Ka Nupepa Kuokoa, Volume XV, Number 3, 15 January 1876 — Page 3
KA NUPEPA KUOKOA, ME KE AU OKOA I HUIIA.
Kupono ke hoopiiia.
M R, LUNAHOOPONOPONO KUOKOA :
O wai keia mea kupono e hoopiiia ? I o J.W. K. 2 o ka Lunahooponopono o ka " Lahui Hawaii."— Heaha na kumu e hiki ai ke hoopiiia ? (*) E hoopiiia o J. W. K. no ka hoino i ka inoa maikai o na kiure (*) E hoopiiia ka lunahooponopono no ko na kokua ana e hoolaha i ka J. W. K. hoino inoa ana.— Na oukou e nana i ka hoolaha a J. W. K. nona ke poo i puka ma ka helu I. o ka " Lahui Hawaii," imi loaa ma ka hoopunipuni. Mamua o ko kakou ike ana i ka oiaio a me ka oiaio ole o na olelo a J W. K.
E hoike ak u au i ka moolelo oiaio e kepaia nei na kanaka no na mahi ko o keia pae moku. A na ka oiaio o keia moolelo e kupono ai ka makou e hoopuka nei.— Kupono e hoopiiia.
Na ke kiure, a i ole ia, na kekahi mea e ae no e lawe mai i ke kanaka, a mau kanaka paha e makemake ana e kepaia imua o ka haku mahi ko a agena paha. A o na olelo e hooholoia e laua elua ma ka laua kamailio ana, oia na mea e hoopaa ia ma na wahi hakahaka o ka palapala aelike, a ka Luna Hoiaio palapala o ke aupuni, a na na laua'la e heluhelu mai ma ka moakaka lea ma ka olelo Hawaii imua o na aoao elua na olelo o ka palapala aelike. Eia na olelo imua o ke kanaka e kepa ia'na. E kepa ia ana oe i ———— i ka mahi ko o ———— 7 dala mahina. Ka haole ka ai, ia wahi moe 2 makahiki, kanahiku dala ohi mua. Pehea ? pono ? Ina ae ka mea makemake kepa, i keia mau ninau, ke kakau iho la no ia i ka inoa, no ke kepa ia, a me ka loaa ana o ke dala, a kakau no hoi ka luna hooiaio i kona inoa. Ia manawa, ninau ia'e la ke kiure. " Ike oe ia ia nei." Ae ke kiure, kakau hoi ke kiure i kona inoa no ka ike i ke kanaka me ka ohi dala ana — Ma keia palapala aelike. Aohe brig Heeia, aohe brig Hilo, a aohe no he ninau birig a ka luna hooiaio, aohe no a makou kamailio aku, he ku wale aku no. Mai Okatoba a Ianuari nei, aohe i kepaia no Hilo 4, aole no Heeia. He mau holokahiki na Faraway a ua hoi i Heeia a makemake kepa, hoi hou mai ianei me na palapala ae kepa, kepa ia iho la mahea ae la i nahesa ai na kiure ? a imi loaa ma ka hoopunipuni. Na ka poe ike kanawai na hoike oiaio o keia.
Eia ka hope.— E haawi mai o J. W. K i ka mihi nui i ke akea, oiai ka la a e haawi pu mai mai me ka lunahooponopono i i ka mihi piha ; oiai ka ea. " O haawi auanei makou i ka Ilamuku a o ka Ilamuku i Kilo a o ke Kilo i ka hale paahao, alaila, pau pulu aohe wahi e kanu ai."
J. S. KEKUKAHIKO
Kiure kep a kanaka. Honolulu, Ianuari, 13 1875
[Ua olelo mai o J S Kekukahiko, ua waihoia kekahi kope like loa e like me keia, aka, ua kiolaia nae e ka L. H o ka Lahui Hawaii, kahi e ku ai i ka ii o ia pepa. Nolaila, he olelo haole ikaika ka ua J. S. K. nei i namu iho ai, aole e hiki ke hoike aku ma ke akea. L. H ]
Koho Lu namakaainana.
Aia ma ka poakolu mua o F eberuari o keia makahiki 1876 e koho like auanei na makaainana ku i ke koho balota mai Hawaii a Kauai no ke koho ana i waha olelo no ka lahui iloko o ka hale ahaolelo, nolaila, eia ka wa, ka manawa a kakou e wae ai a noonoo i ke kanaka kupono noia ano hana nui. Penei ko'u
(1) I kanaka naauao.
(2) I kanaka naauao hoopono.
1 I kanaka naauao, ike, a, akamai i ka imi a noonoo i ka pono o ka Lahui a me ka pono o ke aupuni aole ke kanaka paakiki ano ole, ke kanaka hoi i ike i ka pono no ke aupuni, aka, hoopaakiki wale iho no nae i kuhi hewa ai ka poe naaupo he ike, he akamai, he naauao, aole kupono ia kanaka. O ke kanaka e kaupaona like ana i ka pono mawaena o ke aupuni a me kanaka, oia ke kanaka kupono.
2 I kanaka naauao hoopono. Oia ke kahi mea nui a kakou e nana ai mamua o ke koho ana. Oia hoi keia, O ke kanaka naauao i noho a malama pono i ka pono o ka lehulehu ma ka lakou oihana, a me ka malama pono hoi i ko hai waiwai, oiai ma ko lakou lima ka malama ana, oia ke kanaka kupono a lakou e koho ai. Aole o ke kanaka i noho ma ka oihana a hoopau ia no ka maluhia ole o ko hai waiwai ma ko lakou lima. E like me ke kanaka i noho ai Kahu Akua no ka Ihiihi Hemolele he ike, he naauao ua kanaka la aka, eia kona hemahema aole he ano hoopono i loko ona ua lawe ae la oia i ka waiwai a lakou e olelo ae ai ua laa no ka hale o ke Akua, a hoolilo no kona makemake iho, a poho aku la, no keia hemahema o na kanaka la nolaila, aole pono ke lilo i makua no kakou ma kona ano i waha ololo no kakou iloko o ka ahaolelo. Pela no hoi kekahi poe e ae e nana kakou i ka mea kupono a koho aku iaia. O ke kahi o ko kakou poe e holo balota nei, he apauakee ka nui o lakou, ka apakee ana iho nei noia a ke kahi i ka po himeni koke iho nei no o Kaumakapili, na ano imi loaa kana hana ma he ano hoopunipuni, ua ike kakou iaia, a ua lohe hoi ke kahi poe nona pela no, eia io kakou nei he kanaka nui ano ua o-o e hele nei ma na aupuni, ua noho ia ma Wailuku mamua a ua hoolilo ia i Egani no na kula aupuni malaila, aka, no ke ano hoopono ole i loko ona ua haohao ia na haneri dala o ke kula ma kona lima a ua hoopii ia a pakele mahunehune ma ka apua. Eia nae ke hele mai nei me na maka hilahila ole, a koi mai e koho aku iaia. E hoao ae kakou ia kakou iho a koho me ka ike a me ka naauao, mai puni aku no ke kukahekahe mai no ka aie miliona, a me ke kuikahi panailike, he lapuwale ka hana, he hoomalimali e ake ana e komo i ka ahaolelo, o na Dala 250 ka makemake. Aloha makahiki hou.
P IPI HOLOKAAO Honolulu Ianuari 11, 1876.
Ka la hape nuia ma Kohala.
Mr. LUNAHOOPONOPONO ; Aloha :—
Ua malama ia ka la 1 o Jan. e na hui elua, ka hui Queen Kapiolani, ame ka hui Kawaihau ; a ma ka po o ka la 31 o Dec. ua haawi ae la ka hui " Queen Kapiolani," he wahi paina inu ti, no ka la hanau o ka Moi wahine, Her " Majesty Kapiolani," ka inoa a lakou e hapai nei me ka hauoli palena ole, a he mau himeni ke kahi e pili ana no ka Moi wahine, i mele ia ia po, a no ka Moi ke kahi, no " Kauliluaikeanu i Waialeale," e ka papa himeni o ka hui Queen Kapiolani.
Ma ka po o ka la " Hape Nuia" ua haule mai la ka ua, e hu ana hoi ka makani me ka ikaika mawaena o na laau, a pela mau no a hiki i ka hora 11, malie. Ia manawa i liuliu ae ai na hui i ko lakou mau aahu no ka hookahakaha ana, ua puka aelo ka hui Kawaihau me kona papa himeni, me ko lakou aahu piha a hele a'la ma na kikee alanui e ua hui nei.
A ma ka hora 11 1/2 ua puka mai la ka papa himeni o ka hui " Queen Kapiolani," me ko lakou aahu ano e, he lole keokeo ko lakou, a he hua omaomao oiaio, he ano pukiki ko lakou, a he epane ulaula ohelohelo i hoanuunuu ia a puni, a he hae hawaii liilii e kau ana ma ko lakou aoao hema, ua nani ko lakou puka ana mai, me he apua'la i ka wa e napoo aku ai ka la ka nanane. A mamua ka hae Hawaii e paa ia ana e John Kaupena, e ukali aku ana ka papa himeni mahope, ka paa loio maikai mai, a huli hema aku la ka huakai a hiki ma ka hale ahaina o ka hui Kawaihau. Ia wa i mele ae ai ka papa himeni Kapiolani i ke mele no ka " Moi wahine Kapiolani." " Ke Akua e h oomaikai. I ka makuahine o ka lahui Lei momi o na moku O ke aupuni Hawaii &c."
I ka pau ana, huli komohana ka huakai, a hiki ma ka hale o ke poo o ka hui Kawaihau, himeni hou, huli akau ka huakai, e kii ana ia Henap Johnson ka hope L. N. o ka hui mahi ko o Kohala. I ke kaalo ana o ka huakai ma ke alo o ka hale, ia manawa i hoalu aku ai na wahine a kunou hoi na keiei kane. Ia manawa i himeni ae ai na kileo kani o ka hui Kapiolani i ke mele no ka Moi, a na ia leo mele, i hookupilikii i ka papa himeni Kawaihau, oiai lakou e ku hoolai mai ana. A na ka hui Kawaihau hoi hookahi mele. A huli akau aku la ka huakai e hele ana i ka hale mahu, aia ilaila na ono kahi i hoomakaukau ia ai. E ka eueu o Kauai, i ke komo ana aku o ka huakai ma ka rumi ahaaina, ua noho ua paahana e paina, ua ku aela na papa himeni ma na aoao, Kawaihau ma ka akau, o ka papa himeni Kapiolani ma ka aoao hema.
He manawa keia no na papa himeni e hooponopono ai, elua alakai o Kawaihau, he hookahi no ka hui Kapiolani. O na alakai o ka hui Kawaihau oia o Uluihi ame Jeo Kahula, e liuliu ana laua, no ko laua a ia laua ka himeni paina, pule, pau ka pule, ua lawe aela na lehulehu a pau i na kohi kelekele a ka puukolu. Ia manawa i poha mai ai na leo o ka papa himeni Kapiolani, i ka pau ana Huao ! mai la ke anaina. Ano i keia wa i lelele ae ai ke alakai o ka hui Kawaihau, a mele mai la i ka mele, " be still oe e iala la" me ka huikau ke mele ana mai, a lele loa a'la ke aho o ka papa himeni Kawaihau.
A huli hoi aku la a waiho iho la i ke kahua i ka papa himeni wikani o ka hui " Kapiolani."
Ua ku a' la ka papa himeni Kapiolani e hoomaikai aku i kona hoa, oiai e hehee ana i ka la aole me he mal u ia mai.
Ua noho iho la ka papa himeni Kapiolani e mele i na mele lealea, a hiki i ka hookuu ana o ka ahaaina. A lilo a'la ke a-u o ka lanakila i ka hui Kapiolani i alakai ia e ke pukonakona o ka " Ulu o Lele" a mahalo piha no hoi na haole ame na paahana apau.
A huli hoi ak u la ka papa himeni o ka hui Kapiolani, ma ko lakou hale ahaaina e lawe i na ono a lakou i hoolako ai, a hiki i ka hora 11 1/2 o ka po pau. Mamua nae o ko lakou paina ana ua hoopiha ia na kiaha aniani me ka wai huihui, a pane mai la ke poo o ka hui oia o W. C Punahoa. Ano e na lala o ka hui Kapiolani e lawe i na kiaha wai huihui a inu na ke ola o ka Moi a me ka Moi wahine Kapiolani mahope iho na Huro na hoa no na manawa ekolu.
Pela iho la i pau ai na lealea o ka " Hape Nuia."
Aloha Hape Nuia oukou apau loa, me ka mahalo. A. H. PIOKALANI.
Koh ala Plantation, Ian. 6, 1876
MOOLELO NO KE KULA AO KUMU MA HILO.
Dec. 24, A. D. 1875
H ora 9, A. M. Akoakoa mai na kumu ma ka hale kula Hui. Hoomaka na hana me ka heluhelu & ka pule a ke Alakai C. H. Wetmore. Kahea ia na inoa o na kumu e hoomaka ana ma Hilo, G W Moo, H K Unea, J. Kalepa, E. H. Umiamaka, G Nakapuahi, B. H. Brown.
N O PUNA. S. Kamakahiki, J P. Iwa, J. W. Kipi, D. Kapahee, J. W. Kamahana, Kekuewa, R. Koana, S. W Kaikuahine, W. L. Haao. Na kumu i noho G W. Kaluahine &. S K. Naeole.
No KAU. Aoh e kumu i hiki mai. Kohoia i kakau J. P. Iwa. Ninau ke Alakai no ka makaukau o na kumu i ka lakou mau Papa Koike hana e like me ka ke Kahukula Nui kauoha ma o ke Alakai. Ua hookoia.
Ma ka Poakahi hora 10 A M komo mai ke Kahukula Nui, a hoike mai oia i kona mahalo no ka holopono o na hana lima a na kula i loaa aku iaia na Papa hoike.
A hoike mai no hoi, u a kohoia oia e ke aupuni, i Komite hoikeike no na mea o Hawaii nei ma ka hoike nui ma Piladelepia, a paipai pu mai i na kumu e makaala ma ka lakou oihana oiai oia e kaawale ana mahalo ia.
M a ka noho ana o na kumu &. ke alakai i keia mau la, ua ike ia ka makaala o na kumu ma na haawina iloko o na buke, Helunaau, Hoikehonua, Arimatika &c. Ua mahalo piha ke alakai no ka noho ana o na kumu, ma keia hui ana (Aole i pau )
HALAWAI HAIOLELO — Ma ke ahiahi Poakolu iho nei, ua kaheaia he halawai no ke kahi mau Puali maloko o ka Hale Makeke kahiko, e na inoa C H Judd, W. Pinehasa Wood, D Kuhanu a me E L Kamakau, he poe e makemake ana e holo balota Lunamakaainana no keia Apana. Uu hui manao mai na inoa hope ekolu, a ua kono ia no hoi o A Kalauli, J K. Unauna, a me ka mea nona keia pulima e kakau nei e haiolelo. Ma ka wae ana i na mea io mai na lono mai mawaho ae, aole o ko makou ponoi, ua akaka, penei ka hoonohonoho ana :— J K. Unauna, J U. Kawanui, A Kalauli, a me E L. Kamakau, na haiolelo io, a o lakou ka poe kupono. Aka, no ko J K Unauna paa ma Ewa a me Waianae, nolaila, e koho hou ana ka ha. Owai la ia.
DALA HOAIE.
H E $10,000, a e laweia no na moraki no na puu dala mai ka $100 a i ka $500 ma ka moraki mua. E ninau ia KEO, ma ke Keena o ka Aeto (W C Jones) Alanui Kalepa.
7 37 4ts 740
UA MAKEMAKEIA, a ke makemake nei e ka mea nona ka inoa malalo iho, e hoolimalima aku me ka poe e makemake mai ana e hoolimalima me a'u, i kuu Apana Aina e waiho nei ma Kunawai, ma ka Ili i kapaia o KAWAIOLENA, iloko o Honolulu nei. O keia aina i oleloia maluna ae, he aina kanu kalo no ia, a kanu i kela a me keia ano mea ulu, a he aina nui no hoi keia o ka wai, aohe mea e pilikia ai. O ka mea a mau mea e makemake ana i kela aina ma ke ano hoolimalima, e hele mai no lakou imua o'u, a e loaa no au ia lakou makai iho o ka uwapo ma Kalihi, a i ole ia, ma Honolulu, mauka iho o ka Halewai, e pili ana me ka pa o Keoni Miki.
WILLIAM H. TELL, Honolulu, Ian 10, 1876. 737 2m* 744
OWA U o P W Kaawa, ka Lunahooponopono o ka waiwai o Waihele w, o Lahaina, Maui i make, ma Honolulu, Oahu, ke kauoha aku nei au i ka poe ana i aie ai, e hele mai imua o'u, a me ka poe i aie iaia, e hookaa mai ia'u, e loaa no au ma Pauoa, a na pule mua ekolu o Maraki, e loaa ana au ma Lahaina, Maui, ma ka hale noho o Rev. A Pali P W KAAWA. Honolulu, Ian 13, 1876. 737 1m 740
E IKE a uanei na kanaka a pau, o ka'u wahine mare, o LEPEKA ka inoa, ua haalele mai oia ia'u a me ko maua wahi moe, i ka malama o Iune 1875, a ua hele aku la ma kona manao, nolaila, ke papa aku nei au i na haole, pukiki, ko'u mau hoa pake hoi a me na ano kanaka a pau loa, aole e hoaie iaia, aole hoi e hookipa ma ke ano kolohe. Ina oukou e hoaie iaia, maluna o oukou ko oukou poho.
ANI ( Pake). Honolulu, Ian 11, 1876. 737 3t* 730
E NOHO ana ka Papa Nana i ka poe kupo no i ke Koho Balota o ka Apana o Ewa a me Waianae — ma ka Halekula ma Waianae i ka la 17 o Ianuari. A ma ka la 20 ae, e noho hou ka Papa ma Waiawa, Ewa. Mai ka hora 10 A M a hiki i ka hora 2 P M, ka wa e noho ai ma na wahi elua. J H WILLIAMS, Lunahoomalu. 737 lts J K UNAUNA, Luna Auhau.
Hoolaha a ka Luna Hooponopono Wai wai.
NO KA MEA, ma ka la 11 o Ianuari M H 1876, ua hookohuia ka mea nona ka inoa malalo, i Lunahooponopono no ka waiwai o KUPA (k), o Waialua, Oahu i make, e ka Hon. Chas. C. Harris, Lunakanawai o ka Aha Kiekie ma ke Keena. Nolaila, ke hoikeia aku nei i na mea a pau a ka mea i make i aie aku ai, e hoike koke mai i ka lakou mau koi ana imua o'u ma ko'u keena ma Aliiolani Hale, o hoole mau loa ia lakou. A o ka poe a pau i aie i ka mea i make, e hookaa koke mai ia'u. A ke hoolahaia aku nei i na mea a pau i pili i ka mea i make, e hoike mai i ke ano o ko lakou pili ana imua o'u, ma ko'u keena ma Aliiolani Hale, Honolulu. E loaa no au malaila, mai ka hora 11 o kakahiaka a hiki i ka hora 2 o ke ahiahi o kela a me keia la.W L WILCOX,
Lunahooponopono Waiwai o Kupa. Honolulu, Ian 11, 1876. 737 3ts 739
E IKE auanei na mea a pau ma keia, owau o ka mea nona ka inoa malalo iho, i hookohuia e ka Mea Hanohano F S Lyman, Lunakanawai Kaapuni o ka Apana Hookolokolo Ekolu o ko Hawaii Pae Aina, e noho i Lunahooponopono no ka waiwai o S KALAIKOA, o Waiohinu, Kau. Ke haiia aku nei i na mea a pau, mai keia la aku a pau na malama eono, ina he aie ko S Kalaikoa i kekahi, e hele mai ma ko'u keena, ma ko'u hale, ma Waiohinu, maloko o na manawa i haiia ae la maluna ; a ina hoi ua aie mai kahi iaia, e hookaa koke mai. A hala ka wa o keia hoolaha, alaila, e hoole mau loa ia aku no na koi ana.
W THOMAS MA RTIN, Lunahooponopono Waiwai. Waiohinu, Ian 3, 1876. 737 2t 738
E IKE auanei na mea a pau ma keia, owau o ka mea nona ka inoa malalo iho nei, i hookohuia e ka Lunakanawai Kaapuni Apana Ekolu o ko Hawaii Pae Aina, F. S Lyman, i Lunahooponopono no ka waiwai o NAMAKAELUA, o Hokukano, Kau, Hawaii. Ke kauohaia aku nei na mea a pau a Namakaelua i aie aku ai, e hoike koke mai i na koi ana maloko o na malama eono mai keia la aku, a pela hoi ka poe i aie ia Namakaelua, e hookaa koke mai, a ina e hala ka manawa i oleloia, alaila, e hoole loa ia 'ku no na koi aie ana mai. E loaa au ma Waiohinu, ma ka hale o W T Martin kuu Hope, a i ole au, me W T Martin no oukou e hooponopono ai. NAKUAAU.
L unahooponopono Waiwai. Hokukano, Ian 3, 1876. 737 2t 738
E IKE auanei na mea a pau ma keia, owau o ka mea nona ka inoa malalo iho nei, i hookohuia ai i Lunahooponopono no ka waiwai o KAULIA, o Hokukano Kau, i make kauoha ole, e ka Lunakanawai Kaapuni, F S Lyman, o ka Apana Ekolu o ko Hawaii Pae Aina. Ke kauohaia aku nei na mea a pau a Kaulia i aie aku ai, e hoike koke mai i na bila oiaio, a me na mea hoi i aie mai, e hookaa koke mai maloko o eono mahina mai keia la aku. E loaa au ma Waiohinu, ma ko W T Martin hale, a i ole au, i kuu hope ia W T Martin e hooponopono pu ai.
V NAWAI, Lunahooponopono Waiwai. Kaulaiki, Kau, Ian 3, 1876. 737 2t 738
Hoolaha a ka Luua Hooponopono Waiwai.
UA HOOKOHUIA mai ka mea nona ka inoa malalo iho, i Lunahooponopono Waiwai no ka waiwai o SEBASTIAN LANZ, o Kohala Akau, Hawaii, i make, ke kauoha aku nei i na kanaka a pau, he mau koina ka lakou i ka waiwai o ka mea i make, e hoike koke mai iloko o eono malama, a o ka poe a pau i aie mai iaia, e hookaa koke mai me ka hookaulua ole. J WIGHT,
L unahooponopono Waiwai. Kohala, Dec 27, 1875. 734 4t* 733
E ike na mea a pa u loa ke nana mai ma keia olelo hoolaha, ua lilo mai ia'u na kai lawaia o ka Mea Kiekie ke Kuhina Kalaiaina W L Moehonua, ma Kalihi, Oahu, i ka hoolimalima, mai HONUKU a KAKAI. Ke papa a ke hookapu loa aku nei na luna Kai Lawaia la, nona na inoa i haiia maluna, aole kuleana o na kanaka e hele a lawaia malaila. Ina kue la kekahi olelo papa a hookapu i hoikeia, e hopu no kuu mau Luna a hoopai aku e like me ke Kanawai o ka aina, koe ka poe i ae ia e a'u a me kuu hope oia o J W Kaapu. CHARLES K ELLIS, Honolulu, Ian 3, 1876. 739 4t* li'* 738
HOOLAHA HOOKOLOKOLO.
A HA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o NAOMI (w), o Lahaina Maui i make kauoha ole, imua o ka Hon. C. C. Harris, Lunakanawai o ka Aha Kiekie. Olelo kauoha, e hoolaha 'ku no ke noi ana mai e koho Lunahooponopono Waiwai.
M a ka heluhelu a me ka waiho ana mai o ka palapala noi a Samari K Opunui (w), o Honolulu, Oahu, e hoike mai ana, o Naomi w, no Lahaina, Maui, ua make kauoha ole ma Kainehe, Lahaina, Maui, ma ka la 30 o Iune M H 1861, a he waiwai kona e waiho nei iloko o ka mana o keia Aha Hookolokolo, a e noi ana, e haawiia ka palapala hookohu Lunahooponopono Waiwai a me ka hooilina iaia, e like me kona pili i ua mea make la. Ua kauohaia, o ka Poakahi, ka la 31 o Ianuari M H 1876, oia ka manawa i kohoia no hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa a me ke Au Okoa i huiia, nupepa ma Honolulu. Kakauia ma Honolulu ko Hawaii Pae A. Ian 11, 1876. CHAS. C. HARRIS,
Ikea : Lunakanawai o ka Aha Kiekie. Jno. E Barnard, Kokua Kakauolelo. 737 3t 739
AHA Hookolokolo Kiekie o ko Hawaii Pae Aina, ma ke Keena, ma ka waiwai o JOHN MEEK, o Honolulu i make. Imua o ka Hon. C C Harris, Kokua Lunakanawai Kiekie. He noi e hoolahaia i na koina.
M a ka heluhelu a me ka waiho ana mai o J H Coney, Lunahooko Kauoha o ka palapala hooilina o John Meek, i make, e hoike ana, o kekahi mau koina, ua waihoia mai i ka mea noi, a ua aponoia e ia, a e noi mai ana, e kohoia i ia e nanaia ai e ka Aha, a aponoia.
N olaila, ua kauohaia, o ka Poakahi oia ka La 31 o Ianuari M H 1876, ma ka hora l0, ma ka Rumi Hookolokolo o keia Aha ma Honolulu, ma ka mokupuni o Oahu, oia ka hora e hoonohoia ai ia noi ana mai, a me ka poe a pau i pili, e hele mai e kue, ina paha he koina e hooleia ai ia noi. A ua kauoha hou ia, e hoolahaia no ia mea no na pule ekolu, iloko o ke Kuokoa a me Au Okoa i huiia a me ka Hawaiian Gazette, no ekolu hebedoma, mamua ae o ka manawa.
Kakauia ma Honolulu ko Hawaii P A La 1 o Ian 1876. CHAS. C. HARRIS
Ikea : Lunakanawai o ka Aha Kiekie. Walter R. Seal, Kakauolelo.737 3ts 733
A HA Kiekie o ko Hawaii Pae Aina, ma ka hooponopono waiwai, mokupuni o Oahu, ko Hawaii Pae Aina, SS. Ma ka waiwai o NICHOLAS GEORGE. Olelo kauoha, e koho ana i la e hooiaio ai ka palapala kauoha, a no ka hoolaha ana.
N o ka mea, ma ka la 5 o Ianuari M H 1876, ua waihoia mai imua o ka Aha kekahi palapala i oleloia oia no ke kauoha hope loa a Nicholas George i make aku la, a me ka Palapala Hoopii e noi ana, e hooiaio kela palapala kauoha, a e hoopuka hoi ka palapala Lunahooponopono a me ke Kahu malama ia W C Jones, ua waihoia mai e G W. C. Jones a me W C Jones.
N olaila, ua kauohaia, o ka Poalua oia ka la l o Feberuari M H. l876, ma ka hora 11, ma ka rumi hookolokolo o kela Aha, ma Honolulu, ma ka mokupuni o Oahu oia ka hora e hoolahaia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Kahu Malama. A ua kauoha hou ia, e hoolaha no ia mea no na pule ekolu iloko o ke Kuokoa a me Au Okoa i huiia, he nupepa i paiia a i hoolahaia ma Honolulu. A ua kauoha houia, e hoopukaia na palapala kena i na hoike, no ia palapala kauoha, a me na hooilina o ka mea make, e hele mai a e kue i keia palapala kauoha i ka wa i oleloia.
K akauia ma Honolulu ko Hawaii P Aina Ian. 5, 1876. A FRANCIS JUDD,
Ikea : Lunakanawai o ka Aha Kiekie. Jno. E Barnard Hope Kakauolelo. 736 3ts 738
AHA HOOKOLOKOLO KIEKIE O KO HAWAII PAE AINA. Imua o ka Lunakanawai Chas. C. Harris, ma ka waiwai o THOMAS GARDNER o Honolulu, i make kauoha ole. He holaha e noi ana i Lunahooponopono Waiwai.
Ma ka waiho a me ka heluhelu ana i ke noi a Louisa Gardner, ka wahine kanemake a Thomas Gardner, e noi ana, ua make kauoha ole o Thomas Gardner, o Honolulu, ma Honolulu, i ka la 12 o Novemaba A D l875, a e noi mai ana, e hoopukaia ka palapala Lunahooponopono Waiwai ia J Porter Green. Nolaila, ke kauohaia aku nei, o ka Poakolu, la 24 o Ianuari A D 1876, oia ka la i kohoia no ka hoolohe ana ia noi, imua o ia Lunakanawai, ma ke Keena Hookolokolo o keia Aha ma Honolulu, a ma ia wa e hele mai ai na kanaka a pau e hoike, ina paha he kumu e ae ole ia ai ia noi. A e hoolahaia kela kauoha ma ka olelo Hawaii, iloko o ke Kuokoa, he nupepa i paiia a hoolahaia ma Honolulu, no ekolu hebedoma.
K akauia ma Honolulu, ko Hawaii P A Ian. 3, 1876.
CHAS. C. HARRIS,
Ikea : Lunakanawai o ka Aha K iekie Jno. E. Barnard, Hope Kakauolelo 736 3ts 748
MA k e Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o J. M. POHANO, no Piihonua, Hilo, Hawaii i make.
U a heluheluia a ua waihoia ka palapala noi a Kaauana Pohano k, e noi ana, e hoonohoia o G W A Hapai i Lunahooponopono no ka waiwai o John M Pohano, no Piihonua, Hilo, Hawaii, H P A i make. Nolaila, ke kauohaia aku nei na kanaka a pau ke pili, o ka Poaono oia ka la 5 o Feberuari 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i na nonoi la a me na mea kue ke hoikeia.
F S LYMAN,
Lunakanawai Kaapuni Apana Akolu H P A Hilo, Dek 28, 1875. 736 3ts 738
MA k e Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o KANEHI NAMOKU k, no Kulaimano, Hilo Hawaii i make. Ua heluheluia a ua waihoia ka palapala noi a M Keola (k), ka Lunahooponopono o ka Waiwai o Kanehunamoku, Hilo, Hawaii, H P A i make, e noi ana e hoaponoia kana moowaiwai, a e hookuu iaia mai ka oihana, a e hooholoia ka waiwai i na hooilina. Nolaila, ke kauohaia aku nei na kanaka a pau i pili, o ka Poaono, oia ka la 5 o Feberuari, 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoikeia.
F S LYMAN,
Lunakanawai Kaapuni, Apana Ekolu H P A Hilo, Dek 28, 1875. 736 3ts 738
MA k e Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o G. S. KAPUA k, no Kawainui, Hilo, Hawaii, i make.
Ua heluheluia a ua waihoia k a palapala noi a Kahoopono w, e noi ana, e hooiaioia ka palapala kauoha hope loa a G S Kupua k, no Kawainui, Hilo, Hawaii H P A i make, a e hoonohoia oia me Piliwale k, i mau Lunahooko no ia palapala kauoha hope. Nolaila, ke kauohaia aku nei na kanaka a pau i pili, o ka Poaono, oia ka la 5 o Feberuari 1876 ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. F S LYMAN, Lunakanawai Kaapuni Apana Ekolu H P A. Hilo, Dek 28, 1875. 736 3ts 738
A HA Kiekie o ko Hawaii Pae Aina. Ma ka hooponopono waiwai. Mokupuni o Oahu, ko Hawaii Pae Aina. SS. Ma ka waiwai o KALUAHI (k), no Oahu i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
No k a mea, ma ka la 27 o Dekemaba M H 1875, ua waihoia mai imua o ka Aha, kekahi palapala i oleloia, oia no ke kauoha hope loa a Kaluahi (k), i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Luna Hooponopono, ua waihoia mai e Kalei.
Nolaila, ua kauohaia, o ka Poal ua, oia ka la 18 o Ianuari, M H 1876, ma ka hora 10 A. M, ma ka rumi Hookolokolo oia Aha, ma Honolulu, ma ka mokupui Oahu, oia ka hora e hooiaioia'i ia la palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa a me ke Au Okoa i huiia, he nupepa i paiia a i hoolahaia ma Honolulu. A ua kauoha hou ia, e hoopuka ia na palapala kena i na hoike no ia palapala kauoha a me na hooilina o ka mea make, e hele mai a e kue i keia palapala kauoha i ka wa i oleloia.
Kakauia ma Honolulu, ko Hawa ii P A, Dec 27, 1875. A. FRANCIS JUDD,
Ikea : Lunakanawai o ka Aha Kiekie. Jno. E Barnard, Hope Kakauolelo, 735 3t 737
Hoolaha a k a Luna Hooponopono Waiwai.
E IKE auanei na mea a pau ma keia, owau o ka mea nona ka inoa malalo, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia Kalaikini (w), i keia la 1 o Ianuari A D 1876, i Luna Aina, no na aina a pau e waiho la ma Waialua, Oahu ; a ke kauohaia aku nei kela ame keia, e nana a e hoolohe i kona mana ma keia.
W. P. LELEIOHOKU,
Lunahooponopono Waiwai o Ruta Keelikolani. Honolulu, Ian 1, 1876 735 3ts 737
E IKE auanei na mea a pa u ma keia, owau o ka mea nona ka inoa malalo iho, ka Lunahooponopono Waiwai o Ka Mea Kiekie Kula Keelikolani, no Honolulu, Oahu, ua hookohu pono aku au ia Kaupena (w), i keia la 1 o Ianuari A D 1876, i Luna Aina, no na aina a pau e waiho ia ma Ewa, Oahu ; a ke kauohaia aka nei kela a me keia, e nana a e hoolohe i kona mana ma kela.
W. P. LELEIOHOKU,
L unahooponopono Waiwai o Ruta Keelikolani. Honolulu, Ian 1, 1876. 735 3ts 737
E IKE auanei na kanaka a pau ma keia, OWAU o ka mea nona ka inoa malalo iho, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia Maui, i ka la l o Iune A. D. 1875, i Luna Aina no Makiki, e waiho la ma Honolulu, Oahu ; a ke kauohaia aku nei kela a me keia, e nana a e hoolohe i kona mana ma keia.
W. P. LELEIOHOKU,
Lunahoopo nopono Waiwai o Ruta Keelikolani. Honolulu, Ian 1, 1876. 735 3ts 737
E IKE auanei na mea a pau ma keia, owau o ka mea nona ka inoa malalo nei, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia Lumilumi (w), no Kona Hema, Hawaii, i keia la 1 o Ianuari A D 1876, i Luna Aina a i Agena no'u no ka malama a hooponopono ana i na aina Ahupuaa e waiho la ma Kona Hema, Hawaii ; a ke kauohaia aku nei kela a me keia, e nana a e hoolohe i kona mana ma keia, W. P. LELEIOHOKU,
Lunahooponopono Waiwai o Ruta Keelikolani, Honolulu, Ian 1, 1876 735 3ts 737
E IKE a uanei na mea a pau ma keia, owau o ka mea nona ka inoa malalo iho, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua kauoha pono aku au i W K Moilii, no Waiohinu, Kau, Hawaii, i keia la 1 o Ianuari A D 1876, i Luna Aina, a i Agena no'u no ka malama a hooponopono ana i ua aina Ahupuaa a me na mea holoholona a pau o Ruta Keelikolani, e waiho la ma Kau, Hawaii ; a ke kauohaia aku nei kela a me keia, e nana a e hoolohe i kona mana.
W. P. LELEIOHOKU,
Lunahooponopono Waiwai no Ruta Keelikolani,
Honolulu, Ian 1, 1876 735 3ts 707
OLELO HOOL AHA. ANOI I KA LEHULEHU,
E kipa mai a e nana i kumaka ka ike i na waiwai nani i loaa mai nei iloko o na La Kulaiia iho nei.
Penei ke ano o ua mau waiwai la : Na wati & na kaula gula, a na i Ledee a me na Keonimana. NA KAULA OPELE A NA LEDE NA KOMO GULA O KELA A ME KEIA ano o na Lede a me na Keonimana. NA KUPEE GULA, NA LIPINE GULA. Na gula pepeiao o na wahine, e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke dala Na pihi pulima gula wahine a kane, Na laketa gula lei wahine nani, Na komo daimana o na Lede, Na kaala laketa, Na pine omau kihei. Na laketa aniani, Na Luka gula wahine. NA LAKO HALE, NA PUNA, NA PAHI NA KIAHA KALA, NA APO KALA, NA KAWELE holoi lima, NA O KALA o kela a me keia ano. a me na mea nani e ae no he nui wale. E KUAI IA AKU ANA NO MA KE kumukuai haahaa loa i ko na wahi e ae o ke taona nei.
Ua makaukau no hoi na mea nani no kanaka makua a mo na kamalii. Na Kamaa Paa Loa, o loaa no maanei e like me ka makemake ; a ina e loaa koke ka ino, he hiki no ke hoihoi mai.
M. McINERNY.
Kihi o na Alanui Papu a me Kalepa. 737 3m
OIAI ua hookohuia mai ka mea nona ka inoa malalo iho nei, i Lunahooponopono no ka waiwai o KAHILIKOOLANI, o Waihee, Maui i make.Nolaila, ke kahea ia aku nei ka poe a pau he mau koina ko lakou i ka waiwai o ka mea i make, e hoike koke mai maloko o na la he 45, mai ka la 4 Ianuari 1876, a hiki i ka la 18 o Feberuari, o ka makahiki i oleloia maluna. A o ka poe i aie i ka mea i make, e hookaa koke mai ia. P. KAHOLOKULA.
Lunahooponopono Waiwai o Kahilikoolani. Waihee, Maui, Dek 28, 1875. 636 3ts 738
Hawaii Hana Mikiala.
K E Hoike aku nei au i ko'u Lahui, ua wehe ae nei au i ko'u Hale Hana Gula Pepeiao. Komo Lama o ia laina ; aia ma Alanui Hotele, Honolulu, a mauka iho o ka Hale Hotele Aina o Akona. Malaila no au e ku makaukau nei e lawelawe me ka mikioi i keia hana. Ina oukou e makemake e lawe mai i na mea haihai, a e hoohinuhinu paha me ka wai gula, ua hiki loa ia'u. " E ike ia kakou hookanaka, o kipa hewa ke aloha i ka ilio." S. KAUHI. Honolulu. Ian 3, 1876. 736 3t* 738
NO KA MEA, ua hookohuia ka mea nona ka inoa malalo, i Lunahooponopono no ka waiwai o LAAUHOPOOLE, Honolulu, Oahu, i make aku nei. Nolaila, ke hoolahaia aku nei, o na mea a pau i aie mai i ka mea i make, e hookaa koke mai, a o na poe a pau ana i aie aku ai, e waiho mai i ko lakou mau bila aie i hooiaioia, maloko o na malama eono mai keia la aku, o nele loa auanei lakou.
H. K EAHIALOA,
Lunahooponopono Waiwai o Laauhopoole i make. Honolulu, Okat. 8, 1875. 736 4t 739
KUAI A KA ILAMUKU.
MAMULI o ka mana o ka Olelo Hooholo i hoopukaia e ka Aha Hoomalu o Honolulu, Oahu, no JAMES I DOWSETT ka pono no na $143.65 e kue ana ia Kahele, nolaila, ua lawe mai au a e kuai aku ana ma ke akea, i ka Poaha, la 27 o Ianuari A D 1876, maluna iho o ka aina, i ka hora 12, o ke awakea, i na pono a me na pomaikai a pau o Kahele, iloko o ka hale laau e ku la ma Makiki, aia wale no ke koe a hookaa ia mai ke koina, ka ukupanee a me ke koina o ka Aha a me ko'u uku, a me ka uku Komisina mamua ae.W C PARKE, Ilamuku. Honolulu. Dec 24, 1875. 734 4ts 737
W. PILIPO !
I KEIA LA, ua kohoia, a ua hoonohoia ka mea nona ka inoa e kau nei maluna o keia hoolaha akea, me ka mana a pau loa, e noho i Lunahooponopono malama waiwai no'u, (Abigaila Maikai). Nolaila, ke kauohaia aku nei na mea a pau loa, e hoolohe i kuu Lunahooponopono, mai keia la aku, me na keakea ole ma kana mau hana a pau, e like me ka mana i loaa iaia.
A no ka o iaio o keia hoolaha, ke ae nei au a hoopono, a kakau inoa malalo nei o keia hoolaha akea.
ABI GAILA MAIKAI. Kealohilani Hale, Honolulu, Dek 23, 1875. 735 4t* 738
NO KA MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumaikai k. Aole pono e hookaa aku ia laua ka uku hoolimalima, aka, e lawe koke mai ia'u.
J. PORTER GREEN,
Luna Malama Waiwai no Mele Hoomoeapule. Honolulu, Dek. 22, 1875. 734 6m
EIA KA WA MAIKA I !!
NO NA DALA LIILII !
NA WATI ! NA WATI ! NA WATI !!
O na Wati kela e kuaiia ana ma kahi o C ECKARTS mamua no ke $30., ua hiki ke make i keia wa no ke $30.00 A o na Wati he $30 ke kumukuai mamua, e kuai aku no makou no ka $20.
Ina makemake oukou no ka makepono, e hele mai, a ole, e hoouna mai paha i ke kauoha i keia wa.
7 33 4ts 733 DILINAHAMA ma.
KE HOIKEIA aku nei i na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la ; aole hoi lakou e hookuu wale i na bipi a me na holoholona e ae maluna o ua aina la.W C JONES. Honolulu, Nov 24, 1875. 731 1f
KONA !!
E HELE AE E KUAI I KO OUKOU mau Lole ma kahi o KUPA. 730 3m
MAU AINA KUAI !
NO ka loaa ana mai o ka mana ia'u e kuai aku i na aina i koe o KEKULU, e waiho ia ma Okoe, Kona Hema, Hawaii, nolaila, e kuai io aku no au i ka poe makemake mai N. GEORGE. Honolulu, Nov 8, 1875.723 6m731
OLELO HOOLAHA.
CECIL BROWN, Loio a he K okua ma ke Kanawai A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu. Honolulu, H. P. A.
638 1yr 710
Hoolaha a na Luna Hooko Kauoha.
K E HOIKE aku nei na mea nona na inoa malalo, i na kanana a pau, ma ka ia 12 o Novemaba 1875, ua hoopuka mai o Hon.Abr. Fornander Lunakanawai Kaapuni o ka Apana Hookolokolo Elua H P A ia maua na Letters Testamentary no ka waiwai o P NAHAOLELUA, o Lahaina, mokupuni o Maui i make me ke kauoha. A ua waiho aku no maua he bona kupono. Nolaila, ke hoike nei maua i na kanaka a pau, e waiho mai i ka oukou mau bila i hooiaio kuponoia no ua waiwai la, ia Kia Nahaolelua, kekahi o na Luna Hooko Kauoha, ma Lahaina, Maui, iloko o na malama eono mai ka la i hoolahaia'ku ai o keia hoolaha ana. A o na kanaka hoi a pau e aie ana i ua waiwai la, ke kauohaia aku nei, e hookaa koke mai ia Kia Nahaolelua, i haiia ae la.
KI A NAHAOLELUA, 729 3m 740 PANE KEKELAOKALANI.
$50. 00 MAKANA !
KE haawi n ei au he Kanalima Dala i ka mea nana e hoihoi mai kuu Buke Hoomanao no ka Makahiki 1874. O keia Buke, ua laweia aku mai kuu Rumi moe ma Kapalama, iluna o ka papa palapala kahi i waiho ai. He ili eleele ka uhi o waho, a maloko iho o ke opi manoanoa, ua kauia kuu inoa ma ka olelo haole a olelo Hawaii — Ka inoa haole o ua Buke nei, " Pacific Coast Diary of 1874." Ka nui, ekolu iniha laula, elima iniha loa.
K IMO PELEKANE. Honolulu. Oct. 4, 1875. 723 tf
E IKE auanei na kanaka a pau ke pili, owau o ka mea nona ka inoa malalo, ua hoolimalima au i keia aina o PUELELU, ma Molokai, mai ka Mea Hanohano J O Dominis, a nolaila, ua kapuia kela aina o Puelelu i na mea a pau e komohewa ae ; a ua hoonoho au ia SIMONA (k), no Honomuni, oia kuu Luna a me kuu hope, nana no e malama a e hooponopono i ua aina la malalo o'u.
A BR. FORNANDER.
Lahaina, Nov. 2, 1875 727 3m 739
Naue Mai ! Naue Mai!!
EIA KA NANI LA ! E! LE-I KOHALA I KA NUKU NA KANAKA ! Ke popohe aku nei ma ka Halekuai o GOO KIM Ma ! ma Kapaau, Kohala, Hawaii. E like no hoi me na kihapai i milikaa mau ia, a kipuluia, ka mohaha maikai o na pua, pela no hoi ka mohaha maikai o na pua o na kalakoa hou loa, i ike ole ia mamua ma na kaiaulu o Hawaii nei, a me na lole kupono e ae no hoi he nui, e ku ai ka hoohehelo ana o na hapa palupalu. Na papale wahine nani loa i haweleia me na lipine o na ano hooluu a pau e pulelo ai i ka makani Apaapaa o Kohala. Na kamaa wahine hila kiekie a kilipohe, e kohakoha ai kela i ke kula apaapaa. Na Loulu o kela a me keia ano, e pale aku ai i na inea o ka la a me ka ua. Na uhi pukapuka huluhulu nani e kau iho ai, kohu Ahuula kela. Na Hainaka Silika nani o kela a me keia ano. Na mea kula pepeiao, na puuwai lei a-i a me na lei nani o kela ano keia ano. Na aila hamo lauoho e pono ai na poo. Na wai ala onaona o kela a me keia ano. Na Lole Kane o kela a me keia ano, eia no la : Na Palule alu lilina keokeo a kalakoa. Na Palule huluhulu o o na ano a pau. Na lole wawae o kela a me keia ano. Na koheoheo o na ano a pau. Na pahu ili maikai loa e maluhia ai na aahu nani makamae, e kua-a ole ai i ka waiho wale. Na papale ipu loloa a haahaa o kela ono keia ano e kohu ai ke hookapakahi ae, a hele kela a kilakila. Na kamaa ano hou ihu pani ole, e pakele ai ka wawae i ka eha ke kuia.
Eia no hoi kahi mea hai aku, e hiki mau mai ana no na Lole o na ano a pau ia makou, iloko o kela a me keia lua malama. I hoike no kela, e oluolu oukou e na makamaka o ka " Aina Haaheo" kaulana, e hele mai ma kuu Hale Kuai, ma kahi i haiia maluna, oia hoi o Lilinoe.
GOO KIM ma.
Honolulu. S ept 18, 1875. 720 6m*
OIAI ua hoohamamaia ka ipuka " Oki Mare," e na Lunamakaainana o ka Aha Kiekie. Ua makaukau ke " Keiki o ka Uaukiukiu," e kokua i ka poe a pau e manao ana e hookaawale i ka hoa hana pono ole o ka noho ana. Emi loa no ka uku, holo ka hana. E hele nui mai na makamaka, oluolu ka rumi o ke keiki o Haleakala. Nana pololei mai ! Imua na maka a hiki i ke awa lana oluolu o ke kanawai. Pau pilikia, ma ke Keena hana o (719 3m) J. PORTER GREEN
NA MEA NANI E HIEHIE AI.
NAUWE MAI NAUE MAI
MA HEA LA E LOAA AI NA PAPALE WAHINE AUlii kulumanu ano hou loa, a me na pua nani e kinikohu ai a kau ai ka iwa, he la makani e hao ai na polena o Haupu, kapakahi mahuia o Keokoi ka moku, ma kahi o L. A. ASEU, Aia pu no malaila na HAINAKA SILIKA liilii, LEI AI kae weluwelu, a me na LIPINE SILIKA puapua weluwelu, e kawelu ai i ka makani. NA KALAKOA ANO HOU LOA i ike oleia mamua. Na KAEI SILIKA Nani, NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI PILI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Halekuai HIKIKIIKAUOENA. L. ASEU. Kihi ma Ewa o Alanui Nuuanu mauka o Alanui Moi. Honolulu, Aug. 27 1875, 717 lyr 763
Eia ka inoa o na Buke Himeni Ho u ma ka Hale kuai Buke o Wini.
Songs of Salvation
The River of Life
Sun Shine
The Pearl
Silver Song
Cheerful Voices
Pure Gold
Sparkling Rubies
Golden Robin
Nine O'clock in the Morning
Bright Jewels
New Golden Censer
Golden Shower
The Morning Star
Sabbath Carols
The Bank of the Rhine
Royal Diadem
Hallowed Songs
Sabbath School Bell.
Song Queen.
Song Monarch.
Gospel Song.
Golden Wreath.
Happy Voices.
New Songs.
Tempel Choir.
Fresh Laurels.
Choice.
Charm.
Merry Voices.
H. M. WINI.
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MA RCHANT !
Ianuari 10................................Kona
Ianuari 17................................Hilo
Ianuari 27................................Nawiliwili
Ianuari 31................................Kaapuni ia Hawaii
F eberuari 7..............................Kona
Feberuari 14............................Hilo
F eberuari 21............................Kaapuni ia Hawaii
Maraki 2.................................Kaapuni ia Kauai
M araki 4.................................Hilo
M araki 13..............................Kona
Ma raki 20...............................Kaapuni ia Hawaii
Ma raki 30...............................Nawiliwili
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pa u a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a. m. a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 9 a. m. a mahope iho paha.
Uku Eemoku mai Honolulu aku
A hiki i Kaunakakai, a pela maluna mai........$ 1 00
" Lahaina................................................... 6 00
" Maalaea.................................................... 7 OO
" Makena.................................................... 8 00
" Mahukona............................................... 10 00
" Kawaihae................................................ 10 00
" Kailua, .................................................... 10 00
" Kaawaloa, ............................................... 10 00
" Hilo, ........................................................ 12 00
" Kau, ........................................................ 16 30
Uk u kaapuni ia Hawaii, ................................ 32 00
A hiki i na awa o Kauai, ................................ 5 00
U ku kaapuni ia Kauai, ................................. 12 00
Uku ohua Hawaii oneki, ................................ 2 00
A ole aie no na uku ohua.
Ma ka Hale Oihana e loaa'i na palapala.
Aol e keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana i ka wa e noiia aku ai.
E hoaoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Ag ena.
Ke ena ma ka Hale Kuai Papa o Waila ma, kihi o Alanui Papu a me Moiwahine. 606 3m 709