Ka Nupepa Kuokoa, Volume XV, Number 4, 22 January 1876 — He Kau enae Hoalohaloha. [ARTICLE]

He Kanaenae Hoalohaloha.

Mr. D. Crowningburg Mrs. Emma, Aloha olua :—O makou o na Komite o ka Pa Hana Kepa Makahiki, ma ka aina mahiko i Haliimaile, Makawao, Maui : Hooholoia—Ke hoalohaloha aku nei makou ia olua, no ke kii ana mai o ka enemi lima ole, oia hoi ka make, a lawe aku la i ka olua kamalei i aloha nuiia, mai ko olua poli aku, oia hoi o Misa Emma Lilia D Crowningburg. Hooholoia— Ke uwe pa nei makou me olua, me ke kanikau, kumakena, kaumaha, no ka make ana o Emma Lilia, i ka hora 9 o ka la 17 o Dekemaba. Hooholoia.—Ke hui aku nei makou, iloko o ko olua kaumaha luulnu, i ka lilo ana o ka olua pua rose nani milimili, i mohala popohe maikai i ke kakahiaka, puka mai la ka la me ka wela nui, a hoomaloo iho la i ua pua rose nani nei, aia hoi ua pua ka nani, minamina wale ia pua. Hooholoia.—Ke kulou haahaa'ku nei makou, imua o ka Makua manaloa, me ka nonoi aku ia ia, e hooluolu mai i ko olua mau naau kaumaha, luulou, i ka olua lei aloha ; ua lilo. Aloha wale. Hooholoia — E hoounaia kekahi kope i ka Lahui Hawaii, o kekahi i ka "Nupepa Kuokoa." J. S. KANEHAILUA Na Komite D. PAAHAO P. Naone