Ka Nupepa Kuokoa, Volume XVI, Number 36, 8 September 1877 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XVI.   HELU 36.       HONOLULU, POAONO, SEPATEMABA 8, 1877.           NA HELU A PAU 823.

 

MAIKAI KA HOI KA PAPA!

A ME

Ka Laau o kou Hale!

No Hea la?

KAINOHOI NO KAHIO

WAILA MA!

 

Nana aku no hoi ia la,

OHI KA IO o KALAAU o MAKAWAO

i ka ua mea o ka naui o

Na Papa, Na Laau.

 

A ME

 

Na PONO KUKULU HALE

O NA ANO NO A PAU,

 

MA KE KIHI O

 

Na ALANUI PAPU A ME MOIWAHINE,

 

Honolulu

 

MALAILA E LOAA AI E LIKE MEKA

makemake no ke

Kumukuai make pono loa

 

PAPA, PAPA, PAPA

Na PAPA huluhulu,

            Na PAPA manoanoa,

                        Na PAPA i kahiia,

                                    Na PAPA kepa,

                                                PAPA hole keokeo.

                                                            PAPA hole ulaula

NA LAAU! LAAU!

NA KUA,

            NA KAOLA,

                        AAHO.

                                    MOLINA.

                                                PEAPEA,

            PINE HULUHULU,

                        PINE I KAUIIA,

Na Papa a me na Laau Ulaula!

PILI ULAULA

            PILI KEOKEO,

                        PANI PUKA,

                                    PANI PUKA ANIANI

                                                IPUKA ANIANI,

                                                            OLEPELEPE!

 

PENA O NA ANO A Pau

Hulu Pena mai ka liilii a ke nui

AILA PENA!

AILA HOOMALOO,

            WANIKI,  PATE

NA LAKO

o kela a me kena ano.

NA AMI-PUKA HALE,

NA AMI-PUKA PA

 

ANIANI!

 

Pepa hale me na lihilihi.

E LOAA NO MALAILA

Paakai Helu 1.

O KAKAAKO a me PUULOA

 

            No ke Dala kuike, e loaa no na mea a pau i haiia ae la no ke kumukuai emi loa.

            O na kauoha a pau mai Hawaii a nuhau, l@u ana ia lakou, e hooko koke ae mai ana no ia me ka lawa pono.

E kipa nui ilaila, i ike i ka oiaio

            814 @ 826

 

O ke Aupuni Hawaii, he Aupani

Moi kumukanawai - ia mea

aku a ia @ aku

 

(Kakauia e J. H. Kanepuu).

 

A PAU kela mau olelo au @a Kini G oki, pane hou mai la oia ia Boki wa, I ka make ana iho nei o keia alii, a owai ke alii i koe o ka aina?  Pane aku la o Boki m@o J Y Kanehoa la ka m@hele olelo, O keia k@ kaia@ no, a oia no ke alii ka Moi o Hawaii, a na Kaahumanu a me Kalanimoku ka malai@ i@.  Pine hou mai o Kini Geoki, Heaha ka oukou o ka holo ana mai i Pelekane nei?  Pane aku la o Boki. I hele mai nei makou e hook@ i kela olelo a Kamehameha I., me Vanegona, oia hoi, E hoi oe a i ke alii nui o Beritania, e malama mai i kuu aupuni. 

            Nana mai l@ o Kini Geoki me na mak@ oluolu, a pine mai la, Ae, ke malama nei au, a ke hooko mei no h@i i kela mau olelo kahiko, a na'u no ka malama ana a me ke pale ana aku i ua pilikia o waho m@i, oiai no'u wale no ka m@na a pau maluna o ka moana a maluna hoi o na aupuni a pau, a na'u no ka hoomuamau ana aku i na moku manawa, e kiai i ko oukou mau pae aina, no na pilikia o waho m@i, a @ oukou no ka malama ana i na pilikia kuloko no oukou wale iho, nolaila, ke maluna nei au a ke hooko nei no hoi i kela mau olelo kahiko i haawiia mai ia'u.

            Pau ae la na olelo alii, a hookuuia ka Ahaolelo.  Aloha no hoi ia poe alii o kakou, a papani aku nei kinaina o ia huakai ia ka Mea Kieke M. Kekuanaoa, i ka M. H. 1868.

            Ke aupuni o Kauikeaouli.--Ua hanaui@ o Kauikeaouli, oia hoi o Kamehameha III, ma ka la 17 o Maraki M. H. 1814, ma Kaauhou, i Kona, Hawaii, ma ka la i o Kane, a he Poaha @ l@l@.  A ua noho alii oia mahope iho o ka hoihoiia ana mai o na'lii make, a na Kaahumanu no nae a me Kalanimoku ka malama kahu aupuni ana.

            A pela no ka noho hoomalu aupuniia ana a hiki i ka makahiki 1827 pah@, ua make iho la o Kalanimoku, a me ka makahiki 1830, ua k@apu@i @3 la o Kaahumanu a me Kauikeaouli i keia pae aina, no ka hai i ke olelo a ke Akua, a ua hoike pu aku o Kauikeaouli i kan@ alelo alii imua o kona mau makaainana, e i ana, "He aupuni palapala ko'u, a o ke kanaka pono oia ko'u kanaka, a o ke kanaka hewa aole no'u ia kanaka."

            Ua kaulana loa ia olelo ahi a hiki i keia la, a @ia no hoi kana olelo hi@po o kona noho aupuni ana, i kukala akea ia ai e ia ma Honuakaha, Honolulu, mamua aku a mahope mai hoi o k@ hoihoi ia ana mai o na kupapau o Liholiho ma.  A oia olelo no ia e kukala mau ia nei m@ keia pae aina.

            Ma ka la 11 o Dekem@b@ 1830, ma ka po i o Kane, he Po@ ia, hanau ia o Kamehameha V.  Ma ka la 9 hoi o Feberuari 1834, i ka la i o M@, he la Sabati ia, hanauia e Liholiho 2, oia hoi o Kamehameha IV.  A m@ ka la 31 hoi o Ianuari 1835, i ka la i o Kulua, he Poaono ia, hanauia o Lunalilo I.  A ma ka la 16 o Nov. 1836, i ka la i Olekukahi (na Ole mua), he Poakolu ia, hanauia o Kalakaua I.

            E na hoa, ke kamai io nei au no na la hanau o na Moi o kakou, a o na l@in@ a me ke k@hana o ka @ui ana i keia mau mea a me na haina i ke ano o keia a me keia malama i h@ui @ ai, a me na la o ka hebed@m@, a me na la o ka malama ma ka helu Hawaii, aia a mahope paha.  Ua hai mua ia mai no hoi ia kakou me ka nupepa, "Ka Hoku o ka Pakipika," aia no malaila ke ano o ka weheweheia @ o keia mau mea i haiia @e la maluna, a aia no hoi kekahi ano o ka wehewehe ana ma ka buke Katolika M@u@le P@ani.  Aia malaila ke ano o ka Epake, o ka imi ana i ua po i kau ai ka mahina, a pela no hoi ka imi ana i na la o ka hebe@.  Aia @e mahope, e wehewehe aku ai au ia oukou i na loi@ o ia m@u mea.  Ua hai aku no au i kekahi poe ike ma Molokai, Maui, ma Kalapana i Hawaii, a ma Waimea i Kauai, in a ke hoomaopo nei lakou.

            E hoi hou ae kakou ua ko Kauikeaouli noho aupuni ana, mawaena paha o ka 1830 a me 1844, e noho ana n@ o Kauikeaouli ma Maui.  No ka mea, ma kumukahiki 1832 a me 1833, ua lawe ae la o Kauikeaoli ia K@i i punahele nui n@na.  A no ko K@mi ike ana hoi, he mea nui oia imua o ke alii, hoolilo ae la @ o Kaomi i ke aupuni no ka hewa, a nui loa ae la ka inu @.  Ua kaulana ia makahiki no ka "H@ele ia Kaomi." Ua kapaia no hoi o Kaomi ia manawa he "Ahi kui."

            Ua poina paha i ka Moi a me na kanaka o ia manawa, ka Olelo A ii i kukalaia ai ma Honuakaha, Honolulu, "O ke kanaka pono, oia ko'u kanaka." aka, mahalo no n@e oia no na h@ a Kaomi, kela kanaka inu @ a me ke alakai ana i ka lahui i ka hewa.  Aole anei i haki k@n@ Olelo A@i ma o Kaomi la? Ua haki no, a nolaila, ua huhu ke Akua, a hoopokole mai la i ko Kaomi mau la ma keia ao.

                        (Aole i pau.)

 

No ka hele ana i ke kaona.

 

E KA NUPEPA KUOKOA E; Aloha oe:

            Ma ka hora 7 o ke k@kahiaka o ka la 24 o Aug@te nei, ha@lele aku la au ia Laie-wai, a no Honolulu ka ihu, no ka ike ana i na h@kuain@ H. M. Wini a me ka Agena @na e hookele nei i ko kakou Kilohana, ka nupepa Kuokoa, oia o Jeo. U. Kawainui.  Me ka haukawewe kelekele au, kiani ana kuu wahi lio ahonui palena ole, i alo aku ai i na makalae hoouluhua @ manao a me na kuono hoopauka lio, "iloko iwaho au--e."

            Na Pali Hauliuli.--I ka @lawa ana a me ke au ana ae ma o a maanei, o@a mau ao ka wehiwehi, lipolipo uliuli o he p@li, e kiani kuup@u mai ana i ke ala onaona waianuhea huihui o na wehi o ke kuahiwi, ola hoi ke maile, ka palai a me ke kupaoa, a pela aku.

            No Punaluu.--O kekahi keia o na aina mahuahua o na pake m@hi raiki.  A i ka naua aku no h@i, piha pono ka aina.  He mau kanaka no u@e kekahi e mahi raiki nei.

            No Kahana.--O keia aina i keia wa, aia no ia ma k alima o kekahi poe Hui kuai aina, oia hoi he mau Keouimana moremona Hawaii ponoi, aole nae hoi i ka@ loa, he t@us@ni a oi ke koena, a ke hooikaika nei no lakou e pau ia pilikia.  Ke Hoomau nei no nae i ke kanu raiki ana, a he mau p@ke hoolimalima kekahi e kanu raiki nei malalo aku o keia Hui.

            No Kaaawa a me Kualoa.--He mau aina hanai bipi a lio keia no Kale K uka, a ke lohe ia nei, e kanu hou ia ana no i ke ko, a ke k@ola ia nei na bipi a me na lio mauka o H@kipuu.  Ua paa ka pa a hiki i ka pali o Waikane.

            No Hakipuu.--Ke lukuia nei na laau kuawa a pau i wahie, a e pau ana hoi ka ho@uu ia ana o kona hua momona, e kamau ai ka houpolewalewa o kamahele, e hele mau ana ma keia alanui.  Al@h@ ino ia mau hua ma-u o nalo aku.

            No Waikane.--Ke mau nei no ka ulu pono ana o ka raiki m@nei, a o na l@u kalo, aole au i ike, ei aku paha mauka lo@, aka, ua oleloia mai , he neo wale no.

            No Honouli a me Waiahole.--O ke kiekie loa paha keia o na aina i piha pono loa na kuiueki i nei mea he raiki, a he lu@u maoli no hoi i ka hua ke nan@ aku i na loi.

            No Kaalaea.--Oia mau no ia wliko a me ka ulu pono ana o ke ko, no ka m@u m@u no i ka wai.

            No Kahaluaa.--Mamua aku nei, he mau hale lehulehu a me na kauaka he nui maanei, aka, i keia wa, he neo wale no, a hookahi no hale laau e ku nei i keia wa, no kekahi hapahaole, a  na lohe nae au, ua kipakula ka e ka mea no ua ka aina.  ALoha ino na wahi hulilani ka lewa hele i ke alanui.

            No Heeia.  Kaneohe a me Keaahala--Ua ane m@loo ke k@ ma na wahi i m@ ole i ka wai, a ma kahi mau o ka ma-u, he oia mau no ka ulu, aka, aole nae he ikaika loa.  He was la loa keia, a ke hau lani nei ka ihu o ka palau a kekahi poe.

            No Kekele.--Aneane e pau loa i ka maloo na puh@la maanei, no ka pon@lo a me ka m@o ai lau nal@ele.  Pilikia maoli na lauhala moena, a hala no hui ka nani o ia wahi.

            Ke alanui pali o Nuuanu a me kahi wai.--Oia mau no ka puiwa hopohopo a lele hoi o ka hauli maka'u no na pohaku kaa mai, a me na wahi nihihl@ ino, e kapeke iki ae ai no heo ana i ka pali, alaila, no Lauki ia ol@ lo ana, "u@ lele Lauki i ka pali." Ia'u i hiki aku ai me ko'u mau hoa hele ia la@laila, u kaa iho i ka pali he mau bipi, a ua weluwelu, a na K@oni K@m@ki e lawe an@ i ke kaona, i ola no ka lehulehu.  Nolaila, he mea pono i ke aupuni ke noonoo ni no keia alanui, a e hana hou ia, i ele ai e poino mau na ola kino kanaka a me na holoholon@, e haawe mau aku nei i ke ola n@ ka lehulehu o ke kaona.  E pa hou ia i m@u hao hou, mai ke po@ o ka pa hao mua a hiki i kahi wai, a e pa ia.  Ke mau nei no hoi ke kokua ana o kahi wai i ka poe puu i make wai, a he wahi kiaha hou ka ke aupuni i waiho malaila, a ua ike mau no au, aka i keia wa, aole ia!  Ua lawe ia paha e ka poe piko pau iole, a pua i koe a Pooakea, ka aihue kaulana o Kula, i Maui i ke au ia Kahekili.

            No ka @uk@ o Nuuanu.--Aia malaila e k@ nei kekahi h@ le hookipa huli kenikeni, no kekahi mau ili puakea hoomakaulii dala.

            No ke awawa o Nuuanu.--Mahalo piha loa au no ke kipakuia ana o na bip@ hana ino wai, e lu mau ai i ko lakou m@u honowa ino, iloko o na auwai a me na kiowai; a i ka nana ana ae ma o a maanei, nani ka oluolu maikai o na maka, no ka ike ana aku i ka uliuli maikai o ka ulu ana o ka manu.

            No Maemae.--He oia mau no kona m@u hiohi@na, aka, aia nae makai iho o ka Ilina Alii, ke kapiliia nei kekahi hale nani a kilakila hoi, a oia hoi k@ oi o na ha'e i kukuluia ma Maemae.  No ke keiki ka a Kimo Pakaka pohaku nui make iho nei.  Nani lua ole kela hale, Hulali anapa na wai ho@luu.

            No ke kaona Alii.--Oia mau no kona wehiwehi haki@ua i kanaka, i na haole na pake a me na ano kanaka a pau, e hele wawae ana, e holo ho ana, a e holo kaa ana, nana aku hi-hina lua, iak@ikai, i o ianei a puni ke kulanakauhale; a o na Poola hoi, e o-kukuu ana no m@ na @p@, e ake ana o ka loaa ae o kah@ h@na, ola ia la , loaa kahi b@la ti.

            No ka mokuahi hou Likelike.--Nana io no kela moku, hulali e ka hao, lai paihi na ohua ke noho mai.  Aka, he haoh@o nae ko'u, no ke kakaikahi loa o ka poe e olelo ana o "Likelike," aka, o ka hapanui, o "Kilauea Hou" wale no m@ ka waha o na mea a pau, no ka m@a n@ p@ha ia Kilauea.  Ano kuihe no wau, aka, aia no nae kona have nani ke hoike mai la, o "Likelike" no.

            No ka Uale Leta.--Oia mau no hoi ka haia@u i na haole a me na kanaka, no na leta loaa mai a me na leta hoouna.

            Na ka Hale Pai.--E haloke mau ana no na hao o ka papa pai, a o na wahi kanaka wili, Lele a l@l@, a o na keiki hoonoho hua, oia mau no ka ole h@la poahi, ka alapine hei o na lima, a lihi launa ole aku kaua ilaila.

            No ka Halekuai Buke o Wini.--M@ ka puka o ia hale, e piha mau ana ia i ua haole a me na kanaka, no ka n@ a@a i ke kii palapala aina holookoa o ke aupuni o Europa a me kekahi hap@ o Asia Uaka.  Ua kahaia ke aupuni o Rusia me kekahi kii hee, a o kekahi hoi o kona mau awe, ua iho iho la ia a hawele ae la i ke aupuni o Tureke, a ua poomoku hoi kekahi mau awe, i ke @ali ia e na koa o tureke, a e hawele hou iho ana no kekahi mau awe, a o na maka nu@ui o na hee nei, haka pono ae l@ ia maluna o na aupuni e ae o europa, @ no hoi ka aka i ke akamai o ka haole, i ke kaha ana i keia kii hoohenehene.

            O ka Oua hoi o keia nupepa a me ka Agena nana e hookele nei me ke aho nui, ua oluolu maikai no ko laua mau ola kino, a ua "pake@ pali," no hoi ka ikaika o ka oni ana o na a-a lolo o k@ laua mau poe, no ka noonoo ana hoi; na mea e holo pono ai ka kakou nupepa.  Me laua no ko'u mahalo piha.

            No Halealii.--Aole au i kiei a h@l@ wale aku malaila, aka, ua lohe mai n@ au, he oluolu maikai no ke ola o na L@ni Alii Waiakua a kakou, a e hool@il@ mau ana i ka bela nolu o Ihikapukalani.  E ola na Moi i ke Akua.

            Owau no me ka mahalo.

                        K. H. K. KUAKAHA.

            Laie-wai, Aug 27, 1877.

 

He makua i aloha nuiia.

 

            Ua oluolu i na Lani ka lawe ana aku la i ko makou mama i aloha nui ia, i ka wanaao o ka la 13 o Iulai 1877, ma Waihoolana i Manoa nei.  He nui ko makao minamina none, a holaila, ua pale aku makou ia enemi hope loa o ke ao nei, me na lapaau kupoao ana, aole nae pela ka manao o ka mea nana i hana.

            Ua hanauia o Kaumiokalani, i ke au i ke kau Ok@ mua, ma Kapuna, i Kalamaul@, Kona, Molokai.  O malamakuhiona kona makuakane, he kanaka no Ewa; a o Nawai kona makuahine, no Maui a me Molokai kona ewe, a he mamo hoi ia na Haehaeahuakakaala@eo, a he mamo hoi no Borabora ma kekahi aoao--@a kona kupuna Borabora ka inoa o ia wahi e kapaia la ma Kalawao, o "Borabora," oia kona inoa a hiki mai i keia la, a nolaila, he kaikamahine papa o@a no ia mau alua a puni.  O kalamaula ko lakou wahi e noho n@i ai, a hiki wale i ka ho@o a ia me ka mano a Ewanui@laukona, oia hoi o Malamakahiona, a loaa mai hoi ka laua Kama oia o Kupehea Kaumiokalani.

            I kona wa kamali@ nae, ua aoia oia ma na h@na e pili ana i ka wahine; a oiai kona wa e mahuahua ae ana, ua ho@a@ ae la o a me @ @kilani.  He maikai a he oluolu ko laua noho ana.  Ua loaa ia laua he elua mau keiki i ke au i@ Kamehameha I, a hookahi keiki i ke au o Liholiho Kamehameha II.  Ia wa oia i aoia ai ma ka ike palapala, a no kona makaukau, ua hooiloia oia i kumu kula  A i ke au mai hoi ia Kamehameha III, ka pau loa ana o kan@ mau keiki i ka hanau; oia hoi he 7 @ keiki i loaa ma Kalamaula, a hoi ae la ma Koolau o Kalaupapa, he 7 hou keiki i loaa malaila, a nolaila, @3 14 ea huina o kanamau keiki.  He 10 nae o keia hu@n@ he mau keikikane, a he 4 wale no kaika@ahine.  He mea e ka ikaika o kona ola ana, a nani hoi ka honua, in a pela ka nui o na wahine.  O ka mea nui hookahi no hoi a keia wahine, o ke ake n@i e ike na keiki, nolaila, ua hoouna aku no oia i kekahi mau kekii ana i ke Kulanui o Lahainaluna.

            I ka makahiki 1860, w@h@ mai la kana kane e noho makuahine hookahi me na keiki.  A @loko no o ia makahiki, i haalele aku ai oia ia Molokai, a hoi mai la no ke one o Kakuhihewa.  Ua noho iki no ma ke kaona no kekahi wa, a huli hoi aku la no "Ka ui o Manoa," kahi hoi o kona noho l@ihi ana no na makahiki he nui.  Ua hoohalaia no i kekahi wa ma Lahaina, a i Hawaii hoi me ke alii Akahi, a ma Manoa nei ka noho hope loa ana a hiki mai i ka hooluolu ana aku la o kona kino, a i ke 80 hoi o kona mau makahiki o ke ola ana ma keia ao a haalele mai la ia makou e hono makuaole.

            He wahine ia i ao ia i na mele o na'lii o ka wa kahiko, a he paanaau hoi ka la, ka makahiki a me na malama ma ka helu haole a me ka helu Hawaii, a he Alemanaka hoi no ka poe e ninau aku aha iaia; ao'e loa oia i poina ia mau mea, a hele wale aku la.  A @o keia mau mea, ua hookokono mai la oia i na mapu@a waimaka, e hiolo iho ia ma na papahoa, a no ka nui hoi o ke aloha nona, ua ha@o iho la makuu i kanikau nona, oia keia:

Kauikau aloha ia oe e Kaumi,

Aloha ino no kuu makuahine,

Kou makuahine i ka ma@ halau loa a ke

Hale malumalu a maua e noho ai,       [ao,

E alo @ i ka wela o ka la--e,

            He auwe kuu makuahine.

Ei a@u nei paha kuu makuahine me Liawahine,

Me ka wahine i ka i@ ka kapu o mua oe,

O ka uhane ia o kuu makua o pahaohao o haona ka po,

He ema ao wale no ka po i ke ala ia--e,

            He uwe kuu makuahine.

Kuu makuahine i ka wai o Haaliiloa,

Mai ka pali kapa la o Keona,

Mai ke awa pae la e Napoopoo,

Mai ka hale noho la o Kapahakapu,

Kapu mai nei ko maka ike ole aku au,

            He auwe kuu makuahine.

Kuu makuahine i ke a makahauliuli o Ko-

Mai ke kai auau la o Kaneiah@ea,     [ua,

Mai ka ulu niu la o Keei,

Komo kau i ka malu hale o Kalalahua,

            He auwe kuu makuahine,

Kuu makuahine i ke kai heenalu o Honau-

Mai ke ala ulili la o Alahaka,              (nau,

Mai ke waikui la a Kekela,

Mai ke ala iho i kai o Kealia e,

            He auwe kuu makuahine.

                        M. K. P. LAKA.

He kanikau aloha keia no Kaumi,

Ko makou mama aloha nui,

I lele auilani aku nei ka hele ana,

H@lulu aku la nei iluna o Waialoha,

Aohe mea e ae a'u e aloha nei,

O ko Kino, o ko maka, o ko noho mai,

Hele aku la oe i ke ala hoi ole mai,

I ke ala maawe ula a Kanaloa,

I ke ala kikeekee hoi a Maui,

A Leinakauhane la hoi mai,

Hoi aku la oe i ka poli o ka Makua,

Noho iho nei makou me ka minamina,

Me ka paumako i ke aloha ia oe.

He kanikau he aloha ia oe la e,

Kuu makuahine mai ka lepo ula o Kalae,

Ke kaeiko mai la i ke kai o Hilia,

Ua ho@lale mai la ka manu he Kioea,

E lawe ke-o ua makaukau,

Ua lawe ke Akua i kona o ka uhane,

Waiho ke Kino he lepo no ka honua nei,

Hapapa wale iho no ka manu hulu ole,

Na ka elele leo ole au i hai mai,

Ua hala kuu mea aloha kuu mama,

Kuu koolua a ka ua lani pali polua,

            He kanikau he aloha ia oe la e,

Kuu makuahine mai ka ua nihi pali o Ka-

Mai ka wai hoihoi o Waihanau,          [lawao,

Mai ka malo kou la e Papakailoi,

Mai ka ua l@ku mai iluna o ka laahala,

Hala aku la oe ko makou mama,

Me kuu ike ole i kou hana hope loa,

Ua kaupale ia mai au e ke kanawai,

Ua kaa i ke kai okia a kane,

Aia i Kuaihelani ka hele ana,

            He kanikau he aloha ia oe la e.

                        A. M. KALANI

Kanikau aloha keia ia oe e Kaumiokalani,

Kuu makuahine mai ka aina hanau o Ka-

Mai ka nalu aei o Ilioapii,                   [laupapa,

Mai ka pi@na loa la o Paaneenee,

Aohe loa o ia pali i ka hele ia e kaua,

Inu aku o ka wai o Waialala,

Oia wai hoi a na kupuna i inu ai,

Inu aku ka uhane i ka wai ole a kane,

Ola oe ua noho me ka MAKUA Mana iluna

Me I@su Kristo ka hoola o na lehulehu,

Nona ko makou ola a me ka pomaikai,

Ke hui pu ae la Puohaha me Poao,

Ua ao loko o'u ua malamalama i ke aloha,

Aloha Lenalena ka wai auau a ka malihini

Aloha Puuhahi i ke one o Pikoone,

Aloha na ohia o Kiokio me Onia,

Ke muia mai la na lehua o @kaa,

Ua kaa ke aloha o ka pono na'u e hiilani

Me ka la@i nei no ka nui o ke aloha,             [nei,

            He minamina he aloha ia oe--la.

Kuu makuahine i ka luna e Kalae,

Mai ka makani Al@hou la o Kalamaula,

Ke kahiko mai la i na lehua o Kaana,

He ana like laua me Kaiolohia,

E h@ h@ ana i ke one hanau,

I ka @l@ o ka makani he lawelawe malie,

O ko aloha ka'u e lawe molie ne@,

E hoopiha nei a piha i ka w@l@,       [nei,

He waiwai nui ka ke aloha na u e malama

Aloha na one o Ka@ loloa au e hele ai,

Aloha Kaunakakai au e noho ai,

Aloha ka ia ka i ka wawae au e ai ai,

E awe helu mai e Molokai a Hina,

E mam@--e, hoi mai kaua,

            He ma @n@ he aloha ia oe la--e,

Kuu makuahine i ka lai o Honolulu,

Mai ka hui@ la o ke kaona,

Mai ka p@h@ kanaka la o ka uapo,

Ua apo ae nei au i ko aloha aole e puni,

Aloha Kulaokahua a kaua e hele ai,

Aloha Puuomanaoa e hooma@a ai,

Aloha Puk@omaomao a kaua e moe ai,

E moe kaoluo ai kaua ia puka pa,

Hoao aka kaua i ka@hale,

Aloha Manoa i ka loku a ka ua Kuahi@e,

O @a aina i noho ia a kupa,

A ka@n@aina hoi ka noho ana ilaila,

Ilaila hoi oe e noho alii ai,

I punahele noi na na keiki,

I @ l@ hoi no na la ui,

Eia ka e pauahu @uke mai ana oe,

I ka noho pu ana me na keiki,

A hui pu hoi me na kupuna,

            He m@mina he aloha ia oe la--e.

                        SAPENA K. K. HUKILANI.

            Waihoolana, Manoa, Sept 1, 1877.