Ka Nupepa Kuokoa, Volume XVI, Number 19, 12 May 1877 — Page 1
This text was transcribed by: | Joann Kaneshiro |
This work is dedicated to: | Dustin Kenshin Gosnell |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XVI. HELU 19. HONOLULU, POAONO, MEI 12, 1877. NA HELU A PAU 806.
MAIKAI KA HOI KA PAPA!
AME
Ka Laau o kou Hale!
No Hea la!
KAI NO HOI NO KAHI O
WAILA MA!
Nana aku uo hoi ia la, OHI KA IO o KA LAAU o MAKAWAO i ka ua mea o ka nani o
Na Papa, Na Laau.
AME
Na PONO KUKULU HALE
O NA ANO NO A PAU,
MA KE KIHI O
Na ALANUI PAPU a me MOIWAHINE, Honolulu
MALAILA E LOAA AI E LIKE ME KA makemake. no ke
Kumukuai make pono loa
PAPA, PAPA, PAPA
Na PAPA huluhulu,
Na PAPA manoanoa,
Na PAPA i kahiia,
Na PAPA kepa,
PAPA hole keokeo.
PAPA hole ulaula
NA LAAU! LAAU!
NA KUA,
NA KAOLA,
AAHO,
MOLINA,
PEAPEA,
PINE HULUHULU,
PINE I KAHIIA,
Na Papa a me na Laau Ulaula!
PILI ULAULA
PILI KEOKEO,
PANI PUKA,
PANI PUKA ANIANI
IPUKA ANIANI,
OLEPELEPE/
PENA O NA ANO A Pau Hulu Pena mai ka liilii a ke nui
AILA PENA!
AILA HOOMALOO,
WANIKI, PATE.
NA LAKO o kela a me keia ano.
NA ANI-PUKA HALE,
NA AMI-PUKA PA
ANIANI!
Pepa hale me na lihilihi.
E LOAA NO MALAILA
Paakai Helu 1.
O KAKAAKO a me PUULOA
No ke Dala kuike, e loaa no na mea a pau i haiia ae la no ke kumukuai euu loa
O na kauoha a pau mai Hawaii a Niihau, loaa'ku ana ia lakou, e hooko koke ae mai ana no ia me ka lawa pono.
E kipa nui ilaila, i ike i k oiaoa @
NA HOALOHALOHA AL@.
I KA MEA KIEKIE RUTA KEELIKOKANI:
Aloha oe. No ka mea, ua oluolu i ka Makua Mana Loa ka lawe ana'ku i ke ola o Kau lei aloha, Ka Mea Kiekie, William Pitt Leleiohoku Kalahoolewa, ka Hooilina o ka Noho Alii o ke Aupuni Hawaii.
Nolaila, o makou o na lala o ka "Ahahui Poola" o Honolulu nei ; ke komo pu aku nei makou me Oe a me ka Ohana Alii iloko o ke kanikau kumakena me ka walohia no Kau Kamalei Alii i aloha nui ia ; i lawe ia'ku la ma kela aoao o keia ola ana, ma ka la 10 o Aperila o keia makahiki.
Nolaila, ua loohia mai maluna Ou a me ka Ohana Alii a me ka Lahui holookoa mai o a o ke kaumaha, ka paumako, lihaliha, welenia me ka naau ehaeha, no ka lawe ia ana'ku o ka Hooilina o ka Noho Alii o ka manaolana a Hoa Hanohano hoi o ka "Ahahui Poola" o Honolulu nei.
A no ka mea hoi, na noho Oia he Hoa Hanohano no keia Hui iloko o ka hapa mua o keia makahiki me ka maluhia, a me ka naauao, a me ke akahele o Kana mau hana.
A no ka mea hoi, ua paulele nui aku hoi i Kona hui ana mai he Lala Kiekie a Hanohano no keia Hui ; a aole Oia i hoopau mai i Kona kulana mai keia Ahahui, e like me ka manao ana he kupono, a kakou i hiipoi mau ai i Kona mau manao me ka paulele nui a me ke aloha aina, a me Kana mau hana maikai a pau loa, a hiki wale i ka manawa i kii ia mai Kona ola.
Nolaila, ma o ke Komite la, ke waiho aku nei makou i keia mau Olelo Hooholo malalo nei.
Hooholoia. O na hoa o ka "Ahahui Poola" o Honolulu nei, ke hoike aku nei i ko lakou aloha me ko lakou kaumaha nui, me ka minamina lua ole i ka make ana o ko lakou Hoa Hanohano aloha, o Ka Mea Kiekie William Pitt Leleiohoku Kalahoolewa, ka Hooilina o ka Noho Alii, me ka hoike pu aku no hoi i ko lakou noho uwe ana, me he mea 'la i kuia ma ke kahua kana.
Hooholoia. O na hoa o ka "Ahahui Poola," ke komo pu aku nei me ke kaumaha nui lua ole, a ke kanikau pu aku nei hoi, me ka minamina, no keia mea i loohia mai, me ka kaumaha pu hoi me ka Ohana Alii, a oi aku ia Oe ka makua o ka mea i make.
Hooholoia. O na hoa o ka "Ahahui Poola," ke hoike aku nei i ko lakou kaumaha, me ka paumako, no ka make emoole ana o ka Hooilina o ka Noho Alii iloko o Kona mau la opiopio, a me ke kokoke loa o Kona mau la o ka Noho Alii ana, no ka mea, aole i manaoia o ka manawa keia e haalele mai ai Oia i Kona Kaikuaana Moi, a me na Kuahine Alii Ona, a me Oe ka Makuahine Alii.
{J@. L@TA KAULUKOU
Na Komite. {GEORGE KOLI
{JAMES. KEAU
I KA MOI KALAKAUA:
E KA MAKUA; Aloha oe: No ka loaa ana mai ia makou o ka lono kaumaha. Ua oluolu i ka Makua Mana Loa i ke kii ana mai a lawe aku i kou Pok@, i ke Alii Ka Mea Kiekie William Pitt Leleiohoku, ka Hooilina Moi o ke Aupuni Hawaii.
Nolaila, ma ka inoa o ke Komite o na Ekalesia Hoole Pope Hui ia o K@l@a a me Helani, no Kona Akau, Hawaii. Ke haawi aku nei makou i ke aloha kuhohonu walohia ia oe, a ke komo pu aku nei hoi makou me ka u a me ke kaumaha, e kumakena a e kanikau pu me ne a me kou mau Kaikuahine, ki Ohana Ahi hoi a pau a me ka Lahui ho'o@koa. Nolaila, ke nono@, a kulou hoohaah@a aku nei makoa @ ua o k@ Akua Mana Loi ma ka makou mau pule ana. E hoomama a hooluolu mai ia oe, i na la a pau o kou ola an@, a e hooloihi mai hoi kou noho Makua ana uo koa Lahui iloko o kona Lokomaikai.
{T. N. Simeona.
{G. N. Meem@.
Na Komite. {J. W. Uk@mea.
{G. Kealalio.
{J. Waiamau.
E KE LII KA MAKUAHINE ALII KIEKIE
MUOLAULANI, Aloha oe: Ua oluolu iloko o ka noiau lua ole o ke Kahikolu Mana Loa, ka hoonee ana'ku la, kauwai ana ae la, a me ka hooko-o ana mai la, i ka pili o Haoa, ka manawa o Haaualalokulani, me ka Puakakoililani manuia, o manuia ka lani ka puahuawa i ke alanui wai o Kahuenaha--e, naha aku la ke kanaka ka hale a ke aloha, ka makamaka o ka moe e kipa mai ai--a, Oia hewa la e lilo ia hai, e kaa aku la i ke kanaka--e maha ae la, Hoi hou aku la oia i ke ehu me he moi la. O kou awa inu hoomakou la ia o ka moe, e mahune ai ke kanaka i ke aloha. He Alii o Hoku no ehu ahiahi o Kawaihau ka ko ka ehu kakahiaka, Ke kapio la i kana huakai oni lani i Kahakahakaea i ka hua o Hanakamuimui, i ke ala Koiula a Kane laua o Kanaloa, e walea ana i ka pa koh@ a ka makani he Launoe, e lawe e hali mai la i ke ala mai loko mai o Kupinai, naia huakai ana i naue aku la i Hanakewa, ka mea nana i hookuemi hope mai, me ke kahaha nui, no ka mea, Oia ka manolana kiekie loa a kona Lahui, a me ko kakou aina aloha, ka mea hoi nana i polukuluku la i kou Puuwai Alii a mala, a opilo, i na hoomanao eehia ana o na la i hala, oiai ka lei o ke keiki i ka a-i.
Nolaila, E ke Lii Kiekie Hoano o ka Moo-alii o "Haloa," e ae e maliu i ka uwalo, i ka hoolaau a kau kauwa o kou Hale kapu, e kaukoo, a e kulolia pu me oe iloko o ke alanui o ka inea, ka minamina, a me ke kaumaha hanane, a e ae pu mai ia'u e hoolaukanaka aku i ka manao ma ka hoohali'a ana'ku ina kalo Pelekei o ka la kuhaoa o kalaieha i Kona, i na lae makawalu o ka aina, ke kumoena ololi a Ehu ka ipo, oia one hanau o Kaiakekua ka aina nani a ke aloha e haiamu la, e huli aku ai ke alo nana, aia ke ola i ka apua.
Hao aku la ke Koolau pau na mea aloha, ahu iho la ka pua wahawaha i Wailua--e. Owau no me ke aloha Lihaliha. S. K. K. KAHUAKAIKIEKIE.
Ma ka halawai ana o ka Puali Koa Pualu Prince's Own ma ka po o ka Poaono Apr. 21, ma ka "Armoy," ua waiho ia aku keia Olelo Hooholo e na'lii o ia Puali,
Hooholoia. No ka mea, ua ili mai maluna o ko kakou Moi i aloha nui ia, ko kakou alakai hoi ma keia oihana a me kakou pu na hoa o ka Puali Koa Pualu "Prince's Own," a me na kanaka a pau o keia mau pae moku--ke kaumaha luuluu a me ka minamina, no ka lawe ia ana'ku o ka Mea Kiekie ke Alii William Pitt Leleiohoku Kalahoolewa, ka Hooilina o ka Noho Moi o ke Aupuni Hawaii a kaikaina o ko kakou Moi mai o kakou aku nei, Nolaila,
Hooholoia. Ke hoike aku nei makou i ko makou aloha Alii, ma ke kumakena ana, uwe ana a me ke kanikau pu ana aku me Oe e ka Moi a me ka Ohana Ahi.
Hooholoia. Ke kulou haahaa aku nei makou imua o ka Mea Mana Loa, me ke kalokalo aku e hoomama mai i ka naau kaumaha o ka Moi a me ka Ohana Alii.
Hooholoia. E hoounaia aku i kope o keia Olelo Hooholo i ka nupepa "Lahui Hawaii" a me ke "Kuokoa."
C. P. Iaukea, Lima, Kaiapa, Kekala, R.P. Parker, Kalolii, A. Rosa, J. Kaiaiki.
I KA MOI KALAKAUA; E KA MAKUA: Ua hiki mai io makou nei ka lono kaumaha. i ke kau ana mai o na @ kakauha o ka mea Mana Loa, e lawe aku i kou Pok@;ka Hooil@ hoi o ke Kala@ o Hawaii, nolaila, ma ka inoa o na makaainana o ka Apana o Molokai, ke hoohui pu aku nei Iakou iloko o na haawe kunohonu, a, walohia hoi, a, ke komo pu aku nei lakou i ke Kanikau pu me oe, a me ka Ohana Alii i hoonele ia mai i ka pokii ole. A ke nonoi aku nei makou, i ka lokomaikai o ka mea Mana Loa; e hoomama mai i kou kaumaha a e hooloihi i kou mau la maluna o ka Noho Alii o Hawaii.
{S. K. Kupihea.
{J Kekuhi
Na Komite {J. M. K@el@/
{J. W. M. Poohea
{G. Kekipi
I KA MOI KALAKAUA:
O makou o koa mau makaainana huna lepo, o ka Apana o Laiewai. No ka ulia kulu koikoi, kaumaha, kuhohonu, walohia, minamina pau ole, i ili iho maluna ou e ka Makua Lani Kalaiopapa, ka mea i hooneleia mai nei i ka pokii wohi alii ole ; ka Hooilina Moi o ke Kalaunu o Hawaii nei, i iini makamae, minamina nui ia e ka lahui holookoa,
Nolaila, o makou kou mau makaainana minamina, makakamae, menemene alii, ke komo pu aku nei makou me oe a me kou mau pokii kaikuahine a me ka Moiwahine, a me ke alii ka makuahine hanai o ka mea i haalele mai ia oe a me ka lahui,
Iloko o ke ao panopano, hoolili, e haakokohi, kaumaha, luuluu, lihaliha, minamina pau ole, ma ke kanikau kumakena pu ana me oe,
A ke nonoi aku nei makou i ka lokomaikai palena ole o ka Mea Mana Loa, e hoomama mai i kou kaumaha luuluu, a e hooloihi i kou mau la ma ka Nohoalii o Hawaii nei, a kau i ka puaneane. E ola ke Alii i ke Akua.
K H Kaleohano, M K Hawali, J B Kane, R.Niau, J L Kealakuhili@ K Nehemia, N Keliikipi, M K Kou-opio.
Honolulu Aperila 1877.
E KUU HOAALOHA MAIKAI;
Oiai, ma ka la inehinei, ia'u e hooponopono ana i keia mau palapala, me na mea e pili ana i ka'u huakai e manao nei e holo i ka aina e, i loaa ai ia'u ka hooluolu ana i ko'u ola kino, ua heluhelu hou iho la au i kau palapala hoalohaloha ia'u no ka make ana o ka'u keiki, i kakauia ma ka la 8 o Maraki M H 1875.
Ua kakauia keia palapala ma ka lima nani moakaka o ke Keiki Alii kou hei, ka mea i kahea iaia mai keia honua aku iloko o na hora pokole. Ua hookomo koke aku la au i ua leta nei mawaena o ka'u mau palapala hoomomoa loa, me ka manao mua ole ai, e hoalaia mai ana ka wau i keia wanaao, e kumakena pu me oe no ua Keiki Alii nei, ka mea hoi au i hoolilo ai i keiki hiwahiwa punahele ponoi loa nau, ka mea au i luhi ponoi loa ai, me ka haawi pu mai iaia i ka hoonaauao maikai ana--e ae pu mai ia'u e komo pu aku i ke kumakena ana me oe.
Iloko o kou ehaeha nui, aole owau wale no ke komo pu ana me oe, aka, o ka lehulehu holookoa, kahi i huipuia ; ma ka nanaina nae, na oi aku ko'u paumako i ko lakou, mamuli o ko'u launa pili ana mamua me oe a me kou poe, a no kou a me kou poe lokomaikai, ahonui hoi kahi ia'u a me kou ohana i pau aku la i ka make. I na la hope mai nei, ua lana mai ko'u manao, aole wale e lilo ana kau keiki hanai, i mea nana e hooluolu ia oe i kou mau la a-o-o, aka, e pii pu aku ana oia i kahi la e hoopiha i ka nohoalii i hoopihaia e kou mau kaikunane opio. O kou mau mea e hoopuka ai, aole no ia he mea hooluolu ia oe, aka, o kou ano kuoo a mahie alii, ka mea nana e kokua a e kakoo ia oe ; a ke manaoio nei au, aole ahewa ma keia ano hoopuka ana aku i ko'u manao paumako a walohia.
Ke noho nei au me ke aloha nui ia oe@
CHAS. C. HARRIS.
I KA MOI KALAKAUA:
E ola mau loa oe; O makou o na makaainana o kekahi h@pa o ka Apana o Kona Hema, Hawaii, ma o na Komite la. Ua lono mai makou me ke kaumaha luuluu, no ka lawe ia ana'k@ o ka Hooili@a Moi kou pok@ aloha nuii@ e ka mea Mana Loa.
Hooholoia. Ke komo pu aku nei makou me oe, e kumakena pu me ka ehaeha kuhohona walohia o ka naau.
Hooholoia Ke nonoi ae nei makou i ka Mana o na Lani, e kokua mai ia @e, e hoomama mai i kou naau kaumaha l@lou, ehaeha no ka lawe ia ana'ku o kou pokii, ka Hooilina Moi o ke Aaupuoi Hawaii.
{P. W. PAPAULA
{S. W. KINO
Na Komite {S. KEKUMANO
{S. P. NAPAHI
{M. KAHOLOA
Napoopoo, Kona Hema, Aper. 20, 1877.
I KE ALII KA M@I, KALAKAUA: Aloha oe:
O makou no ka Apana o Hana. Ua hiki mai i o makou nei ka lono kaumaha walohia, me ka luuluu nui, ma ka lokomaikai o ka Mak@ Ma@a Loa i kona lawe ana aku i Ka Mea Kiekie Ke Keiki Ahi, a Hoku o Hawaii, ka Hoo@na hoi o ka Noho Alii o Ke Aupun , William Pitt Leleiohku, mai ka Noho Aupuni honua, a i ka Noho Aupuni Lani mau loa ana.
E ka makua: Ke uwe pu aku nei makou me Oe, me ke kauikau, a me minamina nui no ka make ana o ke Ahi kou Pok@i hoi i kona mau la opiopio. A ke pule nei i na Lani, e hool@olu m@i ia oe i'ok@ o kou wa kaumaha; a e ike iho, na ke Akua no i haawi mai a nana nu i lawe aku E hoonanua kona Inoa.
A no ka mea, o ka haawina i loohia mai, ua kau no ia kaumaha iluna o ka Moiwahine Kapioloni, a me Na Mea Kiekie na kaikuahine Alii Lilia Kamakeah@, Miriam L@kelike, a me ka Makuahine Alii Ka Mea Kiekie R. Keelikolaui, a ua kau pu no hoi iluna o ka Ohana Alii a pau.
A ua kau no hoi iluna o ka Lahui holooko@, ma ka laweia ani aku mai o kakou aku, he poino Lahui nui ia, no ka mea, ma kona kalana, he Alii Opio ma ka aoao o na ali@ iloko o ka Hale Ahaolelo. Ua hoike mai oia o kona Puuwai he ake@, a ua @anuia ke kakiwi a ke aloha kanaka iloko ona' ma kana man hana iloko o ka Ahaole'o i hala
Ma o makou nei, ke uwe pu aku nei ka Apana o Hana nei ne oukou, a me ka lahui holooko@. A ke nonoi aka nei, e waiho aku i na kaumaha maluna o ka Makua Nui ma ka Lani, a nana no e hooluolu mai.
Ke kulou haahaa aku nei makou imua o ke Akua Man Loa, a ke pule nei e hooluulu mai ia kakou iloko o keia kaumaha nui
Na ke Akua e Hoola ia Hawaii. Kou mau makaainana ha@haa loa.
Rev. P. A Beniface Schaefer.
Rev R. Theodor L@uter.
E@ Helekun@.
Hana, Maui, Apr. 21, 1877.
E KA MAKUA KA MOI I ALOHA NUIIA:
KALAKAUA I; Aloha oe: Ua oluolu i ke Lu o na Lii, ka hoonee, a hoouwai ana aku la ia kauna k@ uhane kaili pua o Paiahaa, alualu pua hela o Kamilo pae kanaki; He kanaka o Hoku no ke ehu ahiahi, o Kawaihau ka ko ke ehu kakahiaka, a ma ia lawe kohana ia ana ku, la o ke ola makamae lua ole o kou kaikaiua Alii, Ke Lii w@hi Kapu, Ka Mea Kiekie William Pitt Leleiohoku, ka Hooilina a me ka manaolana Kiekie loa o ka Lahui, a me ko kakou aina aloha. Nolaila, owau o kekahi o kau makewela e noho nei iwaena o kou mau makaainana; e ae mai ia'u e kaukoo pu aku me oe iloko o kau huakai o ka neoneo, ka kuhao, a me ke anaha no Ike ia Puna; he nani Heeia, he kumoena lehua k@i o Malama, he wahi lena polena ko Puulena, he aiua han@ ala ia na ke 'koa, he nahele hiehie i ka ua awaawa e O kou awe inu hoomakou ka moe, e mahuna 'i ke kanaka i ke aloha. E ka naho alii Kiekie Hoano o ka moo alii kapu o Umi, e ae, e maliu i ka uwalo i ka hoola @ u a ka makawela o ko oukou hale kapu, e kaukoo, e kulolia pu me oukou iloko o ke alanui o ka inea, ka minamina; a me ke kaumaha hanane; E ka makua hoi, e ke opumalumalu o na la ino E ae mai ia'u e waiho aku i ka'u mau kanaenae manalo aua, ma na paepae kapu o ko ka Lani Lilo@ Ke Lii o na Lii, ka Haku o na Haku; i hoolilo mai ai oia i keia Kau o ka noho u ana, i hooilo no ka olioli, Ma koua Kihae ana mai ia oe a kinolau, i hoo@aupai mai ai oe i ka houpo o koa aina, me ka hua o kou puhaka Alii, a me o na mau kauna hou o ka I. ka Mahi, a me ka Palena.
Me ke aloha Lihaliha.
S. K. K. KAHUAKAIKIEKIE.
I KA MOI KALAKAUA; Aloha oe: No ka pahol@ ana mai o ka lohe ia makou, kou mau makaainana e noho nei ma Honouliw@i, a me Honouli-maloo, a me Mo@kea, Molokai nei.
Ua oluolu i ka Makua Mana Loa, ka lawe ana aku i ke ola o koa Pokii, ke Alii, Ka Mea Kiekie Willim Pitt Leleiohoku, ka Hooi@ina o ka noho Moi. Nolaila, o makou o na lala o ka Ahahui Opiopio a Hooulu @ Hoolaha Pono Karistiano o kela mau wahi i haii@ ae la maluna. Ke komo pu aku nei makou me oe iloko o ke kumakena pu ana no kou Pokii i aloha nuiia.
Nolaila, ma o na Komite la, ke waiho haahaa aku nei i ka makou mau olelo Hooholo, oia iho keia:
Hooholoia Ke hoike aku nei makou i ko makou aloha alii, me ke komo pu ana aku me oe iloko o na wa kumakena no ka make ana o kou Pokii.
Hooholoia: Ke ka@kau kumakena aku nei makou me kou mau Poki@ kuahine, a me na alii papa o ka.
Hooholoia Ke kumakena like aku nei kou mau makaainana a pau ma keia mau palena aina e noho u nei, a ke hoike aku nei lokou i ko lakou welina paa ole iaia.
Hooholoia Ke kulou hiahaa aku nei makou na lala a pau o keia Hui, imua o ke Akua Mana Loa, a ke nonoi @ ku nei hoi makou i ka lokoma kai o na Lani, e hoomama mai i kou naau kaumaha, a Nana hoi e kokua mai ia oe i na wa a pau @ keia kumakena ana ou a me makou.
{W. S Lokai.
{En@t@ Kaulana.
No Komite. {J. W. Leimakani.
{Joseph. Kealohanui.
I KA MEA KIEKIE KA@ MAKUAHINE@ ALII RUTH KEELIKOLANI, Aloha oe: Ua hiki mai ka lono luuluu kaumaha, a minamina ia makou, ika ilihia ana mai o ka pilikia kuhohonu maluna ou, me ka ohana alii, a me ka Lahui holookoa, ma ka lawe ana aku o ka mea Mana Loa i kau Hanai 'Lii "ke La Ka Mea Kiekie Wm Pitt Leleiohoku," a hooiliua hoi o ka Noho Moi o ke Aupuu Hawaii.
Nolaila o makou o na makaainana o ka Apana o Koloa, mokupuni o Kauai, ke Komo pu aku nei me oe iloko o ke kenikau pu ana, a e lawe pu hoi i ka naau eheha, o ke al@ha minamina Hanai Haku A@i.
A ke nonoi haahaa aku nei makou i ke Akua Mana Loa e hoomamaia kou naau kanimaha a e alakai hoi ia oe ma ke alanui e pomaikai ai.
O makou no, me ka haahaa ma o na
{A. W MAIOHO.
Komite, {D KEALAHULA.
{H NAKAPAAHU.
{J H MAHOE.
Koloa, Kauai, Aperil. 16, 1877.
I KA MOI KALAKAU, Aloha oe: Ua oluolu i ka Makua Mana Loa k@ lawe ana aku i ke ola o kou Pokii ke A@i ka Mea Kiekie Wm Pitt Leleiohoku ka Hooilina Moi o ke Aupuni. Nola la, o makou o kekahi n@ehune lepo Makaainana e noho pio ana malalo o na kanawai o ke Aupuni, e noho ana hoi ma ko makou home "Halepaahao ma Honolulu Oahu," ke komo pu aku nei makou me oe i loko o ke kanikau kumakena no kou P@k@i @ aloha nui ia, Nolaila, ke waiho haahaa aku nei makou i ko makou k@nikau aloha e ehia launa ole mai, ma ko makou mau Komite ala, me ka waiho pu an@ i k@ makou mau olelo Hooh@lo, ola keia.
Hooholoia. Ke ho@ aku nei makou i ko makou aloha alii ma ke komo pu ana me oe i loko o na wa kumakena uo kou Pok@ aloha nui.
Hooholoia K euwe pu aku nei makou me ke kan@kau pu ana me na kaikuahine Alii @ O@ua, a me ua A@i hana@ o ka @iua a me ka Lahui holo@koa me ke k@lou haahaa pu ana i mua o ka makua kiekie loa, e hoomama mai i kou koumaha i loko o keia mau la kanikau.
Na Komite. {G W Kalohai
{S N. Kalehuawehe.
I KA MOI KALAKAUA:
Aloha Oe a me ka Ohana Alii: O makou, a ma ka inoa o na makaamana o ka Apana o Lihue, ke waiho aku nei makou malalo o kou Kiekie, ma ke ano he Makua no ka Lahui, i ko makou mau hoalohaloha walohia.
I ke hiki ana mai o ka lono i o makou nei, ua hala aku la ma ke la aoao o ka make kou mu@ pokii, ka Hooil@ua hoi o kou Aupuni ma ka noho Alii, na ili iho la mal@ o kou mau makaainana ki minimina, ka luuluu, ke kaumaha, a me ke aloha kanohonu Ua kaom@ia na manao maikai o ko makou mau puuwai, ua piha makou i ke aloha nui loa.
Nolaila. ke huipu aku nei makou me oe a me kau Moi wahine e uwe pu ma keia aoao o ka Ina. A ke huipu aku nei makou me oe a me ka Lahui, e kanikau aku nona. A ke huipu aku nei makou me oe a me kou mau kaikuahine maloko o keia kaumaha hookahi. A ke lawe pu nei makou me oe i na ukana apau o ka ehaeha, ke paumako ka minamina a me ka ilihia ihi@hi o ke aloha pale@a ole. A ke hoomaikai aku nei makou i ke Akua no kana mauhana a pau i ko ke ao nei. Na Iehova i haawi mai a na@a no e lawe aku, e hoomaikai ia hoi ka inoa o Iehova. E ola ka Moi i ke Akua.
{S. R. HAPUKU.
{B. K. HOLI.
Komite, {J KALA.
{PAUL P. KANOA.
{H. KAHELE.
Lihue, Kauai, Aperila 16, 1877.