Ka Nupepa Kuokoa, Volume XVI, Number 10, 10 March 1877 — NO KA LA A ME KA PELE. [ARTICLE]

NO KA LA A ME KA PELE.

E KA NUPEPA KUOKO, Aloha oe ; – E oluolu oe a me kou mau hookele e ae mai [iaʻu], e hoike piha aku i ka olioli o na lehulehu, no kaʻu wahi mea hou, aole hoi owau wale no kai ike, o na lehulehu a pau ka i ike ia mea hou, o ka la o Hawaii nei, a me ka po hookahi hoi. O ka hoea'na mai o ka Pele, e kuhi ana ae hoeueu mai ana e like me kamapuaaa, ke hele a pu ka wena i ka lani a kohu ano like me ka mahina ka malamalama, o ua po ala, a me kela ao nui iwaenakonu. O ka enaena o ke ahi i ka piko o Maunaloam i kapaia kela ina o Mokuaweoweo. O ka la hoi, elua mahina, ma ka akau hookahi a ma ka hema hookahi. O ke ano ua like me he kii la i [illegible] ka lahalaha o kona alo, a like hoi ke ano me he kapa keokeo la ka hele a moauakea la, ka hele a opiopio, a o kona kumu hoi, he ao a Pele no ke ano, a o ka po i a ai, oia ka po o ka Poakolu ao ae Poaha oia ka la 15 o Februari 1877. Ma ia po ana iho ao ae hoi Poalima, hookahi hoi olai nui o ka hoonaueue ana iho, aka,

ua maopopo no ia kakou ke ano o keia haawina a ke Akua. Ma o na mahina ika ika o ka la e la nei, aole ua; mai ka malama mai o Okatoba o kela makahiki, a hiki i Feberuari nei, aole he wahi ua iki i haawi ia mai, a malaila ka pilikia nui e noho nei. Nee mai la ka la, maloo mai ka mea kanu, aia mala la ka wi nui, o ke kii aku koe i ka hapuu me ka pala ke mau; kahu aku ke ki, ola nai iwi o kamahele. Auhea la auanei ka ai e ola ai, aohe huli e kanu aku ai, emanao aku ai ke ola, kanu aku kahi huli. Heaha la ka mea e kanu aku ai he hapuu ka huli. He pono no i ke kii aku a no-o iloko o na eke, [illegible] kahum i a piha na pahu, o ka hauliuli ko kahakai, poepoe ka lua o ka uhane, pohala ka opu, oia iho la no kahi pono, kikii ka pi i ke one o Hoohila. L W KUULA. Kukuiopae, S. K., Hawaii, Feb. 22, 1877