Ka Nupepa Kuokoa, Volume XV, Number 51, 16 December 1876 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

MA ka Poaono, la 23 o keia malama, hora 12 awakea, e kuai kukalaia ana keia mau laikini awa no 1877 malalo iho, ma Aliiolani Hale:

Ekolu (3) Laikini Awa no ka Apana o Honolulu, ma ka $500 pakahi, pii aku.

I Laikini Awa no kela a me kela apana pakahi o Koolaupoko, Waialua, Ewa a me Waianae, ma ka $100, pii aku.

O na Laikini Awa o 1877 no ua apana malalo iho, e kuai kudalaia no lakou e na luna aupuni e hoike pu la aku nei, i ka hapa hope o keia malama. O na laikini o Lahaina a me Wailuku, mai ka $300 pii aku, a ma na apana e ae, mai ka $100 pii aku.

E hoike pu ia aku ana, ka la a me kahi e kuai kudalaia a@ na laikini e like me keia:

T W Everett, he 2 laikini no Lahaina.

E H Rogers Esq. he 2 laikini no Wailuku 1 o Makawao.

W Meersburg, he 1 laikini no Kohala, hawaii.

Hon G W Halemanu, he 1 laikini no Hamakua.

J H S Martin Esq,, he 1 laikini no Kau.

S W Wilcox Esq., he 1 laikini no Lihue a me Koloa, Kauai.

E waiho mua ka poe e lilo ai keia mau laikini me ka luna kudala, he 25 hapa haneri o ke kumukuai. I ka wa e haule ai ka hama@e, no ka mea, e iilo wale ana ia mau dala i ke aupuni i ka wa e haawiia aku ka laikini a uku ole ia mai ke koena. J MOTT SMITH.

Keena Kalaiaina Dek. 12. 1876. Kuhina Kalaiaina

Ua oluolu i ke Alii ka Moi ka hana ana i keia mau hookohu malalo iho:
Hon. J. Mott Smith---Kuhina Kalaiaina, ma kahi o His. Ex W L Moehonua i waiho mai.

Hon H A P Carter--- Kuhina o ko na aina e, ma kahi o His Ex. W L Green i waiho mai.

His Ex. J M Kapena---Kuhina Waiwai, ma kahi o His Ex. J. S. Walker, i waiho mai.

Hon. A. S. Hartwell---Lo@o Kuhina, ma kahi o His Ex. W. R. Castle i waiho mai.

Halealii Iolani, Dec 7, 6876. 784 3ts 786

Ua oluolu i ke Alii ka Moi. ka hookohu ana i na mea nona na inoa malalo iho, i mau Komisina, i kulike ai me ka Olelo Hooholo i hooholoia e ka Ahaolelo, i Sepatemaba 9, 1876, "e hooulu hou ai i ka lahui Hawaii makua."

H. R. H. W. P. Leleiohoku, W. R. Castle, C. R. Bishop, Rev. H. H. Parker, a me Rev M. Kuaea.

A me na mea nona na inoa malalo iho i mau Komisina, i kulike ai me ke kanawai, "e kokua'ii ka hoeueu ana i ka oihana kuloko o ke aupuni," 1 aponoia i Sept 25, 1876.

W L Green, H A Widemanun me H M Whitney.

Halealii Iolani. Dek 5, 1876. 784 3ts 786

Ua oluolu i ke Alii ka Moi ka hookohu ana aku i na poe malalo iho, no ke Kea hoohanoeano o Kalakaua:

Ia Hon. H A P Carter a me Hon. S G Wilde i mau hoa Luna.

Ia His Ex. J M Kapena, His Ex. S Kipi, Col. W. F. Allen, Col. C. H Judd a me Hon. J P Parker, i mau Hoa.

Halealii Iolani, Nov 16 1876.

E malamalama na la kulaia Aupuni malalo iho, a e pan@ia na ipuka hale Oihana Aupuni, ma ia mau la pakaui:

Poakahi, Dekemaba 25, ka la Karisimaka.

Poakahi, Ianuari 1, 1877, La Hape Nuia.

 W L MOEHONUA, Kuhina Kalaiaina.

Keena Kalaiaina, Nov 20, 1876. 782 3ts 784

E noho ana ka Lunakanawai Alapaki F Judd no ka hoolohe ana i na hihia hoopii mai na Aha Apana mai o ka mokupuni o Oahu, ma na wahi i hoikeia m@lalo iho;

Ma ka hale noho o J A Hass@ger Esq., ma Kahuku, i ka Poakolu, la 13 o Dekemaba, hora 3 anina la.

Ma ka hale noho o S M Naukana Esq., ma Waialua, i ka Poaha, la 14 o Dekemaba, hora 10 A M.

Ma ke kauoha a ka Aha.

 JNO. E BARNRD, Kakauolelo.

Honolulu, Novemaba 23, 1876. 782 3ts 784

Ua hookohuia ka poe nona na inoa malalo iho i keia la, i Agena Hooiaio Palapala Kepa i kulike ai me na hooko ana o ke Kanawai e hoololi ai i na Pauku 1 me 2 o ke Kanawai e hoomana ana i na Palapala Kepa, malalo o ka Pauku 1417 o ke Kanawai Kivila i aponoia ma ka la 26 o Iulai, 1872, a aponoia hou ia i ka la 25 o Sepatemaba, A. D. 1876:

S. W. Wilcox, ... Lihue a me Kola, Kauai,

A H Smith ... " " "

Chas. H Dickey ... Makawao, Maui.

J J Halstead ... Wailuku, Maui.

W Mersburg ... Kohala Akau, Hawaii.

Z Kaiai ... " " "

J H S Martin ... Kau, Hawaii.

S M Naukana ... Waialua, Oahu.

 W. L. MOEHONUA, Kuhina Kalaiaina.

Keena Kalaiaina, Nov. 13, 1876. 781 3ts 783

KUOKOA BUKE XVI.

Huro no ka Makahiki 1877!

HE MAKANA HIWAHIWA!

KE KII o ka Makua Alii M. Kekuanaoa, ka Imilani o Hawai nei, ke paiia nei kona kii hoolele-aka, e hanaia ana a olinolino me he Hoku Loa la o ke kakahiaka o ka makahiki hou, a haawi makana wale ia aku i ka poe lawe KUOKOA e hookaa e ana i kinohi i ka uku pepa no ka makahiki, oia

ELUA DALA WALE NO!

Ke mau nei no paha ka makamaka o na hoomanao ana o oukou no Mataio Kekuanaoa, ke Kiaaina Alii o Oahu, ka hoahele o na Moi na Kamehameha I, II a me III, a imi haku hoi o na Moi na Kamehameha IV a me V. Ka Makua a ka poe aloha aina a pukaua ikaika o ke aupuni. A i ka wa i hoihoiia mai ai ka Hae Hawaii e Adimarala Tamakii iaia i popo ia ai ka Hae Hawaii a hilinai ia aku nana e huki hou i ka Hae a hoo pulelo ae i ka welelau makani kohaihai o ko kakou mau pukoa nani.

E ala mai oukou e lawe i kona kii i mea malama na oukou.

E HOOLOHE!---Aole e hoouna ia kekahi kii i kekahi luna nupepa a lawe pepa paha, ina he aie kona no ka makahiki mua.

Ka Nupepa Kuokoa

---ME---

Ke Au Okoa

I HUIIA.

Published every Saturday, $2 a year

HONOLULU, DEKEMABA 16, 1876.

KE PAIPAI AKU NEI makou i na kanaka a pau o na apana e ae mawaho aku o Honolulu, ka poe hoi i komohia ke aloha i ko lakou lahui emi, e hooikaika lakou e kokua i ka hana hooulu lahui a ko kakou Moi, kona kaikaina a me na kaikuahine alii e hooikaika kino nei i ka wela a ka la. E kukulu ae oukou i mau Ahahui Hoola Lahui no oukou ma na apana pakahi, e koho i ko oukou mau luna, hana i ko oukou mau kumukanawai, hookupu i ko oukou mau kokua no ka poe mai makamaka ole, koho i ko oukou mau komite makaikai i na poe mai, ma na apana iho, lapaau aku i na palapu o ka poe kauka ole, a hele mau aku e hooluolu ia lakou. Nana pu i na keiki hanau hou mai, hoolana aku i na manao o na kaua, kokua aku ma an hemahema o na makua, a pela auanei kakou e aloha ai kekahi i kekahi, a e palekana ka lahui e hooiloiloia nei e pau ana i ka make. O ko oukou eleu mai ma keia hana ka makou e upu aku nei, a o ko oukou hookamaniha ka makou e makemake ole ai.

UA HEMAHEMA loa na kanaka Hawaii ma ka imi waiwai ana iloko o keia wa a ka pomaikai e haluku nei maluna o ko kakou lepo momona. Owai ko lakou alakai ma ka hoopulapula waiwai ana? O ke Kalaunu anei ke iho mai e hoohoihoi ma na hana imi waiwai, alaila eneu ae? Aole. E ku ae kela a me keia kanaka Hawaii, me ka manao ole i kela a me keia olelo hoopauhala, a e kanu hoi i kona wahi kuleana ponoi, a o na hua e loaa mai ana, nona ponoi iho no ia, a oia no ka hua ohaha o kona luhi. Ke kaena nei ka lahui Hawaii iaia iho, no ka naauao a me ka holomua, aka, ia makou e ae aku ana no ko kakou emeole ma ka hoonaauao ia ana, he kanalua no nae ko makou ke puana ae, ua holo mua kakou na Hawaii ponoi ma ka imi waiwai. Ua hele ke kanaka Hawaii i ke dala ole, ka mea e hiki ai ke hoohana aku. Nowai la ia hewa? Aole no hai. Eia no i ke kanaka Hawaii kona ikaika a me kona mau ike elima, aka, aole nae he hoohana iki. Ina na hoohana iki aku kekahi poe, ke manao nei makou, aole i piha ka poholima ia lakou. Eia o Waialua ma Oahu a me Kohala ma Hawaii, ke waiho mai nei i kumu hoikeike i na kanaka Hawaii. Ke ohi nei na kanaka mahiai ko o Waialua i ka hua ohaha o ko lakou luhi, a pela hoi kekahi kanaka hoomanawanui ma Kohala. O ka lehulehu o na kanaka Hawaii, ua pau e na wahi loaa mamua o ka loaa hou ana mai o kekahi.

Ke manao nei makou me keia mau paipai ana e maliu mai ke kanaka Hawaii a noonoo nona iho i keia mau makahiki momona aku ehiku.

HE WA OKUKU loa keia ma Europa. Oiai e omamalu ana na ao kalelewa o ke kaua ma ka Hikina, aia hoi, he mau paonioni a he mau hookeke ana no kekahi e ala mai nei ma Sepania. Ua hoouna aku nei oia i Cuba i kekahi mau alihikaua kaulana ona elua a me na koa he tausani, me ke ake e hoopio i na kipi a e hoi hou e noho malalo o na rula o ke aupuni makuahiue, oia o Sepania. Aka, iaia nae i hoao ai i keia, ala hou mai nei na Paniolo ma na apana aina o Basque, ka poe hoi malalo o Don Carlos, e hoala hakaka me ka hoike mai i na hiohiona e hoao hou i ona pomaikai no Don Carlos ma ka hoopii ana i na mea kaua, no ka hilinai i ko lakou pono ma ka hanau ana o na alii kahiko o ka aina, ka mea hoi a ke aupuni i hoopau loa ai. Ke nune pu mai nei no hoi ka poe makemake e lilo i Ribubalika ma ka hoonioni ana e hoopilikia loa aku i ko ka Moi Alfonso noonoo. He pono iaia a me kona Aha Kuhina ke kipaku hou aku i kona makuahine kolohe mawaho o Sepania. No ka mea, mai kona hoi ana mai iloko o Sepania, na ala hou mai na haunaele, na opukekou, ka hoomaania o na Hoolepope, ka hakihaki wale ia o na hoohiki, ka mea hiki ole e mihi no ke aupuni kumukanawai e like me ai, me he mea la he mau hoohiki ana na kamalii. O keia mau manao me he mea la mai kona makuahine hilinai wale no ia i ka aoao hoomana hookahi.

Ke Kaua ma Europa.

He mea ino ke kaua, aka, ua makemakeia nae kekahi mau kaua, oia ka mea e noho maluhia ai. Pela ko Europa kulana i keia wa ma ka nana aku.

Ua hoomaka liilii iho nei ke kaua mawaena o ke aupuni o Tureke a me kekahi mau okana aina ponoi ona ma Tureke i Europa. O ke kumu o keia, no ka auhau kuapapanui ia o na makaainana e ke aupuni, a nolaila mawehe aenei ia mau okana aina e kue i ke Aupuni makua. Ia hoomaka ana iho nei, ua hana ino loa na Tureke, no ka mea, ina e lanakila lakou, pepehiia na kane, na wahine a me na kamalii no ka ukiuki a me ka lili paha o na Tureke ma ke ano hoomana. O ka aoao hoomana o na Tureke, he Mahomeda, a o ko na okana aina hoi o Serevia ma, he hoomana Helene, oia hoi ka hoomana aupuni o Rusia. Ike mai nei oia i keia pepehi mainoinoia o na Karistiano, lele mai nei oia e keakea, aka, ua manao koho wale ia mawaho aku nei, o ke kumu nui paha ia o kona lele ana mai, no kona makaleho no ia Konatinopela, ke kulanakauhale alii o Tureke a me kona ake nui e keakea ole ia kona mau moku kaua ke puka mai ma ka Bosaborasa, kahi i pani paa loa ia no kona mau moku kaua mai ka puka ana mai ke kai Eleele mai. Aka ua olelo nae ka Emepera o Rusia, no ka pono o ke kanaka i komo mai ai oia e keakea a e hana ma ka mea maikai. No ko Enelani kau nui loa ia Konatinopela, no ka mea, ina e lilo ia wahi ia Rusia, pilikia kona panalaau nui, nolaila, ke komo pu mai nei oia e hoohali hoonauluulu. Ma ka haiolelo a ka Emepera o Rusia mawaena o na mea hou o na aina e o ka pepa o keia la, e ike ai kakou i kana olelo ponoi, "ina aole e ae ia kana noi, alaila, ua paa kona manao e hana hookahi" oia wale no. He hiohiona ia o ke ano kaua.

Piha e ka pepa, koe ke kanikau o Kalaimano a keia pule ae, puka aku.

E kuai ana i keia po Poaono, ka Hale Kuai o Ake ma, o Monikahae. Aia malaila, na lole maikai loa. E hele nui ae.

Ua hoi aenei o W. R. Kukela opio, a eia kona keena loio ma ke Keena mua iho nei o A. S. Hartwell.

Ua hoi mai nei ka malie o Honolulu. Ke hele mai nei a kikiki ka la i na poohiwi

Ua hookohuia o R@b@ti Lishman, ka luua alanui hou o Honolulu nei, i Luna no na Hana hou o ke Aupuni.

Ua hoomaka ka hoike liilii ana o Punahou i ka Poakolu nei, anehinei ka pau ana.

Ua hookiia ke kudala ana i na pa aupuni ma Makiki a hiki i ka wa e hoolaha hou ia aku ai.

Ma ka Poaono aku nei i hala, ka noho ana o ka Aha Kuhina hou ma ka lakou mau oihana pakahi.

O ka huihui loa o na kakahiaka i hala aku, oia ka Poakahi. Ua emi iho ka mea ana wela a i ke 57 degere.

Ua hoi mai nei ke Kuhina Waiwai hou o kakou mai kona mokupuni mai, i ke kakahiaka Poakolu iho nei.

I ke kakahiaka Poakolu iho nei, ua na hoi mai ka poe i holo i ka Aha Kaapuni aku nei o Maui, maluna mai o ka Neti Mela.

PILIKINO.---Ua hoi mai nei maluna o ka mokuahi "Ausetaralia," o E. P. Adams, j W. Pfluger, T. W. Everett a me kekahi poe kamaaina e ae o Honolulu nei.

He keu ka poe hoopukapuka ai ma Polelewa a ka hookiekie. I keia la he hapaha ko ka umeke ai, i hele a kakale, a i kekahi la'e pii ae la ka umeke, oia ano like no, i ka hapalua. Hana'ku.

Ua lohe lau@hea mai makou, e hookohuia ana Ka Mea Hanohano W. L. Moehonua i Kiaaina no na mokupuni o Maui. He hookohu ana ia i makemake lokahiia e na mea a pau, aka minamina nae makou i kona kaawale loa mai ke alo alii aku.

Ua ikeia ka pomaikai o ka Poali Ana-aina aupuni, no ka mea, i ka heluia ana o kekahi mau aina, ua hai apuka mai ka poe ona, aka, ma ke kii a ke ana-aina aupuni, ua ikeia, a nolaila ua auhau ia e like me ia.

Ma ka halawai o na poo la, i malamaia ma Peleula i kela po Poaono aku nei i hala, ua lohe mai makou, aole i holopono na hana, a ua hoopaneeia ka halawai me ka mea ole i hooholoia. No ka puni kualehelehe ano ole ka kekahi o kahi poe. He wahi kumu e ae paha kekahi i hunaia ma ka poopoo.

LEALEA EUBOPA---Ua ike iho makou ma ka hoolahe, e hoala ia ana he aha lealea Europa uku dala maloko o ka Hotele Hawaii, i ke ahiahi mamua iho o ka la mua o ka makahiki hou e hiki mai ana. He elua dala o ka palapala komo.

AHAHUI KULA SABATI O KAUAI---Ua makemakeia na lala a pau o ka Ahahui Kula Sabati o ka mokupuni o Kauai, e akoakoa ae ma Koloa, Kauai, ke hiki aku i ka la 1 o Ianuari. Mamuli o ke kauoha a ke Kakauolelo.

NA KUAI KUDALA KARISIMAKA.--- I keia ahiahi Poaono, e malama ai o Mr. Bartow maloko o kona Hale Kudala e kuai no na mea pili i na makana a kamalii.

A keia Poaono aku, e kuai kudala ai hoi o Mr. Adamu i kana mau mea makiana o keia ano maluna ae.

AHAHUI KUKULU BANAKO.---Ma ke ahiahi Poalima aku nei i hala, ua hoala ae ka Moi i kekahi kumu hana nui maikai mawaena iho o ua kanaka, oia ka houluulu ana e lokahi e kukulu i hui e malamaia ai na wahi loaa a na kanaka Hawaii.

HE HIKIMUA.---O Ka@iemakule o Koloa, Kauai, oia ka hiki mua no ka hookaa e ana i ka uku nupepa Kuokoa no ka makahiki 1877. I na makahiki mua ae nei, i na mokupuni maluna nei wale no ka hiki mua, aka, i keia makahiki, ua eo i ka mokupuni o lalo. O Elemakule kou inoa ohana, aka, no kou eleu ma keia hookaa e ana mai nei i ka la 13 o Dekemaba, ke kapa uku nei makou o Makaala oe.

PAPALE KAAPUNI HONUA---Ua hoounaia mai maloko o ka eke leta mai Kaleponi mai, he papale kaleponi palupalu, me na huaolelo, "e hoonua aku a puni ke ao nei iloko o na la he 80." He hana hoakaaka paha keia, he hoao io paha, e ikeia ka puni io ana o ka honua nei i ua papale la, iloko o ke 80 la.

NA WAIWAI HAWAII MA KAPALAKIKO.---Ma na lono hope m@i nei mai Kapalakiko i loaa i ke Kuokoa, ua ike ia liho, ua pii na waiwai Hawaii ma ka makeke o Kapalakiko. Kopaa Hawaii iloko o ka pahu, mai ka 8 1-2 a hiki i ka 11 1-2 keneta o ka paona; laiki Hawaii, mai ka $6 50 a hiki i ka $7, o ka haneri paona; ko ke kope kaulana o Koea, mai ka 21 a hiki i ka 22 keneta o ka paona. Pomaikai Hawaii la.

MAU MOKU OKOHOLA HOU.---Ua lohe mai makou, ua kuai hou la ma Nu Pepeki, he eono a ewalu mau moku okohola hou, a e hoo@ia mai ana iloko ae nei o Ianuari no ka Arita, e pani ma kahi o na moku poino o keia kikina. Ua pii ae ke kumukuai o ka iwi kohola ma Nu Ioka i keia wa, he $3 00 o ka paona. O ka lono hope loa, ua hiki i ka $290 o ka paona.

NA HANA HOU---Ua lehulehu wale na hana hou o Honolulu nei i keia mau pule kokoke i hola aku nei, a e nee nei. Ua hoomaikai hou ia kekahi mau alanui o ke kaona nei, ua kukulu hou ia he mau hale laau hou, a ke kahiko mai nei ka pa o Mililani ia ia iho me kona mau pou hou nani. O keia mau mea a pau, he hoike ana ia ke holo nei kakou imua.

UWE WAIMAKA.---Ua uwe waimaka maoli o Ani Pake o Kawaiahao i ka Poalima aku nei o ka pule i hala, i ka hoi ana aku mai ke kaona nei, na komo kolohe ia kona hale kuai lole, a na aihue ia he umikumamalima dala keokeo, mailoko ae o kona ume kuai. I ke ao no ke kemoia ana e ka aihue, mahope mai o ka hale ka wawah@ia ana. Aole i loaa ka mea aihue a hiki i keia wa.

Me ke aloha walohia makou i ike aku ai i na lepera a me ko lakou mau makamaka e kuwo ana na leo a e olu ana ka pihe, i kela a me keia holo ana a ke kona W@ wiki no Kalawao. Aole no na lepera i make ma ke kino i ko lakou wa e laweia aku ai maluna o ke kuna, aka, ua huna ia ko lakou mau make i mai ka ike ana aku a ua makamaka a me na ohana. I kekahi holo ana a ke kuna mamua aku nei e laweia ana ke kane a kekahi wahine; a i ka nee ana aku o ka moku, aia hoi, kuwo ae la ka wahine no ke kane i ka laweia, a he kei ki ma @oua koa e waha ana. Uwe like ae la laua. He hiohion@ o ka mokumokuahua a me ka eehia kai pahola iho ia wa koke.

Mamule o ka makaala mau a me ka hana kino iho o Apiki, ka makai o Ainahou, ua maemae a nani maoli o Ainahou, i keia wa, ke nana'ku. He mahalo piha ko makou no keia. Ke ulu maikai aela ka manienie, a he mea hiki hoi ke holoholo aku maia wahi, me ka makau ole o moku na wawae i i ka omole. Ua hookaawaleia i wahi kiola opala malaila, a o ka poe e lawe aku nei i ka opala ua hoopololei ia lakou, eia nei, a kalu e kiola ai, nohe hoi o ka pono kiola haukae aku e like me mamua, i ka wa makai ole. Ua pomaikai ka loaa ana o keia elemakuie eleu nana e makai pono ka maluhia o ia wahi o ke aupuni.

PANI ANA I KA H@KEIKE NUI.--- Ma kekahi wahi e ae o ka pepa o keia la, e ikeia ai na hana hope loa o ka hoikeike nui o Piladelapia ka la 10 o Novemaba i hale aku. ma keia hunahuna hoi, e hoikeike aku ana makou i ka nui o na la kanaka nui o kela a me keia hoikeike nui i kukuluia ma na aupuni nui o ke ao nei, a oia keia:

Piladelapia, Sept 28, 1876 257 285

Parisa, Oct 27 1867 183.923

Vienna, Nov. 1, 1872 135.674

Parisa, Sept 9, 1855 123 917

Ladana, Oct. 7 1861 109.915

Ladana, Oct. 30, 1862 67 891.

O ka huina pau o na loaa o keia hoikeike nui no na uku palapala komo, mai kona la i weheia ai ahiki i ke pani ana, ua hiki aku no ia i ka $4 308,735. O ka nui o na komo ana ma o na palapala la i kuaiia, ua oi aku mamua o eono miliona. Aole i weheia ka hoike ma na la Sabati.

LEI ROSE UA HALA.---No kuu manao, e hookipa mai ana oe i keia puolo e kau ae la maluna No ka mea, nou ka inoa i kapaia "ke Kilohana o ka Lahui Hawaii." A e hookipa ae oe ma kekahi wahi kaawale o kou kino holookoa. Aia ma ka po o ka la 8 o Novemaba; ua lawe aku la ka mea Mana Loa i ke ola hanu o Kaaekohola, ua hala aku ma ka poli o Aberahama, aia malaila kahi i hosana ai me na anela o ka puali lani. Ua noho iho na makua, me ka uwe paiauma no ka laua kamalei rose, i ka haalele ana mai i ka poli pumehana o ka makua. Ua noho ua nui mai ko'u aloha no keia lei rose i ka hala ana i ke ala hoi ole mai a he ilina hookahi keia no kakou a pau e like me ka ka palapala Hemolele i olelo mai ai e hoi ka lepo i ka lepo, pela na mea a pau e hoi ai ilaila.

 S B KAWAAIHOOLE.

Nawawa S. Kona.

Elua la ka makamaka!

Ma ke ku ana mai o ka moku Discovery i ka Poalua iho nei, iloko o na la @ he 22, ua loaa mai keia mau mea hou mala! iho:

No Amerika

Ahiki i ka la i holo mai ni keia moku, aole i loheia mai ka mea i puka i Pe@residena no ka Ripabalika nui o Amerisa. He elua mau mokuaina i koe aole i loheia mai ko laua mau heluna balota koho Peres dena. O ka mea i maopopo lea, o ka Perosidena a ka aoao Democarata, he 184 ona mau balota maopopo hoopaapaa ole, a hookahi balota i koe, alaila puka laelae. Aia a pau na mokuama hoopaapaa i koe i ka aoao Ripubalika, alaila, komo ka la kou Peresidena, he hookahi wale no balota oi. Aka ina i @lo hookahi mokuaina i ka aoao democarata, alila, puka ka lakou.

Eia ka olelo a ka Peresidena a ka aoao Democarata i kekahi mea kakau nupepa: "Ua maopopo ia'u ko'u puka. Ua lohe mai nei au mai na apana koho balota mai a pau o Florida, a koe he elima i koe, a no ia mea i maopopo ai ia'u ko'u puka!"

Ninau a ka mea kakao---"Ke manaoio nei oe, na hoaoia kekahi mau hana apuka e ka poe Ripubalika?"

Pane---"Manaoio no au e apuka mai no lakou ina e au ana lakou e hana pela."

Ninau---"He wahi mea anei kau e olelo ai no ka olelo kuahana a Peresdena Kalani, e hoouna i na koa i ka Hena?"

Pane---"Aole au i noonoo e hoike i ko'u manao no ia mea."

Ke loheia mai nei, ua nui ke apuka i hanai ma keia koho b alota ana ma na aoao a elua, a ke hooleia nei kekahi mau elele i kohoia e ka aoao Ripubalika, aole e hiki ke hele e koho i Peresidena, no ka nea, ua papaia na luna aupuni aole e holo elele koho Peresidena.

Ua hoounaia he mau puali koa i Karo lina Hema, Florida a me Lousiana, e hoomalu i na wahi koho aloa, no ka haupu o hoohaunaeleia i ka manawa e heluia ai na balota, oiai, ua puapuai ae kekahi mau hokuku nune aku nune mai ano haunaele.

No Europa.

No Rusia

He ano nui no na mea hou mai Europa mai, a me he mea la, e kana nui aku ana paha, ke ole e ae ia ka Rusia makemake e koi nei ia Tureke.

Iloko o ke kaua a Tureke e hahau aku nei i ka make maluna o kona mau okana aina kipikipi, ua noi mai na mana e ae o Europa, e hoomaha ke kaua, a ua ae aku ia.

Sana Peteroboro, Nov. 11.---Eia malalo iho nei ka haiolelo a ka Emepera o Rusia imua o kona mau makaainana ma Moscow i ka la 10 iho nei:

"Ke hoomaikai aku nei au no ko oukou mau manao e pili ana i ke kulana hooponopono aupuni, e mawehe iki mai nei kona mau hiohioua i ko ka wa i hala aku mamua. Ua ike oukou, ua ae mai o Tureke i ka'u mau noi no ka hoopau hikiwai ana i ka hopena o ka pepehi kanaka hope ole ma Serevia a me Monetenegero. Iloko o keia hakaka i ike ole ia mamua, ke hoike mai nei na kanaka o Monetenegero i ko lakou wiwo ole. Aole paha e hiki ke kamailio ole ia no na Serevia, no ka mea, me ka nana ole i ke kokua a ko kakou mau koa pualo, he lehulehu wale o lakou e hookahe nei i ko lakou mau koko no ko Serevia kumu. Ke ike nei au e kui lima pu mai ana o Rusia a pau me a'u no ke aloha ana i na ehaeha i loaa i ko kakou mau hoahanau a me ke poe kokua iloko o ka aoao hoomana hookahi. O ka pono a me na pomaikai oiaio a Rusia, ua oi ae kona @i nui ia iloko o ko'u puuwai, a o ko'u makemake kiekie o ka hoopakele i ke kahe ana o na koko o na keiki o Rusia. No ia mea, ua hoao au a e hooikaika hou aku ana e loaa mai ka hoomaopopo ana i ko na karistiano kulana ma ka hana maluhia. Iloko o na la pokole i koe, e hoomakaia ka noonoo ana ma Konatinopela i ka hopena o ka'u mau noi, a o ko'u makemake oiaio, o ka hiki aku i ka ae lokahi ana. A ina au e ike aole e ae ia mai ka'u mau noi kupono mai a Tureke mai, alaila, ua paa kuu manao e hana kaokoa owau wale iho. Ua manaoio au, e pane like mai ana o Rusia a pau i ka'u kena aku, ina au e ike he mea kupono e kahea aku no ko Rusia hanohano. Na Moscow e alakai i ke kana e like me kona haawina. Pela ke Akua e kokua mai ai i ka kakou misiona laahia."

Ladana, Nov. 10.---Eia malalo iho ka palapala a ke Kuhina o ko na aina e o Enelani i kona Kuhina noho ma Konatinopela:

"Ua hoike mai nei o Generala Schouvaloff (ko Rusia Kuhina noho ma Ladana) i a'u i kona kanalua, no ka ae ole paha ananei o Rusia i eono malama e hoomaha ai ke kaua, e like me ka ke Suletana o Tureke i makemake ai. Ua manao iho nei au he pono paha ke kau leo aku i ko Rusia Kuhina noho maanei, ina he hiki i ka la@ e Enelani ke manaoio aku e hooweliwelua ana o Konatinepela ma keia kumu, ioa no e mau ana ka inaina ia o Tureke no kana mau hana maewaewa. Ua hai aku nei au iaia, o ko Rusia hoole ana iho nei i ka eo@ malama hoo@ o ke kaua, he hoike ana ia i ko Rusia manao paa e @ua aku ia Tureke, me ke @oikoi pu aku ia @ e hoomaopopo aku ia i kona aupuni, @ paha o ka manao halia a ka lahui o Enelani, oia ka Rusia e manao paa nei a hooholo."

Ua noi aku nei o Enelani ia Rusia, e kukul@ia ona aha kuka ma Konatinopela, maluna o ka noonoo ana ko Tureke pono e noho