa, Aila Honua, Aila Hoomaloo
Kui Kakia, Pakeke,
Tabu, Kaula, Noho lio,
Holo-palaki, na Polomi
A he Agena no hoi no na Mokupuni o Hawaii nei no na
Lainakini-Nao,
Lainakini-Maoli, Palulu Kalako
Alapia, Kelepa, Kilisa,
No Lole Kupono i ka wawae,
Palule Holoholo,
Na Lole Holoholo,
Na Lole no ka hoohehelo ana
Lipine, lihilihi, a me ia mea'ku
-a ha-
Mau Mea Ai Kahi
Ka Palaoa, Kopaa
Raiki, Pia, Hoohu,
Paakai, Huaala,
PIa Kulina &c-
-a he-
Laau Kapaau Kaulana Loa
A Dr. Jaynes.
Laau Kunu,
Laau Hoomaemae Koko,
Laau hoopau naio,
Penikila, Huaale,
A me na Laau Hamo, a pela'ku
837 3m 839
Papa! Papa!
-no-
Allen a me Robinson.
Ua wehe ae nei mana i
Pa Kuai Papa!
-ma ka-
Uwapo o Pakaka.
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena!
Na kui o na ano a pau!
Na Pani Puka a me
Na Pani Puka Aniani.
Na Pani Puka a me oa Olepelepe.
Na lako kukulu Hale
-o na ano a pau-
E kuaiia ma ke
Kumukuai Haahaa Loa!
o keia Makeke
Allen & Robinson.
Honolulu, Aper 12, 1876. 827 3m AAA
Hale Kuai Manuahi!
No Kona,
No Puna,
No Koolau,
No Napali
No Mana!
Eia ma Koloa ne ka meo Hou ano e Kuulauaha, a e ua-ne nui mai oukou e na mamo a
Manokalanipo!
A e ike i na mea maikai o kela a me kela ano, ma ka
Halekuai o Peni!
Ua makuakau ola e kuai aku!
Na Lole o na ano a pau,
Na Papa o na ano a pau,
Na Lako Kukulu Hale
Na mea haha Kamana,
Na me mahiai,
Na mea ai, mai na aina
e mai a me na mea a pau i makemakeia e ke
Kane, ka Wahine a me ke keiki-
Ke loaa mau mai ne keia mau mea ma kea moku kela mokku. a no ka mea, na hoopaeia mai ma Honolulu,
He au hou o ke Kuikahi!
Nolaila, e hiki ia'o ke haawi i keia mau pono ia oukou, ma ka kumukuai haahaa loa, i ike ole ia mamua aku nei.
E lulumi mai a hoa!
Frank Bindt.
Koloa. Kauai. Aperila 14, 1877. S02 4 yr 853
Eia ma ka Hale Kuai o Wini!
Na ea,
Na omau a-i,
Na kula pepeia o
Na omau hao kukalo,
Na mea ano hou a emi,
Buki Pakeke Ili a me na eke Dala
Na Lei Pilai,
Na Lei Eleele,
a me na mea a ae he nui wale.
E Haawi makana ia ana i kela a me keia mea i kuai a hikii i ka
Elua Dala.
E hele mai, e nana i keia mau mea maikai, a eloaa no e like me ka makemake.
Eia ma ka Hale Kuai o
756 2m Wini.
Kuai Haahaa Loa!
E kuaiia aku no ma ke kumukuai haahaa, ma ke Hale Kuai o H.M.Wini,
Na Kula Pepelao Ea a me na Kula kanikau, a me na kui e ae o kela a me keia ano.
Na Lei Kanikau no hoi a me na Lei e ae ao e linohau ai o na Lede opiopio. e kinikohu ai ke nana aku i ke kau mai luna. Na apo lima kanikao a me na mea a ae a pau no ke kumukuai haahaa loa. E wiki mai!
Nu Hou! Nu Hou!
Kukaepele i Hanaia ma Honolulu nei!
E Fredrick Vehling!
He kukaepele maika loa keia!
Ua like kona ano me ke Kukaepele o ko na Aina e.
Aole e neleka aina wa a pau
E kokua kakou i na hana mikiala kuloko o ko kakou aina hanau.
E hele mai e ike, a e kuaiia ma ka Hale
Kuai o A. L Kamika,
806 3m 831 Helu 44, Alanui Papu.