Ka Nupepa Kuokoa, Volume XV, Number 46, 11 November 1876 — Page 3
KA NUPEPA KUOKOA, ME KE A U O K OA I HUIIA.
NA LUINA HAWAII AUWANA — I ka la 7 o
Feberuari i hala o keia makahiki, ua holo
aku ka moku " Mariame Nottebohn" mai keia awa aku no Hamburg, Geremania, me na luina Hawaii eha, o lakou na inoa, Samuela Keoki, Lui Petero, Iosepa Kaweli a me Kimona, me ka hoopaa ia o na
agena o ka moku ma Honolulu nei ma ka $400 pakahi, no ko lakou hoihoi ia mai i Hawaii nei. I ka moku a holo ai a ma ka la 26 o Iune, make iho la o Kimona ma ka moana, no ka mai he kaokao, a koe ekolu. I ke ku ana i Hamburg, ua hookau ia lakou maluna o ka moku e holo ana i Livapula me ka uku ana i ko lakou mau eemoku ma ka pa $100. A hiki hou i Hawaii nei. Ua koi ia lakou e hana no hoi, aole ae iki. I ka hiki ana i Livapula, hookau ia lakou maluna o ka moku e holo ana i Hawaii nei me ka lilo nui no lakou. I ka holo ana o ka moku a he mau la, hoi hou i ke awa no ka ike ia ana o ka liu. Ia hoi
ana, e mahuka iho ana lakou la a pau a
ua nui lakou ke auwana hele la
Na hunahuna Mea hou o na Aina e.
Ke akena nei o Rusia, ua hiki ia ia ke kahea i puali koa nui nona 2,500,000 ma ke helu pu ole ia o ka poe koa maoli. He oiaio anei keia akena ana ?
Ke olelo nei o Enelani i ka makahiki i hala, ua paa i ka hanaia e lakou, ma ko lakou panalaau ma Inia Hikina, kekahi alahaka loihi hookahi ma ka honua nei. He 61 na kia pohaku i kukuluia ma ka 124 kapuai pakahi, a ua oi aku mamua o ekolu hapaha mile kona loihi. Ua kapili nae wale ia no me na pohaku uinihapa a me ka hao ; o ka nui o na wahi i hahauia e ka poe hana puna, ua hiki ma kahi o 5,000,000 kapuai paailiono, oiai o ke kaumaha o na hau i hooliloia no keia alahaka, ua hiki aku no ia i ka 6,000 tona.
Ke loaa nei i ke kulanakauhale o Kikako ke kuikui mahu (gas light) ma ke dala hapalua ($1.50) o ke tausani kapuai.
Ua hooholo ka Ahaolelo o Auseteralia Hema i puu dala nui $500,000 no ka lawe ana mai i na kanaka o waho iloko o ko lakou aina. Pehea hoi o Hawaii ? Minamina paha a nonohua iho.
Ke hooikaika nui nei kekahi poe ma Enelani a ma Europa no hoi, e hoouna aku i na kauka lapaau a me na lako hooluolu ma na kahua kaua o Tureke a me Serevia. He hana maikai keia ke hookoia a he hana palaualelo hoi ina o ke kamailio wale iho no.
Ma ka la 24 o Sepatemaba, ua hoopahu ia kekahi kakai pohaku e alai ana ma Long Island Sound, i kapaia ma ka inoa " Puka o Gehena" me ke giana pauda. O keia wahi, aia ma kahi e komo aku ai o na moku i ke awa o Nu Ioka ke komo maloko o ua Sound la o Long Island. Pilikia pinepine na moku ma keia wahi, i ka wa e huki ai ke au, a ili no ka moku. O ka hohonu o ua kakai pohaku la he eha wale no kapuai mai ilikai iho. Nolaila, ua hoomoeia ke giana pauda malalo o ua kakai pohaku nei, me ka laweia o ka waea a kekahi Mokupuni, oia hoi ka waea nana e kuni mai i ke ahi a a ke giana pauda. Mahope iho o ke kani ana o ka pu hope loa e papa ana i na kanaka, aole e hookokoke aku ma ua wahi nei, i ka hiki ana o ka wati i ka 9 minute kani ae ka hora 3 o ua auina la Sabati la, pahu a lele liilii ua kakai pohaku la. I keia manawa, ua hiki i na moku he 20 kupuai ka hohonu ke komo me ka pilikia ole, ma ua wahi la.
Olelo Hoolaha Auhau o ka 1876.
NO ka mea, ua hookohuia ka mea nona ka inoa malalo nei, i Lunaauhau no ka Apana o Wailuku, Maui, no keia M H 1876.
Nolaila, ke kauohaia aku nei ka poe a pau i ku i ka Auhau o keia makahiki, ka poe e noho mau ana ma ka Apana o Wailuku, a me ka poe mai na apana e mai, a ke noho nei ma na palena a pau o keia Apana Ohi Auhau, ka poe i loaa a loaa ole paha i ka Lunahelu, e hoopaa koke mai oukou i ko oukou mau auhau a pau ia'u, mamua ae o ka la 25 o Novemaba nei. A o ka poe a pau e hookaa ole mai ana ma ia manawa, e hoopii no au imua o ka Lunakanawai, e like me ke kanawai. Nolaila, e makaala, a e wikiwiki mai hoi, o pilikia auanei. L. AHOLO,
Lunaauhau o Wailuku.
Lahaina, Nov 4, 1876. 780 2m 787
KE kauohaia aku nei na mea a pau, ina he mau mea hana o ke Aupuni ke paa ana ma ko lakou mau lima, oia hoi na kipikua, kopala, a kolopa paha, no ka hana ana i na Alanui, ma ka Apana o Makawao, e hoihoi koke mai ma kuu lima, a i ole, ma kuu hale noho ma Makawao. Ina aole e hoihoiia mai a hala ka la 25 o Novemaba, o ka 1876, alaila, e hoopii no au ia lakou ma ke kanawai o ka aina. E loaa no au ia okou ma ke kikowaena o ka apana o Makawao, Maui Hikina, mokupuni o Kama.
WILLIAM T. COOPER, 780 2t0 781 Luna Alanui o ka Apana o Makawao.
E IKE auanei oukou e na kanaka a pau, o kela ano keia ano, pukiki, haole, nika, kanaka Hawaii, owau o Honosono (pake), ke hookapu aku nei au i kuu aina hoolimalima ia Kalehua, e waiho la ma Manoa, aina o Kanaina mamua, a ua lilo ia'u i keia wa ma ka hoolimalima, a nolaila ke papa aku nei au ia oukuu, aole e hookuu wale i ka oukou mau holoholona Bipi, lio, miula, Iatate, puaa, moa, aole e hele wale maluna o kuu aina i haiia ae la maluna. A ina e loaa kekahi o keia mau holoholona i kuu Luna a me kona mau paniolo a o kona hope paha, alaila, o
hooukuia i $1.00 no ke poo hookahi. A ina e ulu kuu mea kanu a poino paha, e ukuia ke poo hookahi e like me ka nui o ka poino, a nolaila mai ka la aku e puka ai o keia hoolaha ma ka nupepa Kuokoa. E lilo keia i Kanawai paa maluna o keia aina. 780 2t* HOFOSONO.
E KUKULU ana wau he Ahaaida home Hale ma Waikane nei. ke hiki aku i ka la 25 o Novemaba 1876, hora 10 o kakahiaka, nolaila ke poloai aku nei au i na kupunakane a me na kupunawahine o'u, na makuakane na makuahine, na kaikuaana, na kaikaina, na kaikunane, na kaikoeke, na kane, na punalua, na aikane, na kane, na hoaloha a me ka poe e makemake mai ana ; e naue like mai oukou me na hipuu lau oliva a ke aloha, e ai oukou i na mea ai Hawaii a pau o kela ano keia ano i hoomakaukauia e a'u, a " olu ka wau i ko wai a ka naulu" a me na " kuhi kelekele a na Puukolu." E ike no
au ia oukou ma ia la. HARIAKA PAPAAI. Waikane, Nov 8, 1876. 780 et*
EIA iloko o ka Pa Aupuni o Koholaloa Apana
o Honolulu, 2 Lio e kuai kudala ana ke hiki
aku i ka la 18 o Nov hora 12 awakea Poaono. Lio k ulaula wiwi 1 w keokeo ak 2A ano e, Lio k keokeo kukaenalo ak U2 Mau lio hou mai no kahi — Lio k haluwaiapo ak C aole maopopo kahi hao. Lio k ulaula wiwi kuapuka ak KK hem M t Lio w ulaula hauliuli me ke keiki w ulaula ak ano e, Lio w ulaula wiwi kuapuka ak CP hem 13i Lio k ulaula ano elemakule laekea loihi a hiki i ka lae 8 w keokeo hem ak +1 hem ano e.
A B KAAUKUU,
Luna Pa Aupuni.
Koholaloa, Nov 10, 1876. 700 1t*
Ka Hoike Hoohauoli Hope Loa !
— MA KA
Hale Pea Lole ma Ainahou.
CHARLES DERBY,— Luna Nui a me ka
Hooponopono
Mamuli o na noiia ana mai, e haawi hou ia ana he
Hoike Hoohauoli Hou,
Ke haawiia ana no na Lede a me na Kamalii, ma ka auina la
Poaono, : : : : Novemaba 11.
Ia manawa e hookuu ia'i kekahi BALUNA NUI
e lele i ka lewa lani, e hanaia na mea
a paa no ka hoohauoli kupono
ana i na kamalii.
E weheia ana na puka i ka hora 3 1/2, a e hoomaka i ka hora 4 o ka auina la. O ka UKU KOMO, o na Makua he 50 keneta ; a o na Kamalii he 25 keneta, no na wahi a pau o ka Hale.
MA KE AHIAHI O KA POAONO,
E HOEA HOPE LOA MAI AI O
H. L'ESTRANGE
Mamua iho o kona haalele ana mai no Auseteralia, a i loaa'i hoi i ka lehulehu ka manawa e ike ai i
Kana Mau Hana Kupanaha
O NA UKU KOOMO E
Hoemi ia anaa he Hookahi Hapalua !
e paa ana na hana o ia ahiahi me ka
hoikeike nui ana o na Ahi Malamalama Ano e.
Ma ka aoao makai................................50 keneta.
Ma ka aoao mauka.............................. 25 keneta
Hemo na puka i ka hora 7 ; hoomaka na hana i ka hora 7 1/2.
HALE KUAI BIPI HOU !
CITY MARKET.
— MA —
" Ka Pa-wi,"
Alanui Nuuanu.
E WEHE ana ka mea nona ka inoa malalo i kona HALE KUAI BIPI HOU, i ka POAHA, - - LA 16 O NOVEMABA,
E loaa no i na mea a pau na Io Bipi momona, ke naue ae malaila. E kipa malaila, mamua o ka hele ana aku ma kahi ei W. AULD.
Honolulu, Nov 16. 1876. 730 1m 743
OLELO HOOLAHA !
KE HAI AKU NEI O
A. S. Cleghorn & Co.,
(Ake Ma.)
I KA LONO IMUA O KA LEHULEHU, O NA AIE n pau i ko laua HALE KUAI ma ke kihi o
Alanui Papu A ME Hotele,
e hookaaia la Mr. Simon Grant, ma ka Halekuai no, a i ole ma ke Keena, ma ka Hale Kuai Pohaku, ma ke kihi o Alanui Kaahumanu a me Moiwahine ; a o na aie a pau i ka Halekuai ma ke Alanui Nuuanu, e hookaaia ia Mr. S. L. Lewis ma ia Halekuai no, a i ole ma ke Keena e like me maluna'e nei, aole kekahi mea e ae i aeia a i hookohuia e kakau inoa i na palapala hookaa a ohi paha i na aie ma ko laua mau inoa, koe wale no o J. P. GREEN, Esq., (Poka Gerina,) ko laua Loio Ohi Dala. Honolulu, Nov. 6, 1876. 46-1m
AINA MOKAKI ma KE KUDALA !
— MA —
KUKANAKA HONOLULU !
I KULIKE ai me ka mana o ke kuai i hookomoia iloko o ka moraki i hanaia ma ka la 22 o Iune, 1875, mawaena o William C Brown a me Kaili kana wahine ma ka aoao mua, a me William G Brash ma ka aoao elua, i hoopaaia ma ka Buke 42, a ma na aoao 277, 278 a me 279 Ua hoomanaia o Mr. O H Bartow, e kuai aku ma ke kudala i ka
Poalima, - - Nov 24,
I ka hora 12 awakea, ma ka Hale Kudala, i kela aina a pau ma KUKANAKA, Honolulu, Oahu, oia ke kuleana Helu 1144, a Palapala Sila Nui Helu 5640, nona na palena i kuhikuhiia malalo iho : E hoomaka ma ke kihi akau, mauka o keia, pili ana me ko Hauhaukoi, a me ko Ohiaoku, a e holo ana, Hema 28o Hikina l.45 kaula, ma ko Ohiaoku, a hiki i ke alanui ; alaila Hema 43o, Ko 4.00 kaula, mako ki alanui, hiki i ka papohaku, ma Kuauna, alaila Akau 54o 30', Ko 45-100 kaula mako Halai. alaila Hema 55o Ko 25-100 kaula kihi, alaila Akau 45o 30', Ko 72-100 kaula, mako Halai a hiki i ke kihi Akau, makai o keia pili ana me ko Halai a mo ko Hauhaukoi. Akau 33o 15' Hi 4-82 kaula, ma ko Hauhaukoi, a hiki kahi i hoomaka ai. A maloko oia apana, 802. anana.
a me na hale a me na hana hou maluna iho. No na mea i koe, e ninau ia
EDWARD PRESTON
Helu 29 Alanui Papu. a iole la i ka Luna Kudala. 780 2ts 781
E IKE auanei na kanaka a pau, mai keia la aku, ua haawi au ia Mr. Z Y SQUIRES, i ka mana e hopu, hoopii a e hookolokolo ma ke kanawai, i na mea a pau e loaa aku ana iaia e lawelawe ana i na mea maluna o ka aina o KUAOKALA, e waiho ia ma Waialua, Oahu.
SAMUELA ANARU (Samuel Andrews) Honolulu, Nov 6, 1876. 380 2t*
A. M'WAYNE,
Kihi o na Alanui Papu a me Kalepa, Mea hookomo mai a kuai
Laau Lapaau.
Na Kemicala Acida
a me na laa lapaau i hoomaikaiia.
NA KOPA AALA A MAIKAI.
e like me na
WAI ALA,
AILA LAUHO.
KOPA AALA a me na PAUDA AALA NA KAHI LAUOHO, BALAAI LAUHO.
BALAKI.NIHO a MAIUU, &c. HUAHUAKAI AUAU, KAUKA A HOLOI KAA-LIO. Pepa Star Mills.
E makaalaia ka hoopiha ana i na kauoha laau lapaau no na kauka, moku
a me na Mahiko.
E akahele loa ia ka haawi ana i na laau lapaau i ka la a me ka po
779 2m 783 Huki i ka bele i ka po.
AHA Hookolokolo Kiekie o ko Hawaii Pae Aina.
Ma ka hooponopono waiwai, ma ka waiwai o J KA-
HAI, o Honolulu, Oahu i make. Ma ke Keena imua o ka
Hon. A. F. Judd, Lunakanawai alua o ka Aha Kiekie. Kau-
oha e hoolaha i ke noi e apono i na papa hoike, hookuu
ana a e mahele i ka waiwai.
Ma ka heluhelu a me ka waiho ana mai o ka palapa-
la noi a me ka papa hoike a J Meanani & M Kahai, na Lu-
nahooponopono o ka waiwai o J Kahai, o Honolulu i ma-
ke aku nei, a noi ana e aponoia na hoolilo he $1060.50, a e
hookuu ana ia laua iho, he 3,581.25, a e noi ana e nana a
apono ia kela mau mea, a e kauohaia e mahele i na waiwai
e waiho ana ma ko laua lima i na poe i kuleana malaila, a
e hookuu ana ia laua a me ko laua mau hope mai ka noho
ana he Lunahooponopono Waiwai.
Ua kauohaia, o ka Poalua ka la 5 o Dekemaba M H 1876,
ma ka hora 10 o kakahiaka, imua o ua Lunakanawai la ma
ke Keena, ma ka hale hookolokolo ma Honolulu, oia kahi
a me ka manawa i kohoia no ka hoolohe ana i na noi la a
me na hoike moowaiwai, a o ka poe a pau i pili malaila e
hele mai a e hoike i ke kumu, ina he kumu io ko lakou e
a ae ole ia ai ua noi la, a malaila e hoike mai ai na hoike o
na mea i kuleana maloko o ia waiwai i oleloia. A o keia
kauoha, e hoolahaia ma ka olelo Hawaii, iloko o ke Kuo-
koa a me Hawaiian Gazette, he mau nupepa i paiia a
hoolahaia ma Honolulu, no na hebedoma ekolu, mamua
ae o ka manawa i oleloia no ka hoolohe ana.
Kakauia ma Honolulu ko Hawaii P A 5 Nov. 1876. A. FRANCIS JUDD,
Ikeia : Lunakanawai o ka Aha Kiekie Jno. E Barnard, Kakauolelo. 779 3ts 741
AHA Hookolokolo Kiekie o ko Hawaii Pae Ai-
na, ma ka hooponopono waiwai, ma ka waiwai o PII-
ENA w, o Kapalama i make kauoha ole. Imua o ka Lunakanawai Chas. C. Harris. Olelo kauoha, e hoolaha aku no ke noi ana mai, e koho i Lunahooponopono Waiwai.
Ma ka heluhelu a me ka waiho ana mai o ka palapala
noi a Kekainui, no Kapalama, Honolulu, e hoike mai ana,
o Piiena w, no Kapalama, Honolulu, ua make kauoha ole
ma Honolulu, ma ka la 10 o Iune M H 1872, a e noi ana
e haawiia ka palapala hookohu Lunahooponopono Waiwai
ia Kekainui w, no Kapalama, Honolulu.
Ua kauoha ia, o ka Poakahi, ka la 13 o Novemaba, 1876,
oia ka manawa i kohoia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi
no, e hele mai ai na mea a pau i pili, e hoike mai i ke ku-
mu, ina he kumu oiaio ko lakou, e ae ole ia ai ua noi la. A
o kela olelo kauoha, e hoolahaia ma ka olelo Hawaii, i eko-
lu pule ma ke Kuokoa nupepa ma Honolulu.
Kakauia ma Honolulu ko Hawaii P A la 25 o Oct. 1876. CHAS. C. HARRIS.
Ikeia : Lunakanawai o ka Aha Kiekie. Jno. E Barnard, Hope Kakauolelo. 778 3t 740
AHA Hookolokolo Kiekie o ko Hawaii Pae Ai-
na. Ma ka hooponopono waiwai, ma ka waiwai o
KAIKAINA w, o Honolulu, Oahu, i make kauoha ole.
Imua o ka Hon. Chas. C. Harris, Lunakanawai o ka Aha
Kiekie. Olelo kauoha e hoolaha aku no ke noi ana mai e
koho i Lunahooponopono Waiwai.
Ma ka heluhelu a me ka waiho ana mai o ka palapala
noi a Nuole k e noi ana, e hoonoho ka Aha iaia i Luna
Waiwai ma ka waiwai a pau o Kaikaina w, no Pualoalo,
Honolulu, Oahu i make kauoha ole ma ka la _ o _
M H 1871, a e noi ana e haawiia ka palapala hookohu Lu-
nahooponopono Waiwai iaia.
Ua kauoha ia, o ka Poakahi, ka la 14 o Novemaba, 1876,
oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo
o keia Aha, ma Honolulu, a ma ia manawa a ma ia wahi
no, e hele mai ai na mea a pau i pili, e hoike mai i ke ku-
mu, ina he kumu oiaio ko lakou, e ae ole ia ai ua noi la. A
o kela olelo kauoha, e hoolahaia ma ka olelo Hawaii, i
ekolu pule ma ke Kuokoa a me Au Okoa, nupepa ma Ho-
nolulu.
Kakauia ma Honolulu ko Hawaii P A Okatoba 23, 1876. CHAS. C. HARRIS.
Ikeia : Lunakanawai o ka Aha Kiekie. Jno. E Barnard, Hope Kakauolelo. 778 3t 780
AHA Hookolokolo Kiekie o ko Hawaii Pae Aina, ma ka hooponopono waiwai, ma ka waiwai o E. KANIHINA, o Honolulu, i make. Ma ke Keena imua o ka Hon C C Harris, Lunakanawai o ka Aha Kiekie. Kauoha, e hoolaha i ke noi, e apono i na palapala hoike, hookuu ana, a e mahele i ka waiwai.
Ma ka heluhelu a ka waihoia ana mai o ka palapala noi a J Porter Green, a me Kaheiau w, na Lunahooponopono o ka waiwai o K Kanihina, o Honolulu i make, e nonoi mai ana, e apanoia na hoolilo, he $933.30, a e hoike ana, o na mea i loaa mai ia laua, he $933.30, a e noi ana e nana a aponoia keia mau mea, a e kauohaia e mahele i na waiwai e waiho ana iloko o ko laua mau lima, i ka mea i kuleana malaila, e hookuu ia laua a me ko laua mau hope, mai ko lakou noho ana ma ia ano.
Ua kauohaia, o ka Poakolu, ka la 27 o Novemaba, M H 1876, ma ka hora 10 o kakahiaka, imua o ua Lunakanawai la, ma ke keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua nonoi la a me na papa hoike i oleloia, a o ka poe a pau i pili malaila, e holo mai a e hoike i ke kumu, ina he kumu io i ko lakou, e ae ole ia ai ua noi la, a malaila e hoike mai ana hoike o na mea i kuleana maloko o ua waiwai la. A o keia kauoha, e hoolahaia ma ka olelo Hawaii, ma ka nupepa Kuokoa, he nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii P A. Oct 20, 1876. CHAS. C HARRIS,
Ikea : Lunakanawai o ka Aha Kiekie. Jno. E Barnard, Kakauolelo. 778 3ts 780
E IKE auanei na mea a pau ke nana mai lakou i keia aia ma ka la 11 o Novemaba, hora 10 kakahiaka A.D.
1876, e kuai kudalaia ana ka waiwai paa o G W Lilikalani, e waiho ana ma Koloa, Kauai, oia hoi 1 Eka a me 44 - 100, ka nui o ka pa hale, a oi aku, a emi iki mai paha, he wahi mahiai no hoi e pili ana. Hookahi hale noho me kona mau rumi maikai, a me na hale laau liilii e ku ana maluna iho, a he auwai no hoi e kahe pili koke ana i na hale a me ke alanui hele e pili ana ma ka aoao makai, a hiki aku i ke ala nui aupuni, a he mau laau malumalu maikai e oluolu ai ka noho ana. A he kokoke no hoi ma ke awa ku moku. He wahi kipa mau la no e na'lii, no ko lakou ike no i ka oluolu maikai o ka noho ana. Nolalia, ke kaheaia
aku nei ka poe a pau e makemake ana e loaa ia lakou ka-
hi oluolu maikai, e hele koke mai i kahi, i ka la a me ka manawa i oleloia maluna, me ka makaukau, mai lohi.
Mrs. H K LILIKALANI,
J W KAHELE,
Na Luna Hooponopono o ka Waiwai o Lilikalani. Koloa, Kauai, Okatoba 14, 1876. 777 4t* 780
MAI keia la aku, a ma keia palapala, ke hoike nei au i ke akea, aole au e hookaa ana i kekahi aie i aie ia e ka'u wahine, a ma ko'u inoa, ke ole e loaa he palapala ae mai ia'u aku. MOSE HAO. Kukuihale, Hamakua, H., Oct 31, 1876. 780 4ts 783
KE PAPA, a ke hookapu loa aku nei au i ka poe mea holoholona a pau loa, aole e hele wale maluna o ka aina Ahupuaa i kapaia o Puaaloa, ma Ukumehame, Maui, a i hoolohe ole oukou, e hana no au e like me ke Kanawai. OPULUA. Konohiki a malama aina o ka Mea Kiekie C Kanaina. Lahaina, Maui, Oct 1876. 779 4t* 782
AINA HOOLIMALIMA !
NO NA MAKAHIKI ELIMA a oi aku paha, no ko'u mahele iloko o MOLOAA-nui, mokupuni o Kauai.
Hookahi mahele iloko o ka aina o H A Widemann mamua, a he elua Mahele iloko o ka aina o Kauka Kamika o Koloa, Kauai mamua. Maluna o keia aina, he elua mau hale laau a me na hale kuke, a he pa nui ua paa i ka pa. He aina maikai no na mea a pau e makemake ai e hoohana, me ka loaa wale o ka wahie, a pela aku. O ka poe e makemake ana e hoolimalima i keia aina, e loaa no ia a loaa ole paha, me umi a umikumamakahi paha paa bipi kaulua a me na bipi e ae, oia na bipi wahine, keiki a pela aku, a me elua kaa bipi, kaulahao a me na kua, a pela'ku.
No na mea i koe, e ninau ia John Mitchell o Moloaa, Kauai, a i ole ma Wailuku, Maui. A. SMITH. Okatoba 13, 1876. 779 4ts 783
OWAU o ka mea nona ka inoa malalo iho, ke hoike aku nei au ma keia hoolaha, oiai ua haalele mai ia'u ka'u wahine mare, o Kaulaokeahi Kaipo Brown, i ka ai a me kahi moe, me ke kumu kupono ole ; aole loa au e hookaa ana i kana mau aie, i aie ai ma ko'u inoa.
WILLIAM BROWN. Koloa, Kauai, Aug 24, 1876. 771 6m 794
HOOKAPU IA HONAUNAU !
E IKE auanei na kanaka a pau e noho ana ma HONAUNAU, Kona Hema, Hawaii, ua lilo ia'u
ma ka hoolimalima ke Ahupuaa maluna ae, a ke holo nei ko'u mau kao he lehulehu maluna iho. Aka, i keia mau malama aku nei, ua luku wale ia ko'u mau kao e na ilio, a me na puaa. Nolaila, ke kauoha ikaika aku nei au i ka poe mea ilio a Puaa hoi, e hikiikii a hoopaa loa ma ka hale. A ina e loaa ia'u, a i ko'u hope paha kekahi ilio a Puaa paha e hele ana maluna iho, alalia, e ki no au i ka pu a make loa. E haawi no hoi au i Hookahi Dala makana no kela ilio keia ilio i pepehiia e hai, a lawe mai ia'u i ka ili, i hoike no ka make ana o ia mea. O ko'u Luna ma ka aina, o Anae. O ka poe i pepehi i ka ilio a laweia ia Anae e hoikeike ai i ka ili, e uku kokeia no e Anae. Ke papa pu ia aku nei no hoi na kanaka e ae, aole e komohewa wale ma keia aina, ke ole o aeia e ka luna. AKAI, Honaunau, Kona Hema, Okatoba 17, 1876. 777 4t* 780
O KA Poe a pau he mau koina ko lakou i ka waiwai o JOHN N GILMAN, o Kau, Hawaii i make, ina paha ua hoopaaia ma ka moraki a ano e ae paha, ke kauohaia aku nei lakou, e hoike mai i ka lakou mau koina me na hooiaio kupono, i na mea nona na inoa malalo iho, ma Kahuku, Kau, Hawaii, iloko o na malama eono mai keia wa aku, a i ole ia e hoole mau loa ia aku no. KAHALEOLE GILMAN, G W C JONES,
3ts Na Lunahooponopono Waiwai o John N Gilman.
HOOLAHA LAWE MORAKI !
KE HOIKE aku nei ka lohe, i kulike ai me ka mana o ke kuai i hookomoia iloko o ka palapala moraki kakauia ma ka la 7 o Maraki A D 1876, i hanaia mawaena o Kealohapauole w, a me Kihei kana kane, ma ka aoao mua a me H R Hollister o ka aoao elua, i kopeia ma ka Buke 45, a ma ka aoao 197 a me 198, o ke keena Kakau Kope, i hoopaaia i mea e hookaaia ai na $400 iloko o ka makahiki hookahi mai ka wa mai i kakauia ai ma ka uku kuala, he 1 1/2 keneka ka uku panee no ke dala i ka malama. Ke makemake nei o H R Hollister, e lawe i ka mo-
raki, a mahope o ka manawa i aeia e ke Kanawai, no ke kuai ana aku ma ke kudala, ma Honolulu, me ka hakihaki ana o na mea iloko o ka moraki, a o ua aina la, ua hoikeia na palena malalo iho :
O keia apana aina a pau e waiho la ma Kauwalaa, Manoa, mokupuni o Oahu, i hoike akaka loa ia maloko o ka Palapala Sila Nui Helu 708, me na mea a pau maluna iho o ua aina la, kona na eka 539 - 100.
Hanaia i keia la 24 o Okatoba 1876.
R F BICKERTON,
773 3ts 780 Loio no H R Hollister. OIAI, UA HOOKOHUIA mai au e ka Hon.
C F Hart i Lunahooponopono no ka waiwai o
Manuel (pukiki) o Kohala, Hawaii i make, nolaila,
ke kauohaia aku nei na mea a pau ana i aia aku ai, e
hoouna mai i ko lakou mau koina i o'u me na hooia-
io kupono, iloko o na malama eono mai keia la aku,
a i ole ia e hoole mau loa ia aku. A o ka poe i aie
mai iaia, e hookaa koke mai me ka hookaulua ole.
J W KAINAPAU,
Lunahooponopono Waiwai o Manuel. Kohala, Hawaii, Oct. 21, 1876. 4ts
OLELO HOOLAHA.
Mai keia la aku, aole au e hookaa ana i kekahi aie ma ko'u inoa, ke ole e loaa ke kauoha mai a'u aku. Hilo, Iune 1 1876. (737 6m*) C. K. HAPAI.
KAUKA LEKA !
[DR. LATHROP].
OIAI UA HOI HOU MAI NEI AU I HOnolulu nei e noho ai, ua hapai hou ae nei au i ka'u Oihana. O ka poe e makemake ana e lapaauia e a'u, e looa no au ma ka Hale noho o Kapena Kano (Snow), e pili koke ia i ka Hale Hotele Hawaii. 778 2m 759
HALEKUAI KUIKE !
Helu 73 Alanui Papu.
KAMIKA Opio !
NA MEA KALA GULA A ME NA
LOLE MAIKAI !
Emi Loa no ke dala Kuike.
776 2m 783
E IKE auanei na kanaka a pau ke nana ma keia owau o ka mea nona ka inoa malalo, ke papa aku nei au aole e hookipa a malama i ka'u wahine mare Debora Haakulou Kaahaaina, a mai ae iaia e aie ma ko'u inoa a ma kona inoa ma keia mua aku. O na waiwai paa na waiwai lewa i loaa ia maua, ke hai ae nei au, aole ona wahi kuleana i koe, mai ko
maua la i hoopaa ai i ka Berita, Sept. 12, 1876 a hiki
i keia la, aole au i malama ole i na mea e pono ai
kona noho ana me a'u, me ka'u hoomanawanui ana
iaia iloko o kona mau la nawaliwali. Ua kue mai
kela i ka noho ana maluhia o ka ohana a me ko'u
pono, a ua hele aku i na manawa he lehulehu me
ke kane manuahi. He hoike oiaio na kanaka o
Waianae nei a me ko maua hale. I keia la, ma ko
mua home, ua hookaawale loa aku au i ko maua
noho ana, a nana e imi kona pono. E lilo keia i ka-
nawai mai keia la aku, maluna ona ko oukou poho
ke hookuli. Owau no S. KAAHAAINA.
Puukahea, Waianae, Oct. 31, 1876. 779-4t*-789
Hale Kuai Lole Maikai !
— MA —
Waimea, Hawaii !
I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o
AWANA ;
Ua wehe ae nei au i kua Hale Kuai Lole Maikai,
ma keia aina mauna, a e loaa no na
Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku
Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me
ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na
lole hou i na manawa a pau.
769 3m* G AWANA (Pake).
HALE KUAI LOLE HOU.
— MA —
KOHALA * HAWAII LEI KOHALA, I KA NUKU NA KANAKA.
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o
C. C. AKINA.
Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwe-
lu, e kuwelu ai i ka makani.
NA KALAKOA ANO HOU LOA i ike oleia mamua. Na
KAEI SILIKA Nani. NA MAKALENA KALAKOA me ka PUAKEA, na ALA-
PIA HULUHULU o na ano a pau, na KIHEI UHI hou e
kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine
o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.
E IKE auanei na mea a pau ma keia, ua hoonahoia mai au e C F Hart, kekahi o na Lunakanawai Kaapuni Apana Ekolu, i Lunahooponopono no ka waiwai o KAILIHAO w, i make, no Apuukohau, Kohala Hawaii. Nolaila, ke kahea ia aku nei i na mea a pau a Kailihao i aie ai, e hoike mai me ka bila kupono, o hooleia auanei. A o ka poe i aie mai i ua Kailihao la, e pono no e hookaa koke mai, a ina he mau waiwai kekahi e paaia ana ma ka lima
o kekahi poe e pono no e hoihoi koke mai ma kuu lima. E hoolohe o pilikia auanei. W, WILSON. Luna Hooponopono Waiwai o Kailihao w, Kohala Akau Hawaii, Okatoba 12, 1876. 777 4t* 780
KE PAPA aku nei au i na mea a pau, aole e hoaie i ko'u wahine mare, no ka mea, aole au e hookaa i kona mau aie ma keia hope aku ; a ke papa aku nei no hoi au, aole kekahi e hookipa iaia, a o ka mea nana e hookipa, e hoopiiia oia e like ma ke Kanawai. 777 4t* 780 JOHN GLEASON
KE Papa aka nei au i na mea a pau, na haole, pake, a me na kanaka maoli, aole e hoaie i ka'u wahine mare oia o Mana Brown, no ka mea, ua haalele mai nei oia ia'u me ke kumu ole, a ma keia hope aku, aole au e hookaa ana i kona mau aie. ROBERT BROWN. Kaneohe, Oahu, Okatoba 30, 1876. 777 4t*
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Nov. 13, hora 5 pm........................No Kona,
Poakahi, Nov. 20, hora 5 pm........................No Hilo,
Poakahi, Nov. 27, hora 5 pm........................No Kona,
Poakahi, Dec. 4, hora 4 pm.................Kaapuni ia Kauai
a ku hou ma Honolulu i ke kakahiaka Poalima.
Poakahi, Dec. 11, hora 5 pm..........................No Hilo,
Poakahi, Dec. 18, hora 5 pm..........................No Kona,
Poakahi, Dec. 25, hora 5 pm..........................No Hilo,
Ma na holo ana a pau a Kilauea i Kona, e hiki loa
ana oia i Honomalino, ma Kapalilua.
Aole kaapuni hou, aia a hai hou ia'ku
Ma na huakai a pau a Kilauea e hoi mai ai mai Ha-
waii mai, aole e haalele ana ia Kaalualu a hiki i ka hora
9 a.m., a mahope iho paha ; Kawai a hiki i ka hora 10
a mahope iho paha ; Makena e like me ka mea i hoolaha
wahaia ; Maalaea a hiki i ka hora 7 a.m., a mahope iho
paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku
moku. Aole e ili ka hewa no ka paiki, ukana a puolo pa-
ha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 775 3m 736
HALE KUAI KUIKE HELU 73, ALANUI PAPU !
*
Ua nui na Mea Maikai ma keia Hale, Maka-aniani, Waki, Waki,
KAULA WAKI DALA, KAULA WAKI GULA. PU, PU, PU, NA PU WAHA-LUA, NA PU WAha-kahi. Paula, Paula, Lu, Lu, o na ano a pau. Kukaepele Pu, Kukaepele Pu.. Huila Hanahana, Kui, Lopi, Aila, a me na mea a pau no na Huila. Na mea Gula Maikai, Pihi Palule, Pihi Lima, Kula Pepeiao, o kela ano keia ano, Pahi, Pakeke, Upa, Upa, Hale Manu, Kanana Ti, Kanana Kope, Eke Liilii, a me na Eke Nui, etc., etc.
EMI LOA NO KEIA MAU MEA A PAU NO KE KUAI KUIKE.
A. L. KAMIKA Opio.
Helu 73, Alanui Papu. 780 2m 787
KA AILA BALAKI A PINKHAMA !
— He Mea —
OLE KA WAI I KELA AILA HAMO ! Palupalu Maikai na Ili Hooluu.
Ke noi haahaa ia'ku nei oukou, e hoao iho i keia
Aila Balaki, Hamohamo Palewai, Hoopalupalu lli.
E kuai a e hoao i na Buti, Kamaa. Ili Kauo Kaa, a i na mea ili hooluu e ae paha i loaa ia oukou. Ua lana loa ka manao, ina oukou e hoao ana pela, e mahalo ana oukou, a hoomaikai aku auanei me ke kanalua ole. Ina e hamo pinepine ia i keia
AILA BALAKI HOOPALUPALU ILI,
E mau no ka palupalu maikai o na ili, me ka nakaka ole. Aole hoi no ka wa ua wale no e pono ai keia Aila, aka, no ka wa la kekahi. He 30 keneta no ke tini.
Aila Inika Balaki Hoomau Ili a PINKHAM.
He mea maikai loa, i hanapaka maoliia no ka hoopalupalu ana i na ili kaa lio, na kaulawaha lio, na noho lio, a pela aku. E hoao oe — Kumukuai no ke kini 75 keneta.
Na Olelo Mahalo.
HILO, Nov. 5. 1875.
Ua hoao pono wau i na Aila Hamo Kamaa e ae, a ua hoao pono no hoi i ka Aila Hamo Balaki a G. S. Pinkham ; a ua hiki ia'u ke olelo me ke kanalua ole, o keia Aila ka helu akahi, a me ka oi o ka maikai, o na Aila Balaki a pau a'u i hoao ai. A. O. FORBES.
Ua hoao maua i na Aila Hamo Kamaa a G. S. Pinkham & Co., a ua oi aku ka maikai mamua o na Aila Hamo Kamaa mai na aina e mai. R. A. LYMAN, S. KIPI. Hilo. Nov. 10, 1875. Kiaaina o Hawaii.
HILO, Nov. 10, 1875.
Ua hoao pinepine au i na Aila Hamo Kamaa a G. S. Pinkham & Co., a ua manao no au oia ka Aila Balaki Kamaa maikai mamua o na aila e ae a'u i hoao ai mamua, a he oiaio keia.
C. K. HAPAI.
HILO, Nov. 10, 1875.
No ko'u ike oiaio loa o ka Aila Hamo Kamaa a G. S. Pinkham he Aila maikai loa no ka Hoowaliwali i ka ili. D. KAMAI.
Hanaia e G. S. PINKHAM & Co., ma Hilo, Hawaii. E kuaiia aku no e BOLLES & Co., Agena, ma Honolulu.
HUA KOLI MAKEMAKEIA !
HE MAU TONA HUA KOLI KOE I MAKEMAKE ia. E haawi no au i 3 keneta no ka paona.
778 4ts 780 GEO. C. McLEAN.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA
o na Alanui Papu a me Hotele. Aia malaila na Wa
Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
CECIL BROWN
Loio a he Kokua ma ke Kanawai
HE AGENA NO KA HOOIAIO ANA I NA
Palapala no ka mokupuni o Oahu.
Helu 8 Alanui Kaahumanu, Honolulu, H. P. A.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U
nei, a na'u no e kokua ia oukou imua o ka Aha Hoo-
malu a me ka Aha Kiekie, me ka uku haahaa makepono
loa. Aia kuu Keena ma kahi o ka Lunakanawai
Hoomalu o Honolulu nei, oia ka " Aiko," ma Alanui Kale-
pa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA
Kuai, Palapala Moraki a me na mea a pau e pili ana
ma ka Oihana Loio. 743 1y 794
John W Kalua ;
Loio ! Loio !!
E loaa no ma Lahaina, Maui. 760 4m* 736
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a
pau ma keia mokupuni a ma na moku e ae, ma na
hihia a pau. Ua makaukau oia i ka hana ana i na ano pa-
lapala a pau. E hoaie ia no na dala mai a iaia aku ma na
moraki maikai a oiaio wale no me ka ukupanee.
Keena Oihana ma Alanui Kalepa, Helu 23, ma ka hale
maluna ae o Kauka Minuteole. 735 1y
E. T. O'Halloran LOIO !
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana, aie ma ka " Real Estate Ex-
change" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m 780
Na Luhiehu o ke kino.
E hanohano ai na Lede. Na Keonimana. A me na Kamalei.
I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei,
na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka.
Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu.
Na Kamaa wahine maikai loa o kela a me keia ano, no
na Ili Farani maikai loa no ka uku oluolu.
No ka hana ana o na Hila i ke Kamaa me paa loa, a
maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no
ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma
kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.
E kuai aku no au i na ili kamaa buki kahiko ana maikai
a me na noho lio nahenahe kahiko ano maikai.
762 4t* 785
Papa ! Papa !
— NO —
ALLEN A ME ROBINSON.
Ua wehe ae nei maua i
PA KUAI PAPA !
— MA KA —
UWAPO O PAKAKA.
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena !
NA KUI O NA ANO A PAU !
Na Pani Puka a me
Na Pani Puka Aniani.
Na Pani Puka a me
Na Olepelepe.
Na lako kukulu Hale.
— O NA ANO A PAU —
E kuaiia ma ke
Kumukuai Haahaa Loa !
o keia Makeke.
ALLEN & ROBINSON.
Honolulu, Aper 13, 1876. 750 ly