Ka Nupepa Kuokoa, Volume XV, Number 9, 26 February 1876 — Page 3

Page PDF (1.74 MB)

KA NUPEPA KUOKOA. ME KE AU OKOA I HUIIA.

Ka make ana o Akawa Pake.

E KA NUPEPA KUOKOA E ; Aloha oe :—
               Ma ka la 14 o Feberuari nei, ua hoi ma makou mai Lahaina mai maluna o ka waapa i kau ia o "Kilauea" he ano malie ka makani ia makou i hoi mai ai, aka, he ano pakuikui nae mamua ae nei o Molokai, no laila, ua ane hoeaia ka kou ana. Ma ka hora 5 paha o ke ahiahi, ua pili makou i na kuaua nalu o Molokai. Mahope iho o ka makou hoohuli ana i ka waapa iloko i waho, e ake ana e komo pono i ke awa, a ma ka manao ana o ka poe i kamaa lalo ana, ua hookomo iho la makou me ka maino o ke awa la, aka, ua hulihewa ia manao ana, no ka mea, ua ikeia makou ma ka noho maloko o ke awa, a iloko o kekahi puao nalu, loaa iho la ka waapa i ka nalu, a poho iho la, aole nae i kahuli ka waapa, ia manawa oia ka wa i lohe ia aku ai ke kahea ana mai a Akawa (pake) e kokua aku kekahi i kana keiki uuku — hookahi paha makahiki a me ka hapa kona kahiko, oia manawa nae ka wa a kekahi nalu nui ahiu i hoohuli iho ai i ka waapa ilalo, a nalowale iloko o ka hohonu o ke kai, a nana hoi i hoomalana ae i na ohua kanaka a me na ukana e au hele ana ma o a maanei Aka, mamua nae o ka po-i ana mai o na nalu'la nana i hoohuli i ka waapa ilalo, ua paa e aku la ke keiki ia'u, a popoi iho la ka nalu, ua hooikaika au e hoopakele ae i ke ola o ke keiki, aka, aia no ke keiki e ola ana iloko o ko'u lima ; o ko'u kulana nae ia manawa he kulana kupilikii loa, no ka mea, o ko'u mau lole komo ia wa, ua pipili, a like ae la i na wawae, e hiki ole ai ke au ae, a o na lima hoi ua paapu i ke keiki opiopio, nolaila, me he pauku laau'la wau e huki ia ana ilalo o ka hohonu o ke kai, aka, ua maopopo ia'u, o ka pipili o ko'u lole wawae ke kumu nui o ko'u pilikia, nolaila, ua hoomanawanui loa au e wehe ; kekahi lima o'u ke paa'la no i ke keiki ; a i ka hemo ana o ko'u lole wawae, ua mama ike ae la au, pela au i au aku ai a loaa ia'u ka hoe ka o ka waapa e lana ana, a loaa iho la ia'u he wahi e hoomaha iki ai, a pela hoi i loaa ai he kokua maikai no ke keiki opiopio a'u e paa nei.
               Mamua iho nae o keia manawa, ua ike aku au ia Akawa pake e lana ana ua kaawale nae mai ka waapa mai, a ua kaawale no hoi mai kahi a'u e au nei me ke keiki, ia manawa popoi hou mai la ka nalu, a i ko'u hoea ana ae, nana hou aku la au ma kona wahi i lana ai, ua nalowale, a o na mea a'u i ike aku ai ia manawa o J. Kaoo a me D. W. Kaiue, aia no laua i ka waapa kahi i paa ai, kahea aku la au ia laua, auhea ka pake ? Pane mai la kekahi, " Auhea hoi ka pake," o ko laua kulana ia manawa, ua ano nawaliwali, a pihopiho i ahona wale no laua i ko laua puliki paa loa i ka waapa, au aku la au me ke keiki a hiki i ka papau, ku na wawae manao ae la ke ola, ma ia wahi a'u i pae aku ai, ua pae mua aku kekahi mau mea o makou, me ka nawaliwali no, a haawi aku la au i ke keiki i kekahi o laua, a hoomaka aku la au e au hou i ka waapa, oiai ka waapa ma ka hohonu, ua kahea mua aku nae au ia D W Kaiue a me J. Kaoo e au mai aka, ua makau loa laua i na e haalele ana i ka waapa, nolaila, ua kauo mai la au i ka waapa me ke kaialupe ana mai a ka nalu a kokoke loa i ka papau, ia manawa ko laua haalele ana i ka waapa, a nana ae la makou kekahi i kekahi, hookahi mea i nalowale loa oia no o Akawa ka pake. Eia ko makou nui mai Lahaina mai, Rev. E Kekoa, D W Kaiue, J Kaoo, Puaahiwa, Keakamai, me kana ipo, Akawa pake me kana keiki opiopio, a me a'u no hoi, eiwa ko makou huina. I keia manawa a makou e akoakoa nei, ua hiki mai la na au-waa kokua mai uka mai a me hookahi waapa, na lakou i lawe liilii aku ia makou a pae i ka aina maloo, ua poeleele nae. Pela iho la i pau ai ka moolelo o keia huakai poino.
               A ma ka Poalua ae la 15, holo hou aku makou e huli i ke kino make o Akawa pake ma kahi i make ai makou. Ma ko makou luu ana i ka hohonu, ua loaa mai kekahi mau ukana ia manawa, na lole a me na dala he iwakalua kumamawalu me akolu hapaha, iloko no o ka lole wawae o ka pake, (aole nae keia ka lole wawae e paa ana i kona kino). A no ko makou ake loa e loaa ke kino make o Akawa ia makou, ua holo hou aku makou mawaho aku, ia manawa ike aku la makou i kekahi mano nui e kokoke mai ana mahope o ka waapa o makou a pelu hou aku la, a luu i ka hohonu, aole i liuliu mahope iho, hoea mai ana iluna o ka ili kai, me ke kino make o Akawa, e paa ana i ka waha o ka mano, a hookiikii ia mai la iluna o ka ili-kai me ka hooluliluli ia i o ia nei, me he aki ana la a ka ilio huhu i kekahi mea, a luu hou aku la. Ia wa, hoe aku la makou a hiki ma kahi a ka mano i hoike mai ai, ike iho la makou, ekolu mau mano nui e holo ana i o ianei, me na apana lole o kona kino e puehu ana. A malino ae la ke kai, ia manawa, ua kau mai la ke eehia maka'u ia makou, a huli hoi mai la makou, me ka pau o ko makou manao no ka loaa mai o ke kino make.
               A ma kekahi la ae ua hoouna ka waapa e kii aku i kana wahine a me na keiki elima ma Lahaina, a e hai aku hoi i keia lono kaumaha.
               A ke nonoi aku nei au i ka lokomaikai o ka Luna Hooponopono, e hoolaha piha aku i keia moolelo kaumaha, i ike mai ai na makamaka puni mea hou o kaua, mai Hawaii a Kauai. Me ka welina aloha ia oe a me na keiki hoonoho hoa o kou papa pai. S K. KUPIHEA.

He Nane no ka Manu Waimomona.

E KA NUPEPA KUOKOA E ; Aloha oe :—
               i Ka ipu mokihana i piha pono i ke ala a ke kupaoa, e kuwili ana hoi i ka ihu o ka poe e lawe ana i kou kino holookoa. Ko lei lehua hoi i maalo ae.i ke alo o Laukiamanu i Kahiki.
               E oluolu oe e lawe aku i keia wahi kanaenae, ma na kihi eha o keia ailana ; mai ka la puka i Haehae, a emi iho hoi i ke kai o Lehua. Aia ma ke kulanakauhale o Kobenahadena i Denemaka, kekahi agena hanai manu, o na ano a pau ; a he mau tausani o lakou. A maloko oia oihana kekahi o na manu, i oi aku ka nani, a me ka maikai, a lai onaona lua ole kona mau maka, ke nana ia aku i kona manu e ae a pau. I ka wa opiopio o kela manu, ua aiai kona hulu, moha hoi e like me ka ie nani.
               A i ka wa e apoapo a lele ai kona mau eleu, ua kahuli ia ae la kekahi o kona ano hulu i eleele a kinohinohi maila no hoi me ke keokeo kona ano, e like me na kino o ka Le****. Ia wa, i ike ia aku ai kekahi kaei eleele ma kona poo, i kau ia me na hua palapala l4, ma ia kaei, e like ana ka hua 1, 9, 12, like ka hua 2, 8, 14, ka hua 4, 10, ua like, ka hua 5, 7, ua like. Like ole ka hua 3, 6. O ka loa o keia manu 2 kapuai, 17 1/2 mau iniha kona laula.
               I kekahi manawa, lele aku la oia i ka lewa o ka lani, e kiei ana ma na puu, e halo ana hoi ma na mauna ; e lehei ana ma na pali. A hookokoke aku la oia ma na kukuna o ka la, a no ka nui loa o ka malamalama i alohi mai ia ia, olinolino mai la kona mau maka ; a poniuniu ae la hoi kona ike, a haule iho la ilalo i ka honua, e kokoke ana i ka hale o Kulawairose. Ike mai la oia i keia manu, kona ea, e kamau iki ana no kahi aho, ua eha nae kona kino.
               A hoihoi aku la oia ia ia ma kona hale ; e lapaau ai i kona eha. A hanai aku la oia ia ia i na opuu palaoa mo-a elua ; a hala ae la ka hebedoma, ikaika ae la kona ano, puipui ae la hoi kona kino, e like mamua. A no ka loihi loa o ka nalowale ana o keia manu, haohao iho la ka agena ia ia, a hoolaha ae la i kekahi olelo, " O ka mea e loaa ai ka manu, i kau ia ma kona poo na hua palapala 14 ; e hoihoi mai ia'u, agena," a ike iho la o Kuluwairose i keia, hoihoi aku la oia iaia i ka agena, a kuka pu iho la laua ma ke kamailio ana. A hooholo iho la ka agena i kona manao, e pili no ia manu ia Kuluwairose. A haawi hou aku la ka agena i na manu 51 ; i like loa ke ano me keia, no ka lapaau ana i kona mau eha, a me ka hana ana ia ia i na opuu palaoa elua. Aole nae e haawi ia keia mau manu i ka manawa hookahi, e like me ka manawa pono i ka agena ke haawi aku, a pau ka makahiki, pau ue la ka haawi ana. Hoi aka la o Kuluwairose i kona hale, wehe ae la oia i kona mau eheu ; ike aku la oia e kulu mai ana he wai momona mai loko mai o kona kino, e like ana ka ono a me ke kuhikuhinia, me ka ka nalo meli e hana nei ma na puha laau o ke kuahiwi. Hauoli piha iho la o Kuluwairose, me ka mahalo i ka agena, i kona haawi ana mai i keia manu.
               A he hiki no i keia manu ke hooili ia aku i na ukana maluna ona, a nana no e hai aku ma kela wahi keia wahi. O ka ukana i oi aku ke kaumaha i ka manao o ka agena e uku no, a o ka nui o na ukana i kupono i ka mama, i ka manao o ka agena aole no he uku. I ka lohe ana o na kanaka i ka hana a keia agena, ua piha ae la ka iini a me ka makemake o ka manao o kekahi poe i keia manu wai momona, me ka hakukoi ana hoi o ko lakou mau puuwai, me ka olelo ana, " Elua wale no opuu palaoa e haawi aku ai i ka agena loaa mai na manu wai momona 52. Homai ! Homai ! Homai hoi !!! i manu wai momona na makou, i ike ai makou i ka ono a me kuhikuhinia o ka wai a ke kehau." A o kekahi poe hoi, ke ku wale mai nei lakou e nana i ka hai manu, me ka olelo ana, " He poho ka na opuu palaoa elua ke lilo i keia manu." E aha iki iho kakou e pane mai ia mea. Eia ka ino la. Aia hiki mai la ka manu kinohinohi i hoonohenohea lua ole ia, kona mau maka ke nana aku, e mikiala ae auanei ilaila, e nana aku ai i ka hai manu, a e hamohamo ai i kona mau hulu, a neo aku ka mea nana na opuu palaoa elua hoka wale iho keia. Ua hala ka Puulena aia i Hilo. E lakou nei e, e ka poe aole i loaa ka manu wai momona e kii i manu, me na opuu palaoa no elua, a haawi aku i ka agena, loaa mai na manu 52.. E wiki kakou, mai lohi, o ka manawa kupono keia, o haule auanei i ka hope o " Kilauea", aohe ike wale ia mai, ua kani aku la ka oeoe, ke nome la ka huila i ka ili o ke kai, a nele hoi kakou i ke manu. Heaha ka inoa o ka manu ? Heaha na opuu palaoa ? Heaha hoi ka ukana e hooili ai ? Owai ka agena ? Me ka Waikoolihilihi o ka manao, e loaa no i na opuu rose opio, e inu ana i ka wai a ke kehau. Me ka Luna Hooponopono ko'u mahalo piha, a me na keiki lawe mikioi i na hua kepau. Owau no me ke aloha,
KEALAKUHILMA.
Laie, Feberuari 14, 1876

               E IKE auanei na kanaka a pau ke nana mai i keia olelo hoolaha, owau o ka mea nona ka inoa malalo nei; ke hoike aku nei au ma keia la, ua koho pono ia aku o Kahuhu k. o Moanalua, me ka mana piha pono, e hoomalu a e hopu i na holoholona komohewa a pau maluna o kuu aina kula e waiho ia ma Moanalua, e pili pu ana me ka aina Luaiholea, e pili ana me Umi-Loi, oia ka apana aina o Kealoha k. ia Abigaila Maikai w, i lilo mai ai ia'u ma ke kuulala a ka Ilamuku nui. Nolaila, ua kapu loa na Lio, Bipi, Miula, Hoki, Kao, Puaa na mea like. Ina e loaa i kuu luna, e hopu la no, a e ukuia kela poe keia poe i komohewa $1 00, a i ole e hookoia na koina a kuu luna, alaila, e laweia ma ka Pa Aupuni, e like me ke kanawai. A e lilo keia i kanawai paa loa no kuu apana aina i oleloia.
H. KAMAKA. K Kahuhu, Hope Luna,
Apua, Feb 23, 1876. 734 4t* 745

               EIA ilalo o ka Pa Aupuni o Koholaloa, Apana o Honolulu, na holoholona hele hewa i lawe ia mai. Eia ke ano a me na hao kunu. 3 Lio e kuai kudalaia ana, ke hiki aku i ka la 6 o Maraki. Lio w ulaula laekea iki, 4 w keokeo ak P-C hem anoe. Lio k eleele wiwi kuapuka laekea loihi a hiki i ka ihu 1 w keokeo mahope ak UKJ hem SIKA Lio k eleele laekea loihi a hiki i ka ihu kuapuka. 2 w keokeo mahope ak ano e. 2 Piula w aole maopopo o ko laua mau hao. He mau lio hou mai no kekahi - kao k kukaenalo ak. Lio w eleele, loihi keokeo iki ma ke kuemaka, 2 w keokeo mahope sk JP Lio k ulaula laekea loihi a hiki i ka ihu 3 w ak HH hem UK. Lio k hulupala 1 w keokeo m ak NUI VM Lio k hauliuli wahi kiko keokeo iki ma ka lae ak NP A B KAAUKUU, Luna Pa Aupuni. Feberuari 25, 1876. 743 1t*

OLELO HOOLAHA.

                    UA MAKEMAKEIA, MAI ka 1,000 Eka a hiki i ka 5,000 o na Aina maikai loa, me ke ala kupono no ke kaa ma ua aina la, ma ka mokupuni Oahu. 743 1m CHARLES LONO.

C. H. DICKEY (Kalekika). LOIO !
MA HAIKU, MAUI.

                    UA MAKAUKAU E HANA PALAPALA Kuai Palapala Moraki a me na mea a pau e pili ana ma ka oihana loio.

Hoolaha a ke Kahu Malalama Waiwai.

               NO KE KOHOIA ana mai e ka Aha Kiekie o ko Hawaii Pae Aina, he Kahu Malama Waiwai no ALBERT KUNUIAKEA, ma keia, ke hoikeia aku nei i na mea a pau, aole e hookaaia na aie i hanaia, ke ole e hooia ia me ko'u lima kakau, a e ko'u agena paha, aole no hoi e paa kekahi kuai i hanaia me ia, waiwai paa a waiwai lewa paha, ke ole he palapala ae mai a'u aku.
EMMA KALELEONALANI,
Kahu Malama Waiwai o Albert Kunuiakea.
Honolulu, Feb 23, 1876. 743 4t 746

               Ke papaia aku nei na mea a pau,, aole e hele a komo wale i kuu hale laau, e ku nei ma Kumumauu, aole hoi he kuleana o kekahi mea e lawe wale i na mea a pau e waiho ana ma ua Halelaau la, oiai no'u ponoi no ia waiwai, aole no ka mea e ae. A o ka mea a mau mea e kua ana i keia olelo hoolaha, e pili no ia lakou ke Kanawai o ka aina, a pela aku. E malama ia oukou iho e ka poe e manao ana e pakaha wale i kuu waiwai, o wela auanei i ke ahi a ke keiki o Nuuanu.
PAULO NUUANU.
Kumumauu, Moanalua. Feb 13, 1876 743 3t* 743

               E IKE auanei na kanaka a pau ke nana nei i keia, mamuli o ka hoonoho ana mai o Hon. D McEryde ka Lunakanawai K. Apana 4 ia'u, i Lunahooponopono no ka Waiwai o MANUELA GOMAS, o Moloaa, i make kauoha ole. Nolaila, ke kaheaia aku nei ka poe a pau, ina he mau aie ko ka mea i make ia lakou, e pono e hoike koke mai me ka oiaio, a o ka poe hoi i aie i ka mea i make, e hookaa koke mai, a ina he mau waiwai e malama ia nei ma kahi e, e hoihoi mai i ka mea nona ka inoa malalo nei iloko o na malama eono mai keia la aku. Z. SETA, Lunahooponopono Waiwai.
Waioli, Hanalei, Nov 24, 1876. 743 4t* 746

               E IKE auanei na kanaka a pau, o maua, o na mea nona na inoa malalo iho, na Lunahooponopono o ka waiwai o KAIHUMUA k, o Waikele, Ewa, Oahu, i make, ke kauohaia nei ma keia, o ka poe a Kaihumua k, i aie aku ai, e hoike mai i ko lakou mau bila i hooiaio pono ia, a me ka poe i aie ia Kaihumua k, e hookaa mai i na mea nona na inoa i hoikeia malalo iho. E loaa no maua ma Waikele, Oahu, a i ole ma Honolulu, ma kahi noho o J K Unauna. HULUHULU (k), KAHIKIULA (w), Na Lunahooponopono Waiwai o Kaihumua. 743 4t* 746

PAAHAO MAHUKA !
$20 Makana !

                    A E HAAWIIA NO KA IWAKALUA DALA $20.00. Makana i ka mea nana e hopu a hoihoi mai ma ka Halepaahao ma Oahu, i na paahao mahuka, no laua na ano malalo iho :
               Makaokalani, ka mea i holo malu mai kona wahi hana aku ma Alanui Beritania, i ka la l8 o Ianuari 1876 — he 5 kapuai 8 1/2 iniha kona kiekie. Ma Hilo kona wahi i hanauia'i ; he mau maka poniponi eleele, a he ano ua hoonaaoauia, a oia no hoi ka mea i mahuka mua iloko o Au. gate 1875. He 19 ona mau makahiki.
               Heleloa, ma Waiehu, Maui kona wahi i hanau ai ; he 22 makahiki, he helehelena palahalaha, a he poheke ; he ili eleele ; a oia no hoi ka mea i holo malu iloko o Augate M. H. 1875, a loaa ai ma Kewalo. W C PARKE, Ilamuku.
Honolulu, Feb 17, 1876. 743 4t 746

               KE hoikeia aku nei i na kanaka a pau, o makou ka mea nona ka inoa malalo nei, aole makemake e komohewa ma ka aina i kapaia o "KAHIKINUI," Mokupuni o Maui, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la, aole hoi lakou e hookuu wale i na Bipi a me na holoholona e ae maluna o ua aina la, me ka ae ole o ka mea nona ka aina. Ua kapu pu ka poe hana wai ona a kuai aku maluna o ka aina, a o ka poe hookuli, e hoopiiia no lakou ma ke Kanawai. M. PICO,
C. SILVA & Co. Honolulu. Feb 21. 1876. 743 4t* 744

O ka Laau Penikila Hoopau Eha a PERRY DAVIS,

                    UA kamaaina loa ia kakou o Hawaii nei, a ua hoaponoia e na kupa Hawaii a me na haole, he laau kupono no ka ohana, a no ka maopopo lea o kona kulana mawaena o keia lahui, ua makehewa ke hai hou aku i keia manawa kona mau ano maikai. O ke kuai mau ana o na ano kanaka a pau, oia ke hoailona o ke kaulana lua ole o keia laau. Ua kuaiia aku ma na Halekuai Laau Lapaau a me na Halekuai Mea Ai a pau, a e loaa na pahu okoa ma kahi o ka Agena. A. W. PEIRCE & Co.
Alanui Moiwahine, Honolulu H. P.

Perry Davis' Vegetable Pain Killer,

                    SO long and favourably known on these islands as a household medicine for born natives and foreigners, still maintains its reputation as an invaluable family medicine, too well known and highly esteemed to need any "putting" from us. Its constant and steady sale is sufficient guarantee of the favour it obtains among all classes of people.
               It is sold by all Druggists and Grocers and in quantities by the agents A. W. PEIRCE & Co.
742 1m 745 Queen Street, Honolulu H. I.

Hoolaha a ka Luna Hooponopono Waiwai.

                    UA HOOKOHUIA ma ka mea nona ka inoa malalo iho, e Abr. Fornander, kekahi o na Lunakanawai Kaapuni Apana Elua o ko Hawaii Pae Aina, i Lunahooponopono no ka waiwai o KULANI k i make kauoha ole, ma Halehaku, Hamakualoa, Maui. Nolaila, ke kauohaia aku nei ka poe a pau i aie i ka mea i make, e hookaa koke mai ; a me ka poe ana i aie aku ai, e hoike mai me na bila i hooiaioia, iloko o na la he kanakolu mai keia la aku.
S W KANEHOALANI, Lunahooponopono Waiwai. Honopou Ian 31, 1876. 741 4t* 743

               E IKE auanei na kanaka a pau, o makou o na mea nona na inoa malalo iho. Ua hoolimalima ia e makou ka Aina Aupuni o KAHIKINUI Maui. Nolaila, ke kauoha aku nei makou i ka poe mea holoholona a pau, e holo ana maluna o ua aina la, e hele mai lakou e kamailio pu me makou, no na mea e pono ai ko oukou mau holoholona. E loaa no makou ma ka Hale Kuai lole o Chas.Silva & Co, Kale Pukiki ma, ma Wailuku Maui.
CHAS. SILVA & CO. KALE PUKIKI, Wailuku Maui Feb. 1, 1876. 740 4ts* 743

               OWAU o ka mea nona ka inoa malalo iho nei, na hoonohoia mai au e ka Mea Hanohano Abr. Fornander, Lunakanawai Kaapuni Apana Elua H P A., i Lunahooponopono no ka waiwai o SOLOMONA KALAMA, o Honokohau. Maui i make iho nei ma Lahaina, Maui. Nolaila, o ka poe a pau i aie mai i ka mea make, a me ka poe ana i aie aku ai, e hoike koke mai ia'u me na bila kupono, iloko o na malama eono mai keia la aku, o hoole loa ia auanei. M. MAKALUA,
Lunahooponopono Waiwai o S Kalama. Lahaina, Feb 11, 1876. 742 4ts 744

Kuai i ka Aina i Moraki ia.

                    MA KA MANA i haawiia mai ia'u ma kekahi palapala moraki i hanaia e Kihei (k) a me Kealohapauole (w), a lilo ia William Hillebrand, (o Kauka Hilibarani ma ka la 23 o Feberuari M H 1869, i mea hoopaa no kekahi Noka i hanaia ma la la hookahi, no na Dala Elua Haneri, e hookaaia ana i ka makahiki hookahi, (ina aole hookaaia keia mau dala a me ka uku hoopanee, a me na lilo a pau o keia hoolaha ana). E kuai ana no au mahope o ka holaha akea ana aku, ma ke kudala ana i kela aina a pau loa ma Manoa, Oahu, i hooliloia ia Kealohapauole, ma ka Palapala Sila Nui Helu 708. Maloko o kela aina 5 32/100 Eka, me na mea a pau loa maluna o kela aina — E kupono ana me ke kanawai i hooholoia ma ka la 18 o Iulai A. D. 1874, i kapaia he Kanawai. J. PORTER GREEN, Loio no J M Smith, Hope no Wm. Hillebrand, (Kauka Hilabarani. 742 3ts 741

               MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o EHU k, no Kalua, Wailuku, Maui i make. Ua heluheluia a ua waihoia ka palapala noi a Ehu k, e noi ana, e hooponoponoia ka waiwai o kona makuakane o Ehu k, no Wailuku, Maui H P A i make, a e hooholo ia i na i na hooilina. Nolaila, ke kauohaia aku nei na kanaka a pau ke pili, o ka Poaha oia ka la 17 o Feberuari 1876, ma ka hora 1 o ke ahiahi, ma Ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me ka mea kue ke hoikeia. ABR. FORNANDER,
Lunakanawai Kaapuni Apana Elua H P A Lahaina Ian 20, 1876. 739 3ts 743

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o IHUOLE (k), no Wailuku Maui i make.
               Ua heluheluia a ua waihoia ka palapala noi a Heeia w, e hooponoponoia ka waiwai o kana kane o Ihuole (k), no Wailuku Maui H P A i make, a e hooholoia ka waiwai i na hooilina. Nolaila, ke kauohaia aku nei na kanaka a pau ke pili, o ka Poakahi, oia ka la 13 o Maraki 1876, ma ka hora 9 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER, Lunakanawai Kaapuni Apana Elua.
Lahaina, Feb 5, 1876. 740 3ts 743

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KANIHO (k), no Lahaina, Maui i make.
               Ua heluheluia a ua waihoia ka palapala noi a Paakiki k, e noi ana, e hoonoho iaia i Lunahooponopono no ka waiwai o Kaniho k, no Lahaina, Maui H P A i make. Nolaila ke kauoha ia nei na kanaka a pau ke pili, o ka Poakahi, oia ka la 28 o Feberuari 1876, ma ka hora 9 o ke kakahiaka, ma ka Hale Hookolokolo ma Lahaina, oia ka la a me kahi i koho ia no ka hoolohe ana i ua noi ia a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina. Feb 5, 1876. 741 3ts 743

                    AHA Hookolokolo Kiekie o ko Hawaii Pae Aina. Ma ka hooponopono Waiwai. Ma ka waiwai o KAUAOHILO w, O Honolulu i make kauoha ole. Iluna o ka Lunakanawai Chas. C. Harris. Olelo kauoha, e hoolaha aku no ke noi ana mai e koho i lunahooponopono Waiwai.
               Ma ka heluhelu a me ka waiho ana mai o ka palapala nei a Moehewa, o Honolulu, e hoike mai ana. o Kauaihilo w, no Honolulu, ua make kauoha ole ma Honolulu, ma ka la o Novemaba M H 1872, a e noi ana, e haawiia ka Palapala Hookohu Lunahooponopono Waiwai ia Moehewa, o Honolulu.
               Ua kauohaia, o ka Poakahi, ka la 6 o Maraki M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Honolulu ko Hawaii P A. Feb. 11, 1876. CHAS C. HARRIS,
Ikea : Lunakanawai o ka Aha Kiekie. Jno. E Barnard, Hope Kakauolelo. 742 3ts 741

               AHA Hookolokolo Kiekie o ko Hawaii Pae Aina. Ma ka hooponopono Waiwai, ma ka waiwai o AIONA (pake), o Honolulu i make kauoha ole. Imua o ka Lunakanawai A F Judd. Olelo kauoha no ka hoolaha ana i ka palapala noi Lunahooponopono Waiwai.
               Ma ka heluhelu a me ka waiho ana mai o ka palapala noi a Kue w, o Honolulu, e hoike ana, o Aiona (pake) o Honolulu, ua make kauoha ole ma Honolulu, ma ka Ia 14 o Feberuari M H 1876, a e hoopuka ia na palapala Lunahooponopono Waiwai no William O Smith.
               Ua kauohaia, o ka Poalua, ka la 7 o Maraki M H 1876, ma ke Keena, ma ka Hale Hookolokolo ma Honolulu, imua o ua Lunakanawai la, oia ka manawa a me kahi e hele mai ai na mea a pau ke pili. Ina he kumu ko lakou e hooleia ai ua noi la, a e hoolahaia keia olelo kauoha, ma ka olelo Beritania a me ka olelo Hawaii, maloko o ka Hawaiian Gazette a me ke Kuokoa, na nupepa ma Honolulu.
Kakauia ma Honolulu ko Hawaii P A Feb 15, 1876. A. FRANCIS JUDD,
Ikea : Lunakanawai o ka Aha Kiekie
Walter R Seal. Kakauolelo. 742 3ts 741e

               MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o HOOHUA KUAMUU (k), no Waikapu, Maui i make.
               Ua heluheluia a ua waihoia ka palapala noi a A Hoa w, noi ana, e maheleia a e hookaawaleia kona hapalua iloko o ka waiwai paa o kana kane make, oia hoi o Hoohua Kuamuu, no Waikapu, Maui, H P A i make. Nolaila, ke kauohaia aku nei na kanaka a pau ke pili, o ka Poakahi, oia ka la l3 o Maraki 1876, ma ka hora 10 kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER, Lunakanawai Kaapuni Apana Elua H P A
Lahaina Feb 10, 1876. 742 3ts 744

               AHA Kiekie o ko Hawaii Pae aina. Ma ka hooponopono waiwai. Mokupuni o Oahu, ko Hawaii Pae Aina SS. Ma ka waiwai o A KAHEKILI i make.
               Olelo kauoha, e koho ana i la e hooiaio ai ka palapala kauoha, a no ka hoolaha ana.
               No ka mea, ma ka la 10 o Feberuari, M H 1876, ua waihoia mai imua o ka Aha, kekahi palapala i oleloia, oia no ke kauoha hope loa a A Kahekili, i make aku la, a me ka palapala hoopii e noi ana, e hoolahaia ke la palapala kauoha, a e hoopuka hoi ka palapala Luna Hooko no Kelelaina w a me Kalola w, ua waihoia mai e Kelelaina w a me Kalola w.
               Nolaila, ua kauohaia, o ka Poakahi, oia ka la 23 o Feberuari, M H 1876, ma ka hora Umi kakahiaka ma ka rumi Hookolokolo oia Aha ma Honolulu, ma Oahu, oia ka hora e hooiaioia'i la ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ka Hawaiian Gazette a me ke Kuokoa he mau nupepa i paiia a i hoolahaia ma Honolulu. A ua kauoha hou ia, e hoopukaia na palapala kena i na hoike no ia palapala kauoha a me na hooilina o ka mea make, e hele mai a e kue i keia palapala kauoha i ka wa i oleloia.
Kakauia ma Honolulu, ko Hawaii P A Feb 10, 1876. CHAS. C. HARRIS,
ikeia e : Lunakanawai o ka Aha Kiekie. Jno. F. Barnard, Hope Kakauolelo.710 2t 743

               AHA Kiekie o ko Hawaii pae Aina, ma ka hooponopono waiwai, mokupuni o Oahu, ko Hawaii Pae Aina. Ma ka waiwai o ULUEELANI (w), i make. Ma ke Keena imua o ka Lunakanawai C C Harris. Kauoha e hoolaha i ke noi, a e apono i ka palapala hoike hookuu ana a e mahele i ka waiwai.
               Ma ka heluhelu a me ka waiho ana mai o ka palapala noi a Kekaula k, ka Lunahooponopono waiwai o Ulueelani w, o Honolulu i make, e noi ana kana hoike no na waiwai paa, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauohaia o ka Poakahi la 13 o Maraki. M H 1876, ma ka hora 10 o kakahiaka, imua o ua Lunakanawai la ma ke Kkena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua nonoi la a me na papa hoike i oleloia, a o ka poe a pau i pili malaila, e hele mai a e hoike i ke kumu. Ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia ma ka nupepa Kuokoa, he nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii P Aina Feb 10, 1876.
CHAS. C HARRIS.
Ikea : Lunakanawai o ka Aha Kiekie. Jno. F. Barnard Hope Kakauolelo. 741 3ts 743

               AHA Hookolokolo Kiekie o ko Hawaii PAE Aina. Ma ka Hooponopono Waiwai. Ma ka waiwai o JOHN MEEK, o Honolulu i make. Ma ke Keena hana o Chas. C Harris, Lunakanawai. Kauoha e hoolaha i ke noi e apono i na papa hoike, hookuu ana a e mahele i ka waiwai.
Ma ka heluhelu a me ka waiho ana mai o ka palapala noi a me ka palapala hoike o John H Coney Luna Hooko o ka waiwai o John Meek, no Honolulu i make, e noi ana e aponoia na hoolilo he $1461.16, a e hoike ana o na mea i loaa mai iaia, he $1461.16, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope ma ka noho ana ma ia ano.
               Ua kauohaia, o ka Poakahi, ka la 20 o Malaki, M H l876, ma ka hora 10 o kakahiaka, imua o ua Lunakanawai la, ma ke Keena ma ka Hale Hookolokolo, ma Honolulu, oia kahi a me ka manawa i koho ia no ka hoolohe ana i ua Noi la, a me na Papa Hoike i olelo ia, a o ka poe a pau i pili malaila e hele mai e hoike i ke kumu, ina he kumu io ko lakou, e ae ole ia ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Haole a me Hawaii, e pai ia maloko o ka Hawaiian Gazette Kuokoa a me Au Okoa i huiia, he mau nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Honolulu, ko Hawaii P A Pep. 10, 1876. CHAS. C. HARRIS,
Ikeia : Lunakanawai o ka Aha Kiekie. Walter R Seal, Kakauolelo. 741 3ts 743

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o M. P. PEENAHELE, no Hana, Maui i make.
               Ua heluheluia a ua waihoia ka palapala noi a J K Hanuna, e noi ana, e hoonohoia i Lunahooponopono no ka waiwai o M P Peenahele, no Hana, Maui H P A i make. Nolaila, ke kauohaia aku nei na kanaka a pau ke pili, o ka Poaha, oia ka la 9 o Maraki, 1876, ma ka hora 9 o kakahiaka, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina, Feb 2, 1876. 741 3ts 743

               MA Ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o WAAHIA (k) no Hana, Maui i make.
               Ua heluheluia a ua waihoia ka palapala noi a Haina, e noi ana, e hoonoho iaia i Lunahooponopono no ka waiwai o Waahia k, no Hana, Maui, H P A i make. Nolaila, ke kauohaia aku nei na kanaka a pau ke pili, o ka Poaha, oia ka la 9 o Maraki, 1876, ma ka hora 10 o kakahiaka, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina, Feb 5, 1876 741 3ts 743

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o HAONA (w) no Hana, Maui i make.
               Ua heluheluia a waihoia ka palapala noi a Kekua k, e noi ana, e hoonoho oia i Lunahooponopono a i hooilina hoi no ka waiwai o Haona w, no Hana, Maua H P A i make. Nolaila, ke kauohaia aku nei no na kanaka a pau, ke pili o ka Poaha, oia ka la 9 o Maraki, 1876, ma ka hora 10 o kakahiaka, ma ka Hale Kula o Mokulau, Kaupo, oia ka la a me kahi i kohoia no ka hooholo ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina, Feb 5, 1876. 741 3ts 743

               MA ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o J MAWAE, no Hana, Maui i make.
               Ua heluhelu a ua waihoia ka palapala noi a Kealoha k, e noi ana e hoonoho iaia i Lunahooponopono a i hooilina hoi no ka waiwai o J Mawae, no Hana, Maui, H P A i make. Nolaila, ke kauohaia aku nei na kanaka a pau ke pili, o ka Poaha, oia ka la 9 o Maraki, 1876, oia ka hora 11 o kakahiaka, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i ua nonoi la a me na mea kue ke hoike ia. ABR. FORNANDER,
Lunakanawai Kaapuni Apana Elua. Lahaina, Feb 5, 1876. 740 3ts 743

               MA ke keena o ka Lunakanawai Kaapuni Apana Elua ko Hawaii Pae Aina. Ma ka waiwai o HAUPENO (k) a me KEAKA (w), no Kaupo, Maui i make.
               Ua heluheluia a ua waihoia ka palapala noi a H Kahauauki, e noi ana, e hoonohoia i Lunahooponopono a i hooilina hoi no ka waiwai o Haupeno k, a me Keaka w, no Kaupo, Maui, H P A i make. Nolaila, ke kauohaia aku nei na kanaka a pau e pili, o ka Poaha, oia ka la 9 a Maraki 1876, ma ka hora awakea, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i na nonoi ia a me na mea kue ke hoikeia.
ABR. FORNANDER. Lunakanawai Kaapuni Apana Elua. Lahaina, Feb 5, 1876. 741 3ts 743

               E IKE auanei na kanaka a pau o kela ano keia ano, owau o ka mea nona ka inoa malalo nei, ke papa aku nei au i ka poe mea Lio, Bipi, Hoki, Kekake, Hipa, Kao, Puaa, mai hookuu oukou i ko oukou mau holoholona maluna o ka aina o KAMAOA a me PAKINI-NUI, e waiho la ma Kau, mokupuni o Hawaii. Ina e kue kekahi i keia olelo papa, e hopu no au a me ko'u hope a mau hope paha, a uku e like me ke kanawai ; koe nae ka poe i loaa na palapala ae mai a'u aku. A ua kapu no hoi na mea ulu maluna o ua mau aina la elua, a me na piha-a ma na palena o kela mau aina. A ke kauohaia aku nei ka poe mea kuleana aina liilii, e pa koke lakou i ko lakou mau apana aina maloko. Mamuli o ko'u ano he Luna Malama no ka Waiwai o ka Mea Kiekie Ruta Kkelikolani, mamuli o ke kauoha a ka Mea Kiekie W P Leleiohoku.
W K MOILII. Waiohinu, Kau, Hawaii. Ian 26, 1877. 74l 4t* 743

OLELO HOOLAHA.

                    KE HOIKEIA aku nei na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma na aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES. Honolulu, Nov 29, 1875. 731 tf

KONA !!

                    E HELE AE E KUAI I KO OUKOU mau Lole ma kahi o 730 3m KUPA

DALA HOAIE.

                    HE $10,000, a e laweia no na moraki no na puu dala mai ka $100 a ka $500 ma ka moraki mua. E ninau ia KEO. ma ke Keena o ka Aeto (W C Jones) Alanui Kalepa.
747 4ts 740

$10,000 HOAIE !

                    UA MAKAUKAU i ke Kakau Palapala Hooilina a Kuai, me ka Hoaie Dala, no ka moraki aina a me na mea a pau e pili ana ia oihana. E ninau ma kahi o W. C. Jones (Aeko) ma Alanui Kalepa ia 740 2m* 747 KEO.

CECIL BROWN,
Loio a he Kokua ma ke kanawai

                    A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu, Honolulu, H. P.1 A 688 1yr 740

Hoolaha a ka Luna Hooponopono Waiwai.

                    Oiai, ua hookohuia mai ka mea nona ka inoa malalo iho i Luna Hooponopono no ka Waiwai o S, P. Kalama o Honolulu, make, nolaila, ke kauoha ia aku nei ia poe a pau ana i aie uku ai, e hoike mai i ka lakou mau koina me na hooiaio kupano, a o ka poe a pau i aie mai iaia, e hookaa koke mai me ka hookaulu ole.
L. KELIIPIO. Honolulu. Feb. 11, 1876. 742 4ts 744

HOOLAHA AINA !

                    E IKE na kanaka a pau, ua lilo mai ia'u ma ke kuai na aina o PALEKALUHI i make, e waiho ia Palolo, Oahu, oia na Apana aina penei : Apana 2 — Ewalu eka a me 736 - 1000. Apana 3 — Na koele, he 581 - 1000 eka, Apana 4 — Ili o Wailupe ma Palolo, he 134 eka. Apana 5 — Ili o Wailupe ma Palolo, he 587 - 1000 eka. Nolaila, ua hookohu aku au ia NIKA i Luna malama i keia mau Apana Aina eha, a e hoolohe na kanaka a pau i kana mau kauoha. Ina hoolohe ole na kanaka i kana mau kauoha, e hopuia no ko lakou mau holoholona, a e hoopaa ia ma ka Pa Aupuni. Aole pono e lawe na kanaka i ke Kanawai ma ko oukou lima, a ina e manao oukou aole he kanawai ma ka aina nei, he kanawai no ma ka lima o KALE LONO APIANI. Honolulu, Feb 10, 1876. 741 4ts 741

               MAI keia la a mau aku, e aie aku no au ma ka inoa o WILLIAM ALLEN, kuu kane mare, oiai aole kela (William Allen) i hoike mai i na kumu e hiki ole ai ia'u ke aie aku, no ka mea, ke paa nei no ka berita mare mawaena o maua a hiki i keia la. Ke kali nei au o ka pane hou mai. RUTA NAPELA.
Makiki, Feb 13, 1876 742 4t* 743

               Ma ka waiwai o Nicholas George i make. Ke hoikeia aku nei ka lohe i na mea a pau ina he mau koina ka lakou i ka waiwai o Nicholas George i make, e hoike koke mai me na hooiaio kupono i ka mea nona ka inoa malalo iho maloko o na malama eono mai ka puka mua ana aku, a i ole ia e hoole loa ia ; a o ka poe a pau i aie mai iaia, e hookaa koke mai. Ua hiki no i na poe koina a pau ke hoike ia G. W. C. Jones o Kau, Hawaii a ke hookaa hoi iaia, a i ole ia W. C. Jones ma kona keena ma Honolulu, Oahu. G W. C. JONES. W. C. JONES.
Na Luna Hooko Kauoha o Nicholas George. Honolulu. Feb. 1, 1876. 741 4ts 744

                    KE PAPA aku nei au i na mea a pau, aole e hele maluna o kuu aina ma Nuuanu, Honolulu, Oahu, a lawe aku i kekahi mea kanu, no ka mea, aole au i hoolimalima i ua aina la,   mai manao kekahi o kuu mau pili koko, he kuleana ko lakou ilaila, o noho auanei i ka hale hana o ke Aupuni. HENRY KAHI. Nuuanu, Feb. 10. 1876. 741 4ts 744 UA MAKEMAKEIA, a ke makemakeia nei e ka mea nona ka inoa malalo iho, e hoolimalima aku me ka poe e makemake mai ana e hoolimalima me a'u, i kuu Apana Aina e waiho nei ma Kunawai, ma ka ili i kapaia o KAWAIOLENA, iloko o Honolulu nei. O keia aina i oleloia maluna ae, he aina kanu kalo no ia, a kanu i kela a me keia ano mea ulu, a he aina nui no hoi keia o ka wai, aohe mea e pilikia ai. O ka mea a mau mea e makemake ana i keia aina ma ke ano hoolimalima, e hele mai no lakou imua o'u, a e loaa no au ia lakou makai iho o ka uwapo ma Kalihi, a i ole ia, ma Honolulu, mauka iho o ka Halewai, e pili ana me ka pa o Keoni Miki.
WILLIAM H. TELL. Honolulu, Ian 10, 1876. 737 2m* 744

               E IKE auanei na mea a pau, owau o J Kealoha, ke kane mare a Piko Kealoha, no Wailuku, aole i ku i ka oiaio na mea i hoolahaia ma ke Kuokoa, Helu 6 o Feberuari 5, e olelo ana, ua haalele kumu ole aku ka wau iaia. Eia ka oiaio maoli ; o Piko kuu wahine mare, oia kai hele aku a noho wahi okoa, a ua haalele mai oia i ko maua hale — o kela ka oiaio a he nui na hoike o kela. A ua olelo kela, aole ka o'u malama i kona ola kino — aole no he oiaio oia, eia mai no ka oiaio maoli. Ua haawi mai aku au i ke dala a me ka i-a, a ua kiolaia, a he nui na ike maka. Nolaila, ke hoole nei au, aole he oiaio o na mea a kuu wahine mare, oia o Piko i hoolaha ai. Eia hou, ua olelo kela, aole ka wau e mahiai — ke olelo nei au me ke kanalua ole, ua hiki no ia'u ke mahi i ai na'u a me kuu wahine oia o Piko, no ka mea, he kuleana ko'u iloko o kona waiwai, a pele ia hoi me ia. No ka puka ana o kona manao ma ke akea me ka oiaio ole, nolaila, ke papa ia aku nei na haole, pake, pukiki a me na kanaka maoli, aole e hoaie mai i kuu wahine mare oia o Piko, a o ka mea e hoaie iaia maluna no ona ko oukou poho a me ko oukou pilikia, aole loa au e hookaa i kona aie, nolaila, e malama oukou i keia e na makamaka. J KEALOHA.
Feberuari 8, 1876. 742 4ts 745

NA MEA NANI E HIEHIE AI.
NAUWE MAI NAUE MAI

                    MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii. LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i ike oleia mamua. Na KAEI SILIKA Nani. NA MAKALENA KALAKOA me ka PUAKEA, na ALAPIA HELUHELU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ame naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Halekuai HIKIKIIKAUOENA. L. ASEU. Kihi ma Ewa o Alanui Nuuanu mauka o Alanui Moi.
Honolulu, Aug. 27 1875, 717 lyr 768

HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !

Maraki 1..........................................................Kaapuni ia Kauai
Maraki 4..........................................................Hilo
Maraki 13........................................................Kona
Maraki 20........................................................Kaapuni ia Hawaii
Maraki 30........................................................Nawiliwili
               I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
               Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 8 a.m., a mahope iho paha.
Uku Eemoku mai Honolulu aku A hiki i Kaunakakai, a pela maluna mai..............$ 5.00
  " Lahaina, " " ..................................................... 6.00
  " Maalaea, " " .................................................. 7.00
  " Makena, " " ................................................... 8.00
  " Mahukona, " " ............................................. 10.00
  " Kawaihae, " " .............................................. 10.00
  " Kailua, " " ................................................... 10.00
  " Kaawaloa, " " ............................................. 10.00
  " Hilo, " " ...................................................... 12.50
  " Kau, " " ...................................................... 13.50
  Uku kaapuni ia Hawaii, .................................. 22.00
A hiki i na awa o Kauai .................................... 8.00
  Uku kaapuni ia Kauai ..................................... 12.00
Uku ohua Hawaii oneki .................................... 2.00
               Aole aie no na uku ohua. Ma ka Hale Oihana e loaa'i na palapala. Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai. E hookaaia ka uku ukana i ka wa e noiia aku ai.
               E hoaoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui Papu a me Moiwahine. 636 3m 007

OLELO HOOLAHA.

                    MA KEIA, ke hoike ia aku nei, ua kapu loa ka hele wale ana o na holoholona Bipi, Lio, Hoki, Miula, Kao, Hipa maluna o kuu aina, oia o KAOHIA, e waiho la ma Kailua, Koolaupoko, oia hoi ka hapalua holookoa o Kaohia. O Laka kuu Luna i koho ai, no ka nana ana i na holoholona helehewa ; a nana no hoi ka hana ana i na mea a pau ke kue i ko'u pomaikai, a me ka hoolimalima ana aku i ka poe makemake e hooholo i ko lakou mau holoholona maluna o ka aina.
H. P.   KAELE.
Honolulu, Feb 18, 1876. 742 4t* 743

Hoolaha a ka Luna Hooponopono Waiwai.

                    UA hookohuia mai ka mea nona ka inoa malalo iho, i Lunu Hooponopono Waiwai no ka waiwai o E. Kahookumu (k) o Kohala Akau, Hawaii, i make. Ke kauoha ia aku nei na kanaka a pau, i na he mau koina ko lakou i ka waiwai o ka mea i make, e hoike koke mai iloko o na malama eono. O ka poe a pau i aie iaia e hookaa koke mai hookaulua. J. W. KEWEOPALA. 739 4ts 742 Luna Hooponopono Waiwai o K Kahookumu.

                    NO KA MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumaikai k. Aole pono e hookaa aku ia laua ka uku hoolimalima, aka, e lawe koke mai ia'u.
J. PORTER GREEN,
Luna Malama Waiwai no Mele Hoomoeapule.
Honolulu, Dek 22, 1875. 734 4m

Naue Mai ! Naue Mai !!

                    EIA KA NANI LA ! E ! LE-I KOHALA I KA NUKU NA KANAKA ! Ke popohe aku nei ma ka halekuai o GOO KIM Ma ! ma Kapaau, Kohala, Hawaii. E like no hoi me na kihapai i milikaa mau ia, a kipuluia, ka mohala maikai o na pua, pela no hoi ka mohaha maikai o na pua o na kalakoa hou loa, i ike ole ia mamua ma na kaiaulu o Hawaii nei, a me na lole kupono e ae no hoi he nui, e kuai ka hoohehelo ana o na hapa palupalu. Na papale wahine nani loa i haweleia me na lipine o na ano hoolau a pau e pulelo ai i ka makani Apaapaa o Kohala. Na kamaa wahine hila kiekie a kilipohe, e kohakoha ai kela i ke kula apaapaa. Na Loulu o kela a me keia ano e pale aku ai i na inea o ka la a me ka ua. Na uhi pukapuka huluhulu nani, e kau iho ai, kohu Ahuula kela. Na Hainaka Silika nani o kela a me keia ano. Na mea kula pepeiao, na puuwai lei a-i a me na lei nani i kela ano keia ano. Na aila hamo lauoho e paoa ai na poo. Na wai ala onaona o kela a me keia ano.
               Na Lole Kane o kela a me keia ano, eia no la : Na Palule alu lilina keokeo a kalakoa. Na Palule huluhulu o o na ano a pau. Na lole wawae o kela a me keia ano. Na koheoheo o na ano a pau. Na pahu ili maikai loa e maluhia ai na aahu nani makamae, e kua-a ole ai i ka waiho wale. Na papale ipu loloa a haahaa o kela ano keia ano e kohu ai ke hookapakahi ae, a hele kela a kilakila. Na kamaa ano hou ihu pani ole, e pakele ai ka wawae i ka eha ke kuia.
               Eia no hoi kahi mea hai aku, e hiki mau mai ana no na Lole o na ano a pau ia makou, iloko o kela a me keia lua malama. I hoike no kela, e oluolu oukou e na makamaka o ka " Aina Haaheo" kaulana, e hele mai ma kuu Hale Kuai, ma kahi i haiia maluna, oia hoi o Lilinoe.
GOO KIM ma.
Honolulu. Sept 13, 1875 720 6m*

Eia ka inoa o na Buke Himeni Hou ma ka Hale kuai Buke o Wini.

Songs of Salvation
The River of Life
Sun Shine
Cheerful Voices
Pure Gold
Sparkling Rubies
Golden Robin
Nine O'clock in the Morning
Bright Jewels
New Golden Center
The Morning Star
Sabbath Carols
The Bank of the Rhine
Royal Diadem
Hallowed Songs
Song Monarch
Gospel Song.
Golden Wreath.
Happy Voices.
New Songs.
Tempel Choir.
Fresh Laurels.
Charm, Merry Voices.
Song of Life.
H. M. WINI.

ANOAI I KA LEHULEHU,

                    E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei. Penei ke ano o na mea waiwai la :
Na wati & na kaula gula, a na Ledee a me na Keonimana. NA KAULA OPELE A NA LEDE NA KOMO GULA MAI O KELA A ME KEIA ano o na Lede a me na Keonimana. NA KUPEE GULA, NA LIPINE GULA. Na gula pepeiao o na wahine, e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke dala Na pihi pulima gula wahine a kane, Na laketa gula lei wahine nani, Na komo daimana o na Lede, Na kaula laketa, Na pine omau kihei, Na laketa aniani, Na huka gula wahine. NA LAKO HALE. NA PUNA, NA PAHI, NA KIAHA KALA, NA APO KALA, NA KAWELE holoi lima, NA O KALA o kela a me keia ano, a me na mea nani e ae no he nui wale. E KUAI IA AKU ANA NO MA KE kumukuai haahaa loa i ko na wahi e ae o ke taona nei. Ua makaukau no hoi na mea nani no kanaka makua a me na kamalii. Na Kamaa Paa Loa, e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY.
Kihi o na Alanui Papu a me Kalepa.737 3m