Ka Nupepa Kuokoa, Volume XVI, Number 43, 27 October 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

TOUCH IT NOT.

Golden Sunbeams p 174.

1

A ikea ka waina e,

      Mai hoopa, mai hoopa,

Ke olino ula mai,

      Mai hoopa, mai hoopa.

Moo onou hoowalewale,

      Pale, pale, mau ka pale,

Mai hoopa, mai lawelawe

      O hoohiniia mai.

 

Cho. - A ikea ka waina e,

      Mai hoopa, mai hoopa,

      Ke olino ula mai,

      Mai hoopa, mai hoopa.

 

2

Awa, hia, rama e,

      Mai hoopa, mai hoopa,

Ko na ui enemi,

      Mai hoopa, mai hoopa,

Nahu mai, hoopunipuni,

      Kau mai i ka ilihune,

Hookanaka a kiola,

      Na upena make nei.

 

Cho. - Awa, hia, rama e, &c.

 

3

 

Baka puhi, baka nau,

      Mai hoopa, mai hoopa,

Mea ino, hoolalau,

      Mai hoopa, mai hoopa,

Hoohohono i ka hanu,

      Hoopailua no na manu,

Lawe, hoolei, makau wale,

      Na opio, na pokii.

 

Cho. - Baka puhi, baka nau, &c.

      HAWAII.

 

HAAWINA KULA SABATI.

HELU 6. SABATI, NOV. 11.

PAUKU BAIBALA - Oih 26:6-20.

 

      6 Ke ku nie no au, ua hookolokoloia mai nei no hoi, no ka manaolana o ka olelo hoopomaika a ke Akua i olelo mai ai i ko makou mau kupuna.

      7 Ke manaolana nei no hoi ko makou poe ohana, he umi a me kumamalua, e loaa ia mea me ka malama mau aku i ka po a me ke ao; no ia manaolana o'u, e ke alii, e Ageripa e, na hoopiiia mai nei au e na Iudaio.

      8 No ke aha la oukou i manao ai he mea hiki o'e i ke Akua ke hoala mai i ka poe make?

      9 Nolaila, manao no au iloko o'u iho, he mea pono ia'u ke hana i na mea he nui i ku e i ka inoa o Iesu no Nazareta.

      10 Hana no au ia mau mea ma Ierusalema; hana paa iho la au i no haipule he nui maloko o ma halepaahao, ua loaa no ia'u ka mana no ka poe kahuna nui; a ia lakou i pepehiia, owau no kekahi i hoahewa pu aku la lakou.

      11 Hoopai pinepine aku la au ia lakou maloko o na halehalawai a pau, a koi aku la au ia lakou e olelo hoino; a no ko'u ukiuki loa ia lakou, hoomaau aku la au ia lakou a hiki i na kulanakauhale o na aina e.

      12 No ia mau mea i hele ai au i Damaseko, me ka mana a me ka aeia na na kanuua nui mai.

      13 I ke awakea, e ke alii e, ike aku la au ma ke alanui, he malamalama mai ka lani mai, he mea oi loa aku mamua o ka malamalama o ka la, ua puni au i ka malamalama, a me ka poe i hele pu me a'u.

      14 A hiua makou a pau i ka honua, lohe aku la au i ka leo, i ka i ana mai ia'u, i mai la ma ka olelo Hebera, E Saulo, e Saulo, no ke aha la oe e hoomaau mai nei ia'u? He mea eha nou ke keehi mai i na kui.

      15 I aku la au, Owai oe, e ka Haku? I mai la kela, o Iesu no wau, o ka mea au e hoomaau mai nei.

      16 Aka, e ala hoi oe, a e ka iluna ma na wawae ou; no ka mea, ua ikea au ia oe, no keia mea, e hoolilo ana au ia oe i lawehana, a i mea hoike aku i keia mea au i ike iho nei, a me na mea a'u e hoike hou aku ai nau.

      17 Na'u no oe e hoopakele i kanada a me ko na aina e; e hoouna aku ana no au ia oe io lakou la.

      18 E hookaakaa'i ko lakou mau maka, a e hoohuli ia lakou; mai ka pouli mai i ka malamalama, a mai ka mana o Satana i ke Akua, i loaa ia lakou ke kala ana o ka hala, a me ka hooilina mawaena o ka poe i hoomaemaeia i ka manaoio mai ia'u.

      19 Nolaila, e ke alii, e Ageripa e, aole au i hoole aku ia hoakaku mai ka lani mai.

      20 Aka, hoike mua aku la au ia lakou ma Damaseko, a ma Ierusalema, a ma na mokuna a pau ma Iudea, a i ko na aina e, i mihi lakou, a e huli i ke Akua, a e hana i na hana e ku i ka mihi.

 

Pauku Gula p 19.

Namahele 1. Ko Paulo ano mua, p 6-12

      2. Kona huli ana mai, p 13-19.

      3. Kana hana mua mahope iho p 20.

 

1

E ala ko kakou naau,

Hoopau i na makau a pau;

He heihei lani ko kakou,

Ala'e a holo mele no.

 

2

He ala ololi no nae,

Pauaho no, a maule ae

Ke ole o Iehova pu

E hanai a kokua mau.

 

Pule i ala a holo mau imua.

 

Na ninau a na Kumu.

 

      Ua waiho kakou ia Paulo he pio no ma ka halepaahao. Kii pinepine nae Pelika ia ia e kamailio pu me ka manao e haawi mau Paulo i dala i mea e hookuu ia'i eia. Aole nae Paulo i haawi i ke dala. Noho pio no Paulo i elua makahiki, a hoopauia no Pelika no kona hewa, a komo Peseto iloko o kona hakahaka. No Roma ia a he ano like pah kona me ko Pelika. Ua lilo no Iudea ia wa i panalaau no Roma, a o Peseto ke kiai, aina. A hiki oia ilaila, a hala na la ekolu hele mai oia mai Kaisaria a Ierusalema. Hoopii koke Anania ke kahuna, me kekahi poe koikoi o na Iudaio ia Paulo imua ona. A koi ia ia e kii aku ia Paulo ma Kaisareia me ka manao nae e pepehi ia ia ma ke alanui ke hele mai oia. Aole nae oia i ae Ua ike paha oia he manao ino ko lakou ia Paulo. Olelo oia, Ma Kaisareia oia e hookolokoloia'i. A e hele pu me ia ka poe hoopii me na hoike ilaila. He mau la mahope iho, a hiki lakou i Kaisareia. A kii ae oia ia Pau o a hookolokolo no no na mea i hoopiiia'i oia. Aole nae i hiki ke hooiaioia ia mau mea. Hoole hoi Paulo, aole loa oia i hewa ma ia mau mea. Ua akaka hoi ia Peseto aole o Paulo hewa, a hiki no ke hookuuia. I mea nae e hooluolu ai i na Iudaio, ninau oia ia Paulo, ke makemake nei anei oe e pi@ ae i Ieresalema, a malaila e hookolokoloia'i no keia mau mea? Akaka no ia Paulo he makehewa ia, e make paha oia ma ke alanui i ka poe hoohalua, a i ole, e hoahewaia no oia malaila e make. Ke hoopii nei au ia Kaisara. Kuka pu Peseto me ka ahaolelo, a ae like no i ko Paulo hoopii ana ia Kaisara. O ke Kaisara ia wa, o Nero ia, he alii hewa loa. He mau la mahope iho, hiki i Daisareia ke lii o Ageripa me Bereneke kona kaikuahine A hai aku Peseto i ke lii he pio kana o Paulo.

      Ua hookolokolo au ia ia ma Ierusalema. Aole nae i loaa ia'u kekahi mea kupono he hoahewaia oia. A ua hoopii oia ia Kaisara. A ke malama nei au ia ia, a loaa ka wa kupono e hoouna'ku ai au ia ia io Kaisara la. A pane no ke alii, owau kekahi, ke makemake nei au e hoolohe ia ia. A ae no Peseto. Ap@po e lohe oe ia ia. Ma ia la ae, akoakoa ke alii o Ageripa me Bereneke kona kaikuahine me na lunakausani, a me na kanaka koikoi me ko lakou hanohano nui, a kaiia mai Paulo imua o lakou. A kauoha Peseto i ke alii, e hoolohe i ka na, a ninaninau aku palia ia ia, i akaka he kupono paha kona, no ka hoopii, aola paha, no ka mea, aole e pono i ko'u manao e hoouna'ku i ke kanaka paa (io Kaisara la) me ka hoike ole aku i kona hewa i hoopiiia'i. Ka ae no ia o Ageripa. A ae hoi oia ia Paulo e olelo nona iho. O na Ageripa nei, he Iudaio no oia, he keiki ia na kela Herode ma Oih.. 12:1, a he moopuna nui no kela Herode ma Mat 2:1. He alii he wa no e noho pu ana me keia kaikuahine me he pio la. Aloha nae oia i na Iudaio, kokua, paipai e noho oluolu malalo ae o Roma, aole make e kipi. Ua akaka ia ia na oihana Iudaio.

      Nolaila, ua manao Paulo, he pomaikai kona i ka hai ana i kona ano imua o keia alii Iudaio. Ua ike hoi na Iudaio a pau i kona ano, i kona hoomana Iudaio me ka ikaika. Mok. 24:26-27. 25:1-27 26:1-5

      P 6-12. Ko Paulo hai ana i kona ano mua imua o Ageripa ma. Heaha ia ano? He Parisaio no, he manaolana kona no ke ala ana mai o ka poe make, me ka manao o no kupuna, me ka ninau pehea? Ua ae no Paulo, e hiki no i ke Akua ke hoala i ka poe make Hoole nae oia mamua, aole Iesu ala hou mai. Kuhi oia he kanaka hoopunipuni Iesu, a hoopunipuni kana poe houmana i ko lakou hoike ana, ua ala hou Iesu. Nolaila, ua aha oia i keia poe houmana, a me ka poe Karstiano a pau? No hea mai kona mana e haua ino ai ia lakou?

      P 13-19. Ko Paulo hai ana i kona huli ana mai. Ua hoomau anei Paulo i kona ano mua, kona hoomaau ana i na Karistiano? Ma ka mana aha i hui mai ai oia a ano hou? Hai mai i ka mea ana i ike ai ma ke awakea, ka leo ana i lohe ai, kona ninau ana, ka mea i pane ia mai, ke kauoha a Iesu, me ko Iesu hoolilo ana ia ia i lawehana, i mea hoike i ke aha? Heluhelu p 16-18. Nawai oia e malama, a hoopakele ke hele oia i na aina e? Ua ae anei Paulo i keia kauhoa? Mok. 9. Mahea i kakau hou ia'i? Imua owai? mok. 22. Ua like anei ma na mea a pau?

      P 20. Ka Paulo hai ana i kana hana mahope iho o kona huli ana. Heaha ia hana? Oiaio anei ia? Pela kakou i ike ai ma na Haawina i hala a hiki i keia Haawina.

 

      Mele - Him. 342, 7-6. Leo.

 

E ku, e ku no Iesu

Na koa paio nei, &c

      Pauku 1 me ke 3.

 

Na Ninau a ke Kahu.

 

      Na makua. Waiho kakou ia Paulo mahea? Owai ka i kii pinepine ia ia a kamailio pu? No keaha? Ma keia hana a Pelika ua akaka, aole Paulo i aha? Ae anei Paulo e haawi i ke dala? No keaha ka ae ole?

      Ehia makahiki i noho pio ai Paulo a hoopau ia Pelika? Owai ko Pelika pani hakahaka? No keaha i waiho ai Pelika ia Paulo me ka hoopaaia, aole hookuu aku?

      A hiki Peseto ke kiaaina hou i Ierusalema, heaha ke noi ana o ke kahuna nui me na Iudaio koikoi no Paulo? Heaha ko lakou manao e hana ia Paulo ke ae ia e hele mai oia? Ua ae anei Peseto ia noi ana? No keaha ka@e ole? Pehea ia kana pane ana? A hiki oia i Kaisareia, a hookolokolo ia Paulo me ka poe hoopii me na hoike, ua loaa anei ia ia ma mea e hoahewaia'i oia? Heaha kona ninau ia Paulo no ka hele ana i Ierusalema? No keaha ka hookuu ole a ninau pela? Ua ae anei Paulo ia hele ana? No keaha ka hooko ole? Hoopii aku nae oia io wai la? Ua ae anei Peseto me ka ahaolelo ia hoopii ana?

      Na keiki. Owai ke kiaaina i hoopauia? Hoopauia no keaha? Owai ke kiaaina hou? Ehia makahiki i noho pio ai Paulo? No keaha ka hookuu oleia? Pehea Iesu? ma ke dala anei oia e hookuu ai ia oukou i ka make? Ma keaha? Hiki anei i ke dala ke hoopakele ia oukou i ke ahi pio ole? Hookolokolo Pelika ia Paulo, loaa anei ka hewa? Hookolokolo Peseto ia Paulo, loaa anei ka hewa? No ka manao o Peseto e hookolokolo hou ia Paulo ma Ierusalema, hoole Paulo a hoopiio wai la? Owai ka inoa o keia Kaisara? Aia mahea kona noho alii? He alii maikai anei Nero? Owai ke Lii Maikai loa na na e hookolokolo i na mea a pau? Pehea la e hiki ai ia oukou ke ku mua ona me ka hoaponoia?

      Ke kula a pau. Owai keia Ageripa? Ageripa VII ia. Owai ka mea naauao a hiki ke hai mai i keia mau Ageripa ehiku? E makanaia i hookahi Baibala maikai ke hai pololei mai. He houmana Hawaii ponoi nae. E kakau i ka haina a e paia ma ka nupepa. He wahine aha keia Ageripa? Aloha nae keia alii ia wai? Owai ka i alakai ia Paulo imua o keia alii? No keaha? I ka ae ana o Ageripa e olelo Paulo kona iho imua o ia aha nui hanohano, pehea ko Paulo manao? heaha hoi kana mau olelo mua, mawaena, a hope iho? Ua pau anei kana mau olelo ma keia Haawina?

      Heaha na manao pili ia kakou? no ke dala, no ka noho mua, no ka noho hope; no ka haiolelo ma na aina e, no ko ke Akua malama ana i kana poe kauwa, &c.

 

Mele - Him. 322, 8-6. Leo.

Pomaikai e, ka Haku e, &c.

Pauku 1, me ka 2

 

      Pule no na kauwa a ke Akua, &c.

      Haawina no Nov. 18, Ane huli. Oih. 26:21-29

 

NU HOU MISIONARI.

[He Leta mai a Rev. J. Kekela mai].

 

      Ma ka kolomaikai o ka makua Rev. L. Kamika, no loaa mai ia makou keia palapala malalo iho:

      Puaniau, Hivaoa

      Nov. 17, 1876.

 

REV. L. KAMIKA:

      Aloha oe a me Kamika-wahine, ka olua mau keiki, na moopuna. Ua loaa mai kou leta mua a me na pahu laau au i hooili mai ai no makou pakahi.

      He mau leta hoi kekahi na Rev. J F Pokue, me Mr. E O Holo e hai ana, na hoouuaia mai na bila dala ia makou pakahi. Ua loaa pono mai no ia mau mea pakahi ia makou.

      He mau lea hoi ka'u elua ia oe i keia mau malama i hala ae nei; a manao au he pono no e palapala hou aku, ina hiki ole kela ua hiki hoi keia.

      E ola maikai ana no makou a pau na kumu i keia manawa, na kane, na wahine a me na keiki hoi.

      He mai lele kai hiki mai ma keia pae aina i ka malama i hala ae nei, a nui ka poe make ma na aina a pau. He piva ke ano o ka mai; ua loaa kahi poe o makou i keia mai, a pohala ae no hoi; maka loko @aikai o ka Haku keia pakele ana.

      He nui ka poe i make ma Puamau i keia mai lele. He 24 poe i make no ka mai maoli; 4 poe i make no ka mea e ae; 3 i okiia me ka pahi; 1 i kiia me ka pu; a hookahi o keia poe i ai ia e kekahi poe o Puamau nei, e like me ka ai ana o ka puaa. Auwe! ka hana a ka naaupo. O ka ona rama ke kumu o keia mau hana ino i kau mai ai maluna o lakou iho. He nui ka inu rama ma Puamau, a ma na wahi e ae o Hivaoa.

      He mau kaua liilii ma kekahi mau wahi o Hivaoa nei. Ko Puama'u, kaua me ko Hekeani; ko Haamau, me kekahi poe o Haamau. He mau mea hoi kekahi i pepehiia i keia malama i hala ae nei; hookahi ma T@aoa, a hookahi ma Atuano.

      He oia mau no ka pouli a me ka naaupo o keia lahui; nui ke kolohe, ka apiki, ka lauwili a me na hana ino a nui wale; aole paha he hewa i hana ole ia e lakou. Ke hoomanawanui nei no nae makou i ka noho ana iwaena o lakou, me ko lakou hooili mai i ka lakou mau hana ino maluna o makou; aole nae he paupauaho a haalele i ke ae aku; ao uo, kauoha aku, noi aku, a koi aku no e haalele i ka lakou mau hana ino, a e nana aku ia Iesu Kristo, ka Hoola o keia ao.

      Novemaba 9 - Kau mai la elua waapa ma Puamau, no kekahi moku i pau i ke ahi. He 1800 mile ke kaawale mai keia wahi aku nei. Holo mai lakou he 26, a pae mai la ma Puamau nei. No Livapula mai, e holo ana i Kalaponi. A na mana no i hookipa ia lakou a pau, me ka hanai pono ia lakou ma na mea i loaa - o Jo@n - ke Kapena a o Ada Iredale ka inoa o ka moku, a he 997 tona. He moku hao hoi ia, a o kana ukana e lawe ana, he lanahu no ia. He elua moku i wela i ke ahi e like me keia. E kakali ana lakou a loaa ona moku e holo ai i Nuuhiva, Tahiti, a i Kaleponi. Nolaila ko'u kakou i keia leta, a haawi ma kona lima, (Kapena) a nana no e lawe ma K@laponi, a hoouna ma Honolulu.

      Ua hui pu maua me Naomi e uwe aloha ia oe me Kamika-wahine no keiki me na moopuna; ua hoahanau ekalesia, no hoahanau a pau wa ko Hawaii Pae Aina. E aloha aku hoi i na hoalauna haipule a pau ma Honolulu.

      Owau no me ke aloha.

      J. KEKELA.

 

Na mea hou o ka Hui Kawaihau

me Kapaa.

 

      Me ka ulumahiehie o ka'u maka sila i keia hora no na mea hou o Kapaa, ma o ka Hui Kawaihau la, a he mau pilikia a@o nui hoi ia i ulu mai i ke au o ko Kawaihao ma@ko ana ma Kapaa.

      O ka mua, oia no ka ili ana o ke kuna. Luka ma ke awa o Wailua, a na ka Hui Kawaihau no i huki mai ia ia a maloo kona iwi kaele ma kaha one o Wailua, a i hakalia no i na kamana a hiki mai a o ke kapili uoia.

      A oiai makou e huki ana no i ke kuna Luka i ka Poaha la 11 Oct nei me ka manao e pau ae la hoi ia  piiikia, aka nae huki ae la ke kapena Ahuihala i ka pea o ke kuna Kinau me ka manao e hoopuka mawaho aku o keia awa pepehi moku, aku, aole nae e hiki, no ka mea e nou ikaika mai ana ka makani mamua pono, oiai hoi na Ale e kupikikio ana i o a ianei, a ulupa ia mai oia e na ale kawahawaha o keia awa a pae ana i kaha one. Me ka awiwi nui makou a me na kahu moku, a me ka Ona o keia mau moku D. Kahanu i ka huki hou ana iwah, ada, aole nae e hiki ua paa loa iho la i ke one a ua hemo ae la ke k@nae ka mea m@laio ae o ke kila, a lepe e aku la; a ia wa ua hoopaa ia na laiua i ka hoe, a pele ma ke la aoao a me keia aoao o ka moku, a napoo ako la ka ma ka pali, pau ae la ka hana o keia la. O kekahi poe a makou ua noho ma ka hale no ka hoomakaukau ana i na hale no ka hiki mai o ka Hooilina Moi, a o kekahi hapa ma ke hokua hou ana i ka ona moku me ke kamena Mr Tibbitts, a ma ka Poakahi nei kona lewa ana 'ku mai kaheone aku, a ua pale kana ia ia i keia mau la. He 3 moku ana o na kaula hao nunui o ke kuna Luka i ka wa a ka Hui Kawaihau i hiu ana, a eia ka olelo kaulana a haaheo a ke kamana nui i puana ae ai "Bully Boys" That white man do it. "Honolulu Boys Bully.

      O ka lua, oia no ka pau ahi nui wa ke kuahiwi o Kealia a me Kapaa, ke kula wahie hoi e manao ia nei no ka Halewiliko a ku aku.

      O ke kumu o ke ahi i pau ae keia kuahiwi i ke ahi, na ka haole malama aina no a me kona mau pauiolo; a oiai lakou e hele ana i ke kuahiwi i ke kuai Bipi, ua hoa lakou i ke ahi a waiho no pela, aole i kinai, peia mai na paniolo i hele pu ai me ko lakou haku haole, a ua hookumu hilii mai ke ahi a hiki i ka nui ana.

      I ka hoomaopopo aku ma ke koho wale i kahi o ke ahi i hamu mai ai i na wahie maloo e waiho ana, me he mea la maluna aku o 6 a o 7 haneri eka paha, he kohu pele ka hiolo mai i ka pali, a he ku i ka weliweli i ka nana aku, a ua aneane poino na ola kino ma na kuahiwi e noho ana, no ka hina aku o ka uahi ma ko lakou mau home kuahiwi, a me ke ahi pu, no ka mea e pii ana ke ahi ma ke kuahiwi maluna o na puu a me na Oawawa a nee mai la ke ahi i ko makou mau hale, a ina aole he kahawai mawaena o makou ame ke ahi alaila, he mea maopopo, aole na hale laau o ka Hui Kawaihau e ku haaheo hou maluna o ka l@ula o Kapaa.

      A no ka ike o ka H. K. i keia mau poino nui no ka mea e ai hapuku mai ana na alelo weliweli o ke ahi i na wahie, ka mea e hiki ai ke hoohana no ko makou mau ko ma o ka wili la, ua hooholo ka H. K. e hele e kinai i ke ahe a ua hele no me ka hoomanawanui.

      Ma ka wanaao o ka Poakahi a ao ae Poalua la 16, ma ka hora 2, na kahea ae ka leo o ka bele, e ala ae naue me na mea kaua a e kana aku i ke ahi nui weliweli e a mai ana, a ua ala na mea apau me na no, me na koi a naue eku la, o Henery Charman no hoi me kana mau paahana, a ua hoouakaia ke kinai o ke ahi a hiki i ka hora 6 o ke kakahiaka a pio iho la kekahi hapa o ke ahi ao ae la hoi, hele kekahi poe o makou i ka palau i ko makou aina, ao kekahi poe hele hou e kinai i kekahi hapa, Iloko o ka make a me ka wela o ke ahi makou a pau, he 40 makou a oi aku. I ke nana iho i ka H. K. he kohu puali koa iloko o ka hoouka kaua ana, a ke manao nei makou, ina aole ka H. K. ma keia aina o Kapaa, alaila, heaha la auanei ka hana a keia ahi maluna o keia mau aina palahalaha, a me ka home o na kamaaina pu kekahi.

      Me he mea la ke hoomaopopo lea ia nei o na haua nui weliweli ma keia mau aina palahalaha na ka Hui Kawaihau wale no ke kokua ana, aole hui i hoouna ia mai ke 67 pake ana o ka mea nona keia aina (James Makee Sugar Company,) e kinai i keia ahi ma ka aina, oiai ka wa e luku ai ana; he ole loa no' nolaila makou e olelo nei, o na hana nui apau e hooilia mai maluna o ka hokua opiopio o ka Hui Kawaihau, e amo ana no oia i na wa apau o na poino a me na poino ole. Aole ka H. K. e minamina i kona ola no ka pomaikai o ke lehulehu, a me ka leo alii i kukala ia iho ai peuei. - "E hooikaika nui i ko oukou aina, a e ae aku e kokua ina poino i na wa apau e hiki mai ana ke hiki." A malalo o keia leo makou i hoolohe ai a hooko aku la ma keia poino nu'. He aina mahiko ko kekahi Pake Liloi, a he mau paa hana malalo oua, aole nae i hoouna mai e kinai i ke ahi, pela ke kieaina. Pela hoi makou i hoomanao ae ai i ka Ohana kiu@ ahi o Honolulu ka uluulu iloko o ke ahi me na paa ahina.

     

Ka hoohanohano ana i ka' Hooilina Moi.

 

      Ua luana iki ka Hooilina Moi ma Wailua i ke ahiahi Poalima, a ke kakahika Poaono ae, holo mai no Kapaa, luana iki no ma Kapaa, a holo loa aku no ka Hui Kawaihau.

      O ka Hui Kawihau kulana ia wa ua makaukau no ka hookipa hauohano mai i ke Alii ka Hooilina Moi, a i ka wa i ike ia aku ai ka huakai alii ma kahi mamao aku ua kani ku@ke ae la kahi hele o makou e kau haaheo ana ma ka aleo o ka hale poepoe, a e welo malie mai ana hoi ka hae Hawaii ma kona aphu hae ma ku alio no, e  kiani m@he ia ana hoi e na aheahe lau makaui a ke Koolau, a e hiolo ana hoi ka ohu o ka uka waokele o Kapahi ma kela aoao a ma keia aoao o ua Aleo nei pela pu hoi me na lanai, e hooluluu ana i ka pua i ka lehua, a i loa a noho ae oe i ka malu o na lanai, e hoomaopopo iho oe, aia oe iloko o na kipona anu hea o ka uka waokele; o ke ala anuanu o ka palai a me ke ala huihui o ka Awapuhi kau e ho@i ae ai. A mamu@ pono o na lanai 7 i kau ia ai no hae liilii, e like me na inoa pakahi o na mokupuni liili o Hawaii nei a me na moku nunui, a ua hoomauia ke kani ana o ka pele a hiki i e kuu aua iho o ke alii mai kona lio iho.

      Oiai ka huakai alii e kokoke loa mai ana i kauhale, ua laina ae la makou ma ka hale alii Helu i, me ka manao e haawi i mau leo huro, aka, aole e hiki, no ka mea, ua hoop@haia ko makou mauinaau i ke aloha me ka eehia no ka mea i hala: A o ai ka huakai alii e kokoke loa mai ana, wehe ae la ke alii i kona hainaka a palulu ae la i kona mau waimaka e hiolo iho ana ma ka lepo a kona Haku Alii i paeli iho ai, a ulaula me kona mau lima ponoi, a pela pu me ka huakai alii, a o na keiki hoi no lakou ka inoa Manaonao e waiho nei "Kawaihau Glee Club" me na waimaka pu, a pela makou i hooilihia ia mai ai e ke aloha alii, ia Kawaihau o na Moku i hala e aku nei me ka minamina nui, ka milimili hoi au e Hawaii. Me he mea la i na e hoomaopopo iho oe o kona muli pukii no kekahi ma ka huakai a kona Kuahine alii e hele pu ana, he eehia me ke aloha pu.

      Ua hookipaia mai la ke alii ma ka lanai i ukali ia mai e ke Kiaaina E. B@sh, me kana lede, Mrs E@na Kapena, Miss Sophie Sheldon Mrs Evalaina Wilson, Mrs. N. Wainee ma me na keiki o Kawaihau ponoi me Davida Laika me kekahi poe iho no.

      Ua luana iki ke alii no kekahi mau hora a i ka auina la ua hele aku la i ka lehei kawa ma kahawai. I ke kakahiaka Sabati ae, ua hele aku ke alii e makaikai i na hale o ka Hui a pau ka makaikai ana ua huli noi aku noia koeua la a moe ma Niumalu, a Puakahi ae holo loa no Koloa a ka-ua iki no Koloa i ka Poalua a Poakolu holo loa i Waimea, a mai Waimea aku, holo loa no Niihau.

      Nolaila, ke @o@oi nei makou i na laui e kokua mai i kana huakai me ke ola maikai a huli hoi no ka olu kohai o ke Kaona. A ma ka po i hiki mai ai ke alii, ua hui ae la na keiki o ka Aha mele Kawaihau ma ke kuu ana ae i na leo mele ku i ke aloha, oia hoi keia malalo nei, a oia no ke mele hope loa a Kalani Kawaihau i hala i haku iho ai a hala 'ku la me ke aloha nui: -

      O i ole anu wale ai no

      I ka na pee poli i kanahele

      I ka miki koiawe a ka hau

      Kiki koele i ke kula

Cho. Kiliopu mai nei e ke anu

      Kilikilihau i kou poli

      Kaanini kalaihi ka opua

      I ke ku-ai ia e ke Kiowao.

 

      Me ka Luna Hooponopono ko'n aloha huihui a me ua keiki hoonoho hua kepau ka Adeiu. H.K.

      Kapaa, Kauai Oct. 16, 1877.

 

      KA HALE PAI KII O MONTANA. - Ua ae ia makou i kela la aku nei, e komo iloko o ke ia Hale Pai Kii maluna ae, e ku nei me ke kilakila ma ke kihi komohana o na alanui Papu a me Moi, e kilohi i kona mau keeua hoonana, e nana i na pahu kii a me na mea pai kii ano hou loa o keia wa. Ua maikai maoli na kii nui a me na kii liilii i ana malaila ma ka makou ike aku, a ua komo iloko o makou ka mahalo no ke akamai o keia haole pai kii hou. E hoolilo ana oia ia Hawaii nei i home nona no keia @a aku, a ua mare iho nei i ke ewe au e Hawaii. Ua hiki iaia ke pai i na ano a pau, a e pena hoi me ka mikiau. Aohe hewa i ka poe p@i pai kii ke komo ke malaila e pai ai i ku lakou mau kii i loaa na mea e makaua aku ai i ko lakou mau makamaka.

 

He mele inoa no Masa Ikuana, no

Kalalau mokupuni o Kauni. He

KEIKI HIAPO A LUI KANAKAOLE.

 

Auhea wale ana oe,

E ka ua Ulalena,

Kahiko mai la i uka,

I ka nani o Piiholo,

Ua like me ka opua,

Noho mai la i Awalau,

Au ae nei ka manao,

E pili me ke aloha,

He aloha o Makawao,

I ka ua Ukiukiu,

O ke kiu a ka naulu,

I ke kula o ka Maomao,

O ka loa kai ana ia,

I ka oui a ka lihilihi,

Ilihia iho nei loko,

Hana e mai ka manao,

Haina ae ka inoa,

O Masa Ikuana he inoa,

Auhea wale ana oe,

E ka na hoeha ili,

Kahiko mai la i uka,

I ka luna o Lihau,

Noho mai la i Halekahi,

O ka olu o ka Iuia,

Akahi au a ike,

Kahi wai o E@eile,

A like no a like,

Me ka ua Kilioopu,

Aole au i manao,

E p@wi ana ilaila,

O ka oni a ka lihilihi,

I ka welelau o ka lima,

I lihia iho nei loko,

Ka ukana a ke aloha,

Haina ae ka inoa,

O Masa Kuihelani he inoa.

      M. L. NAKULALA.

 

Papa! Papa!

NO

ALLEN A ME ROBNINSON.

Ua wehe ae nei maua i

PA KUAI PAPA!

MA KA

UWAPO O PAKAKA.

 

Na Papa Ulaula o na ano a pau.

Na Papa Paina o na ano a pau.

      Na Pili Hale Ulaula.

      Na Pili Hale Keokeo.

Na Pepa Hoonani Hale.

Na Pepa Molina.

 

Na Pena a me na Aila Pena!

NA KUI O NA ANO A PAU!

 

      Na Pani Puka a me

      Na Olepelepe.

 

Na lako kululu Hale

O NA ANO A PAU -

E kuaina ma ke

Kumukuai Haahaa Loa!

O keia Makeke.

ALLEN & ROBINSON.

Honolulu, Aper 13, 1876. 827 3m 833

 

HALE KUAI MANOAHI!

      NO KONA,

      NO PUNA,

      NO KOOLAU,

      NO NAPALI

      NO MANA!

 

Eia ma Koloa nei ka mea Hou ano e kupalanaha, a e naue nui mai oukou a na mamo a

MANOKALANIPO!

a e like i au mea maikai o kela a me keia ano, ma ka

HALEKUAI O PENI!

Ua makaukau ola e kuai aku!

      Na Lole o na ano a pau,

      Na Papa o na ano a pau,

      Na Lako kukulu hale,

      Na mea hana kamana,

      Na mea mahiai,

      Na mea ai, mai na aina

e mai a me na mea a pau i makemakeia e ke

Ka, ka Waine a me ke keiki

Ke loaa mau mai nei keia mau mea ma kela moku keia

moku, a no ka mea, ua hoopaela mai ma Honolulu,

 

He au hou o ke Kuikahi!

Nolaila, e hiki ia'u ke haawi i keia mau

pono ia oukou, ma ka kumukuai

haahaa loa, i ike ole ia

m@mua aku pei.

 

E lulumi mai a hoao!

      FRANK @INDT.

      Koloa, Kanai, Aperila 14, 1877

      802 1yr 853

 

Kuai Haahaa Loa!

 

      E KUAIIA aku no ma ke kumukuai haahaa, ma ka Hale Kuai o H. M. WINI.

Na Kula Pepeiao Ea a me na Kula Kanikau, a me na kui e ae o kela a me kela ano

Na Loi Kanikau no hoi a me na Lei o ae no e linohau ai o na Le@e opiopio, e kinikohu ai ke nana aku i ke kau ma i luna. Naapo lima kauikau a me na mea e ae a pau no ke kumukuai haahaa loa. I wiki mai!

      816