Ka Nupepa Kuokoa, Volume XVI, Number 38, 22 September 1877 — Page 3
| This text was transcribed by: | Drew Hund |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
koa hele wawae Rukini imua ma ke ano kaua ki hakahaka, me ka hoemu pu aku i na koa Tureke i kukuluia i waho loa mai o na laina koa. Ua hahai mai na pukuniahi ahiki i kahi e hiki ai ke hiki i na puka ke ki aku. Ua hookupololei mai ka na Tureke mau ki pukuniahi ana maluna o ko na Rokini laina pukaa mua loa. Ua hahana ka lole ana mai o na poka, aka, aohe nae mea pilikia nui. Ma ka hema ma ka pii ana aku o ke kualono ma o aku o Radisova, oia hoi hookahi laina pukea holookoa. Ua hana ino mai na poka pahu a na Tureke i na poe kipukuniahi Rukini a haule aku la na poka mahope o na koa hele wawae ma ke kualono e huli ana nana i hope a i Radisova. I ka hora 3, ua nee loa aku na Rukini a kokoke i na kulana o na Tureke, a ua hoomau aku ke kaua ana ahiki i ka hora 5, ia wa akakuu mai ana ke kipu. Me he mea la, ua komo kino aku paha na poka a na Rukini i Peleveos. Aohe mau hiohiona o ka hoouka kaua puni i keia la. Ke manao nei au, e hoomaka hou ana ke kaua i ka la apopo. Ke ueenee loa aku nei na pukuniahi a na Ruikni a kokoke i, na kulana o na Tureke.
NA KOAHOKUA RUKINI
Vienna, Sept. 11- Ke hoike mai nei kekahi mea kakau nupepa mai Galaza mai penei. Mai ka la 24 mai o Augate ahiki i ka la 7 o Sepatemaba, he 40,000 koa Rukini, 6,000 lio kaua a me 15 mau batari pukaa i hiki ae ma ke Danube e ae aku la ma kela aoao, e hoouipui aku i na puali koa o na Rukini. O ka hapalua o keia puali nui, aia lakou i mua o Pelevena.
Belgrade, Sept 11 - Ke hoike mai nei kekahi lono i loaa mai nei nai Turneseverin mai, ua kauohaia na luna aupuni o Serevia e hoomakaokau no 50.000. koa Rukini e hele mai ana maluna o keia wahi ma ko lakou alanoi e komo aku ai ma ka aioa o Serevia. Ma kela aoao mai o ka muliwai Denube 2 pili la ma ko Serevia aoao, ua makaukau loa no ko na Rukini a-e ana aku. E haalele ana ko Serevia mau koa no ka hele e kiai i kona mau palena aina. Na Koa Kiai o na ka Emepera o Rusia.
He 4.000 o na koa kiai ponoi o ka Emepera o Rusia i komo mai iloko o ke kulanakauhale alii o Roumania a hele loa aku no ke kahua kaua, i ka la 3 o Sepatemaba; he 4 000 i manaoia aku e hiki mai inehinei, a he 8.000 e hiki ae ana i ka la 11 i Sepatemaba.
Lilo pio paha pelevena.
Ladana, Sept. 11 - Hora 6 P.M. - Ua pauikuia na nu hou mai Pelevena mai, aka ma ka kulanakauhale o Vienna, ua piha lakou i ua lono e pahola ana ma o a maanei, ua lilo pio o Pelevena, a ua luku nui loa ia na koa Tureke. Ke olelo nei kekahi lono, ua lilo o Generala Osman i pio na ke kaua. Aole no he mau lono oiaio i hooiaio ia mai, aka o ka mea maopopo loa nae, ua kokoke loa na Rukini ma kahi e hiki ai ke hahau koke aku i na Tureke.
He nui na lono e auwana hele nei, e olelo ana, ua haalele na Tureke ia Pelevena i ka la 9 o Sepatemaba, a e nee aku ana lakou i Widina, mahope o ko lakou hoauhee ana aku i na kolamu koa Roumania. He mau lono e ae no kekahi e pili ana no ka loaa ana i na Ruijioi he keehina imua o Pelevena. Ke manaoio ia nei, na keia kana e hooukaia nei e hoike mai i ka hopena o ko Tureke kulaua. Ina e auhee ana na puali koa Tureke, alaila, malaila, paha e noiia aku ana ke Suletana e waiho aku i mau kumu kupono e hanaia ai ke kuikahi e hoopau ai i ke kaua.
Ua hoole ke Kuhina Nui o Rusia, aole ona makemake e komo aku kekahi o na mana nui o Europa e uwao i keia kaua.
Ke oleloia nei, o Generala Osman o na koa Tureke imua o Pelevena aole ia he Alihikana Tureke maoli iho, aka, o Ilamuku Bazaine no ia i haawi pio ai i ke kulanakauhale Farani o Meza, i na Geremania iloko iho nei o ke kaua o ka 1870-71.
KA LILO PIO ANA O PELEVENA I NA RUKINI
Ladana, Sept 9--Ke hoike mai nei na lono pili aupuni, mai kahi hoomoana mai o na puali koa Rukini, ma Boredina, no ke kaua imua o Pelevena, penei:
I ka poeleele o ka Poaba, Sepatemaba la 6 ua hookokoke aku na koa Rukini o na laina komohana i Pelevena, a hoomakaukau lakou i ko lakou kulana no ke ao ae, me ka ike ole mai o na Tureke ; kukulu lakou i na batari pukaa ma na kiekiena e poai ana i na papu o na Tureke. I ka hora 6 o ke kakahiaka Poalima ae, ua weheia ke kipu ana aku o keia mai batari, a ua hoomauia pela a po ka la. Ia la, ua make ko kakou (Rukini) alii kipu nui a me elua alii koa e ae. He uuka loa ko makou poino i ka Poalima. I ke kakahiaka nui o ka Poaono ae, ua hoomaka hou ke ki pu ana aku o na pukuniahi, me ka hoomahuahua hou ae o ka ikaika, a pela no hoi ka hoomauia ana a po ka la. I ke ahiahi, loaa iho i ko makou welelau hema ka pomaikai, ma ka lilo ana mai ia lakou o na kiekiena ma ka hema o ke kaona, me 500 o ko makou mau koa i poino. Ua noho pu ia aku no hoi kahi kauhale o Uschitza. Ua neenee ae a kokoke loa ka welelau hema a me ka waenakonu o ka puali Rukini, ma kahi he 1200 a 1400 iwilei mai na papu Tureke mai. O ka poino a pau, aohe nui. Ua hoomauia ke ki poka pukuniahi ana o na batari Rukini, mai ke ahiahi Poaono a ao, a ua ikaika loa aku hoi i ka la Sabati ana ae.
Ladan, Sept 10-Kakahiaka--Ua hoolahaia ma ka nupepa Examiner o Manaseke, Enelani keia lono malalo iho, e hoike ana i ka lilo pio ana o Pelevena i na Rukini, penei:
Sistova, Sept 10-Aumoe--I keia kakahiaka, he kaua puni ana kai hoomakaia ma Pelevena a puni, mai ke ka kahiaka a po. A ma ka hora 6 o ke ahiahi, ua lilo mai ke kulanakauhale o Pelevena i na Rukini a o na Tureke, ua auhee aku lakou me ka holo pukaka. Ua weliweli na poino o keia kaua, aole nae i loaa mai ua moolelo piha.
Ke oleloia mai nei, o na koa Tureke i auhee ai mai Lovaza aku, ua oki puia mai nei e na koa kaua lio Ruklui, mai ka puali koa mai o Gen. Osaman. Hookahi mahele koa Rukini e hele pupuahulu la i Sufia, he wahi aohe Tureke nana e paa ana. O keia nee ana, he mea ia e hoopa aku ai i ka loaa ana aku o na koa kokua Tureke i ko lakou mau puali ma ka akau aku, oiai hoi na puali koa Roumania, e keakea ana i ke alanui o na Tureke, e hiki aku ai i Widin.
KO NA ALII NUI O RUKINI NEE ANA I KEIA
MUA IHU.
Ke hoike mai nei kekahi lono oiaio mai Bulegaria mai, i ka wa e pau ai ke kaua ma Pelevena, a akaka ko na Rukini lanakila maluna o na Tureke, alaila, e hoi ana i Sana Peteroboro ka Emepera, ka Hooilina Ahi, ke Duke Nui Vladimir, a o na Duke Nui Nikolasa a me Alexis a me ke Keiki Alii Lichtenburg, e noho ana no lakou ma ke kahua kaua.
Ua Hookue la oe e Hawaii!
MR. LUNAHOOPONOPONO ; Aloha oe:--
E ae mai kou ahonui ka pahola ana mai i kou oluolu, e auamo aku i keia leo ma kou hokua, a kanu aku ma na kapuai wawae ou e Hawaii ; a nau hoi ia e ka oiwi ponoi e hoopalahalaha aku i kona kahe ana ma na kula panoa wai ole o keia ili honua au e luakaha nei.
Ia oe e ka oiwi ponoi e nanea ana maluna o ka lepo kupa o kou one hanau, me ka lana hauoli o ka manao no ka uliuli o kou mau kualono, a me ka lanakila o kou noho maluhia ana, mamuli o ka malamalama i haawiia mai ia oe, ua loaa ia oe he kuokoa a he pono nou iho ; a ke ai kehakeha nei oe i na mea a pau me ka olioli, aole he lele ana o ka oili no ka hao wale ia o kou mau pono, oiai, ua paa ia ka ume ia e ka maluhia o ka oiaio.
Aka, oia i oe ua hoolawa piha ia me keia mau pono a pau, ua kanu iho oe iloko ou i ka hua o ke aloha, a ua laha aku ia ma na poai a pau o keia hokuhele ; a no ka nui o kou aloha, ua pulama mai oe i na mea a pan e maalo mai aua imua o kou alo, ua hea, hanai a hookipa aku ia lakou ma kahi hookahi me oe ; ua pailani me ka hoopunahele aku, a kapae loa aku la i ka hookae mai kou alo aku, mai ke kau ana iho o kona mai kikohu eleele iluna o kou lae, a o ka maikai kau makana i pahola aku ai imua o lakou.
Aia hoi, aui aku la na la, a kaahope aku la na heluna makahiki o kou hookahekahe ana i keia wai, (aloha); ma-u aku la na kula panoa, a hoomaka mai la ke oho ana o na lau uliuli o ka wao, kupu ae la a lau, a hua mai la i na hua a kawowo iho la iluna o kou lepo; helelei aku la kekahi ma kahi hapapa, a aneane e mae, aka, ike oe e Hawaii, kalu aku la oe a kipulu i ka lepo maikai, a kupu ae la ia me ka ikaika.
Iloko o ka wa pokole, nana aku la oe i kahi au i holoholo ai, aia hoi, ua laha, ua nui a lehulehu ko lakou kupu ana, ua paa ke kahua a kou mau kapuai i hehi ai ; aole e hiki ia oe ke waele ae, oiai ua hala ka wa kupono, a ua aaki paa ka manoanoao ke kupu ana oia nahele. A i ka wa au i manao ole ae ai i ka hopena, hooluana 'ku la oe iwaena oia pohai uluwehiwehi, me ka manao i hookahi ka holomua pu ana ma ke kulana hou ae, aka, haawi ia mai la oe i ka hua mulea o ka hookae, he panai hoi no kau mohai i haawi aku ai me ka oluolu, a haule poho iho la kou mau manaolana maikai.
I keia la, ke uwalu aku nei oe e Hawaii e loaa ia oe kou kulana mua i kinohi, aka, aole e hiki ua uuku kou heluna, a ua nui a akea ka hihi ana a ka nahele malihini a ke uhi paapu nei i kou mau wahi akea, me ke kinai aua iho i ke kupu ana a ka nahele kamaaina ; aole hoi oia wale, aka, iwaena o ka heluna i koe o kou mau oiwi, na hoino akea ana a me ka hoowahawaha ia oe. heaha la oe ma ka heluna he lahui, he mea ole loa a ano ole ; a oiai hoi, o oe ka mea nana i hii i kona mau la opiopio me ke akahele loa, a loaa ka ikaika i kona mau lala ; aka, eia ka he hanai awahua keia au e Hawaii i hiipo ai, a oia ka ka Haku i olelo mai ai: "O ka mea e ai pu ana me a'u ma ke pa hookahi, oia ka mea nana au e kumakaia mai." Kai noa a hala!
Me ka maopopo lea, ma ka hakilo a me ka ike maka ana i na haua iwaena o ka kou, ua kiko mai na keiki a hookae, oia o inaina hoomauhala, lokoino a me hoowahawaha, a ke kolo nei ia iwaena ou e Hawaii e akiaki ai i kou kuokoa ; a ke kau nei na alina maewaewa o ko lakou hoino maluna o kou mau hiona nohea, me ka maka keleawe o ka hoowahawaha no kau mau hana kokua aloha.--
A oiai oe e ka oiwi ponoi e hooikaika ana ma na hana kino, iloko o ka wela o ka la a me ka hui o ka hau e moali ana na kahawai hou ma kou mau papalina, a e imi ana oe no ka pono o kou ohana a me ka lehulehu ; aka, aia na maka lili o ha hookae e kau ana maluna ou, e noii ana me ke ake e hoohiolo i kou kuiana a me kou malohia A nolaila, o kou kulana i keia wa e Hawaii, he kulana i hookae ia, mailoko mai o ka punana i hoomoe ia a kiko, a o ke ona o ko lakou aloha ole, ke meeu nei iwaena ou e Hawaii.
O keia ka'u i hoao ai e kaoni iho, aka, aole e hiki, ua laha a puni ka aina; a nolaila, ke hookuu aku nei au e hemo aku ia mai ka'u hoopaa ana. "O ka o-le ka'u e puhi, no ka lehulehu ka manao lokahi" Owau no me ka hopo ole.
S. KAAIKAULA.
HONOLULU, SEPT 20, 1877.
Aina Waiwai
MA KE KUDALA!
UA KAUHOAIA AU E KUAI AKU MA KE kudala ma ko'u keena, ke hiki aku i ka
Poano, Sept. 22 hora 12 awakea
I kela Apana Aina Waiwai e waiho ia ma ke Alanui Nau ana mawaena o ka hale noho o J.O. Kaaka a me ko Ka pena Melotyre hookahi Eka me 488 Anana kona nui. No na mea e pilii ana, e ninau ia CS BATO. Luna Kudala.
A i ole, ia R F Bikekona, Loio
Honolulu, Sept 20, 1877. S25 1t
Richard F. Bickerton!
[PEKETONA]
LOIO a he KOKUA ma ke Kanawai!
E HELE ANA OIA IMUA O NA AHAHOOkolokole a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.
Ua makaukau mau oia! ka hana ana i na Palapala; ili kunawai o kela a me kela ano.
Ua hiki no hoi iaia ke hoaie dala aku ma ka moraki ana i na aina, ma ka ukupanee haahaa loa.
E hanaia na hana me ka hikiwawe a ma ka uku haahaa.
Keena Hana, Helu 23 Alanui Kalepa, elua puka ma o aku o ka hale kauka o Kauka Minuteole.
825 1y
HOOLAHA HOOKAPU.
E IKE auanel na kanaka a paii, oiai ua lilo mai ia'u ma ka hoolimalima ka Pa o Rev. L. Kamika, e waiho nei ma Nuuanu, nolaila, ke papa a hookapu loa'ku nei au i na kanaka, pake, pukiki a me na haole, aole e komo wale maloko o ua Pa la, a aole hoi e pii wale maluna o na pa, ke ole e ae ka mea nona ka inoa malalo iho. Ina e kue kekahi i kela, e hoopaiia i $50, a i ole, e hoopii ia ma ke kanawai. A. REMOND.
Nuuanu, Sept. 17, 1877 825 3ts*
EIA iloko o ka Pa Aupuni o Koholaloa. Apana o Honolulu, 2 lio e kuai kudala ia ana ke hiki aku i ka la 25 o Sept . Poakolu, lio k ulaula wiwi 4 w keokeo ak E, lio k hauliuli una hope oopa ak E, lio k kaula hauliuli 2 w keokeo i mamua i mahope ak MI, lio k ulaula laekea wiw kuapuka ak hao ano e, ho k eleele hem 33 ai.
A B KAAUKUU, Luna Pa Aupuni o
Koholaloa, Sept. 14, 1877. $21 2t*
WILLIAM R. CASTLE
(Kakela Opio.)
Loio a me Luna Hooiaio
MA NA ANO HANA PILI KANAWAI A pau, e lawelawe koke ia me ka hikiwawe. Na Palapala Sila a me na Palapala pili aina o na ano a pa, e hoo makaukau la no, a he Notari Hooiaio Palapala no ka lehulehu.
Keena hana, ma ke Alanui Kalepa, 2 hale ma ka hikina o ke Alanui Papu. Honolulu. (736 1y 827) [51]
CECIL BROWN,
Loio a he Kokua ma ke Kanawai
A HE AGENA NO KA HOOIAIO ANA I NA Palapala no ka mokupuni o Oahu.
Helu 8 Alanui Kaahumanu. Honolulu, H.P. A
763 1y 814
A HA Kaapuni apana Eha o ko Hawaii Pae aina. Kauai SS, I ke kau o Augate A D 1877. P KALAWA k, ka mea hoopii kue ia LI UKIA w, ka mea hoopiiia Hoopii oki mare.
Ma ka palapala hoopii i oleloia maluna, no ke oki mare, ano ua kauohaia, o a olelo hooholo e oki ana mai ka berita mare aku, mamuli o ka aoao o P Kalawa k. no ke kumu no ka haalele loa o Luukla w, i oleoia ; e lilo i mea paa mahope o na malama eono. mal ka la i hoopukaia ai keia olelo hooholo, ke hanaia e like me na olelo maloko nei, ke ole nae i ike ia na kumu kupono e hooleia ai, a ua kauohala ka mea hoopii, e hoolaha i ke kope i hooiaioia o keia olelo kauoha ma na nupepa aupuni i kela a me keia hebedoma eono o ka hoolaha mua ana iloko o ka malama hookahi mai ka la aku i hoopuka ia ai keia kauoha i mea e hiki ai i na mea a pau i ili i keia hihia ke hoike mai iloko o na malama eono ina he kumu ko lakou i hooko ole ia ai ia olelo hooholo a lilo i mea ole.
Fank Bindt, Kakauolelo. NA KA AHA.
Ke hoike aku nei au o na olelo maluna ae, oia no ke kope oiaio o ka hihia maluna ae e waiho nei ma ke keena o o ke Kakauolelo o ka Ahahookolokolo Kaapuni, Apuna Aha. FRANK BINDT.
821 6ts Kakauolelo Aha Kaapuni Apana Eha.
MA KE KEENA o ka Lunakanawai Kaapuui Apana Ekolu ko Hawaii Pae Aina. Ma ka waiwai o HUAI k, no Hamakua, Hawaii i make.
Ua heluheluia a ua waihoia ka palapala noi a Kalelaili k, ka moopuna a ka mea i make, e noi ana, e hooholola oia ka hooilina, a e hoonohola oia i Lunahooponopono no ka waiwai o Huai k, no Hamakua, Hawaii H P A i make. Nolaila, ke kauoha ia'ku nei ua kanaka a pau ke pili, o ka Poaono, oia ka ia 6 o Okatoba, ma ka hora 10 kakahiaka, ma ka Halehookolokoio ma Hilo, Hawaii, oia ka la a me kahi kohola no ka hooluhe ana i ua noi ia a me na mea kue ke hoikeia. F S LYMAN,
Lunakanawai Kaapuni Apaua Ekolu.
Hilo, Aug. 23, 1877. 823 3ts 825
Ma ke Keena o ka Lunakanawai Kaapuni Apana Ekolu ko Hawaii Pae Aina. Ma ka waiwai o C Akono Akau, no Hilo, Hawaii i make.
Ua heluheluia a ua waihoia ka palapala noi a a Awai Akau, ke kaikaina a ka mea i make, e noi ana e hoonohoia oia i lunahooponopono no ka waiwai o C Akona Akau, no Hilo, Hwawii, H P A i make. Nolaila, ke kauoha ia'ku nei na kanaka a pau ke pili o ka Poaono, oia ka la 6 Okatoba, ma ka hora 9 kakahiaka, ma ka Halehookolokolo ma Hilo. Hawaii oia ka la a me kahi i kohoia no ka hoolohe ana i ua noi ia a me na mea kue ke hoikeia. F S LYMAN.
Lunakanawai Kaapuni Apana Ekolu.
Hilo, Aug 28, 1877. 823 3ts 825
HE PAPA KUHIKUHI MANAWA HOLO
O KA
Mokuahi Hawaii
LIKELIKE!
KAPENA MARCHANT.
Poakahi Sept. 24, 5:30...........................................................No Punaluu ma Kona ae a hoi mai no
Poakahi Oct. 1, 5:30.........................................................................................No Hilo a hoi mai no
Poahaki Oct. 3, 5:30...............................................................No Punaluu ma Kona ae a hoi mai no
Poakahi Oct. 15, 5:30.......................................................................................No Hilo a hoi mai no
Poaha Oct. 25 5:30.................................................................................................Kaapuni ia Kauai
Uku Eemoku mai Honolulu aku.
A hiki i Lahaina a pela maluna mai............. $6.00
" Maalaea, " "............... 7 00
" Makena, " ".............. 8 00
" Mahukoua, " "............. 10 00
" Kawaihae, " "............. 10 00
" Kailua, " "............. 10 00
" Kaawaloa, " "............. 10 00
" Hilo, " "............. 13 50
" Kau, " "............. 15 00
Uku kaapuni ia Hawaii..................................................................................................22 00
A hiki i na awa o Kauai...................................................................................................6 00
Uku kaapuni ia Kauai......................................................................................................2 00
Aole aie no ma uku ohua.
Ma ka Hale Oihana e loaa'i na palapala.
Aole keena o hope e lilo, aia waie no a kaa mua mai ka uku moku. Aole e ili ka hewa no na paiki, ukana a puolo paha, ke oie e kakauia ka loaa ana mai
E hookaaia ka uku ukana i ka wa e noiia aka ai.
SAMUEL O. WILDER (Waila,)
Agena
Keena ma ka Hale Kuai Papa o Waika ma, kihi o Alaani Papu a me Moiwaholae.
HOOLAHA HOOKOLOKOLO
AHA HOOKOLOKOLO KIEKIE o ko Hawaii Pae ma ka Hooponopono waiwai. Ma ke noi a ke Kahumalama o Mak@nui Kahalelena, he keiki opiopio. He @ e noi ana ke Kahumalama e ae @ kekahi wawahi pua.
Ma ka heluhelu a me ka waiho ana mai o ka palapala noi a Kahalenui k o Honolulu, Oahu, ke kahumalama i ke kino a me ka waiwai o ua Makaokalani Kahalenui ia keiki opiopio, e noi ana e aeia ke kuai ana i kekahi waiwai paa o ua keiki nei. a e hai ana i kekahi mau kumu kupono i hiki ai ke kuaiia ua waiwai paa la.
Ua @ o na keiki @ a me na mea a pau i pili ia waiwai paa, e hele mai imua o keia Aha i ka Poalua, ka la 9 o Okatoba, M H 1877, i ka hora 10 AM ma ka Rumi Hookolokolo o keia Aha ma Honolulu, oia kahi a me ka manawa i oleloia e hoike i na he kumu @ ke noi no ke kuai ana ia waiwai paa
A ua kauoha hou ia, i kope o keia kauoha e hoolahaia i ekolu hebedoma mamua ae o ka hoolohe ia ana ma ke Kuokoa, he nupepa i paiia ma Honolulu.
Hanaia ma Honolulu i keia la 12 o Sepatemaba, MH 1877.
A. FRANCIS JUDD.
Ikea: Lunakanawai o ka Ahakiekie
Jno E. Barnard, Kakauolelo 825 3ts 827
AHA HOOKOLOKOLO KIEKIE o ko Hawaii Paeaina, ma ka hooponopono waiwai, ma ka waiwai o Maikai k o Honolulu i make kauoha ole. imua o ka Lunakanawai Judd. Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a J H Paty, he mea a Maikai i aie ai a e hoike mai ana o Maikai no Honolulu, ua make kauoha ole ma Honolulu, ma ka la 1 o Iune, M H 1877, a e noi ana e haawiia ka palapala hookohu Lunahooponopono Waiwai i ka mea noi.
Ua kauohaia, o ka Poalima, ka la 5 o Okatoba, M H 1877, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha ma Honolulu, a ma lia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia'i ua nei ia. A o keia olelo kauoha, e hoolahaia ma ka olelo Hawaii i ekolu pule ma ke Kuokoa, nupepa ma Honolulu.
Kakauia ma Honolulu, ko Hawaii Paeina, Sepatemaba 8, 1877. A. FRANCIS JUDD.
Ikea: Lunakauawai o ka Aha Kiekie
Jno. E. Barnard, Kakauolelo. 824 3td 826
Aha Kiekie o ko Hawaii Pae Aina, ma ka hooponopono waiwai. Mokupuni o Oahu. Hawaii Pae Aina, SS Ma ka waiwai o Polani k. o Honolulu i make. Olelo kauoha e koho ana i ia e hooiaio ai ka palapala kauoha a no ka hoolaha ana.
No ka mea, ma ka la mua o Sepatemaba M H 1877, ua waihoia mai imua o ka Aha kekahi palapala, i oleloia, oia no ke kauoha hope loa o Polani k, i make aku la, a me ka palapala hoopii e noi ana, e hooiaioia keia palapala kauoha, a e hoopuka hoi ka palapala Lunahooko no Nanaele w, ua waihoia mai e Nanaele w.
Nolaila, ua kauohaia, o ka Poalua, oia ka la 2 o Okatoba M H 1877, ma ka hora umi, ma ka rumi hookolokolo o ia Aha, ma Aliiolani Hale, ma Honolulu, oia ka la me ka hora e hooiaioia'i ia palapala kauoha, a e hoolohe hoi no ia noi ana mai, a me ka poe a pau i pili, o kue ana ia palapala kauoha hou ia, e hoolaha no ia mea no na pule ekolu, iloko o ka nupepa Kuokoa, he nupepa i paiia a i hoolahaia ma Honolulu. A ua kauohu hou ia, e hoopuka a na palapala kena no na hoike no ia palapala kauoha a me na hooilina o ka mea make, e hele mai a e kue i keia palapala kauoha i ka wa i oleloia.
Kakauia ma Honolulu, ko Hawaii P A Sept 1, 1877
A. FRANCIS JUDD
W R Castle, Lunakanawai o ka Aha Kiekie.
Loio no Nauaele. 823 3ts 825
Aha Hookolokolo Kiekie o ko Hawaii Pae Aina, Kau o Okatoba A D 1877. Ma ka hihia o ke noi a DAVID KALAKAUA. LYDIA K DOMINIS, J O DOMINIS kana kane, M. L. CLEGHORN a me A.S. CLEGHORN kana kane, no ka Hoona Kuleana Aina, i kekahi mai aina, ma o ka pilikoko ia. Imua o ka Lunakanawai Mcully.
Ma ka heluhelu a me ka waiho ana mai o David Kalakaua, Lydia K. Dominis, J. O. Dominis kana kane, M. L. Gleghorn a me A. S. Cleghorn kana kane, o Honlulu, i ka palapala noi e koi ana i ko lakou pono ma ka pilikoko, i kekahi mau aina maloko o Hawaii nei, oia na aina e hoikeia aku nei maloko o na palapala noi a no C Kanaina i make kauoha ole ma Honolulu, mokupuni Oahu, kokoke i ka la-- o Feberuari A D 1877 ua mau aina la a e noi ana e hooholoia ka pono o ua mau aina la no David Kalakaua, Lyda K Dominis wahine a J O Dominis, a me M L Cleghorn wahine a A S Cleghorn, e kuleana lakou i ua mau aina la, ma ke ano pau loa a hapa paha.
Ua kauohaia, o ka Poakolu la 17 o Okatoba 1877, oia ka wa e hooloheia ai keia noi, imua o ia Lunakanawai ia o ka Aha Kiekie, i keia kau hookolokolo ma kae o ka Aha Kiekie ma ka Banako, ma ka hale hookolokolo ma Honolulu, oia kahi a me ka manawa o na mea a pau i pili, e hele mai ai a e hoike, ina paha he kumu e ae ole ia ai ua noi la. A e hoolahaia keia kaouha iloko o na olelo Enelani a me Hawaii, maloko o na nupepa Hawaiian Gazette a me ke Kuokoa, he mau nupepa i paiia a hoolahaia ma Honolulu nei, no ekolu hebedoma mamua ae o ka manawa o ka la mua o ua kau ia o ka Aha Kiekie.
Hanaia ma Honolulu ko Hawaii Pae Aina Spet 4, 1877.
L. McCULLY
Cecil Brown, Loio. Lunakanawai Aha Kiekie
Ikea:
Jno. E Barnard, Kakauolelo. 823 3st 825
AHA Hookolokolo Kiekie o ko Hawaii Pae Aina. Ma ke keena, He noi no ke koho ana i Lunahoopono Waiwai. Ma ka waiwai o ka Mea Kiekie ke Alii WILLIAM PITT LELEIOHOKU, o Honlulu i make kauoha ole imua o ka Lunakanawai L. McCully.
Ma ka heluhelu a me ka waiho ana mai o ka Mea Kiekie Ruta Keelikolani o Honolulu, e hoike ana, ua make kauoha ole o ka Mea Kiekie William Pitt Leleiohoku, ma Honolulu la 10 o Aperila A D 1877, a e noi ana, e hoopukaia ka palapala Lunahooponopono Waiwai no ka Mea Hanohano Simona K Kaai.
Ua kauoha ia o ka Poakolu, la 26 o Septemaba M H 1877, ma ka hora 10 A M ma ka Hale Hookolokolo ma Honolulu, oia kahi a me ka manawa e hele mai ai na mea a pau i pili e hoike mai, ina paha he kumu e ae ole ia ai ia noi, a e hoolahaia keia kauoha ma na olelo Enelani a me Hawaii, no ekolu hebedoma, iloko o na nupepa Hawaiian Gazette a me ka Kuokoa, he mau nupepa ma Honolulu.
Kakauia ma Honolulu, Hawaii Pae A. Sept 4, 1877.
LAWRENCE McCULLEY,
Edward Preston, Lunakanawai Aha Kiekie.
Ikea: Loio.
Jno. E. Barnard, Kakauolelo. 823 3ts
Aha Hookolokolo kiekie o ko Hawaii Pae Aina. Ma ka hooponopono waiwai. Ma ka waiwai o KAAMANA w, o Kalihi Oahu i make kauoha ole. Imua o ka Lunakanawai L McCully. Olelo kauoha, e hoolaha aku no ke noi ana mai, e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Thomas Conner k, o Honolulu e hoike mai ana o Kaamana w, no Kalihi Oahu ua make kauoha ole ma Kalihi, Oahu, ma ka la 17 o Augate M H 1877, a e noi ana, e haawiia ka palapala hookohu Lunahooponopono waiwai ia Mireama Kahuna, a me ke koho ana iaia i kahu malama waiwai no Laisa, ke kaikamahine hanai o Kaamana w.
Ua kauohaia, o ka Poalua, ka la 19 o Sepat. M H 1877, hora 10 AM oia ka manawa i kohoia no ka hoolohe ana i ua noi la, imua o ua Lunakanawai la, ma ke keena Hookolokolo o keia Aha, ma Honolulu, a ma ia manawa, a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi ia. A o keia olelo kauoha, e hoolahaia ma ka olelo Honolulu.
Kakauia ma Honolulu, ko Hawaii P A Augate 28 1877.
LAWRENCE MCCULLEY,
W R Castle, Lunakanawai o ka Aha Kiekie
Ikea: Loio no Thos Conner.
Jno. E BARNARD, kakauolelo. 822 3ts 824
Aha Hookolokolo Kiekie o ko Hawaii Pae Aina, ma ke keena imua o ka Hon. A Francis Judd, ma ka waiwai o W KA, o honolulu i make. He noi e nanaia ka moowaiwa, e hookuu a e maheleia ka waiwai.
Ma ka heluhelu a me ka waiho ana mai o W L Wilcox, ka Lunahooponopono o ka waiwai o W Ka, o Honolulu i make, i ka palapala noi, e aponoia na hoolilo he $123.85, mailoko ae o na dala he $250. i loaa iaia, e nanaia a hoaponoia ka moowaiwai, a e maheleia ka waiwai e waiho nei ma kona malu i ka poe i kuleana, a e hookuu iaia a me kona poe hope mai ka noho Lunahooponopono aku.
No;aila, ua kauohaia, o ka Poakolu, ka la 3 o Okatoba, A D 1877, i ka hora 10 A M imua o ua Lunakanawai la, ma ke keena hookolokolo o keia Aha, ma Honolulu, oia ka manawa a me kahi i kohoia no ka hoolohe ana ia noi, a o ka poe a pau i pili, e hele mai a e hoike mai hoi i ka poe kuleana i ka waiwai. A ua kauohaia, e hoolaha i keia kauoha ma ka nupepa Kuokoa, he nupepa ma Honolulu, no ekolu hebedoma mamua ae o ka Hawaii e hoolohe ai.
Kakauia ma Honolulu ko Hawaii P A, Aug 24 1877.
LAWRENCE MCCULLEY,
Ikea: Lunakanawai o ka Aha Kiekie
Jno. E BARNARD. Kakauelelo. 822 3ts 824
AHA Hookoloko kaapuni Apana Eha ko Hawaii Pae Aina Kauai SS. Kau o Augate A D 1877. EMALE KAIO w, kue ia J H KAIO k Hoopii oki mare.
Ma ka hihia hoopii oki mare maulna ae, ua kauohaia, ua kaa ka pono ma ka aoao o Emale Kaio w, no ka hookaawale ana no ka noho ana mau, no ke kumu ua loaa o Kaio k, i ka mai ake, aole e hiki ke hooiaia a hookoia ma hope o ka pau ana o na malama eono ma keia la aku, koe wale no ma he mau kumu e ae kekahi e puka mai ana no ke kue. Ua kauohaia ka mea hoopii, e hoohaha i ke kope o keia kanoha, maloko o na nupepa Hawaiian Gazette a me ke Kookoa, no eono hebedoma, o ka hoopuka mua ana maloko no ia o hookahi malama mai keia ia aku a o ka poe a pau i pili ma he mau kumu kue ko lakou, e hoike mai iloko o ia wa, i kumu e ae ole ia ai.
Kakauia ma Nawiliwili Kauai, Augate 7, 1877.
Frank Bindt, Kakanolelo. NA KA AHA.
Ke hoike aku nei au o na olelo maluna ae, oia no ke kope oiaio o ka hihia maluna ae, e waiho nei ma ke keena o ke kakauolelo o ka Aha Hookoloko o Kaapuui Apaua 4.
FRANK BINDT,
821 6ts Kakauolelo Aha Kaapuui Apana Eha.
Aha Hookolokolo Kaapuui Apana Eha ko Hawaii Pae Aina, Kauai SS. Kau o Augate A D 1877, KALUNA w, ka mea hoopii oki mare, kue ia IOANI k, ka mea i hoopii.
Ma ka hihia hopii oki mare maluna ae, ua kanohaia, ua kaa ka pono ma ka hooki ana i ka mare, ma ka aoao o Kaluna w. no ke kumu he moekolohe o ua Ioani k la, e hookoia mahope iho o ka pau ana o na malama eono mai ia la aku o ka hanaia ana o keia olelo hooholo, ke hana e like me na olelo maoloko nei, ke ole nae i ike ia ke kumu e ae ole ia ai ia noi. A ua kauoha hou ia ka mea hoopii, e hoolaha i ke kope i hooiaioia o keia olelo kauoha ma na nupepa aupuni Gazette a me ke Kuokoa i eono hebedoma, o ka hoopukaia ai keia olelo kauoha, i mea e hiki ai na mea a pau i pili, ke hoike maloko o na malama eono ina he kumu ka lakou e hooko ole ia ai ia olelo hooholo a lilo i mea ole.
NA KA AHA.
Frank Bindt, Kakauolelo Ahakaapuui Apana Eha.
Nawiliwili, Kauai, Augate 8, 1877. 820 6ts 825
Ke hooia aku nei au, o ke kope oiaio keia maluna ae no ka hihia maluna e waiho nei ma ka buke o ke Kakauolelo o ka Ahakaapuni Apana Eha. Frank Bindt
Kakauolelo Ahakaapuni Apana Eha.
Kopa Kukaepele
-A-
GLENN!
AOLE LUA NO KA HOOMAEMAE I KA ILI!
He mea hoopau i na eha,
Na ili puupuu;
A he Hoomaemae i na mea ino;
A he Hoopau Lumatika;
A he Kopa Auau no hoi.
O keia Kopa ka oi aku o ka mea maikai i waihoia mai imua o na kanaka.
Aole wale no ka Hoopau ana i ka Huehu e
Ili Poha, Wela la, Luluaina, a me
na mea e ae o ka Ili;
A ma ia holoi ana, o ka Hoopalupalu
pa kekahi i ka Ili, a keia
LAAU HOOMAEMAE LUE OLE E HANA AI!
O ka hoemi ana iho i na mai o ka Ili,
a o ke pale aku i ka mai mai na
lole e na Mai Lele, oia kekahi
O na ohana a me na
poe makaikai, ina e
hoolako lakou
i keia
KOPA HOOMAEMAE LUA OLE,
Alaila, ua lanakila lakou.
He hoopau i ka lehu o ke poo,
A he Kopa no hoi e kaohi mai ai i
ka lauoho mai ka hina ana.
Ua hooia nui mai na Kauka no ka maikai
o keia Kopa
E loaa no ma kahi o
M. MCINERNY.
Kihi i na Alanui Papu a me Kalepa. 824 3ms
E IKE mai nuanei e na poe a pau loa i aie mai ia'u ma na halekuai ma Punahoa a me Kahalii mamua ma Hilo, a ma Kukuihaele me Waipo ma Hamakua, a me Kaiopihi, Kohala, ma ka mokupuni o Hawaii. Ano, ua lawa loa ka manawa no ka huli ana e hookaa i ko oukou mau aie, a i ole no e hookaa koke ia mai, alalia, e ohi ia no na aie a pau me ka ukupanee pu. O ko oukou pono, o ka makaala e hookaa koke mai. E loaa no o Akanae me Akaka ma Waipo, a ia laua e hookaa aku ai na poe a pau i aie ma ka halekuai ma Waipio; a ia Akahai hoi e hookaa aku ai na poe a pau i aie i ka halekuai ma Kaiopihi, Kohala; a o na poe a pau ka i aie mai ma na halekuai e ae, e hookaa ponoi mai no lakou ia'u. E loaa mau no au i na poe a pau ma ko'u halekuai noho mau ma Punahoa, Hilo, Hawaii. Maloko no o ia halekuai ka manuahi kiekie ma na ano waiwai a pau ma ke dala kuike mai. Nolaila, e na kini o ka aina ua lehua, e kipa mai i kahi o ko oukou makamaka nei, i anei e hoolawa ia'ku ai na anoi a ko oukou mau puuwai me ka hoohakalia oleia, ua lawa loa i anei na ano aahu a pau e hoomahie ai i ke kino, a e lawa pono ai kou makemake. Owau no me ke aloha.
C Y AIONA.
Hilo, Hawaii, Aug. 28, 1877. 824 2ms*
Hoolaha a ka Luna Hooponopono Waiwai
OIAI, ua hookohuia mai ka mea nona ka inoa malalo i Lunahooponopono no ka waiwai o NAWAI k, o Wailua, Kauai, i make, e hele mai imua o'u ka poe ana i aie aku ai, a e hookaa mai hoi ka poe i aie iaia, a e hele pu mai no hoi na pilikoko o Kahookolo w, oia ka wahine mare o Nawai i make, e hele mai iloko o na malama eono, mai keia ia aku, o nele lakou.
PAU,
Lunahooponopono Waiwai o Nawai.
Lihue, Kauai, Aug 25, 1877. 823 4t* 826
E NA KEONIMANA hanohano a me na Lede maka palupalu, o
"Kohala aina ua haaheo,"
ke poloaiia aku nei oukou, e lele auna like ae ma ko maua Halekuai Lole, ma Kaiopihi, malaila e loaa ai ia oukou na Alapia nani loa o na ano a pau, na Huluhipa like ole o na ano; na Iliwai nani he lehulehu wale a me na ano lole no a pau; na kamaa, papale, waiala, a me kela ano keia ano no a pau a ka naau "e olu ai he wai ko lalo," e loaa no ia ma ko'u Halekuai me ke kumukuai oluolu.
HAN SOME & AYAU (Alau Ma).
Honolulu, Sept. 1, 1877. 823 3m* 835
AUHEA oukou e na kanaka a me na kaikamahine maka palupalu o na Pali Kooiau o Kauai, ke poloai ia aku nei, e naue mai e ike e i ko oukou makamaka ma ko'u Halekuai, ma Kapaa, Kauai, malaila e loaa ai ia oukou na Lole Alapia maikai loa, like ole i na ano; na Huluhipa lehulehu o na ano ano a pau; na kihei Sekokia maikai loa; na Lilina-ume-naau e olu ai ka manao; na Lole wawae he nui wale na ano; na Palule Lilina a me na ano helehulehu wale; ua kalakoa pua nani ke ike aku; na kamaa kane a wahine; na papale kane a wahine; na wai ala hoope poli e olu ai ka puuwai ke ike aku, ua ulua mai a pau ianei, a ke kuaiia aku nei me ke kumukuai emi loa E kipa mai e ike maka i ko oukou makemake, mamua o ka hele ana i na wahi e ae. A. C. CONCHEE & Co.
Honolulu, Sept 1, 1877 823 6ts 846
KE papa loa'ku nei au i ko'u mau Aina, oia o Kaamooia me Keawanui, aole e hele wale na kanaka maluna o ke kula a me ke kai lawaia me ka hoike mua ole mai ia'u a i ko'u hope. O ka poe e hele waie ana, e hopu ia no lakou a hanaia ma ke kanawai, no ka mea, he nui loa ka aihue ia o ka i-a a me na huaai o ka uka.
F W Beckly (Kahapula)
Manawai, Sept. 4, 1877 823 4ts*
E IKE auanei na kanaka a pau o kela a me keia ano, owau o ka mea nona ka inoa malalo nei, ke papa aku nei au ia oukou, mai hoaie mai oukou i kuu wahine mare ia MRS. KAAUHAU, no ka mea ua haalele mai oia i ko maua berita mare, ua hele aku oia ma kona manao lalau iho. Ina oukou e hoaie mai ana iaia, maluna no o oukou ko oukou poho, aole au e hookaa ana. E hoolohe i keia.
J W Kanakanui.
Niulii, Kohala, H., Aug. 24, 1877. 821 4ts*
HENEIKI KA AKA I KA OLU.
OLU O KE AHA?
OLU O KE KUMUKUAI O NA LOLEHOU
o ka Halekuai o
GOO KIM!
MALUNA mai nei o ka mokuahi Hawaii "Likelike," a me ka mokuahi "Kulanakauhaoe o Nu Ioka."
E hoomaka ana ke kuai manuahi ma keia Poaono, a pale mau aku ma na Poaono a pau. Nolaila, e hele nui mai oukou e o'u mau hoa maikai ma keia la, e wae a ka mea a ka iini e lia ai kiola iho "i ka a ia mau a ia paha o Kanaleau," a e loaa no ua holoku poni uliuli a halila, a me na kalakoa hou loa i ike oleia mamua ma Hawaii nei, na palu huluhulu nani loa akahi a ikeia, na makalena 'au liilii, kakau loloa ulaula, hinahina, uliuli a me ka poni, na mamalu liilii, na Lakeke keiki, a me na kolo a hoopumehana o na kaikamahine liilii, a me na mea nani e ae he lehulehu wale. E hele mai i ike i ka nani o Aipo.
GOO KIM.
Alanui Nuuanu ma ka aono 35 6ms
ma Ewa mai o ka hale polapola
KUAI WAIWAIPAA A KA LUNAHOOPONOPONO WAIWAI.
No ka mea ua loaa mai ka Palapala Kauoha mai ka Ahakiekie mai. i hanaia ma ka waiwai o SYLVES. TER ZABLAN y CASTRO. i make. E kuai aku ana ma ke kuai kudala ma ka.
POAONO, LA 22 O SEPATEMABA,
i ka hora 12 awakea o ia la, ma ka ipuka o ka hale hookolokolo kulanakauhale o Honolulu, i ke kuleana a pau o ua Sylvester Zabian y Castro la. I keia apana aina a pau e waiho la ma Puunui, Honolulu, Oahu, a penei na palena:
E hoomaka ma ke kihi hema ma ke kumu o ka pohaku pali, aoao mauka e huli ana i kahawai a holo akau, 57˚ H kom 157 pauku e pili ana @una ma ka aoao mauka o ka pa he pahu A, akau 3˚ hik 51 pauku paha, alaila akau 46˚ 13˚ kom 91 pauku, pili ia mau aoao me Puunui no Nahalelauhala a hiki i ke kihi hema o ka aina o Pahua, alaila pii mai ma ka auwai akau 13˚ hik 105 pauku akau 19˚ kom 65˚ pauku akau 2˚ kom 46 pauku akau 21˚ hik 173 pauku e pii ana me ko Pahua aina a hiki i ke kihi hema o ka aina o Nahalelauhala, hema 55˚ 13' hik 264 pauku iho i kahawai ma ka aina o Kamaiku, alaila, hema 53˚ kom 121 pauku hema 18˚ kom 137 pauku ma ka hikina akau o ke kahawai ahiki i ke kihi i hoomaka mua ai 97-100 eka.
Oia no ka apana aina nona na Palapala Sila Nui Helu 2761, Kuleana Helu 6317, Apana i. hoopukaia no Paakahi. He mau aina kalo keia a paa pono i ka wai.
No na mea i koe, e ninau ia CECIL BROWN.
320 3ts Lunahooponopono Waiwai.
F CRAWFORD MACDOWELL,
LOIO A ME KOKUA.
KEENA hana -- Kihi o na Alanui Papu a me Moi, ma Ewa iho o ka Halekuai o E O Hall ma.
823 1yr.
J.M. DAVIDSON,
Loio a Kokua!
HALE Oihana, maluna me o ka Hale Kuai Buke o Wini, ma ke keena i noho mua ia iho nei e J W Aukina. Ua makaukau oia e lawelawe i na hihia o kela a me keia ano. imua o na Aha Hookolokolo a pau o keia Aupuni.
784 1yr 338
HOOLAHA!
O KA POE NONA NA INOA MALALO iho, he poe malama HALE INU KI a me KOPE ma Honolulu nei, ke hai aku nei makou, mahope ae o ka la mua o Augate 1817, aole no e haawiia ke kika Manuahi i ka poe inu Ki a Kope paha.
Akoug. Nasau Kwan Sway,
Aswan, Nam Gan. Kuchway
Numiai Neegee Hop Wo,
Honolulu, Iulai 26, 1877. N'oug Chuck. 818 6m*
Owau i ka mea nona ka inoa malalo iho nei, oiai, ma ka mana i haawi ia mai ia'u ka aina o C. E. Williams nona ka inoa o ka Ululoa, e waiho la ma Palolo, Mokupuni o Oahu. Nolaila, ke papa loa aku nei au, a ke hookapu aku nei i na mea a pau, aole o hookuu wale i ka lakou mau holoholona, o ka mea e kue i keia, e hoopii ia no ia e like me ke Kauawai.
S19 3ms. Charles Long.
KE HAI E ia aku nei ka lohe i na ano kanaka a pau ma ko Pae Aina Hawaii nei, ua waiho mai ka Hui Hoolimalima i hanaia a hooholoia mai ka la 1 mai o lulai, M H 1877 aku nei, malalo o na aelike ana o na aoao elua. Nolalia aole e ae ia kekahi puaa a ka poe e, e hele wale ma kahi i lilo i ka Hui. Ina e hele a komo ma kahi hoolimalima, e uku ia i $2.00 no ke poo hookahi, ke poino na wahi o ka Hui; no ka Lio. Bipi a holoholona e ae, e uku no e like me ke kanawai. Nolialia, e hoomaopopo iho na poe a pau ma ia ano, no ka mea, o na wahi o Ruta Keolikoiani i lilo mua ole mamua, a i paa mua ole i kona pa ua lilo ia wahi e waiho ia makai o ke alanui Aupuni, mai ka muliwai o Apuakehau a ka muliwai o Piinalo, i ka Hui.
W H NAILIPELAPELA,
Puuku o ka Hui.
Waikiki kai, Aug 29, 1877. 822 4t* 825
KAA KUAI!
Ke makemake nei ka mea nona ka inoa malalo iho, e hoolilo aku ma ke kuai, i kona kaa holo lealea a me ka lio. O ke kaa, ua hanaaia a paa, me ka pokaa kila, a aia ke ku nei me ka maikai. O ka Lio, he opiopio ia, laka a ua maa loa i ke kauo kaa, a he lio kupono no na ohana e hopohopo ole ai, aole ona lua ma ke kaona nei. Ua manaoia e kuai ma ke kumukuai makepono ioa. D K FYFE (Paipu).
Honolulu, Aug 29, 1877. 822 3ts 826
KUAI O KA AINA
Kanu ko waiwai nui a me ke Kula.
I ka Hora 12 awakea, o ka
Poaono, Nov. 3,
Ma ka Hale Kudala o E P Adams ma Alanui Moiwahine, Honolulu, e kuai aku no makou no ke dala kuike, i ke
AHUPUAA O HONUAPO
--A ME KA--
ILI O KAPUALEI!
E waiho la ma ka Apana o Kau, Hawaii O keia mau Aina a elua, ua pili pu laua, aina e huiia i hookahi Aina, alaila, o kona nui, e kokoke ana i ka.
2,000 EKA KA PALAHALAHA!
Mailoko mai o keia huina, he 1,000 paha eka a oi aku a emi mai paha. Kupono no ke kanu ko, a o ke koena, he
AINA HANAI HOLOHOLONA MAIKAI.
Kuleana, a na Luna Hoona Kuleana i haawi ai Helu 8559 Apana 13.
Ua hoolimalimala ua aina la, a e pau ana nae i Ianuari o ka makahiki 1879.
O ka aoao maluna o keia aina aia ke waiho nei malalo o ka poai o ka ua, e lawa'i ka pulu o ka lepo no ke kanu ko a puni ka makahiki.
No na mea i koe, e ninau ia S B Dole a ia E P Adams paha. Aia ke kii ma ka Hale kudala. E O HALL, J M SMITH,
S B DOLE.
Na Malama Waiwai o Lunalilo.
823 4ts E P ADAMS, Luna Kudala.
O MAKOU ma ka inoa o ka Ekaleaia o Siloama, Kalawao, Molokai, ua apono ia o MR. JOHN KAAHAIHANA i komite palapala, a komite nonoi dala, mawaho aku o na palena a ke kanawai i hookaawale ai ia makou, no ke kukulu ana i Halepule Hoole Pope hou, no na mai lepera, a ke hoike pu ia aku nei hoi ka lohe i kela a me keia ekaiesia o ia poai hookahi, e oluolu oukou e hookipa 'ku iaia me ke aloha. Ma ke kauoha a ka Ahaluna o ka ekalesia Siloama. Rev. P. W. Kaawa.
W. S Kipi, Kakauolelo o ka E alesia Siloama
Adam Kalua, Puuku o ka Ekalesia Siloama
Kalawao, Molokai, Sept. 8, 1877 37 2t* (S24 2ts*)
MAKEMAKE KUAI HOKI.
O KA poe mea Hoki kuai, e lawe mai ia Kale Kauka ma Honolulu, e loaa ia lakou ke kumukuai makepono.
C. H. JUDO, Kale Kauka
Honolulu, Spet. 14, 1877. 824 4ts
EIKE ananei na kanaka a pau, haole, pake, pukiki, a me na ano no a pau, ma keia palapala, ua kapu loa na kuleana mahi kalo, mahi pu, e waiho ia ma Wailele, Waianae, Oahu. Ua kapu loa na lio, bipi, hoki, puaa, manu, a me na ano a pau, aole e hele maluna o keia mau kuleana. O ka mea kue i keia, e hopu ia e like me ke kanawai, a e hooku ia no hoi e like me ka nui o ka poino. O D Naohe ka luna hoolaha a hooponopono a me kona mau hope. D NAOHE a me ka poe Hui.
Kanepuniu, Waianae, Oahu, Sept. 12, 1877. 82@ 3ts*
WAHIE KUAI MAKEPONO!
EIA ke waiho nei ma ka aoao makai o ka Hale Dute kahiko ma Honolulu nei, na wahie makepono loa. Oia no na wae a me na papa o ka moku i wawahiia iho nei. E ninau ia FRANK BROWN.
A i ole ia H Macfarlane. Honolulu Spet. 14, 1877. 824 4ts
NU HOU! NU HOU!
Kukaepele i Hanaia ma Honolulu nei!
E FREDRICK VEHLING!
He kukaepele maikai loa keia!
Ua like kona ano me ke Kukaepele o ko na Aina e.
A OLE E NELE KA AINA WA A PAU
E kokua kakou i na hana mikiala kuloko
o ko kakou aina hanau.
E hele mai e ike, a e kuaiia ma ka Hale
Kuai o A L KAMIKA,
806 3m 831 Helu 44, Alanui Papa.