Ka Nupepa Kuokoa, Volume XIV, Number 14, 3 April 1875 — Page 4

This text was transcribed by:	Arnold Hori
This work is dedicated to:	Hawaiian Historical Society

Ka Nupepa Kuokoa

KE KILOHANA POOKELA NO KA LAHUI HAWAII.

NA NUPEPA KUOKOA, ME KE AU OKOA I HUIA.

Ka Nupepe Kuokoa

HE HIMENI!

MARANATHA.

Royal Diadem. p 42

Hulali ka hau ma ka wanaao ana,

E nolo ae ana ka po;

Kau nae a olino ka Hoku Ao nani

Maluna ma kahi ao mau.

Cho. Maranata, Maranata, Eia Iesu !

Me kona nani e, a ano hou ke ao !

Wa oli nui nei, E hui me ke Lii.

Hooho, Eia mai Iesu.

Ua moku na kaula o na mea mana,

Ua hee ae na koa o ka po,

Ua ko ka olelo hoopaa a Iehova,

Ke Alii nei no ia me kakou.

Cho. Maranata, Maranata, &c.

Nauwe na laau ke pa mai na makani,

A pela ke nee mai Iesu,

Ka Haku kaulana, ke Lii o ka lani,

E nauwe ke ao nei a pau.

Cho. Maraneta, Maranata, &c.

Ala'e, e ala'e, e ka poe hiamoe,

E koli i na lamaku;

Eia ae la ka IIaku, ke Kane Mare Ia,

E oaue a halawai po,

Cho. Maranata, Maranata &c

Me e no ka nani o kona aupuni !

Olino na wahi a pau.

Hookipa aloha, a hosana oli,

Ke alii pu Iesu me kakou.

Cho. Maranata, Maranata, c

HAWAII

HAAWINA KULA SABATI.

(Ka IIapaha elua 1875.)

HELU 3. SABATI, APERILA 18.

KUMUHANA--Ke kahea ia ana o Gideona.

PAUKU BAIBALA. Lunakanawai 6: 11-18.

11 @ Hele mai la ka anela o Iehova, noho iho la malalo iho o kekahi laau oka, ma Opera no Ioasu, he kanaka no ko Abiez@ra. E hahi aoa kana keiki o Gideona i ka huapalaoa, ma kahi kaomi waina, i nalo i ko Midiana.

12 Ikea aku la ka anela o ka IIaku e ia, i mei la iaia, Eiapu no me oe o Iehova, e ke kanaka koa loa.

13 I aku la Gideona iaia, e kuu Haku e, ina o Iehova pu kekahi me makou, no ke aha la mokou i loohia i keia mau mea a pau? Auhea kana mau hana mana nui, a ko makou poe makua i bai mai ai ia makou, i ka I aua mai, Aole anei i lawe mai o Iehova ia kakou mai A@gupita mai? Aka, ua haalele mai o Iehova ia kakoo, a ua haawi ia kakou iloko o ka lima o ko Midiana.

14 Nana mai la o Iehova iaia, i mai la Ma keia mana ou, e hele ai oe, a e hoola no oe i ka Iseraela mai ka lima ae o ko Midiana. Aole anei au i hoouna aku ia oe?

15 I aku la keia iaia, E kuu Haku, Pehea la wau e hoola ai ka Isersela? He nawaliwali ko'u hanauna i ka Manase a pau; a ua liilii au iloko o ka hale o ko'u makua.

16 I mai la o Iehova iaia, Owau pu kekahi me oe, a e luku aku oe i ko Maliana, e like me kanaka hookahi.

17 I aku la keia iaia, Ina i loaa ia'u ka lokomaikaiia mai imua ou, e haawi mai oe i hoailona no kou kamailio ana mai ia'u.

18 Ke noi aku nei au ia oe, Mai hele aku oe, a hiki mai au i ou la, a lawe mai i ko'u mohai makana, a waiho imua ou. I mai la kela, Ekakali no wau, a hoi hou mai oe.

PAUKU GULA. "Aia hoi, Owau no me oukou i na manawa a pau a hiki i ka hopena o keia ao."--Mataio 28:20

Mele--Him. 340. 6-8. Leo.

1 He koa auei au?

He kauwa na Iesu ?

A ku haalulu a makau,

A wiwo wale no?

3 E ala a paio mau,

Nui na enemi,

Ko loko, me ko waho pu,

E paio i auhee.

Pule i ala na koa o Iesu a hele i ke kaua i aubee na enemi, a lanakila ka aoao o ka pono.

NA NINAU A NA KUMU.

Ma kela Sabati ua ike kakou i ka hele hewa aua o ka poe Iseraela, a me ko ke Akua hoomaka aoa e hoopilikia ia lakou. Nohea ka pilikia mua? mok. 3:8. Aia mahea Mesopotamia? Owai kona Alii ? Hoopilikia oia i ka poe Iseraela i ehia makahike? A i ko lakou mihi ana me ke kahea ana aku ia Iehova, owai ka Iehova i hoala'i i lunakanawai i mea hoopakele ia lakou? Ehia makahiki i hooponopono ai Oteniela? p 9-11. I ka hana hewa hou na ka poe Iseraela, nawai i hoopilikia? pehea hoi ka loihi o ko Egelona hookaumaha'na ia lakou? Nawei hoi hoopakele? i a ma ka hana aha i hoopakele ai? Ehia makahiki o ka maluhia aoa mahope ? mokuna 3 12-30. A hoopilkia hou ia e wai? A nawai i hoopakele? p 31.

Ekola hoopilikia ana, ko Mesopotamia, ko Moaba, ko Pelisetia; mau nae ka hewa o ka poe Iseraela, a hoalaia he enemi hou, owai keia enemi hou? A pehea ka loihi o kona hoopilikia ana ? A nawai hoi i hoopakele? Owai ka wahine ikaika i ke kokua ana ia Baraka? Owai ka wahine i pepehi ia S@resa ka alihikaua o na enemi? mok. 4:1-24 He mele aha ma ka mok. 5? A maluhia ka poe Iseraela i ehia makhiki ia Debora ma ? mok. 5:31. Haua hewa hou ka poe Iseraela, a hoepilikia hou ia nawai ia hoopilikia ana ? a pehea hoi ka loihi ? me ke ano hoi? mok. 6:1-6 A i ko lakou mihi a kahea ana ia Iehova, pehea o Iehova? p 7-10.

P 11-13. Ehia mea ma keia mau pauku? 1 He anela. 2 Gideona. 3 Na Oleo a laua. Mahea i ike ia ai ka anela? E aha ana Gideons? Nohea ia ? Heaha ka olelo hoolana a ka anela? Pehea ka Gideona pane ana? Ua akaka anei ia Gideona he anela keia ? Aole akaka mamua, ua akaka nae mahope. Ma ke aha i maopopo ai? p 20-22. A i kona makau ana o make, pehea i pane ai ka anela? p 23.

P 14-16 Pehea i pane ai ka anela i ka ninau a Gideona? A ninau hou Gideona pehea? A pane hou pehea ka anela?

P 17, 18 Heaha ke noi ana a G deona? Elua mea i no@ia, heaha? Ua ae anei ka anela? Owai kekahi i ike a hookipa i na anela, a haua e like Gideona? Kin. 15:1-5

Mele. Koa maikai. Hae Hounaui p 28

Koa maikai, koa mau ae ;

Nau kau e hana, aole na hai ;

Koa ikaika, aloha pu nae;

Na ua anela e apono mai.

Cho. Koa, koa, koa maikai,

Koa, koa, koa mau ae

Koa mau ae, koa mau ae

Koa maikai, koa mau ae,

Na ke Akua e kokua mai;

Nana i ike ua pilikia ou,

Nana e pale na ino a pau.

Cho. Koa, koa, koa maikai, &c.

NA NINAU A KE KAHU.

Na Kumu. Pehea ? Ua makaukau anei ko oukou mau p@pa e pane pono i na ninau? Ae paha, aole paha, e hoao oe.

Kekahi papa kane, Ku nui ae iluna e waiho i na pepa Haawina ilalo@ Owai ka poe mua i hoopilikia i ka poe Iseraela ? Ka loihi o ka pilikia mua, hai mai. No ke aha lakou i hoopilikiaia'i? Owai ka luuakauawai mua nana i hoopakele i ka poe Iseraela? Pehea ka loihi o ka hooponopono ana?

Kekahi papa wahine, ku ae iluna, Hai mai i ka pilikia elua o ka poe Iseraela, ka loihi, ka lunakauawai nana i hoopakele, ka loihi o kona hooponopono ana me ka maluhia. Paa ole kokua ka mea i ike.

Kekahi papa keikikane, ku ae, makaukau loa paha oukou. Hai mai i ke kolu o ka pilikia o ka poe Iseraela, a me ka lunakanawai nana i hoopakele. Ua akaka anei ka loihi o ko Samegara hooponopono ana? Me ke aha kona pepehi ana i na enemi? Ehia i make@ He kauaka hoohei bipi anei oia?

Na Kaikamahine. Ka pilikia eha, hai mai, ke alii i hoopilikia, koua alihikana, ka loihi o keia hoopilikia ana, na luna nana i hoopakele. Elua wahine kaulana, owai? owai? Owai ka wahine haku ele ? mahea kana mele? Owai ka wahine i kapaia he makuahine iloko o ka Iseraela? Owai ka luna i wiwo wale, a hoole, aole e hele i ke kaua ke hele pu ole o Debora ? Pehea oukou e hoohalike ai me Debora ? Kokua ma ka pule, ma ka paipai, ma ka himeni ana, ma ke kinai ana i ka hewa, ma ka hele aua i na aina e e ao aku i ka hoomauakii, &c.

No haumana a pau. Gideona, heaha kana oihana ? Iaia e hehi palaoa ana, owai kai ikeia eia? mahea? Nohea oia? Hai mai i kekahi mau olelo hoolana a ka anela "Eia pu no me oe o Iehova, e ke kauaka koa loa. Owau pu kekahi me oe, a e luku aku oe i ko Midiana, e like me ke kanaka hookahi." Ua ike auei Gideona he anela keia? Ma ke aha i ike ai oia mahope he anela ia? A i kona ike ana, he anela ia, pehea iho la ia? Makau @, makau paha oukou ke iki i kekahi anela. Owai kai ike a hookipa i kekahi anela ma Kinohi mokuna 18? Owai hoi kekahi wahine mahope loa i ike i kekahi anela a lohe iaia i kekahi nuhou maikai loa? Heaha ia nu hou?

Na Kumu. Heaha kekahi hana kuloko nui i ka wa ia Pinehasa me Oteniela mamua aku o Gideona? Heaha ke kumu me ka hope o ia kaua? mahea i kakauia'i? Loaa ia wai? Loaa ole ka. Heaha na manao ia kakou noloko mai o keia haawina?

Ka pauku gula, hai like mai ke kula a pau.

Mele. Mele hou. 8-7 Leo.

Lana, lana, e hoolana,

O Iehova me kakou,

Ma o na la e lanakila,

Lana, lana ka manao.

Nui no na Midiana,

Weliweli ke nana ;

Nui no na pilikia

Ke kau mai i keia wa.

: Mai makau, a m@i pauaho,

Hana, kaua, hooaohee;

Eia ko Iehova lima,

Pau, e pau na enemi :

Pule i paulele nui ia Iehova, a hele aku ma kona ikaika e paio'ku ai i na enemi, &c

HAAWINA KULA SABATI no Apr. 25

L@oakanawai 7: 1--8. PAKU GULA.

I Samuela 14:6. HAWAII.

KA LEIALOHA A KA MAKUA HE

KEIKI, UA HALA AKU LA I KA

OPU ANA OLE O KA HONUA.

E KA NUPEPA KUOKOA E, ALOHA OE :--

E oluolu kou Luna Hooponopono e hookomo iho ma kahi kaawale o kou mau kolamu i kela mao hua e kau ae la maluna i ike mai ai hoi na makoa, na kupuna a me na hoa'loha a pa@ e noho aua mai ka la puka ma Kumukahi a kiki i ka welo ana a ka la i Lehua i ka make aua o David Namilimili kekahi o na keiki kopa o ka ua Paupili o Pauoa. Ua hauauia oia wa Halewa, Pauoa Oahu, i ka hora 8 kakahiaka o ka la 18 o Mei A. D. 1856, a ma ka hora 2 wanaao o ka la 6 o Feberuari A. D. 1875 kii mai la na lima menemene ole o ka make iaia a lawe aku la ma kela aoao o ka moana kai lipolipo, a malaila i kuu aku ai ka luhi o kona kino e hiolani mau ai i ka moe kapu a Niolopua, moe kau moe hooilo. He mau mahina loihi kona o ke kaa ana i ka mai a hala aku la i ke ao Polohiwa a Kane. He makamaka heahea oia i na mea a pau e kipa aku ana ma kona ipuka hale, he waipahe ma ka launa kamailo ana me na hoa Ua ao ia oia ma ka olelo Beritania uo kekahi mau makahiki loihi. Ka nui o kona mau la o ka noho ana maluna o keia ili-honua he 18 makahiki, 8 malama, 17la a me 18 hora.

Mamua ae o kona haalele ana mai i keia ola kino, ua hoopuka ae oia i keia mau hua olelo imua o na makua a me ka lehulehu a pau e noho ana. "He hapaumi ke kumukuai o kekahi paa kamaa buti, a pehea la e hoi ai ke poho?" Aole hookahi mea i pane aku i ka haina o kana ninau, a o ka pau no ia o kana pane ana mai he mau minute pokole ma ia hope iho, o ka lele loa ae la no ia o ke ao a Olepau. He keiki oia i noho pili paa loa me kona mau makua a hiki i ka wa a ka Puulena i hala aku la i Hilo, a kahi no a kaawale ka pili me ka makua, i ko ai ka olelo a ka palapala hemolele i ka i ana mai. "I hele kohana mai no au mai ka opu mai o ko'u makuahine a pela no au e hoi kohana aku ai i ka opu o ka honua," he oiaio, "Na ke Akua i haawi mai a nana no i lawe aku, E hoonauiia kona inoa."

He keki oia i aloha nuiia e kona mau makua a me ka lehulehu a pau i launa pu me ia. No ka nui o ko makou aloha a me ka minamina iaia, ua haku iho makou i wahi kanaenae aloha nona; oia keia:

He kanikau la he aloha nov no e David Namilimili,

Ua hele e aku nei hoi oe i ke ala hoi ole mai

Aia ko uhane i ka luna wale o Mililani e,

He milimili aloha oe no'u la,

He lei mae ole i na kau a kau,

Kau ana ko uha@e i ka luna wale o Kaulu,

Ulu mai nei ko'u aloha, a nui anuanu i kuu houpo,

He nui makou ou mau makua e,

E noho aku nei me ke kaumaha luuluu i ke aloha,

An wale ana'o o ka ike aku i ko kino wailua

Hele haaheo ka uhane i ka welo a ka hae kalaunu,

Huli ae na maka nana i ka lewa,

Oka noho mai a Holoholopinaau i ke ao Polohiwa,

Au wale ana ka manao a loko e ake o ka ike aku ia oe,

Ke uwe kauikau nei o mama aloha ino kuu keiki,

Kuu lei mae ole i ke ahe lau makani o Kupanihi,

Aloha ka i-a haaheo lomi i ka lima,

Aloha Ulakoheo i ka huikanlua a na kanaka

Aloha aku au o ka wai-lohi o Maleka,

Oia wai haale mai i kuu maka,

Alawa iho au aole oe, e ia ka me Poliahu i ka uka,

Auwe kuu mea aloha o ke keiki--e.

NUA OPIO.

Kanikau la he aloha nou no e Davida,

Ua hala e aku oe i ka hora 2 o ka po,

Noho iho nei makou me ke aloha pau ole,

I kou kaawale ana wehe i ka pili me mama,

E i aku nei paha oe me ka Makua Maua Loa,

I walea paha ka uhane i ka poli o Aberahama,

Aia paha ka uhane i ke ao eleele,

E nanea ana paha oe i ka pii a ka opua,

Kamaaiua ka uhane i ka nani o Lunalilo,

E kilohi ana ka uhane i ke anuenue i ka lewa,

Nana ana paha oe i ka ua kilikilihune,

Alo ana paha ka uhane ua ale o ka moana,

Hoolai ana paha oe me na manu Kolaka,

Ua laka mai ke aloha a pili me ka makua,

E noho nei i ka lai i ka malu o Halewa,

Wa olelo ana makon Davida ua hala e aku,

Elua mea kaumaha ka makuahine me ka makuakane,

Auwe ! aloha ino no kuu keiki.

AKI.

Kanikau la he aloha nou no e Davida,

Ua hala e aku oe i ke ala hoi ole mai,

Noho iho ne makou me ka u me ka minamina,

Nou paha ka uhane i nane hele iho nei,

I ka pili o ke aumoe i ka olu o ke ahiahi,

Moe au a huli ae aole oe ma ka paia,

Aia paha ka uhane i ka luna i Puum@kani,

E kilohi ana ka uhane i ka nami o Kauawai,

Oia wai huihui o ka mapuna,

Ko leo ka mea aloha i ka hea ana mai,

Auhea iho nei oe e Davida e,

Eia au la ua anu aohe kapa e mehana ai,

Auwe Kuu kaikunane hoi--e.

KANOE PAUELUA.

Kanikau la he aloha nou no e Davida,

Ua hele e aku oe i ka pili la o ke ao,

Au iho nei makou aole oe i loaa,

Ua hala me ka mea mana,

Me ka Makua mau loa,

Aia i ka poli alo ka poli kua a Kane,

Ke ao kaalelewa ka opua hiki ahiahi,

Ua ahi m@i nei loko paila i ko aloha,

E aloha ae aua au i kahi wai o Kahuawai,

Ka huai launa ole i ka wai mapuua,

Ua kuhu me Haili me ia kahawai nui,

Aohe kumu o ka wai ka halulu ka'o i lohe,

Auwe kuu aikane--e

Aloha Honolulu i ka lai o ke kaona,

Aloha Ulakoheo i ka nuikau a na kanaka,

Aloha na H@lemahoe i ka ihu o na boti,

Aloha Honolulu Hale i ka owe a ka maka sila,

Aloha ka Halewai hooluhi o Devidi,

Aloha Polelewa i ke ala alii,

Aloha Kanekiua i ka huikau a na haole,

Aloha ia wahi a kaua e luana ai,

Aloha Kaopuaua i ka ihona lai o Peleula,

Aloha Maemae oia piina ikiiki,

Aloha Kapena ke kumu oia wai,

Ka owe halulu i ka f@bu,

Auwe kuu mea aloha he sikane---e.

W. K. NALIMA.

Kanikau la he aloha nou no e Dav da,

Ua hala e aku nei oe i ka pili o ke ao,

I ka olu o ke kehau,

Hauoii ae nei ka manao o ka ike ia puarose,

Kela wahi kaulana,

Ka oiei o Kaukeano,

Ano wale mai no ka hale ua hele oe,

Nou ka uhane i uwi hele iho nei me na kamaa kuti,

Hoolono ana au o ka leo,

Ke kani howehowene mai o ke koliana

Nou ka uhane i ka piina o na Huina,

Hui aku la me Kane ka eueu o ka lewa,

Ke koa nana i nai na moku,

Mokuahana mai nei oe,

Kaawale ana makou

Auwe kuu moopuna hoi--e.

K. HALEA.

Kanikau la he aloha

N@u no e Dav@da Namilimili,

Kuu aikane mai ka wai huihui o Kapena

He aloha ka leo o ka makua

E wawalo nei ma nei kapa,

Aloha wale ke awawa o Pauoa

Kahi hui a ke kino i luana ai

Aloha ia wahi o ka noho ana

Ia wahi makamaka ole.

Ua oki mai nei e ka make

Wehe i ka pili aikane ana

I ka luana oluolu ana hoi

Me na kini hoaloha

I na anoano ahiahi

O na la i kaa ae nei mahope

Ia wahi makamaka ole o ka noho ana

Hookahi wale no makamaka

Ua hala, ua nalo

Ma kahi mau o ke kino

Auwe kuu aikane--e. S. K --------o.

Kanikau aloha keia nou e Davida,

Aloha ka uhane ka hoa pili o ke kino,

Nou paha ka uhane i luna o Pu@ina,

Nana ana i ka ulu-laau o Mamala,

Malama iho nei au i ko aloha.

Kuu moopuna mai ka la maka poniuniu ai ole,

Hoomaona aku kau i ka ai a Kahiki i lawe mai,

Oia ai hoopumehana i ke kino,

Ko kino wailua ka'u e ike nei,

Kuu hoa pukukui o ke anu a ke kehau,

Auwe aloha ino no kuu moopuna---e

LELEKAHANU.

Kanikau he aloha keia nou no e Davida,

Kuu moopuna mai ka wai o Kahuailaoa,

Hoolana ae nei au aole oe,

Iloolohe an@ au o ke kani a ke Kahuli,

I ke kani hone mai i ka pili o ke aumoe,

Auwe kuu moopuna hoi---e.

Kuu moopuna mai ka ihona loa o Kaniakapupu,

Hoomaha aku kaua i Luakaha,

Kuu moopuna mai na noni a ka Poeo,

Aloha ia wahi a kaua e hele ai,

Hele aku kaua o ka olu o Hanaiakamalama,

Auwe ! kuu moopuna kuu mea aloha---e.

Nana eku kaua o ka nanio Maunaala,

Ka mauu-nene aala o ke kupukupu,

Kuku ae nei ke aloha ia oe e ka moopuna,

Kuu moopuna mai ka aina puni i ke kai o Kahakaaulana,

Hoolana ana au o ka ike aku ia oe---e,

Ike aku kaua i ke kino wailua,

Elua mea nei a loko e hana nei,

O ka u me ke aloha ia oe,

Auwe kuu moopuna hoi---e.

Nua Makua.

Kanikau aloha keia nou e Davida,

Kuu moopuua o ka ua Kukalahale o Kalewa,

Wa olelo iho la ka huakai a ka malihini,

Kalaiku oe o ka lua o Davida,

Holowaa kona hale e moe mai la,

A ka po i lawe aku nei,

Aohe lua aohe kolu, aohe ukali o ka hope,

Hookahi no ukali o ke aloha,

Auwe ! kuu moopuna hoi---e.

KAANAPU.

Kanikau la he aloha nou no o D@vid@,

Aia paha ka uh@ne i ka luna i Haili,

Ilihia iho ne loko kaukana a ke aloha,

E aloha ae ana au i ka nani o Pinuwea,

O ia hale kaulana a kakou e noho ai,

Kahea mai mama, auhea la Davida,

Kaua i ka holo-kaa makai o ke kaona,

Kalaiwa pono ia aku i lai pono ka noho'na,

Ka poha a ka uwepa ka niniu a ka huwila,

Kuu ia i ka holo uui ka piina Kaopuaua,

Kanekioa keia ke hauwalaoa nei,

E huli e hoi kaua i ka nani o Pauoa,

Nee mai nei e ka ohu halii i ke kula pili,

Pili ia e kaua ka ua me ka makani,

Hoopumehana aku kaua i ka pa kiaha-kope,

Oia ia la pololi, hoolai ana ka uhane,

I ka olu o ke kukui kui au a lawa i ke aloha,

Auwe ! kuu kane aloha---e.

REBEKA.

He uhane he aloha no Davida,

Ke uwe kanikau nei ke anaina a pau,

Aloha ino no kuu keiki,

Kuu hoa pili o Halewa,

Wa wale aoa makoa aole iho nei oe,

Aia paha ka uhane i ke kui lei ahihi

I ka uka o Nuuanu i ka luna o Lanihuli,

Huli hoi mai ka uhane a ka luna i Haili,

Ilihia iho nei loko i kaukana a ke aloha,

E loku nei i ke kino,

Ko kino wailua hele hookahi,

Kou hoa hele o ke kaona,

Kuu lei loselani o ke ahiahi,

Kuu hoa kuwili o ka po,

Piliia e kaua ka ua me ka makani, ke ano me ke koekoe,

Lei pili a ke aloha,

Hoa @ o ke aumoe, moe aku o ka ua noe,

Ka na lipo i kanahele,

Ua hele e aka ne i ke ala hoi ole mai,

I ka poli o ka makua,

Noho iho nei makou me ka @ me ke aloha,

Me ka minamina pau ole,

Ko kino wailua hele haaheo,

Auwe ! kuu keiki hoi---e.

W. R. MELEMAI.

IIe uhane la he aloha nou noe kawi@a,

Ke uwe kanikau nei o Namilimili e,

Aloha ino kuu keiki hoa pili o ka po,

Kuu lei mae ole o ke awakea,

Ko @ino wailua ka'u aloha, ka'u no ia e u nei,

Au wale ana au aole oe,

He halia he aloha ka i hiki mai,

Ua wehe i ka pili me ka makoa,

Aia ka ohane i ka Moopili,

I luan@ me Hiku i kauanele,

Hose lakou me Hapuu,

Ka wahine kui lei kamakahala,

I ka luua i Waipuhia,

Ku nana ia Kekele, ka ulu-wehiwehi a na pua,

Auwe ! kuu minamina pau ole ia oe---e,

Kuu keiki mai ka piina wela o M@na,

Hoomaha aku kaua i ka wai o ka Lokohono

Oia wai noho mai i ka malu o ka ape,

Huli nana i ke @ui-peahi mei a ka lau ohai,

Haioa mai e hai i kaoahele ke kupu eu o ka mauna,

Aia ka oe ke w@lea la me Poliahu i ka wao,

Hana mao ole ke aloha i kuu kino e noho nei,

Kuu keiki mai ka la welawela o Kauanonoula,

Aloha ia wahi a kaua e noho ai,

Noho aku kaua hoolono i ka halulu mai a na kea,

Kuu keiki mai ka piha kanaka o Pokela,

Oia wahi au e luana ai,

Aloha ka leo o ka hele o Kaukeano,

I ke kanihone mai i ka pili o ke ahiahi,

Ua ahi ua wela loko i ke aloha o ke keiki,

Kuu mea minamina he keiki aole iho nei,

Auwe ! kuu keiki hoi--e.

M PAUELUA.

Kaoikau aloha keia nou no e Davida,

Kuu keiki mai ka la hulili mai i ke kula,

Mai ka puua ikiiki la e Puumakani,

Oia wahi hoi a kaua e luana ai,

Hoolono aku kaua o ka nehe mai a ka makani i ka lau kukui,

Kuhi aku ka manao kahi wai huihui o Kahuawai,

Oia wai hoeha ili a kaua e auau ai,

Au aku na maka uana i ka luna o Kiloa,

O ka halii mai a ka ua noe anu i ke pili,

I pili aloha ia e kaua ka ua, ka la me ka makani,

E aloha ae ana au i ka uka anu o Kapukaawapuhi,

Oia wahi au e kui lei lehua ai me ou mau hoa,

Auwe! kuu mea'loha o ke keiki aole iho nei,

Kuu keiki mai ke kula loa la e Kahua,

Oia kula wela nopu i ka la a kaua e hele ai,

Hoomaha aku kaua o ka malu niu o Waikiki,

Oia wahi au e nanea ai me ou mau makua,

E nanea ai i ka hai mai a ka nalu, o Kawhewehe,

Wehe mai nei oe i ka pili hooko-o me ka makua

Anuanu kou poli na hele'oe ke keiki,

Kuu hoa moe o ka po hoa ole,

Kuu hoa papuu anu o ua hale kanaka ole nei,

Hoolau kanaka i ka leo o na manu,

Kou keiki o ka piha kanaka nui o Honolul@

Kuu keiki hoi o ka pila kanihone o Halewa ne@,

Pau kou lohe ana i ke kani a ko pila, ua hele oe,

Ua hoi aku ia i ka poli o ka Makua Mana Loa,

Aloha ko leo i ka pane ana mai,

He hapaumi ke kumukuai o ka paa kamaa buti,

Pehea la e hoi ai ke poho?

Auwe ! kuu keiki hoi---e.

H. NAMILIMILI.

Halewa Pauoa, Honolulu Mar. 26, 1875.

HEAHA LA KE KAHUA O KA OIHA.

NA HOONAAUAO!

He ninau uni keia, a he ninau paakiki no hoi, aka, ma na mea e hiki ana i ko oukou hoa nei, oia no ka'u e hoiki aku imua o oukou e o'u mau hoa, a me ko kakou Alakai o keia mau la.

A eia ke kahua mua o ka Oihana hoonaauao i loaa ia'u, o na hale kula Aupuni apana o keia Paeains, oia ke kahua mua o ka Oihana hoonaauao, ka lua, o ka naauao o na keiki liilii, a e wehewehe au ma keia kahua o ka Oihana hoonaauao, o na hale kula Aupuni apau, oia no kahi i ao ia ai na keiki liilii ma na hua palapala, A. E. I. O. U. H. K L. M. N. P. W. a pela aku a maa na keiki ma na hua pakahi, alaila, o ao aku ma na hua palua ia, eao aku ma na hua pakolu a paa ia, ma na hua paha a pela aku a hiki i ka heluhelu aua o ke keiki, a maa ke keiki i ka heluhelu ana, alaila, e ao aku ke kumu ma na mea helu apau, a ike ke kumu ua makaukau ke keiki ma na mea helu alaila, e hoouna aku ke kumu ma kekahi hale kula nui, e like me Lahainaluna ma Maui, a meia, kula e ao ia ai i na mea ike hohonu a hookuu ia ke keiki mai ia kula mai, alaila, e hookohu mai auanei na Oihana.

O keaha hoi ka mea o hookohu mai ai o na Oihana? O ka loaa ana o ka naanao i ke kanaka ma lolo na hale kula Aupuni, oia no ka mea i hookohu mai ai o na Oihana hoonaanao, a he mea maopoopo no paha ia, ia kakou i ka nana aku o ka poe apau e paa mai nei i na Oihana, nole lakou he poe i ao ole ia ma loko o na kula Aupuni, he poe lakou a pau ua ao ia, pela kakou na kumu kula no ka ike o keia Oihana, he poe kakou ua ao ia ma loko o kona ka@us, oia hoi na kula Aupuni a ua ike ka Oihana ao he kupono kakou e malama iaia, nolaila ua pipili mai oia ia kakou mai na la i kaa hope ae nei, a eia no oia me kakou i keia la, a nana no i hoohui mai ia kakou i keia mau la e lawelawe ma na mea pili i ka kakou mau Oihana a ke hooki nei au i ka'u kamilio ana maanei

Me ka Mahalo,

H. H. KAHANANUI,

Puulima, Waimea, Kauai, Iune 13, 1874

KO KALEPONI

LAAU KUNU OLA!

@ ME KA MAI HANO.

He nui na Palapala mai na Haole e ae e hooiaio mai ana i ke

Ola io maoli o keia Laau Kunu a Hano.

O KEIA KA LAAU OLA A MR. F. L. SUCH NO NA MAI

A KE --

Ake-Mama, ke Ha o ka Leo,

Ke Anu, ke Kunu, Kunu Kalea,

Na Eha a pau ma ka Puu.

E CLA NO HOI NA MAI HANO IKAIKA, KA UMII I KA HAUPO

A o ka poe Mai Ai-ake e loaa no ka oluolu nui ia lakou, ke ai i keia Laau.

NO LOKO MAI O NA LAU NAHELE KEIA LAAU, AOHE MEA INO O LOKE

NA KA POE E LAWE ANA E IKE I KA OIAIO.

Na Rula o ka inu ana.

No Kanaka Makua--2 puna nui, i ekolu inu ana i ka la.

No Kamalii--1 puna nui, 1 ekolu inu ana i ka la.

No Kamalii Aiwaiu--1 puna ti, i ekolu inu ana ka la.

A ina e mau ana no ke koii o ke Kunu, inu iki no ma@aena o na inu ana ekolu

No ka Hano--E in@ i ka wa e hiki ai ka ho, a mahope iho.

No ke Anu--Aia no i ka wa e inu ai, o ka po a me ke ao.

No ka Puu Eha--E hoonui a e inu pinipine a hiki i ka emi ana o ka eha.

No ka Eheehe--E ina liilii me ka hana mau nae.

No ke Kunu Kalea--E inu no e like me ka ikaika o ke Kauu.

No ke Kaniai Eha--He pono inu no, a aole e em@ o ka pau no ia o ka eha, a poha maikai ka le@.

E loaa no keia laau Iapaau ma ka Hale Kuai o

Dillingham & CO.,

Ahikoe Ano hou.

Ma ka Hale Kuai Mea Hao o DILLINGHAM

& Co., e loaa ai keia Ahikoe maikai.

He Hookahi Tausani a me na Haneri keu no ka KENIKENI. Nani maoli no keia

Nuhou o ka Haole.

DILLINGHAM & CO.

683 @m

Alanui Alii