Ka Nupepa Kuokoa, Volume XVI, Number 3, 20 Ianuali 1877 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XVI. HELU 3.  HONOLULU, POAONO, IANUARI 20, 1877. NA HELU A PAU 790.

 

MAIKAI KA HOI KA PAPA!

--- A ME ---

 

Ka laau o kou Hale!

No Heala!

KA I NO HOI NO KAHIO

WAILA MA!

 

----- 

 

Nana aku no hoi ia la,

 

OHI KA IO o KALAAU o MAKAWAO

i ke na mea o ka nani o

Na Papa, Na Laau.

 

---A ME---

 

Na PONO KUKULU HALE

 

O NA ANO NO A PAU,

 

---MA KE KIHI O--- 

 

Na ALANUI PAPU a me MOIWAHINE,

 

-----Honolulu----  

 

MALAILA E LOAA AI E LIKE ME KA

 

makemake.  no ke

 

Kumukuai make pono loa

 

----- 

PAPA, PAPA, PAPA

 

Na PAPA huluhulu,

            Na PAPA manoanoa,

                        Na PAPA i kahiia,

                                    Na PAPA kepa,

                                                PAPA hole keokeo.

                                                            PAPA hole ulaula

 

NA LAAU!  LAAU!

 

NA KUA,

            NA KAOLA,

                        AAHO,

                                    MOLINA,

                                                PEAPEA,

PINE HULUHULU,

                        PINE I KAHIIA,

 

Na Papa a me na Laau Ulaula!

 

PILI ULAULA

            PILI KEOKEO,

                        PANI PUKA,

                                    PANI PUKA ANIANI

                                                IPUKA ANIANI,

                                                            OLEPELEPE!

 

----- 

 

PENA O NA ANO A Pau

 

            Hulu Pena mai ka liilii a ke nui

 

AILA PENA!

 

AILA HOOMALOO,

 

                                    WANIKI,   PATE.

 

NA LAKO

‘

            o kela a me keia ano.

 

NA AMI-PUKA HALE,

                        NA AMI-PUKA PA

----- 

 

ANIANI!

 

----- 

 

Pepa Hale me na lihilihi.

 

E LOAA NO MALAILA

 

PAAKAI HELU 1.

O KAKAAKO a me PUULOA

 

-----  

 

            No ke Dala kuike, e loaa no na mea a pau i haiia ae la no ke kumukuai em@ loa.

            O na kauoha a pau mai Hawaii a Niihau, loaa'ku ana ia lakou, e hooko koke ae mai ana no ia me ka lawa pono.

            E kipa nui ilaila, i ike i k oiaoa

788 8m 799

 

Na Kanawai o 1876.

 

-----  

            Pauku 42.  E hiki no i kela mea keia mea i hoopiiia no ka hewa ku i ka hoopaiia no ka make, e koi aku i ke kakauolelo, oia a o kona loio paha, a loaa mai ka palapala inoa o ka poe jure no ia kau hookolokolo, a e loaa hoi iaia ka palapala kii aku i na hoike e maopopo ai kona pono.

            Pauku 43.  Ma na hihia feloni a pau ina he mea hiki ole i ka mea i hoopiiiia ke hoolimilima i loio nana e kokua iaia, e hiki no i ka Aha ke haawi i loio nona, noloko ae o ka poe loio i ae ia, a nana no e hooikaika m@ ke kokua ana iaia me ka uku ole; a ina e hoole kekahi loio, he hoowahawaha no ia i ka Aha.

            Pauku 44.  O kela kanaka keia kanaka Hawaii, i kukuluia malalo o kekahi palapala hoopii hoahewa ke koi ana i ka Loio Kuhina, i kope o ka palapala hoopii hoahewa ma ka olelo Hawaii.

            Pauku 45.  Na ka Loio Aupuni e hoomaka i ka haua, a e lawe mai i kona mau hoike a me na mea e maepopo ai, a pau na hoike o ka aoao i hoopiiia a me ka hai ana o kona manao, o kona loio paha imua o ke jure, alaila, na ka Loio Aupuni e hai aku i kona manao imua o ke jure, a o ka pau no ia o ka hoopaapaa ana.

X. --  NA PALE ANA.

            Pauku 46.  O na kanaka a pau e hookolokoloia ana no na ofeni, e ae ia no lakou mahope iho o ka pau ana o na hana a ka aoao hoopii, e hana i olelo panepiha, a olelo pale paha i ka hihia ma o ke kokua o loio la paha,

XI. – NA LIKE OLE ANA A ME NA HOOLOLI.

            Pauku 47.  Ina ma ka hookolokoloia ana ma kekahi palapala hoopii hoahewa, e hoea mai kekahi like ole mawaena o na mea i hoakakaia iloko o na palapala hoopii hoahewa nei a me na olelo hoike i waihoia mai i hooiaioia no ua palapala hoopii nei, alaila, e hanaia a e ku no hoi i ke kanawai i ka Aha, e lawe ia mai ai ua hihia nei, ina e manao ua Aha nei i kela kumu like ole, aole he mea nui e pili ana i ke kuleana io o ka hihia, aole e loaa ana he poino i ka mea hoopiiia iloko o kana olelo pale ma ia mau kumu, ke kauoha i kela palapala hoopii hoahewa, e hoololiia a like me ka hooiaio ma ua wahi nei e okoa o ka palapala hoopii hoahewa, a ma ua ano pu hoi a ua Aha nei e manao ai he pono, a mahope i ho o ua hoololi ana nei, e hele aku ka hihia imua, a i na wa e hele aku ai ka hihia imua, ma na ano no, a e like loa ia ma na mea a pau a me na haawina like. e pili ana i ua mea e ili mai ana maluna o na hoike, e hoopiiia mai ana no ka hoike wahahee, a ma kekahi ano e ae paha, me he la aohe like ole i puka mai; a ma na hiahia a pau o ia ano, e hoopaneeana i ka hookolokolo ana, e ku no i ke kanawai i ka Aha Hookolokolo, ke hookuu i ke jure i hoohikiia mai ka lanou haawi ana i kekahi olelo hooholo a me ke kena pu hoi e kakau kua @a ka palapala hoopii hoahewa i na huaolelo “ua hookuuia ke jure” mai ka haawi ana i olelo hooholo, Aka nae, ma ua mau hihia nei a pau i hoopaneeia ai ka hookolokolo ana e like me ia i olelola ae 'la, e ku no i ke kanawai i ua Ahahookolokolo nei ke hoomahuahua i ka @ela o ka mea hoopiiia a me ka hope a mau hope paha (ina he hope) ma ke ano like; a ma na hihia o ia ano, o na hoike i hoounaia i ka palapala kii e haawi mai i ka lakou olelo hoike, e paa maluna o lakou ke kuleana e hele mai e haawi i ka lakou olelo hoike pakahi, a o ka mea hoopiiia kekahi e paa malalo o ke kuleana e hele mai i mea e hookolokoloia ai oia ma ka manawa a ma kahi o ua hookolokolo ana nei i hoopaneeia aku ai me ka hoopaa hou ole ana ma kekahi palapala hela hou, a i ole kii hou ana paha me kekahi palapala kii hou paha no ia kumu, ma ia ano no, a e like la me he mea 'ia o ka mea hoopiiia i hoopaa mua ia a me na hoike i kii mua ia me ka palapala kii e hele mai e haawi i ka lakou olelo hoike, ma ka manawa a ma kahi o ua hihia nei i hoopaneeia aku ai.  Aka nae, ina hookolokoloia aku ua hihia nei imua o kekahi jure hou aku, alaila, e kule @ na pu no ke aupuni a me ka mea hoopiiia ke kue like i na jure e like la me ke kuleana like i loaa ia laua ma ke kue ana i na jure mua, mamua iho o ko lakou hoonohoia ana he poe jure no ua hihia nei.

AII.--- OLELO HOOHOLO A NA JURE.

            Pauku 48.  Ma na hihia e hoikeia mai ana ma ka hookolokoloia ana o kekahi kanaka i hoopiiia no kekahi ofeni, ua pupule ua kanaka nei i ka manawa o ka hanaia ana o ua ofeni nei, a ua hookuuia ua kanaka nei, alaila, ua makemakeia ke jure e imi maopopo ina ua kanaka he pupule i ka manawa o ka hanaia ana o kela ofeni, a e hoike oiaio mai ina ua hookuuia ua kanaka nei e lakou mamuli o ia pupule ana, a ina i ike ia e lakou he pupule ua kanaka nei i ka manawa o ka hanaia ana o ua ofeni nei, alaila, o ka aha i laweia mai ai ua hihia nei e hookolokolo, e kauoha oia e hoopaaia ua kanaka nei ma kahi a ma na ano a ua aha nei e manao ai he pono a hiki i ka manawa e hoikeia aku ai i ko ka Moi makemake, a ma ia manawa e ku no i ke kanawai i ka Moi me ka ae o kona Aha Kuhina, ke haawi i kauoha no ka paa pono ana i ua kanaka nei i ike ia he pupule, oia kona makemake, a ma kahi a ma na ano ana i manao ai he pono.

            Pauku 40.  Ina ma ka hookolokoloia ana o kekahi kanaka i hopuia no ka feroni, a @ ole misidamina, e puka mai imua o ke jure ma o na olelo hoike la, aole ka mea i hoopiiia i hoopiha pono i ka hewa i hooiliia maluna ona,aka, ua hewa wale no oia no ka hoao ana e hana i ua hewa nei, alaila, aole no e loaa ke kuleana e hookuuia ai ua kanaka nei ma ia kumu, aka, e hiki no nae i ke jure ke hoike mai i ka lakou olele hooholo, aole ka mea i hoopiiia i hewa no ka feloni, a i ole misidamina i hooiliia maluna ona, aka, ua hewa nae no ka hoao ana e hana i ua hewa nei, a ma ia manawa e ili maluna o ua kanaka nei ka hoopai o na ano a pau, me he la ua ahewaia oia malalo o ka palapala hoopii hoahewa no ka hoao ana e hana i ka feloni maoli, a i ole ia misidamina paha i oleloia ma ka palapala hoopii hoahewa, a aole no e hoopii hou ia kekahi kanaka no ka hoao ana e hana i ka feloni, a i ole misidamina ana i hookolokolo mua ia ai.

            Pauka 50.  Ina ma ka hookolokoloia ana o kekahi kanaka no kekahi misidamina e puka mai ana ma o na olelo hoike la o na kumu i hoikeia mai he hewa feloni ia ma ke kanawai, alaila, aole no e hookuuia ua kanaka Ia mailoko ae o ka hewa misidamina malalo o ia kumu, a aohe kanaka i hoopiiia no ia misidamina, e hiki ke hoopii hou ia uku mahope no ka feloni, malalo o ia mau kumu mua i olelo ia ae nei, ina aole ka Aha i laweia aku ai ua hihia nei e hookolokolo, e manao pono ma kona noouoo maikai, e hookuu i ke jure mai ka hookuu ana i keia olelo hooholo ma ua hookolokolo ana nei, a e kauoha pu ana hoi e hoopiiia ua kanaka nei no ka feloni, a ma ia hihia, e hiki no ke lawelaweia ua kanaka nei ma na ano a pau, a me he mea la hoi aole ua kanaka nei i hookolokolo iki ia no ua misidamina nei.

            Pauku 51.  Ma ka palapala hoahewa no ka powa, no ka aihue, a no kekahi ofeni e ae mamua o ke degere hookahi, e hiki uo i ke jure ke hoomaopopo ma ka olelo a na hoike, aole kupono, ka hewa i oleloia ma ka palapala hoopii hoahewa, alaila, e hooholoia no e hoahewa aku iaia ma kekahi degere malalo iho.

            Pauku 52.  Ina ma ka hookolokoloia ana o kekaki kanaka i hoopiiia no ka hewa pue, a i ole moe kane ana, a i ole me ka hewa o ka lima ikaika ana, a i ole me ka moe ana i ke kaikamahine malalo o na makahiki he umi o keia aupuni, a i ole malalo o na makahiki he umi paha, ina aole e holo pono ka manao o ke jure ua hewa oia no ia mau hewa, aka nae, ua lawa ma ko lakou manao. ua hewa oia no ka lawelawe aua me ka manao e hana i ua hewa noi, alaila, e hiki no i ke jure ke hoike mai i ka lakou olelo hooholo, aole oia i hewa no ka ofeni i hoopiiia ai, a e hiki hei ia lakou ke ahewa mai i ua kanaka nei no ka lawelawe ana me ka manao e hana i ua hewa nei.

            Pauku 53.  Ina ma ka hookolokoloia ana o kekahi kanaka malalo o kekahi palapala hoopii hoahewa no ka powa, e puka mai imua o ke jure, aole ka mea hoopiiia i hana i ka hewa powa, aka nae ua lawelawe me ka manao e powa, alaila, aole e kuleana ana ka mea hoopiiia e hookunia malalo o ia kumu, aka nae, e hiki ana i ke jure ke hoike mai @ olelo hooholo na lakou, ua hewa ka mea hoopiiia no ka lawelawe ana me ka manao e powa, a ma ia manawa e kuleana ana e hoopaiia ka mea hoopiiia ma na ano a pau, me he mea la na ahewaia oia malalo o ka palapala hoopii hoahewa no ka lawelawe ana ma ke ano kolohe, me ka makemake e powa; a aohe hanaka i hookolokoloia pela e like me ia i hoikeia ae la, e hiki ke hookolokolo hou ia no ka lawelawe ana me ka mauao e powa, no ia hewa ona i hookolokoloia'i pela.

            Pauku 54.  Ina ma ka hookolokoloia ana o kekahi kanaka i hoopiiia no ke apuka ana i ka waiwai i waihoia iaia e malama, e hooiaioia mai, ua lawe oia i ka waiwai i oleloia ma na ano e hiki aku ai ma ka manao o ke kanawai i ka aihue, alaila, aole no ia he kumu e kuleana ai oia e hookuuia, aka hoi, e hiki no i ke jure ke hoike mai i olelo hooholo na lakou, aole ua kanaka nei i hewa no ke apuka i ka waiwai i waihoia aku iaia e malama, aka nae, ua hewa no oia no ka aihue, a ma kela a ma keia degere paha, a ma ia manawa no e ili ai ma@@@a o ua kanaka nei ka hoopai ma na ano a pau, e like la me he mea la ua ahewaia oia malalo o kekahi palapala hoopii hoahewa no ia aihue, a ma ke degere hoi i hooholoia.  A ina ma ka hookolokoloia ana o kekahi kanaka i h@@@a mai no ka aihue e hooiaioia mai, ua lawe oia i ka waiwai i oleloia ma kekahi ano, e manaoia ai ma ke kanawai, he apuka ana i ka waiwai i paihoia aku e malama, alaila, aole ma ia kumu e kuleana ai oia e hookuuia, aka nae, e hiki no i ke jure ke hoike mai i olelo hooholo na lakou, aole i hewa ua kanaka nei no ka aihue, aka, ua hewa no ke apuka ana i ka waiwai i waihoia aku e malama a me ka hewa o ia ano, a ma ia manawa no, e ili ai iluna o ua kanaka nei ka hoopai ma na ano a pau, me he mea la ua ahewaia oia malalo o ka palapala hoopii hoahewa, no ua apuka ana nei i ka waiwai i waihoia aku e malama, a a ma ke degere pu hoi i hooholoia.  A i ole ka aihue i olelo mua ia, e hiki no ke hoopii hou ia aku no ka aihue, a i ole no ke apuka i ka waiwai i waiho ia aku malama mahope aku ma ia mau kumu no nae i olelo mua ia.

            Pauku 55.  Ina ma ka hookolokoloia ana o kekahi kanaka i hoopiiia no ka imi waiwai a loaa mai mamuli o ka hoopunipuni, e hooiaioia mai ana, ua loaa mai iaia ua waiwai nei i oleloia ma na ano e lilo aku ai ma ka manao kanawai i aihue, aole mamuli o ia kumu e kuleana ai oia e hookuuia, a aohe kanaka i hookolokoloia no ia misidamina, e hiki ke hoopii hou ia aku mahope, no ka aihae malalo o ia mau kumu i hana mua ia.

            Pauku 56.  Ina ma ka hookolokoloia ana malalo o kekahi palapala hoopii hoahewa no ka aihue e puka mai ana, o ka waiwai i hoakakaia ma ua palapala hoopii hoahewa nei, ua aihueia ma ka manawa hookahi, he mau manawa kaawale na wa i laweia ai, alaila, aole ma ia kumu e makemakeia ai ka aoao hoopii e wae, o ka lawe hea la ka lawe ana e lawelawe mua ia ai e ia, ina nae aole e puka mai ana, ua oi aku mamua o ekolu lawe ana, a i ole ua oi aku mamua o eono malama i hala, mawaena o ka lawe mua ana, a hiki mai i ka lawe hope ana, a ma kela a me keia o ia mau lawe hope ana e makemake ai ka aoao hoopii e wae i ua mau lawe ana la ana e lawelawe ai, aole nae e oi aku mamua o ekolu ina e maopopo ana, ua hunaia mawaena o na malama eono, mai ka lawe mua ana a hiki i ka hope o ua mau lawe ana nei.

            Pauku 57.  Ina ma ka hookolokoloia ana o elua a oi aku paha kanaka i hoopiiia no ka lawe hui ana i kekahi waiwai i loaa mai, alaila, e hooiaioia he hookahi a oi aku o ua poe kanaka nei i loaa a lawe kaawale i kekahi apana a mau apana paha o ua waiwai nei, a e ku no i ke kanawai i ke jure ke ahewa malalo o ia palpala hoopii hoahewa i kekahi o ua mau kanaka nei, e hooiaio ia mai ana, ua loaa mai a lawe i kekahi apana, a mau apana paha o ua waiwai nei.

            Pauku 58.  Ina ma kekahi palapala hoopii hoahewa, he elua a oi aku mau kumu no ka oihue kolohe ana, a me ka loaa pu ana mai, e waihoia ana ma hoopii kue i kekahi kanaka, alaila, aole e makemakeia e wae ka aoao hoopii i ke kumu ana e hana mua ai; aka, e ku no i ke kanawai i ke jure nana e hookolokolo i ka hihia ke hoopuka i olelo hooholo ahewa, no ka aihue ana i ka waiwai, a i ole no ka loaa a lawe ana mai i ua waiwai nei, a i ole, keka@ apana paha a man apana paha o ua waiwai nei, me ka ike no he waiwai i aihueia. A ina o ua palapala hoopii hoahewa nei i waihoia aku e kue ana ia i na kanaka elua a oi aku paha, alaila, e ku no i ke kanawai i ke jure nana e hookolokolo i ua hihia nei ke ahewa i na kanaka a pau, a i kekahi paha o ua poe kanaka nei i oleloia ua hewa, ina no ka aihue ana i ka waiwai, a i ole no ka loaa ana mai paha a lawe ana i ua waiwai nei, a i kekahi apana paha, a mau apana o ua waiwai nei, me ka ike no he waiwai i aihueia, a i ole ka hooholo i hookahi a i ole oi aku o ua poe kanaka nei i olelola ua hewa no ka aihue ana i ka waiwai, a e ahewa hoi i ke koena mai o ua poe nei no ka loaa ana mai a lawe ana i ua waiwai nei a i kekahi apana paha a mau apana paha o ua waiwai nei, me ka ike no he waiwai i aihue ia.

            Pauku 59.  Iua ma ka hookolokoloia ana o kekahi kanaka no kona pili ana iioko o kekahi hoohaunaele, a aha hoohaunaele kue i ke kanawai, e like me ia i hoakakaia ma ka Pauku 10 o ka Mokuna XXXVIII o ke Kanawai Karaima, a i lawa pono ole i ka manao o ke jure, ua ku i ka hewa ua kanaka nei no ia mea, aka hoi, ua lawa pono i ko lakou manao ua hewa ua hewa ua kanaka nei no kekahi misidamina e like me ia i hoakakaia ma ka pauku mamua iho, alaila, e hiki no i ke jure ke haawi mai i olelo hooholo na lakou, aole oia i hewa no ka ofeni i hoopiiia ai, aka, ua hewa nae no kela misidamina, a e hiki no hoi ke hoopaiia ua kanaka nei e like me ia hewa.

 

-----------  

Helu pono ole ka Luna Helu o Kona Akau.

Mr. Lunahooponopono; Aloha oe.--- 

            E oluolu oe e hookomo iho i keia kukulu mauao ma kahi kaawale o ka kakou nupepa, i mea e ike ia ai ka helu pono ole ana o ka Luna Helu o keia Apana.

            Aia ma ka malama o Sept o ka makahiki 1876, ua helu ia na kauaka ku i ka auhau a me na waiwai a holoholona o lakou, a ia malama no ua helu ia kekahi kanaka elemakule o D. Kaiwi kona inoa, ina auhau pili kino, oia hoi kino, kula, alanui, o keia elemakule ua hookuu ia oia i keia mau auhau iloko o na makahiki he umi a oi, no ka mea, o kona hanau ia ana no ka mai ahulau he Okua.  A mai ia manawa mai a hiki keia manawa, ua kanahiku makahiki a oi, a i keia kaeaea iho nei hoi ka luna helu kaulana o Kona Akaa nei, i ke kanu @aia, helu ia iho nei keia iwikokoula.

            Eia hou keia, ua ike hoi ua luna helu nei ua helu ia ka mea i hookuu kahiko loa ia.

Aole hoi he hele m@ a kahi o ka mea ana i helu ai i mai la hoi, ua helu iho nei au ia oe no ka'u wahi kenikeni ole, alaila la hoi maopopo i ka elemakule ua helu ia oia.  Oia noho iho nei ka me nanea e like me ka hookou ia ana e na luna helu mamua a hiki mai nei i ka la 29 o Dec. A. D. 1876.  Hiki mai ana ka makai me ka palapala kii mai ka Luuakanawai Apana mai.  E kauoha mai ana e hele aku imua ona ma ka la 2 o Ianuari A D 1877 ho@@ 10 o ke kakahiaka, e pane mai no ke koi ana a ka L. Auhau no ke kaa ole o kuna m@u@anhau pilikino elima dala.  I ke hiki ana mai i ka la a me ka hora i kauoha ia mai ai e ka aha, ua noho aku la'ka elemakule imua o ka aha kookolokolo.  Eia ka mea hilu i ua l@na kanu maia nei, ka nineu mai, nawai la i helu?  A i ka naua ana iho i ka Buke Helu ike iho la i ka mea a kona lima huluhulu i i kakau ai.  A pane hou ae la ua o @@@@@maalea.  Nawai la i hai mai ia ia'u?  Na aluna i ko hai pono, oana i hai mai ia oe.

            A mamuli o ka lokomaikai o na'hi o ka Aha Hookolokolo, ua hookuu ia ke elemakule.

            E Mr. Lunahooponopono  Ua haoa ole keia Lun@ Helu e like me ka hoakaka o ka pauku 492  Nolaila helu hewa ai i ka elemakula.  Ina e haoa oia e like me ka hoak@ka ana oia pauku ina, ua pololei aole e helu hewa.  Aole no ka ike ole i ke kanawai, na ike no, he loio hoi aka, no ka makemake no e hana i ka mo, aole i ka pololei mauli.

            Aole keia he manao lili me ka akiaki e like me ka hoakaka ana o na nupepa @ hala in@ e kau ae kekahi Hawaii mu ka oihana, noho aku la kekahi poe malalo e ake o ka haule mai  Aole pela keia.  He hoike no keia i ka mea i hana ia e@.

            E na hoa makaainana o'u mai ka la hiki a ka la kau, ke ike mai la no oukou ka hala pono ole a keia Luna Helu, he kanaka mahiai o ko makou nei apana, na na i mahi mai uka mai o Kuahewa a kai o Alanaio, pala ku ka mai, halala ke kalo, keke ka oha o ua mea he mahiai nui, nana i mahi kukahalelo.

            A pela no hoi oukou e na poo aupuni, ke ike mai la no oukou i ka hawawa o keia kanaka, ma ka malama ana i ka oihana, a mai haawi hou mai iaia e hokae i ka buke o ke aupuni, malalo o kona malama hawawa ana i ka oihana.

                                                                                    Charles Kahoiwai.

            Aekai o Kona, Ian. 5, 1871.

            [O ka inoa maluna ae, me ia no na mea a pau e pili ana i keia, a e kaawale mai no makou.—LH].

------------------------------------  

Luna Helu apiki a me na wahi hoa uhauha o ka Papa Hoopii A.

 

----------- 

E KA NUPEPA KUOKOA E;  Aloha oe:--

            O ka'u ke kapi o kau ke kaulai, o ka maloo ka ka lehulehu, hookahi ka haunua like ana.

            I ka helu ana o kahi Luna Helu apiki o Kona Hema nei, ma ka malama o Sept. M H 1876, ua ike makou i ka, apiki, a he mea hoi na makou i ike ole i ua Luna Helu o na makahiki lehulehu mamua i hala aku nei, a e ike ia no ka ianei mau hana apiki malalo iho:

            Apiki mua.---I ka hiki ana mai o ua wahi Luua Helu apiki nei, na  hai@a aku e na waha lehulehu kekahi kanaka mai loihi e waiho ana iloko o ka pilikila kukonukonu, me ke akuka ole he mai kona ola hou ae, eia no ka oa apikiia iho la no.  Pela iho no i kekahi, he mau makahiki ka mai ana; a e lewalewa like ana ko lana mau wawae ma ke kae o ka Inakupapau.

            Apiki alua.—No kekahi kanaka, hookahi kekake, me ka haiia mai no hookahi no, e apiki iho ana no keia iloko o ka Buke Helu, eono kekake.  No ia apiki nae, ua nohu iho no ia@a, a nana no i uku malu ae i ke mea ana i piki ei.  A haha I apiki wale ia mau pohaku a@@.

            Apiki ekolu—O na aina a @@ia a pohaku wale no, hiki ole ke pal@@@ e kanu i ke ko, a pela aku, i koho@a ma kono waiwai @o, he $1,500.00  I ka ianei apiki ana iho nei hoi, he $4,000.00 me ka i@e no, aohe keia he makahiki no ka apiki hou ae.

            Apiki eha—O na aina i @lo i ka mo@aki, iaia nei hoi, apikikiia iho no maluua o ka mea nona ka aina ke @@te ana, &@.

            Unauha akahi.---Papa Hoopii Auhau, (Na pukolu keia a K@enokane) elua hapikolu o ka Papa i noho mai, he kaikoke ponoi kekahi, a he punalua ponoi no kekahi no ua wahi apiki nei.  I ke noho ana o ka Papa e houlohe i ka hoohalahala a ka poe i apikiia, kamaiho ae la ua wahi Luna Helu nei, a @ ae la, “O ka'u keia, a o ka olua koe.”  Ia wa e puana m@@ ai ua mau wahi uhauha nei.  @Ia paa ka helu ana,” me ko laua ike no, @n i piha ka pepa, uhauha wale ae no ka waha.

            He nui @ku no koe o ka apiki a me ka uhauha, a maanei nae ua oki au.

                                                                                    S.K. MAKALAAU.

Kona Hema, Ian 8, 1877.