Ka Nupepa Kuokoa, Volume XIV, Number 9, 27 February 1875 — Page 3
| This text was transcribed by: | Pohai Souza |
| This work is dedicated to: | Halau Hula Kamamolikolehua |
Ka Nupepa Kuokoa
KE KILOHANA POOKELA NO KA LAHUI HAWAII
MANAWA PUKA, ME KA NAPOO ANA A KA LA, NO KA MALAMA O MARAKI, 1875
Mar 1 Puka ka la 6h 21°a.m. Kapoo 6h 4º p.m.
" 2 " " 6h 20ºa.m. " 6h 4ºp.m.
" 3 " " 6h 19ºa.m. " 6h 5ºp.m.
" 4 " " 6h 19ºa.m. " 6h 5ºp.m.
" 5 " " 6h 18ºa.m. " 6h 6ºp.m.
" 6 " " 6h 17ºa.m. " 6h 6ºp.m.
Feb 28 " " 6h 21ºa.m. " 6h 4ºp.m.
Na Kau ana Mahina no Feberuari.
Mar7 Mahina Hou 9h 49 0s P.M.
" 14 Hapaha mua 2 31 2s "
" 21 Mahina piha 1 20 3 "
" 29 Hapaha hope 5 53 7 "
Nu Hou Kuloko
No Hilo keia "Kilauea" ae nei o Maraki 1.
Ke ku loihi nei ka moku kuna Uilama ma ke awa o Kou!
Eia ma Honuakaha ka Moi kahi e hiolani nei i keia mau po.
He mau po uila, ua a hekili aku nei kela i hala e.
Ua hoomaha iho nei ka moku kuna Ka Moi i keia hebedoma no na hooponopono hou ana.
Ua kauia ae nei ke kii hou loa o ka Moi Kalakaua maloko o ke Keena Ahaolelo inehinei.
Ma keia huakai mua aku nei a Kilauea aole oia i ku i Kawaihae i ka hoi ana mai no ke onalunalu o ke kulana.
Ma ka auina la o ka la apopo, (Sabati) maloko o ka luakini o Kaumakapili e hookahunaia ana o Revd. Moses Kuaea i Kahu no ia Ekalesia.
E W. D. PANIANI; - Ua loaa mai kau leta me na Dala Eha, eia ka hemahema nui, aole aina kahi e hoouna aku ai ka pepa. E hai mai i kou aina e noho la.
BUKE KUKE XIII - Ina o ka mea he buke 13 piha kana o ke Kuokoa a lawe mai ia makou e kuai ai, e hoihoiia no ke kumukuai mua Elua Dala!
Ke kauohaia aku nei na Kumukula a pau o Kona nei e nana ae i ka Hoolaha a ke Kakauolelo o ka Papa Hoonaauao ma ka pepa o keia la.
O na olelo hooholo i hooholoia ai maloko o Kawaiahao, i ka Poaono aku nei i hala, ua paiia maluna o ka lole silika, a hoounaia ana i Amerika Hui me ia lole.
Ma ka po Poaono aku nei i hala, ua haawi ae ka poe puhi ohe olena o ka moku o ka Adimarala, i mau leo mele ma ka Hale Hotele Hawaii.
Eia ma ka Halekuai Buke o H.M.Wini, e loaa ai na buke mele a Pilipo Pilipi, kela haole mele kaulana, he ekolu kenikeni wale no ke kumukuai. Pau nui ae e kuai i loaa na leo mele hoohaihai.
Ua lohe wale mai makou, e holo aku ana ka Moi i Hawaii e ike i kona mau makaainana i keia mau pule aku, a e hoike aku hoi imua o na maakaainana i ka moolelo o kana huakai imi pomaikai.
Ua lohe mai makou, e malamaia ana ke Kahua Kilo Hoku ma Honolulu nei e ke aupuni Hawaii, i mea hoomanao aku i na hanauna hou e hiki mai ana,, oia kahi i kiloia ai o Hokuloa i ka la 8 o Dekemaba aku nei, 1874.
Ma ka Poaono iho nei, ua hooluana ae ka mamalamoku nui a me a Puuku o ka moku kaua Portsmouth i kekahi mau keonimana Hawaii me na lede maluna o ka oneki o ka moku, me ka paholaia mai o kekahi papaaina hanohano. Ua aie ka poe i konoia mai i ko kaua lokomaikai.
Ke hoomoeia nei ka wai piula ma ke Alanui Kula, a ke iho loa la ma ke Alanui Puowaina a me Alanui Emma. Ua hapaiia keia no ka nukunukuia ana iho nei i ka wai piula ole ke ulia ae ka pau ahi. Ma keia hana ana, ua puni loa ke kulanakauhale i ka wai piula.
PAPA HOAILONA LOIO - Ua ike aku makou i ka Papa Hoailona Loio o ke Keiki o ka Uaukiukiu o Makawao, oia o J. Poka Green, ke kau kehakeha nei ma ke Alanui Kalepa, a mawaho ponoi iho o kona Hale hana. He pono i ka poe i hoopilikia ia ke hele ilaila, ka mea makaukau i na olelo a elua.
Ua lohe pono mai makou, he elua, ekolu paha hebedoma i koe, alaila, e holo aku ana ka Adimarala nana i hoihoi mai nei i ka kakou Milimili e makaikai i ka mokupuni o Keawe. Nolaila, aole paha makou e hewa ke mahaoi e aku, he pono ia oukou e ohaoha mai iaia.
"Hookahi waiwai o ka ike,
Ka maalo aku heahea mai."
Ua lohe mai makou, aia ke anee nei ma ke alo alii kekahi wahi kanaka pekapeka, mai ka aina lewa mai oia, aohe no ke kaona nei. Ina ka e lohe ana ia e makemakeia ae ana kekahi kanaka e na alii, e holo pekapeka auanei kela. Pono ole ke kapu ino o oe. Nawai la ke kama o oe? Hilaila ole no hoi! Ua ahona ka make aua o ke kanaka pela, mamuli ili aku ke alina o kana hana maluna o na mamo.
"He alapahi iaʻua la he wahahee,
He hoonui olelo i kahi alii
I hewa mai ai ke kahu o ka mo-e."
Ua ni-a-nia aku la oe iaia nei - e.
Ma ka po Poalua iho nei, ua haawi ae o Napoliona Nihi a me kona mau Kaikamahine i auaina hoonanea ma ko lakou home ma Apua no ka hoihoi ana aku i na lokomaikai a me na hookipa ana a na Aliimoku o ka "Portsmouth" i pahola mai ai ia lakou a me kekahi poe e ae maluna o ka oneki o ka moku. E mahaloia na kukai aloha ana mawaena o na aoao elua.
Ua olelo anei ka Pope, he moo nahu o Pohakuhauoli? I ka la 10 o Novemaba i hala, he umikumamalua a umikumamalima poe e noho ana imua o na Pope nei, a lohe pono aku la i ka olelo ana ae he moo nahu o Pohakuhauoli. Aka, i keia wa, ke hoole nei ua Pope la aohe i olelo pela. Oiai he hala ole ka Pope ma ka hooholo ana o ka Ahaolelo o ka Vaticina, nolaila, ua haule iho la paha auanei kela poe la a pau iloko o ka lua.
Ma keia pule iho nei, ua ike aku makou i ka hoomaemae houia ana o ke Alanui Aupuni e moe la mai Maunalua a i Honolulu nei, ua hoomakaia ka hana mai Kamoiliili mai; aia keia hana malalo o na lima paahana kakaikahi, a aole no paha e maemae pono ana, no ka mea he minamina paha ka luna hana o pau ka lepo, nolaila, ua hanaia ke alanui me he kuauna loi la. Aole paha e loaa aku ka wa ia Billy Smith, (Uilama hapa haole i make)
KE KEA HOOHANOHANO O KALAKAUA - Ua lohe mai makou, ua kukulu ke Alii ka Moi i Kea hoohanohano hou malalo o kona inoa ponoi, KALAKAUA. A ua kau ka hanohano ia Hanale W. Severance, ko kakou Kanikela Hawaii ma Kapalakiko, ke kupu ino a ka nupepa "Ka Lahui Hawaii" e nuku nei, o ka papahi ana me keia lei hoohanohano ano hou loa, he hoike ana mai ia, ua eo mua i na kanaka la na mahalo ana o keia Kea Hoohanohano.
AHA HOOMALU O HONOLULU - Ua aie makou i ka lokomaikai o ka Lunakanawai W. C. Jones o keia kulanakauhale no ka nui o na hewa i ahewaia imua o kana Aha no ka makahiki 1874. O ka nui o ka poe hewa i hoopiia, he 587; hookuuia, 103; hoopii loa i ka Aha Kiekie a me ka nui o ka poe i hoopaaia i ke Kula Hoopololei, 166; huiua pau o na hihia karaima 856; na hihia kivila 122; huina o na hihia i hookolokolo ia a pau, he 978. Ua huipuia ka poe hookaa ole i ka auhou ma keia papa hihia.
HOOKUUIA NA PIO - Ua oluolu i ke Alii ka Moi iloko o Kona Aha Kukamalu ka huikala ana aku i ka poe nona na inoa malalo i hoopaaia ma ka Hale Paahao ma Honolulu:
Mooluhi, Kealakua, Keku, Keoki, Kanealii, Kaloaole, Kauwaniho, Kaailuwale, Bila Nihi, Kaaiawaawa, Kaiama, Kaihehau, Moio, Kaluaioahu, a me Wailele.
O ka hapa nui paha o keia poe noloko mai no ia o ka punana kipi o ka la koho Moi ai i hala.
I KEKAHI LA i hala, ma ke kulanakauhale o Wasinetona, e paina pu ana ka Luna Hooponopono nupepa Reid o ke Taribiune o Nu Ioka me ka Lunahoomalu Blaine o ka Hale Ahaolelo nui o lalo, hiki mai ana kekahi makai mai a Kahuhipa mai me ka bila kikoo he $100,000 ka nui i na luna hooponopono nupepa nei. O ke kumu o keia, no kona laibila iaia, aka no ka ikeia ana o na Reid ma ke anaina ahaaina, oia ka mea i kikooia mai ai. Aole i loheia mai ka loaa io ana o ka puu dala maloko o ka bila i kokooia mai ai.
Nu Hou o na Aina e
Ua oluolu i na poo aupuni ma Wasinetona ma o ke Kuhina Kaua la ka hoapono ana aku i ka Generala Serdana mau hana e like me ka olelo waea malalo iho i paneia aku iaia penei:
Wasinetona, Ian. 6. - O ka Peresidena a me makou a pau, ua hilinai piha a hoapono i kau mau hana a pau."
Wasinetona, Ian. 6 - Ua hoouna hou ia aku keia palapala waea olelo malalo iho ia Generala Seridana, i kei la: "Ke hoouna waea olelo aku nei au ia oe me ka wikiwiki, e pane aku ana i kau mau leta. Me he mea la, ua hopohopo paha oe, o alakai hewaia makou e kekahi o kau mau hoike. E hoolana i kou manao, ua hilinai ka Peresidena a me ka Aha Kuhina ma kou naauao, a ke hoomaha nei me ka manaoio, e pololei ana kau mau hana a pau. O keia kaʻu mau mea i manao ai ma kaʻu palapala pokole aku nei.
W. W. Belknap
Kuhina Kaua.
Ke hookolokoloia nei no ka hihia hoapii a Tilton kue ia Beecher ma Nu Ioka, a ke hoomaka hou ia nei e hoolaha i na ino a me na haumia i hanaia ma kahi nalo.
No na mea e pili ana i ke kuikahi panai like mawaena o Hawaii nei a me Amerika, eia iho ka makou mau mea i ike:
Wasinetona, Ian. 14 - Ma ka ke Kuhina noho Pierce haiolelo imua o ke Komite o ka Hale o ke Sanete inehinei no na mea e pili ana i ke kuikahi panai like, ua huai puka nui mai oia i ko Amerika popilikia ke noho mana ole maluna o ke kalepa ana ma ka Pae Aina Hawaii, aia wale no ke ahona, a kukulu hookokoke loa ia aku kakou. Ua kue oia i ke kuai ana i awa kumoku ma kahi kokoke i Honnolulu, no ka mea, iloko o ka w@e hiki mai ana, e lilo wale mai ana no o Hawaii holookoa ia kakou me ke kumukuai ole.
Watinetona, Ian. 30 - Ke manao wale ia nei, aole e kue mai ana na Ahahui Hoomaemae ko o Kaleponi i ke Kuikahi panai like a me ke komo dute ole ana mai o ke kopaa Hawaii, ina no e hoohaahaaia a hiki i ka helu 12. Ua waiho ae nei o Hager i ka lakou palapala hoopii i ke Kuhina nui Fish, e pahola loa aku i na kanawai kalepa a me na loaa a pau o Hawaii, a e hoolilo i kona mau awa kumoku i mau awa kumoku no Amerika Hui.
Mai Sepania mai, ua loheia ko Alfonso noho alii ana maluna o Sepania. O keia keiki alii, oia no ke Keiki a ka Moiwahine Isabela mai ke Kalaunu aku o Sepania, i kekahi mau makahiki aku nei eono i hala, O ka loihi o ko keia keiki noho ana, oia ka mea i koe e nana aku ai. Ke hoopaakiki nei no na Kalisa i ka paa ana i na mea kaua, a ke noke la no i ka hakaka.
Mai Farani mai i loheia mai ai, na hooholo ka Ahaolelo e kukulu i Hale Ahaolelo Elua no ia Aupuni, e like paha me ko Amerika Hui. Ua akaka, ke ano ikaika loa mai nei ka aoao Ribupalika malaila.
Ma Enelani, aia he hukihuki ikaika ana mawaena o na lunamakaainana kuokoa no ka mea e lilo i alakai no ia aoao, aia mawaena o Foster a me Earl Hartinton ke aumeume, aka i ka waiho ana o Foster i kona makemake e lilo i poo, ua maopopo e kohoia ana ka mua ma ia kulana.
Hanau
Ian 30 - Ma Waihee Maui, hanau he kaikamahine, na Koloa me Kaaelani.
Feb 9 - Ma Apua Honolulu, hanau he kaikamahine na na Kalill.
Make
Feb 1, ma Waihee, Maui, make o Elena Nuuhiwa w.
" 2, malaila no make o Kaaelani w.
" 5, " " G. W. Aika k.
" 10, " " Pekeku w., Kahanu k.
" 11, " " Kahale w.
" 25, ma Lahaina, Maui, make o Samesona
Ma ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o KAUHAA (k), no Hamakualoa, Maui i make.
Ua heluheluia a ua waihoia ka palapala noi a Thomas Emmsley, e noi ana e hooiaioia ka palapala kauoha hope loa a Kauhaa k, no Pumaile, Hamakualoa, Maui, H.P.A. i make aku nei. Nolaila, ke kauohaia aku nei na kanaka a pau, ke pili o ka Poaha, oia ka la 25 o Maraki 1875, ma ka hora 1 o ke ahiahi, ma ka Hale Hookolokolo ma Makawao, oia ka la a me kahi i kohoia no ka hoolohe ana i na nonoi ia a me na mea kue ke hoikeia.
ABR. FORNANDER,
Lunakanawai Kaapuni Apana Elua HPA
Lahaina, Feb 15, 1873. 691 318 693
Aha Hookolokolo Kiekie o ko Hawaii Pae Aina. Ma ka waiwai o Ai i make. Imua o ka Lunakanawai Harris, ma ke Keena. He noi no ka hoolaha ana i ka poe koina a me ka hooponopono ana i ka waiwai.
Ma ka hoopii a AH LEE, ka Lunahooponopono Waiwai o Ai, no Honolulu, mokupuni o Oahu i make, e hoike ana i na waiwai malu a me ka waiwai Hui o ua Ai nei, a me ka Hui o Ai a me ka Poe Hui, e noi ana, e aponoia kela mau koina, a o na waiwai e hooponoponoia. Nolaila, ke kauohaia aku nei, o ka Poakahi, la 15 o Maraki, A.D. 1875, oia ka la e hooloheia ai kela noi, imua oʻu ma ke Keena i Honolulu nei, oia ka wa a na mea a pau i kuleana, e hele maai a hoike mai paha, ina he kumu e ae ole ia ai ka hoopii. Ke kauoha hou ia aku nei, e hoolahaia keia noi maloko o na olelo elua, ma na nupepa "Hawaiian Gazette" a me ke "Kuokoa," he mau nupepa i paiia ma Honolulu, no ekolu hebedoma mamua ae o ka hoolohe ana.
Kakauia ma Honolulu ko Hawaii Pae Aina, Feber 23, 1875.
CHAS. C. HARRIS
Lunakanawai o ka Aha Kiekie.
Ikea: W. R. Seal, Kakauolelo 091 318 693
OIAI MA KEIA LA ua hookohuia mai na mea nona na inoa malalo iho, e F. S. Lyman, Lunakanawai kaapuni o ka Apana Ekolu o ko Hawaii Pae Aina, i mau Kahu malama no ka waiwai o KELIIKOA KALU, i kuai ai ma Waiomao, Kau, mokupuni o Hawaii, me Kahaonui w. Kaaekala k, o ia wahi hookahi no a o na hihia a pau e pili ana i na mau waiwai ia i kuaiia lilo ia mai ai e Keliikoa Kalu, maluna no ia o Kahaonui w. a me Kaaekala k, aole me Keliikoa Kalu.
KALU,
NAKAIKUAANA ý Na Kahu
Waiomao, Kau, H., Feb 4, 1875 691 418 694
UA MAKEMAKE LOA IA
E LOAA ona keiki hoonohohua kepau noho malie no ka hana buke. E ninau i ke Keena Kuokoa
691 318 693 H. M. WINI.
EIA iloko o ka Pa Aupuni o Koholaloa Apana o Honolulu, 1 Lio k ulaula aole hao kuni, e kuai kudalaia ana, ke hiki aku i ka Poakahi, Maraki la 1, hora 12 awakea. He lio hou mai no kahi. Lio kane eleele kuapuka ak KN
WK
B R KAHANANUI
Luna Pa Aupuni o Koholaloa, Feb 26, 1875 691 1t*
UA KAPU LOA kuu mau aina ekolu, e waiho la ma Kalopa me Papalele, Hamakua, Hawaii, aole hele wale kekahi ano kanaka maluna o ua mau aina la me ke komohewa, a lawe i kekahi mea, ua papa loa ia. Ua kapu no hoi ke komo hewa ana o na ano holoholona a pau. Ina e loaa aku i kuu Luna, oia o John H. George a i kona mau hope paha, e uku no i $1.00 o ke poo. Ina e hoopoino i na mea kanu $5.00 ka uku. E lilo keia i Kanawai paa mai ka la e puka ai ma ka nupepa Kuokoa.
S E K NAIHEHAU
WAIALUA, OAHU, FEB 16, 1875 690 280 691
E IKE auanei na mea a pau ke nana mai lakou, owau o ka mea nona ka inoa malalo iho, ka Hope ponoi o L. PAAKUKU, ke hoolaha anu nei, ua kapu loa ka hele wale ana o na ano holoholona a pau maluna o ke Ahupuaa o Koauaula, e waiho la ma Kula, Maui. A ina e loaa kekahi holoholona e hele ana maluna o na aina ia i hoakakaia maluna, alaila, e hooukuia no e like me ke poho a ua holoholona la i hana ai.
DAVID P. ELDREDGE JR.
Honolulu, Feb 18, 1876 690 418 693
KUAI A KA ILAMUKU.
MAMULI O KA MANA O KA OLELO Hooholo i hoopukaia e ka Alii Kiekie ma ke Kaulike, ma ka la 7 o Ianuari, AD 1875, no ka pono o James Robinson, ka mea hoopii kue ia Abigaila Maikai a me John Meek opio, no ea $1029.91, ua lawe mai au a e kuai aku ana ma ke akea i ka mea koho kiekie, ma ka hora 12 awakea, o ka Poakolu, la 17 o Maraki AD 1873, ma Aliiolani Hale, i na pono ke kuleana a me na pomaikai a pau loa o Abigaila Maikai maluna o ka aina malalo iho:
O keia Apana aina a pau e waiho la ma ke kihi o na Alanui Puowaina a me Moiwahine i Honolulu, i haawiia e na Luna Hoona Kuleana Aina, Helu 148, a maluna iho ona he hale laau nui e ku la a me kekahi mau hale e ae.
A me keia Apana aina a pau e waiho la ma Waikiki, nona ma eka 3 00-100, i haawiia e na Luna Hoona Kuleana Aina Helu 7397, a maluna iho ona, ke ku la he hale laau, no ka moraki he $274 a me ka ukupanee.
A me keia Apana aina a pau e waiho la ma ke awawa o Manoa, nona na Eka he 22 98-100, eia ka Apana1, Pauku 1, Mahele 1 o ka aina i haawiia ma ka Palapala Hoona Kuleana Aina Helu 11.029.
A me kela Apana aina a pau e waiho la ma ke awawa o Manoa, nona na Eka aina 9 98-100, oia ka Apana 2, Pauku 1, Mahele 1, nona na palena i hookomo pa ia ma ka palapala kuleana maluna ae.
O keia mau aina a pau i haiia maluna ke paaia nei e ka aoao pale, oia o A. Maikai, no kona wa e ola ana.
A me na pono a pau, na kuleana a me na pomaikai o kela John Meek opio, i oleloia iloko o kela Apana aina e waiho ia ma ke Alanui Moi, Honolulu, e hoomaka ana ma ka aoao hikina ma o ko John Meek a me ko Kekaikuaaina e like me ke kuhikuhi iloko o ka Palapala Sila Helu 1009 ma ke alo o ke Alanui Alii a ma ka aoao Komohana e holo lalani ana a hiki i ka aina o J. Kaeo, e like me ke kuhikuhi ana maloko o ia Palapala Sila Nui, kokoke e 16 kapuai me 9 iniha mai ka aina mai o John Meek a holo aku a i ke Alanui Hotele me na hale a pau e ku la maluna iho,, a me na mea e pili ana maluna iho o ka aina.
A me na pono, kuleana a me na pomaikai o ka aoao pale iloko o keia aina, e waiho ia ma ke Alanui Moiwahine a i kuhikuhiia na palena maloko o ka Palapala Sila nui Helu 313, a nona na anana he 433 a me 31 kapuai.
Me na pono, kuleana a me na pomaikai o ka aoao pale iloko o keia aina e waiho la ma Moanalua, nona na palena i hoomakakaia ma ka Palapala Sila Nui Helu 1359, oia he 3 Eka a me 42-100.
Me na pono, kuleano a me na pomaikai o ka aoao pale iloko o keia mau aina e waiho la ma Moanalua nona na palena i haiia ma ka Palapala Sila Nui, Helu 2072, a i haawiia e na Luna Hoona Kuleana aina, Helu 865, nona na eka 9 a me 53-100 ka nei, a he 5 apana oloko.
Aia wale no ke koe e kela mau aina a uku e la mai ke kumupaa, na ukupanee, na koina, na ilio a me koʻu mau uku, a me ka uku Kommisina mamua ae o ka wa e kudala ai.
I na e makemake kekahi e ike i na kii a me na mea a pau e pili ana, e loaa no ma ka ninau ana i ke Keena o ka Ilamuku.
W. C. PARKE, Ilamuku
Honolulu, Feb 11, 1773 690 413 683
OLELO HOOLAHA
Oiai ua hookohuia mai makou ka poe nona na inoa malalo iho mai e ka poe. Hui no kakou ka aina kuai @ o Kealakomo ma Puna, Hawaii. Mai keia la aku ke papa a ke hookapu aku nei makou i na holoholo o kela a me keia ano e hele wale ana maluna o Kealakomo ma Puna, Hawaii. Ke loaa pono ia makou ia mau holoholona i papaia e koi no makou i ka uku, a e hoopii e like me ke kanawai o ka aina.
KAMA KAULUNAHELE
J MAHU E P HOAAI
Ianuari 13, 1875 @
$20.00 Makana!
E UKUIA KEIA MAKANA I KA MEA NAna e lawe mai ka
PU-WAHALUA
I nalowale ma ka Po Poaha Ianuari 21, 1875, ma Moanalua. O ka mea e lawe mai a e hai mai paha kahi e e hai ai e loaa iaia keia uku aole hoi e hoopiiia ana oia ma ia hope aku. E loaa no ka uku ma kahi o KINI hana wau
Honolulu. Ian 29, 1875 687 3ts
CECIL BROWN
Loio a he kokua ma ke Kanawai! A HE AGENA NO KA HOOIAIO ANA I NA Palapala no ka mokupunio Oahu.
Helu 8 Alanui Kaahumanu, Honolulu, H P A
688 1yr
J. PORTER GREEN,
" KEIKI O KA UAKIUKIU."
LOIO1
E HELE MAI NA MAKAMAKA A PAU IOʻU nei a na'u no e kokua @ o ka Aha Hoomalu a me ka Aha Kiekie, me ka uku haahaa makepono loa. Aia ka'u Keena hana ma kahi o ka Lunakanawai Hoomalu o Honolulu nei, oia ka "Ake," ma Alanui Kalepa.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHIO NNA HUINA o na Alanui Papu a me Hotele. Ala malaila na Wai Ala a me na Wai Kukini maikai loa e loaa ai. E hamama mau ana i na ahiahi Poaono a pau.
689 1y
MAMULI o ka mana i haawiia mai iaʻu mai a Hon. Chas. C. Harris, Luakanawai o ka Aha Kiekie, ke kauohaia aku nei au i na mea a pau, e hooana koke mai lakou i ko lakou mau bila aie o KUKONA UMI (w) i make, no Moanalua, Oahu.
Naʻu na J P GREEN
Lunahooponopono Waiwaino Kukona Umi i make
688 4ts 691
Kapili Kapuai Hao Lio!
OIAI UA LOAA I KA MEA NONA KA inoa malalo iho, he mea Kapili Hao Kapuai Lio o ka Helu Ekahi, nolaila, ua makaukau oia e kapili aku i na kapuai lio eha wawae no $2.00, a he $1.00 no ka elua wawae. Ala ka Hale Amara ma Ainahou, mauka iho o Hale Dute.
J T CHAYFER
Honolulu, Feb 18, 1875 690 418 683
MA KA EKALESIA o Kohala Akau, e halawai pu ai ka Aha Euanelio o Hawaii Akau, ma ka Poakolu, la 3 o Maraki ae nei - A ke kono ia aku nei naKahu o ke Kula Kaikamahine no ka Mokupuni, e kipa mai ia mau la a me lakou pu no hoi, na Kahu Ekalesia a pau o ka Mokupuni holookoa, a me na Lala o na Aha Euanelio elua e aku.
MA KE KAUOHA
Kohala Akau, Hawaii, Ian 14, 1875 688 318 790
KUAI A KA ILAMUKU1
JAS. I. DOWSEET,
vs.
IA WAIOKALEHUA
IMUA O KA HON. A. F. JUDD, KOKUA Lunakanawai Alua o ka Aha Hookolokolo Kiekie a me ke Kaulike.
Mamuli o ka mana o ka Olelo Hooholo a ka Aha Hookolokolo Kiekie me ke Kaulike o Hawaii Pae Aina i hoopukaia, ua loaa ka pono i ka mea hoopii i oleloia maluna, nona na Dala Eono Haneri Kanaiwa Kumamalua a me Iwakalua Kumamalima Keneta. ($692.25)
E kuai lilo aku ana au ma ke akea, i ka Poaono, la 13 o Maraki, 1875, ma ka hora 12 awakea, ma ka puka o ka Hale Hookolokolo ma Honolulu i keia aina, kona pono, kuleana a me na pomaikai o WAIOKALEHUA a me na mea a pau i pili i ka Pa Hale 1 moraki ia, i i hoakakaia malalo iho nei:
O kela mau apana aina a pau e waiho ana ma Waipio, mokupuni o Hawaii a me na mea maluna iho,
1 Hale, 17 Loi Kalo, 2 Loko Ia
ma Olepiula, nona na eka 3.20 ka ili, a i hoike pau ia na palena ma ka Palapala Sila Nui, Helu 3,737, me ka Hale laau pu e ku la maluna iho a me na pomaikai e pili ana.
Ina e hookaa kokeia mai na koina, a me koʻu uku, a me ka uku Komisina, alaila, ua hoopau wale ia.
W. C. PARKE, Ilamuku 690 318692
E. T. OʻHALLOLAN, Loio
KE PAPA IA AKU NEI NA MEA a pau, aole e hele ma ke kula a me ke kuahiwi o LUALUALEI, ma Waiane - aole e kii i na lio a holoholoa e ae ma ke kula, me ka ae ole ia. O na mea makemake e hele, e nonoi mua ia Keoki Gaibraith. Eia kekahi, ua kapu loa ua Kao, Pelehu, Puaa, Moa a peia aku, maluna o ka aina; ina i lalau kekahi mea, a hoopiiia oia ma ke Kanawai no ka aihue.
O ke kaio MAILI, ua hoolimalimia e aʻu ia Po, Mano a me Lino.
KIMO PELEKANE, (J. I. Dowsett)
Honolulu, Feb 13, 1875 689 318 691
Ke hoonoho nei maua ia Pahiha, i Luna a malama Aina, maluna o na apana o S Kaulia i make, o Hokukano me Heonaʻa ma Kau, Hawaii, e waiho ia Kiolokaa ke kolu o na apana i hoopukaia ma ka nupepa mamua iho nei. Na Pahiha e nana i na mea komohewa, a lawe hewa i kahi mau lihi o keia mau apana,, a mau holoholona paha, e hana no e like me ke kanawai
KANALOA,
S. KAULIA (OPIO)
KALIHI, IAN 7, 1875 684 2ms 691
KA KAUKA KILA LAAU OLA
Kupanaha
KA HOOLA NUI NO NA NALULU
A me na Eha - Rumatika, no na mai i
puka mai ma ke ano e o ka Opu, no ke
Ake a no ke Koko paha.
Oiai he laau kupono keiano ka ohana e malama ai ma ka hale, a he oi ae hoi ke ola i na laau lapaau e ae, kona pakele, hiiinaila a me ka maopopo lea. He mau lau nahele maoli wale no keia a me ka Huaale Ola Kupanaha, eia ma na Hale Kauka a pau.
O GEO. C. McLEAN oia ka Agena nui no keia Pae Aina. 684 6m
HE PAPA KUHIKUHI MANAWA HOLO
O KA
Mokuahi Hawaii
KILAUEA!
KAPENA MARCHANT!
Pokahi Mar 1 3 pm No Hilo
Poaha, Mar 11 3 pm No Nawiliwili
Poakahi, Mar 15 3 pm Kaapuni ia Hawaii
Poakahi, Mar 22 3 pm No Hilo a me Kaunakakai malalo a maluna mai
Poakahi, Mar 29 3 pm Kaapuni ia Hawaii
Ma keia hope aku, o na huakai a pau a Kilauea, e hoi mai ai mai Hawaii mai, aole e haalele ana ia Makena maua ae o ka hora 7 AM, aole hoi ia Kamaalaea a hiki i ka hora 9 AM.
Uku Eeamoku mai Honolulu aku
A hiki i Kaunakakai, a pela maluna mai $5.00
" Lahaina " " 6.00
" Maalaea " " 7.00
" Makena " " 8.00
" Mahukona " " 10.00
" Kawaihae " " 10.00
" Kailua " " 10.00
" Kaawaloa " " 10.00
" Hiko " " 12.50
" Kau " " 13.50
Uku kaapuni ia Hawaii 22.00
A hiki i na awa ia Kauai 5.00
Uku kaapuni ia Kauai 12.00
Uku ohua Hawaii oneki 2.00
Aole ale no na uku ohua
Ma ka Hale Oihana e loaaʻi na palapala
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakaola ka loaa ana mai.
E hookauia ka uku ukana i ka wa e noiia aku ai.
SAMUEL G. WILDER (Waila), Agena
Keena ma ka Hale Kuai Papa o Waikama, kihi o Alanui Papa a me Moiwahine. 563 3m 638
KO KALEPONI
LAAU KUNU OLA!
A ME KA MAI HANO.
He nui na Palapala mai na Haole e ae a hooiaio mai ana i ke Ola io maoli o keia Laau Kunu a Hanno. O keia ka laau ola a Mr. F. L. Such no na mai ma ke Ake-Mama, ka Ha o ka Leo, Ke Anu, ke Kunu, Kunu Kalea, Na Eha a pau ma ka Puu. E OLA NO HOI NA MAI HANO IKAIKA, KA UMII I KA HAUPO A o ka po Mai Ai-ai e loaa no ka oluolu nui ia lakou, ke ai i keia Laau. NO LOKO MAI O NA LAU NAHELE KEIA LAAU, AOHE MEA INO O LOKO NA KA POE E LAWE ANA E IKE I KA OIAIO.
Na Rula o ka inu ana:
Ni Kanaka Maku - 2 puna nui, e ekolu inu ana i ka la.
No Kamalii - 1 puna nui, i ekolu inu ana i k a la.
No Kamalii Aiwaiu - 1 puna ti, 1 ekolu inu ana i ka la
No ke Anu - Aia no i ka wa o inu ai, o ka po a me ke ao
No ka Puu Eha - E hoonui a e inu pinepine a hiki i ka emi ana o ka eha
No ka Eheehe - E inu liilii me ka hana mau nae
No ke Kanu Kalea - E inu no e like me ka ikaika o ke Kanu.
No ke Kaniai Eha - He pono inu no, a a ole e emo o ka pau no ia o ka eha, a poha maikai ka leo.
E loaa no keialaau lapaau ma ka Hale Kuai o
DILLINGHAM & CO.,
Ahikoe Ano hou
Ma ka Hale Kuai Mea Hao o DILLINGHAM & CO>, e loaa ai keia Ahikoe maikai
He hookahi Tsusani a me na Haneri keu no ka KENIKENI, Nani maoli no keia.
Nuhou o ka Haole.
DILLINGHAM & CO., Alanui Alii
OLELO HOOLAHA
Lole Makepono ke Kuike!
E LOAA NO IA MA KAHI O KAKELA ME KUKE
E LAA NA AHINAHINA, KALAKOA, KEOKEO LEPONALO
Pena, Aila, Aniani, Na Mea Piula, Kopa, Aila Honna, Aila Hoomaloo, Kui Kakia, Pakeke, Tsabu, Kaula, Noho lio, Hulu-nalaki, na Pulumi.
A he Agena no hoi no na Mokupuni o Hawaii nei no na
LAINAKINI-NAO, LAINAKINI-MAOLI, PALULE KALAKOA, ALAPIA KELEPA, KILISA, Na Lole kupono i ka wawae,
Palule Huluhulu, Na lole Huluhulu, Na lole no ka hoohehelo ana, Lipine, Lihilihi, a me ia meaʻku.
a he
MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c.
a he
LAAU LAPAAU KAULANA LOA A Dr. JAYNES.
Laau Kunu, Laau Hoomaemae Koko, Laau hoopau naio, Penikila, Huaale, a me na Laau Hame, a pela ʻku.
656 ly
OLELO HOOLAHA
A. S. HARTWELL, (HAKAWELA)
LOIO1
UA MAKAUKAU AU E HANA, A E HOOponopono hoi i na Palapala Hooilina, Palapala Kuai, Palapala Moraki a me na mea a pau e pili ana i ka Oihana Loio 670 1y
EDWARD T. OʻHALLORAN
LOIO!
UA MAKAUKAU I KE KAKAU PALApala Hooilina a kuai, me ka hoale dala pu ma ka uku panee haahaa no ka moraki aina; me ka kuhikuhi pu aku ma na Kanawai ke makemakeia no ka hooponopono ana i na waiwai paa.
Keena Hana ma Alanui Papu, ma o mai o ka Hale Kuai o Mr. Ira Richardson, Honolulu. 643 3m 643
ABERAHAMA KALAULI!
LOIO A KOKIʻA NO NA KANAKA HAWAII imua o ka Aha Hookolokolo a pau o keia Aupuni. 666 6m 600
KO DR. TROUSSEAU,
(KAUKA FARANI)
HALE KAUKA A KEENA OIHANA aia ma ke kihi o na haina o ka Alanui Papu a me Kalepa.
FRIEL & LAINE (Alani a me Laine.)
NA MEA KUAI MEA Alona lako ai a pau na mea ulu, a me na mea hoomomona lio. Halekuai malalo o ka Hale Mu, Alanui Papu. Honolulu 670 ly
NO KE KUAI
BERENA PAILATA
makepono.
BERENA PULUKAI
ai a ka Moa.
PAAKAI o KAKAAKO,
ma ke eke a tona paha.
WAHIE o ke ano maikai, oki a liilii ke makemake.
NA POHAKU, POU.
KIMO PELEKANI (Jas. J. Dowsett)
Kihi o Alanui Moiwahine a me Papu. 631 3m
KA B.H. LAIANA
LAAU LAPAAU AWILI OLA.
No na mai ino, e laa ka Rumatica, Ka Hano, Ka hoi o ke kino, Ke pohapoha o ka ili, Nawaliwali o ke kino, Na mai wahine, a mai o ka puu, ke ake a me ka puuwai!
E loaa no maka Hale Kuai o Dilinahama ma, Agena.
Honolulu, Oct. 6, 1874 671 6m