Ka Nupepa Kuokoa, Volume XV, Number 19, 6 Mei 1876 — Page 4

KA NUPEPA KUOKOA, ME KE AU OKOA I HUIIA.

NO SHADE LIKE THIS.

Crown of Life p 12.

Ua hele au a wela no,

A holo io Iesu ; Malalo ona noho au, A malu pono no. Cho — Aohe malu e

I like me ia nei.

Malalo ona e noho au,

A malu pono no.

2 Mailoko ona puai mau

He punawai maemae ; Ma kona kapa noho au,

A inu a ana'e. Cho — Aohe punawai I like me ia nei ; Ma kona kapa e noho au, A inu a ana'e.

3 He wahi maha ko Iesu

Ke luhi a luuluu, Malalo ona noho au, A maha pono no, Cho.— Aohe maha e

I like me ia nei, Malalo ona e noho au,

A maha pono no.

Hawaii

HAAWINA KULA SABATI.

HELU 8. SABATI. MEI, 21

KUMUHANA — Ka launa Karistiano.

PAUKU BAIBALA — Oihana 4 : 23 —37

23 A kuuia mai la laua, hele mai la laua i ko laua poe, hai mai la i na mea a pau a ka poe kahuna nui a me ka poe kahiko i olelo mai ai ia laua.

24 A lohe mai la lakou, hookiekie lokahi ae la ko lakou leo i ke Akua, i aku la, E ka Haku, o oe no ke Akua nana i hana ka lani, a me ka honua, a me ke kai, a me na mea a pau oloko.

25 Ua olelo mai no oe ma ka waha o Davida, o kau kauwa, No ke aha la e kupikipikio ai ko na aina e, a me na kanaka hoi i noonoo ai i na mea lapuwale ?

26 Ku ae la iluna na alii o ka honua, a hoakoakoa no hoi na luna e ku e aku i ka Haku, a i kona Mesia.

27 No ka mea, he oiaio no, ua akoakoa mai nei ma keia kulanakauhale, o Herode a me Poneto Pilato, me ko na aina e, a me na kanaka o ka Iseraela, me ke ku-e i kau Keiki hoano ia Iesu i ka mea au i poni ai ;

28 E hana hoi i na mea a kou lima a me kou naau i manao mua ai e hanaia mai.

29 Ano hoi, e ka Haku, e nana mai oe i ka lakou olelo hooweliweli ; a e haawi mai i kau mau kauwa nei e hai aku i kau olelo me ka wiwo ole ;

30 I ka hohola ana mai i kou lima, e hoola mai, a i hanaia hoi na hoailona a me na mea kupanaha, ma ka inoa o kau Keiki hemolele o Iesu.

31 A pau ka lakou pule ana, naueue ae la kahi a lakou i akoakoa ai ; a ua piha iho la lakou i ka Uhane Hemolele, a hai aku la lakou i ka olelo a ke Akua me ka wiwo ole.

32 A o ka poe o lakou i manaoio aku, hookahi o lakou naau, hookahi hoi manao ; aole hoi i olelo kekahi, nona wale no kekahi waiwai ana i malama'i ; no ka mea, hui pu ia ko lakou mea a pau.

33 Me ka mana nui i hoike mai ai na lunaolelo i ke alahou ana o ka Haku o Iesu ; a loaa iho la ia lakou a pau ka hoomaikai nui.

34 Aole hoi i nele kekahi o lakou ; no ka mea, o ka poe mea aina, a me ka poe mea hale, kuai lilo aku la lakou, a lawe mai la lakou i ko kala o na mea a lakou i kuai ai.

35 A waiho iho la ma na wawae o ka poe lunaolelo ; a haawi aku la lakou i kela kanaka i keia kanaka e like me kona hemahema.

30 A o Iese o ka mea i kapaia e na luna olelo, o Barenaba, (oia hoi ke ano ma ka hoohalike ana, o ke keiki a ka hooluolu,) he mamo na Levi, no ka aina i Kupero ;

37 He aina no kona, a kuai lilo aku la ia, a lawe mai la i ke kala a waiho iho la ma ka wawae o ka poe lunaolelo.

Pauku hoopaanaau, p 33.

Mele.— Mem. 355. 8 — 6 Leo.

1 Aloha, e na Hoahanau

Iloko o Iesu ; Hauoli ko kakou naau,

A launa pono po.

2

No Iesu kela halawai, No Iesu na naau ; Mahalo i ke Alakai,

He ahonui mau.

Pule i loaa ka manao like, ka launa pu ana, ke kuikahi, &c.

NA NINAU A NA KUMU.

P 23. I ka hookuuia'na o Petero ma, hele laua i owai la ? i kekahi poe haumana e noho kokoke mai ana. A hai aku la i ke aha ? i ka pilikia aha ?

P 24 — 30. Ka pule ana a na haumana.

1 Pehea ka hoomaka ana ? Heaha ka ke Akua i hana'i ?

2 Hoopuka i kekahi mau olelo ma Halelu 2 : 1, a ma ke ko ana. Ua'ha na 'lii, ko

na aina e, me ka poe Iseraela ia Iesu ka Mesia ? Owai na 'lii ? Ua kaua anei lakou e like me ko lakou manao wale iho no ? Ua ike e anei ke Akua, e haoa ana lakou pela ? Aole anei i hiki i ke Akua ke pale aku i ka lakou hana ino ana ia Iesu ? Hiki no, aka, e hoolilo ana oia ia hana i mea e ola'i kanaka.

3 Ka pule no lakou iho. E nana ke Akua i na olelo hooweliweli, a e haawi mai i ke aha ? p 29 me ke aha hoi i kona mau lima ? p 30.

P 31 A pau ka pule, pehea kahi i akoakoa'i ; a piha lakou i ke aha ? A hai i ka olelo a ke Akua me ke aha ?

P 32 Heaha kekahi hana aloha e na haumana ? Noho like kuikahi, oluolu, kokua aku, kokua mai.

P 33. Heaha ka na lunaolelo i hoike ai ? me ke aha hoi ? a loaa mai ke aha ?

P 34 — 37. Aohe nele kekahi i ka mea e pono ai, no ke aha ? Pehea ke ano o keia kuai ana, keia noho ana ? Kuai anei ka poe mea aina, mea hale i ko lakou mau aina a hale a pau loa ? Pela paha kekahi, kuai hapa kekahi aia no i ka manao o ka poe e kuai aku ana. Mok. 5 : 4. Mahea ka lawe ana a waiho i ke dala i loaa mai ? Pehea hoi ka haawi ana ? Owai ka inoa o kekahi haumana i kuai i kona aina, a waiho i ke dala ma ka wawae o na lunaolelo ? Heaha ke ano o kona inoa hou ? Nohea oia ? Mahea Kupero ? He mamo oia nawai ? He haumana oia i ka wa ia Iesu, a oia kekahi o ia poe 70 Luk. 10 : 1. Pela ka manao ana o kekahi poe. A lilo oia i aha mahope ? i hoa hele no Paulo.

Mele. " Ala Ala" Hae Hoonani p. 11. 1

Ala, ala, ala kamalii,

Pau ka wa e mee ai, ala awiwi,

Pale, pale i ka molowa,

Ala me ka naue ae, naue a mama. Cho.— Paio, paio, mai makau oukou, Paio, paio, naue oli pu, Paio, paio no ka naauao, Paio, paio no ke ola mau. 4

Ala, ala, la hoano nei,

La hoomaha, hoom'ikai no na kam'lii

Kula, kula, kula a pau ae,

Hele i ka halawai, hele pono nae. Cho.— Paio, paio, mai makau oukou, &c.

NA NINAU A KE KAHU. Na makua. Hai mai i ka pauku hoopaanaau. Paa ole ka ; paa nae ia wai ? Heaha ka hana mua mahope iho o ko Petero ma hookuuia ? A loaa ka pilikia, a hoopakeleia heaha ka hope ? E hele a launa pu me na hoahanau, a pule pu, a hoomaikai pu aku i ke Akua, a noi aku ia ia e hoopau i ke kue o na enemi, a e haawi mai i ka wiwo ole i ka hai ana'ku o ko Iesu olelo.

Na keiki. Heaha ka Iesu kauoha nui no ke aloha ; Aloha oukou kekahi i kekahi. E noho like, e hookauwa kekahi na kekahi, e kokua, e hoolako ka poe hemahema. Heaha ka mea kupanaha i ka pau ana o ka pule o na haumana ? Ua piha anei oukou i ka Uhane Hemolele ? Pehea e hana'i i hoopihaia ?

Ke Kula a pau. Heaha ke ano maikai o na haipule mua ? Ka noho lokahi. Ke kuai ana o ka poe waiwai i ko lakou waiwai a huiia ke dala i hookahi puu, a no loko oia puu i pau ai ka hemahema o kela a o keia. Maikai loa ea, A hea loaa hou mai ia maikai ? Aia paha ma ka milenio. Aka, ua loaa hapa ma keia wa ma ke kokua mahinahou, a ma na kokua e ae. Aia a hiki mana mai ka Uhane, alaila mahuahua.

Mele. Him. 357 : 6 — 8. Leo.

3 He poe hoahanau,

He poe aloha no, E hui ko kakou naau,

A kuikahi pu.

4 Ka Uhane o Iesu ;

E launa me makou, E hoa mai i a a mau Ke aloha hoahanau.

Pule i hiki nui mai ka Uhane, e hoala, e hoolauna, e hookuikahi &c.

HAAWINA KULA SABATI NO MEI 23. Oihana 6 : l — 11. HAWAII.

NA PALAPALA I KE KUOKOA. No ka waiwai paa o ka mea i make.

E KA LUNAHOOPONOPONO ; Aloha oe :—

E ae mai i kou ahonui, e hookomo ae ia i keia kukulu manao ana ma ka pahuume o ko kakou Kilohana. Aia ma ka " Lahui Hawaii," Helu 14 o keia makahiki, aoao 3, kolamu 3, nona ke poo maluna ae i kaunakoma ia, " No ka waiwai paa o ka mea i make."

O keia ke poo o ke kukulu manao ana o L M. Konohiki, Lunamakainana o Hilo, i hooakakaia malalo nei penei : " E ka Lahui Hawaii ; Aloha oe :— E lawe aku oe i kela kumumanao e kau ae la maluna, imua o na keiki na kaikamahine, &c.

" Owau kekahi lunamakaainana i keia kau Ahaolelo ae, a kau anu au i kanawai e pili ana i na kuleana o ka poe i make aku nei, e pili hou ko lakoa mau kuleana alodio ne na konohiki nona ia ahupuaa a ili kupono &c.

E ka mea kaulana, o keia ae la ke kukulu manao ana o L M Konohiki, ka lunamakaainana a'u i ike ole ai ma ke Kuokoa no ka apana o Hilo. He lunamakaainana

io paha oia nei, aka, ua pee nae ma ka inoa kapakapa, ke awakea o ka naauao ma Hilo, ka oi o na lunamakaainana e komo aku ana iloko o ke Kau Ahaolelo o keia makahiki, ke pookela o na lunamakaainana, mai ka ahaolelo mua i Luaehu, Lahaina Maui, a i keia kau ahaolelo hoi.

E L. M. Konohiki, ua ike wau i kou kukulu manao ana, ua manao paha oe, o oe ke awakea o ka ike kanawai iloko o ka pae aina nei.

He mea ano nui kau e hooakaka nei, he enemi hoi no ka poe e nana aku nei ia oe.

Oiai, ua ui aku kau olelo mamua o ka mea kupono ke hilinai maluna o ke kaulike me ka hoopono.

He pakaha ana keia i ka aina kuleana alodio, o ke keiki makua ole &c — Mahope iho o ka hala ana o na la he kanakolu, wahi a kau hooakaka ana.

Aole anei oe i ike a lohe hoi, o ka haawi ana a Kamehame III, i na kuleana aina ma ke ano alokio i na makaainana o kona aupuni mai Hawaii a Kauai, he haawi maua ana ia ? Ua ike oe i keia a me ka lahui Hawaii Hooloakoa.

Aka hoi, no kou ake aina ua manao oe e kaili aku i keia pono wai kekahi aku o kou mau hoa makaainana, ka hou hoi o ka lae o na kupuna, ma o ka lokomaikai o Kamehameha III.

No kou lilo ana anei i lunamakaainana, oia ke kumu ou i hapai ai i keia manao pakaha, i hookahua ia maluna o ka puuwai i manao ole i kona mau hoa makaainana ? E kauoha no wau ia oe e nana aku ma ka Mokuna XXXII o na Kanawai Kivila, ina he buke kanawai kau, a i ole e hele aku e imi i kou hoa, mai ka pauku 1447 — 1462, e ike oe i ka manao o ke kanawai i hanaia me ka maikai e ka poe i manaoia o lakou ke awakea ma keia mea o ke kau kanewai ana, aole o oe o ke ahiahi poeleele. E ike pu no hoi oe i ka manao o ka pauku 1451 i hoololiia ; a i heluheluia penei : " Pauku 1451. Ina aole hanauna o ka mea make kauoha ole, alaila, e lilo kona waiwai a pau i ka mea nona ka iliaina, a Ahupuaa paha."

Ina paha o A. ka mea i make me ke kauoha ole, a he mau keiki ponoi kana o B a me C, aia i ka aina hana lepo manu, make aku la nae o A mahope nei, ko laua makuakane, he elima malama mahope iho, hoi mai la o B a me C mai ka aina hana lepo manu mai. Eia ka ninau. He kuleana io anei ko laua i koe i ka aina o ko laua makuakane, e like me kau e hooakaka nei iloko o ua la he kanakolu e noi ai a hala ia manawa, aohe kuleana ? Ke manao nei au aohe kupono iki o keia mau hooakaka ana au ke ike pono iho oe i keia mau hooakaka ana a'u ia oe. He lunamakaainana Konohiki io paha oe, ka mea e manao ana e hana i kanawai e pakaha aku ai i ka aina o na keiki makua ole a me na wahine kane make. Heaha ka hewa i na lakou e manao i ekolu malama mahope iho, a eono paha, alaila noi aku i na lunakanawai hooponopono waiwai hooilina e hooponopoia ka waiwai o ka mea i make kauoha ole.

O na pahu kani e like me oe e ae no lakou i kau, a o ka poe oiaio i awakea ka naauao, aole e ae ana i kau.

O keia ka mea pono a'u e hai aku imua ou e ka lunamakaainana e manao ana e hana i kanawai pakaha i ka pono o na aina aliodio i loaa i ou hoa makaainana, mai Hawaii a Niihau. Me ka mahalo.

LOUDON KALANIPUU.

Waiehu-uka, Aperila 5, 1876.

Na Kumumanao i hooholoia e na makaainana o S. Kona.

E KA NUPEPA KUOKOA E ; Aloha oe :—

E oluolu oe e hookomo iho i ko makou mau Kumumanao, ma kahi kaawale o kou mau itamu. Ma ka Poaha la 21 o keia mahina, ua kukulu iho ka lunamakaainana Hon. K. Kamauoha i ahaaina ma kona wahi noho.

Ma ia ahaaina ua konoia na mea a pau mai ka liilii a ke nui ; e hoolohe ina manao o na keonimana. Oia hoi ka poe hiki ke wehewehe pono i ke Kuikahi Panailike, ma ia la no, ua puka mai J G Hoapili Esq. Mahope iho o ka pau ana o ka paina, ua kohoia ka lunahoomalu.

O Moses Barrett Lunahoomalu, Z P Kalokuokamaile Kakauolelo. Ma ia hope iho ua waiho mai S W Kino he mau Kumuhana, eha.

l No ke Kuikahi Panailike mawaena o Amerika a me Hawaii nei. Ua nui ka hoopaapaa ; elua wale no mea hooikaika e ae aku i ke kuikahi ; o James H Kauluhinano, a me Wiliam Kaelemakule. A ua kokua mai o J G Hoapili Esq.

A o ka hapa nui e hoole loa'ku i ke Kuikahi Panailike mawaena o Hawaii nei me Amerika Huiia. Hooholoia. Aka, noiia mai ka manao o ka lunamakaainana, e hoike aku i ka pono o ke kuikahi.

Aka, ku mai ana ka Hon K Kamauoha a kamailio mai makehewa ka noonoo ana no ke kuikahi panailike. Ua hooholo mua ia e ka Hale Ahaolelo hanohano o ka Pae-aina Hawaii, i ka A D 1874, koe wale no ka hoole mai o Amerika. Nolaila, ua huro mai na kanaka a haalele wale.

Kauoha nae na makaainana i ka L M, e hoemi oe ina kanawai dute ma ka mea au i ike ai he pono, no Amerika me Hawaii.

2 No ka aie miliona dala. E ae ia ka aie miliona dala, ma ka inoa o na Kuhina

e hoopaa'i. Aole ma ka inoa o ke aupuni Hooholo ia.

3 E ae ia ka hoopae lima hana. Na kanaka nae i like me ko Hawaii nei. E like me Iaia ; aole Pake a me Iapana. E hoemi ia na haawina.

4 E hooemiia ka uku o ka Moi $40 000. Hooholoia.

5 E hooemiia ka uku o ka Puuku $4 000 Hooholoia.

6 Na Kuhina e hooemiia $8,000 pakahi Hooholoia.

7 Lunakanawai Kiekie $8,000. Hooholoia.

8 Na Hope Lunakanawai Kiekie $6000 pakahi. Hooholoia.

9 Luna Makai Nui. E hooemiia $5 000. Hooholoia.

10 Kiaaina o Haawii nei $3000, Hooholoia.

Oia iho la na mea moowini i noonooia e na keonimana o ka Apana o S Kona nei. Na bila haawina i koe, na ka L. M. no e noonoo aku. Me ke aloha i na Kapena o ke Kuokoa. Z P KALOKUOKAMAILE,

Kakauolelo.

Napoopoo S Kona, Hawaii Apr. 21 1876.

Na mea hou o ka Apana o Hamakua-waena i Hawaii.

E KA NUPEPA KUOKOA E ; Aloha oe :—

Eia ka mea hou ma keia apana, he mai ano e, he eha ma ka puu, he oolea ka a-i, palahu mai ka ili, pau ka lauoho i ka helelei a koe ka puniu. O ka hoomaka ana mai o keia mai he anu, a me ka wela. Ua make hikiwawe kekahi poe, eia no kekahi poe ke waiho nawaliwali nei.

Eia ka ninau ? Eia la ihea na kauka haole nana e moni puupuu nei i ke dala o ke aupuni ? Hookahi wale no kauka nana e lapaau nei ka mai, oia no ka makua Rev Laiana, ma kona ano he makua, he aloha i kana mau keiki, a pela iho la i loaa ai ke ola i kekehi poe.

Na uhane hele. O kekahi keia o na hana ano e a'u i lohe ai i kekahi poe. Aia ma ka malama o Maraki iho nei, ua make o Keaweopala (k) he mau la mahope mai o kona make ana, aia hoi hele aku la kona uhane, me ka uhane o kekahi mau mea ola elua, Kaopua (k) Kapela (w) me kahi kaikamahine uuku.

Penei ka moolelo kupanaha ua hele aku la ka uhane o ka mea make mamua, a mahope aku na uhane o na mea ola elua, e like me na inoa elua i haiia maluna, a me ka uhane o kahi kaikamahine uuku.

Hiki aku la ko lakou nei mau uhane, ma ka aina i kapaia o Papaanui e noho ana kekahi wahine ike uhane o Kalua hahau aku la ka uhane o ka mea make i ka laau ia ia, e alo ae ana kela, hala. Ike mai la ua wahine nei, i ka uhane o na mea ola elua, e ku aku ana, me kahi laau i na lima, ko Kaopua, ko ka wahine uhane hoi, me kahi kaikamahine, a o-i ana ka wawae o ua kaikamahine nei, ka uhane hoi o kekahi wahine aole i ike ia ka maka, ma ka wawae kana o ka ike ana, ua kakau ia i ka uhi.

A mahope mai na ike hou ia ka uhane o keia poe, ma Kauka Kalaiwaa, na Manumanu (k) keia ike a mahope mai lohe ia, " he uhane hele" ko keia mau mea elua, o Kaopua (k) ame Kapela (w). Eia ka mea kupanaha. I ka hele ana o na uhane o na mea ola elua. Pehea ke ola ana o ko laua mau kino ? Ua loihi loa kahi i hele ai o ko laua mau uhane, ina hoi e ola ana ko laua mau kino ia manawa, alaila, 2 uhane pakahi o laua, uhane hele, uhane noho.

Ka i no hookahi no uhane o ke kanaka. Ina ua hele ka uhane o ke kanaka alaila o ka make no ia. Heaha kau hana i koe.

W. E. K.

Honokaa. Hamakua, Aper. 10 1876.

Wahine aloha i ka Ilio !!

E KA NUPEPA KUOKOA E, Aloha oe :—

Eia ma Kulaokahua nei kekahi wahine i hoolilo i ka ilio i hoa moe nona, a hoa nele ma ke kaona nei, a ina e nalowale ua ilio nei, e noke ana kela i ka huli, me ka uwe i ua ilio nei.

I kekahi mau la o ka hebedoma i hala ae nei, hele ae la ua wahine nei ma ko'u hale noho, a hahai mai la ka ilio mahope ona, a pane iho la ua wahine nei i ka olelo i ua ilio nei ana, me he kanaka la, a me he keiki la, penei :—" I haalele aku nei oe i ke kapa o ka hale i keaha i ke anu, kou holo wale mai nei ka ia," o ka lalau aku la no ia i ua ilio nei ana, hookomo mai la i ka poli, me ka hoouhi mai i kona holoku.

Ina e hele ua wahine nei i ka hana a Mr. Wood, aole oia e haalele i ka ilio, ua piha loa ia i ke aloha. Ina e nalowale ka ilio iloko o kona wa hana, e haalele koke ana oia i ka hana ma kona lima, a o ka hoi iho la no ia e huli i kana mea aloha o ka ilio,

o Napo ka inoa o ka ilio, me kona hookaawale i umeke poi no ka ilio, ipukai, a o ka moe ana, hookahi kapa.

Eia kekahi mea kupanaha i na wahine nei, ina e holo ua ilio nei ana a hoi mai hookaawili aku ia ia ua maopopo paha ia ia ua pololi ka ilio, alaila o ka hoi iho la no ia e hanai i ua ilio nei ana, me ka pu-a iho o kona waha me ka ai i ka waha o ka ilio, hanai a maona me ka ia pu.

A ninau aku la kekahi o ko'u ohana ihea ae nei e ? Pane mai la ua wahine nei, o Wailiilii ka inoa, " i hoi ae nei au e hanai ia ia nei, (ilio Nape) he ai pu-a wale no ka ianei, me kana umeke, ipukai okoa no."

Owau no me ka mahalo

S. K. KANOHOKULA.

Kulaokahua, Aper. 24, 1876.

KA HUNT'S LAAU OLA

(HUNT'S REMEDY)

HE LAAU LAPAAU HOU, MAI AMERIKA MAI !

He Laau Maikai keia no

Na mai pehu o ka opu,

Na mai o ka puupaa a me ka opu mimi,

Mimi-paa, Mimi-eha, Mimi-helelei,

Ka lepo gravel iloko o ka opu-mimi,

Ka mana ole, kapalili, hui ono ole ka ai.

Na Mai Wahine,

NAWALIWALI O KE KINO,

LEPO ULA ILOKO O KA WAI MIMI,

MANOANOA PAHA KA WAI E like me keokeo o ka huamoa,

Like paha me na kaula silika keokeo, eleele, lenalena paha ; a i ole ua like paha me

ka lepo i anaiia i na iwi keokeo, a i ka mimi ana, ua wela oioi ka

mai, me ka eha nui o ke kikala a me ka puhaka.

HE NUI NA HOIKE e ola nei, ka poe i loohia i keia mau mai i haiia maluna ae,

ua pau lakou i ke ola maikai, no ka inu ana i ka

HUNT LAAU OLA. ("HUNT REMEDY)!"

UA HAAWI mua ia keia laau, e kekahi kahuna lapaau naauao, i ke kanaka mai

pehu o ka opu, e noho ana me ka ohana a Mr. Hunt ; John Hunt kona inoa, he 45 kona

mau makahiki, he kanaka nui poepoe, ua loohia i ka mai pehu. Ua haawiia kela me

keia laau no keia mai, aole nae oluolu ; ua mahuahua mau kona pilikia, ua pau loa ke

kino a me na wawae i ka pehu ; ua kokoke paa loa ka mimi ; kokoke pau loa ka hanu

ana ; a ua mahuahua loa ka wai iloko o ke kino. Aole hiki iaia ke moe ilalo ma ka

moe, nolaila, ua noho wale no iluna i ka po a me ke ao. Pela mau kona popilikia a hi-

ki i kona hoao ana i keia laau, a ke kahuna i kuhikuhi mai ai. A i kona inu ana i ke-

ia laau, ua hoomaka koke ka oluolu. Ua paipai koke ia ka puupaa i ka laua oihana ;

ua puka hou ka wai mimi a nui wale ; ua emi koke mai la ka pehu o na waewae ; a ua

oluolu hou ke ake-mama i ka hanu ana ; ua oluolu a maikai ka io o na lala, a e hoi nui

mai ana ke ola maikai, alaila, me ke kuhihewa, ua waiho oia i ka laau i kekahi mau

la. Ua pono ole nae ka waiho ana ia manawa, no ka mea, aole i ola io maoli kona mai

pehu. Ua molowa hou na puupaa i ka laua oihana, a ua mahuahua hou ka wai iloko o

ka opu, a ua popilikia hou e like me mamua. Alaila, ua inu hou oia i ua laau la, a ma

ka hoomanawanui ana, ua lanakila hou auanei maluna o ka mai, a ua ola io maoli, a

ua hoomaka hou oia i kana oihana mawaho o ka hale.

Oia ka lapaau mua ana me keia laau ; a mai ia wa mai, (he 25 makahiki) ua ha-

hanaia keia laau e like me ka hana ana o Mr. Hunt, a ua haawi na kahuna lapaau i ke-

ia laau i ka poe mai pehu a me na mai like.

Mai ia manawa mai, ua ikeia, e mahaloia hoi keia laau, mai o a o, e na kana-

ka, a ua inu ia hoi ma ke ao ana a me ke ao ole ana mai o na kahuna lapaau ; oia ka

mea i hoola mai i na kanaka he nui, ka poe pilikia i ka mai pehu, a kokoke i ka make.

Na kuhikuhi no ka inu ana :

E INU I KE PUNA TI PIHA, a hala na hora 4, alaila, e inu hou. E mahuahua

liilii nae a hiki i elua puna ti piha — a hiki hoi auanei i puna nui piha.

NO KE KEIKI hookahi makahiki a hiki i na makahiki eono, e haawi 5 kulu, a hi-

ki i na kulu 20 ; eha hora nae mawaena o ka haawi ana.

KUMUKUAI, he - - $1.50 no ka omole.

DILLINGHAM & CO.,

735 3m 748 Na Agena no ka Pae Aina Hawaii.

OLELO HOOLAHA.

J. PORTER GREEN,

" KEIKI O KAUAUKIUKIU."

LOIO !

E HELE MAI NA MAKAMAKA A PAU IO'U

nei, a na'u no e kokua ia oukou imua o ka Aha Hoo-

malu a me ka Aha Kiekie, me ka uku haahaa makepono

loa. Aia kuu Keena ma kahi o ka Lunakanawai

Hoomalu o Honolulu nei, oia ka " Aiko," ma Alanui Kale-

pa. 741 ly 792

C. H. DICKEY (Kalekika).

LOIO !

MA HAIKU, MAUI.

UA MAKAUKAU E HANA PALAPALA

Kuai, Palapala Moraki a me na mea a pau e pili ana

ma ka Oihana Loio. 743 1y 794

WING SING & Co. Puhi Palaoa,

E waiho mau ana palaoa a me na berena palupalu. Ki-

hi o na huina alanui NUUANU A ME BERITANIA. 703 1y 755

KE HOIKEIA aku nei i na kanaka a pau, aole

lakou e komohewa ma ka Aina o ke Kula, ma Wa-

hiawa, Waialua, Oahu, ma ke kua ana i na laau, a

pepehi hoi i na Bipi hihiu, a alualu i na holoholona ma ua

aina la ; aole hoi lakou e hookuu wale i na bipi a me na

holoholona e ae maluna o ua aina la. W C JONES,

Honolulu, Novem. 29, 1875 731 tf

NO KA MEA, ua koho mai ka Aha Kiekie ia'u i

Kahu Malama Waiwai no HOOMOEAPULE w, i pu-

pule, nolaila, ke papa nei au i na mea a pau loa, aole e

hoolimalima aina me ia a me kana keiki me Hanaumai-

kai k. Aole pono e hookaa aku ia laua ka uku hoolima-

lima, aka, e lawe koke mai ia'u.

J. PORTER GREEN,

Luna Malama Waiwai no Mele Hoomoeapule.

Honolulu, Dek 22, 1875. 734 6m

NA MEA NANI E HIEHIE AI

NAUWE MAI * NAUWE MAI

MAHEA LA E LOAA AI NA PAPALE WAHINE AU-

lii kolomanu ano hou loa, a me na pua nani e kinikohu ai

e kau ai ka iwa, he la makani e hao ai na polena o Haupu,

kapakahi manuia o Keokoi ka moku, ma kahi o

L. ASEU,

Aia pu no malaila na HAINAKA SILIKA liilii LEI AI

kae weluwelu, a me na LIPINE SILIKA puapua weluwe-

lu, e kuwelu ai i ka makani.

NA KALAKOA ANO HOU LOA i like oleia mamua, Na

KAEI SILIKA Nani,

NA MAKALENA KALAKOA me ka PUAKEA, na ALA-

PIA HULUHULU o na ano a pau, na KIHEI UHI hou a

kohu ai ka lino ana, na mea ala waianuhea, e ku ai ka

hoomau, a me na aila lukini e puia ai ka lauoho i ke ala.

Na lilina ume naau o kela ano keia ano, na kamaa wahine

o na ano a pau. Na lole kane o kela a me keia ano, na

palule kalakoa a me ke keokeo, i humuia me ka mikioi

loa. He makepono loa no hoi ke kuai i na mea i hoikeia

ae nei maluna ke kuike. I mea e pau ai ke kuhihewa, e

naue mai no e na makamaka ma kuu Hale kuai HIKIKII-

KAUOENA. L. ASEU.

Kihi ma Ewa o Alanui Nuuanu mauka o Alanui Moi.

Honolulu, Aug. 27, 1875, 717 lyr 768

E. STREHZ, (AILUENE,)

HAAWI A KUAI

LAAU LAPAAU.

AIA.MA MONIKAHAAE, KIHI O NA HUINA

o na Alanui Papu a me Hotele. Aia malaila na Wa

Ala a me na Wai Rukini maikai loa e loaa ai.

E hamama mau ana i na ahiahi Poaono a pau.

741 1y 792

E naue mai ! E naue mai !!

KE POLOAI IA AKU NEI OUKOU E NA

keiki lalawai o na pali hauliuli, a me na kaikamahine

puukani nohenohea o na pali Koolau, e naue mai ma ko

makou mau Hale Kuai ma

KAALAEA a me KANEOHE,

malaila e loaa'i oukou na nuhou o na ano a pau.

Na Lole Kane, Wahine a me na kamalii,

Na Kamaa Na Hou.

Na ano Papale

a me na mea liilii o kela ano keia ano he nui wale.

E loaa no ia oukou ke kumukuai makepono loa. E naue

mai ! E naue mai !! E hoao i pau ko oukou kuhihewa.

AKANA & KONGER & Co.

Koolaupoko. Maraki 23, 1876. 747 6m* 771

ANOAI I KA LEHULEHU,

E kipa mai a e nana

i kumaka ka ike i na waiwai na-

ni i loaa mai nei iloko o na

La Kulaia iho nei.

Penei ke ano o ua mau waiwai la :

Na wati a me na kaula gula,

a na Ledee a me na Keonimana !

NA KAULA OPELE A NA LEDE

NA KOMO GULA NANI O KELA A ME KEIA

ano o na Lede a me na Keonimana !

NA KUPEE GULA,

NA LIPINE GULA,

Na gula pepeiao o na wahine !

e oaka ai i na pepeiao, a e hulali ai

hoi na manamana lima, a e

kilipohe ai hoi na ai.

Na komo humuhumu gula a me ke kala

Na pihi pulima gula wahine a kane,

Na laketa gula lei wahine nani,

Na komo daimana o na Lede.

Na kaula laketa,

Na pine omau kihei,

Na laketa aniani,

Na huka gula wahine.

NA LAKO HALE.

NA PUNA,

NA PAHI,

NA KIAHA, KALA,

NA APO KALA,

NA KAWELE holoi lima,

NA O DALA o kela a me keia ano,

a me na mea nani e ae no he nui wale.

E kuaiia aku ana no

ma ke kumukuai haahaa loa i ko

na wahi e ae o ke taona nei.

UA MAKAUKAU NO HOI NA

mea nani no kanaka makua

a me na kamalii.

Na Kamaa Paa Loa,

e loaa no maanei e like me ka

makemake ; a ina e loaa

koke ka ino, he hiki

no ke hoihoi mai.

M. McINERNY.

Kihi o Alanui Papu a me Kalepa. 737 3m 749