Ka Nupepa Kuokoa, Volume XV, Number 50, 9 Kekemapa 1876 — Page 4
| This text was transcribed by: | Walt Kekoanahenahe Bodnar |
| This work is dedicated to: | Halau Malamalama 'O ka Mahina |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA KUOKOA, ME KEAUOKOA I HUIIA.
OUR JESUS CHANGETH NOT.
Gospel Singer 120.
1.
Aohe mea paa maanei,
Ka loli no a mau,
Na aka oli i nania'e
A me na huahanau.
Hookahi makamaka,
Ko kakou nei Iesu,
Mau loa kona aloha,
A loli ole no.
Cho.-Mai mua loa a hiki ia nei,
Oia ke Hoa mau,
A oia mau ke Alakai,
Mai nei a i ke ao.
2
Na pua i mohala mai,
A onaona e,
Aole po a luhe ae,
A mae a helellei,
Ma kahi waonahele,
Hookahi pa omao,
A aia me Iesu la,
A lolo ole no.
Cho.-Mai mua loa, & c.
3
Nana na maka i ke ao,
He nani a laelae,
Aole emo no a kau
Na ao a pouli mail
Hookahi ao ao ole,
Aole hoi he po,
A aia me Iesu la,
A loli ole no.
Cho.-Mai mua loa, &c.
HAWAII.
HAAWINA KULA SABATI.
HELU 13, SABATI DEC. 24.
KUMUHANA.-Ka hoi i hope no ka hapaha.
PAUKU BAIBALA.-Oih. 7-12-17.
Panku Gula, "E lilo ananei ka mea auku i hookahi tausani a o ka mea liilii i lahuikanaka i kaika; owau o Iehova, e hoowikiwiki no au ia i kona manawa." Isaia 60:22.
Mele, Him. 492. 7-6. Leo Hosana Haw.
1
Ke wehe nei ke alaula,
A nalo ae ka po,
E ala mihi ana
Ko nei a me ko o;
Ke lawe nei ka moku
I na olelo hou
No na lahui aina,
E hili ana no.
Pule hoomaikai i ke Akua no ka holo ana o kala olelo i o ianei, &c.
Na ninau a ke Kahu.
Na Makua. Haawina 1. He kumuhana healia? Ka Setpana olelo pale- Heaha kona hihia? Imua owai kona pale ana? Pau anei kana olelo pale ma ka Haawina 1? Aole. Aia ma ka Haawina II kekahi. Hai mai i kekahi mau olelo pale ana.
Haawina III. Ua pau pono anei kana olelo pale? Na ke aha ka pau ole?
Na Keiki nui. Heaha ka hopena o ka Petero olelo pale? Kona make ana. Heaha na huaolelo i huhu loa ai ka aha hookolokolo, a hoahewa e make? Kona olelo ana, he poe a-i oolea lakou, okipoepoe ole ia ma ka naau, a ma ka pepeiao, e pale mau ana i ka Uhane Hemolele. Ua pepehi lakou i ka mea Hemolele ia Iesu; aole lakou i malama i ke kanawai; ua ike oia ia Iesu ke keiki a ke kanaka, ma ka lima akau o ke Akua. Pehea oia i make ai? Ua hailukuia i ka pohaku a make. Heaha kana pule nona iho? E ka haku, e Iesu, e hookipa oe i kuu uhane. Heaha kana pule no ka poe i pepehi iaia? E ka Haku, mai kau oe i koia hewa maluna o lakou. Make pomaikai anei oia? Ae. Hai mai. Mataio 5:12.
Na Pokii. Owai keia kanaka i pepehia? Setepano. Pepehiia no ke aha? No ka pono, no ka hoopili ana ia Iesu. Nawai i pepehi? Na na Iudaio hewa. Owai kekahi kanaka i pepehiia mamua loa aku no ka hana pono? Abela, Nawai ia i pepehi? Na Kaiua ke kaikuaana. Owai kekahi mea nui i pepehiia me ka hewa ole? O Iesu. Make oia mahea? Ma ke kea. I aha? I Kalahala no makou. Heaha ka Iesu pule no ka poe i pepehi iaia? E ka Makua, e kala mai oe ia lakou. Pono anei ke pule no na enemi?
Ke kula a pau. Haawina IV. Heaha ke kumuhana? Simona hea? Hai mai i kana hana kilokilo. I ka manaoio ana o kekahi poe, oia anei kekahi i manaoio a bapetizoia? No ke aha? Heaha kana i makemake ai e kuai me Petero ma? He aha ka Petero olelo weliweli iaia? Hiki auei ke kuai i ka mana o ka Uhane a me ke ola mau me ke dala? Hai mai. Isaia 55:1. Owai ka poe hoohalike me Simona?
Haawina V. No Pilipa me kekahi luna Hai mai i ke ano o ka huli ana o keia luna He luna oia no wai? Ua aha ia oia ma ke alanui? Ua bapetizoia a mahope pehea Isua? Aole anei he pono ke hoohalike, e huli koke a bapetizo koke ia.
Mele-Him. 309 6-8 Leo-
1
E Iesu, nou makou,
Make aloha mau,
Na kino me ha uhane pu,
Nou no, a mau loa no.
3
Hoohui ia makou
Me oi ke kumu mau,
I like pu, a hahai no
Mamuli pono ou.
Na makua. Haawina VI, VII. Na kumuhana, heaha? Ko Paulo hili ana a me ka haiolelo mua ana. Heaha ko Paulo ana mua? Hoomaau ia wai? No ke aha? Heaha ka mea i ano hou ai oia? Hai mai i ke ano o kona huli ana ma ke alanui, ka ike ana i ka malamalama nui a hia ilalo, a lohea ka leo kahea pehea? Nawai i kuhikuhi i kana e hana i? Anania aha keia? Nawai i koho iaia i luna haiolelo? Hoomaka koke anei oia e hoiolelo? Mahea ka halolelo mua ana? Owai ka poe keakea a imi e pepehi iaia? Ehia pakele ana i ka make iloko o ka Haawina 7? Nawai oia i hoopakele i ka make? Ma ke aha hoi? Ehia makahiki i hala mamua o ko Saulo hele ana i Ierusalema? Owai ka i makou iaia? No ke aha? Nawai i hoopau i ko lakou makau?
Na keiki nui. Haawina VIII, IX. Na kumuhana heaha? Ka hoola hou ia ana o Doreka a me ke akaku o Petero Owai Doreka? He wahine haipule a manawalea, a humuhumu lole no ha wahine kanemake a ilihune. He mai nae kona a make. Owai ka i kiiia? Petero Aia oia mahea? ma Lida A puka Petero Ilaila, e aha ana na wahinekanemake? E uwe ana e Kuhikuhi ana i na lole a Doreka i hana'i. A pehea? Ua hoola hou ia anei Doreka? Nawai? Owai na Doreka maanei? Hai mai i ke akaku o Petero, i ka mea ana i ike ai, ke kii ana o Korenelio iaia.
Na Pokii. Hai mai i na inoa iloko o keia mau Haawaina i paa ia oukou. 1 Setepana, he kanaka wiwo ole i ka malama ana ia Iesu. 2 Pilipo, he haiolelo maikai. 3 Somona, he kanaka kilokilo, he kaula wahahee, a huli hookamani mai- 4 Sauulo, he kanaka hoomaau i na haumana a Iesu, a huli pono mai nae. 5 Doreka, he wahine haipule a aloha 6 Korenelio, he lunakoa haipule 7 Petero nana i hoola ia Doreka, a hai i ke ole ia Korenelio Pehea oukou? He poe hoopili anei ia Iesu anei, a kokua i ka poe ilihune, a makemake i ke ola mau loa? Nawai oukou e hoola ke make? Na Iesu.
Ke kula a pau. Haawina X-XII. Na kumuhana ekolu, heaha? Ke apoia o na aina e.-Ka hoolaha ana i ka Iesu olelo- Ka hoopakeleia ana o Petero. Owai ka ohana mua o na aina e i apo ia, bapetizoia, a hookomoia iloko o ka ekalesia? Korenolio ma. Hai mai i na mea e pili ana ia Korenelio, mai ka mua a hope Bapetizoia lakou ma ka hale-owai ma ke alanui? Pehea ka hoolaha ana i ka Iesu olelo? Mai hea aku a i hea? Hai mai i ke kahi mau aina, a kauhale, a kulanakauhale. Aia lakou mahea? Lehulehu anei ka poe holi mai? Mahea i kapa mua ia ai na haumana a Iesu, he poe Kristiano? A no ke aha? Owai ka lunaolelo i pepehiia i ka pahikana? Owai ka lunaolelo i hoopaaia iloko o ka halepaahao? e wai? A no ke aha? Hai mai i na mea eha i hoopakeleia'i Petero i ka make.
Mele. Ka wa Hoola. Robine Gula Leo 53.
Kuu i waa, ka wa hoola, &c.
Pauku 1 me ka 4.
Na Kumu. Hai mai i ka pauku gula no keia Haawina hapaha. Heaha ka mea nuku mamua a lilo i tausani, a i lahui ika ika? Ke koko owai ka i lilo i hua kanu i mea e mahuahua ai ka ekalesia? Ma ke aha? Ma ka hoopuehe ana i na houmana. Ma ka hule ana o kekahi mea nui, nui loa ka poe e i huli mai. Owai ia mea nui? Na manao pili, hai mai.
1 E hai wiwo ole aku i ka Iesu olelo,
2 E hoopili ia Iesu a i ka make, i loaa ka uku ma ka lani.
3 E hele i o ianei e hoolaha aku i ka olelo o ke ola. a e kokua i ka poe hoolaha
4 E haioule, a aloha manawalea e like me Doreka, me Korenelio. E hui na po. Kii me ka poe nui, ma ka humuhumu a hana i na mea e pono ai ka poe ilihune, naaupo, &c.
5 E pule no ka poe pilikia, i hoopaaia iloko o na halepaahao Mana ka pule a ka poe manaoio. Mana hoi ke Akua.
6 Hoomau ma na hana pono, ma na Kula Sabati, &c.
mele. Himeni 495. 8-7-4.
1
Ma na mauna pouli wale,
nana kuu uhane e;
Wehe mai ke alaula nani,
Eia mai ka Inbile!
Oiaio!
Ko Iehova nani nei!
4
Holo, e ka euanelio,
Holo Lanakila mau;
Nou e lilo ai na pio
I ohua no Iesu!
E ka Haku,
Nou na aupuni o ke ao.
Pule i holo lanakila ka euaueli, i lehulehu ka poe lohe, a huli a ola.
Haawiua no Dekemaba 31. Ka hoi hope no ka makahiki. I Sam. XV. Kekahuna XII Oihana I a XII.
He manao pane la laupalua.
E KA LUNAHOOPONOPONO, Aloha oe:-
E oluolu paha oe e hookomo iho i keia mau wah lalani, ma kahi kaawale o kou mau kolamu, he manao hoohalahala ko'u, a koe hoi ma ka mea i hoopuke ia, e Mr. Laupaina, iloko o ka mahina o Mei N. H. 1678. no ka hoomahamaha o Kemukahi a me na hoa i hahai aku mahope o kana hana hoonanamana, i kukoiu 14 ma ka apana o T coma lei Puget Soued. Ke olelu aku nei au ua hoopunipuni a wahahee loa, kua makamaka i hoohepa ino ai i kona inoa o Laupaina.
Eia ka pololei loa iloko o ka mahina o Nov M. H. 1875. loaa ihola kahi keiki uuku loa nona paha na mahina eoho a kea aku paha, i ka mai ia manawa kii aku ia kona makuakane i ke kauka haole, eia nae hana ihu la na kanaka haole nei a aneane e lawe aku ka me. nana i heua mai; ia menawa loaa iho la keia kanaka o Kumukahi kona inoa, eia ka he kahuna keia wahi kanaka no kakou. ua ike aku au iaia mamua ae nona makahiki elua a oi aku paha, aole oia i haoa i kekahi mai noii, a i kona kii ia ana'ku eia ka ua lena kona koi wahi a ka holona, ia mauawa ninau aku la na makua pehea kau ike, he mai pilikia anei! aole anei, no ka mea na i mai nei ke kauka haole aole e ola, no ka mea, ua nuhae oloko, oia hoi he puu nui ma ka aoao o keia keiki opiopi iluna kona al. Pane mai la ua Kahuna nei penei o ka ike ia a ka haole, ae! ae, na pau ka ike ona haole, i na ua nahae oloko, ke kumu hoi o keia puu, kulakahiko i make ai na keiki, eia nae kau ia olua e na makua mea keiki, i hoailona au a i ku ma ko'u aoao, alaila hana au i ke keiki a olua ae mai la na makua me ke kaumaha O kolaua manao no ka laua kei i muli, ia manawa, ua hoailona iho la ua kahuna la a ku ma kona aoao ia manawa olelo mai la ua kahuna nei, na ae ia mai na'u eu ana ke Keiki a olua, aole paha: hala oa pule elua loaa mai la ka oluolu i ka mea opiopio, i ka pau ana o ka mahina, ua oolea mai la ke kino o ke keiki ia manawa olelo mai la ke kahuna o keia keiki a olua he kino kanaka kona, eia o kona muli mai, he puu koko, o ke keiki ia a olua ililo kinowailua, i ka hala ana o na mahina elua a keu aku ae, ua pau ka pilikia o keia keiki e noho nei, ua nui a kanaka makua ia e noho noia.
No ka huakau imi ola ke kumu hoi ililo ai i hana hoomanamana.
Eia ka olelo pane malaila i kuu hoa'loha Laupaina.
O Laupaina aole oia mai kahi i kapaia Tacoma na lohe lauahea aku oia ia D. Noa ka me hoi nana i lawe mai o Kumukahi i hala aku la ma kela aoao o keia ola ana, ma ko laua hiki ana mai, ua o nawaliwali o Kumukahi i ka manawa i hana aku ai, ua kahuna nei, ewalu no la ikaika mai la oia a hele aku la ma ke kaona, o ka hana hoi a Mr. D. Noa eia oia ke liki nei no kona mau kaikuahine makani ke ola o keia kanake, he weliweli launaole kona leie iluna e like ma kekahi o na pupule a o ke kahua hoi keia ana i manao mai ai, na lilo ia i mea ole a no ka pakuikui launaole o keia kanaka, nolaila manao iha la ke kahuna e hookaawale aku i ka mai ma kekahi aoao o ke kaona he kai kuoao ia i kapaia ka inoa o Quarter Master harbor, ia manawa i pau aku ai kela a me keia mahope ona a owau pu no hoi kekahi i hahai aku mahope.
Eia ke haawi aku nei au i ka hoomaikai me ka mahalo piha, no Kauka Kumukahi, aole hoi e like me kuu hoa'loha Laupaina i hoopuka aku nei, ina malama i kaa hope aenei. Auhea oukou e na makamaka, ka lehulehu, me na kioi o ka poe e noho ana ma keia mau kapa kahakai, mai Hawaii o Keawe a Kauai o Mano e wehw iki ae oukou i ka ipuka hale, a nana mai i keia mau kumumanao. Ua pili anei ia i na hoomanamana e like me ka olelo hoolaha a kuuhoa Laupaina i komo aku nei, ina helu mua o ke nupepa Kuokoa, Nolaila ke i aku nei au ia Laupaina, mai kakau a hoolaha wahahee e like me keia, ke ole ia e ike maka i na mea i hana ia. Ke hooki nei au i ka'u leta ma keia wahi me ko'u aloha piha no na keiki ulele hua kepau.
W. H. K. LAUPULUKI-
Yacoma Saw Mill, Sept, 30, 1876.
[Heaha ka hailona a kauka Kumukahi i hoailona ai a ku ma kona aoao i lapaau ai oia? He waiwai kekahi o ia hailona puu iliili, a nana opu apu-awa paha? LH]
He hilahila i ka olelo hooholo a ka Lunakanawai Apana o Molokai.
Mr. LUNAHOOPONOPONO; Aloha oe.-
Ina paha he mea oluolu ia oe a me kou mau hoa paahana pu, e wae ae a e kalana i kahi mau hopuuaolelo ano nei o keia kukulo manao i noonoo nui ia me ka nune o ka naau o ka lehaleha o keia apana o Molokai nei, a i ike mai hoi na hoa heluhelu o ka nupepa i ke ano o ua olelo hooholo a ka lunakanawai Apana o Molokai, a manao mai lakou e hoopii mai i kahi mau hihia i manaoia e lakou e loaa ana ka lakou mau pono kivila, a me na pono o ke Kumukanawai i kuhikuhi mai ai a malalo hoi o na kanawai a pau o keia aupuni. E ! E akahele mai e na hoe. Mai wikiwiki nui i ka hoopii i ka Lunakanawai Apana E aho e hele mua i na loio, a ole ia, e kali no pela a nui mai ka poina, alaila, na ka Moi e nana i kona lahuikanaka ponoi, koko Hawaii.
E hoakaka aku makou i ka makou mau hihia i ike maka i keia mau hebedoma ihala iho nei.
I-Ke Alii kue la Samuela a me kona mau hoa pu no Kaunakekai, Molokai; no ko lakou pepehi ana i ke kae maluna o kekahi aina o ke Alii Keelikolani ma Kalamaula. O keia kao, mai ka aina mai paha i hooilina e J.I.Dowsett (Kuu. Pelekane) wahi a ka hoike o ka aoao o ke Ahi.
Ma ka hoike hoi a ka aoao i hoopiaia mai, he kao no kaunakakai; nolaila, o Samuela, he luna na ke Ahi, mai Kaunakakai a hiki i Kaluakoi.
Olelo hooholo a ka Lunakanawai Aouna.
Ua hooakuia i na opihi pakahi o lakou, he $17 a oi ae.
Ua hoopii hou i ka Lunakanawai Kaapuni. He hoopii ka hoi ka lauaa ole o keia hoopai ana, oiai, ua ike no noi na lunakawai la i ke kanawai ana i kao ai o A. D. 1874
Pukoo, Nov 23-Ke Alii kue ia Nazareta, lunamakuainana o keia A. D. 1876 iho nei, no ka wawahi pa aina o na haole o Kamalo, oia o J McC rr st n a me H. McCarr stou. He hoopii malalo o ka pauku 2, mahele I o ka makuna 23 o na kanawai hoopai karaima. D W Kaiue, loio.
Olelo hooholo a ka aha. Hoonuuia. He kanaloa ka ahe. (No hoo kela ia makou)
Pukoo Nov. 25.-Ke Alii kue ia D. Me Corriston a me H. McCorriston Kainaalewa. Kuhelelua, Noi, Akiu, Pae; no ke pani alanui aupuni ma kamalo, Molokai. He hoopii malalo l ka pauku 2, mahele 12 o ka makuna 23 o na kanawai houpai karima. D W Kaiue, loio.
Olelo hooholo a ka aha. Hookuuia. No ka hooiaio ole ia e ka lehulehu mai o a o, a hooili aku i ka mea hookahi ka hoohiki ana i ka palapala hopu. (Nu hou alua keia ie makou.)
ma keia mau hihia umua o ka aha apana o Molokai, a me na olelo hooholo a na ana la, "He hilahila na uku o ke poo"
Ua ike ole ke kahu aha i ke kanawai a me ke ano o ka hihia i hoopiiia mai, a he wahi ano hoopili hoa luna makaainaua paha, a he maka'u loio paha?
E ka "Nupepa Kuokoa," ke kauoha aku nei makou ma kou L. H. la, e hoakea aku imua o na lunakanawai keikei o ke aupuni, i ke ano o keia lunakauawai, a lakou i hoonoho mai ai no keia apana. He pono loa e hoopau koke ae, o pilikia auanei ka le holehu lahui o ka Moi Kalakaua. a e hoenoho i kanaka i&e kanawai, hoopono a hoopololei ma ka hana.
A ua lono au, e hoopii hou ana no ka poe o keia apana i ke Kuhina Kalaialua, no ke paniia ana o ke alanui aupuni ma Kamalo, a e ninau ana i ka Loio Kuhina i ke ano o keia mau hooholo ana a ka luna kanawai i mea e maopopo ai ke ano o ka hihia a me ka hookuu ana.
Aohe no i kawai ko makou mau lunakanawai mai ka manawa mai ia Kalauhala, Kaiue, Kalu, Kamaiopili Nezareta, Kupiheu, aole i hoopololeiia ka hana. Ua hulihuli male i a a ianei ke ano o ka lakou mau hokolokolo ana. Auhea la auanei ka lunakanawai hookolokolo kupono o Molokai i keia mau makahiki aku?
Ina no hoi he haole ka lunakanawai, alaila, e hoopili haole ana no paha a hoopili kanaka, a ina no hoi he lunakanawai kanaka, e hoopili kauaka ana no a hoopili haole.
E aho paha i lunakanawai no Maikonisia, ka poe ohana lehulehu ole ma Hawaii nei ina e naauao mai ana a ike kanawai lakou. Kahaha! E pauna like mai kakou i keia mau lalani Mele Hawaii:
Kahaha! E puana like mai kakou i keia mau lalani Mele Hawaii:
"Ike maka iho nei makou i ka nani o Aipo,
E li ana ka i-o i ke anu o Huailiki."
"Ina Koolae e ino Koolau,
Aikena i ka ua o Koolau."
"Kihe Koolau, kihe i ka ua Moelana."
Aohe keneta i ke kai o Huli,
He mau lima lawelaweia na Kalawemalie."
"He hilhila ole Makaukiu e kauuu nei,
Aohe ke kohu iki o Hanunanuna."
He hui na mea i koe no keia kumainauao, aole i pau, aia a hoaea mai ma o.
SAMUELA G. IKEPONO.
Pukoo, Molokai, Nov 27, 1876
[Ua waihoia ka moa ponoi. L. H.]
Holopono na hana.
E KA NUPEPA KUOKOA E; Aloha oe:-
Ma ke olelo o ka Palapala Hemolele, e i ana, "He mea nani i ke Akua ke huna i kekahi mea, a he mea nani i na alii ke huli aku" E hoomanao ae kakou i keia, ina makahiki i kaahope ae nei, aole i hanaia kekahi bila Kanawai e pili ana no ke Kuikahi Panai Like, a i keia makahiki 1876, i noho loihi ai ka Hale Ahaolelo, no ka noonoo ana i na Bila o kela ano keia ano, nolaila, o ka hooholoia ana o ka Bila Kanawai no ke Kuikahi Panai Like, oia hoi ka mea nui a kakou e nanaaku ai i ke ano o kona kolana ma keia mua aku. ma ka hooinaopopo ana iho i ke auo, ua manaoia e ulu ana ka pomaikai o keia lahui ma ha hana lima, na hana akamai, ka imi ana i ka naauao, a me na hooponopono ana i na mea e pono ai ka ohana; a ke hoike mai nei ka ke Akua mea i huna ai ia kakou, ua ikeia, ua huliia e ko kakou Moi, a ua loaa ea.
Ma ka apana o Kau nei i keia manawa, he mea olioli i na maka o ka poe malihini ake hana, ka ike ana iho i na aina i uluia e na opala waiwai ole i na la i hala ae nei, a i keia mau la hoi, a i keia wa hoi, ke kaena ae nei au me ke kanalua ole, ua ula ka lepo o ka aina i na oo-palau, a he mea nani no ia i ka ike aku. Ua ulu maikai na pulapula ko me ka hiehie, ua hoike mai ka nani o ka aina i kona ano, a e ohe ana ka mahiai i ka hua ohaha o ka honua. Ua piha na eka ao umi a kekahi poe, a oi loa aku no ka kekahi poe. Noiaila, o ka mea hoiliili nui, e loaa ana no iaia na palahaku mahuahua, a o ka mea hoiliili liilii, e ohi ana no ia i na mea malalo iho. No hea mai la ka ulu nui ana o keia hana he mahiko? Aole anei no ke Kuikahi Pauai Like mai? Huro! Oia no!
E o'u mau makamaka kupa Hawaii, mai ka lae makani o Kumukahi, a ka wai kuauhoe i ka pali, e ala, a e lalau i na mea hana, a e hoeha iho i ka honua, oiai, "Ua holo pono ka hana."
Jos R KEALOHAWELA.
Ua nui na Mea Maikai ma keia hale, Maka-aniani, Waki, Waki,
KAULA WAKI DALA, KAULA WAKI GULA. PU, PU, PU, NA PU WAHA-LUA, NA PU WA ha-kahi, Paula, Paula, Lu, Lu, o na ano a pau, Kukaepele Pu, Kukaepele Pu, Huila Humuhumu, KuiLopi, Aila, a me na mea a pau no na Huila. Na ema Gula Maikai, Pihi Palule, Pihi Lima, Kula Pepeiao, o kela ano keia ano, Pahi, Pakeke, Upa, Upa, Hale Manu, Kanana Ti, Kanana Kope, Eke Liilii, a me na Eke Nui, etc., etc.,
EMI LOA NO KEIA MAU MEA A PAU NO KE KUAI KUIKE.
A. L. KAMIKA Opio.
Helu 73. Alanui Papu.
KA AILA BALAKI A PINKHAMA!
He mea
OLE KA WAI I KEIA AILA HAMO!
Palupalu Maikai na Ili Hooluu.
Ke noi haahaa ia'ku nei oukou, e hoao iho i keia
Aila Balaki, Hamohamo Palewai, Hoopalupalu Ili.
E kaui a e hoao i na Buti, Kamaa, Ili Kaao Kaa, a i na mea ili hooluu e ae paha i loaa ia oikou. Ua lana loa ka manao, ina oukou e hoao ana pela, e mahalo ana oukou, a hoomaikai aku auanei me ke kanalua ole Ina o haino pinepine ia i keia
AILA Balaki, Homahamo Palewai, Hoopalupalu Ili.
E mau no ka palupalu maikai o na ili, me ka nakaka ole. Aole hoi no ka wa ua wale no e pono ai keia Aila, aka, no ka wa la kekahi. He 50 kenota no ke tini.
Aila Inika Balaki Hoomau Ili a PINKHAM.
He mea maikai loa, i hanapaka maoliia no ka hoopalupalu ana i na ili kaa lio, na kaulawaha lio, na noho lio, a pela aku. E hoao oe-Kumukuai no ke kini 75 keneta.
Na olelo Mahalo.
HILO, Nov. 5 1875.
Ua hoao pono wau i na Aila Hanio Kamaa e ae, a ua hoao pono no hoi i ka Aila Hama Balaki a G. S. Pinkham; a ua hiki ia'u ke olelo me ke kanalua ole, o keia Aila ka helu akahi, a me ka oi o ka maikai, o na Aila Balaki a pau a'u i hoao ai. A. O. FORBES.
Ua hoa maua i na Aila hamo Kamaa a G. S. Pinkham & Co., a ua oi aku ka maikai mamua o na Aila Hamo Kamaa mai na aina e mai.
R. A. Lyma,
S. Kipi.
Hilo, Nov. 10, 1875. Kiaaiua o Hawaii.
Hilo, Nov. 10, 1875.
Ua hono pinepine au i na Aila Hamo Kamas a G. S. Pinkham & Co., a ua manao no au oia ka Aila Balaki Kamaa maikai mamua o na aila e ae a'u i hoao ai mamua, a he oiaio keia.
C. K. HAPAI.
Hilo, Nov. 10, 1875.
No ko'u ike oiaio loa o ka Aila Hamo Kamaa a G. S. Pinkham he Aila maikai loa no ka Hoowaliwali i ka ili. D. KAMAI.
Hanaia e G.S. PINKHAM & Co., ma Hilo, Hawaii.
E kuaiia aku no e BOLLES & Co., Agena, ma Honolulu.
KA HUNT'S LAAU OLA
(HUNT'S REMEDY)
HE LAAU LAPAAU HOU, MAI AMERIKA MAI!
He Laau Maikai keia no
Na mai pehu o ka opu,
Na mai o ka puupaa a me ka opu mimi,
Mimi-paa, Mimi-eha, Mimi-helelei,
Ka lepo gravel iloko o ka opu-mimi,
Ka mana ole, kapalili, hui ono ole ka
Na Mai Wahine,
NAWALIWALI O KE KING.
LEPO ULA HOKO O KA WAI MIMI,
MANOANOA PAHA KA WAI E like me keokeo o ka huamoa,
Like paha me na kaula ailika keokeo, eleele, lenalena paha; a i ole ua like paha me
Ka lepo i anaila i na iwi keokeo, a i ka mimi ana, ua wela oioi ka
mai, me ka eha nui o ke kikala a me ka puhaka.
HE NUI NA HOIKE e ola nei, ka poe i loohia i keia mau mai i haiia maluna ae na pau lakoa i ke ola maikai, no ka inu ana i ka
HUNT LAAU OLA, ("HUNT REMEDY)?"
UA HAAWI mua ia keia laau, e kekahi kahona lapaau naauao, i ke kanaka mapehu o ka opu, e noho ana me ka ohana a Mr. Hunt; John Hunt kona luna, he 45 kona mau makahiki, he kanaka nui poepoe, ua loohia i ka mai pehu. Ua haawiia kela me keia laau no keia mai, aole nae oluolu; ua mahuahua mau kona pilikia, ua pau loa ke kino a me na wawae i ka pehu; na kokoke paa loa ka mimi; kokoke pau loa ka hana ana; a na mahuahua loa ka wai iloko o ke kino. Aole hiki iaia ke moe ilalo ma ka moe, nolaila, ua noho wale no iluna i k po a me ke ae. Pela mau kona popiliaia a hiki i kona hoao ana i keia laau, a ke kahuna i kuhikuhi mai ai. A i kona inu ana i keia laau, ua hoomaka koke ka oluolu. Ua paipai koke ia na puupaa i ka laua oihana; ua puka hou ka wai mimi a nui wale; na emi koke mai la ka pehu o na wawae; a ua oluolu hou ke ake-mama i ka hanu aua; na oluolu a maikai ka io o na lala, a e hoi nui mai a na ke ola maikai, alaila, me ke kuhihewa, ua waiho oia i ka laau i kekahi mau la. Ua pono ole nae ka waiho ana ia manawa, no ka mea, aole i ole io maoli kona mai pehu. Ua molowa hou na puupaa i ka laua oihana, a ua mahuahua hou ka wai iloko o ka opu, a ua popilikia hou e like me mamua. Alaila hou auanei maluna o ka mai, a na ola io maoli, a ka hoomaka hou ola i kana oihana mawaho o ka hale.
Oia ka lapaau mua ana me keia laau; a mai la wa mai, (he 25 makahiki) ua ha haneia keia laau e like me ka hana ana o Mr. Hunt, a ua haawi na kahuna lapaau i keia laau i ka poe mai pehu a me na mai like.
Mai ia mauawa mai, ua ikeia, a mahaleia hoi keia laau, mai o a o, e na kanaka, a ua uni ia hoi ma ke ao ana a me ke ao ole ana mai o na kahuna lapaau; oia ka mea i hoola mai i na kanaka ho nui, ka poe pilikia i ka mai peho, a kokoke i ka make.
Na kuhikuhi no ka inu ana:
E INU I KE PUNA TI PIHA, a hale na hora 4, alaila, e inu hou. E mahuahua liilii nae a hiki i elua puna ti piha-a hiki hui auanei i puna nui piua.
NO KE KEIKI hookahi makahiki a hiki i na makahiki eono, e haawe 5 kele, a hiki i na kulu 20; eha hora nae mawaena o ka haawi ana.
KUMUKUAI, he $1.50 no ka omole.
DILLINGHAM & CO.,
Na agena no ka Pae Aina Hawaii.