Ka Nupepa Kuokoa, Volume XVI, Number 24, 16 June 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

THE SHOE MAKER'S SONG

Mocking Bird p 101.

1

He kapu pepa ko keo,

A he pale ili kona;

A noho no a pa pa hou,

A hala e ua hora,

Cho--: Pa, pa, pa

            Loli kona kapu nei

            Kona kapu pepa nei

            Me ke oli e.:

2

He oihana kamaa nei,

A he oihana ino;

Hoomau no nae i loaa mai

Ke ola o ke kino.

Cho-: Pa, pa, pa

Ma ka ili paa kamaa,

Pili ae i la laau,

Humuhumu a paa no. :

3

I na i hune e Keo,

Nana nae kela iluna,

A hana no, a kau ka po,

He uku lawa kona.

Cho--: Pa, pa, pa

I paa ae na paa kamaa;

Pa a oki i maikai,

Bilaki hoi i hinu mai, :

3

Ua hana no a mau Keo,

Hana no na hoa ona,

Pela oukou, na kumu ao,

E hana me ke aloha.

Cho. : Pa, pa, pa

Pau, e pau ka molowa,

Ao, e ae, a ao mau no,

I pau ae ka naaupo, :

Hawaii.

HAAWINA KULA SABATI

HELU 1 SABATI, IUALAI 1. 77.

KUMU HANA.-Paulo ma Kupero.

PAUKU BAIBALA-Oihana 13:1-13

MALOKO hoi ka ekalesia, ma Anetioko, kekahi mau kaula a me na kumu, o Barneba kekahi a me Simeona i kapaia o Nigera, a me Loukio no Kurene, a  me Manaena i hanai pu ia me Hrode ke kiaaina, a me Saulo.

2 I ko lakou hoomana ana i ka Haku, a me ka hookeai ana, i mai la ka Uhane Hemolele, E  hookaawale oukou ia Barenaba, laua me Saulo na'u, no ka hana a'u i hea aku ai ia laua.

3 Alaila hookeai iho la lakou, pule aku la kau iho la na lima maluna o lana, a

hookuu aku la ia laua.

4 Na ka Uhane Hemolele laua i hoouna ae, e hele ae la laua i Seleukia; a malaila aku laua i holu ai a hiki i Kupero.

5 A hiki laua i Salami, hai mai la laua i ka olelo a ke Akua maloko o na halehalawai o na Iudaio; o Ioane no ho kekahi hoala wehana na laua.

6 Kaahele aku la lakou o ka mokupuni a hiki i Papo, loaa ia lakou kekahi kilo, he kaula wahahee hoi ia, he Iudaio, o Bariesu kona inoa.

7 Aia no ia me Seregio Paulo, ke kiaaina, he kanaka akamai: a kii aku la oia ia Barenaba a me Paulo, makemake iho la ia, e lohe i ka olelo a ke Akua.

8 Ala, o Eluma, ke kilo (o kona inoa ia i ka hoolike ana) ka e aku la oia ia laua, manao iho la e hoohuli i ke kiaaina.

9 Aka , o Saulo. (o Paulo no ia,) ua piha oia i ka Uhane Hemolele, haka pono mai la oia ia ia.

10 I mai la, auwe oe ka mea i piha i ka wahahee a mo ka hewa a pau, he keiki na ke diabolo, he enemi no ka pono a pau, aole anei e hooki oe i kou keakea aia i na aoao pono o ka Haku?

11 Eia hoi, ano la e kau mai ana ka lima o ka Haku maluna ou, a e makapo no oe, aole e ike aku i ka la a hiki i kekahi manawa. Haule koke mai la maluna ona ka pouli a me ka moowini.   Holoholo ae la ia e imi i mea alakai lima nona.

12 Alaila ike ae la ke kiaaina i ka mea i hanaia mai ai, manaoio aku ia ia me ka mahalo aku i ke ao ana a ka Haku.

13 Holu aku la o Paulo ma mai Papo a hiki mai i Perego no Pamepulia: a haalele o Ioane ia laua, a hoi aku i Ierusalema.

Pauku Gula. Pauku 12. Hoopaanaau.

Mele.-Him 138, 8-7-4. Leo.

1

 I kuu pilikia aua.

A mai make i ka po,

Na kuu Haku i hoolana,

Aole ae la i poho.

E haouli, Haleluia

I ke ola nui nei.

Pule i manaoio na haumana ia Iesu, a

lilo nana, &e.

Na Ninau a na Kumu.

Ehia malama i haalele ai kakou ia Oihana? Mahea ke kula ana ma ia nau malama eono? Ahea hoi hou aku i ke Kauoha Kahiko? No keaha ka hana kike ana? Mahea keia Haawina?

P 1. Heaha moloko o ka ekalesia ma Anetioka? Owai lakou? Nohea hoi? Owai ka i hanai pu ia me Herode? Herode Anetipasa keia, ke kiaaina o Galilaia.

P 2. E aha ana keia poe? Heaha ke kauoha a ka Uhane Hemolele no Barenaba laua me Saulo? E lilo ana laua i mau misionari no na aiua e, aole no na Iudaio wale no.

P 3 Ua hookoia anei keia kauoha? ma na hana ehia? No keaha ka hooke ai ana? No ka mea he hana hui ia, he hano hou. No keaha ke kau ana o na lima maluna o laua? No ka pule ana, i  hoopihaia laua i ka Uhane Hemolele, &e.

P 4 Nawai laua i hoouna aku? a hele mua laua i hea? Heaha a mahea Seleukia? He kulanalauhale ia e kokoko ana i Anetioka, a e pili ana i ke Kaiwaenahonua ma ka nuku o ka muliwai o Oronete.

Malaila aku a i hea? Kupero, he mokupuni ia ma ka aoao hikina o ke Kaiwaenahonua.

P 5. Hiki laua i hea? Salami, he kulanakauhale, a hea awa ia ma ka aoao hikina hema o Kupero. Konekanekia ka inoa mahope iho. Heaha ka laua hana malaila? Owai kekahi hoalawehana? Owai kekahi inoa o Ioane? mok. 12:25.

P 6. Kaahele lana a hiki ihea? Papo, he kulanakauhale ia ma ka aoao komohana o Kupero. Owai ka i loaa ia lakou malaila? Heaha hoi oia? Owai kekahi kilo mamua? Oih. 8:9.

P 7. Aia ia kilo me wai? he kanaka aha oia? No Roma oia, a he kanaka hoomana kii. Kii oia ia wai? no keaha?

P 8. Owai ka i keakea i ke kiaaina? no keaha ke keakea ana? He poe keakea anei i keia wa?

P 9. Owai keia inoa hou o Saulo? He inoa Roma o Paulo. Ua piha oia keaha? a aha kona maka i ke kilo?

P 10. Heaha na olelo wiwo ole, hoahewa loa o Paulo i ke kilo?

P 11. Heaha ko je Akua hoopai ana i ke kilo no kona keakea ana i ke kiaaina? Owai kekahi poe i hoomakapoia mamua loa aku no ka pono ole o ka hana? Na kanaka o Sodoma, me na koa i hoounaia o hopu ia Elisai.

P 12. Pehea ke kiaaina i kona ike ana i keia i kona ike ana i na hana hoopai a ke Akua?

P 13. A pau ka hana ma Kupero hele aku Paulo ma ihea? Perege he kulanakauhale nui ia no Pamepalia. Pamepulia he aina ia ma ka aoao hema o Asia Uuku e pili ana i ke Kaiwaenahonua ma ke komohana akau ia o Kupero. A aha aku la Ioane Mareko ia laua? No keaha kona haalele? makau paha i ka loihi, i ka luhi o ka oihana misionari. Ua hoi mai no nae mahope.

 

Mele-Him. 228, 8. Leo

1

I keia la e loaa mai

Ke ola me ka pomaikai;

Aka, ina e hoopanee,

E po ka la, a make e.

2

I keia la, ke hea mai nei

Ko Iesu leo paipai mai,

Ala'e oukou, e na pokii,

Ano la, ea, e huli ai.

Na Ninau a ke Kahu.

 

Na makua. Mahea ke kula ana ma ka hapalua mua o ka makahiki? No keaha ka haalele ana i ke Kauoha Kahiko a hoi hou mai i ke Kauoha Hou? Mahea ka haawina i keia la? Heaha ke kumu hana i keia la? Heaha ke kumu hana? Owai Saulo? Owai kona inoa Roma? Owai i na misionari mua i hookaawaleia a hoounaia'ku i na aina e? A kahi no anei a hele na haumana a Iesu i ka aina e? Aole paha. Aka, akahi no a hoomaopopoia ka oihana misionari no na aina e. Ehia lakou? Paulo, Barenaba, Ioane Mareko.

Na keiki. Naua i ka Palapala Aina. Aia mahea Auetioka, Kurene, Seleukia, Kupero, Salani, Papo, Pamepulia, Perege, Ierusalema? Heaha Kupero? Owai ke kiaaina o Galilaia? Owai na mea keakea i ko oukou huli ana mai> Owai ka enemi nui o ko oukou poe uhane? I Pet. 5:8 Heaha ko oukou pono ke hoowalewale mai.

Ke kula a pau. Owai ke kaula mua i hele i ka aina e? Owai na misionari mua? Owai na misionari mua i holo mai i Hawaii nei? Heaha na mea keakea i ka hana a na misionari? Hai mai i ke ano o Kupero, kona nui, kona nui, kona moolelo a pau.

 

Mele-Him. 493 8-6 Leo.

1

Hauoli e na aina e,

Iesu ke Lii maikai.

He ahi koua kauawai,

Hehee na mauna nei.

me ka puaka ekolu.

Pule no na aina e, &c.

 

Ka Puuw'i o ke Aloha

E KA NUPEPA KUOKA E; Aloha oe; -

E oluolu oe, a me kou Lunahooponopono e hookomo iho i keia, ma kahi kaawale o ka Nupepa, i ka mea nona kela mau hua e kau hoolai aela.

Ma ka Poakahi iho nei, Iune 4. 1877;

ea manawalea aku la, ka poe nona na inoa malalo iho nei, i ka poe i loohia ia e ka p'no ma Hilo, a ma ia la pu no i hui pu mai ai me ke keiki inu waiko, Jas Campbell, a oia hookahi no paha ke kiekie o ka makana ana, a eia iho na inoa.

Jas. Campbell............$100 00

Kailiwela (w)..............  25.00

Miss. Kaapela.............    5.00

M. Makaloa................     5.00

Sam. K. Kalaikini...    5.00

Kipikona...................    5.00

John. Poheekai....    3 00

Ioseph. O. Kawehe.    2 00

Stink Kanilau  …......    1.00

Hauki Leleho……......    1 00

Kamaika (w)…….......    1 00

John. Puheekai Ka’i      .50

Kanoa Kuiee……….      .50

Alapai (w)….……….      .50

Hanaukama………….     .25

Kohoa……………….      .25

Kaailau…………….      .25

Huina okay na $1,33 25

 

Mr. & Mrs. Kuaana eha paiai, Mrs. Kealoha Paona, elua paiai.

            O keia iho la na mea i pau i ke kakau ia ma ka’u pepa hoike oia la, aka, e kala mai ia’u, ina, he mau inoa no kekahi i koe, aole i paa ma ka’u pepa, alaila, e hai hou ae no ka poe ina a’a ma ko oukou lima kekahi mau inoa i koe aku, a na oukou ia e hoouna ae i kekahi o na Nupepa.

            Me ka mah@ la piha i ka lokomaikai nui o ka poe nona na inoa Hanohano e kau aela a ke hoomaikai ae nei au i ke Akua no ko lakou lokomaikai.  SAM K. KAHUMUA

Opaelua Lahaina June 6, 1877

 

Kanikau aloha keia no

William, Pitt. Leleiohoku, Leleipelekane, Kalanikupuoli

KOLANI, OLEAKAHELE.

 

Anoano – e - anoho - i,

O ke ano halia halialia aloha o ke keiki,

E ano wale mai ana no ke aloha,

Me he ano no ke koolauwahine la,

Ke aloha e halapu nei,

E halao wale mai ana no,

Ka helehelena aloha o ke keiki,

Kuu keiki leo nahenahe,

Leo paheahe kino wal@ua,

O ka uhane leo makakai,

Oia ke ul@ nei,

O ulili kani hoehoe,

O mapu kaui leo lea i ke ahiahi,

I ka aui analia o ka po i o Lono,

Lele kapu Kalani ka-pu,

Kapu Kalani, na liuliu ua launa ole,

Ua hailele iho nei i ka pili kanaka,

Keehi kulani aku la ka hele ana,

Kaiheelani kapu o Hakakani, ao inoa-e

Nei halulu aku la i Hanakewa,

Wawakupinai loko i ke aloha e noho nei

Aloha lilo paiauma ka manawa,

Au wale ana loko mahea la ia i niau iho

Nalo aku la na maka e, [nei naloa'e

E Kekuloloiaiku kapu Keawe,

Ko inoa-e.

Auwe no hoi kuu hoa pili hoa hele,

Hoa ae ale o na kai he keiki,

He keiki ka hoi ka lei he milimili,

He ukana no ke alanui,

He hoa poai hele a puni na moku,

He ula ai leo, he mea nui hoi na kuu manao

Kuu hoa no hoi oa ka ua me ka la,

O he anu hoi me ke koekoe,

O ka makani me ka malie,

Kuu keiki mai ka helelana i ke kai,

Hale paia ale i ka moana,

He a'a ololi hoi makai, he kahulihuli,

He hanupanupa hoi ka hele ana,

He laula hoi ke ala mauka,

He ale wai mai ko ka mauna,

He akea nae ka hele ana;

Kuu hoa o ka hele malu i ka ohu,

Hale kamalauiki o ka manoa,

Kuu hoa pupuu o ke anu,

He ahi ke kapa e mehana ai,

Mahana no i ke poli ke keiki,

I ka poli no oe a hele aku la,

Haalele iho nei ia makou,

Wehe mai nei i ka pili aloha me ka makua

Ua ineina paha ua manawaino ia'u,

O ke ku ae no ia hele ana,

Hele i ke ala koolua ole,

Aohe hoa, aohe ukalu o ka hope,

Aloha wale ka lei he keiki.

Kuu keiki hoi,

Kuu aloha-e.

Kuu keiki mai ka aina lania haaha i ka ua,

Oia aina a kaua i noho malihini ai,

I kuleana kaua i kamaaina i ka leo,

Aloha ka ua i mai i ke oho o ka hala,

Kuu keiki mai ka ia haaheo o ka aina,

Ke haa mai la i ka moana me he hula lea la

Oia ia haki heenehu a ka lawaia,

Kahiko lei lehua ula i ke poo,

Kuu keiki hoi,

Kuu aloha-e,

Olailaiku o ka uwe a Kalani,

E uwe ana i ka eha walania kani,

Ooi pololea ka lea, he leo paheahe,

Makau makani paha,

O aina, o nakolo ka pihe,

O kani kuilua ka pu,

Nakolokolo i ke haona,

Kui aku nei ka lono, nei aku la,

I ka pea kapu o na moku,

O kalani o ka mea laha ole,

O ka lei hoi o Hawaii,

Ua lilo, ua hala, ua hala loa,

Ua aulani aku la ka hele ana,

Ke au wale nei o Kalani,

Aole ka hoa he keiki

Ua wehe mai nei ka pili aloha me ka me ka makua,

Owai hoi ia e konane nei,

E hoonana nei i kou aloha,

Ua lele maule eha loko i ka manao-e,

I ke kuko, i ka lia wale aku no,

E ake ana no e ike aku,

I ke kino uluahewa o kuu aloha,

Pii ae ka waimaka a ka lua uhane,

Piha pono i kona hale o ka onohi,

Haluku hehi hele ana i  ka lihilihi,

Hanini kehe i kona auwai he papalina,

 

O ka ukana ia a kealoha e ahu nei-e.

Kuu keiki hoi,

Kuu aloha-e.

 

I kau pule hope loa ana,

Pa iho ia'u welania loko,

Aole e poina ia he leo aloha,

E hakokoi mau nei iloko,

E hoohanui nei i ka wamaka,

Heaha la ko makou ano.

Ia mau hora eehia,

I komo mai ai ka elele,

A ka Mea Mana Loa,

A lawe kohana aku la,

I ka lei nani o Hawaii,

Aohe makou ae,

I ka noho aku a ha'ili,

I ke ku mai a na kou,

Me ka pahikaua i ka lima,

E hoka wale ana no,

O Kauka ike ole ma,

Hamohamo laau a ke'hi,

Auwe-kuu minamina pau ole-e,

KAHANAELE KAPAHUKALAUNU W,

Kuu keiki mai ka ohia loloa o Panaewa,

Oia ulunahele lehua i po i ka manu,

E kikiko ana ilona o ka laau,

Ka lea hoi oa ka manu aia i luna,

O ka leo hoi o ke keiki ko lalo,

E kanikanieaula nei i ka wa-e.

Kuu keiki hoi,

Kuu aloha-.

Kuu keiki aloalo ua Hanakahi,

Ke nihi ae la mauka o Makaulele,

Pulu a elo kaua i ka ua kanilehua,

Oia ua la lehua moania ala,

I lawea mai e ka Puulena,

Honi ai ke kupa o Hilo one,

Mai Punahoa no a Ohele-e.

Kuu keiki hoi,

Kuu aloha-e.

R KEIKIHELELOA,  KEANOAHALIA

KALEONAHENAHE, KEANOLANI,

KOHALIKOLANI.

Kanikau he aloha keia,

No ka wohi ku kapu o ka moku,

O Kelanikupuolikolani he inoa,

He aloha pau ole keia,

No ua kamaiki lani nei,

I halia mau ai ka manao,

E ulu oe a pua mai,

A ohaoha i ka lai,

I ka pono a ka makua,

Auhea iho nei o Kalani,

O ka lei hoi o Ano'o,

Milimili lani a makou;

Ke haupu ae nei ka manao.

He halia aloha i ka leo,

I ka ike kumaka ana iho,

I ha hora hope loa o Kalani,

Hoolai kela e pule,

E hai haahaa aku ana,

I koua mau hewa a pau,

Imua o ka Makua lani,

E noi ana e kala mai,

E hookipa aloha aku iaia,

I loko o kona aupuni nani,

Aole ona pihoihoi iwi,

Akaka lea ka pane ana,

Aole no i hoohewahewa mai,

Huli ae o Kalani a i mai,

“Walaau no hoi oukou.”

Kanikau he aloha keia,

No ka wohi kukapu o ka moku,

O Leleiohoku he inoa,

He aloha ko leo e Kalani,

I ka pane ana mai penei;

“Ke haawi aku nei hoi au,

I ko'u aloha hope loa,

Aloha oukou a pau.”

O ke oki ia la nalowale,

Pau ka ikene i ke ao nei,

Auwe no hoi kuu lani,

Kuu mea laha ole he ahi,

A o e loaa i ka uni,

I ke kau ae nei a kau,

Ua kai okia mai nei,

I ke kauawau o lakou,

Aloha no hoi ka leo o ka makua,

O Koanolani no he inoa,

I ka uwe kaukau ana iho,

Auwe no hoi kuu lei,

Kuu keiki hoolohe no,

Ua manao iha au e pono,

Ua pau la hoi ke ike iho ana,

I ko'a  nau la hope loa,

 Eia ka hoi aole,

Akahi ka hoi aole,

I ka luhi nui loa he aloha,

Wehe mai nei oe kaawale,

Ka pili aloha a kaua,

He aloha ka uhane i maalo,

I niea aku nei liuliu,

Lina loko i ke aloha,

Me ka minamina pua ole,

I ka wakua hoi o makou,

E hoomakua aku ai,

O ka hu ka makaainana,

O ke aupuni hoi o olua,

Me ko kuaana lani,

Au i haalele iho nei,

Hele oe ke kokooina,

Kona ukali o ka hope

E pono ai ka noho ana,

I pono ai ka hele,

O ua la hanohano,

Ihi kapu o olua,

He aloha walohia keia,

No Kawaihau ka lai.

H. KEALOHAPIHA LILIKALANI W.

 

LAKO MAHU NO NAALEHU.-Ua paa iho nei he manu nui no ka mahiko o Naalehu i Kau, Hawaii, me kona mau lako a pau, a o ka eu koa e laweia aku no kona wahi i makemakeia

 

KA AILA BALAKI A PINKHAMA!

He Mea

OLE KA WAI I KEIA AILA HAMO!

Palupalu Makai na Iki Hooluu.

Ke noi haahaa ia'ku nei oukou, e hoao iho i keia

Aila Balaki, Hamohamo Palewai, Hoopalupalu Hi.

E kua a e hoao i na Buti, Kamaa, Ili Kaao Kaa, a i na mea ili hooluu o ae paha i loaa ia oukou. Ua lana loa ka manao, ina oukou e hoao ana pela, e mahala ana oukou, a hoomaikai aku auanei me ke kanalua ole Ina e hamo pinepine ia i keia

 

AILA BALAKI HOOPALUPALU ILI,

E mau no ka palupalu maikai o na ili. me ka nakaka ole. Aole hui no ka wa ua wale no e pono ai keia Aila, aka no ka wa la kekahi. He 50 keneta no ke tini.

 

Aila Inika Balaki Hoomau Ili a PINKHAM.

He mea  maikai loa, i hanapaka maoliia no ka hoopalupalu ana i na ili kaa lio, na kaulawaha ia, na noho lio, a pela aku. E hoao oe-Kunaukuai no ke kini 75 keneta.

 

Na Olelo Mahalo.

HILO, Nov. 5, 1875.

Ua hoao pono wau i na Aila Hamo Kamaa e ae, a ua hoao pono no hoi i ka Aila Hamo Balaki a G.S. Pinkham; a na hiki ia'u ke olelo me ke kanalua ole, o keia Aila ka helu akahi, a me ka oi o ka maikai, o na Aila Balaki a pau a'u i hoao ai.  A. O. FORBES.

 

Ua hoao maua i na Aila Hamo Kamaa a G.S. Pinkham & Co., a ua oi aku ka maikai mamua o na Aila Hamo Kamaa mai na aina o mai,

R.A. LYMAN, S. KIPI.

 

Hilo, Nov. 10, 1875.  Kiaaina o Hawaii.

 

Hilo, Nov. 10, 1875.

Ua hoao pinepine au i na Aila Hamo Kamaa a G.S. Pinkham & Co., a na manao no au oia Ka Aila Balaki Kamaa maikai mamua o na aila e ae a'u i hoao ai mamua, a he oiaio keia.

C.K. HAPAI.

Hilo, Nov. 10, 1875.

 

No ko'u ike oiaoio loa o ka Aila Hamo Kamaa a G. S. Pinkham he Aila maikai loa no ka Hoowaliwali i ka ili. D. KAMAI.

 

Hanaih e G.S. PINKHA & Co., ma Hilo Hawaii.

E kuaiia aku no e BOLLES & Co., Agena. ma Honolulu.  793 3m 815

 

ANOAI I KA LEHULEHU.

 

E kipa mai a e nana,

i kumaka ai ka ike i na waiwai nani i loaa mai nei i loko o na La Kulaia iho nei.

 

Penei ke ano o ua mau waiwai la:

N Wati a me na kaula Gula,

a na Lede a me na Keonimana!

NA KAULA OPELE A NA LESE

NA KOMO GULA NANI O KELA A ME KEIA

ano o na Lede a me na Keonimana!

NA KUPEE GULA. NA LIPINE GULA

 

Na gula pepeiao o na wahine!

e oaka ai i na pepeiao, a e hulali ai hoi na manamana lima, a e kilipohe ai hoi na a-i.

 

Na komo humuhumu gula a me ke kala,

Na pihi pulima hia wahine a kane,

Na laketa gula lei wahine nani,

Na komo daimana o na Lede.

 

Na kaula laketa,

Na pine omau kihei,

Na leketa aniani,

Na huka gula wahine.

 

NA LAKO HALE.

NA PUNA,

NA PAHI,

NA KUAHA, KALA,

NA APO KALA

NA KAWELE holoi lima,

NA O DALA o kela a me keia ano,

a me na mea nani e ae no he nui wale.

 

E kuaiia aku ana no me ka kumukuai haahaa loa i ko na wahii e ae o ke taona nei.

 

UA MAKAUKAU NO HOINA mea nani no kanaka makua a me na kamalii.

 

Na Kamaa Paa Loa, e loaa no maanei e like me ka makemake; aina e loaa koke ka ino, he hiki no ke hoihoi mai M. McINERNY. Kihi o na Alanui Papu a me Kalepa. 793 3m 81b

 

J. M. Davidson, Loio a Kokua!

Hale Oihana, maluna ae o ka Hale Kuai Buke o Wini, ma ke keena i noho mua la iho nei e J W Aukina. Wa makaukau ola e lawelawe i na hihia o keia a me keia ano, imua o na Aha Hookolojolo a pau o keia Aupuni.  784 1yr 83b

 

E.T. Halolani. LOIO!

EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a puu ae ma ka moraki ana i na aina, Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila nui.

Hale Oihana, aie ma ka “Real Estate Exchange” Helu 31, Alanui Papa, Honolulu, malaila oia e loaa ai i na kanaka a pau, ina he au ai na kuai a hoolimalima ko lakou, a e hoopaaia me ka uku ole 792 3m 815

 

MAI KEIA LA A MAHOPE AKU NEI,

O KA UKU O KA OHA ONEKI O NETI MERRILL,

Mai Honolulu aku a me ka hoi ana mai he

ELUA DALA!

Mar. 16, 1877   E.D. CRANE. (Kapena.)

796 4ms 823.

 

Lole Makepono ke Kuike!

E LOAA NO IA MA KAHI O

KAKELA ME KUKE,

E LAA NA

AHINAHINA,

KALAKOA,

KEOKEO,

LEPONALO

Pena, Aila, Aniani, Na Mea Piula, Kopa, Aila Honua, Aila Hoomaloo

Kui Kakia, Pakeke, Tabe, Kaula, Noho lio, Hulu-nalaki, na Pulumi.

 

A he Agena no hoi no na Mokupuni o Hawaii nei no na LAINAKINI-NAO, LANAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Holuholu,

Na Lole no ka hoohehelo ana

Lipine, lihilihi, a me ia mea'ku

A HE

MAU MEA AI KAHI

Ka Palaoa, Kopaa, Raiki, Pia, Hoohu, Paakai, Huaala, Pia Kulina &c

A HE

LAAU LAPAAU KAULANA LOA

A Dr. JAYNES.

 

Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku 802 3m 813

 

Papa! Papa!

NO

ALLEN A ME ROBINSON.

Ua wehe ao nei maua i

PA KUAI PAPA!

MA KA

UWAPO o PAKAKA.

 

Na Papa Ulaula o na ano a pau.

Na Papa Paina o na ano a pau.

Na Pili Jale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

Na Pani Puka a me

Na Pani Puka Aniani.

Na Pani Puka a me

Na Olepelepe.

 

Na lako kukulu Hale

O NA ANO A PAU

E kuaiia ma ke Kumukuai Haahaa Loa!

o keia Makeke.

ALLEN & ROBINSON.

Honolulu, Aper 13, 1876. 802 3m 813