Ka Nupepa Kuokoa, Volume XVI, Number 16, 21 April 1877 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

KE XVI.         HELU 16        HONOLULU, POAONO,     APERILA 21, 1877.   NA HELU A PAU 803.

 

MAIKAI KA HOI KA PAPA!

A ME

Ka Laau o kou Hale !

No Hea la ?

KA I NO HOI NO KAHIO

WAILA MA !

Nana aku no hoi ia la,

O HI KA IO o KA LAAU o MAKAWAO

i ka ua mea o ka nani o

Na Papa, Na Laau

A ME

Na PONO KUKULU HALE

O NA ANO NO A PAU,

MA KE KIHI O

Na ALANUI PAPU a me MOIWAHINE,

Honolulu

MALAILA E LOAA AI E LIKE ME KA

makemake no ke

Kumukuai make pono loa

PAPA, PAPA, PAPA,

Na PAPA huluhulu,

            Na PAPA manoanoa,

                        Na PAPA i kahiia,

                                    Na PAPA kepa,

                                                PAPA hole keokeo,

                                                            PAPA hole ulaula

NA LAAU ! LAAU !

NA KUA,

                        NA KAOLA,

                                                AAHO,

                                                            MOLINA,

                                                                        PEAPEA,

PINE HULUHULU,

                        PINE I KAHIIA,

Na Papa a me na Laau Ulaula !

PILI ULAULA

            PILI KEOKEO

                        PANI PUKA,

                                                PANI PUKA ANIANI

                                                            IPUKA ANIANI,

                                                                        OLEPELEPE

 

PENA O NA ANO A PAU

Hulu Pena mai ka lilii a ke nui

AILA PENA !

AILA HOOMALOO,

                                    WANIKI,       PATE.

NA LAKO

o kela a me keia ano.

NA AMI-PUKA HALE,

NA AMI-PUKA PA

ANIANI !

Pepa aale me na lihilihi.

E LOAA NO MALAILA

Paakai Helu 1.

O KAKAAKO a me PUULOA

            No ke Dala kuike, e loaa no na mea a pau i baiia ae la no ke kumukuai emi loa.

            O na kauoha e pau mai Hawaii a Niihau, loaa'ku ana ia lakou, e hooko koke ae mai ana no ia me kalawa pono.

            E kipa nui ilaila, i ike i k oiaoa
759 3m 799

 

HE IWAKALUA TAUSANI LEGUE

MALALO O KE KAI !

NA MEA

KUPANAHA O KA MOANA !

KE ALA O KA MEA HUNA,

A O KA MEA

 

POHIHIHI O KA 1866 !

 

MAHELE II.

MOKUNA VI.

KE KAI MOKULIILII O HELENE.

            MA KA wanaao o ka la 14 o Feberuari, oili ae la ka Nautilo maluna o ka ilikai, a ia wa no au i awiwi ae ai i ka pii maluna o ka oneki, me ke ake nui o ka manao, e ike aku i kekahi mea hou, aka, no ka mau no o ke ano poeleele, aohe ike pono ia aku o ka aina.  A i ke ao loa ana ae, i keia aku la na kapakai o Pelusiuma, ma ka hema o makou.  Na ke au o ka moana i lawe ia makou mai kekahi kai a i kekahi.

            M ka hora 7 o ia kakahiaka, pii mai la o Nede Lana, a o Kosila mai no, a ia Kosila mai no, a ou pe ae la makou, a hookahi ka okukuu like ana, me ka kamailio ana i ua mea e pili ana i keia wahi hou, me ka ninau ano mai o Nede Lana ia'u, penei:

            "O ke kaiwaenahonua anei keia."  Pane aku la au, "ae, eia kakou maluna ona kahi i lana ai."  "Auwe! i keia poiho nei no ka hiki ana o kakaou"? ka ninau a Kosila, "Ae, i keia po iho nei no."  Aole o'u manaoio iki na hiki kakou i ke kaiwaenahonua'," ka pane a Nede Lana.

            "O kou ike ole ia e Nede Lana.  O ke kapaki haahaa e pohai ae la ma ka hema, la ea, oia no ke kapakai o Aigupita.  A ina oe e ka mea maka maikai, e nana pono loa aku oe i ka lae e oi loa ae la iloko o ke kai, alaila e ike oe, oia no ka lae o Awa Olelo," i pani ai a M. Aronaka.

            Alaila, haka pono loa aku la o Nede Lana; a i kona ike ana, hooho ae la oia.

            "Ae ! aia la ! ua pololei oe e ke kumu, eia kakou i ke Kaiwaenahonua.  A e hoomaka kakou e kukakuka iki i ko kakou hele ana, me ka lohe ole ia e kekahi mea."

            Ke hoomaopopo iki la no nae au i ko ia la manao.  Aka, i mea e maopopo loa ai, he pono e hoike maoli mai oia i manao; a o ko makou nee aku la no ia a ekolu ma kahi e kokoke ana i ka ipukukui a noho iho la ilalo.

            A hoolale aku la au ia Nede Lana e hoike mai i kona manao.

            A hoike mai la o Nede Lana, penei:  "he mea aka wale no ko'u wahi manao, oia hoi keia:  Eia kakou i Europa ; a mamua ae o ka lawe hou ana aku o ka moku o Kap. Nimo ia kakou ma na papaku o na kai akau, a i ole ia, ma ka Okiania (Ainamoana), he pono ia kakou e haalele e i ka Nautila."

            "E kuu mau hoa maikai, aole e hiki ia'u ke hoole i ko olua mau pono kuokoa aka, aole loa o'u manao e haalele ia Kap. Nimo.

            A ke hoomaikai nui nei au iaia, a i kona mau mea hele moana ; ke hoomahuahua mau ia nei ko'u ike i na mea o ka moana i kela a me keia la ; a ke kakau hou nei au i kuu buke hoike o na mea o loko o ka moana e like me ke ano maoli mai kinohi mai.

            A nolaila, e Nede Lana, kuu hoa maikai, e hai mai oe ia'u, me ka hoohunahuna ole i keia ninau, Ua uiha anei oe i ka noho ana iluna nei o ka Nautilo? 

            A hala paha he mau sekona, paue mai la nae o Nede Lana, Aohe o'u kauiuhu no ko kakou Kaahele ana malalo o ke kai, a he makemake loa au e hoopau pono ia ia hana a kakou, aka, ke hana nei no, nolaila, he pono kakou ke hoopau ia.  A oia iho la no ko'u manao.

            Ae, e Nede Lana, e hiki io aku ana no i ka hopena.

            Ninau hou mai la no o Nede Lana, I ka wa hea e hiki aku ai, a i ka manawa hea hoi?

            I kahi a me ka manawa a'u i ike ole ai, aka, ma ke koho wale ana, aia ma kahi i pau mai ai ka na kai ao ana mai ia kakou, i kona mau mea kupanaha.

            Ninau hou mai la o Nede Lana, Noke aha kou malama?

            "Ke lana nei ko'u manao, e pau ana na mea i ka hanaia iloko o eono malama e hiki mai ana, a ia pa e loaa ai ia kakou na pomaikai." ka pane a Kapena Nimo.

            "Iloko o ia mau malama eono e hiki mai ana , o hea ia wahi a kakou e hiki aku ai?"  Oia ka ninau a Nede Lana.

            "E hiki ana paha kakou i Kina iloko o ia manawa, oiai ua ike no oe he moku holo loa ka Nautilo, aohe mea e kaukaulua ai oia ma ka holo ana."

            "E Aronaka, ua popopo ke kahua o kou manao, oiai ke olelo nei oe no na mea e hiki mai ana ; a e hiki io ana paha kakou ilaila i nei ana no paha.  A ke olelo nei au no ka wa ano, a eia kakou maanei, nolaila, o ka wa keia e loaa ai ia kakou ka pomaikai."

            Ua pilipu ko'u manao, i kou e Nede Lana, a ke nalu nei au no kou kumu i waiho mai nei, nolaila, aole au e ike i ka manao a'u e hooholo ai.

            Ina pela e ke Kumu, alaila, he pono ia kakou ke lawe i kumu pohihihi, i mea hoohalike, e like me keia:  Ina paha e haawi mai ana o Kapena Nimo i keia la i kou pono kuokoa, pehea, ae no auei oe?  A ina hoi e haawi mai ana kela ia oe i keia la, i kekahi mea hiki ole ke hoano hou ia, e ae no anei oe?

            E Nede Lana e, eia mai ka'u pane no ia mau ninau, ua kue mai kou maa ninau ia'u, a nolaila, aole e hiki ia kakou ke hilinai maluna o ka manao maikai o Kapena Nimo, oiai ke papa mai nei ka pono io maoli iaia, mai hoopaa wale ia kakou.  Ma kekahi aoao hoi, ke kauoha mai nei ka pono io maoli, ma ua ike ia he pomaikai ke haalele i ka Nautilo, alaila, he pono e eleu koke, i ka wa e ike ia ai he wa pono.

            I mai o Nede, He olelo naauao ia au e Aronaka.

            Pane hou aku la o Aronaka, Hookahi mea wale no a kakou e makaala loa ai, oia hoi keia : I ko kakou hoao ana hoi e haalele iho i kaNautilo, he pono no e hana a ko, a i ole e ko, alaila,  o ka hiki ale no ia i kahi wa aku, a aole loa no paha o Kapena Nimo e kala mai ana ia kakou.

            I mai o Nede, He oiaio ia, aka, ke ike nei au, ua kokua oe no ka haalele ana ika Nautilo i kekahi manawa e ikeia ai ka pono, nolaila, eia wale no ka ninau nui, i ka wa e ike ia ai kekahi pono, alaila, he pono ke pulama koke ia me ka hoohakalia ole ia.

            Heaha la ke ano o ia olelo au e Nede Lana, "kekahi pono?"

            I aku o Nede Lana, Eia ke ano, ina e lawe ana ka Nautilo ia kakou i kekahi po a kokoke pilipili aina aku, ma kekahi kapakai o Europa, alaila, o ka wa no ia e hooikaika ai i ka au a pae i kula, a o ka palekana no ia.

            I ka lohe ana o Aronaka i keia mau olelo a Nede Lana, i aku la oia, Kiai ia me ka makaala loa i ka wa pono, a mai palaka iki i kekahi mea e pono ole ai ka holo ana.

            I aku o Nede Lana, Aole loa au e poina iki ana a hiki wale i ke ko ana o ia manao.

            Maanei i hoopau iho ai o Aronaka i ke kamailio ana me Nede Lana, ma na mea e pili ana i ka haalele ana iho i ka Nautilo, me kona kauoha aku ia Nede Lana, e kiai me ka makaala loa, a loaa ka wa pono e haalele ai i ka Nauitilo, alaila, e hai mai, i hookahi ka holo malu like ana, me ka ike ole ia e Kapena Nimo ma.

            Pane aku la o Aronaka, ia Kosila ma, Ke aneane lihi launa aku nei kakou i kekahi mokupuni i kapaia o Carpathos kekahi moku hoi ia o ka pae moku o Sporades, mamuli i ka hoike ana a Kapena Nimo i keia mau lalani,

            "Ma Carpathid i noho ai o Proteus Ke kahu hipa a Nepetune."

            Aia keia mokupuni mawaena o na moku o Rode a me Kerete.

            Ma ka la 14 hoi, hooholo iho la au e hoolilo i 2 mau hora o'u e ao ai au i ke ano o na ia o ke Kaimokuliilii ; aka, no kanui o na noonoo e ae, a me ka paapu o na puka o ka aoao o k Nauitiio, nolaila, ua waiho pu aku na manao huli ano o na ia.

            I kuu nana ana i ka ihu o ka Nautilo, aia hoi, e holo ana makou i Candia, kekahi mokupuni o Kerete, i ka wa kahiko loa.  Ma kuu wa i kau ai maluna o ka Aperahama Linekona, ua ala kue ae ka hapanui o keia mokupuni, i na hoomalu ana a ka poe Jureke.  Aka, o na hopena o ia kue ana, ua ike ole au.  Ina paha o Kapena Nimo kahi, ina la paha ua hahaiia mai na hua o ia hana ana, oiai oia kai ike i na mea nui a me na mea liilii o na aina a pau.

            Ia'u hoonanea ana maloko o ke keena nui, kauoha ae la o Kapena Nimo, e weheia na pani aoao o ka Nauotilo.  Ia hemo ana ae no, o ka ike koke ia aku la no ia o na ia i ka naholo ae mawaho mai o ke aniani o na puka aoao o ka Nautilo.

            Iwaena o ia mau ia, he gobie kekahi, he ia i wehewehe nui ia ke ano e Arisetotele.  Ma @ wehewehe ana i ke ano o kana mau hoakaka ana, ua hoomaopopo au, he gobie keia ia, a he mau ia e ae no hoi he nui wale, aole e hiki ke hoomaopopo aku.

 

Ke ano o na nana a ka Haku ma ka Pae Aina o Maikonisia ma ka MOKUPUNNI O MILE.

 

            O keia wai niu, he hiki ke hooliloia i malakeke ; penei e lilo ai i malakeke : Iloko o keia wai lolo niu, e hookomo iloko o ka ipuhao, a e paila e like me ka paila ana o ke ko, a pela no e hana'i a hiki i ka wa e lena'i ka wai, a o ka moa no ia.  I ka mo-a ana, e hapai ma kula, a maalili, o ka paakiki ae la no ia, a o ka lilo ana ia i malakeke.  O ko keia wa mai nei nae keia, o ko ka wa mua, he wahi okoa iki nae, a penei e hana'i : O kela puniu no i kau ia'i iluna, ma kela a me keia kumu, e lawe mai, a e ho-a i ka imu a enaena, o kalua i keia mau puniu me ua wai nei iloko, hookahi la e kalua'i, alaila, kii aku e hoao, a ina e mo-a, huai loa, a i mo-a ole, e kalua hou i hapa la, a kii aku, ua mo-a maikai, ua like loa me ko ka ipuhao maoli, a waiho a maalili, a o ke kohu malakeke loa no ia.  No ka wai kai.  -O ka wai kai, oia no ka wai i eli ia na punawai, e like me ko ua aina kahawai ole a me na aina ano au-kaha.  Ua ike nuiia keia ano wai ma na Kona i Hawaii a me kau wahi ano like.  O ua punawai wai kai nae olaila, aole no e like ka hana ana me ko Hawaii nei ka eli ia a hohonu, me ka hoomaemae ia a maikai, o ko laila, oia eli iho no a puapuai ae no ka wai, iho no na kiaha, a inu ae la no, a o ka pau no ia.  Aka, i ko mana hana ana i ko mana punawai maikai, e like ke ano me ko Hawaii nei, ia wa, ike mai la lakou, a hoopili mai la, a o ka poe i huli mai, aia lakou ke malama la, a ua haalele i ko ke au mua.

            35.  Ka lakou mau ipuhao.  -O na iwi niu, o ka lakou mau ipuhao no ia.  O ka ipuhao ma ka olelo Makala, "Ainbal," penei e hana'i :  E wa'uwa'u ia waho o ka iwi a maikai, a o ka ipuhao iho la no ia.  Ina he ai a he i-a paha ka mea i makemake ia e hoomo-a, e ho-o iloko o na mau puniu nei, a e kau aku iluna o ke ahi lanahu, a a-a maikai hoi, a mai hoopoina i ke kawili mau ana, o ino auanei ka mea ai, a lilo i mea ole.  Eia nae, elua a ekolu no kupa ana, o ka pukano ia o keia ipuhao, a lilo i mea ole.  I pono loa no nae i ka nui o ka niu.

            36.  Ka lakou mau upa ako lauoho.  O ka inoa o ka upa ma ka olelo Makala, "Jijej."  O ka lakou upa ako lauoho, he ahi, e ho-a i ke ahi a maikai, alaila, e hele aku a moe aku ke poo ma kae o kapuahi, a lu aku i ka lauoho iloko o ke ahi, a a-a ia mai la e ke ahi, a i ka pau ana, aole nae he maikai, oiai, ua loloa a pokopoko kahi.  O ka hoomaikai ana, na ka niho no e nahunahu, alaila maikai iki ae.  I keia wa nae, ua loaa hoi na upa, oiai, ua lawe ia'ku e ka Euanelio a Kristo a nui.

            37.  Na kahi lanoho o lakou.  -O ke kahi ma ka olelo Makala, ua like no me ka haole.  O na kahi lanoho, oia no na maiuu o na lima, aia no a hoomaka e kahi, e hoopili like i na maiuu o na ma namanalima, alaila kahi no, a hana no hoi i na pu lanoho, a hookomo ae maloko o na puka i hou ia'i ma ua pepeiao.  I keia wa, ua loaa na kahi, mamuli o ka mana o ka Euanelio.

            38.  Ka lakou mau pahi.  - O ka pahi ma ka olelo Makala, "Bokbok."  O ke kaulaaha ka lakou pahi ponoi, ina e makemake e oki i ka ia a a ai paha i ku i ka moku i ua pahi nei, e hikii mawaena a ma kahi paha i makemake, a e huki ma o a maanei, a pela iho la e moku ai na mea ai.

            39.  Ka lakou panana holo moana.  He panana no ka lakou, a o ka inoa ma ka olelo Makala, "Kenbakaijen."  Penei ke ano o ia panana :  E hana i na laau i huina-kolu, a e lawalawa i na kaula he nui na moe ana iloko o ka huina-kolu o ka laau i hana mua ia.  O na huina-kolu, oia no na ihu, a o na kaula i lawalawa ia, oia no na ale, a na keia mau kaula no e hoakaka mai i ka huli ana o ka ale o kela a me keia wahi, e like me Mile, Arno, Jeluij, &c.  O na hoku no kahi panana a lakou, e like no me ko Hawaii nei i ka wa kahiko.

            40.  Na laau o Hawaii nei i ikeia ma Mile.  Eia na inoa o na laau mai ka olelo Makala a i ka olelo Hawaii :

 

Inoa Makala.                                                                           Inoa Hawaii

Ni …………………………………………………………………….Niu

Me ……………………………………………………………………Ulu

Kano …………………………………………………………………Kou

Wot …………………………………………………………………..Ape

Bob …………………………………………………………………..Hala

Arme ……………………………………………………………..Mamaki

Keparan ………………………………………………………………Maia

Anamakiili ……………………………………………………Okupukupu

Kiob ………………………………………………………………….Lilia

Lo …………………………………………………………………….Hau

 

Aole inoa Makala o ka Ekaha e me ke Kaunaoa-pehu,  a me ke Kowali-pehu.  O keia mau laau, oia iho la no ka'u i ike ai ma ka mokupuni o Mile.

            41.  Na huaheiu, mai ka Akahi a hiki aku i kahi o na Tausani, &c.

 

Helu Makala.                                                                           Helu Hawaii.

Juon ………………………………………………………………..Akahi

Ruo ………………………………………………………………….Alua

Jilu …………………………………………………………………Akolu

Emen …………………………………………………………………Aha

Lailim ………………………………………………………………Alima

Jiljino ……………………………………………………………….Aono

Jiljilimjuou …………………………………………………………Ahiku

Drualiiok ….……………………………………………………….Awalu

Drualimjuon ………………………………………………………...Aiwa

Jonoul ………………………………………………………………..Umi

Jonoulimjuon ……………………………………………Umikumamakahi

Jonoulimruo ………………………………………………Umikumamalua

Jonoulimjilu ……………………………………………..Umikumamakolu

Jonoulimemen …………………………………………..…Umikumamaha

Jonooulimlailim ………………………………………….Umikumamalima

Jonoulimjiljino …………………………………………...Umikumamaono

Jonoulimjiljilimjuon ……………………………………..Umikumamahiku

Jonoulimdrualitok ………………………………………Umikumamawalu

Jonoulimdrualimjuon …………………………………….Umikumamaiwa

Ronoul …………………………………………………………..Iwakalua

Konoulimjuon ……………………………………..Iwakaluakumamakahi

Jilnoul …………………………………………………………..Kanakolu

Anoul ……………………………………………………………..Kanaha

Eimnoul ………………………………………………………...Kanalima

Jiljinonoul ……………………………………………………….Kanaono

Jilijilimjuonnoul ………………………………………………...Kanahiku

Drualitoknoul …………………………………………………..Kanawalu

Druatimjuonnoul ………………………………………………...Kanaiwa

Jibuki ………………………………………………………………Haneri

Rubuli ………………………………………………………..Alua Haneri

Limabuki ……………………………………………………Alima Haneri

Jiljinobuki ………………………………………………...…Aono Haneri

Juon tausan …………………………………………………Akahi Tausani

 

O keia helu ana, no ka wa i hiki aku nei ka naauao o ka Euanelio, aka nae, ua ano komo no nae na hua ma ko laila mau helu.  Eia ko lakou mau helu ponoi, ma ke ano helu palua ana :

 

Helu Makala.                                                                           Helu Hawaii.

Jokren …………………………………………………………..Iwakalua

Luakor ……………………………………………………………Kanaha

Jilukor …………………………………………………………..Kanaono

Aakor ………………………………………………………….Kanawalu

Limakor ……………………………………………………Akahi Haneri

Jiljilno …………………………………………..Akahi Haneri Iwakakua

Jiljilmijuon ……………………………………………..Haneri Kanakolu

Rualtok …………………………………………………Haneri Kanaono

Ruajimijuon ……………………………………………Haneri Kanawalu

Jonoul …………………………………………………….…Alua Haneri

 

            42.  No na himeni i hakuia e ka'u kane, a me na himeni i unuhiia mai ka olelo Hawaii a i ka olelo Makala.  -Nui no na himeni i haku a i unuhiia e ka'u kane, mai ka olelo Makala a i ka olelo Hawaii, a mai ka olelo Hawaii a i ka olelo Makala.  A eia iho kekahi mau himeni a me ko laua mau inoa:

AINEMN ILOLON.

 

1  Ewi ewi ajiri dri juro,

Ewi ewi ajiri juro,

E kar likit marmar iu mour,

Im rainemou ilolon.

 

Koba. -Ilolon renaj ber iber,

Ilolon renaj ber iber,

Ilolon renaj ber iber,

Ref ber ilo ke'nau ekal.

 

2  Ewi ewi dri Ka'nan Daniel,

Ewi ewi dri Ka'nan Daniel,

Ka'r joloko ilo ron in Laiona,

Imainemon e ilo lan.

Koba. -Ilolon renaj ber iber, &c.

 

3 Ewi ewi dri Ka'nan Elias,

Ewi ewi dri Ka'nan Elias,

E kar Katliklik ilo enej maren,

Im bao reven ko rej ajirinin.

Koba. -Ilolon renaj ber iber &c.

 

Eia ka unuhi ana ma ka olelo Hawaii :

 

KAMAIKI ILOKO O KA LANI.

 

1  Auhea auhea na keiki ludaio,

Auhea auhea na keiki ludaio,

Ua hooleiia iloko o ka lua Liona,

A ua maluhia iloko o ka Lani.

 

Hui. -Iloko o ka Lani e hui ai kakou,

Iloko o ka Lani e hui e kakou,

Iloko o ka Lani e hui ai kakou,

A noho iloko o ke Kanaana hou.

 

2  Auhea auhea la ke Kaula Daniela,

Auhea auhea la ke Kaula Daniela,

Ua hooleiia iloko o ka lua Liona,

A ua maluhia iloko a ka Lani,

Hui. -Iloko o ka Lani e hui ae me lakou.

 

3  Auhea auhea ke Kaula Elia,

Auhea auhea ke Kaula Elia,

Ua pee aku iloko o ka waonahele,

A na na manu tolaka oia i hanai.

Hui. -Iloko o ka Lani e hui me lakou

            Eia hoi ka mea i unuhiia mai ka olelo Hawaii a i ka olelo Makala, aole nae li.  ke loa ma kahi mea.  Eia ka moa ma ka olelo Makala:

 

ALEL IM LONLIN.

 

1  E lane kwoj monono,

Alel Alel,

Alel bareinwor bao ko,

Alel im lonlin,

Kevonalel eon Jisos Kristo,

Alel alel Haleluja,

Alel im lonlin.

 

Koba. -Alel Alel im monono,

E monono ne jeramon,

Jen ainiken kwoj alel,

alel im lonlia.

 

2  E lane kwoj buruomij,

Alel, Alel,

Amalel en kainemon,

Alel im lonlin,

Jisos ekar buruomij,

Alel ekar kainumon,

Alel buruomij en jako,

Alel im lonlin.

Koba. -Alel Alel im monono, &c.

 

3  Elane kwo jermon,

Alel Alel,

Kin men ko re mon ibom,

Alel ima lon lin,

Ilo ien kwaj Sabati Skul,

Ilo ien kwaj jerkabun,

Ilo ien kuj jerbal,

Alel im lonlin.

Koba. -Alel Alel im monono, &c.

 

Eia ke ano ma ka olelo Hawaii, a eia hoi ka inoa:

 

MELE OLE AE.

 

1  Ina he hauoli ko'u,

Mele, Mele,

Himeni e like me na manu,

Mele me ka olioli,

Oe e himeni ia Iesu Kristo,

Mele mele Haleluia,

Mele a Hosana Iaia,

Mele me ka olioli.

Hui. -Mele mele me ka olioli,

 

Olioli no me ka pamaikai,

No kou leo himeni,

Mele me ka olioli.

 

2  Ina he kaumaha kou,

Mele, Mele,

Na kau himeni e hoomaikai,

Mele me ka olioli,

O Iesu kai kaumaha,

O Kana himeni kai hoomaikai

E mele me ke kaumaha a nalowale

Mele me ka olioli.

Hui. -Mele mele me ka olioli, &c.

 

3  Iua oe e pomaikai,

Mele, Mele,

Ina mea maikai ia oe,

Mele me ka olioli,

Iloko o ke Kula Sabati,

Iloko o kou wa hoomaha,

Iloko o kou wa hana,

Mele me ka olioli.

Hui. -Mele mele ka olioli, &c.

He nui no na himeni, aka, ua manao au na lawa no ko kakou ike i keia mau himeni elua: nolaila, ua oki ia.

(Aole i pau.)