Ka Nupepa Kuokoa, Volume XVI, Number 21, 26 May 1877 — Mai ka Peni mai a ke kakauolelo J. J. Porter. [ARTICLE]

Mai ka Peni mai a ke kakauolelo J. J. Porter.

Hilo, Mei 14 - I ka Poaha i hala, he hapaha i hala ae o ka hora 5 A.M., ua kimopo ma ke kai hoee i keia wahi, mauka Akau Akau Hikina mai, ma ka uhi lalani pahola pu ana ma Waiakea, me ka lawe aku ina mea a pau imua ona, luku iho la i na hale noho he nui wale o na kanaka, me ke kauo aku i kekahi mau hale laau ilko o ke kai, he pahapa mile paha ka mamao mai ka aekai aku. O ka nui o na kino ola i make, ma ka mea i ikeia he Elima. He makeia wale i mahunehune mai na ola. O ka uapo a me ka hale waiho ukana o Kilauea ua ulupaia. O ka Hale Makeke kahiko o Poonahoahoa i kai o Ohele, ua pau loa i ka laweia e ke kai me kekahi mau hale o na kanaka he 45 paha a me na lako o loko. Aia iloko o ka Hale Makeke kahiko he mau lako ai, mau pahu aole i hookuikuiia a pela aku, mailuna mai o na moku ekolu, a me 44 mau pahu aila mailuna mai o ke okohola Pakipika. Ua kokoke no nae e pau loa mai na pahu aila i ka loaa. He hiohiona o ke kumakena a me ka ehaeha ke nana aku i na hiohiona o na kanaka i hooneleia i na home ole a me ko lakou mau ohana. Ua pau aku na wahi lako a pau loa o na kanaka. Ua poho a nalowale na mala uala a me na wahi loi kalo. Ke hapai nei makou i kekahi hana e kokua ai ia lakou. O ka uapo hao keia ma ka muliwai o Waiakea, a Alex. Young i kukulu ai i kekahi mau makahiki aenei i hala, ua hapaiia e ke kai a hooilia'ku iuka o kapa muliwai O ka loko ia nui o Waiakea, ua wawahiia. Mai Waiolama mai a hiki i Wailuku, ua pau i ka lilo he 8 a 9 paha mau hale. Ke koho nei au me he mea la, o ke kiekie o ka pii ana o ke kai a ma ka emi ana, he 20 kapuai. Ua pau aku i ke kai kekahi mau lako o ka pa papa o Reed a me Sisson. Ua ohii mai iloko o ke kai kekahi mau pani puka, olepelepe, na papa ulaula, na lako hale, a pela aku, a pela aku. He mea akaka ole ka hooia ana aku i ka nui o ke poho ma keia kai hoee, a a ke manao nei au, aole paha e lawa ke poho i ke $30,000. He manao ko'u aohe no loko aenei o kakou keia kai hoee, aka no na wahi mamao mai, no ka mea a he mau hoailona o ke olai mamua iho, e akaka ai la hoi he kai hoee mai ka hopena. Kou oiaio. J. J. PORTER Eia na inoa o ka poe i make i ke kai hoee. Keawepuepue (k) elemakule. Kaipo (w) Koopa (w) Mahealani (kaikamahine) Nakuaana (keikikane) NA KOKUA I KO HILO. I ke ku ana mai o ka moku okohola Pakipika ma ka nuku o Mamala i ka la Sabati iho nei, me na nu hou no keia kai hoee, ua malama ka Ahahui Poola i halawai, a ua hookaawale i $150, mai ko lakou waihona ae no ke kokua ana i ko Hilo poe i hoopoinoia e ke kai hoee. Ma ke kakahiaka nui Poakahi ae, ua ikeia kekahi palapala hookupu dala no kela poe poino maluna ae, e lawe hele ia ana i ka poe e aloha ana i ko Hilo poe i poino. Ua lohe mai makou, ua hiki i ka $300 na dala i loaa ia la hookahi. I ka Poakahi iho nei, Mei 21, ua noho iho ka Aha Kuhina e noonoo i ka mea hiki i ke aupuni ke kokua aku, a ua hooholo lakou, e pahola aku i ia kokua pilikia kino. A oiai, e ukali ana ke Kiaaina o Oahu i i kana Aliiwahine no ka holo ana i Hilo ma ia la, ua hoomanaia aku oia ma ke ano Komisina, a e haawi aku i na kokua kupono no ka poe nele