Ka Nupepa Kuokoa, Volume XIV, Number 4, 23 January 1875 — Page 4
| This text was transcribed by: | Mary Nishioka |
| This work is dedicated to: | Hawaii Council for the Humanities |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Papa Kuhikuhi Manawa o na moa Kaulana o Hawaii nei.
Ka Mookuauhau a he Papa Hoomanao, i na mea Kaulana o na Moolelo o Hawaii nei.
1784 Luku nui ia na’lii me na makaaiana na ua kukulu ia, Kaualua ma Moanalua. Ua kapaia o Kapoluku.
1784 Make o Keaulumoku.
1784 Hapuu, oia o Kauhola.
1784 Kipi o Kalanoilamoka make ma Pakui i Olomana ; make o Kaneoneo ma, ma Kalamakae i Wahiuekapu.
1785 Holo o Kaiana a me Namakeha i Kauai.
1785 Hoao (mare) o Kamehameha me Kaahumanu.
1785 Ku mai ka moku o Kapilikanaliki me Kilo.
1785 Laupahoehoe elua.
1786 Ka mai o Lode, o Olo me Kapilimoka, me Kapena Kaoe, nolaila mai ka ilio o Boti.
1786 Noho mai o Amara me Kaeo, a ua loaa main na ilio hae o Makaeha ma.
1786 Ku mai o Lopailani.
1787 Holo o Kaiana i Kahiki me Kapena Kane.
1787 Hanau o Boti. Na Kekuamanoha me Kamahukilani.
1787 Hanau o Heneri Opukahaia ma Kau Hawaii.
1788 Ku mai ka moku Koneaka me Makalawena, he aikane na Kalaikupule.
1790 Ku mai ka moku Okaka me Elenola ma Honuaula.
1790 Lolopahu ma Honuaula i ka moku Elenola.
1790 Noho o Olohana me Aikake i mau haole na Kamehameha.
1790 Kaua o Kepauiwai ma Wailuku.
1790 Kaunakakai mua, oia ka waa nui.
1790 Make o Keawemauhili ia Keoua ma Alao.
1790 Kaua Koapapaa.
1790 Ka mai ka moku o Kapena Kane me Kaiana ma Kawaihae
1791 Pahu o Kaeokulani i kana laau Pololu iluna o Kauiki ; no ka olelo ia “o Hana aina ua lani haahaa.”
1791 Mai Hana nei aku o Kaeo a Waipio hoohiolo i ka Paepae kapu o Liloa me kanioi o Pakaalana.
1791 Kaua o Kepuwahaulaula.
1791 Kaua o Kaiana me Keoua ma kalae Ohulelua me Puuokokoki.
1791 Hana ia o Puukohola.
1791 Deke. Pau o Peapea ke’lii kaulana i ka pauda ma ka Puu o Kauiki, a make ma Honokohau.
1791 Kaua ma Nuuanu a make o Kalaikupule.
1792 Make o Keona ma Kawaihae no ka malimali ia.
1792 Hiki mai o Oliva Holmes a hole aku no i Keomolewa. I ka A. D. 1794 ua noho me Kalaikupule.
1792 Hanau o Kuakamauna na Peapea me Lonohiwa.
1792 Hiki mua mai o Vanegoua ma Hawaii nei.
1792 Make o Kahekili ma Oahu.
1792 Hanau o Ahukai na Manono, Kauakapakulani me Kailinaoa.
1792 Noho alii o Kaoe no Maui.
1792 Ku mai ka moku Beritania Daedalus ma Waimea Oahu.
1792 Ku mua mai o Wahinekopa Mar. 3.
1793 Ku mua o Wahinekopa ma Lahaina Mar. 12.
1793 Hanau o Kekuanaoa, ma Keomoalii Keokea ; na Nahiolea me luaina.
1793 Ku alua o Vanegoua ma Hawaii nei.
1794 Aug. 15. Kaua o Kalaikupule me Kaeo ma Kukui, a ua ike laua ma Kalapawai o Kaelilua ia Kaua.
1794 Ku mai ka moku Kapena Koki, me ka moko Kapena Bapa.
1794 Nov. 16. Ohumu iho la na hookele e make o Kaeo ma ka moana. Manao iho la o Kaeo e Kaua i nui ka moepuu.
1794 Komo mua ka moku ma ke awa o Kou o Jackoll me Prince Leboo.
1794 Kokua na haole mahope o Kalaikupule
1794 Nov. Dek 6. Hoouka kana nai loa a make ekolu haole ma Puuaahawele ; a ua lanakila mau no o Kaeo.
1794 Dek. 21. Hoouka kaua nui loa ma Kalauao mauka a ma na waapa. Ua make o Kaeo. Ua kapaia ia kaua ana o Kukiiahu.
1787 Hanau o Liholiho I. Kamehameha II.
1797 Make o Namakeha ma Hilo.
1798 Hoomakaia ke kalai ana i ka Pelelou.
1801 Hiki ka Pelelou i Kawaihae.
1802 Hiki ka Pelelou i Lahaina.
1802 Make o Kameeiamoku me Lahaina.
1803 Hiki ka Pelelou i Oaha.
1804 Mai Ahulau Ohua.
1808 Ualakae, nona ka iaoa oia pau Ualakua.
1809 Make o Kauihoaui.
1810 Ka ike ana o Kamehameha me Kaimuahi.
1812 Hoi o Kamehameha i Hawaii.
1812 A hana ia ka Pa o Kiholo
1814 Dek. 11. Hana u o Kauikeaouli Kamehameha III.
1815 Hanau o Nahienaena.
1816 Hiki mai na Lukini.
1817 Paa ka Papu o Hoaolaia Ionaari.
1819 Mei 8.Make o Kamehameha I a lilo ke Aupuai i kana Keiki ia Liholiho.
1818 Feb. 17. Make o Opukahaia ma Amerika.
1819 Ainoa o Liholiho Kamehameha II. Ma ka po ibo o Kukahi. Oct.
1819 Ainoa ma Oahu. Nov.
1820 Kaua ainoa ma Kuamoo a make o Kekuaokalani lau.
1820 Pae mai na Misionari mua o Binamu ma Mar. 30.
1820 Ae molale mai na lii o Hawaii nei i na Misionari e hoao i ka lakou hana Ap. 12.
1820 Holo o Rev Wini me ke keiki i Kauai lui.
1820 Hoike kula mua i Honolulu, Sept. 14.
1820 Holo o Liholiho i Maui Dek.
1820 Kaua o Kauai oia o Kepuwahaulaula.
1821 Hoi o Liholiho i Oahu ; Feb 4.
1821 Hiki loa o Liholiho i Kauai Iur. 22.
1821 Ahaolelo o Liholiho me Kaimaulii Iul. 23.
1821 Hoolaa ia ka Luakini mua ma Honolulu Feb. 15 (Aole i pau.)
Olelo Hooholo o ka Aha Kiekie.
Aha Hookolokolo Kiekie o ko Hawaii Pae Aina, Kau o Ianuari 1875. Kahawaii Collins a me Charles W. Collins vs Akoi Pake. Imua o Harris a me Judd na Lunakanawai. Me ka Jury ole.
He hoopii kipaka aina keia, a ke olelo nei na mea hoopii o Kahawaii Collins ka wahine o Charles W. Collins, oia ke kaikamahine a Paniani i make ma ka makahiki 1853, a ua kuleana oia i kekahi hapa o ka aina i hoike ia ma ko lakou palapala hoopii, a na Paniani hoi ia Waiwai i kona wa i make ai. Ua ae no ka mea i hoopiiia aia ia ia ka aina e hana ia nei kahi i paa ai, a ua loaa kona kuleana i ua aina nei mai a Kamauoha mai he keiki na Pauiani i make.
Ua maopopo mamuli o ka olelo o na hoike a me na mea i ae la e na aoao elua he mau keiki ka Paniani i kona wa i make ai, o Kahawaii ka mea hoopii, ua nui a ua hele ma kahi e e noho ai, a o kekahi mau keiki hoi ekolu elua kaikamahine a hookahi keiki kane Kamauoha he poe opiopio lakou i kona wa i make ai. Ua make o Paniani i ka mai hepela ma ka mahina o Dekemaba 1853.—A ua maopopo no hoi ua make kona mau keiki a pau, me ka loua ole o ko lakou mau keiki, koe wale no ka mea hoopii, Kahawaii Collins a me Kamauoha, a ua ae ia ua like ke kuleana o ka mea hoopiiia me ko Kamauoha ma keia hana.
Ua waiho ia mai ma ke ano he hoike he palapala, a penei ka heluhelu ana o ia palapala.
“Kemakepapa la 19, 1853.
Owau no ka mea ka inoa—Paniani ke hooili aku nei au i ka aina a me ka hale a me ka lio no Kamauoha o na kaiku’hine malalo o Haumea ka mea malama ia lakou e hooponopono i ko lakou waiwai me ia no a pau kona ola.
NAU NO PANIANI I HOOILI AKU A MAU LOA AKU X.
Ikemaka.
Puamana,
Kanui,
Kahue,
Luiki,”
Ua pili ka huaolelo “lakou” i kona mau keiki a pau. Ua kakau ia paha keia palapala me ke akahele loa e kekahi mea naaupo, a ua hooiaio ia e ka Lunakanawai Andrews, oia no ka Palapala Kauoha hope loa o Paniaai, ma ka la 15, o Novemeba 1854. A na ae ia aole waiwai e ae a Paniani koe wale no ka aina i hoakaka ia ma ka palapala hoopii. O ka mea wale no i koe ia maua e hana aku ai o ka hoomaopopo heaha la ka manao maoli o keia Palapala Kauoha aole no hoi ia he mea paakiki i ka nana aku. Aole i maopopo ia maua ka makemake o ka mea nana keia palapala e hooili ia Kahawaii i kekahi mea, no ka mea ma ia wahi no oia i olelo ai o Haumea ko lakou kahu, o na kino a me na waiwai, o ka huaolelo i maopopo ai ke kahu, oia no ka huaolelo Malama e malama ia lakou—a ole no i maopopo ua kupono e malama ia o Kahawaii e ke kahu no ka mea ua nui oia a na hele aku ma kahi e—Aka ma ka hooholo ana i keia hihia aole no he mea nui ka hooholo ana no ia mea. Ua hooili ka palapala kauoha i ka waiwai i ke keiki kane o ka mea nana ua palapala nei Kamauoha a ua kauoha ia e noho kona mau kaikuahine malaila malalo ona—Nolaila aole waiwai o na keikuahine i make o ili aku ai i kekahimea—O ko laua koleana noho he kuleana noho wale no maluna o ka aina oiai laua e ole a na. Nolaila ina he kuleana ko ka mea hoopii he kuleana wale no kona e noho ma ia wahi—a nolaila ma keia hoopii ke hooholo nei maua ma ka aoao o ka mea i hoopiiia.
CHAS. C. HARRIS
A. FRANCIS JUDD.
S. B. Dole no na mea Hoopii.
L. McCully no ka mea i Hoopiiia.
Honolulu Ianuari 14, 1874.
HE HIMENI!
Loudest Song.
Golden Censer p. 76.
I.
Eia mai ka la hoano e ;
Ala awiwi, e na kamalii,
Ku a naue olioli ae
I ke kula e, Kula Sabati.
Cho.—Wa maikai, maikai, makai e hui ai
Ma ke kula nei, kula Sabati;
Oli e, hooho oli, oli e
No ke Kala Sabati.
2.
Maikai no na home o kakou,
Na hauoli e me na hana pu;
Oi nui nae na pomaikai
Ma ke kula nei, kula Sabati.
Cho.—Wa maikai, maikai, &c.
3.
Nani e ke Kula Sabati,
Na haawina ao, me na himeni,
Pauku gula, oa ninau maikai,
Na olelo paipai e huliai.
Cho.—Wa maikai, maikai, &c.
4.
Oli, e hookani ole e,
Na makua e, me na kumu nei,
Oli pu oukou, e na pokii,
No ke kula nei, Kula Sabati.
Cho.—Wa maikai, maikai, &c.
5.
Kii, e kii ae i na kamalii,
I ka poe auwana a hune e,
Kai aloha mai i komo ae
I ke kula nei, Kula Sabati.
Cho.—Wa maikai, maikai, &c.
HAWAII.
HAAWINA KULA SABATI.
HELU 6. SABATI, FEB. 7.
KUMUHANA—Ka hewa o Akana.
PAUKU BAIBALA. Iosua 7:19-26.
19 OLELO mai la o Iosua ia Akana, E kuu keiki, e hoomaikai aku oe ia Iehova, i ke Akua o ka Iseraela, a e hai maopopo aku iaia a e hoike mai ia’u i ka mea au i hana’i. Mai huna ia’u.
20 Pane aku la o Akana ia Iosua,i aku la, Oiaio no, ua hana hewa wau ia Iehova i ke Akua o ka Iseraela, a penei no hoi ka’u i hana aku ai :
21 I ko’u ike ana aku maloko o ka waiwai pio, he aahu maikai no Babalona, a elua haneri paha sekela kala, a me kekahi auka gula, he kanalima sekela kuku iho la au, a lawe no ; a ua hooia ma ka lepo maloko o ko’u halelewa, a aia ke kala malalo iho o ia mea.
22 Hoouna aku la o Iosua i mau elele, a holo kiki lakou i ka halelewa: aia hoi, ua hunaia, maloko o ka halelewa, a o ke kala hoi malalo iho.
23 A lawe lakou i ua mau mea la mawaho o ka halelewa, a lawe mai la i o Iosua la, a i na mamo a pau a Iseraela, a halii iho la lakou ia mau mea imua o Iehova.
24 Lalau aku la o Iosua, a me ka Iseraela a pau ia Akana, i ke keiki a Zera, a me ke kala, a me ka aahu, a me ka auka gula, a me kana mau keikikane, a me kana mau kaikamahine, a me kona mau hipi, a me kona mau hoki, a me kona mau hipa, a me kona halelewa, a me kona mau mea a pau, a lawe ia lakou i ke awawa o Akora
25 Olelo aku la o Iosua, No ke aha la oe i hana ino mai ai ia makou ? E hana ino mai ana o Iehova ia oe i keia la. A o ka Iseraela a pau, hailuku aku la lakou iaia i ka pohaku, a pau ko lakou hailuku ana i ka pohaku, pupuhi iho lakou i ke ahi
26 Hoopuu iho la lakou i ahu pohaku maluna ona, a hiki mai i neia la. Alaila huli mai la o Iehova, mai ka wela mai o kona huhu. No ia mea, ua kapaia’ku ka inoa o ia wahi, o ke awawa o Akora a hiki i keia la.
PAUKU GULA. “ E manao, a e malama ia oukou iho i ka puaiwaiwai.” Luk. 12;15.
MELE. Him.342, 7-6 Leo.
E ku, e ku no Ieso,
Na koa paio nei,
E kau ka hae iluna,
E paa o lilo e;
E holo lanakila,
E hee ka enemi,
E lilo Iesu Christh
I Haku i Moi.
NA NINAU A NA KUMU.
P. 19. Pilikia ka poe Iseraela; ua lanakila mamua me ke kaua ana ‘ku ia Ieriko. Ua pau Ieriko. Aka, ma ka hele ana e kaua aku ia Ai, oia hoi ke kana elua, pelakou ? p 4,5. Pehea hoi o Iosua ? p 6-9. A pehea Iehova i paoe a kauoha mai ai ? p 10-15. A pehea Iosua i hana’i? p 16-18 Aia ka hewa o ka lanakila ole maluna owai ? Loaa pehea ? Heaha ka Iosua olelo ia Akana ? p. 19. Ehia kauoha? Ehia papa ?
P 20, 21. Ua hoolohe anei o Kana i ka Iosua ? Ua ae anei i kona hewa ? Ehia hawa ? Ike, koko, lawa i ehia mau mea ? A huna mahea ? Ehia dala ma na aekela dala he 200 ? Ehia sekela ma ka auka gula, oia hoi 50 sekela gula ?
P 22, 23. Ua oiaio anei keia hai ana a Akana ? Mahea i loaa’i na mea i aihueia ? Ua laweia a waihoia imua o Iehova heaha ia ? Ua waihoia imua o ka pahu herita.
P 24 Mahea i laweia’i i na mea a pau o Akana ? Mahea ke awawa o Akora ? Ma ka palena akau o ludea e kokoke ana paha ia leriko. Nohea ka inoa Akora ? No keia hoopilikia ana o Akana i ka poe Iseraela.
P 25 Heaha ka hoopai ana ia Akana ma ? Heaha ke kanawai ma Kanawailua 17:2—5 ?
P 26 Heaha ka hana i hoomanao mau ia’i keia hewa o Akana ? Mahea kekahi hana like ? 2 Sam. 18:17, 18. Pehea ka huhu o ke Akua ? Ma ke aha e pau ai ke wela.
MELE Mele hou 8-7 Leo.
1. Pilikia Iseraela,
Huli hope a auhee.
No ke aha ? No ka hewa
A Akana i hana’i—
Kuko i ka waiwai pio,
Oia hoi ka waiwai laa,
Dala, Gula lole naui,
Lawe wale a huna.
2. Wela ko ke Akua inaina,
Aole ia i kokua mai,
A hoomaka e lauakila
Na puali enemi.
Huliia a loaa mai la
Ko Akana hewa nei ;
Pau no ia me kona ohana,
Pau pu kona mau waiwai.
NA NINAU A KE KAHU.
Na kane Mahea ke kaua mua o ka poe Iseraela ma Kauaaaa ? Lauakila anei ? No ke aha ? Mahea ke kaua elua ? Lanakila auei ? Ua aha ? no ke aha ? Nawai i hai i ke kumu o ka lanakila ole ? Kubi anei o Iosua, aole i hewa ka poe Iseraela ? Pela anei kekahi mau Kahu Ekalesia, kuhi, aole pili ka hewa i ka ekalesia no ka huli ole mai o ka poe hewa ? Hoopaanaau Isaia 59: 1, 2.
NA WAHINE. Owai ka mea i hewa ? Heaha ka hewa o Akana ? Heaha kana i ike ai ? Ua hewa anei kona ike ana ? Pehea Ioba 31:1 ? Solomona 23:31 ? Pehea Iesu me Mataoi 5 ; 28 ? O ka nana loihi ana ka ma ka mea i hookapuia, oia anei ka hewa ? Heaha ka hewa o Eva ? Hewa aoei ke kuko i ko hai ? Ke kanawai ehia i papa i ke kuko ?
NA KEIKIKANE Hai mai i ke kanawai 10 Heaha kai papaia ? He waiwai aha ka Akana i kuko a lawe ai ? He waiwai lua no Iehova, Mok. 6: 18, 19, 24. Ua nana, ua kuko, a ua aha o Akana i kekahi hapa o ka waiwai laa ? Hai paanaau Iakoba 1 ; 15.
NA KAIKAMAHINE. Heaha la ka manao o Akana i kona lawe malu a huna ana i keia waiwai laa ? Manao paha oia aole he mea i ike, ua hole i ko Iehova ike ana.
Aole auei oukou i hoohalike me ia i kekahi mamua, lawe malu a huna i kekahi mau mea me ka hoole, aohe mea i ike, aole o ke Akua maka e ike ai ? Makemake anei oukou e hele kekahi e huli iloko o ko oukou mau hale malalo ae o na moena, maloko o na pahu ? A huliia e loaa ana ke aha ? Heaha ka hope o ko Akana hewa ? Heaha ko oukou hope ke hoohalike me ia.
NA POKII. Heaha ka oukou i lohe ai ma keia haawioa ? Hele ka poe Iseraela i ke kaua, Ianakila ole, auhee aku, make kekahi poe i na enemi. Owai ka mea nona ka hewa ? o Akana. Heaha kona hewa ? aihue i ke dala, ke gula, i ka lole nani, a huna maloko o kona hale lewa ? Nawai ia mau mea ? no Iehova. Owai ka i ike i kona aihue ana ? Aia mahea na maka o Iehova ? Hai paa naau mai Solomona 15; 3. I na ike oukou i kekahi mea maikai, a maoao e lawe malu, heaha ka oukou e hoomanao ai i mea e pale aku ai i ka aihue ? ko Iehova mau maka. Pehea na keiki a Akana, ka makua aihue ? Make pu ea, no keaha ? Malama ua like pu. Heaha ka hope o ka poe aihue ? I Kor. 6; 10. Heaha ka pono? Epeso 4; 28.
NA KUMU. Hai mai i na Akana i keia wa. Ka poe hooko ole i na hoohiki, e hana malu ana i ka hewa, e hana ana i ke hewa ma ka hale, ka omole rama, ka baka a ipu baka, ka opioma, ka pepa lealea a pili waiwai, ka moe kolohe, moe mauuahi, ke dala, ke gula, ka lole, ka a ua ana i ke kala kokua, i ua hapa umi i laa no Iehova, a pela aku a nui loa. Marati 3:8. Nolaila ane ka lauakila ole o ka poe pono, ka hapa o ka poe huli mai, ka lauakila ana o ka hewa ? Heaha ka pono ? Pehea Auauia ma ?
MELE Mele hou 8-6. Leo
1. Pehea la ea e kaua ai
A lanakila e ?
Pehea la hoi e huli mai
Na kini paakiki ?
2. Makena na Akana e,
Ka poe i alalai,
Ua lawe, aoa, houa o
I ko Iesa waiwai.
3. E pau, e pau na Likano nei,
Na mea alalai,
Alaila lenakila e,
A huli nui mai.
PULE i laweia’ku na Akana, na hewa aihue ana a pela aku.
HAAWINA KULA SABATI NO Feb. 14. Iosua 8:30-35. PAUKU GULA. Kauawailua 30:19.
HAWAII.
Na kookoo, kea no, ka paa, ke kulaualana, ka uhaiia, ka hoomalooia.
Ua akaka ke ano o ke kookoo maoli, he laau kokua ia i ka naue ana o ka poe palupalu, nawaliwali, na elemakole, na luwahine, na kolopupu.
He mea hoi ia e poa ai Iakou, a hina ole ke panauea aku.
He mea hoi ia e hanohano ai kahele ana o na keoaimana.
Ma ka hoopili ana. He mau kokua oa kookoo no oa auponi elua, ke aupuni o ke ao nei, a me ka aupuni o ke Akua Aole nae he pono ke kuhiia, elua aupuni okoa.
Hookahi no aupuni, kookahi no alii nui, oia hoi ke Akua mana nana i hana oa mea a pau loa ma ka lani, a me ka houua nei. Elua nae mahele, no kea ao nei kekahi mahele, a no ka lani kekahi.
E nana mua i ke aupuni o keia ao e like me ke aupuni o Hawaii nei. He aupuni hou keia, aole kahiko loa.
I ke au ia Kamehameha I ka hoohui ana o na mokupuni, o na aina, o na aupuni liilii o Hawaii nei, a lilo i aupuoi okoa hookahi, a kapaia, ke aupuni o Hawaii nei. Kamehameha I ke alii, ka Moi mua, Liholiho I, ka Moi elua, Kauikeaouli ka Moi ekolu. Liholiho II. Oia hoi Alekanedero, ka Moi eha. Lota Kamehameha ka Moi elima. Lunalilo ka Moi eono, a Davida Kalakaua ka Moi ehiku.
E hoomanao kakou, o kahiku, he helu ano nui ia. Oia ka welau, ka piko o ka hemolele. Oia ka helu piha o ka maikai, a me ke ino.
Ehiku au Alii Hawaii. Ehiku kookoo alii nui me oa kookoo alii auku iho. Eono kookoo nui i uhaiia, a hoomalooia me oua ma u kookoo uuku iho, oia hoi na luna aupuni.
Hookahi au alii, hookahi kookoo nui i koe me ona mau kookoo malalo iho, na kuhina, na lunakanawai kiekie, na kiaaina, ua lunakauawai apaua, na ilamuku, na makai nui, na makai malalo iho. E pono paha ke huiia na kahukula me ua kumukula.
Akaka na kookoo o ke aupuni o keia ao. Akaka kou mau kookoo, e Hawaii o Keawe. Na mea keia, na pou, na pouhana, na kia, na kao, na kaola, e paa ai oe.
I hiki nae ke paa a kupae oe, heaha ke ano pono ke kapili aku i kou mau kookoo? Hoolohe, a e hai aku au.
1 E hoomanao, e hoopau naau loa, ke Akua ka mea nui, ka mea mana, ke Poo o na mea a pau ; ia ia ka mana e paa ai, ia ia ka mana e hiolo ai na aupuni o keia ao. E makau ka Moi, na ‘lii na luna a pau ia ia . Mai hilahila i ka hoopuka ana i kona inoa, i ke noi ana ia ia, i ka hoomaikai ana, i ka malama ana i kona mao kauawai, me ka paipai ana i na kanaka, i na kamalii, e makau i ke Akua, e malama i kana mau kauoha. E haalele i na mea kue i ka makemake o ke Akua. E hana i na mea kupono i kona makemake. E hoomana ia Iehova me ka oiaio; mai hoomana i na akua e. Na hana keia a na’lii, a na luna i paa ai na aupuni kahiko, a i keia wa hoi. Na hana kue i keia, na mea i hiolo ai na aupuni kahiko. A e hiolo auanei hoi na aupuoi o keia wa, ke haua ole na kookoo, na lii, na luna, e like me na kuhikuhi maluna.
2 E hoonaauao na kookoo, na alii, na luna, ia lakou iho no ka lakou mau oihana. Mai komo wale iloko o na oihana nui pohihihi me ka naaupo, a me ka makaukau ole Mai hoakamai, a kaena, a kuhi, na makuakau, ua pau ka hemahema. Pehea na kapena moku, kahu moku, Pailata moku, ke hawawa, a ike ole i ka oihana pili i ka hookele pololei i ka moku ? Aole anei lakou e hooholo, a hooika aku i na moku ma na pohaku, a ili a nahaha liilii na moku ? E huli i na buke kuhikuhi oihana, e noonoo, e ninau, e kuka me ka poe ike. E noi aku i ke Akua, o like me Solomona, e haawi mai i ka naauao, i ke akamai no ka hooponopono ana i na oihana aupuni. Mai hookaawale i ka poe haipule, i ua kanaka o ke Akua, i na kahu ekalesia, i na kahuoapule. He poe naauao lakou, he poe launa me ke Akua, he poe piha i ka Uhane Hemolela, he poe aloha i ke aupuni, a hiki ke kokua ma ke kuhikuhi ana i ka aoao pono. Holo pono oa hana a na alii Iodaio i ka wa i kuka pu ai na alii me oa kaula, me na kahuua pono. A i ka wa i haalele ai oa ahi i na kaula, a pela’ku lanakila na enemi, poho ke aupuni. E nana pono na kookoo nui i ko lakou koho ana i na kookoo malalo iho E huli, e ninau, e koho i ka poe kupono. mai oaoa i na makamaka, a hoopunahele ia lakou, a haawi ina oihana ia lakou no ko lakou hoopili ana mai, a kokua mai paha ina wa pilikia; oiai, aole i loaa ia lakou ka makaukau no na oihana, aole hoi e mahaloia ana e hai ke loaa oa oihana. Noonoo pono, mai koho i na kookoo paa ole, popopo, kulaualona, hookele hoolalau, Ina mahope o ke koho ana, na ikeia, he mau kookoo paa ole, popopo, kupono ole, hawawa, e hooi ka aku ana i ke aupuui maluna o na pohaku, o aha ai ia mau kookoo, e hoolei aku, e hoopau i ke ahi, a e pani i na hakahaka me na kookoo pau a maikai.
3 E hoomanao. Elua ao mahele o na kookoo: na kookoo o ke aupuni o keia ao, na alii, na Iuna aupuni, a na kookoo o ke aupaui o ka lani, oia hoi na kahuaapule, oa luaa ekelesia, na ekalesia, na Sabati, na kula Sabati, ka Baibala.
Aole make e hookaawale loa ia keia mau papa kookoo elua. E liko me na papa kanawai elua, pili kekahi i ke Akua, a pili ka lua i na kauaka. Hookahi nae huina kanawai. Ina i haihaiia kekahi, na pau loe i ka haihaiia.
Ke hiliuai nei keia mau papa kookoo elua kekahi maluoa o kekahi, a kokua a kokua mai. Ka pono nui no ia. Na na kookoo, na alii, na luna aupuni, e kokua ma ka hoomalu ana i oa kauwa a ke Akua a me ka lakou mau oihana. Aole make e keakea, a hoehiolo i ka kalou mau hana pono,ma ke kauoha ana, papa ana, hana ana i oa hewa. E bilioai nui lakou me ko lakou mau pule aua, kuhikuhi ana i ka pono, i ka mea e pono ai ke aupuni. Ke Akua nae, me kana olelo, ka Baibala, na kookoo paa loa o hiliuai mau ai. Na kookoo kaneka, aole paa, o hiaa ana, e hoomalooia ana. Ke Akua nae me kaua olelo o mau loa ana no laua.
HAWAII.
O ka nui o na koa e uku mauia nei o Amerika Huipuia, na hiki aku kona heluua i ka la 30 o Iune, 1873, i ka 238, 411. Mai ia wa mai a hiki i Iune 30, 1874, he 10, 496 mau inoa hou i hookomoia mai, a he 12,656 i haule aku mai ka papa inoa aku mamuli o na kumu he make a me kekahi mau mea e ae. O ka heluna o ma inoa o ka poe uku mau i ka la 30 o Iune I hala, he 236, 241 ; a o ka Helena dala nui i akuia ai, he $26,254,071 i ka makahiki i hala. Mailoko mei o keia heluna inoa, he 102,457 mau koa nawaliwali, he 107,516 mau wahine a na koa make a me na makamaka kuupuno e ukuia aei ; 1,551 mau koa moku kaua, a he 1,785 mau wahine a na koa moku kaua a me na pilikana. Mawaho ae o keia poe, eia ke ola nei, he 17,620 poe koa o ke kaua o ka 1812, a me 5,312 mau wahine a na koa o ia wa, e uku hoomauia nei. Ma ka hoomoakaka pokole ana no na lilo i keia poe uku mau ia, penei no ka mahele ana :
I na koa aina ……………………………………………………………..he $10,853,000
I na wahine Kanemake a na koa aina…………………………………… 16,994,000
I na koa moana………………………………………………………….. 174,200
I na wahine Kanemake a na koa………………………………………… 367,500
I na koa e ola nei o ke Kaua o 1812……………………………………………1,589,000
I na wahine Kanemake a na koa o 1812…………………………………. 616,000
I ka pau ana o ka makahiki aupuni i lune 30, 1874, he 410 mau wahine a na koa e koi mai ana i uku no lakou. Ke makemake nei ke kuhina kaua e hookawale i $30,500,000 no ka makahiki e pau ana i Ione 1876. Aole paha he aupuni malalo o ka la i oi ka manawalea ana i ko lakou poe koa nawaliwali, elemakule a me na pilikana o na koa i laweia e ka make e like me Amerika Huipuia.
KE KUOKOA no 1875.
E IKE auanei na kauaka a pau, mai Hawai a Kauai,ma keia, ke hoike aku nei au, e hoomauia aku ana no ke pai ana o ke KILOHANA POOKELA O KA LAHUI HAWAII i ka makahiki 1875 ; a e hoounaia ana na pepa i ka mea a mau mea i uku mua wale no maloko o ke ope a ma ka wahi pakahi paha e like me ka makemake o ka mea i hookaa mai. O ka uku nupepa o ka makahiki, e mau ana ao ia e like me ko keia wa, he
Elua Dala wale no !
ma ke kuike nae, oia ka rula.
Kii Makana o Kamehameha I !
No ka poe hookaa mua iloko o Ianuari, he Elua Dala o ke kope no ka makahiki, e haawi makana wale aku ana makou i ke kai o ka Na i Aupuni Kaulana Kamehameha I. Aia ma Nu Ioka kahi i hoomakaukauia ai a nani loa, aka, e hiki mua mai ana maanei mamua o ka hoomaka ana o ka makahiki hou. Aole loa e hoounaia’na i kekahi mea ina aole i hookoa mai, aole hoi i kekahi kauoha me ke dala pu ole mai.
E hoomaopopo ka poe lawe nupepa, ina aole e ukoia kekahi nupepa e hoounaia ana uamua iho o ka la 1 o Feberuari, alaila, e hoopaaia ana ia pepa me ka hooloihi ole. O ko makoa rula keia i lohe ka lehulehu, no ka mea, aole e hiki ia makou ke pai i na nupepa me ko oukou uku ole.
E hoonaniia ana ka pepa me na wehewehe manao maikai, naauao, au hou o na Aina e, na nu hou kuloko, na palapala ano oaauao, ua kaao a me na mea ano like. E hooikaika ana makou o oi ae ko keia makahiki mauua o kela i hala. A oiai hoi, e hoihoi ia mai ana ia makou ka hooponopono o ka Auao 4, ma ka la I o Ianuari, nolaila, ke manao nei makou, e nui loa ana na mea heluhelu i keia makahiki 1875 ae, a e makepono ana ke dala ke lilo ao ka ai a ka noonoo.
Ke paipaiia aku nui ae Luna a me ka pae Lawe Kuokoa, o keia makahiki 1874, e hookea mai i ko lakoa mau koena aie i keia manawa me ka hookaulua ole, o nele ana nei lakoa i ka nupepa ole no ka makahiki hou. H.M. WINI,
Luoa Hoopuka