Ka Nupepa Kuokoa, Volume XV, Number 39, 23 Kepakemapa 1876 — Page 3
KA NUPEPA KUOKOA, ME KE AU OKOA I HUIIA.
umikumamakahi ka loihi o na buke o ka hakaka ana a na aoao elua, a no ke keu aku o ka nui o na Tureke imua o na kipi, ua auhee aku la na Serevia, e haalele i ko lakou mau wahi paa i kinohi. Ua manaoia, o ka alihikaua ma ka aoao mai o na kipi, he Rusia maoli no oia.
Ke hookomo malu nei o Rusia i kona mau kanaka ma ka aoao kokua mai ia Serevia, a ke hele nui la kekahi poe Rusia e komo iloko o na puali koa kipi
Ua hookukeia ke Suletana mua iho nei o Tureke, a he alii hou ko keia mau la. Ua haawiia i ke Suletana i kipaku ia he hale alii ma kahi mamao aku, a e noho oia malaila.
Ua kaeko na Lunamakaainana pakaha dala.
Ma ka Poaono iho nei, la 2 o Sepatemaba M H 1876, ua waiho ae la ka Hon L W. P. Kanealii he olelo hooholo e kipaku ia ke kakau moolelo o ka nupepa Kuokoa iwaho o ke keena Ahaolelo no kona hooluhi ana i na inoa o ua poe lunamakaainana alunu la i ka dala a ka lehulehu he like me ia i hoike ia ma ka nupepa o ia la. Mahope iho o kona heluhelu ana, ua lawe ia aku la ua olelo hooholo nei ma ka papa o ke kakauolelo. Ia manawa, pahu ia mai i ka ihe laumaki e ka Hon Birch ua olelo hooholo nei " e hoihoi hou i ka mea nana i hoopuka mai, no kona kue i ka rula 70 o ka Hale ;" ma ka hoomaopopo ana iho o ka Peresidena, ua halahu loa mawaho o ka rula, nolaila, hoihoi hou ia na olelo hooholo la i kona makuakane. Kai no hoi o ka pau ia o ke kaeko ; aole no i liuliu iho e waiho hou ae ana no ua Hon L W P K, he olelo hooholo hou i like no ka manao me ka hiapo, a kamailio aku la o ua o Kukahaoa o kokua ana i kana olelo hooholo. Mahope iho o kana liki ana a ha'uha'u ka waha, ua noho iho la ilalo. Ia wa ku mai la ka pukonakona o na Waieha ka Hon Birch me kana hamare, a noi mai la e hoopanee loa i ka olelo hooholo, oiai, ua kue i ka pauku 3 o ke Kumukanawai a me ka rula 84 o ka Hale.
Ia wa i lohe ia aku ai ka leo o na poe elepi la e kakani aku ana " ua kue ka Lunahooponopono i ka pauku 52 o ke Kumukanawai." Pane mai la ka mea e kamailio ana, he oiaio no paha ia, ina ua hoolaha oia ma ke ano hoopunipuni, a pela aku. Aka, he hiki anei i kekahi hoa ke olelo mai he hoopunipui kela mea i hoolaha ia ? Ke olelo nei au he oiaio na mea a pau i hoolaha ia — ia manawa ua ulu mai na paio ikaika ana a ua poe nei. Oiai e ha'uha'u ana na waha i ka hoopaapaa, noi ia ae la e kuhi kolohe o Kaanapali e hapai na hana o ka la, i ka ninau a ka Peresidena, ua hooholo ia, ua oki oe i haule paha ana na olelo hooholo la. Nolaila, e na makaainana, mai koho hou i ka maukauka hoe hewa, a me ka poe pakeu pali.
KULANAKAUHALE ALII
He mele keia i hakuia e Ka Mea Kiekie Kapili, no kana huakai pii mauna i ka pali kaulana o Kapela.
HE KAHIKO NO KAIULANI. Kahiko ka nani i Lihau, Ka lehua puakea i ka uka, I mohala i ka welelau pali, I ka poohiwi kapu o Kapela.
Cho.— Ilaila maua me ia la,
Me kuu aka i ka wehiwehi ; Kookolu i ka mahaiula, I ke kahiko pali o Kakae. Rept,— Haina ka puana o kuu. liko, O ka wekiu lani i ke kapu.
2
Lahilahi ke alo o ia uka, Kilakila i ke ao ania ; Hookahi pua nani o ka lipo, I ka onohi wai anuenue. Cho,— Ilaila maua me ia la, &c.
3
Puia aala i ke onaona, Luhea i ka wai Iliahi, Ka nahele kapu o ia Kini, Malu wehi i ke ana kapoula. Cho.— Ilaila maua me ia la, &c.
4
Nani wale ka luna o Koiahi, Lamalama i ka maile laulii ; He moani aala i ka palai, Ka'u i honi aku i Poponi Cho.— Ilaila maua me ia la, &c.
KAPILI.
HUAKAI MAKAIKAI IA HALEAKALA.— Ua haalele ka huakai a na Lede o Honolulu mai ia Wailuku nei, i ka hora 10 a oi ae o ke kakahiaka o ka la 14 o Sepatemaba nei, malalo o ke alakai a ko makou kamaaina, Mr. Kaai ; a na ka ihu lio i lawe aku a hiki ma kahi o George Mahina, a ua apo aloha mai kana alii wahine, a hookipa aku la ia makou malalo o ko laua lokomaikai, ua ai a lawa, inu hoi a kena, i na mea i hoolakoia ; a moe malaila ia po. Eia ka poe ma ia huakai : Mrs. R. K. Tripp. Miss E. Nakanealoha, Miss Mary L Buckle, Miss Emily, Wahineaukai, Kaili, Hapuku, Lahilahi, S P K Nawaa, a o ko makou hookele no hoi. Maanei no i haalele iho ai o Lahilahi ia makou a hoi aku la no Wailuku. Ma ka hora 3 o ke kakahiaka poniponi o ka la 15, pii aku la ka huakai, a o mai la ke anu o ia kakahiaka. He loihi, a he ano piiku no ke ala, aka, ua hoomanawanui no ka lio a hiki i ke ana hoomoe haole. Lele iho la makou ilalo, a kiei like
aku la ia lalo, mailuna aku o Kilohana. Nani no ka lua a me na wahi a pau. Kukilakila mai no hoi o Haleakala puu. A ia makou e nanea ana a e kilohi ana, ike pu aku la makou i na kuahiwi o Hawaii, aia ka Mauna Kea, ua kahiko i kona kapa he hau. Ma ka hora 2 P M paha, haalele makou ia Kilohana, huli hoi mai la a moe hou no ma kahi o George Mahina, a hopu ia mai la makou e ko laua aloha palena ole. Ma ka Poaono ae, huli hoi loa mai la no Wailuku nei. S P K Nawaa.
KE MAKEMAKE maua e hoolimalima aku i ka Loko o " Eo," me ka hale " Halaulani," a me kona pa ponoi, me na Loi he Umi, i hoolimalima ole ia mamua, me ka pono o hookahi upena, me ke kai lawaia, mai keia manawa aku, a hiki i ka la mua o Novemaba, M H 1881.
E palapala mai ka mea makemake, maloko o na la he kanakolu mai keia la aku, me ka hai mai i ka nui o kona haawi dala hoolimalima la. A. F. JUDD, a ia
S. B. DOLE, Na kahu o Airine Ii.
Sepatemaba 22, 1876. 773 tf
KE Hoole aku nei au a mau loa, ka mea nona ka inoa malalo, i kela kuai ana i kuu Apana Aina Kuleana ma Honokua, Kona Hema, Hawaii, me Kaawakapu o Kau, no ka mea, aole oia i hookaa mai i na $150.00, iloko o kuu lima. Owau no o Z PUULOA. Honokua, Kona Hema, Sept 4, 1876 773 4ts* 776
E NANA mai na kanaka a pau, mai hoaie mai oukou i kuu wahine mare ia Kuaana. O ka mea e hoaie mai ana ia ia, aole au e hookaa i kona aie, no ka mea, ua haalele kumu ole mai oia ia'u, a holo malu aku la i ka nahelehele. PELEKANI. Makapala, Kohala. Aug. 17, 1876. 773 1t*
E IKE auanei na kanaka a pau, owau o ka mea nona ka inoa malalo iho nei, no ka mea, ua hoonohoia mai au e ka Mea Hanohano Abr. Fornander, Lunakanawai Kaapuni Apana Elua ko Hawaii Pae Aina, i Lunahooponopono no ka waiwai o KAWI w. i make, no Waihee, Maui. Nolaila, ke kauohaia aku nei na mea a pau i aie mai i make, e hookaa koke mai lakou ia'u, a o ka poe a ka mea make i aie aku ai, e hoike mai ia'u me na bila kupono, o hoole loa ia. E loaa no au ma Waihee, Maui.
J H HEZEKIA, 772 4t* 776. Lunahooponopono Waiwai.
KE Haiia aku nei ka lohe i na mea a pau, ke nana mai i keia olelo hoolaha, o ka mea nona ka inoa malalo nei, ke papa aku nei au i na mea a pau i kuleana ole i kuu Hale-laau, e ku nei ma kuu pa hale, mauka iho o ka Halekula Aupuni o Kaumakapili, ma Alanui Kamika, oiai no'u ponoi no ka lepo a me ka hale laau, (koe nae ko Kapena Ahuihala). O ka mea a mau mea e olelo ana he kuleana ko lakou iloko o ka hale, ke hoole mau loa la aku nei. Owau iho no, o S KUULA. Alanui Hotele, Sept 12, 1876. 773 3t* 773
KE HOIKEIA aku nei ka lohe i na mea
a pau e noho la ma Waipio, Hamakua, ao-
le e hookuu wale i ka lakou mau holoholona, Bipi, Lio, Hoki, Kekake, Puaa, &c., maluna o ka aina o Kulu k, a me Wahineomao w, e waiho la ma Waipio, Hamakua, i lilo mai ia'u. Ina e loaa ia'u, a i ole ia, i ko'u hope paha kekahi o kela mau holoholona i haiia ae la, alaila, e hooukuia ka mea nana ia holoholona a mau holoholona paha i $1.00 no ke poo. A ke hookohu aku nei au ia Mr. Kaaemoku, i Luna nana e nana, a e hopu i na holoholona e hele ana maluna o ua aina la. E lilo keia i kanawai mai kona la e puka ai ma ka nupepa Kuokoa. E makaala, o pilikia auanei. B. MII. Waimea, Sept 13, 1876. 773 4t* 775
E IKE auanei na nanaka a pau, owau o ka mea nona ka inoa malalo nei, ke papa aku nei au i na
mea lio, bipi, hoki, kekake, hipa, kao, puaa, moa, palahu, aole e hele wale maluna o kuu aina kuleana ma Kalauao, Ewa, Oahu. Ina kue kekahi i keia olelo papa, he mana piha ko Tito e hopu aku i na holoholona i oleloia ae la maluna, a e hoouku i $1.00 pakahi no kela a me keia poo. Ina aole e hookoia na koina a kuu Luna, e hoopaa ia aku no ma ka pa aupuni, e like me ke Kanawai. E lilo keia i kahawai mai keia la aku. S N NUEKU.
K Tito kuu hope. Iwilei, Sept 21, 1876. 773 4,* 776
E KUAI kudalaia ana ma ka Pa Aupuni o Waiawa i Ewa, o na lio helehewa, ke hiki aku i ka la
25 o Sepatemaba, hora 9 o kakahiaka. Lio kane hulupala laekea keokeo na w a pou, hao LB uha hope ak. Lio w kalakoa lokia hao I-L uha hope ak U uha hop hem me ke keiki w. Eia kekahi ma ka la 29 o Sept hora 9 kakahiaka, e kuai kuia hku la ana he Hoki k eleele elua kiko keokeo ma kela a me keia aoao a malalo ae o ka ai o ka hao H anoe uh hop K anoe uh hop hem. E kii koke mai.
J S KAANAANA, Luna Pa Aupuni o Waiawa, Ewa, Sept 20, 1876. 773 1t*
EIA iloko o ka Pa Aupuni o Koholaloa. Apana o Honolulu, l Kekake e kuai kudalaia ana, ke hi-
ki aku i ka Poaono, la 30 o Sepatemaba, hora 12 awakea hao ano e He mau Lio hou mai no kekahi a me na Piula he 11. Eia ke ano a me na hao :— Lio k, hulupala wiwi laekea nui a hiki i ka ihu, 3 w keokeo hem D Lio k eleele 1 w keokeo mahope laekea iki hem D ak U Lio k, puakea 1 w keokeo mahope ak -M- Lio k ulaula laekea nui a hiki i ka ihu 3 w keokeo ua paa na kapuai mua i ka hao, ak 3 Piula w me ke keiki hem A ak A Piula k aole hao. Piula k hem AL Piula k hem A Piula w me ke keiki ak HA iloko o ka poai poepoe. Piula k eleele aole imo Piula k eleele me ka hao i ka ihu hem U Piula k eleele ai C ak KL. A B KAAUKUU,
Luna Pa Aupuni o Koholaloa, Sept 22, 1876. 773 1t*
O KA UKU WAI mai Iulai 1, 1876 aku a hiki i Ianuari 1877, (he uku mua wale no) eia ka manawa, nolaila, o ka poe he mau uku wai ko lakou
aole i hookua, e hele mai lakou ma kuu Hale hana e hooponopono ai, mamua ae o ka la 30 o Sepatemaba. O na wai aole i ukuia mahope o ia la, e okiia no me ka hookaulua ole. H. S. HOWLAND, 773 4ts 776 Luna Wai.
E IKE auanei na mea a pau loa, mai no a ae oukou i ka'u wahine mare o Kanakaole Apana (w) e aie ma ko oukou mau halekuai no ka mea ua haalele kumu ole ia'u, aole pono e kuai kekahi ma ia i na waiwai o maua o hoopii au ia lakou. APANA (Pake.) Kamoiliili, Sepatemaba 22, 1876. 773 2ts 774
O KA poe a pau he mau kokua ko lakou i ka waiwai O JAMES ROBINSON, o Honolulu i make, ina paha ua hoopaaia ma ka moraki a me kekahi ano e ae, ke kauohaia aku nei kakou e hoike koke mai me na hooiaio kupono, i ka poe Luna Hooko Kauoha, ma ke Keena o Allen a me Robinson, ma Alanui Moiwahine, iloko o na malama eono mai ka puka mua ana aku, a i ole, e hoole loa ia. Kakauia i keia la 12 o Sepatemaba 1876.
CURTIS P WARD. SAMUEL C ALLEN. 772 4ts 773 MARK P ROBINSON.
E KUAI aku ana na Luna Hooko Kauoha o ka waiwai o E H BOYD, mamua iho o ka puka o Aliiolani Hale, i ka hora 12 awakea, o ka Poalima, la 29 o Sepatemaba, i ke kona iho o na Bipi o ka waiwai o E H Boyd i make, ua manaoia, he Elua Haneri paha ka nui e holo nei ma Maunawili a me na aina e pili ana ma Koolau. Hookahi waapa e kuai kudala ia ana.
GODFREY RHODES. EDWARD STREHZ. Honolulu, Sept 9, 1876. 772 4ts 773
NO KA MEA, ua hoolahaia e na Luna Hooko Kauoha o ka waiwai o E H BOYD i make, e kuai kudala ia ana ma ke akea, i ka la 29 o Sepatemaba nei, ke koena iho o na bipi o kela waiwai maluna ae, e waiho la maluna o na aina o Maunawili a me na aina e pili la ma Koolau, Oahu.; no ka mea, ke papa ia aku nei na kanaka a pau, ke hoole nei au i ka mana o ia mau Luna Hooko Kauoha, ia mau bipi, a e manao au, he ae-hewa na kanaka a pau e komo ana maluna o ua mau aina la o Maunawili, a me na aina e pili ana, no ke kumu he keakea i ua mau bipi la, oiai eia lakou malalo o ko'u mala.
MARIA A BOYD, Ma o kona Loio la, C H Judd. Honolulu, Sept 13, 1876. 772 3ts 774
A E IKE auanei na kanaka a pau ke nana mai lakau i keia olelo hoolaha, owau o Kanekapolei, ka wahine mare a Kahue k, no Waipio, Hamakua, Hawaii. A no ka mea, ua loihi loa ko maua kaa-
wale ana, aneane iwakalua a oi makahiki, aohe pili aina, (wahine) iki mai. Nolaila, ke kahea leo nui aku au ia oe ma ka Nupepa Kuokoa, e hoi mai kaua e pili, he kane a he wahine ; ina eia no oe ke noho mai nei ma na mahiko, ma na awawa, na aekai, na kula panoa, na aina wai ; a i ole ia, aia paha i ke kai o Alika, me na keiki ehuehu o ka moana, e hoi mai oe iloko o ko'u poli. A ina i hoi ole mai oe me a'u, a hala ka manawa kupono, alaila, e hoopii no au e weheia ko kaua berita mare. E maliu i ka uwalo — a.
Mrs. KANEKAPOLEI KAHUE. Waimea, Hawaii, Aug 29, 1876. 772 3ts 774
E IKE auanei na kanaka a pau, ke papa a hookapu loa ia aku nei ka hele ana o na holoholona o kela ano keia ano maluna o kuu mau Apana Aina, e waiho la ma Kula, Maui, oia na apana aina maluna o Naalae a me Waiakoa, i Kula. Ua hookapu loa ia no hoi ka hele ana o na kanaka e oki i na laau maluna o ua mau aina la me ke kuleana ole. Ua hoonoho aku au ia M C Ross i Luna nana e malama i ua mau aina la, a iaia ka mana hopu i na holoholona aea wale maluna o ka aina, a nana no e hooko i na mea a pau ma o'u la, e like me ke kanawai. A o ka poe a pau e kue ana i keia olelo hoolaha, maluna ia o lakou.
GEORGE K KAAUWAI. Wailuku, Sept 9, 1876. 772 4t* 775
UA hookohuia mai ka mea nona ka inoa malalo nei, e ka Mea hanohano Abr. Fornander, Lunakanawai Kaapuni Apana Elua o ko Hawaii Pae Aina, i Lunahooponopono no ka waiwai o P Kalawaia, o Lahaina, Maui i make. Nolaila, o ka poe a pau i aie i ka mea i make, e hookaa koke mai, a me ka poe ana i aie aku ai, e hoike koke mai me na bila kupono i hooiaioia, iloko o na malama eono mai kela la aku, o hooleia. A ina he mau waiwai kekahi ma ka lima o kekahi mea, e hoihoi koke mai.
M MAKALUA,
Lunahooponopono Waiwai o P Kalawaia. Lahaina, Sept 4, 1876. 773 4ts 775
OWAU o ka mea nona ka inoa malalo iho, ke hoike aku nei au ma keia hoolaha, oiai ua haalele mai ia'u ka'u wahine mare, o Kaulaokeahi Kaipo Brown, i ka ai a me kahi moe, me ke kumu kupono ole ; aole loa au e hookaa ana i kana mau aie, i aie ai ma ko'u inoa.
WILLIAM BROWN. Koloa, Kauai, Aug 24, 1876. 771 6m 794
OIHANA KINAI AHI O HONOLULU.
UA HOOKOHOIA ka poe nona na inoa malalo iho, i mau Luna Kiai no ka Oihana Kinai Ahi Nui ma na Apana pakahi o ke kula-
nakauhale, malalo iho :
Apana mua................H J Nolte, Apana alua................Henry Hart, Apana Ekolu.............Jacob Holck, Anana aha.................C B Wilson. CHAS.T GULICK.
Kakauolelo Oihana Kinai Ahi o Honolulu. Honolulu, Sept 8, 1876. 772 2t
HOOLAHA HOOKOLOKOLO.
AHA Kiekie o ko Hawaii Pae Aina, ma ka hooponopono waiwai, mokupuni o Oahu, Hawaii Pae Aina, SS. Ma ka waiwai o KEOWAHI (k) no Honolulu i make. Olelo kauoha e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 8 o Sepatemaba M H 1876, ua waihoia mai imua o ka Aha kekahi palapala i oleloia, oia no ke kauoha hope o KEOWAHI (k) i make aka la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Kaula. Ua waihoia mai e Kaula.
Nolaila, ua kauohaia, o ka Poalua, oia ka la 3 o Okatoba M. H. 1876, ma ka hora 10, ma ka Rumi Hookolokolo o kela Aha ma Aliiolani Hale, ma Honolulu, oia ka la me ka hora e hooiaioia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa, he nupepa i paiia a hoolahaia ma Honolulu. A ua kauoha houia, e hoopukaia na palapala kana no na hoike, no ia palapala kauoha, a me na hooilina o ka mea make, e hele mai e kue i ka wa i oleloia.
Kakauia ma Honolulu ko Hawaii P A la 8 o Sept 1876. A FRANCIS JUDD,
Ikea : Lunakanawai o ka Aha Kiekie. Jno. E Barnard, Hope Kakauolelo. 772 3t 774
MA ke Keena o ka Lunakanawai Kaapuni Apana Ekolu ko Hawaii Pae Aina. Ma ka waiwai o KANEAPUA, no Hamakua, Hawaii i make.
Ua heluheluia a iia waihoia ka palapala noi a Kalualele (w) no Hilo, Hawaii, e noi ana, e hoonohoia o Makaleta w, me D B Mahoe, i mau Lunahooponopono no ka waiwai o Kaneapua, o Hamakua, Hawaii, H P A i make. Nolalia, ke kauohaia aku nei na kanaka a pau ke pili, o ka Poaono, oia ka la 21 o Okatoba M H 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka Hoolohe ana i ua nonoi la a me na mea kue ke hoikeia. F S LYMAN, Lunakanawai Kaapuni Apana Ekolu.
Hilo, Sept 1, 1876. 773 3ts 774
MA ke Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o ROBERT me MARY ROBINSON, o Hamakua, Hawaii i make. Ua heluheluia a ua waihoia ka palapala noi a Kalualele w, o Hilo e noi ana, e hoonohoia o Makaleta w. me D B Mahoe, i mau Lunahooponopono no ka waiwai o Robert me Mary Robinson, no Hamakua, Hawaii H P A i make. Nolaila, ke kauohaia aku nei na kanaka a pau ke pili o ka Poaono, oia ka la 21 o Okatoba M H 1876, ma ka hora umi o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. F S LYMAN,
Lunakanawai Kaapuni Apana Ekolu. Hilo, Sept 1, 1876. 772 3ts 774
MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o PAUMANO k, no Waialua, Molokai i make.
Ua heluheluia a ua waihoia ka palapala noi a Malao w, e noi ana, e hooholoia na hooilina o ka waiwai o Paumano (k) no Waialua, Molokai, H P A i make aku nei, a e maheleia kona waiwai iwaena o lakou. Nolaila, ke kauoha ia aku nei na kanaka a pau ke pili, o ka Poaha, oia ka la 12 o Okatoba 1876, ma ka hora 10 o kakahiaka, ma ka Hale Hookolokolo ma Pukoo, Molokai, oia ka la a me kahi i kohoia no ka hoolohe ana i ua noi la a me na mea kue ke hoikeia. ABR. FORNANDER,
Lunakanawai Kaapuni Apana Elua, Lahaina, Aug 24, 1876. 771 2ts 771
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o FRANK THOMAS (Portugese), no Kainalu, Molokai i make.
Ua heluheluia a ua waihoia ka palapala noi a Eurene Pai, e noi ana, e hoonohoia i kekahi Lunahooponopono o ka waiwai o Frank Thomas (Portugese), no Kainalu, Molokai H P A i make. Nolaila, ke kauohaia aku nei na kakanaka a pau ke pili, o ka Poaha, ka la 12 o Okatoba 1876,
ma ka hora 9 o kakahiaka, ma ka Hale Hookolokolo ma
Pukoo, Molokai, oia ka la a me kahi i kohoia no ka hoolo-
he ana i ua noi la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Aug 24, 1876. 771 2ts 773
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o MAKAAUILANI w, no Lahaina, Maui i make.
Ua heluheluia a ua waihoia ka palapala noi a Lupeau w,
e noi ana, e hooponoponoia ka waiwai o Makaauilani w, no Lahaina, Maui H P A i make, a e hooholoia ka waiwai i
na hooilina. Nolaila, ke kauohaia aku nei na kakanaka a
pau ke pili, o ka Poakolu, oia ka la 27 o Sept. 1876, ma ka
hora 11 o kakahiaka, ma ka Hale Hookolokolo ma Lahai-
na, oia ka la a me kahi i kohoia no ka hoolohe ana i ua noi
la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Sept. 2, 1876. 771 3ts 773
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KAUIHOU (k), no Lahaina Maui i make.
Ua heluheluia a ua waihoia ka palapala noi a Lupeau w,
e noi ana, e hooponopono ia ka waiwai o Kauihou k, no Lahaina, Maui H P A i make, a e hooholoia ka waiwai i na
hooilina. Nolaila, ke kauohaia aku nei na kakanaka a pau ke
pili, o ka Poakolu, oia ka la 27 o Sepatemaba M. H. 1876,
ma ka hora 10 o kakahiaka, ma ka Hale Hookolokolo ma
Lahaina, oia ka manawa a me kahi i kohoia no ka hoolohe
ana i ua noi la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Sept. 2, 1876. 771 3ts 773
E IKE auanei, owau o KAMAKA'U (w), ka mea nona ka inoa malalo, ma ka la 22 o Augate M H 1876, ua kakau inoa au ma kekahi palapala, e hoonoho ana, a hookohu, a hoolilo ia William Lumaheihei, i hope oiaio no'u, a no ko'u mau waiwai paa a waiwai lewa a pau loa e waiho nei iloko o ka Apana o Hamakua, mokupuni o Hawaii. O na hana ana a me ka mana a pau ma kuu inoa, a me kuu waiwai, aia no ia i kuu Hope. Ke hoike nei au, e pono i na kanaka a pau ke hoolohe i kuu Hope, a e hilinai iaia a i kana mau hana. Owau no me ka mahalo. MRS. E. KAMAKA'U. Hamakua, Hawaii, Aug 23, 1876. 770 2t* 773
Na Buke Himeni Hou ma ka Halekuai Buke o Wini.
Songs of Salvation The River of Life
Sun Shine Cheerful Voices
Pure Gold Sparkling Rubies
Golden Robin Bright Jewels
Nine o'clock in the Morning New Gold n Censer
The Morning Star Sabbath Carols The Bank of the Rhine Royal Diadem
Hallowed Songs Song Monarch
Gospel Song Golden Wreath
Happy Voices New Songs
Temple Choir Charm
Merry Voices Song of Life.
Bradbury Trio Ne Plus Atra
Song King Song Queen
Mocking Bird Sacred Song
Hour of Singing Sabbath School Bell
Shining River Pearl
Choice. H. M. WINI,
UA LILO aenei ia MR DONNELL ka Hale Hana Wili Hinuhinu mua o C E Williams ma Alanui Hotele, a me na pono kaa kupapau a ua makaukau oia no na hana a pau i pili i ka hana wai hinuhinu a me ka hana pahu kupapau.
763 3ms 774.
E IKE auanei na ano kanaka a pau, owau o ka mea nona ka inoa malalo, ua hookohuia mai au e ka Hon. A. Francis Judd, kekahi o na Lunakanawai o ka Aha Kiekie, i Lona Hooko Kauoha a hooilina hoi no ka waiwai o KALAWAKUA (w), i make, ma Honolulu. Nolaila, ke kauohaia aku nei na mea a pau i aie mai iaia, e hookaa koke mai, a o ka poe ana i aie aku ai, e hoike koke mai me na bila kupono, iloko o na malama eono mai keia la aku, o hoole loa ia lakou ; a ina hoi he waiwai ko ka mea i make ma ka lima o kekahi poe, e hoihoi koke mai.
W. KALAEHAO, Lunahooko Kauoha a hooilina o ka waiwai o Kalawakua. Honolulu, Sept. 3, 1876. 771 2ts 772
E IKE auanei na kanaka a pau o kela ano keia
ano, owau o ka mea nona ka inoa malalo iho nei,
ke papa aku nei au i ka poe mea Lio, Bipi, Hoki,
Kekake, Hipa, Kao, Puaa, Ilio, mai hookuu oukou i ko oukou mau ano holoholona maluna o ko'u mau aina hoolimalima, no lakou na inoa malalo nei. Punaluu, Wailau, Hokukano, Kaaiaiki, a me ka aina kuai o D Holoua ma Ninole, a me na koana aupuni o ia aina, e waiho nei ma ka apana o Kau, mokupuni o Hawaii. Ina o ka mea kua i keia, e hopu no au a uku e like me ke Kanawai, a i ole ia, e hoopaa ia ma ka Pa Aupuni, ma ke ano komohewa, a ua kapu no na mea ulu o luna o kuu aina, koe nae ka poe komo kino a me ka poe i loaa ka palapala ae mai a'u aku. A me ko'u mau hope, a mau hope paha. A ke pa-
pa ia aku nei na kanaka a pau, mai hele wale aku me ke kuleana ole maluna o ko'u mau aina a pau, o uku ia i Eli-
ma Dala ($5.00). E lilo keia i Kanawai paa mai keia la a
mau loa aku CHUNG PEU APEO.
Waiohinu, Kau, Aug 30, 1876. 771 3t* 773
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei,
na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka.
Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu.
Na Kamaa wahine maikai loa o kela a me keia ano, no
na Ili Farani maikai loa no ka uku oluolu.
No ka hana ana o na Hila i ke Kamaa me paa loa, a
maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no
ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma
kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.
E kuai aku no au i na ili kamaa buki kahiko ana maikai
a me na noho lio nahenahe kahiko ano maikai.
762 6t* 765
OLELO HOOLAHA.
Mai keia la aku, aole au e hookaa ana i kekahi aie ma ko'u inoa, ke ole e loaa ke kauoha mai a'u aku. Hilo, Iune 1 1876. (737 6m*) U. K. HAPAI.
EMI LOA * NA KII !
MA KA HALE PAI KII O AHI, MA KA
Helu 63 Alanui Nuuanu, Honolulu. O ka uku o ke
kakini Kii Pepa mamua, he $2.50, a i keia manawa, emi
loa, he $2.00. O ka uku o ke kii aniani, he $2.50 mamua,
ua hoemi loa ia a i ke $1.50 wale no ! Emi maoli ! Make-
pono loa ! Aole like pu mamua ! E hele wikiwiki mai e
pai i na kii.
HALE KAMANA !
AIA no maloko o keia Hale maluna ae, e
hanaia ai na Pahukupapau, na Moe, Noho,
Pakaukau, Mamalu, a ia mea aku ia mea aku. O ka Pahu
kupapau paina mamua, he $3.00, a i keia manawa, he $2.00
wale no. O na kumukuai o na mea e ae i koe, e kuai ma-
kupono loa ia aku ana. 751 4m* 774
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA
o na Alanui Papu a me Hotele. Aia malaila na Wa
Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
OWAU o ka mea nona ka inoa malalo iho nei, ua hoonohoia mai au e ka Mea Hanohano D McBride, Lunakanawai Kaapuui Apana Eha o ko Hawaii Pae Aina, i Lunahooponopono no ka waiwai o Kealai k. o Wainiha, Kauai i make, nolaila, o ka poe a pau i aie mai i ka mea i make, e pono no ia lakou ke hookaa koke mai ia'u, a o ka poe ana i aie aku ai, e hoike koke mai ia'u me na bila kupono, iloko o na malama eono mai keia la aku, o hoole loa ia auanei. E loaa no au ma Waimea, Kauai, a i ole ia, i ko'u hope paha, ia N P Kalehua S. P. KEWE.
Ka Lunahooponopono o Kealai. Augate 23, 1876. 770 4t* 773
E. T. O'Halloran LOIO !
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana, aie ma ka " Real Estate Ex-
change" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m
Hale Kuai Lole Maikai !
— MA —
Waimea, Hawaii !
I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o
AWANA ;
Ua wehe ae nei au i kua Hale Kuai Lole Maikai,
ma keia aina mauna, a e loaa no na
Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku
Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me
ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na
lole hou i na manawa a pau.
769 3m* G AWANA (Pake).
E IKE auanei na kanaka a pau, ma ka la 22 o Augate, M H 1876, ua hoonoho, a ua hookohuia mai au e Mrs. KAMAKA'U, i Hope oiaio nona a no kona mau waiwai paa a waiwai lewa, e waiho nei ma ka Apana o Hamakua mokupuni o Hawaii. A no ka mea hoi, e like me ka mana i loaa mai ia'u mai a Kamaka'u w. mai, i olelo mua ia maluna, ke papa aku nei i na mea holoholona, mai hookuu wale i na holoholona maluna o na aina i lilo ia'u ka hoomalu ana, oia hoi na aina i kapaia KUILEI, NA A-U a me PAPAKE. A o ka poe mea holoholona e makemake ana e loaa ke kuleana a me ka pono hele holoholona ma ke ano hoolimalima, e pono ke ninau i ka mea nona ka inoa malalo, e loaa no oia ma kona hale noho ma Maunaaniani, Paauhau, Hamakua, a i ole ma ka Noelehua i Mana, malalo iho o na lalaki kuahiwi o Maunakea. E pono e hoolohe i kela, o pilikia auanei. Owau no me ka mahalo
WILLIAM LUMAHEIHEI. Mauaaniani. Paauhau, H.. H., Aug 23, 1876. 770 4t*
HALE KUAI LOLE HOU,
— MA —
KOHALA * HAWAII LEI KOHALA, I KA NUKU NA KANAKA.
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o
C. C. AKINA.
Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwe-
lu, e kuwelu ai i ka makani.
NA KALAKOA ANO HOU LOA i ike oleia mamua. Na
KAEI SILIKA Nani. NA MAKALENA KALAKOA me ka PUAKEA, na ALA-
PIA HULUHULU o na ano a pau, na KIHEI UHI hou e
kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine
o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Sept 11...........................................Kaapuni ia Hawaii
ku hou mai ahiahi Poalima.
Poakahi, Sept 18...........................................Kaapuni ia Kauai
(E ku mua ana ma Nawiliwili, a e ku ana ma Hono-
lulu i ke kakahiaka Poalima).
Poakahi, Sept 25...........................................Kaapuni ia Hawaii
Ma na huakai a pau a Kilauea e hoi mai ai mai Ha-
waii mai, aole e haalele ana ia Kaalualu a hiki i ka hora
9 a.m., a mahope iho paha ; Kawai a hiki i ka hora 10
a mahope iho paha ; Makena e like me ka mea i hoolaha
wahaia ; Maalaea a hiki i ka hora 7 a.m., a mahope iho
paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku
moku. Aole e ili ka hewa no ka paiki, ukana a puolo pa-
ha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
OLELO HOOLAHA.
CECIL BROWN,
Loio a he Kokua ke Kanawai
A HE AGENA NO KA HOOIAIO ANA I NA
Palapala no ka mokupuni o Oahu.
Helu 8 Alanui Kaahumanu, Honolulu, H.P.A.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U
nei, a na'u no e kokua ia oukou imua o ka Aha Hoo-
malu a me ka Aha Kiekie, me ka uku haahaa makepono
loa. Aia kuu Keena ma kahi o ka Lunakanawai
Hoomalu o Honolulu nei, oia ka " Aiko," ma Alanui Kale-
pa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA
Kuai, Palapala Moraki a me na mea a pau e pili ana
ma ka Oihana Loio. 743 1y 794
John W Kalua ;
Loio ! Loio !!
E loaa no ma Lahaina, Maui. 760 4m* 736
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a
pau ma keia mokupuni a ma na moku e ae, ma na
hihia a pau. Ua makaukau oia i ka hana ana i na ano pa-
lapala a pau. E hoaie ia no na dala mai a iaia aku ma na
moraki maikai a oiaio wale no me ka ukupanee.
Keena Oihana ma Alanui Kalepa, Helu 23, ma ka hale
maluna ae o Kauka Minuteole. 735 1y
Na Luhiehu o ke kino.
E hanohano ai na Lede. Na Keonimana. A me na Kamalei.
I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781
KE HOIKE AKU NEI KA MEA nona
ka inoa malalo iho, i kona mau makamaka a me ka lehulehu, ua nee ae nei oia a ma ke Alanui Papu, ma kela aoao mai o ka Hale Mu, aia oia malaila e hana ai i na Karanometa, Wati nui a me na Wati pakeke. Ua hiki iaia ko hooia aku, e hele pono ana kana wati e hana ai no ka makahiki hookahi. 767 3m* J. DOIRON.
MA ka waiwai o Sylvester Sablan y Castro, o o Honolulu i make. Ke hoike ia aku nei ka lohe i na kanaka a pau, ina ua hoopaa ia ma ka Moraki, a aie e
ae paha, he mau koina ko lakou i ka waiwai o Sylvester
Sablan y Castro i make, e hoike koke mai me na hooiaio
kupono i ka mea kona ka inoa malalo iho ma Alanui Ka-
ahumanu Helu 3, Honolulu, iloko o na malama eono mai
keia la aku, a i ole ia e hoike loa ia ; a o ka poe i aie iaia,
e hookaa koke mai i na mea nona na inoa malalo iho. ANNA SABLAN y CASTRO. CECIL BROWN.
Na Lunahooponopono Waiwai o S Sablan y Castro i make
Honolulu, Aug. 16, 1876. 769 5ts 773
NA MEA ANO HOU !
Ua loaa mai nei,
Eia ma ka Hale Kuai o Wini !
NA EA,
NA OMAU AI.
NA KULA PEPEIAO NA OMAU HAO BUKALO.
NA MEA ANO HOU A EMI,
Na Buke Pakeke Ili a me na Eke Dala
Na Lei Pilali,
Na Lei Eleele, a me na mea e ae he nui wale.
E HAAWI MAKANA IA ana i kela a me keia mea i kuai a hiki i ka
ELUA DALA.
E hele mai, e nana i kela mau mea maikai, a e loaa no e like me ka makamake.
Emi loa aole e like me mamua !
Ela ma ka Hale Kuai o
756 2m WINI.
Papa ! Papa !
— NO —
ALLEN A ME ROBINSON.
Ua wehe ae nei maua i
PA KUAI PAPA !
— MA KA —
UWAPO O PAKAKA.
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena !
NA KUI O NA ANO A PAU !
Na Pani Puka a me
Na Pani Puka Aniani.
Na Pani Puka a me
Na Olepelepe.
Na lako kukulu Hale.
— O NA ANO A PAU —
E kuaiia ma ke
Kumukuai Haahaa Loa !
o keia Makeke.
ALLEN & ROBINSON.
Honolulu, Aper 13, 1876. 750 ly
OLELO HOOLAHA.
Lole Makepono ke Kuike !
E LOAA NO IA MA KAHI O
KAKELA ME KUKE,
— E LAA NA —
AHINAHINA,
KALAKOA,
KEOKEO,
LEPONALO,
Pena, Aila, Aniani,
Na Mea Piula,
Kopa, Aila Honua.
Aila Hoomaloo,
Kui Kakia, Pakeke,
Tabu, Kaula, Noho lio,
Hulu-palaki, na Pulumi.
A he Agena no hoi no na Mokupuni o Ha-
waii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na Lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipine, lihilihi, a me ia mea'ku
— A HE —
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
— A HE —
LAAU LAPAAU KAULANA LOA
A Dr. JAYNES.
Laau Kunu,
Laau Hoomaemae Koko,
Laau hoopau naio,
Penikila, Huaale,
A me na Laau Hamo, a pela'ku.
759 ly 811
ANOIA I KA LEHULEHU,
E kipa mai a e nana
i kumaka ka ike i na waiwai na-
ni i loaa mai nei iloko o na
La Kulaia iho nei.
Penei ke ano o ua mau waiwai la :
Na wati a me na kaula gula,
a na Ledee a me na Keonimana !
NA KAULA OPELE A NA LEDE
NA KOMO GULA NANI O KELA A ME KEIA
ano o na Lede a me na Keonimana !
NA KUPEE GULA,
NA LIPINE GULA,
Na gula pepeiao o na wahine !
e oaka ai i na pepeiao, a e hulali ai
hoi na manamana lima, a e
kilipohe ai hoi na ai.
Na komo humuhumu gula a me ke kala,
Na pihi pulima gula wahine a kane,
Na laketa gula lei wahine nani,
Na komo daimana o na Lede.
Na kaula laketa,
Na pine omau kihei,
Na laketa aniani,
Na huka gula wahine.
NA LAKO HALE.
NA PUNA,
NA PAHI,
NA KIAHA, KALA,
NA APO KALA,
NA KAWELE holoi lima,
NA O DALA o kela a me keia ano,
a me na mea nani e ae no he nui wale.
E kuaiia aku ana no
ma ke kumukuai haahaa loa i ko
na wahi e ae o ke taona nei.
UA MAKAUKAU NO HOI NA
mea nani no kanaka makua
a me na kamalii.
Na Kamaa Paa Loa,
e loaa no maanei e like me ka
makemake ; a ina e loaa
koke ka ino, he hiki
no ke hoihoi mai.
M. McINERNY.
Kihi o Alanui Papu a me Kalepa. 763 3m 774