Ka Nupepa Kuokoa, Volume XVI, Number 16, 21 April 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

COME, OH COME TO JESUS

Gospel Snger p 91.

 

1

Ku, ku se, Hele mai,

Hele a kulou la,

Huli no, mihi pu,

Lawe i ke ola.

Cho-Hele io Iesu Hele ano no;

Aloha Iesu a hoola,

Hele io Iesu la.

2

Ku, ku ac, Hele mai,

Hele ano no la:

Ku Iesu, Hoa pu,

Hea me ke aloha.

Cho-Hele io Iesu, &c.

3

Lawe ae I ka wai,

I ka wai hoola;

Wai maikai, wai maemae,

Kahe ana nou la,

Cho-Hele io Iesu, &c.

4

Nana e, Ke ksu nei

Ko ke Akua inaioa;

Lelepao, la Iesu

I pakele oe la,

Cho.-Hele io Iesu, &c.

5

Na pokii, Awiwi,

Ko no mai maluko;

Malu no Ia Iesu,

Malu i kona koko.

Cho.-Hele io Iesu, &c.

6

Holo no, Ane, po,

A pau ae ke aloha;

A kau mai ka hoopai,

A auwe mau loa.

Cho.-Hele io Ieus. 

Hawaii

 

UAAWINA KULA SABATI

 

HELU 6 SABATI, MEI. 6.

 

KUMUHANA. Ka wi ma Samaria a me ka mea i pau ai.

 

PAUKU BAIBALA, II Na Lii 7:12-20.

 

12 Ala mai ke alii i ka po, i aku la i kana poe kauwa, Ano e hoike aku au ia oukou i ka mea a ko Suria i hana mai ai ia kakou. Ua ike lakou i ko lakou pololi ana, nolaila, ua hele aku lakou mai ko lakou wahi hoomoana aku e pee ma ke kula, i ka i ana’e, Aia puka lakou mailoko mai o ke kulanakauhale, alaila, lawe pio kakou ia lakou e ola aua, a komo iloko o ke kulanakauhale.

13 Olelo mai kekahi o na kauwa ana. i mai la, Ke noi aku nei au ia oe, e lawe lakou i elima o na lio e koe ana, na mea i koe iloko o laila, (aia, ua like lakou me ka Iscraela a pau e koe ana; aia hoi, ua like lakou me ka poe nui o ka Iscraela i make,) a hoouna aku kakou, a ike.

14 A lawe lakou i elua kaulualio, a hoo una aku la ke alii mahope o ka poe kaua o ko Suria, i aku la, E hele aku a ike.

15 A hele aku lakou mahope o lakou la, a Ioredane; aia hoi, ua paapu ke alanui a pau i na aahu, a me na mea kaua a ko Suria i hoolie ai i ko lakou holo kiki ana. A hoi mai na elele, a hai mai i ke alii.

16 A hele aku na kanaka, a hao lakou i ko kahi hoomoana o ko Suria. No ia mea, ua lilo ka bakeke palaoa no ka sekela hookahi, e like me ka olelo a Iehova.

17 A hoonoho aku la ke alii i ka luakini, i ka mea ana i hilinai ai ma kona lima, e malama i ka ipuka; a hehi iho la na kanaka maluna ona, a make iho la ia, e like me ka olelo a ke kanaka o ke Akua, ana i olelo ai i ka hele ana o ke alii io na la.

18 E like no me ka olelo a ke kanaka o ke Akua i ke alii, i ka i aua’e, Elua bakeke hale no ka sekela hookahi, a hookahi bakeke palaoa no ka sekela hookahi i keia manawa i ka la apopo ma ka ipuka o Samaria.

19 A olelo mai ua lunakiai la i ke kanaka o ke Akua, i mai la, Aia hoi, ina e haua mai o Iehova i na puka ma ka Iani, e hiki mai anei keia mea? I aku la ia, Aia hoi e ike auanei kou mau maka, aka, aolo oe e ai ia mea.

20 A pela i hanaia mai ai ia ia: no ka mea, hehi iho la na kanaka maluna ona ma ka ipuka, a make iho la ia.

 

Pauku Gula. “O na mea hiki ole i ke kanaka, o hiki no ia ike Akua.” Luka 1S:27.

Haalele kakou ia Elisai maloko o Dotana, ua puni oia i na enemi, i ko Suria poe koa e imi ana e hopu, a e pepehi ia ia. Ma kana pule ana, hoomakapoia lakou. Huli wale lakou i ka puka me ka niuau paha, anhea, la ka puka e komo ai iloko o keia kulanakauhale? Pane aku Elisau, ua lalau oukou aole o keia ke kulanakauhale, aole o keia ke ala, e hahai mai oukou ia’u a na’u e alakai a loaa ia oukou ka mea a oukou e imi nei.

A alakai oia ia lakou i hea. Mok. 6:19 A pehea lakou i ike ai, aia lakou iloko o Samaria? p 20. A ike Iorama, aia na enemi oua iloko o Samaria, a hiki ke pepehiia, heaha kona ninau ia Elisai, me ko Elisai pane? p 21, 22. Ua hanaia anei pela? A pehea ia poe hao wale? Makau ka poe hao wale i ka hele nou mai i ka sins o ka poe Iseraela; aka, pehea Benehadada, ke “lii o Suria i bana’i? p 24. No keia hoopuni ana ia Samaria, heaha ka pilikia maloko? p 25. No ka wi loa, a ai ole a ia ole, heaha ka i hoolapalapaia i mea ai?

Heaha ka wanana i hookoia? Kau. 28:53. 57? No keaha ka hoopii ana o ka makuahine i ke hi la Iorama? A lohe ke lii i keia ana ino ana a ka wahine, huhu loa oia ia wai? P 26-31. No keaha kona hahu ia Elisai? No ko Elisai pule ana i hiki mai keia wi: no kona pule ole paha i hoopauia keia wi.

No keaha ka wi loihi i ka wa ia Elia? A imi Ahaba e aha ia Elia? owai ka i hoohiki e oki i ke poo o Elia? Ua okiia anei kona poo?

Ua hoouna Iorama i ke kanaka e oki i ke poo o Elisai; ua okiia anei kona poo? Ua ike anei Elisai ua hoounaia keia elele e oki i kona poo? Nawai i hai? Pihoihoi anei oia. Heeha kana olelo.  p 32 Ua hele ka elele a ku ma ka puka o ko Elisai hale. Ua paoi ia a paa loa a hiki ole ke komo; no keaha? no ka mea, ua haiia ia Elisai e ke Akua, ua loli ka manao o Iorama, aole make e make oia. Nolaila, ua hoopaaia ka puka a hiki ke lii ilaila, ahoole aku i ka pepehi ana. A ninau aku oia pehea? p 33. Ka elele ke lii paha ka po no. Ke ano paha keia, Ua akaka i ke lii no Iehova mai keia wi, keia pilikia nui. A e ninau ana oia ia Elisai i ka pono, i ka loihi, i ka mea e pau ai. Ahea e pau keia pilikia? No keaha ka pau ole? Mok. 7. Pehea Elisai i pane aku ai? p 1.

P 2. Owai kai hoomaloka i ka Elisai olelo? Olelo oia pehea? A pehea Elisai i pane aku ai? No keaha e ai ole ai oia?

P 3. Ehia lepera mawaho o ka puka? No keaha ko lakon noho ana mawaho? Oihk. 13:46. Heaha ka lakou olelo kekahi i kekahi?

P 4. A kuka pu lakou e aha?

P 5. A hele lakou a puka i kahi i hoomoana ai ko Suria poe, aia hoi, heaha?

P 6. No keaha ke kanaka ole? Heaha ke kuhihewa?

P 7. No keia kuhihewa pehear ko Suria poe?

P 8. A ike na lepera, aohe kanaka, heaha ka lakou hana no lakou iho?

P 9. Hoapono anei lakou i keia hana no lakou wale iho no? Heaha ka pono?

P 10. Hele lakou a kahea aku ia wai? a olelo pehea?

P 11. A aha ua kiai puka nei? A nawai i hai i ke lii ia Iorama?

P 12. Heaha ke kuhihewa o ke lii?

P 13. Heaha ke noi ana o kekahi o na kauwa? He noi naauao ea.

P 14. Ae anei ke lii?

P 15. Hele lakou a hiki i hea? Aia hoi, ua aha ke alanui? A hoi na elele a hai ia wai?

P 16. Hele na kanaka a aha? Nolaila, ua kuai ia pehea? e like me keaha?

P 17-20. Heaha ka olelo a Elisai i hookoia no ka luakini hoomaloka? Heeha kana mau hua olelo hoomaloka?

Ua ike maka anei oia i ka bale, i ka palaoa a nui wale? Ua ai anei? No keaha ka ai ole?

Mele.-Him. 469. S-7. Pauku 1, me ka4.

 

Na ninau a ke kahu.

 

Ua hoomakapoia kekahi, a alakai ia iloko o kahi pilikia a mai make lakou, pehea lakou i ike ai i ko lakou pilikia? Owai ka poe i hoomakapoia i keia wa a ike ole i ka pilikia, i ka make mau e kau mai ana?

Na keaha e hookaakaa in a maka i ike kanaka i keia make e kau mai ana? Pehea e loaa’i ka mana o ka uhane? Heaha ko kakou pono i na enemi?

Hai paanaau mai Rom. 12:20. Mat. 5:44.

Ua ike Benehadada ke lii o Suria i ka mana o Iehova, i na hana mana a Elisai, hoomaloka, a hoopilikia hou nae i ka poe Iseraela, makau ole i ke Akua, me kana mau kauwa Owai ka poe hoohalike me ia i keia wa?

Hai ma ii ke kumu o ka wi ma Samaria, i kekahi hana ino a na makuahine. Kuhi o Iorama, nawai keia pilikia? Pela anei i keia wa, kauia na pilikia maluna o na haipule? Ka emi ana o keia lahuikanaka, ua kauia maluna owai e kekahi poe? Ka naaupo o kanaka Hawaii, a ike ole i ka olelo haole, ua kauia maluna owai?

Nui na Ahaba, na Iorama i keia wa. Nui na Elia, na Elisa, i kuhihewaia no lakou na poino.

Hai ma i ka mea i pau ai ka wi ma Samaria. Ma keaha kakou e hoohalike ai me kela poe lepera? Heaha ka hope o ka hoomaloka? E ike ana i ka lani, aole nae e komo aku.-

Mele.-Him. 248. S. Pauku 1, 3, 6.

 

NA MEA PILI I NA HOME

Helu 6

 

Ma ka Helu 5, na haiia’ku kekahi mau hana maloko o ka hale, i mea e pomaikai ai, e olioli ai, e kuouoono ai na lala o ka home. Aole nae i pau na hana. Eia kekahi mau hans;

1 Ka hana kamana a na kane me na keiki kane. He oihana loaa koke ia,aole pohihibi, aole paakiki, aole hakalia ka loaa ana o ka ike Hiki no i na kane, na kiekikane, ke hele in a Hale kamana a uana i ke ano o ka hana ana, a hoi i ka home, a hoohalike. I hiki ke hans, pono ke hoolokoia ka home in a mea e pono ai, he hale kamana uuku paha, he wahi rumi, wahi kihi, wahi koono paha, he pahiolo, he koikahi, he hamare, he mau wili, mau kila, mau kui, i pahu e waiho ai ia mau mea, i papa hane, i hosna; a e ao na makua i na keiki kane.

Nui na hana kupono ke hanaia ma ka home me ka hoolimalima ole i na kamana maoli, a like ole ke dala ia lakou.

2 KA MAHELEHELE A HUMUHUMU lole o na kane, a keikikane, ke kalai noho laau a noho lio, noho bipi, me na mea e ae e pili ana ilaua: ka hana kumeka, ka hili kauli, o ia kekahi mau hana, me na hana e ae e loaa ana la ka noonoo a ma ka ike maka.

3. Na hana mawaho o ka hale. Nui ia mau hana e pili ana i na kane a me na wahine, i na keikikane me na kaikamahine. Pono ke hoolakoia ka home i eka a mau eka aina. O ka pa ka mua e pono ai, a e malu ai. E hanaia ka pa, pa laao, pa pohaku paha, pa uwea paha. Hana no a paa pono, i ole e komo ua holoholoua. A paa pono ka pa alaila, e waele, e kipulu, e hoopulu, e kanu i na laau o kela me keia ano, na laau nui, na laau liilii, ua laau, pua, e kaoo kale, kanu uwala, kano ipu, kanu papapa, kanu kope, e kanu i na mea he oni wale: e nana i na mea haole, a e hoohalike. E waele pinepine, uhuki a hoolei aku i na mea keakea i ka ulu ana o na mea maikai. E hookahe pine i@e i ka wai @e maloo. I pauma paha kekahi e loaa ai ka wai, i wih@ kani paha. E oki a kaawale na laau a lal@ maloo, i ulu pono na lala i koe. Ina e naha ka puka me ka pa, e ha na koke i paa hou.

Ma na mea ulu ma ka mala, e loaa’i na mea ai u aka ohana, me na mea kuai aku paha ia hai.

4 Ka hanai holoholua kekahi hana e pono ai ka home. I mau bipi kane kauo, i mau bipi wahine waiu kekahi, i mau lio paha kekai. E @ohana i na bipikauo, i na lio ukana; e uwi i na bipi waiu, i loaa ka waiu no ka ohana; e hana hoi i waiutbata, i waiu paa, no ka ohana a no ke kuai aku kekahi. E ao i na keiki i ka uwi bipi, a hana waiu bata, a kakawahie, a mahiai, a hoomaemae  i ka mala i ole e noho wale a ike ole, a hawawa ke oui ae.  E hoolako ia lakou i na a oo, nakoi, na ho, na kopala, na kahi opala, na kaa liilii (wheel barrow) nau mea hana a pau.

5. Na paani. Pehea no paani? ua kapu anei? Aole paha. Oia kekahi mea e piliai na keiki i na home, a e pomaikai ai na home. Ua hana a na keiki holoholoua, keiki manu no ka paani kekahi. Ka ai ana ka hana mua, ka paani ka hana elua, A hui pu na makua me ua keiki i kekahi manawa ma ka paani ana. Pela na keiki, ka hana mua, ka ai waiu ana, ka hana elua. ka paani ana. A pono hoi na makua ke hoohauoh a hoakaaka i na keiki ma ka paani pu ana.

Nui no na hana paani. He mea pohihihi pae ka helo pono ana.

Ka wa paani. O ka wa ai waiu a pau, me ka wa kaahele, a hiki i ka makahiki ekolu paha. He wa kupono ole kekahi hapa o keia wa no ka paani, oia hoi ka wa pule ohana, ka wa halawai ma ka halepule, ka wa hoano hoano na la Sabati. E ao in a keiki e noho malie ma ka nui o keia mau wa. A lawweia lakou i ka luakini, mai hoowalewale na makua, ua keiki nui i na keiki liilii e paani E hoolako na makua i na keiki me na mea maikai e paani ai, a e ao hoi ia lakou i na paani maikai. I mau laau liilii huina poepoe. I mau hua kupo no, i mau mea hookanikani, i mau kii lio, kii kanaka, kii pepe (doll), i mau kaa hilii e hooholo ai, i mau mele hoolealea, a i mau pahi okioki, i mau lio laau, i mau apo e hookaa ai, me na mea ano like. Nui na paani, ke kinipopo, ka holo a pee a hea, ka lelekoali, lele kaula, lele iluna ilalo.

Na paani keia e pili ana i na home, i na pa o na home, aole ma kahi e aku.

Na na makua no e imi, a hoike i na paani kupono. Mai hoala i na paani pono ole, na hula, na oli lapuwale, na paani pepa, ua mea e alakai ana i ka hewa. E ao hoi i paani oluolo, me ka huhu ole, hakaka ole, kui ole. E ao hoi i ole e keakea na paani i na hana, i na kula, i ka wa e nue ai na keiki. He wa hana kekahi, he wa kula. he wa paani a hoomaha.

E ao oo  hoi na makua, o hoopau wale lakou i ka manawa ma na lealea lapuwale, ma na paani kupono ole ia lakou.

He mea nui keia. Ua lawa paha no keia manawa. Mahope paha e hahai hou is.

Aole i pau.

 

NA PALAPALA I KE KUOKO.

 

Hoole i ka haina o kuu nane i hoikeia ma ka “Lahui Hawaii” o ka

Mahina I Hala.

 

E KA NUPEPA KUOKA E:  Aloha oe:

E oluolu mai oe a me kou Luna Hooponopono, e hookipa aku ma kahi kaawale o ka ipu kukui pio ole i ka makani kauaula, “Nupepa Kuokoa” i ike mai ai ka mea nana ka haina e waiho nei, G W. Kaiakakehau, i hoike ia ma “Ka Lahui Hawaii” o ka mahina i hala, nana ka haina o ka uaue he “Loulu,” me ka manao paha o kuu makamaka ua loaa no kuu pano ole’ku.

Ke hoike aku nei i mau o oukou e ka poe noiau e heuhelu ana i ke “Kilohana Pookela o ka Lahui Hawaii” a me kuu makamaka maikai G. W. Kaiakakehau, “Aole i loaa ka nane” A penei ka helu helu ana o na olelo o ke nane: “Heaha ka loa i like ole me kono laula, o kona ili noia o waho. Ewalu ka huina o kona mau wawoa, e hele ana oia i mua o ka poe kiekie a me ku haa@. aole hoi e @ ka hoowahawahaia ia ia.

Nolaila, e hoomaopopo pono ka mea e imi ana i keia nane, i na olelo o ka nane, mai pono hai wale mai ke ole na wehewehe maikai ana, a oiai hoi ka makemake o ka mea nona ka nane.” Eia hoi kekahi, ua hai mai kuu makamaka maikai, o na wawae 8 oia no na niau 8 o ka loulu, e nana kakou; he hiki i ka aa loulu ke hele i mua o ka poe kiekie a me ka poe haahaa ma na niau 8 ke ole ke kanaka nana e lawe i mua o ka poe kiekie a me ka poe haahaa.

Nolaila, e waiho aku ana au i mua o oukou e na keiki noeau o kuu aina makuahine, kuu aina haaheo o Kohala, na oukou e hai mai i kekahi hunahuna o ka manaki apaapaa, oia hoi ka nane a ko oukou pokii e waiho nei i mua o na Liona puni koko o ka ike hohonu imi nane o Honolulu. Ia oukou hoi e na keiki lalawai e noho ana i ka punana o ka ike, i pulu hoi i ka ua Kanilehua o Hilo Bay. Ia oukou hoi e na opuu rose o Haleakala, i pulu i ka ua Ulalena o Paholo, a hiki loa aku Lahainaluna e pue mai lai ke anu o ka ua Paupili e uleu mai, e hai i ka nane a ko oukou makamaka.

E hai aku ana no au i keia nane, ke nele mai ia oukou ka haina. E wiki mai, e na hoo noiau!

No ka Luna Hooponopono ke aloha pumehana, a na keiki ulele hua kepau o ka Hale Pai ke aloha huihui.

Me ka mahalo.      G.W. Kalohai.

Aekai o ke kaona, Honolulu Apr 9 1877.

 

Pane ia M. N. Ikepono

 

E ka Nupepa kuokoa e; Aloha oe:

E oluolu mai oe ia’u e hookomo iho makahi kaawale o kou kino holookoa, a nau ia e hai wikiwiki aku i ike mai kuu hoa nona ka inoa e kau ae la maluna, nona ke poo kukulu manao ana, Nu hou! Nu hou!

            Ua ike ia ma kou Helu 11 aoao 1 o ka la 17 o Maraki. Ua imi au i na mea hou iloko o ka Nu hou o kekahi kanaka i kapa ihio i kona inoa Ikepono, aole ia, o ka pololei o Ikeponoole, a o Ikewahahee kona inoa kupono. Ma ko’u heluhelu ana a hoomaopopo i ke ano io o kana mea e hoolaha nei. Oiai aole oia i kamailio pu me ke kahuna Katolika, a hookomo iho ai oia i kela mau olelo “Piipiikai.” O ka mare ana anei a kanaka ka mea hou? aole paha. O ka huli ana anei o na kanaka ma ka hoomana Katolika i ka wa e mare ai? aole hoi; no ka mea pela no i na manawa apau. O ka mea Katolika i makemake e mare me ka mea Katolika ole, ua hiki no ke paakiki oia. Aole nae pela ka poe manaoio i minamina ko lakou pomaikai iho, a me ka lakou mau keiki.

            Heaha iho la ka mea hou malaila? Ke manao nei au, aole; ua manau au o oe no. E Ikeponoole, ka mea au i manao ai, ua huhu oe i ko makou kahuna, ma kau olelo ana i ka hooweliweli i ka wahine, me ka awilipuia hoi o ka mana aupuni me ka mana Uhane; Oia anei? Heaha iho la ka mana Aupuni me ka mana Uhane i awili puia iloko o ka oihana a ko makou Kahuna O ka bapatema anei? aole paha. O ka mare ana anei? aole hoi; no ka mea, na ke aupuni no ka palapala ae mare, aka, na ke Kahuna no ka mare ana. O ka mana aupuni hea la kau i ike ai i hanaia e ko makou Kahuna? nana anei i kakau i ka palapala ae mare, a mare aku? Eia mai ka oello oiaio a kela wahahee i hoopuka ai; o makou na makui me ka makou keiki, ke hoike aku nei makou i ko makou makemake ole, ke mare ia oia me kekahi wahine Moremona, no ko makou ike pono, he mau wahine lalau ka nui o lakou, no ko lakou manao paha e hiki no ia lakou ke malama i na kane lehulehu, e like me na kane moremona e malama nei i na wahine lehulehu mamuli o ko lakou kanawai hilahila.

            Hookahi wale no mea a ko makou Kahuna i papa ikaika mai la, o ka noho pu ana o na keiki ma ka hale hookahi mamua o ko laua mare ana; aka ae koke mai la ke kaikamahine e bapatemaia; ia manawa hele aku la oia e koi i ke Kahuna i mua o kona alo, mamua ae o na hebedoma ekolu o ka mare ana, me ke noi aku e bapatema ia mai, hoole aku ke Kahuna, me ka i aku ia ia e kakali a i ka wa e mare ai; ua maopopo no i na mea apau, aole loa i koi hooweliweli ino aku ke Kahuna ia ia. Pehea la e hiki ai ke hoolike aku i ua Kahuna la me ka poe Mahometa kahiko? Nani no ka ike ole, a me ka hilahila ole o kela hoahanau Moremona, nona ia hoaewa kumu ole i ka wa i puka mai ai ma na nupepa haole ka nuhou wahahee ole, a o kekahi Epikopo Moremona, nona ka hoopai ia aku i ka uku he make, a kipu@ iho la e ke aupuni Amerika, no kona pepehi ana’ku a make loa kekahi poe kanaka i makemake ole ke huli mai i ka aoao Moremona, nolaila, he mea pono paha i ka Lna Hooponopono oia nupepa e hookipa hou aku maope iho: ina olelo hoino, a me ka niania wale me ka imi pono ole a me ka hoi ole i ka inoa pololei ona na lakou ia mau nuhou wahahee, no ka mea, he mea kaumaha hoi no kekahi poe nui lawe i ke Kuokoa. Ina oe e hele mai e launa, a kamailio.

Owau no,

GABERIELA KAMAI,

Papaakoko, Koolauloa, Mar. 26, 1877

 

KA AILA BALAKI A PINKHAMA!

HeMea

OLE KA WAI I KELA AILA HAMO!

Palupalu Maikai na Ili Hooluu.

 

Ke noi haahaa ia’ku nei oukou, e hoao iho i keia

Aila Balaki, Hamohamo Palewai, Hoopalupalu Ili.

 

            E kuai a e hoao i na Buti. Kamaa, Ili Kaao Kaa, a i na mea ili hooluu e ae paha i loaa ia oukou. Ua lana lo aka manan, ina oukou e hoao ana pela, e nahalo ana oukou, a hoomaikai aku auanei me ke kanalua ole Ina e hamo pinepine ia i keia

 

AILA BALAKI HOOPALUPALU ILI,

 

            E mau no ka palupalu maikai o na ili, me ka nakaka ole. Aole hoi no ka wa ua wale no e pono ai keia Aila, aka, no ka wa la kekahi. He 50 Reneta no ke tini.

 

Aila Inika Balaki Hoomau Ili a PINKHAM.

            He mea maikai loa, i hanapaka maoliia no ka hoopalupalu ana i na ili kaa lio, na kaulawaha lio, na noho lio, a pela aku. E hoao oe    Kumukuai no ke kini 75 keneta.

 

Na Olelo Mahalo.

Hilo, Nov. 5, 1875.

Ua hoao pono wan i na Aila Hamo Kamaa e ae, a ua hoao pono no hoi i ka Aila Hamo Balaki a G. S. Pinkham: a ua hiki ia’u ke olelo me ke kanalua ole, o keia Aila ka helu akahi, a me ka oi o ka maikai, o na Aila Balaki a pau a’u i hoao ai.

A.O. Forbes.

 

Ua hoao maua i na Aila Hamo Kamaa a G. S. Pinkham & Co., a na oi aku ka maikai mamua o na Aila Hamo Kamaa mai na aina e mai.

R.A. Lyman,

S. KIPI

 

Hilo, Nov. 10, 1875.

            Ua hoao pinepine au i na Aila Hamo Kamaa a G. S.Pinkham & Co., a ua manao no au oia ke Aila Balaki Kamaa maikai mamua o na aila a ae a’u i hoao ai mamua, a he oiaio keia.

C. K. Hapai.

 

Hilo, Nov. 10, 1875

            No ko’u ike oiaio loa o ka Aila Hamo Kamaa a G. S. Pinkham he Aila maikai loa no ka Hoowaliwali i ka ili.

D. Kamai.

 

Hanaia e G. S. Pinkham & Co., ma Hilo, Hawaii.

E kuaiia aku no e Bolles & Co., Agena, ma Honolulu. 790 3m 792

 

Lole Makepono ke Kuike!

E LOAA NO IA MA KAHI O

KAKELA ME KUKE,

E LAA NA

AHINAHINA,

KALAKOA,

KEOKEO,

LEPONALO

Pena, Aila, Auiani

Na Mea Piula,

Kopa, Aila Honua,

Aila Hoomaloo

Kui Kakia Pakeke,

Tabu, Kaula, Noho lio,

Hulu-palaki, na Pulumi.

A he Agena no hoi no na Makupuni o Hawaii nei no na

LAINAKINI-NAO,

LAINAKINI-MAILI

PALULE KALAKOA,

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhula,

Na Lole no ka hoohehelo ana

Lipine, lihilihi, a me ia mea;ku

 

A HE

 

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina &c.

 

A HE

LAAU; LAPAAU KAULANA LOA

A Dr. Jaynes

Laau, Kunu,

Laau Hoomaemae K oko,

Laau hoopao naio,

Penikila, Huaale,

A me na Laau Hamo, a pela’ku

788 3m S0I

 

Papa! Papa!

No

ALLEN A ME ROBINSON.

Ua wehe ae nei maua i

PA KUAI PAPA!

MA KA

UWAPO O PAKAKA.

 

Na Papa Ulaula o na ano a pan.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

Na Pani Puka a me

Na Pani Puka Aniaai.

Na Pani Puka a me

Na Olepelepe.

 

Na lako kukulu Hale

O NA ANO A PAU

E KUAIIA MA KE

Kumukuai Haahaa Loa!

o keia Makeke.

Allen & Robinson.

Honolulu, Aper 12, 1876.       783 3m 801

 

ANOAI I KA LEHULEHU.

E kipa mai a e nana,

i kumaka ai ka ike i na waiwai nani loaa mai nei iloko o na La Kulaia iho nei.

 

Penei kea no o ua mau waiwai la:

N Wati a me na kaula Gula,

a na Lede a me na Keonimana!

NA KAULA OPELE A NA LEDE

NA KOMO GULA NANI O KELA A ME KEIA

ano o na Lede a me na Kiounimana!

NA KUPEE GULA,

NA LIPINE GULA,

Na gula pepeiao o na wahine!

e oaka ai i na pepeiao, a e hulali ai hoi na manamana lima, a e kilipohe ai hoi na a-i.

 

Na komo humuhumu gula a me ke kala,

Na pihi pulima gula wahine a kane,

Na lakela gula lei wahine nani,

Na komo daimana o na Lede.

Na kaula laketa,

Na pine omau kihei,

Nalaketa aniani,

Na huka gula wahine

 

NA LAKO HALE.

NA PUNA,

NA PAHI,

NA KIAHA, KALA,

NA APO KALA

NA KAWELE holoi lima,

NA o DALA o kela a me keia ano, a me na mea nani e ae no he nui wale.

 

E kuaiia aku ana no

ma ke kumukei haahaa loa i ko na wahi e ae o ke taona nei.

 

UA MAKAUKAU NO HOINA

mea nani no kanaka makua a me na kamalii.

 

Na Kama Paa Loa,

e loaa no maanei e like me ka makemake: a ina e loaa koke ka ino, he hiki no ke hoihoi mai

M. McInerny

Kihi o na Aianui Papu a me Kalepa    798 3m ‘811

 

E. T. Halolani.

LOIO!

EIA HE $20,000 E MAKEMAKE ANA E hoaie aku ma ka ukupanee haakaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nur.

            Hale Oihana, aie ma ka “Real Estate Exchange” Helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko inkou, a e hoopaaia me ka uku ole                              792 3m 815

 

Milo Kuai.

O ka poe makemake kuai MILO laau hana ipn paka, e hele moi i ka Halekuai o

KALE LONA, (Chas. Long).

Alanui Kalepa, Honolulu.       795 3ms.

 

MAIKELA LA A MAHOPE AKU NEI.

O KA UKU O KA

OHUA ONEKI O

NETI MERRILL,

            Mai Honolulu aku a me ka hoi ana mai he

ELUA DALA!

E.D. CRANE (Kapena.)

Mar. 16, 1877              798 6ms.