Ka Nupepa Kuokoa, Volume XV, Number 9, 26 February 1876 — Page 4
| This text was transcribed by: | Duke Sai |
| This work is dedicated to: | Irma Pualani Sai |
Ka Nupepa Kuokoa. ME KE AU OKOA I HUILA.
HE HIMENI.
Jesus of Nazareth passeth by.
Gospel Song p 4.
1
Heaha keia aha e?
Lulumi mai a hookeke,
A halo ae i o ia nei?
Owai la ke maalo ae?
A pane mai he leo lai,
O Ieso no Nazareta mai.
2
E hele mai ka poe luuluu
Ka poe auwaoa, hui pu,
Na lawehala, hele mai,
He kalahala, eia ae,
O mea ke maalo ae,
O Ieso no Nazareta mai.
3
Ka poe lauweli i o ia nei,
Na hune me na waiwai e,
Na ui me na kamalii,
E hele mai, e awiwi,
He Hoa ke maalo ae,
O Ieso Nazareta mai.
4
I na hookuli a hoopanee,
Mahope @ e pule ai,
He pule makehewa nae,
Ua pau, ua pau ka wa maikai,
Ua hala loa mai nei ae,
O Ieso no Nazareta mai.
Hawaii.
HAAWINA KULA SABATI,
HELU 11@SABATI, MAR. 12.
KUMUHANA- Ke kipiana o Abesaloma
PAUKU BAIBALA-II Sam. 15:4-14
MAHOPE iho o ia mea la, hoomakaukau
ae la o Abesaloma i na hale kaa
a me na lio nona, a me na kanaka he kanalima
e holo imua ona.
2 Ala ae la o Abesaloma i kakahiaka, a
ku mai la ma kapa alanui ma ka ipuka : a
hele aku kekahi kanaka i ke alii ia ia ka
mea hakaka o hooponopnoia’i ma ke kanawai;
alaila hea aku la o Abesaloma ia ia
i aku la, No ke kulanakauhale hea oe? I
mai la kela, No kekahi ohana a Iseraela
kau kauwa.
3 I aku la o Abesaloma, Aia, he maikai,
a he pono kau mau mea; aka, aohe kanaka
o ke alii nana e hooponopono i kau.
4 I aku la hoi o Abesaloma, Ina paha e
hoonohoia au he lunakanawai o ka aina,
alaila o kela kanaka o keia kanaka ia ia ka
mea e hookolkolia’@, e hele mai ia io’u
nei. a e hooponopono aku au nona.
5 A i ka wa i hele mai ai kekahi kanaka
e uwe aloha ia ia, o aku la ia i kona lima,
lalau aku la ia ia, a honi ae la.
6 Pela no i hana aku ai o Abesaloma i
la Iseraela a pau i hele mai ke alii no ka
hooponoponooia. A aihue ae la o Abesaloma
i na naau o ka Israela.
7 @ Mahope iho o na makahiki hookahi
kanaka, i aku la o Abesaloma i ke alii, Ke
noi aku nei au ia oe, e ae mai oe e hele au
I Heberona e hooko aku i kuu hoohiki ana’
a ʹ u i hoohiki ai ia Iehova.
8 No ka mea, hoohiki aku la au i ku@
wa i nohe ai ma Gesura i Suria, i aku la,
Ina paha e hoihoi io aku o Iehova ia ʹ u ma
Ierusalema. alailanau e malama aku ai ia
Iehova.
9 I mai la ke alii ia ia, O hele oe me ke
aloha. Ku ae la ia, a hele aku la i Heberona.
10 @ Hoounanaku la o Abesaloma i na
kiu iwaena o na ohana a pau o ka Iseraela,
i aku la, A lohe oukou i ke kani ana o ka
pu, alaila, e olelo oukou, E alii ana o Abesaloma
ma Heberona.
11 Hele pu aku la me Abesaloma mai Ierusalema
aku elua haneri kanaka i waeia ;
a hele naaupo wale no lakou, aole i ike i
kekahi mea.
12 Hoouna aku la o Abesaloma e kii ia
Abitopela no Gilo, he kakaolelo no Davida,
e hele mai mai kona kulanakauhale, mai
Gilo mai, i ka wa ana i mohai aku ai. Ua
ikaika no ka poe kipi; no ka mea, ua mah@ahu@
mau mai a nui ao na kanaka me
Abesaloma.
13 @ Hele mai la kekahi kanaka Davida
la, i mai la, Aia mamuli o Abesaloma
na naau o na kanaka o ka Iseraela.
14 I mai la o Davida i na kanaka ona a
pau ma Ierusalema, E ku ae, a e holo aku
kakao; no ka mea, pela wale no e pakelo ai kakou mai o Abesaloma aku; e wikiwiki
ka hele aku, o hooili mai oia i ka ino maluna o
kakou, a pepehi mai i ke kulanakauhale nei
me ka maka o ka pahikaua.
Pauku hoopaanaau 2 Sam. 12:10. “Aole
loa e kaawale aku ka pihikaua mai kou
ohana aku: no ka mea, ua hoowahawaha
mai oe ia ʹ u.”
Mele—Him.231. 7---Leo.
1
E ka mea hewa nei.
Hamau, a hoolohe mai
Iesu keia. ke ninau,
He aloha anei kou
I kou Haku, kou Iesu,
Nana mai ke ola ou?
2
I kou wa i pio ai
Kii no wau a hookuu mai,
Eha a mai make no,
Kii no au e lapaau:
I kou wa i auw@oa ʹ i
Kino wau e hoi mai.
Pale i paleia ʹ ku ke kipi ana, a i hooliloia
na hoopai i mea e pono ai ka poe i hoopaiia,
ke koe ke ula ana.
Na NINAU ANA KUMU.
He lele nui mai ka mok 7 a i ka
mok.15. E nana iki i na mea nui mawaena.
Mok 8. I Na kaua a Davida me na
enemi, na Pillsetia, na M@aha, na Saria a
hiki i Euperate. Lanakila anei Davida ma
ia mau kena ? P.1-8. Aha aku la Davida
i ke dala, ke gala, @@, ana i lawe pio
ai ? p.11. Pehea hoi ko Davida kaulana,
me kona noho alii ana ? p.13-15. Owai kona
mau laua@@? p.16-18.
Mok. 9. Ko Davida imi ana i na keiki
a Ionatana, me kona aloha i ke keiki i koe.
Owai ia keiki ? Heaha hoi ko Davida aloha
ia ia ? P. 1-7, 9, 10, 13.
Mok. 10. Ka hanaino ia na elele o Davida
e na alli o Amona, heaha ia hanaino
ana, a me ka hope ? P. 4, 6—8, &c. Lanakila
hou anei Davida ? p 18—19.
Mok. 11. Ka hewa o Davida me kona
imi ana i na mea e nalo ai ia hewa.Heaha
ia hewa, me ia imi ana ?
Mok. 12. Ke ao ana o Natana ke kaula
ia Davida, me ko Davida mihi ana, me
ko ke Akua hoomaka ana e hoopai ia ia,
ma hope nao o kona mihi ana . Ua kalaia
no kona hewa. me ka hoopaiia nae ma keia
ao. Ka Halelu ehia ka hoike i ko Davida
mihi ? Hal. 51. Heaha ka mea hooluolu
ia Davida ma ? p24. Kekahi kaua nui
hoi mahope iho, hai mai P.26—31.
Mok. 13. Ka hoopai hou ana o ke Akua
ia Davida ma o na keiki ana. Hana ino kekahi
keiki i kona kaikuahine. Pepehi kona
kaikunane o Abesaloma i ke keiki i hanaino.
A mahope iho, mahuka oia no ka makau
i ka huhu o Davida a noho ma kahi e
ekolu makahiki.
Mok. 14. Ka imi ana na mea i laulea
ai Davida me Abesaloma. a ua hoolauleaia
no, a ua hoi hou mai oia i Iersalema.
Mok. 15. P.1---Heaha ka hewa mua o
Abesaloma ? A ke hoomaka nei oia e hana
i ke lua o ka hewa, oia ke aha ? kona kipi
ana paha. Heaha kana i hoomakaukau e
i? No keahaa?
P. 2---Heaha ka Abesaloma i hana ʹ i ma
ke kakahiaka nui? Ka ipuka hea keia? Ka
puka o kulanakauhale kahi i akoakoa ʹ i
kanaka no ka hookolokolo ana. Heaha ka
Abesaloma i ninau aku ai ke hele mai kekahi
e hooponoponoia ? A pane oia pehea?
P.3---A pane aku Abesaloma pehea ?
Heaha ano? He ano hookau wale i ka
mea i hoopiiia, a he ano hoahewa i ke lii, ia
Davida kona makuakane no ka hoonoho ole
i mea kupono no ka hooponopono ana.
P. 4, 5, 6--- E ake ana o Abesaloma e lilo
i aha? no ke aha? A me ke aha i aihue ai
oia i na naau o kanaka ? E hoomalimali
ana, e imi ana e hoohuli i na kanaka mamuli
ona---Ua like keia ma ke aha? me ka
hana a ka poe e imi anai na oihana aupuni,
lunakanawai, lunamakaainana &c.
P.7---Ma ka naonoo ana ua hewa keia
helu he 40, eha paha ka pono. Pela ia ma
kekahi moolelo, ua aha paha makahiki mai
ka wai i hoihoiia mai ai Abesaloma i Ierusalema.
Oia hoi paha na makahiki ana i
hoomakaukau ana no keia kipi ana.
P. 7—9--- Heaha ke Abesaloma i noi aku
ai i ke ʹ lii? No ka aha? He oiaio anei kana
mau olelo? Makemake oia e hele i Heberona
no keaha? kona wahi ia i hanau ai,
aia paha alaila na hoopani, na hoaaloha,
ka poe e kokua ana mamuli o kona kipi ana,
Ae anei ke lii i kona noi ana? E hele ana
Abesaloma i Heberona e kumakaia i kona
alii i kona makuakane ponoi, i hea i hele ai
Iuda Isekariota e kumakaia i ke alii o ka
ao nei?
P. 10---E hia kiu? Heaha ka lakou hana?
E alii ana owai? mahea? Mahea Davida
i alii mua ai?
P. 11—E hia kanaka i hele pu me Abesaloma?
He poe aha? A hele lakou pehea?
Ua huna loaia ka keia manao kipi.
P. 12---Owai ka i kiiia ʹ ku i kokua no
Abesaloma ? Heaha oia mamua? Pehea ka
Davida olelo nona? Hal. 41:9. 55:12---14.
Aia o Gilo ma ka hema o Iuda. Ios. 15:51
Pehea ke poe kipi?
P. 13, 14—I ko Davida loha ana, ua kipi
Abesaloma, a e pau ana kanaka mamuli
ona heaha kana i hoolalelale ai? No keaha?
No keaha keia makau nui o Davida?
Ua manao paha oia e hoako ana ke Akua i
kana olelo hoopai mok.12:10, no kona hewa.
Na ke Akua paha i hookomo ia manao
iloko ona.
Mele---Him.@203. 11 Leo. Ka hoohuli ana.
1
He leo aloha e hea mai nei,
E holo, e holo i kahi maikai,
Ke kumuwai ola i wehea mai,
Ke koko o Kristo e ola mau ai.
5
Ke kau ʹ nei ka make, haalulu oukou,
Ka hookolokolo, Ua kokoke no,
Ke ahi mau loa ke wla mai nei,
E holo ano la i ola mau ai.
NA NINAU A KE KAHU.
Na makua. Heaha ke kumuhana ? Heaha
ka pauku hoopaanaau? Owai keia kipi?
Heaha ke kumu o kona kipi ana ? E
noonoo nui a nai mai. 1 Ka hoomauhala. 2
Ka ohumu. 3 Ka lili. 4 Ke kuko. 5 Heaha
la?---wehewehe mai i keia mau kumu. Heaha
ka hewa mua o Abesaloma? Heaha ka
lua? Heaha ke kolu? Heaha ke hewa nui?
Na keiki. Mahea ke kipi mua @ ma ka
lani. Owai ka i kipi malaila? Ua ahaia
lakou? Mahea ke kipi @h@a ? Ma ka maka
o Edena owai? U ʹ @@a@? Owai kekahi poe
kipi ma ka waonaheie? K@ra ma. U ʹ @haia
lakou? Ua pau i ke aleia, a i ke ahi. Owai
keia ke ki kipi? Abesaloma. Maikai anei
ia, o ke kipi ana o ke keiki i kona makuakane
ponoi? Owai ka haumana i kipi a
kumukaia aku i kona haku? Heaha ka hope
o Iuda Isekariota? Heaha ke kumu o ke ke
kipi? O ke kuko hewa, o ka naau ino. He
poe kipi anei oukou? Ae, ua haalele makou
ia Iahova, a ua hele mamuli o ka lesiea.
o ka hewa, o Satana. Heaha ka pono?
E haalele i ka hewa, e huli mamuli o Ieso.
Ke kula apau. Na manao pili, heaha?
1 He mea makan ka hoomaka ana e hana
hewa. Ka weheia o ka puka a holo moku
no ka hewa. Mai hoomaka e hana hewa. 2
He mea makau ke hana hewa na makua.
Hana hewa Davida Nui na pilikia i hiki
mai maluna ona---nui na kaumaha. 3 He
mea makau loa ke kuko. Kuko Abesaloma
i ka oihana aupuni, a heaha ka hope? Pehea
Iakebo 1:15? Heaha ke kauoha ma
Kolosa 3:5?
Mele—Him. 248. 8---Leo.
1
Ua hewa au, ua nele no,
Aole wahi pono o ʹ u,
A meia nele, eia au,
E Iesu e, eia no au.
3
Ua hewa au, ua kahe nae
Kou koko no ʹ u e maemae ai ;
A, meia koko e, eia no au.
Pule no ka poe kipi ia Iehova, i mihi a
hoi mai a malama ia ia &c.
HAAWINA KULA SABATA, No Mar 19
2 Sam 18:24---33. HAWAII.
Ua loohia ke kuhikuhi puuone o Geremania
i ke onawaliwali mai. Malia paha ua
pilihua aku@ la ka noonoo i ka manao nui i
kekahi mea hou a kona lolo.
NO GILIBETA KA IKAIKA !
KA LUA OLE O KE KOA,
A ME KA PUUWAI KINA OLE.
HE MOOLELO KAHIKO NO ABESALOMA !
MOKUNA VII.
NA KEIKI AO-HANA ELUA---KA HAKAKA.---KA
HOOHIKI ANA E HOOPAI I KA INAINA---KE
KANAKA KUAI PUA-KA LIM-IKAIKA.
KA MEA HOOPAKELE.
“NOLAILA aole au e kuai aku i kuu
mau pua me oe. He mau pua keia i
hana ia me ka maiau loa, a o ke kumukuai
kupono no ia no lakou.” Ia Teta e
olelo ana pela, lalau iho la oia i ka pu a pua
e hoihoi aku i ko lakou wahi i kau ai, aka
ia wa no i hopu aku ai o Wili a kaili mai la
me ke kulai aku i ua kanaka hana pua nei
iluna o ka papahele.
I ko Tobia ike ana mai i ka hanainoia o
kona haku hana, holo kiki mai la oia, aku,
ua loaa koke aku la ia ia ka haawina hookahi
i like pu me kona haku.
He leo auwe ka mea i loheia mai a Belaneke
mai, oiai oia e holo mai ana e kokua
i ka makuakane,--- i ko Wili ike ana i ka
nani o ua kaikamahine nei, hoomaka ae la
oia e akaaka, me ka hookokoko mai ia ia,
apo koke mai la me ka olelo ae. “I honi
ke uku kaulele no keia mau mea i hanaia
mai ia ʹ u” Me ka lima ikaika i hoopili mai
ai oia i kona mau lehelehe i ka papalina o
Belaneke. Uwe ae la o Belaneke, ua hehe
hou ae la ka aka a ua haku powa nei, a
puka la iwaho me na pua iloko o kona
lima.
I keia wa i ala ai o Teta me ka hoonauhiukiia
no kona hoopoino wale ia e ua
ʹ lii powa nei a me ka hoohilahila ana i kena
kaikamahine, a hahai aku la mahope o
Wili Ahui.
Aole i emo ua loaa koke aku la ua kanaka
ino nei, paa aku la keia ma kekahi poohiwi
ona me ke kauoha aku e hoihoi mai i
na pua.
“E hookuu i kou mau maiuu e paa nei i
kuu lole,” wahi a Wili.
“Aole, aia a hoihoi mai oe i na pua e ke
kanaka aihue,” i pane aku ai o Teta
“E hele aku oe ma kahi e,” wahi a Wili
me ka huhu ; “Makemake anei oe e naha
ko poo.”
“E haawi mai i na pua, a i ole e hookaa
mai i ke kumu kuai a pau,” i
nonoi aku ai o Teta.
“He lohe ole anei kou, e hookuu oe i kou
mau maiuu?” wahi a Wili. “Aole au he
kanaka i kupono e kaohiia e ka mea i like
ke ano me oe.”
Lulu ae la o Wili i kona poohiwi me
ka manao e kulai ia Teta, aka, ua paa loa
kona poohiwi i ka palikiia e ia nei.
“Ua hiki iho la e ka hupo. E mahelehele
au i ko oi i mea ai na na manu koraka.”
Ia Wili e olelo ana pela, ua unuhi ae la
oia i kana pahi me ka ho-ana ae e pahu.
Aka, mamua o ka wa i iho ma i ai ka maka,
ua apoia mai la ka pulima a hoohuli ia
ae la ka maka o ka pahi kahi e a pela i
pakele ai o Teta ma i ka moku ana i ka pahi
aka mea pepehi kanaka.
MOKUNA VIII.
KE KAHUNAPULE A ME KE ʹ LII POWA---NA
@@ A@@ HA MA KAH@O KE KANAKA HANA.
KA MAKILI MUA A KY @@ HA.
O KA lima nana i paa mai a hoohuli e
aku i ka oi o ka pahi a Wili, no kekahi
Kahuna Moaeka @@@. He elemakole loihi
a @olea o na lala, a me ke ano oluolu.
He Kahunapule oia ma ka oihana, he makuakane
hoi no Keoni Keresewele, a he
kanaka kaulana no kona baipule.
“E oki kou lima koko,” wahi a ka m@@eka ;
“O ili mai ka hoopai o ka pepehi kanaka
malama ou, e ke kanaka powa!”
“Heaha keia?” wahi a Wili “Heaha
kou mea i keakea wale mai ai i ko ʹ u pale
ana n@ ʹ u iho ?”
“E hoopakele ia oe mai ka hewa nana e
hoopio iho i kou manawa ma keia honua.
Aole anei ou hilahila ka hookela ana i
kou inaina nimua o ka mea kupono ?”
“E hookuu ae oe i kuu lima,” wahi a
Wili,” A i ole oe e hookuu, ma o na lani la
e-------“
“Mai hoomaewaewa wale i ka inoa o na
lani “ i pane aku ai ke Kahuna Moneka;
“O haule koke mai ka inaina o na lani ma
kou wahi e ku nei.”
“Ha ! ha!” i akaaka ae ai ua kanaka
powa nei.” Aole o’u hoopohopo no ia mea,
ke a-a aku nei au i ko na lani. a me ua poe
a pau i kapaia ma kou inoa.”
“Hilahila ole oe,” i pani mai i ka moneka,
me ka hoomau ana no i ka paa i kona
pulima. Ia wa i olelo aku ai oia ia
Teta e hele.
Hookuu koke ae la o Teta i kona paa
ana a hoi koke aku iloko o kona hale.
“Ano, e hookuu koke oe i kou lima,”
wahi a wili ; “O paumaele koke ananei
kou kapa moneka i ke koko.”
“E Wili, aole anei ou hilahila i ka hoohiki
ino ana i na huaolelo pelapela ? Manao
anei oe aole e ili mai kekahi poino maluna
ou ? E malama, a e hookanaka mai
keia wa aku. A i hoomau oe i kau hana e
like me keia, e hiki mai kou hopena me he
kanaka hele la ma ka amana.”
“E hookuu oe ia ʹ u,” wahi a Wili; a ia
wa i huki ino aku ai i kona lima mai ka
paa ana a ka moneka. “E malama i kau
mau haiao no ka poe hupo a me na wahine,
a mai noho a hoopuka hou imua o na kanaka
wiwo ole e like me a ʹ u.”
“E kanaka hilahila ole i piha ke au
awahia o ka make. E hoopau koke oe i
kou hoopilikia wale ana i na poe kanaka
hoopono o ke kaona nei. Ke ao nei au
ia oe ma ka ano makua e hoopau koke, o
hiki mai kou hopena ma ka laau amana no
kekahi manawa pokole e hiki mai ana, i na
aole e naha e kou poo i ka laau hahau, a e
hoonahae koke ia hoi kou puuwai e ka maka
kila. E hele oe mai hana hewa hou
aku.”
“Ba,” i akaaka ae ai o Wili; “Mai hopohopo
oe, mai hopohopo e ka makua, aole
e ili mai ana iapoino maluna o ʹ u. Ua hai
ia mai ko ʹ u e ka wahine kilokilo, aole
e loaa au i na pilikia o ia ano.”
“A ha ! he wahine kilokilo. Mai manaoio
i kana mau namunamu a me na olelo
wehahee o kona olelo hoopunipuni,” wahi
a ka moneka. “He olelo ao kana i mea e
hoomahuahua ia ai kou hewa. E hiki anei
iaia ke hoopakele ia oe mai ka amana mai,
a me ke kaula a ke kanaka li?”
Nolaila e helo oe mai ko ʹ u alanui aku,
oiai aole he waiwai o kau olelo.”
Ia ia i puana aw ai pela, huli ae la ua
kauka nei a hele aku la, me ka haalele
iho i ka moneka e nana aku mahope ona
me na hiona o ka minamina maluna o kona
mau helehelena waipahe.
Hele aku la no hoi ke Kahuna Moneka
ma kona alanui me ke ano kaumaha, a nalo
aku la.
Ia Teta i komo hou ae ai iloko o kona
hale, ua hoomama ia mai la kona manao.
Hopu iho la i na apana kala a Wili i kiola
ai iluna o ka papa kuai, a hookomo iho la
iloko o kona pakeke me ka olelo ae. “Oia
iho la ka uku o ka la hana hookahi. Aole
he kanaka i oi aku kona hooluaieleia e na
hupo mamua o ʹ u.”
Aole i pane aku o Tobia, no ka mea na
papa mai la o Belaneke ia ia ma o kona
nana ana mai.
O ke kaikamahine, e uwe ana ia no kona
hoohilahila akea ia e ke kanaka powa, nolaila,
aole i olelo hou aku ka makuakane
ia ia.
Iloko o kekahi man minute pokole mahope
iho, komo mai la kekahi mau keiki opio
iloko o kona hale hana ; ma ko laua
mau hiona na helehelena o ka hiehie, a ma
ke ano o ka laua kamailo ana, me he la no
loko laua o ka poai o ka poe maikai.
“Aloha oe e Mr.Hana-Pua.” wahi a ka
mea nui o laua.
“Aloha maikai olua e na ui,” i pane mai
ai o Teta.
“Heaha ko olua makemake e na keonimana?”
“Makemake au e nana i kou mau pua
maikai,” wahi a ka mea loihi, a o kekahi
keiki ka mea haahaa iho, i kona ike ana e
uwe ana o Belaneke, huli aku la ia i ona la
me ka ninau aku : “Ina aole i kue ka ninau
ia aku, e hai mai e ka nani a ʹ u e like
nei, no keaha la i hoohanini ia ai na kulu
wai momi mai kou mau lihilihi mai ?”
(Aole i pau.)
KA BURT LAAU OLA!
NO NA
Mai e loaa mai ana no ka holopono ole o ka Opu.
A me ka mea hooikaika i ke Akepaa!
O KEIA LAAU E LOAA MAI AI KE OLA A E PAKELE AI HOI “
He mea ia no ia e pau ai na mai i loaa mai mamuli o ka
Holopono ole o ka ai iloko o ka Opu,
Ka paapu, na Io ulu wale,
Na waikahe wale mai, na mai Nalulu,
Na mai o ke Akepaa, a me
KA PONO OLE O NA PAAHANA O KA WAIHONA AI.
E LOAA KOKE NO KA OLUOLU KE INU I KEIA LAAU MAI KA AKAHI
a i ka eono omole. (e like me ka nui o ka mai. pela e nui ai ka laau).
He mea nui loa ka malama ana i ke kino koko o ke kulana o ke ola maikai ma ka
kokua ana i ka mana o ka hooholepono ana o ka ai iloko o ka opu, a me ka hooikaika
ana e puliki a e hoomau ina ua hana e kokua ai i ke ola oluolu maikai, a mamuli oia
mau mea e makala ai na mea ino mai ke kino ae, me ka ai ole ana i na laau awaawa.
I mea e maopopo ai, e lawe i ka laau Ola a Burt, e loaa ai ka ikaika@ a me ka mea hooikaika i ke akepaa, he LAAU noloko mai o na MEA KUPU. Ma ka ikaika o keia laau a
me ka holo o ka hana maluna o na FAAHANA o ka WAIHONA AI, me ka hooikaika ana i ka opu a me ke kokua i na mea o ke kino, a mala wa no e kaawale aku ai na mai o ke
akepaa, a ma ka hoonaha kupono ana, e loaa mai ai ka oluolu ma ka pau ana aku o na
wai ino. Aole laau maikai e ae i ike ia. e like me ka Burt Laau Ola no na mai e loaa
mai ana no ka holopono ole o ka ai iloko o ka opu, a me ka mea hooikaika i ke akepaa. @
o lanakila nui no keia laau maluna o na mai i loaa mai no ka holopono ole o ka ai iloko
o ka opu, ka paapu, na io ulu wale, ka wai kahe wale mai, a me na ino e pili ana.
He lehulehu ka poe i ike ole i ke kumu i hiki mai ai na mai no ka holopono ole o
ka ai iloko o ka opu : a nolaila, ua manao ia he mea pono ke hoike aku, i kahi wa, ua
loaa ka eha ma ka waha o ka opu ai ai, o ke kumu o ia, o ka holopono ole o ka ai iloko
o ka opu, ka umii ma ka aoao a iloko o ka umauma, ka mulea o ka waha, palaai o
ke alelo, awahia o loko o ka opu, ka hiamoe ole a me ka ono ole i ka ai ka mol@ hai,
paupauaho, ka niua, ka moku honua, ka lia o ka lia o ka ili, a o ka moku ana o na aa lolo
Nolaila, o na paahana a pau o ka kino i loaa i ka nawaliwali, na loaa mai ia mai ka
holopono ole o ka ai iloko o ka opu
O KA BURT OLA A BURT, he laau ia e kipaku aku ana i na mea make ; a o ka
mea i loaa’i nei mau ano mai a hoomanawanui i ka ai ana no kahi manawa, o ke ola
kona hope. Ina he paa ka mai o kahi a inu i keia laau, e loaa koke no ka oluolu maikai,
a loaa no ke oia hou. O na ino a pau o ka io ulu wale, he ola wale no ia i kena laau.
He nui na hoike e ola nei no ke ola ana i keia laau, mahope iho o ko lahou mai ana
no kekahi mau makahiki, a i ka ai ana i keia laau ua ola koke. He hiki no hoi ke hoolilo
loa ia i ka ole ke ai i keia laau ola a Burt, a pela no hoi na mai na mai mawaho o ka ili, he
lilo loa ia i ka ole ai i keia mea maikai. A he laau maikai no ma ka inu ana.
O keia laau, ua loaa mai ia mailoko mai o ke kuhikuhi a kekahi kauka lapaau
kaulana, nona ka lapaau ana i kona ohana iho, a ua loaa no ke ola maikai. Ke waihoia
aku nei keia laau imua o ka lehulehu, me ka lana o ka manao e hahai ia ana no e ua
pomaikai na poe e ai ana, ina paha he nui ka mai, e ola ana no.
O KEIA LAAU A BURT, KA LAAU MAIKAI MA KE AO NEI, nolaila, he
pono i na poe mai keho@o i loaa ke ola. E loaa no keia laau ma ko makou Halekui
Na kuhikuhi no ka inu ana:
E inu i hookahi puna nui i ke kakaihiaka a me ka ahiahi, hoonui aku paha a hooemi
mai paha, i mea e hemo maikai ai oloko, elua a hookahi manawa paha o ka la. Mai
inu i ka wai iloko o umikumalima minute, mamua a mahope ok ka inu ana.
KUMUKUAI, $1.25 no ka omole.
KO KALEPONI LAAU OLA !
A ME KA MAI HANO.
DILLINGHAM & CO.,
720 3m Na Agena no ka Pae Ama Hawaii.
J.PORTER GREEN,
“KEIKI O KAUKAUKIUKUI”
LOIO !
E HELE MAI NA MAKAMAKA A PAU IO’U
nei. a na ʹ u no e kokua ia oukou kena o ka Aha Hoomalu
a me ka Aha kiekie, me ka uku haahaa makepono
loa. Aia kuu keena hana ma kahi o ka Lunakanawa@
Hoomalu o Honolulu nei, oia ka “Niko.” ma alana Kale
pa. @@@ @@ @@
WING SING & Co.
Puhi palaloa,
E waiho mau ana na palaoa a me na hopena palupalu. Klhi
o na hui@@ alanui Nuuanu a me Beritania @@@ @@ 755
E. STREHZ, (AI LUENE,)
HAAWI A KUAI
LAAU LAPAAU.
AIA MA MONIKAHAAE KIHI O NA HUINA
O IA ALANUI PAPU A ME HOTELE. Ala mahuia na Wa
@@@ E hamama mau ana i na ahiahi Poaono a pau.
6@@@@ 741
Mea Hou Maikai.
NA PEPA kakau farani me na wahileta o kela ano
kela ano. @ hanaia @@@@@@ o kekahi paha liilii. O ka
kumukuai o keia pepa ano hou. He hapaina a hookahi
dala. Ala ma ka hale kuai buke o
lm-705 H.M.WINI
He Hoolaha i ka Poe Aie !
Oiai. ma ka la 18 o Ianuari 1876, ua aeia ka palapala
kauoha hope loa a KAL@AHI. o Honolulu, Oahu i
make, maloko @la@@. na hookaawa@@ia ka mea nona ka
inoa malalo iho i hookina no kona mau waiwai a pau. nolaila
ke kauohaia aku nei ka poe a pau ana i aie aku ai. e
hoike mai na bila olaio ia’u, iloko o na malama pono mai
keia la aku. KALEI
Honolulu Ian 22, 1876 @@@ @@ 711
EIA KA MANU HOU
HE BUKE MELE HOU NONA KA INOA
“ROBINA GULA,”
ua 110 ka nui o na mele halepule a hoonanea o keia Buke
Hou.
He 15 k@n@@ no ke kope, ai ole la. he @10 no ka 100
kope. E kuai ia e @m @@@ H.M.WINI
KA NUPEPA A KUoKoA
E HOOPUKA MAU IA MA HONOLULU,
1 KELA POAONO KEIA POAONO
$2.00 no na mahina Umikumalua
$1.00 “ “ “ Eono.
ME KA HOOKAA MUA MAI.
NA OLELO HOOLAHA---aole e oi mamua o 10 laina no ka
hoopuka hookahi ana. $1.00 ; alua puka ana he 1.50
hookahi malama, $2.00. EUKU MUA ia mai ke dala
o na Olelo Hoolaha e hoounala mai ana e pai.
O NA UKU A PAU E HOOKAA MUA MAI NO---aole e kau
ia ka inoa o ka poe lawe pepa ke ole e hookaa e mai
mamua. E pono e hiipolia kela mau rula, no ka
mea, he emi no ka auhau no keia nupepa.
AIA KE KEENA O “ KE KUOKOA “ MAKA
HALE LETA HOU.
H.M.WINI.
Luna Hoopuka.
Lole Makepono ke Kuike !
E LOAA NO IA MA KAHI O
KAKELA ME KUKE,
---------E LAA NA------------
AHINAHINA,
KALAKOA,
KEOKEO,
LEPONALO,
Pena, Aila, Auiani,
Na Mea Piula,
Kopa, Aila Honua,
Aila Hoomaloo,
Kui kakia, Pakeke,
Tabu, Kaula, Noho lio,
Hulu-nalaki, na Pulumi.
A he Agena no hoi no na Mokupuni o Hawaii
nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na lole kupono i ka wawae,
Palule Huluhulu, Na lole huluhulu,
Na lole no ka hoohehelo ana
Lipine, lihilihi, a me ia mea ʹ ku
-----A HE-----
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
---A HE---
laau lapaau kaulana loa
A Dr. JAYNES.
Laau Kunu
Laau Hoomaemae Koko,
Laau hoopau naio,
Penikila, Huaale,
A me na Laau Hamo, a pela ʹ ku.
707 ly 759