Ka Nupepa Kuokoa, Volume XV, Number 20, 13 Mei 1876 — Page 3

KA NUPEPA KUOKOA, ME KE AU OKOA I HUIIA.

I hoike no keia, ua kauoha aku au e kau ia ke Sila Nui o Amerika Huipuia ma keia palapala. Hana ia malalo o kuu lima, ma ke Kulanakauhale o Wasinetona, ma ka la kanakolukumamakahi o Mei, Makahiki o ka Haku, Hookahi Tausani Ewalu Haneri me Kanahikukumamalima, iloko o ke Kanaiwakumamaiwa o na makahiki o ke Kuokoa o Amerika Huipuia. [L. S.] ULYSSES S. GRANT. NA KA PERESIDENA, HAMILTON FISH,

Kuhina o ko na Aina e.

Ka Pa Aina o Kapiolani.

Ma kekahi olelo hoolaha i puka i keia la i kakau inoa ia e ka Moi a me kekahi mau keonimana koikoi o ka aina, e ike ai kakou, ua hui ae lakou e kukulu i Pa Aina malalo o ka inoa o ko kakou Moiwahine ilihia a i kahua lealea hoi no Hawaii nei. Ua lilo ae nei ia lakou ka aina o Kaneloa malalo mai o Lae Ahi i ka hoolimalimaia no na ka nui i hiki aku paha i ka 200 eka no ka manawa he kanakolu makahiki. E hoolilo ia ana kekahi wahi o loko i kahua heihei, i wahi hoonanea, i mau alanui kikaha o na lio a me na mea kupono no ka lealea maikai ana. E lilo ana lakou no ka pa ana, ke kanu aina i na laau, ka hoolimalima ana i ka poe hana, a pela aku ; a ke makemake nei lakou e komo pu aku na kanaka e kokua ia hana. He mea hou no keia ia Hawaii nei, no ka mea, o ke ano hana keia o na aina nui aku e laweia mai nei e ike kumaka kakou e na Hawaii. Nolaila, na oukou e koho i ka mea kupono.

Nu Hou Kuloko.

Ua lohe wale ia mai, ua ku ae ma Kaawaloa kekahi moku kiapa Farani e okomo ai.

E kolo ana ke kialua Misionari Hokuao i ka Pae Aina o Maikonisia i ka la hope paha o Iune.

Ua lohe mai makou, ke pii mai nei na lulu dala o ka Ekalesia o Kaumakapili mamuli o keia kohu Akua hou.

PAKEKE KE OLA.— Ma ka Poalima la 21, keehi ia o Kalapana e kekahi lio huhu mauka o Kulakula, ua eha loa kona poo, aole i loaa ka oluolu, e ola no paha.

Ua hookiekieia ae nei ka hunona kapena a Mr Boles ma ka mokuahi " Grenada mai a iluna o ka noho alii ana maluna o " Kulanakauhale o Nu Ioka."

Ua haiia mai ia makou ka lohe ua haalele kekahi moku kalepa ia Honokaona i ka la 4 o Apr. me 180 pake no keia awa.

I ka hora 12 iho nei o ke awakea Poakolu, Mei 10, ka weheia ana o ka Hoikeike nui hookahi ma ka Poepoe Komohana

Mahope iho o ka Poalua nei, ua hoihoiia ka manawa halawai o ka Ahaolelo a i ka hora 1 auina la o kela a me keia la hana.

Ke loheia mai nei, ua pii hou ae ka ona o ka wahine o ka lua, no ka huhu paha no keaha la. Eia no ka Ahaolelo ke noho nei malia paha e nuku mai ana.

Ua hoikeia mai ia makou ka lono, ua kauohaia aku nei e hoi koke mai me ke kali ole mahope iho o Colima paa ana. Nolaila e ku mua mai ana paha ia maanei.

KULA ENELANI O KAUMAKAPILI.— E hoike ana keia kula haole maluna ae i ka hora 9 o ka Poakolu hope loa o Mei nei ma ke Keena haipule. O W. A Kiha ke kumukula.

Ma ka moku " D. C Murray" i holo aku nei i ka Poalua, i huli hoi aku ai o Rev. C. B. Andrews a me kana wahine i ke one hanau, no ke ake e imi i kona ola kino.

Ua hauoli makou i ka hoike aku, ua hookohuia o Mr. J. Perry e ke Alii ka Moi o Potugala i Kanikela no kona lahui e noho kokoke mai ma ke alo alii o ka Moi Kalakaua.

AUMOKU KAUA.— No elua mau moku kaua e kaliia nei o ke ku mai, oia ka moku kaua Beritania Fantome a me ka moku kaua Amerika Tuscarora, E ku ana laua iloko o keia malama.

Ua hoemiia ka uku holo kaa ahi mai Nu Ioka a hiki i Piladelapia he hookahi wale no dala. Nolaila, e nui ana ka poe hoi no i Nu Ioka e noho ai, a ao holo no i ke kahua o ka Hoikeike nui.

O ka nui o na kanaka ku i ka auhau kino maloko nei o ka aina he 13,686, koe paha na kino kanaka i hookuuia ma ke ano Kahunapule, Kumukula, Kina Ahi a me na koa pualu. Ehia la ko lakou nui.

HOOHUIIA.— Ma Oakland, Kaleponi, i ka la 20 o Aperila, ua hoohuiia ma ka berita o ka mare, e Rev. Mr. Akerly, o L C. Kelly o Kapalakiko me Miss Helen B Wini o Honolulu nei, a kaikamahine mua hoi a ko makou poo ma ka oihana nei.

LOIO HOU.— Ua lohe mai makou, ua hookohuia o Mr. J. W. Kalua i loio kanaka no ka mokupuni o Maui a me kona mau peleleu, e na lunakanawai kiekie, a e lawelawe ana oia ma ia oihana i ke ka aenei o Wailuku O ko makou ake nui no keia o ka ike aku i na Hawaii ponoi e lawelawe ana i na oihana kiekie ae me ka hana pono.

Eia no ke " Kilauea" ke milimiliia mai nei iloko o na lima o na kamana. No ka apulu no hoi paha makena na mea he hana mau. Pau no kana mau loaa nui i ke ale ia no e kona opu piha ole.

Ua halawai me ko makou mau lena ike kekahi ia hou i paa hele ia mai e ka mea hanohano mai Kau mai ma na papa alanui o Kaahumanu i ke kakahiaka Poaono 'ku nei i hala, a i ka ninauia ana aku i kona inoa, haiia mai ana he lawe ka inoa o ka ia.

Ke waiho a mai nei no kekahi luna o Honolulu nei, a o ka umikumamakolu keia o na la hana o ka hale, aole oia i hoea iki ae e lawelawe. O ka hana a ke kanaka naauao, o ka waiho mai i kona kohoia ana, a paniia mai ke koho hou ana. Pehea la ka hale ?

I ka Poaono aku nei i hala, ua ikeia e kekahi wahine ka puka ana ae o ka ula o ke ahi mai ka puka uahi ae o kekahi hale inuki pake. I ke kuhea ia ana aku, holo kiki mai ka pake a kinai. Nolaila auhea na kilo ahi e nana pono i na puka uahi

HOI MAI E IKE I KE ONE HANAU.— Ma ke ku ana mai o ka mokuahi " Kulanakauhale o Nu Ioka" i kela hebedoma aku nei, i hoi mai ai ai o Kauka J. E. Emesona, kekahi o na keiki a ka makua Emesona i hala i ka make. I hoi mai nei ia e ike i ka ohana, a e hanu hou i na ea oluolu o ka aina hanau, a e hoolaaia i ka Ehukai o Puaena.

LEO O KONA HEMA ALOHA INO — Mamua o ke kaikai ku ana mai o ka luna o Kona Hema e holo i Honolulu, ua kauohaia mai oia e hele a e hoonoa aku i na ia a pau, aka i ka noonooia ana o ka bila hoonoa i na ia, ua kue loa na luna la me ka olelo, " aole pono e ae aku, mamuli pilikia." O ko leo e Kona Hema, ua kiola ia, a hehiia ma ka hila kamaa. MAKAIKAI.

NA ANOAI O KA POAKAHI — Olelo aku kekahi mau kanaka elua i kekahi lunamakaainana, " mai hoopilimea'i oe ma ke kau lima ana ma ka aoao o na alii." Pane mai ka lunamakaainana i ka hua e ka lea. " aole au e ae aku ana i ka olua, no ka mea, he makau au i kuu hanai alii." Haina ka inoa o ke kama, o 120024872 no he inoa. [ Ua pono no aia no ia i ko lakou manao K. K]

Ua noiia mai makou e ka Lunaalanui, e hoolaha aku ma ke akea, e haawi no ia i umi dala makana i ka mea nana e hoike mai i ka mea e hoopaiia ai " ka piko pau i ka iole" nana i aihue i ke kiaha wai e inu o Kawaikilomai ma ka Pali o Nuuanu. O ka mea iho la ka ia e kolohe ai, o ka mea nana e kioe ae i ka wai i ka wa e maloo ai ka puu o kamahele. E huli pu kakou i loaa keia kolohe.

HOOHIKILELEIA.— Ma ka bora 10 o ka po Poakahi iho nei, ua hoopupuahula ia'e na koa ku mau o ka Pa Alii, ma ke kani ana o kekahi pu ki poka mailoko ae no, a ua nakeke ae ka poka maloko o na lala o na laau me ka manao he enemi, nui ae la ka waha i ka holina, nolaila, mati ae la na koa a ka pu alii, he neo wale no. I ka noonoo aku, he hana hoomahua na ko lakou mau poo, i ike ai ko lakou noho makaukau, oiai, ua kaawale o Kalani ma na pali Koolau, a ua noho palaleha iho paha lakou.

HEIHEI WAAPA.— I kela Poalima aku nei i hala, ua hoao ae kekahi mau waapa o uka nei me kekahi mau waapa mai o na moku kaua o ke awa, a penei ka heihei ana. Heihei mua, hookahi waapa o ka manuwa Pelekane me hookahi waapa o uka nei. I ka hoomaka ana, puka e no ka waapa o ka haole, a eia ka mea kupanaha, aohe i hiki aku i ka pahu huli e no hoi mai. Holo loa hoi ka waapa hope a ka pahu huli mai. Nolaila eo ai i na keiki Hawaii. Heihei alua iho : waapa o ka " Lakawana" a me Liliu. Na ka Lakawana ka eo, a haule loa hoi o Liliu. Aole no ka waapa ka hewa, aka, no na keiki ka mamake wale.

AHAHUI PA AINA O KAPIOLANI !

O Makou o ka poe nona na inoa malalo iho, ua aelike makou e lilo i mau lala no ka Ahahui i kapaia, " KA AHAHUI PA AINA O KAPIOLANI A ME KE KAHUA LEALEA." O ka nui o na Mahele, he

200, ma ke $50. o ka mahele ; he $25.00 e uku ia i ka wa e kakau ai i ka inoa, a o ke ke keena, aia i ka wa a ke Komite o ka Ahahui e kikoo aku ai. A ke ae nei makou e lawe i ka heluna o na mahele, e kau nei ma ka aoao akau o ko makou mau inoa. Kakauia i keia la 8 o Feberuari 1876.

INOA. MAHELE.

Hookahi. Kalakaua ..................... "

W L. Moehonua........... "

Jno. S Walker............... "

Jas, Makee................... "

H Cornwell................... "

A Herbert..................... "

Jas. W Gay................... "

H L Sheldon................. "

A S Cleghorn................ "

C E Williams................. "

Jno. O Dominis............. "

J L Richardson.............. "

Jno. S McGrew............. "

O ka poe makemake e lilo i mau lala, e loaa no ka pepa kakau inoa maanei. O Elia o Waialae, oia ka luna nana. tf

E KUAIIA ANA

HE Elua ili kano kaa lealea no na lio pa-

lua, me ka makepono loa.

704 4ts 757 WAILA MA.

NALOWALE ! NALOWALE !

HE EKE ILI, ua haule ma ke Alanui, me $450 Dala pepa Amerika maloko. E ukuia ka mea e loaa ai a hoihoi mai maanei. 734 2ts 735

KE Papaia aku nei na kanaka a pau, mai hooholo i na holoholona, aole e hopu

a ki pu paha i na puaa a manu paha o na ano a pau, me ka ae ole ia, maluna a na aina o Ka Mea Kiekie Ruta Keelikolani, mai Kawela a Kaluakoi, ma ka mokupuni o Molokai, o ka poe e loaa aku ana e kue ana i na mea i papaia maluna ae, e hoopiiia e like me ke kanawai. R. W. MYERS, Agena no ka Mea Kiekie Ruta Keelikolani, ma ka mokupuni o Molokai. 744 4ts 757

OLELO HOOLAHA.

E IKE auanei na mea a pau loa, o na Apana Aina

Ekolu o Kaukapolua (w), e waiho la ma Keei,

Kona Hema, Hawaii, ua lilo i ke kuaiia e maua

ACHEONG (pake) a me MANINI, ma ka la 4 o Mei, 1876.

Nolaila, aole loa he kuleana o na mea i pilikana mai ia Kaukapalua, maluna o keia mau apana aina, oiai ua lilo ia i waiwai paa io no maua, mai ka la i lilo ai i ke kuaiia e maua a mau loa aku. A ke papa pu ia aku nei hoi na mea a pau e hookuu wale ana i ko lakou mau holoholona o kela ano keia ano, maluna o kela mau apana aina, aole lakou e hookuu wale i ko lakou mau holoholona maluna olaila. A ina e ikeia kekahi holoholona maluna olaila, na ko maua hope no i hoonoho aku ai, oia o Keliikanaka a me Hakao, na laua no e koi aku i ka uku, ma luna o na mea nona ia holoholona ; a ina e hoole ia, alaila, na laua no e hana aku maluna ona e like me ke kanawai.

ACHEONG a me MANINI. Apua, Honolulu, Mei 9, 1876. 754 3ts 735

E IKE ka lehulehu o na ano kanaka a pau, ke

hoike aku nei ae ma ke akea, ua kapu loa ka iliaina o Hanohano, e waiho ia ma Waikele, Ewa,

Oahu, i na kanaka a pau a me na holoholona i ke i ke Kanawai, ke hele ma ke ano komohewa ma ua aina la, na palena malalo iho :

Palena mauka, Kauhiumauma, pili me Waipio : Napohakumokomoko, pili me Hoaeae ; Nio-pohaku, pili me Ahualii ; palena makai : Ulumalu, pili me Waipahu. A ua kapu pu no hoi i na kanaka a pau ke lawaia, ma ke ano komohewa, i ke kai lawaia o Apokaa, oia ka lele o Hanohano. Na palena :— Kaalahina pohaku, pili me Hoaeae, Kaaukuu Loko, pili me Miki-hohonu, pili me Honouliuli. O ka poe kue i keia mau olelo, hoopii kanawai no au, koe ka mea a mau mea i ae kupono ia e a'u.

JOSEPH KAPEPA.

Kawaiahao, Mei 8, 1876. 754 4t* 757

$10.00 MAKANA !

I KA mea nana e hoihoi mai i kuu Lio

kane hulupala, i hemo mai Waipio, Ewa aku, i ka pule i hala aku. Hao kuni ma ka uha hope hema AR he wahi kiko keokeo iki ma ka lae. E hoihoi ae ia'u ma Waipio, Ewa.

JOHN T BROWN. Waipio, Ewa. Aper 10, 1876. 754 2t* 750

E IKE AUANEI na mea a pau owau o Nika Kaumaka ka mea i waihoia mai e konohiki a malama aina o Kale Lona apaoa aina o Wailupe e waiho la ma Palolo Kona, mokupuni o Oahu, a ma keia palapala ke hookohu'ku nei iu ia P Kawika i paniolo no ua aina la, ina e loaa na holoholona pipi, lio, hoki, miula, e hele e wale ana me ke kuleana ole, e hopu aku kuu paniolo a hoouku aku no no ke $1.00 no ke poo pakahi o na holoholona i haiia ae la maluna. A ke papa pu aku nei i na kanaka a mau kanaka paha e hele hewa ana me ke kuleana ole maluna o ua aina la e hopu aku no au i na kanaka la a hoouku aku no wau $5.00 ; a ina o ka mea a mau mea paha e ku-e mai ana i keia olelo papa, he mana hiki no ia Nika Kaumaka ke hoopii ma ke kanawai i hanaia ma keia palapala ; a no ka oiaio o keia palapala i hanaia, ke kau nei au i ko'u ilina a me ko'u inoa. NIKA KAUMAKA,

Lunahooponopono Waiwai. Palolo, Mei 9, 1876. 754 1t*

OWAU o ka mea nona ka inoa malalo iho, ke hoolaha akea aku nei au imua o na mea a pau loa, no ke kuai lilo loa ana mai o IKAKA KAIAMA k, no Waikapu, mokupuni o Maui, kekahi hooilina o Loe w. i make, no kona kuleana aina iloko o ke Ahupuaa o Holualoa 4, mokupuni o Hawaii, nona ka palapala kuleana Helu 7228, no ka loaa ana aku o na dala piha i kona makemake mai a'u aku, nolaila, ua hoolilo loa mai o Ikaka Kaiama k, i kona kuleana aina ia'u a mau loa aku a me ko'u mau hooilina me ke keakea ole ia, aole ona kuleana i koe a me kona mau hooilina. ABIGAILA MAIKAI.

Apua, Honolulu, Mei 1, 1876. 753 4t* 756 UA MAHUKA mai ke Kula Hana Lima aku, elua mau keiki, no laua na inoa, PAUAHI a me JEO. Ina o ka mea i ike i kekahi o keia mau keiki, e hoihoi koke mai. I ole, e pili aku ke kanawai ia lakou.

753 2ts 754 WALTE HILL.

Hoolaha a ka Luna Hooponopono Waiwai.

MA ka Waiwai o Kamaakekoi k, o Kona Akau, Hawaii. Ke hoolaha aku nei i na mea a pau, ina he mau koina ka lakou i ka waiwai o Kainakekoi k. i olelo ia maluna. e hoike mai i ka lakou mau koi ana, iloko o na malama eono mai keia la aku : a o ka poe hoi e paa ana i kekahi waiwai o ka mea i oleloia maluna, ke koiia aku nei e hoike mai i ka Lunahooponopono.

W. THOMAS MARTIN. Kau, Hawaii. 763 4t* 736

E IKE auanei oukou na na mea a pau, kanaka haole pake, pukiki, o kela ano keia ano, ua kapu ka hookuu wale ana i na holoholona o kela ano keia ano, maluna o kuu kuleana aina o KOLOWALU, a me ku'u aina hoolimalima o KEWALO KAI. Ina e loaa ia'u, a i ole i ko'u Luna paha, e uku no i hookahi dala no ke poo hookahi — Bipi, Lio, Hoki, Piula, Puaa, Palahu, Kaka, Moa, E lilo keia i kanawai mai keia la aku. KAMANOULU. Kaila, Honolulu, Mei 1. 1875. 753 4t* 765 OWAU o ka mea nona ka inoa malalo, ke hai aku nei au i ka lohe i ka poe mea lio, bipi a mau holohalona e ae, e hele ana ma kuu aina hoolimalima, ma Waipiokai, makai o ke alanui aupuni o Kalipahee, e pili pu ana me ke kula o Waiawa, a hiki i Kalehopu, e kii mai i ko lakou mau holoholona, maloko o na la he umi, mai ka la i puka ai ma ka nupepa ka helu ana, a hala ia mau la, ina e kii ole mai, e hopu ia no a paa, a uku mai, alalia hemo aku, a ina uku ole mai, paa i ka Pa Aupuni. MAKUE. Waikele, Mei 4, 1877. 753 1t*

MA KE Keena o kekahi o na Lunakanawai Kaapuni, Apana Ekolu, ko Hawaii Pae Aina, ma ka waiwai o MAKAAA k. no Makapala, Kohala Akau, Hawaii i

make

Ua heluhelu a ua waihoia ka palapala noi a Paumano k.

e noi ana, e hoonoho ia P. Kamakana, i Lunahooponopono

no ka waiwai o Makaaa k, no Makapala, Kohala Akau Ha-

waii H P A i make aku nei. Nolaila, ke kauohaia aku nei

na kanaka a pau ke pili, o ka Poaono, oia ka la 3 o Iune,

M H 1876,. ma ka hora 10 o kakahiaka, ma ka Hale Hookolokolo ma Kapaau, oia ka la a me kahi i kohoia ma ka

hoolohe ana i ua nonoi la a me na mea kue ke hoikeia.

CHARLES F. HART, Lunakanawai Kaapuni Apana Ekolu.

Kohala, Mar 23, 1876. 734 3ts 754

MA ke Keena o kekahi o na Lunakanawai Kaapuni Apana Ekolu o ko Hawaii Pae Aina. Ma ka waiwai o KEALOHA k, no Kohala Akau. Hawaii i make.

No ka mea, ma ka la 24 o Maraki 1876, ua waihoia mai imua o ka Aha kekahi palapala i oleloia, oia no ke kauoha hope loa o Kealoha k, o Halawa, Kohala Akau, Hawaii i make aku la, a me ka palapala hoopii e noi ana, e hooiaio la keia palapala kauoha, a e hoopuka hoi ka palapala Luna hooko ia S W Kanohomauna, ua waihoia mai e S. W. Kanohomauna.

Nolaila, ke kauohaia, o ka Poaono, oia ka la 3 o Iune, M H 1876, ma ka hora 10 o kakahiaka, ma ka Hale Hookolokolo ma Kapaau, Kohala Akau, oia ka la a me ka hora i hooiaioia ai ua palapala kauoha, a e hoolohe hoi no ia noi ana mai, a ke poe i pili, e kue ana ia palapala kauoha, a me ka hoopuka ana i ka palapala Luna Hooko.

CHARLES F. HART.

Lunakanawai Kaapuni Apana Ekolu. Kohala Akau, Mar 29, 1876. 732 3ts 754

NO KA MEA, ua kohoia au e ka Aha Kiekie, ka Luna Hooponopono o ka waiwai o KENAO, no Honolulu, Mokupuni o Oahu, ua make aku nei, me ka palapala kauoha pu. Nolalia, ke hoolaha aku nei au i na mea a pau, e hoike mai ia'u i na bila hoakaka no na aie o ka mea make, maloko o na malama eono mai kela la aku.

PAAHANA. Honolulu, Mei 6, 1875. 753 4t* 736

Kuai a ka Ilamuku.

MAMULI O KA MANA O KA OLELO

Hooholo i hoopukaia e ka Aha Hookolokolo

Kiekie, i ka pono no F. Preston, mea hoopii

no $415.25. kue ia EDWARD EVERETT, mea hoopiliia, ua

lawe mai au i kela la, a e kuai aku ana ma ke akea, malu-

na iho o ka aina, i ka hora 12 o ke awakea o ka Poaono, la

20 o Mei, i na pono a pau, ke kuleana a me na pomaikai a

me ka pa o Edward Everett, e nohoia nei e Edward Eve-

rett, e waiho ia ma Alanui Papu, mauka aku o ke kihi o

Alanui Kukui.

O ka nui o ka aina, he hookahi Eka, a oi aku a emi mai

paha ; o ka Hale Noho a me na hale kuwaho, ua maikai

wale no ; ua nui na kumu laau i kanuia e hoomalumalu

mai ana ; a he aina maikai kela.

Aia wale no ke koe a hoakaka e ia mai ka olelo hooholo,

ka uku kuala a me na koina, a me ko'u uku a me ke Ko-

misina mamua ae.

He kuike ke dala, a o na lilo no na palapala, na ka mea

e lilo ai.

Aia he $300 ka moraki maluna o ka aina, e ai ia no e

waiho kekahi hapa. W. C. PARKE, Ilamuku.

Honolulu, Aper. 18, 1876. 751 4ts 754

NO ka mea, ua ikeia ka olelo hoolaha a Kukahiko k Kahalepaakai w. a me Maila w., maloko o ke Kuokoa, ua komo pu ke ano o ka lakou mau papa ana maluna o ko'u aina kuai, ma Amakeahi, Hoaeae, i Ewa, Oahu, a nolaila ma keia, e ike auanei na kanaka a pau, aole o lakou kuleana maluna o ko'u aina kuai ma Amakeahi, nona ka palapala Kuleana Helu 899, a Palapala Sila Nui Helu 783 ; a ke papa aku nei au ia lakou, mai aehewa kekahi o lakou, a o ko lakou Luna, a o kekahi kanaka e ae paha maluna o kuu aina, a hana i kekahi mea hookapu, a papa, a hooulu hoi i na mea kanu, me he ona la nona ka aina, o ku lakou ma ke kanawai komohewa i ko hai wahi. Ua kapu loa ke kukulu ana o na holoholona malaila a me na holoholona e ae o kela a me keia ano e komohewa ana.

W G KAHUAKAI. Kamanuwai, Honolulu, Aper 19, 1876. 731 4t* 754

KAHEA

OLELO * LEO NUI !

E na makamaka aloha o ka ua Kanilehua o Hilo, a me na hoa hoolaukanaka o ka la mehameha o Hamakua :

Owau o ko oukou hoaaloha oiaio loa, e noho nei ma ke ano malama Halekuai, no no makahihi loihi i kaahope ae nei, ua ike oukou i ko'u malama pono me ka hoolako pinepine mai i na mea maikai e kupono ana i ke kane, i ka wahine a me ke keiki. Nolaila, ua hu a nui ke aloha ia oukou, me ke kaumaha pu i ke kahea leo nui ae, e hookaa koke mai ka poe i aie mai ia'u, mai keia la aku ; aole no ka manao e hoopilikia aku la oukou e na hoaaloha, aka i mea e mau ai ko kakou kipa ana, i lako mau i na mea nani e kahiko ai i ke one o Punahoa ame ka la piha kanaka o Hamakua Waipio.

Nolaila, e ala, e ku, e pau ka hiamoe, e hele mai e nana, e kilohi i ko'u mau halekuai, ua piha i na nani o kela ano keia ano o na mea kuai me ka oluolu loa, e kupono ai i ka makemake o ke kane, wahine, keiki a me ka ohana, e loaa no ma kuu Halekuai ma Hilo, i " Hale Kalewa," a me Kahalii, e loaa no ma Hamakua Waipio, A pela no oukou e makaala ai e hookaa koke mai, i loaa hou ai na mea hou no oukou. Nolaila, e oluolu oukou e hoolohe i keia leo kahea o ko oukou makamaka aloha nei, a e kipa mai ma ka hale, a loaa no au ia oukou me na launa maikai ana me ka leo oluolu. E hoonaauao ! Owau no o

C. Y. AIONA (Pake), Malama Halekuai.

Hawaii, Aper 24, 1876. 752 8t° 759

HOOLAHA HOOKOLOKOLO.

AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina. SS, Ma ka waiwai o HARIATA (w) i make. Olelo

kauoha, e koho ana i la e hooiaio ai ka palapala kauoha, a no ka hoolaha ana.

No ka mea, ma ka la 3 o Mei M H 1876, ua waihoia mai imua o ka Aha kekahi palapala i oleloia, oia no ke kauoha hope loa o Hariata w, i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Bila Kapukaula, ua waihoia mai e Bila Kapukaula.

Nolaila, ua kauohaia, o ka Poalima, oia ka la 2 o Iune, M H 1876, ma ka hora 10, ma ka Rumi Hookolokolo o ia Aha, ma Aliiolani Hale, ma Honolulu, oia ka la a me ka hora e hooiaioia i ka palapala kauoha a e hoolohe hoi no ia noi ana mai a me ka poe a pau i pili, e kue ana ia palapala kauoha a me ka hoopuka ana i ka Palapala lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa me ke Au Okoa, he nupepa i pai ia a i hoolahaia ma Honolulu. A ua kauoha hou ia, e hoopukaia na palapala kena no na hoike, no ia palapala kauoha a me na hooilina o ka mea make, ma Honolulu, e hela mai a e kue i keia palapala kauoha i ka wa i oleloia.

Kakauia ma Honolulu, ko Hawaii P A Mei 10, 1876. A. FRANCIS JUDD,

Ikea : Lunakanawai o ka Aha Kiekie. Walter R. Seal, Kakauolelo. 754 3ts 756

MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KEANO k, no Wailuku i make.

Ua heluheluia a ua waihoia ka palapala noi a L Noholoa e hooponoponoia ka waiwai o Keano k, no Wailuku, Maui H P A i make, a e hooholoia no na hooilina. Nolaila, ke kauoha ia aku nei na kanaka a pau ke pili, o ka Poakahi, oia ka la 5 o Iune 1876, ma ka hora 1 o ke ahiahi, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la, a me na mea kue ke hoikeia.

ABR. FORNANDER, Lunakanawai Kaapuni Apana Elua. Lahaina, Mei 5. 1876. 754 3ts 756

Ma ke Keena o ka lunakanawai Kaapuni Apana Elua o ko Hawaii Pae Aina. Ma ka waiwai o SILAS CHANDLER, no Wailuku Maui i make.

Ua heluheluia a ua waihoia ka palapala noi a James Baker, ka Luna Hooko ma ka waiwai o Silas Chandler, no Wailuku, Maui H P A i make, e noi ana, e hooponoia kona moowaiwai a e hookuu iaia mai ka oihana. Nolaila, ke kauohaia aku nei na kanaka a pau ke pili, o ka Poakahi, oia ka la 5 o Iune 1876, ma ka hora 10 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER,

Lunakanawai Kaapuni Apana Elua. Lahaina, Mei 5, 1876 754 3ts 735

AHA HOOKOLOKOLO KIEKIE O KO HAWAII PAE AINA. Imua o ka Lunakanawai Chas. C. Harris, ma ka waiwai a HIHIO (k) i make kau-

oha ole ma Enderburry. He hoolaha e noi ana i Lunahooponopono Waiwai.

Ma ka waiho a me ka heluhelu ana i ke noi a Kanoelehua o Honolulu Oahu, e hoike ana ua make o Hihio (k) me ke kauoha ole ma Enderburry ma ka la 5 o Augate 1874, a e noi mai ana, e hoopukaia ka palapala Lunahooponopono waiwai no J. Porter Green. Nolaila ke kauoha ia aku nei, o ka Poakahi la 22 o Mei A. D. 1876, oia ka la i kohoia no ka hoolohe ana ia noi, imua o ka Lunakanawai ma ke Keena Hookolokolo o keia Aha ma Honolulu, a ma ia wa a hele mai ai na kanaka a pau e hoike, ina paha he kumu e ae ole ia ai ia noi. A e hoolahaia keia kauoha ma ka olelo Hawaii, iloko o ke Kuokoa, he nupepa i paiia a hoolahaia ma Honolulu, no ekolu hebedoma

Kakauia ma Honolulu, ko Hawaii P A Mei 5, 1876. CHAS. C. HARRIS.

Ikeia e : Lunakanawai o ka Aha Kiekie. Jno. E Barnard, Hope Kakauolelo. 733 3t 733

AHA Kiekie o ko Hawaii Pae Aina. Ma ka hooponopono waiwai. Mokupui o Oahu ko Hawaii Pae Aina SS. Ma ka waiwai o PAAKUKU (w) o Kula Maua i make. Olelo kauoha, e koho ana i la e hooiaio ai ka

palapala kauoha, a no ka hoolaha ana.

No ka mea, ma ka la 4 o Mei. M. H. 1876, ua waiho ia mai imua o ka Aha, kekahi palapala i oleloia, oia no ke kauoha hope loa a PAAKUKU (w) i make aku la,

a me ka palapala hoopii e noi ana, e hooiaioia kela palapaala kauoha a e hoopuka hoi ka palapala Luna Hooko no David P. Eldridge ua waihoia mai e David P. Eldridge.

Nolaila, ua kauohaia. o ka Poakahi oia ka la 22 o Mei, M. H. 1876, ma ka hora 10, ma ka rumi Hookolokolo oia Aha, ma Aliiolani Hale, ma Honolulu, oia ka la me ka hora e hooiaioia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa, he nupepa i paiia, a i hoolahaia ma Honolulu. A ua kauoha hou ia, e hoopuka ia na palapala kena i na hoike no ia palapala kauoha a me na hooilina e hele mai.

Kakauia ma Honolulu, ko Hawaii P A Mei 4, M H 1876. CHAS C. HARRIS,

Ikeia e : Lunakanawai o ka Aha Kiekie. Jno. E Barnard, Hope Kakauolelo. 733 3t 733

MA KE KEENA o ka Lunakanawai Kaapuni Apana Elua ko Hawaii Pae Aina. Ma ka waiwai o EHU k, no Wailuku, Maui i make.

Ua heluheluia ua waihoia ka palapala noi a Aua (w), e noi ana, e hooiaioia ka palapala kauoha hope loa a EHU k, no Wailuku, Maui, H P A i make aku nei. Nolaila ke kauohaia aku nei na kanaka a pau ke pili, o ka Poakolu, oia ka la 31 o Mei 1876, ma ka hora 11 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana mai i na nonoi la a me na mea kue ke hoikeia. ABR. FORNANDER,

Lunakanawai Kaapuni Apana Elua H P A Lahaina, Mei 2, 1876. 733 3ts 733

MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o LII k, no Wailuku, Maui i make.

Ua heluheluia a ua waihoia ka palapala noi a Dr. C R, Meinht, kekahi o ka poe aie ia e hoonohoia o E H Rogers, i Lunahooponopono no ka waiwai o Lii k, no Waihee Maui H P A i make aku nei. Nolaila ke kauoha ia aku nei na kanaka a pau ke pili, o ka Poakolu, oia ka la 31 o Mei 1876, hora 9 o ke kakahiaka, ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua noi la a me na mea kue ke hoikeia.

ABR. FORNANDER, Lunakanawai Kaapuni Apana Elua. Lahaina, Mei 2, 1876. 753 3ts 735

MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o IHUMAI k, o Wailuku, Maui i make.

Ua heluheluia a ua waihoia ka palapala noi a Kuewa w e noi ana e hooholo aku ka Aha i ka waiwai o Ihumai k, no Wailuku, Maui H P A i make i kona hooilina. Nolaila, ke kauohaia aku nei na kanaka a pau ke pili, o ka Poakolu, oia ka la 31 o Mei, 1876, ma ka hora 10 o kakahiaka, ma ka Hale Hookolokolo ma Wailuku, oia ka la a me kahi kohoia no ka hoolohe ana i ua noi la a me na mea kue ke hoikeia. ABR. FORNANDER.

Lunakanawai Kaapuni Apana Elua Lahaina, Mei 2, 1876. 753 3ts 755

MA ke Keena o ka Lunakanawai Kaapuni, Apana Elua, ko Hawaii Pae Aina. Ma ka waiwai o KEKUA k, no Hamakualoa, Maui i make.

Ua heluheluia a ua waihoia ka palapala noi a M Kapihe, ka Lunahooponopono no ka waiwai o Kekua k, no Halehaku, Hamakualoa, Maui H P A i make, e noi ana, e hoaponoia kona moowaiwai, a e hookuu iaia mai ka oihana, a e hooholoia ka waiwai i na hooilina. Nolaila, ke kauoha ia aku nei na kanaka a pau, ke pili o ka Poaha, oia ka la 1 o Iune 1876, ma ka hora 9 o kakahiaka, ma ka Hale Hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER, Lunakanawai Kaapuni Apana Elua. Lahaina. Mei 2, 1876. 753 3ts 755

MA KE Keena o ka Lunakanawai Kaapuni Apana Elua, ko Hawaii Pae Aaina. Ma Ka waiwai o E. SAFFERY, no Ulupalakua, Honuaula, Maui i make.

Ua heluheluia a ua waihoia ka palapala noi a Jas. Smyth a me Wm. Saffery, na Lunahooko Kauoha o E Saffery, no Honuaula Maui H P A i make, e noi ana e hoaponoia ka laua moowaiwai, a e hookuuia laua mai ka oihana, a e hooholoia ka waiwai i na hooilina. Nolaila ke kauohaia aku nei na kanaka a pau, ke pili o ka Poaono, oia ka la 3 o Iune 1876, ma ka hora 9 o kakahiaka, ma Ulupalakua, oia ka la a me kahi i kohaia no ka hoolohe ana i ua nonoi la a me na mea kue ke hoikeia. ABR. FORNANDER.

Lunakanawai Kaapuni Apana Elua. Lahaina. Mei 2, 1876. 753 3ts 755

MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o THOS. J. WILKINSON, no Ulupalakua, Maui i make.

Ua heluhelu a ua waihoia ka palapala noi a James Smith, e noi ana, e hoonohoia i Lunahooponopono no ka waiwai o Thos. J Wilkinson, no Ulupalakua, Maui i make aku nei. Nolaila, ke kauohaia aku nei na kanaka a pau, ke pili o ka Ponono, 3 o Iune 1876, ma ka hora 10 o kakahiaka, ma Ulupalakua, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER, Lunakanawai Kaapuni Apana Elua

Lahaina, Mei 2, 1876. 753 3ts 755

MA KA Waiwai o AKI (pake), no Kohala Akau, Hawaii, i make. Ma ke Keena o kekahi o na Lunakanawai Kaapuni, o ka Apana Ekolu o ko Hawaii Pae Aina. Ua heluheluia a ua waihoia ka palapala noi na Anuenue (w), e noi ana e hoonoho ia Atong, i Lunahooponopono no ka waiwai o Aki (pake), no Kohala Akau, Hawaii, H PA i make aku nei. Nolaila, ke kauohaia nei na kanaka a pau ke pili, o ka Poaono, oia ka la 10 o Iune 1876, ma ka hora 10 o kakahiaka, ma ka Hale Hookolokolo ma Kapaau, Kohala Akau, Hawaii, oia ka la a me kahi i kohoia no ka hoolohe ana i ua nonoi la, a me na mea kue ke hoikeia.

CHARLES E. HART, Lunakanawai Kaapuni Apana Ekolu. Kohala Akau. Aper 27, 1876. 753 3ts 775

AHA Kiekie o ko Hawaii Pai Aina, Oahu SS Kau o Aperila M H 1876.

KAHALEPAAKAI VS. L. C. YOUNG, Hoopii Oki Mare.

Ma ka hihia maluna ae, ua kauohaia, e hookomo ia ka olelo hooholo no ke oki mare ma ka aoao o Kahalepaakai,

no ke kumu, ua hookaawale kumu ole mai o L. C. Young

hale, a e lilo keia i mea poa mahope iho o ka pau ana o na

malama eono, mai ka la aku o keia hoolaha ana ma o ua

kumu la i waihoia mai, ke ole he kumu kumu kupono e

ae kekahi e hoohele ai.

Ua kauohaia, o ka mea nana ka hoopii, e hoolaha aku

oia i kekahi kope i hooia ia o kela olelo kauoha, maloko o

na nupepa aupuni, Gazette a me Kuokoa, no na hebedo-

ma eono, maloko o ka malama hookahi, mai ka la aku o

keia olelo kauoha ; a o na mea a pau ke pili ; maloko o na

malama eono, e hoike mai lakou i kekahi kumu e lilo ole

ai keia olelo hooholo i mea paa. Na ka Aha.

Walter R. Seal, Kakauolelo o ka Aha Kiekie.

Ma keia, ke hooia nei au, o keia ae la ke kope pololei a

me ka oiaio, o ka olelo kauoha, no ka hihia maluna ae, i

waihoia mai i ke Keena Kakauolelo o ka Aha Kiekie o ko

Hawaii Pae Aina.

I hoike no keia, ke kau nei au i ko'u lima a me ka Sila

o ka Aha Kiekie, i keia la 19 o Aperila M H 1876, ma

Honolulu, mokupuni o Oahu, H. I.

(L. S.) WALTER R. SEAL,

751 6ts 716 Kakauolelo o ka Aha Kiekie.

OLELO HOOLAHA.

KOMO O LAHAINA.

KE kono aku nei oia i na kanaka o

Lanai Molokai

a me ka poe e noho ana mai

KAHAKULOA a i UKUMEHAME.

e hele mai lakou i Lahaina, a kipa ae lakou ma ka Hale Kuai, e nana ai

i na waiwai like ole o loko. Me he mea la, he haawi wale no, oiai ua ike no na mea a pau i ka makepono loa maoli no i na makahiki i hala.

MA ka POAONO, MEI 20, 1876,

ke manao nei ia e haawi wale i kekahi mau waiwai me ke kumukuai ole, i ka poe hookapeke wahi dala iho i ko

kapuahi. KOMO, LAHAINA.

Kikahakaiwainapali. 753 4ts 756

I KA MANAWA e kaawale aku ai ka mea nona ka

inoa malalo iho, mai keia Aupuni aku, ua waiho iho oia i kana mau hana a pau ia Messrs. Castle a me Smith na Loio. ALFRED S HARTWELL.

Honolulu, Aper 27, 1876 753 3ts 753

EMI LOA * NA KII !

MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.

HALE KAMANA !

AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makepono loa ia aku ana.

HALE KUMEKA !

AIA NO malalo o ka Hale Pai Kii, he keena Ku-

meka, oia ka humuhumu ana i na kamaa hou me

ka makepono, a me ka poho ana i na kamaa nahaehae me ke emi. 753 6m 776

E KIPA MAI E KE ALOHA.

I NA MAKAMAKA A PAU O KA UA

Kukalahale, ke waiho aku nei au iluna o oukou, he

olelo poloai, e pili ana i na Lole Nu Hou e waiho

nei ma ko'u Hale KUAI, ma ka aoao ma Ewa o ka Hale

Borabora, ma ke Alanui Nuuanu. A penei na ano :

Na Kalakoa hou loa o kela a me keia ano. Alapia o ke-

la a me keia ano. Kihei huluhulu papamu alokahi o na

wai hooluu like ole he lehulehu. Kihei huluhulu puka-

puka, me ka huhui mahope o na ano he nui wale. Kihei

huluhulu nanahe a me na kihei huluhulu he huihui ke

kae a puni, e hoohiolo na wainaoa i ke kehau. Papale

wahine pinana o ka aoao, a luhe hoi kekahi ilalo o kela a

me keia ano. Na hulu a me na pae papale he nui wale.

Leta 4 Silika loloa o na Lede o na ano like ole. Mamalu

Silika liilii a me ke nui. Kamaa wahine nihoniho o ka

aoao. Iliwai huluhulu manoanoa o na ano he nui wale.

Holoku Lilina keokeo, kakau a papamu he nui wale.

Na Lole Kane.

Kuka Kainahai manoanoa a lahilahi. Na Koheo hulu-

hulu paina manoanoa a lahilahi, a me na koheo Lilina.

Lole wawae huluhulu paikini hou a me na ano e ae he le-

hulehu. Na apa huluhulu paina a kakimea hoi. Na pa-

lule o kela a me keia ano. Na Papale o na ano a pau. Na

Kamaa buki a me haahaa o na ano he nui wale. Na Pa-

hulole koa a ili hoi. NA paiki ili.

Na mea kamano, e lawa ai ka makemake o na ka-

mana. Aole o keia mau mea wale no na mea hou, aka, e

hiki hou mai ana no. A o ke kumukuai o keia mau mea

i haiia ae la maluna, he haahaa loa no. A i mea e ike io

ai, e hele mai no. Me ka mahalo. GOO KIMA.

Honolulu, Mar 13, 1876 746 6m 799

MA KA AHA Kiekie o ko Hawaii Pae Aina, Oahu SS,

Kau o Aperila 1876, he hoopii oki mare, KALEO w

kue ia KAAIHAPU k, Poakolu, Aperila 12, 1876

Ma ka hoopii Oki Mare maluna ae, ke kauohaia nei, e

hookomoia ka huaolelo oki mare ma ka aoao o Kaleo w,

no ke kumu, ua moekolohe o Kaaihapu (k) i oleloia, a e

lilo keia i mea poa, mahope iho o ka pau ana o na malama

eono, mai ka la aku o keia kauoha ana, ma na kumu mao-

popo i waihoia mai, ke ole he kumu e ae kekahi e hooleia

ai ua mau mea la.

A ua kauohaia ka mea nana ka hoopii, e hoolaha ae i

kekahi kope e hoolahaia e keia olelo kauoha ma na nupepa

Hawaiian Gazette a me ke Kuokoa, no na hebedoma eo-

no, a o ka hoolaha mua ana, maloko o ka malama hooka-

hi, mai ka la aku o keia kauoha ana, a o na mea a pau ke

pili, maloko o na malama eono e hoike mai ai lakou i ke-

kahi kumu e lilo ole ai kela olelo hooholo i mea paa.

NA KA AHA.

(L. S.) Walter R. Seal,

Kakauolelo o ka Aha Kiekie.

Ma keia, ke hooia aku nei au, o keia ae la ke kope polo-

lei a me ka oiaio o ka olelo kauoha no ka hihia maluna ae,

i waihoia mai i ke Keena o ke Kakauolelo o ka Aha Kiekie

o ko Hawaii Pae Aina,

I hoike no keia, ke kau nei au i ko'u inoa i keia la 17 o

Aperila, M. H. 1876, ma Honolulu, Oahu, H. I.

WALTER R. SEAL,

751 3ts 756 Kakauolelo o ka Aha Kiekie,

Papa ! Papa !

— NO —

ALLEN A ME ROBINSON.

Ua wehe ae nei maua i

PA KUAI PAPA !

— MA KA —

UWAPO O PAKAKA.

Na Papa Ulaula o na ano a pau. Na Papa Paina o na ano a pau.

Na Pili Hale Ulaula.

Na Pili Hale Keokeo. Na Pepa Hoonani Hale. Na Pepa Molina.

Na Pena a me na Aila Pena !

NA KUI O NA ANO A PAU ! Na Pani Puka a me Na Pani Puka Aniani.

Na Pani Puka a me

Na Olepelepe.

Na lako kukulu Hale.

— O NA ANO A PAU —

E kuaiia ma ke Kumukuai Haahaa Loa !

o keia Makeke. ALLEN & ROBINSON.

Honolulu, Aper 13, 1876. 750 ly

OLELO HOOLAHA.

HALE * KUAI

WAIHUIHUI

— MA —

WAIALUA.

AIA MALALO IHO O NA EHEU

oluolu o ka

HALE KUAI WAIHUIHUI,

o ke keiki puuwai wai-pahe,

Mr. Ahuna,

o ka Aina PUA, na wehi a pau a ka manao

e moeuhane mau ai, oia hoi

Na Kalakoa nani,

Na Ulalii. Na Alapia,

Na Keokeo, Na Iliwai

Na Paina, Na Bolu, Na Makue,

Na Ahinahina Pelekane,

Na Ahinahina-hapa,

Na lepo-nalo, NA Lainakini

anee hale a hele kahakai.

Na lole kane paa o kela a me keia ano,

Na Papale kane a me na Papale wahine,

Na Wai Lukini o kela a me keia ano,

Na Kamaa kane, Kamaa wahine,

Na Ipukukui mahu,

NA Ipukukui hele po,

Na Ipukukui Piula,

Na Ipuhao nui, Ipuhao liilii,

Na Bora a me na Pa,

Na Pahi me na O.

Na Hainaka Silika,

Na Hainaka Kalakoa,

Na Hainaka Keokeo,

Na Hainaka Ulaula,

Na Hainaka Lenalena,

Na Kihei Huluhulu,

Na Kihei moe,

Na malo lawaia,

Na Aniani,

Na Kahi Lauoho.

NA Kaula Lio,

Na Lipine o kela a me keia ano,

Na mea ai haole,

Na i-a Makale

Eia iho ka Ono,

O ke Kamano io ula o Keomolewa, aohe

poo, aohe hiu, o waena konu kuhi-

nia wale no e ko'u ai ka puu.

Me ka Mahalo.

AHUNA.

Ehukai Maikai. Mar 1, 1876. 745 3m 756

Lole Makepono ke Kuike !

E LOAA NO IA MA KAHI O

KAKELA ME KUKE,

— E LAA NA —

AHINAHINA,

KALAKOA,

KEOKEO,

LEPONALO,

Pena, Aila, Aniani,

Na Mea Piula,

Kopa, Aila Honua.

Aila Hoomaloo,

Kui Kakia, Pakeke,

Tabu, Kaula, Noho lio,

Hulu-palaki, na Pulumi.

A he Agena no hoi no na Mokupuni o Ha-

waii nei no na

LAINAKINI-NAO,

LAINAKINI-MAOLI,

PALULE KALAKOA,

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipine, lihilihi, a me ia mea'ku

— A HE —

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &c

— A HE —

LAAU LAPAAU KAULANA LOA

A Dr. JAYNES.

Laau Kunu,

Laau Hoomaemae Koko,

Laau hoopau naio,

Penikila, Huaale,

A me na Laau Hamo, a pela'ku.

707 ly 759