Ka Nupepa Kuokoa, Volume XV, Number 45, 4 November 1876 — Page 3

KA NUPEPA KUOKOA, ME KE AU OKOA I HUIIA.

Ia manawa a makou i ku aku ai, hiki mai la na mokuahi liilii elua, hoouka ia'ku la kekahi moku i ka ukana a na ohua, a o na ohua no hoi ma kekahi moku, a haalele aku la maoku i ka moku Bothinia i ka hora 9 oia po, ekolu hora o ka holo ana mai maluna o keia mau wahi moku liilii a hiki mai la makou ma ka uwapo i ka hora 12 oia po. Ia makou i lele mai ai, nana ae la wau ma o a maanei, o ka malamalama wale no o na kukui he lehulehu ka mea a ko'u mau maka i ike aku ai, a o ka nani hoi oia taona, aohe au i ike pono aku, oiai he hiki i ka po. A he mau minute wale no ke ku ana iho malaila, alakaiia aku la makou a kau maluna o kekahi kaa a holo aku la i ka Hotele : nani no ia hale a nui no hoi, i ka hiki ana aku ilaila, ua hele makou a nae-iki, i ka mea o ka pololi, a he wahi bola ti kahi mea o ke kamau ana iho.

Ma ia po no i ka hora 3, haalele iho la makou ia Livapula, kau maluna o ke kaaahi a holo aku no Ladana, aole i pili iki na maka i ka hiamoe, a hiamoe aku la iluna o ke kaa, e lohi iho no makou ina no ua haule ka ua mea o ka hele ino. Ma ka hora 12 o ka la Sabati, Aug. 13, hiki aku la ma ke Depo, oia hoi kahi o na kaaahi e ku ai, a malaila aku makou kau ma na kaa lio a holo aku la i ka Hotele. Ia makou e holo ana ike aku la wau i kekahi mau wahine haole ui, me kahi lole weluwelu, a he ku i ka hoohilahila. Ia makou i hiki aku ai i ka Hotele nana ae la wau nui no hoi keia Hotele, he ehiku hale kona kiekie, e lawa no hoi ka pali ke nana aku ; alakai ia'ku la makou a ka Elevatoe, oia hoi kahi rumi pii maluna, na ka wai e pauma ilalo a hiki aku la makou iluna o ka lua o ka hale, nana iho la au i ka papa hele, aole e loa e loaa'ku ka nani o ka Hotele o Kapalakiko.

Hookahi mahina o makou i Ladana nei, i ka lua o ka pule o ko makou noho ana maanei, ua hele makou e makaikai i kahi hoikeike o Ladana, oia hoi ke Crystal Palace, hiki aku la makou ilaila i ka hora 9 o ke kakahiaka ; aia hoi malaila na hana lealea o na ano a pau, ia makou i hiki aku ai, eono mau wahine haole e heihei lio ana, ekolu wahine i haule, elua wahine i eha iki, o ke kolu hoi e laweia mai ana e na makai, ua eha loa kona lae, a mainoino ke nana'ku. Malaila no ko makou nanea ana ia po, a ike hou aku la no i na hana lealea o kekahi ano, oia hoi ka lohe o ka lio i ka olelo a he hiki no hoi i ka lio ke hulahula, e like me ke kani o ka pila pela no ka wawae o ka lio e hele ai, a he nui wale no na hana kupanaha aole nae o'u manawa kaawale e hiki ai ke hoike aku ia mau mea a pau ; a pau ka walea ana ma ia wahi, huli hoi aku la i ka Hotele, a hiki malaila i ka hora 12 o ka po.

I kekahi la ae, hele aku la makou e makaikai iloko o na halekuai, nana aku no hoi oe i na papale, o ka lole, a ia mea ae, ia mea ae, aole i kana mai, makahehi wale aku no au. Ke nui loa ke anu o Ladana a makou e noho nei. Ua hoomanao iho paha oukou i kuu La Hanau, oia hoi ka la 22 o Aug., eia ka o ka piha ana ia o ko'u mau makahiki i ka 18, ahonui no hoi ke Akua i ka hooloihi ana mai i ke ola o ke kanaka. Ma ia la, ua loaa mai ia'u na makana, he lole huluhipa maikai a me na apana dala. Eia kekahi mea hai aku ia oukou, ma ka la 15 o Sepatemaba, e haalele ai makou ia Ladana, a holo aku i Parisa, ma Farani. Ke maikai no ko makou mau olakino.

KUAIHELANI MAIPINEPINE.

Hana Keaka Nu Hou !

E HOIKEIKE hou ana o Mr. H. L'Estrange i kana mau hana akamai i ku i ka weliwele ke nana aku maluna o ke kaula nihinihi, i keia Po Poaono, Novemaba 4. E ukaliia ana kana mau hana me ka hookahakaha nui o na ahikaolele, ahi wili nau, ahi poha, na ahi waihooluu like ole, a pela aku. E hoomalamaia ana ka hale me ka ipukukui puna. E hele nui ae e ike no oukou iho. Uku Komo — Aoao noho.................$1.00

Aoao ku.............................. .50

Hamama ka puka i ka hora 7, a hoomaka na hana ma ka hora 7 a me hapa. 779 1t

KE PAPA, a ke hookapu loa aku nei au i ka poe mea holoholona a pau loa, aole e hele wale maluna o ka aina Ahupuaa i kapaia o Puaaloa, ma Ukumehame, Maui, a i hoolohe ole oukou, e hana no au e like me ke Kanawai. OPULUA. Konohiki a malama aina o ka Mea Kiekie C Kanaina. Lahaina, Maui, Oct 1876. 779 4t* 782

AINA HOOLIMALIMA !

NO NA MAKAHIKI ELIMA a oi aku paha, no ko'u mahele iloko o MOLOAA-nui, mokupuni o Kauai.

Hookahi mahele iloko o ka aina o H A Widemann mamua, a he elua Mahele iloko o ka aina o Kauka Kamika o Koloa, Kauai mamua. Maluna o keia aina, he elua mau hale laau a me na hale kuke, a he pa nui ua paa i ka pa. He aina maikai no na mea a pau e makemake ai e hoohana, me ka loaa wale o ka wahie, a pela aku. O ka poe e makemake ana e hoolimalima i keia aina, e loaa no ia a loaa ole paha, me umi a umikumamakahi paha paa bipi kaulua a me na bipi e ae, oia na bipi wahine, keiki a pela aku, a me elua kaa bipi, kaulahao a me na kua, a pela'ku.

No na mea i koe, e ninau ia John Mitchell o Moloaa, Kauai, a i ole ma Wailuku, Maui. A. SMITH. Okatoba 13, 1876. 779 4ts 783

EIA hoko o ka Pa Aupuni o Koholaloa Apana o Honolulu, 12 Lio e kuai kudalaia ana ke hiki aku i ka 11 o Nov hora 12 awakea Poaono, Lio k hulupala laekea loihi a hiki i ka ihu, 2 w keokeo wiwi hem O Lio k kukaenalo hem ho Lio k ulaula wiwi hm, INU Lio k ulaula wiwi kuapuka loihi w keokeo hem K ak H Hoki k ulaula ak ano e Lio k ulaula wiwi kuapuka loihi 2 w keokeo ak K hem anoe Lio w hulupala lae kea loihi a hiki i ka ihu wiwi 2 w keokeo ak MU2 Lio w keokeo kukaenalo l w kulinui wiwi ak Q F Lio k a l 33 hem Lio w ulaula makapaa wiwi ak K Lio k kukaenalo hem N 4 Mau lio hou mai no kahi — Lio h hulupala wiwi kuapuka 3 w keokeo mamua wahi keokeo uuku ma hope hem D Lio k ulaula kuapuka keokeo na w a pau me ka noho paniolo kaulawaha pale i kepa i ka hao anoe. Lio k keokeo kukaenalo hao ak (U. A B KAAUKUU,

Luna Pa Aupuni. Koholaloa, Nov 2, 876. 779 1t*

E IKE auanei na kanaka a pau ke nana ma keia owau o ka mea nona ka inoa malalo, ke papa aku nei au aole e hookipa a malama i ka'u wahine mare Debora Haakulou Kaahaaina, a mai ae iaia e aie ma ko'u inoa a ma kona inoa ma keia mua aku. O na waiwai paa na waiwai lewa i loaa ia maua, ke hai ae nei au, aole ona wahi kuleana i koe, mai ko

maua la i hoopaa ai i ka Berita, Sept. 12, 1876 a hiki

i keia la, aole au i malama ole i na mea e pono ai

kona noho ana me a'u, me ka'u hoomanawanui ana

iaia iloko o kona mau la nawaliwali. Ua kue mai

kela i ka noho ana maluhia o ka ohana a me ko'u

pono, a ua hele aku i na manawa he lehulehu me

ke kane manuahi. He hoike oiaio na kanaka o

Waianae nei a me ko maua hale. I keia la, ma ko

mua home, ua hookaawale loa aku au i ko maua

noho ana, a nana e imi kona pono. E lilo keia i ka-

nawai mai keia la aku, maluna ona ko oukou poho

ke hookuli. Owau no S. KAAHAAINA.

Puukahea, Waianae, Oct. 31, 1876. 779-4t*-789

A. M'WAYNE,

Kihi o na Alanui Papu a me Kalepa, Mea hookomo mai a kuai

Laau Lapaau.

Na Kemicala Acida

a me na laa lapaau i hoomaikaiia.

NA KOPA AALA A MAIKAI.

e like me na

WAI ALA,

AILA LAUHO.

KOPA AALA a me na PAUDA AALA NA KAHI LAUOHO, BALAAI LAUHO.

BALAKI.NIHO a MAIUU, &c. HUAHUAKAI AUAU, KAUKA A HOLOI KAA-LIO. Pepa Star Mills.

E makaalaia ka hoopiha ana i na kauoha laau lapaau no na kauka, moku

a me na Mahiko.

E akahele loa ia ka haawi ana i na laau lapaau i ka la a me ka po

779 2m 783 Huki i ka bele i ka po. AHA Hookolokolo Kiekie o ko Hawaii Pae

Aina, ma ka hooponopono waiwai, ma ka waiwai o

PII, o Moanalua, Oahu, i make kauoha ole. Imua o ka

Lunakanawai A. F. Judd. Olelo kauoha, e hoolaha aku no

ke noi ana mai e koho i Lunahooponopono Waiwai.

Ma ka heluhelu a me ka waiho ana mai o ka palapala

noi a Keolaloa, he aikane na Paulo k, i oo ole, o Moanalua,

Oahu, e hoike mai ana, o Pii k, no Moanalua, ua make ka-

uoha ole ma ka la 15 o Okatoba M H 1876, a e noi ana, e

haawiia ka Palapala hookohu Lunahooponopono Waiwai ia

Kealaloa. Ua kauoha ia, o ka Poalima, la 14 o Novemaba,

M. H. 1876, oia ka manawa i kohoia no ka hoolohe ana i ua

noi la, imua o ua Lunakanawai la, ma ke keena hookolo-

kolo o keia Aha, ma Honolulu, a ma ia manawa a ma ia

wahi no, e hele mai ai na mea a pau i pili, e hoike mai i ke

kumu, ina he kumu oiaio ko lakou, e ae ole ia ai ua noi la.

A o keia olelo kauoha, e hoolahaia ma ka olelo Hawaii, i

ekolu pule ma ke Kuokoa nupepa ma Honolulu.

Kakauia ma Honolulu ko Hawaii P A Oct 16, 1876. A. FRANCIS JUDD,

Ikeia e : Lunakanawai o ka Aha Kiekie. Jno. E Barnard, Hope Kakauolelo. 777 3ts 779

HALEKUAI KUIKE !

Helu 73 Alanui Papu.

KAMIKA Opio !

NA MEA KALA GULA A ME NA

LOLE MAIKAI !

Emi Loa no ke dala Kuike.

776 2m 783

E IKE auanei na kanaka a pau ma keia, ke papa a a ko hookapu loa ia aku nei ke komo ana o na ano holoholona a pau maluna o ka Ahupuaa Kapuakoolau, e waiho la ma Molokai. Ina e loaa aku na holoholona helehelewa, e hanaia elike me ke Kanawai. Ina makemake ka poe mea lio e hookomo mai ma ka hoolimalima, alailai me kuu Luna e kamailio pu ai, oia o Heneri Peelua, oia wale no ka mea mana e hopu a hoopii ma ko'u inoa. JOHN I KANOA. Kawela, Molokai, Okat 9,1876. 776 4t* 779

HAULE ! HAULE !! HAULE !!!

UA Haule Elua Lei Hulu Oo, i kapaia he E-o ma ka olelo Hawaii, ma ke ahiahi Sabati nei, la 8 o keia malama, mawaena o ka pa ma Kanaana, e pili la me ke Alanui Alakea, a hiki i ke Alanui Alii, a mai laila aku a hiki ma kahi noho o Hon. J I Dowsett (Kimo Pelekane). E loaa no ka uku kupono i ka mea nana e hoihoi e ma ko'u Halekuai Awa, ma Ulakoheo, a i ole ma ko'u wahi noho ma Apua. Honolulu. D KAHANU. Honolulu, Oct 12, 1876. 776 4t* 779

Hoolaha a ka Luna Hooponopono Waiwai.

UA HOOKOHU ia mai ka mea nona ka inoa malalo nei, e ka Mea Hanohano C C Harris kokua mua o ka Aha Hookolokolo Kiekie o ko Hawaii Pae Aina i Lunahooponopono no ka waiwai o Kaulawahia (k.) o Kahana Koolauloa Oahu, i make. Nolaila, o na poe a pau ana i aie aku ai, e hoike koke mai i ka lakou mau bila i hooiaio ia iloko o na malama eono mai kela la aku, o hooleia. O ka poe i aie i ka mea make e hookaa koke mai, a ina he waiwai kekahi o ka mea i make ma ka lima o kekahi

mea e hoihoi koke mai. W. L. WILCOX.

Lunahooponopono Waiwai o Kaulawahia. Honolulu, Oct. 12, 1876, 776 779 4ts I KA POE AIE !

O KA POE a pau he mau koina ko lakou i ka waiwai o SAMUEL K RAWSON (Kini hana wati) o Honolulu i make, ina paha ua hoopaaia ma na ano moraki ano e ae, ke kauohaia aku nei lakou e hoike koke mai me na hooiaio kupono. Michael McInerny, Luna Hooko Kauoha, a me Mr. W C Parke, Luna Hooponopono Waiwai, ma ka Halekuai o Mr. McInerny, ma Alanui Papu, Honolulu, mai ka la mua aku e puka aku nei, a i ole ia, e hoole mau loa ia aku no. A o ka poe he mau waiwai ko lakou i waihoia i ka mea i make e hana hou, ke konoia aku nei lakou e ninau i ka Luna Hooko Kauoha a me ka Lunahooponopono Waiwai, ma ke kakau, i keia wa koke me ka hoikeike pu mai i ke ano. Kakauia i keia la 5 o Okatoba A D 1876.

M. McINERNY, Luna Hooko Kauoha. W C PARKE, Lunahooponopono Waiwai o 775 4ts 778 ka waiwai o S K Rawson.

OWAU o ka mea nona ka inoa malalo iho, ke hoike aku nei au ma keia hoolaha, oiai ua haalele mai ia'u ka'u wahine mare, o Kaulaokeahi Kaipo Brown, i ka ai a me kahi moe, me ke kumu kupono ole ; aole loa au e hookaa ana i kana mau aie, i aie ai ma ko'u inoa.

WILLIAM BROWN. Koloa, Kauai, Aug 24, 1876. 771 6m 794

HOOKAPU IA HONAUNAU !

E IKE auanei na kanaka a pau e noho ana ma HONAUNAU, Kona Hema, Hawaii, ua lilo ia'u

ma ka hoolimalima ke Ahupuaa maluna ae, a ke holo nei ko'u mau kao he lehulehu maluna iho. Aka, i keia mau malama aku nei, ua luku wale ia ko'u mau kao e na ilio, a me na puaa. Nolaila, ke kauoha ikaika aku nei au i ka poe mea ilio a Puaa hoi, e hikiikii a hoopaa loa ma ka hale. A ina e loaa ia'u, a i ko'u hope paha kekahi ilio a Puaa paha e hele ana maluna iho, alalia, e ki no au i ka pu a make loa. E haawi no hoi au i Hookahi Dala makana no kela ilio keia ilio i pepehiia e hai, a lawe mai ia'u i ka ili, i hoike no ka make ana o ia mea. O ko'u Luna ma ka aina, o Anae. O ka poe i pepehi i ka ilio a laweia ia Anae e hoikeike ai i ka ili, e uku kokeia no e Anae. Ke papa pu ia aku nei no hoi na kanaka e ae, aole e komohewa wale ma keia aina, ke ole o aeia e ka luna. AKAI, Honaunau, Kona Hema, Okatoba 17, 1876. 777 4t* 780

O KA Poe a pau he mau koina ko lakou i ka waiwai o JOHN N GILMAN, o Kau, Hawaii i make, ina paha ua hoopaaia ma ka moraki a ano e ae paha, ke kauohaia aku nei lakou, e hoike mai i ka lakou mau koina me na hooiaio kupono, i na mea nona na inoa malalo iho, ma Kahuku, Kau, Hawaii, iloko o na malama eono mai keia wa aku, a i ole ia e hoole mau loa ia aku no. KAHALEOLE GILMAN, G W C JONES,

3ts Na Lunahooponopono Waiwai o John N Gilman.

HOOLAHA LAWE MORAKI !

KE HOIKE aku nei ka lohe, i kulike ai me ka mana o ke kuai i hookomoia iloko o ka palapala moraki kakauia ma ka la 7 o Maraki A D 1876, i hanaia mawaena o Kealohapauole w, a me Kihei kana kane, ma ka aoao mua a me H R Hollister o ka aoao elua, i kopeia ma ka Buke 45, a ma ka aoao 197 a me 198, o ke keena Kakau Kope, i hoopaaia i mea e hookaaia ai na $400 iloko o ka makahiki hookahi mai ka wa mai i kakauia ai ma ka uku kuala, he 1 1/2 keneka ka uku panee no ke dala i ka malama. Ke makemake nei o H R Hollister, e lawe i ka mo-

raki, a mahope o ka manawa i aeia e ke Kanawai, no ke kuai ana aku ma ke kudala, ma Honolulu, me ka hakihaki ana o na mea iloko o ka moraki, a o ua aina la, ua hoikeia na palena malalo iho :

O keia apana aina a pau e waiho la ma Kauwalaa, Manoa, mokupuni o Oahu, i hoike akaka loa ia maloko o ka Palapala Sila Nui Helu 708, me na mea a pau maluna iho o ua aina la, kona na eka 539 - 100.

Hanaia i keia la 24 o Okatoba 1876.

R F BICKERTON,

773 3ts 780 Loio no H R Hollister. OIAI, UA HOOKOHUIA mai au e ka Hon.

C F Hart i Lunahooponopono no ka waiwai o

Manuel (pukiki) o Kohala, Hawaii i make, nolaila,

ke kauohaia aku nei na mea a pau ana i aia aku ai, e

hoouna mai i ko lakou mau koina i o'u me na hooia-

io kupono, iloko o na malama eono mai keia la aku,

a i ole ia e hoole mau loa ia aku. A o ka poe i aie

mai iaia, e hookaa koke mai me ka hookaulua ole.

J W KAINAPAU,

Lunahooponopono Waiwai o Manuel. Kohala, Hawaii, Oct. 21, 1876. 4ts

HOOLAHA HOOKOLOKOLO.

AHA Hookolokolo Kiekie o ko Hawaii Pae Aina.

Ma ka hooponopono waiwai, ma ka waiwai o J KA-

HAI, o Honolulu, Oahu i make. Ma ke Keena imua o ka

Hon. A. F. Judd, Lunakanawai alua o ka Aha Kiekie. Kau-

oha e hoolaha i ke noi e apono i na papa hoike, hookuu

ana a e mahele i ka waiwai.

Ma ka heluhelu a me ka waiho ana mai o ka palapa-

la noi a me ka papa hoike a J Meanani & M Kahai, na Lu-

nahooponopono o ka waiwai o J Kahai, o Honolulu i ma-

ke aku nei, a noi ana e aponoia na hoolilo he $1060.50, a e

hookuu ana ia laua iho, he 3,581.25, a e noi ana e nana a

apono ia kela mau mea, a e kauohaia e mahele i na waiwai

e waiho ana ma ko laua lima i na poe i kuleana malaila, a

e hookuu ana ia laua a me ko laua mau hope mai ka noho

ana he Lunahooponopono Waiwai.

Ua kauohaia, o ka Poalua ka la 5 o Dekemaba M H 1876,

ma ka hora 10 o kakahiaka, imua o ua Lunakanawai la ma

ke Keena, ma ka hale hookolokolo ma Honolulu, oia kahi

a me ka manawa i kohoia no ka hoolohe ana i na noi la a

me na hoike moowaiwai, a o ka poe a pau i pili malaila e

hele mai a e hoike i ke kumu, ina he kumu io ko lakou e

a ae ole ia ai ua noi la, a malaila e hoike mai ai na hoike o

na mea i kuleana maloko o ia waiwai i oleloia. A o keia

kauoha, e hoolahaia ma ka olelo Hawaii, iloko o ke Kuo-

koa a me Hawaiian Gazette, he mau nupepa i paiia a

hoolahaia ma Honolulu, no na hebedoma ekolu, mamua

ae o ka manawa i oleloia no ka hoolohe ana.

Kakauia ma Honolulu ko Hawaii P A 5 Nov. 1876. A. FRANCIS JUDD,

Ikeia : Lunakanawai o ka Aha Kiekie Jno. E Barnard, Kakauolelo. 779 3ts 741

AHA Hookolokolo Kiekie o ko Hawaii Pae Ai-

na, ma ka hooponopono waiwai, ma ka waiwai o PII-

ENA w, o Kapalama i make kauoha ole. Imua o ka Lunakanawai Chas. C. Harris. Olelo kauoha, e hoolaha aku no ke noi ana mai, e koho i Lunahooponopono Waiwai.

Ma ka heluhelu a me ka waiho ana mai o ka palapala

noi a Kekainui, no Kapalama, Honolulu, e hoike mai ana,

o Piiena w, no Kapalama, Honolulu, ua make kauoha ole

ma Honolulu, ma ka la 10 o Iune M H 1872, a e noi ana

e haawiia ka palapala hookohu Lunahooponopono Waiwai

ia Kekainui w, no Kapalama, Honolulu.

Ua kauoha ia, o ka Poakahi, ka la 13 o Novemaba, 1876,

oia ka manawa i kohoia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi

no, e hele mai ai na mea a pau i pili, e hoike mai i ke ku-

mu, ina he kumu oiaio ko lakou, e ae ole ia ai ua noi la. A

o kela olelo kauoha, e hoolahaia ma ka olelo Hawaii, i eko-

lu pule ma ke Kuokoa nupepa ma Honolulu.

Kakauia ma Honolulu ko Hawaii P A la 25 o Oct. 1876. CHAS. C. HARRIS.

Ikeia : Lunakanawai o ka Aha Kiekie. Jno. E Barnard, Hope Kakauolelo. 778 3t 740

AHA Hookolokolo Kiekie o ko Hawaii Pae Ai-

na. Ma ka hooponopono waiwai, ma ka waiwai o

KAIKAINA w, o Honolulu, Oahu, i make kauoha ole.

Imua o ka Hon. Chas. C. Harris, Lunakanawai o ka Aha

Kiekie. Olelo kauoha e hoolaha aku no ke noi ana mai e

koho i Lunahooponopono Waiwai.

Ma ka heluhelu a me ka waiho ana mai o ka palapala

noi a Nuole k e noi ana, e hoonoho ka Aha iaia i Luna

Waiwai ma ka waiwai a pau o Kaikaina w, no Pualoalo,

Honolulu, Oahu i make kauoha ole ma ka la _ o _

M H 1871, a e noi ana e haawiia ka palapala hookohu Lu-

nahooponopono Waiwai iaia.

Ua kauoha ia, o ka Poakahi, ka la 14 o Novemaba, 1876,

oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo

o keia Aha, ma Honolulu, a ma ia manawa a ma ia wahi

no, e hele mai ai na mea a pau i pili, e hoike mai i ke ku-

mu, ina he kumu oiaio ko lakou, e ae ole ia ai ua noi la. A

o kela olelo kauoha, e hoolahaia ma ka olelo Hawaii, i

ekolu pule ma ke Kuokoa a me Au Okoa, nupepa ma Ho-

nolulu.

Kakauia ma Honolulu ko Hawaii P A Okatoba 23, 1876. CHAS. C. HARRIS.

Ikeia : Lunakanawai o ka Aha Kiekie. Jno. E Barnard, Hope Kakauolelo. 778 3t 780

AHA Hookolokolo Kiekie o ko Hawaii Pae Aina, ma ka hooponopono waiwai, ma ka waiwai o E. KANIHINA, o Honolulu, i make. Ma ke Keena imua o ka Hon C C Harris, Lunakanawai o ka Aha Kiekie. Kauoha, e hoolaha i ke noi, e apono i na palapala hoike, hookuu ana, a e mahele i ka waiwai.

Ma ka heluhelu a ka waihoia ana mai o ka palapala noi a J Porter Green, a me Kaheiau w, na Lunahooponopono o ka waiwai o K Kanihina, o Honolulu i make, e nonoi mai ana, e apanoia na hoolilo, he $933.30, a e hoike ana, o na mea i loaa mai ia laua, he $933.30, a e noi ana e nana a aponoia keia mau mea, a e kauohaia e mahele i na waiwai e waiho ana iloko o ko laua mau lima, i ka mea i kuleana malaila, e hookuu ia laua a me ko laua mau hope, mai ko lakou noho ana ma ia ano.

Ua kauohaia, o ka Poakolu, ka la 27 o Novemaba, M H 1876, ma ka hora 10 o kakahiaka, imua o ua Lunakanawai la, ma ke keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua nonoi la a me na papa hoike i oleloia, a o ka poe a pau i pili malaila, e holo mai a e hoike i ke kumu, ina he kumu io i ko lakou, e ae ole ia ai ua noi la, a malaila e hoike mai ana hoike o na mea i kuleana maloko o ua waiwai la. A o keia kauoha, e hoolahaia ma ka olelo Hawaii, ma ka nupepa Kuokoa, he nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.

Kakauia ma Honolulu, ko Hawaii P A. Oct 20, 1876. CHAS. C HARRIS,

Ikea : Lunakanawai o ka Aha Kiekie. Jno. E Barnard, Kakauolelo. 778 3ts 780

Ma ka Aha Kiekie o ko Hawaii Pae Aina. Oahu SS Kau o Okatoba 1876, he hoopii oki mare Ah Nee kue ia Rebeta w, Poaha, Okatoba 19, 1876. Ma ka hoopii oki mare maluna ae, ke kauohaia nei, e hookomoia ka huaolelo Oki Mare ma ka aoao o Ah Nee, no ke kumu ua moekolohe o Rebeka i oleloia, a e lilo kela i mea paa maa mahope iho o ka pau ana o ha malama eono mai ka la aku o keia kauoha ana, ma na kumu maopopo i waihoia mai, ke ole he kumu e ae kekahi e hooleia ai ua mau mea la.

A ua kauohaia ke mea nana ka hoopii, e hoolaha ae i kekahi kope i hooia ia e keia olelo kauoha ma na nupepa Hawaiian Gazette a me ke Kuokoa, no na hebedoma eono, a o ka hoolaha mua ana, maloko o ka malama hookahi, mai ku la aku o keia kauoha ana, a o na mea a pau ke pili, maloko o na malama eono e hoike mai ai lakou i kekahi kumu e lilo ole ai keia olelo hooholo i mea paa.

NA KA AHA. Jno. E Barnard, Kakauolelo. 778 6ts 783

MA ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o OPUNUI w, no Hamakuapoko, Maui i make.

Ua heluheluia a ua waihoia ka palapala noi a Kuluna w, a me Kalaia w, e noi ana, e hooponopono ka waiwai o Opunui w. no Hamakuapoko, Maui H P A i make, a e hooholoia i na hooilina. Nolaila, ke kauohaia aku nei na kanaka a pau ke pili o ka Poalima, oia ka la 17 o Novemaba, 1876, ma ka hora 10 o kakahiaka, ma ka Hale Hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoikeia.

ABR. FORNANDER,

Lunakanawai Kaapuni Apana Elua. Lahaina, Oct 20, 1876. 778 3ts 780

AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o W KA, o Honolulu, Oahu, i make kauoha ole. Imua o ka Lunakanawai Chas. C Harris, olelo kauoha, e hoolaha aku no ke noi ana mai e koho i Lunahooponopono Waiwai.

Ma ka heluhelu a me ka waiho ana mai o ka palapala noi a Rahapa Kamahoa (w), o Honolulu, Oahu, e hoike mai

ana, o W Ka, o Honolulu, Oahu, ua make kauoha ole ma

Honolulu, Oahu, ma ka la 1 o Okatoba 1876, a e noi ana, e

haawi ia ka Palapala Hookohu Lunahooponopono Waiwai

ia R Kauahoa w.

Ua kauoha ia, o ka Poakahi, ka la 6 o Novemaba, M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o kela olelo kauoha, e hoolahaia ma ka olelo Hawaii, i ekolu pule ma ke Kuokoa nupepa ma Honolulu.

Kakauia ma Honolulu ko Hawaii P A Oct 16, 1876. CHAS. C. HARRIS.

Ikeia e : Lunakanawai o ka Aha Kiekie. Jno. E Barnard, Hope Kakauolelo. 777 3ts 779

AHA Hookolokolo Kiekie o ko Hawaii Pae Ai-

na, Ma ka hooponopono waiwai, ma ka hana o ka

waiwai o A. W SNELL o Honolulu i make. Ma ke keena,

imua o ka Hon. A. F. Judd. Kauoha e hoolaha i ke noi, e

apono i na papa hoike, hookuu ana a e mahele i ka waiwai.

Ma ka heluhelu a me ka waiho ana mai o ka palapala

noi a me ka papa hoike a Lealea Snell. Lunahooko Kau-

oha o W. O. Smith, Lunahooponopono o ka waiwai o A W

Snell i make, e noi ana, e aponoia na hoolilo he $379.71, a

e hoike ana, o na mea i loaa mai iaia, he $379.71, a e noi

ana, e nana a apono ia kela mau mea, a e kauohaia e ma-

hele i na waiwai e waiho ana ma kona lima i na mea i ku-

leana malaila, a e hookuu ana ia laua a me ko laua mau ho-

pe mai ko lakou noho ana ma ia ano.

Ua kauohaia, o ka Poalima ka la 24 o Nov., M H 1876, ma

ka hora umi o kakahiaka, imua o ua Lunakanawai la, ma

ke Keena, ma ka Hale Hookolokolo ma Honolulu, oia kahi

a me ka manawa i kohoia no ka hoolohe ana i na noi la a

me na papa hoike i oleloia, a o ka poe a pau i pili malaila,

e hele mai a e hoike i ke kumu, ina he kumu io ko lakou,

e ae ole ia ai ua noi la, a malaila e hoike mai ai na hoike

o na mea i kuleana maloko o ka waiwai i oleloia. A o kela

kauoha ma ka olelo Hawaii, e paiia maloko o ke Kuokoa,

a me Hawaiian Gazette, he mau nupepa i paiia a hoola-

haia ma Honolulu, i ekolu pule mamua ae o ka manawa

i oleloia no ka hoolohe ana.

Kakauia ma Honolulu ko Hawaii P A Oct. 7, 1876. A. FRANCIS JUDD,

Ikea : Lunakanawai o ka Aha Kiekie Jno. E Barnard Hope Kakauolelo. 777 3ts 779

E IKE auanei na mea a pau ke nana mai lakou i keia aia ma ka la 11 o Novemaba, hora 10 kakahiaka A.D.

1876, e kuai kudalaia ana ka waiwai paa o G W Lilikalani, e waiho ana ma Koloa, Kauai, oia hoi 1 Eka a me 44 - 100, ka nui o ka pa hale, a oi aku, a emi iki mai paha, he wahi mahiai no hoi e pili ana. Hookahi hale noho me kona mau rumi maikai, a me na hale laau liilii e ku ana maluna iho, a he auwai no hoi e kahe pili koke ana i na hale a me ke alanui hele e pili ana ma ka aoao makai, a hiki aku i ke ala nui aupuni, a he mau laau malumalu maikai e oluolu ai ka noho ana. A he kokoke no hoi ma ke awa ku moku. He wahi kipa mau la no e na'lii, no ko lakou ike no i ka oluolu maikai o ka noho ana. Nolalia, ke kaheaia

aku nei ka poe a pau e makemake ana e loaa ia lakou ka-

hi oluolu maikai, e hele koke mai i kahi, i ka la a me ka manawa i oleloia maluna, me ka makaukau, mai lohi.

Mrs. H K LILIKALANI,

J W KAHELE,

Na Luna Hooponopono o ka Waiwai o Lilikalani. Koloa, Kauai, Okatoba 14, 1876. 777 4t* 780

E IKE auanei na kanaka a pau ma keia palapala ke nana, owau o ka mea nona ka inoa malalo, kekahi mea i kuleana iloko o kekahi mau Halelaau ekolu, e ku nei ma Kamanuwai, iloko o Honolulu nei, oia hoi na hale laau o Hana Kamaialii w. i make, ma Waialae, i hooliloia mai ia'u, nolaila, ke hoolaha aka nei au ma ke akea, aole he kuleana o kekahi mau mea e kuai aku ia mau hale ia hai, aole hoi he pono i na mea kuai mai ke ninau pono ole i ka mea kuleana oiaio, nolalia, ke hoolaha aku nei au ma ke akea i keia olelo papa i na kanaka a pau, e makaala loa oukou i ka poe e hele aku ana imua o oukou ma keia ano, o pilikia auanei oukou, a lilo ka oukou mau dala i mea poho wale, nolalia, ina e hoea aku ana imua o oukou kekahi mea like me keia, e pono e kipa mua mai e ike ia'u. WAHAPAA. Kamanuwai, Oct 3, 1876. 775 Js* 778

OLELO HOOLAHA.

Mai keia la aku, aole au e hookaa ana i kekahi aie ma ko'u inoa, ke ole e loaa ke kauoha mai a'u aku. Hilo, Iune 1 1876. (737 6m*) C. K. HAPAI.

KAUKA LEKA !

[DR. LATHROP].

OIAI UA HOI HOU MAI NEI AU I HOnolulu nei e noho ai, ua hapai hou ae nei au i ka'u Oihana. O ka poe e makemake ana e lapaauia e a'u, e looa no au ma ka Hale noho o Kapena Kano (Snow), e pili koke ia i ka Hale Hotele Hawaii. 778 2m 759

Hale Kuai Lole Maikai !

— MA —

Waimea, Hawaii !

I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o

AWANA ;

Ua wehe ae nei au i kua Hale Kuai Lole Maikai,

ma keia aina mauna, a e loaa no na

Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku

Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me

ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na

lole hou i na manawa a pau.

769 3m* G AWANA (Pake).

HALE KUAI LOLE HOU.

— MA —

KOHALA * HAWAII LEI KOHALA, I KA NUKU NA KANAKA.

MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o

C. C. AKINA.

Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwe-

lu, e kuwelu ai i ka makani.

NA KALAKOA ANO HOU LOA i ike oleia mamua. Na

KAEI SILIKA Nani. NA MAKALENA KALAKOA me ka PUAKEA, na ALA-

PIA HULUHULU o na ano a pau, na KIHEI UHI hou e

kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine

o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.

KUAI

..... A NA ......

LUNA HOOPONOPONO AIE !

UA Kauohaia mai o Mr C S. Bartow e na

Luna Hooponopono Aie o ka waiwai o EDWARD EVERTT, aie kaa ole, e kuai aku ma ke kudala, ma kona Hale Kudala, ma ka Poaha, la 16 o Novemaba 1876, hora 12 awakea, i na pono a pau a me na kuleana o na Luna Hooponopono Aie. Iloko o na aina lehulehu e waiho la ma Alanui Papu, Honolulu, me na hale e ku la maluna iho ame na pono apau e pili la i na hale o ka mea banakarupa.

E kuai la ana kela mau waiwai malalo o ka moraki, he Ekolu Tausani Dala ($3,000), me ka uku panee pu.

A MA kela Aina, e waiho la ma Alanui Papu, Kaakopua, oia he 64 -100 eka, oia no ka aina i hoikeia ma ka Palapala Sila Nui Helu 1902.

A ME na Apana Aina Elua, nona na eka 9 a me 12 - 100, e waiho la ma Kailua, Koolaupoko, Oahu, a i hoikeia na paena ma ka Palapala Sila Nui, Helu 5575.

A ME ka Aina nona na eka he 112, e waiho la ma Kokio, a me Kaumahalua, Kaupo, mokupuni o Maui, noha na palena i kuhikuhiia maloko o ka Aalapala Sila Nui Helu 2010.

A ME ka Aina nona na eka he 175 a me elua ruda, e waihoia ma ke Ahupuaa o Kumimi, Kona, mokupuni o Molokai, a ua hoikeia ka palena maloko o ka Palapala Sila Nui Helu 4366.

O na aina eha mahope, e kuai kaawaleia aku ana, a e lilo pu na moraki iloko o ka hoolilo ana i ka mea nana e kuai mai.

Kuike ke Dala !

Na lilo o na palapala, i ka mea nana e kuai. No na mea i koe, e loaa no ma ka ninau ana ia

EDWARD PRESTON, a i ole ia J O CARTER,

Na Luna Hooponopono Aie. C S BARTOW, Luna Kudala. 777 4ts 780

E IKE auanei na mea a pau ma keia, ua hoonahoia mai au e C F Hart, kekahi o na Lunakanawai Kaapuni Apana Ekolu, i Lunahooponopono no ka waiwai o KAILIHAO w, i make, no Apuukohau, Kohala Hawaii. Nolaila, ke kahea ia aku nei i na mea a pau a Kailihao i aie ai, e hoike mai me ka bila kupono, o hooleia auanei. A o ka poe i aie mai i ua Kailihao la, e pono no e hookaa koke mai, a ina he mau waiwai kekahi e paaia ana ma ka lima

o kekahi poe e pono no e hoihoi koke mai ma kuu lima. E hoolohe o pilikia auanei. W, WILSON. Luna Hooponopono Waiwai o Kailihao w, Kohala Akau Hawaii, Okatoba 12, 1876. 777 4t* 780

KE PAPA aku nei au i na mea a pau, aole e hoaie i ko'u wahine mare, no ka mea, aole au e hookaa i kona mau aie ma keia hope aku ; a ke papa aku nei no hoi au, aole kekahi e hookipa iaia, a o ka mea nana e hookipa, e hoopiiia oia e like ma ke Kanawai. 777 4t* 780 JOHN GLEASON

KE Papa aka nei au i na mea a pau, na haole, pake, a me na kanaka maoli, aole e hoaie i ka'u wahine mare oia o Mana Brown, no ka mea, ua haalele mai nei oia ia'u me ke kumu ole, a ma keia hope aku, aole au e hookaa ana i kona mau aie. ROBERT BROWN. Kaneohe, Oahu, Okatoba 30, 1876. 777 4t*

HE PAPA KUHIKUHI MANAWA HOLO

O KA

Mokuahi Hawaii

KILAUEA !

KAPENA MARCHANT !

Poakahi, Nov. 6, hora 5 pm..........................No Hilo,

Poakahi, Nov. 13, hora 5 pm........................No Kona,

Poakahi, Nov. 20, hora 5 pm........................No Hilo,

Poakahi, Nov. 27, hora 5 pm........................No Kona,

Poakahi, Dec. 4, hora 4 pm.................Kaapuni ia Kauai

a ku hou ma Honolulu i ke kakahiaka Poalima.

Poakahi, Dec. 11, hora 5 pm..........................No Hilo,

Poakahi, Dec. 18, hora 5 pm..........................No Kona,

Poakahi, Dec. 25, hora 5 pm..........................No Hilo,

Ma na holo ana a pau a Kilauea i Kona, e hiki loa

ana oia i Honomalino, ma Kapalilua.

Aole kaapuni hou, aia a hai hou ia'ku

Ma na huakai a pau a Kilauea e hoi mai ai mai Ha-

waii mai, aole e haalele ana ia Kaalualu a hiki i ka hora

9 a.m., a mahope iho paha ; Kawai a hiki i ka hora 10

a mahope iho paha ; Makena e like me ka mea i hoolaha

wahaia ; Maalaea a hiki i ka hora 7 a.m., a mahope iho

paha.

Uku Eemoku mai Honolulu aku,

A hiki i Kaunakakai, a pela maluna mai...........$ 5.00

" Lahaina, " " .................................................. 6.00

" Maalaea, " " ................................................. 7.00

" Makena, " " .................................................. 8.00

" Mahukona, " " ............................................ 10.00

" Kawaihae, " " ............................................. 10.00

" Kailua, " " ................................................... 10.00

" Kaawaloa, " " ............................................. 10.00

" Hilo, " " ...................................................... 12.50

" Kau, " " ...................................................... 15.50

Uku kaapuni ia Hawaii, .................................. 22.00

A hiki i na awa o Kauai .................................... 8.00

Uku kaapuni ia Kauai ..................................... 12.00

Uku ohua Hawaii oneki .................................... 2.00

Aole aie no na uku ohua.

Ma ka Hale Oihana e loaa'i na palapala.

Aole keena o hope e lilo, aia wale no a kaa mua mai ka uku

moku. Aole e ili ka hewa no ka paiki, ukana a puolo pa-

ha, ke ole e kakauia ka loaa ana mai.

E hookaaia ka uku ukana i ka wa e noiia aku ai.

SAMUEL G. WILDER, (Waila),

Agena.

Keena ma ka Hale Kuai Papa o Waila ma, kihi o Alanui

Papu a me Moiwahine. 775 3m 736

OLELO HOOLAHA. HUA KOLI MAKEMAKEIA !

HE MAU TONA HUA KOLI KOE I MAKEMAKE ia. E haawi no au i 3 keneta no ka paona.

778 4ts 780 GEO. C. McLEAN.

E. STREHZ, (AILUENE,)

HAAWI A KUAI

LAAU LAPAAU.

AIA MA MONIKAHAAE, KIHI O NA HUINA

o na Alanui Papu a me Hotele. Aia malaila na Wa

Ala a me na Wai Rukini maikai loa e loaa ai.

E hamama mau ana i na ahiahi Poaono a pau.

741 1y 792

J. PORTER GREEN,

" KEIKI O KAUAUKIUKIU."

LOIO !

E HELE MAI NA MAKAMAKA A PAU IO'U

nei, a na'u no e kokua ia oukou imua o ka Aha Hoo-

malu a me ka Aha Kiekie, me ka uku haahaa makepono

loa. Aia kuu Keena ma kahi o ka Lunakanawai

Hoomalu o Honolulu nei, oia ka " Aiko," ma Alanui Kale-

pa. 741 ly 792

C. H. DICKEY (Kalekika).

LOIO !

MA HAIKU, MAUI.

UA MAKAUKAU E HANA PALAPALA

Kuai, Palapala Moraki a me na mea a pau e pili ana

ma ka Oihana Loio. 743 1y 794

John W Kalua ;

Loio ! Loio !!

E loaa no ma Lahaina, Maui. 760 4m* 736

Richard P. Bickerton.

[PEKEKONA],

LOIO !

E KU LOIO no oia imua o na Aha Hookolokolo a

pau ma keia mokupuni a ma na moku e ae, ma na

hihia a pau. Ua makaukau oia i ka hana ana i na ano pa-

lapala a pau. E hoaie ia no na dala mai a iaia aku ma na

moraki maikai a oiaio wale no me ka ukupanee.

Keena Oihana ma Alanui Kalepa, Helu 23, ma ka hale

maluna ae o Kauka Minuteole. 735 1y

CECIL BROWN

Loio a he Kokua ma ke Kanawai

HE AGENA NO KA HOOIAIO ANA I NA

Palapala no ka mokupuni o Oahu.

Helu 8 Alanui Kaahumanu, Honolulu, H. P. A.

E. T. O'Halloran LOIO !

EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.

Hale Oihana, aie ma ka " Real Estate Ex-

change" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m 780

Na Luhiehu o ke kino.

E hanohano ai na Lede. Na Keonimana. A me na Kamalei.

I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.

Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."

GOO KIM & CO. Apuakehau, Kohala, H. Aug 2, 1876. 746 6m* 781

AKIU (PAKE),

— MEA —

HANA I NA KAMAA

Hila Aulii Maikai !

ALOHA OUKOU E NA KANAKA HAWAII a pau, a me na wahine maka onaona o Honolulu nei,

na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka.

Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu.

Na Kamaa wahine maikai loa o kela a me keia ano, no

na Ili Farani maikai loa no ka uku oluolu.

No ka hana ana o na Hila i ke Kamaa me paa loa, a

maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no

ka uku oluolu loa.

Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma

kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.

E kuai aku no au i na ili kamaa buki kahiko ana maikai

a me na noho lio nahenahe kahiko ano maikai.

762 4t* 785

Papa ! Papa !

— NO —

ALLEN A ME ROBINSON.

Ua wehe ae nei maua i

PA KUAI PAPA !

— MA KA —

UWAPO O PAKAKA.

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena !

NA KUI O NA ANO A PAU !

Na Pani Puka a me

Na Pani Puka Aniani.

Na Pani Puka a me

Na Olepelepe.

Na lako kukulu Hale.

— O NA ANO A PAU —

E kuaiia ma ke

Kumukuai Haahaa Loa !

o keia Makeke.

ALLEN & ROBINSON.

Honolulu, Aper 13, 1876. 750 ly

ANOIA I KA LEHULEHU,

E kipa mai a e nana

i kumaka ka ike i na waiwai na-

ni i loaa mai nei iloko o na

La Kulaia iho nei.

Penei ke ano o ua mau waiwai la :

Na wati a me na kaula gula,

a na Ledee a me na Keonimana !

NA KAULA OPELE A NA LEDE

NA KOMO GULA NANI O KELA A ME KEIA

ano o na Lede a me na Keonimana !

NA KUPEE GULA,

NA LIPINE GULA,

Na gula pepeiao o na wahine !

e oaka ai i na pepeiao, a e hulali ai

hoi na manamana lima, a e

kilipohe ai hoi na ai.

Na komo humuhumu gula a me ke kala,

Na pihi pulima gula wahine a kane,

Na laketa gula lei wahine nani,

Na komo daimana o na Lede.

Na kaula laketa,

Na pine omau kihei,

Na laketa aniani,

Na huka gula wahine.

NA LAKO HALE.

NA PUNA,

NA PAHI,

NA KIAHA, KALA,

NA APO KALA,

NA KAWELE holoi lima,

NA O DALA o kela a me keia ano,

a me na mea nani e ae no he nui wale.

E kuaiia aku ana no

ma ke kumukuai haahaa loa i ko

na wahi e ae o ke taona nei.

UA MAKAUKAU NO HOI NA

mea nani no kanaka makua

a me na kamalii.

Na Kamaa Paa Loa,

e loaa no maanei e like me ka

makemake ; a ina e loaa

koke ka ino, he hiki

no ke hoihoi mai.

M. McINERNY.

Kihi o Alanui Papu a me Kalepa. 763 3m 774

Lole Makepono ke Kuike !

E LOAA NO IA MA KAHI O

KAKELA ME KUKE,

— E LAA NA —

AHINAHINA,

KALAKOA,

KEOKEO,

LEPONALO,

Pena, Aila, Aniani,

Na Mea Piula,

Kopa, Aila Honua.

Aila Hoomaloo,

Kui Kakia, Pakeke,

Tabu, Kaula, Noho lio,

Hulu-palaki, na Pulumi.

A he Agena no hoi no na Mokupuni o Ha-

waii nei no na

LAINAKINI-NAO,

LAINAKINI-MAOLI,

PALULE KALAKOA,

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipine, lihilihi, a me ia mea'ku

— A HE —

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &c

— A HE —

LAAU LAPAAU KAULANA LOA

A Dr. JAYNES.

Laau Kunu,

Laau Hoomaemae Koko,

Laau hoopau naio,

Penikila, Huaale,

A me na Laau Hamo, a pela'ku.

759 ly 811