Ka Nupepa Kuokoa, Volume XVI, Number 29, 21 July 1877 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

e ka wai @ kihapai, a me kekahi mau waiwai e ae. O ka wa o ka muliwai o Misouri, ua oi loa ae kona nui i ko ka wai nui o A. D. 1844. O ke kauhale o H@, he 6 kapuai kona @ malalo o ka wai, a ua lilo i @ ino loa. Ho o na kanaka me kahi mea oiai ia lakou ke lawe, a koe aku ka nui.

 

NU HOU HOPE LOA!

            Ma ke ku ana mai nei o ka mokuahi lawe Leta Kulanakauhale o Nu Ioka ma ka Poalua i aui aku nei, mai Kikane mai, ua loaa mai na mea hou o Europa ahiki i ka la 29 o Iune.

            Ke kipoka ia la no o Rustsnuck.

            Helelei liilii kekahi mau hale nui o Dekapoli.

            Ua hoonee hou ia ae la ke kulana o na puali koa Rusini ma Sistova.

            Singapose Iune 30. -- Ua hoike ae kekahi nupepa o Tureke, ua auhee na Rusia ma ka la 27 o Iune, , ma kahi e kokoke ana i Sukbum Kaleb.

            Ua hoomaka aku na Rusia e kipoka ia Rustchuk ma ka aoao akau o Danube. Ke pale aku la no na pu o Tureke me ka ikaika loa.

            Ladana, Iune 27. -- Ua hoike ia ma kekahi nupepa o Tureke, ua hoouka kaua aku ka alihikaua Moukhta Pasha o na koa ma Asia uuku, a ua auhee na koa Rusia ma B@toum.

            Ladana, Iune 29. -- Ua pae aku ke Duke nui Nicholas me elua mahele koa o ka puali kana o Rusia ma kela aoao o ka muliwai Danube ma Sistova.

            Ke hoomoana la he puali koa Peresia ma ka muliwai Karnoon, ma kahi e kokoke ana i Bussorah, ma ke ano kue ia Bagdad. A ua holo aku he moku kaua Beritania ma Cussorah, e malama i na pomaikai o Beritania malaila.

No Samoa.

            Ua hoike ae ka nupepa Fiji Times, ua hukiia ae ka hae Amerika, a ke welo la maluna o Samoa, mmuli o ka makemake maoli o ko Samoa e hoohui aku iaia me Amerika Huipuia. O ke kumu o keia, no ka loaa ole ana o ka makemake o kekahi mau alii o Samoa i holo ai mamua i Fiji e ko aku i ke Kiaaina Auther Gordon e lawe ia Samoa no Beritania. A i ka huli hoi nui ana mai, ua hoomaka koke ke Kanikela Amerika e kuka no ke kau ana i ka hae Amerika.

            A ma ka po o ka la 23 o Mei, i hana ia ai na palapala no ka hoohui ana, a kakau inoa ia, a ma ke kakahiaka o ka la 24, ua kau ia ka hae Amerika ma ka hale o ka Moi, ma Point Molinu, ma ka aoao Komohana o ke awa o Apia. A ua ki ia he 21 pu aloha ma kahi ahoaho o ke awa. A malama ia he anaina nui ma ka hale o ka Moi, me ke kono pu ia o na haole a pau e hele aku i ka ahaaina. Ia wa e noho ana ke Kanikela Beritania mai Fiji mai, a i mai la oia, o wau kekahi e @ni ko me oukou ma keia ahaaina olioli, ke kuu ia iho keia hae e kau nei. Ua hoole loa mai @ k maaina a o ka haalele koke no ia o ke Keiki Alii o Fiji a me ke Kanikela Beritania.

            A ua holo aku nei o Mr. Griffin ke Kanikela Amerika i Wasinetona, aole nae i hai ia mai kona hoomana ia e ae i ka hoohui ana i ka pae aina o Samoa.

He kipi ma Iapana.

            O ke Kumu o keia kipi, o ka nele o ke aupuni i ke d la, nolaila, ua noonoo ka Aha Kuhina, a ua hooholo e aie i ka poe mea dala; aka aole i makemake ia ia hana e kahi poe, nolaila, ua ala mai ke kipi, i ka Aha Kuhina hou o ka Mikado. No keia kana, ua hoi aku ka Moi a me kona mau Kuhina ma Tokis e noho ai a pau ke kau.

 

He Welina i ka Makua me ka Home
Hoonui Ike.

 

E ka Nupepa Kuokoa; Aloha oe:--

            E ae mai ia'u me ke ahonui, e maliu mai hoi ia'u me ke aloha, e hookomo iho i na mea a pau malalo iho o ke poo e kau ae la maluna, a naui hoi ia e lawe hikiwawe aku ma na eheu o kou ahonui, ke hiki ia me ke koe koena ole. E like me ka manao i akaka lea kona oiaio ana.

            Ua haalele iho la ko makou makua i aloha nuiia Rev. S. E. Bihopa i ka noho Peresidena ana o ke Kula Nui o Lahainaluna, mahope o kona noho loihi ana ma ia hana.

            A oiai hoi, owau a me na lehulehu e noho ana ma kela a me keia pea o ka aina, na hikimuana o'u a me na ukali, he poe kakou a pau i kuleana like iaia, ua noho malalo o kana mau hooponopono ana, ua hanaiia hoi kakou i ka ike o keia ola kino ana a me ka uhane ole. E like hoi me ke keiki e omo ana i ka waiu o kona makuahine, pela hoi kakou a pau i omo ai i ka waiu o ko kakou mama i aloha nuiia, Seminary of Lahainaluna, Home Aloha.

            Me ka hiki ole hoi ia'u ke ka-ua iho i na koi ana a ko'u puuwai, i hoolihaliha ia i na "hoomanao aloha," pela hoi au e pahola aku nei imua o oukou e o'u mau hoahanau aloha, oiai hoi, he ohana like kakou na ka makua hookahi mai. Aole loa me ka manao e hapai ia kakou, aka, me ka hauoli a ka pana o ko'u manao, me ka iini hoi, e hoohui ia na kukai aloha mawaena o kakou a me ko kakou makua oiai paha oia e kokoke mai ana. He makua maikai oia, he oluolu, he akahai, he hoomanawauni hoi ma na mea a pau, me he makua la i kaua mau keiki, oia kona ano oiaio maoli. He makua no hoi, a makamaka maikai no ka puuhonua o na malihini kipa.

            Nolaila, ke puana ae nei au, he aie nui ko kakou iaia.

            I ka hapa mua o ko makou mau makahiki, o na makua, a kokua kumu mahope one ia manawa, oia na Rev. C. B. Anaru a me M. Kuaea. Mahope iho o ko laua kaalo ana mai o makou aku, ua noho mai la ka Rev. A. O. Polepe a me Iosia Makaimoku ma ia hakahaka, i ka hapa hope. Me laua hoi makou i luakaha pu iho ai a hiki wale i ka huli hoi loa ana'ku i na home oiwi, a "haalele iho la i Puna na hoa'loha," i ka home makuahine, ka home a ke ala i noho ai.

            Aole no hoi au i poina i ka hoomanao ana'e no kuu mau hoa papa, no makou ka helu puka i hiki aku i ka 16 ka nui.

            Na kela a me keia hoa o'u e "hoomanao iho ia lei mae ole o makou."

            Ma ka la 8 o Mei, 1873, ua hiki aku la makou i ka pahu hopu o ka noho ana malalo o kona malu a me kana mau hanai ana.

            Mahope iho o ka pau ana o na hana o ka la ma ka luakini o Wainee, ua loaa mai la ia makou he mau palapala hoomaikai, a me na olelo ao kupono i sila ia, a i hoopulu ia hoi i na kulu wai rose a ke aloha, e like me ka rula mau. Maanei i hoomanao ae ai au i keia mau lalani himeni, a penei ka puana a ka moe:

            O ka leo hoi ka mea aloha,

            O lakou nei na makua,

            I ke kaukau mai me ka waimaka,

            E hoi oukou me ka maluhia.

 

            Nani no ke aloha i ke kaawale ana,

            Mai ka Home Hoonui Ike,

            Kahi a kakou i luana pu ai,

            I na kau i hala'e.

Cho. -- Aloha no, Aloha no, &c.

 

            Ua nui no hoi na hoomanao ana'e, a welina ana, no ka mea, aole i halawai hope me ia a hiki wale i kona waiho ana mai la,  oiai hoi au e aahu ana i na haawe a ka mai.

            Maanei ke kuilima aloha pu aku nei au me oukou e o'u hoaluhi pu, a me ko kakou makua. Me na keiki ulele hua metala ko'u welina hope loa. A na na Lani e kokua ia kakou.

WM. N. P. HELEIKOLANI KAUHI.

KAAUHUHU, KOHALA, H., IULAI 11.

 

NUI KA WAHA I KA ALALA KO KO

HALA MAU KAMALII PUNI KOLOHE

 

E KA NUPEPA KUOKOA E; Aloha oe:

            Ua loaa mai ia'u ka mea ka mae  kupono e pane aku i ka mea nona kela moa e kau aela maluna, iaia e nui mai nei ka waha i ka pilikia ka i ke kanaka o ka aina e, wahi ana.

            Auhea oe e W C. Haleakalaole, ma ka moolelo au, i hooh@ ae nei i ka nupepa Ka Lahui Hawaii. Aole i loaa iki ia'u ka hewa o na kanaka o ka aina e, oia hoi na huelo loihi (ake) O oe e ke taaka waihi ka mea i hana i ka hewa, a o oe noia e walaau nei ma ka nupepa. Ina pa a@ i eo ka lauoho loihi o Kina ia Hawii ponoi ke manao nei au, aole paha e kii hou i ke dala, e like 'ia Ioane ke kaili i ka lio. Nolaila, mai hana hou aku ma keia hope i kekahi mea e like me ke a Moi oi loa aku ko'u mahalo, ina i p u oukou i ka eha in pake. Mai kuhihewa no paha oe, ooe wale no e Hawaii ka mama i ka holo.

            Nolaila, e k ai ia oukou ma ke kuoo, mai ha wi i ka ikaika o ko oukou mau kino no na kana lapuwale e like me keia.

            Ua oki au maanei, ke hea mai la ka Rain P@upui i ka luna o o Haleu, e hoolono aku ana au, a ua peni aela oe i ka pohaku i ka nu, epa. Maanei no hoi au e pehi aku ai i i ka ulu. Me ke aloha no i ke Kapena o ka nupena. SAM K. KALAIKINI.

Pioneer Mill, Iulai 14, 1877.

 

            Ke poloai aku nei mkou i ko makou poe heluhelu, e alawa ae na maka ma na Kolamu Olelo Hoolaha e puka aku nei ma ka kakou pepa o keia la.

 

            Ua hoolawaia mai nei ko Honolulu nei mau la kupilikii o ka wi, e na moku kuna mai Kauai mai, me na paiai o Waimea, no ke kumukuai oluolu loa, mai ka hapalua aku a hiki i ke dala hapaha -- makepo-- no no aole hoi e like me na wahi eke piha pumaia o kakou nei, ka hele a kupilikimola no ka elemakule hookahi a puehu wale aku.

 

            Ma ka Poaha i hala ae nei, ua hookolokolo ia imua o na Jure Hawaii 6 a me 6 haule, ka palapala aie a C. Kanaina ia W. S Pahuk@le he 2,500, i oleloia a ua kakau inoa o Kanaina, aka, ua hoole ia nae ka oiaio o ia mea. Aka, ma ka noonoo maikai o na jure, ua oiaio ka @ a ua loaa ka pono ia W S Pahu@ula. Ua hoohalahalaia ka olelo @.

 

OLELO HOOLAHA.

 

HALE KEAKA LIO HAWAII

Ma Ainahou

CHARLES DERBY, Luna Nui.

HE MAU MEA HOU LOA KE HANAIA'NA i keia po
Poaono, - - - Iulai 21,

Hora 7 me ka hapa

E hele nui mai e ike ia HARRY BRAHAM ke Akua o kela po, a me ka ike @ ia LIZZIE BRAHAM ka wahine Himeni me ka hula haole me ka hookani pahu liilii. 816 1t

 

Kuai Haahaa Loa!

            E KUAIIA aku no ma ke kumukuai haahaa, ma ka Hale Kuai o H. M. WINI,

Na Kula Pepeiao Ea a me na Kula kanikau, a me na kula e ae o kela a me keia ano

Na Lei Kanikau no hoi a me na Lei e ae no e @nohau ai o na Lede opiopio e kinikohu ai ke nana aku i ke kau mai Puna. Na apo limo kanikau a me na mea e ae a pau no ke kumukuai haahaa loa. E wiki mai!                  816

 

Hale Kuai Hou!

            KE POLOAI aku nei ka mea nona ka inoa malalo nei, i ka lehulehua a pau me ke noi pu aku i ko oukou lokomaikai a hele mai ma ko'u Halekuai hou, ma Honokaa, Hamakua, Hawaii, a e ike hoi oukou i na lole pani o kela a me keia ano, mai ko na kanaka makua a i kona kamalii. Malaila no hoi na Noho @ io ano hou loa. E loaa no keia mau mea a pau me ka makepono loa.

K AM@

Honolulu, Iulai 18, 1877.                    816 2m* 827

 

NO KA HOOLIMALIMA

            HE PA HALE he Eka a oi ae ka nui o ka aina, a he wahi hale uuku e ku ana maluna o na aina la. aia ma ALEKOKI Nuuanu, he mau anana maluna aku o ka Luawai, e hoolimalimaia ana no ka manawa, aole e oi aku mamua o Elima Makahiki. He hookahi hana o keia aina he kupono no ke kanu kalo, a o ke koena no ka mauu.

E ninau ia        (816 4t 819)                S B DOLE,

 

            EIA iloko o ka Pa Aupuni o Koholaloa Apana o Honolulu, na lio e kuai kudalaia ana, ke hiki a @ i ka Poaono, Iulai la 28 hora 12 o ke awakea, 2 lio. Lio k keokeo ak O Lio w hulupala laekea loihi 2 w keokeo Lio k eleele w keokeo laekea ak J0N Lio w ulaula ak –O hm M_L. Mau lio hou mai no kahi – Lio w puakea ak ONO Lio k keokeo hou me na opea aole ike pono ia ke kuni no ke kula o Akona pake. A.B. KAAUKUU, Luna Pa Aupuni o
Koholaloa, Iulai 20, 1877. 814 1t*

 

Hoolaha a ka Lunahelu o Hilo.

            KE haawiia aku nei ka olelo hoolaha i na poe a pau e noho ana ma Hilo, a i ka poe hoi he mau waiwai ko lakou e wiho ana ma ka apana o Hilo, i kupono i ka uku ana i ua Auhau, no ka makahiki 1877, e hoike mai i ko lakou mau auhau, i ka mea nona ka inoa malalo nei, ma ke kulanakauhale o Hilo, mamua ae o ka la 25 o Augate.

FS LYMAN, Lunahelu.

Hilo, Iulai 12, 1877                 816 3ts 818

 

            E IKE auanei na kanaka a pau, o makou o na mea nona na inoa malalo nei, ua hoolimalima e makou ka Pa Aina o JOSEPH MORRIS a me na mea a pau e waiho ia ma Kapalama ke papaia aku nei na mea a pau a me ko lakou mau holoholona, aole e hele wale maluna o ua aina la i haiia ae la maluna. O ka mea kue i keia e hoopiiia ma ke kanawai.

ANTONI JOSEPH,

FRANK ANTONI,

JOHN D. KONIA.

816 4t* 819

 

KUDALA WAIWAIPAA

            E KUAI kudalaia ana ma ka hora 2 o ke awakea o ka Poaono, Augate la 4, ma ka Hale Kudala. Ekolu mau Apana Aina e wiho la ma Palolo. He mau Loi Kalo ka nui, he Umi Eka a oi a emi. I mea e maopopo ai, e hele ia.

C. S. BARTOW

Luna Kudala

816

 

            E IKE nuanei na mea a pau, owau o ka mea nona ka inoa malalo nei, ke papa loa'ku nei au i na ano kanaka a pau aole e hookipa mai i kuu kaikamahine hanai, i hoohiki ia a i aponoia e ke kanawai na'u, oia o Kaiama. A o ka mea hoolohe ole a kue mai i keia, e hoopii no au ma ke kanawai o ka aina. E. M. COLBUN.

Kapuukolo, Honolulu, Iulai @ 1877              814 4ts*

 

            I NA kanaka a pau, mai keia la a ma keia hope aku, aole au e uku aku i na aie @ ma kuu inoa, e ka'u wahine mare, oia o Kaluahine, e noho ana ma Kohala, oiai, ua haalele mai ola i ko maua wahi moe.

KE (pake).

Halawa, Kohala, Iune 25, 1877.                     S14 1m*

 

            OIAI, ua hookohu ia mai ka mea nona ka inoa malalo o ka Hon. L. McCully, i Luna Hooponopono no ka waiwai o Keoki k o Honolulu i make, ke hoike aku nei i ka poe a pau ie aie mai iaia, e hookaa koke mai, a o ka poe a pau ana i aie aku ai, e hoike koke mai iloko o na malama eono mai keia la aku, a i ole ia, e hoole loa ia.

Abigaila P. Kamakau.

Lunahooponopono Waiwai o Keoki k. i make

Honolulu, Iulai 7, 1877                       814 4ts

 

            KUAI HOOPOHO! KUAI HOEMI!!

            OWAU o ko oukou makainaka i noho a kamaaina ia Kaalaea, Koolaupoko, a i kukulu hoi i Halekuai no ko oukou pomaikai e na kanaka, a ina ia paha me luhi loa oukou i ka hele i Honolulu. Ke hoike aku nei au ma ke akea, elua malama i koe a e haalele ana nu i kahi a'u e noho nei. Nolaila, iloko o na Poaono a pau o ia mau malama elua, e kuai hoemi, manuahi a hoopoho loa ana au i na wa wai o ko'u halekuai.

ASUN.

Kaalaea, Koolaupoko, Oahu, Iulai 6, 1877     814 2ms*

            KE KAUOHA IA'KU nei na mea a pau i aie mai i kuu Halekuai ma Kaalaea, Koolaupoko, Oahu, e hookaa koke mai iloko o eono malama mai keia la aku, no ka mea, e haalele ana au i keia wahi a hele ma kahi e i ka pau ana o ia manawa. A ina hoi e hookaa mai kekahi poe aie iloko oia manawa, malia paha, e hoemiia no ma ka papa leo ana. Aka, ina aole e hookaa ia iloko o ia wa, e haawi no au na ke kanawai ka hana.

ASUN.

Kaalaea, Koolaupoko, Oahu, Iulai 5, 1877     814 3ts*

 

            E IKE auanei na kanaka a pau o kela me keia ano, owau o Kaolohu ke kane mare a Mrs. Noho@, kuu wahine mare i hoolaha lalau ai, no ka manao paha o kuu wahine he kanaka waiwai loa wau, a i ole la he ona miliona no ke one o Kakuhihewa nei, i upu mai ai i kuu waiwai paa a me kuu waiwai lewa no ka mea, he mau waiwai lewa no ko'u @ no i ka lai o @ ia @ kahi i hoolai ai i ka lima o na makamaka. A mamuli o kuu hoolaha ana, ke ae aku nei au, ua mareia kaua i ka makahiki 18@, i ka la 23 o iune, a i ka la 28 o Iune, o kela makahiki, @ oe. Ua haalele ino loa oe ia'u a @ i ka la au i hoolaha ai, he 21 makahiki a keu. Eia ka'u olelo ia oe, aole ou kulana i ko'u mau waiwai a pau, no ka mea, ua nui ka'u olelo ana ia oe a eia ka waha, e hoi mai kaua a he kane a he wahine. E ike oukou e na kini makamaka mai Hawaii o Keawe hiki aku i ka welo'n a ka la i kau ai o Manokalanipo, i ka hoolaha lalau a kuu wahine mare, oia o Mrs. Nohoanu haalele ino. Kaeloku

Honolulu, Iulai 1, 1877                       814 4ts*

 

            E IKE auanei na mea a pau ma keia olelo hoolaha, o makou o ke Komite o ka Hui Aina o ka ½ o ke Ahupuaa o Kahanui, e waiho ana ma Kona, Molokai, ua kapu loa i na holoholona a pau e hele ana maluna o ua aina la, bipi, lio, hipa, miula, hoki, puaa, koe wale no na mea i ae like ia. A ke kauoha ia'ku nei na mea holoholona a pau, e lawe koke iloko o na la he 30 mai keia la aku, a hala ia manawa, e hana makou e like me ke kanawai.
Komite { D. Kuuaiehena,
J. Kaunaahi,
K. U@

Kahanui, Molokai, Iune 30, 1871       814 4m*

 

            MA ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o KAAA k, no Lahaina, Maui i make.
            Ua heluheluia a ua waihoia ka palapala noi a Meleana Kuliahaniaikai, e noi ana e hooko oia ka waiwai o Kaaa k., no Lahaina Maui, H P A i make, i na hooilina. Nolaila, ke kauohaia aku nei na kanaka a pau ke pili, o ka Poakahi, oia ka la 26 o Iulai M H 1877 ma ka hora 9 kakahiaka, ma ka Halehookolokolo ma Lahaina, oia ka la a me kahi i kohoia no ka hoolohe ana i ua noi la a me na mea e kue ke hoikeia. ABR. FORNANDER, Lunakanawai Kaapuni Apana Elua.
Lahaina, Iune 29, 1877. 814 2ts 818

 

HOOLAHA HOOKOLOKOLO

 

            MA ke Keena o ka Lunakanawai Kaapuni Apana Ekolu ko Hawaii Pae Aina. Ma ka waiwai o MARIA II BROWN, no Hilo, Hawaii i make.
            Ua @ mai ka mea nona ka inoa malalo nei, e L. Severance ka Lunahooponopono o ka waiwai o Maria Ii Brown no Hilo, Hawaii, H P A i make, a aponoia ka hoolilo ana o ka apana aina me na hale o ka mea i make, e ku nei ma ke kaona o Hilo, i kuai kudalaia iho nei mamuli o ke kauoha a keia Aha. Nolaila, ua kauohia, o ka Poalima, ka la 14 o Seaptemaba M H 1877, ma ka hora umi o kakahiaka, ma ka hale hookolokolo ma Hilo, Hawaii, oia ka la a me ka hora i kauohaia i ka poe a pau i pili e hele mai e kue ina paha he kumu e ae ole ia noi @. F.S. LYMAN, Lunakanawai Kaapuni Apana Ekolu.
Hilo, Iulai @, 1877. 818 3ts 815

 

            AHA Hookolokolo Kiekie o ko Hawaii Pae Aina, ma ke keena. Imua o ka @ A.F. Judd, kekahi o na Lunakanawai kiekie. Ma ka waiwai o ANTONE MANUEL, o Honolulu i make. He hoolaha no ka hooponopono i ka moowaiwai, hookuu ana a me ka mahele ana i ka waiwai.

            Ma ka waiho a me ka heluhelu ana i ka palapala noi a me ka moowaiwai a Manuel P@, ka Lunahooko Kauoha a Antone Manuel, o Honolulu i make, e noi mai ana, e hoaponoia na hoolilo he @2,192 27-200, ma@ko mai o na dala he $4,821, 54-100 @, a e nana ia @ waiwai a apo @, @ e maheleia ka waiwai e waiho nei iloko o kona lima i ka poe i kuleana, a e hookuu mai iaia a me kona mau hope, ma ia mea. Ua kauohaia o ka Poalua, la 21 o Augate MH 1877, ma ka hora umi AM imua o ua Lunakanawai la, ma ke keena hookolokolo o keia Aha, ma Honolulu, oia kahi a me ka manawa i kohoia no ka hoolohe ana ia noi, a me ka moowaiwai, a o ka poe a pau i pili, e hele mai lakou e hoike, ina paha he kumu e ae ole ia ai a noi, a e hoike mai i ka mea kuleana i ka waiwai. A ua kauoha hou ia, e hoolahaia ma na olelo Enelanai a me Hawaii, ma na nupepa Hawaiian Gazette a me Kuokoa, no ekolu pule mamua ae o ka manawa e hooloheia ai.
            Kakauia ma Honolulu, ko Hawaii P A, Iulai 11, 1877.
A. FRANCIS JUDD, Lunakanawai o ka Aha Kiekie.
Ikea: Jno. E. Barnard, Kakauolelo. 815 3ts 817

 

            AHA Hookolokolo Kiekie o ko Hawaii Pae Aina, ma ka hooponopono waiwai. Ma ka waiwai o ULUHANE w, o Honolulu, i make kauoha ole imua o ka Lunakanawai A F Judd. Olelo kauoha e hoolana aku no ke noi ana mai e koho i Lunahooponopono waiwai.
            Ma ka heluhelu a me ka waiho ana mai o ka palapala noi a Kulia Kaleoikaika, o Waikane, e hoike mai ana o Uluhane w, no Honolulu, ua make kauoha ole ma Honolulu, ma ka la 10 o Iune M.H. 1877, a e noi ana, e haawi ia ka palapala hookohu Lunahooponopono Waiwai ia Kulia, a e kohoia i Kahu Malama no Ioane, he keiki opio na Uluhane i oleloia.
            Ua kauoha ia o ka Poalua ka la 31 o Iulai, M.H. 1877, ma ka hora 10 o ke kakahiaka, oia ka manawa i koho ia no ka hoolohe ana i ua noi la, imua o ua Lunakanawai la ma ke keena hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa, nupepa ma Honolulu.
            Kakauia ma Honolulu ko Hawaii P A, 5 o Iulai 1877.
A. FRANCIS JUDD, Lunakanawai o ka Aha Kiekie.
Ikea: Jno. E. Barnard. Kakauolelo. 814 3ts 816

 

            AHA Hookolokolo Kiekie o ko Hawaii Pae Aina, ma ke Keena, mokupuni o Oahu SS. Ma ka waiwai o ACHUCK, o Honolulu i make. Imua o ka Lunakanawai A. E. Judd. He noi e koho ai i wa no ka hooiaio ana i ka Palapala Hooilina a no ka hoolaha ana.
            Oiai, ua waiu ia mai ka la 29 o Iune A D 1877, imua o keia Aha, kekahi palapala i manaoia, oia no ka palapala hooilina a Achuck, oia o Ching Wing Owai i make, e noi mai ana, e hooiaio i ua palapala la, a ua waihoia mai e Ching Hong.
            Nolaila, ke kauohaia o ka Poalua, la 9 o Okatoba A D 1877, ma ka hora 10 AM ma ke keena hookolokolo o keia Aha, ma Honolulu, oia kahi a me ka manawa i kohoia no ka hoolohe ana i ua noi la, a ia wa e hele mai ai ka poe a pau i pili, e kue ia palapala hooilina, ina he kumu pono ko lakou. Ua kauoha hou ia, e hoolahaia keia kauoha no ekolu hebedoma iloko o na nupepa Hawaiian Gazette a me ke Kuokoa, he mau nupepa i paiia a hoolahaia ma Honolulu. Ua kauoha hou ia, e hoounaia na palapala kena i na hoike o ka palapala hooilina, a i na hooilina o ka mea i make, e hele mai a e kue i ka hooiaio ana o ua palapala hooilina la i ka wa i hoolahaia.
            Kakauia ma Honolulu, Hawaii P A Iune 29, 1877.
A. FRANCIS JUDD, Lunakanawai o ka Aha Kiekie.
Ikea: Jno. E. Barnard, Kakauolelo. 814 3ts 816

 

            AHA Kaapuni Apana Eha o ko Hawaii Pae Aina, ma ka Hooponopono Waiwai, Mokupuni o Kauai, Hawaii Pae Aina, SS. Ma ka waiwai o IMAKI MAKEMAKE no Waimea i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
            No ka mea, ma ka la 26 o Aperil, M.H. 1877, ua waihoia mai imua o ka Aha kekahi palapala i oleloia, oia no ke kauoha hope loa a Imaki Makemake i make aku la, a me ka palapala hoopii e hoi ana, e hooiaioia kela palapala kauoha, a e hoopuka hoi ka palapala Lunahooko no S P Keawe, ua waihoia mai e.
            Nolaila, ua kauohaia, o ka Poaono, oia la ka 28 o Iulai, M H 1877, ma ka hora 10 A M ma ka Rumi Hookolokolo o ia Aha, ma Wahiawa, ma @, oia ka la me ka hora e hooiaioia ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia Palapala kauoha a me ka hoopuka ana i ka Palapala Lunahooko. A ua kauoha hou ai, e hoolaha no ia mea no na pule ekolu iloko o ke Kuokoa, he nupepa i paiia a i hoolahaia ma Honolulu.
            Kakauia ma Wahiawa, ko Hawaii P A Iune 28, 1877.
DUNCAN McBRYDe, Lunakanawai Aha Kaapuni Apana Eha,

814 2ts 816

 

            AHA Hookolokolo Kaapuni o ko Hawaii Pae Aina, ma ka hooponopono waiwai, ma ka waiwai o PEHUKI, o Anahola i make kauoha ole. Imua o ka Lunakanawai Duncan McBryde, Olelo kauoha, e hoolana aku no ke hoi ana mai e koho i Lunahooponopono Waiwai.
            Ma ka heluhelu a me ka waiho ana mai o ka palapala noi a Keolewa, o Anahola, e hoike mai ana, o Pehuiki no Anahola, ua make kauoha ole ma Anahola, ma ka la 7 o Iulai M H 1877, a e noi ana, e haawiia ka palapala hookohu Lunahooponopono waiwai ia Keolewa, o Anahola, Kauai. Ua kauohaia, o ka Poalima ka la 27 o Iulai M H 1877, oia ka manawa i kohoia no ka hoolohe ana i ua noi la, imua o ua Lunakanawai la, ma ke keena Hookolokolo o kela Aha, ma Wahiawa, a ma ia manawa, a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, me Au Okoa i haiia, nupepa ma Honolulu.
            Kakauia ma Wahiawa, ko Hawaii P A Iune 28, 1877.
DUNCAN McBRYDE, Lunakanawai Apana Eha. 814 2ts 816

 

            AHA Hookolokolo Kaapuni o ko Hawaii Pae Aina, ma ka hooponopono waiwai, ma ka waiwai o NAWAI, o Wailua, Kauai i make kauoha ole. Imua o ka Lunakanawai D. McBryde, Olelo kauoha, e hoolana aku no ke hoi ana mai e koho i Lunahooponopono Waiwai.
            Ma ka heluhelu a me ka waiho ana mai o ka palapala noi a Pau, o Lihue, e hoike mai ana, o Nawai no Wailua, ua make kauoha ole ma Anahola, ma ka la - o - M H 1877, a e noi ana, e haawiia ka palapala hookohu Lunahooponopono waiwai ia Pau, no Lihue, Kauai.
            Ua kauohaia, o ka Poalima ka la 27 o Iulai M H 1877, oia ka manawa i kohoia no ka hoolohe ana i ua noi la, imua o ua Lunakanawai la, ma ke keena Hookolokolo o kela Aha, ma Wahiawa, a ma ia manawa, a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
            Kakauia ma Wahiawa, ko Hawaii P A Iune 28, 1877.
DUNCAN McBRYDE, Lunakanawai Apana Eha. 814 2ts 816

 

            AHA Hookolokolo Kaapuni o ko Hawaii Pae Aina, ma ka hooponopono waiwai, ma ka waiwai o KAILIPUUAKEA w, o Hanamaulu, i make kauoha ole. Imua o ka Lunakanawai D. McBryde, Olelo kauoha, e hoolana aku no ke hoi ana mai e koho i Lunahooponopono Waiwai.
            Ma ka heluhelu a me ka waiho ana mai o ka palapala noi a Pauuiki, o Hanamaulu, e hoike mai ana, o Kailipuuakea w, no Hanamaulu, ua make kauoha ole ma Hanamaulu, ma ka la 8 o Maraki M H 1877, a e noi ana, e haawiia ka palapala hookohu Lunahooponopono waiwai ia A K Mika, no Lihue, Kauai.
            Ua kauohaia, o ka Poalima ka la 27 o Iulai M H 1877, oia ka manawa i kohoia no ka hoolohe ana i ua noi la, imua o ua Lunakanawai la, ma ke keena Hookolokolo o kela Aha, ma Wahiawa, a ma ia manawa, a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
            Kakauia ma Wahiawa, ko Hawaii P A Iune 28, 1877.
DUNCAN McBRYDE, Lunakanawai Apana Eha. 814 2ts 816

 

            AHA Hookolokolo Kaapuni o ko Hawaii Pae Aina, ma ka hooponopono waiwai, ma ka waiwai o S. KALAWAIA w, o Waimea, i make kauoha ole. Imua o ka Lunakanawai D. McBryde, Olelo kauoha, e hoolana aku no ke hoi ana mai e koho i Lunahooponopono Waiwai.
            Ma ka heluhelu a me ka waiho ana mai o ka palapala noi a Keliikipi Kalawaia, o Waimea, ua make kauoha ola ma Waimea, ma ka la 5 o Dekemaba MH 1876, a e noi ana, e haawiia ka palapala hookohu Lunahooponopono waiwai ia P R H@, o Waimea, Kauai.
            Ua kauohaia, o ka Poaono, ka la 28 o Iulai M H 1877, oia ka manawa i kohoia no ka hoolohe ana i ua noi la, imua o ua Lunakanawai la, ma ke keena Hookolokolo o kela Aha, ma Wahiawa, a ma ia manawa, a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
            Kakauia ma Wahiawa, ko Hawaii P A Iune 28, 1877.
DUNCAN McBRYDE, Lunakanawai Apana Eha. 814 2ts 816

 

            MA ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o MEEAU k, no Lahaina, Maui i make.
            Ua heluheluia a ua waihoia ka palapala noi a Niiheu k, e noi ana, e hoo@ ka waiwai o Meeau k, no Lahaina, Maui, H P A i make, i na hooilina. Nolaila, ke kauohaia aku nei, na kanaka a pau ke pili, o ka Poakahi oia ka la 24 o Iulai 1877, ma ka hora 11 o kakahiaka, ma ka Halehookolokolo ma Lahaina, oia ka la a me kahi i kohoia no ka hoolohe ana i ua noi la a me na mea kue ke hoikaia.
ABR. FORNANDER, Lunakanawai Kaapuni Apana Elua.
Lahaina, Iune 31, 1877. 814 @ts 816

            MA ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o AHUKA@ k, no Honoko@, Maui i make.
            Ua heluheluia a ua waihoia ka palapala noi a Maleka @ w, e noi ana, e hoo@ ka waiwai o Ahuka@ k, no Honokoha@, Maui, H P A i make, i na hooilina. Nolaila, ke kauohaia aku nei, @@@@@@
ABR. FORNANDER, Lunakanawai Kaapuni Apana Elua.
Lahaina, Iune 30, 1877. 814 4ts 816

 

            E IKE auanei na kanaka a pau, na haole, pake a me na kanaka maoli e noho ana ma @, ma kahi kokoke i ka papa hana o @, Hilo, Hawaii. Ke hoike aku nei ka mea nona ka inoa malalo nei, mai hoolimalima mai kekahi i na kanaka hana i @ no ka papa hana o A@, o hoopii ia oia ma ke kanawa. T. SPENCER.
Am@, Hilo, Iune 28, 1877. 814 4ts

 

            E IKE auanei na kanaka a pau o kela ano keia ano, owau o ka mea nona ka inoa malalo nei, ke papa aku nei au ia oukou, mai hoaie mai i kuu wahine mare ia Ana Ka@, no ka mea aole oia i malama i ko maua berita mare, ua auwana aku oia mamuli o kona manao. Ina oukou e hoaie mai ana iaia, alaila, maluna no o oukou ia poho. S.P. KAMAKEA.
@, Hamakua, Hawaii, Iune 18, 1877. 814 4t*

 

            E IKE auanei na kanaka o na ano a pau loa, owau o ka mea nona ka inoa malalo nei, ke papa aku nei au ia oukou, mai hoaie i kuu wahine mare ia Mrs. Ake Kauapo. Ina oukou e hoaie iaia, maluna no ona ko oukou poho, aole au e hookaa ana ia aie, no ka mea, ua haalele kumu ole mai oia ia'u a me na keiki a maua, a ua auwana wale ma ke ano kolohe, mai hookipa oukou a malama iaia. I. KAUAP@.
@, Kauai, Iune, 29, 1877. 814 4ts* 818

 

J. J. DOIRON (APALE).

            KE HOIKE aku nei oia i ka lehulehu, ua loaa koke mai nei iaia kekahi mau  lako maikai loa o na mea Gula, Wati, na Wati kau hale a pela aku, i ike ole ia mamua ma keia Makeke, a e kuaia la ma na kumukuai i emi iho i ko ka poe paool@ui. Na Wati Gula a me na Wati Kala, i hanaia me ka maikai, a hala a i ka umikumamawalu malama e holopono ai ka wati.
            E hele mai a e nana ma ka Hale Pohaku o C.E. Wiliama Mikauila@ Alanui Papu. 810 2m 817

 

Hoolaha a ka Luna Hooponopono Waiwai.

            MA ka Waiwai o Mulihele Kapihe i make, no Kaakopua, Honolulu, Oahu, ua kohoia mai ka mea nona ka inoa malalo iho, e ka Mea Hanohano Abr. Fornander, Lunakanawai Kaapuni Apana Elua H P A nolaila, ke hoike aku nei ka lohe i ka poe a Mulihele Kapihe i aie ai, e hoike mai lakou i ko lakou mau koina me na hooiaio kupono, a o ka poe a pau i aie mai i ka mea i make, e hookaa koke mai lakou. MOSES KAPIHE, Luna Hooponopono Waiwai o Mulihele Kapihe.
Makawao, Maui, Iulai 9, 1877. 818 4ts* 818

 

Hoolimalima o na Aina Lei Alii a me na Loko I-a!

            MAMULI O KE KAUOHA A NA Komisina o na Aina Lei Alii, e kuai aku no au ma ke kudala, ma kuu Hale Kudala, ma ka
Poaono : : Iulai 21.
ma ka hora 12 awakea,
I ka hoolimalima o ke Ahupuaa ma KAWAIHAE Uka no na makahiki he Umi, ma ke koho kiekie, mai $300 aku o ka makahiki e koho ai.
            Me ke Loko i-a kekahi o KUWILI, ma Kapalama, Honolulu, Oahu, nona na Eka he 15, a no ka manawa he Umi Makahiki, mai ka $100, o ka makahiki e koho ai.
813 3ts C.S. BARTOW, Luna Kudala.

 

            OWAU o Ching Hung o Honolulu, ke hoike aku nei, aole loa e ae ia kekahi aie e hoaie i ka waiwai o Achuck i make mai nei ma Kina, a he @ hui hoi no ka Hui o Afond a me Achuck, ke ole ko'u apono ana. A malalo o ka mana i loaa ia'u mai ua Achuck mai ia i make, ma ke ano he Lunahooko Kauoha, ma ka palapala hooilina, ke lawe nei au i na hana iloko o ko'u lima, a hiki i ka wa e loaa mai ai ka mana nui mai ka Aha Kiekie mai. CHING HUNG.
Honolulu, Iune 29, 1877. 818 4ts 816

 

MAI KEIA LA A MAHOPE AKU NEI,
O KA UKU O KA
OHUA ONEIKI O
NETI MERRILL,
Mai Honolulu aku a me ka hoi mai he
ELUA DALA!

E.D. CRANE. (Kapena
Mar. 16, 1877. 798 6ms 824

 

NU HOU! NU HOU!

Kukaepele i Hanaia ma Honolulu nei!

E FREDRICK VEHLING

He kukaepele maikai loa keia!

Ua like kona ano me ke Kukaepele o ko na Aina e.

AOLE E NELE KA AINA WA A PAU

E kokua kakou i na hana mikiala kuloko

o ko kakou aina hanau

E hele mai e ike, a e kuaiia ma ka Hale

Kuai o             A. L KAMIKA

806 3m 831     Helu 44, Alanui Papu.

 

WILLIAM R. CASTLE.

(Kakela Opio.)

Loio a me Luna Hooiaio.

MA NA ANO HANA PILI KANAWAI A pau, e lawelawe koke ia me ka hikiwawe. Na palapala Sila a me na Palapala pili aina o na ano a pau,e hoomakaukau ia no, a he Notari Hooiaio Palapala no ka lehulehu.
            Keena hana, ma ke kihi o Alanui Kaahumanu a me Kalepa, Honolulu (786 1y 827)     (st)

 

CECIL BROWN,

Loio a he Kokua ma ke Kanawai

A HE AGENA NO KA HOOIAIO ANA I NA Palapala no ka mokupuni o Oahu.

Helu 8 Alanui Kaahumanu, Honolulu, H.P.A

            763 1y 814

 

HE PAPA KUHIKUHI MANAWA HOLO

O KA

Mokuahi Hawaii

KILAUEA!

KAPENA REYNOLDS.

Poakahi Iulai 16          "           "           ...................No Hilo.

Poakahi Iulai 2@        "           "           ...................No Kona

Poakahi Iulai 30          "           "           ...................No Hilo

Poakolu Aug 8            "           "           Kaapuni ia Kauai ma ke

                                                            ka mua ma Nawilwili

Poakahi Aug 13          "           "           ..........Kaapuni Hawaii

Poakahi Aug 20          "           "           ....................No Hilo

Poakahi Aug 27          "           "           ....................No Kona

(ina e hiki e mai ka mokuahi hou mai Kapalakiko mai, e hoololiia no keia papa manawa holo)

I KA HOLO AKA MA KONA, O HOOPULOA KA PALENA.

Ma na huakai a pau a Kilauea e hoi mai ai mai Hawaii mai, aole e haalele ana ia Kawaihae a hiki i ka hora 10 a mahope iho paha; Makena, e like me ka mea i hoolah wahaia; Maalaea a hiki i ka hora 7 a. m. a mahope iho.

Uku Eemoku mai Honolulu aku.

A hiki i Kaunakakai peia maluna mai..............$ 5 09

"           Lahaina           "           "           ..............  5 05

"           Maalaea                       "           "           .............. 7 @

"           Makena           "           "           .............. 8 00

"           Mahukona       "           "           .............. 10 00

"           Kawaihae        "           "           .............. 10 00

"           Kaiua   "           "           .............. 10 00

"           Kaawaloa        "           "           .............. 10 00

"           Hilo                 "           "           .............. 12 50

"           Kau,                "           "           .............. 13 50

Uku kaaapuni ia Hawaii................................... 22 00

A hiki i na awa o Kauai........................................ @ 00

Uku kaapuni ia Kauai....................................... 12 00

Uku ohua Hawaii oneki......................................... @ 00

Aole aie no na uku ohua

Ma ka Hale Oihana e loaa'i na palapala.

Aole koena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo pa@ ke ole e kakauia ka loaa ana mai.
            E hookaaia ka uku ukana i ka wai e noiia aku ai.
SAMUEL G. WILDER (Waila,)
Agena.

Keena ma ka Hale Kuai Papa o Waila mai, kihi o Alanui Papu a me Moiwahine. (911 2m)

 

OLELO HOOLAHA

 

KUAI HOOEMI LOA!

MA KA HALE KUAI LOLE O

C. C. AKINA,

e ku la ma Kalopihi, Kohala, Hawaii, he mau Lole Hou loa, ka makana o ke Kuikahi Panai Like. Ua kupono no na iwa o ka makani Apapaa o ua aina haaheo nei.

            He kamaaina no hoi i olluolu ia oukou, nolaila, e kuai manuahi aku no au me ka emi malalo o ke kumu ilio.  He mau lole nani loa. he Nu Paikini no ke au o ka Moi Kalakaua.--Owau no o ko oukou makamaka olao,

803 6m 823                 C. C. AKINA.

 

AKIU (PAKE.)

AMARA! AMARA!!

            E O'U makamaka, o ka "puuwai o ka Pakipika," Hawaii nei a me na makamaka ili puakea, ili hooluu, (pukikiki), a me na kanaka maoli heahea a me ko'u lahui hoi, na keiki o ka Aina Pua, na mahi ko, mahi laiki a me na poe mahi ai, o ka Mokupuni o Keawe, a me ko Maui o Kama, Molokai o Hina, Oahu nei o Kuihewa, a me Kauai o Mano, eia au ko oukou makamaka ua wehe ae au i hale Amara, alanui Moi, ma Polelewa a e loaa ana ia oukou ke imi mai, Helu 31, a e hoolako ia no ko oukou makemake o na mea hao lako mahiai, ke Kopala, Oo, Haro, a me na mea e ae, me ke kumukuai haahaa loa, a he hiki no ia'u ke hana hou i na kaa pipi nauaha, kaa lio, kaa kauwo lima, me ka uku oluolu loa, a me ka paa e like e like me ka'u palapala e hoopaa ai a aelike ai no ka manawa e oleloia ai. He hiki no ia'u ke kopili i na ano waapa o ka poe e makemake ana me ka uku emi loa me oluolu o na maka o na malihini, ke ike i ka'u hana, me ka mino aka, ke ike i ka'u hana, a ua kamaaina no ia oukou o ka'u hana mau o ka humuhumu kamaa buti, a hana noho lio no na kau i hala, a he hiki no ia'u ke hana i na hoala hakihaki a nahaehae me ka maikai a me ka uku emi loa. No ka mea ua hiki mai ka manawa pomaikai e aho nui, e mahi ai, a ina hoi e lako ole i na mea hana, oia no ma ko'u wahi e loaa ai. Ua holo ke Kuikahi Panailike, he waiwai ka hopena ke hoomanawanui oukou e o'u makamaka, ina e molowa a palaualelo, he neo ke loaa mai. Nolaila, e naue mai a halawai me a'u i maopopo a holo ka hana a na amara, kamana, kumeka a Akiu, a hookahi wale no Akiu, aohe Akiu e ae o keia kulanakauhale e lawelawe nei ma keia mau oihana. Nolaila e maliu mai i ko'u leo e hele mai e ike maka, he au pomaikai ko ko kakou Moi, i imi ai, a nona hoi ke kia hoomanao o ka "Hooulu Lahui." AKIU (Pake)
Honolulu. Mar. 15, 1877. 796 6ms 849
            He kapili kapuai hao lio emi loa kekahi ma keia Hale Amara. E naue mai i ike maka.

 

HALE PAI KII O AHI.

EMI LOA NA KII!

 

            MA ka Hale Pai Kii o Ahi, Helu 63, Alanui Nuuanu, Honolulu. O ka uku o ke kakini Kii Pepa mamua, he $3.50 a i kela manawa ua hoemi a i $2.50.  O ka uku o ke kii Akahi.  he $1.00 mamua, ua hoemi loa ka ai i ka $2.50 wale no.  Emi loa maoli a makepono! Aole like pu mamua.  E wiki mai oukou, oiai ka manawa kupono a ka lia e upu nei.  I keia manawa, a hanaia na kii maikai loa!

Hale Kamana Nui!

            AIA no maloko o keia Hale maluna ae, a ma ka Helu 59.  Alanui Nuuanu, e hanaia ai na pahu kupapau, na moe, na noho, na pakaukau, na pahu ume me na aulani ku na mamalu a me ka mea aku ia mea aku.  E loaa no na pahu paina a me na pahu koa ma ke kumukuai oluolu a makepno loa, i ike ole ia mamua.

Hale Kumeka Kamaa!

            MALALO o ka Hale Pai xii, ua hoana okoaia he keena humuhumu kamaa o kela a me keia ano e ka makemake e hiaiaai ai. E kipa mai a e ike oukou "I ka nani o Aipo." Malaila no e loaa ai na Pale Ili Noho Lio, no ke kumukuai haahaa a ka launa ole mai.  E kipa mai a e kuai oo kou iho.

Hale Hana Kika Puhi!

            Ma ke Keena makai o ka Hale Kamana Helu 69 Alanui Nuuanu, he wahi e hana pakala nei na lau paka, i mau kika puhi maikai loa.  He mau paka kika maikai i kupono i ko na kanaka makemake, he ena hoi ke puhi.  E hele mai oukou e kuai i ike maka.  E hoohihi ana ouou. (806 5HI 831) AHI.

 

Eia ma ka Hale Kuai o Wini!

NA EA,

NA OMAU AI,

NA KULA PEPEIAO

NA OMAU HAO BUKALO,

NA MEA ANO HOU A EMI,

Buke Pakeke Ili a me na Eke Dala

Na Lei Pilali,

Na Lei Eleele,

a me na mea a ae he nui wale.

E HAAWI MAKANA IA aua i keia a me keia mea i kuai a hiki i ka

ELUA DALA.

E hele mai, e nana i keia mau mea maikai, a e loaa no e like me ka makemake.

Eia ma ka Hale Kuai o WINI,

 

756 2m           

HALE KUAI MANUAHI!

NO KONA,

NO PUNA,

NO KOOLAU,

NO NAPALI,

NO MANA!

Eia ma Koloa nei ka mea Hou ano e kupaianaha, a e na-

ne nui mai oukou e na mamo a

MANOKALANIPO!

a e ike i na mea maikai o kela a me keia ano, ma ka

HALEKUAI O PENI!

Ua makaukau ola e kuai aku!

Na Lole o na ano a pau,

Na Papa o na ano a pau,

Na Lako kukulu hale,

Na mea hana kamana,

Na mea mahiai,

Na mea ai, mai na aina

e mai a me na mea a pau i makemakeia e ke

Kane, ka Wahine a me ke keiki

Ke loaa mau mai nei kela mau mea ma kela moku keia

moku, a no ka mea, ua hoopaeia mai ma Honolulu,

He au hou o ke Kuikahi!

Nolaila, e hiki ia'o ke haawi i keia mau

pono ia oukou, ma ka kumukuai

haahaa loa, i ike ole ia

mamua aku nei

E lulumi mai a hoao!

            FRANK BINDT.

Koloa, Kauai, Aperila 14, 1877.         802 1 yr 3