Ka Nupepa Kuokoa, Volume XVI, Number 32, 11 August 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HE LOVES ME TOO.

He mele pokii.

 

Crown of Glory p 43

1

Ua ike ke Akoa e

I na manu makalii ;

Aloha oia o hanai,

A kai malie ae,

Cho. – Aloha pu, aloha pu,

Aloha pu mai ia’u,

Aloha i na manu e,

Aloha pu mai ia’u.

2

Hoopaa maikai ke Akua e

I ka manu makalii,

I ole e haole ino ae,

A eha a uwe.

Cho – Aloha pu, aloha pu, &c.

3

Hooani ke Akua e

I na pua makalii;

O nio lai, a ala mai,

A onaona e.

Cho. – Aloha pu, aloha pu, &c.

4

Ke Akua, e aloha mai,

Aloha ia makou,

I na pokii auwana nei,

Aloha, kiai mau.

Cho. – Aloha pu, aloha pu, &c.

5

Aloha no, a hoopaa mai,

Hoopaa, a kai mau no,

I ole e kaa a haule ae

I lalo i ka po.

Cho. – Aloha pu, aloha pu, &c.

Hawaii

 

HAAWINA KULA SABATI.

HELU 9. SABATI, AUG. 26, 1877.

KUMU HANA. – Paulo ma Atenai.

PAUKU BAIBALA – Oih. 17:22-34.

            22 Alaila ku mai la o Paulo mawaenakonu o Areiopago,  i mai la, E na kanaka o Atenai nei, ke ike nei au, ua ikaika loa oukou  i ka malama  i na akua, ma na mea a pau.

            23 No ka mea, i ko’u hele ana ae, nana aku la au i ko oukou mea e hoomana’i a ike au  i kekahi lele, na palapalaia maluna penei, NO KE AKUA IKE OLE IA.  Nolaila o ka mea a oukou e hoomana naaupo aku ai, oia no ka’u e hai aku nei ia oakou.

            24 O ke Akua nana i hana kea o nei, a me na mea a pau iloko, o ka Haku no ia o ka lani a me ka lonua, aole ia e noho maloko o ka hale i hanaia e na lima;

            25 Aole hoi ia malamaia e na lima kananka, aole nae ia i nele i kekahi mea; nana no i haawi mai nei ke ola no na mea a pau, a me ka hanu, a me na mea a pau;

            26 A nana no i hana i na lahuikanaka a pau i ke koko hookahi, i noho lakou ma ka honua nei; aia hoi; ua paa i kona manao kahiko ka hope o na wa, a me na mokuna o ko lakou wahi e noho ai;

            27 I imi lakou i ke Akua, ina paha lakou e haha a e loaa no ia, aole hoi ia e loihi aku o kela mea keia mea o kakou;

            28 No ka mea, maloko ona e ola nei, a e noho nei kakou; e like me ka olelo ana a kekahi haku mele o oukou, He poe keiki kakou nana.

            29 In a he poe kieki kakou na ke Akua, sole pono ia kakou ke manao i ko ke Akua ono, ua like ia me ke gula; a me ke kala, a me ka pohaku i kalaiia ma ke akamai a me ka noonoo o kanaka.

            30 Hoomanawanui mai la ke Akua i na wa o keia naaupo ana; aka, @ keia mauawa, ke kauoha mai nei ia i kanaka a pau ma na wahi a pau loa, e mihi.

            31 No ka me@, ua hoomaopopo oia i ka la e hookolokolo ai i ko ke ao nei me ka pono, na ke kanaka aua i olelo ai; ua hoike pono mai hoi ia i ka oiaio o ia mea i na kanaka a pau, i kona hoala ana mai iaia, mai ka make mai

            32 A lohe lakou i ke alahouana o ka poe make, hoohenehene kekahi poe; a i mai la kekahi, E hoolohe hou aku paha makou ia oe i keia mea.

            33 No ia mea hele aku Ia o Paulo mai waena aku o lakou.

            34 Aka hoi, pipih aku la kekahi poe ia ia, a manaoio aku la, o Dionusio, no Areiopago, kekahi o lakou, a me kekahi wahine o Damaria kona inoa, a me kekahi poe pu me laua

            Pauku Gula.  “No ka mea, hookahi no Akua, hookahi no mea uwao iwaena o ke Akua a me ke kanaka, o ke kanaka, Kristio Iesu.”  I Tim. 2:5.

            Hoopaanaau p 14–31.

            Topika.  Ke Akua oiaio.

  1 Ike ole ia, p 22–23.

  2 Hai ia’ku, p 24–31

  3 Hoole ia’ku, p 32–33.

  4 Malamaia, p 34.

Mele. – Him.  8, 8–7. Leo, Bently.

1

He Akua Hemolele

Ke Akua no kakou;

Maikai wale, hewa ole,

Pono loa, ola man.

3

Oia no ka Haku mana

O na mea ilalo nei;

Nana kakou nei i hana,

Aole na ka lima e.

 

            Pale no ka poe ike ole i ke Akua oiaio, i ike lakou ia ia a hoomana, a malama iaia.

 

Na Ninau a na Kumu.

           Haalele kakou ia Paulo iloko o ka lima o na hoahauau aloha o Berea. Lawe lakou ia ia a hiki i Atenai me ka waiho ana ia Sila me Timoteo ma Berea. Aka, kauoha oia ia lakou i ko lakou hoi ana’ku, e olelo ia laua ehele koke a hui pu me ia ma Atenai. I ko Paulo kali ana ia laua, kaumaha kona naau no ka ike ana, ua lilo kanaka i ka hoomana kii. Hoopaapaa no nae oia i kela la i keia la, me na ludaio me kanaka e maloko o ka halehalawai, a ma kahi kuai. A o kekahi poe akeakamai, lawe lakou ia ia i Areiopago a noi aku ia ia e ao mai ia lakou no keia mau mea hou, no Iesu, a no ke ala hou ana. Ua maa lakou i ka lohe ana a me ka hai ana i na nu hou. 17:15—21.

P 22, 23. Mahele I. Ike ole ia ke Akua oiaio. Owai keia poe i hoomana naaupo i ke Akua iike oleia? Ko Akenai poe. He aka ka Paulo i hai aku ai ia lakou? He kulanakauhale kahiko loa Atenai ma Helene. Kaulana ia no ka poe akamia a naauao Ua hookumu ia oia ma ka mak 15-50 mamua aku o ko’ Iesu puka ana mai. Ua mau no ia inoa i kei wa. Ua emi nae kona nui, kona nani, kona akamai, He mau kausani kanaka wale no malaila i keia wa. He poe Karistiano kekahi me na kahu ekalesia. Areiopago, he wahii puu ia Malaila ka aha hookolokolo kaulana loa. He 90 lunakanawai mamua. He ahahookolokolo maikai no ia.  Ua pau nae i keia wa.  Ua lawe ia Paulo imua o keia aha.  Heiha ka Paulo mau olelo mua i ka aha?  He mau olelo hooluolu no.  He poe ikaika oukou i ka malama i na akua.  No keaha kona manao ana pela?  He lele kana i ike ai, na hoolaaia nowai?  He mau akua no ko lakou, a ua ikeia ia mau akua.  Ua lohe nae lakou he Akua e no, oia hoi ke Akua o na Iudaio.  Aole nae Akaka kona ano.  No keaha la ke Akaka ole?  Nawai i hai maopopo ia lakou i ke ano o keia akua?

            P 24—31. Mahele II. Ko ke Akua oiaio ano.

            1  Oia ka i hana i keaha?

            2  Oia hoi ka Haku o keaha?

            3  Aole oia i noho maloko o keaha?

            4  Aole oia i hanaiia e keaha?

            5  Aole oia i nele i keaha?

            6  Heaha kana i haawi mai ai?

            7  Heaha kana i na lahuikauaka? a hoonoho ia lakou mahea?

            8  Heaha ka i paa i kona manao kahiko?

            9  I aha na kanaka i ke Akua?  Ua kokoke anei oia?  Ua loihi e aku paha?  A ke aha nei kakou iloko ona?  Aha kakou, wahi a kekahi haku mele?  Aratu keia haku mele, no Cilicia, kahi o Paulo, 270 mak. mamua o ko iesu hana ana.

            P 29.  Ina he poe keiki kakou na ke Akua, aole ponoke manao, ua like ke Akua me keaha?  Nui anei ka poe i manao pela?

            P 30.  Ua’ha ke Akua i na kanaka i ka wa naaupo?  Pela anei i ko Hawaii nei?  A ma kaia wa heaha ka ke Akua kauoha nui i na kanaka a pau?  Pela anei Iesu?  Mataio  4:17?

            P 31.  A ua’ha ke Akua i kekahi la? Ma o wai la e hookolokolo ia’ai ko kea o nei? me keaha? Ua’ha Iesu?  Nui anei na hoike no ko Iesu ala hou’ana mai ka make mai?  Nawai i hoike mai i ke Akua oiaio?  Ioane 1:18

            P 32—33.  Mahele III  Ua hooleia ke Akua oiaio.  A lohe na kanaka i ka Pau’o mau olelo no ke Akua oiaio, a no kea la hou ana, pehea lakou?  Henehene—ahoopanee.  Pehea hoi o Paulo?  Heluhelu hoi Heb. 12:25.

            P 34  Mahele IV.  Malamaia ke Akua oiaio.  Pehea kekahi poe?  Pipili, manaoio.  Owai kekahi i hana pela?  Pehea Ioane 1:12?

 

Mele—Him. 1, 8—6.  Lea.

            1

E hoolea’ku ko ke ao

I ke Akua mau;

Ua hana oia ia kakou,

A me na mea a pau.

            2

E pule aku kakou nei

I ka Makua mau,

E kala i na hala e,

I maemae na maau.

 

Na Ninau a ke Kahu.

 

            Na makua.  Owai ka poe i ikaika i ka malama i na akua?  Pela anei na kanaka Hawaii mamua?  A Pela anei na kanaka he lehulehu loa i keia wa ma Asia, ma Aperika, ma na mokupuni?  Owai kela akua a ko Atenai i hoomana naaupo ai?  Nui anei ka poe hoomana naaupo i ke Akua oiaio i keia wa?  Hai mai i kekahi poe hoomano naaupo.  O ka poe hoomana ma ka waha wale no—ka pule mau me ka hoomau no i ka hewa.  Ka poe manao e ola ana ma ka lakou pule.  Hai mai Mat. 7:21—23.

            Na keiki  Owai ka inoa o kahi i lawe ia’ku ai o Paulo?  He wahi aha ia?  He wahi hookolokolo kaulana’loa.  Ehia luna kanawai?  Makau anei Paulo ia wahi eehia a huna i ka hai ana i ke ano o ke Akua oiaio?  Hiki anei ia oukou ke hai mai i ko ke Akua ano?  Nawai i hana na mea a pan loa?  Nawai i haawi mai i ka hanu, i ke ola, i ka ikaika, i na pono a pau?  Hai mai Kinohi 1:1.  2:7.  Io. 1:1—3 Iak. 1:17.  Ethia Akua oiaio?  Heaha ke kanawai akahi me ka lua?  Heaha ka pauku gula?  Heaha ka pauku weliweli ma keia Haawina?

 

p 31.   Heaha ka ke Akua kauoha nui ia oukou a i na kanaka a pau i keia wa?

            Ke kula a pau.  Ke ano o ke Akua oiaio.  Heaha kona ano ma keia Haawina?  Kona ano ma Kinohi 1:1—31.  Kona ano ma Mat. 6:24—34, ma Halelu 22:28—31, ma Halelu 63:9—13, ma Roma 5:8, ma Hal. 89:8—14  Heaha ke ano o Areiopago?  Nohea ka inoa?  I ka makahiki ehia hookumu ia’i Atenai?  Ehia pilikia nui i loohia ai oia?  Heaha oia i keia wa?

            Owai ka mua, Atenai?  Roma?  Owai ka poe Epikauaeio, a me ka poe Setoiko?  Aia mai ka poe naauao a huli i keia mau minau, i loaa na haina.  A loaa ole, niuau i ka poe i ike

            Mele.  Him.  477-7-Leo.

1          Na elele a Iesu,

            Ala, a e hele pu

            I na aina naaupo,

            Lawe i lama no lakou;

            Hele me ka lelepau,

            Ma ka Luna o oukou,

              Luna lanakila mau,

              Iesu ke Lii Kamahao.

           

PULE i loaa mai na elele, na kumu, na kahuna e hele aku i na aina hoomanakii, e hai aku i ke Akua Oiaio, a ia Iesu ke kalahala e ola’i.

Haawina no Sept. 2, Oih 18:1—11.

 

Na Pulelehua ma ke Kukui.

 

Eia no au ke kakau palapala nei ma ko’o papa kaukau.  E aa ana ke kukui imua o’a.  A emo ole, lele mai he mau Pulelehua; a pipili i ke kukui, a ane pio ia.  Hoopaehu au ia lokou

Make hewa nae.  Hoi koke mai no lakou a pipili hou i he kuikui, a wela no na heu, a haule no lakou a make.

Naaupo io: ea, na Pulelehua.  Naaupo. paha, ina he kumu noonoo ko lakou.  Aka, aole paha he uhaue ko lakou e noonoo ai.

He poe kumu nae lakou e ao mai anaia kakou, i ka poe mea uhaue.

Ma’ka hoohal:ke ana.

1  He mau kuikui no e aa ana, e kau ana mao a ma o.  Ulaula ua lapalapa, na ui ka malamalama:

Mehana hoi—hiki ke hookokoke aku, a olala a mehana.

He mau kukui hoowalewa’e no nae keia a hoowalewale ana i ka poe noonoo ole.  A ia lakou e hookokoke aua, a e pipili ana me ka noonoo ole, wela ko lakou mau eheu a eha, a haule, a make paha, a i ole, e pakele mahunehune no.  Owai, heaha, mahea keia mau kukui?  Aia lakou ma na hale hookamakama, ma na hale keaka, ua hale hula, hale lealea, hale inurama, ona rama, na hale pepa lealea, pepa piliwaiwai.  Aia no ia mau kukui ma na alanui ma ka nahelehele, ma na ululaau, ma ua uapo, ma na moku, ma ua kula, ma na ohana, ma na hale alii, ma na wahi a pau, ke ikeia na mea hoowalewale.

2  No pulelehua e pipili naaupo ana i keia mau kukui.  Nui wale paha lakou. Aia no lakou iwaeoa o na keikikane, o na kaikamahine, o ka poe ui, o ka poe kanaka makua, o ka poe wahine makua, o ka poe i mareia' me ka poe i mare oleia, iwaena o na manuahi, iwaena o ka poe e hele ana i na hale hookamakama, i na hale o na wahine i hoolakoia i na palapala laikini.  A ia lakou iwaena o na luna aupuni, iwaena o na’lii o ka poe hanohano, ka poe waiwai, ka poe ilihuue, na ohua moku, na luna moku na haumana, na kumu, na kahuna paha, na luna me na paahana o na mahiko, a iwaena hoi o na makua.

3  He poe mea uhane no lakou nei.  Aole lakou i like me na pulelehua maoli a e hiki hole ke noonoo.  Hiki no ke noonoo.  Ua haawi mai ke Akua i ka lunaikehala Hiki ia lakou ke noonoo, a nana a hoomaopopo i ka hope ke komo lakou iloko o na lapalapao keia mau kukui, a pipili aku.  Ua like nae lakou me na pulelehua maoli ma ke komo naaupo ana iloko, a wela, a eha, a haule, a make paha.

4  Heaha ka pono?  E kinai anei kakou a hoopio i na kukui?  Aia paha kekahi pono ke hiki e kinai aku.  Hiki paha ke hoopau i na hale hookamakama me na hale kuai rama, inu rama, me ua hale hula, hale lealea.  Aka, aole hiki, aole pono ke hoopaa, ke pepehi i ka poe hoowalewale apau.  E aa mau aua no kekahi mau kukui.

Eie ka pono nui—E nan i ke ano o na kukui e aa mau aua.  Ina he mau kukui e alakai pono ana e hahai no mamulio lakou.  Iua he mau kukui e alakei hewa ana, e hoolalau ana, e hoowalewale kolohe ana, e hao wale a pepehi ana , mai hookokoke aku, ma pipili aku—mai hahai mamuli o lakoo, o wela auanei a pipili ke ohi i na lala o ke kino ma keia ao, a make ke kino, e pipili ke ohi i ka uhane ma Gehena a mau loa aku no.  HAWAII.

 

Pau ole no hoi ka a pa a ka Hawaii.

 

E KA NUPEPA KUOKOA, Aloha oe;--

            E ka Lunahoopoaopono:--Nani ka ulumahiehie o ko’u manao e hai hou aku ia oe no na mea a kekahi kanaka Hawaii e hana nei me ka uso ole, aole hoi e hiki ia’u ke uumi malie iho a huna paha i kana mea i hana’i, oiai aole o’u makemake ia hana, aoie hoi e hiki ke awiwi puia ka  noho ana maemae me ka pelapela, o i ia mai hoi ua komo pu ako iloko oia hana.  O ka haina aku nei no i kela makehiki no kekahi hoa i hana i na hana lapuwale, a eia oia ke hana nei ma ka hou o kona lae, pela e loaa mai ai kana e like me ka ka Baibala, aole hoi mamuli o na hana lapawale.  I keia manawa, ke hoea mai nei kekahi oia ano he poe oo nae iloko oia ahahui. E kamailio au a e nana pa mai kakou a pau.

PULE LA IESU KRISTO.

            O na hoa nei, oia o J.D. Noa, iaia e noho pu ana ma ka hale o P. Samuel. O kana hana i na la a pau, oka walaau wale iho no me he pupule la.  I kakahiaka i ka puka ana mai o ka la, puka aku la ia aku ma ka puka o ka hale, a pule ako la ia i ka pole a Iesu i ao ai i kana mau haumana.  Ua mahalo makoa iaia noia ano pule, o makou a pau no loko oia hoonana, a mahope loli ano a ano e ae ka pule a na Noa nei.  A pule aku la ia penei:  Anana ae ia oia i kona mau lima, a moe na make.

PULE IA WAHIAIKALANI.

            E Wahiaikalani e, e kuo makuakane, ke pale aku nei au ia oe e ku’u akua, e Wahiaikalani e, i ka lani iluna wahia, e Wahiaikalani e, i ka honua ilalo nei, wahia, e Wahiaikalani e, i ka hikina a ka la wahia e Wahiaikalani e, i ke komohana a ka la wahia, Wahiaikalani e, i ke komohanahema a ka la wahia, e Wahiaikala e, i ke akau Wahia, e Wahiaikalani e, i ka hema wahia. e Wahiaikalani e, i ka hookui wahia, e Wahiaikalani e, i ka halawai wahia, e Wahiaikalani e, i Hawaii o Keawe wahia, e Wahiaikalani e, i Maui o Kama, Molokai a Hina, Lanai a Kaululaau wahia, e Wahiaikalani e, i Oahu o Kakuhihewa wahia, e Wahiaikalni e, i Kauai o Mano wahia, e Wahiaikalani e, i Niihau ame Kaula Nihoa e Kuhaimoana wahia, Amama, ua noa lele wale aku la, Papono mai la ka la me ka ikaika, nana pono aku la na maka pihekaheka la o na Noa la i ka la, a pule aku la.  Pule ia Namakaokahai me Kululau.  E o’u kaikuahine haku, ke noi a pule aku nei au ia olua ma ka inoa o ka mea ike oleia, e haawi ia’o a nui ke ola, a nui ka waiwai, i haawi ae au i ka poe e huli ma:  ana mahope o’u i keia leo imi pomaikai.  E o’u mau kaikuahine, e nana aku olua i ko kakou poe a pau e noho mai la i ka ua liilii o Pauoa i Honolulu, e malama aku ia Kalani Kalekaua, a me kona mau keikuahine, a me na ‘lii hanau o ka aina, a me ko'u lahui mai Hawaii a keia aina makamaka ole.  E malama aku i na’lii koho o Amerika Akau nei, oia ka’u kauoha ia olua e ko’u mau kaikuahine haku.  E malama pono olua iku’u alii wahine ia  Aoe, e kiai iaia, e hoomakakiu e nana pono, i na olua aole e hoolohe i ka’u eha olua ia’u.

            He nui na ano pule a Noa, aka, ua lawa ae la kakou maanei, o keia wale no ka pule e hana mau ai, i kona wa e noho ana ia nei, i ka hoi ana a Poti Gamala, aole ana hana ilaila e like me ka wa iuka nei.  O kana hana o ke kaumaha aku i na kaikuahine a me ka makuakane ona i ka awa i na wa a pau, a o ka liki wale iho no, i na e kui mai ka hekili, i ae la kela, aia ku’u maku akane la ke kahea mai la ia’u, i na e pi-o no i ke anuenue i ka lewa, i ae la kela, aia o’u kaikuahine la ke naua mai la ia’u i ka laua punahele.

            I kekahi la, kupa iho la o Kupanihi a moa ka Moa, a wali ka awa, hoka a ka apu, ka ae la a pule aku la ia makuakane akua Wahiaikalani, ame na kaikuahine akua ona, I ka pule no maalili ka Moa, a koe ka apu awa, o ka poe hoa ai hoi, make hiamoe mai la, i ka pau ana o ka inu a ai nui iho la, Ia wa, hoopuka mai la i keia mau hua olelo.  Auhea oukou e na hoa, ua maikai ka’u pule ana’o ka mea i pule loihi ai au, o kou kino wailoa, i lona aku nei au i ka lani, o kuu makuakane ame o’u kaikuahine e noho ana ma ka lima akau o ka Makua ma ka lani.  I nana aku nei ka hana e haawi aku ana o Wahiaikalani ia Iesu i ka ipu paka.  He puhi pake no ka o Iesu, ma keia wahi, hu ae la ka aka a na hoa ai.  Mai aka oukou, ua loaa ia kakou ka pomaikai, e hali mai ma ko’u aoao, a e hoolohe i na olelo o ke ola ma o’a nei.  E nana kakou i na olelo kohu ole a ke kanaka o ka lalau hele ana mai a na aina e nei, hoopuka i na hana ku i ka hoopunipuni, a hoohuli aku ia hai i komo i loko o kana hana kohu a uso ole, ke puana ia mail a e waawaai naaupo.

J. W. D.  KALEHUANUI.

 

HALE PAI KII O AHI.

 

EMI LOA NA KII!

 

Ma ka Hale Pai Kii o Ahi, Hela 61, Alanui Nuuanu, Honolulu.  O ka uku o ke kakini Kii Pepa mamua, he $3.00, a i keia manawa, ua hoemiia i $2.50.  O ka uku o ke kii Aniani. he $3.00 mamua, ua hoemi loa ia a i ka $2.00 wale no.  Emi loa maoii a makepono!  Aole like pu mamua.  E wiki mai oukou, oiai ka manawa kupono a ka lia e upu nei.  I keia maoawa, hanaia nakii maikai loa!

Hale Kamana Nui!

            AIA no maloko o keia Hale maluna ae, a ma ka Helu 69, Alanui Nooanu, e hanaia ai na pahu kupapau, na moe, na noho, na pakaukau, ua pahu ume me na aniani ku. na mamalu a me ia mea aku ia mea aku.  E loaa no na pahu paina a me na pahu koa ma ke kumukuai oluolu a  makepono loa, i ike ole ia mamua.

Hale Kumeka Kamaa!

            MALALO o ka Hale Pai Kii. ua hoana okoaia he keena humahuma kamaa o keia a me keia ano a ka makemake e hialaai ai.  E kipa mai a e ike oukou “I ka nani o Aipo.”  Malaila no e loaa ai na Pale Ili Noho Lio, no ke kumakuai haahaa a ka launa ole mai. E kipa mai a e kuai no oukou iho.

Hale Hana Kika Puhi!

            Ma ke Keena makai o ka Hale Kamana, Helu 69, Alanui Nuuanu, he wahi e hana pakala nei na lau paka, i mau kika puhi maikai loa.  He mau paka kika maikai i kupono i ko na kanaka makemake, he ona hoi ke puhi.  E hele mai oukou e kuai i ike maka.  E hoohihi ana ana oukou. AHI. (506 6m* 521)

 

Papa! Papa!

—NO—

ALLEN A ME ROBINSON.

Ua wehe ae nei mana i

PA KUAI PAPA!

– MA KA –

UWAPO o PAKAKA.

 

Na Papa Ulaula o na ano a pau.

Na Papa Paina o na ano a pau.

            Na Pili Hale Ulaula.

            Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

            Na Pani Puka a me

            Na Pani Puka Auiani.

Na Pani Puka a me

Na Olepelepe.

 

Na lako kukulu Hale

—O NA ANO A PAU—

E kuaiia ma ke

Kumukuai Haahaa Loa!

o keia Makeke.

ALLEN & Robinson.

Honolulu, Aper 13, 1876. S14 3m 268

 

MAIKEIA LA A MAHOPE AKU NEI.

O KA UKU O KA

OHUA ONEKI O

NETI MERRILL,

Mai Honolulu aku a me ka hoi ana mai he

ELUA DALA!

E.D. CRANE (Kapena.)

Mar. 16, 1877, 798 6 ms S24.

 

NU HOU! NU HOU!

Kukaepele i Hanaia ma Honolulu nei!

E FREDRICK VEHLING!

He kukaepele maikai loa keia!

Ua like kona ano me ke Kukaepele o ko an Aina e.

AOLE ENELEKA AINA WA A PAU

E kokua kakou i na hana mikiala kuloko

o ko kakou aina hanau.

E hele mai e ike, a e kuaiia ma ka Hale

Kuai o  A.L KAMIKA,

806 3m 831 Helu 44, Alanui Papu.

 

Eia ma ka Hale Kuai O Wini!

 

NA EA,

NA OMAU A I,

NA KULA PEPEIAO

NA OMAU HAO BUKALO,

NA MEA ANO HOU A EMI,

Buke Pakeke Ili a me na Eke Dala

Na Lei Pilali,

Na Lei Eleele,

a me na mea e ae he nui wale.

E HAAWI MAKANA IA aua i kela a me keia mea i kuai a hike i ka

ELUA DALA.

E heie mai, e nana i keia mau mea maikai, a eloaa no like me ka makemake.

 

Eia ma ka Hale Kuai o

756 2m  WINI.

 

HALE KUAI MANUAHI!

 

NO KONA,

NO PUNA

NO KOOLAU,

NO NAPALI,

NO MANA!

Eia ma Koloa nei ka mea Hou ano e kupaianaha, a e naue nui mai oukou e na mamo a

MANOKALANIPO!

a e ike i na mea maikai o keia a me keia ano, ma ka

HALEKUAI O PENI!

Ua makaukau oia e kuai aku i

Na Lole o na ano a pau,

Na Papa o na ano o pau,

Na Lako kukulu hale,

Na mea hana kamana,

Na mea mahiai,

Na mea ai, mai na aina

e mai a me na mea a pau i makemakeia e ke

Kane, ka Wahine a me ke keiki

Ke loaa mau mai nei keia mau mea ma keia moku keia moku. a no ka mea, ua hoopaeia mai ma Honoiaia.

 

He au hou o ke Kuikahi!

Noiaila, e hiki ia’o ke haawi i keia mau

pono ia oukou, ma ka kumukuai

heahaa lou, i ike ole ia

mamua aku rei.

 

E lulumi mai a hoao!

 

FRANK BINDT.

Kaloa, Kauai,Aperila 14, 1877.  802 1 yr 809

 

ANOAI I KA LEHULEHU.

E kipa mai ae nana,

i kumaka ai ka ike i na waiwai nani i loaa mai nei iloko o na

La Kulaia iho nei.

Penei ke ano o ua mau waiwai la:

Na Wati a me na kaula Gula,

a na Lede a me na Keonimana!

NA KAULA OPELE A NA LEDE

NA KOMO GULA NANI O KELA A ME KEIA

ano o na Lede e a me na Keonimaua!

NA KUPEE GULA,

NA LIPINE GULA

Na gula pepeiao o na wahine!

e oaka ai i na pepeiao, a e hulali ai

hoi na manamana lima a e

kilipohe ai hoi na a-i.

 

Na komo humuhumu gula me ke kala,

Na pihi pulima gula wahine a kane,

Na lakeia gula lei wahine nani,

Na komo daimana o na Lede.

Na kaula laketa,

Na pine omau kihei,

Na laketa aniani,

Na huka gula wahine.

NA LAKO HALE.

NA PUNA,

NA PAHI,

NA KIAHA, KALA,

NA APO KALA

NA KAWELE holei lima,

NA O DALA o kela a me keia ano,

a me na mea nani e ae no he nui wale.

 

E kuaiia aku ana no

ma ke kumukuai haahaa loa i ko

na wahi e ae o ke taona nei.

 

UA MAKAUKAU NO HOINA

mea nani no kauaka makua

a me na kamalii.

Na Kamaa Paa Loa,

e loaa no maanei e like me ka

makemake; a ina e loaa

koke ka ino, he hiki

no ke hoihoi mai

M. McINERNY.

Kihi o na Alanui Papu a me Kalepa. S14 3m 326

 

Lole Makepono ke Kuike!

E LOAA NO IA MA KAHI O

KAKELA ME KUKE,

—E LAA NA—

AHINAHINA,

KALAKOA,

KEOKEO,

LEPONALO

Pena, Aila, Aniani,

Na Mea Piula,

Kopa, Aila Honua,

Aila Hoomaloo

Kui Kakia, Pakeke,

Tabu, Kaula, Noho lio,

Hulu-paiaki, na Pulumi.

 

A he Agena no hoi no na Mokupuni o Hawaii nei no na

LAINAKINI – NAO,

LAINAKINI – MAOLI,

PALULE KALAKOA,

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulo,

Na Lole no ka hoohehelo ana

Lipine, lihilihi, a me ia mea’ku

-- A HE--

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina &c

– A HE –

LAAU LAPAAU KAULANA LOA

A Dr. JAYNES.

Laau Kun,

Laau Hoomaemae Koko,

Laau hoopao naio,

Penikila, Huaale,

A me na Laau Hamo, a pela’ku

814 3m 826

 

E. T. Haloiani.

L010!

EIA HE $20,000 E MAKEMAKE ANA E hoaie aku ma ka ukupanee haahaa loa mai ke $200 aka a pii ae ma ka moraki ana i na aina, Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.

            Hale Oihana, aia ma ka “Real Estate Exchange” Hela 31 Alanui Papa, Honolulu, malaila oia e loaa ai i na kanaka a pau, ina he mau ai ka kuai a hoolimalima ko lakou, a e hoopaaia me na uku ole.  815 6m