Ka Nupepa Kuokoa, Volume XIV, Number 21, 22 Mei 1875 — Page 3
| This text was transcribed by: | Kä“hau Lucas |
| This work is dedicated to: | L. Leimamo Aana |
KA NUPEPA KUOKOA, ME KE AU OKOA I HUIIA.
Ua nee mai nei ke Keena Loio o ke Keiki o ka Uaukiukiu o Makawao, aia mahope koke aku o ka Hale Kauka o Minuteole. Malaila no e loaa ai ua keiki la e ku makaukau ana.
Ua hanaia mai nei kekahi o pepehi kohola hou loa ma Denemaka, a ua ikeia kono holopono. Mahope loa o ua o la, he mau kui elua, ka mea nana e kaomi aku i na kolo, a ina e komo iloko o ke kohola, mohala ae la ua mau kui la, a paa loa. Ua hoopiliia he mea pa-hu i na o la, a nolaila, i ka wa e komo ai ke o iloko o ke kohola, o ka manawa ia e pa hu ae ai a make koke ia wa ke kohola.
I HOOKAHI KA HUKI ANA.- Ma ka nupepa o keia la, e ikeia ai ua kahea aenei ke Komite o ka Ahahui Kula Sabati o Oahu nei, i na haumana kula Sabati a pau o keia mokupuni, e malamaia ana he kai huakai o na kula Sabati ma Honolulu nei ke hiki aku i la 12 o Iune, nolaila, eia wale no ka makou, oiai ua moku@h@na aenei ke kula Sabati o Kawaiahao mailoko mai o keia poai, e ku mai oukou a maloeloe, a e hooko i ka oukou hana nui e paipai nei. O ko oukou haule ana, ke pono ana ia o na manao e ae he nui.
No WAIANAE.- He aina waiwai neia ke mahaiia e ka poe e noho alii ana maluna iho no na makahiki hoolimalima. I keia wa, he kuliua, bine a me ka ipu haole na hua waiwai i oo mai. Kakani na pakeke o ka poe mahiai.
-Ua lohe ia mai, ua hooholo ka Ahahui Leleiohoku o Waianae e lawe mai i mau laau kanu, a hooulu maluna o Puowina, oia ka maile o Koiahi a me ka iliahi. Ua hooholo pu no hoi na hoa, e lawe pakahi mai i ona niu na lala, a kanu maluna iho o kahi hooulu laau a ka Moi.
-Ke hapai nei ka Ahahui Leleiohoku he hana laulima hui, a o na loaa mailoko mai olaila, e kaenaia ana i na lala a pau ke hiki mai ka manawa e mahele ai.
Nu Hou o na Aina e.
NO ENELANI.
Ladana, Apr. 23- I keia la, e laweia mai ana imua o ka Hale Ahaolelo o na makaainana ke noi e hoololi ae i ka olelo hooholo a na ki@re ma ka hihia o Tikabona (Tichborne). Ke awiwi mai nei ka akoakoa ana o kekahi aha kanaka nui a puni ka Hale Ahaolelo. Ke haupu wale ia aku nei, malia o haunaele paha auanei, a nolaila, ua kukulu hou ia mai he hookahi haneri makai kuikawa, a ua hoonohoia a puni ka hale. I ka hora 4 ahiahi, komo mai la o Kauka Kenele (Kenealy) iloko o ka Hale Ahaolelo, a ua paipaiia oia e ke anaina. [O Kauka Kenele, oia no ka loio o ka aoao e koi ana i ka waiwai, aka, ua haule nae imua o ke kiure. A no kona komo ana iloko o ka Hale Ahaolelo o na makaainana o Enelani, nolaila, ua waiho oia he noi, a oia keia a ikeia iho.]
Mahope o ka pau ana o na hana mau o ka hoomaka ana a me kekahi mau hana ano nui ole, ku mai la o Kauka Kenele a noi mai la, e kohoia ona Komisina Alii nana e huli a ninaninau i na kumu a pau e pili ana i ka hihia o Tikabona. Maloko o kana haiolelo ikaika e kokua ana i kana noi, ua hookomo oia i ka mahele lua o na manao o na kanaka ma na hookolokolo ana a ma ke ano e o ka hooponopono ana a ka aha. O ke kohoia ana ona Komisina Alii e huli a ninaninau pono no keia hihia nui, oia ka mea e hoopauia'i na manao kanalua o na kanaka o Enelani no ka hana pono ole ia o ka oiaio. Ua olelo mai oia, ua loaa mai iaia na leta he nui mai na haole Amerika mai e kanalua pu ana. Ua haule makawalu mai na manao kuihe me he paka ua la maluna o ka aina. Ua aie ka Aha Kuhina i pau i kekahi hapa o ka haule ana o ka hihia ma o ka hooponoponoia ana @ o keia hihia. Ua hookomo pu mai oia i kekahi kumu ikaika e hooiaio ana, iloko o ka wa e hookolokolo ia ana ka hihia, ua hoopuka e ka Lunakanawai Ki@kio ka Haku Alekanedero Cockbura i kona manao, oiai oia e walea ana me kekahi anaina, e hoopai no oia i ka ao@o e koi ana, i umikumamalima makahiki maloko o ka hale paahao. Ua hoahewa loa oia no na lawe inoa, a me ka hiki ole ke lawe hou mai i mau hoike @o ka nele i ke dala ole. O na hoopai ana no ka hoowahawaha i ke aha, ua hookau wale ia no ma ka aoao hookahi. Ua kukala ae o Kenele, ua mohai kino oia i kona hanohano iho a me kana hana, a ua komohia oia iloko o ka hoowahawahaia ma kana oihana. He mea hiki ole ke koho e aku i ka aoao e ko ana, ke koho ole ia ke Komisina Alii. Ina e haule ke noi, alaila, he hoo@l@ hou ana aku ia i ka nune hou ana o na manao nalu o ka aina. He ekolu na hora a Kauka Kenele i ku ai e kamailio iloko o ka Hale Ahaolelo no ke kokua ana i ke noi e kohoia ona Komisina alii no ka huli ana a me ka ninaninau pono ana i ka hihia o Tikabona. I ka ninauia ana, ua haule ke noi, he 433 ma ka hoole, a 1 ma ka ae.
Ma Ladana i ka la 23 o Aperila, ua hoonohoia ka Haku o Wale, oia hoi ka hooilina Alii o Enelani, i Kumu Nui no ka Ahahui Malu Nui, i mua o ke anaina nui, maloko o ka Hale Alabati Alii.
I ka po o ka la 23 o Aperila, he hoopaapaa ikaika maloko o ka Hale Ahaolelo o na makaainana mamuli o ka waihoia ana mai o ka olelo hooholo e kauoha ana i na luna hoopuka o na nupepa Manawa a me Nu Hou e lawe mai imua o ka Hale, no ka hoopukaia ana ma ke akea o na palapala i waihoia maloko o na lima o ke Komite Wae no ka aie dala aku ia waho. Waiho mai ke Kuhina Noi D@sraeli he noi e kohoia ona komite wae e huli aku a e ninaninau i keia mea a e hoike mai, pehea la i loaa ai i na papa pai kela mau palapala. Ua hooholoia keia noi hope, a o ke kauoha e lawe mai i mua o ka Hale i na Luna Hoopuka, ua hooleia.
PANE IA H.H. PAREKA.
E KA LUNA HOOPONOPONO; Aloha oe:-
Ua halawai mai nei me makou (na Luna o Kaumakapili,) ka olelo hoahewa a ka Lunahooponopono o Ka Lahui Hawaii, no ko makou hoonoho ana ia Mr. Kiha i kumu no ke kula haole Kuokoa o Kaumakapili, no ka lawa ole o kona ike namu haole, a me kona hewa. Ua minamina makou i Ka Lahui Hawaii i ke kakani nui o kona waha imua o ke akea. I ku ole i kona ano Nupepa Karisto@o, me ka launa ole mai me makou kona mau hoa kanaka, e hoomaopopo mua i ke kumu o ko makou hoonoho ana ia Mr. Kiha i kumu no ka makou kula. Aole makou i hoonoho iaia ma ke ano kapulu, aka, ma ke ano a ka Baibala i olelo mai ai, "E hai mai oukou a pau ma ka mihi, aole o'u oluolu i ka make ana o ke kanaka hewa." Ua loihi ko makou imi ana i kumu no ua kula nei, me ka ninau pu aku i ka Lunahooponopono o Ka Lahui Hawaii ina ua ike loa i ka mea kupono. Ua kuhikuhi mai i kekahi keiki haole me ke kanalua pu. A oiai makou ua huli a ua imi, a ua kahea ina mea i manao pono ia, aole nae i ae mai; hiki mai la he palapala maia Mr. Kiha mai, e hoike ana no kona mihi pololei ana mai no hoi i kekahi mau mea ana i hana hewa ai, a no ko makou manao ua mihi io, a ua hoi mai i ka poli o ka makua, nolaila, ua apo lokahi makou iaia me ke aloha, no ia mea, ua ala koke ka manao o na Luna, ua loaa ka mea kupono no ke kula, no ka mea, ua maa ia ma ia hana, o ke kumu no ia @ana i hookumu ia kula ma mua o kona lilo ana i kumu no ke kula haoie Kuokoa o Kawaiahao.
O ka lawa ole o kona ike haole, aole a makou mea e olelo ai malaila, no ka mea, aole ka makou he Kula Nui, e lawa ole ai kona ike, a no ka mea hoi, o ka Lunahooponopono no o Ka Lahui Hawaii ka mea nana i hoonoho i kumu no kana kula haole ma Kawaiahao, aole makou i lohe no ka lawa ole o konu ike haole, ke kumu i pau ai ma ke kula o Kawaiahao.
He haohao ko makou i ke kumu nui o ko Ka Lahui Hawaii hoohalahala a hooponopono mau ana ina hana o ka ekalesia o Kaumakapili, me he la he keiki nana ole iho ai ua ahi Lahui Hawaii nei i ka AHa Luna a ke alakai ona, a hoahewa iho, no ka mea, aia iloko o ia Aha kekahi mea i hapaiia a ka oihana @a@, a haule mai.
Eia no ka makou, "ma kona hua e ike aku ai makou iaia."
Ma ke kauoha a ka Aha Luna o Kaumakapili. M. KUAEA
Z. P. POLI Komite.
E KA NUPEPA KUOKOA E, Aloha oe:-
Ua ike ia ma kou helu 19, o ka la 8, o Mei, a ua ike ia no hoi na olelo hoohaumia wale, maluna o ka mea hewa ole, nona hoi ke po "Ua hookolokolo ia imua o ka Aha Hoomalu o Honolulu nei, kekahi kanaka ui no Kalihi." No kona au'a ana i kana wahine hoopalau, aole e hele i ka hula; mai ka lawe ana a kona makua e ao ka hula i kana kaikamahine, hookuu ia ka mea i hoopii ia ma ka ao ana a kana waaine, a ua hoohilahila ia kona makuakane hupo.
A ma keia wahi i manao ai ka mea hoike me ka pololei, e pane pono: Aohe hoi me ka manao e hoohaumia i kou kino hala ole, a maemae hoi.
Oia hoi ka mea i kapa i ka mea hewa he pono, a i ka mea pono hoi he hewa. Aole no hoi au i ka manao e hoike i keia mea i mua o ke akea, ina o maua wale la, ina ua nalo ia'u kona hoopunipuni ana ia oe e ke kilohana a me ka lehulehu a pau mai Hawaii a Niihau, eia ka pololei o na haina a ka Lunakanawai Hoomalu. Aole o ka makuahunowai ka ka Lunakanawai Hoomalu ai, aka o ka hunona, oia ka mea i lohe ia e na lehulehu a pau, ua manao ka mea pane, ua hiki ka heluna ma ke 30 paha a oi ae, ua piha o loko a me waho o ka hale, mahope o ka hoopau wale ana a ka Aha i keia hihia, ma ke aloha o ka wahine i ke kane.
Eia na olelo hoohilahila a ka Lunakanawai, ina owau kou makuahunowai, aole au e ae e komo hou kou poo iloko o k@ hale.
Ina owau ka mea nana keia kaikamahine, aole au e ae e mare me oe; ke mai nei kou ano, he kanaka ino loa. Ke hoike mua mai nei no hoi kou ino i ka wa mare ole, ua hoohiki wale aku oe i ka hale o kou maku me ka hewa ole.
Aole no ou kuleana maluna o keia wahine i ka wa hoopalau, ua like no oe me keia poe e ku mai nei; aia a mare ia oe loaa ia oe ka mana hoomalu.
He kanaka hupo loa oe; he nuha wale, me he keiki uuku la, e hoi hou @ oe a @ha hou aku, i mahele pono ia e ka mahele olelo me ka moakaka pono.
Oia ka ike a me ka lohe i ka mea nana keia pane, owau no mai ka hoomaka ana, a i ka pau ana o keia hihi.
Aole nae au e hoike pau i ko'u ike, ina e pane hou ia mai, alaila, e hoike no au mai ka mua a i ka hope, eia ka'u olelo no ia oe e ka mea lele hewa; e pee loa kou mau maka, mai hoike ae oe, no ka mea, aole paha i poina i ka Lunakanawai kana mau olelo hoohilahila i ka hunona.
Aka, ina he pupule oe a he lolo paha, ua hala ole oe, ina hoi he uhane, e mihi koke oe i kau mea i hana hewa ai, a i ole oe e mihi, e like me ka mea i hoike ia ma ko kakou Baibala nui hooweliweli. Eia hou ka oiaio maoli; o ka olelo a kona makua, e mare ia laua, a e haalele i ka noho ana haumia, e haalele pu hoi oe i keia hana he hula.
Aole oluolu o ko'u naau ia mea, o ka makemake o ko kane, oia ko'u makemake. Ina oe e paakiki i keia hana he hula, e hookaawale no au ia oe mailoko aku o kuu hale. Ua ko i@ ia olelo a kona makua; ua kipaku ia laua, eia i kahi e kahi i noho ai.
Me ka mare a me ka haalele i ka hula, e komo hou ai kou poo iloko o keia hale. Oia ka ike a me ka lohe; aka aole paha oe i hoopunipuni i ke kanaka, i ke Akua no. D. KANEHEANA.
Kalihi waena, Mei, 12, 1875.
MARE.
Mar-20 Ma Kaa, Lanai. mareia e S Kahoohalahala, o Naehu @. me Kawelu w.
Mei 1- Ma keia Kaona, ua hoohui ia o Wm. Haalilio Jarrett jr, me Miss. Emma Stephens. Na Rev. Makua Helemano laua i mare.
Apr 18- Ma Kaunakakai. Molokai, mare ia e Rev. E. Kekoa o Maunu me Wahiawa.
Iulai 11, 1874.- Ma Kawela, Molokai. mare ia o John J. k., me Wahinemaikai w. Na Rev. E. Kekoa laua i hoohui.
Apr. 7.- Ma Kaluaaha, Molokai. mare ia o Mano K., me Neau w. Na Rev. E. Kekoa laua i hoohui.
Aug. 30.- Ms. Kaunakakai, M., mare ia o L@i k. Luukapu w. Na Rev. E Kekoa laua i hoohui.
HANAU.
Aole no e hoopukaia kekahi Mare, Hanau, a Make, ke ole e hoouna pu ia mai ka inoa oiaio o ka mea kakau. L.H.
Feb. 12, 1875.- Ma kaunakakai, Molokai, hanau o Z. Pali k., na Mr Pahupu me Piipii.
Apr 19- ma Waikiki waena hanau o Makahuki, he keikikane.
Feb. 22, 1874.- Ma Kaluakoi, Molokai, hanau o Ema w., na Puhi a me Aweka.
Apr--6 Ma Niniwai, Lanai, hanau he keikikane, na J Kapahi a me Lahapa.
Apr. 21.- Ma Palaau, Molokai. hanau o Puuonioni k., na Kaahiki me Makahuki.
Apr. 25.- Ma Kawela, Molokai. hanau o Mata-
Mei-13 Ma Keauhou, kona A. hanau o Mirima, na P Kainapau me Kaaimahui.
io k., na Mrs. Kaaihu.e
Sept. 30- Ma ia wahi no hanau o Mere w., na Lukela me Kinoaloha.
MAKE.
Apr. 19, 1875- Ma Ualapue, Molokai, make o Kawelo k.
Apr. 23.- Ma Kapuali, Molokai, make o Nutu@a kane.
Apr. 28-Ma Kaunakakai, M. make o Kualii w.
Ian. 1, 1874.-Ma Kawela, Molokai, make o Keapuiki w.
Feb. 16.-Ma Kawela, M. make o Kaha w.
Feb. 18.-Ma Kaunakakai, M. make o Kalauli k.
Mei 25.- Ma Kawela, M. make o Pualiiole k.
Dek. 3.- Ma Kaunakakai, M. make o Makaluhi wahine.
Dek. 12.-Ma Kaunakakai. M. make o Wahilani k.
Aprl. 30, 1875.-Ma Keei, Kona H. Hawaii, make o Miss Kalawaia Kalili.
Mei 19-ma Waikiki Waena make o Kahakai k.
EIA KA MANU HOU
E HOOPUKAIA aku ana ma ka la 15 o Iune, he
Buke Mele Hawaii Hou nona ka inoa,
"Robina Gula,"
ua 110 ka nui o na mele haipule a hoonanea o keia Buke Hou.
He 15 keneta no ke kope, a i ole ia, he $10 no ka 100 kope. E kuaai ia e [3m 804] H.M. WINI.
MOKUAHI 'KILAUEA.'
O KA POE a pau e hooili ana i ka lakou mau ukana i Hilo maluna o ke Kilauea, ke kauohaia aku nei lakou, ua loaa i ka Agena ka pono e hookomo i na ukana maloko o ka Hale Papaa o ke Aupuni, ina he ino a i ole, ke ku hope aku paha ka mokuahi. Ua manaoia he pono ke hana pela. E haawiia aku no na ukana i ka la mahope iho, ke malie. Ua hiki no i na mea ukana a pau ke lawe mai ka Hale Papaa aku, aole nae e hoemiia ka uku moku.
E haawiia aku no ka palapala ae loaa o ka Hale Papaa no kekahi waiwai i hookomo ia iloko o ka Hale Papaa no ka hoouna ana, a e kaa na poina maluna o ka Agena ina ua kauia na ukana maluna o ka mokuahi, koe wale no na poi no pau ahi a kai hoee paha. S G WAILA, Agena [@m 706
HALE KUAI LOLE.
O MAKOU o ka poe nona na inoa malalo iho, ke wehe nei i Hale Kuai Lole ma Kahaluu, Kona Akau, Hawaii, i ka la 22 o Mei a na Akuna pake e malama. Malaila na waiwai o kela a me keia ano nani a maikai loa. Eia maanei na papale wahine a me na papale kane o kela ano keia ano. Nolaila, ke konoia aku nei oukou e naue ae i ike kumaka i ke kuai makepono loa. E hele mai e hoao i ike pono. GOOKIM & Co.,
Kahaluu Kona A Hawaii.
Hoolaha i ka poe i Aie aku ai.
MA KA waiwai o JNO. D. ROBINSON, o Honolulu, i make.
Ke hoike ia aku nei ka lohe i na mea a pau, ua aeia ka Palapala Kauoha hope loa a J D Robinson imua o ka Aha Hooponopono Waiwai Hooilina ma ke Keena, e Hon. A F Judd, kekahi o na Lunakanawai o ka Aha Kiekie, a ua haawiia na palapala ia Elizabeta M Robinson a me J B Keliikanakaole, na L. H. Kauoha i paa maloko o ka palapala kauoha, ma ka la 7 o Mei, nolaila, o ka poe a pau he mau waiwai ko ka mea i make ma ko lakou mau lima, ua aie paha ia, e hoike koke mai i na Luna Hooko Kauoha: a o ka poe a pau he mau aie ko ka mea i make ia lakou, ina paha ma ka moraki a ano e ae, ke kauhaia aku nei e hoike koke mai me na hooiaio kupono i na Luna Hooko Kauoha, ma ka Hale Hana o ka mea nona ka inoa malalo iho. Helu 29 Alanui Papu, Honolulu, iloko o eono malama mai keia wa aku, a i ole ia, e hoole loa ia. EDWARD PRESTON,
Lolo no na Luna Hooko Kauoha.
Honolulu Mei 12 1873 703 4@ 706
OIAI UA haalele kumu ole mai o WAIA, ka'u kane mare. Nolaila, ke papa ia aku nei, aole ona mana e hoaie ma ko'u inoa, i mea e lilo oi ko'u waiwai.
KAINALU.
Haena Kauai Mei 17 1873 703 1m@ 706
WING SING & Co.
Puhi Palaoa,
E waiho mau ana na palaoa a me na berena palupalu. Kihi o na hui@ alanui Nuuanu a me Beritania. (703 1y
E IKE auanei na kanaka a pau ke nana mai lakou i keia olelo hoolaha. Owau o ka mea nona ka inoa malalo iho, ua nalowale ma Manoa kuu lio w. kalakoa, nona ka @ kuni ma kekahi uha (m. 2) ma kekahi uha O ka mea e loaa ana a hoihoi pono mai ma ko'u wahi ma @lakoheo, e haawi no au iaia Elima Dala.
Honolulu Mei 20 1875.
LIO HELEHEWA.
EIA ILOKO o ka Pa Aupuni o Koholaloa Apana o Honolulu, kekahi holoholona helehewa i laweia mai, 1 Lio w eleele ahinahina 2 mea keokeo ma ke kua 3 w, keokeo ak. FJ hem hao ano e.
B H KAHANANUI.
@ Lona Pa Aupuni
UA WEHE AE NEI KA MEA NONA
ka inoa malalo nei, he HALE KUAI
HOU ma Waimea, o @ kona inoa, e kokoke ana i ka Hale Hookolokolo. Eia maanei na waiwai o kela ano keia ano, na mea a ka maka e anoi ai a e k@i ai hoi o ka puuwai. Ke konoia aku nei na poe puni @, e naue mai e ikemaka @ oukou, ke kuai makepono me ka manuahi no hoi. Eia hoi kekahi, o ka poe i a@e i k@ hale kuai ma Hamakua, e hookaa @ lakou ma ka lima o J W. Kal@a Ko oukou makamaka.
700 2m@ 101 G C AKINA.
HOOLAHA HOOKOLOKOLO
AHA Kiekie o ko Hawaii Pae Aina ma ka hooponopono waiwai, Mokupuni o Oahu Hawaii Pae Aina. @. Ma ka waiwai o HOOAEAE, no Honolulu, i make. Olelo kauoha e koho ana i la e hooiaio ai ka Palapala Kauoha, a no ka hoolaha ana.
No ka mea, ma ka la 19 o Mei M H 1873, ua wahoia mai imua o ka Aha,kekahi Palapala i oleloia, oia no ke Kauoha Hope Loa o HOOAEAE, i make aku la: a me ka Palapala Hoopii e noi ana e hoo@ keia Palapala Kauoha a e hoopuka hoi ka Palapala Luna Hooko no J PORTER GREEN ua waihoia mai e J Porter Green.
Nolaila, ua Kauoha ia o ka POALUA oia ka la 22 o Iune M H 1873, ma ka hora 11, ma ka Rumi Hookolokolo o ka Aha, ma A@ni ma Hooiaio oia ka la a me ka hora e hooiaio la'i ka Palapala Kauoha. a e hoolohe @ no ia noi ana mai, a me ka poe a pau pili e kue ana ia Palapala Kauoha, a me ka hoopuka ana ia Palapala Luna Hooko.
A ua kauoha hou ia, e hoolaha no ia mea no na pule ekolu iloko o ke Kuokoa, he nupepa i pai ia a i hoolaha ia ma Honolulu.
A ua kauoha hou ia, e hoopukaia na Palapala Kena no na hoike no @ Palapala Kauoha, a me na hooilina o ka mea make, ma Honolulu, e hele mai a e kue i keia Palapala Kauoha i ka wa i oleloia.
KAKAUIA ma Honolulu, ko Hawaii Pae Aina, Mei 10 1875. A FRANCIS JUDD.
Ikea: Lunakanawai o ka Aha Kiekie.
Jno E Bernard. Hope Kakauolelo
703 3ts 703
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka waiwai o WILIAM HOAPILI KAAUWAI, i make kauoha ole. imua o ka Lunakanawai CC HARRIS.
Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a J Ko@ Unauna, ka Lunahooponopono o ka waiwai o W H Kaauwai, e hoike mai ana ua aie ka mea make, aole waiwai lewa koi e ke ka hookaa ia a@e a e noi ana e haawiia ka palapala e ike ia Lunahooponopono waiwai ke kuai ka waiwai poe a pau loa e ike iaia ke hookaa ia mau a@e.
Ua kauohaia o ka Poaha ka la 27 o Mei M H 187@. oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii me Enelani no akahi pule ma ka Hawaiian Gazette me Kuokoa he mau nupepa ma Honolulu.
Kakauia ma Honolulu, ko Hawaii Pae Aina 19 Mei M H 1873. CHAS. C. HARRIS Lunakanawai o ka A K.
Ikea: Walter R. Seal, Kakauolelo. 1t.
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka waiwai o HAMANALAU w. o Honolulu, Oahu, i make kauoha ole. imua o ka Lunakanawai CC Harris
Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Kananiu w. o Honolulu, Mokupuni o Oahu, e hoike mai ana o Hamanalau w. no Honolulu, ma ka la 8 o Iune M H 1874 a e noi ana e haawiia ka palapala Hooko Lunahooponopono Waiwai ia Kanamu w.
Ua kauoha ia o ka Poakahi ka la 7 o Iune M H 1873, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa me ke Au Okoa nupepa ma Honolulu.
Kakau ia ma Honolulu, ko Hawaii Pae Aina 19 Mei 1875. CHAS. C. HARRIS, Lunakanawai o ka A K.
Ikea: Walter R Seal, Kakauolelo. 703 3t 703
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka waiwai o KAELE k. o Honolului make kauoha ole. Imua o ka Lunakanawai A F JUDD. Olelo Kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a H Poka no Honolulu o Oahu, e hoike mai ana o Kaele k. no Honolulu, ua make kauoha ole ma Honolulu, ma ka la 25 o Novemaba M H 1874, a e noi ana e haawiia ka palapala hookohu Lunahooponopono waiwai ia H Poka Honolulu Oahu.
Ua kauohaia o ka Poalua, ka la 22 o Iune M H 1873, oia ka manawa i koho ia no ka hoolohe ana i ua nonoi la, imua o ua Lunakanawai la, ma ke Keena Hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa he nupepa i paiia ma Honolulu.
Hanaiia ma Honolulu, H P A i keia la 8 o Mei M H 1873. A FRANCIS JUDD.
Ikea: Lunakanawai Aha Kiekie.
Jno. E Barnard Kokua Kakauolelo.
702 3ts 704
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka waiwai o KANAHA, no Honolulu i make. Ma ke Keena imua o ka Lunakanawai JUDD.
Kauoha e hoolaha i ke noi e apono i na Papa Hoike, hookuu ana, a e mahele i ka waiwai
Ma ka heluhelu a me ka waiho ana mai o ka Palapala Noi a me ka Papa Hoike o P Nahuhu, Lunahooponopono o ka waiwai o Kanaha w. no Honolulu i make, e noi ana e apono ia na hoolilo $38.60, a e hoike ana o na mea i loaa mai iaia he $--, a e noi ana e nana a apono ia keia mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauoha ia, o ka POALUA, ka la 22 o Iune, M H 1875, ma ka hora 10 o kakahiaka, imua o ua Lunakanawai la, ma ke Keena ma ka Hale Hookolokolo, ma Honolulu, oia kahi a me ka manawa i kohoia no ka hoolohe ana i ua noi la, a me na Papa Hoike i olelo ia. a o ka poe a pau i pili, malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai ua hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e pai ia maloko o ke Kuokoa, he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakau ia ma Honolulu, ko Hawaii Pae Aina, i keia la 4 o Mei M H 1875. A FRANCIS JUDD
Ikea: Lunakanawai o ka A K
Jno. E. Barnard Hope Kakauolelo
701 3ts 703
MA ke Keena o ka Lunakanawai Kaapuni Apana Eha ko Hawaii Pae Aina. Ma ka waiwai o PIKAU no Lihue Kauai i make.
Ua heluhelu ia a ua waiho ia ka palapala noi a Pikau k. ka Lunahooponopono o ka waiwai o Kauhi no Lihue Kauai i make, e noi ana e hoaponoia kona moowaiwai, a e hookuuia ia a e hooholoia ka waiwai i na hooilina. Nolaila ke kauohaia aku nei na kanaka a pau ke pili o ka Poalua la 8 o Iune 187@, ma ka hora 11 o ke kakahiaka ma ka Hale Hookolokolo ma Nawiliwili, oia ka la a me kahi i kohoia no ka hoolohe ana i ua nonoi la, a me na mea kue ke hoikeia. D. McBRYDGE Lunakanawai K A Eha HPA.
Wahiawa May 10 1873 702 3t 704
E IKE auanei na kanaka a pau, owau ka mea nona ka inoa malalo nei, ke hookohu aku nei au ia KAHAWAII iluna ma ka hopu ana i na holoholona helehewa ma na wahi a pau e pili ana i ke Konohiki, ma ke Ahupuaa o Moanalua, Oahu, mai keia la aku, a e hooukuia Hookahi Dala pakahi no ke poo, a oi aku a emi mai paha, e like me ka nui o ka poino; a me ka hopu pu ana i na kanaka komohewa ma ka lawaia ana i ka pua o ka muliwai a me na upena makika, a me na waiwai e ae a pau ma kekahi mau ano upena e ae ma ke kai o Keehi, o hooukuia Elima Dala no ke poo pakahi, koe na hoaaina e hana nei i ko'u mau @a hana, e like me ka papainoa i waiho ia aku iaia. O na lawaia o Kiwaa me Keau a'u i hoonoa ai ma ka hoolaha mua, ke hookapu loa aku nei au ia laua mai keia la 22 aku o Mei. Ke hookohu pu aku nei au mai keia la no ia Heu me Nika, no ka hopu ana i na kanaka komohewa i ke kai makai iho o Keehi, mai Mokuoeo a hiki i Ahua, o hooukuia Elima Dala no ke poo pakahi, koe na hoaaina i na i@a malalo iho o ka i a hoomalu a ke Konohiki. e like me ka papainoa i waihoia aku ma ko laua mau lima. No na loko, ke hookapu loa aku nei au i na kanaka a pau ma ka hele ana maluna o na kuapa o Mapunapuna me Kaloaloa, me ka lawe wale i na mea oloko o kuu mau loko me kuu ae ole, o hooukuia Elima Dala no ke poo pakahi; nolaila, ke hookohu nei au ia Kuawai i luna no ka hopu ana i na kanaka komohewa iloko o na loko, ma o na ano i hahai ia ae la maluna, mai keia la 22 aku o Mei, 1873. O ka poe e kue ana i keia, e hoopii ia no e like me ke Kanawai.
Moanalua Mei 22 1873 (4t-70@) D. MANAKU.
AHUPUAA o Kahana, Koolauloa, Oahu. Mai ka la aku e hoopuka ia ai keia hoolaha ma ka nupepa Kuokoa a me ka nupepa haole Advertiser, a hiki i ka la hope o @ulai e hiki mai ana o keia makahiki. Ke papa ikaika aku nei au ka mea nona ka inoa malalo. Aole loa e hana ia kekahi hooponopono ana no na mea e pili ana i ke kuai lilo moraki, olelo aelike, a ano e ae paha, no ua aina la, no ka pono o ka lehulehu i manao ai e kuai me kuu lohe mua ole, a ike mua ole no hoi i na palapala o na ano a pau, ka mea nona ke kuleana nui iloko o ia hana, e like me ka olelo aelike o ka la 1 o Augate M H 1874 e paa nei iloko o ka Buke Aupuni.
O na kue a pau i ku ole i ke Kanawai he mea ole wale no ia. A KEOHOKALOLE, Peresidena.
Honolulu Mei 13 1873 702 4t 703
MA ka waiwai o PUMAIA w. no Makeanehu, Kohala Akau, Hawaii i make. Ma ke Keena o kekahi o na Lunakanawai Kaapuni o ka Apana Ekolu o ko Hawaii Pae Aina.
Ua heluhelu ia a ua waiho ia ka palapala noi a Kaikilani w. e noi ana, e hoonoho ia Naholoholo k. i Lunahooponopono no ka waiwai o Pumai w. no Makeanehu, Kohala A. Hawaii HPA i make aku nei. Nolaila, ke kauoha ia aku nei na kanaka a pau, ke pili, o ka Poaono, oia ka la 19 o Iune 187@, ma ka hora 10 kakahiaka, ma ka Hale Hookolokolo ma Kohala A. Hawaii, oia ka la a me kahi i kohoia no ka hoolohe ana i ua nonoi la, a me na mea kue ke hoikeia. CHARLES F. HART, Lunakanawai K A E.
Kohala A. Hawaii Mei 4 1873 70@ 3t 704
MA KA WAIWAI o OOPA k. o Honolulu mokupuni o Oahu i make.
Oiai ma ka la 30 o Aperila, ua ae ia e ka Aha Kiekie ka palapala kauoha o Oopa, a ua hoopukaia no ka mea nona ka inoa malalo ka Luna Hooko Kauoha.
A i kulike ai me ke kauoha a ka Aha, nolaila, ke hoikeia aku nei ka lohe i ka poe a pau i aie aku ai, e hoike koke mai me na hooiaio kupono, ma ko'u wahi noho ma Kalawahine Honolulu, Oahu, maloko o na malama eono mai keia la aku, a i ole ia e hoola loa ia. KAONO w.
Honolulu Mei 6 1873 (701 4t 704) Luna Hooko Kauoha.
O WAU o ka mea nona ka inoa malalo nei, ka wahine mare a Pipa k. ke hai aku nei @ ma ke akea, he kuleana oiaio no ko'u maluna o ka aina o kuu kane mare a me ka aina o kuu makuakane Nak@ k. ma Kohala Hawaii, nolaila o na kue a me na hoole, e pono no e hele mai e launa pu me a'u ma Honolulu nei.
KAMAEWAEWA w kona X kaha.
Honolulu Mei 16 187@ 703 4t 70@
NO KA MEA, ua hoaponoia ka mea nona ka inoa malalo iho o ka Aha Hooponopono waiwai hooili Aupuni Ekolu. @ Luna Hooko Kauoha maluna o ka waiwai hooilina o Kekualiilii k. i make o Kohala Akau Hawaii. Nolaila, ke kahea ia aku nei ka poe a pau i aie mai i ua Kekualiilii k. nei e hookaa koke mai, a o ka poe noi ana i aie aku ai, e pono e hoike koke mai lakou i ko lakou mau koi ana, i hooiaio ia iloko o na malama eono, a hala ia manawa @oie loa ia.
NALIIELUA, Luna Hooko.
Kohala A. Hawaii Mei 7 1873 702 3t 704
OLELO HOOLAHA.
MEA HOU MAIKAI
NA PEPA kakau Farsai me na wahi leta o kela ano keia ano, i komoia maloko o kekahi pahu liilii. O ke kumukuai o keia pepa ano hou, he hapalua a hookahi dala. Aia ma ka hale kuai @ake o
1m-703 H. M. WINI
KUAI A KA LUNAHOOPONOPONO
WAIWAI.
E KUAI ia ana ma ke ku@a@a i ka Poaono, Mei 1@, ma ka Hale Hookolokolo ma Waimea, Hawaii, na waiwai pilikino a pau e pili ana i ka waiwai o G HUEU DAVIS o Waimea, Hawaii i make. oia hoi na lako hale, na upena, na lako aniani, na laau kahiko, na lio ma loko mai o na welo maikai loa) a me na pipi hihiu e holo ana ma na mauna, a pela aku. Kuike ke dala. D. F. SANFORD.
70@ 704 Lunahooponopono Waiwai o G H DAVIS.
E IKE auanei na mea a pau ke nana mai i keia owau o ka mea nona ka inoa malalo iho, ke hookapa loa aku nei au i ko'u aina kuleana e waiho nei ma Niumalu Lihue Kauai, nona keia mau palena e pili anan, o Pa@unui kona inoa, a o kona palena ma ka akau. o ke alanui e pii ana i kahi o Kaiu, ma ka hikina, ka loi e Ku, ma ka @ ke kahawai. a ma ke komohana o Wa@, a ma keia mau palena. ke hookapu loa ia nei na kanaka a me na holoholona. aole e hele mamua o ua aina la. aole hoi he mea lawaia ma ka loi, a me kahawai. ua kapu loa, a o na kanaka a me na holoholona i komo maluna aina la, e uku pakahi dala ia no ke poo. E lilo keia i Kanawai mai kona la e laha aku ai ma ka nupepa Kuokoa. J W KAHELE.
Niumalu Kauai @ei 11 1873 703 4t@ 703
E HOIKE ANA ke kula hanai o Waialua Oahu, iloko o Iune 1@. Ma ke kakahiaka,, ahiahi, a me ka po. Ma ia po no hoi e hoikeia ai na kii nani lua ole mai na aina e mai, a e mele ana na haumana, e haiolelo ana, a pela aku. Uku komo, he hapaha no na makua, he hapawalu no na keiki. E lilo ana kei mau dala no ka hoonee ana i ka hale kula a pau me ka hale noho. 701 4t 704
Hoolaha a na Luna Hooko Kauoha
OIAI UA HOOKOHUIA ma na mea nona na inoa malalo iho e ka Hon A Fornander, i mau Luna Hooko Kauoha no ka waiwai o EDMUND SAFFERY o Honuaula Maui, i make, nolaila, ke noi ia aku nei ka poe a pai i aie laia e hookaa koke mai, a o ka poe a pau he mau @ ka lakou, e hoike koke mai iloko o na malama eono mai keia aku. WILLIAM SAFFERY
JAMES SMITH
Na Luna Hooko Kauoha
Ulupalakua Maui Mar 30 1873 607 3m 600
HE PAPA KUHIKUHI MANAWA HOU
O KA
Mokuahi Hawaii
KILAUEA!
KAPENA MARCHANT!
Mei 26 Poakolu hora 3 pm No Nawiliwili
Mei 31 Poakahi hora 3 pm No Hilo me Kaunakakai malalo a maluna mai.
Iune 7 Poakahi hora 3 pm No Hilo
Iune 14 Poakahi hora 3 pm Kaapuni ia Hawaii
Iune 21 Poakahi hora 3 pm No Hilo me Kaunakakai malalo a maluna mai.
Iune 30 Poakolu hora 5 pm Kaapuni ia Kauai
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Makena a hiki i ka hora 7 A M a mahope iho paha; aole hoi ia Maalaea a hik i ka hora 9 A M a mahope iho paha.
Uku Eemoku mai Honolulu aku
A hiki i Kaunakakai, a peia maluna mai $ 3 00
" Lahaina, " " 6 00
" Maalaea, " " 7 00
" Makena, " " 8 00
" Mahukona, " " 10 00
" Kawaihae, " " 10 00
" Kailua, " " " 10 00
" Kaawaloa, " " 10 00
" Hilo, " " 12 @0
" Kau, " " 13 @0
Uku kaapuni ia Hawaii, 22 00
A hiki i na awa o Kauai, 8 00
Uku kaapuni ia Kauai, 12 00
Uku ohua Hawaii oneki, 2 00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku- Aole e ili ka hewa no na paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui Papu a me Moiwahine. 698 3m 709
KOLOA & WAIMEA.
OIAI, UA HIKI MAI I O MAKOU NEI KEkahi lono, ua hoolaulaha hewa ae la kekahi poe i ike ole ia e makou, me ka olelo ana o ka holoholo mau ana o ke kuna KAMAILE mawaena o na awa o Honolulu a me Koloa a me Waimea Kauai, ke kokoke nei e hoopau ia ka holoholo ana ma ia mau awa, nolaila, ke hoike oiaio loa aku nei makou me ka maopopo, o keia moku kuna, ua hoopaa aelikeia me ka Mahiko o Koloa no ka makahiki hookahi mai ka la mua mai o Novemaba, 1874: a nolaila, ma ia mea, e hoomau aku ana no oia i ka holoholo ana ma na awa o Koloa a me Waimea, e like me ka hoolaha, koe wale no na poino ulia.
Ke hoao aku nei hoi makou i ka poe nana i hoolaha i keia lono, e hoopii ia no lakou no na lilo a me na poho e ili mai ana ma keia ano hoolaha hewa a lakou.
BOLLEY & Co. Agena
Honolulu Apr 3 1872. 69@-tf
OLELO HOOLAHA HOU.
E IKE AUANEI NA KANA
ka a pau loa, na Pake, Haole, Pukiki a kanaka maoli ia
AHI (PAKE)
Hale Kuai ma Alanui Nuuanu, Helu 63. Hale Paikii ma lalo, e loaa no ia oukou na mea a pau loa me ke kumukuai emi loa, me ka makepono loa no hoi. E loaa no hoi
Na MAMALU
MOE KOA
PAHU LOLE
PAHU KUPAPAU
PAKAUKAU
PELA ULUNA
KAMAA MAIKAI
PAIKII
Nolaila e hele nui mai oukou ma ko'u hale hana i ike pono i ka emi loa o ke kumukuai o ko'u hale.
Honolulu Mar 12 1875 691 6m 707
E. STREHZ, (AI LUENE,)
HAAWI A KUAI
LAAU LAPAAU.
AIA MA MONIKAHAAE. KIHI O NA HUINA o na Alanui Papu a me Hotele. Aia malaila na Wai Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
689 1y
CECIL BROWN,
Loio a he Kokua ma ke Kanawai!
A HE AGENA NO KA HOOIAIO ANA I NA
Palapala no ka mokupuni o Oahu.
Helu 8 Alanui Kaahumanu, Honolulu, H.P.A.
688 1yr
J. PORTER GREEN,
"KEIKI O KAUAKIUKIU."
LOIO!
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena hana ma kahi o ka Lunakanawai Hoomalu o Honolulu nei, oia ka "Aiko," ma Alanui Kalepa. 688 1y
KA KAUKA KILA LAAU OLA
Kupanaha
KA HOOLA NUI NO NA NALULU
A me na Eha-Rumatika, no na mai i puka mai ma ke ano e o ka Opu; no ke Ake a no ke Koko paha.
OIAI he laau kupono keia no ka ohana e malama ai ma ka hale, a he oi ae hoi ke ola i na laau lapaau e ae, kona pakele, hilinaiia a me ka maopopo lea. He mau lau nahele maoli wale no keia a me ka H@ O@a Kupanaha, eia ma na Hale Kauka a pau.
O GEO. C. McLEAN oia ka Agena nui no keia Pae Aina. 684 6m@
KO DR. TROUSSEAU
[KAUKA PARANI.]
HALE KAUKA A KEENA OIHAna, aia ma ke kihi o na huina o na Alanaui Papu a me Kalepa. 684 1y
FRIEL & LAINE (Alania me Laine.)
NA MEA KUAI MEA AI o na lako ai a na mea ulu, a me na mea hoomomona lio. Halekuai malalo o ka Hale Mu, Alanui Papu, Honolulu. 670
OLELO HOOLAHA.
A.S. HARTWELL, (HAKAWELA)
LOIO
UA MAKAUKAU AU E HANA, A E HOOponopono hoi i na Palapala Hooilina, Palapala Kuai, Palapala Moraki a me na mea a pau e pili ana i ka Oihana Loio. 67@
EDWARD T. O'HALLORAN
LOIO!
UA MAKAUKAU I KE KAKAU PALApala Hooilina a kuai, me ka @ dala pu ma ka uku panee haahaa no ka moraki a@ me ka kuhikuhi pu aku ma na Kanawai ke makemakeia no ka hooponopono ana i na waiwai paa.
Keena Hana, ma Alanui Papu. ma o mai o ka Hale Kuai o Mr. Ira Kichan@, Honolulu. @ 3m 70@
NO KE KUAI
BERENA PAILATA
makepono.
BERENA PULUKAI
ai a ka Moa.
PAAKAI o KAKAAKO,
ma ke eke a tona paha.
WAHIE o ke ano maikai, oki a liilii ke
makemake.
NA POHAKU, Pou.
KIMO PELEKANE
Kihi o Alanui Moiwahine a me Papu. 69@ 3M 706
KA B.H. LAIANA
LAAU LAPAAU AWILI OLA.
A o na mai ino, e laa ka
Rumatica,
Ka Hano,
Ka hui o ke kino,
Ke pohapoha o ka ili,
Nawaliwali o ke kino,
Na mai wahine,
Na mai o ka puu, ke ake a me ka puuwai!
E nana i ke kuhikuhi.
E loaa no ma ka Hale Kuai o
Dilinahama ma,
Agena
Honolulu, Oct 6, 1874. 696 3m 709
Lole Makepono ke Kuike!
E LOAA NO IA MA KAHI O
KAKELA A ME KUKE,
E LAA NA
AHINAHINA,
KALAKOA,
KEOKEO,
LEPONALO,
Pena, Aila, Aniani,
Na Mea Piula,
Kopa, Aila Honua,
Aila Hoomaloo,
Kui Kakia, Pakeke,
Tabu, Kaula, Noholio,
Hulu-@alaki, ua Pulumi.
A he Agena no hoi no na Mokupuni o Hawaii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Lole kupono i ka wawae,
Palule Huluhulu,
Na Lole Huluhulu,
Na Lole no ka hooheh@lo ana
Lipine, lihilihi, a me ia mea'ku.
A HE
MAU MEA AI KAHI
Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
A HE
LAAU LAPAAU KAULANA LOA
A Dr. JAYNE@.
Laau Kunu,
Laau Hoomaemae Koko,
Laau hoopau naio,
Penikila, Huaale,
A me na Laau Hamo, a pela 'aku.
656 1y
KA NUPEPA KUOKOA
E HOOPUKA MAU IA MA HONOLULU,
I KELA POAONO KEIA POAONO
$2.00 no na mahina Umikumamalua
$1.00 " " " Eono.
ME KA HOOKAA MUA MAI.
NA OLELO HOOLAHA- aole e oi mamua o 10 laina ma ka hoopuka hookahi ana, $1.00; alua puka ana he $1.@0 hookahi malama, $2.00. E UKU MUA ia mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO- aole e kau ia ka inoa o kekahi haole a kanaka maoli paha, ma ka inoa o ka poe lawe pepa ke o@ e hookaa e mai mamua. E pono e hiipoiia keia mau rula, no ka mea, he emi no ka auhau no keia nupepa,
AIA KE KEENA O "KE KUOKOA" MA KA
HALE LETA HOU.
M.H. WINI,
Luna Hoopuka.