Ka Nupepa Kuokoa, Volume XV, Number 24, 10 June 1876 — Page 1

NUPEPA KUOKOA :

KE KILOHANA POOKELA NO KA LAHUI HAWAII.

BUKE XV. HELU 24. HONOLULU, POAONO, IUNE 10, 1876. NA HELU A PAU 758.

MAIKAI KA HOI KA PAPA !

— A ME —

Ka Laau o kou Hale ! No Hea la ?

KA I NO HOI NO KAHI O

WAILA MA !

Nana aku no hoi ia la,

OHI KA IO O KA LAAU O MAKAWAO, i ka ua mea o ka nani o

Na Papa, Na Laau

— A ME —

NA PONO KUKULU HALE

O NA ANO NO A PAU,

— MA KE KIHI O —

Na ALANUI PAPU a me MOIWAHINE,

...... Honolulu ......

MALAILA E LOAA AI E LIKE ME KA makemake, no ke

Kumukuai makeponoloa. PAPA, PAPA, PAPA

Na PAPA huluhulu,

Na PAPA manoanoa, Na PAPA i kahiia, Na PAPA kepa,

PAPA holo keokeo, PAPA holo ulaula.

NA LAAU! LAAU!

NA KUA.

NA KAOLA, AAHO,

MOLINA,

PEAPEA, PINE HULUHULU,

PINE I KAHIIA,

Na Papa a me na Laau Ulaula ! PILI ULAULA

PILI KEOKEO, PANI PUKA,

PANI PUKA ANIANI IPUKA ANIANI,

OLEPELEPE.

PENA O NA ANO A Pau

Hulu Pena mai ka liilii a ka nui !

AILA PENA ! AILA HOOMALOO,

WANIKI, PATE

NA LAKO

o kela a me keia ano. NA AMI-PUKA HALE,

NA AMI-PUKA PA.

ANIANI !

Pepa Hale me na lihilihi

E LOAA NO MALAILA

KA PAAKAI Helu 1,

O KAKAAKO a me PUULOA

No ke Dala kuike, e loaa no na mea a pau i haiia ae la no ke kumukuai emi loa.

O na kauoha a pau mai Hawaii a Niihau, e loaa'ku ana ia lakou, e hooko koke ia mai ana no ia me ka lawa pono.

E kipa nui ilaila, i ike i ka oiaio

749 3m 760

Hoike Kula Sabati !

E malama ia ana ka Hoike makahiki a me ka hookahakaha akea ana o na Kula Sabati o na Ekalesia nui o Kawaiahao, Kaumakapili, Kaukeano a me Polelewa, i keia kakahiaka Poaono. E houluulu inua ae na kamalii Kula Sabati o kela a me keia kula ma ko lakou mau hale Kula Sabati mau iho ma ka hora 9 1/2 A. M a ma ka hora 10 ae, e kai mai ai na kamalii o Kawaiahao e kii i na Kula Sabati o Kaukeano, Kaumakapili a me Polelewa. E iho ana ko Kawaiahao ma Alanui Moi, pii ma Alanui Rikeke, iho ma Beretania, a hui me ko Kaukeano mau haumana ma Alanui Papu ; hoomau aku i ka hele ma Beretatania a Alanui Nuuanu, hui hoi me ko Kaumakapili ; iho ma Alanui Nuuanu, huli hoi ma Alanui Moi a hui me ko Polelewa poe haumana, pii pololei a komo iloko o Kawaiahao.

Maloko o ka luakini, e malama ia ana he mau mele hui a he mau haiolelo hoolanalana manao.

I ka wa e hookuu ai ke anaina, alaila e malama ana na kamalii he mau paina liilii kupono no lakou.

Ke Kau Ahaolelo o M. H. 1876.

LA HANA 27.— Poakolu, Mei 31.

Halawai ka Ahaolelo e like me ka mau HELUHELUIA NA HOOPII A WAIHOIA.

Na Mr Kanealii mai Wailuku mai, he eha hoopii malalo o na kumu lehulehu. NA OLELO HOOHOLO A ME NA BILA.

Waiho mai o Hon. S K Kaai he olelo hooholo e ninau aku ke Kuhina Kalaiaina i na ona mahiko e hoike mai i ka nui o na pake i makemake ia. Hooholoia.

Heluhelu mua mai o Mr Helekunihi he bila e hooulu ai i ka lahui. Waiho ia no ka heluhelu elua.

Heluhelu mua mai o Mr Kalaukoa he bila e papa ai i ka mare ana o na wahine Hawaii me na haole i hookupa ole ia. Hoopanee loa ia.

Heluhelu mua mai o Hon. W T Martin he bila e hooponopono ai i na haku a me na kauwa. Hoopanee loa ia.

Waiho mai o Mr Wana he olelo hooholo, aole e hoouna hou ia kekahi mai lepera i Molokai oiai e noho ana ka Ahaolelo. Hoopanee loa ia.

Pane mai ke Kuhina Kalaiaina no ka ninau iloko o ka olelo hooholo a ka luna o Kona Akau i hooholoia ma ka la 11 o Mei, e noi ana i ka moolelo o ka Ahakukamalu e pili ana i na mahele aina i ka wa o Kamehameha III , aia ka moolelo iloko o ko ka Moi mana oia wale no.

Pane mai ke Kuhina Kalaiaina no ka ninau maloko o ka olelo hooholo a ka luna o Kona Akau i hooholoia ma ka la 11 o Mei, e noi ana i ka nui o na loaa o ke keena kakau kope, no ka makahiki hookahi, he $2,600.

HAPAIIA NA HANA O KA LA.

Oia ka noonoo ana iloko o ke komite o ka Hale, i ka olelo hooholo e hilinai ole ana i na Kuhina. Kaheaia o Mr Wana ma ka noho. Mahope o ka hoopaapaa loihi ana, ua hoopau ia ke komite me ka hoike ua hoopanee loa ia ka olelo hooholo.

Hoopanee ka Hale.

LA HANA 28 — Poaha Iune 1.

Halawai ka ahaolelo o ka hora 1 auina la, e like me ka hoopanee ana.

HELUHELUIA NA HOOPII A WAIHOIA.

Heluhelu mai o Mr. Kanealii, he elua mau hoopii, oia e pai i buke rula no ka malama ola, a no ka waiho i na aina kula i ka lima o na luna kula.

Heluhelu mai o Mr. Aiwohi, he eha mau hoopii malalo o na kumu lehulehu. NA OLELO HOOHOLO A ME NA BILA.

Hoolaha mai o Mr Helekunihi i na bila malalo iho : E kauia i auhau maluna o na loaa makahiki, a e uku na mahiko i mau laikini. Na Mr Halstead he bila e hoololi ai i ka pauku 237 o ke Kivila.

Heluhelu mua mai o Mr Kanealii he bila e hoololi ai i ke kanawai hookamakama. Waiho ia malalo o na rula.

Heluhelu mua mai o Mr Kauai i kana hoololi i manao ai no ka pauku 45 o ke Kumukanawai. Waiho ia malalo o na rula.

Heluhelu mua mai o Mr Kauai he bila e hoololi ai i ka pauku 2 mokuna 10 o ke Karaima. Waiho ia malalo o na rula.

Waiho mai o Mr Kauai he olelo hooholo

e hookaawale ia i $3,000 no na alanui o Waimea, Kanai. Waiho ia ma ha papa.

Heluhelu mua mai o Mr Nahaku he bila e hoololi ai i ka pauku 7 o ke kanawai o 1859. Waiho ia malolo o na rula.

Waiho mai o Mr Halstead he olelo hooholo e hoike mai ke Kuhina o ko na aina e imua o keia Hale ina paha ua hoouna ia aku o Aseu e kii i mau pake i Kapalakiko.

Hoike mai ke Kuhina o ko na aina e, ua hoouna ia o Aseu e wae pake ia Kina i pake ma ke ano lima hana, aka hiki mai nei ka lohe e i ae ua Aseu nei aia ke ala e hoi mai nei i keia awa.

Heluhelu mua mai o Mr Lilikalani he olelo hooholo, ma ke ano bila no ke koho ana i aha elele hana Kumukanawai hou. Hoole loa ia.

Hoolaha mai o Mr Preston, i keia mau bila : e hoopau loa i ka mokuna 28 o ke kanawai o 1874 ; e hoopau loa i ka moku4 o ke kanawai o 1874 ; e hoololi i ka mokuna 42 o ke kanawai o 1874.

Waiho mai o Mr Preston, he olelo hooholo e koho ia i ona komite wae nana e ninaninau i ko Aseu maua no ka lawe ana mai i na pake mai Kaleponi koke mai nei ae no. Hooholoia. Koho ka noho ia Preston, Mahelona, Kaai a me elua lala e ae i koe.

Heluhelu mua mai o His Ex J M Kapena he bila e pili ana i i na kauka i laikini ia. Waiho ia malalo o na rula.

Waiho mai o His Ex. J M Kapena he olelo hooholo e hoapono aku keia Ahaolelo i na hana a na Kuhina e pili ana i ke Kuikahi Panailike. Waiho ia i hana no ka Poakahi.

Hoolaha mai o Mr Kanealii he hoololi kana i manao ai no ka pauku 42 o ke Kumukanawai.

Hoolaha mai o Mr Birch i keia mau bila malalo iho : e hoololi ai i ka pauku 269 o ke Kivila a me ka hoololi i na pauku 16, 17, 19, a me 20 o ka mokuna 41 o ke Kalima.

Ninau mai o Mr Waterhouse ina paha ua hoike mai ke komisina o na aina lei alii i ka loaa o na aina lei alii no na makahiki elua i hala, a ehia la ka nui o na aina e waiho wale mai nei.

NA HANA O KA LA.

Komite ka hale no ka noonoo ana i ka rula 62 (a). Mr Aiwohi ma ka noho. Ma ke noi, ua hoopau ia ke komite me ka hai aku, ua hooholo ia ka rula.

Komite hou ka Hale no ka hoike a ke komite waiwai e pili ana i ka helu o na kakauolelo mua o ka Ahaolelo, Mr Nahaku ma ka noho. Mahope o ka hoopaapaa loihi ana, ua hoopau ia ke komite me ka hai aku, ua apono ia ka hoike a ke komite waiwai.

Hoopanee ka Hale.

LA HANA 29 — Poalima, Iune 2.

Halawai ka Hale i ka hora 1 P M. HELUHELUIA NA HOOPII A WAIHOIA.

Na Mr Halemanu, mai Hamakua mai, he ekolu mau hoopii me na kumu lehulehu.

Na Mr Aiwohi mai Kohala mai, he ekolu mau hoopii e noi ana i $1,000 no na alanui o Kohala Hema ; e hoemi i ka uku o na luna aupuni a e hoopau i na haawina hoomau.

Na Mr Kaina mai Hilo mai, i $2,000 no ke alanui ma Waiakea.

HOIKE A NA KOMITE.

Hoike mai ke Komite o na Aha Hookolokolo no ka hoopii ku-e a ko Kona Akau i ka luna mai laila mai, e hoopaa no. Ae ia.

Hoike mai ke Komite Wae, i kohoia ai e noonoo no ka hoopii a ko Honolulu, no Mr S M Kamakau e hoonoa, e ae aku i ke noi a ka poe hoopii, a e hoohakahaka i ka noho. No ka nui o na manao like ole, ua hoihoi hou ia ka hoike.

NA OLELO HOOHOLO A ME NA BILA.

Waiho mai o Mr Kalaukoa he olelo hooholo, e ukuia ka malama hale kupapau o Lunalilo i $200 no ka makahiki.

Heluhelu mua mai o Mr. Helekunihi he bila e uku ai na mahiko i $500 o ka laikini no ka makahiki.

Hoolaha mai o Mr. Kanealii, he bila e hoololi ai i ka pauku 9, mokuna 7 o ke karaima.

Heluhelu mua mai o Mr. Kanealii i kana hoololi i manao ai no ka pauku 42 o ke Kumukanawai, e hoemi ana i elua wale no Kuhina. Waihoia malalo o na rula.

Heluhelu mua mai o Mr. Kauai, he bila e hoololi ai i ka pauku 18 o ka mokuna 86 o ke karaima, i hooponopono hou ia. Wai-

hoia malalo o na rula.

Hoolaha mai o Mr. Mahoe, he bila e ae ai i na mai lepera, e hoi me ko lakou ohana e noho ai. He bila no e hoololi ai i ka pauku 796, 797 a me 799 o ke Kivila.

Heluhelu mua mai o Mr. Helekunihi, he bila e kau ai i auhau maluna o na luna makahiki o kela a me keia kanaka maloko o keia aupuni. Waihoia malalo o na rula.

Hoolaha mai o Mr Nahaku he bila o i hoololi ai i ke Kanawai aponoia i Iune 22, 1872.

Waiho mai o Mr Naukana he olelo hooholo e hookaawaleia i $400 no ka hale paahao a me ona hale hookolokolo ma Waialua. Waihoia a noonooia ka Bila Haawina.

Heluhelu mua mai o Mr Helekunihi he bila e hookomo ai i ka hana lima ike iloko o ke kula o Lahainaluna. Waihoia no ka heluhelu alua.

Heluhelu mua mai o Mr Helekunihi he bila e kukuluia ai ona mau halemai ma na apana kiaaina pakahi.

Ma ke noi, ua kapaeia na rula, ua heluhelu ia ma ke poo a waihoia i kekahi Komite Wae.

Waiho mai o Mr Gay he olelo hooholo e kauohaia ke Kuhina Kalaiaina e ana koke ia na aina aupuni i ana mua ole ia. Oiai e hoopaapaa ana, ua hapaiia. NA HANA O KA LA.

Komite ka Hale no ka noonoo ana i ka hoike a ke komite o na Aha Hookolokolo e kipaku ana i ka Luna o Waialua no na kumu moakaka i ka hewa e hiki ole ai ke aua. I ka hoopauia ana o ke Komite, ua hoopanee loa ia ka hoike a ke Komite.

Hoopanee ka Hale.

LA HANA 30.— Poaono Iune 3.

Halawai ka Hale ma ka hora 10 A M.

Heluheluia kekahi mau hoopii ekolu e Mr Helekunihi malalo o na kumu lehulehu.

Na Mr Kalaukoa hoi, mai Honolulu mai, e noi ana, aole e aeia e hookomo hou mai ona mau pake paahana a aole hoi e hookaawaleia ona puu dala no ia mea.

Hoike mai ke Komite Hooponopono Kanawai, ua hooponopono lakou he ewalu mau bila.

Noi mai ka Loio Kuhina e hapai hou i ka noonoo ana i ka hoike a ke Komite o na Aha Hookolokolo i hoopanee loa ia i nehinehi, e pili ana i ka noho kuleana ole ana mai o ka luna o Waialua. Haule.

Hoopanee ka Hale.

LA HANA 31.— Poakahi Iune 5. HELUHELUIA NA HOOPII A WAIHOIA.

Na Mr Nawahi, no Hilo mai, e uku ia i $12 o ka pule no ka lawe leta mai Hamakua a me Hilo. Na Mr Kalaukoa, 1 no Koolaupoko mai, a he 2 no Honolulu, no na kumu aole e waiho wale i na aina lei alii, e oki ka hooholo mokuahi ana, a e hoihoi ia na lepela i ko lakou mau home a hoopau loa i ka Papa Ola. Na Mr Kanealii no Wailuku, aole e hookomo hou mai i na mai pake a me eiwa mau kumu e ae. Waiho ia ma ka papa. Na Mr Aiwohi no Kohala, no ke Kahukula no e uku i kona mau lilo e holo la i Amerika. Na Mr Halemanu, he 4 mau hoopii malalo o na kumu lehulehu.

Hoike mai komite wae i waiho ia aku ai e noonoo i ka bila e kauoha ana e pai i na rula no ke ola kino, e waiho ia ma ka papa, a e hooholo i olelo hooholo a ke komite i hoolala ai, e koi ia na kauka e kakau i ko lakou mau rula alaila, pai buke a haawi wale aku.

Noi ia mai e hookuu aku ia Hon. Mr Aholo i hookahi hebedoma. Ae ia.

NA OLELO HOOHOLO A ME NA BILA.

Waiho mai o Mr Kalaukoa he olelo hooholo, e papa ia ka Papa Hoopae Lima Hana, aole e hopue hou mai i na lima hana pake. Waiho ia i ke komite wae i waiho ia ai e noonoo i ka olelo hoohola a ka luna o Lahaina.

Ma ka ae ia ana, ua heluhelu mua mai o Hon. S K. Kaai i keia mau bila malalo iho : e hoololi'i i ka pauku 20, 17, 19, a me 21 o ka moukna 41 o ke Karaima. Waiho ia no ka heluhelu alua.

Waiho mai ke Kuhina o na aina e, he olelo hooholo, e noho keia hale iloko o ke komite o ka hale i ka Poakolu no ka noo-

noo no ka olelo hooholo a ka luna o Honolulu.

Waiho mai ke Kuhina Kalaiaina imua o Hale i na bila aie i uku ia no ka hana hou ana i ka pa alii, i pane ia ai ka olelo hooholo i ka la 23 o Mei.

Waiho mai ke Kuhina Kalaiaina imua o ka hale i ka nui o na pake paahana i makemake ia. He 800 pake a na mahiko a he 400 a na mahi raiki.

Heluhelu mua mai o Mr Kanealii he bila e hoololi ai i ka pauku 9 makuna 7 o ke Karaima. Waiho ia no ka heluhelu elua.

Waiho mai o Mr Halstead he olelo hooholo ina paha ua ao aku ka Loio Kuhina i Ka Mea Kiekie Chas. Kanaina aole e hoolimalima i kona aina ma Kohala ia Kamakala ma, he mau mea e makemake ana e mahiko. Oiai he hana malu keia, nolaila ua hoole ia.

Hoolaha mai ka Hon. S K Kaai he mau bila e hookaawale ai i ka uku o na anaaina aupuni a e papa ai i na lunakanawai aole e hoopukapuka mawaho.

Waiho mai o Mr Mahelona he olelo hooholo e hookaawale ia ka Poakolu a me na Poalima o kela a me keia hebedoma i mau la e noonoo ia ai ka Bila Haawina ke makaukau. Hooholoia.

Hoolaha mai o Mr. Halemanu i keia bila malalo iho : e hoololi ai i ka pauku 3 o ke kanawai i apono ia Iulai 21, 1870, e pili ana i ka auhau ilio.

Heluhelu mua mai o Mr Mahoe he bila e ae ai i na mai lepera e hoi i ko lakou mau home iho. Waiho ia no ka heluhelu alua.

Waiho mai o Mr Gay he olelo hooholo e kauoha ana i ke Kuhina Kalaiaina e a-na koke ia na aina aupuni i a-na mua ole ia. Waiho ia i ke komite wae no lakou na inoa Green, Gay, Mahelona, Isenberg, Kaai.

Waiho mai o Mr Mahelona he olelo hooholo, e kauoha ana i ke Kuhina Kalaiaina, e waiho mai imua o keia Hale, i ka papa inoa o ka poe e lawe nei i ka wai mai loko mai o ka ha-wai aupuni a me na uku hoolimalima pakahi. Oiai e hoopaapaa ana, ua hapaiia

NA HANA O KA LA.

Oia ke komite ana o ka Hale no ka noonoo i ka olelo hooholo a ke alii Kapena i waiho mui ai, e apono ana i ka hana a na Kuhina no na mea e pili ana i ke Kuikahi Panailike. Kahea ia o Mr Nahaku.

Mahope o ka hoopaapaa loihi ana i ko mo ai o Halemanu, Kepena, Smith a me Kauai e kokua, a kue mai ke alii Kapena Loke, Kanealii, Kaai a me Preston, ua hoopau ia ke komite a noho hou i ka la apopo.

Hoopanee ka Hale.

LA HANA 32.— Poalua, Iune 6.

Hoomaka na hana e like me ka mau. HOIKE A NA KOMITE.

Hoike mai ka hapanui o ke Komite no ka hoonaauao, no na palapala hoopii lehulehu i waihoia ia lakou e noonoo. E apo no ana no i ka hele ana o ke Kahukula Nui i Amerika, a e hoomau no iaia ma ka oihana ; aole e hoopau i na Kula Hoopololei a me Haleakala, a e hoomahuahua i na uku o na kumu kula, a pela aku. Kauoha ia e pai a noonoo pu me ka hoike a ka hapa uuku.

Hoike mai ke Komite hooponopono Bila Kanawai, he umi kumamalima mau bila a lakou i hooponopono ai.

Hoike mai ke Komite no ka Malama Ola, no kekahi mau hoopii lehulehu a me ka hai mai e hoopau i na Kauka kaahele. Waihoia ma ka papa.

NA OLELO HOOHOLO ME NA BILA.

Hoolaha mai o Mr Kalaukoa, he hoololi i ka pauku 65 o ke Kumukanawai.

Waiho mai o Hon. Kaai, he olelo hooholo, e kauohaia ke kauka aupuni o Honolulu, e hele e nana ia Mr Kamakau, a e hoike mai i kona manao ma ke kakau. Ua hooholoia.

Hoolaha mai o Mi Barenaba, he bila e hoololi ai i ka mokuna 28 o ke kanawai i aponoia i ka la 18 o Iulai 1874.

Waiho mai o Mr Gay, he olelo hooholo, e hoomanaia ke Kuhina Kalaiaina, e ana kokeia na aina aupuni i ana mua ole ia, a e hoike koke mai i ka nui o na aina kupono i ka mahi, hanai holoholona, a pela'ku. Waihoia i ke Komite Wae i waihoia aku ai e noonoo i ka olelo hooholo i hooholoia inehinei i laweia mai e ka Luna o Kohala.

Waiho mai o Me Gay, he olelo hooholo, na keia hale e waiho aku i ke kumukuai o na aina aupuni e kuaiia ana. Waihoia ma ka papa.

Hoolaha mai o Mr Kauai i keia mau bila malalo iho : E hoololi ana i ka pauku 7 mokuna 11 o ke Karaima, a e pakui hou mai i pauku i ka pauku 4, mokuna 56 o ke

karaima, a e helu ia, pauku 5. Waihoia no ka heluhelu alua.

Waiho mai o Mr Kanealii, he olelo hooholo, e halawai keia Hale ma ka hora 10 A M. a e hoomaha i ka hora 12, a ma ka hora 1 auina la, e hoomaka hou na hana. Ae ia.

Heluhelu mai Mr Mahoe he bila e hoololi ai i na pauku 796, 797 a me 799 o ke Kivila. Waihoia no ka helPhelu alua.

Hoolaha mai ke Kuhina Waiwai, e lawe mai ana ia i ka Bila Haawina a me ka Bila e pili ana i ka hoololi Dute.

Hoolaha mai o Mr Birch, he pila e hoololi ai i ka pauku 798 o ke Kivila.

Heluhelu mua mai o Mr Kanealii, he bila e hooponopono ai i na aelike mawaena o na haku a me na kauwa. Waihoia no ka heluhelu alua.

Waiho mai o Mr Kaina he olelo hooholo, e hookaawaleia i $2,000 no ka palekai mo Kaipalaoa, Hilo. Waihoia a noonoo pu me ka Bila Haawina.

NA HANA O KA LA.

Komite ka Hale no ka noonoo ana i ka olelo hooholo, e hoaaono ana i ke aupuni no na mea e pili ana i ke Kuikahi Panailike. Kaheaia o Mr. Barenaba. Mahope iho o ka hoopaapaa loihi ana, i komo ai o Smith, Helekunihi, Birch. Castle, Green, ma ka aoao hoapono,

Nawahi, Mahelona, Kapena Loke, Pilipo, ma ka aoao kue. Ua hoopauia ke Komite, a ua aponoia ka olelo hooholo.

I ka wa i ninauia ai no ka hooholo loa, ua haalele ka poe kuokoa i na noho, a ua pau nui uku la i ka puka iwaho o ka Hale.

Hoopanee ka Hale.

LA HANA 33.— Poakolu, Iune 7.

Hoomakaka na hana i ka hora 10 A M, e like me ka hoopanee ana.

Nonoi mai ke Komite i waihoia ai o noonoo i ka olelo hooholo e ninau ana i ko Aseu mana o ka holo ana aku nei i Kina e ohi pake, e haawi hou aku i e umi la, a e papaia ke Kuhina Waiwai, aole e uku aku i na pake, a hiki i ka wa e maopopo ai keia Komite. Aponoia.

Waiho mai ka Makai o ka Hale i ka hoike a ke Kauka, no ka nana ana i ko Mr S. M. Kamakau ola kino, ke nawaliwali loa aku nei ia aole e ola ana. Ua lolo no hoi a hiki ole ke ku iluna. Aponoia.

Hoolaha mai ka Loio Kuhina, e lawe mai ana ia he eono mau bila.

Heluhelu mua mai o Mr Kalaukoa i kana hoololi no ka pauku 65 o ke Kumukanawai. Waihoia malalo o na rula.

Heluhelu mua mai o Mr Kauai, he bila e hoololi ai i ka pauku 7 o ka mokuna 11 o ke Karaima. Waihoia malalo o na rula.

Heluhelu mua mai o Mr Halemanu, he bila e hoololi ai i ka pauka 3 o ke Kanawai i aponoia i Iulai 18, 1870.

Heluhelu mua mai o Mr. Halemanu, he bila e hoololi ai i ka pauku 1 o ka mokuna 33 o ke kanawai o 1872.

Heluhelu mua mai o Mr Halemanu e hoololi ai i ka pauku 6 o ke kanawai i aponoia Iulai 21, 1870.

Waiho mai o Mr Birch he olelo hooholo, e kauoha ia ke Kiaaina e paikau hookahakaha na puali koa a pau ma ka la 12 o Iune.

Oiai e hoopaapaa ana no ka olelo hooholo, hiki ae la ka wati i ka hora 12 awakea, nolaila hoomaha ka Hale.

I ka akoakoa hou ana i ka hora 1 P M, ua hoopanee loa ia ka olelo hooholo.

Nonoi mai ke Komite Waiwai e hookuu aku ia lakou i ka la apopo mawaena o na hora 10 A. M. a me 1 P. M. Ae ia.

Hoolaha mai o Mr Kanealii he mau bila malalo iho : e papa ana i ke Kuhina Waiwai aole e uku i na uku makahiki o na luna aupuni i kaawale ma na aina e, a e kau ai i 10 keneta auhau no ke poo o ka pipi. NA HANA O KA LA.

Oia ka heluhelu akolu ana i ka bila e hoopau loa i ka aie miliona dala. Hooholoia.

Heluhelu akolu ia ka bila e hoololi ana i ka pauku 4 o ke kanawai i aponoia i Iulai 13, 1874. Hooholoia.

Heluhelu akolu ia ka bila e hoopaa loa ana i ke kanawai e hoohana ana i na keiki kula o na kula la maoli a ka Ahaolelo o 1874 i hala.

Mahope o ka hoopaapaa loihi ana, ua waiho ia i ke Komite Hoonaauao.

Heluhelu akolu ia ka bila e kau kanawai hou ana no ka poe aea haukae.

Hoopanee.