Ka Nupepa Kuokoa, Volume XVI, Number 38, 22 September 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

How can I keep from Singing.

Golden Sunbeams, p 80.

 

1

Ma kena no kuu pomaikai,

Ma kena kuu hauoli,

Aole au i makewai,

Aole i pololi.

A walaau ma o, ma o,

A kei ka haunaele;

Owau no nae, he oli ko'u,

A mau no kuu memele.

 

Cho – A mau no kuu memele,

A mau no kuu memele,

A kupinai iloko o'u,

A mau no kuu memele.

 

2

Ina pau ae koonei waiwai,

Mau nae ko Iesu lako,

A uhi mai na ale kai,

Aloha au paumako.

A pa mai no na ino po,

A kau ka weliweli,

He mau nae ko loko o'u,

A mau no kuu memele.

 

Cho. – A mau no kuu memele, &c.

 

3

Panee maikai kuu ola nei,

Hee ae kuu mau kaumaha,

A nalo ae ka pouli e,

O Iesu mau kuu lama.

Kuu Puuhonua Oia nei,

Ma ona kuu paulele;

Ua malu au a maha e,

A mau no kuu memele.

 

Cho. – A mau no kuu memele, &c.

Hawaii.

 

HAAWINA KULA SABATI.

No ka hapaha eha.

HELU 1. SABATI, OCT. 7, 1877.

KUMU HANA. – Paulo ma Kaisareia

PAUKU BAIBALA. Oih. 21:8–15.

            8 A ia la ae, hele mai la makou ka poe me Paulo a hiki i Kaisareia; a komo aku la iloko o ka hale o Pilipo, o ke kahuna euanelio, oia kekahi o na hiku, a noho pu iho la makou me ia.

            9 Eba ana mau kaikamahine puupaa i wanana mai la.

            10 Noho iho la makou ilaila i na la he nui, a iho mai la kekahi kaula mai Iudea mai, o Agebo ka inoa.

            11 A hiki mai la ia io makou la, lawe iho la ia i ko Paulo kaei, nakinaki iho la i kona mau lima a me na wawae ona iho, i ae la, Ke i mai nei ka Uhane Hemolele, Penei e nakinaki ai na Iudaio ma Ierusalema i ke kanaka nona keia kaei, a e haawi aku ia ia i na lima o ko na aina e.

            12 A lohe makou i kela mau mea, noi ae la makou, a me kolaila poe ia ia, i pii ole ia i Ierusalema.

            13 I mai la o Paulo, Heaha ka oukou e hana'i pela, me ka uwe mai, a nahae ko'u naau? No ka mea, ua makaukau no wau, aole e nakinaki wale no, aka, e make no hoi kekahi ma Ierusalema, no ka inoa o ka Haku o Iesu.

            14 Aole loa ia i ae mai, oki ae la makou, i iho la, E hookoia no ko ka Haku makemake.

            15 A mahope iho o keia mau la, hoomakaukau iho la makou, a pii aku la i Ierusalema.

            Pauku Gula. "Aole hoi au e manao i keia mau mea, aole no hoi e manao au he mea makemake no'u kuu ola nei." Oih. 20:24.

            Ka manao nui, ka wiwo ole o na kauwa a ke Akua.

Mele. – Him. 340 6 – 8. Leo,

1

He koa anei au?

He kauwa na Iesu?

A ku haalulu, a makau,

A wiwo wale no?

4

Nau e kokua mai,

E Iesu kuu Alii,

I paio au a paio mau,

A pau kuu ola nei.

            Pule i loaa ka wiwo ole i ka malama ana ia Iesu.

Na ninau a na Kumu.

            Haalele kakou ia Paulo ma Mileto. Pau kana haiolelo ana i na lunakahiko pule oia me lakou; nui ka uwe aloha ana,

Hele pu lakou me ia a i ka moku, alaila kaawale. Hoi na luna i Epeso. Holo Paulo me kona mau hoa a Kooka a Rode, he mau mokupuni ma ke akau o ke Kaiwaena honua, a i Patara, he kulanakauhale awa ia ma ka hikina o Rode. Malaila aku ma kekahi moku hou a Suria ma ka hikina hema, a pae ma Turo, a halawai pu me kekahi mau haumana malaila. Papa lakou ia ia, aole make e pii i Ierusalema. Paa nae kona manao e hele no. Nolaila, hele pu lakou, kane, wahine, kamalii, a hiki iwaho o ke kulanakauhale, pule lakou, a aloha, a kaawale. Holo hou Paulo ma mai Turo a Petolemai ma ke hema, he kulanakauhale ia e pili ana i ke Kaiwaenahonua ma ka akau ae o Ierusalema. He mau hoahanau malaila.

            Mok. 21:8–9. Ko Paulo ma hiki ana i Kaisareia. Ua hele pu paha kekahi poe no Turo me Paulo a i Kaisareia. He kulanakauhale ia ma ka hema ae o Petolemai Nohea kona inoa? Mahea kekahi Kaisareia? Nawai i hookipa ia Paulo ma? Owai keia Pilipo? Ehia ana oihana? Mahea oia mamua aku? Oih 8:40. Ehia makahiki i hala? Ke kahu paha ia o ka ekalesia ma Kaisareia. Ehia kaikamahine a Pilipo? Heaha ka lakou hana maikai? wanana, haolelo, ao i ka ke Akua olelo. Nana Ioela 2:28. Oih 2:17.

            P 10–12. Ka wanana ana no na pilikia e hiki mai ana ia Paulo ke pii ae oia i Ierusalema, me ke kaohi ana o na hoa e noho, aole make e hele. Owai ke kaula i iho mai Iadea mai? Ua wanana anei oia mamua? a ua hookoia anei? mok. 11:28. Heaha ka hana hooweliweli a Agabo i hana'i i ole e hele o Paulo i Ierusalema? Ua hookoia anei keia wanana mahope iho? Pehea na hoa o Paulo? Minamina ea i kona ola?

            P 13–14. Ko Paulo hoole ana i ka manao kaohi o na hoa. Heaha na olelo wiwo ole a Paulo i pane aku ai? Pela anei ka pauku gula? Ua like kona makau ole i ka make me ko wai? Heaha hoi ka Iesu olelo ma Mat. 10:28. Luk. 14:26. Pilipi 3:8 I ka hoole ana o Petero ia Iesu, aole make e make oia, pehea Iesu i pane aku ai? Mat. 16:21–23. I ka ike ana o na hoa, ua paa loa ka manao o Paulo e hele i Ierusalema pehea lakou, a olelo pehea? Pehea hoi Iesu? Mat. 26:42.

            P 15 Mahope iho hoomakaukau Paulo ma e hele aku i hea? No keaha keia manao paa o Paulo e hele i Ierusalema? Nana mok. 20:16, 22. E paipai ana ka Uhana Hemolele ia ia e hele ilaila a malaila aku a Roma i hiki ke hai nui aku i ka euanelio.

Mele. – Him. 475, 7–6.

1

Na luna haiolelo,

E hele ae oukou

I na lahui aina

I noho naaupo,

A ma na mokupuni,

Na aina nui no,

E lawe i ke ola,

I ola no lakou.

Na Ninau a ke Kahu.

            Na makua. Ma ka pau ana o kela hapaha ma ke kolu o ke kaahele ana o Paulo, ua hiki oia i hea? Heaha kana hana malaila? Mahea ke kaawale ana o na lunakahiko mai ia Paulo ae a hoi aku lakou i Epeso? A hoomaka hou Paulo i kona kaahele mai Mileto a i hea? Ehia wahi i ku ai oia a hiki i Kaisareia? Ehia mile i hele ai? E hele ana oia ihea? Ehia mile mai Kaisareia a Ierusalema? 40 paha. Nohea ka inoa? Owai ka inoa mua? Sebarete. Owai kekahi hoahele o Paulo? Luka paha. Nawai i hookipa ia Paulo ma Kaisareia? Nohea Pilipo? Heaha oia? Maihea mai kona noho ana ma Kaisareia? Oih 8:40.

            Na keiki. Ehia kaikamahine a Pilipo? Heaha ka lakou hana maikai? Owai kekahi mau kaula wahine kahiko? Miriama, Debora, Huleda. Heaha na hana maikai e kupono ana i na kaikamahine i keia wa? Ka hele mau i ke kula Sabati, ka hoopaa i na Haawina, ka himeni, ke ao aku i na hoa, ka noho malie. Pehea hoi na keikikane? Oia hana like no. Hai mai Oih. 2:17 Sol. 3:1–4.

            Ke kula a pau. Hai mai i ka hana a Agabo ke kaula. E loaa mai ana keaha ia Paulo ke hele oia i Ierusalema? Ua wanana Agabo mamua no kekahi wi nui, ua hooko ia nei? A ua hookoia anei keia wanana no Paulo mahope iho? No keia mau pilikia i waihoia mamua o Paulo. Ua kaohi na hoa ia Paulo e aha? Hoopohe anei Paulo a noho? Makau anei oia i ka hele? Oluolu anei oia i ko lakou kaohi me ka uwe nui ana? Pehea kana pane, ua aha lakou ia ia mahope? Heaha ko ke Akua makemake, e hele, e noho o Paulo?

Hai mai i ka pauku gula, ma Luk 14;26

Ma ka hoopili ana.

            1 Aole make e kaohi, e keakea na hoa i ka poe i manao e hele i ko na aina e e lawe i ke ola.

            2 Aole make e makau i na pilikia ke hele aku i ko na aina e. Mai makau ke lilo ke ola no ka hai ana i ka Iesu olelo ko na aina e. Ina make no Iesu, he ola mau loa ka uku.

            3 E hele aku imua me ka wiwo ole.

            Mele. "Aole o'u makau"

            Hae hoonani. Mele 29.

            Pule i hana mau no Iesu, pule no ko na aina e,

            Haawina no Oct 14. Paulo ma Ierusalema Oih. 21:27–39

 

He makua i aloha nuiia.

[Kanikau pololei o Kaumiokalani.]

            Kanikau aloha keia nou e Kaumiokalani

Kuu makuhine mai ka aina hanau o Kalaupapa,

Mai ka nalu aei o Iliopii,

Mai ka piiua loa la e Puupaneenee,

Aohe loa oia pali i ka heleia @ kaua.

Inu aku o ka wai o Waialal@.

Oia wai hoi a na kupuna i inu ai,

Inu aku ka uhana i ka wai ola a Kane,

Ola oe @a noho me ka Makua mana iluna,

Me Iesu Kristo ka hooia o na lehulehu,

Nona ko makou ola a me ka pomaikai

Ka mea hoi nana e hooloihi i ko makou ola ana.

Ko makou kiekie a lauakila mau,

            He haupu he manao ke aloha ia oe la-e.

N H Poookalani.

            He kanikau aloha no Kaumiokalani,

Kuu makuahine aloha nui loa,

I hele palanehe ole aku nei i ke kakahiaka,

O ko ake ka'u e ike nei i ke kino wailua,

Elua no kaua i noho i ka lai e Molokai,

Akahi ka hoi mea nui a loko e noho nei,

O ke aloha e hoalii nei i ka nui kino,

O ko kino ka'u e hiipoi nei na hele ka uhane

Aloha ka uhane ka hoapili o ke kino.

I pilia e ka@a ka uka o Papakailoi,

Oia home olu a kakou i noho ai,

I ka malu o ke Kou a me ka lauhala,

Hala ka makua kuu mea aloha,

Kuu minamina pau ole i ke kau-a-kau

Ua kau aku la oe i ke aupuni mau loa

Noho iho nei makou me ka paumako ia oe,

            He mamina he aloha ia oe la-e,

Kuu makuahine i ka wai e Waikolu,

Mai ka pali kiekie la e Keanakua,

Mai ka ua nihi pali la e Kalawao,

Mai ka @ina aku hoi o Polopola,

Oia aina a na kupuna i noho ai,

I noho aloha ai i ka luna e Maulili,

Ua liliha au ua kena i ko aloha,

Aloha Koloa i ke alo huli i Waihanau

I hanau no oe i ka malama o Kaelo,

Hoe@lo ka makua kau iluna o Puuwau

E nana ana i ka wai liula o ka aina

Ike aku la oe i ka wai kamahao o Kauhako,

Ua ko no au ke pili nei me ke aloha,

Aloha Kanomano i ke ala hele ma ke kula,

Oia kula a kakou e noho ai,

E walea ai i ka olu o ka ipu-e.

            He mamina he aloha ia oe la–e.

Kuu makuahine i ka wai a ka naulu,

Mai ka ulu haokea la i Kiikolu,

E kolu no lae oi loa i ka akua,

O ka lae o Hoolehua Kahili me Iliopii,

E pii ana no au a kau iluna,

O ko aloha no kou noho alii'

He alii hoomau na,u ke aloha,

Aloha na nalu o Kaia me Kanaloa,

Ke hui like ae la Puohaha me Puao,

Ua ao loko o,u malamalama i ko aloha,

Aloha Lenalena ka wai auau a ka malihini,

Aloha Puuhahi i ke one o Pikoone,

Aloha na ohia o Kiokio me Ohia,

Ke muia mai la na lehua o Iliilikaa,

Ua kaa ka pono o ke aloha na'u e hiilani

Me kalani nei no ka nui o ke aloha ke hiki e,

            He mamina he aloha ia ae la–e,

Kuu makuahine i ka luna e Kalae,

Mai ka makani alahou la e Kalamaula,

Ke kahiko mai la i na lehua o Kahana,

He ana like laua me Kaiolohia,

E hoohihi ana i ke one hanau,

I ka olu o ka makani he Lawelawemalie,

O ko aloha ka'u e lawe malie nei,

E hoopiha nei a pina i ka waihona,

He waiwai nui ke aioha na’u e malama nei,

Aloha na one o Kamiloloa au e hele'i'

Aloha Kaunakakai au e noho'i,

Aloha ka i@ ka i ka wawae au e ai ai,

Euwe helu mai e Molokai a Hina,

E mama-e hoi mai kaua,

            He mamina he aloha ia oe la–e

Kuu makuahine i ka lai o Honolulu,

Mai ka h@@kau la o ke kaona,

Mai ka piha kanaka la o Kauapo,

Ua apo ae nei au i ko aloha aole e puni.

Aloha Kulaokahua a kaua e hele ai,

Aloha puuomanoa kahi e hoonaha ai,

Aloha pukaomaomao a kaua e moe ai,

E moe koolua ai kaua ia puka pa,

Ho ao aku kaua i kauhale,

Aloha Manoa i ka loku a ka na Kuahine,

Oia aina i noho ai a kupa,

A kamaaina hoi ka noho ana ilaila,

Ilaila hoi oe e noho alii ai,

I punahele hoi na na keiki,

I milimili la hoi no na la ui,

Eia ka e pauaho koke mai ana oe,

I ka noho pu ana me na keiki,

A hui pu hoi me na kupuna,

He mamina, he aloha ia oe la–e.

S K K Hukilani.

Waihoolan@, Manoa, Sept 1, 1877.

 

E ka Nupepa Kuokoa e; Aloha oe:–

            Aia ma ka la 15 o Augate, ua haalele aku la makou i ke Kulanakauhale Alii ua holo mai makou maluna o ke kuna Ane, a maia po no a ao ae, hiki makou ma ke kai malino, o Waianae a maia kakahiaka no hora 7 oia kakahiaka nui haalele makou ina kapakai o Kakuihewa, aia mamua ae o ko makou haalele ana, ua loaa ia makou ka oluolu kupono a maia la no ua loaa ia makou kekahi poin@nui i ike ole ia mamua ae; ua ili ihola na uhane haukae maluna o ke Kapena a me ka malamamoku me na luina pu nohoi kekahi, ia manawa no hoi, ua nui ka pilikia maluna o makou a ma ka lokamaikai o na Lani kiekie i hoopomaikai mai ai i ko makou ola kino, hiki mai la makou meha mea ala he elua paha mile ke kaawale, mai na kapakai mai o mano ia manawa i haule aku ai kekahi luina o ka moku ke kumu o kona haule ana no ka piha loa i na uhane haukae.

            Ia manawa makou i ike ai, he wahine ka mea nana e pailaka ana ka moku a hikiolulo ana i ka aina, mamua ae o ko makou lele ana aku, i olelo aku ai makou i ka oluolu o ke Kapena e hookuu mai ia makou, aia hoi ua namu maila ua Kapena nei me na olelo haole.

            A haohao iho la makou i neia mau namu me ka olelo pu aku o makou, i ka wa hea e pau ai neia mau uhane haukae aia ka a makau wahi kiaha hou, hekeu aku neia mau uhane haukae, ia manawa makou i hoomaka iho ai e hana i mau uhane haukae a k@@ aku la maluna o kahi wa@pa, o ko makou nui i kau ai maluna, he elua wahine a me e kolu kane a me elua l@ina i ola ko laua uhane haukae, ke koena o na ohua i koe aku, he elua wahine a me hookahi kane, nolaila e makakau e Hawaii Ponoi mai puni hou mai i neia mau hana i kue i ke kanawai. S. K. Samuel Hanalei.

 

Aole pono o Leahi, o Laeahi ka Pono.

            Ua ike wau i ka haina kupono a ku'u makamaka i hilinai ai no ka ninau i waiho ia mai imua o kakou, e pili ana i ka lae kaulana ma ka hema o ke kulanakauhale alii o Honolulu.

            O ka pololei a me ka oiaio maoli o kela puu kaulana a he lae hoi i ka kakou ike ana ma kona aoao komohana.

            O Laeahi no. A penei na hoakaka ana i puana ai keia maka kila o "Laeahi."

            Ua lohe mai no hoi au mai kekahi mai o ko kakou mau kupuna, o ka inoa o keia puu e kamailio ia nei mamua, o Kawaikauiluna no na wai la a ke keiki i auau ai, aole o Leahi. Heaha la ke ano o kela hua olelo? Haina,–He inoa la no ka hele ana o ke keiki a @@au i ka wai, pela ka hai mai o kekohi o ko makou mau kupuna.

            No Laeahi. Ua hai ia mai nohoi au o ke kumu i kapaia ai ka o Laeahi no ka pae ana o kekahi i-a nui, o ka inoa ka o ua i-a nui nei he A-hi. O kahi ka i pae ai he kaha one kupono ka ma ke alo o ua puu nei, ia manawa, kapaia iho la ka inoa o Laeahi e na kanaka ia manawa. Nolaila, o Laeahi ka pono, aole o Leahi.

            Nolaila eia na ninau emapopo ai ke kulana o ke la inoa keia inoa no na Lae ame na puu o ke kaona nei ame ke kahi mau lae eaku.

            Ninau–Pehea la ka puana pono ana o na hua olelo o ka puuekau nei na pukuniahi o ke Aupuni?

            Haina–O Puuoina, aole o Puoina, he hoopokole wale ana noi@.

            Ninau–Pehea la ka pololoi loa oka hua olelo epuana ai ia Ka Laeokalaau!

            Haina–Laeokalaau. Aole o Leokalaau, i ku pono ai lahoi o Leahi

            Ninau–Pehea la kakou ekapa aku ai ia Lae Hao?

            Haina–O Lae Hao no. Aole o Le Hao. E like me Leahi.

            Nolaila e hoomaopopo pono paha ka mea heluhelu, a e wae iho i ka pono a me ka ole.

            Sept 17, 1877. G W Kalohai.

 

He wahi mea pohihihi.

            Ma ka malama o Iune i hala aenei, la 27, ua hoopii aku au imua o o ko makou Ilamuku o ka Apana o Hamakua nei. O ke kumu o kuu hoopii ana, he poe kanaka i kua wale i ka laau o kuu aina, eha ko lakou nui. Ua hoopi@a keia poe ma ke Kanawai i pili i na hana ino a me na hana kolohe. Mamua ae o ka noho ana o ka Ahahookolokolo, ua noi mai la ka Ilamuku ia'u, uku aku au, a penei i olelo mai ai. "Uku mai oe elua dala, i na aole pau no." Olelo aku la au iaia. Ke inoa he hihia hewa keia, Karaima hoi, pane mai la kela me ka huhu, "no-no," o keia mau dala no, hookauwa ka makai, noonoo iho la au iloko o'u, he Kanawai hou mai nei ka paha keia ina pela, e haawi ae, o ko'u haawai aku la no ia, i na dala elua.

            I ka hiki ana i ka la hookolokolo, a mahope o ke kau pono ana a ka Mea i Mahalo ia P. Kaaekuahiwi ma ke ana o ka pololei a me ka kaulike, ua hoopaiia ekolu, a hookuuia hookahi.

            Mahope mai okeia mau mea, ua hoonuaia mai la au e na olelo "aole i pololei kau uku e ana i na dala elua no keia hihia hewa aole pololei maikai ole keia hana ana." No keia mau mea, ua mau ka nune ana iloko o'u. I mau mea e nalo aku ai ia mau ao poluluhi, ua ninau aku la au ma kaleta i ka Luna Makai Nui o keia Mokupuni o Hawaii, no keia mea. Aohe leo i paneia mai, aole hoi ma kekahi ano e ae. Nolaila, ke kau aku nei au i keia mau mea pohihihi ia'u imua o ke Aniani Kilohi (ke Kuokoa) o keia Lahui.

            Ua pololei anei ko ka Ilamoku lawe ana, i na dala elua, ma ke ano he koina no kekahi hihia hewa mamua o ke kukulu ana o ka Ahahookolokolo? aole anei? E Nainoa.

            Hamakua, Hawaii, Augate 27, 1877.

 

Ma ka waiwai o KEKAAWE i make, ke hoike ia aku nei ka lohe i na mea a pau a Kekaawe i aie aku ai, e hoike koke mai i ka lakou mau koina, i ka mea nona ka inoa malalo iho no ka aponoia ana. O ka poe i aie mai iaia, e hookaa koku mai la KAMEHAIKU w, Lunahooponopono Waiwai.

Honolulu, Aug 15, 1877. 820 4t* 523

 

Hale Kuai Hou!

Ke poloai aku nei ka mea nona ka inoa malalo nei, i ka lehulehu a pau, me ke noi pu aku i ko oukou lokomaikai, e helu mai ka ku'u Haleku'ai hou, ma Honokaa, Hamakua, Hawaii, a e ike no hoi oukou i na Lole nani o kela a me keia ano, mai ko na kanaka ma@na a i ko na kamalii. Malaila no hoi na N@ho L@o ano hou loa. E loaa no keia mau mea a pau me ka makepono loa. K. AMU.

Honolulu, Iulai 18, 1877. 815 3m* 827

 

KUAI A KA ILAMUKU!

Mamuli o ka mana o ka Olelo Hooholo, i hoopuka la e ka Aha Hookolokolo Kiekie, no J G DICKSON ka pono, no na dala he $138, kue ia SAPANA, ka mea pale, ua lawe mai au a e kuai aku ana ma ke kudala akea, ke hiki aku i ka hora 12 awakea, o ka la 3 o Okatoba, maluna iho o kahi o ka hale laau @ ku la ma Kamoiliili, i na pono, ua pomaikai a me na kuleana a pau o na Apana la iloko o ka hale laau a me k@ hoolimaima iloko o ka aina, oia he 8 makahiki i koe, aia wale no ke koe a hookaa e ia ke koina maluna ae, ka uku ko@opanee a me ka uku K@m@ina mamua ae. W C PARKE, @@@@

Honolulu, Aug 23, 1877. 823 4ts 825

 

Aha Hookolokolo Kaapuni Apana @@a ko Hawaii Pae Aina, Kauai, @@ @kau o Augate A D 1877. AHIU (Pake) ka mea hoopii oki mare, kue ia KUTA AHIU w, ka mea i hoop@@a.

            Ma ka hihia hoopii oki mare maluna ae, na kano@ali, na kaa ka pono ma ka hooki ana i ka mare ma ka aoao o Ahiu pake no ke kumu he haalele loa o ua Kuta Ahiu la, e hooku i@ mahope iho o ka pau ana o na malama eono mai k@ la aku o ka hanaia ana o kela olelo hooholo, ke hana e like me na olelo maloko nei, ke ole nae i ike @a ke kumu e ae ole la ai ia noi. A ua kauoha hou ia ka mea hoopii, e hoolaha i ke kope i hoolaloia o keia olelo kauoha ma na nupepa aupuni Gazette a me ke Kuokoa, i eono hebedoma; o ka hoopuka mua ana maloko o hookahi i malama, mai ka la aku i hoopukaia ai keia olelo kauoha, i mea e hiki ai na mea a pau i pili ke hoike mai ko o na malama eono, ina he kuma ko lakou e hooholo ole ia ai la olelo hooholo, a lilo i mea ole. NA KA AHA.

            Frank Bindi, Kakauolelo Aha Kaapuni Apana Eha.

            Nawiliwili, Kauai, Augate @, 1877. 830 618 825

            Ke hoolalo aku nei au, o ke kope olalo keia maluna ae, no ka hihia maluna e waiho nei ma ka buke o ke Kakauolelo o ke Aha Kaapuni Apana Eha, Frank Bindi, Kakauolelo Aha Kaapuni Apana Eha

 

Lole Makepono ke Kuike!

E LOAA NO IA MA KAHI O

KAKELA ME KUKE,

E LAA NA

AHINAHINA,

KALAKOA,

KEOKEO,

LEPONALO

Pena, Aila, Aniani,

Na Mea Piula,

Kopa, Aila Honua,

Aila Hoomaloo

Kui Kakia, Pakeke,

Tabu, Kaula, Noho lio,

Hulu-nalaki, na Pulumi

A he Agena no hoi no na Mokupuni o Hawaii nei no na

LAINAKINI–NAO,

LAINAKINI–MAOLI,

PALULE KALAKOA

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipine, lihilihi, a me ia mea'ku

A HE

MAUMEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina &c-

A HE

LAAU LAPAAU KAULANA LOA

A Dr. JAYNES.

Laau Kunu,

Laau Hoomaemae Koko,

Kaau hoopau naio,

Penikila, Huaale,

A me na Laau Hamo, a pela'ku

814 3m 826

 

E. T. Halolani.

LOIO!

Eia he $20,000 e makemake ana e hoaie aku ma ka ukupanee haahaa loa mai ka $200 aku a pii ae ma ka moraki ana i na aina, Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.

            Hale Oihana, aie ma ka "Real Estate Exchange" Helu 31, Alnui Papu, Honolulu, malaila oia e loaa ai i na kanaka a pau, ina he mau ai ka kuai a hoolimalima ko lakou, a e hoopaaia me ua uku ole 815 6m

 

HOOLALA A KA LUNAHOOPONOPONO WAIWAI.

No ka mea, ua hoonohoia mai ka mea nona ka inoa malalo i Lunahooponopono no ka waiwai o J Y KANEHOA o Kaanapali, mokupuni o Maui, i make aku nei, e Abr. Fornander, ka Lunakanawai Kaapuni Apana Elua o ko Hawaii Paeaina, e like me ia ma kaua Palapala Kauoha hope loa. Nolaila, ke kauoha aku nei au i ka poe a pau i aie i ua mea make la, e hookaa mai i ko lakou aie, a i ka poe hoi a pau ana i aie ai, e hoike koke mai i ka lakou mau Bila aie iloko o na malama eono mai keia la aku, a ina e lohi a hala ka manawa i oleloia, e hoole mau loa ia'ku no. J. A. NAHAKU.

            Lunahooponopono Waiwai o J Y Kanehoa.

            Keekewai, Kaanapali, M., Aug 18, 1877. 821 4t*

 

HALE PAI KII O AHI.

EMI LOA NA KII!

Ma ka Hale Pai Kii o Ahi, Helu 63, Alanui Nuuanu Honolulu. O ka uku o ke kakini Kii Pepa mamua, he $3.00, a i keia manawa, ua hoemiia i $2.50. O ka uku o ke kii Aniani, he $@.00 mamua, ua hoemi loa ia a i ka $2.00 wale no. Emi loa maoli a makepono! Aole like pu mamua. E wiki mai oukou, oiai ka manawa kupono a ka lia e upu nei. I keia manawa, hanaia na kii maikai loa!

 

Hale Kamana Nui!

Aia no maloko o keia Hale maluna ae, a ma ka Helu 69, Alanui Nuuanu, e hanaia ai na pahu ume me na aniani ku, na mamalu a me ia mea aku ia mea aku. E loaa no na pahu pal@na a me na pahu koa ma ke kumukuai oluolu a makepono loa, i ike ole ia mamua.

 

Hale Kumeka Kamaa!

Malalo o ka Hale Pai Kii, ua hoana okoaia he keena humuhumu kamaa o kela a me keia ano a ka makemake e hiala@ ai. E kipa mai a e ike oukou "I ka nani o Aipo." Malaila no e loaa ai na Pale Ili Noho Lio, no ke kumukuai haahaa a ka launa ole mai. E kipa mai a e kuai no oukou iho.

 

Hale Hana Kika Puhi!

Ma ke Keena makai o ka Hale Kamana, Helu 69, Alanui Nuuanu, he wahi e hana pakaia nei na lau paka i mau kika puhi maikai loa. He mau paka kika maikai i kupono i ko na kanaka makemake, he ona hoi @@ puhi. E hele mai oukou e kuai i ike maka. E hoohihi ana @@kou. AHI. (806 6m* 831)

 

AKIU (PAKE.)

AMARA! AMARA!!

E o'u makamaka, o ka "puuwai o ka Pakipika," Hawaii nei, a me na makamaka ili puakea, na kanaka maoli heahea a me ku'u lahui hoi, na keiki o ka Aina Pua, na mahi ko, mahi laiki a me na poe mahi ai, o ka Mokupuni o Keawe a me ko Mani o Kama, Molokai o Hina, Oahu nei o Kuihewa, a me Kauai o Mano, eia au ko @@kou makamaka na wehe ae au i hale Amara, alanui Moi, ma Polelewa, a e loaa ana ia oukou ke imi mai, Helu 31, a e hoolako ia no ko oukou makemake o na mea hao lako mahiai, ke Kupaia, Oo, Haro, a me na mea e ae, me ke kumukuai haahaa loa a he hiki no ia'u ke hana hou i na kaa pipi @ahaha, kaa lio, kaa kauwo lima, me ka uku oluolu loa, a m@ ka paa e like e like me ka'u palapala e hoopaa ai a aelike ai no ka manawa e oleloia ai. He hiki no ia'u ke kopili i na ano waapa o ka poe e makemake ana me ka uku emi loa me oluolu o na maka o na malihini, ke ike i ka'u hana, me ka mino aka iho, aole loa e pukupuku ko maka, a hookeke na niho, ke ike i ka'u hana, a na kamaaloa no ia oukou o k'au hana mau o ka humuhumu kamaa buti, a hana noho lio no na kau i hala, a he hiki no ia'u ke hana i na noaia hakihaki a nahaehae me ka maikai a me ka oku emi loa. No ka mea na hiki mai ka manawa pomaikai e aho nui, e mahi ai, a ina hoi e lako ole i na mea hana, eia no ma ku'u wahi e loaa ai. Ua holo ka Kuikahi Panailike, he waiwai ka hopena ke hoomanawanui oukou e o'u makamaka, ina e molowa a palanalelo, he neo ke loaa mai. Nolaila e nane mai a halawai me a'u i maopopo a holo ka hana a na amara, kamana kumeka a Akia, a hookahi wale no Akiu, aohe Akiu e ae o keia kulanakauhale o lawelawe nei ma keia mau oihana. Nolaila e maliu mai i ko'u lio e hele mai e ike maka he au pomaikai ko ko kakou Moi i l@@@ ai, a nona hoi ke @@ hoo@@@ o ka "Hooulu Lahui" AKIU (Pake).

            Honolulu, Mar. 15, 1877. 793 6ms* 849

            He kap@@@ kapuai hao lio emi loa kakahi ma keia Hale Amara. E naue mai i ike maka.

 

Papa! Papa!

NO

ALLEN A ME ROBINSON.

Ua wehe ae nei maua i

PA KUAI PAPA!

MA KA

UWAPO o PAKAKA.

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

Na Pani Puka a me

Na Pani Puka Aniani.

Na Pani Puka a me

Na Olepelepe.

Na lako kukulu Hale

O NA ANO A PAU

E kuaiia ma ke

Kumukuai Haahaaloa!

o keia Makeke.

ALLEN & ROBINSON.

Honolulu, Aper 13, 1876. 814 3m 266

 

MAI KELA LA A MAHOPE AKU NEI,

O KA UKU O KA

OHUA ONEKI O

NETI MERRILL,

Mai Honolulu aku a me ka hoi ana mai he

ELUA DALA!

E. D. CRANE (Kapena.)

Mar. 16, 1877 798 6ms 824.

 

Eia ma ka Hale Kuai o Wini!

NA EA,

NA OMAU AI,

NA KULA PEPEIAO

NA OMAU HAO BUKALO,

NA MEA ANO HOU A EMI,

Buke Pakeke Ili a me na Eke Dala

Na Lei Pilali,

Na Lei Eleele,

a me na mea e ae he nui wale.

E haawi makana ia aua i kela a me keia mea i kuai a hiki i ka ELUA DALA.

E hele mai, e nana i keia mau mea maikai, a e loaa no e like me ka makemake.

Eia ma ka Hale Kuai o WINI.

756 2m

 

HALE KUAI MANUAHI!

NO KONA,

NO PUNA,

NO KOOLAU,

NO NAPALI, NO MANA!

Eia ma Koloa nei ka moa Hou ana e kupaianaha, a e naue nui mai oukou e na mamo a

MANOKALANIPO!

a e ike i na mea maikai o kela a me keia ano, ma ka

HALEKUAI O PENI!

Ua makaukau oia e kuai aku!

Na Lole o na ano a pau,

Na Papa o na ano a pau,

Na la@o kukulu ha'e,

Na mea hana kamana,

Na mea mahiai,

Na mea ai, mai na aina

e mai a me na mea a pau i makemakeia e ke

Kanu, ka Wahine a me ke Keiki

Ke loaa mau mai nei keia mau mea ma kela moku keia moku. a no ka mea, na hoopaeia mai ma Honolulu,

He au hou o ke Kuikahi!

Nolaila, e hiki ia'u ke haawi i keia mau

pono ia oukou, ma ke kumukuai

haahaa loa, i ike ole ia mamua aku nei.

E lulumi mai a hoao!

FRANK BINDT.

Koloa, Kauai, Aperila 14, 1877. 802 1yr 835

 

Kuai Haahaa Loa!

E kuaiia aku no ma ke kumukuai haahaa, ma ka Hale Kuai o H. M. WINI,

Na kuli Pepeiao Ea a me na Kula kanikau, a me na kula e ae o kela a me keia ano.

Na Lei Kanikau no hoi a me na Lei e ae no e @nohau ai o @@ Lede opiopio, e kinikohu ai ke nana aku i ke kau mai Luna. Na apo lima kanikau a me na mea e ae a pau no ke kumukuai haahaaloa. E wiki mai! 816

 

KUAI HOOEMI LOA!

MA KA HALE KUAI LOLE O

C. C. AKINA,

e ku la ma Kaiopihi, Kohala, Hawaii, he mau Lole Hou loa, ka makana o ke Kaukahi Panai Like. Ua kupono no na l@@ o ke makani Apapaa o na aina haaheo nei.

            He kamaaina no hoi i oluolu ia oukou. nolaila, e kuai manuahi aku no au me ka emi malalo o ke kumu lilo. He mau lole nani loa, he Nu Paikini, no ke au o ke Moi Kalakaua. – Owau no o ko oukou makamaka oiaio, C. C. AKINA. 803 6m* 828