Ka Nupepa Kuokoa, Volume XV, Number 11, 11 March 1876 — Page 3
KA NUPEPA KUOKOA, ME KE AU OKOA I HUIIA.
NA PALA PALA I KE KUOKOA.
Ha ina o ka nane ano kaua a Kealakuhilima o Laie.
E KA NUPEPA KUOKOA E, Aloha oe :—
E oluolu oe e haiia aku i na haina kuio o ka nane ano kaua a Kealakuhilima o Laie i hoike ia ma kou helu 5 o ka la 29 o Ianuari aoao 3 — Penei noia ua hoike ia mai ka huina helu o na koa o ka papa mua wahi ana 80,432. A o ka huina houluulu e paa na aoao a i eha o ke kahua kaua ua like loa lakou a pau. A eia ka mea i ninau ia mai ai, O ka huina o na koa ma na papa eha i koe mai ka papa elua a i ka papa elima. Eia ka haina. Huina o na koa, papa elua 37,250
" ekolu 2 8,430
" eh a 22,340
" elima 20,429
A i hui ia me k a papa mua 80,432, alaila, ua like no ka huina o na koa a pau ma na kihi eha 188,887. C. W. PUHA. Kaluanui o Koolauloa, Mar. 6, 1876.
[Aole i loaa. L. H.]
He Leo Kahea.
Na J . D. B. Kuakahela o Honomalino, Kona Hema.— O ke ano nui o kana palapala, e paipai ana e lawe nui na kanaka o Kona Hema i ka nupepa hookahi wale no ke Kuokoa, no ka mea, he nupepa i maa mau i ka maalo ana i na maka, a he makahiki kau ahaolelo keia, nolaila, maloko olaila wale no e ike ia ka hana a na lunamakaainana. Eia no ka hapa hope o kana leta :
"E ku iluna e na keiki o ka ua kunihi a ka ua, e hopu i ka " Nupepa Kuokoa," i ike i ka moolelo o ka pilikua o ka moana. E kikoo e na lima o na keiki hanai kao o Kapua, Ka aina e kahe ana ka waiu a me ka meli, e lawe i ka " Nupepa Kuokoa" i ike na kuea hoopololei a na kolamu. E kukini e holo mama a hopu e na keonimana o ka aina Lei-alii o Honomalino, ame okoe nona ke au mimiki o ka Mana, e miki, e lawe i ke Kilohana Pookela i ike i na mea hou, a na luna pai nupepa a me na keiki ulele hua kepau."
E alualu mai e na hoa u hai a holo — o Kalihi a me Onokaa, Milolii, nona ka makani kaulana, heunupeku i ka niu wili o Milolii e apo a paa i ka " Nupepa Kuokoa" i ai no ka la pololi i hoa kuwili, no ka po hoa ole, Aloha no.
" E Hoopuloa o Keliikuli — a me Papa o Kaliuna, Alika o Kahiualua, na keiki hoopio lehua o ka uka waokele o Papa, nona ka wai huihui o Kanewai. A ike i ko kakou makamaka pauaho ole, kipa mau nei i na Poalima a pau oia ke Kilohana Pookela i ike oe e Hawaii i kou kuokoa a me ka ole, nana e hai mai me ka hookamani ole i ike oe i na kii ehiku o kou mau Moi ponoi e Hawaii, a i makemake oukou, e huli ae no a loaa wau i ka malu hale o Walikanahele i, Honomalino-uka, na'u e haawi aku i kou inoa i ka hale pai loaa mai kou makemake, me ke ola pu o ka poe lawelawe o ke dala mai pi oe ! mai pi oe !! Ina dala elua kau a ko opu akaa, lokomaikai, kala kihapai. Haawi leo ole, e o'u hoa, i lele o Kapalilua iluna ! Iluna !! Iluna lilo loa i ke ao eleele o loko lilo loa aku, Amene.
N alowale i ka pali.
I ka la 16 o Feberuari i aui aku la, ua nalowale i ka pali o Kawelu Keaona, he keiki opiopio oia nona na makahiki i oi aku i ka umi a emi mai paha. I ka la i hoikeia, ua pii aku la oia i ka pali me kona hoa, a hiki laua i kaulu o ka puu, ike aku la o Kawelu he wahi kao keiki, a alualu aku la ma ke kualono a laua e ku la, a o kona hoa hoi, pau aku la kona ike ana ia Kawelu, a hoi iho oia e hiamoe ma ia wahi a puoho ae la oia i kekahi poe hoa pii pali o ia la no, a ninau ia aku la o Kawelu, " ua alualu i ke kao keiki wahi a kona hoa" a ua hoi loa no paha ma kela kualono e moe mai la.
Pau ae la ka ninau a na hoa pii pali, me ka manao ua hoi io no, oiai he kualono ia e iho ana a hiki i kauhale o Kamaile, a o kekahi wahi noho no hoi ia o kona makuahine kolea. O keia la, he Poaono ia, a i ka Poakahi ae, ua haohao ke kumu kula aupuni ia Kawelu, aole iloko o ka wa kula, a i ka ninau pono ia ana aku, akahi a maopopo i kona hoa pii pali, ua poino paha, a ninau koke ia aku la ia wa, aole o ka Kawelu.
O ke kumu o keia haohao ole ia i kona wa i nalowale ai, ua ike mau ia, he keiki maa oia i ka aea, e moe a na ia wahi aku ia wahi aku, ma kahi o na ohana o kona makuahine ponoi, nolaila i palaka'i ka poe pii pali o ia la.
A huli aku la kona makuakane kolea, i na pali ma kahi a laua i pii ai, i o ia nei, iluna ilalo, he ole ka loaa, he 4 la ka huli ana, aole i loaa, a no kona nalowale, ua manao ia ua lele i ka pali, a ua make, aole oia i loaa a hiki i ka la a'u e ulele nei i ka'u wahi peni.
He keiki ponoi oia na Keao na, kekahi kanaka i kaulana i ka auaana a me na akua hoounauna, a he kanaka no hoi i maka'u nui ia, e na kanaka o keia aina, a ua make oia ma ka Halemai Moiwahine. Iloko o kona mau la e noho ana, holo nui io no ka make o ka apana, a i keia mau la, a he makahiki koe aole i make hookahi.
Nolaila, he leo k eia e kahea aku nei, i na makua mea keiki, e malama i na pulapula o ka hooulu lahui o ka Moi. Me ka mahalo i ka Luna Hooponopono o ke Kuokoa. F. W. KAAWALOA.
M araki 2, 1879
Na Haina o ka Nane a Kealakuhilima.
A ia ma ka la 26 o Feberuari i hoike mai ai ke keiki lua pio wai o Laie i ka Nane no ka " Manu Waimomona," me ke koi pu mai no hoi e hoi hikiwawe aku o haule ka i ka hope o " Kilauea," a me ka eleu hikiwawe no hoi ke keiki o ke Kilohoku e hai aku nei i ka haina o ka Nane ; a e loaa no ka haina e like me na ninau a ke hoa malalo nei.
1 Heaha ka inoa o ka manu ? " Ka Nupepa Kuokoa."
2 Heaha ka opuu palaoa ? N a dala elua.
3 Heaha ka ukana e hooili ai ? Na Olelo Hoolaha, na nuhou a me na manao maikai.
4 Owai ka age na ? O ka Luna Hooponopono no.
Aia ma ka haina mua " Ka Nupepa Kuokoa" ke kaei eleele hoi e kau ana ma kona poo, e hiki ai ke nana pono iho i ka like ana o ka hua 1, 9, 12, ka like ana o ka hua 2, 8, 14, ka like ana o ka hua 4, 10, ka like ana o ka hua 5, 7, ka like ana o ka hua 11, 13, a me ka like ole ana o ka hua 3, 6, e like me ka makemake o ka mea nana ka " Nane." A ma ka manao ana ua iliwai keia me ka makemake o ke hua ; oioi, ua puka pono keu ma na puka hao a pau loa me ka hape-lina ole.
Owau no me ke aloha.
S K. KAWELOLANI.
Honuakaha, Feb eruari 28, 1876.
He m au kupuna hanau nui.
E KA. NUPEPA K UOKOA E ; Aloha oe :—
Ke hoike aku nei au i keia m au kumulau a " Hooulu Lahui," o Pahipalae ke kane, o Nika ka wahine o ka nui o ka laua mau keiki, eha (4). Hanau ka laua hiapo oia o Malama, he kane ia, moe aku oia i ka wahine, hanau mai ka laua ehiku (7), elima keiki kane, elua kaikamahine ; moe aku hoi ka muli o Malama he wahine, oia o Kahuai (w), moe aku oia i kana kane o William, hanau mai ka laua elua keiki ; moe aku hoi ka muli o Kahuai, he wahine, oia o Makawela (w), me kani kane, ewalu (8) keiki, ke hapai hou nei no, (oia ka 9,) aole a ka muli o lakou, hui ia na makua na keiki na moopuna kuakahi, he iwakaluakumamakahi (21), ke hoomaka nei no ke kualua, moe aku ka muli o na keiki a Kahuai, he wahine, oia o Kaeha (w), hanau mai nana elua (2) keiki, aohe keiki a kona mua, moe aku ka hiapo a Makawela, oia Keliiaukai he kane ia, me kana wahine, hookahi keiki, moe aku ka muli o Keliiaukai, he wahine, oia o L Mauele, me kana kane, ua hapai, aole i hanau, ina e hui ia a pau, mai ka hapai, he 26 ka nui, ina e hui ia na kane a me na wahine, i moe ia e keia ohana, he kanakolukumamaha (34).
O keia mau kupuna na mea i kupono i ka " Hooulu Lahui," aohe wahi palupalu iho, ke noho nei no me na ku-a. Me ka mahalo.
J K KAUMEHEIWAIKALAMAKANI.
Waimea, Kauai, Feb 28, 1876 ;
Aohe he oiaio o kuu hoolaha a na.
E KA NUPEPA KUOKOA. E, Aloha oe :—
E oluolu hou oe, e hookomo hou aku i kuu hoolaha lalau ana. Oia hoi na mea e piliana no ka ona o Naahalama, a'u hoi i hoopuka ai ma kou kino o ka Buke XV, a Helu 2 Ua hoopuka ia e au ma ka la 27 o Dec. 1875, no ka ona o Naahalama. A no ka mea hoi ; aka, ua hana ia kona ona imua o ka Aha Hookolokolo Apana, Jno Kaluhi Esq, ka Lunakawai o W. & Koolauloa. A mamuli o kuu hoolaha ana, e kuhi ana au i kuu mea i lohe mai ai he ike oiaio kona — Aole ka ! Ma ka la 15 o Feb l876, ua hana, a hookolokoloia ka ona o Naahalama, a'u hoi i hoopuka ai, imua o Jno. Kaluhi, ka L. K. Apana o W. & K. A mamuli hoi o kuu hoolaha i manao ia he oiaio, ua kouoha ia mai au e ka makai nui o ko makou mau apana, e J. Amara. A hiki au imua o ka Aha H. Apana a hoomaka ia ka hana ma ka hora 1 P. M. Me ka manao o ka Aha, he ike oiaio ko'u, a me ko'u mea nana au i olelo mai, (Makahalupa), nolaila, ua lawe ka Aha ia maua i mau hoike no ke aupuni, no ka ona o Naahalama. Hoike mua au ma ka ninau a J. Amara, ka loio ma ka aoao o ke aupuni ;— Pehea, nau keia hoolaha e piliana i ka ona o Naahalama ? Ae na'u. Pehea ua ike io no oe he ona rama io no o Naahalama, ma ka po o ka la Karisimata au i hoolaha ai ? Hai au, he lohe mai ko'u, mai a Makahalupa mai. Ninau hou ka loio, auwe ! Aole ka oe iike pono ; hoole au, he lohe mai ko'u &c.— Ia Mr. Makahalupa ; Ninau ka loio, ua ike oe ia Naahalama na ona ma ka po o ka la Krisimata au i olelo ai ia S. Puaa. Hai aku o Mr. Makahalupa, he lohe mai ko'u mai a Pila Pele mai ; mai a Nihoa aku ka mea i hiki kino 'ku ia po. Aole io no oo iike ua ona o Naahalama i ka po Karisimata, aole he lohe mai ko'u mai ia Pila Pele mai, &c. A mamuli oia mau ike lalau a maua, ua hoopuka mai ka Aha i kana olelo hooholo. Ua puka oe e Naahalama, mamuli o ka ike pono ole a na hoike, a nolaila, ua hoopuka ia oe. A mahope mai oia wa, ua kauoha mai ka Aha ia'u, e wehe hou oe i kau hoolaha no ka ona o Naahalama a me ka haunaele, Nolaila, oia hoolana ana, i hoo maikeike aku ai imua o ka lehulehu, mai Hawaii a Kauai, Aole he oiaio — A ke waiho aku nei au imua o ka lehulehu, o ka ona o Naahalama, mai hoolilo i mea e hoomanao mau ai. Aka, e kukai loa aku ka noonoo ana, a ma ka " mole mai o Kaula." O ka lua keia o na palapala, e piliana i keia. Ma ka la 21 o Feb. 1876, a o keia ka lua. Nolaila, e hoopuka koke mai, ke hiki aku.
S OLOMONA PUAA.
Wa ialua, Maraki 6, 1876.
[A ole o makou makemake iki i na hoolaha inoino e mamua o ka ikeia ana a me ka loaa ole o na hoike kupono — Oia ka hewa o keia lahui o ka niania. L. H.]
Ka hale kupap au keokeo ma Kona Akau.
E KA N UPEPA KUOKOA E ; Aloha oe :—
E oluolu oe e kokua i a makou, no ko makou mau manao pule oiaio, no na mea i kamailio ia e Ikemaka me ka manao hoopunipuni.
Aia ma ka Helu 8 o ka L. Hawaii, aoao 4 kolamu 4 mai ka hema ae, o ka la 17 Feb, ua ike ia na manao ino ma ia kahua — e kapa ana i kona mau hoa kanaka he " Puuwaieleeli," e kapa ana hoi iaia iho ma ka inoa (Ikemaka) o ka hookamani nui ua ike ka lehulehu a puni ka aina i kana mau olelo diabolo.
1 Ke kapa aku nei a u ia oe (Ikemaka) he " halekupapau keokeo" no keia mau kumu : 1 Ua kapa mai oe ia makou he " Puuwaieleele. Puuwai lepo, inoino, lapuwale, a pela aku, ia oe hoi, he puuwai keokeo, maemae, aiai nani, hinuhinu, a like me na anela pela oe, aka, ua kuhihewa nae.
2 Ua ike a u ia oe, aole oe e nalo, he kino nui puipui, lauoho nui, poo kaumaha i ka hiamoe, hiamoe po a me ke ao, he mau lima hana ole, no ia ano kino ou la, ea. Ua ulu mai na manao kuko ino, a hopu aku la i ka peni me na manao opu ino, hoomau hala, niania ino, kuamuamu, holoholo olelo a ulupu mai me ka hoopunipuni, ka aihue, ka powa, ka alunu, ka lawe wale, ka makee ka makilo, ke noi wale, ka mahaoi, a, no ia ano noho ana palaualelo, ua kipa mai i loko o kou opu, ka pololi, ka ilihune, ka nele, ka nana o na maka i ka ha-i, ka aia, ka homai, ke kali aku o ka loaa mai, a i nele, ua komo mai ka ohumu, ka hoohalahala, ka makemake e hoopai i ke ino, no ia kuhina ou la ea, ua pololi ka wahine, na keiki pololi kou ohana, a no ia nele ou i na pono kino, ua nele pu no hoi i na pono uhane a no ia makau ole o loko i ke akua, ua loaa pu na haawina regeona, diabolo, daimonio, oia mau hana a pau la, na ke kanaka i like me (Ikemaka), Hale K Keokeo, he haihai Kanawai.
A pela hoi kou kapa ana ia oe m a ia inoa i nalo ai oe, aka o kuu mau olelo, ua kiekie kou naanao, kou akamai, pela kou manao ana. Aka, ea pehea la kou nana i ka hale k. keokeo ? aole anei he maikai mawaho, he nani, he hinuhinu, a oloko hoi, ha pelapela, he polopolona, a he nui aku na ino
3 Ua olelo oe me ka oiaio ole ma ka Lahui Hawaii i ol elo ia maluna, no ia mau manao hakuepa ou, ke ku nei makou imua o ka lehulehu, e hoole ana me ka oiaio loa. Aole ! Aole ! ! Aole loa ! ! !
J W MAKANOANOA.
Mea holo b alota. Kailua, Hawaii, Maraki 4, 1876.
NA MAKE O KALAWAO.
Feb. 14 make o Kaweawea k. no Hilo.
Feb. 15 make o Kanaina k. no Honolulu.
Feb. 18 make o Kali w. no Koloa Kauai.
Feb. 19 make o Kukui k. no Kona Hawaii.
Feb. 24 make o Kapela k. Hanalei Kauai.
Feb. 25 make o Kaleo k. Kona A. Hawaii.
Feb. 26 make o Mahoe k no Honolulu
Feb. 27 make o Kaluaoku k. no Waianae.
Feb. 28 make o Kahoouaunu k. no Lahaina.
Hoolaha a ka Luna Hooponopono Waiwai
UA Hookohuia mai ka mea nona ka inoa malalo iho, i Lunahooponopono no ka waiwai o A W NEEDHAM, o Waihee, Maui i make. Nolaila, ke haiia aku nei ka lohe i na mea a pau i aie iaia, e hookaa koke mai, a o ka poe a pau he mau koina ka lakou, e hoike koke mai iloko o na malama eono, a i ole, e hoole loa ia.
W. G. NEEDHAM.
Lunahooponopono Waiwai o A. W. Needham. Waihee, Maui, Feb 17, 1876. 745 4ts 748
K E HOIKE ia aku nei ka lohe i na mea a pau he kuleana ko lakou i ka waiwai o AIONA (pake) o Alanui Marina, Honolulu, i make, e hoike koke mai iloko o na malama eono mai keia la aku. A o ka poe a pau e paa ana i ka waiwai o ka mea i make, e hoihoi mai. Ke kahea pu ia aku nei no hoi ka poe pili, e manao ana oia ka hooilina, e hoike mai. W. O. SMITH,
Lunahooponopono Waiwai o Aiona. Honolulu, Mar 7, 1876. 745 4ts 748
UA HOONOHO ia mai ka mea no na ka inoa malalo iho nei, e ka Mea Hanohano Abr. Fornander, Lunakanawai Kaapuni Apana Elua H P A., i Lunahooponopono waiwai o KANIHO k, o Lahaina i make. Nolaila, o ka poe a pau i aie mai i ka mea make, e hookaa koke mai ia'u, a me ka poe ana i aie aku ai, e hoike koke mai ia'u me na bila kupono, iloko o na malama eono mai keia la aku, o hoole ia. M. MAKALUA,
Lu nahooponopono Waiwai o Kaniho, Lahaina, Feb 28, 1876. 745 4t* 748
NO KA MEA, ua ae mai ka mea Hanohano Aberahama Fornander ia'u, e kuai kudalaia ka waiwai o NAKIHEI k, he mea make no Kahakuloa, Maui, no kona aie, a i mea e pau ai kona mau aie i ka hookaaia, nolaila, ke hoike aku nei au ma ke akea, o ka la 17 o Maraki M. H. 1876, oia ka Poalima e hiki mai ana, ma ka hora 12 awakea, ma Wailua. Koolau, Maui, e kuai kudala aku no au i na waiwai paa a pau loa o Nakihei k, i oleloia, oia hoi, he mau Apana Aina elua, e waiho nei ma Wailua nui, i Koolau, Maui, a e haawiia ka palapala hoolilo loa a me na palapala Sila Nui, i ka mea oi loa o ke koho ana. Kuike ke dala i aole hoopanee. J A NAHAKU,
Lunahooponopono o ka waiwai o Nakihei. Lahaina. Feb 21, 1876. 745 3t* 747
E EKE auana i na kanaka a pau, owau o AKONI LOLO, ke papa aku nei au i na kanaka a pau, aole e hele ma kuu aina ma KALUAOLOHE, e waiho nei ma Waiau, Ewa, aole hoi e hookuu i ka lakou mau Bipi, Lio a me kela ano holoholon keia ano holoholona. A ina e loaa ia'u, e hooukaia no e a'u hookahi dala ($1.00), no ke poo. A ina e kue kekahi mea i keia olelo, he mana hiki ia'u ke lawe ma ka Pa Aupuni, e like me ka olelo o ke Kanawai. AKONI LOLO. Kaluaolohe, Ewa, Mar 4,1876. 745 2t* 745
I KULIKE ai me ke Kanawai i aponoia i ka la 14 o Feberuari, M H 1853, ma ke noi a Samuel Andrews, o Makua, Apana o Waianae, mokupuni o Oahu, ka mea hoopii, hooponoponoia ka pa ana i ka pa mawaena o ke Ahupuaa o Makua, ka alua o ka mea hoopii a me Kahanahaiki. Nolalia, ke kauohaia aku nei na mea kuleana iloko o ia mau wahi. e akoakoa ae ma kahi o Samuel Andrews, i ka Poalua, la 21 o Maraki, hora 10 kakahiaka. S. PURUEIRU, S. GAUDALL, J W KAIKAINAHAOLE. Na Komisina Pa o Ewa a me Waianae. Maraki 9, 1876. 743 3t* 744
E IKE auanei na ka naka a pau e nana mai ana, owau o ka mea nona ka inoa malalo, ke hoolaha aku nei au, a hookapu, a papa loa aku i na kanaka a pau, aole e hookuu wale, a hele wale na holoholona maluna o ke ahupuaa o KAAPUNA, Kona Hema, Hawaii, me kuu ae ole. Ina e loaa ana ia'u, a i kuu hope, a mau hope paha ka Bipi, Lio, Hoki, Kekake a me na Kao, e hele ana maluna o ua aina la, e hopu no makou, a e hoouku i hookahi dala no ke poo o na holoholona mua pakahi, a he hapaumi no ka poo o ke kao hookahi, a e koela ka uku, a i ole e loaa mai, e hoopaaia no ma ka Pa Aupuni, mahope iho o ka puka ana ma ka nupepa Kuokoa. L. KEOLA. Kaapuna, S. Kona, Mar 3, 1876. 743 4t* 743
UA MAKEMAKEIA,
MAI ka 1,000 Eka a hiki i ka 5,000 o na Aina maikai loa, me ke ala kupono no ke kaa ma ua aina la, ma ka mokupuni Oahu. 743 1m CHARLES LONG.
HOOLAHA HOOKOLOKOLO.
AHA Kiekie o ko Hawaii Pae Aina. Ma ka Hooponopono waiwai. Mokupuni o Oahu, Hawaii Pae Aina SS. Ma ka waiwai o A. W. SNELL o Honolulu i make.
Olelo kauoha e koho ana i la e hooiaio ai ka palapala kauoha a no ka hoolaha ana.
N o ka mea, ma ka la 6 o Malaki, M H 1876, ua waihoia mai imua o ka Aha kekahi palapala i oleloia, oia no ke kauoha hope loa a A W Snell i make aku la, a me ka palapala hoopii e noi ana, e hooiaioia keia palapala kauoha, a e hoopuka hoi ka palapala Lunahooko no Lealea Snell, ua waihoia mai e Lealea Snell.
N olaila, ua kauohaia, o ka Poalua, oia ka la 11 o Aperila, M H 1876, ma ka hora 10, ma ka.rumi hookolokolo o keia Aha, ma Honolulu, ma ka mokupuni o Oahu oia ka la a me ka hora e hooiaioia'i ia palapala kauoha , a e hoolohe hoi no ia noi ana mai, a me ka poe a pau e pili e kue ana ia palapala kauoha, a me ka hoopuka ana i ka palapala Lunahooko.
A ua kauoha hou ia, e hoolaha no ia mea no na pule ekolu iloko o ka Hawaiian Gazette me Kuokoa, he mau nupepa i paiia a i hoolaha ia ma Honolulu. A ua kauoha houia, e hoopukaia na palapala kena i na hoike, no ia palapala kauoha a me na hooilina o ka mea make ma Honolulu, e hele mai a e kue i keia palapala kauoha i ka wa i oleloia.
K akauia ma Honolulu, ko Hawaii P A la 9 o Mar 1876.
A. FRANCIS JUDD,
Ikea : Lunamakaainana o ka Aha Kiekie. Walter E. Seal, Kakauolelo, 745 3ts 747
MA ke K eena o ka Lunakanawai Kaapuni Apana Elua ko Hawaii Pae Aina. Ma ka waiwai o KAWILI (w), no Hamakua, Maui i make.
U a heluheluia a ua waihoia ka palapala noi a S Kahui k, e noi ana, e hooholoia ka waiwai o Kawili w, no Hamakua, Maui H P A i make, i na hooilina. Nolaila, ke kauohaia aku nei na kanaka a pau ke pili, o ka Poalua, oia ka la 28 o Maraki 1876, ma ka hora 10 o kakahiaka, ma ka Hale Hookolokolo ma Lahaino, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER. Lunakanawai Kaapuni Apana Elua.
Lahaina, Mar 4, 1876. 745 3ts 747
AHA Kiekie o ko Hawaii Pae Aina. Ma ka hooponopono waiwai. Mokupuni o Oahu, ko Hawaii Pae Aina SS. Ma ka waiwai o KEEKAPU (w) i make, i noho kanaka, a koho ana i la e hooiaio ai ka palapala kauoha, a no ka hooiaio ana.
N o ka mea, ma ka la 24 o Feberuari, M H 1876, ua waihoia mai imua o ka Aha kekahi palapala i oleloia, oia no ke kauoha hope loa a Keekapu, i make aku la, a me ka palapala kauoha e noi ana e hoolahaia keia palapala kauoha, a e hoopuka hoi ka palapala Luna Hooko no H. W. Pauahi, na waiwai nui o D W Pauahi.
N olaila, ua kauohaia, o ka Poalua, oia ka la 21 o Maraki, M H 1876, ma ka hora 11, ma ka.mana Hooko oiaio na Aha, ma Aliiolani Hale, ma Honolulu, ma ka la me ka hora e hoonohoia ia la i palapala a kauoha hoi no ka noi ana mai, a me ka poe a pau e pili, e kue ana ka palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ka Hawaiian Gazette a me ke Kuokoa, he mau nupepa i paiia a i hoolahaia ma Honolulu. A ua kauoha hou ia, e hoopuka ia na palapala kena i na hoike no ia palapala kauoha a me na hooilina o ka mea make, ma Honolulu, e hele mai e kue i keia palapala kauoha i ka wa i oleloia.
K akauia ma Honolulu, ko Hawaii P A Feb 28, M H 1876.
A. FRANCIS JUDD,
Lunamakaainana o ka Aha Kiekie. Jno. E Barnard, Hope
744 3t 745
AHA Hookolokolo Ki ekie o ko Hawaii Pae Aina. Ma ka Hooponopono Waiwai. Ma ka waiwai o KAIHE k, o Honolulu, Oahu i make. Ma ke Keena imua o ka Hon.Chas. C Harris, Kokua Lunakanawai Mua o ka
Aha Kiekie. Kauoha e hoolaha i ke noi e ap ono i ua papa hoike, hookuu ana a e mahele i ka waiwai.
M a ka heluhelu a me ka waiho ana mai o ka palapala nei a me ka papa hoike o J Porter Green. Luna Hooponopono o ka waiwai o Kaihe, o Honolulu i make aku nei, e noi ana, e aponoia na hoolilo he $101.00, a e hookuu ana iaia iho he $103, a e noi ana, e nana a aponoia kela mau mea, a e kauohaia e mahele i na waiwai e waiho ana ma kona lima i na poe i kuleana malaila, a e hookuu ana iaia a me kona mau hope mai ka noho ana he Lunahooponopono Waiwai.
Ua kauohaia, o ka Poakahi, ka la 3 o Aperila, M H 1876, ma ka hora 10 o kakahiaka, imua o ua Lunakanawai la, ma ke Keena ma ka Hale Hookolokolo, ma Honolulu, oia kahi a me ka manawa i koho ia no ka hoolohe ana i ua Noi la, a me na hoike moo waiwai, a o ka poe a pau i pili malaila e hele mai e hoike i ke kumu, ina he kumu io ko lakou, e ae ole ia ua noi la, a mailaila e hoike mai ai na hoike o na mea i kuleana mailoko o ka waiwai i olelo ia. A o keia kauoha e hoolahaia ma ka olelo Hawaii, iloko o ke Kuokoa, he nupepa i paiia a hoolahaia ma Honolulu, no na hebedoma ekolu, mamua ae o ka manawa i olelo ia no ka hoolohe ana.
Ka kauia ma Honolulu, ko Hawaii P A Feb. 25, 1876. CHAS. C. HARRIS.
Ikeia: L unakanawai o ka Aha Kiekie. Jno. E. Barnard, Hope Kakauolelo. 743 3ts 745
OLELO HOOLAHA.
OWA U o Kaaumoana, ke kaikamahine ponoi a Kanakaole, i make ma Kumumauu. a hanau mua ponoi hoi o P Nuuanu, i hoopuka iho nei i kana olelo hoolaha, e kaili ana i ka hale laau e ku nei ma Kumumauu, nona wale no. Nolaila, ke haiia aku nei ka lohe i na mea a pau, owau no ka mea nona kela hale, oiai na ko'u makua ponoi no ke dala, a nana no i ohi ka laau, ma ka Pa Papa o Samuela, kaikaina o Kimo Pelekane, a aohe he kuleana o kela wahi Nuuanu e hoolaha lalau nei. A ke papa loa aku nei au i na mea i kuleana, ole, mai noho lakou iloko o kuu hale laau i oleloia maluna.
L UCY KAAUMOANA. Leleo, Feb 28, 1876. 744 2t* 745
Kuai i ka Aina i Mo raki ia.
MA KA MANA i haawiiia mai ia'u ma kekahi palapala moraki i hanaia e Kihei (k) a me Kealohapauole (w), a lilo ia William Hillebrand, (o Kauka Hilibarani ma ka la 23 o Feberuari M H 1869, i mea hoopaa no kekahi Noka i hanaia ma la la hookahi, no na Dala Elua Haneri, e hookaaia ana i ka makahiki hookahi, (ina aole hookaaia keia mau dala a me ka uku hoopanee, a me na lilo a pau o keia hoolaha ana). E kuai ana no au mahope o ka holaha akea ana aku, ma ke kudala ana i kela aina a pau loa ma Manoa, Oahu, i hooliloia ia Kealohapauole, ma ka Palapala Sila Nui Helu 708. Maloko o kela aina 5 32/100 Eka, me na mea a pau loa maluna o kela aina — E kupono ana me ke kanawai i hooholoia ma ka la 18 o Iulai A. D. 1874, i kapaia he Kanawai. J. PORTER GREEN, Loio no J M Smith, Hope no Wm. Hillebrand, (Kauka Hilabarani. 742 3ts 741
KE hoikei a aku nei i na kanaka a pau, o makou ka mea nona ka inoa malalo nei, aole makemake e komohewa ma ka aina i kapaia o "KAHIKINUI," Mokupuni o Maui, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la, aole hoi lakou e hookuu wale i na Bipi a me na holoholona e ae maluna o ua aina la, me ka ae ole o ka mea nona ka aina. Ua kapu pu ka poe hana wai ona a kuai aku maluna o ka aina, a o ka poe hookuli, e hoopiiia no lakou ma ke Kanawai. M. PICO,
C. SILVA & Co. Honolulu. Feb 21. 1876. 743 4t* 744
PAAHAO MAHUKA !
$20 Makana !
A E HAAWIIA NO KA IWAKALUA DALA $20.00. Makana i ka mea nana e hopu a hoihoi mai ma ka Halepaahao ma Oahu, i na paahao mahuka, no laua na ano malalo iho :
Ma kaokalani, ka mea i holo malu mai kona wahi hana aku ma Alanui Beritania, i ka la l8 o Ianuari 1876 — he 5 kapuai 8 1/2 iniha kona kiekie. Ma Hilo kona wahi i hanauia'i ; he mau maka poniponi eleele, a he ano ua hoonaaoauia, a oia no hoi ka mea i mahuka mua iloko o Au. gate 1875. He 19 ona mau makahiki.
Heleloa, ma Waiehu, Maui kona wahi i hanau ai ; he 22 makahiki, he helehelena palahalaha, a he poheke ; he ili eleele ; a oia no hoi ka mea i holo malu iloko o Augate M. H. 1875, a loaa ai ma Kewalo. W C PARKE,
Ilamuku.
Ho nolulu, Feb 17, 1876. 743 4t 746
E IKE auanei na kanaka a pau ke nana mai i keia, mamuli o ka hoonoho ana mai o Hon. D. McBryde, ka Lunakanawai K. Apana 4 ia'u i Lunahooponopono no ka Waiwai o MANUELA GOMAS, o Moloua, i make kauoha ole. Nolaila, ke kauoha aku nei ka poe a pau, ina he mau aie ko ka mea i make ia lakou, e pono e hoike koke mai me ka oiaio, a o ka poe hoi i aie i ka mea i make, e hookaa koke mai, a ina he mau waiwai e malama ia nei ma kahi e, e hoihoi mai i ka mea nona ka inoa malalo nei, iloko o na mahina eono mai keia la aku. Z Seta,
L unahooponopono Waiwai. Waioli, Hanalei, Nov. 24, 1875. 743 4t* 746
KUAI KUDALA O NA LIO !
E kuai kudalaia ana na Lio a pau o Keoni Miki i make ai mamuli o ke Kauoha a Kimo Pelekane ke Kahu Waiwai i ka hora 10 A. M. o ka POAONO - - - - - MAR. 11 Ma ka Pa Pipi o Kimo Pelekane ma Koholaloa, makai iho o Kawa, oia NA LIO I LAKA I NA NOHO NA LIO KAUO KAA NA LIO WAHINE, NA LIO KEIKI. KUIKE KE DALA 744 2ts E. P. ADAMS, Luna Kudala.
OLELO HOOLAHA.
$3.00 MAKANA !
Ua nalowale aku nei kekahi lio ma Kaneohe, a penei kona mau hao : ma ka uha akau J 'K, a ma ka uhu hema W. E haawi aku wau ka uku i oleloia maluna, i ka mea nana e hoihoi mai. J. MOTT SMITH. 744 5ts 748
KE HOIKEIA aku nei i na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES, Honolulu, Novem. 29, 1875 741 tf
$10,000 HOAIE !
UA MAKAUKAU i ke Kakau Palapala Hooilina a Kuai, me ka Hoaie D, no ka moraki aina a me na mea a pau e pili ana ka oihana. E ninau ma kahi o W. C. Jones (Aeko) ma Alanui Kalepa ia.
740 2m* 747 KEO.
Hoolaha a ka Luna Hooponopono Waiwai.
UA HOOKOHUIA mai ka mea nona ka inoa malalo, e ka Mea Hanohano Chas. C Harris, Lunakanawai o ka Aha Kiekie, i Lunahooponopono Waiwai, no ka waiwai o A KAHEKILI i make, ma Honolulu, Oahu. Nolaila, ke kauohaia aku nei na mea a pau a A Kahekili i aie aku ai, e hoike mai i ka lakou mau bila aie i hooiaio pono ia, iloko o na malama eono mai keia la aku ; a ke hoikeia aku nei no hoi, o na mea a pau e paa ana, e malama ana, a i aie mai hoi ia A Kahekili, e hoike pu mai lakou i ka Lunahooponopono Waiwai, maloko o na malama eono i oleloia ae la maluna. A o na Bila Aie i hoike ole la mai i ka Lunahooponopono, iloko o ka manawa i oleloia maluna, e hoole mau loa ia no. JOHN K UNAUNA.
Lunahooponopono Waiwai o A Kahekili. Alanui Alii, Feb 28, 1876. 741 4t* 747
E IKE auanei na kanaka a pau ke nana mai i keia olelo hoolaha, owau o ka mea nona ka inoa malalo nei, ke hoike aku nei au ma keia la, ua koho pono ia aku o Kahuhu k, o Moanalua, me ka mana piha pono, e hoomalu a e hopu i na holoholona komohewa a pau maluna o kuu aina kula e waiho la ma Moanalua, e pili pu ana ma ka aina Imaikolea, e pili ana me Umi-Loi, oia ka apana aina o Kealoha k, ka Abigaila Maikai w, i lilo mai ai ia'u ma ke kudala a ka Ilamuku nui. Nolaila, ua kapu loa na Lio, Bipi, Miula, Hoki, Kao, Puaa na ano like. Ina e loaa i kuu luna, e hopu ia no, a e uku ia kela poo keia poo i komohewa $1.00, a i ole e hookoia na koina a kuu luna, alaila, e laweia ma ka Pa Aupuni, e like me ke kanawai. A e lilo keia i kanawai paa loa no kuu apana aina i oleloia.
H. KAMAKA, K Kahuhu, Hope Luna, Apua, Feb 23, 1876. 743 4t* 744
Hoolaha a ka Lu na Hooponopono Waiwai.
Oiai , ua hookohuia ma ka mea nana ka inoa malalo iho i Luna Hooponopono no ka Waiwai o S. P. Kalama o Honolulu, make, nolaila, ke kauoha ia aku nei ia poe a pau ana i aie aku ai, e hoike mai i ka lakou mau koina me na hooiaio kupono, a o ka poe a pau i aie mai iaia, e hookaa koke mai me ka hookaulu ole.
L. KELIIPIO. Honolulu, F eb. l1, 1876. 741 4ts 744
MAI keia la a mau aku, e aie aku no au ma ka inoa o WILLIAM ALLEN, kuu kane mare, oiai aole kela (William Allen) i hoike mai i na kumu e hiki ole ai ia'u ke aie aku, no ka mea, ke paa nei no ka berita mare mawaena o maua a hiki i keia la. Ke kali nei au o ka pane hou mai. RUTA NAPELA. Makiki, Feb 15, 1876. 742 4t* 745
Ma ka waiwai o Nicholas George i make. Ma keia, ke hoolahaia aku nei, o na poe a pau he mau koina ko lakou i ka waiwai o Nicholas George i make, ke kauohaia aku nei, e hoike mai i ko lakou mau bila aie kupono, maloko o na malama eono mai ka la aku e puka ai keia Olelo Hoolaha, o hoonele loa ia lakou ; a o na poe a pau i aie mai i ka mea i make, e hookaa koke mai i na mea nona na inoa malalo iho. E waiho aku i ko oukou mau bila aie, a e hookaa hoi ia George W. C. Jones ma Kau, Hawaii, a i ole ia W. C. Jones, ma kona keena hana ma Honolulu, Oahu. G W. C. JONES. W. C. JONES.
Na L una Hooko Kauoha o ka Palapala Hooilina o
Ni cholas George i make. 742 4ts 745
E IKE auanei na mea a pau, owau o J Kealoha, ke kane mare a Piko Kealoha, no Wailuku, aole i ku i ka oiaio na mea i hoolahaia ma ke Kuokoa, Helu 6 o Feberuari 5, e olelo ana, ua haalele kumu ole aku ka wau iaia. Eia ka oiaio maoli ; o Piko kuu wahine mare, oia kai hele aku a noho wahi okoa, a ua haalele mai oia i ko maua hale — o kela ka oiaio a he nui na hoike o kela. A ua olelo kela, aole ka o'u malama i kona ola kino — aole no he oiaio oia, eia mai no ka oiaio maoli. Ua haawi mai aku au i ke dala a me ka i-a, a ua kiolaia, a he nui na ike maka. Nolaila, ke hoole nei au, aole he oiaio o na mea a kuu wahine mare, oia o Piko i hoolaha ai. Eia hou, ua olelo kela, aole ka wau e mahiai — ke olelo nei au me ke kanalua ole, ua hiki no ia'u ke mahi i ai na'u a me kuu wahine oia o Piko, no ka mea, he kuleana ko'u iloko o kona waiwai, a pele ia hoi me ia. No ka puka ana o kona manao ma ke akea me ka oiaio ole, nolaila, ke papa ia aku nei na haole, pake, pukiki a me na kanaka maoli, aole e hoaie mai i kuu wahine mare oia o Piko, a o ka mea e hoaie iaia maluna no ona ko oukou poho a me ko oukou pilikia, aole loa au e hookaa i kona aie, nolaila, e malama oukou i keia e na makamaka. J KEALOHA.
Feberuari 8, 1876. 742 4ts 745
Kuai a ka Lu na Hooko Kauoha.
MA ka waiwai o S ILVAS CHANDER o Wailuku, Maui i make, ma ke kauoha a Hon. A. Fornander, Lunakanawai Kaapuni o MAUI, ia James Baker, ka Luna Hooko Kauoha o ka waiwai. Ua Kauohaia mai au e kuai aku ma ke kudala ma ka Halekuai o Peter Genet, Makawao, i ka POAONO APERILA 1, 1876 ma ka hora 12 awakea, i na pono, ke kuleana a me na pomaikai a pau o ka mea i make iloko o na APANA AINA ELUA e waihoia ma Hamakua, Maui Hikina, kokoke ia i ka wili olo papa nona ka inoa Kaupakulua.
Ka apana, he 70 e ka ma ke anaia ana. 2 he 30 eka. He mau aina laau a kupono ka hanai holoholona. Na lilo no ka palapala, i ka mea e lilo ai. Kuike ke dala.
HENRY W. DANIELS, 741 4ts 747. Luna Kudala.
E IKE auanei na kanaka a pau. Owau o ka mea nona ka inoa malalo nei, ke papa aku nei au i ka poe mea Lio Bipi Hoki Kekake Hipa Kao Puaa, mai hookuu i ko oukou mau holoholona maluna o ka aina o Kapalama-uka a me Kapalama-kai, e waiho la ma Kona mokupuni Oahu. I na kue kekahi i keia olelo papa e hopu no au me ko'u hope a mau hope paha, a uku pakahi ia kela poo keia poo hookahi $1.00, koe nae ka poe i loaa ka palapala ae mai a'u aku, a ua kapu no hoi na mea ulu maluna oua mau aina la, mamuli o ko'u ano he Luna malama no ka waiwai o ka Mea Kiekie R. Keelikolani mamuli o ke Kauoha a ka Mea Kiekie W. P. Leleiohoku.
J. HOOIKAIKA,
H onolulu, Fbe. 2, 1876. 744 4ts 747
KE papaia aku nei na mea a p au, aole e hele a komo wale i kuu hale laau, e ku nei ma Kumumauu, aole hoi he kuleana o kekahi mea e lawe wale i na mea a pau e waiho ana ma ua Halelaau la, oiai no'u ponoi no ia waiwai, aole no ka mea e ae. A o ka mea a mau mea e kue ana i keia olelo hoolaha, e pili no ia lakou ke Kanawai o ka aina, a pela aku. E malama ia oukou iho e ka poe e manao ana e pakaha wale i kuu waiwai, o wela auanei i ke ahi a ke keiki o Nuuanu.
PAULO NUUANU. Kumumauu, Moanalua, Feb 23, 1876. 745 3ts 745
Hoolaha a ke Kahu Malama Waiwai
NO KE KOHOIA ana mai e ka Aha Kiekie o ko Hawaii Pae Aina, he Kahu Malama Waiwai no Albert Kunuiakea, ma keia, ke hoikeia aku nei i na mea a pau, aole e hookaaia na aie i hoikeia, ke ole e hooia ia me ko'u mea kakau, a e ko'u Agena paha ; aole no hoi e paa kekahi kuai i hanaia me ia, waiwai paa a waiwai lewa paha, ke ole na palapala ae mai a'u aku.
EM MA KALELEONALANI, Kahu Malama Waiwai o Albert Kunuiakea. Honolulu, Feb 23, 1876. 743 4ts 748
HE PAPA KUHIKUHI MANAWA HOLO
O KA
Mo kuahi Hawaii
KILAUEA !
KAPENA MA RCHANT !
Maraki 13........................................................Kona
Maraki 2 0........................................................Kaapuni ia Hawaii
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 8 a.m., a mahope iho paha.
Uk u Eemoku mai Honolulu aku
A hiki i Kaunakakai, a pela maluna mai..............$ 5.00
" Lahaina, " " ..................................................... 6.00
" Maalaea, " " .................................................. 7.00
" Makena, " " ................................................... 8.00
" Mahukona, " " ............................................. 10.00
" Kawaihae, " " .............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 13.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
A ole aie no na uku ohua. Ma ka Hale Oihana e loaa'i na palapala. Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai. E hookaaia ka uku ukana i ka wa e noiia aku ai.
E ho aoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Ke ena ma ka Hale Kuai Papa o Waila ma, kihi o Alanui Papu a me Moiwahine. 606 3m
OLELO HOOLAHA.
MA KEIA, ke hoike ia aku nei, ua kapu loa ka hele wale ana o na holoholona Bipi, Lio, Hoki, Miula, Kao, Hipa maluna o kuu aina, oia o KAOHIA, e waiho la ma Kailua, Koolaupoko, oia hoi ka hapalua holookoa o Kaohia. O Laka kuu Luna i koho ai, no ka nana ana i na holoholona helehewa ; a nana no hoi ka hana ana i na mea a pau ke kue i ko'u pomaikai, a me ka hoolimalima ana aku i ka poe makemake e hooholo i ko lakou mau holoholona maluna o ka aina.
H. P. KAELE.
Honolulu, Feb 18, 1876. 742 4t* 743
E IKE auanei na kanaka a pau, o maua, o na mea nona na inoa malalo iho, na Lunahooponopono o ka waiwai o KAIHUMUA k, o Waikele, Ewa, Oahu, i make, ke kauohaia nei ma keia, o ka poe a Kaihumua k, i aie aku ai, e hoike mai i ko lakou mau bila i hooiaio pono ia, a me ka poe i aie ia Kaihumua k, e hookaa mai i na mea nona na inoa i hoikeia malalo iho. E loaa no maua ma Waikele, Oahu, a i ole ma Honolulu, ma kahi noho o J K Unauna.
HULUHULU (k), KAHIKIULA (w),
N a Lunahooponopono Waiwai o Kaihumua.
7 43 4t* 746
NO K A MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumai-
kai k. Aole pono e hookaa aku ia laua ka uku hoolimalima, aka, e lawe koke mai ia'u.
J. PORTER GREEN,
Luna Malama Waiwai no Mele Hoomoeapule.
Honolulu, Dek 22, 1875. 734 4m
Naue Mai ! Naue Mai !!
EIA KA NANI LA ! E ! LE-I KOHALA I KA NUKU NA KANAKA ! Ke popohe aku nei ma ka halekuai o GOO KIM Ma ! ma Kapaau, Kohala, Hawaii. E like no hoi me na kihapai i milikaa mau ia, a kipuluia, ka mohala maikai o na pua, pela no hoi ka mohaha maikai o na pua o na kalakoa hou loa, i ike ole ia mamua ma na kaiaulu o Hawaii nei, a me na lole kupono e ae no hoi he nui, e kuai ka hoohehelo ana o na hapa palupalu. Na papale wahine nani loa i haweleia me na lipine o na ano hoolau a pau e pulelo ai i ka makani Apaapaa o Kohala. Na kamaa wahine hila kiekie a kilipohe, e kohakoha ai kela i ke kula apaapaa. Na Loulu o kela a me keia ano e pale aku ai i na inea o ka la a me ka ua. Na uhi pukapuka huluhulu nani, e kau iho ai, kohu Ahuula kela. Na Hainaka Silika nani o kela a me keia ano. Na mea kula pepeiao, na puuwai lei a-i a me na lei nani i kela ano keia ano. Na aila hamo lauoho e paoa ai na poo. Na wai ala onaona o kela a me keia ano. Na Lole Kane o kela a me keia ano, eia no la : Na Palule alu lilina keokeo a kalakoa. Na Palule huluhulu o o na ano a pau. Na lole wawae o kela a me keia ano. Na koheoheo o na ano a pau. Na pahu ili maikai loa e maluhia ai na aahu nani makamae, e kua-a ole ai i ka waiho wale. Na papale ipu loloa a haahaa o kela ano keia ano e kohu ai ke hookapakahi ae, a hele kela a kilakila. Na kamaa ano hou ihu pani ole, e pakele ai ka wawae i ka eha ke kuia.
Eia no hoi kahi mea hai aku, e hiki mau mai ana no na Lole o na ano a pau ia makou, iloko o kela a me keia lua malama. I hoike no kela, e oluolu oukou e na makamaka o ka " Aina Haaheo" kaulana, e hele mai ma kuu Hale Kuai, ma kahi i haiia maluna, oia hoi o Lilinoe.
GOO KIM ma.
Honolulu. S ept 13, 1875 720 6m* 743
O ka Laau Penikila Hoopau Eha a PE RRY DAVIS,
UA kamaaina loa ia kakou o Hawaii nei, a ua hoaponoia e na kupa Hawaii a me na haole, he laau kupono no ka ohana, a no ka maopopo lea o kona kulana mawaena o keia lahui, ua makehewa ke hai hou aku i keia manawa kona mau ano maikai. O ke kuai mau ana o na ano kanaka a pau, oia ke hoailona o ke kaulana lua ole o keia laau. Ua kuaiia aku ma na Halekuai Laau Lapaau a me na Halekuai Mea Ai a pau, a e loaa na pahu okoa ma kahi o ka Agena. A. W. PEIRCE & Co.
Alanui Mo iwahine, Honolulu H. P.
Perry Davis' Vegetable Pai n Killer,
SO long and favourably known on these islands as a household medicine for born natives and foreigners, still maintains its reputation as an invaluable family medicine, too well known and highly esteemed to need any "putting" from us. Its constant and steady sale is sufficient guarantee of the favour it obtains among all classes of people.
It is sold by all Druggists and Grocers and in quantities by the agents A. W. PEIRCE & Co.
74 2 1m 745 Queen Street, Honolulu H. I.
ANOAI I KA LEHULEHU,
E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei. Penei ke ano o na mea waiwai la :
Na wati & na kaula gula, a na Ledee a me na Keonimana. NA KAULA OPELE A NA LEDE NA KOMO GULA MAI O KELA A ME KEIA ano o na Lede a me na Keonimana. NA KUPEE GULA, NA LIPINE GULA. Na gula pepeiao o na wahine, e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke dala Na pihi pulima gula wahine a kane, Na laketa gula lei wahine nani, Na komo daimana o na Lede, Na kaula laketa, Na pine omau kihei, Na laketa aniani, Na huka gula wahine. NA LAKO HALE. NA PUNA, NA PAHI, NA KIAHA KALA, NA APO KALA, NA KAWELE holoi lima, NA O KALA o kela a me keia ano, a me na mea nani e ae no he nui wale. E KUAI IA AKU ANA NO MA KE kumukuai haahaa loa i ko na wahi e ae o ke taona nei.
Ua makaukau no hoi na mea nani no kanaka makua a me na kamalii. Na Kamaa Paa Loa, e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY.
Kihi o na Alanui Papu a me Kalepa.737 3m