Ka Nupepa Kuokoa, Volume XVI, Number 13, 31 Malaki 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA. ME KE AUOKOA I HUIIA.

 

MY JESUS WILL PROVIDE

 

Gospel Singer. p 65.

1

E hanai kuu Iesu,

Ke nele io au ;

Me ia kuu launa pu,

A lako pono no.

Na pono o ke ao,

He mea ole no ;-

A nele io au,

E hanai kuu Iesu.

Cho - E hanai kuu Iesu, Iesu, Iesu,

Ke nele io au ;

Me ia kuu launa pu,

A lako pono no.

2

E hanai kuu Iesu

Ke pa na kanikau ;

Kai ia i kuu luuluu,

A maha kou naau.

A naue aku au,

Iesu ke hele pu,

A nele io au,

Cho. - E hanai kuu Iesu, &c.

3

E hanai kau Iesu

Ma keia au a pau ;

A kau ke make ia'u,

Me au no ia a mau.

Malalo o kuu poo

Ko ia la kookoo no,

A hee ae kuu makau -

E hanai kuu Iesu

Cho. - E hanai kuu Iesu, &c.

Hawaii

 

HAAWINA KULA SABATI

 

HELU 3-SABATI, APR. 15

KUMUHANA.-Naamana ka Lepera.

PAUKU BAIBALA.-2 Na Lii 5:1-14.

O NAAMANA ka luna o ka poe kauwa o ke alii o Suria, he kanaka koikoi imua o kona haku, a he hanohano o kona maka; no ka mea, ma o na la, ua hoolanakila mai o Iehova i ko Suria; he kanaka koa nui no hoi ia, a ua lepera.

            2 A ua hele aku ka poe koa hao wale, no ko Suria, a ua lawe pio mai lakou i kekahi kaikamahine oipopio mai ka aina o ke Iseraela mai; a ua lawelawe ia na wahine a Naamana.

            3 I aku la ia i kona haku wahine, I@ o kuu haku ma ke alo o ke kaula ma Samaria, ina ua hoola mai kela ia ia i kona lepera.

            4 A hele aku kekahi, a hai aku la i kona haku, i aku la, Penei a penei ka olelo ana a ke kaikamahine no ka aina o ka Iseraela.

            5 I mai la ke alii o Suria, O hele, o hele, a e hoouna aku au i palapala na ke alii o ka Iseraela. A hele aku ia ia, a lawe aku la ia ma kona lima i umi talena kala, a me na apana gula eono tausam, a me na lole aahu he umi.

            6 A lawe aku la ia i ka palapala i ke alii o ka Iseraela, i aku la, Ano, i ka hiki ana 'ku o keia palapala ia oe, aia hoi, na hoouna aku au i ou la ia Naamana i kuu kauwa, i hoola mai ai oe ia ia i kona lepera.

            7 A pau ka heluhelu ana a ke alu o ka Iseraela i ka palapala, haehae iho la ia i kona aahu, i aku la, He Akua anei wai e pepehi aku a e hoola i ke kanaka i kona lepera ? no ia mea, ke noi aku nei au, e noonoo, a ike, ke imi mai nei paha i mea no'u e hewa'i.

            8 A i ka manawa i lohe ai o Ehasai ke kanaka o ke Akua, ua haehae ke alii i kona aahu, hoouna aku la ia i ke alii, i aku la, No ke aha la oe i haehae ai i kou aahu ? e hele mai ia ano i o'u nei, a e ike auanei ia, he kaula no iloko o ka Iseraela.

            9 A hele mai o Naamana me kona mau lio, a me kona halekaa, a ku ma ka puka o ka hale o Elisai.

            10 Hoouna aku la, o Elisai i elele io na la, i aku la, E hele oe e auau iloko o Ioredane, ehiku auau ana, a e hoi hou mai no kou io ia oe. a e maemae oe.

            11 Huhu iho la o Naamana, a hele aku la, i iho la, Aia hoi, ua i iho au ia'u iho, E hele io i ka inoa o Iehova o kona Akua, a hapai i kona lima maluna o ka wahi, a e hoola i ka lepera.

            12 Aole anei e oi aku ka pono o Abana, a me Parepara, na muliwai o Damaseko, mamua o ko ka wai a pau o ka Iseraela ? aole anei e pono ia'u ke holoi iloko o ia mau mea, a maemae ? A huli ae la ia a hele aku la me ka huhu.

            13 Hele mai kana poe kauwa a kokoke, olelo aku la ia ia, i aku la, E kuu makua, ina i olelo mai ke kaula ia oe i kekahi mea nui, aole auei oe i hana ? oiaio hoi, i kaua i ana mai ia oe, E auau oe, a e maemae ?

            14 Alaila hele aku la ia ilalo, a lu iho la iloko o Ioredane, ehiku lu ana, e like me ka olelo a ke kanaka o ke Akua ; a hoi hou mai kona io e like me ka io o ke keiki uuku, a ua maemae ia.

            Pauka Gula. "E holoi mai ia'u, a e oi aku kuu keokeo i ko ka hau." Hal 51:7.

Mele Him. 241, 7-6. Leo Hosana kamalii.

1

Auwe ! kuu ano make !

Ia wai la e ola'i ?

O wai la ke kahuna

No kuu uhane mai ?

Auwe no kuu uhane !

Ua pilikia no,

Lolo, lepera, wela,

Hehena kuu manao.

 

            Pule i launa mai ka uhane e hoike mai i na hewa, e hoala i ka ninau no ka mea e ola'i.

 

Na Ninau a na Kumu.

 

            Mahope o ko Elisai hoola ana i ke keiki make a ka wahine Sunema, heaha kekahi mau hana mana a Elisai no ka mea make iloko o ka ipu h@o ? a no ka hanai ana i na kanaka he 100, a ma ona a koe ? 2 Na Lii 4:38-44.

            Mok. 5. P 1. O wai ka luna koa o ke lii o Suria ? Heaha, a mahea Suria? O wai ka inoa o kona alii? Ua lilo Suria ia Asuria memua iki aku ; a ma ka ikaika o Naamana i ke kaua ua hoi hou o Suria i kona alii mua. He kanaka koa nui oia, aka, heaha kona kina? Heaha ke kanawai no na lepera? Ua noho kaawale anei Naamana? no keaha ke kaawale ole ? Malama he hapa lepera ia.

            P 2. Ua hele ko Suria poe koa e aha? O wai kekahi mea i lawe pio ia? Mai ka aina hea mai? A lawe oia nawai ?

            P 3. I ka ike ana o keia kaikamahine, he lepera Naamana heaha kana olelo i kona haku wahine ? He kaikamahine aloha keia, ua ike oia ia El sai ke kaula, me kana mau hana mana.

            P 4. Ua aha ia'ku keia mau olelo a ke kaikamahine i ke ali i? O wa ia'lii? Iorama.

            P 5. Pehea aku la ke lii? E hele Naamana io wai la ? me ka palapala na wai aku, a ia wai ? Me ka makana aha? 10 talena dala ua like ia me 15,000 dala 6,000 apana gula ua like ia me 54,000 dala.

            P 6. Heaha ke kauoha a ke alii o Suria i ke alii o ka Iserael @ ke ku oia imua ona? Heaha kekahi hewa o ke alii o Suria?

            P 7. A heluhelu ke'lii o ka Iseraela i ke leta a ke'lii o Suria, pehea oia? a heaha kona kuhihewa ?

            P 8. Alohe Elisai i ka hana a ke lii o ka Iseraela heaha kona ninau, a me kana kauoha ? Ma keaha e ike ai oia he kaula iloko o ka Iseraela ?

            P 9. Pehea Naamana me kona mau lio a halekaa ?

            P 10. Pehea hoi Elisai me kana kauoha? a aha Naamana ? Mahea kekahi mau hana e pili aea pahiku ?

            P 11. Pehea Naamana, a heaha kona kuhi ana i ola oia ?

            P 12. Pehea hoi kona ninau ana no na @uliwai o kona aina ? A huli ae oia a hele aku me keaha ?

            P 13. O wai ka i uwao me Naamana, a ma na olelo aha ?

            P 14. Ua ae anei Naamana i na olelo uwao a na kauwa ana ? A pehea kona lepera ? Ka hana mana ehia keia a Elisai ?

Mele - Him. 120 6-8. Leo.

1

Aole koko e

E maemae @i kakou,

Aole koko kanaenae,

Ko Iesu wale no.

2

Iesu, no luna mai,

Ka mohai waiwai e,

A nana no e lawe ae

Na hewa a maemae.

 

Na Ninau a ke Kahu.

 

            Na makua. Heaha maloko o ka ipu hao? heaha ka hana i pau ai ia mea make ? Heaha na ipu hao ma ka hoopili ana, a me na mea make maloko ? Heaha ka palaoa e hoolei ai iloko i pau ia mea make ? No keaha ka mana o ka palaoa ?

            Na kaikamahine Ma keaha i lilo ai Elisai i hoailona no Iesu ? ma ka hanai ana i na kanaka he haueri me na popo berena he 20. Ai lakou a maona, a koe. Ua aha Iesu me na popo berena elima, me na ia elua ? Koe anei ka berena ? Nawai oukou e hauai ? Heaha ka berena ?

            Na keikikane. O wai ka luna kaua lepera? Nawai i kuhikuhi i ka mea e ola'i Naamana ? He kaikamahiue aha keia ? Heaha ka pono o na kaikamahine i keia wa ? O wai ka poe i like me na lepera ? ka poe hewa, lalau, auwana, hookuli, huli ole, mihi ole, ike ole. Heaha ka haua e pono ai lakou ? Pehea Iesu i na lepera, ia ia ma ka honua nei ? Heaha ka Iesu kaoha, ma Ioane 9:7 ? Ike anei? Heaha ka mea i pau ai ka lepera o Naamana.

            Ke kua a pau. I na he mau hana pahiku, ma ka helu ehia ka mana ? Ehia hoopuni ana ia Ieriko ? ma ka hoopuni ehia ka mana ? Ehia nana@ua, a pule ana no ka ua ? Ma ke pule ehia ka maua ? Ma ka auau ehia i ola'i Naamana i kona lepera?

            Na manao. 1 E hoohalike na keiki me kela kaikamahine pio, a e hoohalike kakou a pau me Elisai, ma ke kuikuhi ana i na mea e ola'i ka poe lepera ma ka uhane.

Mele. Mele hou, 8-7. Leo.

1

Nui koonei poe Naamana,

Na lepera e noho nei,

Ma ke kino, ma ka uhane,

Ma ke aha e ola'i?

2

Ma ka hele a auau la

Ma ke koko o Iesu ;

Ku a hele ano no la,

Auau no a ala pu.

            Pule no na mai a pau, na lepera, ma kekino ma ka uhane ?

            Haawina no Ap. 22-2 Na Lii 5:20-20

 

Hoike a E. Bailey, ka Ele-

LE O KA PAPA HAWAII. NO KA

PAEMOKU O MAIKONISIA

 

[Kakauia no ka LAHUI HAWAII.]

            Ku makou ma Maiana ma ka la 30 o Iulai; mawaho o ka lakuna ke ku ana, no ka mea, aole akaka ke k ana maloko, paapu ke akoakoa. I ka manawa kai make, hihia ka waa ke holo pololei iloko; loihi ka holo pio ana e komo ai. Aka, nani na kihapai akoakoa; he ula kekahi, ahiahia kekahi, uliuli kekahi, a pela aku. Nui no hoi na ia e holo ana iloko, a iwaho o na wahi hakahaka.

            I ka Sabati ko makou hiki ana. Holo mai o Rev. Nehemia Lono maluna o Hoki Ao ma kona waapa ka holo ana mai a hoi u me ia o Mr. Kapu ma a me Kanoa ma.Poakahi holo hoi au ma kona wahi maluna o ka waapa me ka waiwai o Lono. Hiki makou, he kai make, a ili ka waapa ma kahi loihi mai ka hale mai; nolaila au makou a hiki i uku, a kii mai la na kanaka i ka ukana o ka waa.

            Wikiwiki ka malama moku e hoi nolaila, pokole wale no ko'u noho ana mauka. Aka, ua ike au i ke ano nui o ke kauhale, ua like me ko Nahinu ma Japiteuea. Hai mai la o Mr. Lono i ka makemake ole o na kanaka o kona wahi i ka olelo a ke Akua; aka, ma kekahi kauhale ewalu paha mile mai kona hale aku, launa mai lakou a hoolohe i ka olelo. Pela no ke kula ma ua wahi la, e hele na kamalii i ke kula malaila, aole ma kona wahi e noho ai. Ua piha na kanaka o Maiana i ka manao kaua. E lili ana lakou i ke alii o Apemama i kona pepehi i kekahi poe o Maiana, pela ko lakou manao. Aka, aole maopopo lea, he poe puni wahahee keia.

            Pau ka hana ma Maiana, a makaukau makou e holo aku i Marakei, pohu loa ka makani. Elua la ke kali ana i ka makani, a i ke kolu o ka la, holo makou.

            Aole nui ka makani o keia pae aina, elike me ko Hawaii. Hiki ahiahi makou ma Marakei i ka la 3 o Aug.

            Holo au i uka maluna o ka waapa oiai e kalewa ana ka moku mawaho, no ka mea, aole wahi e kono ai ka moku i ka lakune ; a o ka papa akoakoa mawaho he haiki, a e pilikia paha ka moku ke paa i ke heleuma, o kekalewa mawaho ka pono.

            I ko makou holo ana i uka, nui na waa lawaia i loaa ia makou, he lamaku ko lakou, a lele nui mai ka malolo. He malolo nui a momona; mai pa makou i ka ia lele. Loaa ia makou ka hale o Rev. M. Kanoho ma kahakai; he kou ni ke ku ana ma kona alo, oia hoi ka hoailona no ke komo ana iloko.

            Ua oluolu ka noho ana o Kanoho ma, a ua holo maikai ka hana. Aka, loohia pinepine kana wahine i ka mai, a nolaila, ke kali nei laua i ka holo hou ana o Hoku Ao, alaila, hoi mai laua i Hawaii nei e hoomaha.

            Wikiwiki loa ke kapena e holo i Apaiana, nolaila, holo hou au i uka i ke aumoe, e hooponopono me Mr. Kanoho no ka holo ana. Olelo ke kapena, "aia hoi mai kakou mai ke komohana mai, ku@hou kakou maanei a hana i ka hana a pau, a lawe i ka aila."

            Ae mai la o Mr. Kanoho; nolaila, kau au maluna o ka moku, a holo makou i Apaiana. Aka, i ka hoi ana mai o makou mai ke komohana mai Dek. 11, nui loa ka nalu; aole hiki ka waapa ke komo iloko, me ka pilikia ka loaa ana o ka palapala a na misionari. Haalele loa ia ka aila mahina hou, a buke, a mai pilikia laua i ka loaa ole o ko launa lako no ka makahiki, aka, hookomoia ia iloko o ka pahu barela a paa, me ke kaula loihi, hukiia iloko o ka nalu a hiki loa mauka, alaila, holo loa makou.

            Kakhiaka o ka la 4 o Aug. komo makou o ka leguna o Apaiana, a ku ka moku ma ka aoao akau o ka lekuna kokoke ma kahi a na misionari e noho ai.

            O Rev. H. J. Taylor a me kana keiki; Rev. G Leleo a me kana wahine a me na keiki; W. Haina a me kana wahine a me na keiki; oia na mea i loaa ai makou ma Apaiana.

            Ma Nonouti o Leleo ma, aka, no ka nawaliwali ka hoi ana mai e noho maanei, a maanei oia e malama ai i ka hana a ka Haku a hiki i ka wa pono e hoi i Honolulu.

            Holo mai makou me ka manao e hoihoi ia lakou i Honolulu i keia holo ana, no ka olelo ia ana he mai Pake ko ka wahine. No ia olelo ana, hopohopo makou i ka launa aku ia laua e paa lima, aka, i ka halawai pinepine me laua i keia manawa, a i ka wa o ko makou hoi ana mai, mai ke komohana mai, ua maopopo lea i ko'u manao aole i pili ia mai i ka wahine a Leleo. He mai e wale no, aka, ua nawaliwali loa oia. No ka nawaliwali loa o ka wahine, hiki ole lakou ke hoi mai i Honolulu i keia wa.

            Aiai holo hou ka moku, holo mai. O ka manao o ke kauka o kekahi manuwa i ku malaila e like me ko'u, a pela no na mea e ae.

            Oluolu o Mr. Kela a me kana keiki; aole e like ka nawaliwali loa me kela mak. 1875.

            Holo ka hanaa ka Haku ma Apaian. I ko makou ku mua ana i ka malama o Aug., komo makou i ka hale pule i ka la Sabati, aole piha loa ka hale; aka, i ka hoi ana mai i ka malama o Dek., piha loa no. Hoolohe pono mai na kanaka i ka olelo.

            He kula nui kekahi a Mr. Kela e hoomakaukau ai i na kumu Kilipati e hapai i ka hana a ka Haku ma ko lakou pae aina. No ka mea, aole lawa na misionari Hawaii no ke kihapai, he hapa uuku wale no.

            Nolaila, e pono e hoonui i ka makaukau oia kula, i mau kumu hou, a i kala hou; a malaila e pai ai na buke; a mailaila aku e hoolaha i ka olelo a ke Akua ma Kilipati a puni. Ina e nui ana na misionari Hawaii, e aho ia; aka no ka loaa ole o na kumu Hawaii e lilo na haumana o lela kula i kumu no ko lakou aina ponoi. I keia wa e noho ana kekahi mau kumu no Samoa ma na moku hema, oia o Peru, Arorae, a pela aku. Aka, ua lohe ia ka olelo, e hoihoi ana na misionari Beritania ia mau kumu, a i keia manawa elua wale no kumu e koe.

            Aole e pono ke haalele ia kela mau mokupuni, no ka mea, lehulehu na kanaka oia wahi. Malia paha e lilo ana kela kihapai ia kakou ke loaa ka poe lawehana.

            O ke alii o Apaian kekahi e imi ana i ka pono, aka, he ano lauwili i keia manawa.

            I ka holo ana o Hoku Ao ma Maikonisia i ka mak. 1875, lohe ia ka pepehi ana o ke kanaka Kilipati i kekahi haole Beritania o Mr. Keyes. I ko makou hiki mua ana ilaila, lohe makou, ua hoopai ia kela pepehi kanaka a ua make. Hiki mai ka manuwa Beritania, a kono i ke alii o Apaian e hoopai. No ia mea, he ano makau na kanaka i ka hana ino i ka haole i keia wa. Aole ka! e like ka haole me ke kanaka.

            He poe ai kanaka ko Kilipati. Aole paha nui o na mea i hoao ole i ka io kanaka.

            Holo aku makou i ka la 8 o Aug., a pae ma Butaritari i ka la 9. Komo ka moku maloko a ku imua o ke kulanakauhale. Malaila o Rev. Mr. Kanoa a me kana wahine; malaila kona wahi e noho ai.

            O ka mokupuni hope keia ma ka Akau loa o na moku Kilipati. Nui ka ua maanei a nui loa ka hua ana o ka niu; he mokupuni momona no. Akahi no a ulu ka fern, aole ma ka hema.

(Aole i pau.)

KA AILA BALAKI A PINKHAMA!

He Mea

OLE KA WAI I KEIA AILA HAMO!

Palupau Maikai na Ili Hooluu

 

Ke noi haahaa ia'ku nei oukou, e hoao iho i keia

Aila Balaki, Hamohamo Palewai, Hoopalupalu Ili.

 

E kuai a e hoao i na Buti, Kamaa, Ili Kano Kaa, a i na mea ili hooluu e ae pal@ i @ oukou. Ua lana loa ka manao, ina oukou e hoao ana pela, e mahalo ana oukou, a hoomaikai aku auanei me ke kanalua ole Ina e hamo pinepine ia i keia

 

AILA BALAKI HOOPALUPALU ILI,

 

E mau no ka palupalu maikai o na ili, me ka nakaka ole. Aole hoi no ka wa ua wale no e pono ai keia Aila, aka, no ka wa la kekahi. He 50 keneta no ke tini.

 

Aila Inika Balaki Hoomau Ili a PINKHAM.

He mea maikai loa, i hanapaka maoliia no ka hoopalupalu ana i na ili kaa lio, na kaulawa@ lio, na noho lio, a pela aku. E hoao oe - Kumukuai no ke kini 75 keneta.

 

Na Olelo Mahalo.

Hilo, Nov. 5, 1875

            Ua hoao pono wai i na Aila Hamo Kamaa e ae, a ua hoao pono no hoi i ka Aila Hamo Balaki a G. S. Pinkham ; a ua hiki ia'u ke olelo me ke kanalua ole, o keia Aila ka helu akahi, a me ka oi o ka maikai, o na Aila Balaki a pau a'u i hoao ai. A. O.           FORBES.

 

            Ua hoao maua i na Aila Hamo Kamaa a G. S Pinkham & Co., a ua oi aku ka maikai mamua o na Aila Hamo Kamaa mai na aina e mail.

R. A. LYMAN,

S. KIPI

Hilo, Nov. 10, 1875 Kiaaina o Hawaii.

 

Hilo, Nov. 10, 1875.

            Ua hoao pinepine au i na Aila Hamo Kamaa a G. S. Pinkham & Co., a ua manao no @ ka Aila Balaki Kamaa maikai mamua o na aila e ae a'u i hoao ai mamua, a he oiaio keia.

C. K. Hapai.

 

Hilo, Nov. 10, 1875.

            No ko'u ike aiaio loa o ka Aila Hamo Kamaa a G. S. Pinkham  he Aila maikai loa no ka Hoowaliwali i ka ili. D. KAMAI

 

Hanaia e G. S. PINKHAM & Co., ma Hilo, Hawaii.

E kuaiia aku no e BOLLES & Co., Agena, ma Honolulu. 790 3m 792

 

ANOAI I KA LEHULEHU.

 

E kipa mai a e nana,

 

i kumaka ai ka ike i na waiwai nani i loaa mai nei iloko o na La Kulaia iho nei.

 

Penei ke ano o ua mau waiwai la :

 

N Wati a me na kaula Gula,

 

a na Lede a me na Keonimana !

 

NA KAULA OPELE A NA LEDE

 

NA KOMO GULA NANI O KELA A ME KEIA

 

ano o na Lede a me na Keonimana !

 

NA KKUPEE GULA,

NA LIPINE GULA.

 

Na gula pepeiao o na wahine!

 

e oaka ai i na pepeiao, a e hulali ai

hoi na manamana lima, a e

kilipohe ai hoi na a-i.

 

Na komo humuhumu gula a me ke kala,

Na pihi pulima gula wahine a kane,

Na lakela gula lei wahine nani,

Na komo daimana o na Lede.

 

Na kaula laketa,

Na pine omau kihei,

Na laketa aniani,

Na huka gula wahine

 

NA LAKO HALE.

 

NA PUNA,

NA PAHI,

NA KIAHA, KALA,

NA APO KALA

 

NA KAWELE holoi @ima,

NA O DALA o kela a me keia ano,

a me na mea nani e ae no he nui wale.

 

E kuaiia aku ana no

 

ma ke kumukuai haahaa loa i ko

na wahi e ae o ke taona nei.

 

UA MAKAUKAU NO HOINA

 

mea naoi no kanaka makua

a me na kamalii.

 

Na Kamaa Paa Loa,

 

e loaa no maanei e like me ka

makemake ; a ina e loaa

koke ka ino, he hiki

no ke hoihoi mai

M. McINERNY.

Kihi o na Alanui Papu a me Kalepa. 798 3m@811

 

NA MEA ANO HOU!

 

Ua loaa mai nei,

 

Eia ma ka Hale Kuai o Wini!

 

NA EA,

NA OMAU A-I

NA KULA PEPEIAO,

NA OMAU HAO BUKALO,

NA MEA ANO HOU A EMI,

 

Buke Pakeke Ili a me na Eke Dala

 

Na Lei Pilali

 

Na Lei Eleele,

 

a me na mea e ae he nui wale.

 

E HAWAII MAKANA IA ana i kela a me kela mea i kuai a hiki i ka

 

ELUA DALA.

 

E hele mai, e nana i kela mau mea maikai, a e loaa, no e like me ka makemake.

 

Emi loa aole e like me mamua!

 

Eia ma ka Hale Kuai o

756 2M WINI.

 

Lole Makepono ke Kuike!

 

E LOAA NO IA MA KAHI O

KAKELA ME KUKE,

E LAA NA

 

AHINAHINA,

KALAKOA,

KEOKEO,

LEPONALO

 

Pena, Aila, Aniani,

 

Na Mea Piula,

 

Kopa, Aila Honua,

 

Aila Hoomaloo

 

Kui Kakia, Pakeke,

 

Tabu, Kaula, @ oho lio,

 

Hulu-@alaki, na Polumi.

 

A he Agena no hoi no na Mokupuni o Hawaii nei no na

 

LAINAKINI-NAO,

LAINAKINI-MAOLI,

PALULE KALAKOA,

ALAPIA, KELEPA, KILISA,

 

Na Nole kupono i ka waewae,

 

Palule uluhulu,

 

Na Lole Huluhulu,

 

Na Lole no ka hoohehelo ana

 

Lipine, lihilihi, a me ia mea'ku

 

A HE

 

MAU MEA AI KAHI

Ka Palaoa, Kopaa,

 

Raiki, Pia, Hoohu,

 

Paakai, Huaala,

 

Pia Kulina &c.

 

A HE

 

LAAU@ , LAPAAU KAULANA LOA

A Dr. JAYNES.

 

Laau Kunu,

 

Laau Hoomaemae Keko,

Laau hoopau naio,

 

Penikala, Hu@ale,

 

A me na Laau Hamo, a pela'ku

 

788 3m 801

 

PAPA ! PAPA !

 

NO

 

ALLEN A ME ROBINSON.

 

Ua wehe ae nei maua i

 

PA KUAI PAPA !

 

MA KA

 

UWAPO O PAKAKA.

 

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pilli Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena !

 

NA KUI O NA ANO A PAU !

Na Pani Puka a me

Na Pani Puka Aniani.

Na Pani Puka a me

Na Olepelepe.

 

Na lako kukulu Hale

 

O NA ANO A PAU

E kuaiia ma ke

Kumukuai Haahaa Loa !

 

o keia Makeke.

 

ALLEN & ROBINSON

Honolulu, Aper 13, 1976. 788 3m 801