Ka Nupepa Kuokoa, Volume XV, Number 11, 11 March 1876 — Page 4
KA NUPEPA KUOKOA, ME KE AU OKOA I HUIIA.
HE HIMENI .
COM ING BY AND BY.
B a gbert & Bert. p 6.
1 He wa maikaikai a nani,
Mam uli hiki mai,
Alaila no e hee ka po,
A pau n a ino e ;
A lohe no ka Haku
I na hoopii uwe,
A hoopai no maanei, mao,
A pono auanei,
2 E pau no na kaena,
Na kumu hoolalau ;
Ao kamalii me na pokii,
E ao a naauao.
E pau ka ilihune,
Na hemahema e ;
Pau na k ue, na paio nei,
A malu auanei.
3 E wiki mai ia wa la,
Ke kali pule no,
A poha mai ka lama lai,
A holo ae ka po ;
A kau ka nani lani
Ma na aina, ma na kai,
A kani ae ka hoomaikai
A mau loa auanei.
Hawaii .
HAAWINA KULA SABATI.
HELU 13. SABATI, MARAKI 26.
KUMU HANA — Ka hoi hou i hope.
PAUKU BAIBALA — I Sam. 15 : 10, a hiki. II Sam. 18 : 33.
Mele. " Hold the Fort." Lei Alii 15.
1 E u na hoa, e nana'ku,
Welo mai ka hae,
Eia ae na hou hou la,
Mau ke aho e.
Cho.—" Paa ka Papu ; eia au la ;"
Paipai mai Iesu ;
Pane, " Ae ke kokua ae,
Paa ia ia makou."
4 Wela e ka hoouka a na,
Ei a nae ke koo,
Iesu me na koa ona,
Lanakila no.
Cho.— Paa ka Papu, &c.
Pule hoomaikai no ka loaa ona o keia hapaha mua o ka mak. me ona mau kula Sabati, me ona mau pono a pau.
NA NINAU A KE KAHU.
E ku ke kula a p au, a heluhelu lkie. Halelu 113. Noho ilalo.
Na makua. Nawai i noi i alii no lakou ? Noi ia wai ? Ua loaa anei ? Owai ? Heaha kona ano i ka hoomaka ano ? Ua mau anei kona alii maikai ana ? Heaha kona hewa mua ? Loaa ia wai ? Kane, wahine, keiki, kumu. Heaha ka lua o kona hewa, a haalele ke Akua ia ia ? Hai maopopo mai me kona hoomalimali ana ia Samuela. I Sam. 15.
Na keiki. Hai paanaau mai I Sam. 15 :22, 25, me ka pauku 29. Paa pono ia wai ? Hooikaika i paa. Hookuli Saula ea, a haalele i ka olelo a Iehova. A, nolaila u'aha ko Akua ia ia ? Ina hookuli oukou, a haalele ia Iehova, me kana olelo, aole anei kela e haalele ia oukou ? Ina haalele kela ia oukou heaha ka hope poino ? Owai ke keiki maikai a ke Akua i koho ai i pani no Saula ? Owai kona makuakane ? Kona mahi mahea ? Ehia ana mau keiki ? Davida anei ka mua ? Lilo ka ka hope imua. No keaha ? Pehea Iesu ma Mataio 20 : 16 Pehea la oukou e lilo ai i poe mua, i poe oi aku i na makua ? No Betelehema Davida. Owai kana mamo kaulana i hanau ia malaila ?
Na kum u. Hai mai i kekahi mau mea pili i ko Samuela poni ana ia Davida, kona hele, ahaaina, hoole i na keiki mua kena ana e kii i ka pokii ke kahuhipa, &c. Hai paanaau. I Sam. 16 : 9, Paa ia wai ?
Mele. " We can Tell" Lei Alii 31.
1 Hiki no ia makou nei
Ke hai ae a pololei,
Hoomanao a mala ma'e
I ka la hoano nei.
Cho.— La maikai, mele ae,
Mele oli ia Iesu la,
La maikai, kani ae
Koonei bele halawai.
5 Pono no ke mihi e
Ma k a la hoano nei,
Mihi, huli, pule ae,
Mele m e ka hoomaikai
Cho. — La maikai, mele ae, &c.
Na Makua. Hai mai i na mea e pili ana ia Golia me Davida, ka akoakoa ana o na Pilisetia, me ka poe Iseraela e kaua, ua olelo haanou a hooweliweli a Golia, ko Davida lohe, a pane, a hele a pepehi iaia.
Na keiki. Hai paanaau I Sam. 17 : 45 — 47. Imi i paapono. Me keaha Davida i pepehi ai ia Golia ka mea nunui ? Ua ike anei oukou i ka maa Hawaii ? Heaha kekahi mau holoholona a Davida i pepehi ai mamua ? Loaa keia ninau ia wai ? Nohea kona ikaika ? Owai kekahi kanaka ikaika mamua aku ? mahea kona ikaika ? Owai ko oukou enemi nui ? Hai paanaau mai I Pet. 5 : 8.
Na kum u. Hai mai i ko Davida hookiekie ia'na, e Saula, ke mele ana a na wahine, ka huhu o Saula a imi e pepehi ia Davida. I Sam 18 : 1 — 16. Heaha ke kumu o keia huhu ? Hai paanaau Solomona 27 : 4
Na mak ua. Hai mai i kekahi mau pilikia o Davida, ko Saula hoomaau ana, a imi a kauoha e pepehi ia oia, me kona pakele ana. I Sam. 18 : 17, 21, 25. 27 — 29. 19 : 1. 10, 11 — 24. Owai ko Davida hoaaloha, a mea uwao nona imua o Saula ? 19 : 2 — 4.
Na keiki. H ai mai i kekahi mau mea maikai no Davida laua me Ionatana, ko laua aloha a hoohiki, kuikahi. Hoopaanaau 20 : 16, 17. Maikai laua, oluolu kokua aku, kokua mai. Pela anei ko oukou noho pu ana, aloha, oluolu, kuikahi, kokua iloko o na pilikia, o na wa mai, ilihune ?
Na kumu. Na hoailona i maopopo ai ko S aula manao e hoola, e pepehi ia Davida i kuka e ia mamua e Ionatana me Davida e hai pokole mai. I Sam. 20 : 18 — 22. Ko anei ? Pehea laua mahope ? p 42.
Mele." Sounding the Watch" Cry, Lei'lii 10
1 Hookani kaua , naue po,
Kau i na bana no Iesu,
Na hoa koa, ku, ku, ku,
E naue oli ae, a mele pu.
Cho.— E kani kani kaua, naue oli no,
Kani kani kaua, a e kaua pu,
Kani kaua mau la, kaua ikaika e,
I loaa ka lei.
2 Paipai a naue pu,
Hoonani aku ia Iesu,
Hauoli ae ke ao a pau,
Hosana ia Iesu i ke Lii mau,
Cho.— E kanikani kaua, &c.
Na makua. Na alualu elua o Saula ia Davida, a loaa, a hoopakele ia Saula — hai pokole mai, I Sam. 24 : 1 — 22. 26 : 1 - 25. Komo pu laua iloko o ke ana hookahi me ko Saula ike ole aia Davida maloko. Hiamoe loa Saula, a hiki ia Davida ke pepehi, heaha kana i hana'i ? Heaha hoi ka Saula i hana'i ? I ka loaa ana elua, heaha ka Davida i hana'i i hoailona &c ? Huhu anei Davida ia Saula ? Hewa anei Davida?
Na keiki. Hewa ole D avida, imi nae Saula e pepehi. No ke aha ? Hewa ole Iesu, imi nae na Iudaio e pepehi ia ia, no ke aha ? Hai paanaau. I Petero 2 : 21 — 24. Pakele Davida i ka make, nawai i hoopakele ? Nawai oukou e malama a hoopakele i ka make ? Pehea hoi o Saula ke lii ka mea imi e pepehi hala ole ia Davida, pakele anei oia i ka make ? Aole, ua make. No ke aha ? No ka mea, ua haalele oia ia Iehova. He mea weliweli loa anei ka haalele ana ia Iehova ?
Na Kumu. Hai m ai i na mea e pili ana ka make o Saula, i ke kaua ana mo ko Pilisetia, kona pihoihoi, ko Iehova hoolohe ole i kana noi ana, kona imi ana i wahine kupua, ke ala hou ana o Samuela, kana mau olelo ia Saula, kona hele ana i ke kaua, ke ano o kono make ana. Mok 28 : 1 - 20 ; 31 : 1 — 6, Heaha ko Saula mau hana nui ? Pehea ? I Samuela 12 : 24, 25.
N a Makua. Make Saula, oluolu anei o Davida i kona lohe ua make Saula ? Heaha ke kanikau nona ? a me kana i hana'i i ka Ameleka nana i kokua i ka pepehi ana ia Saula ? 2 Sam 1. Loaa pono iawai ? Owai kai poni e ia i alii no ka poe Iseraela, ke make o Saula ? Lilo koke anei oia i alii ? Lilo i alii no kekahi hapa. Owai ia hapa ? Mahea hoi kona alii mua ana ? Hai mai i na mea keakea i kona alii okoa ana ? Iseboteta, Abenera a me ka pau ana o ia mau mea keakea a me kona alii ana maluna o na ohana a pau o ka Iseraela Mok 2. 3, 4, 5. Hai pokole ; hiki ole ka ; hiki nae ia wai ?
Na keiki. Make na enemi o Davida, Saula, Abenera, Iseboseta, oluolu anei oia i ke ano o ko lakou make ana ? Pono anei ke lokoino, a hana ino i na enemi, a hauoli ke make lakou ? Hoopaa naau, 1 Korineto 13 : 4 — 6. Hai paanaau mai hoi i ka Halelu 23, oia hoi kekahi Halelu a Davida i haku ai i kona wa pilikia a puka iwaho. Na Kumu. Ka hana mua a Davida mahope o na kaua mua, no ka pahu berita, ka halelewa. Hai pokole mai, 2 Sam 6 : 1 - 19. l Oihanalii 15 : l, 28 ; 16 : 1. Heaha ka Halelu i hakuia no ia manawa ? l Oihanaalii 16 : 8 — 36. Halelu 105 : 1 — 15.
Mele. Happy songs. Leigula 81.
l E huipu a hoomaikai,
Ia Iesu ke L ii e ola'i ;
Haliu mai ia a oli e
Ke mele ae na kamalii.
Cho.— Mele e — Mele e—
Mele i na mele, mele oli
— Mele e— Mele e—
Mele ia ia, mele oli ae.
3 No Iesu mai na oli nei,
Na pono me na pomaikai,
Ke ola hoi ma kela ao,
E mele ia ia, mele mau.
Cho. — Mele e— Mele e — &c., &c.
Na makua. I ko Davida manao ana e kukulu i luakini no Iehova, ua ae mai anei ke Akua ? No keaha kona hoole ? Nawai e kukulu ? Heaha ko ke Akua berita me Davida ? Ke aupuni maoli anei o Davida ka mea e mau loa ana ? Ma owai la ka mau ana ? A mahea hoi ? He aupuni aha ko Iesu ? Me keaha e kukuluia'i ? Wehewehe pono mai.
N a Keiki. He keiki kipi i kona makuakane, owai ia keiki ? No keaha kona kipi ana ? Owai kona hoa kuka, kona loio akamai ? Ahitopela. He hoa kuka oia nowai mamua ? No Davida. A lilo ka oia i ke kumakaia Owai ka haumana i kumakaia ia Iesu ka mamo a Davida ? Owai ko oukou alii nui ? Pono anei ke kipi ia Iehova, a hele mamuli o Satana ? Hai paa naau mai ia Halelu 55 : 12 — 17. Paa ia wai ? Na Kumu. Hai mai i ke ano a me ka hope o ko Abesaroma kipi ana. Heaha kekahi mau kumu o ia kipi e pili ana ia Davida ka makau ? No Davida anei kekahi hewa ? Heaha ka olelo a ke Akua i hookoia ma ia kipi ana ? Owai ko Davika hoakukakuka oiaio nana i hookahuli i ka oleloao a Ahitopela ? a me kekahi mau kokua ona ? No keaha, a ma keaha i make ai o Ahitopela ? Ma keaha hoi i make ai o Abesaloma ? Pehea o Davida, i kona lohe ana ua make kana keiki kipi ? He mau manao pili i ke kula a pau :
1. N ui ka hemahema o kekahi hapa, aohe paa pono, aole loaa na haina. Ua lako nae i na haawina. Ua loaa e no. E hooikaika ma keia hope aku e hoomaopopo i na haawina, e hoopaa i na mea nui.
2. Ua makaukau kekahi hapa, kekahi poe keiki, ua loaa na haawina, ua paanaau kekahi mau pauku, mau Halelu. Ua mahaloia — E hoomau, a e hoomahuahua i ka hoopaanaau ana.
3. E hooikaika na kumu, na kahu ma ko hoomakaukau ana, ma ke ao ana, ma ka hoopiha ana i ke kula i na haumana, me ka hoolako a na i na haawina, i na Baibala me na himeni.
4. E hoomau i ka malama ia Iehova. Mai kipi, mai hookuli, mai haale le ia Iehova, mai haalele i na Kula Sabati, i na halawai. E poino auanei ke haalele, e pomaikai mau ke malama.
Mele — " Na Koa Pono." Robina Gula 43.
1. E k u na koa pono, kahiko ia okou,
E naue i loa I erusalema hou ;
Kena no Iesu la, a nana e alakai,
A lanakila no.
Cho.— Nani, nani, haleluia,
Nani, nani, haleluia,
Nani, nani, haleluia.
E naue ae oukou.
4 . M ai noho a hoomaha, ikaika ko ka po,
E naue kaua aku, a auhee lakou,
I mehalo Iesu, a kau malana ou,
Ka lei, ka hoku ao.
Cho.— Nani, nani, haleluia, &c.
Pul e no ka hapaha e hiki mai ana.
HAAWINA KULA SABATI NO A PERILA 2 Oihana 1 ; 1 - 12 HAWAII.
HE
IWAKALUA TAUSANI LEGUE
MALALO O KE KAI !
— NA MEA —
KUPANAHA O KA MOANA !
KE ALA O KA MEA HUNA,
— A O KA MEA —
POHIHIHI O KA 1866 !
MAHELE 1. MOKUNA X.
KE KANAKA O NA KAI.
" I KO'U manao aole keia he hookuu lanakila ana ia makou. Nolaila, olelo hou aku lau au : " E kala mai ; o keia lanakila i loaa ia makou, ua like ia me ka lanakila i loaa i kela a me keia pio maloko o kona wahi i hoopaaia ai. Aole loa ia i kupono no makou."
" Ua kupono no" wahi ana. " Pehea ! e hoonele ia anei makou i ka ike hou ana i ko makou aina hanau, na hoaaloha, a me ko makou ohana no ka wa mau loa."
" Ae. Aka o ka hoopale ana aku i na auamo koikoi a ko ke ao i kapa ai he noho lanakila ana, manao au aole ia e lilo i mea kaumaha loa no oukou."
" Ua pono," i hooho mai ai o Nede Lana, " aole loa au e haawi aku i ko'u ae, aole hoi e hoao e mahuka."
" Aole au i nonoi aku i kou ae ana mai, e Nede Lana," i pane mai ai ke Kapena. " I aku la au, me ke ano hooinaina i kupu ae iloko o'u, " Ke hoohaahaa nei oe i kou kulana no makou ; he hana ku i ka lokoino a me ka makona kau e manao nei i kupono ole i kou kulana."
" Aole, oia maoli no ka pololei. O oukou, he poe pio oukou na'u ma ke kaua. E malama au ia oukou ke hiki ia'u ke hana pela, a ma o ka'u kauoha la e kiolaia no no oukou iloko o ka opu o ka hohonu.
Ua hoouka mai oukou ia'u me he enemi la.
Ua hiki mai oukou me ke kono ole ia aku, a ua makaikai i kekahi mea huna i kupono ole e nana ia e kekahi kanaka o ke ao nei, — ke mea huna o ko'u ola ana, a me ko'u puuhonua. Manao anei oukou e hoouna hou ia aku ana oukou e hoi hou i ka aina, kahi a'u i haalele aku ai me ka manao hoi hou ole aku ? Aole ! aole loa. I ka hoopaa ana ia oukou maanei, aole no oukou ka'u malama ana — no'u iho ka'u i malama ai."
O kei a mau huaolelo i puana ia mai ai e ke Kapena, he mau huaolelo paa, e hiki ole ai i na akamai olelo a me na mali leo ke hoohiolo mai.
" Nolaila," i pane aku ai au, " ua waiho mai oe na makou e koho mawaena o ke ola a me ka make." " Pela no."
Huli ae la a u e olelo aku i ko'u mau hoa. " E na hoaaloho, o na ninau a pau e waiho ia mai ana e apono aku kakou, mai haawi aku i ko kakou ae. Aohe huaolelo hookahi nana e hoopaa ia kakou me ka haku nona keia moku."
" Aole ea," i pane mai ai ke Kapena. " Ano, e hookuu mai ia'u e olelo aku i na mea hope a'u i manao ai e hoike aku ia oukou. Ua ike au, o oe keia e Mr. Aronaka, he kanaka kaulana a pookela o ka naauao no Farani. Nolaila o ko'u hoopaa'na ia oukou maanei aole no paha ia e lilo ana i mea e hoouluhua ai i ko oukou manao. Mawaena o na buke ma kuu keena huli palapala, e loaa no ia oe kekahi buke au i hoolaha ai no " na mea kupanaha o ka hohonu." Ua heluhelu pinepine au i keia buke. Ua noii mau i kono ano ; a ua hoohalike me na mea i ikemakaia e a'u. A ua hookahaha nui ia au no ka hiki ana i kou ike ake akamai ke lawe i na hana o ka hoakaka ana mawaho aku o na palena i ike makaia, a mawaho loa ae hoi o na ike huli ake akamai. Aka aole nae oe i ike i keia mau mea, aole hoi i kilo pono ia me kou mau maka. Nolaila, e hai aku au ia oe e ke kumu, aole oe e uiha, aole hoi e minamina iloko o kou mau manawa a pau e noho ai iluna nei o ka moku, no ka mea e hele ana oe e ikemaka i ka aina o na mea kupanaha, a e makaikai ana hoi oe me kou mau maka ponoi, i na mea kamahao o loko o ka hohonu."
Na keia man huaolelo a ke Kapena i hoopuehu liilii aku i ko'u mau ano hooi naina a pau ; aole e hiki ia'u ke hoole aku i kana olelo. Ua hoopa ia mai la kuu wahi nawaliwali ; a no kekahi manawa, ua poina loa ia'u ka io maoli o keia mau hua olelo, oia no ko'u paa ana me he pio la. Aka hoi, ua hilinai aku au na ke au o ka wa e hiki mai ana e hoonalo i ka hopena o keia ninau kaumaha.
Nolaila ua kuka iho la au iloko o'u, a ninau aku la. Ma ka inoa hea e pono ai ia'u ke hoike aku i ko'u manao ia oe ?"
Pane mai la ua Ka pena nei. Ia oukou, aole he inoa e ae a oukou e kapa mai ai ia'u o Kapena Nimo wale no, a o oe hoi a me kou mau hoa, aohe o oukou inoa e ae a'u e kapa aku ai, he poe e-epakeke wale no oukou no ka Auwaalalua *Nautilus."
Mahope iho o kona olelo ana mai i keia mau hua olelo ia makou, kahea aku la ua K apena Nimo nei ma ka olelo namu hikapalale a lakou. Hoea mai la ke kuene. A ma ua olelo ano e nei no hoi i haawi aku ai oia i kana mau kauoha, me ko'u lohe aku ia wahi. Alaila, huli ae la oia ia Nede a me Kosila.
" Ua makaukau ko olua papaaina ma ko olua keena," wahi ana. " E hoolaulea i ko olua manao, a e ukali aku mahope o keia kanaka."
" I keia wa, e Mr. Aronaka, " i huli mai ai i o'u la. " Ua makaukau ko kaua aina kakahiaka. " Na'u no e alakai aku ia oe," " Ua makaakau au e hooko i kau olelo e ke Kapena."
Hahai aku la au mahoe o Kapena Nimo ; a i ko'u kaa ana aku mawaho o ka puka, hele aku la iloko o kekahi ala ololi i hoomalamalama ia e ka uila, e like me ko ke keena o makou. Mahope iho o ko maua hele ana aku no na iwilei he uimkumamalua, ua wehe ia mai la kekahi puka mamua mai o maua, a hookomo ia aku la au iloko o kekahi keena ai, i kinohinohiia a i hoolakoia me na wai nohia a pau e hoohihi ai ka manao. Mohala maikai na maka ke nana aku, me ka loaa ole o kau wahi hoohalahala i ka onohi. He mau hale-pa kiekie ke ku ana ma kela a me keia kihi o ke keena, ua hanaia me ka laau oka, a ua okomokomoia i ka eboni. Maluna iho o ko laua mau papa kau-pa, e alohi mai ana na kiaha, na ipu kina, a me na mea aniani kumukuai nui. O na pa ai e waiho nei iluna o ka papaaina, ke anapanapa nei ko lakou mau kukuna lilelile, no ka pa ana iho i ka malamalama o ka uila, aka, i ka milimili ana i ua mau pa nei, he gula paa wale no : Iwaena-konu o ka rumi kahi i ku ai o ka papaaina i kahiko nani ia, a i kaumaha hoi i na ono : " na unu kapee a ka makemake." Ma kekahi aoao o ua papaaina nei i kuhikuhi mai ai oia i ko'u wahi e noho ai.
O ka a ina kakahiaka he lehulehu wale na pa mea ai ; a o na mea o loko, na ke kai wale no i hoolako mai, oia hoi, mailoko wale mai no o ke kai na mea ai a pau o ka papaaina ; o kekahi o keia mau mea ai, aole loa au i ike i ke ano maoli i hana ia ai.
He pono ia'u e olelo ae he maikai lakou, aka, he malihini nae ko lakou aala ia'u, a he ea ano hou i ka honi ana i ike ole ia i waena o na mea o ka aina, aole i emo ua hookamaaina koke iho la au me lakou. O neia mau mea ai a pau he ikaika ko lakou ea kai, nolaila i manao ai au no ke kai wale no lakou a pau. Aole i pau.
*O keia ka inoa ponoi o ka moku au-moana, he " Auwalalua," aka no ka loloiahili o ia inoa, ke kapa nei makou ia ia o ka Nautilo. E hoomanao na makamaka i keia.
KA HUNT'S LAAU OLA
( HUNT'S REMEDY)
HE LAAU LAPAAU HOU, MAI AMERIKA MAI ! He Laau Maikai keia no Na mai pehu o ka opu, Na mai o ka puupaa a me ka opu mimi, Mimi-paa, Mimi-eha, Mimi-helelei, Ka lepo gravel iloko o ka opu-mimi, Ka mana ole, kapalili, hui ono ole ka ai. Na Mai Wahine, NAWALIWALI O KE KINO, LEPO ULA ILOKO O KA WAI MIMI, MANOANOA PAHA KA WAI E like me keokeo o ka huamoa, Like paha me na kaula silika keokeo, eleele, lenalena paha ; a i ole ua like paha me ka lepo i anaiia i na iwi keokeo, a i ka mimi ana, ua wela oioi ka mai, me ka eha nui o ke kikala a me ka puhaka. HE NUI NA HOIKE e ola nei, ka poe i loohia i keia mau mai i haiia maluna ae, ua pau lakou i ke ola maikai, no ka inu ana i ka HUNT LAAU OLA. ("HUNT REMEDY)!"
UA HAAWI mua ia keia laau, e kekahi kahuna lapaau naauao, i ke kanaka mai pehu o ka opu, e noho ana me ka ohana a Mr. Hunt ; John Hunt kona inoa, he 45 kona mau makahiki, he kanaka nui poepoe, ua loohia i ka mai pehu. Ua haawiia kela me keia laau no keia mai, aole nae oluolu ; ua mahuahua mau kona pilikia, ua pau loa ke kino a me na wawae i ka pehu ; ua kokoke paa loa ka mimi ; kokoke pau loa ka hanu ana ; a ua mahuahua loa ka wai iloko o ke kino. Aole hiki iaia ke moe ilalo ma ka moe, nolaila, ua noho wale no iluna i ka po a me ke ao. Pela mau kona popilikia a hiki i kona hoao ana i keia laau, a ke kahuna i kuhikuhi mai ai. A i kona inu ana i keia laau, ua hoomaka koke ka oluolu. Ua paipai koke ia ka puupaa i ka laua oihana ; ua puka hou ka wai mimi a nui wale ; ua emi koke mai la ka pehu o na waewae ; a ua oluolu hou ke ake-mama i ka hanu ana ; ua oluolu a maikai ka io o na lala, a e hoi nui mai ana ke ola maikai, alaila, me ke kuhihewa, ua waiho oia i ka laau i kekahi mau la. Ua pono ole nae ka waiho ana ia manawa, no ka mea, aole i ola io maoli kona mai pehu. Ua molowa hou na puupaa i ka laua oihana, a ua mahuahua hou ka wai iloko o ka opu, a ua popilikia hou e like me mamua. Alaila, ua inu hou oia i ua laau la, a ma ka hoomanawanui ana, ua lanakila hou auanei maluna o ka mai, a ua ola io maoli, a ua hoomaka hou oia i kana oihana mawaho o ka hale.
Oia k a lapaau mua ana me keia laau ; a mai ia wa mai, (he 25 makahiki) ua hahanuia keia laau e like me ka hana ana o Mr. Hunt, a ua haawi na kahuna lapaau i keia laau i ka poe mai pehu a me na mai like.
Ma i ia manawa mai, ua ikeia, e mahaloia hoi keia laau, mai o a o, e na kanaka, a ua inu ia hoi ma ke ao ana a me ke ao ole ana mai o na kahuna lapaau ; oia ka mea i hoola mai i na kanaka he nui, ka poe pilikia i ka mai pehu, a kokoke i ka make.
Na kuhikuhi no ka inu ana :
E INU I KE PUNA TI PIHA, a hala na hora 4, alaila, e inu hou. E mahuahua liilii nae a hiki i elua puna ti piha — a hiki hoi auanei i puna nui piha.
NO KE KEIKI hookahi makahiki a hiki i na makahiki eono, e haawi 5 kulu, a hiki i na kulu 20 ; eha hora nae mawaena o ka haawi ana.
KUMUKUAI, he - - $1.50 no ka omole.
DILLINGHAM & CO.,
Na A gena no ka Pae Aina Hawaii. 745 3m
J. PORTER GREEN,
" K EIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792
C. H. DICKEY (Kalekika).
LOIO !
MA HAIK U, MAUI.
U A MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794
WI NG SING & Co.
Puhi Palaoa,
E waiho mau ana palaoa a me na berena palupalu. Kihi o na huina alanui Nuuanu a me Beritania. 703 1y 755
NA MEA NANI E HIEHIE A I
NAUWE MAI NAUWE MAI
MAH EA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii LEI AI kae weluwelu, a me na LIPINE SILIKA puapua weluwelu, e kuwelu ai i ka makani NA KALAKOA ANO HOU LOA i like oleia mamua, Na KAEI SILIKA Nani, NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou a kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Hale kuai HIKIKIIKAUOENA. L. ASEU. Kihi ma Ewa o Alanui Nuuanu mauka o Alanui Moi. Honolulu, Aug. 27, 1875, 717 lyr 768
E. STREHZ, (AILUENE,)
HAAWI A KUAI
LAAU LAPAAU.
AIA.MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
KA NUPEPA KUOKOA
E HOOPUKA MAU IA MA HONOLULU,
I KELA POAONO KEIA POAONO
$2.00 no na mahina Umikumamalua
$1.00 " " " Eono. ME KA HOOKAA MUA MAI.
NA OLELO HOOLAHA — aole e oi mamua o 10 laina no ka hoopuka hookahi ana, $1.00 ; alua puka ana he $1.50 hookahi malama, $2.00. Uku no na hoolaha a na Luna Hooponopono Waiwai a me na Luna Hooko Kauoha, he $2.50 no ka malama hookahi. E UKU MUA la mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO — aole e kau la ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono e hiipoiia keia mau mea, no ka mea, he emi no ka auhau no keia nupepa.
AIA K E KEENA O " KE KUOKOA" MA KA
HALE LETA HOU.
H. M. WINI,
Luna Hoopuka,
Lole Makepono k e Kuike !
E LOAA NO IA MA KA HI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu. Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku. 707 ly 759