Ka Nupepa Kuokoa, Volume XV, Number 4, 22 Ianuali 1876 — Page 3
KA NUPEPA KUOKOA, ME KE AU OKOA I HUIIA.
NA PALAPALA I KE " KUOKOA."
I na hoa makaainana e noho ana ma ka Apana o Kona, Honolulu, Mokupuni Oahu.
I a oukou e o'u mau hoa makaainana e noho ana mai Maunalua a Moanalua, ma ka Apana o Kona, Honolulu, Oahu, me oukou ka welina o ko'u anoai.
No ke kokoke ana m ai o ka la e koho ai kakou i waha olelo no ko kakou mau pono iloko o ka ahaolelo kau kanawai o ko kakou aina, a no ka mea hoi, ua nui ka poe o kakou i ninau pinepine mai ia'u no ko'u holo balota iwaena o kakou ma ke ano i lunamakaainana, a ua nui no hoi ko lakou ninaninau ana mai ia'u no ko'u aoao e koho ai, a e hana ai paha ma ka ahaolelo ina owau ke koho ia ana i lunamakaainana, a ua nui ka lakou olelo ana mai ia'u he hoopili aupuni au, a he hoopili Moi hoi. Ua olelo pinepine mai lakou ia'u, ua pili loa ka wau ma ka Moi, a nolaila ua makau makou ke koho ia oe, aole auanei oe e hana i ko makou mau pono, a pela a penei hoi ka lakou olelo ia'u. Nolaila, e na hoa makaainana o'u e noho ana ma na wahi i hoakaka ia maluna. Ke hoike nei au i ko'u manaoio ia oukou a pau. Ina e koho oukou ia'u, a owau hoi ko oukou waha olelo e kamailio i ko oukou pono ma ke ano he kauwa waha olelo no oukou iloko o ka ahaolelo, alaila, e hana ana au ma ko'u ano he waha olelo no ka Apana o Honolulu, ma na pono kaulike iwaena o ke aupuni a me na makaainana. Aole au e ae e hana i kekahi mea kue i ke aupuni, aole hoi au e ae e hana i kekahi mea e kaumaha ai oukou na makaainana. Aka, e haawi ana au i ka mea kaupaona kaulike mawaena o ke aupuni a me kakou na makaainana. O keia ka mea a ko'u noonoo i anoi ai a i makemake ai hoi e hooko aku, i na owau kekahi oia hale ke ae oukou. Aole au i ike iki iloko o ko'u noonoo iho he hoopili aupuni au, a he hoopili Moi hoi. Eia ko'u i na he pono no ka Moi i kue ole i ka pono o kanaka e ae ana au, pela hoi i na he pono no ke aupuni i kue ole i ka pono o na makaainana, e ae ana au. Aole au e hoopaakiki wale ana ke ole au e ike i na kumu kue i ko'u aoao ua oi aku mamua o ka'u, o kapaia mai auanei au he naaupo a hawawa hoi.
O ke aupuni, oia no ka Moi, na'lii na makaainana a me kahi alakeu e noho ana. Nolaila, i na e lawe ia mai ana he pono no ka Moi maloko o ka ahaolelo a ike au aole kakou e pilikia ana no ia pono i loaa ia ia, aole au e paakiki wale a hoole, pela no hoi ke aupuni i na e hana ia mai he pono nona me kuu ike, aole kakou e pilikia ana, alaila, o ko'u ae oluolu no ia, aka, i na e onou ia mai kekahi pono no ke aupuni, a ike nae au e kau hou iho ana ke kaumaha maluna o kakou, aole au e ae ana. Oia wale no ka'u noonoo ana e noonoo nei. Aia ko'u aoao, o ka pono a malaila au e kupaa ai a hiki i ko'u haulehia ana. Oia ka'u mea hoakaka ia oukou a pau e na hoa makaainana, a na oukou e wae no oukou iho a koho, a koho ole paha. A aia a puka au a lilo i waha olelo no oukou a no'u hoi e ike like no kakou a pau, e hana ana au i ka pono kue ole i na mea a pau, o ka'u olelo paa keia.
Aole au e olelo aku ana ia kakou a pau e hemo ana ia'u ka mea, a me ka mea, i na e koho oukou ia'u e pau ana na auhau o oukou, aole au e aa ana e olelo aku pela iwaena o kanaka o kapaia mai au he wahahee a he kanaka o ke ake komo ka manao, aole pela, ma ka manao pono a me ka hoike pololei, malaila au e hilinai aku nei ia oukou ke ole au e kuhihewa. O ka'u hana ma ia hale, o ke kaupaona kaulike, i na e hana ia ana kekahi mea ma ia hale, eia wale no ko'u kuleana, o ka nana i ka pono a me ka pono ole, i na he pono ae aku au, aka, i na he hewa, oia hoi i na he mea e kaumaha hou iho ai, e hoole au, oia wale no, aole e, o ka wahahee aku imua o oukou e hana au i kanawai e hookuu loa ai i na auhau a pau he wahahee la, i na pela nawai e uku na kauwa aupuni, auhea ke dala e uku ai i ko kakou mau lunahoomalu i ko kakou mau pono, ea ! Aia paha a lilo kakou a pau i mau anela, alaila hanaia ia mau pono aku i keia kau ae. He wahahee ke kanaka e olelo aku ana ia oukou ua hiki ia ia ke hana pela, me ka ae ia. Aloha kakou a pau. Owau no o ko oukou hoaaloha maikai, A. KALAULI. Honolulu, Ianuari 10 1876,
Nele i k e dala a me ka lio.
Kahaha ! He mea pilikia ka nele ana o kekahi mea kino moakaka lea, a he mea e pono ole ai kona ola kino, ina ua nele iaia na pono e hoolako ai iaia iho. Aka ea, owai keia mea i nele i ke dala a me ka lio ole ? Auwe ! He kanaka anei nona ke kino ikaika ? Ua loaa ole anei iaia he hana e loaa mai ai ke dala ? Aole anei oia i hele i na pa aupuni i ka wa kudala, a malaila e loaa ai na lio i ke kenikeni wale no ? Ea ! oia anei ? Owai hoi keia mea i nele i ke dala a me ka lio ? Ina he haohao ko ka mea ninau, na makou no e hai aku :
O ke aupuni no ia o Hawaii nei, a oia no ka mea i nele i ke dala a me ka lio ole, Pehea i maopoopo ai kona nele ana ia mau mea, oiai he mau auhau e kau nei maluna o na waiwai paa, lewa, komo mai o kanaka ?— Penei ka moolelo pokole i ike ai na mea apau i ka nele io ana o ke aupuni o Hawaii nei i ke dala a me ka lio.
Ma ka Poalua Ianuari 11, 1876, hoike mai la ka Luna nui o na mai lepera W. P. Ragsdale i ka palapala a ke Kuhina waiwai mai, i mua o ke anaina mai lepera e akoakoa ana maloko o ka halepule Siloama, no ka pono e auhau ia na holoholona ilio a na mai i ke dala, a no ka lio hoi aole e auhau ia, a i na e make ua mai nei a he lio kona, aole ia lio e lilo i ka mea e, i na ma ke kuai aku, a i na hoi ma ka hoolilo ana aku ma ke ano pili makamaka, ua pili ia lio no ke aupuni o ka Papa ola ka mana nui.
Maanei makou la i ike ai i ko ke aupuni nele maoli i ke dala a me ka lio, no ka mea, ke kii mai nei oia i ke dala iloko o ka lua kupapau i mea e hookaa ai i kekahi mau aie ona, ke kii mai nei hoi i ka poe i kaulana ka haumia, a me ka loaa ole ana ia lakou o ka hele laula ana i o i anei o ka aina, i anapuni ia hoi e ka pali a me ka moana kai, i hiki ole hoi ia lakou ke malama no lakou iho, i auhau ole ia hoi e Kamehameha V. a me Lunalilo I, iloko o ko laua mau au. Ke lawe nei hoi i na lio nona iho ma ka mana a ma ke kanawai hea la. Aole au i ike iki i ke kanawai he mana ke aupuni e papa mai i ke kuai ana, a me ka hoolilo ana o kekahi kanaka i kona waiwai paa a lawe i kekahi kanaka e aku i na i kona wa ola, a i na mahope o kona make, a i na no he kanawai, a no kuu ike ole, pono no i ka mea i ike ke hoike mai, i ike pono ai au i kuu lalau i laila.
S K PAALUHI.
Kalawao, Molokai, Ianuari 12, 1876.
He kanaenae Hoalohaloha.
MR D. C ROWNINGBURG ]
MRS. EMMA, ]
Aloha olua :— O makou o na Komite o ka Pa Hana Kepa Makahiki, ma ka aina mahiko i Haliimaile, Makawao, Maui :
Hooholoia.— Ke hoalohaloha aku nei makou ia olua, no ke kii ana mai o ka enemi lima ole, oia hoi ka make, a lawe aku la i ka olua kamalei i aloha nuiia, mai ko olua poli aku, oia hoi o Miss Emma Lilia D Crowningburg.
Hoo holoia.— Ke uwe pu nei makou me olua, me ke kanikau, kumakena, kaumaha, no ka make ana o Emma Lilia, i ka hora 9 o ka la 17 o Dekemaba.
Hooholoia.— Ke hui aku nei makou, iloko o ko olua kaumaha luuluu, i ka lilo ana o ka olua pua rose nani milimili, i mohala popohe maikai i ke kakahiaka, puka mai la ka la me ka wela nui, a hoomaloo iho la i ua pua rose nani nei, aia hoi ua pua ka nani, minamina wale ia pua.
Hooholoia.— Ke kulou haahaa'ku nei makou, imua o ka Makua manaloa, me ka nonoi aku ia ia, e hooluolu mai i ko olua mau naau kaumaha, luuluu, i ka olua lei aloha ; na lilo. Aloha wale.
Hooholoia.— E hoounaia kekahi kope i ka Lahui Hawaii, o kekahi i ka " Nupepa Kuokoa." [ J. S, KANEHAILUA Na Komite
[ D. PAAHAO
[ P. NAONE
P apa Himeni o Waianae.
E we he ia ana ka Papa Himeni o Pokai Waianae ma ka luakini o Waiawa, Ewa. Ke hiki aku i ka hora 6 1/2 P. M Poakahi la 21 o Ianuari nei, nolaila, e ala e na lede, a me na keiki lalawai o Puuloa, Honouliuli, Hoaeae, Waikele, Waipio, Waiawa, Manana, Waimano, Waiau, Waimalu, Kalauao, Aiea, Halawa, Kepookala, Kapuai, Kaula ; a me na poe apau o ua aina nei o Kaiahamauleo, e ike i ka Waikoolihilihi a ua papa himeni la ; he nui na mele, i na e hiki aku i laila, e walea ana i kolaila mau kohu, he hapalua a me hapaha dala ka uku komo, e loaa ka parota i laila.
E haawi ia'ku ana he papa aina o na ai haole kekahi mamua o ka wehe ana, hora 5 P.M oia la, nolaila, e eleu mai i inu ti.
E hele aku ana ka Papa Himeni no Kaneohe, ka Poalua, a ma ka hora 6 1/2 ahiahi Poakolu, la 26 Ianuari, e wehe ai ua papa himeni la no Kaneohe, nolaila, e ala, e hele mai e ike e ka lede a me na keiki lalawai o Waimanalo, Kailua, Kaneohe, Heeia, Waiahole, Waikane, Kualoa, Kaaawa, manuahi mai hoi ko Kahana mau iwaiwa puu kani, i ike i ka wai lohi a ke keiki S. N. Aarona a ma Isaia, he leo solo nepunepu a kuu i ka nahe, a me ke keiki pena. Maua no me ka Mahalo. Na Komite.
S W MAH ELONA. J WELEWELE.
Ewa, Ianuari 17, A. D 1876.
MAKE.
Dek 14, 1875 — Ma Kalawao, make o Paneku k.
Dek 25 — Malaila no make o Waa k me Kini k,
Dek 29 — Malaila no make o Kalimakuhi w
Ian 1,1876 — Ma Kalawao make o Keliikeikiole (k) a me Kahananui k.
Ian 5 — Malaila no make o Kanele k, Kalakoa k.
Ian 7 — " " Kane,
NO KUU HAALELE ana i ka Halekuai ma Kohala, HAWAII, e pono oukou ka poe aie, e hele mai hookaa koke ka aie ; o ka poe lohi, na ke Kanawai no e imi ia lakou mahope.
7 38 3ts 740 KAKA * I. G. TUCKER*
MAI KEIA LA, a mahope aku nei, ke papa aku nei au i na mea a pau, aole loa e hoaie wale mai i kuu wahine mare ia RUTA, e noho la ma Makiki, ke ole au e kakau aku i kekahi palapala ae no ia aie ana.
W ILLIAM ALLEN. Auwaialimu, Ian 14, 1876. 738 4t* 741
E IKE auanei na kanaka a pau. Owau o ka mea nona ka inoa malalo iho nei, ua hookohuia mai au e ka mea hanohano, Chas. C. Harris, kekahi o na Luna Kanawai o ka Aha Kiekie, i kahu malama no ka waiwai o Ulii, kaikamahine oo ole, e noho maila i Molokai. Nolaila, ke hoolaha nei au ma ke akea, owau wale no ka mea kuleana, e hooponopono i na waiwai apau o Ulii, ma keia hope aku.
M KAHOINEA (w.) Pauoa, Ianuari 19, 1876. 738 4t*
EIA iloko o ka Pa Aupuni o Koholaloa, Apana o Honolulu, na Lio e kuai kudala ia ana ke hiki aku i ka la 31 o Ianuari l876, oia ka Poakahi, hora 12 awakea. Eia ke ano a me ka hao kuni : Lio k puakea kuamoo, hoki kiko keokeo 3 w keokeo, o kona hao aohe maopopo i paha i ole wai paha ak i Lio k keokeo ak AA hema k Lio w ulaula ano lokia kuapuka wiwi hema J a aole no he maopopo loa no ka hulu nui.
A B KAAUKUU, Luna Pa Aupuni. Ianuari 21, 1876. 733 ts*
OLELO HOOLAHA.
Hoolaha a k a Luna Hooponopono Waiwai.
UA Hookohuia ka mea nona ka inoa malalo nei, i kana hooponopono no ka waiwai o ANIANI, (Pake), o Honolulu i make, a ka Hon. A. F. Judd, ka Lunakanawai o ka Aha Kiekie o ko Kauai Pae Aina Nolaila, ke kauohaia aku nei na mea a pau a ka mea i make i aie aku ai, e hoike koke mai i ka lakou mau koi ana, me na bila oiaio, maloko o na malama eono ; a pela hoi ka poe i aie mai i ka mea i make, e hookaa koke mai, a ina he waiwai ko ka mea i make, i haawiia ma ka lima o kekahi mea a mau mea paha e paa a e malama, e hoike koke mai. Aka, ina e hala ka manawa i oleloia maluna, alaila, e hoole loa ia na koi aie ana mai. E loaa no au ma ka Hale Pai, maluna ae o ka Hale Leta, a i ole ma ko'u hale noho ma Kaumakapili, ma Alanui Maunakea. Eia kekahi, ina wau e hele ma kahi e, eia no kuu hope o John L. Rees, a me ia oukou e hooponopono pu ai.
J. H. KAMI O, Lunahooponopono Waiwai. Honolulu, Ian. 7, 1876. 723 4ts 741
OIAI ua hookohuia mai ka mea nona ka inoa malalo iho, e C F Hart, kekahi o na Lunakanawai Kaapuni Apana Ekolu, i Lunahooponopono no ka waiwai o NAOHE, i make kauoha ole ma Honaunau, Kona Hema, Hawaii, nolaila ke kauohaia aku nei ka poe i aie mai i ka mea i make e hookaa koke mai, a o ka poe a pau he koina ko lakou, e hoike mai i na bila i hooiaioia me na hoike, maloko o na malama eono mai keia la aku, o nele auanei.
F.MA RIA KAHELE,
Lun ahooponopono Waiwai. Honaunau, Dekemaba 9, 1875. 738 4t 741
$100 MAKANA !
KE haaw iia i ka mea nana e hoihoi mai i ke komo lima gula o ke Kama Aliiwahine Likelike i nalowale a aihueia paha mai kona home mai mahope iho o ka la Karisimaka i hala aku nei. O keia komo gula nani, he ekolu unuhi pohaku ula ia maluna iho. He makana na kona kaikunane haku Moi, a ua kakauia maloko ae o ke komo, na huaolelo haole penei : " From KALAKAUA to Likelike." I na e hoihoiia ma ko'u hale noho ma Kaakopua, e loaa kela uku makana maluna ae.
R. KEELIKOLANI. Honolulu. Ianuari 21, 1876. 738 3ts 740
He Hoolaha i ka Poe Aie !
OIAI, ma ka la 18 o Ianuari 1876, ua aeia ka palapala kauoha hope loa a KALUAHI, o Honolulu, Oahu i make, maloko olaila, ua hookaawaleia ka mea nona ka inoa malalo iho, i hooilina no kona mau waiwai a pau, nolaila, ke kauohaia aku nei ka poe a pau ana i aie aku ai, e hoike mai i na bila oiaio ia'u, iluna o na malama eono mai keia la aku. KALEI.
Honolulu, Ian 2 2, l876. 738 4T* 741
KE HAIIA AKU NEI KA lohe i na mea a pau, o ka Uhu ka i-a hoomalu a ke konohiki, ma ke kai o Alau, oia ke kai o Kaelepulu ma Kailua nei, mai noho a kii wale na kanaka me kuu ae ole, o pilikia auanei. Ua kapu no na i-a a pau malalo o ka i-a hoomalu, ke kii a lawe i mea kuai aku, koe ke kii ana a lawe i mea ai nona iho, ina he hoaaina ia.
KAILIKOL E, Luna Aina. Kaelepulu, Oahu. Iak 12, 1876. 738 1t*
DALA HOAIE.
H E g10,000, a e laweia no na moraki no na puu dala mai ka $100 a i ka $500 ma ka moraki mua. E ninau ia KEO, ma ke Keena o ka Aeto (W C Jones), Alanui Kalepa. 737 4ts 740
UA MAK EMAKEIA, a ke makemakeia nei e ka mea nona ka inoa malalo iho, e hoolimalima aku me ka poe e makemake mai ana e hoolimalima me a'u, i kuu Apana Aina e waiho nei ma Kunawai, ma ka ili i kapaia o KAWAIOLENA, iloko o Honolulu nei. O keia aina i oleloia maluna ae, he aina kanu kalo no ia, a kanu i kela a me keia ano mea ulu, a he aina nui no hoi keia o ka wai, aohe mea e pilikia ai. O ka mea a mau mea e makemake ana i keia aina ma ke ano hoolimalima, e hele mai no lakou imua o'u, a e loaa no au ia lakou makai iho o ka uwapo ma Kalihi, a i ole ia, ma Honolulu, mauka iho o ka Halewai, e pili ana me ka pa o Keoni Miki.
WILLIAM H. TELL. Honolulu, Ian 10, 1876. 737 2m* 744
OWA U o P W KAAWA, ka Lunahooponopono o ka waiwai o Waihele w, o Lahaina, Maui i make, ma Honolulu, Oahu, ke kauoha aku nei au i ka poe ana i aie ai, e hele mai imua o'u, a me ka poe i aie iaia, e hookaa mai ia'u, e loaa no au ma Pauoa, a na pule mua ekolu o Maraki, e loaa ana au ma Lahaina, Maui, ma ka hale noho o Rev. A Pali. P W KAAWA. Honolulu, Ian 14, 1876. 737 1m 740
E IKE auanei na kanaka a pau, o ka'u wahine m are, o LEPEKA ka inoa, ua haalele mai oia ia'u a me ko maua wahi moe, i ka malama o Iune 1875, a ua hele aku la ma kona manao, nolaila, ke papa aku nei au i na haole, pukiki, ko'u mau hoa pake hoi a me na ano kanaka a pau loa, aole e hoaie iaia, aole hoi e hookipa ma ke ano kolohe. Ina oukou e hoaie iaia, maluna o oukou ko oukou poho.
A NI (Pake). Honolulu, Ian 11, l876. 737 3t* 739
Hoolaha a ka Luna Hooponopono Waiwai.
NO KA MEA, ma ka la l1 o Ianuari M H l876, ua hookohuia ka mea nona ka inoa malalo, i Lunahooponopono no ka waiwai o KUPA (k), o Waialua, Oahu i make, e ka Hon. Chas. C. Harris, Lunakanawai o ka Aha Kiekie ma ke Keena. Nolaila, ke hoikeia aku nei i na mea a pau a ka mea i make i aie aku ai, e hoike koke mai i ka lakou mau koi ana imua o'u ma ko'u keena ma Aliiolani Hale, o hoole man loa ia lakou. A o ka poe a pau i aie i ka mea i make, e hookaa koke mai ia'u. A ke hoolahaia aku nei i na mea a pau i pili i ka mea i make, e hoike mai i ke ano o ko lakou pili ana imua o'u, ma ko'u keena ma Aliiolani Hale, Honolulu. E loaa no au malaila, mai ka hora 11 o kakahiaka a hiki i ka hora 2 o ke ahiahi o kela a me keia la. W L WILCOX,
Lunahooponopono Waiwai o Kupa. Honolulu. Ian 11, 1876. 737 3ts 739
E IKE auanei na mea a pau ma ke ia, owau o ka mea nona ka inoa malalo iho, i hookohuia e ka Mea Hanohano F S Lyman, Lunakanawai Kaapuni o ka Apana Hookolokolo Ekolu o ko Hawaii Pae Aina, e noho i Lunahooponopono no ka waiwai o S KALAIKOA, o Waiohinu, Kau. Ke haiia aku nei i na mea a pau, mai keia la aku a pau na malama eono, ina he aie ko S Kalaikoa i kekahi, e hele mai ma ko'u keena, ma ko'u hale, ma Waiohinu, maloko o na manawa i haiia ae la maluna ; a ina hoi ua aie mai kahi iaia, e hookaa koke mai. A hala ka wa o keia hoolaha, alaila, e hoole mau loa ia aku no na koi ana. W THOMAS MARTIN, Lunahooponopono Waiwai. Waiohinu, Ian 3, 1876. 737 2t 733
E IKE auanei na mea a pau ma ke ia, owau o ka mea nona ka inoa malalo iho nei, i hookohuia e ka Lunakanawai Kaapuni Apana Ekolu o ko Hawaii Pae Aina, F. S Lyman, i Lunahooponopono no ka waiwai o NAMAKAELUA, o Hokukano, Kau, Hawaii. Ke kauohaia aku nei na mea a pau a Namakaelua i aie aku ai, e hoike koke mai i na koi ana maloko o na malama eono mai keia la aku, a pela hoi ka poe i aie ia Namakaelua, e hookaa koke mai, a ina e hala ka manawa i oleloia, alaila, e hoole loa ia 'ku no na koi aie ana mai. E loaa au ma Waiohinu, ma ka hale o W T Martin kuu Hope, a i ole au, me W T Martin no oukou e hooponopono ai. NAKUAAU,
Lunahooponopono Waiwai. Hok ukano, Ian 3, 1876. 737 2t 738
E IKE auanei na mea a pau ma keia, owau o ka mea nona ka inoa malalo iho nei, i hookohuia ai i Lunahooponopono no ka waiwai o KAULIA, o Hokukano Kau, i make kauoha ole, e ka Lunakanawai Kaapuni, F S Lyman, o ka Apana Ekolu o ko Hawaii Pae Aina. Ke kauohaia aku nei na mea a pau a Kaulia i aie aku ai, e hoike koke mai i na bila oiaio, a me na mea hoi i aie mai, e hookaa koke mai maloko o eono mahina mai keia la aku. E loaa au ma Waiohinu, ma ko W T Martin hale, a i ole au, i kuu Hope ia W T Martin e hooponopono pu ai.
V NAWAI, Lunahooponopono Waiwai. Kaalaiki, Kau. Ian 3, 1876. 737 2t 738
Hoolaha a ka Luna Hooponopono Waiwai.
UA HOOKOHUIA mai ka mea nona ka inoa malalo iho, i Lunahooponopono Waiwai no ka waiwai o SEBASTIAN LANZA, o Kohala Akau, Hawaii, i make, ke kauoha aku nei i na kanaka a pau, he mau koina ka lakou i ka waiwai o ka mea i make, e hoike koke mai iloko o eono malama, a o ka poe a pau i aie mai iaia, e hookaa koke mai me ka hookaulua ole. J WIGHT,
Lunahooponopono Waiwai. Kohala , Dec 27, 1875. 736 4t* 739
MA ke Ke ena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o J. M. POHANO, no Piihonua, Hilo, Hawaii i make.
Ua heluheluia a ua waihoia ka palapala noi a Kaauana Pohano k, e noi ana, e hoonohoia o G W A Hapai i Lunahooponopono no ka waiwai o John M Pohano, no Piihonua, Hilo, Hawaii, H P A i make. Nolaila, ke kauohaia aku nei na kanaka a pau ke pili, o ka Poaono oia ka la 5 o Feberuari 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
F S LYMAN,
Lunaka nawai Kaapuni Apana Akolu H P A Hilo, Dek 28, 1875. 736 3ts 733
MA ke Kee na o ka Lunakanawai Kaapuni Apana Ekolu, ko Hawaii Pae Aina. Ma ka waiwai o KANEHUNAMOKU k, no Kulaimano, Hilo Hawaii i make. Ua heluheluia a ua waihoia ka palapala noi a M Keola (k), ka Lunahooponopono o ka Waiwai o Kanehunamoku, Hilo, Hawaii, H P A i make, e noi ana e hoaponoia kana moowaiwai, a e hookuu iaia mai ka oihana, a e hooholoia ka waiwai i na hooilina. Nolaila, ke kauohaia aku nei na kanaka a pau i pili, o ka Poaono, oia ka la 3 o Feberuari, 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoikeia.
F S LYMAN, Lunakanawai Kaapuni, Apana Ekolu H P A Hilo, Dek 28, 1875. 736 3ts 738
MA ke Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o G. S. KAPUA k, no Kawainui, Hilo, Hawaii, i make.
Ua heluheluia a ua waihoia ka palapala noi a Kahoopono w, e noi ana, e hoolahaia ka palapala kauoha hope loa a G S Kapua k, no Kawainui, Hilo, Hawaii H P A i make, a e hoonohoia oia me Piiwale k, i mau Lunahooko no ka palapala kauoha hope. Nolaila, ke kauohaia aku nei na kanaka a pau i pili, o ka Poaono, oia ka la 5 o Feberuari 1876 ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hooiaio ana i ua nonoi la a me na mea kue ke hoikeia. F S LYMAN. Lunakanawai Kaapuni Apana Ekolu H P A
Hilo, Dek 28,1875 736 3ts 738
HOO LAHA HOOKOLOKOLO.
M A ke Keena o ka Lunakanawai Kaapuni, Apana Elua H P A. Ma ka waiwai o PAHOA (k), no Wailuku, Maui i make.
Ua heluheluia a ua waihoia ka palapala noi a Puuohala (k), e noi ana e hooholoia ka waiwai o Pahoa k, no Wailuku, Maui H P A i make, i na hooilina. Nolaila, ke kauohaia aku nei na kanaka a pau, ke pili o ka Poaha, oia ka la 17 o Feberuari, 1876, ma ka hora 9 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER
Lunakanawai Kaapuni Apana Elua. Lahaina, Ian 11, 1876 738 3ts 740
MA ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o MOO (k), no Wailuku Maui i make.
Ua heluheluia a ua waihoia ka palapala noi a Pipo w, ka Lunahooponopono o ka waiwai o Moo k, no Wailuku Maui, H P A i make, e noi ana, e hoaponoia kona moowaiwai a e hookuu iaia., a e hooholoia ka waiwai i na hooilina.
N olaila, ke kauohaia aku nei na kanaka a pau ke pili, o ka Poakolu oia ka la 6 o Feberuari, 1876, ma ka hora 2 o ke ahiahi, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me ne mea kue ke hoikeia. ABR. FORNANDER,
Lunakanawai Kaapuni Apana Elua. Lahaina, Ian 11, 1876 738 4ts 740
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KUAHINI (k), no Wailuku Maui i make.
Ua heluheluia a ua waihoia ka palapala noi a Naehuelua (w), ka Lunahooko Kauoha o Kuahine k, o Wailuku Maui H P A i make, e noi ana, e hoaponoia kona moowaiwai, a e hookuu iaia, a e hooholo ka waiwai i na hooilina. Nolaila, ke kauohaia aku ne na kanaka a pau ke pili, o ka Poakolu, oia ka la 16 o Feberuari 1876, ma ka hora 11 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea Kue ke hoikeia. ABR. FORNANDER, Lunakanawai Kaapuni Apana Elua. Lahaina. Ian 11, 1876. 738 4ts 740
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o A. W. NEEDHAM, no Wailuku, Maui i make.
U a heluheluia a ua waihoia ka palapala noi a W G NEEDHAM, e noi ana, e hoonohoia i Lunahooponopono no ka waiwai o A W Needham, no Waihee, Maui, H P A i make. Nolaila, ke kauohaia aku nei na kanaka a pau i pili, o ka Poakolu, oia ka la 16 o Feberuari 1876, ma ka hora 10 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER, Lunakanawai Kaapuni Apana Elua.
Lahaina, Ian 11, 1876. 738 3ts 740
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o SILAS CHANDLER, no Wailuku, Maui i make.
Uu heluheluia a ua waihoia ka palapala noi a Jas. Baker, ka Lunahooponopono o ka waiwai o Silas Chandler, no Wailuku, Maui, H P A i make, e noi ana, e ae mai ka Aha i kona kuai kudala ana i kekahi apana aina o ka mea i make, e waiho ana ma Hamakua, Maui, i mea e hookaaia ai ka aie o ka mea i make. Nolaila, ke kauohaia aku nei na kanaka a pau ke pili, o ka Poakolu oia ka la 16 o Feberuari 1876, ma ka hora 10 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
A BR. FORNANDER, Lunakanawai Kaapuni Apana Elua.
Lahaina, Ian 11, 1876. 738 3ts 740
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o ISAAC PREVIERE, no Kalawao, Molokai i make.
No ka mea, ma ka la 18 o Novemaba 1875 i hala, ua hoopaneeia ka hoolohe ana i ka mea pili i ka palapala kauoha hope loa a Isaac Previere, no Kalawao, Molokai, i make. Nolaila, ke kauohaia aku nei na kanaka a pau ke pili, o ka Poakolu, oia ka la 9 o Feberuari 1876, ma ka hora 10 o kakahiaka, ma ka Hale Hookolokolo ma Lahaina, oia ka la a me kahi i kohoia no ka hoolohe hou ana i ke noi ana a Kaaihue (w), e hooiaio ia ka palapala kauoha o ua Isaac Previere, a me na mea kue ke hoikeia.
A BR. FORNANDER. Lunakanawai Kaapuni Apana Elua. Lahaina, Ian 11, 1876. 738 3ts 740
MA ke K eena o ka Lunakanawai Kaapuni Apana Elua ko Hawaii Pae Aina. Ma ka waiwai o SOLOMONA KALAMA, no Lahaina, Maui i make.
No ka mea, ma ka la 3 o Novemaba, 1875 i hala, ua hoopanee ia ka hoolohe ana i ka mea pili i ka waiwai o Solomona Kalama, no Lahaina, Maui H P A i make. Nolalia ke kauoha hou ia nei na kanaka a pau ke pili, o ka Poakolu, oia ka la 9 o Feberuari 1876, ma ka hora 11 o kakahiaka, ma ka Hale Hookolokolo ma Lahaina, oia ka la a me kahi i koho ia no ka hoolohe hou ana i ke noi a Emela (w), e hooponoponoia ka waiwai o Solomona Kalama kana kane i make, a me na mea kue ke hoikeia.
A BR. FORNANDER, Lunakanawai Kaapuni Apana Elua. Lahaina, Ian 11,1876. 738 3ts 740
MA ke K eena o ka Lunakanawai Kaapuni Apana Elua ko Hawaii Pae Aina. Ma ka waiwai o NAKIHEI (k), no Kahakuloa, Maui i make.
Ua heluheluia a ua waihoia ka palapala noi a J A N ahaku, ka Lunahooponopono o ka waiwai o Nakihei k, no Kahakuloa, Maui. H P A i make, e noi ana, e ae aku ka Aha, e kudalaia na apana aina o ua Nakihei la, e waiho la ma Wailua, Koolau, Maui, i mea e hookaaia ai ka aie o ua Nakihei la. Nolaila, ke kauohaia aku nei na kanaka a pau ke pili, o ka Poakolu, oia ka la 9 o Feberuari 1876, ma ka hora 1 o ke ahiahi, ma ka Hale Hookolokolo ma Lahaina, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua.
Lahaina, Ian 11, 1876. 738 4ts 740
MA ke K eena o ka Lunakanawai Kaapuni Apana Elua ko Hawaii Pae Aina. Ma ka waiwai o KAUMAUMA (k), no Lahaina, Maui i make.
U a heluheluia a ua waihoia ka palapala noi a Kahiona k, ka Lunahooponopono o ka waiwai o Kaumauma k, no Lahaina, Maui H P A i make, e noi ana, e ae aku ka Aha i ke kuai kudalaia ana o ka waiwai paa o ua Kaumauma la, oia hoi kekahi aina ma Huelo, Hamakualoa, Maui, i mea e hookaaia ai ka aie o ka mea make. Nolaila, ke kauoha ia aku nei na kanaka a pau, ke pili o ka Poaha, oia ka la 10 o Feberuari 1876, ma ka hora 10 o kakahiaka, ma ka Hale Hookolokolo mai Lahaina, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua Lahaina, Ian 11, 1876. 738 3ts 740
A HA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o NAOMI (w), o Lahaina Maui i make kauoha ole, imua o ka Hon. C. C. Harris, Lunakanawai o ka Aha Kiekie. Olelo kauoha, e hoolaha 'ku no ke noi ana mai e koho Lunahooponopono Waiwai.
M a ka heluhelu a me ka waiho ana mai o ka palapala noi a Samari K Opunui (w), o Honolulu, Oahu, e hoike mai ana, o Naomi w, no Lahaina, Maui, ua make kauoha ole ma Kainehe, Lahaina, Maui, ma ka la 30 o Iune M H 1861, a he waiwai kona e waiho nei iloko o ka mana o keia Aha Hookolokolo, a e noi ana, e haawiia ka palapala hookohu Lunahooponopono Waiwai a me ka hooilina iaia, e like me kona pili i ua mea make la. Ua kauohaia, o ka Poakahi, ka la 31 o Ianuari M H 1876, oia ka manawa i kohoia no hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa a me ke Au Okoa i huiia, nupepa ma Honolulu. Kakauia ma Honolulu ko Hawaii Pae A. Ian 11, 1876. CHAS. C. HARRIS,
Ikea : Lunakanawai o ka Aha Kiekie. Jno. E Barnard, Kokua Kakauolelo. 737 3t 739
A HA Hookolokolo Kiekie o ko Hawaii Pae Aina, ma ke Keena, ma ka waiwai o JOHN MEEK, o Honolulu i make. Imua o ka Hon. C C Harris, Kokua Lunakanawai Kiekie. He noi e hooiaioia ai i na koina.
Ma ka heluhelu a me ka waiho ana mai o J H Coney, Lunahooko Kauoha o ka palapala hooilina o John Meek, i make, e hoike ana, o kekahi mau koina, ua waihoia mai i ka mea noi, a ua aponoia e ia, a e noi mai ana, e kohoia i la e nanaia ai e ka Aha, a aponoia.
Nolaila, ua kauo haia, o ka Poakahi oia ka la 31 o Ianuari M H 1876, ma ka hora 10, ma ka Rumi Hookolokolo o kela Aha, ma Honolulu, ma ka mokupuni o Oahu, oia ka hora e hooloheia ai ia noi ana mai, a me ka poe a pau i pili, e hele mai e kue, ina paha he kumu e hooleia ai ia noi. A ua kauoha hou ia, e hoolahaia no ia mea no na pule ekolu, iloko o ke Kuokoa a me Au Okoa i huiia a me ka Hawaiian Gazette, no ekolu hebedoma, mamua ae o ka manawa.
Kaka uia ma Honolulu ko Hawaii P A la 4 o Ian 1876. CHAS. C. HARRIS,
Ikea : L unakanawai o ka Aha Kiekie. Walter B Seal, Kakauolelo. 737 3ts 739
A HA Kiekie o ko Hawaii Pae Aina, ma ka hooponopono waiwai, mokupuni o Oahu, ko Hawaii Pae Aina. SS. Ma ka waiwai o NICHOLAS GEORGE. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 5 o Ianuari M H 1876, ua waihoia mai imua o ka Aha kekahi palapala i oleloia oia no ke kauoha hope loa a Nicholas George i make aku la, a me ka Palapala Hoopii e noi ana, e hooiaio kela palapala kauoha, a e hoopuka hoi ka palapala Lunahooponopono a me ke Kahu malama ia W C Jones, ua waihoia mai e G. W. C. Jones a me W. C Jones.
No laila, ua kauohaia, o ka Poalua oia ka la 1 o Feberuari M. H. 1876, ma ka hora 11, ma ka rumi hookolokolo o keia Aha, ma Honolulu, ma ka mokupuni o Oahu oia ka hora e hooiaioia i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Kahu Malama. A ua kauoha hou ia, e hoolaha no ia mea no na pule ekolu iloko o ke Kuokoa a me Au Okoa i huiia, he nupepa i paiia a i hoolaha ia ma Honolulu. A ua kauoha houia, e hoopukaia na palapala kena i na hoike, no ia palapala kauoha, a me na hooilina o ka mea make, e hele mai a e kue i kela palapala kauoha i ka wa i oleloia. Kakauia ma Honolulu ko Hawaii P Aina Ian. 5, 1876. A FRANCIS JUDD,
Ikea : Lunakanawai o ka Aha Kiekie. Jno. E Barnard Hope Kakauolelo. 736 3ts 739
AHA HOOKOLOKOLO KIEKIE O KO HAWAII PAE AINA . Imua o ka Lunakanawai Chas. C. Harris, ma ka waiwai o THOMAS GARDNER o Honolulu, i make kauoha ole. He holaha e noi ana i Lunahooponopono Waiwai.
Ma ka w aiho a me ka heluhelu ana i ke noi a Louisa Gardner, ka wahine kanemake a Thomas Gardner, e noi ana, ua make kauoha ole o Thomas Gardner, o Honolulu, ma Honolulu, i ka la 12 o Novemaba, A D 1875, a e noi mai ana, e hoopukaia ka palapala Lunahooponopono Waiwai ia J Porter Green. Nolaila, ke kauohaia aku nei, o ka Poakolu, la 24 o Ianuari A D 1876, oia ka la i kohoia no ka hoolohe ana ia noi, imua o ia Lunakanawai, ma ke Keena Hookolokolo o keia Aha ma Honolulu, a ma ia wa e hele mai ai na kanaka a pau e hoike, ina paha he kumu e ae ole ia ai ia noi. A e hoolahaia keia kauoha ma ka olelo Hawaii, iloko o ke Kuokoa, he nupepa i paiia a hoolahaia ma Honolulu, no ekolk hebedoma.
Kakau ia ma Honolulu, ko Hawaii P A Ian. 3, 1876. CHAS. C. HARRIS,
Ikea : Lunakanawai o ka Aha Kiekie Jno. E Barnard, Hope Kakauolelo. 736 3ts 743
OLELO HOOLAHA. ANOAI I KA LEHULEHU,
E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei.
P enei ke ano o na mea waiwai la : Na wati & na kaula gula, a na Ledee a me na Keonimana. NA KAULA OPELE A NA LEDE NA KOMO GULA MAI O KELA A ME KEIA ano o na Lede a me na Keonimana. NA KUPEE GULA, NA LIPINE GULA. Na gula pepeiao o na wahine, e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke dala Na pihi pulima gula wahine a kane, Na laketa gula lei wahine nani, Na komo daimana o na Lede, Na kaula laketa, Na pine omau kihei, Na laketa aniani, Na huka gula wahine. NA LAKO HALE. NA PUNA, NA PAHI, NA KIAHA KALA, NA APO KALA, NA KAWELE holoi lima, NA O KALA o kela a me keia ano, a me na mea nani e ae no he nui wale. E KUAI IA AKU ANA NO MA KE kumukuai haahaa loa i ko na wahi e ae o ke taona nei. Ua makaukau no hoi na mea nani no kanaka makua a me na kamalii. Na Kamaa Paa Loa, e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY. Kihi o na Alanui Papu a me Kalepa.737 2m
OIAI ua hookohuia ma ka mea nona ka inoa malalo iho nei, i Lunahooponopono no ka waiwai o KAHILIKOOLANI, o Waihee, Maui i make. Nolaila, ke kahea ia aku nei ka poe a pau he mau koina ko lakou i ka waiwai o ka mea i make, e hoike koke mai maloko o na la he 45, mai ka la 4 Ianuari 1876, a hiki i ka la 18 o Feberuari, o ka makahiki i oleloia maluna. A o ka poe i aie i ka mea i make, e hookaa koke mai ia P. KAHOLOKULA.
Lunah ooponopono Waiwai o Kahilikoolani. Waihee, Maui, Dek 28, 1875. 636 3ts 738
Hawaii Hana Mikiala.
KE Hoike aku nei au i ko'u Lahui, ua wehe ae nei au i ko'u Hale Hana Gula Pepeiao, Komo Lima o ia laina ; aia ma Alanui Hotele, Honolulu, a mauka iho o ka Hale Hotele Aina o Akona. Malaila no au e ku makaukau nei e lawelawe me ka mikioi i keia hana. Ina oukou e makemake e lawe mai i na mea haihai, a e hoohinuhinu paha me ka wai gula, ua hiki loa ia'u. " E ike ia kakou hookanaka, o kipa hewa ke aloha i ka lilo." S. KAUHI. Honolulu. Ian 3, 1876. 736 3t* 738
NO KA MEA, ua hookohuia ka mea nona ka inoa malalo, i Lunahooponopono no ka waiwai o LAAUHOPOOLE, Honolulu, Oahu, i make aku nei. Nolaila, ke hoolahaia aku nei, o na mea a pau i aie mai i ka mea i make, e hookaa koke mai, a o na poe a pau ana i aie aku ai, e waiho mai i ko lakou mau bila aie i hooiaioia, maloko o na malama eono mai keia la aku, o nele loa auanei lakou.
H. K EAHIALOA.
Lunahooponopono Waiwai o Laauhopoole i make. Honolulu, Okat. 8, 1875. 736 4t* 739
W. PILIPO !
I KEIA LA, ua kohoia, a ua hoonohoia ka mea nona ka inoa e kau nei maluna o keia hoolaha akea, me ka mana a pau loa, e noho i Lunahooponopono malama waiwai no'u, (Abigaila Maikai). Nolaila, ke kauohaia aku nei na mea a pau loa, e hoolohe i kuu Lunahooponopono, mai keia la aku, me na keakea ole ma kana mau hana a pau, e like me ka mana i loaa iaia.
A no ka oiaio o keia hoolaha, ke a e nei au a hoopono, a kakau inoa malalo nei o keia hoolaha akea.
A BIGAILA MAIKAI. Kealohilani Hale, Honolulu, Dek 28, 1875. 725 4t* 735
HE PAPA KUHIKUHI MANAWA HOLO
O KA
Mo kuahi Hawaii
KILAUEA !
KAPENA MA RCHANT !
I anuari 17........................................................Hilo
I anuari 27....................................................... Nawiliwili
I anuari 31....................................................... Kaapuni ia Hawaii
F eberuari 7......................................................Kona
F eberuari 14....................................................Hilo
F eberuari 21....................................................Kaapuni ia Hawaii
Maraki 2........... ...............................................Kaapuni ia Kauai
Maraki 6..........................................................Hilo
Maraki 13........................................................Kona
Maraki 2 0........................................................Kaapuni ia Hawaii
Maraki 30........................................................Nawiliwili
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 8 a.m., a mahope iho paha.
Uk u Eemoku mai Honolulu aku
A hiki i Ka unakakai, a pela maluna mai..............$ 5.00
" Lahaina, " " ..................................................... 6.00
" Maalaea, " " .................................................. 7.00
" Makena, " " ................................................... 8.00
" Mahukona, " " ............................................. 10.00
" Kawaihae, " " .............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 13.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
A ole aie no na uku ohua. Ma ka Hale Oihana e loaa'i na palapala. Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai. E hookaaia ka uku ukana i ka wa e noiia aku ai.
E ho aoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Ke ena ma ka Hale Kuai Papa o Waila ma, kihi o Alanui Papu a me Moiwahine. 636 3m 007
OLELO HOOLAHA.
CECIL BROWN, Loio a he Kokua ma ke kanawai A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu, Honolulu, H. P.1 A 688 1yr 740
E ike na mea a pau loa ke nana mai ma keia olelo hoolaha, ua lilo mai ia'u na kai Lawaia o ka Mea Kiekie ke Kuhina Kalaiaina W L Moehonua, ma Kalihi, Oahu. I ka hoolimalimaia, mai HONUKU a KAKAI. Ke papa a ke hookapu loa ia aku nei ua mau Kai Lawaia la, nona na inoa i haiia maluna, aole kuleana o na kanaka e hele a lawaia malaila. I na kue la kekahi olelo papa a hookapu i hoikeia, e hopu no kuu mau Luna a hoopai aku e like me ke Kanawai o ka aina, koe ka poe i ae ia e a'u a me kuu hope oia o J W Kaapu. CHARLES K ELLIS.
Honolulu, Ian 4, 1876 736 4t* 739
NO K A MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumaikai k. Aole pono e hookaa aku ia laua ka uku hoolimalima, aka, e lawe koke mai ia'u.
J. PORTER GREEN,
Luna Malama Waiwai no Mele Hoomoeapule.
Honolulu, Dek 22, 1875. 734 4m
EIA KA WA MAIKAI !!
NO NA PALA LIILII !
NA WATI ! NA WATI ! NA WATI !!
O na Wati kela e kuaiia ana ma kahi o C FOKARTS mamua no ke $50, ua hiki i ke make i kela wa no ke $30.00 A o na Wati he $30 ke kumukuai mamua, e kuai aku no makou no ka $20.
I na makemake oukou no ka makepono, e hele mai, a ole, e hoouna mai paha i ke kauoha i keia wa.
732 4ts 735 DILINAHAMA ma.
KE HOIKEIA aku nei na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma na aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES. Honolulu, Nov 29, 1875. 731 tf
KONA !!
E HELE AE E KUAI I KO OUKOU mau Lole ma kahi o 730 3m KUPA
MA U AINA KUAI !
NO k a loaa ana mai o ka mana ia'u e kuai aku i na aina i koe o KEKULU, e waiho la ma Okoe, Kona Hema, Hawaii, nolaila, e kuai io aku no au i ka poe makemake mai. N GEORGE. Honolulu, Nov 8, 1875. 728 6m 751
Hoola ha a na Luna Hooko Kauoha
K E HOIKE aku nei na mea nona na inoa malalo, i na kanaka a pau, ma ka la 12 o Novemaba 1875, ua hoopuka mai o Hon. Abr. Fornander, Lunakanawai Kaapuni o ka Apana Hookolokolo Elua H P A ia maua na letters Testamentary no ka waiwai o P NAHAOLELUA, o Lahaina, mokupuni o Maui i make me ke kauoha. A ua
waiho aku no maua he bona kupono. Nolaila, ke hoike nei maua i na kanaka a pau, e waiho mai i ka oukou mau bila i hooiaio kuponoia no ua waiwai la, ia Kia Nahaolelua, kekahi o na Luna Hooko Kauoha, ma Lahaina, Maui. Iloko o na malama eono mai ka la i hoolahaia'ku ai o keia hoolaha ana. A o na kanaka hoi a pau e aie ana i ua waiwai la, ke kauoha ia pku nei, e hookaa koke mai ia Kia Nahaolelua, i haiia ae la.
KIA NAHAOLELUA, 729 3m 740 PANE KEKELAOKALANI.
$50.00 MAKANA !
K E haawi nei au he Kanalima Dala i ka mea nana e hoihoi mai kuu Buke Hoomanao no ka Makahiki 1874. O kela Buke, ua laweia aku mai kuu Rumi moe ma Kapalama, iluna o ka papa palapala kahi i waiho ai. He ili eleele ka uhi o waho, a maloko iho o ke opi manoanoa, ua kauia kuu inoa ma ka olelo haole a olelo Hawaii - Ka inoa haole o ua Buke nei, " Pacific Coast Diary of 1874." Ka nui, ekolu iniha laula, elima iniha loa. KIMO PELEKANE.
Honolulu, Oct. 6, 1875 723 tf
E IKE auanei na kanaka a pau ke pili, owau o ka mea nona ka inoa malalo, ua hoolimalima au i kela aina o PUELELU, ma Molokai, mai ka Mea Hanohano J O Dominis, a nolaila, ua kapuia kela aina o Puelelu i na mea a pau e komohewa ae ; a ua hoonoho au ia SIMONA (k), no Honomuni, oia kuu Luna a me kuu hope, nana no e malama a e hooponopono i ua aina la malalo o'u. ABR. FORNANDER.
Lahaina, Nov 2, 1875. 727 3m 739
Naue Mai ! Naue Mai !!
EIA KA NANI LA ! E ! LE-I KOHALA I KA NUKU NA KANAKA ! Ke popohe aku nei ma ka halekuai o GOO KIM Ma ! ma Kapaau, Kohala, Hawaii. E like no hoi me na kihapai i milikaa mau ia, a kipuluia, ka mohala maikai o na pua, pela no hoi ka mohaha maikai o na pua o na kalakoa hou loa, i ike ole ia mamua ma na kaiaulu o Hawaii nei, a me na lole kupono e ae no hoi he nui, e kuai ka hoohehelo ana o na hapa palupalu. Na papale wahine nani loa i haweleia me na lipine o na ano hoolau a pau e pulelo ai i ka makani Apaapaa o Kohala. Na kamaa wahine hila kiekie a kilipohe, e kohakoha ai kela i ke kula apaapaa. Na Loulu o kela a me keia ano e pale aku ai i na inea o ka la a me ka ua. Na uhi pukapuka huluhulu nani, e kau iho ai, kohu Ahuula kela. Na Hainaka Silika nani o kela a me keia ano. Na mea kula pepeiao, na puuwai lei a-i a me na lei nani i kela ano keia ano. Na aila hamo lauoho e paoa ai na poo. Na wai ala onaona o kela a me keia ano. Na Lole Kane o kela a me keia ano, eia no la : Na Palule alu lilina keokeo a kalakoa. Na Palule huluhulu o o na ano a pau. Na lole wawae o kela a me keia ano. Na koheoheo o na ano a pau. Na pahu ili maikai loa e maluhia ai na aahu nani makamae, e kua-a ole ai i ka waiho wale. Na papale ipu loloa a haahaa o kela ano keia ano e kohu ai ke hookapakahi ae, a hele kela a kilakila. Na kamaa ano hou ihu pani ole, e pakele ai ka wawae i ka eha ke kuia.
Eia no hoi kahi mea hai aku, e hiki mau mai ana no na Lole o na ano a pau ia makou, iloko o kela a me keia lua malama. I hoike no kela, e oluolu oukou e na makamaka o ka " Aina Haaheo" kaulana, e hele mai ma kuu Hale Kuai, ma kahi i haiia maluna, oia hoi o Lilinoe.
GOO KIM ma.
Honolulu. S ept 13, 1875 720 6m*
OIAI ua hoohamamaia ka ipuka " Oki Mare," e na Lunakanawai o ka Aha Kiekie. Ua makaukau ke " Keiki o ka Uaukiukiu," e kokua i ka poe a pau e manao ana e hookaawale i ka hoa hana pono ole o ka noho ana. Emi loa no ka uku, holo na hana. E hele nui mai na makamaka, oluolu ka rumi o ke keiki o Haleakala. Nana pololei mai ! Imua na maka a hiki i ke awa lana oluolu o ke kanawai. Pau pilikia, ma ke Keena hana o (719 3m) J. PORTER GREEN.
Eia ka inoa o na Buke Himeni Hou ma ka Hale kuai Buke o Wini.
Songs of Salvation
The River of Life
Sun Shine
Ch eerful Voices
Pure Gold
Sparkling Rubies
Golden Robin
Nine O'clock in the Morning
Bright Jewels
N ew Golden Center
The Morning Star
Sabbath Carols
The Bank of the Rhine
Royal Diadem
H allowed Songs
Song Monarch
Gospel Song.
Golden Wreath.
Happy Voices.
New Songs.
Tempel Choir.
Fresh Laurels.
Charm,
Merry Voices.
Song of Life.
H. M. WINI.
NA MEA NANI E HIEHIE AI.
NAUWE MAI NAUE MAI
MA HEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii. LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i ike oleia mamua. Na KAEI SILIKA Nani. NA MAKALENA KALAKOA me ka PUAKEA, na ALAPIA HELUHELU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ame naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Halekuai HIKIKIIKAUOENA. L. ASEU. Kihi ma Ewa o Alanui Nuuanu mauka o Alanui Moi.
Honolulu, Aug. 27 1875, 717 lyr 768