Ka Nupepa Kuokoa, Volume XIV, Number 20, 15 Mei 1875 — Page 4
| This text was transcribed by: | Joan Hori |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
HE HIMENI!
SEEK JESUS—Royal D@ p. 101.
1.
E imi ia Iesu
I kou wa pokii
E imi a malama pu ;
He aloha no kona,
A lokomaikai,
E imi a loaa mai no.
Ref. E imi ia Iesu,
E imi i kou wa opio ;
E imi ano, Mai kali oukou,
E imi ia Iesu ano.
2.
E imi ia Iesu,
Ua kokoke no,
A oia ko@ kahu maikai;
E hii kona lima,
A puliki pu,
A @ e hoola mai.
Ref. E imi ia Iesu, &c.
3
E imi ia Iesu
I keia wa @;
He ino ma o ke p@,
A l@hi a @
A k@ ka @
A olo ka leo auwe.
Ref. E imi ia Iesu, &c.
4.
E imi ia Iesu,
E awiwi e,
He aloha no kona ano,
Hoola, hookipa
Mao, mala@’e,
Ke imi @ la oukou.
Ref. E imi ia Iesu, &c.
Hawaii .
HAAWINA KULA SABATI.
HELU 9. SABATI, MEI 30.
KUMUHANA—Ka make ana o Eli.
Paiku Baibala . I Samuela 4:12-18.
12@ Holo aku la kekahi kanaka no Belumina mai ke kaua aku, a hiki ma Silo ia la hookahi, me kona kapa i haehaeia, a me ka lepo maluna o kona poo.
13 A hiki aku la ia, aia hoi, e noho ana o Eli maluna o ka noho ma kapa alanui, e kiai ana : no ka mean, pihoihoi kona naau no ka p@ o ke Akua. . A hiki aku la ke kanaka ma ke kulanakauhale, a hai aku, auwe @ai iho la ko ke kulanakauhale a pau
14 A lohe ae la o Eli i ka leo o ka uwe ana, i @ la ia, No ke aha la ka leo o ke@ haunaele? A hele koke mai ke kanaka a hai ia Eli.
15 He kanaiwakumamawalu ko Eli mau makahiki, ma ka paa kona mau maka, aole ia i ike.
16 I mai la ke kanaka ia Eli, Owau no ka mea i hele mai, mai ke kaua mai, i keia la waa i holo mai nei mai ke kaua mai. Ninauaku la ia, Heaha ka olelo @ kuu keiki?
17 Olelo mai la ka elele, i mai la, Ua h@ ka la@ imua o ko Palisetia : a ua nui loa ka poe kanaka i pepehiia ; a o kau mau keiki elua, o Hapeni a o Pinehasa, ua m@ke laua, a ua hao ia ka pahu o ke Akua
1@ A i kona hai ana mai i ka pahu o ke Akua, haule iho la o Eli mahope o kona noho ma ka aoao o ka ipuka, a hai kona @, a make iho la ia ; no ka mea, he kanaka elemakule ia, ua kaum@ hoi. A ua hooponopono aku ia i ka Iseraela i na makahiki he kanaha.
Pauku Gula “E hana i kau keiki oi la@a ka manao nona ; Mai menemene kou uhane ma kona uwe ana.” Solom. 19:18.
Mele, Nane, naue, Leo Hoomana p 25.
1.
Boys E na keiki nauwe, Ihea e naue nei?
Noho a hoomaha, Maha iki e.
Girls Ol@ pono e maha’e ke kau nei ka la
W@ki i ka nauwe, O pau e ka wa.
Hai Ku a nauwe, nauwe, Mai lolohi e.
Naue me ka hana, Maha maluna’e.
4.
Boys E na keiki naue, Ae anei oukou
I ko makou hui, A kokua pu ?
Girls Ae, e hai, hai mai, Hui aloha pu,
Hai a nauwe like, I ke ao ma o
Hai Ku a nauwe, nauwe, &c.
P@ me na keiki i malama p@ i na makua, i hoolohe pono na keiki.
NA NINAU A NA KUMU.
Ma kela Sabati ua lohe kakou, ua kahea ia Samuela, a @ lilo oia i kaula. Heaha ka wanana m@ i haawiia iaia ? 3:14. No wai keia wanana ? Ua hai e ia anei oia @ ? 2:27-36. I ke ala ana o Samuela,
@ @ Eli iaia e hai mai i na mea i ho@ keia iaia. Ua ae anei oia @ hai aku ? Ma @ no ma@ a mahope hai no a pau. No ke aha ? 3:1@-18. A pehea Eli, ua hoapo@ ? p 18. Owai pu me Samuela ? A p@ hai @ mau olelo ? p 19. Heaha @ ka ka poe Iseraela a pau loa i ike ai ? p @. Mahea i halawai hou ai o Iehova me Samuela ? p @1.
Ke kaua ana o ka poe Iseraela, me ko @ 4:1-11. Kahi i hoomoana ai. Ebenazesa, As@ka, mahea laua ? Lukuia ehia kausani o ka poe Iseraela ? p 2 Ka lawe ana o ka Iseraela i ka pahu berita i ke kahua kaua i mea aha ? Heaha ka manao o ko Pilisetia mamua ? Heala ka olelo paipai, me ka hana, me ka hope ? Ehia kausani o ka poe Iseraela i make ? Pehea hoi ka pahu berita, a me na keiki a Eli p 3-11.
P 12, 13. Kekahi kanaka no Beniamina, kona holo ana, mai hea mai ? me ke aha ? He mau ho@lona ia no ke aha ? E noho ana o Eli mahea ? e aha @na ? e pihoihoi ana no ke aha ? Heaha ka keia kanaka i hai aku ai ? A pehea iho la ke kulanakauhale ? Auwe no ke aha ?
P 14-17. Heaha ko Eli ninau ? Ehia makahiki o Eli ? Pehea hoi kona mau maka? Pehea i pane aku ai ua elele la ia Eli ? pauku 17.
P 18 Ma ka lohe ana i ke aha i kaumaha loa’i o Eli? Ia wai kona aloha nui? i kana mau keiki anei? i ka pahu berita paha ? Heaha kope o ko Eli lohe ana i keia nu kaumaha loa ? Make pehea ? Ehia makahiki i hooponopono ai oia i ka poe Iseraela ? Owai ka Lunakanawai mamaua aku? Samesona. Owai ka hope o Eli ? Ka lunakanawai hope anei o Samuela ? Ka wanana aha i hookoia ma ka make ana o Eli me kana mau keiki elua, &c. ?
Mele, Mele hou 8-7 Leo.
1 Nu kaumaha no ka lilo
O ka pahu kanawai.
Lohe Eli ke kahuna,
Maule, hina, make e !
Make hoi na keiki epa
I hookuli a lalau,
Pinehasa, me Hopeni,
Make pono mai haohao.
2 Na makua, hana pono
I na keiki ke lalau;
Mai uwe a menemene,
Kau ka lima a hahau,
A i ole, na ke Akua
E hoopai me ka huhu,
Na makua minamina,
Me na keiki hewa pu.
Na makua. No Eli. Ehia oihana i hooiliia maluna o Eli ? Ekolu paha.
1 Oihana kahuna. 2 Oihana lunakanawai. 3 Oihana makua.
Oihana kahuna. He kahuna aha oia ? He kahuna nui. Owai ke poo o na kahuna nui ? Aarona. Elua keiki a Aarona, Eleasara, Itamara, he mamo o Eli nawai? na ka mua ? na ka lua anei ? He ninau pohihihi keia. Olelo Ioseputa he mamo ia na Itamara. Pela paha, no ka mea, ua haule kona inoa ma @Oih’lii 6:4-8. Auhea Eli ?
Na keiki. Owai ka lunakanawai ia Eli i hoomaka ai i kona oihana kahuna ? Samesona. Hemolele anei Eli ma ka malama ana i ka oihana kahuna ? Mahea kona hewa ? Ehia keiki a Eli ? Owai ? owai? He mau keiki maikai anei laua ? Aole paha—nui ka lalau, ke kalohe.
Ma ka oihana makua, heaha ko Eli hewa ? Aole oia i kaohi ia laua. Ua papa aku no oia ia laua, aole make e hana hewa, aka aole oia i ikaika loa i ke kinai ana i ko laua hewa. Ua like anei oukou me na keiki a Eli ? A ua like anei ko oukou mau makua me ia makua ? Ae, aole; Mahea ka oiaio ?
Ke kula a pau. Mahea ka hoomaka ana o ko Eli oihana lunakanawai? Mahope o ka make ana o Samesona. Pehea hoi ka loihi o kona hooponopono ana i ka poe Iseraela? Ehia ona mau makahiki a pau ? Heaha ke kumu, a me ke ano o kona make ana? Hai mai i ka lawe ana i ka pahu berita i ke kahua kaua. Nawai i lawe? no ke aha ? Ua hanaia anei pela mamua? Ua pono anei ia i ko ke Akua manao ? Heaha kona hope ? Ua hoihoi hou ia anei ia i Silo ? Heaha ka hope o na keiki elua a Eli? Ka wanana owai ka i hookoia ?
Na manao pili. 1 E mlama pono na makua i na keiki. 2 E malama pono na keiki i na makua, a i ke Akua. 3 E malama pono na kahuna i ka oihana kahuna, i ka pahu berita, &c. 4 E hoopai mai ana ke Akua i ka poe malama pono ole i keia mau mea.
Mele, Make Iesu no’u. Hae Hoona@i, aoao 20.
1 He keiki hewa wale au,
Iesu kou Hoola,
Haumia loa kuu naau,
Make Iesu no’u.
Hui. E mele au ia Iesu,
I make no’u, I make no’u.
Na kona koko mana
E huikala ia’u.
Pale, i @la na makua, na kahuna, na kahu, na kumu, na haumana, na keiki a hana pono, &c.
Haawina Kula Sabata no Iune 6, 1 Saml. 7:5-12. Pauku Gula . Sol. 11:11
Hawaii .
HOIKE O KE KULANUI O LAHAINALUNA.
Ua hoike ia keia Kulanui ma ka la 4, 5, 6, o Mei e like me ka hoolaha a ke Kahu Nui o ke kula, a e like no hoi me ka mea maa mau i na makahiki a pau. Ma ka la mua o ka hoike ana, Poalua la 4 o Mei, ua akoakoa ae ma ka rumi hoike, Revd. W. P. Alexander, ke Kahukula Nui H. R. Hikikoki, ke Kiaaina J. M. Kapena, ka makai Nui o Maui, T. W. Everett me kana wahine, ka lunakanawai hoomalu o Lahaina, H. Dickenson, ke kaka@olelo mua a ka makai nui o Maui i hoopau ia H. Dickenson Jr. na Hon. L. Aholo, J. A. Kaukau, D. Kahaulelio na Kahu Ekalesia, na Lunakahiko a me ka lehulehu a pau o Lahaina iho, a me ko na wahi e ae i hiki mai. Ma ka nana ana i ke kulana o na haumana i hoike ia, ua mahalo ka manao, a eia malalo iho ka papa hoike kuhikuhi o na buke e hoike ia ma ia mau la elua, Poalua Mei 4, 1875.
Hora Buke Kumu Papa
9@ Arimatika, J. B. Hanaike 4
10 Moolelo Beritania, S. E. Bihopa 3
Himeni.
10 ½ Hoikehonua & Moolelo, J. B.Hanaike 4
11 Anaaina & Holomoku, S. E. Bishop 1
11 ½ Anatomia, “ 3
12 Olelo Beritania, D. D. Baldwin 4
Puhiohe-
12 ½ Paina-
2 Kalaiaina, D. D. Baldwin 1 & 2
2 ½ Moolelo Hui, J. B. Hanaike 4
3 Ekalesia S. E. Bishp 1 & 2
Poakolu , Mei 5.
9 ½ Hoailonahelu, J. B. Hanaike 3.
10 Malama buke waiwai, D. D. Baldwin “
Himeni.
10 ½ Meleanahonua S. E. Bishop 2
11 Hoikehonua, D. D. Baldwin 4
11 ½ Akeakamai, S. E. Bishop 1 & 3.
Puhiohe.
12 Paina
1 ½ Kumukanawai, S. E. Bishop 3.
2 Olelo Beritania D. D. Baldwin 1 & 2 & 3
2 ½ Moolelo Hawaii, J. B. Hanaike 4
Himeni.
Poaha, Mei 6. Haiolelo ma Wainee. Ua hoomaka ia na hana ma ia la me ka pule a Rev. J. F. P@g@e.
1 Puhiohe.
2 Himeni, “Sweet bye & bye.”
3 Haiolelo. “Ka nani pau ole.”
David, W. Puunoa, Laahiwa, Waimanu Hawaii.
4 Haiole. I pau ke kaula gula o ka mare.
John. Keaweikekini, —Ewa, Oahu.
5 Haiolelo. “Ma ka alelo ka make a me ke ola.”
Joseph Na@ele Huli, Wailupe, Oahu.
6 Himeni, Papa eha.
7 Haiolelo. E kaohi ke kanaka iaia iho.
Moses Pake Waiwaiole, Waiehu, Maui.
8 Haiolelo. E ki a paa.
David Opunui Liikai—Ewa Oahu.
9 Haiolelo. Hoi hou ka paakai i Waimea
J. Kaanaana,—Ewa, Oahu.
10 Himeni, “Evening bell.”
11 Haiolelo, Na ki e loaa’i ka waiwai.
Z. S. Ka u@ Paaluhi, Honolulu Oahu.
12 Haiolelo, Hoohanohano ka pono ia ka Lahui.
Z. P. Kalokuokamaile, Kealakekua, Hawaii.
13 Haiolelo, Ka hale pahana o ke Diabalo, heaha la ia?
W K Makakoa, Waiehu, Maui.
14 Himeni, Papa akol@.
15 Haiolelo, Ka oihana mahiai ke koo nui o ka hooulu lahui ana.
S. Naulamaihea Kekoanui, Hana, Maui.
16 Haiolelo, Na mea e mau ai ka waiwai o kekahi aupuni.
J. Makahio, Kaupo, Maui.
17 Himeni, Moon light.
18 Haiolelo, He leo aloha ke hea mai nei.
Sameson Kaiwakiliani, Kohala, Hawaii.
19 Haiolelo, Na poino o ke kiaha.
William Maikaaloa Kekoa, Koloa, Kauai.
20 Himeni, Papa eha.
21 Haiolelo, I hookahi manao e na opio i hoonaauao ia.
Henry Meheula Kahanaumaikai, Honolulu, Oahu.
22 Haawi ia na pepa hoomaikai o ka papa akahi.
23 Himeni, Papa akahi.
Mahope iho o ka pau ana o ka himeni hoalohaloha a ka poe e puka loa ana—Ku mai la ke Kahukula Nui a paipai, a pau kana, Ku mai la o Rev. A. Pali a paipai mai la i ka poe e puka loa ana, penei : E malama ia oukou, a e hoohalike e like me na iole, ka malama i ko lakou ola, ke hele mai kekehi enemi ino, a pela oukou e hana ai, a nui wale aku kana mau olelo ao maikai. Hookuuia na hana oia la me ka pule a Rev. W. P. Alexander.
Ua hookipa ia aku na haumana o ke Kulanui, ma kahi o ke Kiaaina J. M. Kapena, o na hono o Maui, a me kahi poe e ae i hiki ae ilaila, a piha na lua o ka inaina, e ka lokomaikai nui o ke Kiaaina, i ka wa a na haumana a me ka lehulehu i hiki ai ilaila, ku mai la ke Kia a kamailio mai la, ma ke ano haiolelo, ua haawi ia he mau huro eono ia ia, hookahi wale no nae mea a makou i nunenune loa ai, o ka loaa o ko makou Kiaaina i ka pilikia nawaliwali i ulia maluna o kona kino, oia hoi, @a eha ma kona lae i haule i ka lio, ia ia a me kona mau ukali i hoi mai ai mai Lahainaluna mai, i ka la hoike mua.
A eia ke ano nui o ka haiolelo a ko makou maku Kiaaina. “Imua o oukou e o’u mau pokii, ua minamina loa au i kou hiki ole ana aku e ike i ka oukou mau hana, o na la hana elua iluna a me ko keia la, no ka pilikia i loaa ia’u, ua nui nae kuu olioli i ka lohe ana mai nei, ua loaa mai ko oukou mau palapala hoomaikai, ua ike no au i keia makahiki i hala ae nei, oiai au ua noho mai i Kiaaina no Maui nei, nolaila, e hapai pu kakou i na hana o ko kakou mau mokupuni, no ka mea, ke kau nei ko’u maka maluna o oukou, a o oukou hoi ia’u, aole hoi e hiki ia’u e hapai i kekahi hana @ai, ke ole oukou e kokua mai ia’u, a e like hoi me ko oukou mau mua, a me oukou no hoi, ke kapa ana i ko oukou Kulanui, ka “Alamanaka o Hawaii,” a nui aku kana ma@ olelo ao maikai, ua minaina nae au i ka paanaau ole. J. Kulail@a
Lahaina, Mei 7, 1875.
PEPEHI KANAKA MA HAMAKUA.
Ma ka Poakolu Aperila 28 i hala ae nei, ua pepehi o Naihehau k., ia Hariata wa a make loa ma Hamakua nei, ua noho ka Aha imi kumu make ma ka Poaha, a ua hooholo ke kolonero, ua make o Hariata w, i ka pepehi ia e Naihehau k; o keia mau mea, he mau mea manuahi, aole i mareia.
O na kumu i alahia mai ai keia pepehi kanaka. 1 Ua inu uwala laua, a noloko ae oia ano malohi, ua alahia ae la he wahi ano manao lili kuloko.
Penei : He wahine manuahi ka Naihehau k., o Kahuikala ka inoa, he wahine mareia na Konakea, a ua loaa elua keiki manuahi na Naihehau me Kahuikala, a he kane manuahi hoi ka Hariata w., o Apou ka inoa he pake.
Lawe ae la o Naihehau ia Hariata w., i wahine manuahi a noho pu, a haalele ia Kahuikala kana wahine manuahi mua. Lawe ae la hoi o Hariata ia Naihehau i kane manuahi nana, a haalele aku la ia Apou pake, kana kane manuahi mua, a noho pu iho la laua malalo o ia ano, he wa loihi no ko laua noho pu ana ma ke ano manuahi, a ua hana laua i wahi rula mawaena o laua, a penei kahi rula no laua : Aole makemake o Hariata ia Naihehau e ike ia Kahuikala kana wahine manuahi mua, aole hoi makemake o Naihehau ia Hariata e ike ia Apou kana kane manuahi mua, ua hooko like laua i keia olelo aelike ; aka, i kekahi wa, ua hahaki malu o Naihehau i ko laua olelo ae like, nolaila, olelo iho la o Hariata, e hoopau ka olelo aelike, a e ike ka pono. Ia wa nae i ala koke mai ai ka huhu o Naihehau, a ike o Hariata e pilikia ana kona ola, holo aku la ia a hiki i ka hale o Kaopua, mahope aku no o Naihehau a loaa o Hariata ma ia hale, a hoomaka iho la e pepehi aloha ole, a hiki i ka make ana, e haalele ana i ke ano kino kanaka maoli. A ua laweia o Naihehau e hoopaaia ma ka Halepaahao ma Waipio, mamuli o ka hopu ana a T Paaluhi makai me Mose Kiha, a ua laweia i Hilo e hookolokoloia ai ma ka la 3 o keia malama, (Mei.)
J. K. Hamakua .
HE MELE NO PATALINA KAWOHI ONALANI.
Auhea oe e ka maoli,
E ka maoli waiokila,
Ua kila ia kou manao,
Me ke aupuni hui o Maleka,
No Maleka ka pua i oi ae.
Kulike me Hawaii nei,
Ke pookela o na moku,
A loko e upu mai nei,
Pehea la e hiki ai,
A he aupuni mamalahoa,
Ua paa i ke kanawai,
A Kalani Nui nai aupuni.
Haina ka pua i onaia
O Kawohionalani he inoa.
G. A. Kaonionalani .
He aloha o Puna i ke ala,
Na lei lehua a Hiiaka,
Ku ana o Wahineomao,
I ka luna wale o Kilauea
Ninau ka wahine ka mahao,
A owai ke kupu i hiki mai,
O Kama ke kupu i hiki mai,
Keiki kamehai a Hina,
O ke aha kau e Haunuu,
O ka hiki ana mai o onei,
Ua ike mai no paha oe,
A o Pele ko Hawaii nei,
Au i lanakoi mai ai,
I kou wahi lihi oonei,
A laa ko ku i ka ihe,
Laau a Kekuaokalani,
Kalaku launa ko leo,
Kohu a kapena mea hale,
Haina ka pua i onaia
O Kawohionalani he inoa.
Charle Kanehoaliimoi .
Kahiko ka lia i ka manao,
A he anoi ko’u e noho nei,
No kuu hoapili ke aloha,
Puili o ke ano liula,
O ke aha ka hana a ka ulili,
Alo ehu kai o Mamala,
E nalo ae la i ka makani,
E pili me Kaimanahila,
A heaha no la kou nani,
E like me Kauiokalewa,
O ka oi o na pua lani,
Hiwahiwa o ke aupuni p@a,
Aupuni kuhao i ka lani,
Kau ana i ke ao polohiwa,
Haina ka pua i onaia,
O Kawohionalani he inoa.
Kiurk Suria.
Auhea wale oe e ka rose,
E ka pua aala i kuu ihu,
I na o pua pepa kou l@,
Lai ai o ke ano ahiahi,
Ke pii ae nei Soria,
A kau i ka aha kaulike,
Akahi au a manaolana,
He manao paa koiala,
Ke hoi mai nei e pili
E noho ma Kalahikiola,
E ola no o Patalina,
A kau i ka pua aneane,
Haina ka pua i onaia,
O Kawohionalani he inoa.
Kel@iimilani.
Kahiko ka nani i Kehehona,
Noho i ka hale malu inia,
I nanea iho au i ka olu,
I ke ahe mai a ka makani,
Hu mai ke aloha i ka hoa,
Al@ hau anu onei kula,
Noho aku hoolono o ka leo,
O ke kani mai a ka ulili,
E manao ae au o iala,
Ka hokuloa kau ahiahi,
O ke aha ke pua i leiia,
Ke ala pikake onaona,
Haina ka pua i onaia,
O Kawohionalani he inoa.
B. Keliimakaoi .
E hoi ka nani i kuu kino,
I ka hale noho a ke aloha,
I aloha ia no ia uka,
I ka pa kolonahe a ka hau,
Mea ole ke anu i ka manao,
I ke kono ae a ianei,
E ake no a@ a ike,
I ka pua oi ma ka hikina,
Ka hikina mai a ko leo,
Ua olu au e noho nei,
Haina ka pua i onaia,
O Kawohionalani he inoa.
T. Keliimakakoa .
Nani wale ka pua i ke ala,
Na rose lani o Sarona,
I kuia mai e ka manao,
E ka olauniu o Kekaha,
Hookaha i ka pali o ahi,
Auhau kokolo i Nualolo,
E lohe oe e kaili ahi,
O Lehua kena noho aku,
Kaohi ka paa ia Mano,
E noho i kou aupuni,
Eia iho no o Kawelo,
Me ka ihe laumeki i ka lima,
Nana i hoolana Wailua,
Naueue e ke kaona,
O ka ike kena malama,
I lohe oukou a pau,
Ua malu Oahu ke Kuini,
Ua paa ka nuku i Mamala,
Ua lohe na pae aina,
Eia o huelo i kuu poli,
Haina ka pua i onaia,
O Kawohionalani he inoa.
S . Kamakake@keo .
Aia o Maui ua wehi,
Ua hui like na ailana,
Oi aku o Hawaii o Keawe,
I ka la puka ma Kumukahi,
Akahi ka manao hiaai,
I ka hiki ana mai a ka lohe,
I ka au hou o ka aina,
O ke kuikahi panailike,
E uh@i ae ana e like,
Me ke aupuni o Lohipa,
Nawai no oe e pakele,
Ke giana pauda, a Melevile
Nana i kiani lima iho,
Naueue ai ka honua,
Lei anuenue ke aloha,
Kahiko i ka maka o ka l@,
O Hokuloa no paha ia,
E kau mai la i ka ouohi,
Kuhi au o Ukali mahope,
O ka hoapili o Poloula,
Haina ka pua i onaia,
O Kawohionalani he inoa.
H. B. E. Nuimaololani
Aia Nuuanu ua wehi
Ua pulu i ka ua waahila,
Ua elo ka maka o ka lehua,
Elua nani au i ike,
O ke kawelu hol@ i ka makani
Me ka ahihi o Lanihuli,
Lei kahiko no kuu kino,
Kuu kino kai alo i ke anu,
Ka makani malua kii wai,
Nawai no oe e pakele,
I ke kii ono a kou maka,
I makamaka nou ke aloha,
Haina ka pua i onaia,
O Kawohionalani he inoa.
Ana Iulia Syons .
Auhea oe e ke onaona
Ko ana o ke ano ahiahi,
Hoi mai kaua e pili
I ka wehi o ka malu ohai,
Eia mai no ka maile,
Lihilihi lehua o ka anoi,
A noai ka manao ilaila,
Pulu elo Kalehuamakanoe,
Malu oe malu au i ka leo,
I ka hoomalu ia e iala,
Aohe konohiki ae hewa,
Nana e hehi ae ia kai,
Haina ka pua i onaia,
O Kawohionalani he inoa.
S. H. Kamakoluonalani.
Nani wale o Maunahoomahana,
Noho mai i ka uka wehiwehi,
I ka olu wale o ka palai,
I huipuia me ke onaona,
Ke ala o ka pua mokihana,
Hana iho oe a kani pono,
A kau i ka helu akahi,
A he ona kou hoa olelo,
Ke pookela o ka hanohano,
O ke aupuni Hawaii nei,
Aupuni kuhao i ka Lani,
Haina ka pua i onaia,
O Kawohionalani he inoa.
Kealohaaukai .
Alanui Emma Honolulu, Mei 24, 1875.
KO KALEPONI
LAAU KUNU OLA !
A ME KA MAI HANO.
He nui na Palapala mai na Haole e ae e hooiaio mai ana i ke
Ola io maoli o keia Laau Kunu a Hano.
O KEIA KA LAAU OLA A MR. F. S. SUCH NO NA MAI
—MA KE—
Ake-Mama, ka Ha o ka Leo,
Ke Anu, ke Kunu, Kunu Kalea,
Na Eha a pau ma ka Puu.
E OLA NO HOI NA MAI HANO IKAIKA, KA UMII I KA HAUPO
A o ka poe Mai Ai-ake loaa no ka oluolu nui ia lakou, ke ai i keia Laau.
NO LOKO MAI O NA LAU NAHELE KEIA LAAU, AOHE MEA INO O LOK@
NA KA POE E LAWE ANA E IKE I KA OIAIO.
Na Rula o ka inu ana.
No Kanaka Makua—2 puna nui, i ekolu inu ana i ka la.
No Kamalii—1 puna nui, i ekolu inu ana i ka la.
No Kamalii Aiwaiu—1 puna ti, i ekolu inu ana i ka la.
A ina e mau ana no ka @ o ke Kunu, inu iki no mawaena o na inu ana akolu.
No ka Hano—E inu i ka wa e hiki ai ka ho, a mahope iho.
No ke Anu—Aia no i ka wa e inu ai, o ka po a me ke ao.
No ka Puu Eha—E hoonui a e inu pinepine a hiki i ka emi ana o ka eha.
No ka Eheehe—E inu liilii me ka hana mau nae.
No ke Kuni Kalea—E inu no e like me ka ikaika o ke Kunu.
No ke Kaniai Eha—He pono inu no, a aole e emi o ka pau no ia o ka eha, @ po@a maikai ka leo.
E loaa no keia laau lapaau ma ka Hale Kuai o
DILLINGHAM & CO.,
Ahikoe Ano hou.
Ma ka Hale Kuai Mea Hao o Dillingham & Co ., e loaa ai keia Ahikoe maikai.
He Hookahi Tausani a me na Haneri keu no ka KENIKENI. Nani maoli no keia Nuhou o ka Haole.
DILLINGHAM & co.
@ Alanui Alii