Ka Nupepa Kuokoa, Volume XV, Number 23, 3 Iune 1876 — Page 3

ʻaoʻao PDF (1.92 MB)

KA NUPEPA KUOKOA, ME KE AU OKOA I HUIIA.

                HANA NAAUPO.— Aia ma ka la 18 o Mei hora 12 o ke awakea, ua ike ia'ku kekahi wahine, o Mahoe Beniamina kona inoa. Ua lawe ae la ia i kekahi puu wahie nui, mai kona hale moe ae, ma Puiwa, ma uka o Nuuanu, a waiho iho la maluna o kekehi he kupapau make, oia hoi o Naonohi w. ua make ma Aperila M. H. 1875 A ua ho-a ia ke ahi maluna pono o ke poo o ke kupapau. I ko makou ike ana'ku i keia mea kamahao, ka ho-a ia o ka paila wahie nui maluna pono o ka mea make, ua ka-haha ko makou naau, no keia mau hana naaupo. O ke kumu, oia no ka huli nui ana o na kane, wahine, kamalii, mahope o ke kahuna hoomanamana i hoopaiia iho nei, oia hoi o Kealakaa, he Lahainaluna. A nana no i hookele i keia Mahoe e hana aku i ka mea i hana maluna.
            O kekahi kaikamahine a na o Mahoe Beniamina nei, oia o Maraea, he wahi kaikamahine nona na makahiki 5 a oi aku, ua loaa i ka mai, a ua ike iho la ua Kealakaa kahuna nei, oia ka laau e ola ai ka mai, o ua kaikamahine nei. E na makamaka mai Hawaii a Kauai, mai hana naaupo e like me keia Mahoe. Ua pau ka wa naaupo ! He au naauao keia ! Ahea no la hoi pau kuhihewa o kanaka ? Hilahila ole, ke wa we hou ia mai nei no, ke noke nei no na kahuna nei i ka lapaau, mauka o Niolopa, ma kahi o Manele, he makai no ke aupuni, Heaha la ka mea a keia makai e hoopilimeai nei i keia hoopunipuni nui ? Kai no hoi ua komo poo iloko oia wahahee.
I. W. IKEPONO.
Puiwa, Honolulu Oahu, Mei 14, 1876.

E KA NUPEPA KUOKOA E, Aloha oe :—
            E ae mai ia'u e pane aku i ka luna hanohano o Kona Akau, no kana mau olelo iloko o kou Helu 21 Aoao 2, Kolamu ekolu me ka ha e pili ana no kana olelo iloko o ka Hale Ahaolelo.
            Eia ua olelo hooholo la ana, " He mana anei ko na Kuhina, e hooholo pu me na alii a me na Lunamakaainana, ma na ninau a pau o keia Hale," a o makou i hoike ia na inoa he poe ua ae he mana ko na Kuhina e like me ka mana i loaa i na 'lii a me na Lunamakaainana e koho a e hana i na hana a pau iloko o ka Ahaolelo, ua ae ka pauku 43 o ke Kumukanawai ia lakou,— (na Kuhina.)
            Ke kahea leo nui nei nae kela i na makaainana o Kona Akau i ke ko ole ana o kona makemake i kaawale na kuhina, a pela ma na apana e ae e hoahewa ana i ko lakou koho ana mai ia makou he mau luna helu a luna kanawai a pela aku.
            Heaha iho la ka hewa oia, o ko makou hoole ana paha i ko lakou manao ku-e, kai noa e hoohuli mua i ka pauku 43 o ke Kumukanawai a huli a lilo i mea ole, alaila, kuleana ole io na Kuhina ke hana i na hana a na alii me na lunamakaainana. Eia nae ka mea lea loa i ua luna la o Kona Akau, i kekahi la o keia pule, ua waiho ae iloko o ka hale ahaolelo, he hoololi no ka pauku 43 o ke Kumukanawai e pili ana i na kuhina, a ua hookomo ia malaila aole o lakou mana — a ua maopopo i ka apono ana nana i koho ia ia he kuleana io no ka na Kuhina maloko o ka hale ahaolelo e koho i na mea a pau e like me na Alii a me na lunamakaainana. Ua ike io no ua lunamakaainana la i ko lakou mana, e like me ko makou ike ana i ko lakou mana. Ua haawi io mai la ua luna la o Kona Akau.
            Pela no kekahi o kona olelo hooholo e koho kaawale na Alii i ka lakou koho ana, a kaawale na lunamakaainana. O ka hewa o ua luna la, o ka hoohuli mua ole no i ke Kumukanawai a hookaawale ia na hale elua, lalelale e no i ka mahele, a like me kaua e hoohiki nei i ke Kumukanawai no kona kue ole, kue no nae. Hakaaka, luai aku no a waiho iwaho — hoi aku no ai.
            Aole no i kauoha mai na makaainana o Hilo ia'u e hele a hookuke aku i na Kuhina mai loko aku o ka hale ahaolelo. A ina no paha ua olelo mai lakou ia'u, e hoike no au pela aku, aka ma ke kuka ana aole no au e koho e like me ka ua luna la.
            He ma-u ia ke oki nei au maanei, aia a pane ia mai alaila pane aku no
L. KAINA.
Honolulu, Oahu, Mei 26 1876.

MAKE.

Mei 6 — Ma Kalawao make o Kainoa k.
Mei 8 — Malaila no make o Poli w.
Mei 10 — Malaila no make o Laakela w. Keauhou Kona A.
Mei 11 — Malaila no make o Punohu k. Kaelehuluhulu Kona Akau
Mei — 16 Malaila no make o Kapiko w. Hanapepe.
Mei 20 — Malaila no make o Kealiikuleanaole w. Manoa.

            Mai keia la aku, aole au e hookaa ana i kekahi aie ma ko'u Inoa, ke ole e loaa ke kauoha mai a'u aku. Hilo, Iune 1 1876. (757 6m*) C. K. HAPAI.

            UA Makemakeia I MAU kanaka mahiai kalo. Ina o ka mea a mau mea makemake, e ninau ia CHARLES LONG. ma Alanui Kalepa, No 5 737 4ts 750

Hoolaha Kinai Ahi o Honolulu.

                E malamaia ana ke koho makahiki o na Luna Nui o ka oihana Kinai Ahi maloko o ka Hale o ka Helu 2 i ke ahiahi Poakahi, Iune 5, 1876. E hamama ana ka Pahu Balota mai ka hora 7 a hiki i ka hora 9.
CHAS. T. GULICK
Luna Nana Koho.
H. E. McINTYRE, JAS. E. BOYD.— Na helu balota. Honolulu, Iune 8, 1876. [757-ts.]

HOOLOHE.

                Ke kauohaia aku nei na hoa o ke Company A o ka " Prince's own," e hele nui ae i ka paikau i ke ahiahi Poaono ma ka Hale Paikau (ma ka Hale Makeke kahiko) i ka hora 8 P M o ia ahiahi, aole kekahi e noho o kiko ia.
            Ua makemake nui ia na hoa e hele mau mai i ka paikau i hiki ai ke makaukau ma ka paikau ana ke hiki mai i ka la 11 o Iune, a ua kauohaia na puali koa, e puka no ka hookahakaha ana ma ka hora 4 i ke ahiahi o ia la.
Ma ke kauoha. Head Quarters. JNO. INIHA, Secretary of Company A.
Armory, Mei 31, 1876. 757 3ts 759

            Ke kauoha ia aku nei na hoa o ke Company B o ka " Princes Own," e hele nui ae i ka paikau i ke ahiahi Poaono ma ka Hale Paikau (ma ka Hale Makeke kahiko) i ka hora 8 P M o ia ahiahi, aole kekahi e noho o kiko ia.
            Ua makemake nui ia na hoa e hele mau mai i ka paikau i ai ke makaukau ma ka paikau ana ke hiki mai i ka la 11 o Iune, a ua kauoha ia na puali koa e puka no ka hookakaha ana i ka hora 4 o ke ahiahi o ia la.
Ma ke kauoha. JOSEPH KAIAIKI.
Armory, Mei 31, 1876. 737 3t* 759

            KE Kauohaia aku nei ka poe a pau e noho ana maluna o na aina o Kahananui Teki i make, e hoike koke mai i na palapala kuleana aina a pau a me na waiwai e ae. Owau o kona kaikamahine ponoi ka mea malalo nei, iloko o na la he kanaono mai keia la aku, a e loaa au a me kuu hope ma Honolulu nei. Mahalo piha.
757 3t* 759 KAMAKAONE (w)

            Mai ka hakuaina C C Harris o Kailua, Ahupuaa o Koolaupoko, Oahu, ua lilo mai ia makou ka hoomalu ana i na kai lawaia o Mokulua, Ahulili a me Kea. Nolaila, ua koho ponoia o Jona A Cummins, i Luna nana e hoomalu a hooponopono i na mea a pau ma ia mau wahi no ka makahiki. E hoolohe na mea a pau. W L MOEHONUA. Mei 20, 1876, 757 6t* 762

            KE Hoolaha aku nei au ia oukou e ka poe waiwai a pau o kela a me keia ano, Haole, Pake, Pukiki a me ka Hawaii, aole e hoaie mai i kuu wahine mare ia Mrs. Kaaahu (w), o ka mea a mau mea e hoaie mai iaia ma kuu inoa, maluna ona kona poho, aole au e hookaa, a e lilo keia i kanawai paa a mau loa aku.
KEOKI KAMAUNA. Honolulu, Iune 1, 1876. 757 2t* 754

            E IKE auanei na kanaka a pau, na haole, pukiki, laka, pake, o kela ano kanaka keia ano kanaka, owau o ka nona kai inoa malalo nei, ke papa aku nei au i kuu aina hoolimalima aole e hele wale kekahi kanaka a mau mea paha e lawe wale i na mea ulu a pau o luna o kuu aina hoolimalima, oia hoi ka la-i, wahie, a me na mea ulu e ae a pau o luna o ka aina. A, ke hookapu aku nei no hoi au i ka hele ana o na kanaka maluna o kuu aina, e hopuhopu ai i na lio, bipi, miula, hoki, puaa, a pela aku, maluna o na aina la me ko'u ae ole aku, a o ko'u luna paniolo paha. Ina o ka mea i hoolimalima mai ia'u e hele mua mai e kamailio pu me a'u i ka manawa e kii ai i na holoholona ma ke kula. O ka mea e kue ana i keia alaila e hopu ia no, a e houku ia i $1.00 a i ole e hoopii ia no e like me ke kanawai. M. ENOS. Makiki, Oahu, Mei, 22, 1876. 757 3t* 759.

            E IKE auanei na kanaka a pau o kela ano keia ano, owau o ka mea nona ka inoa malalo nei, ke papa aku nei au i ka poe mea lio, pipi, hoki, kekake, hipa, kao, puaa, mai hookuu oukou i ko oukou mau holoholona maluna o kuu aina alodio e waiho'la ma Halepuna, Puna, mokupuni o Hawaii. Ina e ku-e kekahi i keia olelo papa, e hopu no au me ko'u mau hope, oia o B. L. Huai, a me L. P. Pau, he mana hiki ia laua ke hana e like me ke kanawai ; koe nae ka poe i hui mai malalo o'u. A ua kapu no hoi na mea ulu a me na laau eua, aole e ae ia kekahi mea a mau mea paha e kii wale i na mea i haiia'la maluna, ke ole au e ae aku, a o ko'u mau hope paha, e lilo kela i kanawai paa, mai kono ia aku e puka ma ke Kuokoa. P. KANEOLAELAE.
Kalihi-uka, Honolulu, Oahu, Mei 30, 1876. 737 4t* 760.

            No ka manao e lawe i ka Moraki a me ke kuai ana i ka waiwai. Oiai ua hooko mai o JOSEPH MORRIS ia'u Alexander J Cartwright i kekahi Moraki ma ka la 8 o Okatoba. A D 1873 a ua kakauia iloko o ke Keena Kakau Kope o ke Aupuni ma Honolulu, ma ka Buke 38 a ma na aoao 210, 211 & 212, i mea e hoopaa ai no ka hookaa ana i na Dala Hookahi Tausani a me ka uku panee oia mau dala, e like me ka hoakaka ana ; a oiai o ke kulana o ua moraki la, ua haihai, nolaila ke haiia aku nei ka lohe i kulike me ka mana o ua moraki la, e kauoha no au e kuai kudalaia ma ke akea i ka la 28 o Iulai, 1876, ma ka hora 12 awakea o ia la, a e lilo i ka mea koho kiekie loa no ka mea dala kuike. O na mea a pau i haiia maloko o ua moraki la, ua hoike ia na palena a me na mea maluna iho. Kakauia ma Honolulu, i keia la 31 o Mei, A D 1876.
757 3ts 759 ALEXANDER J. CARTWRIGHT.

            Ka manao o ka moraki no ka lawe ana i ka moraki. Oiai ua hooko mai o JOSEPH MORRIS ia A F Judd ka lunahooponopono waiwai me ka palapala kauoha e pili pu ana no ka waiwai o R W Holt i make a me kona mau panihakahaka iloko o ia paulele a me kona mau lunahooponopono aie no kekahi moraki i kakauia ma ka la 23 o Sepatemaba, 1872, a ua hookomoia ma ka buke 36 a ma na aoao 83 a me 84 o ke Keena Kakau Kope no ka hookaa ana la ehiku haneri a me kanalima dala me ka uku panee pu o ia mau dala ; a oiai o na kulana o ia moraki la, ua hahai. No ia mea, owau o Alexander J Cartwright ka luna hooponopono me ka palapala kauoha e pili pu ana o R W Holt i make, a panihakahaka o A F Judd, ke hoolaha aku nei ia Joseph Morris a i ka poe a pau i pili, o ko'u makemake ka lawe i ka moraki a e kuai aku ma ke kudala akea ma kekahi la e hoikeia aku ana mahope, o kela apana aina a me na mea a pau maluna iho i komo iloko o ia moraki. Hanaia ma Honolulu. Mei 31, 1876.
ALEXANDER J CARTWRIGHT Lunahooponopono o R W Holt i make a hope o A F Judd 757 3ts 759

            E IKE auanei oukou e na kanaka a pau o kela me keia ano i like ole na waihooluu, owau o ka mea nona ka inoa malalo nei, ke hookapu loa aku nei au i na holoholona Bipi, Lio, Hoki, Miula, aole e hele maluna o kuu mau kula o kuu mau aina, oia o Hahaione, Kaelekei a me ka apana kula o Keokea, a me ke kulanahale o Koko ma Maunalua, mokupuni o Oahu. Ina e loaa ia'u mau paniolo kekahi o kela mau holoholona, e uku no i $2.00 no ke poo hookahi. A ke papa loa ia aku nei no hoi na kanaka o kela ano keia ano, a me na kanaka o Mr. Paiko. Ua kapu loa na aina o ke konohiki, oia hoi o Awawamalu, Hanauma a me Kalua, aole e kii a lawe wale i na i-a a me na mea e ae o ke kai. Ua aeia no nae i na kanaka a pau malalo o'u a me na hoaaina o'u. A ina e loaa kekahi, a mau mea paha e kue ana i keia hoolaha a'u, ia'u a i o'u mau hope, e hopuia no a hoopaa. He kuli ka make, he lohe ke ola. W C MAHUKA. Maunalua, Oahu, Iune l, 1876. 757 4t* 760

            E IKE auanei na kanaka a pau, o na mea nona na inoa malalo iho, he mau Lunahooponopono no ka waiwai o KAUI (k) o Keanae, Koolau i make. O ka poe i aie mai iaia a me ka poe ana i aie aku ai, e hoike mai i ko lakou kuleana iloko o eono malama mai keia la aku.
KANOHO k, KAMAKA w.,
Na Lunahooponopono Waiwai o Kaui. Keanae, Koolau, Maui, Mei 2, 1876. 755 1t* 759

            UA Koho ponoia ka mea nona ka inoa malalo iho i Lunahooponopono no ka waiwai o DAVID KAUKAHA o Hanalei, Kauai i make, ke kauoha aku nei i ka poe a pau i aie iaia, e hookaa koke mai, a o ka poe ana i aie aku ai, e hoike mai i ka lanou mau bila, ma ka hooiaia kupono, iloko o na malama eono mai kela la aku, a i ole ia e hoole loa ia. KAHILINA.
Lunahooponopono Waiwai. Hanalei, Mei 24, 1876. 753 4ts 739

            NO Ka mea, ua hookohuia mai ka mea nona ka inoa malalo, i Lunahooponopono no ka waiwai o PUNUI k., i make, no Koloa, mokupuni o Kauai. Nolaila, ke kahea ia aku nei ka poe a Pau i aie ia Punui, e hookaa mai ia'u a me ka poe a Punui i aie aku ai, e hoike koke mai i ko lakou mau bila, iloko o na malama eono, o hoole mau loa ia lakou. A KU, Lunahooponopono Waiwai. Koloa, Kauai, Mei 18, 1866. 756 4ts 759

Ua Nalowale

                HE wahi Ilio ulaula, me kahi kiko keokeo uuku ma ka lae, i ke kakahiaka Sabati aku nei i hala, ma ka uwapo paha. Ina e hoihoi mai kekahi i ka mea nona ka inoa malalo iho, ma ka Hale Amara ma Ainahou, e loaa no ka makana kupono, a o ka mea e paa ana mahope o ka puka ana o keia hoolaha, e hoopiiia no. 756 2t 757 J T CHAYTER.

            O KA POE A pau he mau Bipi a Lio, a pela aku, ko lakou e holo ana maluna o Wailuku a ma Waikapu, ke konoia aku nei lakou, e lawe koke aku, a ina aole e lawe e ia mamua o ka la 1 o Iune, 1876, alaila, mahope o ia la, o na holoholona e loaa aku ana, e holo wale ana, e hoopaaia maloko o ka pa aupuni e like me ke kanawai. O ka poe e makemake ana e hooholo i ko lakou mau holoholona maluna o ua mau aina la, ua hiki no ke alualu ia.
HENRY CORNWELL, & Co.
o Waikapu, Maui.
N. B. Aole e aeia ka ho-a a me ke kuai holoholona maluna o ia mau aina, me ka ae ole o Cornwell & Co., a i ole ia ko lakou mau Agena paha.
Wailuku, Mei, 22 1876. 756 tf

            E IKE auanei na mea a pau, ka poe hoi he kuleana ko lakou ma ka waiwai o KUMUPOPO k. o Honouliuli, Ewa, mokupuni o Oahu, i make, ke kauohaia aku nei lakou, e hele mai e hoike imua o'u, a o G B Kalaaukane kuu Loio ma Honolulu nei, iloko o na la he 30 mai keia la aku i hoolahaia ma ka nupepa Kuokoa a me Au Okoa i huiia, i ko lakou kuleana a kumu oiaio hoi iloko o ka waiwai o ka mea make i oleloia, oia hoi keia mau waiwai i oleloia. He Apana aina ma Loloula, Honouliuli, Ewa, Oahu, kuleana alodio Helu 5,670. Apana aina ma Kepoe a me Mooiki ma Honouliuli no — kuleana alodio ma kela helu 2 apana aina ma Punaluu — ma Honouliuli no, ma ia kuleana hookahi. Na ka mea a mau mea i loaa ia lakou he kuleana ma ia mau apana aina, e hele mai e hooponopono me a'u, a i ole me kuu Loio hoi i oleloia. ISAAKA NAAI. Honolulu, Mei 24, 1876. 736 2t*

NALOWALE ! NALOWALE !

                HE EKE ILI, ua haule ma ke Alanui, me $450 Dala Pepa Amerika maloko. E ukuia ka mea e loaa ai a hoihoi mai maanei. 754 2ts 755

            NO KA manao e lawe i ka Moraki — Oiai ua hooko mai o WILLAM BERRILL ia'u, Chas. R Bishop i kekahi moraki no ka waiwai paa, i hanaia ma ka la 29 o Maraki 1873, a ua kakauia iloko o ke Keena kakau kope o ke Aupuni ma Honolulu, ma ka Buke 37, a ma na aoao 77, 78 a me 79, i mea e hoopaa ai no ka uku ana i na Dala Elima Tausani a me ukupanee o ia mau dala e like me ka hoakaka ana ; a oiai o ke kulana o ua moraki la, ua haihai. Nolaila, owau o Charles R Bishop, ke hoike aku nei au i ua William Berrill la, a i ka poe a pau (ina he mea kekahi) i pili, o ko'u manao ka lawe i ka moraki, a e kuai kudala aku ma ke akea, ma kekahi la mahope iho o na hebedoma ekolu ma keia la aku, i kela aina me ka pa hale a pau i hoikeia maloko o ka moraki i haiia maluna.
Hanaia i keia la 16 o Mei 1876.
CHAS. R BISHOP, (ma o kona Loio la)
E T O'Halloran, John H Paty. Loio no ka moraki. 735 3ts 757

            KE KAUOHAIA aku nei ka mea a mau mea paha i lawe ai i na kolu hoopii hale (Jackscrews) a makou mai ko makou Halekuai aku, e hoihoi mai ia mau pono, i pau ai ka haohao ana, a aohe olelo ana i koe.
WAILA Ma. Honolulu, Mei 18, 1876. 755 3ts 757

            KE Papaia aku nei na kanaka a pau, mai hooholo i na holoholona, aole e hopu a ki pu paha i na puaa a manu paha o na ano a pau, me ka ae ole ia, maluna a na aina o Ka Mea Kiekie Ruta Keelikolani, mai Kawela a Kaluakoi, ma ka mokupuni o Molokai, o ka poe e loaa aku ana e kue ana i na mea i papaia maluna ae, e hoopiiia e like me ke kanawai. R. W. MYERS, Agena no ka Mea Kiekie Ruta Keelikolani, ma ka mokupuni o Molokai. 744 4ts 757

            E IKE auanei na kanaka a pau o kela ano keia ano, owau o Kapokaua w. moopuna a Alaala, ke hookapu loa aku nei au i na holoholona hele hewa a pau loa, e hele ana maluna o ko'u mau apana aina e waiho ana ma Kaanapali me Honokowai mokupuni o Maui, oia hoi na lio, bipi, hoki, kekake, hipa, kao a pela aku. Nolaila, o ka poe i kue a hookuli i keia olelo papa, a hookuu wale ana i ka lakou mau holoholona, ma ko'u mau apana aina, e uku ia no hookahi dala ($1.00) no ke poo hookahi ke loaa i ka'u luna oia hoi o Polikua a me kona mau hope, a lilo keia hoolaha i kanawai paa mai ka la e puka ai ma ka nupepa Kuokoa, a ina o ka mea a mau mea paha, e kue i keia olelo Hoolaha e hoopii no wau e like me ke kanawai.
KEAOPKAUA (w),
Iwilei, Kapalama-kai. Oahu. 755 4ts 758

HOOLAHA HOOKOLOKOLO.

                AHA Kiekie o ko Hawaii Pae Aina. Ma ka hooponopono waiwai. Mokupuni o Oahu, ko Hawaii Pae Aina, SS. Ma ka waiwai o SAMUEL KEAONA (k) no Pokai, Waianae i make. Olelo kauoha,e koho ana i la e hooiaio ai ka palapala kauoha, a no ka hoolohe ana.
            No ka mea, ma ka la 19 o Mei, M H 1876, ua waiho ia mai imua o ka Aha, kekahi palapala i oleloia, oia no ke kauoha hope loa a Samuel Keaona, o Pokai, Waianae i make aku la a me ka palapala hoopii e noi ana, hooiaioia kela palapala kauoha, a e hoopuka hoi ka palapala Luna Hooko no S W Kaaihelei, ua waihoia mai e —
            Nolaila, ua kauoha, o ka Poalua, oia ka la 11 o Iune, M. H. 1876, ma ka hora 10, ma ka rumi Hookolokolo oia Aha, ma Aliiolani Hale, ma Honolulu, oia ka la a me ka hora e hooiaioia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa, he nupepa i paiia a i hoolahaia ma Honolulu.
            A ua kauoha hou ia, e hoopukaia na palapala kena no na hoike no ia palapala kauoha ame na hooilina o ka mea make ma Pokai Waianae, e hele mai a e kue i kela palapala kauoha i ka wa i oleloia.
Kakau ia ma Honolulu, ko Hawaii P A Mei 19, M H 1876.
A FRANCIS JUDD,
Ikea : Lunakanawai o ka Aha Kiekie. Jno. E Barnard, Hope Kakauolelo. 734 3t 768

            AHA Hookolokolo Kaapuni o ko Hawaii Pae Aina Apana Ekolu. Ma ka hooponopono waiwai, ma ka hana o ka waiwai o G H DAVIS, o Kawaihae, Hawaii i make. Ma ke keena imua o ka Lunakanawai Kaapuni, Chas. F. Hart. Ma ka heluhelu a me ka waiho ana mai o ka palapala noi a me ka palapala hoike o D F Sanford, Lunahooponopono o ka waiwai o G H Davis, no Kawaihae, Hawaii i make, e noi ana e aponoia na hoolilo he $434 82-100, a e hoike ana, o na mea i loaa mai iaia, he $1820 30-100, a e noi ana, e na na a apono ia keia mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
            Ua kauohaia, o ka Poaono, ka la 1 o Iulai M K 1876, ma ka hora umi o kakahiaka, iluna o ua Lunakanawai la, ma ke Keena ma ka Hale Hookolokolo ma Waimea, Hawaii, oia kahi a me ka manawa i kohoia no ka hoolohe ana i na noi la, a me na papa hoike i oleloia, a o ka poe a pau i pili malaila, e hele mai ana e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii a me ka olelo Enelani, e paiia maloko o ke Kuokoa & Hawaiian Gazette, he mau nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii P A la 18 o Mei, 1876. CHARLES F HART,
756 3ts 758 Lunakanawai Kaapuni Apana Ekolu.

            AHA Hookolokolo Kiekie o ko Hawaii Pae Aina, ma ke Keena, ma ka waiwai o NAHUINA o Waikiki, i make kauoha ole. Imua o ka Lunakanawai Chas. C Harris.
            Ma ka heluhelu a me ka waihoia ana mai o Kukai k, o Honolulu, e hike ana, ua make kauoha ole o Nahuina, o Waikiki, ma Wailuku, Maui, ma ka la 28 o Aperila, A D 1876, a e noi mai ana, e haawiia ia Kukai na palapala Lunahooponopono Waiwai.
            Nolaila ke kauohaia aku nei, o ka Poakahi, la 26 o Iune, A D 1876, oia ka manawa e hooloheia ai ua noi la, imua o ia Lunakanawai, ma ke Keena Hookolokolo o keia Aha, ma Honolulu, a ma ia wa, e hele mai ai ka poe a pau i kuleana, a e hoike mai, ina paha he kumu e ae ole ia ai ua noi la. E paiia keia kauoha ma ka olelo Hawaii, no na hebedoma ekolu iloko o ke Kuokoa ma Honolulu.
Kakauia ma Honolulu, ko Hawaii P A Mei 25, 1876. CHAS. C. HARRIS.
ikeia e : Lunakanawai o ka Aha Kiekie. Jno. E Barnard, Hope Kakauolelo. 756 3t 758

            AHA Hookolokolo Kiekie o ko Hawaii PAE Aina. Ma ka Hooponopono Waiwai. Ma ka hana o ka waiwa o KAIAIKAWAHA (k). o Waialua i make. Ma ke Keena imua o ka Hon. Chas. C Harris. Kauoha e hoolaha i ke noi e apono i na papa hoike, hookuu ana a e mahele i ka waiwai.
            Ma ka heluhelu a me ka waiho ana mai o ka palapala noi a me ka papa hoike a Ioane Kaiaikawaha & Keonekapu, o ka waiwai o Kaiaikawaha, no Waialua i make, e noi ana, e aponoia na hoolilo he $2200, a e hoike ana o na mea i loaa mai iaia he $ — a e noi ana, e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana ia laua a me kona mau hope mai ko lakou noho ana ma ia ano.
            Ua kauohaia o ka Poakahi, la 19 o Iune M H 1876, ma ka hora 10 o kakahiaka, imua o ua Lunakanawai la ma ke Keena, ma ka Hale Hookolokolo ma Wahiawa, oia kahi a me ka manawa i kohoia no ka hoolohe ana i ua nonoi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia ma ka nupepa Kuokoa, he nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii P Aina Mei 17, 1876. CHAS. C. HARRIS,
Ikeia : Lunakanawai o ka Aha Kiekie. Walter R Seal, Kakauolelo. 755 3ts 757

            AHA Hookolokolo Kiekie o ko Hawaii Pae Aina. ma ka hooponopono waiwai. Ma ka hana o ka waiwai o ELI MEEK, o Honolulu i make. Ma ke Keena imua o ka Lunakanawai Charles C. Harris. Kauoha e hoolaha i ke noi, a apono i na palapala hoike, hookuu ana, a e mahele i ka waiwai.
            Ma ka heluhelu ame ka waiho ana mai o ka palapala noi me ka papa hoike e C. H. Judd, Executor, ka waiwai E. Meek, no Honolulu i make, e noi ana, e aponoia ua hoolili he $2,352.21, a e hoike ana, o na mea i kaa malaila, he $5747.20, a e noi ana e nana a aponoia keia mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana ia ia a me kona mau hope mai ko lakou noho ana ma ia ano.
            UA kauohaia o ka Poakahi, ka la 19 o Iune M H 1876, ma ka hora 10 o kakahiaka, imua o ua Lunakanawai la ma ke keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu. Ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Enelani a me Hawaii, e paiia maloko o ka nupepa Kuokoa & Hawaiian Gazette, he mau nupepa i paiia a hoolahaia ma Honolulu i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii P A Mei 16, 1876. CHAS. C. HARRIS,
Ikea : Lunakanawai o ka Aha Kiekie. Jno. E Barnard, Kokua Kakauolelo. 735 3t 757

            AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o PAELE (k), o Honolulu, i make kauoha ole. Imua o ka Lunakanawai A Francis Judd. Olelo kauoha, e hoolaha ana no ke noi ana maii e koho i Lunahooponopono Waiwai.
            Ma ka heluhelu a me ka waiho ana mai o ka palapala noi a Mahoe k, o Honolulu, Oahu, e hoike mai ana, o Paele k. no Honolulu Oahu, ua make kauoha ole ma ke kulanakauhale o Honolulu, ma ka la 26 o Dekemaba M H 1872 a e noi ana, e haawiia ka palapala hookohu Luna hooponopono Waiwai ia Mahoe k, he kaikaina ponoi no Paele k, ka mea i make kauoha ole.
            Ua kauoha ia,o ka Poalua, ka la 6 o Iune, M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai a na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa nupepa ma Honolulu.
Kakauia ma Honolulu ko Hawaii P A. Mei 13, 1876, A. FRANCIS JUDD,
Ikea : Lunakanawai o ka Aha Kiekie. Walter R Seal. Kakauolelo. 75 3ts 757

            AHA Hookolokolo Kiekie o ko Hawaii Pae Aina. Ma ka hooponopono Waiwai. Ma ka waiwai o KAMA (k), o Honolulu i make kauoha ole, imua o ka Lunakanawai A F Judd. Olelo kauoha, e hoolaha aku no ke noi ana mai e koho i Lunahooponopono Waiwai.
            Ma ka heluhelu a me ka waiho ana mai o ka palapala noi a Mai (w), o Honolulu, Oahu, e hoike mai ana, o Kama (k), no Honolulu, Oahu, ua make kauoha ole ma Keanaakamano, Honolulu, Oahu, ma ka la o M H 1853, a i kekahi manawa e pili ana ilaila, a e noi ana, e haawiia ka palapala Hookohu Lunahooponopono Waiwai ia Hai ka mea hoopii.
            Ua kauohaia, o ka Poalua, ka la 6 o Iune M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena hookolokolo o keia Aha, na Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Honolulu, ko Hawaii P A Mei 6, 1876, A. FRANCIS JUDD,
Ikea : Lunakanawai o ka Aha Kiekie. Jno. E. Barnard, Hope Kakauolelo. 757 3ts 757

$10.00 MAKANA !

                E UKUIA na Dala i oleloia maluna, i ka mea nana e hoike mai a akaka poe nana i aihue ko KIAHA INU WAI mai ka pali o Nuuanu. G. H. LUCE,
(Kapena Luika). 755 3ts 757 Luna Alanui.

AHAHUI PA AINA O KAPIOLANI !

                O Makou o ka poe nona na inoa malalo iho, ua aelike makou e lilo i mau lala no ka Ahahui i kapaia, " KA AHAHUI PA AINA O KAPIOLANI A ME KE KAHUA LEALEA." O ka nui o na Mahele, he 200, ma ke $50. o ka mahele ; he $25.00 e uku ia i ka wa e kakau ai i ka inoa, a o ke ke keena, aia i ka wa a ke Komite o ka Ahahui e kikoo aku ai. A ke ae nei makou e lawe i ka heluna o na mahele, e kau nei ma ka aoao akau o ko makou mau inoa. Kakauia i keia la 8 o Feberuari 1876.
INOA.                    MAHELE.
Hookahi.
Kalakaua ..................... "
W L. Moehonua........... "
Jno. S Walker............... "
Jas, Makee................... "
H Cornwell................... "
A Herbert..................... "
Jas. W Gay................... "
H L Sheldon................. "
A S Cleghorn................ "
C E Williams................. "
Jno. O Dominis............. "
J L Richardson.............. "
Jno. S McGrew............. "
            O ka poe makemake e lilo i mau lala, e loaa no ka pepa kakau inoa maanei. O Elia o Waialae, oia ka luna nana. tf

OLELO HOOLAHA.
EMI LOA * NA KII !

                MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.

HALE KAMANA !

                AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makepono loa ia aku ana.

HALE KUMEKA !

                AIA NO malalo o ka Hale Pai Kii, he keena Kumeka, oia ka humuhumu ana i na kamaa hou me ka makepono, a me ka poho ana i na kamaa nahaehae me ke emi. 753 6m 776

E KIPA MAI E KE ALOHA.

                I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano :
                Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 13, 1876 746 6m 799

            E IKE ka lehulehu o na ano kanaka a pau, ke hoike aku nei ae ma ke akea, ua kapu loa ka iliaina o Hanohano, e waiho ia ma Waikele, Ewa, Oahu, i na kanaka a pau a me na holoholona i ke i ke Kanawai, ke hele ma ke ano komohewa ma ua aina la, na palena malalo iho :
            Palena mauka, Kauhiumauma, pili me Waipio : Napohakumokomoko, pili me Hoaeae ; Nio-pohaku, pili me Ahualii ; palena makai : Ulumalu, pili me Waipahu. A ua kapu pu no hoi i na kanaka a pau ke lawaia, ma ke ano komohewa, i ke kai lawaia o Apokaa, oia ka lele o Hanohano. Na palena :— Kaalahina pohaku, pili me Hoaeae, Kaaukuu Loko, pili me Miki-hohonu, pili me Honouliuli. O ka poe kue i keia mau olelo, hoopii kanawai no au, koe ka mea a mau mea i ae kupono ia e a'u.
JOSEPH KAPEPA.
Kawaiahao, Mei 8, 1876. 754 4t* 757

Richard P. Bickerton.
(PEKEKONA).
LOIO !

                E KU LOIO no oia imua o na Aha Hookolokolo a pau ma keia mokupuni a ma na moku e ae, ma na hihia a pau. Ua makaukau oia i ka hana ana i na ano palapala a pau. E hoaie ia no na dala mai a iaia aku ma na moraki maikai a oiaio wale no me ka ukupanee.
            Keena Oihana ma Alanui Kalepa, ekolu puka mahope aku o ka Hale Kauka o Minuteole, ma ka hale hookahi me ka Loio Aeto. 735 1y

E. STREHZ, (AILUENE,)
HAAWI A KUAI
LAAU LAPAAU.

                AIA.MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
                E hamama mau ana i na ahiahi Poaono a pau.
741 1y 792

            OWAU o Kaumiumi k, o Koolauloa, Oahu, ke hoolaha aku nei au ma ke akea, no ko'u lohe ana iho nei i keia wa, ua lawe aku o Ioane Kaumiumi, kuu keiki hiapo, ma ke kolohe me ka'u ike ole i kuu aina, a ua Moraki aku i ka mea dala i Honolulu. Oia ka aina o Maiahe k, i kapaia ka inoa o Kialole e waiho nei ma Punaluu-uka ma Koolauloa, Oahu, i lilo mai ia'u ma ke kuai ana mai o Maiahe. Ua imi au, a ua huli i na palapala o ua aina nei o'u, aole i loaa, no ka mea, iloko no o kuu pahu. Ke kauoha nei au, ina he oiaio keia lohe ana o'u, ua moraki aku o Ioane Kaumiumi i ua aina nei, a aia ia oe e ka mea dala ka palapala Sila Nui, a me ka palapala kuai a'u me Maiahe, e hoihoi koke mai ia'u, aole kuleana o Ioane Kaumiumi ma ka hoolilo ana me ko'u ae ole. Maluna o Ioane ko oukou koi no ko oukou poho aole maluna o kuu waiwai.
KAUMIUMI KAUWILA. Kialole, Punaluu-uka, O. Mei 12 1876. 755 4ts

KAHEA
OLELO * LEO NUI !

                E na makamaka aloha o ka ua Kanilehua o Hilo, a me na hoa hoolaukanaka o ka la mehameha o Hamakua :
            Owau o ko oukou hoaaloha oiaio loa, e noho nei ma ke ano malama Halekuai, no no makahihi loihi i kaahope ae nei, ua ike oukou i ko'u malama pono me ka hoolako pinepine mai i na mea maikai e kupono ana i ke kane, i ka wahine a me ke keiki. Nolaila, ua hu a nui ke aloha ia oukou, me ke kaumaha pu i ke kahea leo nui ae, e hookaa koke mai ka poe i aie mai ia'u, mai keia la aku ; aole no ka manao e hoopilikia aku la oukou e na hoaaloha, aka i mea e mau ai ko kakou kipa ana, i lako mau i na mea nani e kahiko ai i ke one o Punahoa ame ka la piha kanaka o Hamakua Waipio.
            Nolaila, e ala, e ku, e pau ka hiamoe, e hele mai e nana, e kilohi i ko'u mau halekuai, ua piha i na nani o kela ano keia ano o na mea kuai me ka oluolu loa, e kupono ai i ka makemake o ke kane, wahine, keiki a me ka ohana, e loaa no ma kuu Halekuai ma Hilo, i " Hale Kalewa," a me Kahalii, e loaa no ma Hamakua Waipio, A pela no oukou e makaala ai e hookaa koke mai, i loaa hou ai na mea hou no oukou. Nolaila, e oluolu oukou e hoolohe i keia leo kahea o ko oukou makamaka aloha nei, a e kipa mai ma ka hale, a loaa no au ia oukou me na launa maikai ana me ka leo oluolu. E hoonaauao ! Owau no o
C. Y. AIONA (Pake), Malama Halekuai.
Hawaii, Aper 24, 1876. 752 8t° 759

HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !

Poakahi, Mei 29...............................................Kaapuni ia Hawaii
Poakahi, Iune 5...............................................................No Kona
Poakahi, Iune 12...............................................Kaapuni ia Hawaii
Poakahi, Iune 19.................................................Kaapuni ia Kauai
            I ke kakahiaka o ka Poalima, komo i Honolulu.
Poakahi, Iune 26...............................................Kaapuni ia Hawaii
            Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Kawai a hiki i ka hora 10 a mahope iho paha ; Makena e like me ka mea i hoolaha wahaia ; Maalaea a hiki i ka hora 7 a.m., a mahope iho paha.
            Uku Eemoku mai Honolulu aku,
A hiki i Kaunakakai, a pela maluna mai..............$ 5.00
" Lahaina, " " ..................................................... 6.00
" Maalaea, " " .................................................. 7.00
  " Makena, " " ................................................... 8.00
  " Mahukona, " " ............................................. 10.00
  " Kawaihae, " " .............................................. 10.00
  " Kailua, " " ................................................... 10.00
  " Kaawaloa, " " ............................................. 10.00
  " Hilo, " " ...................................................... 12.50
  " Kau, " " ...................................................... 13.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
            Aole aie no na uku ohua.
            Ma ka Hale Oihana e loaa'i na palapala.
            Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
            E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 604 3m

OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !

                E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792

C. H. DICKEY (Kalekika).
LOIO !
MA HAIKU, MAUI.

                UA MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794

E KUAIIA ANA

                HE Elua ili kano kaa lealea no na lio palua, me ka makepono loa.
704 4ts 757 WAILA MA.

            KE HOIKEIA aku nei i na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES, Honolulu, Novem. 29, 1875 731 tf

            NO KA MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumaikai k. Aole pono e hookaa aku ia laua ka uku hoolimalima, aka, e lawe koke mai ia'u.
J. PORTER GREEN,
Luna Malama Waiwai no Mele Hoomoeapule.
Honolulu, Dek 22, 1875. 734 6m

NA MEA NANI E HIEHIE AI
NAUWE MAI * NAUWE MAI

                MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i like oleia mamua, Na KAEI SILIKA Nani, NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou a kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Hale kuai HIKIKIIKAUOENA. L. ASEU.
Kihi ma Ewa o Alanui Nuuanu mauka o Alanui Moi.
Honolulu, Aug. 27, 1875, 717 lyr 768

E naue mai ! E naue mai !!

                KE POLOAI IA AKU NEI OUKOU E NA keiki lalawai o na pali hauliuli, a me na kaikamahine puukani nohenohea o na pali Koolau, e naue mai ma ko makou mau Hale Kuai ma KAALAEA a me KANEOHE, malaila e loaa'i oukou na nuhou o na ano a pau. Na Lole Kane, Wahine a me na kamalii, Na Kamaa Na Hou. Na ano Papale a me na mea liilii o kela ano keia ano he nui wale.
                E loaa no ia oukou ke kumukuai makepono loa. E naue mai ! E naue mai !! E hoao i pau ko oukou kuhihewa.
AKANA & KONGER & Co.
Koolaupoko. Maraki 23, 1876. 747 6m* 771

NA MEA ANO HOU !

                Ua loaa mai nei, Eia ma ka Hale Kuai o Wini ! NA EA, NA OMAU AI NA KULA PEPEIAO NA OMAU HAO BUKALO, NA MEA ANO HOU A EMI, Na Buke Pakeke Ili a me na Eke Dala ! Na Lei Pilali, Na Lei Eleele, a me na mea e ae he nui wale.
                E HAAWI MAKANA IA ana i kela a me keia mea i kuai a hiki i ka ELUA DALA.
            E hele mai, e nana i keia mau mea maikai, a e loaa no e like me ka makemake, Emi loa aole e like me mamua !
                Eia ma ka Hale Kuai o
756 2m WINI.

Papa ! Papa !
— NO —
ALLEN A ME ROBINSON.

                Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke. ALLEN & ROBINSON. Honolulu, Aper 13, 1876. 750 ly

OLELO HOOLAHA.
ANOAI I KA LEHULEHU,

                E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei.
            Penei ke ano o ua mau waiwai la :
            Na wati a me na kaula gula, a na Ledee a me na Keonimana ! NA KAULA OPELE A NA LEDE NA KOMO GULA NANI O KELA A ME KEIA ano o na Lede a me na Keonimana ! NA KUPEE GULA, NA LIPINE GULA, Na gula pepeiao o na wahine ! e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke kala Na pihi pulima gula wahine a kane, Na laketa gula lei wahine nani, Na komo daimana o na Lede. Na kaula laketa, Na pine omau kihei, Na laketa aniani, Na huka gula wahine. NA LAKO HALE. NA PUNA, NA PAHI, NA KIAHA, KALA, NA APO KALA, NA KAWELE holoi lima, NA O DALA o kela a me keia ano, a me na mea nani e ae no he nui wale.
            E kuaiia aku ana no ma ke kumukuai haahaa loa i ko na wahi e ae o ke taona nei.
            UA MAKAUKAU NO HOI NA mea nani no kanaka makua a me na kamalii. Na Kamaa Paa Loa, e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY.
Kihi o Alanui Papu a me Kalepa. 737 3m 749

Lole Makepono ke Kuike !

                E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua.   Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Ha- waii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, ILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku. 707 ly 759