Ka Nupepa Kuokoa, Volume XVI, Number 42, 20 October 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

JESUS, ONLY JESUS.

Golden Sunbeams, p. 81.

1

Iesu, Iesu nani,

Oia no a mau;

Iesu ma ka lani,

Oia kuu uwao.

Iesu, Iesu nani,

Oia wale ko'u,

Nana no e pale

Ko ka po apau.

2

Iesu maikai wale

Mai ka lani mai,

Nana no i hali

Ko'u mau hewa nei,

Iesu kiekie;

Akahi no nae;

Noho au a like,

A hoopilii ae.

3

Iesu ihiihi,

Kena ia kakou,

E ala'e a mihi,

Mihi pono no;

Mihi a hoolohe

I ke Akua mau,

A e paio nona

Ma na la apau.

4

Iesu mea aloha

mea makamae,

Nou mai no ke ola

No na pokii nei.

Eia no makou la

Ma kou mau wawae,

Mai ku a kiola,

E hoola mai.

HAWAII.

HAAWINA KULA SABATI.

HELU 5. SABATI, NOV. 4, 1877.

KUMU HANA. ---Paulo unua o Pelika.

PAUKU BAIBALA.  Oih. 24:10-25.

10  Kunou ae la ke alii ia Paulo e olelo mai, alaila i mai la ia, No kou ike ana.  he nui na makahiki ia oe, i luna kanawai no keia aina, no ia mea, ua oluolu loa wau e olelo aku i na mea no'u iho.

11  E hiki no ia oe ke hoomaopopo, ne umi ae nei la wale no i hala, a me kumamalua, mai ko'u pii ana aku i Ierusalema e hoomana.

12  Aole hoi au i loaa ia lakou maloko o ka luakini, e hoopaapaa ana me kekahi, aole hoi e hoohaonaele ana i ka lehlehu, aole maloko o na halehalawai, aole hoi maloko o ke kulanakauhale:

13  Aole hoi e hiki ia lakou ano ke hooiaio i na mea a lakou e hoopii mai nei ia'u. 

14  Aka, ke hai pono aku nei au ia oe i keia, ma ka aoao i oleloia'i e lakou, he aoao ku e, pela no wau e hoomana aku nei i ke Akua o ko'u mau kupuna, e manaeio ana aku i na mea a pau i kakauia'i ma ke kanawai, a ma ka na kaula.

15  Ke laua nei ko'u manao i ke Akua, ua ae mai no hoi lakou i keia.  i ke alahouana o ka poe make, o ka poe pono ole.

16  Malaila no hoi aa e hooikhiau nei e loaa mau ka lunaikehala hewa ole mua o ke Akua a me na kanaka.

17.  A hala na makahiki he nui, hele aku la au e lawe i ka waiwai manawalea, me na mohai, no na kanaka o ko'u aina.

18  Loaa iho la au maloko o ka luakini i kekahi mau Iudaio, mai Asia mai, ua huikalaia, aole me ka lehulehu, aole hoi me ka hoohaunaele.

19  I na i loaa ia lakou kekahi hewa no'u, e hoopii mai ai, ina na pono o lakou kekahi pu mai imua o'u.

20  E pono uo hoi ia lakou nei ke olelo mai, ina paha ua loaa ia lakou ko'u hewa, ia'u i ku ai imua o lakou.

21  No keia lea hookahi wale no a'u i hea aku ai, i ko'u ana iwaena o lakou, No ke ulahouana o ka poe make, oia ko'u mea i hookolokoloia mai ai imua o oukou i keia la.

22  A lohe o Pelika i keia, hoopanee aku ia lakou a ike maopopo aku la oia i na mea o keia aoao, i ae la, A iho mai o Lusia, ka lunatausani, alaila, e hoomaopopo lea au i ka oukou.

23  Alaila, olelo aku la ia i ka lunahaneri e malama ia Paulo.  aole hoi e paa maoli, aole e papa aku i kekahi o kona mau makamaka, ke lawelawe nana, a e hele mai hoi mai ia ia.

24  A hale kekahi mau la, hiki mai la o Pelika me kana wahine, o Derusila, he Iudaio no ia, kii aku la kela ia Paulo, hoolohe aku la iaia no ka manaoio iloko o Kristo.

25  A i kana kamailio ana no ka pono, a me ka pakiko, a me ka hookolokoloia e hiki mai ana mahope, haalulu iho la o Pelika, i aku la, O hoi oe i keia wa; a loaa ia'u ke manawa kaawale, e kii hou aku no au ia oe.

Pauku Gula P 25.

Na mahele 1.  Ka Paulo hoapono ana iaia iho imua o Pelika ke kiaaina p 10-21

2  Ko Pelika hoopanee ana i ka hookolokolo, p 22-23.

3  Ka Paulo haiolelo weliweli imua o pelika me kana wahine Deruaila, p 24

4  Ka haalulu me ka hoopanee ana o Pelika, p 25.

Mele---Him. 488, 8-7. Leo.

Auhea la ka mana hiki

Ke hoohiki ia mai

Ko na aina pouli wale,

A loaa ka pomaikai,

Nou ka mana, e ka Uhane,

Nou ka mana e huli ai.

Pule no na aina pouli wale.

Na Ninau a na Kumu.

Ia Paulo iloko o ka pakaua, he poe Iudaio he 40 i ohumu a hoohiki, aole lakou e ai a pepehi lako ia Paulo  Ko lakou manao, e noi ia'ku ka lunakausani e ae e lawe hou ia' Paulo imua ona no ka ninau hou ana.  A ina e ae, e lawe ia oia alaila e hoohalua lakou ma ke alanui, a pepehi ia ia.  ua lohe nae kekahi keikikane na ko Paulo kaikuahine i keia ohumu ana, a hele a hai aku ia Paulo, a ma ke kauoha a Paulo, ua laweia ua keiki nei imua o ka lunakausani.  A i kona lohe ana i keia ohumu ino aloha no oia ia Paulo a kanoha oia i na lunahaneri elua me na koa elua haneri, me na hooholo lio 70 me na kanaka ihe he 200, 470 ka nui, e lawe aku ia Paulo mai ka pakaua aku ma ka po a ia Pelika ke kiaaina no Kaisareia me kana palapala no e hoakaka ana i ke kumu hoopii no Paulo, i kona hoopakele ana ia ia i ka make, a hoouna aku ia ia i o na la e hookolokolo pono ia.  Hele keia huakai nui a hiki i Anetipateri ma ia po.  He kulanakauhale ia he 35 mile ma ke komohana akau aku o Ierasalema.  Hoi aku na koa me na kanaka ihe i Ierusalema mai Anetipateri aku.  Koe na hooholo lio he 70, na lakou i alakai maikai ia Paulo i Kaisareia ke kulanakauhale alii, he 26 mile ia, mai ka akau aku o Anetipateri, e pili ana i ke Kaiwaehonua  Ilaila no Pelika ke kiaaina Haawi na hooholo lio ia Paulo ia Pelika me ka palapala pu a ka lunakausani.  Heluhelu Pelika i ka palapala, ninau nohea Paulo?  Paneia no Kikilia.  Nolaila hoi Paulo.  Kanoha Pelika, e malama maikai ia Paulo maloko o ko Herode hale alii, a hiki mai kona poe hoopii mai Ierusalema mai A  hala na la elima puka no lakou ilaila, o Anania ke kahuna nui, na lunakahiko, me Teretulo ka loio kokua i ka aoao hoopii.  Ka hoomaka koke ia o ka hana.  Ku no ka loio Teretulo, a hai aku i ke kiaaina i na kumu i hoopiiia'i o Paulo, 1  he kanaka kolohe,  2 he kanaka hoeueu i ke kue ana i ke kanawai o Mose,  3 ke kumu nui ia o ka papa Nazarene,  4 ua hoao oia e hoohaumia i ka luakini.

Ninau ke kiaaina i ka poe i hiki mai.  Pela anei?  Pane mai lakou, ae, pela io no. 

Mok. 23:12-35.  24:1-9.

P 10-21.  Ko Paulo hoapono ana ia ia iho imua o Pelika ke kiaaina.  Ua oluolu no Pelika, a kunou hoi ia Paulo e loio nona iho, o keia kiaaina, Pelika, he kauwa kuapaa oia mamua no Roma.  Ua hookuuia nae oia, a ma ke kokua ana o Palasa kona hoahanau, he punahele ia o ka Emepera o Roma, ua lilo oia ia kiaaina no Iudea   Ma ka mooleo o Roma, ua maikai no kahi mau hana a Pelika.  Ua loaa no ka maluhia ia ua Iudaio malalo ae ona.  He kanaka pono ole no nae, he luna hookaumaha, alunu, hana ino, kuko wale, lilo i ka lealea.  A no ka nui o kona mau hewa, aole liuliu mahope iho o keia hookolokolo ana ia Paulo, a ua hoopauia kona noho kiaaina ana, a mai li ia ma Roma, pakele nae ma ka uwao ana o Palasa hai mai i na mea a Paulo i hoopuka'i no na iho.  1  He mau la wale no kona ma Ierusalema, aole oia i hoopaapaa, aole i hoohaumia i ka luakini,  2  aole oia i hoohaunaele i ka lehulehu maloko o na hale halawai, a ma waho o na kulanakauhale.  Aole hiki i ka poe hoopii ke hooiaio i ko lakou mau hoopii.  Aka, ma kekahi mau mea, ua oiaio no---ua hoomana au i ke Akua ma kekahi aoao, a lakou i kapa'i he aoao kue, he aoao ku like nae me ka ke kanawai, a me ko na kaula.  E like me ka manao o kekahi hapa o ka poe hoopii, ua ae au i ke ala hou ana ka poe make

Heaha keia ala hou ana?  Ke ala hou ana o Iesu.  Oia ka mea a ka poe hoopii i hoole ai.  Ke ola ma o na la, aole i ae ia.  Ma ke kanawai ke ola, wahi a lakou Na Iudaio wale no ke ola, aole na kanaka e wahi a na Iudaio.  Ma ka Paulo olelo ana, e ola ka poe a pau i manaoia ia Iesu, ka mea i make a ala hou, a lilo i kalahala no ke ao nei.

P 22-23.  Ko Pelika hoopanee ana i ka hookolokolo.  No keaha keia hoopanee ana?  I hiki mai ka lunakanasani me ka poe hoopii.  Hiki no ke hookuu ia Paulo, no ka mea, ma ka nana ana o Pelika, aole o Paulo hewa.  Aka, he kanaka makee waiwai oia nana apuku 26.  Heaha ke kauoha a Pelika no Paulo?  p 23.

P 24.  Owai ka i hiki pu mai me Pelika?  He wahine Iudaio derusila, ua haalele i kana kane ponoi, a e noho manuahi ana me Pelika.  Owai ka i kii ia e Pelika?  A hoolohe lana i keaha ma ka waha o Paulo?

P 25.  Heaha kekahi mau mea a Paulo i hai aku ai a haalulu loa o Pelika?  He haalulu aha keia?  He haalulu makau no ka hana hewa ana.  Mihi anei oia?  Ua'ha oia?  Hoopanee ahea?  Ua loaa anei ka wa kupono e mihi ai o Pelika?  Owai ke lii Hawaii i hoopanee i elima makahiki  Ua loaa anei ia mau makahiki 5?  Eia anei maanei kekahi poe hoopanee i ka mihi, i ka huli ana mai?  Pono anei ke hoopanee?  Heaha ka pono?

Mele---Him.  300, 8-6. Leo.

1

Auwe ka poe i hoopanee,

A mihi ole no!

Ua puni i ka wahahee,

A make mau lakou.

Me ka pauku 6.

Na Ninau a ke Kahu.

Na makua.  Pehea ka hoohiki ana o kekihi poe Iudaio he 40 no ka pepehi ana ia Paulo?  ma keaha e manao ai e pepeh?  Ma keaha o Paulo i p kele ai i ka make?

Hai mai i ka huakai i hele pu me Paulo e hoomalu ia ia?  Ehia lakou?  Me he la, he mea aha Paulo?  E lawe ia'na Paulo i hea?  a imua owai?  Owai ke kiaaina?  Heaha oia mamua?  Heaha mahope?  Ma ke kokua ana o wai?  He kiaaina pono anei?  He kiaana oluolu a aloha anei ia Paulo?

Na keiki.  Owai ke keikikane aloha ia Paulo?  Pehea kona aloha?  Heaha ka hope o kona aloha?  He poe aloha anei oukou i ka poe pilikia iloko o ka halepaahao?  Nui ka poe pilikia ma na aina naaupo heaha ko oukou aloha ia lakou?  Owai ke kiaaina i hoopanee i ka mihi?  Maanei anei kekahi poe e hoopanee ana i ka mihi?  Pono anei?  Hai mai i ka pauku himeni.  Au we, ka poe i hoopanee, &c.

Ke kula a pau.  Imua o keaha Paulo ma kela Haawina?  A laweia oia mai ia aha aku a i hea?  a imua owai?  No keaha?  Owai ka lunakanawai?  Owai ke kiaaina?  Owai ka Amepera?  Nera.  Owai ke lii o Hawaii nei?  Owai na kiaaina?

Hai mai i ko Paulo hoapono ana ia ia iho imua o Pelika.  Owai ka loio ma ka aoao hoopii?  Ua hoaheaia anei Paulo?

Hai mai i ka pauku gula, me na manao pili ia kakou, a i na aina e.

Mele Him. 472. 7-6. Leo Hosana kamalii.

Hamau, he leo kani, &c.

Pauku 1 me 3.

Pule no Maikonisia Fatuhiva, Ipanan.

Haawina no Nov. 11, Oih. 26:6-20.

O ka Pa Alii anei ka Puuhonua

o ka mea hana hewa?

Ua ala mai keia ninau mao ka hoea ana ae o kekahi olelo maiwaeia ae o na kou kumau malama maluhi o keia aupuni, e olelo ana, ma ko lakou mau waha, "e hoi kana iloko o ka Pa Alii e noho ai, i pakele mai ke kau ana mai o na luna o ke kanawai."  No ke aha keia holo ana iloko o ka Pa Alii?  I pakele ai, wahi a lakou; ua hana anei i kekahi hewa?  Ae, na hana.  A oia anei ka puuhonua e pakele ai lakou no na hewa a pau a lakou e hana ai?  Ae; wahi a lakou komo iloko o ka Pa Ahi, aole hiki i ka mana kanawai ke kikoo aku i ka mea lawehala, oiai, ua pau mai i ka mana koa.  Aia ma keia mea, ua ike ia ka lana haakei o ka manao o na koa, a ua ulu mau na manao kolohe iloko o lakou e hoopoino wale i ka maluhia o kekahi mau mea elua a lehulehu wale aku, ma ka loaa ana ia lakou he oioina e malu ai a e hoe mau ia ai ka lakou hana ana pela; aka, he manao kuhihewa loa keia o na koa i hana ai pela, ko lakou lawe ana mai i kahi a ke Poo o keia aupuni e noho ana i punana no ka lakou mau hana ino; oiai hoi lakou e malama pu ana ia manawa i ka maluhia o ka Moi a me na wahi a pau e anapuni ana iaia.  Ma keia hana ana a lakou pela, na hoolapuwale lakou i ka hanohano oia, oihana a na a-e ae maluna o ko ka Moi kulana.  Ma kekahi la o kela pule aku nei, ua lawe ae la kekahi o na koa, nona ka inoa o Henry Spalding ma na paia o ka Pa Alii, malalo o ka malumalu hale o ka Moi e luakaha ai, i kekahi wahine a huna aku la malalo olaila a me ka manao ua lanakila oia a na hiki ole i ka mana o ke kanawai ke lalau iaia, aka.  mahope o ka ike lea ia ana, ua kikoo mai la na lima kakauha o ke kanawai a hoopaa aku la iaia ma kahi e ao ia mai ai oia i ka uku kupono no ka hewa ana i hana ai.  No ka mea mau i ka hana me keia ano, nolaila, ua hoomau aku ua koa la i ka hana ana pela me ka hoihoi i ka punana e lanakila ai oia ma na hana kolohe; Mamua aku olaila, ua kaena ae la ua koa nei penei: "Aole he mea nana e hopu ia'u a hoopaa, no ka mea na loaa ko'u puuhonua e pakele ai."  Aka iaia i manao ole ae ai i ka hopena, aia ua hale aku la ke kaena mai ona aku la, a ua uku ia mai la kana mau hana.  A nolaila, ke waiho nei ka ninau imua o kakou.  He puuhonua anei, ka Pa Alii no ka mea hana hewa?  Ke pane pololei 'ku nei au, aole loa.  Oha hewa a pau i hana ia malaila, he hiki loa ke haawiia i ke kanawai.  Aka, ma ka hana ana a na kea, ua lawe lakou i ka Pa Alii i puuhonua uo lakou e malumalu ai ma na hana lapuwale a hoohilahila i ke kulana a me ka oihana.  A he mea menemene hoi ka hana haumia ia ana o na paia o ka Pa Alii a me ka hokai wale ana o na koa i ka ihiihi o ka inoa o ka Moi, me kona ike ole i na mea i hanaia, oiai, na hilinai oia maluna o lakou he poe malama maluhia nona.  Owau no me ke aloha.     S. K. P.

Honolulu, Oct. 5.  1877.

Nu a noai o ka Malu Ulu o Lele.

Hooma u.---Ke hoomau mai nei ka UaPaupili i na kuahiwi, a ke kilohune loa mai nei i ke kaona nei, a ke a he uliuli mai nei ka lau o na mea kanu, aki, o ka nemonemo o na ipu laau a lakou nei, oia mau panoa no.

Pioneer MP.---Ke kokoke mai nei i na la e holokakeai o na hao o ke Paioneer, no ka mea, ua Oo ke ko.  a i hakalia ia Lohiau no ka mea, ke ulehole nei no, he kulana ku i ka hanohano ko keia wili, he eha ona mau pukauahi, a he nani kona mau paia ke nana aku, a he lehulehu kona mau kaopaku.  A ke uhene mau nei no kona Oeoe he hoailona no ka wa e hana @i a e hoopau ai o ke ahiahi.

Neti Mele.---Ma ka hoakai a Neti i huli hoi aku la no Honolulu, Oct 4, 1877.  Ua lawe hou aku la oia, he mau kauna ona kino kanaka, i loohia ia i ka ma'i kala aloha.

Ka "Ona Miliona"---Ua haawi ae la oia he wahi paina hoalohaloha me kona mau hoaloha o keia kulanakauhale, nolaila, na poloai ia aku lakou, a ua haiamu ae na hoa me na helehelena like ole, ma kona home noho Maunakea, ua hookipa aku la oia i na lede me na keonimana, ua ai ke anaina a ko'u ka puu, ua inu a kena, a mahope o o ka paina ana, ua naue aku la, ka huakai no Keawaiki, ua hiki mua ae kekahi poe ma kauapo, a i ka manawa i hehi ai kona mau wawae i ka papa o kanapo, ua haawi mai la ke anaina he mau huro, mahope o ka pau ana o ka huro, ua haawi mai le, ka "Lihauanu Club," he mau leo mele, me na mea kani, i haku ia e Elia ke alaksi, me hookahi o lakou i ha moia a eleele.

Na Leo Uwe.---Ua naue aku na wahine e lulu lima me Keaoopua, me na leo uwe ole, aka, mahope koke iho no o ka lalau ana o na lima i ke kiana, ia wa i ike ia aku ai, e alala mai ana ka waha i ka makani, e ha'u ana ka lehelehe, ua hoomau loa no ka uwe a kekahi a hiki i kauapo, mai kauapo a luna o ka waapa, pela no kona hoomau ana a hiki wale no iluna o ka moku, a na ane pioloke ke Kapena, o ke kumu nae o kela hana ana pela, no ka mea, ua noho o Kapauwe, no ka mea, o ka puni ia o ka uwe.

Alala ka waha ha'e i ka makani,

Alala a he Bipi keiki

Haaleleia o Leiaulani.---Ua lono mai makou, e haalele ana ke kiahonua'ia Leiaulani a e hoi ae ana oia ma ka home noho o ka "Ona Miliona," Maunakee, a ua hooaumoe mua iho nei ke kiahonua wahine, no ka mea, o ke kiahonua kane, aia i ka imi alii ma Ulupalakua.

Lohe Pepeiao.---Ua lohe mai makou, e kipa mai ana ka Moi Wahine Kapiolani ma Lahaina nei, aka, e hoopolo mua ia mai ana oia e ka Rain Nahua o Kaanapali, nolaila, e na makaa nana maikai o ka malu Ulu kaulana, e makaala, e liuliu ia oe iho, e hopu lima aku iaia, e hookipa, e hanai wahi ai, a hewa ae ka waha; E na keiki o ke kula o Lahainalalo-e ike i ko kakou mama.     S. K. HOAPILI.

Rain-Paupili Lahaina  October 6, 1877.

He make i Aloha nui ia.

MR. LUNAHOOPONOPONO; Aloha oe:---

Ano ke waiho aku nei au i ka moolelo o ka make ana o Mrs Lebeka Pao, a nau ia e hoike aku ma ke akea, iike mai ai na kini ohana a pau.  Ua hanau ia oia ma Kalanao ewa, i ka la 25 o Aperila 1852.  I kona wa i nui ai, ua lawelawe oia ma na pono a he hoahanau oia no ka ekalesia ma Ewa nei, a ma ia hope mai, ua noho pu oia me kekahi haole pukiki Mr Ulelu no kekahi mau makahiki, a ua hanau ia mai na laua elua keiki e ola maikai nei.  He wahine mikiala ma ka hana e pono ai ka noho ana, aole oia i pauaho iki ma ka lawelawe ana i ka hana e pono ai ka noho ana, aole oia i pauaho iki ma ka lawelawe ana i ka hana a kana kane a me kona ponoi iho, a me ko ka ohana--a hiki wale i kona wa i loaa'i i ka mai ano fiva, a me ia mai oia a haalele mai la i keia ola ana, nolaila, o kana mau hana pono, he kia hoomanao ia no kana kane a hiki i keia la.  "E like me Solomona, O ke aloha, aole ia e mokuhia, ina wai kahe he nui."  Ua make oia ma Waimano Ewa nei, i ka la 8 Okatoba 1876.  a ma ka Poakahi iho nei, la 8 Okatoba 1877, oia ka puni ana o kona makahiki hookahi, ua waiho iho oia he kane a he mau makoa a me na keiki a me ka ohana, e noho kumakena aku ma keia aoao o ka lua, nolaila, o ka nui o kona maumakahiki o ke o'a ana, he 24, me 5 mahina.  Ua hana a hoomanao makou i wahi kanikau nona, malalo iho:

He uhane he aloha e--a, nou e Lebeka e a,

He uwe helu mai e--a, o Ulelu he kane e--a,

He aloha ka wahine e--a, hoapili o ke kino e--a,

O ke kino keia e--a, luhi i ko aloha e--a,

He aloha pau ole e--a, nou e Lebeka e--a,

Aole e pau e--a, i ke kau-a kau e--a,

E lei mau au e--a, i kou aloha e--a,

He aloha ko kino e--a, i ka nalo ana'ku e--a,

Noho iho nei au e--a, me na kamalei e--a,

Minamina pau ole e--a, haneri mak. e--a,

Hiki mai ke aloha e--a, kulu kuu waim. e--a

He uhane keia e--a, nou e Lebeka e--a.

MR ULELU.

He uhane he aloha e--a, nou e Lebeka e--a,

He uwe helu mai e--a, o Pao ne makua e--a

Ua wehe mai oe e--a, i ka pili he maua e--a

Au iho nei au e--a, aole e loaa e--a,

Ua kiina mai e--a, e ka mea mana loa e--a,

Ke lawe ia ala e--a, e na anela e--a,

Ke kolu ona lani e--a, i ke ao polohiwa e--a

Aia paha oe e--a, ka maka o ka opua e--a,

E pu a mai ana e--a, ko kino wailua e--a,

Elua mea nui e--a, aloko e hana nei e--a,

Noho iho makou e--a, me ke aloha nui e--a,

Kuu hoa o kalai e--a, o keone kui lima e--a,

E hoi ka uhane e--a, i kalai o Ewa e--a,

He uhane keia e--a, Nou e Lebeka e--a.

MR PAO.

He uhane he aloha e--a, nou e Lebeka e--a,

Ke uwe helu nei e--a, mama he makua e--a,

Aloha ino no e--a, kuu mea laha ole e--a,

Ua hala'ku nei e--a, i ka la ewalu e--a,

Aia me Hiku e--a kela kualono e--a,

I walea me Malio e--a, i ke kui pua lei e--a,

E lei no au e--a, i kou aloha e--a,

He aloha ko leo e--a, i ka pane ana mai e--a,

He aloha oukou e--a, he aloha hoi au e--a,

Ke hele nei au e--a, huaa ike ao uli e--a,

He uhane keia e--a, nou e Lebeka e--a.

MRS KAOKAI.

He uhane he aloha la, nou no e Lebeka la,

Ke uwe haalou nei--la, Lahapa ko kea@na la

He aloha kuu pokii--la, kuu koolua o ka hale--la,

Noho iho nei hoi au--la, me ka luhio kaua la,

Elua no kaua--la, i ka malo o ka makua--la,

Ei aku nei pahare--la, i ka luna o Haupu la

E walea ana ka uhane--la, i ka leo hone o ka hele--la,

U--au me ke aloha--la, me ka minamina pau ole--la,

Mea ole ko maliu mai--la, kau walo aku a ka leo--la,

He uhane he aloha--la, nou no e Lebeka--la.

MRS LAHAPA

Waiawa, Ewa, Oahu, Okatoba 8, 1877.

Ea pololei anei?

E ka Nupepa Kuokoa; Aloha oe:---

Ma ka la 19 o Sepatemaba, m. h. 1877, hora 9 ua hookolokoloia kekahi wahine, no ka hewa hoeha, i kona kaikaina.  Penei ke komo, o kona hoeha ana:  ma ke ahiahi, o ka la 17 o Sepatemaba nei, pii akuola ka mea hoopii mauka o Awa, makahi lealea Europa, a mahope aku ka mea i hoopiiia, ahiki akula ma kahi a kona kaikaina i pii e ai mamua, a i ka loaa ana aku o ke kaikaiua ia koana, o ka manawa no ia i hoeha aku ai i kona pokii, me ka huipa hahau ho, me ka eha nui ma ke kua ma ka aoao, me ke poo, me ka eha nui, a ma ka la 18 ae ua hele aku kekahi kanaka e hai aku i ka hoopii i ka Luna Makai, o P. R. Holi, a ma ka noonoo ana o ka Luna Makai, me ka ninauinau pono ana ona i na hoike ma ka aoao o ke'li, ua paa ka hihia a ua kauoha aku ua Luna Makai nei ia Keaweaheolu.  e hele e hoohiki i hoopukaia ai ka palapala hopu, ma lalo o na kanawai, o ke 'lii.  A mua la nei i haiia maluna, ua lawe e ia ka hihia hoeha i mua o Kahuokanoa, ka L. K. Aoana o Waimea, o J Kauai, ka loio ma ka aoao hoopiiia, a o ka Luna Makai hoi ma ka aoao o ke 'lii.  O ka aoao aliii elima hoike o ka aoao hoopiiia aole hoi ke o ka mea hoopiiia wale no, ma ka olelo ike a na hoike o ka aoao o ke'lii, he pololei a ike no hoi me ka ewa ewa ole, a ma ka aoao pale, aole he wahi pono iki. ma ka pau ana o na hana, a i ka hoopuka ana o ka olelo hooholo a ka aha, ua ahewa ka aha ia oe, a eia ka hoopai, ke ao aku nei au ia oe mai hoeha hou oe ia Pokii, o ka wa no ia i kuleana ai o ka aha i ka olelo hooholo, mahope o ka olelo hooholo ku mai, ka aoao pale a mahalo, a o ka aoao alii aole mahalo ua mahalo oia i ka aha a o ka olelo hooholo, aole apono.     P. R. HOLI

Waimea, Kauai, Sepatemaba 20.  1877.

Lole Makepono ke Kuike!

E LOAA NO IA MA KAHI O

KAKELA ME KUKE,

---E LAA NA---

AHINAHINA,

KALAKOA,

KEOKEO,

LEPONALO

Pena, Aila, Aniani,

Na Mea Piula,

Kopa, Aila Honua,

Aila Hoomaloo

Kui Kakia, Pakeke,

Tabu, Kaula,  Noho lio,

Hulu-nalaki, na Pulumi

A he Agena no hoi no na Mokupuni o Ha-

waii nei no na

LAINAKINI-NAO,

LAINAKINI-MAOLI,

PALULE KALAKOA

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipini, lihilihi, a me ia mea'ku

---A HE---

MAU MEA AI KAHI

Ka Palaoa, Kopaa,

Baiki, Pia, Hoohu,

Paakai, Huaala,

Pia Kulina &c.

---A HE---

LAAU LAPAAU KAULANA LOA

A Dr. JAYNES.

Laau Kunu,

Laau Hoomaemae Koko,

Laau hoopau naio,

Penikila, Huaale,

A me na Laau Hamo, a pela'ku

Papa! Papa!

---NO---

ALLEN A ME ROBINSON.

Ua wehe ne nei maua i

PA KUAI PAPA!

---MA KA---

UWAPO O PAKAKA.

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

Na Pani Puka a me

Na Pani Puka Aniani.

Na Pani Puka a me

Na Olepelepe.

Na lako kukulu Hale

---O NA ANO A PAU---

E kuaiia ma ke

Kumukuai Haahaa Loa!

o keia Makeke.

ALLEN & ROBINSON.

Honolulu, Aper 13, 1876.

Eia ma ka Hale Kuai o Wini!

NA EA,

NA OMAU AI,

NA KULA PEPEIAO

NA OMAU HAO BUKALO,

NA MEA ANO HOU A EMI,

Buke Pakeke Ili a me na Eke Dala

Na Lei Pilali,

Na Lei Eleele,

a me na mea e ae he nui wale.

E HAAWI MAKANA IA aua i kela a me kela mea i kuai a hiki i ka

ELUA DALA.

E hele mai, e nana i keia mau mea maikai, a elu-

aa no e like me ka makemake.

Eia ma ka Hale Kuai o

WINI.

HALE KUAI MANUAHI!

NO KONA,

NO PUNA,

NO KOOLAU,

NO NAPALI,

NO MANA!

Eia ma Koloa nei ka mea Hou ano e kupaianaha, a e na-

ne nui mai oukou e na mamo a

MANOKALANIPO!

a e ike i na mea maikai o keia a me keia ano, ma ka

HALEKUAI O PENI!

Ua makaukau oia e kuai aku i

Na Lole o na ano a pau,

Na Papa o na ano a pau,

Na Lako kukulu hale,

Na mea hana kamana,

Na mea mahiai,

Na mea ai, mai na aina

e mai a me na mea a pau i makemakeia e ke

Kane, ka Wahine a me ke keiki

Ke loaa mau mai nei keia mau mea ma keia moku keia moku, a no ka mea, ua hoopaeia mai ma Honolulu.

He au hou o ke Kuikahi!

Nolaila, e hiki ia'u ke haawi i keia mau

pono ia oukou, ma ka kumukuai

haahaa loa, i ike ole ia

mamua aku nei.

E lulumi mai a hoao!

FRANK BINDT.

Koloa. Kauai, Aperila 14, 1877.

Kuai Haahaa Loa!

E KUAI IA aku no ma ke kumukuai haahaa, ma ka Hale Kuai o H. M. WINI.

Na Kula Pepeiao Ea a ma na Kula kanikau, a me na kula

e ae o keia a me keia ano.

Na Lei Kanikau no hoi a me na Lei e ae no e linohau ai o na Lede opiopio, e kinikohu ai ke nana aku i ke kau mai iluna.  Na apo lima kanikau a me na mea e ae a pau no ke kumukuai haahaa loa.  E wiki mai!

E. T. Halolani.

LOIO!

E IA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina, Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.

Hale Oihana, aie ma ka "Real Estate Exchange" Helu 31. Alanui Papu, Honolulu, malaila oia e loaa ai i na kanaka a pau, ina he mau ai ka kuai a hoolimalima ko lakou, a e hoopaaia me ua uku ole

KUAI HOOEMI LOA!

MA KA HALE KUAI LOLE O

C. C. AKINA,

e ku la ma Kaiopihi, Koaala, Hawaii, he mau Lole Hou loa, ka makana o ke Kuikahi Panai Like.  Ua kupono no na @wa o ka makani Apapaa o na aina haaheo nei.

He kamaaina no hoi i oluolu ia oukou, nolaila, e kuai manuahi aku no au me ka emi malalo o ke kumu lilo.  he mau lole nani loa.  he Nu Paikini.  no ke au o ka Moi Kala kana---Owau no o ko oukou makanaka oiaio,

C. C. AKINA.